أسيره تحت ظل القمر الجزء الأول - البارت ال3 - بقلم شهد عبد الهادي عيساوي محمد - مكتملة | روايتك

اسيره تحت ظل القمر وحشتوني اوي والايام دي كانت طويله عليا بس كتبت أحداث حلوه هتعجبكم 😁 بحبكم اوي ❤️❤️❤️ البارت 3 نور :امرك يا قمر رايح على فين، قمر :دا ميخصكش ولو جيت وملقتكش موجود في القصر هتشوف وشي التاني وانت في غنى عنه، نور :واطلع ليه هو العمر بعزقه سلام ياحبيبي، وخرج قمر من قصره بعد ما غير ولبس هدومه وراح عند شخص مقرب ليه اوي.. وبعد نصف ساعة.. وصل قمر لبيت يونس وطرق الباب وفتح يونس الباب وفرح لما شاف قمر واقف على البابوقاله :اهلا اهلا دا حماتك بتحبك الاكل جاهز يلا عشان ناكل، قمر :اسف بس ليا خمس دقايق أكل فمش قادر معلش مره تانيه، يونس :يلا ادخل ياعم دا البيت بيتك، دخل قمر جوا بيت يونس وقال :ايه اتحسنت ولا لسه انا جيت اطمن عليك، يونس :كويس الحمد لله بقيت بفضل ربنا، قمر :كويس عشان ترجع لشغلك دا انا سبت كومه شغل يلا بقي عشان انت هتتولي الشغل في لندن كام يوم كدا، يونس :وانت هتروح فين، قمر :اصل انا مسافر على مصر وليا شويه شغل اخلصه وارجع هنا تاني يلا انا ماشي عشان تكمل اكلك بس مش عايز غلطه واحده في شغلي مهما كانت صغيره وانت عارف ان الغلطة عندي عقابها كبير اوي وممكن متتوقعهوش خالص، يونس :عارف ومتقلقش انا مبغلطش في الحاجه اللي بحبها، قمر :انت كدا تعجبني يلا سلام *------------*-------------------*---------------*---- في مصر..... حور :كيان يلا يا حبيبتي كدا هنتأخر على ابوكي، كيان :حاضر ياماما اديني خلصت بس كنت بسرح شعري، حور :ايه الجمال دا ربنا يحميكي يلا لان كمال مستنينا في السينما، كيان :هنتفرج على فيلم الدعسوقه والقط الاسود؟، حور:الفيلم دا بعدين لاننا هنتفرج على فيلم المحقق كونان والفيلم دا نزل جديد على شاشة السينما، كيان :انت قصدك الفيلم اللي هيرجع سينشي لحجمه الطبيعي ويرجع لحبه ران بس انا نفسي اعرف مين المؤلف الذكي دا اللي ذكر اسم توغوموري فس مسلسل المحقق كونان لانه مبيعرفش غير ياكل وينام وياعيني على سينشي هو اللي بيجمع خطوط الجريمه كلها ويحلها و بياخد علقه اخر الحلقه ايه الظلم دا بس انا متأكده ان ران هتاخد حق حبيبها سينشي من ابوها بالكاراتيه هههه، حور:معاكي حق بس سينشي هيمنعها لان دا في النهايه بيكون حماه وكمان مش عايز حبيبته تدخل السجن بسبب ابوها، كيان :تصدقي معاكي حق يا ماما ههههه يلا اتأخرنا على بابا ، حور :يلا اركبي العربيه وحطي حزام الأمان، كيان :حاضر ياماما... ف السينما....كمال :هما ليه اتأخروا كدا، واخد تلفونه واتصل بحور لكن حور مردتش عليه فعرف انهم في العربيه وقربوا انهم يوصلوا... وبعد ربع ساعة.. وصلت حور وكيان ودخلوا لصاله السينما واتجهوا لاوضه الفيلم اللي فيه كمال ودخلوا لجوا ولما شافوا كمال بيشاورلهم وراحوا له وقعدوا جاره، كيان :انا متحمسه للفيلم دا، حور:واخيرا طلع مؤلف جديد وكتب الفيلم اللي كل الناس كانت مستنياه انتي تعرفي اسم الفيلم أيه، كيان :ايوه اعرف اسمه.. عوده المحقق سينشي والقضاء على عصابه الرداء الأسود.. (الفيلم دا لسه منزلش في السينما كل أحداث الفيلم دا من خيالي تأليفي وانا بكتب لسه فيه ومنصحش اي حد انه يسرق اسم الفيلم او يسوق الفكره 🤕🥺).. كمال :انت بتعرفي كل الحاجات دي من فين المفروض تكوني انتي كونان مش هو من كتر ما سمعتي كل أجزاء المسلسل بقيتي زيه، كيان :بس انا بحب سينشي من عن باقي الشخصيات، حور:بس خلاص استكوا شويه الفيلم بدأ عشان نسمعه، (محبتش اني اذكر اي تفاصيل عن الفيلم لاني لسه مخلصتهوش ومحبتش كمان اني احرق عليكم التفاصيل والأحداث فيه 😂) بعد ما خلص الفيلم قالت كيان لحور:ماما انا جعانه، كمال :ايه رأيكم نروح المطعم اللي جار السينما، حور :موافقه طبعا، كيان :وانا كمان موافقه، وخرجوا من السينما وراحوا للمطعم ودخلوا المطعم وقعدوا على طرابيزا وجاء الجرسون وقال :تطلبوا ايه، كيان :انا عايزه دا، حور:اما انا فعايزه كوبايه عصير بالمانجا، كمال :انا عايز دا، الجرسون :خمس دقايق والطلبات هتكون عندكم، كمال :ماشي، كيان :ليه مطلبتيش اكل زينا، حور :انا مش جعانه كلوا انتوا، كيان :انتي كويسه ياماما، حور:انا كويسه ياحبيبتي... الجرسون جاب الاكل والعصير اللي طلبته حور وانصرف، كيان :ايه اخبار التدريب بتاعك، حور :كل حاجه تمام وانا بتعلم كل يوم بسرعه وبعد كم يوم كدا هدخل المستشفى على اساس اني بقيت دكتورة جراحه، كيان :ربنا يساعدك بس دي مش شغلانه صعبه، حور:شغلانه صعبه لكن انا بحب شغلانتي دي، وفجأه التيار الكهربائي انقطع، كيان :ماما هو ليه النور قطع ماما انتي روحتي فين بابا حد سامعني، وفجأه رجع التيار من جديد وكانت حور شايله قالب التورته وكمال ماسك هديته في ايديه عشان يهديها لكيان،كيان :هو النهارده عيد ميلادي😳، كمال :لا لا عيد ميلاد سينشي واحنا منعرفش، كيان :هههه، حور:يلا انفخي في الشمع دا عشان تقطعي قالب التورته دا، كيان:حاضر ياماما، وطفت كيان الشمع وقطعت قالب التورته، حور:كل سنه وانتي طيبه يا حبيبتي افتحي هديتي دي، كيان :اممم هي دي سلسله ولا خاتم، حور :افتحيها وانتي هتعرفي، وفتحت كيان الهديه وقالت :شكرا ياماما دي شكلها حلو اوي، حور :افتحيها لسه مشوفتيش الهديه الأساسية، كيان لما فتحت السلسلة بكت وقالت :ماما.. انتي حطيتي صورتها في السلسلة وبابا كمان معاها، كمال :بجد دا.. كلامك طلع صح، كيان :دي احلي هديه جاتني في عيد ميلادي، كمال :انتى لسه مفتحتيش هديتي عشان تقولي أن هديتها احلى هديه، كيان :ماشي يابابا اديني هفتح هديتك ههه، وفتحت الهديه كيان وقالت :دا الاب توب اللي قولتلك عليه،كمال :لانك هتحتاجيه في مذاكرتك اوي ايه رايك بقي في هديتي اكيد احلى من هديه حور، كيان :حلوه اوي يابابا بس هديه ماما تجنن اكتر لأنها حسستني ان ماما معايا في اليوم دا، كمال :على فكرة انا صاحب الفكره دي، حور:وانا صاحبه فكرة الفيلم، كيان :اما انا فربنا بعتلي اب حنون زيك يابابا وبعتلي ام تعوضني عن امي اللي ماتت، حور:بس انتي بنتي لان الام اللي بتربي وتكبر اكتر من الام اللي بتولد، كيان :بحبك اوي ياماما، كمال :لا انا غيران.. ايه دا.. كدا انا زعلان، كيان :متزعلش يابابا وانت كمان بحبك اوي ومقدرش اعيش من غيرك، وقطع حديثهم صوت رنين تلفون كمال فرد عليه وقال :الو.. اااعارف بس امتى هيوصل هنا، شكري :بعد يومين ومش عايز اي غلط لانه مش هيرحمنا كلنا، كمال :متقلقش من الموضوع دا لاني مجهز كل حاجه، شكري :ماشي باي، وقفل الخط، حور :كمال في ايه ليه وشك اتغير لونه كدا، كمال :في رجل أعمال مهم اوي هيجي مصر بعد يومين والشخص دا شيطان بمعنى الكلمه دا عنده الغلط عقابها الموت مهما كانت الغلطه صغيره واحنا خايفين لانه هيشتغل في الشركه اللي انا بشتغل فيها، حور:ايه هيشتغل في الشركه اللي بتشتغل فيها، كمال :للأسف ايوه وربنا يستر علينا منه، حور :ههه متخافش من السحليه اللي اسمها قمر دي لاني واثقة بقدراتك في شغلك ومش هتغلط في حاجه ولو غِلطت في حاجه سعتها قولي وانا هتصل بسينشي وهو هيقتله ههه، كمال :عقلك أصغر من كيان ههه، كيان :شوفتها ايوه كدا اضحك يا بابي ههه، حور :واخيرا طلعت ضحكتك الحلوه دي، بعد ما خلصوا اكل طلعوا من المطعم ورجعوا على البيت وناموا بس كان في شخص ماسك صوره حور وبيقول بنبره شيطانية مجنونه :وحشتيني ياروحي خلاص مبقاش البعد اللي بينا طويل انا عارف انك بتحبيني زي ما انا بحبك انا. بس العالم دا مش عايز اننا نتجمع مع بعض لكن انا هقف في وشهم واخدك منهم واحميكي لاني بحبك اوي، وحط ايديه على وش حور اللي في الصوره وقال :شكلك حلو اوي وكل يوم بيزيد جمالك اكتر قريب وهتكوني ليا انا وبس هههههه هههههه ههههههه،ونام على السرير وهو حاضن صوره حور ياترى مين الشخص دا وايه علاقه حور بيه ياترى ايه اللي هيحصل لحور بسبب الشخص دا؟؟🤔 أتمنى تعجبكم حلقه النهاردة وان شاء الله هحاول اني اخلي كل الحلقات طويله عشانكم 🤍