الفصل 3
*أنتيڪآ* 📜 *روايات*
*قليلٌ من الوقت مع القصص يساوي حياةٌ بأكملها🤎🕰️*
*نشر جميع القصص والروايات 🤎🕰️*
*قناة خاصة لمحبي القراءة والقصص*
_
*ننشر جميع القصص والروايات*🤎🕰️
*حب 🤎🕰️*
*حزن 🤎🕰️*
*اكشن🤎🕰️*
*رعب🤎🕰️*
*تـحـت إشـࢪاف: تـيـم*📜🤎
*ࢪابـط الـقـنـاة:*
https://whatsapp.com/channel/0029VamfKJHK0IBbdBbxOc3d
*❴📖❵↵امسك يدي 🤎*
*❴🔢❵☟الـــبـــــــــــ❴5️⃣و6️⃣ ❵ــــــــــــارت☟*
➖➖➖➖➖➖➖➖➖
*
سناء : كريم انا و انت منحب ريما كتير .صح ؟
كريم : اي صح .
سناء : لهيك صار الوقت انو نخطبها لابننا شادي .
كريم : بس لساتها البنت صغيرة عمرها 14 سنة .
سناء : ابنك عقلو صعب مستحيل يتفاهم مع بنت عمرها 20 سنة وفوق ، بعدين من لما خلقت ريما نحنا عم نقول ريما لشادي ، وهلأ أنسب وقت نخطبها بما انو جدها مو قبلان يعيشو مع امهن ، بصير انا امها و بهتم فيها .
كريم : معك حق باللي عم تقوليه بس
سناء : بدون بس ، بكرا لما تشوف اخوك احكي معو بهالموضوع .
كريم : خير ان شاء الله .
________________________________________
#بقلم_فتاة_من_ورق_بسمه_السباعي
ريما : بابا ليش راح عمو ؟
رنيم : لسا ما شفناه .
سليم : ريما حبيبتي خدي اختك و روحو نامو .
ريما : حاضر بابا .
ياسمين : قلتلك خليني بالغرفة ليروحو .
سليم : لو خليتك بالغرفة اليوم و الايام الجاية شو ؟؟ انا لإيمتى بدي ضل مخبي عن الدنيا كلها ؟
ياسمين : خلص روق ما تعصب .
سليم : كيف ما عصب و اخي الكبير زعل مني .
ياسمين : بكرا الصبح اتصل فيه و حدد مكان مشان تتقابلو حاكيه بهدوء و حاول تشرحلو ولو انجبرت تحكي الحقيقة احكي حتى لو هالشي كانت نهياتو انفصالنا .
سليم : لك انتي شو عم تحكي ؟ ياسمين انا بحبك و ماعاد اقدر اتخيل حياتي بدونك .
ياسمين : و انا بعشقك بس ما بسمح لحالي كون سبب ببعد الاخوة عن بعض .
*تطلعت بياسمين نظرات حب و حسيتها هي اكتر وحدة بدها سعادتي بالدنيا ، قربت منها و حضنتها...
سليم : مستحيل اتخلى عنك لو بدي حارب عيلتي كلها .
________________________________________
#بقلم_فتاة_من_ورق_بسمه_السباعي
*بصباح اليوم التاني...
*فتحت عيوني لقيت ابي حاطط كرسي و قاعد عليه قبال تختي و مغمض عيونو...تأملتو و عرفت وقتها انو الأهل بيحبو اولادهن اكتر ما يحبوهن اولادهن...كل الوقت كنت عم ابكي انو راحو بناتي من ايدي ، كل الوقت كان تفكيري الوحيد ببناتي وما فكرت ولا لحظة بأبي...بس أبي كان خايف عليي أنا و كل همو ارجع طبيعية متل ما كنت...
*سكرت عيوني و نزلو دموعي يلي ما كانو يخلصو....
سهيل : بابا ، بابا
ابو سهيل : اهلين ابني ايمتى اجيت ؟
سهيل : هلأ ، شو ليش نايم هون ؟
ابو سهيل : طول الليل كانت اختك عم تئن ، غطيتها و بقيت جنبها و نمت بدون ما حس ، وشوفة عينك لهلأ نايمة .
سهيل : رح جرب صحيها .
ابو سهيل : اي صحيها .
*قربت من نهاد ومسحت دموعها بإيدي...
سهيل : نهاد اختي يلا قومي بيكفي نوم ، اليوم ما فطرت مع مرتي لانو على بالي افطر معك و نحكي قصص و اخبار متل ايام زمان .
*فتحت عيوني و ابتسمت ابتسامة مكسورة و مليانة حزن .. جلست حالي ببطئ كنت حاسة جسمي مكسر .. حاولت احكي ما قدرت ...
سهيل : بس ابتسامة ؟؟ طيب ما بدك تقوليلي شي ؟
ابو سهيل : من مبارح ما حكت ولا كلمة .
سهيل : ليش ؟
ابو سهيل : ما بعرف .
سهيل : لازم آخدها عالدكتور .
ابو سهيل : لا ابني ما بدها دكتور يمكن هي مو حابة تحكي .
سهيل : حتى لو مو حابة تحكي بدي اخدها على الدكتور اتطمن عليها ، نهاد قومي معي اختي .
*قمت من تختي .. غسلت وجهي ، بدلت تيابي و طلعت مع اخي...
________________________________________
#بقلم_فتاة_من_ورق_بسمه_السباعي
*طلعت من البيت بعد ما اتفقت التقي بأخي كريم بكفتيريا .. وصلت طلبت شاي و قعدت استناه...
كريم : صباح الخير .
سليم : صباح النور .
كريم : احكي عم اسمعك .
سليم : شو بدي احكي ؟
كريم : احكي مين هي ياسمين ؟
سليم : مرتي .
كريم : وقبل ما تكون مرتك ؟
سليم : عشيقتي .
كريم : اها شايف اقوالك عم تتغير عن مبارح .
سليم : بالفترة الاخيرة توترت علاقتي بنهاد ضلينا نتخانق لحتى طفشت من البيت و بالصدفة تعرفت على ياسمين عشقتها و تزوجتها ، ياسمين بالنسبة الي هي مصدر راحتي ، هي يلي رجعتلي شوي من استقراري النفسي .
كريم : و نهاد ؟
سليم : نهاد اختارت تكمل حياتها بعيد عني ، صدقني ما كنت بدي طلقها بس هي اصرت على الطلاق .
كريم : طيب خير ان شاء الله ، انا بقترح عليك اليوم تروح تجرب تراضيها وان ما قبلت خلص منسكر على هالموضوع .
سليم : امرك اخي يلي بدك ياه بيصير .
كريم : هاد اقل شي ممكن تعملو بعد كل هالعشرة .
سليم : معك حق .
كريم : المهم هلأ اجا الوقت المناسب لاخد امانتي من عندك .
سليم : امانة شو ؟
كريم : انا طالب ايد ريما لابني شادي .
سليم : شو ؟!
كريم : شبك ليش تفاجأت ؟ من لما خلقت ريما و انا طلبتها منك لابني شادي و انت قبلت و قلتلك رح خليها امانة عندك ليصير الوقت المناسب .
سليم : بس ريما لساتها صغيرة .
كريم : ريما بنتي مو بس بنتك ، بحطها بعيوني رح تكون طلباتها اوامر و ما تحتاج شي ، فكر بالموضوع بالنهاية ريما و شادي لبعض وخير البر عاجل ، عن اذنك انا لازم روح على شغلي .
سليم : الله معك .
*فكرت شوي بكلام اخي .. بعدين حاسبت و رحت على شغلي ...
______________________________________
#بقلم_فتاة_من_ورق_بسمه_السباعي
*بعد ما راحو ريما و رنيم عالمدرسة .. بلشت اتفتل بالبيت لوصلت على غرفة سليم ، فتحت خزانتو و صرت شم ريحة تيابو ...
ياسمين : والله بحبك و بموت فيك و بحمد الله انك طلقت نهاد لتضل الي لحالي و نكمل عمرنا سوا بدون ما تقاسمني فيك نهاد .
*فتحت الخزانة التانية كانت خزانة نهاد .. بقيان كم قطعة من تيابها و بقلب الخزانة كان في جرار فتحتو .. لقيتو مليان صور لنهاد و سليم صرت اتفرج عليهن .. كانت نظرات نهاد مليانة حب ...
ياسمين : لا .. مستحيل اسمحلكن ترجعو لبعض خلص صار سليم ملكي انا .. انا و بس ، انا عملت جهدي لوصلت لهون ما رح انهزم بهي السهولة .
*دورت على شنتة لحتى لقيت .. ضبيت فيها تياب نهاد الباقية و الصور و كل ذكرياتهن .. سكرت الشنته و خبيتها تحت التخت ...
ياسمين : يارب ما تبعد سليم عني و ما تفرقنا عن بعض ، سليم كلشي بحياتي ما بدي اخسرو ، يارب كون معي و ساعدني .
__________________________________________
#بقلم_فتاة_من_ورق_بسمه_السباعي
شادي : صباح الخير .
سناء : صباح النور يا عريس ، يلا تعال فطار مشان تلحق ابوك عالشغل .
شادي : لحظة شو قلتي ؟ عريس !
سناء : هههه اي عريس و احلى عريس .
شادي : تفضلي ست الكل احكيلي من وين جبتي هالكلمة ؟
سناء : اليوم ابوك طلب ايد بنت عمك ريما الك .
شادي : ريما .
سناء : اي ريما ، ما بتتذكر وقت خلقت ريما وانت كان عمرك عشر سنين وقتها حملها ابوك و قال ريما لشادي ، بيومها انت سألتني شو يعني قلتلك يعني ريما رح تكون مرتك بالمستقبل و صرت حضرتك تهتم فيها و تلاعبها و تجبلها اكلات طيبة .
شادي : اي بتذكر هالحكي كلو بس فكرت انو مجرد حكي و انتسى .
سناء : لا حبيبي ما انتسى ، ان شاء الله عن قريب رح نخطبلك ياها رسمي .
شادي : ان شاء الله ، انا رايح جهز حالي مشان انزل عالشغل .
سناء : الله يحميك و يقويك .
*رحت على غرفتي .. طالعت تيابي وانا عم اضحك ...
شادي : هههه ريما !! يا بنت عمي بكرا بيجو ولادنا نسخة مصغرة عن ستنا و جدنا ههههههه
________________________________________
#بقلم_فتاة_من_ورق_بسمه_السباعي
سهيل : شو دكتور طمنا .
الدكتور : جهازها النطقي سليم ، بتوقع انها متعرضة لصدمة نفسية وهالشي خلاها تفقد النطق .
سهيل : شو يعني دكتور اختي ما رح ترجع تحكي ؟
الدكتور : متل ما فقدت النطق فجأة رح ترجع تحكي فجأة ، هالشي اذا تعالجت نفسيا ، او اذا صار موقف يستفزها بيجبرها تحكي وقتها رح ترجع تنطق .
*طلعنا من عند الدكتور .. كان اخي مهموم و زعلان ، بس بالنسبة الي ما كان فارق معي شي .. ركبنا بالسيارة التفتت لجهة الشباك و صرت اتفرج على الناس و الطرقات ...
سهيل : لا تشيلي هم اختي رح دور على اشطر طبيب نفسي يعالجك لترجعي تحكي متل اول و احسن .
________________________________________
#بقلم_فتاة_من_ورق_بسمه_السباعي
*جهزت الطبخة و تطلعت بالساعة كان باقي ربع ساعة ليرجعو البنات من المدرسة .. اخدت نفس عميق لحتى اقدر سايرهن و اتحملهن ...
ياسمين : مجبورة تمثلي و تتحملي كتير يا ياسمين لتضلي محافظة على مكانتك بقلب سليم و تضلي عايشة بجو العيلة اللي مليان حب و دفا وانتي فقدتيه من زمان .
*سمعت صوت مفاتيح عند الباب ، عرفت انو رجع سليم .. ركضت وقفت عند الباب و اول ما فتح الباب حضنتو متل طفلة صغيرة ...
سليم : ههههه شبك .
ياسمين : طولت عليي كتير .
سليم : كان عندي شغل اعذريني حتى ما فضيت رد على اتصالاتك .
ياسمين : ولا يهمك المهم انك بخير ، خبرني شو صار معك انت و اخوك ؟
سليم : ما صار شي اقتنع بكلامي بكل سهولة بس طلب مني شي ما كنت متوقعو .
ياسمين : شو ؟
سليم : طلب ايد ريما لابنو شادي .
*حسيت حالي رح طير من الفرحة بعد ما سمعت هالجملة ، اذا تزوجت ريما بيقبى البيت الي و لسليم و منعيش بهدوء و سلام و مستحيل ترجعلو نهاد وقتها ، بالنسبة لرنيم مو مشكلة بقدر سيطر عليها بكل سهولة ...
سليم : الو ياسمين وين شردتي ؟
ياسمين : اه لا ولا شي ، انت شو قلتلو لأخوك ؟
سليم : ما قلتلو شي .
ياسمين : فكر منيح حبيبي هيك مواضيع بدها تفكير كتير خصوصي انو ريما لساتها صغيرة .
سليم : وانا هيك عم قول بس ريما رح تروح لبيت اخي واكيد رح يخافو عليها و يهتمو فيها متلي و اكتر .
ياسمين : معك حق و مبين انو اخوك كتير حنون على البنات .
سليم : الله يقدم يلي فيه الخير .
ياسمين : آمين .
#بقلم_فتاة_من_ورق_بسمه_السباعي
*رجعو البنات من المدرسة .. تغدينا و حكيت معهن بلطف متل ما عودتهن....
ياسمين : صحيح ريما تركتلك المصاري بغرفتك مشان تاخديهن بكرا و تسجلي بالمعهد .
ريما : شكرا خالة .
ياسمين : ولو حبيبتي مافي داعي تشكريني انتي بنتي .
سليم : انا بدي روح عندي مشوار ضروري .
ياسمين : رح تتأخر ؟
سليم : ما بعرف .
ياسمين : ترجع بالسلامة .
#بقلم_فتاة_من_ورق_بسمه_السباعي
*طلعت من البيت اشتريت باقة ورد و رحت على بيت نهاد...
سليم : مرحبا عمي .
اب
و سهيل : انت شو جابك ؟
سليم : عمي بدي شوف نهاد اعتذر منها و حاول صلح يلي صار .
ابو سهيل : هاد البيت بتنساه و بنتي بتشيلها من راسك .
سهيل : بابا روق شوي ، سليم لازم يشوف نهاد هالشي ممكن يفيدها افهمني بابا .
ابو سهيل :.......
سهيل : تفضل سليم ، نهاد قاعدة بالصالون .
*مشيت و انا متردد ، دخلت عالصالون و تطلعت بنهاد .. كانت متغيرة كتير وجهها شاحب و مافيه حياة ، كل هالشي لاني تزوجت ؟؟
سليم : كيفك نهاد ؟
نهاد :......
#بقلم_فتاة_من_ورق_بسمه_السباعي
ابو سهيل : ليش سمحتلو لهالكلب يدخل و يشوفها ؟
سهيل : بابا بترجاك افهمني انا عملت هيك لمصلحة نهاد .
ابو سهيل : مصلحة ؟؟ لسا بدك اختك ترجع لهالكلب ؟ ما شفت بسببو كيف فقدت نطقها ؟
سهيل : بوعدك بعد عشر دقايق قلعو هلأ اهدى بس الله يخليك .
ابو سهيل : الله يجيبك يا طولة البال .
#بقلم_فتاة_من_ورق_بسمه_السباعي
سليم : جبتلك هدول الوردات الك ، بعرفك بتحبي هالنوع كتير .
نهاد :......
سليم : بعرف لو ضليت عم احكي من هون لبكرا ما رح تردي عليي ، مو مشكلة المهم عم تسمعيني ، بنظرك انا احقر رجال بالدنيا لأني تزوجت عليكي ، يمكن انا كون غلطت و هدمت البيت يلي النا 15 سنة عم نبنيه ، بس وحياتك و وحياة بناتنا اني ما كنت رايد طلقك ، و خبرتك بالحقيقة لحتى ما ضل مخبي عليكي شي لاني حبيتك ، نهاد انا جاي اليوم اعتذر منك و حاول صلح يلي صار و رجعك على بيتنا معززة مكرمة ، بترجعي بتعيشي جنب بناتنا و رح قسم الايام بينك وبين ياسمين بالتساوي و اعدل بيناتكم قد ما فيني .
*تطلعت بسليم .. حملت باقة الورد و ريمتا بكل قوتي على وجه سليم ، و صرخت بأعلى صوت عندي .
نهاد : انقلع لبرااااااااااااا ، لبرااااااااااااااااا .
سهيل : هاد يلي كان بدي ياه يصير موقف يستفزها .
سليم : شبك شو صرلك .
نهاد : انقلع من هون ، بكل وقاحة جاي تشرحلي كيف رح تقسم الايام بيناتنا انا و بنت الشوارع ، بكل وقاحة جاي تعمل حالك بريئ وانت قلبت بناتي عليي و خليتهن يوفقو ضدي ، انا مو زعلانة لانك تزوجت انا زعلانة انك فضلت بنت الشوارع عني و حطيتها معي بنفس المقياس ، لبرا لبراااا ماعاد بدي شوف وجهك بحياتي .
سهيل : لو سمحت سليم طلاع هلأ .
سليم : والله الحق عليي اني اجيت صالحك ، لك انا ما عملت غير الشرع ، و ما اول ولا اخر رجال بيتزوج على مرتو .
سهيل : الله معك سليم .
*طلعت و الشر واضح بعيوني .. من وين جابت نهاد كل هالقوة لترد بوجهي بهي الطريقة ...
نهاد : ما بيفهم بالشرع الا انو رب العالمين حللو اربعة ، بترجاكن ماعاد بدي شوف وجهو ماعاد بدي ياه انا بكرهو بكرهو .
ابو سهيل : اهدي بنتي والله ماعاد تشوفيه بس اهدي .
سهيل : سامحيني اختي انا يلي سمحتلو يحكي معك لاني كنت متأمل يرجعلك نطقك و الحمدلله رجعتي تحكي .
نهاد : ماعاد بدي شوفو بحياتي .. ماعاد بدي شوفو .
#يتبع
#بقلم_فتاة_من_ورق_بسمه_السباعي
#إمسك_يدي
#الجزء_السادس
#بقلم_فتاة_من_ورق_بسمه_السباعي
*رجعت عالبيت معصب و متوتر من نهاد .. دخلت على غرفتي و سكرت الباب ...
ريما : شبو البابا ؟
ياسمين : ما بعرف رايحة شوفو .
*دقيت الباب دقات خفيفة و فتحت...
ياسمين : سليم شبك ؟
سليم : اطلعي برات الغرفة هلأ .
ياسمين : شو صايرلك ؟ ليش هيك معصب حبيبي ؟ وين كنت ومين شفت لحتى هيك صايرة حالتك ؟
سليم : ياسمين قلتلك اطلعي برات الغرفة .
ياسمين : ما رح اطلع لإتطمن انك صرت منيح ، مستحيل اتركك بهي الحالة حبيبي خبرني شبك ؟
سليم : ماعاد بدي اسمع اسم الكلبة نهاد .
ياسمين : ليش شو صاير ؟
سليم : اخدت باقة ورد و رحت لحتى صالحها ...
*لما سمعت هالكم كلمة من سليم حسيت النار شعلت بقلبي ، معقول لسا رايح تصالحها وانا يلي فكرت حالي نسيتك ياها ؟
سليم : ياسمين انا مصدوم منها نهاد بحياتها ما رفعت صوتها بوجهي من وين اجتها هالقوة لحتى تتصرف هيك ؟!
*سمعت اول كلامو و نهاية كلامو ما بعرف شو يلي صار بالزبط بس يلي بعرفو هلأ اني لازم امسك حالي لحتى ما اهدم كلشي بنيتو .
ياسمين : اهدى يا روحي ما بدي يصرلك شي بسببها ، نهاد صفحة و انطوت ، دفتر عتيق و انحرق ما بدي أي تصرف منها يعكرك ، انت عملت يلي عليك قدام ربنا حاولت تصالحها و هي ما قبلت ، هلأ كمل حياتك بسعادة و راحة بال و خلينا عم ننتظر ابننا يلي جاي عالطريق .
سليم : لولاكي كنت جنيت .
ياسمين : بعيد الشر عن قلبك .
سليم : كيفو ابننا ؟
ياسمين : هههه منيح اليوم اشتقلك متلي صار يدفش .
سليم : يارب يجي بخير و سلامة .
ياسمين : آمين .
سليم : رح اتصل بأخي كريم خبرو باللي صار مشان ما يرجع يتدخل بحياتي .
ياسمين : خود راحتك ، انا رايحة اعملك كاسة عصير مشان تروق .
سليم : يسلم ايديكي .
#بقلم_فتاة_من_ورق_بسمه_السباعي
رنيم : ريما .
ريما : نعم .
رنيم : اشتقت لأمي .
ريما : وانا كمان .
رنيم : ليش اليوم ما اجا جدو اخدنا نشوفها ؟
ريما : ما بعرف .
رنيم : يمكن هي ماعاد تحبنا او ماعاد بدها يانا .
ريما : لا حبيبتي ما تقولي هيك .
*قربت من اختي و حضنتها .. لأول مرة بحس حالي كبرت ، حسيت حالي لازم اهتم بأختي اكتر اعطيها الحنان و الحب و الدفا .. حضنتها و انا عم اسأل حالي معقول امي ماعاد تحبنا ...؟!
________________________________________
#بقلم_فتاة_من_ورق_بسمه_السباعي
سناء : مين كان عم يحكيك ؟
كريم : اخي سليم .
سناء : ردلك خبر مشان نخطب ريما ؟
كريم : لا عم يحكيلي شو صار بينو و بين نهاد .
سناء : رجعو لبعض ؟
كريم : يا ريت ، بعدو عن بعض اكتر و اكتر ، راح ليصالحها رمت بخلقتو باقة الورد و قلعتو .
سناء : اوف معقول نهاد تتصرف هيك تصرف ؟
كريم : حياتها انخربت بسبب مرة شو متوقعة منها .
سناء : الله يعينها و يكون معها .
كريم : المهم هلأ ، بكرا بتروحي بتزوريها و بتحاولي تخففي عنها و بتخبريها اني طلبت ريما لشادي و حتى لو طلبت نأجل الموضوع منأجلو بدون نقاش لانو المخلوقة تعبانة نفسيتها هالفترة .
سناء : من عيوني .
________________________________________
#بقلم_فتاة_من_ورق_بسمه_السباعي
جواد : شو أوس شايفك كل نهارك جنب هالموتور .
أوس : اي والله فرحان فيه ومو مصدق ايمتى يصير بكرا .
جواد : ليش شوفي بكرا ؟
أوس : رح نطلع رحلة و ابوك رح يسوق الموتور و يعلمني عليه .
جواد : اي منيح ، انا ما رح روح .
أوس : ليش ؟
جواد : عندي دراسة شو نسيان انو عندي تاسع السنة ولا امنت على حالك اخدت التاسع بأعلى العلامات .
أوس : اخي انت شو عم تحكي ؟ انا ما بفكر بهي الطريقة ، كل القصة اني حابب وجودك معنا نحنا عيلة وحدة .
جواد : اي بس اخلص من التاسع على خير منرجع عيلة وحدة .
أوس : الله يفرح قلبك اخي .
*حطيت ايدي على كتف اخي جواد وانا عم ابتسملو .. شال ايدي و دار وجهو ومشي...
أوس : الله يهديك .
*تطلعت من الشباك شفت العم تامر عم يسقي الشجر .. نزلت ركض لساعدو...
أوس : يعطيك العافية عمي تامر .
تامر : الله يعافيك يارب .
أوس : بشو ساعدك ؟
تامر : مافي شي تساعدني فيه
أوس : عم نعذبك معنا .
تامر : هاد واجبي .
أوس : لازمك شي عمي محتاج شي ؟
تامر : سلامتك الله يرضى عليك .
*بقيت واقف جنب العم تامر ، كنت ازعل عليه كتير لانو ما عندو اولاد و ما حدا عاطيه قيمة .. بس انا شفت فيه العم الحكيم يلي بيقدر يوقف جنب أيا انسان بهالدنيا ...
________________________________________
#بقلم_فتاة_من_ورق_بسمه_السباعي
نهاد : بابا .
ابو سهيل : عيونو .
نهاد : بدي شوف بناتي .
ابو سهيل : رح جبلك ياهن بس وعديني ما يصير فيكي متل هديك المرة لو شو ما سمعتي منهن .
نهاد : قصص سليم ماعاد تأثر فيني ، انا طفيت ناري لما قلعتو و هنتو ، هلأ صار الوقت ركز على حياتي و على بناتي .
ابو سهيل : الله يرضى عليكي ، رح بدل تيابي و روح جيبهن .
نهاد : الله لا يحرمني منك .
*لميت شعري و ربطتو .. دخلت على المطبخ و بلشت اعمل الكيك يلي بيحبوه بناتي...
__
__________________________________
#بقلم_فتاة_من_ورق_بسمه_السباعي
*سمعنا دقة الباب .. ركضنا انا و اختي رنيم و فتحنا..
رنيم : جدووو
ابو سهيل : حبيباتي بسرعة بدلو تيابكن و انزلو انا ناطركن بالسيارة ، امكن مشتاقتلكن و بدها تشوفكن .
ريما : ونحنا اشتقنالها كتير ، ثواني و مننزل جدو .
*من فرحتنا لبسنا جواكيتنا فوق البيجامات و نزلنا ركض .. استقبلتنا امي بابتسامة و بوجه بشوش .. صارت تضحكنا و خلتنا نزين الكيك يلي منحبو سوا متل ما تعودنا .. بنفس الوقت كانت واضحة نظرة الحزن يلي بعيون امي ... ضلينا سوا للساعة 9 بالليل ....
نهاد : بابا .
ابو سهيل : نعم ؟
نهاد : بكرا جمعة ، بتسمحلي نيم بناتي جنبي الليلة ؟ وبكرا الصبح بتوديهن .
ابو سهيل : اذا هالشي بيسعدك اكيد موافق .
نهاد : الله لا يحرمني منك .
*اخدت بناتي و فتنا على الغرفة ، تسطحت ريما على يميني و رنيم على يساري ، ضليت احكيلهن حكايات لحتى غفينا بدون ما نحس...
#بقلم_فتاة_من_ورق_بسمه_السباعي
ياسمين : تأخرو البنات كتير .
سليم : اكيد بيكونو نامو عند امهن .
ياسمين : الله لا يسامحو جدهن اديه قلبو قاسي ، كيف بيسمح لحالو يفرق ام عن اولادها .
سليم : من يوم يومو قلبو قاسي .
ياسمين : مو مهم المهم انو البنات بخير هلأ .
سليم : الحمدلله .
________________________________________
#بقلم_فتاة_من_ورق_بسمه_السباعي
*بصباح اليوم التاني...
*صحينا الصبح و حضرنا الفطور مع امي ، فطرنا و بعدها بلشت امي ترتبلنا شعرنا بكل حنية متل ما عودتنا ...
نهاد : يلا يا اميراتي روحو لبسو جواكيتكن مشان يوديكن جدكن لعند البابا هلأ بيكون اشتقلكن .
رنيم : اي حتى خالة ياسمين بتكون اشتاقتلنا .
ريما : اسكتي رنيم .
رنيم : اسفة .
نهاد : عادي حبيبتي احكي شو ما بدك ، من زمان اتفقنا ما بيصير الاولاد يخبو على امهن شي ، صح ؟
رنيم : اي صح مشان هيك انا حكيت .
نهاد : الله يرضى عليكن ، انتبهو على حالكن منيح .
ريما : حاضر .
________________________________________
#بقلم_فتاة_من_ورق_بسمه_السباعي
*اليوم اول مرة بصحى نشيط هالقد و حاسس بسعادة ما بتنوصف ، لبست بيجامة الرياضة و نزلت ...
أوس : صباح الخير .
غسان : صباح النور .
يسرى : شو سر هالنشاط ؟
أوس : اليوم احلى يوم بالنسبة الي ، ابي رح يعلمني سوق الموتور .
غسان : بس اهم شي ما ننسى الوعد .
أوس : اكيد .
جواد : صباح الخير .
غسان : صباح النور .
يسرى : يسعد صباحك حبيبي .
جواد : اليوم ما رح روح معكن ، بدي اكسب الوقت و ادرس كم درس احسن .
غسان : الله يرضى عليك هيك بدي ياك .
يسرى : الله يوفقك و ينولك مرادك .
جواد : آمين .
*جهزنا حالنا و طلعنا انا وابي و امي ...
________________________________________
#بقلم_فتاة_من_ورق_بسمه_السباعي
*خلصت ترتيب البيت و بلشت جهز الطبخة .. كنت شاردة و عم فكر باللي صار معي .. قطع تفكيري صوت جرس البيت...
نهاد : مين عند الباب ؟
سناء : افتحي نهاد انا سناء مرت كريم .
*ما بعرف ليش حسيت بسعادة لما سمعت صوتها .. يمكن لأنو سناء كانت بالنسبة الي متل الأخت مو بس السلفة و الرفيقة .. فتحت الباب و حضنتها ....
نهاد : اهلا و سهلا نورتيني .
سناء : يا قلبي انتي سامحيني لاني قصرت بحقك بس والله ما كنت بعرف .
نهاد : تفضلي سناء فوتي اكيد ما رح نضل نحكي عند الباب .
*جهزت كاستين شاي و دخلت لعند سناء...
نهاد : وهي كاسة شاي متل ما بتحبيها ، على فكرة انتي يلي حببتيني فيها .
سناء : يسلمو ايديكي والله و انا ماعاد حبيت الشاي الا من ايدك .
نهاد : خبريني كيفك و كيفو شادي ؟
سناء : كلنا مناح الحمدلله ، انا خجلانة منك كتير .
نهاد : ولا يهمك سناء ، بلا ما نرجع نفتح موضوعي ، قصتي مع سليم صفحة و انطوت .
سناء : كنت بتمنى ترجعو لبعض ، بس خلص طالما ما بدك افتح هالموضوع ما رح احكي فيه ابدا .
نهاد : شكرا .
سناء : على شو عم تشكريني الله يسامحك ، نهاد .
نهاد : نعم .
سناء : بصراحة من بعد يلي صار قررنا انا و كريم قرار .
نهاد : شو ؟
سناء : من بعد موافقتك طبعا ، نخطب ريما لشادي خلال هالفترة ، بعرف ريما لساتها صغيرة بس بالنهاية هنن لبعض و خير البر عاجل .
نهاد : بعرف بس ما فهمت شو دخل يلي صار بخطبة شادي و ريما ؟
سناء : بصراحة ما بدي هي الزفته يلي ما بتتسمى تزعج ريما بما انو ما رح يعيشو البنات عندك ، هيك انا بجيب ريما تعيش عندي من بعد ما تتزوج هي و شادي و انتي بتقنعي ابوكي تاخدي رنيم تعيش عندك احسن ما تبقى لحالها مع مرت الاب ، شو قلتي ؟
نهاد : بس ريما لساتها صغيرة .
سناء : وحياتك لحطها بعيوني ، ريما بنتي مو بس بنتك شو نسيتي انو ربينا ولادنا سوا ، بعدين انا بيحقلي افرح بابني الوحيد وانتي بيحقلك تفرحي ببنتك بعد كل هالحزن يلي مريتي فيه .
نهاد : الله يقدم يلي فيه الخير .
سناء : يعني موافقة ؟
نهاد : موافقة بس بشرط .
سناء : شو ؟
نهاد : ما منعمل الخطبة لبعد ما خلص عدة لانو متل ما ق
لتي من حقي افرح ، بدي اعملها خطبة يحكو فيها كل الناس .
سناء : اي ها...هي الاخبار يلي بتنسمع ، وحياة عيونك ما بتصير الخطبة لتخلصي العدة بخير و سلامة .
نهاد : تفضلي اشربي الشاي قبل ما يبرد .
سناء : يسلمو ايديكي .
________________________________________
#بقلم_فتاة_من_ورق_بسمه_السباعي
*بعد ما قضينا يوم حلو رجعنا انا و ابي عالموتور و رجعت امي بالسيارة .. حسيت ابي قريب مني كتير و كأنو رفيقي ومن عمري .. دخلنا عالفيلا و كل واحد اح على غرفتو .. تسطحت على تختي و صرت اتفرج على الصور يلي صورتهن لحتى غفيت ....
بصباح اليوم التاني...طلع ابي على شغلو و امي طلعت مع رفقاتها هي عادتها كل سبت .. وانا نزلت لتحت لحتى شوف الموتور ...
جواد : كيف كانت رحلتكن مبارح ؟
أوس : حلوة كتير يا ريتك اجيت معنا .
جواد : معقول ترجعو وما حدا منكن يفوت على غرفتي يتطمن عليي .
أوس : حقك عليي بس كنا تعبانين مبارح .
جواد : مو مشكلة خبرني هلأ تعلمت تسوق الموتور ؟
أوس : اي كتير سهل .
جواد : ورجيني كيف بتسوقو .
أوس : لحظة رح جيب موبايلي فيه كل الصور و الفيديوهات .
جواد : لالا بدي شوف شي على ارض الواقع .
أوس : لا اخي ما بقدر انا وعدت ابوك ما سوقو لحالي لحتى اخد الشهادة .
جواد : هلأ انت ما الك طول النهار مبارح عم تتعلم كيف تشغلو و تطفيه و تمشي فيه ؟
أوس : اي .
جواد : معناها جرب سوقو هلأ دقيقتين و رجاع صفو محلو .
أوس : واذا عرف ابوك ؟ وقتها يمكن يحرمني من الموتور او يقلي انت ما قد الوعد .
جواد : قلتلك ما رح يعرف مافي غير انا و انت هلأ ، بدرية عم تطبخ و تامر راح على سوق الخضرة ، وانا مستحيل افسد على اخي .
أوس : والله متردد .
جواد : يعني ما بيكفي حرمت حالي شم الهوا مبارح مشان ادرس و كمان هلأ انت رح تحرمني شوفك عم تسوق الموتور .
أوس : خلص ماشي بس حليف ما تخبر ابوك .
جواد : والله ما رح خبرو يا اخي والله .
*شردت شوي لاتذكر بالتفصيل كيف تصرف ابي .. ركبت عالموتور و بلشت طبق كلشي لحتى اشتغل و مشيت ...
جواد : الله حيوووو أوس .
*كنت حاسس بتوتر ، مشيت و بلشت ابعد عن الفيلا شوي شوي .. و بلحظة مو متوقعة بتطلع قدامي سيارة مسرعة .. توترت اكتر و ما عرفت شو اعمل ، بثواني قليلة اخر شي بتذكرو اني خبطت بهالسيارة و طرت ....
*يـــــــــــتبــــــــــــــ؏*