الفصل 1
*أنتيڪآ* 📜 *روايات*
*قليلٌ من الوقت مع القصص يساوي حياةٌ بأكملها🤎🕰️*
*نشر جميع القصص والروايات 🤎🕰️*
*قناة خاصة لمحبي القراءة والقصص*
_
*ننشر جميع القصص والروايات*🤎🕰️
*حب 🤎🕰️*
*حزن 🤎🕰️*
*اكشن🤎🕰️*
*رعب🤎🕰️*
*تـحـت إشـࢪاف: تـيـم*📜🤎
*ࢪابـط الـقـنـاة:*
https://whatsapp.com/channel/0029VamfKJHK0IBbdBbxOc3d
*❴📖❵↵امسك يدي 🤎*
*❴🔢❵☟الـــبـــــــــــ❴1️⃣و2️⃣ ❵ــــــــــــارت☟*
➖➖➖➖➖➖➖➖➖
*
علّمتني الحياة أنّ المرء حينما يقسو عليه الزّمن .. حينها فقط يعرف ما هي الرّحمة...
*فتحت عيوني على صوت خناق أمي و أبي .. تجلست و تطلعت بالساعة 03:49AM ...
ريما : يا الله و بعدين مع هالحالة .
رنيم : ريما .
ريما : نعم حبيبتي .
رنيم : ليش بابا و ماما عم يتخانقو ؟
ريما : مافي شي حبيبتي بيكونو عم يتناقشو بشي موضوع ارجعي نامي .
رنيم : اختي انا كتير خايفة .
ريما : ما تخافي تعالي خليني احضنك .
*حملت دبدوبي و رحت على تخت اختي ريما حضنتها و سكرت عيوني ...
#بقلم_فتاة_من_ورق_بسمه_السباعي
نهاد : لك انا بس بدي افهم شو غيرك ؟؟ ما كنت هيك ، كنت تحب ترجع على بيتك و تحبني و تحب بناتك ، كنت تخاف علينا من نسمة الهوا شو صرلك فهمني .
سليم : انا ما تغيرت بس انا بيحقلي عيش متل رفقاتي اطلع و اسهر و اصرف .
نهاد : يا حبيبي والله ما منعتك اسهر بس مو تضل سهران لوجه الصبح و تاركنا لحالنا انا و بناتك ، اصرف و انبسط بس ما تقصر علينا .
سليم : انا عم قصر عليكن ؟؟
نهاد : اي عم تقصر و كتير كمان ، روح شوف البراد فاضي و بناتك عم يروحو على المدرسة ما معهن مصروف ، هاد الشي شو بتسميه تقصير ولا مو تقصير ؟
سليم : بتعرفي مو الحق عليكي الحق عليي انا يلي رجعت عالبيت ، سلام .
نهاد : سليم .. سليم وين رايح .
*طلع سليم من البيت .. بوقتها ما كان بإيدي شي غير اني ابكي ...
نهاد : ياربي دخيلك ساعدنا ، ياربي انت بتعرف سليم بعمرو ما كان قاسي علينا هيك ، يا ربي تهديه و تسامحو و تغفرلو .
#بقلم_فتاة_من_ورق_بسمه_السباعي
*تطلعت على اختي رنيم لقيتها غفيانة ، غطيتها منيح و طلعت من الغرفة بهدوء ، وصلت على الصالون لقيت امي قاعدة بالأرض وعم تبكي ....
ريما : ماما .
نهاد : ريما حبيبتي شو يلي صحاكي .
ريما : شو بدو يصحيني غير صواتكن انتي و ابي .
نهاد : سامحينا بنتي بس والله ماعم اعرف كيف بدي اتصرف مع ابوكي .
ريما : معلش تفهميني ليش هيك متغير بابا ؟
نهاد : والله ما بعرف انا هاد يلي مجنني ، النا 15 سنة متزوجين ولا مرة تخانقنا ولا مرة نمنا زعلانين من بعض بس آخر كم شهر ما بعرف شو صرلو .
ريما : جربتي تسأليه ؟
نهاد : سألتو كتير وكل ما سألتو بيتغير و بيعصب و بيعلي صوتو عليي .
ريما : يا الله .
نهاد : لا تشيلي هم شي حبيبتي روحي نامي مشان صحيكي بعد شوي عالمدرسة .
ريما : بتوعديني لما ارجع من المدرسة تكونو متصالحين ؟
نهاد : ان شاء الله .
#بقلم_فتاة_من_ورق_بسمه_السباعي
*رجعت على تختي و انا عم فكر بأبي .. عم حاول كبر عقلي لاستوعب يلي عم يصير و استوعب التغير يلي حل على بيتنا فجأة ...
________________________________________
الساعة 7 الصبح ...
*رن المنبه طفيتو و قمت بسرعة عالحمام غسلت وجهي و مشطت شعري .. لبست تيابي و نزلت ...
أوس : صباح الخير .
غسان : صباح النور .
يسرى : صباح الورد حبيبي .
غسان : شو وينو اخوك ؟
أوس : كالعادة لسا ما صحي .
يسرى : رح اطلع صحيه .
غسان : اقعدي هالمرة انا طالع صحيه .
*طلع ابي على غرفة جواد و الشر بعيونو ...
أوس : الله يستر .
يسرى : ليش ما صحيتو وانت نازل ؟
أوس : ما بدي اتخانق معو من الصبح .
#بقلم_فتاة_من_ورق_بسمه_السباعي
غسان : جواد جوااااااد
جواد : اي بابا ، صحيت صحيت .
غسان : صحيت ؟؟ نسيان حالك انو هالسنة عندك تاسع ؟ المفروض تكون صاحي اول واحد بالبيت .
جواد : تأخرت بالدراسة مبارح لهيك ما قدرت اصحى بسرعة .
غسان : اي يلا قوم غسل و بدل تيابك .
جواد : حاضر .
*طلع أبي من الغرفة حملت المخدة و رميتها عالأرض ...
جواد : ما بعرف شو بدها تفيدنا الشهادة اذا شركة و مال عنا بس ما بيقدر ابي بلا ما يفتخر بدراسة ولادو قدام العالم .
#بقلم_فتاة_من_ورق_بسمه_السباعي
يسرى : شو صحي ؟
غسان : بيسترجي ما يصحى !
يسرى : الله يطول عمرك و يخليك فوق راسنا .
أوس : بابا .
غسان : نعم .
أوس : في موضوع بدي احكيه معك .
غسان : احكي عم اسمعك .
أوس : بابا السنة الماضية قلتلي اذا بتنجح بالتاسع و بتجيب مجموع عالي رح اشتريلك موتور ، ونجحت و جبت المجموع و صرت صف عاشر و بمدرسة الأوائل و لهلأ ما جبتلي الموتور .
غسان : معك حق ، انشغالي بالفترة الأخيرة خلاني انسى هالموضوع ، اليوم المسا باخدك و منشتري الموتور بس بدي توعدني وعد .
أوس : شو ؟
غسان : ممنوع تسوقو الا بعد ما تحصل على شهادة سواقة .
أوس : بوعدك بابا .
جواد : صباح الخير .
يسرى : صباح النور حبيبي .
غسان : صباح النور ، انا صار لازم امشي .
يسرى : ما كملت فطورك حبيبي .
غسان : الحمدلله ، يسرى الحقيني .
يسرى : حاضر .
#بقلم_فتاة_من_ورق_بسمه_السباعي
*مشيت ورا غسان لحتى وصلنا عند باب البيت ...
غسان : يسرى انا ما عاجبني وضع جواد فهميه بمعرفتك انو يحط عقلو براسو و يهتم بدراستو و يتعلم من أوس كيف يكون ، أوس عم يتعب على حالو بس جواد مريح حالو و مأمن و شايف حالو انو ابوه صاحب شركة ، فهميه ا
ذا ما بيتعب على حالو نهايتو ينزل على الصناعة ، انا بعمري ما امنت بحدا انا عملت حالي بإيدي و بدي ولادي يطلعو متلي .
يسرى : امرك يلي بدك ياه بيصير .
غسان : بدك شي ؟
يسرى : سلامتك حبيبي انتبه على حالك .
غسان : سلام .
يسرى : الله معك .
#بقلم_فتاة_من_ورق_بسمه_السباعي
جواد : كأني سمعت كلمة موتور و انا نازل من غرفتي ؟
أوس : اي اخي صحيح ، الموتور هدية نجاحي بالتاسع .
جواد : يعني هلأ رح يصير عندك موتور .
أوس : منقول ان شاء الله .
جواد : بسيطة كلها كم شهر و بخلص تاسع و رح جيب مجموع اعلى من مجموعك وقتها انا كمان بجيب احلى موتور .
أوس : ليش لا اخي الله ييسرلك و ينجحك و تحصل على كلشي بدك ياه .
يسرى : أوس ، جواد .
أوس : نعم امي .
يسرى : صارت الساعة 8 الا ربع اطلعو يلا ما تتاخرو عالمدرسة .
أوس : حاضر .
يسرى : بدرية .
بدرية : نعم يا خانم .
يسرى : شيلي الفطور و اعمليلي فنجان قهوة .
بدرية : امرك يا خانم .
#بقلم_فتاة_من_ورق_بسمه_السباعي
*طلعنا انا و جواد بالسيارة ...
أوس : صباح الخير يا عم تامر .
تامر : صباح النور .
أوس : الله يقويك يا عم كل يوم عم نعذبك بتوصيلنا .
تامر : هاد واجبي انا ماعم اعمل اكتر من واجبي ، الله يخليلك ابوك و يطول عمرو .
أوس : و يطول عمرك يا عم .
جواد : تامر يا ريت تستعجل لاننا متأخرين .
أوس : جواد شبك كم مرة نبهتك لازم تحترم العم تامر .
جواد : أنا احترم شوفير عنا لك اصحى أوس .
أوس : صار لازم خبر ابوك بتصرفاتك .
تامر : أوس ، جواد لساتو صغير لا تحاسبو ولا تخبر السيد غسان بهالشي .
جواد : سماع انا ما صغير و بعرف منيح شو عم احكي التزم صمتك و عميل واجبك .
أوس : جوااااد ، بيكفي .
____________________________________
#بقلم_فتاة_من_ورق_بسمه_السباعي
نهاد : ريما امسكي ايد اختك منيح ديري بالك عليها ، و انتبهو على دروسكن .
ريما : حاضر ماما .
رنيم : باي ماما .
نهاد : الله معكن حبيباتي .
*مسكت ايد اختي و طلعنا من البيت ...
رنيم : بابا و ماما تصالحو ؟
ريما : اي حبيبتي تصالحو .
رنيم : ريما من زمان ما اشتريت شيبس على بالي اشتري .
ريما : اليوم لما نرجع على البيت منطلب من بابا مصروف و منشتري اتفقنا ؟
رنيم : اي .
ريما : انتي هلأ صف سابع لازم تركزي على دروسك منيح السابع مو سهل ابداً .
رنيم : بتعرفي انا بحب صف السابع لانو صرت معك بنفس المدرسة .
ريما : الله لا يحرمني منك يا اختي .
رنيم : التاسع صعب ؟؟
ريما : بصراحة اي صعب شوي .
رنيم : يا رب تنجحي .
ريما : يا رب .
#بقلم_فتاة_من_ورق_بسمه_السباعي
*وصلنا على المدرسة و كل وحدة فينا راحت وقفت مع رفقاتها ...
ريما : صباح الخير .
لارا : صباح النور ، شو صار معك ريما حكيتي مع اهلك مشان تسجلي معنا بالمعهد .
ريما : اه .. لا والله نسيت احكي معهن .
مريم : كل يوم نفس الحجة ريما رح نوصل لنص الكتاب و انتي لسا بتنسي .
ريما : اليوم على الاكيد رح احكي معهن .
لارا : بدون المعهد مستحيل ننجح بالرياضيات .
مريم : معها حق لارا .
ريما : مننجح ان شاء الله ما تخافو .
____________________________________
#بقلم_فتاة_من_ورق_بسمه_السباعي
الساعة 10 الصبح .. فتحت باب البيت و دخلت .. شفت نهاد نايمة عالكنبة ، جبت حرام و غطيتها ...
سليم : اجا الوقت يلي خبرها بكلشي .
*دخلت على المطبخ لأعمل قهوة ...
____________________________________
#بقلم_فتاة_من_ورق_بسمه_السباعي
عماد : أوس أوس .
أوس : نعم .
عماد : اخوك جواد
أوس : شبو ؟
عماد : عم يضرب ولد و يدعس عليه .
*ركضت لعند اخي جواد على الصف ، فعلا كان عم يضرب ولد من صفو موقعو بالارض و عم يدعس عليه ...
جواد : انا ابن السيد غسان ، انت و اشكالك تحت امري فهمان .
أوس : جوااااااااد .
جواد : أوس لا تدخل .
أوس : ما على كيفك بعد هيك بعد .
*بعدت اخي و قربت على الولد ...
أوس : انت منيح ؟
وليد : شو شايف .
أوس : حقك على راسي ، قوم معي .
وليد : بقوم لحالي ماني بحاجتك يا ابن السيد غسان .
أوس : روق صدقني اخي جواد ما بيقصد ، هلأ منحل الخلاف يلي بينتاتكن .
وليد : نزل الدم من انفي و بتقلي ما بيقصد لكن لو كان بيقصد شو كان عمل ؟ ما بدي تحل شي اتركوني بحالي وبس .
أوس : عماد تعال ساعدو وديه عالحمام خليه يغسل .
عماد : حاضر .
#بقلم_فتاة_من_ورق_بسمه_السباعي
أوس : وانت بعدين معك ؟
جواد : منحكي بالبيت .
أوس : الحكي معك ماعاد ينفع .
جواد : منشوف منشوف .
أوس : بعد شوي اكيد رح يناديلك المدير صدقني ما رح ندافع عنك لا انا ولا ابوك .
جواد : ما مطلوب منكن هيك شي .
____________________________________
#بقلم_فتاة_من_ورق_بسمه_السباعي
*قربت من نهاد حطيت ايدي على شعرها ...
سليم : نهاد .. نهاد قومي .
نهاد : حبيبي رجعت .
سليم : قومي بدي احكي معك .
*تطلعت بسليم حضنتو و بكيت...
نهاد : ليش هيك عملت فينا ، انا و بناتك ما النا غيرك .
سليم : خلص اهدي .
#يتبع
#إمسك_يدي
#الجزء_الثاني
#بقلم_فتاة_من_ورق_بسمه_السباعي
سليم : خلص اهدي .
*سكتت و مسحت دموعي...
سليم : جاهزة تسمعيني للأخير ؟
نهاد : اي احكي .
سليم : انتي بتعرفي منيح انو بالفترة الاخيرة قل شغلي و بسبب هالشي صرنا نتخانق على اتفه الأسباب .
نهاد : اي .
سليم : من كم شهر كنت طالع من البيت اتصل فيني رفيقي و عرف من صوتي اني مزعوج بوقتها طلب مني نطلع نسهر لحتى غير جو .
نهاد : اي .
سليم : انا فكرت السهرة سهرة عادية متل كل مرة...
************************************
#بقلم_فتاة_من_ورق_بسمه_السباعي
سليم : شو لوين رايحين ؟
فادي : اليوم رح تسهر سهرة بعمرك ما رح تنساها .
سليم : بربك فادي مو طايق حالي ومو طايق شوف حدا .
فادي : حتى لو هالحدا كان صوتو حلو ؟
سليم : شو قصدك ؟
فادي : هلأ بتعرف .
*بعد ساعة وصلنا على ملهى ، نزلت من السيارة و انا متردد...
فادي : شبك ليش وقفت ؟
سليم : ولا شي .
فادي : امشي بلا تصرفات ولاد صغار .
*كملت طريقي و فتنا عالملهى ، قعدنا على الطاولة و صرت اتلفت حواليي و اتفرج على المكان ...
فادي : كأنك متوتر ؟
سليم : ما متعود اجي على هيك اماكن .
فادي : بعد ما تسمع صوت ياسمين رح تتعود تجي .
سليم : مين ياسمين ؟
فادي : احلى صبية ممكن تشوفها عينك عندها صوت بيخليك تعيش بعالم تاني .
سليم : و ايمتا بتطلع هي ياسمين ؟؟
فادي : هلأ .. ها ليكها طلعت .
*التفتت ورايي ومن هاللحظة بلشت القصة .. وصف فادي الها كان قليل بحقها ما بنكر اني انغرمت فيها من اول نظرة ...
************************************
#بقلم_فتاة_من_ورق_بسمه_السباعي
*بلش سليم يحكيلي عن ياسمين و انا حس قلبي عم يحترق ، ما قدرت سيطر على دموعي .. بس بقيت ساكته كرمال اسمع قصتو كاملة ...
سليم : عشقتها و صرت كل يوم روح لإسمع صوتها و اتأمل عيونها .. بعد شهرين اعترفتلها بمشاعري اتجاهها ، كنت متوقع انها ترفضني لأنو في الف واحد غيري بيتمنى نظرة منها....
************************************
#بقلم_فتاة_من_ورق_بسمه_السباعي
سليم : ياسمين انا حبيتك .. حبيتك كتير ، كيف ما بتلفت بشوفك حواليي و كل ما شردت بكون عم اسمع صوتك .
ياسمين : بعرف .
سليم : شو بتعرفي ؟
ياسمين : بعرف انك حبيتني .
سليم : كيف عرفتي ؟
ياسمين : نظرات عيونك حكتلي كلشي ، هي النظرات الصادقة يلي بعمري ما شفتها بعيون حدا خلتني انطر اللحظة يلي تجي تعترفلي فيها بحبك لحتى قلك قبلانة فيك بدون ما اعرف شي عنك .
سليم : يعني بفهم من حكيك بتقبلي فيني ك زوج ؟؟
ياسمين : اكيد بقبل .
سليم : و بتوعديني تنسي كلشي عايشتيه و تتوبي لربك و ما عاد تطلعي من بيتك ؟
ياسمين : بوعدك
************************************
#بقلم_فتاة_من_ورق_بسمه_السباعي
سليم : قبل ما نتزوج ، تركت ياسمين الملهى و تغيرت 180 درجة ، تحجبت و تبرعت بكل مصاريها و تابت لربها ، رجعت عاشت ببيت اهلها يلي مافيه حدا غيرها ، وقتها تزوجتها .
نهاد : تزوجتها ؟؟
سليم : اي تزوجتها و هلأ هي حامل ، نهاد انا خبرتك لانو ما عاد قادر خبي عنك اكتر ، رغم حبي لياسمين كان الذنب عم يقتلني اتجاهك و اتجاه بناتي .
نهاد : خلص بيكفي ولا كلمة ، بيكفييييي ، انت لو عندك ذرة احساس بالذنب ما كنت بتعمل كل يلي عملتو ، ليش ؟ فهمني ليش ؟؟ انا بشو مقصرة ؟؟ بنت الشوارع هي بشو احسن مني ؟؟؟
سليم : ولا حرف نهاد ما بسمحلك تحكي عن ياسمين ولا حرف ، هي صارت مرتي ، اذا رب العالمين بيغفر مين نحنا لحتى ما نغفر ؟
نهاد : طلقني سليم .
سليم : مستحيل .
نهاد : اذا ما بتطلقني بالحسنى رح خليك تطلقني غصب عنك .
سليم : نهاد
نهاد : ماااااا تلفظ اسمي على لسانك ، عشت طول عمري بخاف على زعلك ، بتزعلني وانا يلي بصالحك ، ربيت بناتك احسن ترباية ، دللت امك و ابوك وعشت الهن خدامة لحتى ماتو ، بعمري ما حسستك بالنقص و انت جاي بكل بساطة تقلي عشقت و انغرمت و تزوجت و مستحيل تطلقني لااااا ومو بس هيك ومرتك حامل ، الله يسطفل فيك الله يسطفل فييييييييك .
*ركضت على غرفتي و قفلت الباب ورايي ، طالعت الشنته و بلشت ضب تيابي و ابكي .. بكيت عن عمري كلو .. بكيت بحرقة و وجع .. بهاللحظات كنت عم حس بتقل كبير على قلبي و كأنو جبل .. ضبيت كل تيابي و انا عم اسأل حالي ليش ؟؟ لييييش ؟؟
____________________________________
#بقلم_فتاة_من_ورق_بسمه_السباعي
المدير : شو عندك مبرر لهالتصرف جواد ؟
جواد : ما عندي مبرر .
المدير : انت ملاحظ انو مشاكلك كترانة هالسنة ؟
جواد : استاذ هو كبر حكي و نسي انا ابن مين .
المدير : انت ابداً ما بتشبه ابوك ولا اخوك ، ابوك بينضرب فيه المثل بتواضعو و اخوك بينضرب فيه المثل بأدبو انت ليش هيك ؟
جواد :........
المدير : طبيعي تسكت ما عندك شي تحكيه ، بكل الأحوال هالمرة ما رح استدعي ابوك على المدرسة لأني بعرفو ما بيهون عليه بتصرفاتك ، بس اذا تكررت مرة تانية صدقني وقتها ما بتدخل على المدرسة الا لحتى يجي ابوك
و يحل كل مشاكلك بمعرفتو ، فيك تروح على صفك هلأ .
*طلعت من عند المدير و نار الغضب عم تغلي جواتي .. وصلت على الصف بقيت ساكت بس الشر عم يطلع من عيوني ...
____________________________________
#بقلم_فتاة_من_ورق_بسمه_السباعي
سليم : نهاد افتحي الباب ، نهاد لو سمحتي ما تخربي كلشي بعد 15 سنة زواج .
*فتحت الباب وكنت متمنية وقتها طالع روح سليم بإيديي...
نهاد : اخرب كلشي ؟؟ انا اخرب كلشي ؟ ويلي عملتو انت شوووو ؟؟ بتعرف انو انا اغبى انسانة بالدنيا لأني كنت مفكرة سبب تغيرك عليي هو ظروف شغلك الصعبة طلعت متزوج متزوووووج ، ولا لحظة خطر ببالي انك تكون بشع هالقد ولا لحظة خطر ببالي انك تتزوج عليي بدون سبب .
سليم : نهاد انا برأيي تروحي تنامي ساعة ترتاحي و بعدها منتفاهم على رواق .
نهاد : انا برأيي تبعد عن طريقي .
*طالعت شنتايتي .. دفشت سليم و طلعت من الغرفة .. بعد لحظات اندق الباب ....
سليم : رح شوف مين عم يدق الباب .
نهاد : هاد اخي .
*سحبت شنتايتي و فتحت الباب ...
سهيل : شوفي نهاد ؟
نهاد : مسيك شنتايتي و انطرني بالسيارة اخي .
سهيل : خير ان شاء الله ، تكرمي .
*نزل اخي سهيل و انا التفتت على سليم و تطلعت بعيونو للمرة الأخيرة...
نهاد : طلقني .
سليم : نهاد .
نهاد : طلقني سليم احسن ما تتبهدل بالمحاكم .
سليم : انتي .. انتي طالق .
نهاد : الله لا يسامحك ولا يهنيك .
*نزلت ركض لعند اخي .. ركبت بالسيارة و صرت ابكي بطريقة هستيرية ...
____________________________________
#بقلم_فتاة_من_ورق_بسمه_السباعي
*الساعة 2 الضهر .. طلعنا بالسيارة انا و اخي جواد لنرجع عالبيت...
أوس : جواد .
جواد : نعم .
أوس : يلي صار اليوم بالمدرسة اندفن بالمدرسة ، ما رح خبر حدا عنو بس انت لازم تغير من حالك .
جواد : انا شايف حالي هيك تمام ، اهتم بحالك انت و خليك داير ورا رضا الناس .
أوس : جواد اسلوبك هاد رح يخليك تخسر كتير .
جواد : انا ما بخسر ، واذا بدك تخبر ابوك خبرو ماني خايف من شي .
*بهاللحظة حسيت بالخوف على اخي و تمنيت لو اقدر اثر عليه و غيرو للأحسن ...
____________________________________
#بقلم_فتاة_من_ورق_بسمه_السباعي
سهيل : نهاد معلش توقفي بكي و تفهميني شو صاير ؟
نهاد : قبل ما خبرك جاوبني انا بعمري كنت سيئة او غلطت بحق حدا ؟
سهيل : لا .
نهاد : بعمري تمنيت الشر لحدا ؟
سهيل : كمان لا .
نهاد : بعمري جرحت حدا او كسرت قلب حدا ؟
سهيل : لا لا لا .
نهاد : انا اليوم انجرحت و انكسر قلبي ، سليم طلع متزوج عليي و مرتو حامل ، لك يا ريت متزوج وحدة منيحة يلي تزوجها بنت شوارع مغنية بملهى ، رفعها لمستوايي انا بنت العالم و الناس ، دعس على كرامتي بدون ما ترفلو عين .
سهيل : طولي بالك اختي يمكن الموضوع مو هيك .
نهاد : مافي مجال للشك هو يلي خبرني بكلشي و قبل ما انزل من البيت طلبت الطلاق و طلقني .
سهيل : لا حول ولا قوة الا بالله .
*وصلت على بيت اهلي .. نزلت من السيارة و انا مو شايفة شي ، عيوني مغبشة من كتر الدموع ...
ابو سهيل : نهاد ! شبك بنتي ؟؟
*حضنت ابي و بكيت كل ما يسألني شو صاير معك ابكي اكتر و ما اقدر احكي ، لحقني سهيل و خبر ابي بكلشي ....
____________________________________
#بقلم_فتاة_من_ورق_بسمه_السباعي
رنيم : انا جوعانة كتير .
ريما : شوي منوصل على البيت و منتغدى .
رنيم : يا ترى شو طابخة اليوم ماما ؟
ريما : نسيت اسألها الصبح ، شو ما كان كل طبخها طيب ، خبريني هلأ كيف كان يومك ؟
رنيم : كان حلو اجت لعنا على الصف بنت جديدة .
ريما : رافقتيها ؟
رنيم : اي و تمشينا مع بعض بالفرصة .
*حكينا كتير طول الطريق .. وصلنا على البيت لقينا الباب مفتوح ...
ريما : ماما .
رنيم : ماما نحنا اجينا .
*دخلنا على الصالون شفنا ابي قاعد على الكنبه و شارد بالأرض ...
ريما : بابا .
رنيم : باباااااا .
سليم : اهلين حبيباتي .
ريما : وين امي ؟
سليم : بابا روحو غسلو و بدلو تيابكن .
رنيم : بابا وينها امي ؟
سليم : امكن راحت زيارة على بيت جدكن .
ريما : ليش ما نطرتنا نروح معها ؟
سليم : حبيباتي ما تسألو كتير روحو غسلو يلا بسرعة .
*حسيت في شي مو طبيعي .. اخدت اختي رنيم و رحت لنغسل ...
رنيم : اول مرة امي بتروح فجأة و بدون ما تاخدنا .
ريما : في شي ابوكي مخبيه بس ترجع امي منسألها ، انا حاسة انو جدو صايرلو شي لا سمح الله لحتى راحت فجأة .
رنيم : بعيد الشر .
________________________________
#بقلم_فتاة_من_ورق_بسمه_السباعي
ابو سهيل : اسمعيني منيح يا بنتي انتي هلأ تطلقتي و تأكدي لو ما طلقك كنت انا بجبرو يطلقك وما بخليكي ولا لحظة عند هالكلب ، بدي ياكي تحطي ببالك انو حياتك رح تتغير من هاللحظة .
نهاد : كيف يعني ؟
ابو سهيل : يعني ماعاد الك طلعة من البيت ابداً حتى لما تخلص العدة ، تاني شي ممنوع تاخدي البنات .
نهاد : شو يعني ممنوع اخد البنات؟
ابو سهيل : انا ما مستعد ربي بنات سليم وما مستعد احمل مسؤوليتهم .
*يـــــــــــتبــــــــــــــ؏*