الفصل 3
*روايه عـاشـق ذات الـنـقـاب💗🎀*
*لـِ/ميوي*🌍👑
*تـمت مـشـارڪه الـروايـة مـن جروب 𝑀𝐲 𝑵𝑶𝑉𝐸𝐿𝑆🕊️✨≯♡゙ُ)).*
*الانضمام إلى مجموعة 𝑀𝐲 𝑵𝑶𝑉𝐸𝐿𝑆🕊️✨≯♡゙ُ)). في*
https://chat.whatsapp.com/CyIaMRbDEZ0KzibXZLYc27
②
https://chat.whatsapp.com/GbdUplLdYPq04ZCv2uIpzo
*تابع قناة لــِڪـل ࢪوايــة حــِڪـايــة 🎀≯♡゙ُ↺ في واتساب:*https://whatsapp.com/channel/0029VaUheZD7dmecofzf2Y0D
لينڪ الجروب الديني https://chat.whatsapp.com/JfyUKwaVwRnEtG6v2UZ5dW*
*البارت 11🦋*
*البارت 12🦋*
*البارت 13🦋*
*البارت 14🦋*
*البارت 15🦋*
بقلم عبدالله محمد 🌺
الحلقه الحادية عشر..
منه: حمدي حمدي
حمدي بخضه: اي في اي مين مات
منه: محدش مات لا حول ولا قوة إلا بالله
حمدي: اوومال في اي
منه: لسه ساعه علي الفجر واتأخرت علي قيام الليل بسببك امبارح والقصه اللي حكيتها
حمدي بنعاس: والمفروض أعمل اي دلوقتي
منه: هتقوم تصلي معايا قيام الليل دلوقتي وهنستني الفجر
حمدي: ماشي ماشي كمان شويه
منه: مش هنقوم تاني قوم بطل كسل
حمدي: منه بعد إذنك عايز أنام
منه: عشان خاطري قوم الله يخليك
حمدي: الجو برد يا منه تعالي نامي واسكتي
منه: دا أحسن حاجه علي الأقل هناخد حسنات كتيييير مع كل رعشه من برد الوضوء حسنات وإحنا محتاجين الحسنات في زمن الفتنه دا يلا قوم
حمدي: ماشي ماشي
بعد وقت..
حمدي: صلينا القيام الحمد لله اي تاني
منه: احم ممكن تنام علي رجلي
حمدي بإستغراب: أنام؟ ليه
منه: أصل يعني كنت بشوف فيديوهات لزوجين لما يصلوا هو بينام علي رجليها وتقعد تلعب في شعره كدا فكنت عايزه أجرب الشعور
حمدي بإبتسامة: أحسك طفله من جواكي
نام عليها رجليها وهي لعبت في شعره بحب.
منه: أيوه أنا فعلاً طفله من جوايا بس مش بحب أبين كدا
حمدي: اممم الكاريزما بقي وكدا صح
منه بضحكه بسيطه: مش بالظبط.. احم بكره الخميس
حمدي: اه وبعدين
منه: أنا متعوده أصوم اتنين وخميس ممكن أصوم بكره
حمدي: بتستأذني ليه
منه: لإن الصوم دا نوافل سنه يعني عن الرسول ﷺ أما طاعة الزوج واجب فكنت بستأذن منك يعني
حمدي: وأنا مش هكون سبب أنك تعطلي عاده أنتي متعوده عليها
منه بإبتسامة: يا عيني علي الكلام الجميل
حمدي بضحك: أي خدمه
منه: طب مش ناوي أنت كمان تصوم معايا
حمدي: مش ناوي الصراحه
منه: ليه بس
حمدي: خلاص خلاص قبل محاضره طويله هصوم ماشي
ودون سابق إنذار قبلت رأسه بسرعه وهي في قمة الفرحة.
منه بسعاده: الله عليك كدا بتحقق أحلامي
حمدي: احم أحلا اي
منه: أصل في حاجات كدا في دماغي ناويه والنيه لله أعملها في جوزي اللي هو أنت يعني
حمدي: وأنا مستعد لأي حاجه يا منون
منه بخجل: كل حاجه في وقتها المهم سامع اللي سمعاه
حمدي: لا
منه: دا قرآن الفجر يلا علي الجامع قوم
حمدي: هصلي هنا وخلاص لازم أروح يعني
منه بغضب: وهما اللي أزواجهم راحوا دوم أحسن مني في اي يكونوا مع بعض في الجنه وإحنا لا وبعدين لو روحت أنت هتاخد حسنات وأنا هاخد حسنات والدنيا حلوه
حمدي: حاضر مااااااشي
منه: براحه طيب
حمدي: هشرب وأمشي
ارتدي فميص من اللون الأبيض وبنطال چينز أسود وارتوي بقليل من الماء ونزل.
منه: ادعيلي
حمدي بإبتسامة: حاضر
مع ظهور أول شعاع لنور الشمس كانت منه قد جهزت نفسها بأن ارتدت ديريس من اللون البنفسجي وخمار أبيض ونقاب من نفس اللون.
هبطت إلي الأسفل وجدت أن المكان مظلم لأن الستائر السوداء مانعه لمرور الضوء.
اتجهت إلي كل نافذه وفتحت الستائر تجعل أشعة الشمس تدخل إلي كل ركن من أركان الفيلا.
نوافذ كبيره ممتده للأعلي وهي تفتح كل نافذه بإبتسامة.
اتجهت للمطبخ لتحضر الإفطار وجدت مساعده.
منه: صباح الخير
... صباح النور يا هانم
منه: لا بلاش هانم دي اسمي منه علطول
.. زي ما حضرتك عايزه
منه بضحك: حضرتك اي أنا زي بنتك اسمك اي
صبيحه: صبيحه
منه بحب: عاشت الاسماء يلا نحضر الفطار
أمل: صباح الخير
منه: صباح الورد يا ماما
أمل بإبتسامة: بدري بدري
منه بضحك: اتعودي علي كدا يا ماما لا للكسل
أمل بإبتسامة وطيبه: ربنا يبارك فيكي يا بنتي
منه: اللهم أمين يا أمي ارتاحي وأنا هساعد دادا صبيحه
أمل: هساعد معاكم نخلص بسرعه لا للكسل زي ما قولتي
بعد وقت..
ناجح: رايح فين يا حمدي
حمدي: مفيش يا بابا بس هروح الشركه عشان شوية شغل
ناجح: علي الصبح طب تعالي افطر حتي
نظر لـ منه وقال: صايم يا بابا
أمل بدهشه: صايم اي
منه: صايم أصل النهارده الخميس ودا سُنه
أمل: ااه وأنتي كمان صح
منه: ايوه الحمد لله
علي: خلاص يا أبيه روحوا النهارده افتطروا في مطعم من مطاعمنا
حمدي: بإذن الله يلا سلام
منه: في رعاية الله
في الشركه..
السكرتيره: اعمل قهوة حضرتك
حمدي: لا في اجتماعات النهارده
السكرتيره: لا يا فندم في بس ورق محتاج أمضت حضرتك
حمدي: تمام هاتيه
حمدي: الوو،، أيوه يا هيثم.. المطعم ماشي تمام.. اه مجتش من زمان عارف عموماً هاجي أنا والمدام النهارده قبل الغرب بشويه عايزك تجهز لينا سفره كدا زي سفرة فطار في رمضان... يا عم ايوه صايم الحمد لله.. اه فردين مفيش تالت.. ظبط كدا.. ماشي سلام
أمل: رزان فين
علي وهو يأكل: زمانها نايمه
أمل: معلش يا حبيبتي ممكن تطلعي تنادلها
منه: حاضر يا ماما
وصعدت إلي غرفة رزان ولكن صدمت مما رأته.
منه بصدمه: رزان مالك
يتبع.عبدالله محمد 🌺
#عــاشـق ذات الـنـقـاب🌚♥️
بقلم عبدالله محمد 🌺
الحلقه الثانيه عشر..
(هُنَالِكَ دَعَا زَكَرِيَّا رَبَّهُ ۖ قَالَ رَبِّ هَبْ لِي مِن لَّدُنكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ (38)
آل عمران)
رزان ببكاء: والله ما عملتش حاجه
أغلقت الباب بسرعه واتجهت ناحيتها وهي ترفع النقاب ، احتضنتها وهي تحاول تهدئتها.
امسكت الهاتف من يدها ورأت ما لم تتوقعه.
منه بشهقه: اي دا
رزان بإنهيار: والله يا منه دي مش أنا والله مش أنا
منه: اهدي يا رزان
رزان: هينشرها يا منه اهئ اهئ
منه: خلاص اهدي بس خدي نفس عميق
رزان برعب: يا نهاار لو نشرها بجد ومش كلام دا دا ماما تروح فيها وبابا كمان، حمدي هيشرب من دمي
منه: اهدي يا رزان متقوليش كدا هنشوف حل
وضعت رزان رأسها بين يدها وقالت بحسره.
رزان: أنا خلاص انتهيت
منه: رزان بصيلي.. تعرفي مين دا
رزان: معرفش حاجه عنه
منه: طب امتي كلمك ولا الموضوع بدأ ازاي
رزان بدموع: أنا كنت في أوروبا بتعلم عادي في جامعتي اللي هناك لما نزلت مصر لقيت واحد كلمني وواضح من كلامه إنه مصري وبعت ليا الصور دي وأول ما شوفتها اتصدمت
منه: هاا وبعدين
رزان: طلب مني فلوس كتير اووي
منه: كام يعني
رزان بتوتر: 100 ألف جنيه وقالي مش هعمل حاجه لو الفلوس بقت معايا غير كدا هيفضحني
منه: أمرها بسيط الفلوس
رزان: لا مش بسيط يا منه أنا هقول لـ بابا محتاجه 100 ألف جنيه مستحيل
منه: أنا فاهمه إنه ممكن يستغرب بس الفلوس مش هتبقي من عمو ناجح الفلوس أنا هجيبها
رزان: ازااي
منه: ملكيش دعوه بالموضوع دا
رزان بمقاطعه: لا يا منه قولي هتجبيهم منين
منه: أنا ليا حساب في البنك الحمد لله بفلوس كتير تعدي المبلغ اللي قولتيه
رزان: مش هينفع يا منه تجيبي حاجه من معاكي
منه: يا سيتي أنا من العيله ولا اي
رزان: دا طبعاً
منه: خلاص الموضوع اتحل
رزان بخوف: أمانه عليكي متقوليش لحد ولا حمدي حتي
منه: متخفيش أهم حاجه لو حصل حاجه وبعت قوليلي
رزان: حاضر وقامت بإحتضانها وقالت شكراً يا منه
منه بحب: أنتي أختي هاا يلا البسي وبسرعه عشان الفطار جاهز ومستنين تحت
رزان: حاضر
في تمام الساعه 4 عصراً.
حمدي: السلام عليكم
منه: وعليكم السلام ورحمة الله وبركاته مين
حمدي بضحك: صوتي مش واضح
منه بإحراج: أصل الرقم غريب
حمدي: عموماً يا سيتي اجهزي عشان أنا جاي من الشركه اهوو وهنروح نفطر سوا في المطعم بتاعي
منه بهمس: سوا
حمدي: الو أنتي معايا
منه: ايوه ايوه
حمدي: تمام يلا مش هتأخر
ارتدت ديريس من اللون الزيتي ضيق قليلا من الأعلي ولكن الخمار البيچ سيخفي هذا ونقاب من نفس اللون.
أمل: حمد الله علي السلامه
حمدي وهو يقبل يدها: اللة يسلمك يا أمي
أمل: ما شاء الله ما شاء الله
حمدي: في اي
أمل: بص كدا
نظر إلي ما تنظر إليه وجد ما جعلة يبتسم لا إرادياً وذهب إلي عالم أخر.
حمدي بإعجاب: تبارك من جعل فيكي كل هذا الجمال يا حلوتي
منه: يلا
حمدي: احم اه يلا
أمل بغمزه: خدوا راحتكم بره
حمدي بضحك: ماشي
وكاد أقدامهم أن تغادر باب الفيلا ولكن.
بوسي بصوت عالي: استنوا
حمدي بإستغراب: اي
بوسي بغيظ: أظن إن من أول ما الهانم دي جات هنا وأنا ناسي إن عندك زوجه تانيه ومقضيها معاها
حمدي: اتكلمي بأسلوب أحسن من كدا
بوسي: ماشي يا حمدي بس دا يومي أنا
حمدي: ازاي مش فاهم
بوسي: أنت كنت معاها امبارح يبقي أنا النهارده والخروجه دي تبقي ليا ولا هو مفيش غيرها اللي بتخرج معاها
حمدي: والله أنا اعمل اللي عايزه
بوسي بإنفعال: بس دا مش عدل
أمل: ايوه يا ابني متنساش إن عندك زوجه تانيه لازم تعاملهم زي بعض وفعلاً دا يوم بوسي
حمدي: بس يا أمي أنا مخطط إني هروح أفطر أنا ومنه مع بعض النهارده
بوسي بسخريه: اي دا هي الإرهابيه دي خلتك تصوم
حمدي بغضب: بوووسي
يتبع. عبدالله محمد
#عــاشـق ذات الـنـقـاب🌚♥️
بقلم عبدالله محمد 🌺
الحلقه الثالثة عشر..
(لَا إلَه إلّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلُّ شَيْءِ قَدِيرِ.)
بوسي بخبث: ايوه كدا يا حبيبي
حمدي: ممكن تسكتي بقي
بوسي: طب أكلني بإيدك
حمدي: طيب يا بوسي
بوسي: يا حرام مكلف نفسك ومكلف مطعمك عشان حته إرهابيه صايمه بس مش مشكله اهوو أنا باكل مكانها
حمدي بغضب: بوسي متقوليش كدا عليهاا
بوسي: دا أنا بوصفها بس
حمدي بغضب: اشبعي بالسفره كلها لوحدك وغادر
بوسي ببرود: عادي
في فيلا الزاهد🦋.
حمدي: أمي منه فين
أمل بحزن: لما مشيت أنت وبوسي هي طلعت فوق ومنزلتش لحد دلوقتي
حمدي: مأكلتش حاجه
أمل: لا
صعد لها وما أن خل الغرفه وجدها لازالت بالديريس ونائمه علي السرير وشعرها مفرود علي الوساده.
حزن بشده عندما وجد دموعها لها أثر علي خدها، مد يده بحب لكي يمسها ولكن.
منه: اي
حمدي: أنتي صاحيه
منه ببرود: عايز اي
حمدي: أنا أسف
منه: بعد إذنك عايزه أنام
حمدي: طب تعالس نفطر مع بعض
منه: ونفطر ليه مش فطرت مع الهانم
حمدي: محصلش دا أنا محطتش اي حاجه في بوقي لحد دلوقتي
منه: احم ودا ليه
حمدي: عشان عايز أفطر معاكي أنتي..♡
علي: اي ما تحاسبي
نيره: أنت اللي بتمشي بسرعه
علي: طب بصي قدامك يا صغننه بعد كدا
نيره بغضب: أنا مش صغننه
علي: يا اختي عسوله كوتي كوتي
نيره بصراخ: أنت مجنووووون ايدك جنبككك
علي بصدمه: اي برااحه
.. اي يا علي دا زي أختك الصغيره
نيره بغضب: يا عم أنت كمان متقولش صغيره
علي بضحك: اهووو مش أنااللي بقول لوحدي
علي: مهلش يا عم توفيق هي بص تحس أنها مجنونه
نيره: أنا بضيع وقت اوعي كدا
دفعته وأكملت طريقها.
علي بإستغراب: اي دا هي داخله بيتنا ليه يا آنسه ياا..
أمل بحب: أهلا أهلا يا بنتي
نيره بإبتسامة: أهلا بحضرتك احم كنت عايزه منه ضروري
أمل: في اي يا بنتي قلقتيني
نيره: لا لامفيش قلق خالص بس كنت عايزه أسألها علي حاجه ومكنش ينفع تليفون
عبدالله محمد 🌺
علي: أهلا يا أمي
نيره: أنت تاني
علي: علي فكره دا بيتي
نيره: ألف سلامه
علي: بت أنتي مجنونه
أمل: علي عيب كدا
علي: ايه يا أمي أنا عملت اي وبعدين مين دي
أمل: دي تبقي أخت منه
علي: مفيش شبه خاااالص
نيره بغضب: قصدك اي
علي وهو يحرك حواجبه: معرفش
نيره وهي تحاول التمالك: استغفر الله العظيم يا رب
أمل: ناديلي منه يا صبيحه
صبيحه: حاضر يا هانم
أمل: تحبي تشربي اي يا بنتي
علي بإستفزاز: السم الهارب
نيره بنفاذ صبر: شكراً يا طنط أمل
أمل: علي أنت قاعد معانا ليه
علي وهو يلعب في هاتفه: اي يا أمي أقعد براحتي دا بيتي
أمل: ماشي اطلع اوضتك
علي: لا حول ولا قوة إلا بالله ماشي ماشي أنا طالع
نيره: أحسن
علي بخبث: سمعتك
يتبع.عبدالله محمد
#عــاشـق ذات الـنـقـاب🌚♥️
بقلم عبدالله محمد 🌺
الحلقه الرابعة عشر
( ومن يعص الله ورسوله ويتعدّ حدوده يدخله ناراً خالداً فيها وله عذاب مهين ) النساء-14
نيره: زهره هترجع لـ وليد
منه بغضب: نععععم
نيره: راح اتقدم لها تاني وهي عشان بتحبه هتوافق
منه: يا نيره بس أنتي عارفه أنو مش كويس
نيره: ما أنا عارفه بس هي مش قادره تستوعب كدا
منه: يعني اي هترجعله خلاص
نيره: مش عارفه يا منه اي التفكير بتاعها دا
منه: طب بصي أنا هجيلها بكره
نيره: بس بالله عليكي ما تتعصبي عليها أكيد أنتي عارفه زهره، قلبها رقيق أووي
منه: ماشي بس صحيح أنتي جايه بالليل كدا ليه مش قلنا بلاش خروج باليل لوحدك
نيره: ما هو الشوفير كان بيجيب طلبات لـ ماما قولت أجي معاه
منه: طب هو تحت
نيره: لا مشي
منه: اوومال هتروحي ازاي
نيره: مش عارفه
منه: تعالي يا وش المصايب
نيره بضحك: لسه فكره الإسم دا
علي: أنا ممكن أوصلها
أمل بخبث: واي مالك مندفع ا ليه
منه بخوف: لا يا علي أنا هتصل بالشوفير يجي يوصلها
علي: عادي أنا مش ورايا حاجه
أمل بطيبه: متخفيش يا منه أنا عارفه ابني
منه بتوتر: مش علي كدا بس
نيره: يلا بسرعه يا منه بابا هيلاحظ اني مش موجوده في البيت
منه: طيب روحي معاه ولما توصلي اتصلي عليا
نيره: حاضر يلا سلام واحتضنتها وغادرت.
في غرفة بوسي🦋.
بوسي: اي يا بيبي مالك بتفكر في اي
حمدي بقرف: عايزه اي يا بوسي
بوسي: ولا حاجه بس مش ملاحظ ان من اول ما الإرهابيه دي جات هنا وأنت متغير معايا ااااااااهههه اااااهه سبني
حمدي وهو يمسك شعرها بغضب عارم: دي أحسن منك مليووون مره يا وسخـ*ـة
بوسي: اااااه ابعد عني
حمدي بغضب شديد: عارفه لو جبتي سيرتها بالوحش بعد كدا والله العظيم يا بوسي لأدفنك مكانك ودفعها بعيداً عنه وخرج من الغرفه
بوسي بغل: هتشوف هعمل اي
وقامت بالإتصال بأحدهم وقالت: ابدأ يا ابني
حمدي: افتحي يا منه
منه: اي دا مش المفروض تكون مع السنيوره مراتك
حمدي: أنتي مراتي يا منه
منه: ههه ضحكتني اوومال بوسي هانم راحت فين
حمدي: منه افتحي بلاش شغل أطفال
منه: أظن إن حضرتك امبارح كنت معايا والنهارده معاها يعني امشي من هنا عشان مش هفتح وعايزه أنام
حمدي بغضب: يا منه هكسر الباب
منه فتحت الباب وقال: عاايز اي
حمدي بخبث: كل خير
منه: اي مالك بتبص كدا ليه
حمدي: ولا حاجه ولا حاجه
دخل الغرفه وقام بإغلاقها بإحكام.
نيره: لو سمحت اقفل الأغاني دي
علي: مش بعرف أسوق غير بيها
نيره: وأنا صدعت منها
علي: عادي
نيره بغيظ: هو اي اللي عادي بقولك مصدعه
أغلق الموسيقي وأوقف السياره وقال: أنتي اي يا بت أنتي متشوفيش حد غير لما تخربي عليه سعادته
نيره: ممكن أعرف فين السعاده في الموضوع موسيقي يعني حرااام حراااام
علي: هه همااللي لابسين الخمار والنقاب دول مش علي لسانهم غير حرام وحلال
نيره: ما هو دا دينا لما نكون عارفين الصح ونعمله ناخد حسنات وربنا يحبنا أما لو بنعمل الغلط واحنا عارفين انو غلط ناخد علي دماغنا والموسيقي حرام وهنتحاسب عليها
علي: مالها ما هي حلوه أهيي
نيره: لا طبعاً مش حلوه طب أسألك سؤال أنت بتصلي
علي: اي لزمته بقي
نيره: عموماً حتي لو بتصلي أكيد مفيش خشوع بسبب أن الأغاني في قلبك مش القرآن ولو مش بتصلي فـ دا بسبب الأغاني وأكيد حاجات تانيه
أدار السياره انطلق مره أخري: محاضرات حضرتك أكبر من محاضرات الدكتور بتاعي في الجامعه
نيره: بتكلم علي حق وخد بالك كله في صحيفة أعمالك
علي بتفكير: ماشي ماشي اسكتي بقي
نيره: أنت مستفز
علي بخبث: لا لا احترمي نفسك معايا دا احنا علي طريق فاضي والشيطان تالتنا
نيره بخوف: يعني اي
علي بخبث: اسكتي أحسنلك
نيره: حـ حاضر بس بسـ رر عه
علي بضحك: شكلك حلو وأنتي خايفه
نيره ببكاء بسيط: بسرعه لو سمحت
علي: اي مالك هتعيطي
نيره:
علي: متخفيش أنا مش من النوع دا وبعدين أنا أخر واحد تخافي منو
نيره بإبتسامة: اسمك علي
علي: اه يا سيتي وأنتي
نيره: نيره
علي: اتشرفنا.. يلا وصلنا
نيره: تمام شكراً
علي: علي اي دا الواجب سلام
نيره: مع السلامه
علي: استـ.... نست السبحه (سبحة إلكترونيه للفتيات)
علي: يلا هي مشت
«هي مش محاضره طويله علي رأي الأستاذ (علي) بس الحقيقه الأغاني ممكن تقصر في العباده بتاعتك هتقوليلي ازاي هقولك يعني مثلاً.. مش هتعرفي تخشعي في صلاتك لو في قلبك الأغاني، حالياً البنات بتسمع المهرجان زي الشباب بالظبط ودا يا جماعه مينفعش، الأغاني الكل عارف انها حرام وأكبر دليل أنك بتقفلي الأغاني لما الأذان يأذن، طب ليه نعمل في نفسنا كدا دي بهدله، الجنه تستاهل أكتر من كدا، القرآن شفاء لما في صدور العالمين، استبدلي الأغاني بالقرآن خليكي مختلفه لو الشله كلها بتسمع أغاني ومعرفش اي خليكي أنتي اللي بتسمعي كلام ربنا، ولو حابه تسمعي أغاني اسمعيها لوحدك وبلاش تنشري حاجه الله يسترك ذنوب فوق
#عــاشـق ذات الـنـقـاب🌚♥️
بقلم عبدالله محمد 🌺
الحلقه الخامسة عشر
(سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ)
حمدي: لسه زعلانه
منه: خلاص
حمدي وهو يدغدغها: قولي قولي
منه بضحك هستيري: خلاص والله مش زعلااانه
حمدي: ايوه كدا فرفشي ولو علي الخروجه فـ يا سيتي بكره نخرج أنا وأنتي بالليل
منه: بجد
حمدي: اه والله اي رأيك
منه: يا رب محدش يقف قدامنا المره دي كمان
حمدي: لا لا متخفيش
منه بفرحه: تمام
حمدي: عايز قصه من قصصك
منه: اممم استني أفكر
حمدي: براحتك
منه: اه لقيتها،، مره شيخ بيحكي بيقول أنا شيخ وبغسل الموتي للدفن، روحت مره لبيت عشان أغسل واحد ومكنش في هناك إلا عياله بس، الشيخ بيقول أنا استغربت ازاي مفيش غير عياله التلاته والمفروض ان واحد مات يكون هناك حريم بتصوت ورجاله بتعمل معرفش اي والكلام دا، دخلت لغرفة الميت عشان ننقله للحمام ونبدأ في الغسل لقيت الأوضه كتمه وكلها ريحة سجاير، سألت ولاده اي الريحه دي محدش رد عليا، الشيخ بيقول كان في علي الحيطه مسامير وعلي كل مسمار كيسه كبيره مليانه علب سجاير وبواقي السجاير اللي هي الحته الصغيره اللي بتفضل دي في الأخر، المهم نقلوا الميت وحطوه في الحمام وهيبدأو يغسلوه. الشيخ والشباب اللي معاه للتغسيل طلبو من ولاده يطلعوا بره ف عيال الميت دا خرجوا، بيبصوا علي جسم الميت دا ما شاء الله أبيض اووي وبشرته بيضه بمعني الكلمه، بدأو بالتغسيل وساعتها الشباب اللي مع الشيخ دا كانوا لسه بيتعلموا طريقه الغسل للميت، بيحطوا الميه علي جسمه في لمح البصر جسم الميت دا بقي زي الفحمه السوداا اووي
حمدي بصدمه: اي
منه: استني،، لما جسمه بقي أسود كدا الشباب اللي مع الشيخ اترعبوا وبدأو يرجعوا لورا وكانوا هيخرجوا بس الشيخ قالهم زي ما ربنا ستره في دنيته لازم نستر عليه في الأخر، ف واحد من الشباب خاف اووي وكان هيخرج بس الشيخ منعه. غسلوه وكفنوه وطلبوا من أهله يدفنوه وبس كدا
حمدي: طب ليه جسمه عمل كدا
منه: كل واحد فينا بيبان علي حقيقته في الأخر يعني الراجل دا عشان حياته كانت وحشه اووي كدا محدش حبه ولا حد جه العزا بتاعه، لازم نعمل أثر لينا حلو قبل ما نموت عشان نتذكر بالكلام الطيب والحلو.
حمدي: هي السجاير حرام
منه: اه طبعاً حرام أي حاجه بتأذي الجسم حرام ويوم القيامه هيتسأل علي كل ذره في جسمه وعلي الفلوس اللي راحت عليها وعلي الناس اللي شافته وعملت زيه.
حمدي: اامممم
منه: بتشربها
حمدي: بشربها بس مش كتير
منه: الحمد لله
حمدي: بس ساعات بشرب خمرا
منه بصدمه: يا نهااار، بتقول اي
حمدي بإبتسامة بسيطه: ايوه والله
منه: حراام عليك دا ربنا بيقول( يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ)
حمدي: أنا بشربها بس لما ببقي مدايق
منه: دا رجس من الشيطان طب جربت تصلي لما تبقي مدايق
حمدي بإحراج: لا
منه: خلاص نبدأ حياة جديده من غير الحاجات دي
حمدي: هحاول
منه: لا دا أنت تاخد وعد ليا حالا
حمدي: مش هقدر أنا ممكن اشربها تاني وو
منه بحده: ووعد حاالا
حمدي: بس
منه بحده أكثر: أستاااذ حمدي
حمدي بضحك: حاضر، وعد إني مش هشربها تاني وهبدأ حياة جديده.
منه: شطور كدا تعجبني
حمدي: بجد
منه بتوتر: احم يلا عايزه أنام، اه صحيح أنا عايزه أروح بكره عند بابا
حمدي: ليه في حاجه ولا اي
منه: لا بس في مشكله صغننه مع أختي لازم أروح
حمدي: تمام مفيش مشكله هوصلك في طريقي للمطعم
منه: اي دا مش هتروح الشركه
حمدي: مره كدا ومره كدا
منه: ممكن طلب
حمدي: عيوني
منه: تسلم العيون، ممكن تربي لحيه
حمدي: نعم؟
منه: والله بتبقي جميله وكمان أنا بحب الناس اللي بيبقي عندهم لحيه
حمدي بغضب: بتحبيهم يعني اي
منه: لا اهدي أنت فهمت غلط
حمدي بغضب:
يتبع
ويُحڪى أنَّ هُناك بيوتًا في الجَنةِ
تُبنى بالذڪرِ، فاذڪرُوا الله دائمًا
• سُبحَان اللّٰـه .
• الحَمدُ لِلّٰـهِ .
• لا إله إِلَّا اللّٰـه .
• اللّٰـه أكبر .
• لا حول ولا قوة إلا باللّٰـه .
•الصلاة والسلام على رسول اللّٰـه .
•سُبحان اللّٰـه وبحمدِ .
•سُبحان اللّٰـه العظِيم .
❤❤❤❤❤