الفصل 1
*روايه عـاشـق ذات الـنـقـاب💗🎀*
لـِ / ميوي 🌍👑.
تـمت مـشـارڪه الـروايـة مـن جروب 𝑀𝐲 𝑵𝑶𝑉𝐸𝐿𝑆🕊️✨≯♡゙ُ)).*
*الانضمام إلى مجموعة 𝑀𝐲 𝑵𝑶𝑉𝐸𝐿𝑆🕊️✨≯♡゙ُ)). في*
https://chat.whatsapp.com/CyIaMRbDEZ0KzibXZLYc27
②
https://chat.whatsapp.com/GbdUplLdYPq04ZCv2uIpzo
*تابع قناة لــِڪـل ࢪوايــة حــِڪـايــة 🎀≯♡゙ُ↺ في واتساب:*https://whatsapp.com/channel/0029VaUheZD7dmecofzf2Y0D
لينڪ الجروب الديني https://chat.whatsapp.com/JfyUKwaVwRnEtG6v2UZ5dW*
*البارت 1🦋*
*البارت 2🦋*
*البارت 3🦋*
*البارت 4🦋*
*البارت 5🦋*
الحلقه الأولي..
﴿وَلَا یَحۡزُنكَ قَوۡلُهُمۡۘ إِنَّ ٱلۡعِزَّةَ لِلَّهِ جَمِیعًاۚ هُوَ ٱلسَّمِیعُ ٱلۡعَلِیمُ﴾🫀.
حمدي بغضب: طبعاً لا يا بابا مش موافق علي الجوازه دي
ناجح: يا ابني أفهم
حمدي: ولا أفهم ولا غيره وبعدين أنا واحد متجوز إزاي هعمل كدا في مراتي
ناجح: متجوز اة بس بقالنا كتير مشوفناش منكوا حتة عيل
حمدي: بقي عشان كدا عايز تجوزني
ناجح: افهم بقي وعشان كمان أبو العروسه دي بيكون صحبي وإذا أنت اتجوزت بنته شركتنا هتبقي مع شركتهم وتقف علي رجليها تاني أنت عارف الظروف الشركه بتاعتنا خلاص ضاعت
حمدي بغضب: بس يا بابا دا مش عدل عايز تجوزني البت دي عشان كدا
ناجح: يووووه من اللي يتكلم معاك
حمدي بغضب: يا بابا
ناجح بحده: بااااس كفايه لحد كفايه أنا استكفيت بكره بالليل كتب كتابك علي البت دي عندهم في بيتهم ومش عايز نقاش كتير
حمدي بشر: مااشي يا بابا البت دي مش هتشوف العز معايا وهوريكم.
(حمدي ناجح حمدي الزاهد هو شاب في السابع والعشرين من عمره متزوج وهو شخصية عصبيه لا يستجيب لأحد سوي والده لديه عضلات يجعل النساء تنجذب له ويظهرها أكثر عندما يرتدي قمصانه القطن الثمينه. له عيون بنيه وشعر أسود يعمل أحياناً في شركات الزاهد ولكن أغلب وقته في مطاعمه المشهوره في المحافظه.)
وخرج من مكتب والده.
في مكان أخر🦋.
منه: استغفر الله العظيم يا رب
(منه كمال صفوت ابنة أكبر رجال أعمال في مصر والشرق الأوسط. لا تميل لملابس فتيات هذا العصر وإنما تفضل اللبس الفضفاض والطويل ترتدي نقاب الذي سبب لها الكثير من العوائق في حياتها كـ تنمر وإستهزاء من البشر الذين حولها بجملتهم الشهيره«أنتي لسه صغيره عيشي حياتك» لكنها تفضل ركن العبوديه والتقرب منه عز وجل ٢٣ سنه)
نيره: اي يا بنتي مالك
منه: النقاب مش عايز يتظبط يا نيره
نيره: طب اهدي طيب بصي ثواني.. ااممم اهوو يا سيتي
منه: كتر خيرك
نيره: اللهم آمين وبعدين أنتي رايحه فين
منه: اي دا أنتي متعرفيش
نيره: هعرف منين يا حاجه
منه: أصل أنا رايحه دلوقتي أشتري فستان لكتب كتابي بكره
نيره بصدمه: نعم
منه بضحك علي هيئتها: اه والله مالك
نيره: أنا حاسه إني مش عايشه معاكم بجد إزاي أختي بكره كتب كتابها وأنا معرفش
منه: هما استعجلوا مش عارفه ليه
نيره: هما مين
منه: والله يا أختي أنا حتي معرفش العريس شكلوا اي ولا اي حد من عيلته حتي بابا جه وقال كتب كتابك بكره وعشان بر الوالدين وكدا معرفتش أتكلم
نيره: منه أنتي مجنونه دي حياتك
منه: هعمل اي يعني يا نيره وبعدين أكيد بابا مش هيعمل حاجه هو شايفها غلط أنتي عارفه هو بيحبنا إزاي
نيره: ماشي وأنا مليش إني أجي ولا إي
منه: يا سيتي تعالي بس البسي بسرعه عشان زهره زمانها جايه
نيره: حتي قولتي لصحبتك ومقولتيش لأختك
منه: إخلصي يا بت
هبطت إلي الأسفل في إنتظار نيره وجدتت باب مكتب والدها مفتوح ابتسمت واتجهت إليه.
كمال بغضب: اسمع اللي بقولك عليه لازم يبقي فخم مش الهبل اللي بتقول عليه دا... يعني اي محجوز يا عم هدفعلك الضعف... اه الجنينه عندي واسعه من بكره الصبح تبقي هنا... بقولك بكره بالليل كتب الكتاب استعجل... محمد متعصبنيش...
ما أن أنتهي من مكالمته حتي رأي ابنته واقفه أمامه وهي ترتدي إدناء من اللون البنفسجي الغامق وخمار أسود بـ نقاب أسود.
كمال بإبتسامة مرهقه: إزيك يا منه
منه: الحمد لله يا بابا
وأزالت النقاب من علي وجهها وجد كمال ابتسامتها الجميله التي يحبها كثيراً.
كمال بحب: مهما حصل إبتسامتك دي متختفيش
منه بإبتسامة: حاضر يا بابا.. اه صحيح أنت كنت بتزعق مع مين
كمال: دا محمد بقوله بكره كتب كتابك استعجل في تنظيم الجنينه عشان كتب الكتاب بيقول الحاجه محجوزه قولتله مليش فيه أنت تنفذ وخلاص
منه: مفيش أغاني صح
كمال: أيوه يا سيتي مفيش مع إني مش عارف إي التشدد اللي أنتي فيه دا عيشي حياتك دي فرحتك
منه بجديه: يا بابا حضرتك قولت هعمل فرح كبير وفخم أنا قولت لا إحنا مش ناقصين ذنوب أغاني هنا وهنا ورقص والكلام الفارغ دا وأنا مبحبش كدا وحضرتك عارف كويس
كمال: ربنا يثبتك علي كدا يا بنتي
منه: يا رب.. كتب الكتاب حلو مع شويه زغاريط وحاجات حلوه من بتوعكم هرضي والله
كمال بإبتسامة: كنت عايز أعملك حاجه أكتر من كدا..
منه بمقاطعه: بس أنا مش عايزه بس السؤال الأهم هو مين العريس
كمال: حمدي ناجح حمدي الزاهد
منه:
روايتي الجديده أتمني تعجبكم وبجد هتستفادوا منها جامد من المعلومات وغيره💗💗..
#عــاشـق ذات الـنـقـاب🌚♥️
بقلم صاحب السعاده عبدالله محمد 🌺
الحلقه الثانية..
(وَاصْبِرْ عَلَى مَا أَصَابَكَ🫀.)
منه بتفكير: حاسه الاسم دا مش غريب عليا
نيره: أنا جييييت
كمال: اللي هتجيبلي الجلطه
نيره: بعد الشر عليك يا بابا
كمال: رايحه مع منه
نيره: ايوه يا بابا وكمال كنت عايزه احم احم
كمال: خدي يا نيره الفيزه أهي
نيره بضحك: ياااه علي الناس اللي بتفهمني
كمال بضحك: ايوه
نيره: يلا يا منه
منه: قولت للشوفير يا بابا
كمال: ايوه ومتتأخروش هاا
منه: تمام يلا سلام
كمال: مع السلامه
أثناء السير بالسياره في الطريق.
منه: استني لو سمحت هنا
... أوامرك
منه: الوو يا بنتي أنتي فين
.. اهوو شوفتكم
منه: تمام يلا
نيره: زهره حبيبتي
زهره بضحك: الصداع
منه: يلا اركبي
وذهبوا إلي المول.
في مكان أخر🦋.
بوسي بغضب: يعني اي يا حمدي مش فاهمه
حمدي: اللي سمعتيه يا بوسي أعمل اي يعني
بوسي: تعمل اي تعمل حاجات كتييير قوول لا
حمدي بغضب: وهو أنا من أمتي بقول لااا لأبوياا
بوسي بغضب: ما أنا مش هرضي وااحده تشاركني في جوزي يا حمدي مش هرضي
حمدي ببرود: وأنا مش بعمل حاجه حرام الشرع محللي أربعه
بوسي بدموع تمثيل: ليه يا حمدي ليه هو أنا عملت معاك اي غير إني حبيتك
حمدي: اعمل اي يعني يا بوسي ما دا اللي حصل بصي أول ما بابا يخلص من الموضوع بتاع الشركه دا وشركتنا تقف تاني علي رجليها هقوم مطلق البت دي علطول ونرجع لحياتنا تاني يا بنت الناس
بوسي: لو قربت منها يا حمدي هزعل منك وزعل جاامد اووي مش هيعجبك
حمدي بضيق: ماشي يا بوسي ماشي
(بوسي زوجة حمدي وكانت صديقته قبل أن تكون زوجته تعرفوا علي بعضهم البعض من طرف والدة حمدي وتحب حمدي كثيراً فقط لأجل الشهره والمال ولا تنجب إلي الأن ولا يعطي لها حمدي أي حب بل هو مجبور عليها هي الأخري)
حمدي: أنا عايش مع دي بالعافيه هعيش مع التانيه إزاي
في المول🦋.
نيره: دا حلو
منه: حساه ضيق شويه
نيره بضيق: هو مفيش حاجه عجباكي
منه: ما كل اللي بتقولي عليه يا منه ضيق اعمل اي يعني
زهره: خلاص يا جماعه اهدوا بصي دا يا منه
منه: أنتوا باين عليكو مش عارفين اللي أنا عايزاه فينك يا ماما يا حبيبتي
نيره: بتعزم الحبايب والأقرايب
منه: بصوا أنا عايزه حاجه لا تصف ولا تشف واسعه كدا وطويله
... أهلا يا بنات
منه بجديه: وعليكم السلام ورحمة الله وبركاته مين حضرتك
.. بإحراج: احم اسمي نورين وسمعتكم عايزين حاجه واسعه وفضفاضه المحل اللي هناك دا معتمد عليه وحاجاته حلوه ممكن يعجبك حاجه هناك
منه بطيبه: اه ماشي شكراً يا حبيبتي
.. العفو
وذهبوا إلي مكان ما قالت عليه وجدوا فساتين لم يكونوا متصورين جمالها.
منه بإعجاب: شوفوا دا
كانت تشير إلي فستان أبيض ضيق قليلاً من الأعلي وواسع من الأسفل ومزغرف باللؤلؤ البسيط.
زهره: وخمار عليه لونه أبيض مع نقاب أبيض ويبقي تحفه
منه: حلو
زهره: جميل اووي
منه: يلا نجيبه
بعد وقت 🦋.
منه: كدا اشتريت كل حاجه هروح بقي أحطهم مع الشوفير وأجي
نيره: استني كيسة الخمار والنقاب معايا
منه: هاتيها أحطها بالمره.
ذهبت إلي الخارج ولكن اصطدمت بأحدهم وأوقعت ما بيدها.
... مش تحاسبي أنتي عاميه
منه وهي تخفض رأسها: أسفه أسفه
.. بغضب: لابسه خيمه من حقك متعرفيش تمشي وكله فوق راسنا
نادر بهمس: خلاص يا حمدي براحه
حمدي بغضب: براحه اي وزفت اي يا عم هو الواحد ناقص
**********
#عــاشـق ذات الـنـقـاب🌚♥️
بقلم عبدالله محمد
الحلقه الثالثه..
﴿وَتُب عَلَينا إِنَّكَ أَنتَ التَّوّابُ الرَّحيمُ﴾.🫀.
منه: اي يا فندم مالك هو اللي فيك بطلعوا علي الخلق
حمدي: مش فاضي أتكلم مع اللي أمثالكم كدا
منه بردح: اي مالها أمثالنا أنت تطول أصلاً
حمدي: بس يا خيمه
منه بعصبيه: أنا مش خيمه أنا محافظه علي نفسي من أشكالكم
حمدي: مالها أشكالنا يا اللي عامله زي الشحاته كدا
منه بقرف: هو أنا زيك يا اللي لابس بنطلون منعرفش هو مقطع ولا الفار واكله ولا سلسله عامله زي سلسلة البهايم دي واي القميص دا دا حتي بطنك كمان شويه وتبان طب سيب الملزق والضيق دا للبنات
حمدي بغضب: أنتي ازاي تقولي كدااا
منه: هتعمل اي مثلا هااا
حمدي بغضب وتوعد: هعمل كدااا
وكاد أن ينزع نقابها لكن وجد من يمنعه.
نادر: اي يا حمدي هتعمل اي
حمدي بصوت عالي جعل الناس تتجمع حولهم: دي واحده قليلة الأدب لابسه النقاب دا علي اي وتحته بلاااوي
... اي يا ابني ما تحترم نفسك شويه اعتبرها حتي أختك
... شباب اليومين دول الإحترام اتمنع يا ناس
زهره: منه في اي اي اللي حصل
منه بدموع تظهر علي رموشها: ما هو عشان الحيوان دا كان عايز يخلع النقاب بتاعي
حمدي بغضب: حيواان في عينك يااا
شده نادر بصعوبه من وسط هذا الإزدحام.
حمدي بغضب: كنت سيبني أوريها مقامهاا
نادر: خلاص بقي كفااايه ضيعنا وقت كتير اخلص هتجيب البدله لونها اي
حمدي بقرف: دي بت فقر علي البلد والجمهوريه لابسه بتاع ياخد خمسه معاها وشايفه نفسها
نادر: هي مش شايفه نفسها هي بس بدافع عن نفسها مش معني أنها ساتره نفسها بالطريقه دي يبقي الناس تقل منها وهي ساكته
حمدي: أنت معايا ولا معاها
نادر: مع الصح يا صحبي يلا قول لونها اي
حمدي بقرف: هات بدله زي لون اليوم دا
نادر: طب اسكت بقي خالص أنت النهارده
في اليوم التالي🦋.
بعد أن انتهت من لبس النقاب وضعت والدتها التاج فوق رأسها وهي دمع بحزن ممزوج بالفرحه (مش عارفه بس مجربتش الشعور دا😂)
الأم بدموع: ألف مبروك يا نور عيني مع إن الموضوع جه بسرعه وزعلانه بس أحلي عروسه شافتها عيني
منه بحزن: هعيط يا ماما
أخذتها والدتها في حضنها وأخذت تبكي وبعد وقت مسحت دموعها وقالت.
الأم: يلا يا منون الناس مستنيه تحت
هبطوا إلي الفيلا من الأسفل واتجهوا إلي الحديقه المزينه بالأنوار الكثيره والورود البيضاء وألون أخري متنوعه ومقاعد في كل مكان للضيوف.
في مكان خاص كان يجلس المأذون وبجانبه كمال والجانب الأخر ناجح علي كراسي ذهبيه مميزه .
الأم: فين العريس يا كمال
كمال: بيعمل مكالمه وجاي حالاً
المؤذون: اقعدي يا بنتي هنا
ناجح: إبدأ يا مولانا علي ما العريس يجي
حمدي وهو يتحدث في الهاتف: اهدي بس يا بوسي
بوسي ببكاء: اهدي اي يا حمدي أنت بتتجوز وأنا قاعده هنا عايزني ارقص مثلاً
حمدي: بوسي خلاص
بوسي: بلا خلاص بلا زفت
حمدي بضيق: هقفل دلوقتي وهبقي اكلمك بعدين
وأغلق الهاتف وذهب.
جاء من بعيد ويقترب منهم وما أن لاحظته والدة منه قالت لها بهمس.
الأم بفرحه: العريس أهوو يا منه
منه وتوجه أنظارها إليه: فين
الأم: هناك اهوو جاي
منه بصدمه: اي
وأكتمل الحفل وتم كتب كتابهم بخير ولكن في صمت تام من منه.
بعد إنتهاء الحفل ووداع أهل منه لها بالدموع التي أبكت الجميع.
كانت تجلس بجواره في السياره في صمت تام ولم يفكر حمدي مجرد تفكير في القول لها«إزيك» واتجهوا إلي فندق مشهور في القاهره.
دخلا الجناح المخصص لهما ووقفت هي في منتصفه ولا تتحرك بينما هو فتح حقيبته وأخرج سروال منها وقميص واتجه إلي المرحاض.
واقفه مكانها لا تعلم ماذا تفعل الأن فهذا الذي تشاجرت معه بالأمس الأن هو زوجها ويا للهول إذا علم أنها هي نفس الفتاه التي تشاجر معها.
خرج من المرحاض وجدها كما هي واقفه مكانها.
حمدي لنفسه: متنقبه كمان دي أخرت الجواز من غير حتي ما تشوف خلقتها.
حمدي: مش ناويه تتحركي من مكانك ولا اي
تذكر ما قالته والدته «شوف وشها هيعجبك»
حمدي: مستنيه أشوف وشك مثلاً
لا رد
حمدي بقرف: متخفيش مش متشوق أشوفه
طفح الكيل منها ووووو
منه بغضب: عاادي
حمدي بشك: حاسس إني سامع الصوت دا قبل
منه بقلق:....
حمدي: ارفعي راسك موطياه ليه
حمدي: بقولك ارفعي راسك
رفع لها رأسها وما أن رأي عيناها.
********
#عــاشـق ذات الـنـقـاب🌚♥️
بقلم عبدالله محمد صاحب السعاده
الحلقه الرابعة..
﴿وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا﴾🫀
حمدي: أنتي؟
منه: ايوه مالك في اي
حمدي بغضب: إزااي أنا مستحيل أعيش مع واحده زيك
منه: وهو أنت تطول وبعدين أنا لو كنت أعرف أنك العريس مكنتش وافقت أصلاً بس القدر
حمدي بسخريه: وهو حد بيتجوز من غير ما يعرف اللي هيتجوزها
منه: أنت
حمدي: اي
منه: أنت متعرفنيش
حمدي بقرف: ولا عايز أعرفك ويلا مش عايز صداع عشان أنام
واتجهه إلي السرير وعزم علي النوم.
أما هي فجلست علي كرسي في الغرفه حتي غلبها النعاس هي الأخري.
في صباح اليوم التالي🦋.
بوسي: باب هو حمدي مش هيجي بقي
ناجح: هيجي النهارده هو والعروسه
بوسي بغيظ: أكيد هيقعد معايا مش معاها
ناجح: أكيد هيقعد معها عشان هي لسه عروسه
بوسي بغضب: وأنا مليش رأي ولا اي دا جوزي علي فكره وأنا مش موافقه علي الجوازه دي مش عايزه حد يشاركني فيه
ناجح: وأنا أبوه بردو
بوسي بغضب: ماشي يا ناجح بيه ماشي
وذهبت خارج الفيلا.
جاءت والدة حمدي والتي تدعي«أمل» وقالت.
أمل: هيستمر لأمتي الموضوع دا
ناجح: اي يا جماعه مالكم كدا
أمل: أصل صحبتي مش هترضي علي بنتها يبقي لها شريكه في جوزها
ناجح: يا ريت صحبتك تاخد بنتها وتريحنا
أمل: قصدك اي
ناجح: ولا حاجه وأتمني أشتغل بقي بلاش كلام كتير
أمل بغيظ: تمام.
رزان: أنا جييييت
أمل بفرحه: روزي
وأسرعت إليهم واحتضنتهم بحب.
ناجح بدموع: وحشتيني أووي يا روزي
رزان بسعاده: وأنت أكتر يا بابا
أمل: عامله اي يا حبيبتي
رزان: الحمد لله يا ماما الدنيا زي الفل
ناجح: الحمد لله يا روحي هتروحي تاني
رزان: امم يمكن كمان شهرين تلاته كدا عشان أخر سنه بقي وقولت أجي أحضر الأجازه معاكم ما بين السنه والسنه.
(
أمل: كليه وحشه وبعيده تبعدك عننا يا حبيبتي
رزان بإبتسامة: اه فعلاً دي الحاجه الوحشه بس الصراحه التعليم في دول أوروبا دا متقدم وجميل اووي يا ماما
ناجح: طب الحمد لله أهم حاجه راحتك يا حبيبتي
رزان: شكراً يا بابا اوومال حمدي و علي فين
ناجح بتوتر: علي مع صحابه ووو
أمل: اطلعي ارتاحي فوق لوقتي وبالليل نقعد مع بعض
رزان: اوكي مفيش مشكله.
في مطعم الفندق🦋.
منه: مش عارفه أخد راحتي هنا ممكن تطلب الأكل لفوق في الجناح
حمدي بعدم إهتمام: كلي أي حاجه
«ناجح: الجوازه دي هتشيل كتير عن الشركه بتاعتنا ف خليك قد المسئوليه دي وإعرف إنها لمصلحتنا في الأخر»
حمدي بتفكير: امم خلاص استني أطلب الأكل فوق.
نظر حوله يبحث علي أي نادل لم يجد. وجد فتاه تكاد شبه عاريه ترتدي ملابس فاضحه أخذ ينظر لها وما أن لاحظته ينظر لها قالت.
منه بصوت عالي قليلاً: حمدي بيه
حمدي: اي في اي
منه: بيقولك في آيه في القرآن بتقول «قل للمؤمنين يغضوا من أبصارهم ويحفظوا فروجهم»
حمدي: أنتي هتعلميني ديني
منه: مش حكاية هعلمك دينك بس دا واجب عليك ثم أكملت بخبث وأنا ممكن أعلمك دينك لو ناقص
حمدي وهو يتمالك غضبه: صبرك عليا حاضر
بعد وقت.
حمدي: هنروح البيت بتاعي
منه: تمام
حمدي: لو سألوا حصل بينكم حاجه أو مثلا شاف وشك والحاجات دي قولي أيوه
منه بضيق: تمام
في فيلا الزاهد🦋.
أمل: يا أهلا يا أهلا بالغالي
حمدي بإبتسامه: أهلا يا أمي
وقبل رأسها ويدها ثم فعلت منه نفس الشيء فأعجبت أمل بها ومن تصرفها وتذكرت بوسي التي لم تفعل شيء كهذا من قبل.
أمل: اتفضلوا اتفضلوا
حمدي: أنا تعبان يا ماما شويه هطلع استريح
أمل: وماله يا حبيبي روحي معاه يا بنتي
منه: حاضر يا طنط
بوسي وهي تجري: حمدييييي
واحتضنته.
منه بزهول: هو في اي
حمدي ببرود: واحد بيحضن مراته
منه: هو اي اللي بيحضن مراته مين دي
ناجح: ايوه يا بنتي دي بوسي ملكه
***********
#عــاشـق ذات الـنـقـاب🌚♥️
بقلم عبدالله محمد 🌺
الحلقه الخامسه..
﴿وَلَا یَحۡزُنكَ قَوۡلُهُمۡۘ إِنَّ ٱلۡعِزَّةَ لِلَّهِ جَمِیعًاۚ هُوَ ٱلسَّمِیعُ ٱلۡعَلِیمُ﴾🫀.
منه: سيبني ابعد عني
حمدي: بصي يا بت أنتي أنا مش عايز اتعصب عليكي
منه: تتعصب اي هو مين اللي حقه يتعصب دلوقتي هو أنا
متجوزه ومعرفش اي حاجه كدا نايمه مثلاً في البطيخ
حمدي: والله الشرع محلل أربعه ولا لابسه الخيمة دي ومش عارفه أصول الدين
منه بقوه: والله يا حمدي بيه اعرف وكتير كمان بس إني أتجوز من غير علم إن اللي هتجوزه يبقي متجوز واحده تانيه يبقي دا نصب
حمدي: وانا مضربتكيش علي إيدك
منه: تمام طلقني
أمل: اعااااااا الحقني يا حمدي
خرج من الغرفه سريعاً وهبط إلي أسفل وجد والده علي الأرض.
حمدي: في اي يا ماما حصل اي
أمل ببكاء: مش عارفه هو فجأه وقع
حمدي بسرعه: العلاج
منه: اهدي يا طنط
مسكت يد ناجح وأخذت تدلك فيها
منه: اعملي كدا زيي دا بيساعد
أمل بقلق: حاضر حاضر
حمدي: لقيت العلاج
بعد وقت🦋
حمدي: حاسس بإيه يا بابا
ناجح بتعب: الحمد لله
حمدي: باين كدا يا بابا مروحتش للدكتور الفتره اللي فاتت
ناجح: الشغل يا حمدي كتير الفتره دي وأنا مش فاضي
حمدي: استغفر الله العظيم وهو عشان الشغل نهمل في صحتك مثلاً بكره يا بابا نروح للدكتور
ناجح: طيب يا حمدي يلا يا أمل نقوم أنا محتاج استريح
أمل: يلا يا حاج ويا ريت ترتاحوا يا ولاد الوقت اتأخر
ناجح: طيب يا أمي متشليش هم
منه: رايح فين
حمدي بخنقه: ملكيش في ده وخرج من الفيلا بأكملها
منه بحزن: تمام
في تمام الساعة 2 بعد منتصف الليل🦋.
بوسي بمياصه: كنت مستنياك
حمدي بدوخه: ااممم
بوسي: باين تقلت في الشرب النهارده تعالي دا أنا هدلعك
حمدي: اممم يلا بينا
ساعدته للوصول إلي الفراش ثم ذهبت لإغلاق الباب ووو.
في مكان أخر🦋
رزان ببكاء: أرجوك بلاش أرجوك
... بصي يا مزه هتدفعي الفلوس مش هيحصل حاجه غير كدا هتشوفي حاجه مش هتعجبك
رزان: بس بـ بس دا مبلغ كبير أووي مش هعرف
..(بسخريه): مبلغ كبير علي رزان ناجح الزاهد هاا قولتي اي
رزان برجاء: حاضر والله هجهز الفلوس وهكلمك بس أرجوك بلاش تعمل كدا
... 100ألف جنيه يبقوا جاهزين وهرن عليكي بعد كام يوم
رزان: حاضر الوو الوو
رزان ببكاء: يا ربي هعمل اي يا رب.
ممسكة بالمصحف وجالسه علي السجاده وتقرأ بعضاً من آيات الله.
انتهت من القراءة وهي مبتسمه تشعر بطاقه بعد هذه القراءة.
(القرآن إذا سكن الفؤاد سكنه♡..)
منه: اللهم اجعل القرآن شفيعي يوم القيامه واجعله يا ربي نوراً لقلبي اللهم آمين.
وضعت المصحف مكانه وقامت بتطبيق السجاده ووضعها مكانها.
واتجهت إلي السرير كي تنام قليلاً لتستيقظ مره أخري عند أذان الفجر.
منه: بس ازاي هنام وجوزي مش هنا.. هه جوزك لا دا أنتي عاجبك الموضوع زمانه مع مراته التانيه ولا مع أي واحده.. اعمل اي يا ربي ما أنا مكنتش أعرف... خلاص نامي وارتاحي زمانه نايم وأنتي اللي شاغله بالك علي الفاضي.
يتبع.