الفصل 10
*روايات يمنيه عربيه 📚🖋️🇾🇪*
رواية ~الإنتـــــ🔏ـــــقام⚝~
*البارت رقــــــــ10ــــــم*ِ
.
https://whatsapp.com/channel/0029VajEuafBKfi6URrMh93y/2560
في بيته..
هاجر بتكلم اخت فاروق : عترجعي من مره؟
اخت فاروق: ايوه عنوصل مؤقتا عندكم لوما نشتري البيت
هاجر : حيا بش واهلا وسهلا تنوري بيتش هذا اصلا مابش داعي تشتري بيت
اخت فاروق: قد انتي احسن نسوان اخوتي الله يحفظش
فاروق وصل وهي بتتكلم: من بتكلمي ؟؟!
.
.
بيت رحاب.
آية في الدرج بتكلم نفسها : ياسعم ان انا شغاله بيتفلسف ويتأمر هكذا مدري وين كان حسي وانا معجبة به قد اخته اخبر به لما قالت معه صفات غير اللي شفتها.
بلال : آية لاتخرجيش الحوش اصبري أتكلم سام خارج
آية من غضبها وتفكيرها بينها وبين نفسها مابتسمع كلامه مش مركزه بتفتح الباب على اخر كلمه سمعتها.!!
كان سياره سام في الحوش وبينزلوا الفراشات هو والعمال
دخلت بسرعه
بلال: تستاهلي كوني اسمعي من حقش المجنانه هذه عتوديش في ستين داهيه مره ثانيه
آية بعصبيه: ماتتكلمش معي هكذا!
بلال: طيب اخرجي براحتش هكذا تشتي اتكلم معش؟ الحجه عندي خايف عليش
آية بطبيعتها المتهوره سمعت اول كلام واتاثرت ( يلا اخرجي) وماسمعت ( خايف عليش) حاله اي شخص لما الغضب يسيطر عليه ومايتحكم بغضبه..
رجعت المقرمه من فوق وجهها غطته وخرجت بسرعه للغرفه حقها..
سام اول ماشاف خرجت واحده غض نظراته ماشاف..
بلال خرج بعدها يشوف جنانها منصدم !!! من تهورها
سام: هيا شوف طريق نطلع الفراش مالك تاخرت
بلال هات اللي في يدك ناولني: يلا اطلعوا بعدي مابش حد
رحاب كانت في غرفته بتكمل ترتيب غرفته
بلال طلع فتح الغرفه: لاتخرجي في ناس في الصاله
رحاب: وين آية
بلال طنشها وقفل الباب بضبح.
في غرفتها..
آية معصبه من تصرفه وكلامه ورجعت تفكر انه عشان سام في الحوش يمكن خاف عليها تذكرت كلامه وهدأت بس زعلانه على تصرفاته المتغيرة ناحيتها
وصل صاحبهم الثالث وجلس في الرصيف اللي جنب باب غرفتها : انا عليا اشرف عليكم من هنا
آية سمعت صوت حد جنب باب غرفتها قربت بتسمعهم !!
سام: ورينا عضلاتك ماجيت تسوي ؟
صاحبه: يا اخي قدنا تاعب اليوم شغل من الصبح الان رجعت وبعدين يكفي جيت معاكم
بلال ضحك: الله يعينك ياخي يكفي جلستك هذه
صاحبه: الله يسامحك بتهزأني
ضحكوا كلهم
آية سمعتهم وضحكت..
.
.
الليل بعد ماخلصوا ترتيب شقته.
رحاب: مش ملاحظ انك اليوم زعلت آية
بلال: هيا ناهي تزعل طز ماقلت شي وبعدا صيحت فوقكن الثنتين ليش انتي مازعلتي
رحاب: انا اختك يا بلال البنت ضيفه وعادها صغيره يعني مش هو عليها ترتب غرفتك
بلال: مدري كنت معصب
رحاب: مالها دخل باعذارك اسلوبك غلط
بلال: طيب هيا ننزل الحوش واكلمها
رحاب : طيب راعي البس.
ام رحاب : مطر اين تسيروا
رحاب : بسرعه نكلمها وندخل
امها: مابش داعي ماقال شي يزعل
بلال : انا شاخرج يارحاب البسي والحقي
امه: ها كيف بيعاندني بس عنبسر مرته لو جت كيف عيمشي بعد كلامها لاتزعل
آية بتسمع باب غرفتها بيدق : ادخلي يارحاب
بلال: ومن قال لش ان انا رحاب
آية طنشت.
بلال: آية اخرجي اكلمش
آية: ماردت
بلال: شافتح الباب!
آية ساكته
بلال فتح باب الغرفه بس ظهره لعندها
آية قامت ووقفت ورا الباب: انت مش هو على مزاجك تضحك وتقلب اي حين ماتشتي
بلال بصدمه: خير يا آية ايش في لش فتره بتتعاملي معي بهذا الأسلوب !
آية سمعته ومستغربه انه هو اللي بيقول هذا الكلام غلقت الباب ومشيت بسرعه في الغرفه تلبس البالطو والحجاب
بلال مشي خطوه ورحاب واقفه بيكلمها: قوي معصبه ماكان الموضوع كبير لهذه الدرجه كم قد تحملت وداريت عصبيتها
رحاب بهررت وبتأشر له وراه: آية تعالي
آية سمعته: ولأنك داريت ووقفت معي اعتبرتك أخ مش أكثر انت اللي فعلت لنفسك زحمه وفكرت الناس كلها ميته عليك
اذا مفكرني جاهله وممكن اتعلق بأي حد مثل ماقلت لرحاب كنت اخترت حد احسن منك مفكر مافي الا انت في الدنيا او ايش
بلال كان منصدم وانحرج قوي انها سمعته تأكد الان ليش تغيرت عليه !!!
رحاب ماقدرت تمسك نفسها ضحكككت: تستاهل مفكر نفسك اخر حبه في الكرتون
بلال شافها ومعصب: هو انتي اللي قلتي عتنكري
رحاب بهررت: انا قلت !؟؟ او هو انت زيدت تاذيها
آية: انتوا الاثنين غلطانين في فكرتكم عني وعندي اهون ارجع بيتنا ولا اسمع كلام مثل هذا
بلال حس بأحراج: والله مازيد اضايقش وعد ولان انتي عاقله هكذا قوي انا شاعاملش مثل رحاب سواء زعل او مزح
آية:...
بلال حس بأحراج: والله مازيد اضايقش وعد ولان انتي عاقله هكذا قوي انا شاعاملش مثل رحاب سواء زعل او مزح
آية: مش منتظره معاملتك لي أساسا مشكور على وقفتك معي ذاكرت لي وماكلمت سام ان انا عندكم وبس غيره ما اظن عاد في داعي نتكلم من مره.
بلال: مش هو بمزاجش شاكلمش غصبا عنش انتي وهي ( اشر لرحاب ) واي حد
آية طنشت ورجعت غرفتها ومنصدمه من الموقف اللي حصل !!
حتى رحاب تفكر فيني هكذا ليش هولا الناس فارحين بنفسهم قوي !!
مش عارفين انا لولا الظرف هذا اللي انا فيه ماكنت قبلت هذه الغرفه و لو اهلي معي سوا وتقدم لي ماكنت وافقت عليه..
سرحت شويه ( يعني اذا هذا الزنط كله وعاد جلستي بايجار لو مالقيت شغل كيف عيفعلوا بي !))
مشيوا بلال ورحاب داخل البيت وبيفكروا في كلامها
رحاب: هذه البنت ماعتقدر تعيش هكذا هاربه وتتحسس من كل موقف وتصرف..!!
.
.
بعد أيام ( يوم الخميس )صحيت بتسمع الاغاني والطبل والبرع ماقدرت تنام متضايقه من الازعاج في الحوش
جلست فوق السرير رفعت شعرها وربطته ورتبت سريرها واقفه بتتفرج المكان اللي هي فيه قررت تدخل تساعدهم مستحيل تجي خالتها من الصبح وعيب ماتكون جنبهم يوم مثل هذا حتى لو شافوها قررت واقنعت نفسها انها مش خايفه وماغلطت وهم اللي طردوها ومايشتوها من البدايه ليش تخاف !
رجعت وتذكرت كل اللي حصل معها ولبست وخرجت من باب غرفتها وغلقتها ودخلت
رحاب انبسطت شافتها قدامها ومازعلت: حيا آية منوررره إجلسي صبوح.. هذه مرة عمي الله يرحمه وهذه خالتي الكبيره وهذه الصغيره خالتي اصغر مني بسنه
آية ابتسمت لهم بصمت..
خاله رحاب الصغيره: ماشاءالله محلا ابتسامتش رقيقه قوي ملامحش جميله
آية انحرجت وضحكت مستحيه بتلعب باصابعها شافت رحاب: بأيش اساعد ؟
ام رحاب بتضحك على احراجها: يو لا اخزاش ، مش هن داريات الوش الثاني !
آية مبتسمه ساكته
مرة عم رحاب: اول نشرب قهوتنا وصبوح( فطار) وبعدين نبدأ نجهز للغداء لما يجين بناتي يساعدين
ام رحاب: ماتعرفي تفعلي يا آية؟
آية: بعض اشياء وبعضها شابسر وافعل مثلهن
جلسين يحكين قصص تضحك ومواقف قديمه ..
آية حست ان ذاكرتها خاليه من هذه التفاصيل والذكريات الحلوه حاولت ماتتذكر اي شي ماضي ..
يمكن من افضل عيوب اللي فيها انها بتتضايق وتعصب لما تذكر مواقف سيئه حصلت معها.
هذا الشي بيخليها تتجاوز الكثير .
.
.
بيت فاروق ..
فاروق تغيرت تصرفاته اصبح عصبي جدا ومدخن بكثررره متوتر وقليل النوم وكثير التفكير نفسه يتحرر من خوفه من كلام الناس والمجتمع كيف بنته ضايعه وساكت بس مش قادر خايف الأخبار اللي ماتترك للناس خصوصيتها تتدخل في موضوعه ويأثر على شغله وعياله
هاجر: بس يكفي سجاير ارحم روحك
فاروق: كيف ارحم روحي ضيعت بنتي من يدي كيف كنت لامعي عقل ولا بين افكر كيف سخيت على بنتي !
استاهل عقاب الله هذا رد الله عليا عشان اهملت امي وضيعتها ايام لاسالت ولا اتصلت ولا دريت اي حين ماتت ذوقني الله في بنتي
هاجر ضااابحه من موقفه ووضعه تشتي تستاذن تخرج مع ام سام بتحاول تهون عليه مثل كل مره وتعمي بصيرته: هي اللي ماحترمتك وفعلت بك هكذا
زوجها عصب وضرب على الماسه: ولا تقلي كلمه عليها والله انو انا السبب حد يفلت بنته في الشارع حد يفلت امه انتي ابليس انتي لو واحد من جهالش ان قد جننتي
هاجر: نفسي اعرف انا ليش كل مره ترجع اي غلط فيني
فاروق: لانش بتتكلمي وقت ماتشتي بالصح اللي لش واللي على غيرش ماتقصري اعظم من الشيطان توقعي
هاجر: انا تعبت من عيشتك من يوم ماجيت هم في هم كبرت وربيت لك بنتك وانت ما ملى عينك شي وتتهمني بتقصير رايحه بيتنا وانت دور بنتك وربيها وأفعل اللي تشتيه.
.
.
(( بيت العريس ))
كان الوقت بيمشي بسرعه الشغل صعب ومتعب بالنسبه لها ماتعرف شي وكل شي معاجله بس كانت مستمتعه وتعرفت على اهل رحاب حبوبات ومرحات
الليل خلصين من شغل المطبخ وقبل ماتوصل العروسه
خالة رحاب سحبت آية من يدها: هيا جي ادخلي شويه نجلس
رحاب شافتها: اصلا مابش حد صدقيني مابلا نسوان الحاره قربت تشاورها ( لاتخافي محد يعرفش شاقلهم صاحبتي معلمه في المدرسه) خلصت تشاورها وضحكين
آية طيب..
سمعين صوت زفه العروسه وصلت السياره للحوش
دخلين الديوان والنسوان موجودات
آية كانت منحرجه من تجمع النسوان وجالسه في طرف الباب..
دخلت العروسه..
آية....
دخلت العروسه..
آية كانت منذهله بجمالها وفستانها كانت متوقعه تكون واحده عاديه اقل منها جمالا..
رحاب: يا سااااتر كيف المكياج بيغير زيدته قوي الوان ثقيله
خالتها: قد بدأتي تستلمي عيوب مرة اخوش من الان ؟
رحاب ضحكت: هيا اسألي امي كيف كانت وان المكياج زياده هي حاليه بس المكياج غيرها
آية لفتت لها: والله انها حاليه وفستانها وتسريحتها
رحاب: انتي اللي مايعجبش العجب !! عجبتش ؟
سمعت صوت عمتها من خارج بتدعي ( تنادي) رحاب: هيا اسرعي قلي لهن يتغطين اخوش دخل
الكل بدأ يلبس وآية لبست عبايتها والحجاب..
بلال دخل وسلم على العروسه ووقف جنبها يتصوروا متوتر..
الكل كان لابس ومتغطي شافها واقفه جنب الباب بتضحك
آية بتضحك ماقدرت تمسك نفسها (السيف لابسه بالمقلوب )
بلال مبتسم من ضحكتها بيأشر ايش ؟؟
العروسه بتشوف آية وتحس على بلال جنبها حركتها
وفيها فضول تعرف من هذه البنت !!
آية قربت من رحاب : روحي صلحي له السيف شكله مضحك
رحاب شافته وضحكككت وراحت لاخوها..
بعد ما راحين النسوان وطلعوا العرسان...
رحاب شافت آية قامت تستأذنهن : وين؟
آية: اسير ارقد
رحاب: ادخلي غرفتي
آية: لا شاسير
رحاب : لاعد تخرجي هذا الساع من العناد قد انتي هنا معنا سامرات
آية جلست معاهن وانبسطين كلام وضحك للصبح مع خالة رحاب
.
ثاني يوم وقت صلاة الجمعه..
رحاب طلعت تساعد العروسه ترتب ملابسها في الدواليب ( الخزانه)..
ام رحاب: آية الحقي رحاب بالشنطه هذه نسيوها امس ماطلعوها
آية اخذت الشنطه وطلعت وهي فارحه تشوف العروسه وتتعرف عليها
رحاب: ادخلي يا آية
آية : هذه الشنطه كانت نازل
العروسه : اشتي اسأل من هذه؟
رحاب لفتت لآية
آية ماعجبها اسلوبها عشان قالت هذه : اسمي آية
العروسه: ايوه ايش تقربي لهم !
آية بابتسامه: ولا حاجه
العروسه: مافهمت !؟
آية: عادي وين الصعب في الموضوع انا مش من اقاربهم.
صوت باب الشقه حق بلال في حد يدق
رحاب غمزت لآية تسكت ومبتسمه للعروسه بتغالط بموضوع ثاني : بروح اشوف الباب وننزل هيا آية
آية : اول شوفي من وبعدا اجي
رحاب راحت تشوف الباب.
في الغرفه.
العروسه : بصراحه استغربت تكوني مش قريبتهم واحس عليش تعرفي وتمزحي مع الكل
آية: طبيعي مستأجره وعايشه معاهم
العروسه بصدمه: مستأجرين هنا بس يعني مش أهل!
آية : ايوه عادي مش كل المستأجرين بيكونوا من نفس الأسره وانا استأجرت وتعرفت عليهم
العروسه: استأجرتي و أمش تسمح لش تكلمي بلال هكذا !
آية: اولا امي الله يرحمها ثانيا انا وحدي مستأجره هنا
العروسه: بتمزحي صح!
آية: ليش امزح
العروسه: اول مره اشوف في حياتي واحده عايشه لوحدها وبيت ناس؟
آية: ليش اول مره تشوفي في ناس خيرات ماعندهم أهل ولابيت
العروسه : ايوه بس في أقارب
آية: بعضهم مابش
العروسه: آسفه قلبت عليش المواجع الله يرحم أهلش
آية تشتي ترد عليها شافت واقف في الباب ابتسمت عادي بس كان في عليها نظرات.
بلال شافها جالسه معها اهلا وسهلا بآية : يكفي اختي شليتيها خلي لمرتي حالها
العروسه بتبتسم مجامله
آية وقفت ماعندها شي تقوله له شافت للعروسه : ان شاءالله الايام جايه ونتعرف اكثر
العروسه هزت راسها لها بابتسامة
آية طنشت بلال ومشيت من جنبه بعد ماحست من كلام عروسته استنقاص لها
بلال دخل الغرفه وقفل بيشد دقنته باصابعه وبيشوف انه ودف
العروسه: ليس كذبت عليا !من اول يوم معاك فيه بكذبه ؟
بلال بهدوء وببطء بيحاول يشرح لها : اسمعي اولا صلي على النبي
العروسه : تعرف اخس شي عندي الكذب ليش كذبت في شي مخبيه عني ثاني ! في شي بينكم ؟
امس تمزح وتضحك معاك واليوم تطنشك ليش هكذا؟
بلال صاح: صلي على النبي مش لهذه الدرجه مالش؟؟ البنت مثل اختي الصغيره اعاملها بس
العروسه: طيب ليش كذبت ؟
بلال مسك يدها: والله ماهي كذبه هكذا قلت لش عشان ماتنكدي علينا اول يوم ، بعدين انا نفسي افهم يعني شي غريب معقول في واحده تغير على زوجها وتتهمه من اول يوم ؟ يعني لاقد حبيتيني ولاعرفتي أسلوبي ولاشي وبتحكمي وتألفي افكار في راسش
العروسه: لأني حبيتك غرت عليك
بلال: كنت عارف انش عتغيري بس اتمنى منش تعتبريها اخت صغيره لش وماتجرحيها بكلام في باطن الناس اشياء خاصه و جروح لاتغرش المظاهر الشديده اللي نشوفهم بها و آية قصتها قصه عترجع تكلمش هي لما تحسش قريبة منها وعتكوني احسن مني
مرته: ماعليا من حد ، انا طبعي مسالمه وفي حالي بس لو حسيت حد ياذيني
*#يتبع ...*
*اذا التفاعل وصل الف راح اكمل بقية الرواية ...!!🙋🏻♀️🦧*