الفصل 5
*روايات يمنيه عربيه 📚🖋️🇾🇪*
رواية ~الإنتـــــ🔏ـــــقام⚝~
*البارت رقــــــــ5ــــــم*ِ
.
https://whatsapp.com/channel/0029VajEuafBKfi6URrMh93y/2560
جميله : ايوه كلهن مزوجات الكبار وبنت اخي الثاني عادها بتدرس صغيره
ام رحاب: ها صف كم هي؟
جميله: مدري انا ماعرفهن الا من التلفون قدش داريه مابحد انا
ام رحاب ماقدرت تستفسر سوا : لو ينفع نخطب وبعدا زواجه
جميله : اعرف اخي مستحيل يوافق قبل ما تكمل المدرسه .
ام رحاب : بسمها الي بتدرس؟ ؟
جميله خافت تقول اسمها يسألو عليها وتفتضح ان بنت اخوها غير عنهم كلهم :الاء
ام رحاب عرفت انها ماتقرب لهم: سامحيني طولت عليش خير ان شاءالله..
لفت لها: هذه الزباله على من بتضحكي؟؟
ايه هزرت العصى الي بيده وبعدت الزباله والقوارير والقراطيس ولقيت فنيلتها خرجت الظرف الي داخلها ورجمت الفنيليه ..
بلال ورحاب بيتفرجوا بعض منذهلين: قسمن بالله مامعها عقل هيا قلدش الله حد يدفن زلط وذهب هنا ؟؟
رحاب ممكن ابسر يا ايه
ايه سحبت الظرف: فوق السياره هيا
بلال ضبح منها نفسه يتأكد هزر الظرف فتحه وشاف انصدم ناولها بسرعه: ماغير تأكدت
ايه بنظره احتقار : كيف انت عكس اختك! !!
بلال بيهنجم وبيمزح : ابسري انتي في أرضيه اقدر اشل الزلط والذهب وافحط وانتي تجلسي تبكي هنا
آيه لاول مره تضحك ...
رحاب بتضحك: هيا نرجع شرق نشتي نفعل غدا ونسير عتجي معنا ي ايه
بلال: وليش تطبخي معنا مزلطه عتغدينا هي
آيه : لو دريت انك عتحسن اسلوبك وكلامك بسبب الزلط كان من امس شاقلك انني مش شحاته
بلال : يو كيف هذه البنت حقوده بدل ماتتجمل عريس مفلت روحه مبدع هكذا لاسرت للحلاق ولاشي بيندور الكنز حقها وذلتني بكلمه شحاته
رحاب : تستاهل محد قلك تقل هكذا ماذلحين عنبسر من الي عيطلب الثاني شكلنا عنستاجر عندها احنا
آيه فارحه ومبسوطه معاهم خفت شويه من عصبيتها ولقانتها حست بأمان. .
بلال : وبعدا اين تسير!!! بعقلش ؟؟؟ تشتي يفسخوا الخطبه تشلي هذه المضاربه معش
آيه: من فرحتي بك شاسير مصدق روحه
رحاب : خلاص بس خلينا نسألها ماعتفعل اول
بلال قرب بيكلم رحاب جالسه جنبه و بصوت مرتفع وكانه بيشاور : ماعليش تساليها ماعتفعل اشلها الان القسم اقلهم سارقه
آيه : والله لافتح باب السياره هنا وانزل
بلال: قلتلش سارقه اول شي طنت اذنها وسمعت وخافت
آيه فتحت الظرف وفي ورقة مكتوبه بالخط لو ماتشافيت و وقع بي شي امانه ذهبي لبنتي ايه ...
ناولت رحاب الورقة
رحاب : بتقراها
بلال هزرها وبيقرا ورجع شافها في المرايه وهي جالسه ورا : انا اسف والله بينمزح مع رحاب وانتي بتصدقي بينقل مابش في حسش من شي سمخه.
لاتبرري صدقتش وتاكدت وذلحين انا عند وعدي لش وعتبسري
رجع يده بالورقه لورا: خبيها
ايه سحبتها وفتحت باب السياره.
ايه سحبتها وفتحت باب السياره: اقدر انزل واخطى واسير اي بقعه واعيش وحدي ومحد له دخل فيني لكن ارتحت لرحاب وحسيت بالامان لو استاجر عندكم وماعد اشتي حد يسالني شي ولا يقلي شي ولا تقلو لحد ان به مستاجر عندكم
رحاب: تمام
بلال: وكيف عتدخلي من الباب وتخرجي او عتحتبسي
آيه: يو منك كيف انت لغجه..
بلال :عتزنط ذلحين مزلطه..
في القسم ..
العسكري: كم لها ضايعة؟
ابوها: يوم
العسكري : مرت 24 ساعه؟
ابوها : ايوه قد بينقلك يوم
العسكري رجم الورقه: عادك عتتقارح سير دور بنتك سير قلب صور فوق امها مش عندي
ابوها متردد يعتذر له ويبرر تصرفه: شاف القسم ملان ناس ومحد مدي له احترام وهو متعود على هذا الشي انحرج وخرج
معصب بيسوق ويكلم نفسه : أنا اخرتي ادخل اقسم بسبب بنت لو وقعت ولد ماكانت عتفعل فيني!
شابدع بنفسي وهي يعلم الله اين سارت خليها تسير الجن سعما فعلت هكذا هي عترجع بنفسها للبيت اكيد بيت واحده من صحباتها وانا جالس اهمها لكن والله ماراحت لها. ..
فوق السيارة ..
ايه: رحاب اشتي اليوم انقل للمخزن ينفع؟
رحاب : معنا اليوم خطبه يابنت مستعجله ليش شلب غرفتي
ايه: لا البيت ماينفع ادخله افتحي المخزن وقلي لي اين انقلهن وانا انقل
رحاب: هو فاضي بس يشتي رنج قلتلش هكذا امد مانرنجه
ايه بتشوف جنبهم محل رنج : لو سمحت وقف بسرعه بسرعه
بلال وقف : ايش في ؟؟
ايه مانتظرت تبرر له نزلت بشنطتها للمحل
بلال شاف رحاب : مجنونه هذه البنت والله
فتح باب السياره ولحقها
ايه بتبايع في الرنج
بلال بصوت واطي :هكذا من راسش تتصرفي مايسبرش
ايه : مادخلك؟
صاحب المحل: كم تشتي رنج؟
ايه شافته: كم يحتاج جاوبه
بلال ضبح ومعصب تفاصل هو والرجال
صاحب المحل دخل يدي الرنج
بلال: بينقلش معي خطبه بتبسري قد الساعه 12
ايه: ناهي عتسير تتغدا او معك كوافير هو على الطريق نشلهن وخطينا
رجع صاحب المحل
بلال جلس يتكلم هو وياه ويختارو بقيه الادوات خرج من جيبه يحاسب
ايه فتحت الشنطه تشتي تخرج الفلوس
بلال سحب شنطتها وبهنجمه: اطلعي السياره فيسع
ايه عصبت ورجعت السياره : رحاب رجاء قلي لاخوش يبطل يتدخل فيني انا سكت قبال الناس مره ثانيه والله لفعل مشكله
رحاب: هيا ايه اوقعي عاقله قدش كبيره بتبسري ماينفعش توقفي جنب رجال وعمال
ايه: ايش فيها بينشتري ماله دخل مش هو اخي ولا ابي
ابو ايه..
شاف سياره موقفه جنب محل من الجنب تشبه ملامح بنته وقف السياره ونزل
ابوها في الطريق ..
شاف سياره موقفه جنب محل من الجنب تشبه ملامح بنته وقف السياره ونزل.
فوق السياره
ايه: محد يقدر والله لارد بعشر كلمات
رحاب: ايه عاد انتي صغيره ولو فاكره هذه شجاعه غلطانه في شي ينفع وفي شي ماينفع الشجاعه في امور ثانيه مش مثل هذه ماتعرفي الشخص الي بتتكلمي معه تتكلمي معه برسميه وسمعتي كلمه دعممي عتتضاربي انتي ورجال بعقلش ؟؟؟
بلال طلع طرحهن في الخانة ودخل وقفل باب السياره : اخر مره هذا التصرف وانتي معي رجاء..
ايه: وانت اخر مره تسحب شنطتي وتؤمرني مالك دخل بي بتفهم
رحاب: خلاص بس ياجماعه خيررررررر تعبت منكم والله واصل محانبه ساع الجهال.
ابو ايه بقي بينه وبين السياره مسافه 7 خطوات
بلال شغل السياره ومشي مسرررع بعصبيه
ابو ايه رجع سيارته وجلس يلاحق السياره حق بلال
بعد ماوصلوا البيت..
ايه واقفه في الحوش
بلال نزل الرنج والأشياء وخرج بالسياره يكمل مشاويره..
رحاب :هيا ادخلي افتهني اول
ايه مارضيت خايفه من فضول امها واسئلتها : ادي المفتاح وانا اخلي كرتون الكتب حقش على جنب واكنسه واجلس امد
رحاب شافت مابش وقت تتراشاها دخلت تدي لها المفتاح ورجعت دخلت البيت وبتكلم امها وهن بيفعلين الغدا..
ام رحاب: قد سألت المرة الي شكيت تقرب لها مش هي
رحاب: قد تأكدنا يمه البنت مابتكذبش قالت معها زلط ولقيناه وغاويه حد يدفن زلط في الارضيه في الشارع
امها: لو سرقته سعما كذبت ؟
رحاب: ابسرت الورقه الي معها مكتوب من امها وبصمه وتاريخ
امها: لاحول ولاقوه الا بالله ..مالها ماتدخل
رحاب: مدري عنيده تعبتني طز خليها على راحتها هي اخبر بنفسها
امها : حرام باقي لها سنه وتتم المدرسه اقنعيها تكمل قرايتها..
رحاب: تمام
امها : ذلحين انتي انا شاتم الطبخ وانتي سيري عطفي الشنطه حق خطيبه بلال وزينيها.
رحاب : حاضر..
في المخزن ..
ايه جالسه بتتفرج المكان في سرير خشب مهتري شويه فوقه كرتون كتب وطاقه للحوش وماسه قديمه شويه وتراب والجدر رنجه قديم وستاير قديمة طرحت شنطتها فوق السرير وسحبته للوسط ودخلت علب الرنج من الحوش للمخزن رجعت لقيت مكنسه في الحوش اخذتها ودخلت بعدت البالطو وغلقت على نفسها
كنست المكان وغطت السرير بالستاير القديمه والجرايد.. وفتحت علبه الرنج ذكرت لما كانو يرنجو وبتتفرج المكان صغير تقدر ترنجه ..
حمشت كم الفنيليه وبدات ترنج المخزن..
بعد ساعه وصل بلال شاف علب الرنج مابحد فتح المخزن شافها بترنج قفل بسرعه وبيعتذر من ورا الباب وبيسمع صوتها بتصيح وتشتم ضحك وبيمشي بسرعه يدخل البيت، وقف فجأه.
باب الشارع بيدق ...؟؟
بلال فتح الباب : من ؟؟
الولد : يا بلال الكره دخلت الحوش حقكم اديها واخر مره
بلال : مابش وقفل الباب
آيه كانت جنب الباب بتسمعه : شافت دخل بيتهم وقفل لبست وخرجت تديها لهم
في البيت..
رحاب اول مادخل حجرت: ماشاءالله منور ياعريسسس
بلال ابتسم بفرحه: عقبال مافرح بش
ام رحاب: وانا لمن عتخلوني
بلال: جالس على قلبش
رحاب: انا عندش
بلال: هذا الغدا لي؟؟
رحاب : مع لآيه
بلال ضحك: سيري ابسري الشاقي الي اديتيها من الشارع
رحاب: بس عيب عليك تجلس تتحاكا هكذا عليها واليوم قدي ضابحه من تصرفك افهم مش هي انا تعاملها هكذا
بلال: طالما هي معي اختي ماتشتي خلق الله يتحاكو عليا واقف مع بنت بتبايع
رحاب : قد فهمتها انا باسلوب افهم هي عنيده يشتي لها مداراه
بلال: ولدت لحضني او ايش مادخلني اداري الغلط غلط
رحاب خاطرك خرجت من الباب
آيه: قفلت باب الشارع ودخلت
رحاب: اين سرتي؟
آيه وجهها مرهق وذابل شافت الاكل: هذا لي؟
رحاب: ايوه هيا نتغدا
آيه سحبت الصحن منها وجلست في الحوش جنب باب المخزن: هيا اجلسي
رحاب: يو شم رنج مابتفعلي ؟؟؟ مسررررع يامجنونه
آيه: ماقد كملت
رحاب: عيجي اي حد يرنج
آيه: شاكمل انا
رحاب : طيب جي ندخل نتغدا؟
آيه قد بدأت تاكل كانت ميته جوع : عادي اجلسي قد كنست الارض
رحاب ضحكت : كيف انتي غريبه يا ايه
آيه: ليش ؟؟؟
رحاب شافت رقه جمالها وتصرفاتها المجنونه: ولاشي
بدات تتغدا معها : ماتخافيش لو جلستي وحدش؟
آيه: من ايش اخاف ؟
رحاب: يعني عنخرج كلنا وانتي تجلسي هنا ومثلا انش تسكني وحدش في المخزن ماتخافي؟
آيه منسجمه مع الاكل مارفعت عينها تشوف رحاب : لا متعوده عادي
رحاب شافتها بتاكل بجوع اكلت شويه معها وطرحت الملعقه: انا شادخل اتجهز والبس تشتي شي؟
آيه: لا وتسلمي على الغدا
رحاب وقفت : طيب لما تكملي ادعيني اجي الف الصحون
آيه : تمام
بلال كمل يتغدا وجهز ملابسه وخرج ينظف السياره..
آيه فاتحه الحنفية الي في الحوش وبتغسل الصحون بعد ما اكلت كل الي فيها
بلال شافها: معنا مطبخ
آيه غلقت الماء ولفتت له : مبروك ما افعلك؟
بلال ضحك: عيغسلوهن هم يالقانه اتمسي خلي لي حالي لاتجغريني اليوم انا عريس
آيه كملت تغسلهن وغلقت الحنفيه: هي عتبسرك وتبطل
مشيت لعند الباب ودقت لرحاب
ام رحاب فتحت لها الباب : ادخلي
آيه مدت الصحن: اسير اكمل المخزن
ام رحاب بنبره صياح امهات: ادخلي صلي من المعانده وافتهني شويه ماقد بش معش فرش في المخزن
آيه طرحت الصحون: انا هكذا مرتاحه
ومشيت
ايه رجعت المخزن وغلقت و رجعت تكمل ترنج..
آيه قفلت الباب وطرحتهن وجلست تكمل ترنج ..
في بيت ابوها..
فاروق : ماعد حد يذكرها ويدي اسمها
مرته مراعيه ايحين يوصل تساله: انت سرت بيتكم؟
فاروق: ايوه
مرته: من فتح لك؟
فاروق : محد حاكوني الجيران
مرته : امك مابش معها ورث ولا شي
فاروق: وكأن انتي ماتعرفينيش بتسالي؟ مش انتي داريه ليش تقالعنا انا وامي ! حين مارضت تفلت البيت الخرابه هذك مابش معها فيه شي معها مكانس تشتي تورثيهن
مرته: مالك قلبت هكذا ناهي سالت سؤال عادي يعني عتفلت البيت حقكم
فاروق: بينقلش البيت مابش فيه شي تشتي تسيري تعيشي فيه لفي العفش
مرته: استغفر الله بس
فاروق: غلقي الموضوع وقربي غدا واي حد يسال وين ايه قلي بيت جدتها وانتهى
مرته: تمام والمره الي فتحت راسها المجنونه هذه؟
لو يشتكوا بنا؟
فاروق : تحاكيت مع زوجها وجهالها وسدينا
مرته: كيف سديتو
فاروق: قلتلهم البنت من حين ما ماتت امها وهي مجنونه وعصبيه هكذا واننا شليتها البلاد والي يشتوه انا حاضر ادفع تعويض ومارضيوش وغلقنا الموضوع.
مرته بضبح: خير ان شاءالله
فاروق : عنتغدا او عنقضيها تحقيق اليوم
(( بيت رحاب))
رحاب خرجت من البيت وناولتها قاروره ماء وعلبه كيك وحلويات وببسي من حق الخطوبه : هذا قسمش ماتشتي شي؟
آيه: مع شكرا
رحاب: طيب لو تعبتي خليه بكره بلال يعاونش
آيه : قد شاكمل
بلال بيصيح : هيا قد اعمامش هانك اقطبي مالش
رحاب: يلا مع السلامه يا ايه
ايه: مع السلامه وقفلت الباب
بلال خرج السيارة ورجع يقفل باب الحوش قرب من بابها : لاتفتحيش لحد تمام
ايه: مطنشه
بلال مشي وخرج وقفل الباب. .
آيه اختنقت من شم الرنج فتحت الباب والطاقه وجلست تخلص اخر مكان في الجدر ..
بعد ساعه كملت وجلست في الحوش ترتاح شويه فتحت باب الحمام وفاضي مابش فيه شي. .
رجعت للغرفه فتحت شنطتها وعدت الفلوس الي معها كان مبلغ بسيط اخذت خاتم من خواتم امها ولبست البالطو والمفاتيح طرحتهن في الشنطه وخرجت الظرف حق الذهب طرحته في المخزن
ومشيت قفلت بعدها باب الحوش وخرجت
وقفت تكس من الشارع ووصلت السوق : اشترت شامبو ومعجون اسنان وفرشه وصابون ومنشفه وملابس لرحاب بدل حقها ولها ملابس وملايه وبطانيه شافت الاكياس في يدها زياده ماعد تقدر تتحمل وتأخرت الساعه 8 الليل اخذت تكس ورجعت البيت..
بلال في الحوش فوق السياره سمع الباب نزل : شافها الأكياس في يدها : كيف تخرجي هكذا لوحدش ؟
آيه: انا قلت لك مالك دخل ليش بتتدخل ماعدلا استاذن منك
رحاب وامها سمعين صوت الصياح خرجين للحوش
بارت 22
رحاب وامها سمعين صوت الصياح خرجين للحوش
بلال: انتي مستاجره هنا يعني تحترمي القوانين
ايه: نعم نعم !!! اي قوانين ومن ايحين بيتحكمو اهل البيت في المستاجرين
بلال: انتي بنت ولوحدش كيف تخرجي هكذا واحنا قلقين عليش انتي ناسيه ان معش مشكله
رحاب : انتي داريه يا ايه جينا والباب مفتوح حق الحوش الحمدلله انحنا قفلنا باب البيت ولا يعلم الله من دخل وسرق
ايه ذكرت الذهب حق امها طرحت الاكياس وجريت بسرعه للمخزن مابحد الظرف ولا ادوات الرنج
: انت الي رجمت الادوات حق الرنج
الكل بيتلفت لبعض
بلال: ماشي قد قلت لهم ان انتي شاقي رجمتيهن لنفسش
آيه بخوف: الظرف الذهب حق امي مالقيتهن امانه انت بتفعل مقلب
والكل منصدم والام بتعاتب وتقلها كيف تخلي الباب مفتوح
رحاب وبلال دخلو معها يدورو في المخزن مابش
بلال بضبح زبط الباب: بينقلش ليش خرجتي زعلتي ولقانه هيا ابسرتي عملش والغوا حقش كيف
رحاب : خلاص قلنا اهجع
بلال بضبح : شاهجع احنا والجنان هذا مكلفني الله وانا خاطركم
امه: اين عتسير؟
بلال : أكمل التخزينه عند خبرتي وصل عند الباب شاف اكياسها رفعهن وطرحهن في المخزن شافها متصنمه ساكته توقعها تبكي بس ولادمعه استغرب على قوه وعناد فيها ورجع خرج
ام رحاب كانت ضابحه من تصرف ايه طنشتهن ودخلت البيت
رحاب جالسه مع ايه: لاتزعليش عادي
آيه: ذلحين كيف شافعل قد صرفت الفلوس كلها
رحاب: سهل عنلقى حل لكل شي صف كم انتي؟
ايه : ثالث ثانوي
رحاب: واين ملفش
ايه: في بيتنا
رحاب: طيب انا شاتصرف في الملف ونطلع لش شهايد بدل فاقد
ايه: ماشتيش ادرس
رحاب: ليش
ايه: بينرسب واصل مابش داعي تتعبي نفسش
رحاب: لانش مابتذاكري بترسبي لكن ماشاءالله ذكيه يعني لو تذاكري عتدرسي وتشتغلي وتصرفي على نفسش وماتحتاجي حد
ايه مطنشه: شارجع بيت جدتي
رحاب: حرام تضيعي عمرش وترجعي هانك ماعتفعلي قليلي وحدش وبدون دراسه ماعتشتغلي
ايه ضبحت وبعصبيه: كان مافعل قليلي مافعل مادرست وباقي للاختبارات شهر
,رحاب: جربي ذاكري وانا شاساعدش بكره اديلش كتب من المدرسه ودفاتر بنت شاطره واساعدش وبلال شاطر في الرياضيات عيشرح لش هو المواد العلمية
ايه: مالقيتي الا بلال
رحاب: سهل يا ايه اذا تشتي تعيشي وحدش لازم تتحملي كل شي مايعجبش هذا ضريبة اختيارش او ارجعي بيتكم وتحملي عيشه اهلش مابش معش حل ماعتفعلي عتخرجي تشحتي؟
ايه تنهدت بضبح : طيب ادي الكتب اجرب ولو مافلحت شارجع البلاد
رحاب: تمام ماشتريتي وريني
ايه ناولتها الاكياس وفتحت كيس الملابس خرجت لها بجامه جديده هذه بدل حقش
بتتببعع ..
*لوخيروك*
*قصص عربيه ✅️*
*قصص اجنبيه مترجمه ❤️🔥*