الفصل 13
: قصة بقلمي ;براءة نجار ،،،
روايه ؛ *سميتك سما*💙
الجزء؛الثالث عشر
----------------
عند زين كان قاعد هوة والشباب وصهيب وغسان واغيد ،،كان لابس قميص ابيض ع بنطلون جينز وشوز ابيض وطالع بيجنن وحاطت ع الطاولة قدامو علبة شوكلا فاخرة وبوكيه ورد احمر كبير وعم يستنى سما على نار، ،،،
اوس ;هدي ابو الشباب الي بيشوفك هيك مابيقول كل يوم بتشوفها، ،،
زين ;اي بس ليوم مختلف عن قبل، ،،،
صهيب ;اهدا وكون ريلاكس ماتخليها تشوف حالا عليك ولا بس شافتك هيك خفيف بتنغر، ،،
زين ;اذا ماهية شافت حالها مين بدو يشوف حالو، ،
امير ;نيالاااا
اجو جوري وعليا وقعدو ع الكنبة وكانو عم يتطلعو في زين كيف متوتر، ،،
بعد مدة قصير طلت سما ومعها القهوة وكانت عم تتغنج بمشيتها عن قصد، ،،ليرفع راسو زين بعد ماسمع طقت كعبها ويصفن فيها وهوة مو مصدق كمية هل جمال الي شايفها قدامو، ،،
اغيد ;شبك ولا تقال
زين ;خالي انا رح ابكي من حلاوة بنت اختك، ،،
وصلت سما لعندهن وبلشت تضيفهن القهوة، ،
صهيب ;بسم الله ماشاء الله الله يحميكي من العين ياضو القمر، ،،
سما ;حلا عيونك جدو، ،
وكملت لوصلت لعند زين لتوطي لعندو وتوميلو ع الفنجان بعيونها، ،،بس هوة ماكان بوعيو حتى كان صافن بعيونها بوله، ،،
اوس ;شبك يازلمة خود القهوة الها ساعة ناطرة، ،،
صحي زين على حالو واخد الفنجان الي ومت عليه سما ونسي قصة الملح اصلا😂
قعدت سما وهية عم تتصنع الخجل 😂،،،
اجا زين ليشرب القهوة واخد اول رشفة من الفنجان حس بشي لدع لسانو وعينو بلشت ترف، ،،كابر ع حالو وبلعها بزور لاول رشفة، ،😂😂😂
كانو سما وليلى كاتمين ضحكتهن بزور ورغد عم تصور اللحظة وتضحك، ،،
اوس ;شبك زينو لتكون القهوة مالحة، ،
زين بغصة ;هاا لا طيبة
امير بمكر ;لكن شراب
زين وهوة عينو عم ترف ويزور سما ; عم اشرب ليكني، ،،ورفع الفنجان وشربو برشفة وحدو كلو وغمض عيونو وكش وجهو وبلعها بلقوة واخد كباية المي وشربها وراه بسرعة، ،،ليفرطو ضحك الكل، ،،
اغيد ;حبيبي زين كلنا نحطينا بنفس الموقف معلش، ،،
اوس ;والله ماتحطلي ملح بلقهوة الا طلقها قبل ما اتزوجا😂
الكل ;😂😂😂😂
زين ;ايه خلونا ندخل بلموضوع بصراحة انا، ،ونسي شو كان رح يحكي، ،تطلع بامير على انو يأنقذو، ،،
امير ;بصراحة وقت شفت مشاعرنا كبرت، ،
زين ;مشاعر مين
امير ;عم زكرك
زين ;خلص انسى انا بحكي
امير ;تفضل، ،،
تطلع زين بصهيب وحكا ;بصراحة وقت شفت مشاعرنا كبرت فجأة انا ماعاد اقدر بعد عن سما ولا لحظة واخذت قراري هلئ اني طالب ايدها على سنة الله ورسولو، ،،
صهيب; انا بتشرف كتير فيك زين بتعرف انك ابني بس الرئي رئي البنت بتعرف، ،،
تحولت كل الانظار على سما وكانو ناطرين ردها، ،كان زين عم يطلع فيها ويبتسم لتنطق ;بصراحة اي بنت بتتمنى هي اللحظة، ،
رفع زين حواجبو وابتسم بحب، ،كملت ;بس انا مو موافقة، ،،
لينصدمو كلهن ويحكو سوا ;شوووو
زين وهوة عينو عم ترف ;هية قالت مو موافقة
امير بضحة ;اي سمعتها متل ماني شايفك، ،طيب مازال مو موافقة ليش لابسة ابيض، ،،
زين ;بصراحة انا ماعرفت هههههه جدي ممكن اخد سما ع جنب شوي ونحكي كلمة، ،
صهيب ;اي ابني خدها
تطلع زين بسما وبلش يزورها وقلها ;قومي، ،،
قامت سما وهية خايفة ليمسكها زين من زندها بقوة وينترها لقدام ويكز ع سنانو ويحكي ;انتي شو خبصتي ولي، ،،
سما ;ما ما انا توترت
زين ;توترتي بترفضيني، ،
سما ;اول مرة بنخطب توترت، ،
زين ;هلئ بترجعي وبتصححي الي علمتي احسن ماعضك من مناخيرك، ،،
سما ;حاضر اترك ايدي
تركلها زين ايدها ومشي قدامها وقعد ع الكنبة وبلش يضحك باحراج;اههههه توترتي مو هيك، ،،
سما ;اي هيك
قعدو ليعاود سؤالو صهيب ;شو رأيك، ،
سما وهية عم تطلع في زين ;انا موافقة، ،،
غمض زين عيونو وهوة طاير من الفرحة، ،،
غسان ;يلله لكن خلونا نقرئ الفاتحة على نية التوفيق، ،،
قرئو الفاتحة وهنن طايرين من الفرحة، ،،
صهيب ;لكن ايمت الخطبة، ،،
زين ; بعد اسبوع رح تكون الخطبة، ،
سما ;اي مشان جهز حالي، ،،
اغيد ;الف مبروك ياولاد
سما وزين ;الله يبارك فيك يارب
ليلى ;زغرطي يا انشراح
ليزغرطو عليا وجوري وليلى ورغد وامير 😂😂،،
باركولهن الكل وقعدو قعدة عائلية ونبسطو سوا ليطلو زين وسما ع حديقة القصر ويقعدو لحالهن، ،،كان زين قاعد وحاضن سما ع صدرو وعم يتفرجو ع النجوم والقمر، ،،
زين ;حاسس حالي اسعد انسان بلدنيا بس بدي تتم الخطبة والعرس وتكوني الي كل العمر، ،،
سما ;بعمري ماحسيت بلامان غير بحضنك بعمرك ماتتركني وتبعدني عنك لانو اذا بعدت رح اقتلك، ،،،،
زين ;مستحيل يفرقنا غير الموت بس بدي اقلك شي بشي يوم اذا متت واشتقتيلي او حسيتي حالك تعبانة تطلعي بسما وقولي زين ثلاث مرات رح تحسيني معك لو مو بجسدي بروحي ياروحي انتي، ،،،
بعدت سما عنو بعصبية وقالت ;ممكن ماتحكي هاد الحكي والله ببطل اتزوجك، ،،
زين ;ياعمري مارح اتركك بس عم قلك اذا المو،،،،
وما كمل كلمتو الا وحاطة ايدها ع تمو وعم تطلع فيه بعيون حزينة ;اذا بشي يوم اخدك الموت ساعتها رح ياخدني الي كمان، ،،وشالت ايدها من ع تمو وحضنتو بقوة ليلف ايديه حوليها ويدفن راسو بشعرها، ،،،بحبك ياسما قلبي، ،،
سما ;بحبك يازين الرجال، ،
بعد عنها زين وقرب منها باسها من راسها ;يلله بردتي ليكي صرتي ترجفي خلينا نفوت، ،،
سما ;يلله زاتاً تاخر الوقت وصار لازم نرتاح نحن لتنين، ،
زين ;ياريت فيني نيمك بقلبي ياعمري، ،،
حطت سما ايدها ع قلبو ;زاتاً سما هون دائما صح، ،
زين بحب ;صح ونص كمان، ،،
سما ;يلله خلينا نفوت لجوا، ،
زين ;يلله ياحلوتي، ،
مسكلها ايدها ووقفها ومشيو هية وهوة لجوا وهنن طايرين من الفرحة، ،،،
"""""""""""""
: تاني يوم
كان ماشي ليطلع بسيارته من الكراج تبع الفيلا تبعو ليسمع طقت كعبها ويلتفت لوراه ويشوفها كانت لابسة شورت جينز ع كنزة نص بطن حمرا وفاردة شعرها البني ورا ضهرها وحاطة نضارتها الشمسية على عيونها وماشية اتجاهو بثقة تطلع فيها وابتسم، ،،،
ليمار ;هاي
سيف ;هايات
ليمار ;انا اسمي جوليا وبصراحة بعتني جون بيك مشان البضاعة، ،(جون بيكون زعيم مافيا روسية)
سيف ;اهااا جوليا عرفتك بس كانو اجيني بكير موعدنا بكرا، ،
ليمار ; انا بحب خلص بسرعة
سيف ;طيب طلعي
ليمار ;اوك
طلع سيف بسيارته لتطلع ليمار حدو ونطلق، ،،
سيف ;توقعتك اكبر من هيك
ليمار ;شو توقعت تشوف ختيارة مثلا
سيف ;كل الي منشتغل معهن بعمر ال35 وفوق
ليمار ;انا فايتة بهل مجال من شي سنتين، ،،
سيف بقلبو ;اهاا معناها عنجد هي جوليا، ،
هية كانت عم تبتسم بثقة وعرفانة انو عم يختبرها بس الي مابيعرفو انو علق مع اذكى بنت بلدنيا مستحيل تخسر قدام حدا لو شو ماصار بقيت عم تبتسم وهية عم تسترجع احداث اليلة الماضية، ،،
فلاش باك، ،،،،،،،،،
كانت قاعدة قدام الابتوب وعم تحاول تخترق ملفو لسيف باي طريقة وبعد معاناة فتح معها ملفو الي بروسيا وعرفت انو متفق مع جون مشان يسلمو بنات مشان يشغلوهن بدعارة والي رح تستلم اسمها جوليا بالغة من العمر 28سنة ابتسمت بنصر ورفعت تلفونها واتصل باوس، ،
اوس ;الو مين
ليمار ;انا ليمار
اوس ;اهلا ليمار كيف
ليمار ;تمام اتصلت فيك مشان اقلك انو بعد بكرا الشبح متفق مع واحد اسمو جون هوة زعيم مافيا روسية، ،
اوس ;اي ع شو متفق
ليمار ;بدو يسلمهن بنات مشان يشغلهن بدعارة وانا حكيت مع واحد منن وتأكدت حكيت من موقع على اني شب وطالب صبية سورية للبيع وتاكدت من شكوكي والي رح تستلم من الشبح بنت اسمها جوليا عمرها 28 ،،،
اوس ;تمام حلو عرفتي وين مكان التسليم
ليمار ;لا انا عندي خطة تاني، ،،
اوس ;شو هية
ليمار ;رح روح وقابلو على اني جوليا وانت رح تستنى جوليا بلمطار بعد بكرا على انك من طرف سيف، ،،
اوس ;بس هيك خطر عليكي احتمال يكشفك يختبرك ويعرف، ،،
ليمار ;اوس قدامك اكبر هكر يعني اكيد رح ابحث عن معلومات جوليا واعرف ايمت دخلت عالم المافيا انا مو غبية، ،،
اوس باعجاب ;بصراحة انتي رهيبة ليمار ماتوقعت منك كل هل قد، ،،
ليمار ;لكن بعجبك، ،،
اوس ;تمام لكن انا بكرا الصبح رح التقي فيكي قبل ماتروحي لعندو لانو بعد ماتقابليه ماعاد نقدر نتقابل بخاف يراقبك، ،
ليمار ;اكيد رح يراقبني لهيك بكرا الصبح بشوفك ومنحكي
اوس ;تمام ديري بالك على حالك
ليمار ;اذا انت كنت بخير انا بخير، ،
ابتسم اوس بسره ونهى المكالمة وسكر، ،،
باك،،،،،،،،،
سيف ;ماقلتيلي ليش دخلتي على عالم المافيا وكان فيكي تشتغلي راقصة لانو مشالله جسمك ممشوق، ،،،كان عم يتطلع عليها نظرات حيوانية ،،،
ليمار ;فيك تقول هواية
سيف بمكر ;وحضرتك وين رح تباتي هل ليلة
ليمار ;بلاوتيل
سيف ;شو رأيك تجي لعندي نقضي وقت حلو، ،،
ليمار ;اممم اوك بجي، ،،
سيف ;هاد هوة الحكي الحلو
ليمار ;هلئ خلينا بشغل
سيف ;تمام رح اخدك وفرجيكي البنات تفحصيهن
ليمار بقلبها ;والله لا العن شرفك يابن الحرام وقعت وماحدا سما عليك، ،،اوك
""""""""""
: عند المخبر كان ماسك بايده الظرف ودقات قلبو مليون من التوتر، ،،خلص زين فتحو حاج خوف، ،،واخيرا تشجع زين وفتح الظرف وفتح الورقة بلشت يقرأ نتيجة التحليل وبلشت علامات الصدمة تبان ع وجهو لتوقع الورقه من ايدو وهوة مصدوم ومو عارف شو عم يصير حتى ونطق بشفاف عم ترجف; كك كيف يعني اخي معناها ابوه بيكون، ،،فجأة قطب حواجبه بقهر وكز ع سنانو اخد الورقة وطلع بسيارتو ونطلق متل الاعصار على مكتب جوري، ،،
""""""""""
كانت عم تطلع في البنات الي اعمارهن بل 16 وفوق وقلبها وجعانها عليهن، ،،
لجين ;شفتي قلتلك البضاعة عندي خام ست جوليا، ،
ليمار ;اممم بصراحة مبين عليهن ،،،ومشيت وهية عم تتمايل وقعدت ولفت رجل ع رجل وولعت سيجارة ; بس هدول البنات مافي غيرهن، ،
سيف ;اتفقنا مع مسيو جون بس 20بنت، ،
ليمار ;عندي الك عرض مسيو، ،
سيف ;تفضلي
ليمار ;باخد كمالة البنات الي مو لمسيو جون والمبلغ الي بتطلبو حاضر، ،،
لجين ;مستحيل نباعو
ليمار ; بدفع اكتر من الي اشتراهن، ،،
سيف بخبث ;بس انا مابدي مصاري
ليمار بثقة ;معناها اليلة بروح معك ومنطلع خالصين، ،
سيف ;هههههههههه
ليمار باستغراب ;شو بيضحك، ،
سيف ;هلئ انو اي انتي عاجبتيني بس مو لدرجة اعطيكي فوق 100بنت مشان ليلة، ،،
لجين بخبث; انتي عطيتي حالك قيمة اكبر منك دموزيل جوليا، ،،
ليمار ;ههههه كنت بمزح لاني مستحيل وسخ حالي مع واحد متلك مسيو، ،،
نصعقو بردها لجين وسيف وتجسدة لسيف شخصية سما قدامو ماخطر ع بالو غير جملة سما، ،،،الي بدو ياني بيجي لعندي واذا ماعندي مزاج بقلعو هههه،،،،،
ليمار بخبث; تمام مسيو المصاري صارت عندك بدي البنات، ،،
سيف بعصبية ;هاد الحكي كان قبل ماتتمادي وتتنمردي علي وتحكي هداك الكلام، ،،
ليمار بثقة ;اي وهلئ شو صار مسيو
سيف ;هلئ رح تنضمي للبنات من تم ساكت، ،
ليمار; اهههههه شكلك نسيت مسيو جون شو ممكن يعمل معك وخصوصي انا عشيقتو، ،،
سيف بخبث; اها يعني بتعترفي انك عشيقة مو اكتر، ،
ليمار ;اه بس مو لأي حدا لمسيو جون اكبر رجال المافيا بروسيا مجرد اني عشيقتو لا انت ولا غيرك رح يقدر يقرب مني، ،،
سيف ;اهااا معناها مافي بنات لبكرا
ليمار ;بس المصاري صارت عندك وكلشي تمام ليش، ،،
سيف ;لانو هيك خطرلي نحن موعدنا بكرا فابتتأجل لبكرا، ،،
حاولت ليمار تخفي علامات التوتر من ع وجها بس مجرد مايصير بكرا رح ينكشف كلشي لتنطق ;واذا رحت لعندك اليلة بتسلمني البنات، ،
سيف بخبث; اي هلأ بلش الحكي الصح شفتي كيف رجعتي لعند رجلي متل الكلبة، ،،
ليمار بقلبا ;والله الا اقطع رجليك ياكلب بس خلي هل نهار يعدي على خير، ،،،تمام المسا منلتقا هلئ رح ارتاح شوي، ،،
طلعت ليمار وبعتت مسج لاوس مشان يجهز حالو لمسا، ،،
"""""""""""
كانت قاعدة ورا مكتبها وعم تراجع القضية باهتمام لينفتح باب الغرفة ويخبط بقوة لدرجة انها نقزت ودخل لعندها متل الاعصار وخبط الورقة ع المكتب وحكا بهدوء قاتل ;شو هاد، ،
جوري بخوف ;ابني خوفتني شوفي
زين ;جاوبي ع قدا السؤال شو هاد، ،،
تطلعت جوري بلورقة واخدتها من زين وبلشت تقراها وهوة واقف وعم يطلع فيها بقهر وعروق ايديه بارزة وعيونو حمر من شدة القهر، ،،نصدمة جوري وماكانت عارفة شو تقلو، ،،
زين بصريخ ;احكيييييي ماتسكتي قولي انك كنتي عم تضحكي علي كل هل سنين قولي، ،
جوري ببكي ;زين ابني سمعني انا، ،،
ليقاطعها بصريخ ;لك انتي شو من بين الامهات لك كنتي مفهمتيني انو ابي ميت لك كيف اجا من قلبك تحرميني من ابي وتنسبيني لكنيتك واسمك ياجوري خانم احكييييي، ،،،
جوري ببكي وصريخ ;ابوك تركني وتزوج غيري كرمال ابوه لك انا اخدتك وسافرت فيك مشان ماياخدك مني كان بدي تبقى حدي لو كنت عرفت انو رضا ابوك كنت تركتني ورحت لعندو وانا ماعندي غيرك لك توئمك يمان اخدو ووهمني انو ميت وحرمني منو كل هل سنين، ،،
زين ;هههههه برافو امي برافو عليكي طلعتي بتعرفي انو يمان ابنك وهوة بيعرف كمان معناها هوة والي بيعرفو كلشي وابي بيعرف اني ابنو وساكت ماطالب فيني ولا حكا، ،
جوري ;،،،،،،،،،
زين بصريخ ;لك احكيييي ماتسكتي لك كيف فيكن تعملو معي هيك لك شايفيني ولد حتى تستغفلوني كل هلقد هاااا لك انا مو ابنك الوحيد كيف رضيتي تعيشيني منبوذ طول حياتي، ،،
جوري ببكي ;ماكان بدي تروح وتترك امك ياروحي، ،
زين ;ليش مين فهمك اني لو عرفت كنت رح اتركك لك في حدا بيترك امو بس هلئ انتي اخترتي اخترتي انك تكذبي علي وتخبي الحقيقة وبعد مل هلعمر بعرف انو ابي عايش بتعرفي ليش مشان صير معيار لناس ويقولو عني ابن حرام بشكرك انك خليتيني من منبوذ لابن حرام، ،
جوري بصريخ ;لاااا ماتقول هيك زين انا وابوك كنا متزوجين انت مو ابن حرام بترجاك سمعني ابني ماتوجع قلبي، ،
زين بهدوء قاتل ;لاعاد تقولي ابني انا مو ابنك لانو لو كنت ابنك كنتي اجيتي لعندي وحكيتي الحقيقة وماحطيتيني بهيك موقف ابدا بس انتي حطيتيني بموقف بخجل وانا رائد والي سمعتي خليتي سمعتي بلارض، ،،
جوري ببكي ;لا بني بترجاك ماتوجع قلبي وتحكي هيك بترجاك، ،،
طلع زين وترك جوري منهارو وراه ،،كانو الموظفين كلهن واقفين قدام الباب وسمعو كل الحكي ليحكي زين بصريخ ;شو عم تعملو هووون نقلعووووو كل واحد ع شغلو، ،،
ليركضو ع شغلهن بفزع، ،،وزين طلع بسيارته ونطلق ع الضيعة ليصفي باقي حساباتو كان الغضب متملكو ومو شايف قدامو حتى، ،،،
"""""""
عند سما كانت طالعة من الجامعة هية والبنات، ،،
سما ;وسام وضعو ماعاجبني شكلو عم يخطة ع شي
ليلى ;اعلى مابخيلو يركبو
رغد ;والله انا مو متطمنة، ،
سما ;خلص انسو لا تشغلو بالكن فيه اصلا انا مو فاضيتلو هلئ عندي خطبة، ،،
ليرن تلفون سما فجأة، ،تطلعت شافت رقم جوري ;خير نشالله خالتي جوري شو بدها، ،
ليلى ; بيكون مشان تجهيزات الخطبة
سما ;سكتي لارد، ،،وفتحت الخط، ،،الو، ،ليجيها صوت جوري وهية عم تبكي، ،
سما بخوف ;خالتي جوري شبك ليش عم تبكي، ،
نتفضو ليلى ورغد وقربو حد سما ;افتحي لسبيكر، ،،
فتحت سما لسبيكر ;شبك خالتي جوري
جوري ببكي;سما الحقي زين ع الضيعة عرف كلشي وراح لعند ابوه ومو ناوي على خير بترجاكي لحقي، ،،
سما بصدمة ;شووو كيف عرف
جوري ببكي ;بترجاكي لحقي قبل مايعمل شي طلع مو شايف قدامو، ،،
سما ;يلله خالتي طالعة، ،
وسكرت التلفون وطلعت بسيارة ليطلعو حدها ليلى ورغد ;نزلو
ليلى ;بدنا نروح معك بدنا نعرف شوفي
سما ;بترجاكن مو وقتا خليني روح بس انا
رغد ;رجلنا ع رجلك واحكي شو عرف زين لاني تشوشت كتير، ،،
شغلت سما السيارة ونطلقت ع الضيعة هية والصبايا وتصلت بيمان وامير وخبرتهن ليلحقوها هنن كمان مع انو امير مافهم اي شي بس راح، ،،
"""""""""""
عند اوس نصب كمين سري حوالي بيت الشبح وقعد ع السطح والقناص بايده يراقب الوضع وايفا عم تراقب الكميرات ،،
""""""""
بعد ساعتين وصل زين ع الضيعة ودور السيارة ومشي اتجاه الحي، ،،
"""""""
بحي السيد
كانو الكل قاعدين بلمقهى لتصف سيارة لجين وتترجل منها وتفوت ع المقهى ;كيفك حبيبي
رضا ;منيح انتي كيفك
لجين ;شو شكلك ماشتقتلي
رضا ;لجين حاجتك مياعة مو ناقصك ترا، ،
لجين ;اووف انت ع طول مو ناقصني
رضا ;اختصري قديش بدك بعرف جيتك مو لله، ،
لجين ; بلشنا نفهم ع بعض، ،
وماكملت كلمتها الا سمعو صوت تشحيط سيارة قوي لتوقف سيارة رنج سودا قدام المقهى وع تول ماشحط فرامل صارت تطلع الدخان، ،وترجل من سيارتو متل الاعصار في بدلتو العسكرية الي عاطيتو هيبة ودخل ع المقهى متل الاسد ليوقفو كلهن ويطلعو عليه ليشوف قاسم النظرة الي كان بدو يشوفها بعيون زين، ،،تطلع زين في رضا ;كنت بتعرف وقت دخلت لهون وهددتك، ،
رضا ;شو بدي اعرف
صرخ زين صوت وصل لاخر الحي; لاتتغابااااااا انت بتعرف كتير منيح شو قصدي كنت بنتعرف اني ابنك، ،،
رضا ;كنت بعرف فيك من زمان مو من هلئ، ،،
زين بقهر ;هيك بهل بساطة عم تحكي انك بتعرف من زمان مفكر اني رح سامحك اذا كنت بتعرف مو، ،،
رضا ;ابني انا
زين بصريخ ;انا مو ابنكككك ولا ابنها الها كمان انا ماعاد بدي اهل كذابين متلكن فهمتووووو، ،،،
واخيرا انتبه زين على لجين الي واقفة بزيق المقهى وعم تطلع فيه بصدمة رفع حواجبه وابتسم بخبث ;هاااا ست ياسمين هون كمان، ،لتفت عند رضا ;وباعتلي جاسوسة كمان، ،
رضا بعدم فهم ; جاسوسة شو انت شو عم تحكي
زين وهوة عم يومي ع لجين ;هل عينتين بعتلي ياها تراقبني مشان هيك ماكان بدك تطلعي من عندي وتسكني لحالك، ،،،
نصعقو الكل بحكي زين وبقيو عم يرمقو لجين نظرات نارية، ،لينطق رضا ;كمان ابني ما خلي منككككك
لجين ببكي ;انا انا
رضا ;ولك انتي شوووو اه لك حتى ابني ضحكتي عليه وطبقتي يابنت الكلب، ،،
فقد رضا اعصابو وهجم على لجين ومسكها من شعرها وبلش يجرها وراه وكانو عم يشحط عنزة،،
كان زين عم يطلع فيه وهوة مو فهمان شي ليهجم على رضا ويدفشو بعيد عن لجين ;اتركها ولاتلمسها لاترمي اغلاطك عليها هية عبد مامور بس انت راس الفتنة، ،،
رضا;ولك ابعتت مين لك هي مرتي، ،واسمها لجين، ،
نصدم زين ولتفت عليها ;صحي هل حكي
لجين ببكي;كذب هنن عم يكذبو مشان يحطو اللوم علي، ،
وبلشت تبكي بقوة وقعدت تحت رجليه لزين وبلشت تترجاه تحت صدمة الكل ليسمعو صوت تزقيف وليتفتو كلهن ع باب المقهى ويشوفو سما ووراها ليلى ورغد، ،،
سما ;واااو لوجي بيجنن المشهد في اي مسلسل رح تمثلي بصراحة ابدعتي واااو، ،،
زين بعصبية ;انتي شو جابك
سما ;اجيت اخدك لازم نمشي، ،
زين بعصبية ;مارح امشي ليحكيلي كلشيييي، ،،
كانت لجين عم تطلع في سما بحقد وقهر وسما عم تبادلها النظرات، ،،
بلنسبة لقاسم كانت الدموع بلشت تتجمع بعيونو وهوة شايف سما قدامو شاف القوة بعيونها، ،،
سما ;ززين خلينا نمشي بعدون بتحكو
زين ;مارح امشي ليحكي كلشي
قربت منو سما ومسكتلو ايده وحكت بحنية ;لكن بتقعد وبنحكي بهدوئ بترجاك، ،،
زين ;سماااا
سما ;كرمالي زين قعود وخلينا نحكي بهدوئ والاهم خلي هي (ع لجين) تنقلع لبرا لنحكي، ،،
ليدخلو يمان وامير ورا بعض ;شوصاير، ،
قرب امير من زين ومسكو من كتفو ;شوفي حقيقة شو عرفت، ،
زين كان عم يتطلع في يمان بقهر وعيونو جمر ويمان عم يتطلع بعيون زين بحزن، ،
زين بقهر ;كنت بتعرف وخبيت عني مو هيك، ،
يمان ;ماعرفتك غير من جديد صدقني ماكنت بعرفك ،،
زين ;يعني وقت عرفت اني اخوك، ،
يمان بحزن ;مجرد ماسمعت وعرفت انك اخي ماتركتك ولا لحظة والله، ،،
زين بحزن ;وليش ماقلتلي
يمان ;كنت عم استنى الوقت المناسب والله، ،،
زين ;كذاب
سما ;زين بترجاك
زين ;سما انتي ماعم تعيشي الي عم عيشو لك كذبو علي كل هل عمر لك الي اسمو ابي عشت طول عمري ماسأل علي ولي كنت معتبرها حياتي كلها كذبت علييي سما لك كذبو علي وهنن عم يتطلعو بعيوني، ،
قربت منو سما وحضنتو وصارت تمسح بايديها ع ضهرو بحنية ;خلص زين اني معك اهدا زين اهدا، ،
بعدها عنو زين عنو وصرخ ; لكككك انا بكرهكن كلكن رح حاسبكن كلكن وانت قاسم بيك رح حاسبك لانك خليتني اعرف رح حاسبك وهاد وعد مني رح تدفو الثمن انت وصهيب، ،وطلع متل المجنون طلع بسيارتو وكان رح يمشي لتركض سما وتوقف قدام السيارة، ،،
زين بصريخ ;بعدددددي سماااا
سما ;بدي اطلع معك مارح خليك تروح لحالك زين، ،،
زين وهوة حابس دمعتو;سما بترجاكي، ،
مشيت سما وفتحت باب السيارة ودفشت زين وطلعت مكان السائق ودورت السيارة ومشيت وتركت الكل وراها، ،،،
كان يمان واقف قدام باب المقهى وعم يتطلع في سيارة زين الي مشيت بحزن، ،،حس بايد نحطت ع كتفو لتفت ليشوف ليلى، ،،بدو شوية وقت ورح يفهمك انت متلك متلو مادخلك وبعدون سما معو رح تهدي، ،،
يمان بحزن ;نشالله، ،
امير ;اووف قولكن وين راحو، ،
ليلى;على هوا ما حكتلي سما قبل اكيد راحو ع حفة الجبل الي بطل ع شط البحر مكان ماعرض عليها الزواج، ،
امير ;اي بعرف هاد المكان طلعو نلحقكن
رغد ;انا برأيي نتركهن شوي لحالن بعدون منلحقهن، ،
يمان ;انا معها لرغد خليهن لحالن شوي، ،،
اجا ادهم من وراهن ;يلله فرقونا بريحة طيبة ليكو ابن عمتكن راح، ،
يمان ;ادهم عيب شو هل حكي
ادهم ;هدول اعدائنا مالهن مكان هون، ،
رغد ;عفوا انت مين مفكر حالك لتحكي معنا هيك شكلك نسيت مين واقف قدامك او صابك زهايمر، ،
ادهم ;انا مابحكي مع نسوان بهيك شغلات
ليلى ;عفوا نسوان لعما ضربك شو قليل زوئ
رغد ;نرجسي وبقوة وحقير كمان، ،
امير لادهم ;نقلع من خلقتي اصلا نحن مابيشرفنا ندوس ارضكن النجسة، ،،
يمان ;امير خلص بترجاك
امير ;مو شايف ابن عمك شو عم يحكي كانو، ،،
ادهم ;عيد شو قلت ولا
يمان ;خلاااااص هية ناقصتكن فينا لمكفينا، ،،
بلمقهى كانت لجين قاعدة ع ركبها ورضا واقف وعم يتطلع فيها بقرف ;طول عمري بعرفك عاهرة وبنت ليل بس لدرجة تروحي تطبقي ابني، ،
لجين ;طلقني وتركني بحالي انا حرة مين بدي بعرف ومين بدي بحب، ،
ليصرخ رضا ;الا ابني لجين وقت رح توصل الشغلة ع ولادي بقتلك وبحسب الله ماخلقك فاهمة، ،،
لجين ;فاهمة بس طلقني وخلصني، ،،
رضا ;ومين الي قال رح اتركك على زمتي
لجين ;لكن خالصين
رضا ;وانتي قلتيها خالصين، ،
طال رضا مسدسو من خصرو وعينو ع راس لجين لتنصدم وتبحلق فيه بعدم تصديق ;بدك بدك تقتلني
رضا ;بيحق للميت امنية تمني
لجين ;لا رضا بترجاك مارح تعملها طلقني وخليني روح بحال سبيلي
رضا ;لاتفكري اني مابعرف انك عم تخونيني بس توصل القصة لابني بقتلك، ،
صرخت ;لاااااا بترجاك تركني، ،
وماكملت كلمتها الا وصار هجوم مسلح ع المقهى وبلش رش لرصاص، ،كانو ليلى ورغد ويمان وامير واقفين برا وقت شافو سيارات صفت وطلعو ليرشو ع المقهى حضن امير رغد لحضنو ونبطح بلارض وهية بحضنو وصار يصرخ باسم ليلى، ،بينما يمان سحب ليلى لحضنو ودخل فيها ع المقهى وتخبى ورا الطاولة هوة وليلى، ،،سحبو مسدساتهن امير ويمان وصارو يقوصو ع الرجال لتمشي السيارات ويهربو لرجال، ،،
قام امير وتطلع في رغد بين ايديه كانت عم ترجف من الخوف ;انتي منيحة رغد ردي، ،،هزت رغد راسها ودموعها ع خدودها، ،قام امير وقف ووقف رغد ;فيكي شي حاسة بشي سخن، ،
رغد بخوف ;ااي منيحة ،،،لتفت امير لجو تطلع ع ليلى شافها واقفة وحاطة ايدها ع قلبها، ،،دخل ع المقهى وحكا ;هدول مستهدفين زين هنن بيعرفو انو رح يجي لهون وتطلع في لجين ;واكيد المدام بتعرف مين هدول، ،
قامو كلهن وبلشو يتفحصو بعض، ،،قاسم ;انتو مناح ياولاد، ،
الكل ;اي مناح، ،
امير ; هدول مستهدفين زين، ،
ليلى ;يخرب بيتن كنا رح نموت كلنا
يمان ;لاتخافي انتي منيحة
ليلى ;بعرف انا منيحة بس هديك صفرنت (ع رغد 😂)
رغد برجفة ;يخرب بيتكن شو هاد شو فتنا في فيلم اكشن، ،
هجم رضا ع لجين ومسكها من شعرها وضربها كف بقوة ;حقيرررة قولي مين هدول، ،
لجين ببكي;مابعرف مابعرف
رضا ;شكلي رح استضيفة بلزريبة شوي حتى اعرف مين، ،ادهم تعال خدها، ،،
اجا ادهم ومسك لجين من زندها وجرها وراه، ،،،ع اسطبل الاحصنة ويمان اخد امير والصبايا ع بيتو الخاص ع بين مايرجعو زين وسما، ،،
"""""""""""""
عند زين وسما كانو واقفين ع حفة الجب والهوا عم يلعب بكل خلية بجسمهن وسما شعرا عم يطير مع نسمات الهوا، ،
سما ;مارح تحكي النا شوي هون، ،،
زين ;،،،،،،،
ماحست سما غير زين بلشت تعلا صوت شهقاته وصار يبكي وكانو ولد صغير لتلتفت لعند وعيونها كلها دموع، ،
سما ببكي;زين بترجاك، ،،قربت منو واخدتو بحضنها لينهار ع ركبه وتنهار معو وهية حاضنتو بقووة ،،كان حاطة راسو ع صدرها وعم يبكي ويحكي، ،لك كذبو علي كل هل سنين لك ابي ماسأل عني ولافكر فيني حتى عشت كل حياتي دخيل على عيلة المالك كنت انقهر وابكي كتير لحالي وامي كانت عم تكذب علي وهية عم تطلع بعيوني سما لك كانت شايفتني شو انا بحاجة لابي لك كانو كل رفقاتي يجيبو ابهاتن معهن ع المدرسة ويتنمرو علي لانو ماعندي اب، ،،
سما بحنية ;ياعمري ليكك كبرت ومو بحاجة لحدا بعدون خالتي جوري عندها اسباب حتى خبت عنك ماتقسى عليها بترجاك ليك انا عشت بلا ام وبلا اب وكانو الكل يستوطو حيطي لانو ماعندي اب ليكني كنت قد حالي وتحملت كلشي لحالي بترجاك زين كون قوي انت السند الي لما ميل بسند حالي عليه اذا انت نهرت قدامي انا رح انهار زين، ،،
رفع راسو زين وتطلع فيها وبعيونها الي كلها دموع ورجع ارتمى بحضنها، ،خليكي حدي سما حضنك ملجئي الوحيد حضنك وطني وانا بلا حضنك غريب سما خليكي معي، ،
سما بحنية ;رح ابقى معك والك طول العمر ياحبيب روحها لسما، ،،
غمض زين عيونو ليتمدد ع العشب وتمددت حدو سما وحضنتو وغمضو عيونهن هنن التنين، ،،
""""""""""""""
عند جوري كانت قاعدة بمكتبها وعليا حدها حاضنتها وعم تهديها كانت منهارة ع الخالص وعم تبكي، ،
عليا بحزن ;ياعمري اهدي والله مارح يسخى فيكي انا بعرف ماتعملي هيك بحالك
جوري ببكي;بعمرو مارح يسامحني عليا انا انتهيت والله، ،
عليا ;اهدي قد مازعل منك بلاخير رح يرضى ياروحي انتي بس اهدي
جوري ببكي;بس بدي اعرف كيف عمل التحليل وشو خطرلو، ،
عليا ;اكيد رضا الكلب هوة الي محرضو وعاطي راس خيط مشان يعرف لحالو
جوري ببكي وصريخ ;لك دمرلي حياتي كلها ولحقني ع ابني حتى لك الله ياخدو ما احقرو، ،
عليا ;امين الله ياخدو وياخد عيلتو هل كلب البدو، ،
جوري ببكي;ياترا شو عامل هلئ اكيد عم يبكي
عليا بمزح ;لك سما معو هلئ اكير رضي وعم يتباوسو، ،
جوري ;بتسدقي انو ماعندك دم انا وين وانتي وين، ،،
عليا ;هههه طيب عم روحلك عن بالك
جوري ;شكرا فدتيني كتير ياستي، ،،
عليا ;ههه يصحلك، ،،
جوري ;اتصلي في الولاد قلبي مو متطمن
عليا ;حاضر رح اتصل، ،،
""""""""""""
عند لجين ،،رماها ادهم بزريبة وهوة عم يضحك بخبث، ،،
لجين ببكي ;ادهم حبيبي ماتنسى كلشي صار بينا طلعني بترجاك، ،
ادهم ;ههههههه حبيبك يامرت عمي
لجين ;هلئ صرت مرت عمك بعد كلشي صار بينا
ادهم ;كلشي صار برضاكي انا ماغصبتك ع شي، ،،
لجين ;ليك ادهم اذا ماطلعتني من هون رح احكي كلشي صار بينا، ،
ادهم ;احكي مابيهمني انا شب مابيعيبني شي وهلئ تشاو يامرت عمي انا رح روح ع بيت يمان، ،،،
طلع ادهم تارك لجين وراه عم تصرخ وتبكي، ،،
""""""""""""
في بيت يمان كانو رغد وامير ويمان قاعدين وليلى مشالله تقولي بيتها ماسكة خيارة عم تاكلها وعم تتفتل بلبيت، ،،ايمت رح يجي الاكل جعت، ،
امير ;يخرب بيتك ضل شي ما اكلتي واسا جوعانة، ،،
ليلى ;ليكون عم اكل من بيت ابوك عم اكل من عند يمان انا، ،
يمان ;صحة انسة ليلى اعتبري بيتك، ،
رغد ;لاتخاف اعتبرتو بيتها مابقي غير تنام، ،،
يمان ;ياجماعة اتركوها تاخد راحتها، ،وبعدون شوي ورح يوصل الاكل، ،،،
فجأة سمعو صوت الجرس ;هاا وصل الاكل، ،
قام يمان فتح الباب لتطلع بوجهو زينب ; ستي، ،
زينب بدموع ;بعد سما جوا مو هيك خليني شوفها ناطف قلبي عليها، ،بعدتو زينب وندفعت لجوا بس ماشافت سما، ،،
يمان من وراها ;ستي سما مع زين بجوز ماتجي، ،
زينب ببكي;ليش ماقلتولي انو اجت لك رح موت وشوفهاااا، ،،
يمان ;ستي اهدي رح خليكي تشوفيها بس اهدي قعدي رح اتصل فيها واحكيلها تجي، ،،،
زينب ببكي;اي اتصل فيها، ،،
يمان ;تمام قعدي، ،،
"""""""""
عند زين وسما كانو غفيانين ع العشب وتحت ضو القمر وسما دافنة حالها بحضن زين لانها حاسة في برد رهيب، ،فتح عيونو زين وبلش يرمش بعيونو ليشوف سما بحضنو غفيانة قرب منها وباسها ع خدها، ،لتصحى بفزع، ،،اهدي اهدي شبك، ،
سما ;اححح برد
زين ;قومي كسرتيلي ايدي انتي ونايمة عليها، ،
سما ;لا انت بلشت من هلئ برأيي بلا مانتزوج، ،
زين ;هه لانو ع كيفك قومي نرجع ع المدينة، ،،
سما ;لا رح نروح عند يمان، ،
زين ;لا مابدي
غمرت سما خدودو بايدها الناعمين وتطلعت بعيونو وحكت ;حبيبي يمان متلو متلك مادخلو اذا في حدا مذنب هنن جدودنا بس لاتلوم ناس ما الها زنب، ،
زين ;بس كذب هوة كمان
سما ;لا هوة من لما خطفني الشبح وتصاوبت بلمزرعة قلك اخي وانقذك هوة مو هيك بترجاك لاتقسى عليه عاش كل حياتو تعبان خليك سندو وماتتركو حبيبي، ،،
زين ;،،،،،،،
سما ;شو
زين ;خلص مارح خاصمو الو بس امي وهداك الزلمة مستحيل سامحهن، ،
سما ;هلئ بعدون منحكي بموضوعهن خلينا نروح عند يمان هلئ، ،،
زين ;والله مو مشتهي
سما ;كرماليييي
زين ;اوف سما اوف
قامت سما ومسكتو من ايديه لزين وشحطتو وراها، وطلعو بسيارة ونطلقت ع بيت يمان، ،،
"""""""""""
عند سيف كان مجهز حاله ومجهز قعدة رومانسية وناطر ليمار ليسمع صوت جرس الباب ابتسم بخبث ومشي ناح الباب وفتح لتطلع بوجهو وهية بكامل اناقتها، ،
،،،تاخرت عليك، ،
سيف بخبث ;ابدا ع الموعد فوتي، ،
دخلت ليمار وهية عم تتغنج قدامو، ،،وقعدت ع الكنبة، ،
سيف ; شو بشوفك قعدتي، ،
ليمار بغنج ;قلت منشرب كاسين وبعدون منبلش، ،،
سيف ;تمام حلو متل مابدك ياقمر، ،،
مشيت ليمار ع البار قدامو وهية عم تتغنج ومسكت كاسين وسكبت فيهن المشروب لتحس بايديه عم يحاوطو خسرها فلتت الكاسة من ايدها ووقعت وحكت بلبكة ;ااا قلتلك خلينا نشرب كاسين، ،
سيف ;انتي دخلتي ع مملكتي يعني كلشي بيصير متل مابدي، ،،،
ليمار بتوتر ;بيبي بليز مابحب هيك، ،
فتلها سيف عليه وحملها من خصرها وقعدها ع البار ;بس انا بحب، ،
كانت ليمار عم تكابر قدر الامكان وتبتسم وهية شايفتو عم يقرب منها وكأنو ذئب بشري قدامها، ،اجا ليقرب ويبوسها لتحط ليمار ايديها ع صدرو وتدفشو ;عم قلك مابحب هيك، ،
مكسها من شعرها بعنف وشدها لدرجة حست ع شوي شعرها رح يطلع بايدو ونطق من بين سنانو ;بس انا بحب هيك، ،،وقرب منها وبلش يبوسها بعنف لتصرخ ليمار وتدفشو بقوة ;بعد عنيييييي، ،،نزلت من ع البار وركضة ع الباب لتفتحو وتهرب ليمسكها سيف من شعرها ويشحطها وراه ويرميها ع الكنبة ويبلش يمزعلها تيابها وهية عم تصرخ وتدفشو عنها بقوة، ،،
برا عند اوس كان ناطر اشارة ليمار بس شافها تأخرت بلش الخوف يتسلل لقلبو رفع القبضة وحكا ;عناصر جهزو حالكن رح نقتحم، ،،
ومافي دقايق الا صوت الرصاص طغى ع المكان ليبعد سيف عن ليمار ويتطلع فيها بصدمة ;يابنت الكلب، ،مسكها من شعرها ويسحبها وراه ع بوابة القصر وكان مقرر يعمل متل ماعمل مع سما يستخدما درع حماية، ،،لينزل اوس من ع الدرج الخلفي ويمشي بحذر ليشوف سيف بصالة قدام الباب ماسك ليمار وحاطت براسها المسدس كان ضهرو لسيف عند اوس مشي اوس وراح شوي شوي مشان ما يحس عليه ووقف وراه مباشرتاً ومسكلو ايديه من وراه وفتلو ايدو ورا ضهرو وضربو عليها وخلصو المسدس ليرفع سيف ايدو التانية ويلكمه لاوس مسك اوس فكو مكان اللكمة ورجع ردلو اللكمة لسيف ليوقع سيف ع الارض ويقد اوس فوق سيف وينزل فيه ضرب لدرجة ماعاد الو حيل يوقف وقف اوس وركض عند ليمار الي تيابها ممزعة وعم تبكي ;انتي منيحة، ،،،هزت ليمار راسها وتطلعت ع سيف لتفتح عيونها بصدمة وهية شايفتو موجه المسدس ع اوس تطلعت باوس ورجعت تطلعت فيه لتحضن اوس وتفتل ع الجهة التانية بلوقت الي قوص فيه سيف ليخترق جسمها النحيل 3 رصاصات، ،بقي اوس مفتح عيونو بصدمة وهوة شايف ليمار رمت حالها قدامو واكلت الرصاصات بدالو وقعت بيت ايديه وهوة مصدوم، ،بينما العناصر دخلو ع القصر وكلبشو سيف واخدوه، ،
اوس بصدمة ;ليمار ليمار ردي علي بترجاكي ليمار، ،
فتحت ليمار عيونها بوهن ونطقت، ،،بتعرف اوس من طول عمري بتمنى اني موت وانا حدك، ،اخدت نفس بقوة وحكت، ،،،بس شوف شو محظوظة انا رح موت وانا بحضنك، ،،
اوس ببكي ;لا ليمار بترجاكي ماتحكي هيك رح تعيشي بوعدة رح تعيشي بترجاكي ماتحكي هيك، ،
ليمار بصوت متقطع ; انا ب ،،بب،،بحبك اوس، ،خخ،،خليك م،متذكرني،،،
ورتخت بين ايديه لتسلم روحها لا باريها، ،،،،
اوس بلش يهزها بصدمة ;لا ليمار لا قوميي قومي بترجاكي انتي رح تعيشي انا بعرف ;وبلش يصرخ ;ليمااااااااار قومي مستحيل خليكي تموتي مستحيل، ،،،حملها اوس لا ليمار وطلعها حدو بسيارة ونطلق فيها ع المشفى وهوة رافض فكرة انو ليمار خلص ماتت، ،،،،
""""""""""""
عند يمان كانو قاعدين كلهن وناطرين زين بفارغ الصبر ليسمعو صوت سيارتو، ،،ها اجا، ،،
فتح يمان الباب ليطلع بوجهو زين ويبقو صافنين في بعض من دون اي حراك، ،،
كانت سما عم تطلع فيهن بخوف، ،لينطق زين وهوة عم يتطلع في يمان ;فعلا انك قليل اصل، ،
بقي يمان عم يطلع فيه بقهر، ،لترسم بسمة خفيفة ع ثغر زين وينطق ;قليل اصل تارك اخوك واقف ع الباب، ،،
توسعت ضحكة سما ويمان مع بعض ليفتح زين ايديه ليمان، ،ركض يمان ع زين وحضنو بقوة، ،،اهلا وسهلا فيك ياسندي، ،
طبطب زين ع كتافو وقال ;اهلين فيك ياا،،اخي، ،
بعد عنو يمان وهوة عم يطلع فيه ;احلى كلمة اخي بسمعها، ،
سما كانت عم تمسح دموعها وقربت منها ونطت عليهن وضمتهن هنن التنين ;وكككك احلى توئم، ،
نكشلها يمان شعراتها ;احلا مجنونة، ،
كانو عم يضحكو هنن التلاتة وهنن ضامين بعض لتطلع زينب وتطلع بسما بعيون مليانة دموع شافتها سما لستها. وحست كانو قلبها نغزها من القهر كانت عم تطلع فيها بعتب، ،،
زينب ببكي;هيك ياعمري بتخلي غيابك يكسر قلبي مابكفي فقدت ابوكي
سما بقهر ;بسببكن ابي مات انتو الي قتلتو انتو، ،
زينب ببكي;لا والله انا ماكنت بعرف لك هاد ابني مابيهون علي يصير فيو هيك نجبرت اسكت نجبرت حطي حالك مكاني، ،
سما بصريخ ;لو كنت مكانك كنت قتلت الي قتلو ابني ضناي وحرموني منو، ،،
زينب ببكي;بترجاكي سامحيني بنتي انجبرت اسكت مشان باقي ولادي سامحي ستك الي حبتك وكانك بنتها الوحيد، ،،
سما كانو دموعها عرض خدودها ليغمرها زين من كتافها ويحكي ;ماتظلمي ناس ما الهن زنب، ،تطلعت فيه شافتو مبتسم، ،،لتطلع في زينب ;ستييي، ،ركضة ع حضنها وحضنتها بقوة وصارت تبكي بقوة ;ستييي اشتقتلك كتير، ،،
زينب وهية حاضنتها ;ياعيون ستك انتي ياقلبي يا اول واخر بناتي اشتقتلك، ،،
بقيو حاضنين بعض وعم يبكو لتحكي ليلى ;هي هيييي علينا انا شايفة ليوم كلو دراما واكشن، ،،،،
امير ;انا نعست ع قد مابكوني 😂
رغد بدموع ;يالله شو حلوين ياريت عندي ست تحبني، ،
ليلى ;لك بتضل بتعطيكي مواعظ ياغبية، ،
رغد ;خلص بطلت
دخلو كلهن ع بيت يمان وكانو رح يطلبو اكل حتى زينب حكت ;رح اعملكن عشا انا، ،
سما ;اووه عشانا مدعوم معناها، ،
زينب ;انتي مو شايفة كيف ضعفانة ولي علي ماعم تاكلي منيح، ،
سما ;لك والله عم اكل
زينب ;ابدا وقت كنتي عندي عنتي كربوجة وما احلاكي، ،
سما ;يعني صرت بشعة
زينب ;لا لهلئ قمر بس نجعمتي 😂
سما ;🙂🙂
ليلى ;شو يعني نجعمتي
زين ;يعني نحفت كتير
ليلى ;اهاااا
كان زين عم يتطلع في زينب من تحت لتحت وستلطفها شوي حسها منيحة، ،
""""""""
وهيك منكون ختمنا الجزء الثالث عشر بتمنى ينال اعجابكن لاتنسو تتفاعلو، ،
ياترا شو رح يصير مع اوس بعد ما فقد ليمار بسببو وبسبب ايفا وزين رح يتقبل رضا ويسامح جوري والشبح رح يهرب ولا رح يعدموه ترقبووو
"""""""""""""""""""يتبع