الفصل 7
قصة بقلمي ; *براءة نجار*
رواية ; *سميتك سما*💙
الجزء ;السابع، ،
"""""""
في قصر المالك، ،
كانو قاعدين الكل ع طاولة العشا وصهيب عم يصرخ ع ليلى وسما، ،،
صهيب بغضب; لك انتو رايحين تدرسو ولا رايحين تتعالقو مع الناس، ،
سما ;اي يعني يضربونا نتفرج عليهن، ،
ليلى;هية تسنيم مجحشة علينا ومستخفة فينا جدو،،،
صهيب ;بس مابيصير عيب انتو بنات محترمين وهي حركات صبيانية، ،،
سما ;هنن بلشو جدي
صهيب ;اخر مرة بتعملو مشاكل والا بحبسكون بلبيت وباخد منكن لكريدة كارت ومفاتيح السيارة وبقطع عليكن المصروف،،
سما ;اي شو بدك تزلنا يعني
صهيب ;اذا غلطتو ليش لا، ،،
ليلى وسما ;خلص جدي اسفين، ،،
صهيب ;طيب اخر مرة
سما ;وكك دخيلو احلا جد انا بحبك، ،
صهيب ;والله انك زعرة عم تضحكي ع جدك ياشقية، ،،
سما ;ليش انا بسخا فيك دادي، ،
صهيب ;اي كلي بقعلي حلاوة لقلك، ،،
سما ; بعرف دواك انا، ،،
زين ;انا رح اطلع ع الحديقة تبع القصر شوي ايفا جاي وعنا شغل، ،،
تشردقت سما في كباية المي ; اه والله ايفا جاي، ،
زين بخبث;هوة انا ماقلتلك انو ايفا مافيها اذا ماشافتني، ،
سما بغيرة واضحة ;اي الله يخليلك لفريند الغليظة تبعك، ،
اوس ;ع فكرة مو غليظة ابدا
ليلى; وانت مين حطك محمامي دفاع عليها، ،
اوس بقهر ;لك هي رفيقتنا من الصغر مافيكن تحكو عليها، ،،
وقام من ع الاكل بقهر وطلع من القصر، ،،
سما ;شبو هاد ليش نطمز، ،
رغد ;لك منفصم فكك منو خلينا نطلع نضب تيابنا، ،
ليلى; صحي ايمت طالعين بكرا، ،،
زين ;رح نطلع ع 5 المسا
سما ;بس مو كتير
زين ;مطر وعدتها لايفا احضر حفل افتتاح شركة عمر ابن عمها، ،
سما ;اهمممم
زين بقلبو ;لك اسا بتقلي اهم بدا توقفلي قلبي ماعم تعرف كيف لك اكل الاهمم تبعك انا، ،،
خلصو عشا وطلعو البنات ع غرفهن وبلشو يضبو غراضهم وايفا وزين كانو بحديقة القصر عم يشتغلو ويشربو قهوة، ،،وسما طول الوقت واقفة ع البلكون وعم تطلع عليهن بغيرة واضحة، ،
سما بغيرة ; لك شو عم يعملو سوا يشتغلو كل واحد لحال لعمااا، ،
كان زين منهك بشغل وايفا عم تطلع فيه بحب وبتسمعو، ،رفع زين راسو لفوق ليرتاح شوي ليشوف سما ع بلكون غرفتها واقفة وعم تطلع فيهن، ،صفن فيها وبشعرها العسلي الي عم يطير مع نسمات الهوا وعيونها الي عم يلمعو بلغيرة والغضب ابتسم وصفن فيها بوله، ،،
تطلعت ايفا مكان ماعم يطلع زين وشافت سما وولعت النار بقلبها لتقرب من زين بحركة متقصدة على انها بدها تفرجي لوراق كان وجه ايفا مقابيل وجه زين تطلع زين فيها بصدمة، ،،شبك ايف، ،
ايفا ; عم ورجيك لوراق، ،
زين بصرامة ;فيكي تبعدي ايفا وهي الحركات بلاها واذا مفكرة انو انا مابعرف انو عملتي هل حركة عن قصد لتغيظي سما بتكوني غلطانة فهمتي، ،،
ايفا بحقد ;بس بدي افهم شو فيها شي زيادة عني، ،
زين بصرامة ;ايفا مية مرة قلتلك انتي اختي ليش مابدك تفهمي، ،
ايفا بقهر ;لانو انا مو اختك زين مو اختك وكك انا بحبك ليش مابدك تفهم علي هية شقفة ولد عم تتسلا فيك وبكرا رح تشوف زين رح تكسرلك قلبك ورح تجي لعندي وتقلي ايفا كلامك صح وعلم ع كلامي، ،،
زين ;روحي من هون ايفا وبكرا مو جاي ع الحفلة مشان ماشوفك وحمدي الله اني محترم الايام الحلوة الي كانت بينا والا رح يكون الي معك حكي تاني، ،،
ايفا ;عم تقلعني يازين
زين ;حسبيها متل مابدك، ،،
ايفا ;شو عليه بسيطة انا مشان وحدة بنت ضيعة عم تقلعني
زين ;ويفضل ماشوف خلقتك ولا بلفرع بيكون احسن، ،،
قامت ايفا وطلعت متل الاعصار وهية مو شايفة قدامها وطلعت بسيارتها ونطلقت باعلى سرعة، ،،
عند سما كانت سامعة كل الحديث الي جرى بين زين وايفا وكانت مبسوطة كتير من ردت فعلو لزين، ،،،
ليلى; والله انها بتستاهل
رغد ;هية مابدها تفهم عم تنحشر فيه وغصب عنو مابيصير هيك، ،
سمعو نقرات ع الباب ;ادخل
فتح زين الباب ودخل واول شي تطلع في سما، ،،جهزو حالكن رح نطلع بكير
سما ;مو ع اساس الساعة خمسة المسا
زين ;وتغير التوقيت جهزو حالكن انا رايح نام تعبان، ،،
سما بدلع ;خليك سهار معنا حباب 🥹
زين بقلبو ;ولي على قلبي يقبرني الدلوع انا شوبحبو، ،،ماشي بس ساعة، ،
سما بشقاوة ;ساعتين ليخلص الفيلم ورح انده لامير يتابعو معنا، ،،
ليلى;اوك انا رح اعمل بوشار، ،
سما ;ستني انا بعمل البوشار مابدي ياه ع الميكرويف، ،
ليلى; اي براحتك، ،
زين ;وين رح تسهرو
رغد ;بصالون يعني وين، ،
زين ;اوك وانا رح روح جيب شوية سناكات لسهرة، ،
سما بفرح ;زينو انت مافي منك، ،،ونطف عليه وباستو ع خدو بحركة عفوية، ،بس الشي الي مابتعرفو انو زين ولع قلبه بسبب هل بوسة البريئة، ،،
سما بغباء ;ييي اسفة انا هيك متعودة مع وليد ويمان، ،
زين بغيرة; يعني كنتي تبوسي وليد ويمان
سما ;اي وشوفيها، ،
زين بعصبية ;سلامة قلبك مافيها شي، ،
سما ;شبك زينو هدول متل اخواتي
زين ;اي بس مانهن اخواتك ممنوع تبوسيهن من اليوم ورايح، ،،
قربت سما عليه ووقفت قدامو مباشر: بصفتك شو عم تمنعني، ،
زين ;انتي بس ستني بكرا ورح تعرفي بصفتي شو، ،،
رغد ;ليش شو في بكرا
زين ;مفاجئة، ،
سما ;بربك شو هية
زين بغمزة ;مارح قلك تحرقصي لبكرى، ،
سما بتمثل الزعل ;حباااب
زين ;تسؤ مارح قول، ،،وطلع بسرعة مشان مايضعف ويقلها المفاجئة 😂🙂
""""""""
: كانت سما عم تعمل البوشار بلمطبخ وعم تفكر بلمفاجئة ومخها شغال لدرجة نست تغطي الطنجر 😂،،فجأة بلشو يطايرو حبات البوشار بعشوائية وصارت سما تصرخ، ،
سمعو الشباب والصبايا صراخها وركضو لعندها ع المطبخ، ،تطلع زين في البوشار الي عم يطير وفيها وهية حاطة ايديها ع وجها وموطاي راسها لتحت الرخامة تبع المجلى 😂فرط امير ضحك هوة والبنات وحتى سما ركضت لعندهن عند الباب وهية عم تضحك، ،،
امير بضحك ;يابنت المجنونةةة 😂
سما بضحكة ;لك عم يطير ههههههه، ،
مسك زين وحدة من حبات البوشار الطايرات وحطها بتمو ;والله طيب وهوة عم يطير ههههههه
اما رغد شعرها تعبا بوشار بحكم انو كيرلي 😂😂
رغد ;ياربي يبعتلك قلتلك ياسما تعبا شعري
سما ; اي شو زنبي شعرك متل ليفة الحمام 😂
امير وهوة عم يتمردغ بلارض ;هههههههه وليييي ليفة الحمام حلوة هي هههههه
رغد ;وجع بقلبك شبك علق شريطك، ،
ليلى;اي بكفي خلونا نروح نحضر الفيلم ماعاد بدنا بوشار جاب زين شيبسات، ،
سما ;والمطبخ مين بدو ينضفو
رغد ;خلينا نخلص الفيلم بعدون منضفو، ،
زين ;كلو من جنانك وين كان عقلك لما نسيتي تغطي الطنجرة وبعدون قلنالك خلي تعملو بلميكرويف مابدك بدك تفرجينا مواهبك 😂
سما ;اصلا الحق علي عم اعملكن بوشار، ،،وطلعت من المطبخ بنترة، ،،
امير بضحكة ;اموت واعرف شو حابب فيها هههه
زين ;ههه مهضوم ها ليكني متحملك غصب عني وانت مابتنطاق، ،وبضل لازق فيني لدرجة صرت احسك شك فيك😂💔
ليلى ورغد فرطو ضحك بينما امير تبلكم وصفن في زين 🙂😂😂،،
زين ;خلصونا طلعو حطو الفيلم
امير ;وين يحطو
زين ;اقلك ومابتزعل
امير ;🙂🙂
ليلى بضحكة ;بكفي الله يخليك والله فرطت هههههه
رغد ;اموت واعرف كيف رح تكون الرحلة معكن هههههه
امير ;ها ها ها متل وجهكن يعني كيف
رغد ;هه يصحلك بيبي
سما من الصالة ;خلصونا تعالو حطيتلكون ارعب فيلم رعب بتاريخ، ،،
تطلعو في بعض ليلى ورغد وامير وبلعو ريقهن ومشيو ع الصالة، ،قعدو وطفو الاضائة تبع البيت وحطو بطانيات ع رجليهن وقعدو يتفرجو، ،،،
""""""""
عند اوس كان واقف ع شط البحر وعم يدخن بقهر صفت حدو سيارة ايفا ونزلت منها وقفت حدو، ،توقعت شوفك هون
اوس بسخرية ;يعني انتي جاي تشوفيني مثلا، ،تطلع في عيونها شافهن عم يلمعو بلدموع ;شبك ايفا انتي منيحة، ،،
ايفا ببكي; بتعرف اوس ماحدا بيسألني اذا كنت منيحة غيرك، ،،
اوس بحنية ;صدقيني ايفا اذا كل الناس قسيت عليكي والكل دار ضهرو الك رح تشوفيني معك وبضهرك، ،،
ايفا ;بتعرف اوس ياريت زين يحكي معي متلك كنت رح ابقى اسعد انسانة بلدنيا، ،
تلاشت ابتسامت اوس وكور ايده وشد عليها بقهر ;نصيب، ،
ايفا ;لا مو نصيب هديك الغبية دخلت ع حياتو لزين وسرقتو مني كان باقي شوي بس وكنا نخطبنا، ،،
اوس ببرود قاتل ;انتي مابدك تفهمي انو هوة بعمرو مافكر يرتبط فيكي فتحي عيونك ايف انتي مية شب بيتمناكي غير زين اشمعنا هوة الي خترتي من بين شباب الدنيا كلها ولا لانو عم يتجاهلك وماعم يعطيكي وجه، ،
ايفا بقهر ;هوة ماعم يتجاهلني علاقتنا كانت حلوة، ،
اوس ببرود ;شكلك نسيتي انو زين معاملتو مع الكل هيك وانو اجتماعي مو انطوائي، ،
ايفا ;شو يعني هوة بيحكي مع الكل متل ماشايف الضابطة لين الي بلفرع بيحكي معها بسطحية، ،،
اوس ;لانها مو رفيقتو اما انتي رفيقتو من الثانوي وبتعرفي طبعو، ،،
ايفا ;انا الي بعرف طبعو هوة حنون كتير بس عصبي اجتماعي بس انطوائي مزاجي كتير كل ساعة شكل بس مهضوم كتير ودمو خفيف، ،بتعرف اوس، ،
اوس بهدوء قاتل;شو
ايفا ;كل مابشوفو قلبي بيطلع من مكانو بحس كل الهم والتعب بيروحو مني وقت بشوفو لزين بصير وكاني طفلة عمرها عشر سنين بس بدها تمسك ايد حب طفولتها وتهرب فيه لبعيد، ،،،
اوس ببرود ; الهوس
ايفا ;شو
اوس ;هاد بيسموه الهوس ايفا
ايفا ;هاد حب مو هوس بس حب من طرف واحد،
ضل ساكت اوس وطلع الباكيت ومد سيجارة لايفا، ،بتدخني، ،سحبت منو السيجار وهوة سحب سيجارة ولع سيجارتو وولعلها لايفا، ،،
وصارو يدخنو وهنن ساكتين والهدوء مسيطر ع المكان والمكان عتمة كتير مافي غير ضو القمر عاكس عليهن وهنن قاعدين ع الرمل وعم يتأملو القمر، ،كسرت ايفا الصمت، ،اوس
اوس ;امم
ايفا ;مابعمرك جربت تحب
اوس بتنهيدة طويلة ;جربت
ايفا ;وبدها كل هل تنهيدة
اوس ;اسف ازعجتك، ،
ايفا ;مو هيك ياغبي بس مبين عليك مهموم، ،
اوس ببرود ;عادي
ايفا ;يازلمة ما ابرد دمك، ،
اوس ;وهاد طبعي شو اعمل
ايفا ;اصلا طبعك حلو كتير هادي وغامض كتير بس عذرك بتسكت ومابتحكي كتير، ،
اوس ;مابحب الحكي
ايفا ; احسن
رجعو سكتو لدقايق، ،
ايفا ;ايي
اوس ;شو اي
ايفا ;مارح تحكيلي عن البنت الي حبيتا، ،،
اوس ; كنت حبها من لما كان عمرها عشر سنين، ،
ايفا ;اووووف كل هلمدة مرتبط وماقلت النا، ،
اوس ;بس انا مو مرتبط معها بس بحبها،
ايفا ;اها يعني متلي من طرف واحد،،
اوس بقهر ;اي
ايفا بحزن ;افهم مين الغبية الي فيها ترفضك او تكسر قلبك، ،،
تطلع فيها اوس بحزن وشرد بعيونها الخضر الي عم يلمعو بلدموع وحكا بقلبو ;انتي ايفا انتي من لما كان عمري 15وانا بحبك وبعشقك وانتي بعمرك ماحسيتي فيي ولا حسيتي بوجودي كل همك زين ياريت لو حبيتيني بدال زين كنت عطيتك روحي 12سنة وانا دافن حبك جوات قلبي ومابحت بهل سر ولا لحدا ابدااا، ،،،،
ايفا ;هلوووو اوس وين شردت، ،
صحي من شرودو ;اي معك اسف شردت شوي
ايفا بحزن ;تزكرتا لحبيبتك
اوس ;اي
ايفا ;ماقلتلي مين هل غبية الي رفضتك، ،
اوس ;هية مو غبية هية مابتعرف اصلا
ايفا ;وليش ماقلت الها ;
اوس ;لانها بتحب غير واحد، ،
ايفا بحزن ;نفس قصتي تماما تقولي عم تحكي عني، ،ونكسر قلبنا يارفيقي، ،وحطت راسها ع كتفو وصارت تبكي بينما هوة لفها بايده وحط راسو ع راسها وغمض عيونو وهوة عم يسمع انينها وانين قلبو سوا، ،
""
عدت لتوي من مقبرة ذكرياتك
بعد أن دفنت أخر محاولاتي لنسيانك🖤
"""""""
بلقصر كانو قاعدين البنات والشباب وكل وحدة حاطة لمخدة ع وجها من الخوف وامير عامل متلن اما زين عم يتفرج عادي، ،،
امير وهوة مفلوج ; ليكي قفل كل البواب وحاصرها، ،،
سما بخوف ; هية غبية ليش دخلت ع المستودع
ليلى بخوف ;يارب تهرب يارب تهرب، ،،
رغد والمخدة ع وجها ;والله نحلو ركبي غيرو الفيلم
زين; لك الله لايكبركن كل وحدة فيكن قد الدبة عم تخافو وانت ولا كديش خايف متل البنات لك كيف بدي زوجك انا، ،،
امير ;اخي انا بطلت ماعاد بدي اتجوز بدي قضيها، ،،
زين ;والله ماشوف وحدة من حبيباتك الا اقلها حبيبك بيخاف من افلام الرعب، ،،
امير ;هي اذا شفت
فجأة نط الجوكر ع البنت وقت''لها ليصرخو البنات هنن وامير سوا، ،،
زين ;لك اييي شو صرلكون كلو فيلم، ،
امير ;زين ليوم بتنام حدي بخاف نام لحالي
زين ;شو نقلع من خلقتي مابحب نام جنب حدا، ،
سما بخوف ;وانا بخاف نام لحالي
زين ;لا اذا هيك متطر نيمك بحضني مشان ماتخافي
امير ورغد وليلى سوا ;شووووو
سما بخجل ;فعلا قليل ادب
زين ;شبكوون عم امزح كلشي بتصدقو، ،،،
سما;لكن ليش مابتمزح مع رغد وليلى هيك، ،،
زين ;رغد وليلى شي وانتي شي
ليلى ورغد ;شو قصدككك
زين ;ماقصدي شي قايم اندفس، ،وقف زين مشان يهرب من النقاش ليتشعلق امير بايده بخوف وهوة لافف البطانية ع راسو وجسمو، ،،رح نام معك، ،،
زين ;اميررر نقلع ع غرفتك
امير ;امانة زين والله بخاف
زين ;حسبنا الله ونعم الوكيل ندفس بغرفتي بس انا ع التخت انت ع الكنبة، ،
امير باندفاع ;لااا بخاف ع الكنبة انا ع التخت وانت ع الكنبة، ،،
زين ;حسبنا الله ونعم الوكيل الله يعدي هل ليلة على خيرر، ،،
سما ;طيب ليش مابتنامو حد بعض
تطلع زين بامير ;مابأمن ع حالي معو، ،،
ليلى ;ليش ليكني انا بنام بحضن سما، ،،
زين بوله ;نيالكك انتي مو مقدرة نعمة الحضن الي عم تنامي فيه، ،
سما ;لك زييييين
زين ;خلص مقلوع وانت شرف امير بيك، ،،،،
طلعو الصبايا ع غرفتهن والشباب ع غرفت زين وامير نام ع التخت وزين ع الكنبة 🙂😂
""""""""""
مع طلوع الفجر كانو اسا ايفا اواس قاعدين وايفا نايمة عم كتف اوس واوس مستمتع وبس بدو يبقو هيك طول العمر، ،تطلع فيها بحب وهية ع كتفو وشد بايدو ع خصرها وقربها منو وبقي يتأمل وجها الي بيعشقو، ،ليتجرأ ويقرب منها ويخطف بوسة رقيقة من ع خدها وهمس، ،،،بحبك، ،،
بعدون قام وحملها وطلعها بسيارة لتفتح عيونها بوهن وتبتسم بوجهو ليبتسم معها ;زينن هاد انت مو، ،
اختفت ابتسامة اوس ونرسمت ملامح الخيبة ع وجهو، ،ودور السيارة ومشي ع بيت ايفا، ،وكل الطريق كان عم يطلع فيها بقهر وقلبو عم ينعصر، ،،،وصل اوس ع بيت ايفا وصحاها مشان نتزل، ،،نزلت ايفا، ،شكرا اوس عزبتك، ،
اوس ببرود ; يلله روحي نامي وانا رايح ع الفرع
ايفا ;مارح تنام
اوس ;بتهمك كتير صحتي
ايفا ;شو
اوس وهوة عم يدور السيارة وينطلق ;ولا شي، ،
ومشي مأسرع وهوة مو شايف قدامو لتطلع قدامو بنت يعمل بريك بسرعة وتوقع البنت ع ركبها وتبلش سب وبهادل نزل اوس من السيارة وقف يراقب البنت في برود وهمس ;كملت معي هه
البنت ;لك يبلاك بعماك اعمااا مابتشوف كنت روحتني ياجحش لعما ما اغباك، ،ورفعت راسها وتطلعت فيه بقي اوس عم يتطلع فيها ببرود، ،
البنت بعصبية ;لك انت شو اه لوح تلج يعني الي ساعة عم حاكيك ماعم تسمع، ،،
اوس ;اي خلص يبلاني بعماني وجحش وماطسيتك ولوح تلج وشو كمان، ،
الين ;اي وبارد ودمك بيلطش
اوس ;اي ودمي بيلطش المطلوب، ،،
الين بعصبية ;لك روح عنا يااا ناقصني عاهات عند الصبح انا
اوس باستفزاز ;اول ماطلعتي قدامي نفس الكلمة حكيت
الين بغباء ;اي كلمة
اوس ببرود ;ناقصني عاهات عند الصبح، ،
الين وهية عم تديق عيونها ;لك انا شفتك وبعرفك مو انت الي اجين مشان سما، ،،
اوس ;اممم وانتي من وين بتعرفيها
الين باندفاع ;انا رفيقتها، ،سابقا يعني
اوس ;اي المطلوب لاتقوليلي بوسلي ياها 🙂
الين ;لعما بقلبك فعلا قليل ادب انت ومكتر، ،،
اوس ;ايي شو بدك منها
الين ;بصراحة هي تسنيم عم تخطت تلبسها قضية دعارة
اوس ;شووو
الين ;اي وهية حكت قدامنا كلنا وهددتني اذا رفضت تكون اخرتي متل سما، ،
اوس ;تلبسك القضية
الين ;اي وانا مو متل سما سما انتو بتحموها اما انا والله الا جوز امي يدبحني، ،،
اوس ;المطلوب
الين ;عطيني رقم تلفونك وانا رح اتواصل معك مشان وقع هاد الي اسمو وسام وتسنيم، ،
اوس ;وشو بيضمنلي ماعم تكذبي، ،،
الين ;شوف قد ماكان في مشاكل بيني وبين سما انا مابردلها المضرة ابدا بغض النظر ع الي عملتو مع حبيبي واذتو الا انو انا مابسخا فيها، ،
اوس ;اذتو لحبيبك لكن مو هاد الي قلعتلو عينو، ،
الين ;اي هوة تيم حبيبي وهية حطت عينها عليه ولما رفضها روحتلو عينو، ،
اوس بمسخرة ;ههه فعلا انك غبية وانت صدقتي مو، ،
الين: لو سمحت لزام حدودك معي انا ماخدمت جيش معك لتتمألس علي، ،
اوس ;ع كلا بحب قلك انو سما كانت رح تموت بسبب حبيبك وكان رح يغتصبا وهية دافعت عن حالها، ،
الين بصدمة ;كذب مابصدق
اوس ;والله عمرك ماتصدقي بس الا مايكون حبيبك عندو سوابق اسأليه مو خسرانة شي، ،
الين ;بس هوة قلي
اوس ;اكيد عم يكذب عليكي وفي الو غاية عندك، ،
الين;لا تيم مابكذب وانتو الكذابين
اوس ;اي لصباطي لاتصدقي تقولي ناقصني ولاد انا بعدون انتي وين كمالتك، ،
الين بعدم فهم ;كمالت شو
اوس ;ليش هيك انتي قصيرة كتير قديش طولك، ،
الين ;ع فكرة انا مو قصيرة وطولي 155سانتي
فرط اوس ضحك ;بصراحة اقحمتيني طلعتي طويلة هههههه، ،
الين ;لك انت مين مفكر حالك لتتنمر علي ياعامود الكهربا يالوح التلج، ،،
اوس بتهديد ;اذا بترجعي بتعيدي هاد الكلام مارح يحصل خير ;وصرخ ;فهمتي، ،
هزت الين راسها بخوف بمعنى فهمت، ،،شطورة، ،
ومشي طلع بسيارتو وكمل طريقو ع الفرع متجاهل الين تماما، ،
الين ;يخرب بيتو تحول فجأة قطعلي قلبي من الخوف، ،
"""""""""""
: بقصر السيد كان وليد صحي بكير وضابب تيابو مشان ينطلق ع المدينة مشان الرحلة، ،،
طلع وليد من الضيعة بعد ماودع ابوه ونطلق، ،،
"""""""
بقصر المالك وتحديدا بغرفت رغد كانت لقيامة قايمة والتياب منثورين حولين الغرفة والفوضى عارمة، ،،
رغد ;لك ياربييي شو البس فستان ولا شورط، ،
ليلى; انا برأيي لبسي تنورة
سما ;لا لا لبسي شورط متلي
رغد ;خلص رح البس فستان
سما وليلى;🙂🙂
رغد ;شبكون
سما ;يبعتلك حما اذا بدك تلبسي فستان ليش عم تسألي، ،
رغد ;تسلاية
ليلى ;دي خرسي مو وقت تسلايتك هلئ، ،،
سما ;ييي مللتوني انا نازلة، ،
كانو الشباب تحت، ،
كانو زين وامير قاعدين بنرفزة وعم يستنو البنات، ،
امير بصريخ ;لك يللله ساعة شو عم تعملو، ،،
زين بنرفزة ;اموت واعرف شو بيعملو بيضلو ساعة عم يلبسو، ،،
سما وهية نازلة ع الدرج ;ليكنا خلصنا، ،
لتفت زين لعندها وتطلع فيها ;كانت لابسة شورط وكنزة ولبسها فاضح تنح زين وهوة صافن فيها كيف لابسة، ،
زين بعصبية ;كانو لبسك اوفر، ،
سما ;اي شفتني الي وماشفت ليلى، ،،
ليلى كانت لابسة فستان قصير عند الفخد ،،
تطلع زين في ليلى;اي فستانها مستر اكتر من لبست يعني ضروري تطلعي خصرك من الكنزة، ،،
سما بدلع;بس والله حلووو
زين بنرفزة ;وهوة لانو حلو بدلي
سما ;بصفتك شو عم تحاكيني هيك، ،،
كز زين ع سنانو بغيظ ; بس خلي هل يوم يخلص وبعدون رح حاسبك بكيفي، ،
سما بغنج وهية عم تمرر اصابعها ع خدو بنعومة ; بتسخا فيني، ،،
هون زين فقد السيطرة على نفسو وشدها لعندو وباسكا من خدها ، ،لتفتح عيونها بصدمة، ،
ليلى بصدمة ;اوباااا فقد اعصابو
امير ;ابن المحظوظة نيالو، ،
بعد زين عن سما وتطلع بعيونها هي مشان تعرفي تتغنجي ،،،
سما بعصبية ;انت انت
زين بغمزة ;عادي هية بوسة صغيرة لتحماي بس
سما بعصبية وخجل ;قليل ادب، ،،
نزلت رغد ;يلله خلينا نمشي حكيت مع اوس مابدو يروح، ،
زين ;اووف منو ما اعندو وقيصر، ،
امير ;هوة ع الطريق جاي لهون قال معو بنت عمو ميرا، ،
زين ;اممم مابعرفا وهية كبيرة
امير ;انا مابعرفا ابدا، ،،
سما ;ليش شقد عمرا
زين ;يمكن بتطلع من عمرك انتي وليلى ورغد، ،
سما ;امم نشالله ماتطلع غبية، ،
ليلى;شو بدك فيها نشالله بدك تضربيها صحبة معا، ،
سما ;ع سيرة الصحبة بتمنى الين تكون معي والله اشتقتلا لكلبة البدو بس هية غبية
ليلى بغيرة ;لك ماشفتي ما اكلبا وكيف اتفقت مع هدوليك الحيايا، ،
سما ;هوة انتي ماشفتي علاقتي مع الين قبل كنا وكانو اخوات، ،
ليلى ;🙂🙂
سما ;بس انتي غير للوش
ليلى ;مازعلت 🙂
رغد ;لك والها عين تزعل ليكك من لما اجت سما وانتي مأهملتيني ياكلبة البدو، ،
ليلى ;لك وانتي بيستي كمان شبك، ،
سما ;والله صرنا احلا شلة نحن ووليد بس ناقصنا الين
ليلى ;مابدنا الين 🙂
سما وهية عم تحضن ليلى ;خلاص مابدنا الين نبسطتي هيك، ،
ليلى بابتسامة ;اي، ،
ركض امير وحضن زين وهوة عم يقلد سما، ،خلاص مابدنا قيصر نبسطة هيك زينو، ،
زين بابتسامة وهوة عم يقلد ليلى ;اي
فرطو ضحك البنات عليهن، ،كانو امير وزين عاملين اجواء رهيبة سوا، ،
زين ;يلله نطلع وحاج لعي، ،،
طلعو الشباب والصبايا طبعاً زين مع سما والصبايا بسيارة امير
""""""""
كانت الين بلجامعة لحالها بما انو لانا وتسنيم وسما وليلى ورغد نفصلو ضلت لحالها، ،
كانت رايحة جاي بتوتر ;ياربي شو اعمل هاد الضابط اكيد مارح يتركني بحالي ليعرف تسنيم شو رح تعمل، ،وانا وعدة تسنيم ما اقول لحدا، ،بس سما رفيقتي وبنت ضيعتي ياربي شو اعمل معقول يكون كلامو صح وتيم حاول يغتصب سما، ،اووف مخي تشوش انا، ،،
""""""
عند يزن كان قاعد بمكتبو وفكرو كلو عند سما وخصوصي بعد ماسمع انو رح يطلعو ع البحر سوا، ،،،لكن اخدها ع البحر مشان الجو يكون رطب ورومنسي ويستفرد فيها شو عليه يازين الكلب دبارك عندي، ،،
""""""
عند كرم كان عم يصرخ وصراخو معبي الشركة، ،،لك انا كم مرة قلت مابدي نميمة نسوان بلشركة ليش ماعم تفهمو، ،،
موظفة ;استاذ والله ماكان قصدي، ،
كرم ;انتي مطرودة
الموظفة ;دخيلك يا استاذ اخر مرة، ،،
كرم ;عدي ع المحاسبة خدي راتبك وامشي، ،،ولتفت ومشي دخل ع مكتبو وحلحل غرافتو بضيق ;اغبياء، ،
دخلت السكرتيرة ;استاذ المدام ليزا وصلت مشان الاجتماع، ،،
كرم ;شوي وجاي روحي جهزي للأجتماع، ،
غزل السكرتيرة ;حاضر استاذ، ،
طلعت غزل وقلبها عم يدق بقوة ;ياربي حتى وهوة معصب بيجنن اووف، ،
عند كرم كان فاتح سنسلة وعم يطلع بصورة الي جواتها بحزن ;معقول قلبك ماحس اني اشتقتلك ميسا طلعتي قاسية كتير اشتقتلك ميسا ، ،،
وبقي دقايق وهوة صافن بتفاصيل وجها الي بيعشقها، ،،كانت صبية بعمر ال24 بيضة بشعر اسود متل اليل وعيونها سودا متل اليل ورموشها طويلة وجها مدور وحلو هي هية حب طفولتو لكرم بس تركتو لانو شكاك كتير وشرقي كتير، ،،
سكر كرم السنسلة وحطها بدرج عندو وقام ومشي ع غرفت الاجتماع، ،،
""""""""
عند لانا كانت محبوسة بغرفتها وعم تروح وتجي بملل، ،،،اووف ناس بتروح ع البحر بتصيف وناس بتنحبس، ،احسن شي اتصل بسيمو (تسنيم🙂)
تصلت بتسنيم، ،،
تسنيم بملل ; اووف ملل شو بدنا نعمل
لانا ;تعالي نخطة كيف رح نوقع هي العقربة سما، ،،
تسنيم ;صاير شي جديد
لانا بحزن ;مبارح ايفا ما اجت ع البيت لساعة 6وجه الفجر وكانو عيونها منفخين واكيد بكيانة بسبب الغبية سما ،،،
تسنيم ;انو بس افهم اختك ماعم تفهم انو زين مابحبا، ،
لانا بقهر ;لك هاد فارس احلامها من لما كانو صغار، ،
تسنيم ;اي بس هوة بحب بنت تانية
لانا ;ومشان هيك رح دمرها، ،
تسنيم ;امم وانا معك حكيت مع وسام وجهز كلشي،
لانا ;شو رح يعمل
تسنيم ;رح يستدرجها ع بيتو وياخد منها الي بدو ياه وساعتها زين رح يتركها ويرميها متل الكلبة ويرجع لاختك كيف، ،،
لانا بخوف; بس هيك رح تتأزا كتير مو حرام
تسنيم ;شبك ولي شدي براغيكي شوي شبك رح نتسلا وحياتك، ،،
لانا ;الله يجيب العواقب سليمة وكيف رح يستدرجها، ،
تسنيم ;عم طريق الين مو كانت رفيقتها رح تتقرب منها ترجع بس طبعا تمثيل وهيك رح تاخدها ع بيت وسام على انو حفلة عيد ميلاد رفيقتها لا الين، ،،
لانا بمكر ;والله انو خطة بتجنن شو هل ذكاء سيمو، ،
تسنيم بغرور ;اي شو مفكرتيني غبية متلكون يعني، ،
لانا ;كانو عم تقصفي جبهتي الي كمان 🙂
تسنيم ;شبك شبك عم نمزح، ،
لانا ;اممم تمام رح سكر وشوف ايفا مبين عليها مريضة، ،،
تسنيم ; تمام سلمي ع ايفا، ،
لانا ;اوك باي
تسنيم ;باي
سكرت لانا الخط وهية خايفة من الخطة الي عملتها تسنيم وضميرها بلش يعزبها، ،ياربي معقول نكون عاطلين لدرجة بدنا ننهيا للبنت بس مشان زين مو لهل درجة رح تدمر اذا اغتصبا اوووف، ،،،
"""""""
عند ايفا كانت نايمة بعمق ومو حاسة بشي وعم تحلم حلم حلو من احلامها الي مع زين، ،،
كانت واقفة قدامو لزين وهوة واقف قدامها وغامر وجها بحب وعم يقرب منها ليبوسها من ع شفافها، ،
لدتخل عليها لانا متل الاعصار، ،نتفضت من سريرها من صوت خبطت الباب وقعدت بنرفزة ;شبك متل الحيوانة داخلة لعندي، ،،
لانا ;ايفا بدي حاكيكي بموضوع مهم، ،
ايفل بنرفزة ;الله يقطعك لك كان رح يبوسني، ،
لانا ;مين ولي
ايفا ;ماحدا انسي
لانا ;كنت بدي حاكيكي بموضوع مهم، ،
ايفا بملل;تفضلي
لانا ;هلئ عندي رفيقة بتحب واحد، ،
ايفا ;ايي
لانا ;والي بتحبو بيحب غير وحدة، ،
ايفا ;اي
لانا ;واختها مشان تدافع عن حب اختها بدها تلبس البنت الي بيحبها حبيب اختها قضية دعارة غلط، ،،
ايفا باندفاع;طبعاا غلط انتي جنيتي يعني، ،بدها تدمر حياة بنت مالها زنب بس مشان حبيب اختها، ،
لانا بحزن ;بس اختها بتحبو كتير
ايفا ;اي وشو زنب البنت تتأذا بسبب حب اخت رفيقتك، ،،صفنت ايفا وترجمت كلام لانا بعقلها لتفتح عيونها بصدمة ;لانا ليكون عم تحكي عن سما، ،
لانا ;،،،،،،،
ايفا ;قولي ولي
لانا ;بصراحة كلو مشانك، ،
صفنت ايفا شوي وحكت بعد تفكير ;بصراحة فيها وجهة نظر بس مو يغتصبها، ،
لانا ;الشب عنا من الجامعة
ايفا ;لا اتركيها عليي انا
لانا ;شو رح تعملي
ايفا ; انا بتصرف وبس سحبي ايدك انتي مابدي خاطر فيكي، ،
لانا ;حاضر اختي
طلعت لانا من عند ايفا بخيبة وضميرها صار يأنبها اكتر توقعت ايفا تمنعها بس ايفا كان قلبها مليان بلحقد لدرجة رح تخلي الشغلة من خطورة لاخطر، ،،
"""""""
عند الشباب والصبايا وصلو ع البحر وحجزو بلاوتيل غرفة للبنات غرفة لشباب طبعا زين حجز غرفة لحالو مابيحب ينام مع حدا، ،،
طلعو البنات واخدو شاور وغيرو تيابهن ونزلو ع مطعم الاوتيل مشان يفطرو وكانو مبسوطين كتير وخصوصي سما كانت رح تطير من الفرحة لينزلو الشباب وهنن لابسين بس شورطات وزين لابس قميص بس فاتحو ومبينين عضلاتو ،،
رغد باعجاب;اوبااااا اجو المزز
لتفتو ليلى وسما عليهن ;لتصفن سما في زين باعجاب وغيرة من البنات الي حوليه وعم يتفرجو عليه وتفاجئت انو عندو وشم تاج ع صدرو كمان، ،
بينما كانت ليلى صافنة بقيصر بغيرة وعم تتوعدلو، ،
بلنسبة لرغد كانت مقضيتها تصوير وستوريات اجو الشباب وقعدو مع البنات، ،،
امير ;لك يقبرني الله شو طالعة حلوة ياسما، ،
تطلع زين في سما كانت لابسة فستان احمر قصير وراخية شعرها وهوة شافها هيك جن ;انت شو لابسة كيف بتنزلي هيك اه وليش راخية شعرك مو شايفة كل الشباب عم تطلع. عليكي، ،
سما ;اول شي تطلع انت شو لابس بعدون حاسبني تمام، ،
زين ;سماااا
سما ;شبك انا جاية ع البحر شو البس يعني فستان سواريه مثلا، ،
زين ;كان فيكي تلبسي فستان طويل ومو مفتوح من ضهرو اي وكمان فيكي تحطي شال خفيف ع كتافك ضروري كلنا نشوف خلخالك يعني، ،
سما باستفزاز ;بربك مو حلو، ،
زين بغضب ; لا مو حلوو ومنحط
سما بأستفزاز ; بس انا عاجبني
زين ; ليكي ولي بقبرك بأرضك بكفي تستفزي فيني
سما ; خفت انا
زين ; خافي وكتير كمان لعما شو سماوية ومولدنة
سما ; احسن منك
تكتف زين بغضب وهوة صافن فيها بنرفزة وعم يتوعدلها، ،،
اما ليلى وقيصر كانو عم يزاورو بعض كانت ليلى لابسة شورط جينز وكنزة وقيصر صافن فيها بغضب بس مو قادر يحكي، ،
امير لقيصر ;لك يسلملي الاصفر شو ناعم، ،😂
قيصر لامير ;لا والله يسلملي الازرق يملاكي، ،😂
كان امير لابس شورط ازرق، ،
سماا ;اي طلبو لفطور خلونا ننزل ع الشط، ،
زين ;مو فهمان ليش مستعجلة
سما ;نحن اجينا ع البحر مو ع الاوتيل، ،
اجت الكرسونة مشان تاخد الطلبات اخدت طلباتهن وهية ماشية بحركة متقصدة مررت ايدها ع ايد زين ليولع قلب سما بلغيرة;انا ماعاد بدي اكل شبعت، ،
زين بخبث; شبك لتكوني غرتي
سما ;ها ها ها مهضوم وليش لغار بلله
زين بمكر ;يمكن لانو بتحبيني
سما ;لا
زين ;بتحبيني
سما ;لامابحبك
زين ;طيب مابتحبيني
سما باندفاع ;لا بحبك ،لك يلعننن
زين بضحكة ;كذاااابة ،
سما ;اصلا بلغلط
ليلى;اي بلغلط ليش عم تخربط البنت بلحكي
زين ;لانو مادخلك
سما لتغير الحديث ;اي اتصلو بوليد ليش تاخر، ،
رغد ;هاا ليكو وليد بيك
لتفتو الكل عليه كان جاي وحاطت نضارة سودا على عيونو وعم يبتسم، ،،
رغد ;والله هل وليد مزز
ليلى لتجاكر قيصر ;ليش ماقلتلك اني مكرشة عليه
قيصر بقلبو ;مكرشة ع هاد الصوص تفه، ،
اجا وليد لعندهن وسلم عليهن لينتبه انو شورطو بلون فستان سما ;لك صرنا كابلز 😂
سما ; اي والله هلئ الي رح يشوفونا رح يفكرونا حبيبين، ،
وليد ;تخيلي الكذبة الي كذبتيها ع تسنيم تصير حقيقة
سما ;يي كش برا وبعيد
ليلى ;ليش شو هية الكذبة
وليد ;قالت اني حبيبا
كان زين عم يتابع الحديث بنرفزة، ،اي لاتخاف مارح تصير حبيبا
سما بمجاكرة ;وليش بلله لايقين ع بعض انا وهوة، ،
زين ;اصلا ابدا مبينين اخوة، ،
وليد ;ماهية اصلا اختي ،،
سما قرصتو لوليد ;لك اخ شبك عم تقرصي، ،صارت توميلو بعيونها ع زين، ،
وليد بغباء;لك شبك عم تومي متل الحمارة، ،
سما ;🙂🙂
زين ;هههههههه
قعد وليد وصارو يتسايرو ويضحكو هوة والبنات والي اقل حكي فيهن كان زين بس عم يتابع حديثهن ويضحك وكان عم يتأمل عيون سما الي عم يبرقو بسعادة وغمازاتها المرسومة ع خدودها، ،،
وليد ; وصارت تهددني بصور، ،
امير ;ههههههه اخ ياربي فرطت شبر الارض هيك تعمل فيك، ،
وليد ;تخيل طلعت بنت حرام
قيصر ;مع احترامي الك انت جحش، ،
وليد ;وايش بلله انت ماشفتا لو شفتا كنت عرفت انو البنات الهن ميت وجه متل الحيايا بيقشرو جلدن، ،
قيصر ;بهي انا معك متل الحيايا، ،وشد ع الكلمة وهوة عم يتطلع في ليلى، ،،
ليلى ;اي يكونوا حيايا احسن مايكونو حمير، ،حيشاك زينو
هزلها زين براسو ;خدي راحتك للوش، ،
وليد قيصر امير: 🙂🙂
سما وهية عم تطلع في زين ;متل ماقلتي هدول الشباب الهن تاريخ انتهاء صلاحية بس نتهت بيتحيونو، ،
تشردق زين وتف العصير الي بتمو بوجه امير، ،،
امير ;احح شبك يازلمة شو شايفني حمام عم تستفرغ بوجهي، ،
زين ;مو سامعة شو حكت
امير ;اي انا شو زنبي طيب، ،
زين لسما ;انتو ماحيايا انتو كائنات اخبث من الحيايا باضعاف وبتستخدمو جمالكن وسيلة لتوصلو لغايتكن، ،
سما لزين ;طيب انتو الشباب شو غايتكن وقت تتقربو مننا غير شهوتكن وغريزتكون الحيوانية، ،
نصدم زين من كلامها حتى هية نصدمت شو حكت، ،،انت هيك رأيك بس مشان شهوتنا وغريزتنا الحيوانية، ،
سما ;،،،،،،،
زين ببرود ;انا شبعت، ،
وقام زين من ع الطاولة ومشي ع غرفتو، ،
امير ;زين مارح تروح ع الشط
مارد عليه زين وكمل ع غرفتو، ،،
ليلى لسما ;فعلا انك غبية يخرب بيتك فجرتيها بلاخير، ،،
سما ;اي انا مو قصدي
رغد ;اي فكري قبل ماتحكي انتي بكلامك جرحتي رجولتو ولي، ،،
امير ;ومو بس رجولتو ورجولتي كمان، ،،
ليلى;يعني عم تمزح انت وين رجولتك، ،،
وليد فرط ضحك ;هاد الي بيسموه طحن الخواطر 😂😂😂
امير لا ليلى ;شو رأيك تسدي بوزك يابومة ياحية التبن وتعرفي كيف تحكي معي مشان ماادبك بنيعك، ،،،
رغد ;اي شبك شبك نقحت عليك مراجلك خراس مو فاضينلك ،،
قيصر لسما ;ع فكرة زعلو صعب كتير ومابيسامح
سما ;ومين قال رح صالحو، ،
ليلى ورغد ;رح تصالحي🙂
سما ;انا ماغلطت
ليلى ;خرسي انتي فجرتيها مو بس غلطتي
رغد ;فعلا لسانك سبب مصايبك
امير ;وادعي لربك انك حلوة وشكلك بيساعدك تطلعي من المصايب، ،
وليد ;قومي لعندو صالحي وجيبي ولحقينا ع الشط واذا ما اجا مابدي اشوف وجهك، ،
سما ;بس والله صعبة اعتزر
ليلى ;سمااااا
سما ;اييي خلص رح حاكي، ،
قربت رغد وجها من وجه سما ;رح تعتزري منو، ،،
سما ;والله صعبة
وليد ;طبعا صعبة اصلا كل الحق ع جدي دللك وخلاكي شايفة حالك وما تعتزري حتى ولو كنتي غلطانة، ،،
تطلعو رغد وليلى وامير بوليد هيك ;🙂🙂🙂🙂
وليد ;شبكون، ،
مسكو امير من شعرو وشحطو وراه وهوة عم يصرخ، ،،يلله صالحي ولحقينا، ،،
سما بقلة حيلة ;حاضر، ،
وطلعو الصبايا والشباب ع الشط بينما طلعت سما عند زين، ،،،
كان قاعد وشابك ايديه في بعض بقهر ;غبية معقول فكرت فيني هيك انا الحق علي حبيتا لهل غبية، ،،سمع طرقات خفيفة ع الباب، ،
زين ;مين
سما ;ممكن فوت
زين ببرود ;فوتي
دخلت سما وهية متوترة وعم تهز رجلها بتوتر وهوة كان عاطيها ضهرو ;شو بدك
سما ;بدي احكي معك
زين ببرود ;اه ومابتخافي ع حالك فايتة غرفت شب عزابي وانتي وياه لحالكن مابتخافي تتحرك شهوتو الحيوانية، ،
سما بحنية ;انا ومعك مابخاف من شي ابدا، ،
لتفت عليها وتطلع فيها ببرود ;ليش بلله ، ،
سما ;لا انت غير الكل
زين ;اهاا
سما ;لانك كنت سندي بكل الاوقات، ،،
زين ;ايي شو يعني سندك
سما ;يعني انت مابتتخلى عني وانا بعرف، ،
زين ;وشو بيضمنلك بيجوز اتخلا
سما ;انا واثقة لو شو ماصار بينا مارح تتخلى عني، ،،
زين ;،،،،،،
سما ;انا بعتزر ع الكلام الي حكيتو بعرف انو كان غباء، ،
زين ;شو بتستفيدي اذا ستفزيتيني ليش هيك عم تعملي، ،
سما ;مافهمت
زين بعصبية ;لاتغشمي حالك سما انتي الي بدك تبعدي عندي لك كل مابقرب منك خطوة بتبعدي عشرة ليش ماعم تحسي فيني معقول كلشي عم اعملو مو موضحلك اني، ،،،
سكت وهوة عم يطلع بعيونها الي تحولت لا لون المحيط وهاد الش بيأكدلو انو سما زعلت والحزن اكتسا عيونها، ،،
سما ;انك شو، ،
هدي زين وقرب منها وهية صارت ترجع لورا حتى ضربت بلحيط وحاوطها يايديه وقرب منها وشرد بوجها وهام بمحيط عيونها وماكان مسموع غير دقات قلبهن هنن التنين وهمس ;انيييي بحبك سما ;وقرب منها وفن راسو بشعرها وصار يهمسلا ;وبعشقك وبعشك عيونك الي اسروني من اول نظرة ،،،،كانت مغمضة عيونها وعم تسمع همسو وكلامو المعسول وكانو اخدها ع دنيا تانية وكانها غابت عن الوعي وبدها الدنيا توقف هون بس يبقى قريب منها ومايبعد عنها ابدا، ،،،،بعد زين عنها وتطلع بعيونها ;شايفة الحب الي بعيوني الك بعمرو ماحدا شافو غيرك ياسما قلبي، ،،
تطلع ع شفافها الي عم ترجف وعيونها الي بلشت تدمع وغمر خدودها وقرب منها ليروي قلبو بشهد شفافها، ،،،وقبل مايوصل لغايتو،
هوووب نفتح الباب ودخل امير ;زين بدي اخد شاحن،،،،،،
دفشت سما زين من صدرو وبعدتو عنها بسرعة وركضت لبرا الغرفة وهية دايبة من خجلها، ،،
امير بصدمة ;انتو شو كنتو عم تعملو، ،،
زين بنرفزة ;انا كم مرة قلتلك في شي اسمو باب دق عليه ليش هيك طحشت متل الجحش، ،،
امير بغمزة ;ليش زينو ليكون قطعتلك خلوتك، ،،
زين بنرفزة ;امير رح عد للواحد مابدي شوفك قدامي، ،،
امير ;هية مو كانت لا الثلاثة ;
زين بنرفزة ;واحد
هرب امير من الغرفة قبل مازين يطلع في روحو، ،،
زين بغضب;الغبي يقطع عمرو اذا مهنيني بحياتي قطعلي اللحظة الله يقطعو اوووف حظي شو زفت، ،،،
""""""""
عند جوري كانت قاعدة بمكتبها وعم تراجع القضية، ،،دخلت عليها السكرتيرة ;مدام جوري في واحد بدو يقابلك
جوري ;عندو موعد
السكرتيرة ;لا
جوري ;لكن اعطي موعد وخلي يجي بكرا
السكرتيرة ;بس قال ضروري يشوفك مشان زين بيك، ،
جوري بخوف ;دخلي بسرعة، ،،
بعد دقايق نفتح الباب ودخل منو شخص وقعد كانت جوري مركزة بلوراق ;خير شبو زين، ،
رضا ;زين ابني وانا جاي مشان قلك انو خلال هل يومين بدك تقوليلو اني انا ابوه، ،،
رفعت جوري راسها بصدمة وتطلعت في رضا ;انت
كان رضا صافن بعيونها العسلية بشوق كبير وعم يحاول يكبت مشاعرو قدر الامكان بس كل محاولاتو بائت بلفشل، ،،
بينما جوري ماركزت غير انو جاي لعندها وعم يطالب بابنو، ،،
قامت جوري من كانها متل الاعصار وسكرت الباب وقفلتو ولتفتت لعند رضا ;لك انت جنيت على اي اساس بعد 28سنة جاي تطالب بابني
رضا بثقة ;على اساس اني رح رجلعلك ابنك التاني توئمو، ،،
نصدمت جوري وحست انو كل خلايا جسما رتخت وقعدت ع الكرسي بصدمة ليقوم لعندها رضا بخوف. ;انتي منيحة فيكي شي، ،
جوري ببكي;قول انو هي مزحة بترجاك قول انو ابني يمان ميت قوللل، ،
رضا بحزن ;جوري بكفي فراق خلينا نجتمع ونجمع ولادنا مع بعض حرام الي انتي عم تعملي، ،،
قامت جوري من ع الكرسي بغضب ومسكت رضا من قبة قميصو وكانها لبوة ; مستحيللل رضا الاعيبك هي مارح تمشي علي فهمت زين ابني ومارح تاخدو مني، ،،
نتر رضا ايدين جوري عنو بعنف: زين ابني شئتي ام ابيتي واذا ما قلتيلو انتي انو انا ابوه انا الي رح قلو فهمتي جوري انا عم قلك مقابل انو زين يرجع لحضن ابوه ابنك التوئم تبع زين رح يرجع لحضنك ومشان تعرفي انو انا احسن منك انا ماخبيت عن توئم زين انو انتي امو وهوة بيعرفك وبيعرف اخوه وناطر خبر منك مشان يركض لعندك وياخدك بحضنو، ،،
جوري بصريخ هستري;كذاااااب كذااااب، ،،وركضت عليه صارت تضربو ع صدور وتبكي وتصرخ حتى الموظفين صارو يدقو ع الباب وحاولو يفتحوه بس كان مقفول، ،،
السكرتيرة من برا ;مدام جوري انتي منيحة، ،،
تركها رضا منهارة في الارض ومشي فتح الباب وطلع ليدخلو الموظفين عند جوري الي عم تصرخ وفاقدة السيطرة على حالها
جوري ببكي وصريخ ;مارح اسمحلك رضااااااا زين ابني مافيك تاخد مني كلشي بكرهك رضاااا بكرهك، ،،
كان رضا ماشي ومتجاهل كلام جوري وقلبو عم ينعصر من القهر، ،،
من طبع رضا وجوري هنن التنين عنيدين ومابيكسرو لو شو ماصار، ،،،
""""""
شو كان رح يبوسك، ،،بهل كلمات خاطبت ليلى سما، ،،
سما ;هسس وطي صوتك يبلاكي بخفيو ضل حدا ع الشط ماعرف انو كان رح يبوسني، ،،
رغد بحماس;اي وباسك
سما بنرفزة ;لا دخل الجحش امير خرب كلشي
ليلى بمكر ;وانتي ليش زعلانة، ،
سما ;انو روحلي البوسة 😂
رغد ;والله وطلعتي مالك قليلة ليكون مو اول مرة ولي، ،
سما ;والله اول مرة انا حتى امي ماباستني هيك اقلك، ،
رغد ;اي وشو حسيتي
سما;مابعرف غبت عن الوعي بس الشعور كتير حلو يالله وكأني طايرة انا يوم عن يوم عم بعترف اني مو بس بحبو وبعشقو كمان، ،،،
ليلى ;ياعمري نشالله انتي وياه تكونو لبعض
رفعو رغد وليلى وسما ايديهن سوا ;ااامين
وليد ;شو صايرن مشايخ بشوف
سما ;انت ماتدخل
وليد ;ايه الله يسمعنا الاخبار الطيبة، ،،،
اجا امير من وراه وهوة عم يتطلع في سما ويتسم بخبث ;رح تسمع الاخبار الطيبة لاتخاف 😉
سما خجلت ونزلت راسها، ،لتجي طيارة ع رقبتو لامير من زين ;شو رأيك تخرس ولا، ،،
امير ;اي شو حكينا
زين ;خراس ماتحكي شي
تطلع زين بسما وصار يبتسم وهية كانت رح تفقع من خجلها، ،،،لاتطلع فيي هيك
زين بابتسامة ;كيف يعني هيك
سما ;انو لاتطلع فيي وبس
فرطو ضحك كلهن الا وليد وقيصر متل الهبلان واقفين، ،
امير ;يلله ع السباحة، ،،
سما ;انا مابعرف اسبح
زين ;انا بعلمك
ليلى ;ولا انا مابعرف اسبح
زين ;خلي امير يعلمك
امير ;انا موفاضي عندي شغل مع هلمزز الي عم يلعبو كرة طائرة، ،،
وليد ;خدني معك امانة
امير ;انت اسا عجي بس تكبرلك شوي باخدك
الكل ;😂😂😂
وليد; 🙂🙂
زين لسما ;تعالي سما علمك تسبحي، ،،
سما ;لا شكرا مابدي
زين قرب لعندها وحملها ع كتافو وهية عم تصرخ وتضحك ;لك نزلني مابدي
زين ;اي شو الشغلة ع كيفك، ،،
سما ;لك حباااب
زين ;لااا ومن غير نقاش، ،،
رماها زين بلبحر ونزل معها وصار يسبح باتقان ويلعمها لسباحة لسما وهية عم تضحك ومبسوطة كتير وهية معو، ،،
والصبايا كانو عم يلعبو ويسبحو مع قيصر وامير ووليد شقطو البنات وضربو معهن صحبة وصارو يلعبو معهن كرة اليد 😂😂
"""""""
عند جوري كانت قاعدة ع الكنبة وحدها عليا حاضنتها ،،بدو ياخد ابني مني مابيكفي اخد مني حياتي لك انا وهبتلو كل شبابي وحياتي الو ومارضيت اتجوز غيرو وفوق كل هاد بيقلي بكل عين وقحا انو توئمو لزين معو وبدو ياخد مني ابني، ،،
عليا بحزن ;جوري بترجاكي فهمي كلامو بلكي كان عنجد توئم زين معو لازم تتاكدي لاتتسرعي، ،،
رفعت جوري راسها وتطلعت في عليا ;بس بلمقابل بدو زين، ،،
عليا بثقة ;اي شو شايفة زين ولد صغير حتى يروح عند ابوه زين رائد قد الدنيا يعني ازا بتقوليلو انو ابوه عايش مارح يتطلع فيه حتى لانو بوقت حاجتو ماكان معو حتى هلئ شرف، ،،
جوري ;بس رح يزعل مني كتير مابتعرفي مابيحب الكذب، ،،
عليا ; رح يزعل شوي بس مستحيل يفرط فيكي وبدموعك او يتخلى عنك، ،،،وحطت ايدها ع خد جوري بحنية، ،،، اصلا انتي مين بيقدر يتخلا عنك جوري مافي اطيب واحلى من قلبك بس رضا جحش وماعرف يحافظ على هل قلب، ،،
ضحكت جوري ;يعليكي ياعليا ضحكتيني من بين دموعي، ،،
عليا بغرور مصطنع ;مشان تعرفي انا مافي مني ايواااا
جوري ;بحمد الله انو الله بعتلي ياكي عوض عن قمر يا احلى اخت بلدنيا ،،،وخضنتها لا عليا، ،كانت عليا ملجئ جوري الوحيد وبيت اسرارها وسندها واختها وهية الي وقفت حدها بكل لحظة بشعة بحياتها كانت صداقتهون متيمة مو اي صداقة، ،،
"""""""""""""
وهيك منكون ختمنا الجزء السابع من الرواية ياترا ايفا شو عم تخطت وزين رح يحصل على قلب سما وجوري رح تصارح زين وتقلو انو رضا وزين رح يتقبل انو رضا ابوه، ،واوس شو رخ يعمل مع الين ياترا الين رح تدافع عن رفيقت طفولتها ولا رح تلحق تسنيم ولانا ترقبوووو، ،،،،،
""""""""""""""""يتبع