الفصل 6
:: قصة بقلمي ; *براءة نجار*
رواية ; *سميتك سما 💙*
الجزء ;السادس
"""''""""
بقصر السيد كانو قاعدين وعم يحضرو الاخبار، ،،
المذيعة ;وقت بلغنا خبر ان الراصاصة لم يتم اخراجها من صدر سيادة الرائد زين المالك وانه داخل عملية جراحية خطرة ندعو له بشفاء العاجل، ،،
قاسم ;انا لازم روح وشوف شو رح يصير بحفيدي
احمد ;يابي بس رح ينكشف كلشي خلينا هون ورح ناخد الاخبار من رضا، ،
محمد بتوتر ;ليش رضا عم يرد ع اتصالاتي، ،،
ندى ;ياخي حقو هاد ابنو بلنهاية واكيد قلبو شاعل نار عليه، ،،
قاسم بحزن ;الله يشفيك ياسبعي ويقويك، ،
"""""""""
بلمزرعة عند وليد ;
كان عم يفتل ويدور، ،ياربي نسيوني ونقلعو انا وين، ،احسن شي اركض لبعيد قبل مايرجع زعيم العصابة، ،،
ركض وليد لبعيد ع نية يلاقي سيارة يطلع فيها ويرجع ع البيت بس عبث ولا سيارة مالاقا فجأة لتفت شاف بيت من بعيد بيت وحيد مافي حوليه ولا بيت ومشي اتجاهو بقلة حيلة، ،،،
وصل وليد ع البيت وصار يدق ع الباب ;الوو في حدا هون، ،،
نفتح الباب وطلعت من البيت بنت مبين عليها صبية بعمر ال18 شعرا اشقر وعيونها خضر وكانت لابسة بيجامة زهر نسطل وليد لما شافها وضل صافن فيها، ،،
البنت ;تفضل شو بتريد
صحي وليد من شرودو ;ااه انا انو يعني ضايع وما معي سيارة ارجع ع البيت مافي مواصلات هون، ،،
البنت ;طيب تفضل هلئ ولصبح بلكي منلاقيلك شي ترجع فيه، ،،
وليد ;لا مابدي غلبكن، ،
البنت; براحتك ،،،
وليد ;لك انو صري علي شوي شبك
البنت ;اي من الاول فوت ولاتتعزز
وليد ;اووف طيب شكرا، ،
ودخل وليد عند البنت شاف بيتها لصغير الدافي ابتسم بحب وتخيل حالو بشي رواية وقت شاف دفا البيت وقعد هوة ومبسوط، ،،،
"""""""
بلمشفى
الوضع ماكان بيطمن ابدا وجوري منهارة ع الاخر واغيد وعليا عم يهدوها وغسان عند ابوه واوس وامير وقيصر حزينين كتير ع رفيق عمرهن، ،
كان اوس قاعدة بلارض وعم يبكي وعم يتذكر كل لحظة جمعتو مع زين من وقت كانو صغار، ،،،
فلاش باك، ،،،،،،،،،،
وقت كانو عم يدرسو بثانوي، ،
كان اوس علقان مع شلة شباب ونازلين ضرب في بعض، ،،
ليهجم زين عليهن وينزل فيهن ضرب ويدقهن قتلة لشباب وهوة عم يدافع عن اوس، ،،
عند المدير، ،لك وبعدين معكن انتو بدكن تضلو عم تعملولي مشاكل انتو لك مشتهي شي يوم يعدي بلا ماتعملولي مشاكل انت وياه، ،،
اوس ;هنن بلشو ولطشو ايفا رفيقتنا، ،
المدير ;لك انت شو دخلك بعدون مو في مدير تعال اشيكهن الي
زين بمسخرة ;اي رح نشكيهن الك مشان تعاقبهن بمسح الاراضي ويرجعو يعيدوها هيك ماعاد يسترجو يعيدوها، ،،
المدير ;لا زين انت صاير لا تطاق ابدا معاقب حبس خميس وجمعة
زين ;دائما الحبس خميس وجمعة نفسي انحبس التلاتة والاربعا، ،
المدير بنرفزة ;لك نقلعععع
طلعو اوس وزين هرولة وهنن عم يضحكو، ،،
اوس ;والله لنجننو لهل مدير
زين ;بدي نحفو شوي يازلمة مالك شايفو مدعبل 😂
اوس وزين ;😂😂😂
باك، ،،،،،،،،،
صحي اوس من شرودو وعيونو كلهن دموع ;الله يحميلي ياك يا اخي، ،،
عند امير كان قاعد عم يبكي ويتذكر كل لحظة جمعتو في زين وخصوصي وقت دخل الكلية الحربية علاقتو في زين صارت قوية كتير، ،،
فلاش باك، ،،،،،،،
كان زين عم يدرب امير ع الbks. مسكلو ايديه من وراه ورفعلو ايده الي فيها الbks ركز هاد لسلاح تقيل بدك تشيلو بايديك التنين، ،،
امير بخوف ;طيب انا مابدي اتعلم ع هاد لسلام مافي غيرو، ،
زين بنرفزة ;امير لاتخليني جن عليك تعلم تمسك هاد بلاول ،،
امير ;لك الواحد ببلش من الضعيف للقوي مو هيك، ،
زين ;وانا بدي علمك هيك لانو وقت المقدم طارق علمنا نمسك اسلحة مسكنا هاد بلاول، ،،
امير ;طيب خلص عندي مبارة ليوم، ،،
زين ;بربك اليوم في مبارة، ،
امير ;اي ليش مالك خبر
زين ;لا والله ماكنت بعرف منيح قلتلي مشان اتفرج ع الماتش، ،،
امير ;يلله بسرعة لكن
زين ;شو رأيك نأجل التدريب لبكرا
امير ;وانا هيك عم قول، ،
امير وزين ;😂😂
زين;يلله نطلع نلحق الماتش
طلعو امير وزين بسرعة مشان يلحقو المبارة، ،،
باك،،،،،،،،،،
كانو عيونو كلهن دموع، ،
امير ببكي ;كنت ورح تضل اغلا اخ الي زين قوم مشاني ماتتركني وحيد قيصر واوس لبعض وانا وانت مع بعض قوم وخليك قوي متل مابعرفك، ،،،
بلنسبة لقيصر كان كمان عم يبكي ع رفيق عمرو وماعم يصدق انو رح يخسرو، ،،وعم يسترجع زكرياتو الي جمعتو في زين، من وقت ماتو اهلو، ،
فلاش باك، ،،،،،،
كانو زين وقيصر في مهمة وعم يلاحقو افراد العصابة، ،وعم يقوصو عليهن، ،
زين وهوة محتمي ورا الحيط ; سلمو حالكن احسن ما اقتلكن كلكون، ،
مجهول ;ما منروح لناخد روحك ياكلب
قيصر ;ماحدا كلب غيرك ولاااك، ،
وطلع من ورا الحيط ليقوص ليتفاجئ بواحد من افراد العصابة قدامو وكان رح يقوص عليه حتى باخر لحظة رما حالو زين قدام قيصر مشان يحمي من الرصاصة لتجي الرصاصة بزندو لزين وهوة عم يحمي قيصر، ،ليرفع قيصر سلاحو ويقوص ع الشب ويمسك زين بخوف، ،انت منيح
زين ;منيح ماتاكل هم عرضية
قيصر ;بس دخلت لرصاصة بأيدك، ،
زين وهوة عم يكتم وجعو ;لك سطحية يازلمة شبك ،،،
ابتسم قيصر;لو لاك كنت متت
زين ;انت اخي ولا بفديك بروحي
قيصر ;لك عراسي احلا شرررريك، ،
باك، ،،،،،،،،،،
صحي من شرودو وعيونو كلها دموع ;مو هيك زين نحن ما اتفقنا هيك اتفقنا نكفي سوا كل العمر مافيك تتركنا باول الطريق يا اخي اصحا الله يخليك نحن بلاك مامنسوا، ،💔
كانت صداقت زين واوس وامير وقيصر متيمة ومو متل اي صداقة كانو مع بعض من لما كانو صغار وكبرو سوا، ،،
،،،
عند لجين كانت متسطحة وناطرة زين بملل ;اووف هاد ايمت رح يجي، ،لتفتت ع الفيلا ;احسن شي اعمل جولة في بيتو، ،،وقامت لجين وبلشت تتمشى وتتلفت في الفيلا باعجاب واضح حتى وصلت ع غرفت نومو وفتحت الباب ودخلت وبلشت تتلفت باعجاب لتشوف صورتو الي معبية الحيط تطلعت في الصورة بتمعن وصارت تتأملو ; سبحان الذي خلقك على هل جمال وهل رجولة، ،،لتصحى على حالها ;شبك لجين لاتنسي ليش اجيتي انتي، ،،احسن شي اتصل بشبح واحكيلو انو نجحت الخطة، ،ولا لا مابدي بركي في كاميرات، ،وتسطحت ع تختو لزين وتنشقت عطرو بقوة وغمضت عيونها وهية حاسة براحة بعمرها ماحستها ،،،،،
""""""""
بلمشفى كان الكل قاعد ع نار وجوري منهارة ع الاخر ورضا عم يطلع فيها بحزن، ،شو نفسو يحضنها ويخفف عنها ويخبيها جوا ضلوعو بس الظروف هيك حكمت، ،،،
طلع الدكتور من غرفت العمليات ليركضو كلهن لعندو ورفعت سما راسها وتطلعت فيه ناطرة جوابو، ،،
الدكتور بابتسامة ;الحمدلله ع سلامتو نجحت العملية، ،
ليتنهدو كلهن براحة سما غمضت عيونها براحة وصارت تحمد ربها انو ماصرلو شي، ،،
جوري ضمت اغيد بقوة وصارت تبكي من فرحها، ،،
وامير وقيصر واوس حضنو بعض وهنن عم يضحكو بفرح، ،
ويمان ورضا تطلعو في بعض بفرح وتنهدو براحة، ،،
سما لدكتور ;فينا نشوفو، ،،
الدكتور ;مارح يصحى لبكرا من الادوية والبنج، ،
سما ;لو نايم فيني ابقى حدو يعني رح تطلعو ع غرفة مو، ،،
الدكتور ;اي ماشي رح نطلع حبيبك ع غرفة لحالو فيكي تبقي حدو، ،،
رغد وليلى;حبيبك
سما ;هوة ابن خالتي
الدكتور ;اه اسف فكرت حبيبك حتى كتير زعلانة عليه
سما بخجل;انو بس ابن خالتي ورفيقي، ،،
عند يزن كان رح يفقع من غيرتو وهوة شايف الخوف بعيون سما على زين، ،،
طلعو زين ع غرفة بلمشفى وهوة غايب عن الرعي طبعا لرصاصة ضلت بصدرو وماقدرو يطلعوها، ، قعدو حدو جوري وسما والكل كانو عم يشوفو بلاضافة لرضا الي كان عم يطلع فيه بحزن، ،،،
سما ;خالتي روحي ع البيت رح ابقى عند زين انا
جوري ;لا مستحيل اتركو وامشي رح ابقى معو
اغيد ;جوري انتي روحي رتاحي ونحن رح نبقى معو ليصحى، ،،
جوري ;مافيني اتركو
عليا ;لاتخافي ليكهن الشباب واغيد معو مارح يتركو وسما رح تبقى كمان امشي نروح نحن ع البيت وبكرا منجي، ،،
وبعد الحاح كتير من عليا واغيد راحو جوري وعليا ولبنات ع البيت اما بلنسبة لاغيد بقيو عند ابوهن هوة وغسان وسما والشباب بقيو عند زين مع يمان، ،،اما رضا قرر ينسحب ويترك يمان مكانو، ،،،اتصل رضا بابوه وخبرو انو زين رح يعيش وفرح قاسم كتير بهل خبر، ،،
""""""
عند وليد كان قاعد حد البنت والبنت عم تتفرج ع افلام الكرتون،
وليد ;نعست وين اندفس
البنت ;ع الكنبة نام
وليد ;كانو مو شايفة انو الكنبة قصيرة ومابوسع عليها، ،
البنت ;اي شو اعمل انا دبر حالك
وليد ;انتي ملاحظة انك زليتي اهلي مشان هل كم ساعة
البنت ;صحي انت شو عم تعمل هون بهل ليل، ،،
وليد ;بنت عمي مخطوفة وع اساس هون اجيت مالاقيت حدا بس سمعت صوت قواص، ،
البنت;اهاا اجيتو عند الشبح
رجف وليد ;مين هاد الشبح 🙂
البنت ;لتكون مابتعرف انو هوة مدينة اشباح ومافيها اي انس، ،
رجف جسدو لوليد وهوة عم يطلع فيها بخوف ;شو قصدك
البنت بمكر ;قصدي كلنا جن مافي انس غيرك هون، ،
وليد بخوف ;اعوذ بلله من الشيطان الرجيم بسم الله الرحمن الرحيم دستور من خاطركون لا منأزيكن ولا بتأزونا، ،،،
فرطت البنت ضحك ع وليد وهوة مفلوج من الرعبة، ،شبك
البنت ;هههههه والله انك نهفة صدقت ياجدبة، ،،
وليد بعصبية ; فعلا انك حقيرة ليش هيك عملتي
البنت ;عم اتسلا فيك لانو مليت، ،،
وليد ;يقطع عمرك شو بتشبهي بنت عمي 🙂
"""""""""""
بلمشفى بعد ماصار الصبح
تسللت خيوط الشمس لتداعب رموشو لطوال ليفتح عيونو العسلية بتعب وهوة حاسس او حلقو ناشف وحاسس كتير بلعطش وحس انو حدا ماسكو من ايده بقوة لتفت لحدو شاف سما نايمة وهية قاعدة ع الكرسي حده بتعب وماسكتلو قبضة ايده بقوة متل طلفلة صغيرة متمسكة بايد ابوها ومابدها تتركها صفن فيها وهوة شاف التعب ع وجها باين، ،وتلفت حوليه ليشوف الشباب كلها نايمة حوليه منهن ع القاعد نايمين ومنهن متسطحين ع الكنبات ويمان طابب رلسو ع التخت حدو وقاعد ع الارض ونايم صفن زين بيمان باستغراب انو شو عم يعمل حدو، ،اجا ليجلس حالو بس حس بنغزة قوية بصدرو وطلع اهات خفيفة، لتنتفض سما من حدو بفزح وتقرب لعند والخوف بعيونها مسكتلو ايده وصار تطلع عليه بعيونها وهية عم تتفحصو بخوف;اهدي انا منيح مافيي شي، ،،
سما بدموع ;الحمدلله ع سلامتك خفت قصدي خفنا عليك كتير، ،،،
زين بحنية ;مابفرط بدموعك عم تبكي مشاني، ،،
لينتفضو الشباب كلهن مع رنة تلفون يمان، ،طبعا كلهن صحيو الا يمان ضل نايم 🙂🙂
اوس ;زين انت منيح
قيصر ;صحيت
امير بدموع ;زيني ،
وركضو ع زين حضنوه بقوة،
زين بغرور ;الحياة مالها طعمة بلاي صح، ،،
سما ;حتى وانت هيك شايف حالك، ،،
زين: بس بيطلعلي لاني هيرو واعترفي لو لاي كنتي ميتة من زمان، ،،
: سما ;يالطيف الغرور عندك ميلون
زين ;اعترفي
سما ;ياسيدي شكرا لولاك كنت متت، ،
زين وهوة عم يطلع بيمان ;وهاد شو عم يعمل هون، ،
سما ;خاف عليك كتير مبارح وهوة اسعفك
زين ;معناها عرف اسمي يلعن حظي
زين وهوة عم يصحيه: يا اخ يمان الوووو
سما ;نومو تقيل تركو انا بصحيه، ،
زين ;كيف، ،
ركضت سما ورفستو ع بطنو ليمان ليفزع بوجع، ،،اخخ نشالله رجلك بتنكسر، ،
سما ;مابتصحى غير هيك شو بعملك، ،
يمان ;متل الجحشة بترفسي، ،،
امير ;ههههههه كيف صحتو يخرب بيتك شو مجنونة
زين ;لك حرام عليكي بلكي صرلو شي
سما ;ماتخاف عليه مارح يصرلو شي، ،
زين ;وليش لخاف عليه شو دخلني، ،،
اوس ;لك والله شتقنالك زينو الك وحشة يازلمة، ،
قيصر ;لو كان صرلك شي كنت نتحرت، ،
امير ; والله انا كنت متت بس بدي فكرة غير الانتحار لاني جربت انتحر كنت رح موت، ،،
سما وقيصر ويمان واوس😂😂
كان زين عم يطلع فيه وهوة شبه مجلوط، ،،امير نقلع من وجهي احسن ماجن عليك هلئ، ،،
امير ;لك جن علي جعل ماحد يجن بعدك
زين ;خراس
امير ;حاضر خرست انا رايح ع الفرع المسا برجع، ،
زين ;ماتطول مشان ما مل
امير ;مشان تعرف مابتتسلا بدوني
سما بغيرة ;ليش انا وين رحت انا موجودة نقلع انت، ،
تطلع يمان بسما ورفعلا حواجبو بتعجب، ،،شوو ليش انتي رح تبقي هون، ،
سما ;مطرة لانو بسببي هيك صرلو رح ابقى حدو، ،،
زين كان عم يطلع فيها ويبتسم، ،
فجأة نفتح باب الغرفة وطلت منو جوري وركضت ع زين حضنته وصارت تبكي ;ياروحي انتي ياعمري شو خفت عليك، ،
زين وهوة كاتم وجعو من حضن جوري العنيف ;انا منيح امي ماتخافي، ،
بعدت عنو جوري وغمرت خدودو بايديها ;كيف يعني منيح لك كنت رح موت عليك لو صرلك شي ليش تعمل بامك هيك وتخوفني عليك ياعيوني، ،،،
يمان من وراه بحنية ;لاتخافي مدام جوري هوة منيح وليكو قاعد قدامك متل السبع، ،
لتفتت جوري ع يمان وتطلعت فيه بعمق كبير من دون ولا كلمة وكانو شي جواتها شدها ليمان، ،،،شكرا الك ابني انت اسعفتو لابني، ،
يمان بحنية وهوة عم يطلع في زين ;ولوو زين متل اخي، ،
زين بابتسامة ; والله انك كفو يمانو بس بدي منك شي، ،
يمان باندفاع ;انا مابعرف انو اسمك زين واسمك عمر ;وغمزه ;ماتاكل هم شريك، ،
زين بابتسامة ;شكرا ع كلشي
يمان ;ولو نحن بلخدمة برو، ،
سما ليمان ;ليش انتو من وين بتعرفو بعض
يمان ;فيكي تقولي اصدقاء طفولة، ،،
سما ;اها بس ولا مرة قلتلي انو عندك صديق ضابط
يمان ;لانو ماسألتيني، ،،
سما ;ويزن وين راح مارح يرجع يجي
تطلع يمان في زين وبعدون في سما ;مابظن رح يجي، ،
سما ;مابدو يفهم علي ليش مابعرف
يمان ;الايام رح تفهمو سوسو،،يلله انا طالع ،،وتطلع في زين ;المسا رح اجي شوفك برو، ،
زين ; مافي داعي تعزب حالك
يمان ;فداك برو
زين بابتسامة ;شكرا يمان
يمان ;ولوو دير بالك ع حالك، ،،وشد ع الكلمة، ،،،اخي
كانت جوري صافنة بيمان بلهفة كبيرة وكانو شي بقلبها بدو ياه ليمان بس هية عم تتجاهل شعورا هاد، ،،
بلنسبة ليمان قرر يتقرب من زين وجوري باسلوبو الخاص، ،،
"""""""
: بلنسبة لشبح كان واصل لقمة غضبو بعد ماسمع انو زين اسا عايش، ،
سيف بغضب ;كيف يعني عايش لك صوبت رصاصتي بنص قلبو كيف ما مات
مجهول ; معلم عم يقول الدكتور انو الرصاصة ضلت بصدرو ومع زالك عاش، ،
ابتسم بمكر ;يعني رصاصتي ضلت بقلبو هه رح تضل زكرا الو ;وكز ع سنانو ;وهديك بنت الكلب بدي ياها عندي باسرع وقت، ،
مجهول ;معلم مشددين عليها الحراسة كتير وهية بلمشفى عند زين، ،
سيف بغضب ;اغبياااااااء والله الا اقتلو قدام عيونها لهل كلب، ،وانت نقلع من وجهي، ،
هرب الشب من وجه سيف برعبة قبل مايخسر حياتو، ،،
سيف بغضب; لكن طلعت حبيبتو لهل كلب ايه شو عليه انتي الي سما ومارح اسمح لحدا ياخدك مني ياحرم سيف العابد المستقبلية هههههه، ،
""""""""""
بقصر السيد
كان قاسم قاعد ورضا قاعد قدامو، ،،
رضا ;كان تعبان كتير كنت رح اخسرو، ،
قاسم ;الحمدلله ع سلامتو اهم الشي
رضا ;والله يابي قلبي طلع من محلو من خوفي عليه، ،،
محمد ;والله ونحن خفنا عليه كتير وكنا رح نجي الصبح لو ماخبرتنا انو مشي حالو، ،
حازم ;وصحي ولا اسا غايب عن الوعي، ،
رضا بفرح ;لا الحمدلله سبع وبنيته قوية صحي حكيت مع يمان وقلي انو صحي، ،،
قاسم ;الحمدلله بدي توزعو الدبايح ع قيام حفيدي الغالي بسلامة، ،
رضا ;الله يخليلي ياك يابي ويديمك فوق راسنا، ،
قاسم ;اي شو انا كم حفيد سبع عندي، ،
ليطلعو فيه مراد وادهم بغل، ،،ويكزو ع سنانهن
""""""""
بلمشفى عند زين كانو مجتمعين كل الشباب عندو بلاضافة لصبايا وعم يحكو ويضحكو، ،،
امير ;وماشفتلك غير كف من ابي بنص خلقتي عماني عمي عم قلك 😂😂
زين بضحك ;ااخ لك رح يفكو القطب خراس، ،
قيصر ;بس والله كنت بتستاهل قال هوة بعتك مشان المهمة ووقت يقلك تفتحلو الباب الخلفي ماترد وقاعد عم تطق حنك مع البنات
امير ;لك انا بضعف قدام اي انثى، ،،
ليلى;واخرتك ع ايد شي وحدة
رغد ;بس افهم انت شو قلبك رمان
امير;اي والله البنات حلوين لك انا العساسيل الي بشوفهن بشارع ومابعرف اسمهن حتى بشتقلهن 😂😂
اوس ;زير نسا مافي خواص منك،،،
زين ;الي فيو طبيعة ما بيعا 😂😂
سما ;بس انو جد كيف فيك تحب كل هل بنات، ،،
امير ;هلئ مو حب اعجاب يازلمة، ،،،
سما ;يازلمة يقطع عمرك كل هل انوثة وبتقلي زلمة، ،،
امير ;طيب ياست
سما ;ست بعينك
امير ;هوهووو علينا شو اقلك
سما ;لازم تقلي مدموزيل سما
امير ;طيب مدموزيل سما
زين ;ههههه ولي فرطت خلص امانة رح تفكولي القطب، ،
سما لزين ;وانت ليش عم تضحك ع كلشي حدا شلح قدامك، ،
تطلع فيها زين نظرات مثيرة خلت جسمها يرجف ;ياريت، ،
سما بخجل;فعلا قليل ادب
امير ;لعما بقلبكون احترمو السناجل
ليلى ;والله الجفاف لسما
سما ;ايي ليش شو عملنا، ،
ليلى وامير ;عم تتغزلو في بعض
سما ;نحن ايمت تغزلنا في بعض
اوس بمكر ;يعني ماشفنا كيف كان عم يطلع فيكي يعني ،
سما باندفاع ;خلص بكفي زين متل اخي، ،
زين ;بلله شو
سما ;اي وانا معتبرتك اخي عندك مانع، ،
زين ;لا اعوذ بلله وليش حتى يكون عندي مانع، ،،
سمعو صوت نقرات ع الباب، ،ادخل، ،
دخلت ايفا وهية حاملة بوكيه ورد وعم تطلع في زين بحب ومشيت لعندو عطتو الورد وباستو ع خدو ;الحمدلله ع سلامتك، ،
: لتنصدم سما وتفتح عيونها ع وسعهن وهية شايفة ايفا كيف باست زين وقعدت حدو، ،،،
بلنسبة لزين تطلع في زيئ عينو ع سما وصار. يبتسم بخبث، ،،،
ايفا بحب ; خفت عليك كتير اول ماسمعت ركضة لعندك، ،،
زين بخبث وهوة عم يجاكر سما ; مابيهون علي تخافي ايف انتي مدللة كتير ع قلبي، ،،
سما بقلبها ;يقطع عمرك انت وهية 🙂
ايفا ;مشان تعرف انو ايف مابتسخا فيك شو ماعملت معها ،،،وتطلعت بسما بغل، ،
سما بغيرة ;ما هوة واضح شو بتخافي عليه حتى ستنيتي لصحي حتى اجيتي
ايفا ;والله اولا انت مادخلك ثانيا اول ماسمعت ركضت ع المشفى ،
سما بنرفزة ;اي وقت كان بين الحيات والموت وين كنتي اكيد كنتي نايمة حبيبي، ،،
ايفا ;اصلا انتي وين كنتي لما انا وزين كنا مع بعض من الثانوي، ،
سما ;اه والله الله يخليكن لبعض، ،،وطلعت من الغرفة بنترة ومسرعة، ،،
زين ;ايف لاتحاكيها هيك بتزعل
ايفا ;اي وتزعل شو يعني ملاحظ انت انو من وقت فاتت ع حياتك وحياتك كلها مقلوبة، ،،،
امير مشان يغيظ ايفا لانو مابطيقا ;هوة انتي مابتعرفو انو زين رما حالو ع الموت مشان سما، ،،
ايفا ;اي عادي لانها بنت خالتو
قيصر ;لاا مو لانها بنت خالتو لانووو ولا اقلك خلي زينو يقلك احسن، ،،
ايفا تطلعت في زين ;ليش
زين ;ايفا الي بدي ياكي تعرفي انو انتي متل اختي تمام ومستحيل فكر غير هيك، ،،
ايفا بقهر ;لك انت ليش هيك عم تعاملني زين تسع سنين وانا بحبك وانت مو حاسس فيني وبنت ما الك اسبوع بتعرفا حبيتا اكتر مني شو هل سرعة زين ،،
زين ;الحب مو بلسنين الحب بنظرة بيجي وانا ماقدرت بادلك المشاعر ايفا بس انتي مابدك تفهمي، ،،
وقفت ايفا وصارت تصرخ وتبكي ; لك انا دخلت كلية حربية بس مشان ضل حدك ليش مصر تبعدني عنك زين جرب وحبني وانا رح قدملك كل الحب ،،،،،
زين ;ايفا انتي ماعم تفهمي مافيني حبك صعب وخصوصي هلئ بعد ماتعلق قلبي، ،
ايفا بغل ;انت جنيت عليها زين رح دمرلك ياها، ،،
زين بتهديد;اذا بتمسي شعرا منها رح ندمك ع اليوم الي عرفتيني فيه، ،وهلئ طلعي وروحي وشكرا لانك عكرتيلي مزاجي ست ايفا، ،،
ايفا بحقد ;شو عليه يازين الايام بيناتنا، ،،
وطلعت وطبشت الباب، ،
قيصر بغل ;غبية وشايفة حالها، ،
امير ;يقطع عمرها مابتنطاق، ،
اوس ;شكلكن نسيتو انو ايفا رفيقتنا وسما اسا مامنعرفها منيح، ،،
زين ;خلص اوس زعلان عليها روح لعندا هية صايرة مغرورة وراسها بدو كسر، ،
ليلى ;بتفق مع زين وبشدة، ،
زين ;طلعو وراها للمجنونة وين راحت، ،
ليلى ;رغد برا اكيد لتقو هلئ تحت رح انزل شوفهن وجيب شي ناكلو، ،
زين ;اي بربك ميت جوع
ليلى ;خسا الجوع زينو
زين ;للوش
طلعت ليلى ونزلت ع الكفتريا تبع المشفى عند الصبايا، ،،
""""""""""
: كانت سما قاعدة بكفيتريا المشفى والشرار عم يتطاير من عيونها من الغيرة ورغد قاعدة حداها، ،،
رغد ;شبك ولي لشو كل هل قهر
سما ;مو قهر ولا شي بس ليش عم تحكيني بهل طريقة انا اقسم بلله لو مازين كنت جبتها من شعرها، ،
ليلى من وراها ;هدينا ابو الشباب مو محرزة زين عملها الواجب، ،
سما بعصبية ;وكيف بلله اخدها بحضنو ولا باسها هوة، ،
ليلى بخبث; شبك قبل شوي كنتي عم تقولي زين اخوكي شو صار، ،
سما ;اي انا بغار ع اخواتي
رغد ;يعني بتغاري ع اوس وامير متل زين، ،
سما ;،،،،،،
ليلى ;يابنتي بدك تصيعي علينا نحن اخواتك قولي انك معجبة فيه ورح تموتي غيرة من ايفا، ،،
سما ;لا معجبة ولا رح موت ولا شي نبسطتو، ،،
رغد ;لكن ليش مقهورة كتير
سما ; لا مو مقهورة، ،
ليلى ;معناها ماعندك مانع اذا قلت انو زين خطب ايفا فوق وقدامنا، ،
سما بصدمة ;شوووو
رغد ;شبك مو متل اخوكي فرحيلو لانو واخيرا رح يرتبط، ،
سما ;الله يهني 🙂
ليلى ;مو من قلبك
سما ;لكن من وين من رجلي، ،بعدون روحو من وجهي حابة اقعد لحالي
ليلى ;ايه تسطفلي وع فكرة زين قلعا لايفا لانها زعلتك وعترفتلو قدامنا كلنا انها بتحبو وهوة رفضها وقال انو قلبو معلق فيكي بس مبين انو الموضوع مابيهمك، ،
سما باندفاع ;بربك هيك قال
ليلى ;اهمم هيك قال
رغد ;ومشان هيك اعترفي وماتصيعي علينا، ،
سما ;بس انا مابعرفو غير من اسبوع، ،
رغد ;ومين قلك الحب بلوقت الحب لحظة بتجي بتخطف القلب وبيمشي الحال، ،
ليلى ;وانا لاحظت انو زين من لما اجيتي وهوة عم يهتم فيكي ويحميكي، ،
سما ;خلص انا معجبة فيه بس مو هلئ رح اعترف خليني اتعرف عليه اكتر، ،
ليلى ورغد ;اي هيك ها
سما ;طيب رح تساعدوني
ليلى ;معك ع الموت
رغد ;وبس طاب زين رح نظبط طلعة ع الساحل ،،
ليلى; والساحل هاي هلمرة رح يكون رومانسي كتير، ،،
سما ;بلا قلت ادب، ،
رغد بغمزة ;شبك رح تنبسطي ههههه
سما ;لا انتو فاصلين
ليلى;فوق مابدنا نطبقلك ياه، ،
رغد ;من هل ناحية لاتخافي مطبق وخالص 😂،،
سما ليلى ; هههههههه
سما ;يلله قومو نطلع لعندو بلكي بدو شي
ليلى;لااا هيك ماتفقنا تقلي
سما ;لاتخافي علي انتي
رغد ; اي جنني شوي 😂
سما ;رح جنن امو كمان
رغد ليلى ;😂😂😂
""""""""""
عند لجين
كانت حاسة بلملل وكتير وزين ماكان يجي وكانو نسيها، ،
""""
عند يزن بشركة كانو علقانين هوة ومازن، بسبب الشغل، ،،
يزن بعصبية ;لك كل الصور مو ظابطة مافي ولا وحدة مناسبة منين جبتو هل مودل غيروها، ،
مازن ببرود ; والله ياحبيبي كلشي تمام الا انت
يزن بغضب ;شو قصدك
مازن ;قصدي انو مو اذا تركتك حبيبة روحك سما تحي تتفشش فينا واذا اخلاقك رح تبقى زفت هيك يفضل ماتجي ع الشركة، ،،
يزن بعصبية ;تعال سيد مازن قعود بدالي ورا مكتبي وعطي اوامر شو رأيك، ،،،
مازن ;والله هي مو عيشة الك اسبوع من لما سما تركت البيت وانت عم تتفشش فينا
يزن بغضب ;انت كل شغلة بدك تدخل فيها سما شو دخل سما بلموضوع، ،،
مازن ;دخل انو انت من لما شفتها مع هداك الشب الي هوة اخوك وانت جانن من الغيرة كنت فرجينا عرض كتافك ووقف بوجه جدي مو تتفشش فينا نحن، ،،
قام يزن من ورا مكتبو وعيونو عم يقدحو شرار ولكمو ع وجهو لمازن من قوة الضربة وقع ع الارض ونزل من تمو الدم، ،،انت مطرود ولا نقلع من وجهي، ،،
مازن وهوة بلارض تطلع في يزن ;عم تضربني ولا يزن انت قدها، ،
يزن ;وبكسر راسك كمان، ،،
قام مازن وردلو اللكمة ليزن وبلشت صواتهن تعلى وعلقو مع بعض علقة قوية ونزلو ضرب في بعض حتى وجهن تورم، ، يزن وهوة ماسك مازن من خوانيقو: بتنقلع ومابدي شوف وجهك فهمان ولاك
مازن ;فشرت الي اسهم بشركة مافيك تقلعني، ،
يزن بصريخ ;خدهن ونقلع، ،
مازن باستفزاز ; روح تشاطر ع الي اخد حبيبة روحك سما من نص بيتنا وانت عم تتفرج هلئ جاي تعملي فيها زلمة، ،
جن جنانو ليزن وفقد السيطرة على اعصابو ورفع مازن ورماه ع الطاولة البلور لتتكسر تحتو وتصير مية شقفة ويوقع مازن مغمي والدم مغرقو، ،،
واخيرا صحي يزن ع حالو ادرك حجم الكارسة الي عملها وهمس بخفوت ;مازن، ،
ركض يزن ع مازن وحاول يصحي بس ماصحي، ،،صرخ يزن ع الموظفين ;طلبو الاسعاف ع شو عم تتفرجو ولا، ،
طلبو الموظفين الاسعاف ونقلو مازن ع المشفى وقعد يزن بريسبشن ينطر مازن وهوة رايح جاي، ،،
طلعت الدكتورة ; انت شو بتقربلو، ،
يزن بخوف ;هوة منيح
الدكتورة ;اي منيح لاتخاف
تنفس يزن براحة وتطلع في الدكتورة شكرا الك دكتورة، ،،
الدكتورة ;ديمة اسمي ديمة، ،
يزن ;شكرا الك دكتورة ديمة يعني هوة صاحي، ،
ديمة ;اي لاتخاف مافيه البلا بس شويت جروح الحمدلله ع سلامتو، ،
يزن بابتسامة ;شكرا الك دكتور
ديمة ;اهلا سيد، ،
يزن ;اسمي يزن السيد وهاد كرتي، ،مدلها يزن الكرت لدكتورة هوة مابيعرف ليش هيك عمل بس تصرف بصبيانية شوي، ،
اخدت ديمة الكرت وقال ;شكرا
يزن ;العفو دكتورة، ،
مشيت ديمة ويزن لاحقها بعيونو ;مو معقول هل دكتورة شو حلو، ،احس شي ادخل شوف مازن، ،
دخل يزن عم مازن كان مازن صاحي بس كلو لزقات لجروح وعم يتطلع في يزن بعصبية، ،،
مازن ;والك عين تدخل كمان حميد ربك ماشتكيت عليك، ،
يزن بابتسامة ;هدينا برو والله مو محرزة
مازن ;اه صح مو محرزة هلئ برميك من الشباك وبقلك مو محرزة يزون، ،
يزن بابتسامة ;فداك شريك، ،صحي شفتلي هي الدكتورة الي عالجتك، ،
مازن ;اي شفتا والله حلوة بس مو نوعي المفضل، ،
يزن باعجاب ;لا ولو والله جمالها مميز، ،
مازن ;هلئ لانو شعرها احمر جمالها مميز، ،
يزن ;خلص حاج لعي قوم وصلك ع بيتك وروح ع الشركة لانو قامت لقيامة وصار لازمني تلج مشان حط ع وجهي لانو ورم من حنية حضرتك تقولي جحش وفلت، ،
مازن ;انت بلشت
يزن ;بس انت استفزيتني
مازن ;لانو عم تحكي ع تصويري مو حلو وانت بتعرف انو انا اكتر حدا بيعرف يعمل فوتغراف بلدنيا، ،
يزن ;خلص حقك علينا
مازن ;خلص سامحتك بس لانك ابن عمي
يزن ;كنت تزكر هل حكي قبل شوي وانت عم تطحن بوجهي
مازن ;اي شو انت عم عم تتفرج علي مثلا وانت كمان نازل فيني طحن، ،
يزن ;خلص صافي يالبن
مازن ;حليب ياقشطة، ،
يزن ;حبيبي، ،
لاتتفاجئو من علاقة مازن ويزن كلهن منفصمين اذا الكاتبة شخصيا معها انفصام ابطال روايتها كيف رح يكونو 😂
""""""""""
بعد شهرين، ،
طبعا زين طلع من المشفى وتعافى ورجع لشغلو ومبسوط كتير انو سما قدام عيونو وعشقانها كتير بس ماصارحها بمشاعرو،
بلنسبة لمسا بلشت تداوم بلجامعة وكانت عم تلتقي بوليد والين بس هية والين علاقتهن مو منيحة وطبعا ليلى ورغد معها خطوة بخطوة بلاضافة للمشاكل مع تسنيم ولانا، ،،
بلنسبة ليمان
كان مبسوط كتير انو علاقتو في زين كانت عم تصير اقوا وكونو صداقة قوية وبذكائو دخل بحيات زين وتقرب منو وعم يشوف سما ويطمن ابوه عن زين كل فترة وفترة، ،،،
بلنسبة لشبح كان الهدوء عندو غريب ومابيطمن كان ماعم يأتي باي حركة، ،وهل هدوء كان مخوف زين كتير، ،،
بلنسبة لا لجين قالت لرضا انها. رح تسافر لست شهور لترجع ورضا طبعا ماهتم لانو كان ملتهي مع جوري وولاده. استقرت لجين في بيت زين بحجة انو اهلا سافرو ومابقيلا حدا وطبعا دخلت ع حياتو باسم ياسمين وكانت يوم عن يوم عم تتعلق فيه بس ماكان يشوفا كتير كان ملتهي مع سما، ،،
اما اوس كان ك العادة بارد وبيكره البنات ومابيتحكا وهوة مستلم قضية مخدرات كبير وخطيرة وعم يشتغل عليها بدقة، ،
بلنسبة لامير كان متل ماهوة من بنت لبنت ولهلئ مالاقا البنت الي تأسرلو قلبو، ،،
اما قيصر كان مايخلي فرصة حتى يشوف ليلى، ،
وصهيب طلع من المشفى وخف وكان كتير مبسوط وخصوصي هوة شايف زين وسما قراب من بعض، ،،
اما قاسم كان يوم عن يوم عم ينطفي ع فراق سما وضميرو ماكان يهدا لانو قتل ابنو فراس، ،،،،
""""""
دخل زين ع مكتبو وهوة معصب، ،رفع سماعت التلفون ،،،بعتلي قهوة بسرعة واستدعي النقيب امير والمحققة ايفا لعندي بسرعة، ،،
بعد مدة قصيرة، ،وصلت القهوة عند زين وفتحو الباب ايفا وامير ودخلو، ،،
امير ;خير شبك بااعت ورانا، ،
زين ;مصيبة وطبت علينا
ايفا ;شو في، ،
زين ;المقدم طارق عساف، ،
بلع امير ريقو ;شبو
زين ;راجع ع الفرع اليوم يعني رح تبلش مسيرة البهادل فينا ونلقى اذا منلقى منو، ،،
امير: سكوت ومو بس هيك
زين ;شوفي كمان
امير ;خالتي عزيزة جاي زيارة لعنا، ،
زين ;شووو كملت معنا واكيد جايبة بنتها مرهم، ،
امير ;لك اموت واعرف حدا بيسمي بنتو مرهم
زين ;قال مشان تطيب لجروح
امير ;لك هي بتفتح لجروح لك انا كل مابطلع بوجها بجيني البكي
ايفا: اييي وين المهم ليش استدعيتني سيادتك، ،
زين بمسخرة ;مشان اتفرج ع طولك، ،
ايفا ;لو سمحت سيادتك خلي الكلام بينا بحدود
رجع زين كرسيه لورا وتطلع فيها وابتسم ورفعلا حواجبو ;والا، ،
كانت ايفا عم تطلع فيه قديش طالع حلو وغمازتو نرسمت ع خدو وعيونو العسلية الي بتعشقهن وصفنت فيه بوله، ،،
زين ;ماجاوبتي والى شو بتعملي، ،ولا شي لانك مو قدي ولارح تعملي شي انا برأيي نتسي هل عداوة الي بينا ونرجع اخوة ورفقة مو حلوة وانتي حاطة حدود بينا ايف بتعرفي انو زعلك غالي علي، ،،
ايفا نسيت كلشي صار وقلبها نط من مكانو وقت قلها ايف ;اوك موافقة بس بشرط، ،
زين ;امري ياحلوة
ايفا ;منطلع رحلة تخييم متل زمان كتير مشتهية، ،
زين ;اممم موافق
امير ;شوووو ولشو التخييم خلينا نروح ع البحر احلا، ،
زين ;بصراحة كمان فكرة حلوة ع كلاً بفكر وبردلكن خبر المسا، ،،
امير ;يلله انا رح روح ع البيت قبل ماتوصل خالتي وتستلمني ابني احسن منك وشبعرفني، ،،
ايفا ;صحي زين عمر ابن عمي رجع من السفر ورح يفتح شركتو بكرا
زين بعدم اهتمام ;يعني
ايفا ;يعني رح يعمل حفل افتتاح من الافضل تكون موجود، ،
زين ;بحاول
ايفا ;لا زينو بليز بليز مشاني تعال، ،
زين ;والله مابوعدك بس بحاول
ايفا بزعل ;طيب، ،،
ماهتم زين لزعل ايفا وكان بس بدو يخلص الدوام مشان يروح ع البيت يشوف سما، ،
"""""""""
بلجامعة كانو البنات قاعدين ووليد قاعد معهن والين قاعدة مع تسنيم ولانا، ،
سما ;ليك شو خاينة لك رافقت اعدائنا، ،
ليلى; ليكي ولي سما انا بلشت غار من هي الين
رغد ; شو بدك فيها تركيها متل الكلبة، ،،
وليد ;مبين عليها شربت حقد وغل منهن لشبعت ولا شو رأيك
سما ;برأيي مابتهمني لاهية ولا كلابها بس هي تسنيم ماعم طيقا، ،
ليلى ;ولا لانا ياااع
سما ;بصراحة لانا ماعم طيقا مشان اختها ايفا لا اكتر لانو مو مأثرة علي فاشلة مافيها تقهرني، ،،
رغد ;لك انا مجرد ماتحكي بتستفزني ع قد مو مايعة، ،
وليد ;بس والله انهن مزز، ،،
سما ; انت خراس شكلك نسيت شو صار فيك بلغابة وقت اجيت لعندي، ،
اختفت ابتسامة وليد وهوة عم يسترجع ذكرياتو مع هداك لنهار، ،،
فلاش باك، ،،،،،،،،،
صحي وليد وجسمو مكسر وحاسس بهوا بكل خلايا جسمو، ،فتح عيونو واخد نظرة ع المكان الي هوة فيه كلان قاعد بمستودع كبير وبارد بوظ فتح عيونو بصدمة وفزع، ،،انا وين، ،اخد نظرة على حالو مالاقا تيابو كان عاري الصدر ولابس بس شورط ، ،ولي انا مين شلحني، ،،
دخلت بنت نفس البنت الي راح لعندها بس كانت مختلفة تماما كانت لابسة بنطلون جلد وكنزة فوق البطن سودا وجاكيت جلد اسودك وبوط كعب ورافعة شعرها ديل حصان والمفاجئة انو شعرها اسود وكان بايدها كرباج، ،اهلين بلحلو والله، ،
وليد ; لك يابنت الحرام طلعتي زعيمة عصابة، ،
ليسا ; وقعت وماحدا سما عليك هههههه
وليد ;انتي مابتعرفي انا مين ترا، ،
ليسا ;اي منتعرف ماورانا شي،،انا ليسا وانت وليد، ،
وليد ;فكيني احسن الك وعطيني تيابي متت من البرد
ليسا ;انت رح تبقى هيك حتى اخد فدية ع راسك، ،
وليد ;لك صدقيني اذا بتحكي مع ابي مشان الفدية بيقلك خدي الي بدك ياه وخلصيني منو، ،،
ليسا ;ههههههه مومعقول شو مهضوم، ،
وليد ;يعني هلئ شو بدك، ،
ليسا ;بسيطة عشر الاف دولار وبخلي سبيلك، ،
وليد ;تمام رح اعطيكي رقم تصلي فيه، ،،
عطاها وليد رقم يمان اتصلت فيه وحكا معو وليد ويمان حول المصاري ع حساب ليسا وسلمتو وليد متل ماخلقو ربو بلاتياب نهائيا😂😂
يمان بنرفزة ;لك هي البنت الي طولها شبر ونص عملت معك هيك وشلحتك تيابك لعمى ضربك سودة وجهي، ،
وليد ;لك مابعرف شو شربتني وكان معها وحدة قالتلي انو هية امها، ،
يمان ;غبيييي احمد ربك انو دارينا ع هل فضيحة وماتكون مصورتك، ،
وليد ;يمان بيتهيئلي صورتني، ،
يمان بعصبية ;الله يعطيك العافية ياجحش الله يلعنك ما اجحشك، ،
وليسا بعتت الصور لوليد وبلشت تهددو وتسحب منو مصاري 😂😂
باك"""""""""
: وليد ;هوة كل ماصار شي بدك تنزكريني بنت الكلب فكرتا كيوت طلعت حرمية
سما ;هوة انت مابتوقع غير بلنور 😂😂
وليد ;صح اول شي لانو بعرفك ومافي نورية اكتر منك مافيكي جنس الانوثة، ،
سما ;تركتلك الانوثة الك لولي، ،،
ليلى ;بس بدي افهم جبهتك كيف متحملة لهلئ 😂
وليد ; هههه مهضومة مابك شي ذاتاً نورية متلها شو بدو يطلع منك، ،،
رغد ;فكك منهن لولي اصلا انت حلو وكيوت، ،
وليد ;يسعد دينك رور قوليلن، ،
رغد ;وبتشبه البنات 😂😂
وليد ;🙂🙂
ع طاولة تانية كانو قاعدين الين وتسنيم ولانا وعم يطلعو في سما بغل، ،،
الين ;حرمية خطافة رجال وانا الي كنت مفكرتا رفيقتي، ،
لانا ;اي مالها شهرين جاي اخدت زين من اختي ايفا، ،
تسنيم ;انتو تركولي ياها وانا رح اتصرف معها، ،
لانا ;شو رح تعملي
تسنيم ;رح نلبسها قضية دعارة طويلة عريضة بس خلوني احكي مع وسام وهوة رح يتصرف معها، ،
الين بخوف ;مو لهل درجة دعارة، ،
تسنيم ;شبك خريطتي من اولا اذا مابدك روحي لعندا
الين ;لا مو هيك بس يعني
لانا ;هلئ لاتبسبسي معنا ولا لا
الين ;خلص معكن
تسنيم بخبث;قشطة هههه
قامت سما لتمشي هية والصبايا لتنتبه عليها لانا، ،
لانا بخبث;خلينا نتسلا شوي، ،
قامت تسنيم ومشيت من حد سما ودفشتها بكتفها بقوة، ،اوبس ماشفتك
سما بعصبية ;اذا ماعم تطسي يفضل تنقلعي تقعدي في بيتك ماناقصنا عاهات نحنا، ،،
تسنيم ;الي هل حكي ولي
ليلى;لمين هي ولي
قامت لانا ;وانتي شو دخل امك
ليلى ;لااا هية وصلت لامي بمسح بعيلتك الاراضي وليك، ،
تسنيم ;علوا تخرسي انتي وماتداخلي نحن عم نحكي ع هي، ،،وومت بايديها ع سما بقرف، ،
سما والدم وصل لراسها ;ايه انتي جنيتي ع حالك، ،،وهجمت سما ع تسنيم ومسكتها من شعرها ورفستا ع بطنها وقعتها بلارض وقعدت فوقها ونزلت فيها وين مابيوجعها، ،،
بينما هجمت ليلى عم لانا ونزلت قتل فيها وصراخهون عبا الجامعة وناس عم تشجع تسنيم ولانا ناس ليلى وسما 😂
سما وهية فوق تسنيم، ،اي خدي هي وهي، ،وهية عم توجهلا لكمات ع وجها حتى تسنيم مسكت ايدها لسما وعضتها بقوة لتصرخ سما وصوتها يعبي الجمعة ;اااااخ يابنت العضاضة، ،
كان وليد عم يتفرج وفارط ضحك ورغد عم تحاول تفكهن من بعض بس ع الفاضي ،،،هجمت الين على ليلى ومسكتها من شعرها وشدتها لوا بقوة لتوقع ليلى ع الارض وتدعس الين في بطنها. بقوة صرخت ليلى بوجع ;بطنيييي
وقت شافت سما الين عم تضرب ليلى نترت تسنيم عنها وركضت ع الين وهووب عطتها روسية مرتبة خلت توزن الين يختل وتوقع بوجع، ،،نطت تسنيم على سما من وراها وتشعلقت بكتافها وقعتها ع الارض بحكم انو تسنيم اطول من سما 😂😂
وليد كان رح يقتل من الضحك ع منظرهن صار كل وحدة وجها خريطة، ،،
فجأة اجا المدير وصار يصرخ عليهن ;لحقوني ع غرفتي بسرعة ومشي قدامهن ومشيو وراه، ،،
""""""""""
دخل اوس عند صهيب، ،
اوس ;جدي مستدعين ولي امرهن لسما وليلى، ،،
صهيب ; ليش شوفي
اوس ;ك العادة مشاكل في الجامعة، ،،
صهيب ;خلي ابوك يروح
اوس ;ابي وعمي اغيد سافرو
صهيب ;طيب خود زين وروحو شوفو شو صاير، ،
اوس ;حاضر جدي
طلع اوس وتصل في زين ;وينك انت
زين ;بلفرع ليش
اوس ;لحقني ع الجامعة بسرعة
زين بفزع ;شوفي سما صايرلا شي
اوس ;ك العادة مشكلة وطالبين ولي امرهن الها ولا ليلى، ،
زين ;ماشي ماشي سكة الطريق، ،،
اوس ;سلم، ،وسكر التلفون وطلع ع الجامعة، ،،
""""""
بلجامعة وبغرفة المدير، ،
كانو البنات واقفين وموطايين راسهن وكل وحدة شعرا منكوش شكل واشكالهن بضحك، ،،
المدير ;انا مية مرة قلتلكون مابدي مشاكل بلجامعة وانتو مابدكن تفهمو وخصوصي سما وليلى وتسنيم عم تعملو مشاكل كتير، ،
سما ;هية بلشت ودفشتني
تسنيم ;لاكذابة وعندي شهود
ليلى ;شو رأيكن تخرسو انتي وشهودك الاغبياء متلك، ،
المدير بصريخ ;بكفي تعالو قعدو مكاني وصيرو مديرين بدالي قدامي عم تتخانقو شو هل مسخرة وع فكرة ليلى انت سجلك كبر اكتر شي ها، ،،
ليلى ;انا ماعملت شي شو اتركهن يقتلو بنت عمتي واتفرج يعني، ،
المدير ;في شي اسمو مدير فيكي تجي وتشتكي عليهن وانا باخد حقك وحقها، ،
سما ;نحن مامنستنى حدا ياخد حقنا مناخدو بايدنا، ،
المدير ;برابو سما عنجد برابو عنجد انك قليلة ادب، ،
سما بعصبية ;ليك الي ساعة ساكتلك بس توصل معك تغلط بتربايتي بورجيك الوجه التاني، ،
المدير بصدمة ;شو يعني بتضربيني ولي
: سما ;والله كلشي وارد، ،
جن جنانو للمدير من كلام سما. المستفز وكان رح ينفجر عليها، ،حتى نفتح الباب ودخلو اوس وزين ووراهن ايفا ويزن وامها لتسنيم، ،،
المدير وهوة عم يرحب في زين واوس ;اهلين سيادتكون نورتونا، ،
مدام رولا امها لتسنيم ;شو كانو قلة زوق ترحب فيهن قبلي، ،
المدير ;مدام رولا بنتك عم تعمل مشاكل كتير واخدت انذارات كتيرة وماعم تفهم عم تبقى تعمل مشاكل، ،،
زين بتجاهل لرولا ; شو في ليش باعت ورانا، ،
المدير ;سيادتك سما وليلى عم يعملو مشاكل وسما عم تتمادا علي كتير وحتى صارت تقلل ادب معي، ،
اوس ;يعني
المدير ;يعني ليلى والصبايا رح نعطيهن انذار اخير بس سما رح افصلها، ،
زين ;وليش رح تفصلها
المدير ;عم تقلل ادب سيادتك وعم تطاول علي امس ضربت الاستاذ كف مابيصير هيك، ،
زين تطلع في سما ;بيصير تضربي الاستاذ
سما ;هوة قليلي زوق وقلي تفي بوجهي اذا نجحتي
يزن ;هلئ شو صاير حضرت المدير شو عملت الين، ،
تطلع سما في يزن وهوة كان عم يتطلع فيها بعيون عم تلمع، ،لاحظ زين نظرات يزن لسما وغار ; اي حضرت المدير مشيها هل مرة مسحا بدقني، ،
المدير ;بس كرمال سيادتك هل مرة، ،
سما ;لاخلي يفصلني مابدي تنمسح بدقن حدا انا ماغلطت، ،
زين وهوة عم يطلع في سما ;سماااا
سما ;اي شبك كلهن كفين تلاتة، ،
زين قرب منها ;شوهتي البنت
سما ;المطلوب، ،
زين ;اعتذري وفضوها سيرة
رولا ;بيكون افضل اذا اعتذرة من بنتي مشان ما اشتكي عليها، ،
زين لرولا ;مو لصالحك تشتكي مدام رولا خلي بنتك تعتذر قبل لانو هية لتحركشتا، ،
تسنيم ;انا مابعتذر من حدا، ،
ايفا ;وسما رح تعتذر من اختي كمان، ،
سما ;شو رأيكن بوس ايديهن كمان مشان يسامحوني، ،
مدت تسنيم ايدها باستفزاز ;بيصير بوسي
جنت سما وهجمت ع تسنيم ليمسكها زين من ورا ضهرا ويرفعها عن الارض ;بس يامشكجلية، ،
سما باندفاع ;مو سامعها
ليلى بقهر ;نزلي ايدك مشان ماحطها بمكان مابيعجبك
اوس ;لييييلىىى
ليلى ;اي مو شايفها شو عم تحكي
زين وهوة حاضن سما ورافعها عن الارض ; نحن رح نمشي حضرت المدير، ،
المدير ;بس
زين ;بعدون منتفاهم، ،
المدير ;بتأمر سيادتك، ،
مسك اوس ايد ليلى وشدها لبرة بينما زين بقي حاضن سما ورافعها عن الارض ومشي فيها تحت انظار الكل، ،
كان يزن رح يفقع من قهرو وايفا حالها من حال يزن، ،،
المدير ;خلص فضوها سيرة وماعاد بدنا مشاكل، ،
رولا ;بس ما اعتذرو من بنتي
المدير ;مدام رولا انتي بدك تتسكر جامعتي شي، ،
رولا ;ليش
المدير ;هاد زين المالك عندو استطاعة يقفل الجامعة كلها، ،
يزن بغيظ ;بس هيك بيكون عم يخالف القانون
المدير ;لك انت شو عم تحكي اذا هوة القانون بذات نفسو، ،
يزن ;هيك صارت الدنيا كلها بلوسطة، ،
المدير ;لو سمحت سيد يزن خود اختك وامشي، ،
يزن ;ايه شو عليه بمشي، ،ومسك الين من ايدها وجرها وراه ليطلعو كلهن من المكتب، ،
قعد المدير وحلحل غرافتو ;وليي والله انو بيخوف (قصدو ع زين )
""""""""
كان زين اسا حاضن سما وماشي فيها وهية عم تصرخ عليه ;لك شبك يازلمة نزلني والله مارح اهرب، ،
زين ; بس انا مبسوط هيك
سما ;وانا مو مبسوطة
نزلها زين وفتلها لعندو وحط عيونو بعيونها ;كذابة
سما ;انت شو عم تحكي
زين ;عم قول انك طايرة من الفرحة مو بس مبسوطة، ،
سما ;لك انت منين جايب هل غرور، ،
زين ;تعلمتو منك لانو مابظن في حدا مغرور اكتر منك، ،
: نترت سما شعرها لورا بغرور ;بس بيطلعلي مو، ،
زين ;اذا انتي ماطلعلك مين بدو يطلعلو، ،
خجلت سما ;ايي خلينا نمشي اصلا منيح فصلنا من الجامعة اسبوع (نسيت قلكون العقاب انو فصلهن المدير اسبوع من الجامعة 😂🙂)
زين ;ومبسوطة انك نفصلتي اسبوع، ،
سما ;اي منغير جو صح ليلى، ،
ليلى;صح الصح والله
سما ;لكن فكريلنا برحلة حلوة، ،
زين لسما ;لا انتي رح تفكري برحلة، ،
سما ;امممم ع البحر، ،
زين ;اوك موافق، ،
سما ;شكرا زينو ،،وصارو عيونها هيك 🥹،،،
زين بقلبو ;يلعن عمري عيونها ما احلاهن لك هي بدها تموتني بحلاوتها وشقاوتها ماعم تعرف شلون، ،
ليجي من وراه صوت ايفا يقطع عليه اللحظة ;مو ع اساس نروح رحلة تخييم، ،
زين ;اه ايفا منبدلها بلبحر احلا شو بدنا بلتخييم هلئ الساحل احلا صح اوس:
اوس ;انا مارح روح، ،
زين لاوس;يازلمة قديشك كئيب
سما ;لا رح يروح، ،
زين ;ليكها ستلمتك مارح تخلص من لسانها، ،
مدت سما لسانها لزين وصارت تجاكرو ;
زين بقلبو ;ياما نفسي اقص هاللسان ،،
ايفا ;لكن موافقة منروح ع البحر، ،
سما بغيرة ;وانتي شو دخلك هية رحلة عائلية شو جاي تعملي بينا، ،
زين لسما ;خلص سما رح تروح معنا ايفا منتسلا ولوو، ،
سما بقلبها ;يقطع عمرها ما اغلظها بكلشي بدها تندحش، ،
زين ;يلله خلينا نروح ع البيت نجهز الشناتي مشان نطلع، ،وتطلع في وليد ;صحي انت جاي معنا، ،
وليد بفرح ; بربك اي منتسلا
زين ; مشان الصبايا بس بشوفهن صحاب معك، ،
سما ;زيييين
زين ;اي شو حكينا ولو، ،
رغد ;حاج لعي وخلينا ننقلع دوبني جهز شنتايتي لانو رح اخد معي تياب كتير، ،
اوس ;الله يعيني عليكي بس، ،،
رغد ;اي اخي ساحل واسبوع يعني بدي مرطبات وكريمات ولبس بحر وهيك، ،
زين ;خلصوني طلعو، ،
طلعو الصبايا بسيارة اوس وزين وسما طلعو بسيارتو لحالهن، ،،،،
كانت سما متوترة كتير وخجلانة انو طالعة مع زين وزين عم يراقبها ويطلع فيها نظرات جريئة عم تفصل ملامح وجها بدقة، ،،
سما بخجل ;اييي حاج تطلع فيني هيك
زين بخبث;كيف يعني هيك
سما ;حاج تطلع فيي وبس
زين ;ليش عم اقدر بعد عيوني عنك، ،،
سما ;وليش بقى
زين بحب ; مابدك تحني علي يعني طلعتي لئيمة ها، ،
سما ببراءة ;ليش انا شو عملتلك ليكني قاعدة عاقلة، ،،
زين بوله ;هوة انا ماقلتلك اني عشقان بنت وكتير، ،
سما فهمت قصدو بس عم تغشم حالها، ،;اي وانا شو دخلني
زين ;برأيك كيف اعترفلها بمشاعري، ،
سما ;قلها انك بتحبها
زين بحب ;بحبك، ،،
سما بخبث ;اي هيك قلها
زين بنرفزة ;اه هوة ماقلتلك انها غبية ومستفزة ومابدها تفهم علي، ،،
سما قربت لعندو وتطلعت بعيونو ; خليك عم تعترفلها بمشاعرك حتى تفهم بيجوز عم تدلل، ،
زين وهوة صافن فيا: اكيد عم تدلل، ،،
سما ;لكن تطلع قدامك لاتروحنا بحادث، ،
صحي زين ع حالو وتطلع ع الطريق قدامو، ،
سما ;شغلنا شي نسمعو، ،
: وصل زين التلفون ع المسجل تبع السيارة وشغل اغنية يا اميرتي ياجميلتي ، ،،
تطلعت فيه سما ورجعت تطلع من الشباك تبع السيارة وتبتسم وهوة عم يطلع فيها بعشق، ،وعم يسمعو الغنية، ،
_"""""
_ياحور عينن_
_قد اكتفيت من العذاب_
*الله رحيم فكيف انتي لاترحمي،،*
_سؤالي انتي وانت الرد والجواب، ،_
_حني على قلبي قد بات مغرم، ،_
_يا اميرتي ياجميلتي، ،_
_يا سيدة كل النساء_
_لاتتركيني بوحدتي، ،_
_فلأبتعاد عنك ابتلاء_
_يصعب على تحملي، ،_
_وحان وقت الانتهاء، ،_
_سأكون معك برغبتي
_
_وكما مولاتي تشاء، ،♥️_ ✨_
"""""
تطلعت سما في زين بعيون عم تبرق وهامت بتفاصيل وجهو، ،
ليتبسم زين ابتسامة جانبية) ; عجبتك مو
سما بشرود ; من زمان كمان
تطلع بعيونها زين وهام ببحر عيونها ليهمس ; عيونك بحر وانا عم اغرق فيهم، ،
سما بخجل ; تطلع قدامك لا تروحنا
ضحك زين على خجلها وحول نظره لقدام وهوة مبتسم، ،،
"""""""""يتبع