حالة عشق - الفصل 12 - بقلم هذيان الصمت - مكتملة | روايتك

الجزء 12 بغرفة لياج جسوف جالس على السرير و هو يناظر لياج اللي جالسة جنبه جسوف : و هم انتي مو لابسة بهالبرد لياج بصوت انثوي متغير : اهـــــئ انا , لابسة و انا بالبيت انت موب لابس كانت لابسة بجامة بنطلون اخضر قطني مع تيشرت قطني اخضر فاتح بأكمام طويلة جسوف : ما خطر ببالي البس كنت مهتم اجيج بسرعة و مد يده مسك معصمها و شدها له و هو يقربها منه تقربت بخجل لما طوق خصرها بيد و الثانية يرفع غرتها و هو يناظرها و بهمس يوتر : اسوي اي شي و ما اشوف دموعج لياج توترت و هي قريبة منه رفعت نظرها له ناظرت عينه و بهمس انثوي : ليش ما قلت الى امي الحقيقة جسوف و هو يرفع خصلات غرتها : قلت لج من قبل لا تذكري هالشي بتحسس لانه مو صدق و يمكن ينفهم الموضوع غلط و لنا الحرية في اسرارنا و كل امورنا و كنت اقدر اقولج من البداية مثل ما قلت الى امج و اخبي ان ابوج جاني بس لاني ابيج تعرفي كل شي و ما ابي ابني حياتنا على شي متخبي فرضا عرفتيه بعدين بتقولي ما قلت لي و خبيت عني و خدعتني و اساسا الشي نهائيا ما يزعج لاني ابيج قبل كل شي لياج نزلت نظرها الى صدره عن عينه جسوف : تضايقتي ؟ لياج سكتت و ما عرفت ترد ( رغم انه يعرف انها تكيفت معاه و بدأت تتعود بتصرفاتها معاه ) جسوف يركز بعينها و بهمس : يعني للحين ما تبيني و منتي متقبلتني لياج و عينها تحت : مو جذي جسوف خلا اصابعه على ذقنها و رفع راسها جسوف بهمس يوتر : عجل شنو لياج انحرجت منه و من نظرته و نزلت نظرها بحيا جسوف : هههههه يا حلات حياج مني يا خجولة لياج انحرجت زيادة تحركت تبي تقوم مسكها و هو يشدها جسوف : هههههه بس خلاص لياج بحيا : انت تحب تحرجني دايم ( و هي تتجاهل وجهه و تناظر جهة الجدار ) جسوف بهمس و ضحكة : افاا الحين تناظري الجدار و ما تناظريني اجمل مني مثلا لياج حطت يدها على جبينها و هي تضحك بخفة على كلامه جسوف : ههههه ما ادري عنج تناظريه و انا هنا موجود لياج بابتسامة حيا : جسوووف خلاص جسوف : ههههه طيب طيب خلاص و بعدين انا وش قلت احبج و ابيج تناظريني لياج بحيا و بخجل تحركت جسوف مسكها بسرعة و هو يقول : طيب خلاص جد جد اخذ جوالها ابتسمت و هي تناظره جسوف بابتسامة : راح ارسل لج صوره و ثبتيها خلفية لياج بابتسامة : و هي شنو جسوف و عينه على جواله : راح تثبتيها على طول لياج ناظرت جواله و شافت صورته راح يرسلها له لياج بابتسامة : لا بذمتك لا تحرجني اشلون اثبتها جسوف : ههههه طيب انتي جربي راح ارسلها و اروح لاني تأخرت جسوف جاه فضول يشوف شنو جسلت اسمه انصدم لما شاف اسمه ( ج ) بدون ما يناظرها نزل الجوال جنبه على السرير و قام واقف بيمشي لياج من لاحظت هدوء ملامحه و نزل الجوال عرفت انه شاف اسمه بالجوال وقفت معاه لياج بهمس : شفيك جسوف ما يناظرها و هو يتحرك بيمشي : تأخرت راح اروح لياج بسرعة وقفت قربه و هي تناظره و بصوت انثوي : جسوف الله يخليك لا تزعل مني و ربي انا نسيت اغير الاسم جسوف يتحرك و بهدوء و زعل و عتب : مو مشكلة لو تمسحي الرقم من الاساس لياج تقربت منه حطت راسها على صدره و مسكت خصره و بهمس : لا تروح جسوف جسوف وقف بهدوء لياج دفنت راسها اكثر بصدره و همست بصوت رقيق : اذا بتروح اول خذني بحظنك جسوف من تكلمت غمض عيونه من صوتها الناعم اللي ضرب سمعه و كلامها و معناه و عطرها اللي حرك قلبه لياج و ضربات قلبها تزيد و بصوت هامس : لا تزعل جسوف من غير شعور نزل راسه و لامس شفاتها برقة لياج بهمس انثوي : آسفة جسوف همس ببحة : احبج بعد فترة طلع جسوف من بيت لياج وصل البيت دخل غرفته و اتصل الى لياج لياج ردت بهدوء و خجل : هلا جسوف ببحة : احبج تعرفي يعني شنو احبج لياج سكتت و ضربات قلبها ترتفع جسوف : حتى لو ما سمعت صوتج انفاسج توصل لي مع ضربات قلبج لياج تتنفس بهدوء و هي تحاول تهدأ جسوف بصوت يوتر : تعرفي اني ما توقعت ان اللي بتاخذ قلبي بنوتة بنت 17 سنة لياج سكتت مو عارفة ترد جسوف بابتسامة : لياج عمري بتمي ساكتة لياج بخجل تام : جسوف ( و سكت ) جسوف ببحة : عمره و روحه و كل شي بحياته لياج بحيا : جسوف تصبح على خير جسوف بنبرة خاصة : طيب احبج لياج بهمس : راح اسكر جسوف بإحساس : احبج لياج ساكته بهدوء جسوف بابتسامة : طيب تصبحي على حب لياج بهمس : و انت من اهل ( و سكتت استحت تقول و انت من اهل الحب ) جسوف : و مو اي حب حب جسوف طيب لياج بحيا : مع السلامة و سكرت جسوف ابتسم عليها و هو يتذكر خجلها منه ،/:"’,.|’,.،/:"’,. بعد يومين لهيب استلم مع الراتب مبلغ ثاني استفسر عن الموضوع انقال له عن المبلغ الاضافي و سالفته عرف ان إنمار ارسلته مع راتبه علشان تجبره ياخذه فصل الراتب الاصلي و بعثه لصدقات الفقراء اخذ المبلغ اللي هي اضافته و صعد وقف عند الغرفة و ضرب الباب إنمار بجينز ازرق مايل الى الاخضر و قميص اخضر غامق و اكسسوارات مع بوت طويل و شعرها مرول بشكل حلو كانت تستعد بتطلع فتحت الباب شافته واقف يناظرها انمار و هي تبعد خصلات شعرها عن وجهها : نعم لهيب تقرب مسك يدها و حط الظرف استغربت منه لهيب بنبرة رجولية : سبق و قلت لج ما له داعي اذا منتي محتاجتها تبرعي فيها للمحتاجين و تركها و راح استغربت منه و من كلامه " يمسك يدي ! يرجع المبلغ ؟ و يقول لي اتبرع للمحتاجين ! وش قصده مو هو اساسا محتاج و فوق كل هذا المبلغ حقه ! هذا اشلون يتصرف جذي و يكلمني بهالاسلوب ما يبيها بكيفه " دخلت الغرفة بدون اهتمام كبير رمت الظرف على الطاولة باهمال و اخذت شنطتها بتطلع الام و هي تبرد اظافرها : على فكرة البيت جهز و خلال يومين راح نروح وقفت إنمار و ناظرتها : اوكي الام و هي تناظر اظافرها : و راح نعين سواق بدل السواق اللي سافر إنمار تحط نظارتها على شعرها : قصدج راح تعيني سواق لج مو لي لاني ما ابي سواق الام قامت بقهر : اسمعيني عاد يا بنت ابوج تطلعي بكيفج و ترجعي وقت ما تحبي و مخليتج على كيفج طلعات و جيات و ما احاسبج على اضخم الامور و ابسطها إنمار تسمعها بملل الام تواصل قهرها : إلا سالفة السواق انتي تبي تفشلينا عند الناس بنت فلانة بدون سواق و لا تقعدي تخرفي علي سيارتي ما سيارتي و لا تعيدي علي سالفة السواق اللي قبل طفشتيه لين قال بس و الله ثم و الله لا اتعامل معاج بأسلوب ثاني خلي امورنا و تعاملنا بالبيت و برى البيت خلينا محترمين مرتفعين إنمار ما اهتمت لكلام الام كثير و هي من قبل تروح مع السواق بأمر من امها إنمار بعدم اهتمام : عندج اي اوامر ثانية الام بعصبية : تتمسخري حضرتج يا عديمة السنع إنمار بحدة : ما ادري عنج و عن اوامرج مو انتي تاركتني براحتي بكل شي خليني اسوي اللي ابي الام بأصرار : كل اللي تبينه تسويه و ماني مهتمة إلا تحرجيني عند الناس و السواق راح تروحي و ترجعي معاه إنمار تركت الغرفة و طلعت بقهر .،’*~.،’*~.،’*~.،’*~.،’*~.،’*~.� �’*~.،’*~ بالمطبخ طارق واقف مع مزون تفصل بينهم و بين البقية الطاولة اللي عليها الهاتف لان هالزاوية للهاتف و للي يرد عليه و مساعده اللي يطلب الطلبات و يعطيها الزميل الثاني طارق طلب من مدير الفندق هالشي علشان تتم مزون معاه هو يرد على الهاتف و يكتب بالورقة تاخذ الورقة مزون تلف لزميلتها جميلة اللي وراها تاخذ الصينية و تعطيه زميلها اللي يرسل دخل لهيب المطبخ تقرب علشان ياخذ اذا كان في طلب رن الهاتف طارق بهدوء : مطبخ الفندق اي طلب ؟ البنت بدلع : هلاا اممم بغيت توصيل لوو سمحت طارق ابتسم على صوتها : آمري شنو طلباتج البنت قالت طلبها و رقم الغرفة و طارق يبتسم طارق : ان شاء الله دقايق و يوصل الطلب سكر السماعة و هو يكتب و مزون تاخذ الورقة بتوصلها لزميلتها و هي واقفة جنب طارق نادر بلعانة : افااا طرووق وش تسوي ( طالع مزون ) شوفيه اشلون يتبسم مع الزباين متأكد اللي طلبت بنت افاا ما هقيتها منك طرووق جنبك خطيبتك و تسوي جذي مزون ابتسمت و طالعت طارق طارق يناظر نادر و بضحكة : اننا لله و انا اليه راجعون مزون مدت الصينية الى لهيب مزون بابتسامة : تفضل لهيب بابتسامة صغيرة و ود : شكرا و ناظر نادر لهيب : امش معاي احسن لك و فكهم من شرك طلع نادر مع لهيب و هو يضحك مزون ناظرت طارق و هي قريبة منه طارق ناظرها بابتسامة مزون بنعومة و شبح ابتسامه : ليش تتبسم و انت تكلم طارق بابتسامة عريضة : افاا حرام عليج انا طارق مزون بابتسامة : لا تبتسم مع اي بنت طارق بابتسامة : على هالخشم تآمريني مزون بشبه ابتسامة و تمثيل انها معصبة : و بعدين ليش تقول لها آمري طارق مبتسم : و ربي مو قصدي ما اعيدها خلاص جات جميلة و اعطت مزون ورقة و طارق يناظر مزون بتأمل جميلة : هالطلبات للجلسات و لان الطلبات جاهزة اخذتها مزون من زميلتها اللي وراها و اعطتها جميلة جميلة : ثاانكس و طارق للحين يناظر مزون راحت جميلة مزون ناظرت طارق بعدها ناظرت الطباخين بالزاوية الثانية عرفت انه يناظرها طول الوقت فظلت ساكته بحيا طارق بابتسامة و بهمس : ناظريني لا تناظري غيري مزون بحيا و همس : طارق بلاه مزحك الحين طارق :هههههه طيب خلاص ناظريني بغيتج بموضوع مزون ناظرته : شنوو طارق مبتسم : و لا شي ( بس علشان تناظره ) مزون ناظرت قدام منه و من حركاته...... دخلت لياج المطبخ بلبسها المعتاد شعرها سايح بنعومه مع غرتها على جنب فاتحة اول زرار من القميص دخل لهيب لهيب و هو يعطي الورقة مزون : تفضلي مزون اخذت الورقة و هي تسولف مع لياج و اعطتها زميلتها علشان تاخذ الطلب دخلت بنت بلباس المضيفين و قالت : السلام عليكم لياج و مزون التفتوا للصوت و ناظروا الباب بصدمة مزون و لياج : رتاج رتاج بابتسامة : و اخيرا رجعت شخباركم تقدمت لياج و مزون بفرح و هم يسلمون على رتاج لياج بفرح : شخبارج وحشتينااا مووت رتاج بابتسامة : انا تمام انتوا شخباركم مزون بفرح : و ربي وحشتينااا وينج صار لج فترة لياج تحسب رتاج : تعاالي قولي لنا كل شي جلسوا قريب من الطاولة مزون : ليش ما قلتي لنا انج رجعتي و بدأتي دوام رتاج بابتسامة : حبيتها مفاجأة لكم جميعا لياج : و عسى استانستوا بالسفرة رتاج : امممم لا بأس بها وناسة بس ناقصة بدونكم معاي مزون : قولي لنا شخبارج اشلون امورج رتاج : كل شي تمام انتوا شخباركم لياج بابتسامة : احنا كل شي تمام و على فكرة مزون انخطبت رتاج بفرح : احلفي و الله صدق لياج : انخطبت على طارق زميلنا رتاج بفرح : صدق و الله مبروووك الف مبروووك لياج : و قبل ايام صارت ملجتهم رتاج بفرح : الف مبرووك مزون تستاهلي الله يهنيكم مزون بابتسامة : الله يبارك فيج و عقبالج لياج : ياااي و اخيرا رجعتي مكانج فااضي مزون : و اللله صدق فقدناج و فقدنا راسيل و كملوا سوالف و اخبار ( رتاج صديقتهم الرابعة كانت معاهم بالفندق و بعدها اخذت اجازة سفر سافرت و رجعت تدوام مرة ثانية ... عمرها 19 سنة شعرها الى ربع الظهر بني غامق ابوها و امها متوفين و عايشة مع عمها و عمتها ) يميزها حركة شعرها الدائمة اللي نادرا ما تغيرها بالجهة الثانية عند الشباب طارق بهمس : اشلونك لهيب بضيق : طيب طارق : طيب !؟ و الضيق الدنيا باين فيك لهيب بتنهيدة : خلها على الله يا خوك طارق بهدوء : شفتها لهيب ابتسم : اي بكذا موقف طارق مبتسم بفرح : طيب بشارة خير يعني في تطور لهيب : لا ويني وين التطور باقي لي مشوار طارق : يا خوك نصحتك من قبل بدل هالتعب لهيب : لا ما يصلح معاها ابي كل شي تمام طارق بابتسامة : و بتتحمل عذاب الحب لهيب ناظر مزون و ناظر طارق و بابتسامة : الله يعينها عليك كل شي عندك بسرعة طارق بابتسامة : غض نظرك احسن لك نادر وقف جنب لهيب و بفضول : تتكلمون عن شنو لهيب ناظر طارق : جاك المحقق طارق بضحكة : شيله معاك و اللي يعافيك لياج و مزون يسولفون نادر ناظر مزون و ناظر طارق و بلعانه و مزح : و ربي البنت ظلموها معاك خسارة صغيرة ( و هو يهز راسه يمين و يسار ) : و ربي حرام تنظلم معاك لهيب ما قدر يتحمل : ههههههههههه طارق بضحكة : نادر روح عني و اسلم بعمرك لا اشوتك برى المطبخ لهيب بضحكة : خله عنك و خبرني عن اخبارك ـ~’,.ـ~’,.ـ~’,.ـ~’,. سرمد بالدوام و هو يفكر براسيل قطع تفكيره جواله يرن ابتسم ابتسامة عريضة وهو يرد : هلا حبيبتي مشتاق لج موت انحرجت راسيل و بهدوء : هلا سرمد شخبارك سرمد بهمس : مشتاق لج و الشوق ذابحني راسيل بجرأة و همس : و هم انا مشتاقة لك و ابي اشوفك سرمد طلع قلبه من كلامها و بحب : اجيج الحين حبيبتي مسافة الطريق راسيل بسرعة : لا خلك بدوامك بس بغيت اخبرك اذا كملت دوام اتصل فيني ابيك بموضوع ضروري سرمد : قولي الحين عمري ما فيني اصبر رغم اني ابي اشوفج راسيل : ما ينقال عالجوال سرمد : انتظريني دقايق و جايج راسيل : لا خلك بدوامك اذا انتهى الدوام كلمني علشان اشوفك سرمد بحب : بالدقيقة اللي تنتهي الدوام فيها بتلاقيني على باب بيتكم راسيل بابتسامة : طيب لا تسرع و انتبه لنفسك سرمد : ديري بالج على نفسج و على قلبج تراني فيه راسيل : ههههههه اوكي سرمد : هههه اشفيج تضحكي مو اللي قلته صحيح راسيل بهمس : صحيح و نص .,،*-""-*،,..,،*-" "-*،,..,،*-""-*،,. بالمطبخ و الكل قايم بشغله : السلام عليكم الكل سكتوا و التفتوا للصوت و ردوا : و عليكم السلام , هلا استاذ , و عليكم السلام و الرحمه جسوف دخل مع ابو نايف طارق و جنبه مزون قدامهم لياج و رتاج جنبها لهيب و جنبه نادر و البقية متوزعين على زواية المطبخ ام لياج على طول ناظرت لياج اللي مستحية و منزلة راسها جسوف بابتسامة للكل : الله يعطيكم العافية , شخباركم عساكم طيبين الكل ما عدا لياج : الله يعافيك , طيبين ، طاب حالك , انت شخبارك استاذ لياج مستحية و منزلة راسها للحين جسوف بابتسامة : انا طيب ان كنتوا انتو طيبين الله يعافيكم كملوا شغلكم الكل كمل شغله و جسوف واقف مع ابو نايف يتكلمون مع بعض عن بعض الشغل و بدأ الشغل بالاستمرار شاب طالع و بنت داخلة بنت تساعد الطباخين و شاب داخل بصحون و ملاعق و الهاتف يرن و يرد عليه طارق و كل هذا و جسوف مع ابو نايف بالوسط يتكلمون عن الشغل لياج بالصدفة ناظرت جسوف لقته يتكلم مع ابو نايف تلاقت عينه مع عينها و بسرعة نزلت نظرها و بدون شعور رفعت يدها على زر القميص الثاني لقته مسكر مزون بهمس : رتاج هذا الاستاذ جسوف مالك الفندق رتاج : اهااا مزون : كل فترة يجي يشيك على كل شي و طيب عكس صاحبه القديم رتاج : على الاقل اهون من ذاك الغثيث لهيب و بيده الصينية : شكله طيب و خلوق طارق بابتسامة : و فوق ما تتصور ـ~’,.ـ~’,.ـ~’,.ـ~’,. و بعد فترة لهيب و هو يقدم طلب بالجلسات شاف إنمار داخلة الفندق تمشي انقهر بشدة على مظهرها إنمار لما طلعت من الفندق راحت الجامعة و بعد الجامعة خطر على بالها تروح الصالون راحت و غيرت صبغة شعرها صبغت شعرها ثلجي و قصته لين كتفها مشت راحت جهة الدرج و هي تصعد مشى للمطبخ و هو يحس بالقهر " تتصرف على كيفها الاخت تروح و ترجع و تسوي اللي تبي طيب يا إنمار " و بالمطبخ لياج بهمس : رتاج مزون راسيل على الجوال تعالوا نكلمها رتاج بضحكة : امشوا بسرعة نكلمها تكلموا معاها و اخذوا آخر اخبارها و اخذت اخبارهم و اتفقوا يجتمعون قريب ×ـ.×ـ.×ـ.×ـ.×ـ.×ـ.×ـ. أنمار دخلت الغرفة الام ناظرتها و ما اهتمت تعلق او حتى تكلمها لانها غيرت صبغة شعرها الى هذا لون كملت تناظر المجلة اللي بيدها و هي تقول : جهزي نفسج باجر احنا رايحين البيت إنمار و هي تنزل شنطتها و بدون اهتمام : اوكي الام و هي تغير المجلة بمجلة ثانية : و راح اشوف مسألة السواق بأسرع وقت و اعين لنا واحد إنمار و هي تمشي بتاخذ شور : بكيفج ×ـ.×ـ.×ـ.×ـ.×ـ.×ـ.×ـ. لهيب دخل المطبخ و اعطى مزون الصينية و باله مشغول دخلت رتاج و اعطت مزون ورقة الطلبات لفت مزون و هي توصي اللي وراها بالطلب علشان تاخذه رتاج طارق : شفيك لهيب بدون نفس : ما فيني شي طارق بابتسامة : الله يعينك لهيب ابتسم : الله يكون بعون الجميع رن جوال الهاتف و رد عليه طارق تكلم مع صاحب الطلب و سكر اعطت مزون جميلة رتاج و راحت طارق : قهوة سادة لغرفة 000 وصت عليها مزون لياج تقربت و اخذت الصينية من مزون لانه طلب لغرفة جسوف لياج بابتسامة الى لهيب : راح آخذ الطلب و خلك سرحان لهيب انتبه : هلا طارق بابتسامة : لياج اخذي الطلب بداله تعبان اليوم لهيب و هو يناظر لياج : شكرا لياج راحت بابتسامة لياج راحت غرفة جسوف ضربت الباب بخفة و هي مستحية بس لانها تعرف لو ما وصلت الطلب لغرفته بيزعل جسوف فتح الباب و هو مبتسم ابتسمت و ناظرته و بهمس : اخذ القهوة راح اروح جسوف : ادخلي ما راح تتأخري دخلت و هو سكر الباب ناظرته و بيدها الصينية لياج بنبرة ناعمة : ليش دايم تطلب قهوة ترى كثرتها مضرة جسوف استغل ان الصينية للحين بيدها يعني ما تقدر تتحرك تقرب منها و نزل راسه لراسها و بهمس : تخافي علي لياج ارتبكت من قربه منها و من صوته ما عرفت ترد و هي تحس بانفاسه على وجهها و هي منزلة راسها جسوف بهمس رجولي : ناظريني رفعي عينج و ناظريني لياج بتوتر و ارتباك : جـ جسوف اخذ القهوة راح اروح جسوف مد يده لزر القميص الثاني بدون ما يفتحه و بصوت يوتر : لا تتوتري مني اكثر من اللازم لدرجة تحسسي زر قميصج كل شوي لياج بهمس خجول : عنــ عندي شغل ابي اروح جسوف : طيب بلاه كل هالخجل مني لياج تحركت بحياء شديد رجعت على ورى صدم ظهرها بالجدار جسوف تقرب منها بسرعة : تألمتي حبيبتي لياج رفعت راسها و ناظرته و بصوت ناعم : لا جسوف بنظرة خاصة : لو خطبتج بتوافقي لياج ابتسمت بحيا تبي تتحرك من قدامه بس هو ملاصق لها جسوف بابتسامة : لا جد جاوبيني لياج الصينية بيدها تتحرك : جسوف الصينية بتطيح مني ( لانها تبي ياخذ القهوة علشان تروح ) و هي تنزل راسها و تتحاشى عينه جسوف اقترب اكثر من قبل مسك الصينية و نزلها على الطاولة و هو ملاصق لها حط يدينه على الجدار بجانب خصرها حصرها بدون ما يلمسها صار نحره ملاصق بجبينها و هي مصرة تنزل راسها عنه جسوف ببحة واضحة : ناظريني لياج لياج ساكته مو قادرة تتكلم مو قادرة ترفع راسها و هي تحس بياقة قميصه مع جبينها لانها من كثر ما تبي تنزل راسها ظل جبينها ملاصق لنحره و هي تشم عطرة الرجولي توترت اكثر جسوف بهمس : لياج اذا ما رفعتي راسج و ناظرتيني بيصير شي ما تخجلي منه إلا انتي انتهى الجزء 12