الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غارقة.في.خيالي.tt ♥️*
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
غـــارقــة فــي خــيـالــي 😴💗
= الــجـــزء الأول 🫰🏻
= بقلم: هناء رغفان 🫶🏻🫀
واقفة ع مرايتها بعد ما نتهت من تسريح شعرها
صفنت بملامحها وجهها شوي
عيونها رمادي وجهها أبيض رموشها طوال وسود انفها صغير وخدودها كبار وحلوين
شعرها حرير أسود طول لأخر ضهرها
بتسمت لحالها ع المرآية وسرحت ب خيالها بفارس أحلامهاا الخيالي أو بلأصح الشخص المجهول يلي بتحلم فيه كل يوم وكل ساعة وكل دقيقة
شخص رسمت ملامحو بعقلها وعشقتوو لدرجة مابتنوصف
صارت ما تنام ألا لتحاكيه بخيالها
وأول ما تصحى تصبح عليه
وقت تكون متدايقة تلجأ لهلشخص
وحتى وقت تكون مبسوطة كانت تحكيلو
كانت تخبرو بأدق التفاصيل يلي تصير معها ب النهار
وحتى كانت مسميتو مشان وقت بدها تحكيه تندهلو ب الأسم يلي سمتو ياه
يمكن كانت تستخدم هلطريقة مشان تتخلص من الضغوطات يلي عم تمر فيها
وتلجأ للخيال كرمال تروح عن حالهاا شوي
صحت من شرودها ع صوت أمهاا
أم ورد: وينك يا مقصوفة الرقبة تعي لهون ولييك
وبعدين معك ومع هلقصة لسا كل يوم أعدة وصافنة
ولله اذا بتكوني عشقانة لسوود عيشتك عم تفهمي انا ما عندي بنات تحب وتتمعشق
وتين:لك اي اي امي شبك من عند الصبح ليكني اجيت
أم ورد: شو كنتي عم تعملي وليك
وتين: كنت عم مشط شعري يعني وين بدي كون
أم ورد: وأيمت ناوية تنقلعي ع الشغل صارت ساعة 9 تأخرتي يا غبية
بكرا بيخصمولك من راتبك ونحنا بدنا بلزيادة كم ليرة
وتين:لاتخافي أمي لاااااتخاافي مالح يشيلولي من الراتب انتي بس رتاحي
وبدل ما عم تبهدليني روحي شوفي ابنك يلي صار عمرو 18 وهوو اعد بلبيت متل النسوان
بدي ما يشتغل ويساعدنا بلمصروف
أم ورد: خرسي وليك وسدي بوزك أخوكي عندو بكلوريا بدك ياه يرسب يعني
وتين:لاا عنجد اقنعتيني روحي شوفيه لك بقص أيدي اذا عم يدرس
بضل 24 ساعة ع الجوال عم يحكي مع صاحباتو ويضحك عليهن
وانا بمووت من التعب بلشغل كرمال أصرف عليكن
لك يلعن ابوهاا لهلعيشة
أم ورد:خرسي وليك ولله بقص لسانك
اخوكي ما دخلك فيه
وانتي متل ما الله خلقك بدك تشتغلي
وتصرفي علينا
وتين: اي شو شايفتيني اعدة بلا شغل ما انا عم اشتغل 3 مرات بليوم كرمال أصرف عليكن واخر شي هيك بتحكي معي
أم ورد: يلا بلا كترر حكي روحي ع شغلك يلاا وليك
وتين: رايحة رايحة تطمني
وقليلو ل أبنك خليه اعد ع اساس عم يدرس بكرابس يرسب يفرجيني وجهه
أم ورد: ولك ولعية نشالله روحي البسي ونقلعي لح تصير ساعة 10 وانتي نازلة لعي
خلص تركي اخوكي بحاله إذا رسب هوون بقى تعي احكي
وتين: طيب ماشي رايحة بس والله اذا بيرسب انا ما بقى اشتغل أبداً خليه
هوو يلي يشتغل ويصرف عليكن
أم ورد: اي يلا يلا خرسي ونقلعي
بتروح وتين بتلبس وبتحط حجابها بطريقة مرتبة بتجهز حالها وبتطلع من البيت
بترسم الأبتسامة ع وجهها وكأنو ما صاير معها شي ومو متخانقة مع امها
هيك كان روتينها اليومي كل يوم تفيق وتتخانق مع أمها وبعدها تطلع من البيت وكأنو مو صاير شي
بتروح ع المطعم بتشتغل من ساعة 9 ل الساعة 12 بتجهز كلشي وبتنضفو وبترتب الطاولات وبس يبلشو الزباين يجو بتكون خلصت مهمتها
وبعدها بتروح ع المدرسة بتدرس طلاب صف رابع لأنو اخدة شهادة البكلوريا
بتبقى ب المدرسة ل ساعة 5
وبعدها بترجع ع البيت وبيجو لعندها طلاب بتدرسهن ببيتها
هيك كانت حياتها عبارة عن شغل وبس
وأمها بتشتغل بلمونة للمطاعم
وأبوها مريض وما فيو يشتغل وعندو دوا كتير غالي
لهلسبب هيي عم تشتغل كل هلشغل كرمال تأمن لأهلها المصروف ولأبوها الدوا
أخوها ورد شب صايع ما بحب يشتغل أبداً بياخد مصروفو من أمو وأختو
وكل وقتو ع الجوال عم يحكي من بنت ل بنت
وعندها أختها ريم لساتها صغيرة بصف التاني
هيي هية عيلة وتين رغم انها صغيرة بس مليانة ب الحزن و المشاكل
ورغم كلهلشي وتين مابتبين لأهلها انها متدايقة أبداً صح بتتخانق مع أمها بس أمها كتير قلبها طيب صح بتقسى عليها بس هلشي من الضغوطات يلي عم تمر فيهن بتقضي طول نهارها عم تشتغل ب المونة وأخر شي ما بيزيد معها وقت تعمل مونة الها
ووتين بتحب امها كتير رغم انو مستحيل يمضى يوم بدون ما يتخانقو بس هلشي بصير بين أي بنت وأمهاا
أبوها بيضل بغرفتو مو كتير بيحب يعد مع ولادو بيقول مشان ما يعودو ع وجودي وانا ممكن بأي لحظة موت
ف بيفضل يبقى لوحدو بيحب ولادو كتير بس مابيسمح لحالو يعد معهن
صح هلشي غلط بس هوو هيك عقلو
وعندو وتين المميزة بين أخواتها لأنو من هيي وصغير وحاملة مسؤلية اكبر منها ودائماً بتبيضلو وجهوو
وبتتصرف تصرفات أكبر منها بكتير بتدل ع أنها بنت واعية وفهمانة
صح لسا عمرا 20 بس تصرفاتها متل تصرفات بنت ب 30 لهلسبب أبوها بيحسها المميزة
وهي عطيتكن لمحة عن العيلة
بتوصل وتين ع المطعم بتوكن الساعة 10
صاحب المطعم أبو كرم
أبو كرم: ليش لهلق يابنتي ولله كتير تأخرتي لح يوصلو الزباين وانتي لهلق حتى أجيتي
وتين: مشان الله لا تواخذني بس تطريت أتاخر شوي
انت لا تهكل هم انا هلق بلحق الشغل كلو
أبو كرم: الله يرضى عليكي والله انا مشانك لانو لسا عندك دوام بلمدرسة وبدك تلحقي تروح مشان ما تتأخري ع الطلاب
وتين: تسلم ي عمي نشالله هلق بلحق ع كل الشغل ولا يهمك
أبو كرم: الله يقويكي يارب
هناء رغفان
0947235171
أبو كرم رجال كتير حنون وبيعاملها ل وتين متل بنتوو وبيتعاطف معها
وحتى وقت بتتأخر ما بيقلها شي لأنو بيعرف الطروف يلي عم تمر فيها
بعد ساعتين بتخلص وتين تجهيز المطعم وبتتوجه ل المدرسة بتدرس الطلاب وبينتهي الدوام وبعدها بترجع ع البيت
وتين: أمي وينك انا أجيييت
أم ورد: اي أمي ليكني هون بغرفة المونة
وتين: الله يعطيكي العافية يارب ما خلصتي هلمخللات
أم ورد: الله يعافيكي
مبلا ليكني بس لح أكبسهن وأتصل بصاحبهن يجي ياخدهن
ولسا بدي اعمل مربى ل جارتنا أم أحمد
وتين: الله يقويكي يارب
بتحبي ساعدك قبل ما يجو الطلاب
أم ورد: لا أمي انتي روحي كلي ورتاحي شوي
وتين: طيب ماشي
بتفوت بتسلم ع أبوها
وتين: كيفك بابا يعمري طمني كيف صرت
أبو ورد: أهلين يروحي الحمدلله تمام انتي كيفك وكيف كان يومك
وتين: الحمدلله تمام كتيرر
أبو ورد: عم نتعبك معنا موو
وتين: لا يعمري عذابكن راحة وبعدين انا لشو درست واخدت الشهادة مو مشان اشتغل
أبو ورد: بس يا بنتي شغل عن شغل بيفرق انتي عم تتعبي كتير وحتى حلمك ما حسنتي تكمليه وتدخلي الجامعة وتصيري محامية
نحنا كتير مقصرين بحقك سامحينا
وتين: بابا يالله منك شو وقت هلحكي هلق
يعني مو انو أهلي إذا انا نا ساعدتكن مين بدو يساعدكن
أبو ورد: الله يبعتلك أيام حلوة ويهدي بالك ويجبر بخاطرك يارب ويفرحني فيكي
وتين: الله يخليلي ياك يقلبي🫀🫂
ابو ورد: يلا روحي كلي ورتاحي
وتين: يلا بدك جبلك شي
أبو ورد: سلامة قلبك
بتطلع من الغرفة بتمشي خطوتين بترد بترجع بتمد راسها من الباب
وتين: بابا اخدت دوياتك
أبو ورد: اي بابا اخدتهن
وتين: اكيد
أبو ورد: أي أكيدطمني بالك
وتين: اووك تمام
أبو ورد: الله يرضى عليكي
بتاكل وبتتسطح حتى ترتاح شوي وما بتصدق أيمت تجي هل لحظة
بتغمض عيونها بهدوء وبيجي خيال ملامح وجهوو
بتكون عم تتخيل حالها بحديقة هادية كتير وخالية من العالم
مافي غير هيي ويااه
بتحس انو عم يقرب عليهاا
هيي واقفة ولابسة فستان فضفاض عم يطير مع نسمات الهواا وشعراتها الحرير عم يتطايروو
بيقرب منها وبيمسك وجهها بهدوء
أدهم: كيفك يعمري
وبيضمها لصدرو مشان يخفف عنها التعب
وتين: شتقتلك كتيرر 🥹❤🩹
أدهم: وانا كمان يقلبي
بيحملها عمهلو وبأعدها ع المقعد يلي بلحديقة
أدهم: أي يروحي حكيلي كيف كان يومك
وتين: بتعب كتيرر ولسا ماخلص كمان
لسا في البنات بدهن يجو مشان درسهن🥺
أدهم: ريتو التعب لقلبي يانبض قلبي
وتين: بعيد الشر عنك
أدهم: يلا يعمري الله بيعينك شو بدك تعملي هيك الله كاتبلك انك تكوني الكبيرة وتتحملي مصاريف أهلك وبلنهاية هدول أهلك يلي تعبو عليكي وكبروكي حتى وصلتي لهلمرحلة وصار دورك تعتني فيهن
وتين: بس انا تعبت كتير
أدهم: سلامتك يروحي
صدقيني لح ترتاح بعدين هيي أزمة وبتمر
وبكرا بس انا بدي أجي واتزوجك بدي نسيكي كل هلتعب يعيوني
وتين: يعني عنجد بدك تجي ونتزوج
أدهم: اي اكيد يقلبي
وتين: أيمت بدك تجي
انت ما بتعرفني منيح وبعدين انا مابعرف عنك شي
أدهم: مع الأيام لح اثبتلك حكيي
وتين: نشالله بس كيف بدو يصير هيك وانت بس حلم
بيجي ليحكي
بس بيقطع عليها خيالها صوت أمها متل كل عادة وقت تكون سارحة بخيالها بتجي أمها وبتنزع عليها كل هللحظة
أم ورد: لك يا بطيخة يا وتييين شبك ماعم تردي
وتين: يالله أمي تعبانة
أم ورد: بس أجو طلابك شو قلهن
وتين: يلاا جاي
أم ورد: إذا مالك حاسنة أجلي الدرس لبكرا
وتين: لا أمي كلهن ساعة ساعتين مو محرزة هلق بدرسهن وبعدين بفوت بنام
أم ورد: يلا الله بعينك قومي ليكهن فاتو ع غرفة الضيوف
بتروح وتين وبتدرسهن بيكونو كتيرر بيحبوها ما بيعذبوها أبداً
ودائماً بعد ما يخلصو دراسة بتلعبهن وبتغيرلهن جوو وبتضل تعطيهن استراحة مشان ما يملوو
ودائماً بتجبلهن سكاكر وأكلات مشان يرغبو للدراسة اكتر
لهاد السبب كتير بيحبوها وبتحبهن
بعد ساعتين بيكون خلص موعد الطلاب وراحو على بيوتهن بتطلع من الغرفة بتلاقي ورد بوجهها
وتين: هه ورد أفندي كيف جرى طلعت من الغرفة وفرجيتنا وجهك
ورد: وانتي شو دخلك بلاا انا بطلع ايمت مابدي بفوت ايمت مابدي انتي ما دخلك سامعة
وتين:اي معك حق تحكي هيك
اكيد متقتل مع حبيبات قلبك وهلق جاي تتفشش فينا
تضرب منك الهن
ورد: خرسي وليك ولا تتدخلي فيني واذا لسا بسمع حسك ياويلك
وتين: انت يلي بتخرس روح فرجينا شطارتك ودروس مشان تساعدنا بلمصروف مو تعد تحكي مع مدري كم بنت
ورد:انتي لا تدخلي عم قلك شو ماعم تسمعي
وبعدين انا حرر بشتغل ما بشتغل بدرس مابدرس هي حياتي
وتين: تمام لكن بدك تعد هيك ما بتاكل معنا ولا بتاخد خرجيتك
من هون ورايح بتعتبر ساكن لحالك مفهوم حكيي
لك انا بس بدي افهم ماعم تستحي على حالك صرت قد الجحش ولسا بتاخد خرجيتك من امك
ورد: بلاا شو ع كيفك لأنوو لك انتي شو مفكرة حالك قال كول لحالك ومدري شو
وبعدين انتي ليش غيرانة انو عم اخد خرجيتي من امي
امي وانا حرر بس هيي تدايق مني بتقلي بس انتي لا تتدخلي مفهووم
وتين:لاا موو مفهوم
بيقاطعهن صوت أبو ورد
أبو ورد: شوووو عم يصيررر معكن ياولاد
ورد: تعال شوف بنتك المحترمة قال شوو بدها اعتبر حالي مو موجود بيناتكن
أبو ورد وأم ورد: شوو هلحكي ياوتين هااد اخوكي هيك عم تحكي معوو
أبو ورد: وانا يلي بقول عندي بنت واعية وفهمانة بلاقي عم يطلع منك هلحكي
أم ورد:سمعي وليك بقص لسانك اذا تاني مرة بتحكي هيك مع اخوكي
وتين: أي دللوه دللو لشوف شو لح ينفعكن خلص ما بقى احكي معوو
بس اذا بدوو يضل هيك انا مالح اتحملوو أبداً
لساا لا دراسة ولا شغل يعني فهمنا مالو فالح بلدراسة يشتغل ع الاقل
يعني معقول هلحكي ولك واللهفي شباب بتدرس وبتشتغل سوا
نحنا عم نطلب منك وحدة من التنتين
ورد: انتي ما دخلك فيني
وتين:اي اي مادخلن يومن هون ورايح انا مابقى اتدخل فيك نهائياً
ورد: اي بنااقص
أبو ورد: لك خلص بقى انتوو التنين لعماا مامحترمين وجودي كل واحد ع غرفتو يلااا
بتفوت وتين ع غرفتها بتسكر الباب بقوى وبترمي حالها ع التخت بتكون تعبانه كتير كل يوم عم ينعاد نفس الروتين ونفس المشاكل وعلى نفس السبب
بتغمض عيونها بقوى عم تحاول تحكي مع أدهم بس كانت نفسيتها تعبانة كتير
حتى أدهم مالح تحسن تحكي معوو
بتستسلم للنوم لانو ليوم التاني لح يكون يوم متعب وملل متلو متل كل الأيام
بترتخى وبتغط بنووم عمييق
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```