الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵وصية امي*
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
الجزء الثالث
الدادة:ليان الست هند بدها تشوفك
ليان :عطول جايه
الست هند: ليان بقلك زياد من بداية الاسبوع الجاي بتكوني بالشركه معو جهزي أمورك.
ليان:عنجد خالتو الله يمد بعمرك والله اني مبسوطه كتير وضمتها وشكرتها كتير كتير
ليان:بعد أزنك خالتو لكن بدي انزل عسوق جيب شوية غراض ولبس يعني بضل مديرة ولازم البس الأنيق والرسمي
ام زياد:اي بنتي روحي بس ازا مابتعرفي شي هون كيف بدك تتحركي
ليان :الي بسأل مابتوه واكيد لازم اعرف كل شي لحالي لانو صار لازم اعرف كل شي بلبلد
ام زياد:اي ازا هيك عطي بالك عحالك
طلعت ليان وهي مبسوطه كتير وحست حالها انها مالكه الدنيي باللي فيها وحمدت ربها انو الله يسر امورها لحتى تقدر تعيش وتقف على رجليها من بعد وفاة امها وتقزدرة بلبلد وشترت كل شي بيلزمها ونسيت حالها ونسيت الوقت الي كان عم يمرق متل البرق عليها لكن كان بركان الغضب عم يثور بلبيت الي تركتو وراها
ام زياد:لك ابني شبك هيك هلا بتيجي تروك البنت عراحتها
زياد:امي هي طالعه من هلبيت ومحسوبي عليه لهيك مابصير تطلع لحالها افرضي صار معها شي وتأخيرتها مو لا الله ومافي حدا فينا معو رقمها لنحكي معها
ام زياد: خليك متفائل ولا توغوشني
زياد:يعني انتي عرفاني انها تأخرة وعم تدافعي
ام زياد:اي هي تأخرت بس انا ماتوقعت تروح كل هل وقت
زياد:لانكن مابتردو مية مرة حكيت لا تطلعو لحالكن خدو شوفير وسيارة وتضل معكن بس لا كل وحدة فيكن بدها تشتغل عراسها
بنص شعلة النار الي كانو هني فيها دخلت ليان البيت وبكل هدوء
ليان:مساالخير
زياد:شرفتي يا خانوم
ليان:اي خير في شي
زياد : لا والله بس حضرتك طلعتي وستحيتي ترجعي شو يعني انتي وين مفكرة حالك
ليان:اي بعرف حالي وين انا ولشو كل هل الصراخ والعياط بوشي انا بشو غلطة يعني
ام زياد :يابنتي انتي ماغلطي بس طلعتي وتأخرتي وشغلتي بالنا وحتى رقمك مو مع حدا فينا
ليان :اي معك حق خالتو انا تأخرت وحقك علي اني ما تركت رقمي معك بس انتي بتعرفي اني مابعرف شي بلبلد ولبي...
زياد:وبماانو حضرتك مابتعرفي شي بلبلد لشو تطلعي لحالك
ليان:لا اله الاالله انا بعتذر اني تأخرت
زياد :يعني بس لانك تأخرتي بتعتذري مو لانك طلعتي من الأساس
ليان:ليك انا هون حرة بطلع بروح بجي شي بخصني انا مو بسجن واحترامي للمكان الي انا في طلبت أذن من خالتو هند وسمحتلي لهيك انتي مافيك تضل تصرخ بوشي هيك انا مو عبدة
زياد :ياسلام ازا هيك من أولها كيف كمان شوي لتمسكي الشغل مزبوط ماحدا فينو يحكي معك
ليان:شو بشوف بلشت تربحني جمايل من اولها ياسيدي انا بتشكرك وانا الله غنيني عن شغلك وبعتزر منك خالتو كتير صار لازم روح فتش على شغل وبيت بنفسي لانو الظاهر ماحدا قبلاني حتى وانا ضيفه بلأزن
زياد اجى ليحكي ام زياد سكتتو:لك امي مابصير تحكي معها هيك شو بدها تحكي علينا البنت ولا شو بدها تحكي ماحكت وخلصت وخصوصي انها كانت مبسوطه بشغل والظاهر انو البنت مابتحط واطي لحدا حتى لو كرمال شغلها
زياد:اي الواضح اكتر انها مدلعه وازا بدها تروح من هون تروح بس مابتروح غير لما تتأكدي وين راحت مو ناقصنا مصايب نحنا
طلع زياد من البيت وام زياد ضلت قاعدة وعم تفكر شو فيها تعمل خلص نهار بصعوبه عليهن كلهن وتاني نهار من بكير
ليان:صباح الخير دادة
الدادة:صباح الورد اعملك شي جبلك شي
ليان:لا يسلمو كنت بدي اسألك خالتو هند فائت ولا لسة
الدادة:اي بس هي بغرفتها لساتها عم تشرب قهوة بدك شي منها
ليان:اي دادة بدي استأزنها بدي روح
الدادة:يو وين بدك تروحي من هصبح
ليان:بدي روح دور عشغل وعبيت وخلص حاجتهن الجماعه تألت عليهن كتير ومابدي دايقهن اكتر من هيك
الدادة:ماتكوني زعلاني من زياد
ليان:لا لشو ازعل منو شو الي عندو انا بس خلص الجماعه أستضافوني وقامو بلواجب وبقولو الضيف تلت ايام وانا صرلي خمس ايام حاجتهن
الدادة:بنتي زياد مابحب الزاحله ومابحب البنات يطلعو بدون علم حدا ووين هني وخصوصي لما يكونو ضيوف يعني في مسؤوليه وهو بضل حريص من هناحيه لهيك طولي بالك وخلي الست هند تشوفك قبل ماتروحي
ليان:اكيد دادة مستحيل اطلع بدون علمها والي عملو زياد مزبوط ميية مية وانا مراعيه انو عيب الي انا عملتو بس لهيك لحتى مايضل عليهن الجماعه مسؤوليه من ناحيتي بدي شيل هل حمل عنهن ازا هني احترموني انا صار لازم احترم حالي وخف عن الجماعه
الدادة:الله يكملك بعقلك يا بنتي هلأ بشوفلك الست هند خليكي لوصيلك على فنجان قهوة واندهلك عليها
راحت وجبتلها فنجان قهوةونتبهت انو زيدان كان واقف وعم يسمع كل الكلام الي دار بينها وبين الدادة بس هي ماعارتو اي انتباه
زيدان:صباحو
ليان:صباحو
زيدان:شو بشوف شنطك مضبوبين خير لوين
ليان:اي خلص كتر خيركن ماقصرتو وانا لازم روح وشوف شغل وبيت
زيدان:اي حلو الله يوفقك بتوصي بشي
ليان:مرسي
زيدان:باي
اجت الست هند بسرعه لعند ليان:شو يا ليان شو عم تحكي انجي قال رايحه
ليان:اي خالتو من بعد أزنك بدي روح شوف شغل وبيت انتو ماقصرتو معي وانا بتشكركن كلكن على حسن أستضافتكن الي بس كنت بدي احكي معك بموضوع تاني ازا بتريدي
ام زياد:اي خير
ليان:خالتو لحد هلأ ماجبتي سيرة الأمانة الي امي تركتلي ياها عندك حابة اعرف شو هي ممكن
ام زياد:🤔والله يابنتي الأمانة مابقدر اعطيكي ياها هلأ لانو كل شي بوقتو حلو بس هي بلحفظ والصون
ليان:براحتك خالتو وهلأ بتسمحيلي
بصوة فجأة طلع
ابوزياد:لوين يا ليان
ليان:عمو صباح الخير
ابوزياد :سألتك لوين من بكير هيك وضابي غراضك كلهن هيك
ليان :عمو انا بدي روح فتش على شغل وبيت
ابوزياد: الشغل واشتغلتي عند زياد وبنسبي للبيت هاد موبيت الي انتي قاعدة في ولا نحنا موقد المقام لحتى تضلي بينا
ليان:أعوذ بلله ياعمو اناتشرفت فيكن وبمعرفتكن بس انا عمو حابب
وقاطعهاابوزياد:معناها غراضك برجعو لمطرحهن ولما تقولي هاد البيت جاهز بخليكي تروحي لبيتك قبل هيك مستحيل انتي متل بناتي ومابخليكي تترمي هون وهون لبين ماتلاقي بيت او شغل شو هل الحكي يلا عمو الله يرضا عليكي
خجلت ليان من كلامو وحست انو كلامو مزبوط وانو في روح
اخذة هي والدادة غراضهاورجعتهن على الغرفه وضبتلها ياهن الدادة كلهن وطلعت من عندها من الغرفه وتركتها عم تفكر شو راح تعمل ازا اشتغلت عند زياد وكيف راح يتفقو وكيف راح يصير الوضع عندها
مرقت الايام واجى اليوم الي صار لازم تطلع في ليان على شغلها بس ماكانت بتعرف كيف بدها تروح وكيف بدها تبلش
الدادة:ليان بيحكيلك زياد جهزي حالك لحتى ياخدك معو على الشركه
ليان:بدي اطلع معو يعني
الدادة:اي بنتي يلا زياد مابحب ينتظر جهزي حالك بسرعه وهو عم يجهز بحالو
ليان :اوك
جهزت حالها ولبست فستان للركبه باللون الاخضر الزيتي على خصرو حزام جلد عسلي وسكربينه عسلي وشنطة ايد عسلي وكلن جلد ونزلت شعرها وكان متل الحرير بكل تقلو ونعومتو وعملتلو ردة على جنب لحتى يطلع في حركة حلوة وبسيطه ومكياج بلون البرونزي والبني الفاتح
طلعت من غرفتها وهي عم تسكر باب الغرفه كان زياد عم يطلع من غرفتو الي كان بيفصل بينهن باب غرفة واحد
زياد:صباح الخير🤨
ليان:صباح النور😒
نزلو وتوجهو للسيارة وطول الطريق ما حكو اي كلمه وقت وصلو الشركه نزلت وتفاجأة بالموقع والشركه كانو بموقع ومنظر استراتيجي كتير ودخلو سوا عشركه عرفها وعرف الموظفين عليها وعرفها على مكتبها وباركلها بالشغل وتمنالها التوفيق
بلشت ليان بمراجعة الحسابات وانتبهت من اول يوم انو خربطة الحسابات اكبر من الوصف وانو الكشوفات الموجودة والرصيد ما بتناسقو ابدآ عملت مكالمة بسرعه
ليان:مرحبا أستاز زياد
زياد:اهلا ليان خير
ليان :أستاز فيني اجي لعندك شوي
زياد:١٠ دقايق وتعي عندي ناس
ليان:اوك باي
جهزت ليان جدول يسهل عليها الشرح لزياد وتبينلو فيها الخربطه