الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم كنتنا الغالية`*
*❴🔢❵الـــبـــــــــــ❴4️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
امي :- والله خلتيني اضحك.. سارة اقعدي بنتي هون لوقت ما يجي زياد اي..
سارة :- يعني رح تخبريه
امي :- اي.. خليكي معها ريهام
ابي :- امشي ام زياد وتعي انتي زينة لان اذا بقيتي هون الله يعلم شو بصير
زينة :- عادي فيكن تتركوني معها
ابي :- امشي قلت.
وهون الحمد لله انتهى الاهازيج استقبلنا العرسان وقعدنا نفطر وما شفنا الا سارة نازلة تقعد ع السفرة معنا..
الكل صفن فيها واولهن دبيكا يلي حسيتها انسم بدنها من وقت ما شافتها.. قام زياد لعندا لياخدها بعيد عنا.
بس وقفتو ام دبيكا وطلبت تقعد على السفرة بالجانب التاني لزياد.. كان بطرف دبيكا والطرف التاني سارة..
.. انها زوجة زياد الاخرى لقد حضرت لتقدم التهاني يجب ان يقام استقبال خاص..
زينة :- لا دخيلك بكفي لهون..
امي : شكرا لك...
( وبهمس..
زياد :- سارة شو جابك لهون
سارة:- والله ماقدرت اتحمل
زياد : ليش بتحبي تجيبي وجع القلب لالنا ولالك
سارة :- عرفت ليه مابدك تتخلى عنها..
زياد :- لانها بنت اصول وبنت محترمة.. اتصرفي متل خواتي حاليا ولا تتجاوزي حدك لنرجع ع امريكا تمام.. شكرا على الافطار سوف نعود للغرفة..
امي :- زياد
زياد :- امي انا طالع مع مرتي ع الغرفةحاولو ما يصير شي هون تمام
زينة :- عجبك هيك ست سارة ليكو اخدها قدام عيونك وع غرفتهن راحو.. يالا سمي بدنك اكثر..
ماسدقنا يمر هاليوم وقطعنا تذاكر ورجعنا بس هالمرة مارجع معنا زياد لان كان لازم يقضي اسبوعين عسل مع مرتو..
وبعد اسبوعين راحة رجعو ورجعت المشاكل يلي مافارقتنا من يومها..
دبيكا :- امي ابي اريد التحدث معكم..
امي :- اي بنتي احكي
دبيكا :- لماذا دائما سارة تحاول الاتصال بساعة متأخرة من الليل لتتحدث مع زياد.. اصبحت تفعل ذلك كل ليلة..
امي :- لا حول ولا قوة الا بالله
زينة :- قلتلكن مارح تهنيهن...
ابي :- بنتي انا رح اتكلم معها تمام بس انتي لا تنزعجي.. روحي انتي ارتاحي هلق اي..
امي :_ والحل يا ابو زياد يعني شو بدها هاي سارة..
ابي :- مافي حل غير انو يتصرف زياد هو زوج التنتين مو انا..
.. دبيكا انسانة واعية وفهمانة واحاسيسها عالية وحديثها قليل وان حكت . حكيها موزون.. مابعمرها جرحت.. كانت تشوف زياد قاعد مع سارة واحيانا بضمها لالو.. واحيانا بسهر على التلفون ليحكيها ويتركها تنام بالايام لحالا واحيانا بغرفتنا من يكون طالع سهرة مع خطيبتو.. سارة كانت تحاول بكل الطرق لتنزع راحتهن وتخلي زياد معها.. تحجج بالمرض بالمشاكل بالزعل لتشغل زياد فيها كثير. عم نشوف هالشي بس مو بايدنا نعمل شي لان اخي المسؤول.
اما بينا مابعمرنا طلبنا منها تعمل شي.. كانت على طول من حالها تبادر.. وكثير كانت من حالا تجهز سهره عائلية وتجهز فيلم لنقعد كلنا نحضرو حتي ابي مالو غنى عنها.. اكلا الطيب وحلوياتها اللذيذة وتجهيزاتا للسهرة والرتابة والنضافة.. لدرجة صارت تحكي متلنا وتلبس متل ما بنلبس.. وتتقيد بعاداتنا ومن يزوروها اهلا كنا ننطر جيتن ع نار لنرحب فيهن.. وهون اتعودنا عليها ومافيني بلاها لحد اليوم يلي بدو يصير عرس اخي من سارة..
ماكان لالنا خاطر لنعمل شي بس مجبورين مشان الناس وخاطر اخي.. بهاد اليوم دبيكا راحت لعند اهلا ليطيبو خاطرها وما تزعل ونحنا انشغلنا بعرس اخي الكئيب يلي ماكان فيو حتى اغنية حلوة كانت كلا موسيقى عادية وكأنها سهرة ليلة وماكنا قدرانين نعمل شي لانو مختلط بقينا قاعدين متل الضيوف.. لوقت ما انتهت هالسهرة قصدي العرس ورجعنا ع البيت...
..امي :- سافر بسلامة
ابي : اي اليوم الصبح طلعت طيارتهن..
امي :- خلينا نروح نجيب هالبنت
ابي :- اي ليش لاء وتروحو تتغدو برا شو رايكن
زينة :- اي بابا ليش لاء
ابي :- لكان اجهزو بنطلع بناخد دبيكا وبنروح نتغدا سمك مشوي اي..
ومرق هالشهر ورجعت سارة لعنا.. وقلبها مليان ومجهزة افكارها الشيطانية لطفش دبيكا من البيت..
زياد :- كيفك دبيكا انتي منيحة شبك نحفانة هيك..
زينة :- من قهرا
امي :- زينة لا تدخلي امي..
زياد :- تعي نروح برا نشم هوا شوي شو رايك
دبيكا :- ممممم سوف احضر لباسي.
سارة :- زياد مارح تاخد حمام انا جهزتلك تيابك..
دبيكا :- سوف اعود لاحقا..
زياد :- سارة انا خبرتك من تشوفيني مع دبيكا لا تدخلي
سارة :- ماقلت شي مو انت قلتي جهزي الحمام
زياد :- دبيكا..
زينة :- الله يعينو عليكي
سارة :- شبك انتي كمان منكادة
زينة :- مين يلي منكادة.. انا ولا انتي بس ع العموم حقك تنكادي منها يعني لو شو ماعملتي مارح توصلي لجمالا.. وادبها واخلاقها..
سارة :- هوووف
ريهام :- ليش عم تستفزيها اتركيها يا زينة.
زينة :- شيطانة هالبنت..
سارة :- سمعتك على فكرة
زينة :- ريهااام الله شوفي عصافير الحب دبيكا وزياد بجننو يقبشو قلبي..
ريهام :- اي والله.. الله يخليهن لبعض ويبعد عنن كل شر.
زينة :- وشر المكيودات يا اختي
ريهام :- امين..
.. على العشاء
سارة :- مرت عمي ما شفتي زياد
امي :-، اي اخد مرتوا وراح لعند بيت حماه معزوم عندن..
زياد :- مابدك تنزلي تتغدي
سارة :- بلا بس اهلك مانن حابين انزل اتغدا
زياد :- ليش هني قالو لا تنزلي
سارة : اي هيك شي
زياد :- مستحيل مابيطلع من اهلي هالحكي.. بجوز انتي ما بتساعديهن متل عادتك
سارة :- حياتي والله مابعرف اطبخ.. مابعرف اعمل شي بالمطبخ
زياد :- طيب اتعلمي مو غلط.. خواتي ودبيكا متلك وماما علمتن وكلن بساعدو بعضن.... يالا انزلي وبكرة بتساعديهن..
زينة :- نزلت العروس ع مهلك اي لينكسر خصرك شوي شوي انزلي يا تقبشيني لوليييش.. ايوه تكة تكه انتبهي كعبك العالي يوقعك يا اميرة.. ياااااالا دقووو الطبول وصلت العررروس.. والله لغير اسحبلك الكرسي انا.. احترامي لحضرة جنابك.. بتحبي اسكبلك شوربة.. او قطعة فرووج.. اوووه بعرفك بتقرفي.
ابي :- 😂😂 لك يازينة اتركي مرت خيك
سارة :- زيااااد
زياد :- ههههه تستاهلي خبرتك.. وين دبيكا
امي :- عم تستنى الشوربة تستوي.. كانت عاملة شوربة بس انتزعت..
زينة :- شي فار ابن حرام كاين بالمطبخ دلق علبة الحد والبهارات بالطنجرة كلا نزعها .. بس شو نعمل مابيطلع بايدو عنا ست بيت متل دبيكا.. رح يطق بقهروا ولا يحسن ينزعلا طبخاتها..
دبيكا :- وليكااا الشوربة قد جهزت..
زينة، :- دخيل قلبو يلي صار يحكي ليكاا.. الله ريحتها وشكلا بشهي..
دبيكا :- اسكبلك..
زينة :- طبعا..
ابي :- وانا يابنتي بحبها للشوربة يلي بتعمليها
سارة :- وانا بعرف اعمل شوربة كمان..
زياد :- اها شي حلو من شوي كنتي مابتعرفي تطبخي..
سارة :- بس شوربة بعرف
زياد :- خلص بكرة رح نشرب شوربة سارة..
دبيكا :- ابي وامي وزياد اريد ان اخد منكم الاذن لاستقبال اخواتي بالمساء
ابي :- وليش يابنتي بتطلبي اذن هاد بيتك واهلا وسهلا باهلك وضيوفك..
دبيكا :- شكرا ابي
زياد :- اليوم انا بجبلكن كمان بيتزا كم العدد
دبيكا :-واو 5 سيدات وزينة وريهام وان كانت سارة تريد الحضور لا مشكلة..
زينة :- لا ما اعتقد
زياد :- زينة
سارة :-"، انا مافيني اجي مشغولة اليوم عندي شوية ترتيب بالشنت.. مارتبتن من يوم مارجعنا من السفر
زينة :- للليوم ياربي
سارة :- ماكنت فارغة
زينة :- شو هو اكتشاف ذرة صرلك اكتر من اسبوعين وعلى طول قاعدة مرتاحة..
امي :- زينة هاد الشي مابخصك..
سارة :- فعلا مابخصك
دبيكا :- ريهام اليوم سنصنع صندوق القماش
ريهام :- وانا جهزت الصناديق
دبيكا :- سوف تحضر اختي القماش
امي :- شي حلو لازم اجي اتعلم لكان..
بلشت انا واختي ودبيكا نجهز الغرفة يلي عم نشتغل فيها.. وانشغلنا بالترتيب.. حضرو خوات دبيكا وامي وابي كانو مشغولين وزياد ماكان موجود.. مع انها دبيكا عزمت للمرة التانية سارة لتجي بس هي رفضت مانها حابة.. وبعدها اطلعنا نرتاح شوي بالحديقة شي بقي بالغرفة يشتغل وشي كان عم يغير جو بالحديقة.. وقتا اسمعنا صراخ سارة..
امي :- يالطيف شو في.. كانها سارة يلي بتصرخ..
ابي :- شبها هاي..
زينة :- شبك عم تصرخي هيك بالليل
سارة :- مرت عمي تعي شوفي :- شوفي تيابي..
امي :- خير شبهن
سارة :- انزلت ع المطبخ لاعمل فنجان قهوة.. وارجع كفي ترتيبهن جيت لقيتن كلن مقصصين وتاركين المقص فوق ليش هيك انا بشو اذيتن..
زينة :- مين يلي عملك مين عم تتهمي..
سارة :- انا ما عم اتهم حد هاد المقص لمين..
دبيكا :-.. هذا لاختي عائشة..
عائشة :- نعم بالفعل انه لي لكن لم افعل ذلك
سارة :- مرت عمي.. عمي انا مابتهم حد بس انا ماعملتن شي لينزعو تيابي..
ريهام :- على فكرة ماحد عمل بتيابك هيك وعيب
دبيكا :- عائشة
عائشة :- انا لم افعل ذلك لقد كنت معكم ولم اترك احد
زينة :- على فكرة انتي وحدة كذابة سارة.. نطرتي طلعتنا لبرا واخدتي المقص لتبلينا بشي قصة..
سارة :-، لكان مين يلي عمل هيك وليش بتيابي
دبيكا :- ابي انا صادقة واخواتي بالفعل لم يفعلو ذلك ارجوك صدقني
سارة :- لكان مين يلي عملن انا.. ليكي شوفي حتى التياب يلي جبتن للبيبي قصينهن
امي :- بيبي
سارة :- اي ابني انا وزياد كنت عاملتا لالو مفاجئة لالو من يرجع..
( فاتت لغرفتها سارة بحجة انها عم تبكي وقفلت الباب.. واهلي مصدومين بحملها.. دبيكا خواتها لبسو تيابهن وجهزو حالن ليروحو.. ودبيكا جهزت لتروح معهن.. حاولنا نوقفهن ماقبلو..
زياد :- جبت بيتزا.. شبكن ليش مكشرين
زينة :- روح اسال مرتك
زياد :- مين فيهن..
زينة :- ليش في غيرها..
زياد :- سارة.. خير امي شو صاير
امي :- دبيكا راحت مع خواتها لعند اهلا
زياد :- في شي صاير
امي :- زعلت من سارة.. لان كانو مبسوطين البنات عم يشتغلو وطلعو شوي بالهوى انا ماشفتن والله كنت قاعدة مع بيك.. اسمعنا صريخ.. اطلعنا كانت سارة وتيابا مقطعين وعليهن مقص البنات يلي كانو يشتغلو فيه.. وشوية تياب للبيبي..
زياد :- بيبي .. لمين البيبي
امي :- مرتك سارة عم تحكي انها حامل وجايبة تياب للبيبي ولقتن مقصوصين..
زياد :- شو هالحكي رح يصير لالي بيبي.. الله اكبر الحمد والشكر ليك يارب..
( نسي اخي القصة ونسي دبيكا وركض لعند سارة ليبوس رجليها من فرحتو بالبيبي.. نزل بعد شوي ومعاه سارة مراضيها وانو خلص ماتزعلي كل شي بينحل وبنعوضن واللي عمل هيك مقهور....
من كلامو ماعجبنا وطلعت انا واختي لفوق وتركناه مع ابي.. وامي..
تاني يوم ..
امي :- زياد طلع الصبح ع بكير لوين
سارة :- صباح الخير مرت عمي
زينة :- غريبة فايقة بكير..
سارة : اي فقت جهزت لجوزي فطورو..
زينة :- وفطور ايوه
امي :- لوين راح زياد
زينة :- بكون راح يجيب دبيكا.
سارة :- ماحزرتي.. رايح يعوض كل شي انتزع مبارح لان حلف يمين من ع بكرة الصبح رح يطلع يجبلي غيرن. مشان البيبي المهم ما ازعل..
زينة :- اي صح ماتزعلي
سارة :-..مرت عمي اليوم الغدا انا رح جهزو اي..
ريهام :- صباح الخير امي بدكن شي
امي :- لوين ريهام
زينة :- في اغراض لاخوات دبيكا رايحة توصلهن.
امي :- طيب انطري ريهام جاي معك امي..
ريهام : زينة مابدك تجي
زينة :- لاء بدي ضل بالبيت بخاف اتهم شي تهمة وانا غايبة انقلع من البيت كرمالا
سارة :- شو قصدك زينة انا عم كذب
زينة :- لاء انا
امي :- بعدو الدني الصبح كل وحدة تروح تشوف شي تلتهي فيه..
سارة :- طالعة ارتاح بغرفتي كرمال البيبي..
امي :- اي اعملي معروف روحي.. امي الله يرضى عليكي حاجي اضلك حاطة ادبارك منها اتركيها امي.. اتركيها لا تنكشيها..
زينة :-مو عيب ع ابنك يترك مرتو هيك زعلانة ويركض ليراضي الخانو ..
امي :- كل شي بتصلح انا رايحة استسمح خاطرهن للبنات
..
غادرت امي وريهام البيت وبقيت انا ناطرة شو رح يصير او بالاحرى ناطرة اخي زياد.. يلي مرق البيت وحامل هدايا لمرتوا..
زياد :- زينة ساعديني حبيبتي
زينة :- اي تكرم .. زياد كانك نسيتا لدبيكا
زياد :- لا ما نسيتا اليوم بالمسا بحكيها
زينة :- بدك تحكيها يعني مابدك تجيبها..
زياد :- بس انا ماطالعتا من البيت ولا قلتا اطلعي.. هي طلعت بدون اذني..
زينة :- بس هي طلعت زعلانة متل ما سارة هلق زعلانة ع تياب هي قصتن من حالا لتتهم دبيكا فيهن وليكك عم تركض لترضيها
زياد :- زينة انا بعرف انك بتكرهي سارة وبتفضلي دبيكا بس مو معناه توقفي ضدد الحق..
زينة :- بس الحق مانو مع سارة لانها كذابة
زياد :- شوفي زينة انا بعزك وبحبك كثير بس ما تتجاوزي حدودك معي او ع مرتي ..
ابي :- بس اختك معها حق
زياد :- صباح الخير يابي
ابي :- صباح النور.. روح هلق الحق امك واختك ورجع دبيكا للبيت واستسمح اهلا واخواتها.. لانهن ناس اكابر ما الهن بشغل الكيد وياما البنات زارونا وماشفنا منهن حركات هالنسوان.. بفوتوا ع بيتنا باحترامهن وبيطلعو باحترامنن.. ليش حبكت هالمرة يأذوها لسارة ويقطعولا تيابا.. يعني بالعقل وشلون تركوا المقص بغرفتا يعني نحنا الغلطانين وهاد اثبات ادانتنا.. اتفضلي اتهمينا.. واذا اختك بتقلك ما انتركوا لحالن.. طول الوقت معهن.. يعني من فترة اكتر من مرة تكب مرتك الاكل لان في شي مانو زابط يا مالح كتير يا حد كثير واكتر من مرة تجمع تيابا من الغسيل موسخين. ولا بعمرها شكت.. وكانت مفكرة انها غلطانة ومانها منتبهةة.. يعني مثلا في حد غيرنا عايش معنا وعم يأذينا.. وبعدين شو عرفنا انها حامل.. ليقومو يقطعو تياب الطفل. ابني الله يرضى عليك لا تفوت قاضي بين النسوان.. ولا تشغل حالك بقصصهن انتبه لشغلك ولامور عيلتك.. روح رجع مرتك هلق على البيت ماحلوة بحقنا..
زياد :- اي تكرم ابي.
ابي :- زينة ساويلي فنجاة قهوة
زينة :- اي مو تكرم يا تاج راسي يا اعدل العادلين انت....
( وبالمسا اخي جاب دبيكا وصار صلح بينها وبين سارة.. وكانت جايبة معها هدية للبيبي الجديد مع انو مالها ذنب بشي لا هي ولا خواتها.. عيلتها كانو شارين طوق دهب للبيبي وهي اهدتها صندوق فيو تياب..
رغم انها ما بتستاهل سارة هالشي الا انو طيبة قلب دبيكا غطت على كل شي.. اتعشينا وكل منا راح لحياتو.. ومرقت الايام بيناتنا.
زينة :- انا ماني مرتاحة للشي يلي بتعملو سارة شو طيبة هالقلب يلي نزلت عليها..
ريهام:-, بجوز حبت تتغير من حالها
دبيكا :-انا اعتقد انها شعرت اننا اشخاص جيدون وتريد العيش معنا.
زينة :- لك دبيكا مارح تبطلي طيبة هالقلب، هاي متل الحرباية بتتلون على الف لون. بعدها متل ماهي بس بتاخد يلي بدا اياه بلئمنة..
ريهام :- خلص اتركيها كفي شعراتي..
زينة :- وانا مشان تخلصي شعري..
ريهام :- دبيكا ليش ماتروحي معنا
دبيكا :- لا هي حفلة خاصة بصديقة والدتك ولم اكن من المعزومين لماذا الحضور سوف ارتاح اليوم..
زينة :- رح تبقي لحالك بالبيت
دبيكا :- اين الصعوبة
ريهام :- اذا سارة استفزتك لا تعبريها اعتبريها مانها موجودة اي..
دبيكا :- لا تقلق انا شخص جيد.
..اطلعنا قريب العصر من البيت.. في هاي الليلة انشغلنا بحفلة عيد ميلاد بنت رفيقة امي وماكانو نسوان خواتي معزومين بالاحرى لان رفيقة امي مابتحبا لسارة وماحبت تكسر خاطر امي وتعزم وحدة والتانية لاء.. فما عزمتن.. ابي واخي ماكانو موجدين ونحنا انشغلنا بالحفلة ومن رجعنا..
امي :- شعلي الاضاءة.. شبهن مافي حد بالبيت معقول.
زينة :- بكونوا نايمين..
ريهام :- امي كانو البيت فيو شي غلط
زينة :- العما البيت مبهدل كلو..
امي :-، شو صاير هون
زينة :- دبيكااا سااارة..
امي :- كأنو فايت حرامي ع البيت..
زينة :- لك امي ييييي لحقي
امي:- شو في.
زينة :- نسوان اخوتي بالارض
( اطلعنا لفوق كانت دبيكا بالارض وحوالين راسها بقعة دم.. وجنبها سارة بس مافي لا دم ولا شي وكانو غايبات عن الوعي.. اتصلنا باخي وابي والاسعاف.. ونقلناهن ع المشفى..
ابي :- طمنا يادكتور..
الطبيب :- سارة حالتها منيحة كانت غايبة عن الوعي بجوز لان شافت الدم.. ودبيكا وضعها حاليا تحت المراقبة لان اكلة ضربة على راسها قوية..
زياد :- والطفل
الطبيب :- الطفلين بخير..
زياد :- طفلين
الطبيب :- السيدتين حامل دبيكا حامل 14 اسبوع وسارة 8 اسابيع.. والطفلين بصحة منيحة.. لا تقلقو
امي :- هههه يا محاسن الصدف الحمد لله..
ابي :- الف مبروك ابني.. بس مين يعني اللي عامل هيك ومانو سارق شي.. يعني مكسر البيت ومع انو صيغة نسوانك موجودة .. شو القصة..
امي :- بس ليفيقو البنات بنعرف..
ريهام :- سارة فاقت..
زياد :- الحمد لله على سلامتك ياقلبي..
سارة :- زياد كان في حرامي بالبيت..
زياد :- ارتاحي لا تخافي قليلي شو صار..
سارة :- جيت بدي دافع عن دبيكا لان كان بدو يضربها.. ضربني وماعرفت شو صار فيني..
زياد :-ممممم سلامتك ارتاحي انتي..
زينة :- ريهام تعي اختي نشوف دبيكا..
ريهام :- انا ماني مسدقتا..
زينة :- ولا انا.. عم تحكي ضربها والدكتور عم يقول ما عليها اي اثار ضرب.. قلبي حاسسني انها استغلت الفرصة لتاذي دبيكا
ريهام :-، وانا هيك قلت لان كل خططها لتاذيها.. قال بدها ادافع عنها قال اللي بتخاف من خيالا..
امي :- شو عم تتهامسو..
زينة :- ولا شي امي بتسدقيها..
امي :- بصراحة لاء كلامها مانو مركب ابدا..
الممرضة :- انتي والده المريضة سارة.
امي :- حماتها اتفضلي..
الممرضة :- اتفضلي لعند الدكتور..
امي :- اي اكيد
الطبيب :- سارة عندها مشكلة نفسية شي اتعرضت لصدمة نفسية..
امي :- خير يادكتور في شي..
الطبيب :- تحاليل الدم اثبتت انها عم تشرب مهدئات كثير ومنومات وهاد الشي بضر بالطفل وخطر عليه ولازم توقفو..
امي :- والله ماكنا بنعرف هلق بنخبر زوجها ونسالو..
..
زينة :- زياد تعا شوي..
زياد :- خير اختي في شي
زينة :- امي بدا تحكيك
امي :- امي مرتك بتشرب مهدئات ومنومات.. #بقلم جمايكا
زياد :- شو هالحكي
امي :- الدكتور خبرنا لان شايفينو بتحليل الدم وقال لازم توقفو.. لان مضر للطفل
زياد :- ليكون الفيتامينات اللي بتشربها مستحيل انا اتاكدت شفت العلبة فيتامينات..
زينة :- اخي ليكون مغير الحب وحاطتو بعلبة فيتامينات..
..
نطرنا فيقة دبيكا يلي كانت بالفعل تعبانة لان وجها متنفخ من الضربة..
دبيكا :- هل طفلي بخير
امي :- اي يابنتي بخير
زينة :- دبيكا كنتي بتعرفي انك حامل
دبيكا :- نعم
زينة :- ليه ماخبرتينا
دبيكا :- لا اريد احد ان يعتقد انني اغار..
زينة:- غيرة شو يادبة وانتي حامل قبلا.. ارتاحي..
دبيكا :- لقد كانت بحالة غير جيدة
زينة :- مين هي
دبيكا :- سارة كانت تصرخ بشدة وتشتمني وتضرب الاشياء بالارض حاولت ايقافها لكن شعرت بشي وقع على راسي ولم اشعر بشي بعدها..
زينة :- شفتي امي قلتلك..
امي :- يقصف عمرك يا سارة شو شرنة. بنتي سارة هي يلي عملت فيكي هيك..
دبيكا :- لا لم تكن سارة لم اعرف من..
زينة :- العما اذا مو هي لكان مين عمل هيك....
ارجعنا على البيت وعندنا الف سؤال اذا مو سارة يلي عملت هيك مين يلي ضرب دبيكا..
ابي ما ارتاح للموضوع وللاسف بيتنا مافيو كاميرات.. ومافينا نطلب نفتح كاميرت حد الا باذن الشرطة..
ابي :- لازم تعرف يابي مين
زياد :- حاولت ماقبلو اشوف الكاميرات..
..
ونسينا القصة بعد شهور لان كان اهتمامنا بالاطفال اكثر بعد ماعرفنا انن اتنين صبيان.. دبيكا قررت اتسمي على اسم ابي.. بس سارة بدها تسمي اسم حديث وحضاري.. ونحنا ما اجبرنا حد الاختيار كان لالهن.. بيوم اجا لمرت اخي اتصال ونحنا قاعدين وهالاتصال ما كان يفصل ورسائل كثير.
سارة :- عن اذنكم امي عم ادقلي..
امي :- خدي راحتك..
وكالعادة فضولي الزايد خلاني راقبها لاعرف ليش اتلبكت وقت اجاها الاتصال مو من عادتها..
سارة :- خير شبدك مني.. مابعرف انا اعطيتك وزيادة.. اي خبرهن مارح يسدقوك..
... بس انا عندي تسجيل صوتي وانتي عم تطلبي مني اعمل هالشي..
سارة :- حقير كم بدك.. وهاي اخر مرة بعطيك.. بكرة بتلاقيهن جنب حاوية المحطة.. بحطن وبتاخدن ع 11..
وقفلت سارة من هون وانا ماسكتت خبرت اخي انو في حد بيبتز سارة وانها بدها تطلع تعطيه مصاري.. اخي طول الوقت عم يخطط ويفكر بالموضوع ماقدر ينام وهو عم يشك بكل شي حواليه طلع الصبح وهو جهز حالو كالعادة مشان شغلو.. ونحنا كل واحد انشغل بحالو..
وقربت الساعة 10:50 دقيقة..
سارة :- مرت عمي رح مر لعند امي عندي موعد عند الطبيب
امي :- خبرتي زياد #جمايكا
سارة :- دقيت لالو بس ماعم يرد عليه انتي خبريه اذا اجا..
( وبدون سابق انذار طلعت ونحنا ناطرين اخي.. ابي طلع بعدها..
ومافي شوي الا هي راجعة وبعدها اخي ورفقاتو كانو كامشين الشاب.
زياد :- فوووتي فوووتي..
سارة :- زياد شبك اتركني ..
زياد :- هاتوه لهون..
.. لشو جايبني هون مين انتو..
زياد :- مين هاد سارة . عشيقك ولا شو
سارة :- شو بتحكي مانو عشيقي ولا بعرفوا..
زياد :- وهاد الكيس يلي حطيتيه بالحاوية كلو مصاري لمين
سارة :- شبعرفني
زياد :- اي واتصالت امبارح معو سمعناه كلو.. شو شبك اتلبكتي.. اتصل على اهلك وانت شو اتصل على البوليس..
.. اخي ماعملت شي..
زياد :- مابدك تحكي.. دق ع البوليس..
.. لا خلص خلص بقلكن بس دخيلكن انا شاب مبهدل هون حتى سكن ماعندي وفي وحدة اتصلت عليه قالت بدك مصاري بس مقابيل هالخدمة..
زياد :- ومين هالوحدة
... ست كبيرة مابعرفها
.
زيادة :- وشو هالخدمة
.. قالت البس وتعال على هاد العنوان صاحبة هالرقم رح ادق عليك وتقلك متى تفوت بدها تطلب منك تعمل شي صغير وتاخد مصاري يكفوك 6 شهور لقدام اي.
.زياد :- شو هالشغلة.
... قالت في ست بالبيت بس اعطيك اشارة ياتدفشها من شي عالي او تضربها بشي ع راسها...
وانا عملت متل ما بدها.
ابي :- وصل فيكي الحال تعملي هيك سارة
سارة :- عمي وحياتك كذاب ومدفوش عليه.
زينة :- شلون كذاب وانا اسمعتك امبارح وانتي عم تحكي معو وتعطيه مصاري ليضل ساكت..
امي :- يا خسارة يا سارة هيك تعملي فينا، ماشفتي منا الا كل خير، وضرتك ما قدمتلك الا كل شي منيح وصل فيكي الحال تقتليها وتتخلصي منها..
زينة :- مشان تسدقوني من البداية قلت لالكن الف مرة..
.. خيي شو مابدك بعمل بس لا انا شاب حرامي ولا شي الله وكيلك لو بدي اسرق البيت لسرقتو.. ولا انا مجرم انا ضربتا ع مكان تفقد الوعي فيه وماياذي والله الظروف جبرتني وماني ابن حرام..
زياد :- انت حسابك عندي بعيد.. خدوه شباب لنشوف حلو وبشوفك بعد ساعة..
سارة :- ابوس على رجلك زياد والله اسفة واخر مرة بغلط هيك غلط والله من حبي لالك ومابدي حد يشاركني فيك.. عمي الله يخليك احكي شي.. كرمال اللي ببطني مرت عمي
زياد :- انتي طالق سارة..
سارة :- لا دخيلك والله ماكان قصدي هي امي السبب..
زينة :- بالمرة الاولى اطلقتي بسبب امك وهاي المرة التانية.. وما اتعلمتي لهيك انا بقول تستاهلي..
اخي طلقها بدون ما يلتفت لالها او للي ببطنها اول مرة احس اخي صح.. لان يلي بيغلط مرة بيغلط الف.. نيتها ماكانت صافية معنا.. رغم محاولاتها لترجع لعنا الا انو اخي صمم ماترجع وكرها وماعاد بدو اياها ابدن.. بس اهلي ما قصروا بمصاريف حملها.. بالفعل زعلانين انو ابن اخي رح يربى ببيئة حقودة واشخاص سيئين.. بس كنا موكلين امرو لربنا.. ادخلو اشخاص ليحلو قصة اخي ومنهن اهل دبيكا بس اخي رفض وناطر لتولد سارة لتخلص عدتها...
اما دبيكا يلي ماكنا متوقعين منها هيك تصرف انها تطلب السماح لسارة.. كرمال الطفل.. رغم محاولاتها الكثيرة بين اهلي وزياد .. لدرجة اهلا ادخلو بالموضوع.. بس للاسف اهل سارة ما احترموهن وقلو من قيمتهن لهيك زاد اخي اصرار مايرجع سارة.. فقنا يوم لقينا مرتب اغراضها بشنت ليرسلهن لالها.. وبالعصر اجا عالم اخدو غرفة النوم يلي لالها.. حاول بكل مجهودو يمحى كل شي لالو اثر بسارة.. هي يلي عملت بحالا هيك.. وهي يلي بغبائها خسرت زوجها وعمها ومرت عمها.. ماحد قبل يصف معها وينصفها او يطلب من اخي يرجعها.. كان متل هم وانزاح عن طريقنا..
ابي :- الله اعلم شو كان بايدها تتمادى وتعمل..
امي :- يالطيف ممكن تسمنا او تقتلنا
ابي :- ماتستبعدي..
امي :- والله خايفة ع الطفل
ابي :- لا تقلقي هون بامريكا ما بتحسن تعمل شي.
امي :-الله يهديها والله قبلنا فيها بكل افعالها ليش هيك ساوت بحالا والله دبيكا ما بيوم كشت فيها اتحملتها هالبنت كثير يصل فيها الحال ترسل ناس يقتلوها.. الله اعلم لو ما هالشب شو كان عمل غيرو فيها..
ابي :- لك غلطها لا يغتفر ولا بيتسامح عليه..
امي :- ان شاء الله تحط عقلا براسها..
..
رجع الاستقرار لبيتنا.. رجعت هداة البال.. عم نجتمع على السفرة بدون كيد وبلاء ايد وحدة عم نساند بعض.. كنتنا الغالية ماشفنا منا الا كل خير.. بطيبة قلبها ،،، امي ع طول عم توصينا لا انتعبها كرمال يلي ببطنها وكرمال طيبة قلبها.. واحيانا بنفيق بلاقي امي مجهزة لالها فطار خاص فيها لتتغذى.. ابي كل يوم بفاجئنا بهدية جديدة للطفل.. ولابن زياد التاني.. كنت اتمنى لو بقيت سارة معنا وكانت باخلاق دبيكا اكيد ماكنا حتى نزعل منها بشي.. بس كانت مثل الحية بينا تقرص ووتخبى ونيتها سيئة على طول مع الكل..
الحمد لله قدر ولطف اخي فات بحالة عصبية من بعد طلاقو منها بس باصرار دبيكا واهتمامها باخي حسن يتخطى هالظروف،،..
#جمايكا
كنتنا بآخر شهر.. وع قريب رح تجبلنا الحفيد الاول.. ان شاء الله.. رح يقلي ياعمتو الشاضومة.. اي لحظة اختي ريهام طلعت بتحب ياجماعة.. بس مين.. الشاب الباكستاني اخوها لدبيكا وطلع في بينها وبين دبيكا اسرار انا ما كنت منتبه لالها.. وهاد اكثر شي زاعجني انو شلون فاتت عليه هالامور وما انتبهت عبيها من كانو يقعدو يتهامسو سوا هي ودبيكا.. وقريبا رح نسافر لباكستان بجوز ها نرجع نحتفل بعريس باكستاني 😍😍.. ورايحة لهونيك انا كمان بلكي بين الحضور شفلي شي حد يغامزني.. وعينو عليه وهيك شي عجوزة ترمي عليه ورد .. شبو حظي هيك..
#جمايكا
القصة جدا عادية بعرف ومافيها احداث فخمة.. لانها قصص اجتماعية..
بتحكي عن حياة انسانة مع شخص.. يعني مارح تكون هندية كثير.. او فيها اكشن ومغامرة.. اتقبلو نوعية القصص واختلافها... 😍
😢😢..
انتهت..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`