الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵.حواء.تتنفس.tt.*
*❴🔢❵☟الـــبـــــــــــ❴6⃣والأخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
خبرت اختي نادين وقلتلها بدنا نجي عالامارات ولادي عارضوني بس انا لقيت انو هاد الصح.. سحبنا مال الورتة و بعد اسبوع طلعنا عالامارات بدون ما نخبر بيت حمايي.. لما وصلنا استقبلونا اختي وبناتا.. مافي متل هوا سوريا.. بس كنت مضطرة.. كتير أصرت عليي اختي نام عندا بس ما كان بدي احجز حريتا.. حجزت بفندق انا وولادي لبين ما نلاقي شقة مناسبة نستأجرها وتكون قريبة على اختي
بعد يومين لقينا شقة وقعدنا فيها..
وتالت يوم نزلت دور على شغل.. ساعدتني اختي حتى لاقي وفعلا لقيت شغل بشركة ممتازة وبراتب عالي.. داومت أول يوم كان كلشي غير.. مكاتب منظمة ودقة بالمواعيد.. انا تأخرت خمس دقايق ونبهتني مديرة الشركة انو ما اتأخر.. بعد ما داومت بالشركة عنجد تغيرت.. صرت كتير منظمة بمواعيدي.. فيق بكير ونام بكير.. سجلت ولادي بنفس مدرسة بنت اختي ليكونوا سوا.. كان دوامي من الساعة 8 للساعة 1 الظهر.. برحع عالبيت بجهز الغدا لبين ما يجوا ولادي عالساعة 1 ونص.. ومن حسن حظي كانت الشركة قريبة على بيتي.. عالساعة 3 العصر كنت انزل آخد دورات ثقافية تعليمية.. كانت دورات منوعة ومفيدة كتير.. منها طرق التعامل مع بعض الناس.. وعالساعة 4 روح على مسجد لتحفيظ القرآن.. برحع عالبيت الساعة 6.. بلاقي ولادي مخلصين دروسهن وعم يحكوا سوا.. كتير كنت انبسط لما شوف علاقتهن قوية.. عالساعة 8 المسا كنت طبق يلي قالولي اياه بالدورة.. لازم تعطي ولادك عالأقل ربع ساعة.. يحكولك فيها كلشي وانتي تحكيلن.. مشان تضلي قريبة منهن.. ما لازم تعصبي عليهم كتير.. حتى يعطوكي ثقة كاملة ويأمنوا على كل أسرارهن معك.. ولادي كتير حبوا هي الفقرة.. بدال ربع ساعة عملوها ساعة.. كلنا منسمع لبعض ومننصح بعض.. ابني نذير نجح عالباكلوريا (( ثاني عشر )).. بنتي نايا نجحت عالعاشر.. ابني عامر نجح عالسابع.. كانوا من الأوائل عالمدرسة.. نايا تغيرت كتير.. صارت كتير تحب الأشغال الفنية بعد ما نصحتا بنت اختي أرجوان بهالشي.. صارت فنانة بكل معنى الكلمة.. صارت كتير مرحة بالبيت.. هون كان النا حرية كاملة.. محدا بيتدخل بحدا ابدا.. وهاد الشي ريحني وريح ولادي كتير..
انا أخدت عهد اني ما ألمس مصاري الورتة ورح كون عند وعدي.. طول فترة إقامتي بالامارات كنت اخد جزء من راتبي وخبيه على جنب... خلص ابني الباكلوريا وقرر ينزل يدرس جامعة بسوريا لأنها هون غالية..
ريهام: لا مارح ننزل الا لما تكون مهندس وترفع راسي
نذير: امي كيف بدنا ندفع كل هالمصاريف..
ريهام: لا تخاف انا حاسبة حساب هالشي
بدأت طالع المصاري يلي خبيتا وطلعت بتكفي كل سنوات الجامعة وبتزيد.. ما استغنيت عن فكرة اني خبي جزء من راتبي.. مشان وقت الحاجة.. أحوالنا تحسنت كتير.. ودائما كنا نخصص مبلغ بسيط للفقراء ونبعتهم لسوريا.. الصدقة ما بتنقص من المال.. بالعكس بتبارك فيه وبتزيده.. الصدقة بتنقي الروح.. مجرد تشوف ابتسامة على وجه محتاج انت يلي رسمتها.. هاد انجاز عظيم.. رح يغرز شعور حلو كتير بقلبك
_______________
(( بعد نصف سنة ))
اليوم كانت حفلة تكريمي لإتمام حفظ 10 أجزاء من القرآن الكريم
________________
(( بعد سنتين ونصف ))
الحمدلله.. ختمت القرآن الكريم كاملا.. أدامه الله ثابتاً في قلبي
________________
(( بعد مرور 10 سنوات ))
يلا ابني احمل الشناتي.. أول ما لمست أرض سوريا اخدت نفس عميق.. كنت محتاجة هوا بلدي.. رجعنا على بيتنا.. أول ما دخلت صرت اتذكر كل ثانية.. كل لحظة صارت تمشي قدام عيوني كأنها هلأ عم تصير.. ما نزلوا دموعي.. ماعدت ريهام القديمة الضعيفة.. انا كتير قوية.. ماعدت المرأة يلي بينشفق عليها.. تأكدت فعلا إني كنت محتاجة هالسفرة.. الدورات كتير فادتني.. وغيرت شخصيتي من الضعيفة للقوية يلي ما بتنهزم.. رحت سلمت عأهلي.. كتيير اشتقتلن.. بعد يومين رحت لزور بيت حمايي.. كان كلشي متغير بيتن مهتري.. ونص الفرش رايح..
سمية: اهلين ريهام اشتقنالك.. وين هالغيبة
لأول مرة سمية بتضمني وبتبوسني.. كانت تيابا كلها قديمة
قعدتني وعملت فنجانين قهوة
ريهام: شو وينها مرتعمي
نزلت راسها وقالت
سمية: عطتك عمرا
ريهام: الله يرحما ويغفرلا
عنجد زعلت عليها.. ولا بعمرا أذتني بكلمة وحدة
قطع حديثنا صوت الجرس.. دخلوا سمير وأحمد وتيابهم كلها دهان
سمير: اهلا وسهلا..
نزلوا راسن التنين عالأرض وكأنو طالبين السماح
سمية: شو عملتوا اليوم
أحمد: خلصنا دهان البيت يلي استلمناه وبكرة رح نشتغل بالبيت يلي بنهاية الشارع
للحظة زعلت عليهن.. نسيت كلشي سببولي اياه وشفقت عليهن.. بس ما نظرتلن نظرة شفقة ابدا.. لأني بعرف هالشعور.. سمية طلقها زوجها وسمير وأحمد ما معن يتزوجوا.. الله ما بيضيع حق عبده.. يمهل ولا يهمل 💙
دخلوا كلهن عالغرف وتركوني لحالي.. طالعت رزمة مصاري وحطيتها عالطاولة بعدين غادرت.. ما انبسطت ابدا من حالهم.. زعلت عليهم.. بعمري ما شمتت على حدا.. هاد مو من طبعي ابدا.. انا هلأ تنفست.. هلأ رجعت للحياة بعد تجربة قاسية مريت فيها.. تشكروني كتير بيت حمايي وماعادوا أزعجوني ابدا.. قسمت الورتة بالتساوي على ولادي.. مشان أمن عليهم.. نذير هلأ عندو شركة هندسة تصميم.. نايا اخدت الدكتوراه وصارت دكتورة جامعة.. اما عن عامر ابني عم يدور على شغل يقدر يستثمر فيه الورتة
_
_______________
بعد مرور 5 سنوات
زهرة: تيتة تيتة
نزلت الكتاب من ايدي وابتسمت
ريهام: نعم حبيباتي
جمال: بابا نذير دائما بيقلنا انو في عندك قصة حلوة
زهرة: اي تيتة احكيلنا اياها
ريهام: طيب.. كان يا ماكان في قديم الزمان.. كان في بنت مات زوجها وسندها.. ومن بعدا انفتحت عليها قصة الها بداية ما الها نهاية.........................
زهرة: بتعرفي يا تيتة هالقصة كتير حلوة.. أهم شي انها انتهت بسعادة البنت
جمال: بدي كون متل ابنها للبنت.. بدي اسند امي ودافع عنها دائما
ريهام: لك يسلملي ربك.. تعا تعا
حطيتون هنن التنين بحضني وعطيتن خرجية.. ركضوا التنين ليشتروا من برا
اجا نذير من ورايي وحط ايدو على كتفي.. التفتت لورا لقيت نايا وعامر كمان موجودين
نذير: رح تضلي المرأة العظيمة يلي مستحيل انسى مكافحتها.. حطيت ايدي على ايدو وابتسمت.. اطلعت لبعيد بعدين قلت
ريهام: هالمرة ما استمدت قوتها غير منكم.. الله يحميلي اياكن
حبي لأبو نذير ما كان حب عادي.. كان هو عبارة عن كلشي بالنسبة الي.. حبيتو حب الو بداية بس مالو نهاية.. لم ولن ينتهي.. (( سيظل إلى آخر نفسٍ أستنشقه ))
~*☆الــنــٓـهــٓـ{ͳḫẻ}ــٓـايــٓـ{αᶯᖱ}ــٓـةة☆*~
➖➖➖➖➖➖➖➖➖
*❴📖❵↵*تٌنْسيَق مشُرفَيَنْ مجٍمۆعةّ:*
*❴📚❵↵*قصٍصٍ ۆرۆآيَآتٌ عآلُميَةّ📚💙*
*❴💙❵↵*نْنْشُر جٍميَع آنْۆآع آلُقصٍصٍ ۆآلُرۆآيَآتٌ آلُعآلُميَةّ*
حٍـبْ💙.
حٍـڒٍنْ💙.
آگشُنْ💙.
رعبْ💙.
*❴👑❵↵*أنْ گنْتٌ منْ عشُآق ۆمدِمنْيَ آلُقصٍصٍ مگآنْگ عنْدِنْآ💙*
*❴💙❵↵*رآبْطُ آلُمجٍمۆعةّ لُلُآشُتٌرآگ:*
```https://whatsapp.com/channel/0029VadbWnd89inYkEVrpG0C```