2-1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *مابين.حب.وتحكم.tt 🩵*
*❴🔢❵☟الـــبـــــــــــ❴1️⃣+2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
.
ﻗﺒﻞ 30 ﺳﻨﺔ !♡!
.
ﺃﻧﺘﻲ ﻣﻦ ﺍﻟﻴﻮﻡ ﺃﻟﻲ،
.
ﻫﻲ ﺃﺣﻠﻰ ﻛﻠﻤﺔ ﺑﺘﺤﺐ ﺗﺴﻤﻌﻬﺎ ﺃﻱ ﺍﻧﺜﻰ ﺑﻴﻮﻡ ﻋﺮﺳﻬﺎ !
.
ﻻ، ﺗﻔﻜﻴﺮﻙ ﺭﺍﺡ ﻟﺒﻌﻴﺪ ﻛﺘﻴﺮ ! ﺃﻧﺎ ﺑﻘﺼﺪ ﻳﻠﻲ ﻗﻠﺘﻪ ﺑﺎﻟﺤﺮﻑ ! ﻣﻦ ﻫﺎﻟﻠﺤﻈﺔ، ﺭﺡ ﺗﻜﻮﻧﻲ ﺗﺤﺖ ﺃﻣﺮﻱ ﻭﺳﻴﻄﺮﺗﻲ !
.
ﺷﻮ ﻗﺼﺪﻙ ! ﻟﻴﻚ ﺍﺫﺍ ﻋﻢ ﺗﻤﺰﺡ ﻻﺗﻜﻤﻞ ﺍﻧﺎ ﺑﻜﺮﻩ ﻫﻲ ﺍﻟﻄﺮﻳﻘﺔ !
.
ﺃﻧﺎﺍﺍﺍ ﻣﺎﻋﻢ ﺃﻣﺰﺡ ! ﻭﺣﻴﺎﺗﻚ ﻋﻨﺪﻱ ! ﻣﺎﻋﻢ ﺃﻣﺰﺡ ! ﻣﻦ ﺑﺪﺍﻳﺔ ﺣﺒﻲ ﺃﻟﻚ ﻭﻟﻬﺎﻟﻠﺤﻈﺔ ﺍﻧﺎ ﻣﺘﺬﻛﺮ ﻛﻠﺸﻲ ! ﻣﺎﺭﺡ ﺃﻧﺴﻰ ﺷﻲ ! ﻭﻛﻞ ﻏﻠﻄﺔ ﻋﻤﻠﺘﻴﻬﺎ ﻭﻛﻞ ﻣﺮﺓ ﻛﺴﺮﺗﻲ ﻛﻼﻣﻲ ﻓﻴﻬﺎ ! ﻛﻞ ﺷﻲ ﻋﻤﻠﺘﻴﻪ ﻣﺤﻔﻮﺭ ﺑﺬﺍﻛﺮﺗﻲ، ﺭﺡ ﺣﺎﺳﺒﻚ ﻋﻠﻰ ﻛﻠﺸﻲ ﺑﺲ ﻣﺶ ﺩﻓﻌﺔ ﻭﺣﺪﺓ، ﻻﺧﺮ ﻳﻮﻡ ﺑﺤﻴﺎﺗﻚ ﺭﺡ ﺗﺒﻘﻲ ﺗﺘﻌﺎﻗﺒﻲ ﻭﺗﺘﺤﺎﺳﺒﻲ !
.
ﺍﻧﺎ ﻣﺎﻋﻢ ﺍﻓﻬﻢ ﺷﻲ ﺷﻮ ﺻﺮﻟﻚ ! ﻛﻴﻒ ﺑﺘﺤﻜﻴﻨﻲ ﻫﻴﻚ ﺑﻬﻴﻚ ﻳﻮﻡ !
.
ﻗﺒﻞ ﻛﻨﺖ ﻋﻢ ﺍﺗﻤﺎﻟﻚ ﺣﺎﻟﻲ ﻛﺮﻣﺎﻝ ﺗﺼﻴﺮﻱ ﻋﻨﺪﻱ ! ﻭﻣﻦ ﻫﻠﻖ ﺭﺡ ﻧﺒﺪﺃ ! ﻣﻦ ﻫﻲ ﺍﻟﻠﻴﻠﺔ ﺭﺡ ﺃﺗﺮﻙ ﺑﺤﻴﺎﺗﻚ ﺑﺼﻤﺔ ﻣﺎ ﺗﻨﺴﻴﻬﺎ ﺍﺑﺪﺍ !
.
.
ﻗﺒﻞ 20 ﺳﻨﺔ !♡!
.
ﺃﺧﻲ ﻷﻳﻤﺘﻰ ﺭﺡ ﻧﺒﻘﻰ ﻋﺎﻳﺸﻴﻦ ﻫﻴﻚ ﻣﻊ ﻇﻠﻢ ﺃﺑﻮﻧﺎ ﻷﻣﻨﺎ !
.
ﻛﻠﺸﻲ ﻋﻢ ﻳﻌﻤﻠﻪ ﺑﺎﺑﺎ ﺻﺢ، ﺍﻻ ﺍﻟﻀﺮﺏ ! ﻣﺎﻣﺎ ﻣﺎ ﺑﺘﺴﺘﺎﻫﻞ ﺍﻟﻀﺮﺏ !
.
.
ﻗﺒﻞ 10 ﺳﻨﻮﺍﺕ !♡!
.
ﻟﻴﻜﻲ ﻫﺎﺩ ﺃﺑﻦ ﺧﺎﻟﺘﻲ، ﺷﻮ ﺣﻠﻮﻭﻭ، ﺑﺘﻌﺮﻓﻲ ﺷﻮ ﺍﻧﺎ ﺑﺲ ﺃﻛﺒﺮ ﺭﺡ ﺍﺗﺰﻭﺟﻪ !
.
ﻟﻚ ﻛﻴﻒ ﺑﺘﺤﻜﻲ ﻫﻴﻚ ﻟﺴﺎ ﻋﻤﺮﻙ ﻋﺸﺮ ﺳﻨﻴﻦ !
.
ﺍﺫﺍ ﻣﺎ ﺍﺗﺰﻭﺟﺘﻪ ﺑﻌﺪ ﻛﻢ ﺳﻨﺔ ﺭﺡ ﺃﻧﺘﺤﺮ ! ﺑﻮﻋﺪﻙ !
.
.
ﻗﺒﻞ ﺳﻨﺘﻴﻦ !♡!
.
ﺃﻧﺎ ﺑﺤﺒﻚ، ﺗﺘﺰﻭﺟﻨﻲ؟؟
.
ﻫﻬﻬﻬﻪ ﻳﻌﻨﻲ ﺍﻧﺎ ﺣﺎﻟﻴﺎ ﻣﺼﺪﻭﻡ ﻛﺘﻴﺮ ! ﺍﻭﻝ ﻣﺮﺓ ﺑﺸﻮﻑ ﺑﻨﺖ ﺑﺘﻄﻠﺐ ﺍﻟﺰﻭﺍﺝ ﻣﻦ ﺷﺐ ! ﻭﺑﻌﺪﻳﻦ ﺍﻧﺘﻲ ﺑﺘﻌﺮﻓﻲ ﻓﻲ ﻓﺮﻕ ﺑﻴﻨﻲ ﻭﺑﻴﻨﻚ 9 ﺳﻨﻴﻦ؟؟
.
ﺃﻧﺎ ﺑﺤﺒﻚ ﻭﺭﺡ ﺃﺗﺰﻭﺟﻚ ﻭﻣﺎ ﺑﻴﻬﻤﻨﻲ ﺃﻱ ﺷﻲ ﺗﺎﻧﻲ !
.
.
ﻗﺒﻞ ﺳﻨﺔ !♡!
.
ﺗﺘﺰﻭﺟﻴﻨﻲ؟
.
ﺍﻧﺎ ﻣﺼﺪﻭﻣﺔ ﻣﻨﻚ ! ﻫﻴﻚ ﻓﺠﺄﺓ ! ﻗﺒﻞ ﻣﺎ ﺗﻘﻠﻲ ﺑﺤﺒﻚ !!
.
ﺍﻧﺎ ﻣﺎ ﺑﺴﻤﺢ ﻟﺤﺎﻟﻲ ﺍﺗﺠﺮﺃ ﻋﻠﻴﻜﻲ ﺍﻭ ﺍﻏﻠﻂ ﻣﻌﻚ ﺑﺄﻱ ﺷﻲ ! ﺍﻧﺎ ﺑﺪﻱ ﺍﺑﺪﺃ ﻛﻠﺸﻲ ﺑﺸﻜﻞ ﺭﺳﻤﻲ !
.
.
.
.
ﻣﺘﺴﻄﺢ ﻭﻣﻐﻤﺾ ﻋﻴﻮﻧﻪ ﺍﻳﺪﻳﻪ ﻋﻢ ﻳﻌﺮﻗﻮ،
ﻣﺤﺘﺎﺭ، ﻣﺶ ﻋﺎﺭﻑ ﻳﺤﻜﻲ ﺍﻭ ﻳﺒﻘﻰ ﺳﺎﻛﺖ؟
.
ﺻﺎﺑﺮ : ( ﺩﻛﺘﻮﺭ ﻧﻔﺴﻲ ) ﻧﺼﺮ، ﻋﻠﻰ ﻓﻜﺮﺓ ﺍﻟﻜﻼﻡ ﺩﺍﺋﻤﺎ ﺑﻴﺮﻳﺢ ﺍﻛﺘﺮ ﻣﻦ ﺍﻟﺴﻜﻮﺕ ﻭﺍﻟﻜﺘﻤﺎﻥ ! ﺍﻧﺎ ﺑﺲ ﺑﺪﻱ ﺍﻓﻬﻢ ﺍﻧﺖ ﺟﺎﻱ ﻋﻠﻰ ﺍﺳﺎﺱ ﺷﻮ؟؟ ﻋﻠﻰ ﻓﻜﺮﺓ ﺍﻧﺎ ﺩﻛﺘﻮﺭ ﻧﻔﺴﻲ ﻣﺶ ﺻﺎﺣﺒﻚ ﺗﺠﻲ ﺑﺎﺳﺘﻤﺮﺍﺭ ﻭﻣﺎﺗﺤﻜﻲ ﺷﻲ ! ﻟﻬﻠﻖ ﻣﺎﺑﻌﺮﻑ ﻏﻴﺮ ﺍﺳﻤﻚ !
.
ﻓﺘﺢ ﻋﻴﻮﻧﻪ ﻭﺍﺗﻄﻠﻊ ﺑﺎﻟﺪﻛﺘﻮﺭ ﻭﻫﻮ ﻋﻢ ﻳﻌﺮﻕ !!
.
ﻧﺼﺮ : ﺍﺳﻤﻲ ﻧﺼﺮ ﺯﺍﻫﺮ ﺍﻟﺮﺷﻴﺪ ! ﻋﻤﺮﻱ 28 ﺳﻨﺔ ! ﺟﺎﻱ ﻟﻌﻨﺪﻙ ﻟﺤﺘﻰ ﺍﺳﺘﺸﻴﺮﻙ ﺑﺸﻲ، ﻣﺶ ﻻﺗﻌﺎﻟﺞ ! ﺑﺪﻱ ﺗﻨﺼﺤﻨﻲ ﺑﻀﻤﻴﺮ !
.
ﺻﺎﺑﺮ : ﻭﺍﻧﺎ ﻣﻌﻚ، ﺑﺲ ﻫﻴﻚ ﻏﻠﻂ ﺍﻛﻴﺪ ﺍﻧﺖ ﺭﺡ ﺗﺴﺄﻟﻨﻲ ﺷﻲ ﻭﺍﻧﺎ ﻣﺎﺭﺡ ﺍﻗﺪﺭ ﺟﺎﻭﺑﻚ ﺟﻮﺍﺏ ﻳﻜﻮﻥ ﺑﻀﻤﻴﺮ ! ﻻﺯﻡ ﺍﻋﺮﻑ ﻛﻞ ﺍﻻﺣﺪﺍﺙ !!
.
ﻧﺰﻝ ﻧﻈﺮﻩ ﻟﻼﺭﺽ ﻭﺟﻠﺲ ﺣﺎﻟﻪ !
ﻧﺼﺮ : ﻟﻮ ﺳﻤﺤﺖ، ﺍﻧﺎ ﺣﺒﻴﺖ ! ﻭﻗﻌﺖ ﺑﺎﻟﺤﺐ !
.
ﺻﺎﺑﺮ : ﻫﻲ ﺧﻄﻮﺓ ﻣﻨﻴﺤﺔ ﻟﻠﻤﺮﻳﺾ !
.
ﺭﻓﻊ ﺍﻳﺪﻩ،
ﻧﺼﺮ : ﻟﻮ ﺳﻤﺤﺖ ﻻﺗﻘﻮﻝ ﻣﺮﻳﺾ، ﻭﺧﻠﻴﻨﻲ ﻛﻤﻞ ﻟﻼﺧﺮ ! ﺍﻧﺎ ﺑﺸﺘﻐﻞ ﻣﻬﻨﺪﺱ ﺩﻳﻜﻮﺭ، ﻭﻫﻴﻲ ﺍﺟﺖ ﻟﻌﻨﺪﻱ ﻣﺮﺓ ﻭﻃﻠﺒﺖ ﻣﻨﻲ ﺩﻳﻜﻮﺭ ﺟﺪﻳﺪ ﻟﺒﻴﺘﻬﺎ ! ﻭﻫﻴﻚ ﺻﺮﻧﺎ ﻧﺘﻘﺎﺑﻞ ﻛﺘﻴﺮ ! ﻭﺍﻛﺘﺸﻔﺖ ﺍﻥ ﺍﻧﺎ ﺑﺤﺒﻬﺎ ﺑﺲ ﻣﺎ ﻗﻠﺘﻠﻬﺎ ! ﻗﻠﺘﻠﻬﺎ ﻣﻦ ﺳﻨﺔ ﻧﺘﺰﻭﺝ !
.
ﺻﺎﺑﺮ : ﻏﻠﻂ ﻻﺯﻡ ﺗﻌﺘﺮﻑ ﻟﻬﺎ ﺑﺤﺒﻚ ! ﻭﺗﻌﻴﺸﻮ ﻭﻗﺖ ﺗﺘﻌﺮﻓﻮ ﻓﻴﻪ ﻋﻠﻰ ﺑﻌﺾ !
.
ﻧﺼﺮ : ( ﺑﻌﺼﺒﻴﺔ ) ﺍﻧﺎ ﻣﺎ ﺑﺤﺐ ﻫﻴﻚ ! ﺍﻧﺎ ﻣﺎ ﺑﺪﺧﻞ ﺑﺎﻏﻼﻁ ﺍﻧﺎ ﺑﺤﺒﻬﺎ ﻛﺘﻴﺮ ﻭﺑﺨﺎﻑ ﻋﻠﻴﻬﺎ ﻣﻨﻲ ! ﻟﻬﻴﻚ ﺧﻄﺒﺘﻬﺎ ﻭﺑﺪﺃﻧﺎ ﺑﺸﻜﻞ ﺭﺳﻤﻲ ﻓﻮﺭﺍ ! ﻭﺑﻌﺪﻳﻦ ﺍﻧﺎ ﺑﻌﺮﻑ ﻋﻨﻬﺎ ﻛﻠﺸﻲ ! ﻋﺮﻓﺖ ﻛﻠﺸﻲ ! ﺍﺑﻮﻫﺎ ﻣﻴﺖ ﻣﻦ ﺳﻨﻴﻦ ﻭﺃﻣﻬﺎ ﻣﺴﺎﻓﺮﺓ ﺑﺮﻯ ﺑﺸﻐﻞ ﻣﺎ ﺑﺘﺠﻲ ﻏﻴﺮ ﻛﻞ ﺳﺖ ﺃﺷﻬﺮ ( 15 ) ﻳﻮﻡ ! ﻭﻫﻴﻲ ﻭﺍﺧﺘﻬﺎ ﺳﺎﻛﻨﻴﻦ ﺑﺒﻴﺘﻬﻢ ﻳﻠﻲ ﺗﺮﻛﻠﻬﻢ ﻳﺎﻩ ﺍﺑﻮﻫﻢ !
.
ﺻﺎﺑﺮ : ﺍﻧﺖ ﺷﻜﺎﻙ ! ﺍﻧﺖ ﻋﻨﺪﻙ ﻣﺸﻜﻠﺔ ﻣﻦ ﺍﻟﺼﻐﺮ ! ﻣﻦ ﻃﺮﻑ ﺍﻻﻫﻞ !
.
ﻧﺼﺮ : ( ﻋﺼﺐ ﺍﻛﺘﺮ ﻭﻭﻗﻒ ﺑﺪﻩ ﻳﻤﺸﻲ ) ﻻ ﻣﺎﺍﺍﺍﻋﻨﺪﻱ ﻣﺸﺎﻛﻞ ﺍﻧﺎ ﺗﻤﺎﺍﺍﺍﺍﻡ !
.
ﺻﺎﺑﺮ : ﺍﻋﺘﺒﺮ ﺳﺆﺍﻟﻲ ﺍﻣﺘﺤﺎﻥ ﺍﻟﻚ ! ﺷﻮ ﺍﺳﻤﻬﺎ؟؟
.
ﻧﺼﺮ : ( ﺑﻨﻈﺮﺓ ﺣﺎﺩﺓ ) ﻫﻲ ﺍﺧﺮ ﻣﺮﺓ ﺭﺡ ﺗﺸﻮﻑ ﻭﺟﻬﻲ ﻓﻴﻬﺎ !
.
.
ﺣﺴﺎﻡ : ﺍﻧﺖ ﺟﺎﻫﺰ ﺗﺪﺧﻞ ﺑﻌﻼﻗﺔ ﺟﺪﻳﺔ ﻭﺧﻄﺒﺔ ﻭﺯﻭﺍﺝ؟ ﺷﻮ ﺍﺳﻤﻬﺎ ﺑﻨﺖ ﺧﺎﻟﺘﻚ ﺻﺤﻲ؟
.
ﺃﻧﺲ : ﻃﻮﻝ ﻋﻤﺮﻱ ﺑﺤﺐ ﺍﻻﺷﻴﺎﺀ ﺍﻟﻐﺮﻳﺒﺔ ! ﻋﻢ ﻗﻠﻚ ﺑﺘﺤﺒﻨﻲ ﻣﻦ ﻫﻴﻲ ﻭﺻﻐﻴﺮﺓ ! ( ﺍﺑﺘﺴﻢ ) ﺍﺳﻤﻬﺎ ﻛﺎﺭﻣﺎ ! ﻃﻠﺒﺘﻨﻲ ﻟﻠﺰﻭﺍﺝ ! ﻫﻬﻬﻬﻪ ﺻﺮﻟﻨﺎ ﺑﻌﻼﻗﺔ ﺣﺐ ﺳﻨﺘﻴﻦ ! ﺑﺲ ﻗﺮﺭﺕ ﺍﺗﺰﻭﺟﻬﺎ !
.
ﺣﺴﺎﻡ : ﺭﺡ ﺗﺘﺰﻭﺝ ﻗﺒﻞ ﺍﺧﻮﻙ ﺍﻟﻜﺒﻴﺮ؟
.
ﺃﻧﺲ : ﺍﺧﻲ ﻧﺼﺮ ﺻﺮﻟﻪ ﺧﺎﻃﺐ ﺳﻨﺔ ! ﻭﺍﻇﻦ ﺻﺎﺭ ﺩﻭﺭﻱ !
.
ﻭﺻﻠﻮ ﺭﺳﺎﻟﺘﻴﻦ ﻋﻠﻰ ﺟﻮﺍﻝ ﻧﺼﺮ ﻭﺃﻧﺲ ﻣﻦ ﺍﺑﻮﻫﻢ !
( ﺑﻌﺪ ( 15 ) ﺩﻗﻴﻘﺔ ﺑﺘﻜﻮﻧﻮ ﺑﺎﻟﺒﻴﺖ ﻋﻠﻰ ﺍﻟﻐﺪﻯ )
.
ﺃﻧﺲ : ﺍﻧﺎ ﺭﺡ ﺍﻣﺸﻲ ﺑﺸﻮﻓﻚ ﺍﻟﻤﺴﺎ !
.
.
ﻭﺻﻠﻮ ﺳﻮﺍ ﻟﻠﺒﻴﺖ ﻭﺩﺧﻠﻮ ﻋﺎﻟﻬﺎﺩﻱ ﻭﻗﻌﺪﻭ ﻋﻠﻰ ﺳﻔﺮﺓ ﺍﻻﻛﻞ ! ﺍﻧﺲ ﻭﻧﺼﺮ ﻭﺍﻻﻡ ﻭﺍﻻﺏ، ﻭﺍﻟﻜﻞ ﺳﺎﻛﺖ !
.
.
ﺯﺍﻫﺮ : ( ﺍﻻﺏ ) ﺷﻮ ﻓﻲ ﻟﻴﻪ ﻛﻠﻜﻢ ﺧﺮﺳﺎﻧﻴﻦ؟
.
ﺃﻧﺲ ﻭﻧﺼﺮ ﺳﻮﺍ : ﺃﻧﺎ ﺑﺪﻱ ﺃﺗﺰﻭﺝ !!!
.
.
.
ﺭﻏﻢ ﻣﻼﻣﺤﻬﺎ ﻳﻠﻲ ﻛﺒﺮﺕ ﻗﺒﻞ ﻭﻗﺘﻬﺎ،
ﺭﻏﻢ ﺍﻟﺘﻌﺐ ﻭﺍﻟﺤﺰﻥ ﻳﻠﻲ ﻓﻴﻬﺎ ﺍﺑﺘﺴﻤﺖ !
.
ﺩﻳﻤﺔ : ( ﺍﻻﻡ ) ﻫﺎﺩ ﺍﺣﻠﻰ ﺧﺒﺮ ﺑﺴﻤﻌﻪ ﺑﺤﻴﺎﺗﻲ !
.
ﺃﻧﺲ : ﻭﺍﺧﻴﺮﺍ ﺍﺧﻲ ! ﻗﺮﺭﺕ ﺗﺘﺰﻭﺝ !
.
ﻧﺼﺮ : ﺍﻧﺎ ﻣﻦ ﺯﻣﺎﻥ ﺑﺪﻱ ﻓﻮﺭﺍ ﺍﺗﺰﻭﺝ ﺑﺲ ﺁﺳﻴﺎ ﻫﻴﻲ ﻛﺎﻥ ﺑﺪﻫﺎ ﻓﺘﺮﺓ ﺧﻄﺒﺔ !
.
ﺯﺍﻫﺮ : ﻭﺍﻧﺖ ﻣﻮ ﺭﺟﺎﻝ؟ ﻣﺎﺑﺘﻌﺮﻑ ﺗﺎﺧﺪ ﻗﺮﺍﺭ؟ ﻓﻮﺭﺍ ﻭﺍﻓﻘﺖ ﻋﻠﻰ ﺍﻟﺨﻄﺒﺔ ! ﻭﻳﻦ ﺩﻭﺭﻙ؟ ﻣﺸﺘﻚ ﻋﻠﻰ ﻛﻴﻔﻬﺎ ﺑﺎﻟﺨﻄﺒﺔ؟ ﻛﻴﻒ ﻟﻜﻦ ﺭﺡ ﺗﺼﻴﺮ ﻭﻗﺘﺖ ﺗﺘﺰﻭﺝ؟؟
.
ﻧﺼﺮ : ( ﺭﻣﻰ ﺍﻟﺸﻮﻛﺔ ﻣﻦ ﺍﻳﺪﻩ ) ﻟﻮ ﺳﻤﺤﺖ ﺑﺎﺑﺎ ! ﺍﻧﺎ ﺑﻜﺮﻩ ﻛﻼﻣﻚ ﻫﺎﺩ ! ﻭﺑﻴﺬﻛﺮﻧﻲ ﺑﺄﻟﻒ ﻗﺼﺔ ﻭﻗﺼﺔ ! ﺧﻠﻴﻨﺎ ﺳﺎﻛﺘﻴﻦ ﺍﺣﺴﻦ !
.
ﺩﻳﻤﺔ : ( ﺍﺗﻄﻠﻌﺖ ﺏ ﺯﺍﻫﺮ ) ﻣﺶ ﻳﻤﻜﻦ ﻳﻜﻮﻥ ﻣﺘﻞ ﺍﺑﻮﻩ؟ ﺑﺎﻻﻭﻝ ﻣﻨﻴﺢ ﻭﻣﺎﻓﻲ ﻣﻨﻪ ﻭﻣﺘﺤﻀﺮ ﻭﺑﻌﺪﻳﻦ ﻳﻈﻬﺮ ﺑﻮﺟﻬﻪ ﺍﻟﺤﻘﻴﻘﻲ؟
.
ﺯﺍﻫﺮ : ﺍﻧﺘﻲ ﺍﺧﺮﺳﻲ ﻋﺎﻻﺧﺮ ﺍﻧﺎ ﻋﻢ ﺍﺣﻜﻲ ﻣﻊ ﺍﻟﺤﻴﻮﺍﻥ ﺍﺑﻨﻚ ! ﻟﻴﻚ ﻭﻻ ﺍﺧﺮ ﻣﺮﺓ ﺑﺘﺮﻣﻲ ﺷﻲ ﻫﻴﻚ ﻗﺪﺍﻣﻲ ﻓﻬﻤﺖ !
.
ﺃﻧﺲ : ﺧﻠﺼﻨﺎ ﻳﺎ ﺟﻤﺎﻋﺔ ﺍﻫﺪﻭ ﺷﻮﻱ ! ﺍﻧﺎ ﻗﺮﺭﺕ ﺍﺗﺰﻭﺝ ﻛﺎﺭﻣﺎ !
.
ﺯﺍﻫﺮ : ﻫﻬﻬﻪ ﺍﻧﺖ ﺍﻟﺘﺎﻧﻲ ﺍﺑﺸﻊ ﻣﻦ ﺍﺧﻮﻙ ! ﺑﺪﻙ ﺗﺠﺒﻠﻨﺎ ﻧﺴﺨﺔ ﺗﺎﻧﻴﺔ ﻣﻦ ﺍﻣﻚ ﻳﻌﻨﻲ !!
.
ﻭﻗﻒ ﺃﻧﺲ ﻭﺃﺗﻄﻠﻊ ﺑﺄﺑﻮﻩ ﺑﺠﻘﺎﺭﺓ : ﻟﻴﻚ ﺍﻧﺎ ﻣﻮ ﻣﺘﻞ ﺍﻣﻲ ! ﻭﻻ ﻣﺘﻞ ﻧﺼﺮ ! ﻭﺍﻻﻫﻢ ﺃﻧﻮ ﻣﺶ ﻣﺘﻠﻚ ! ﺍﻧﺎ ﻣﺎ ﺑﺴﻤﺤﻠﻚ ﺍﺑﺪﺍ ﺗﺘﺪﺧﻞ ﺑﺤﻴﺎﺗﻲ ! ﺭﺡ ﺃﺗﺰﻭﺟﻬﺎ ! ﻭﻋﻢ ﺧﺒﺮﻛﻢ ﻣﺶ ﻋﻢ ﺍﺧﺪ ﺍﺫﻧﻜﻢ !
.
ﺯﺍﻫﺮ : ﻻ ﺭﺟﺎﻝ ﺍﻟﺼﺮﺍﺣﺔ ! ﻳﺎ ﻓﺮﺣﺘﻲ ﻓﻴﻚ ﺍﻧﺖ ﻭﺍﺧﻮﻙ ! ﺍﻟﻌﺎﺩﺓ ﻣﺎ ﺭﻣﻴﺖ ﺷﻲ ﻣﺘﻞ ﺍﺧﻮﻙ؟؟
.
ﺃﻧﺲ : ﻣﺎﺭﺡ ﺍﺭﻣﻲ ﺷﻲ ﺃﻣﻲ ﺗﻘﻮﻡ ﺗﻨﻀﻔﻪ ! ﻭﻗﺖ ﺭﺡ ﺍﺭﻣﻲ ﺑﺮﻣﻲ ﺷﻲ ﺍﻧﺖ ﺗﻘﻮﻡ ﻣﻨﺸﺎﻧﻪ ! ﺍﻧﺎ ﻃﺎﻟﻊ ﻧﺎﻡ !
.
ﺯﺍﻫﺮ : ﺍﻧﺖ ﻗﻠﻴﻞ ﺍﺩﺏ ﻭﺗﺮﺑﻴﺔ ﻭﺍﻧﺎ ﺭﺡ ﺍﺭﺟﻊ ﺭﺑﻴﻚ !
.
ﻭﻗﻒ ﺯﺍﻫﺮ ﻭﺑﺪﻩ ﻳﻀﺮﺑﻪ ﺑﺲ ﺍﻧﺲ ﻣﺎ ﺳﻤﺤﻠﻪ !
.
ﺃﻧﺲ : ﺍﻧﺎ ﺑﻜﺮﻩ ﺟﻮ ﺍﻻﻓﻼﻡ ﻭﺍﻟﻤﺴﻠﺴﻼﺕ ! ﻻﺗﺠﻲ ﻋﻠﻰ ﺣﺎﻟﻚ ﻛﺘﻴﺮ ﻻ ﻳﺼﺮﻟﻚ ﺷﻲ !
.
ﻧﺰﻝ ﺍﻳﺪ ﺍﺑﻮﻩ ﻭﻃﻠﻊ ﻋﻠﻰ ﻏﺮﻓﺘﻪ !
.
ﺯﺍﻫﺮ : ﻫﺎﻟﻤﺮﺓ ﺭﺡ ﻣﺮﻗﻬﺎ ﺑﻤﺰﺍﺟﻲ ! ﻟﻴﻜﻮ ﺍﻧﺘﻮ ﺍﻟﺠﻮﺯ !
.
ﻧﺼﺮ : ﺍﺫﺍ ﻣﺎ ﻗﺪﺭﺗﻠﻮ ﺑﺘﺠﻲ ﺑﺪﻙ ﺗﺘﺤﻜﻢ ﻓﻴﻨﻲ ﺍﻧﺎ؟
.
ﺯﺍﻫﺮ : ( ﺿﺮﺑﺎ ﻋﻠﻰ ﻛﺘﻔﻬﺎ ) ﻗﻮﻣﻲ ﺟﻴﺒﻲ ﺍﺑﻨﻚ ﺍﺣﺴﻦ ﻣﺎ ﺟﻴﺒﻪ ﺍﻧﺎ ﺑﻄﺮﻳﻘﺘﻲ !
.
ﻃﻠﻌﺖ ﻟﻌﻨﺪ ﺍﺑﻨﻬﺎ ﻭﻫﻴﻲ ﻣﻜﺴﻮﺭﺓ ﺍﻟﺨﺎﻃﺮ ﻗﺪﺍﻡ ﺍﻭﻻﺩﻫﺎ !!
.
ﺭﺟﻌﻮ ﺍﺟﺘﻤﻌﻮ ﻣﺮﺓ ﺗﺎﻧﻴﺔ ﻭﺍﻟﻜﻞ ﻭﺟﻬﻪ ﻣﻘﻠﻮﺏ !!
.
ﺃﻧﺲ : ﺧﻴﺮ ﺷﻮ ﺑﺪﻙ ﺗﺪﻣﺮ ﻟﺴﺎ؟
.
ﺯﺍﻫﺮ : ﺑﺘﺨﺮﺱ، ﺍﻭ ﺑﺘﺤﻜﻲ ﺑﺄﺩﺏ ﻭﻻ ! ﺍﺑﻮﻙ ﺍﻧﺎ !
.
ﺩﻳﻤﺔ : ﺷﻮ ﺑﺪﻙ ﺗﻘﻮﻝ !
.
ﺯﺍﻫﺮ : ﺑﻌﺪ ﻋﺸﺮ ﺃﻳﺎﻡ ﻣﻦ ﻫﻠﻖ ﺭﺡ ﻳﻜﻮﻥ ﻋﺮﺳﻜﻢ ! ﺭﺡ ﺯﻭﺟﻜﻢ ﺳﻮﺍ ! ﻭﻫﻮﻥ ﻋﻨﺪﻱ ! ﺍﻟﺒﻨﺎﻳﺔ ﺃﺭﺑﻊ ﻃﻮﺍﺑﻖ ! ﻛﻞ ﻭﺍﺣﺪ ﻣﻨﻜﻢ ﻃﺎﺑﻘﻪ ﺟﺎﻫﺰ ﻋﺎﻻﺧﺮ ! ﺑﻘﻲ ﺑﺲ ﻧﺠﻬﺰ ﻟﻠﻌﺮﺱ ! ﺭﺡ ﺗﺘﺰﻭﺟﻮ ﺑﺬﺍﺕ ﺍﻟﻴﻮﻡ ! ﻧﻘﻄﺔ ﺍﻧﺘﻬﻰ !
.
.
.
ﻧﺼﺮ : ﺍﻧﺎ ﻣﺎﻋﻢ ﺍﻓﻬﻢ ﻟﻴﻪ ﺑﺬﺍﺕ ﺍﻟﻴﻮﻡ !
.
ﺃﻧﺲ : ﻟﻴﻪ ﻳﻌﻨﻲ ﻛﺮﻣﺎﻝ ﻳﺘﺮﻛﻠﻨﺎ ﻋﻼﻣﺔ ﺑﺄﺣﻠﻰ ﻳﻮﻡ ﺑﺤﻴﺎﺗﻨﺎ ! ﻫﻲ ﻓﺮﺣﺔ ﺷﺨﺼﻴﻦ ﻣﺶ ﺍﺭﺑﻌﺔ ﺍﺷﺨﺎﺹ
.
ﺯﺍﻫﺮ : ﺍﻧﺎ ﺣﻜﻴﺖ ﻛﻠﻤﺘﻲ ! ﺍﺫﺍ ﺭﺡ ﺗﻜﺴﺮﻭﻫﺎ ﺍﻧﺴﻮ ﺍﻧﻜﻢ ﺗﺘﺰﻭﺟﻮ !
.
ﺩﻳﻤﺔ : ﻣﺎﻋﻢ ﺍﻓﻬﻢ ﻟﻴﻪ ﺑﺪﻙ ﺗﻌﻤﻞ ﻫﻴﻚ ﺷﻮ ﻣﺼﻠﺤﺘﻚ ! ﺷﻮ ﻳﻠﻲ ﺑﺪﻙ ﺗﺨﺮﺑﻪ ﺑﻌﺮﺱ ﻭﻻﺩﻙ ﺍﻟﻮﺣﻴﺪﻳﻦ !!
.
ﺯﺍﻫﺮ : ( ﺍﺑﺘﺴﻢ ) ﺑﺪﻱ ﺷﻮﻑ ﻣﻦ ﻳﻠﻲ ﺭﺡ ﻳﻜﻮﻥ ﺭﺟﺎﻝ ! ﻭﻳﻌﺮﻑ ﻳﺘﺤﻜﻢ،
.
ﻧﺼﺮ : ﻛﻴﻒ ﻛﻴﻒ ﺍﻧﺖ ﺷﻮ ﻋﻢ ﺗﺤﻜﻲ !
.
ﺃﻧﺲ : ﻳﻌﺮﻑ ﻳﺤﺐ ﻣﺶ ﻳﺘﺤﻜﻢ ! ﻓﻲ ﻓﺮﻕ ! ﺍﻧﺎ ﺭﺡ ﺧﺒﺮ ﻛﺎﺭﻣﺎ ﻭﺍﺫﺍ ﻣﺎ ﻋﺠﺒﺘﻬﺎ ﺍﻟﻔﻜﺮﺓ ﺑﺪﻛﻢ ﺗﻌﺬﺭﻭﻧﻲ ﺭﺡ ﺍﺗﺰﻭﺝ ﺑﻌﻴﺪ ﻣﻦ ﻫﻮﻥ ﺗﻤﺎﻡ !
ﻧﺼﺮ : ﺍﻧﺎ ﻣﻮﺍﻓﻖ، ﻣﺎﺑﺪﻱ ﺷﻲ ﻳﺨﺮﺏ ﺯﻭﺍﺟﻲ ﻣﻦ ﺍﺳﻴﺎ !
.
ﺯﺍﻫﺮ : ( ﻭﻗﻒ ﻭﺍﺗﻄﻠﻊ ﺑﺄﻧﺲ ) ﺍﺳﻤﻌﻨﻲ ﻣﻨﻴﺢ ! ﺍﺫﺍ ﻣﺎ ﺗﺰﻭﺟﺖ ﺑﺬﺍﺕ ﻳﻮﻡ ﺯﻭﺍﺝ ﺍﺧﻮﻙ، ﺭﺡ ﺗﻨﺤﺮﻡ ﻣﻦ ﻛﻠﺸﻲ ! ﺑﻴﺖ ! ﺣﺴﺎﺏ ﺍﻟﺒﻨﻚ ! ﺭﺡ ﺍﺗﺒﺮﻯ ﻣﻨﻚ ! ﻭﺣﺘﻰ ﻧﺴﺒﻚ ﺑﺴﺤﺒﻮ ﻓﻬﻤﺖ ! ﺧﻠﻴﻚ ﺭﺟﺎﻝ ﻭﻻﺗﺎﺧﺪ ﺭﺃﻳﻬﺎ ! ﺧﺒﺮﻫﺎ ﺍﺃﻣﺮﻫﺎ !
.
ﺃﻧﺲ : ﺷﻮ ﻧﺤﻦ ﺑﺄﻱ ﺯﻣﻦ ! ﺍﻟﺠﺎﻫﻠﻴﺔ ﻳﻌﻨﻲ ! ﺑﺎﺑﺎ ! ﺑﺘﺮﺟﺎﻙ ! ﺧﻠﺼﺼﺼﺼﺼﺺ ﺭﺡ ﺟﻦ ﺍﻧﺎ ﻣﻨﻚ ﻭﻣﻦ ﺗﺼﺮﻓﺎﺗﻚ ! ﻟﻚ ﺑﻴﻜﻔﻲ ﻛﺒﺮﺗﻨﺎ ﻗﺒﻞ ﻭﻗﺘﻨﺎ ﺑﺴﺒﺐ ﻋﻘﻠﻚ ﺍﻝ ... ﺍﻧﺎ ﺭﺍﻳﺢ !
.
.
ﻃﻠﻊ ﻣﻦ ﺍﻟﺒﻴﺖ ﻭﺭﺍﺡ ﻗﻌﺪ ﺏ ﺣﺪﻳﻘﺔ ﻗﺮﻳﺒﺔ ﻣﻦ ﺑﻴﺖ ﻛﺎﺭﻣﺎ !
ﺍﺗﻄﻠﻊ ﺣﻮﺍﻟﻴﻪ ﻭﺍﺑﺘﺴﻢ ﻭﺍﺗﺬﻛﺮ ﺍﻛﺘﺮ ﺫﻛﺮﻯ ﻣﺠﻨﻮﻧﺔ ﺻﺎﺭﺕ ﻣﻌﻪ !
.
# ﻓﻼﺁﺁﺁﺵ _ ﺑﺎﺁﺁﺁﻙ
.
ﺍﻧﺲ : ﻭﻫﻲ ﺍﺟﻴﺖ، ﺧﻴﺮ ﻛﺎﺭﻣﺎ ﺷﻮ ﺑﺪﻙ !
.
ﻛﺎﺭﻣﺎ : ﺃﻧﺎ ﺑﺤﺒﻚ، ﺗﺘﺰﻭﺟﻨﻲ؟؟
.
ﺍﻧﺲ : ﻫﻬﻬﻬﻪ ﻳﻌﻨﻲ ﺍﻧﺎ ﺣﺎﻟﻴﺎ ﻣﺼﺪﻭﻡ ﻛﺘﻴﺮ ! ﺍﻭﻝ ﻣﺮﺓ ﺑﺸﻮﻑ ﺑﻨﺖ ﺑﺘﻄﻠﺐ ﺍﻟﺰﻭﺍﺝ ﻣﻦ ﺷﺐ ! ﻭﺑﻌﺪﻳﻦ ﺍﻧﺘﻲ ﺑﺘﻌﺮﻓﻲ ﻓﻲ ﻓﺮﻕ ﺑﻴﻨﻲ ﻭﺑﻴﻨﻚ 9 ﺳﻨﻴﻦ؟؟ ﻋﻤﺮﻙ ( 19 ﺳﻨﺔ !!(
.
ﺃﻧﺎ ﺑﺤﺒﻚ ﻭﺭﺡ ﺃﺗﺰﻭﺟﻚ ﻭﻣﺎ ﺑﻴﻬﻤﻨﻲ ﺃﻱ ﺷﻲ ﺗﺎﻧﻲ !
.
ﺍﻧﺲ : ﺍﻧﺎ ﻣﻘﺪﺭ ﻫﺎﻟﺸﻲ ﻭﺍﻧﺎ ﻣﺎ ﺑﻨﻜﺮ ﺍﻋﺠﺎﺑﻲ ﻓﻴﻜﻲ ﻭﺣﺘﻰ ﺗﻌﻠﻘﻲ ﻓﻴﻜﻲ، ﺑﺲ ﺍﻧﺎ ﻃﺎﻳﺶ، ﻭﺍﻛﺒﺮ ﻣﻨﻚ ﺑﻜﺘﻴﺮ، ﻭﻋﻨﺪﻱ ﻣﺸﺎﻛﻞ !
.
ﻛﺎﺭﻣﺎ : ﺍﻧﺎ ﺑﺤﺒﻚ ﻛﺘﻴﺮ ﺑﺘﺤﻤﻠﻚ ﺑﻜﻞ ﺣﺎﻻﺗﻚ، ﺭﺍﻫﻨﺖ ﻋﻠﻴﻚ ﻭﺑﺪﻱ ﺍﻛﺴﺐ ﻫﺎﻟﺮﻫﺎﻥ ! ﺍﺫﺍ ﺗﺮﻛﺘﻨﻲ ﺑﻨﺘﺤﺮ ! ﻋﻄﻴﻨﺲ ﻓﺮﺻﺔ ﻭﺣﺪﺓ !!
.
.
# ﺍﻵﺁﺁﺁﻥ
.
ﺍﻧﺲ : ﺍﺧﺪﺗﻲ ﻫﺎﻟﻔﺮﺻﺔ ﻭﻛﺴﺒﺘﻴﻬﺎ ! ﻋﻠﻘﺘﻴﻨﻲ ﻓﻴﻜﻲ ! ﻳﺎﺭﻳﺖ ﺍﻗﺪﺭ ﺍﺗﺮﻙ ﻛﻠﺸﻲ ﻏﻠﻂ ﺑﻌﻤﻠﻪ ﺑﺤﻘﻚ !
.
ﺣﻤﻞ ﺟﻮﺍﻟﻪ ﻭﺍﺗﺼﻞ ﻓﻴﻬﺎ : ﻋﻤﺮﻱ ﺍﻧﺎ ﻗﺮﻳﺐ ﻣﻦ ﺑﻴﺘﻚ ! ﺑﺎﻟﻤﻜﺎﻥ ﻳﻠﻲ ﺍﺧﺪﺗﻲ ﻗﻠﺒﻲ ﻓﻴﻪ ! ﺍﻧﺰﻟﻲ ﺑﺪﻱ ﺍﺧﺪ ﺭﺃﻳﻚ ﺑﺸﻲ !
.
ﻛﺎﺭﻣﺎ : ﺑﻴﺒﻲ ﺑﺤﺒﻜﻜﻜﻜﻚ ﺟﺎﻳﺔﺓﺓﺓ !
.
ﻭﻙ ﻋﺎﺩﺗﻬﺎ ﻧﺰﻟﺖ ﺑﺎﻟﺒﻴﺠﺎﻣﺎ ﻭﺭﻛﻀﺖ ﻋﻠﻴﻪ ﻭﺿﻤﺘﻮ !
.
ﺍﻧﺲ : ﻛﻢ ﻣﺮﺓ ﺑﻘﻠﻚ ﻻﺗﻨﺰﻟﻲ ﺏ ﻟﺒﺲ ﺍﻟﻨﻮﻡ ! ﺑﻐﺎﺭ ﺍﻧﺎ !
.
ﻛﺎﺭﻣﺎ : ﻭﺍﻧﺎ ﻣﺎ ﺑﺴﺘﻘﺒﻠﻚ ﺏ ﺑﻴﺖ ﺳﺎﻛﻨﺔ ﻓﻴﻪ ﺍﻧﺎ ﻭﺭﻓﻴﻘﺘﻲ ﺑﺲ
.
ﺃﻧﺲ : ﺑﺘﺨﺎﻓﻲ ﺍﻋﻤﻠﻚ ﺷﻲ !
.
ﻛﺎﺭﻣﺎ : ﻻ، ﺑﻐﺎﺭ ﻋﻠﻴﻚ ﺑﻠﻜﻲ ﻋﺠﺒﺘﻚ !
.
ﺃﻧﺲ : ﺍﻧﺎ ﻣﻮﺍﻓﻖ ﻧﺘﺰﻭﺝ ! ﺑﺲ ﻓﻲ ﺷﻲ ﻣﻮ ﻣﻨﻴﺢ ﺭﺡ ﻳﺰﻋﺠﻚ ! ﺑﺎﺑﺎ ﺍﻛﺪ ﻋﻠﻴﻨﺎ ﺍﻧﻪ ﺭﺡ ﻳﺰﻭﺟﻨﺎ ﺍﻧﺎ ﻭﺍﺧﻲ ﺑﺬﺍﺕ ﺍﻟﻴﻮﻡ ! ﻭﺍﻻ ﺭﺡ ﻳﺨﺮﺏ ﻋﻠﻴﻨﺎ ﻛﻠﺸﻲ ! ﺑﺲ ﺍﺫﺍ ﺭﻓﻀﺘﻲ ﺣﻘﻚ !
.
.
.
ﻛﺎﺭﻣﺎ : ( ﻋﻴﻮﻧﻬﺎ ﻋﻢ ﺗﻠﻤﻊ ﺑﺎﻟﺪﻣﻮﻉ ) ﺍﻧﺎ ﻣﻮﺍﻓﻘﺔ ﻣﻮﺍﻓﻘﺔ ! ﺍﻱ ﺷﻲ ﻻﺑﻘﻰ ﻣﻌﻚ ! ﺍﻧﺎ ﺑﺤﺒﻚ ﻛﺘﻴﺮ !
.
ﺍﻧﺲ : ﻛﺘﻴﺮ ﻣﻨﻴﺢ، ﺟﻬﺰﻱ ﺣﺎﻟﻚ ﺧﻼﻝ ﻋﺸﺮﺓ ﺍﻳﺎﻡ ! ﻗﻠﻴﻞ ﺻﺢ !! ﺑﺲ ﺑﻴﺘﻲ ﺟﺎﻫﺰ ﺑﻘﻲ ﺑﺲ ﺗﺠﻬﺰﻱ ﺣﺎﻟﻚ ﺍﻧﺘﻲ !
.
ﻛﺎﺭﻣﺎ : ( ﺯﻣﺖ ﺷﻔﺎﻓﻬﺎ ) ﺍﻳﻤﺘﻰ ﺭﺡ ﻳﺨﻠﺼﻮ ﻫﺎﻟﻌﺸﺮﺓ ﺍﻳﺎﻡ !
.
ﺍﺑﺘﺴﻢ ﻭﻣﺎ ﻋﺮﻑ ﻛﻴﻒ ﻳﻌﺒﺮ ﻋﻦ ﺍﻟﺴﻌﺎﺩﺓ ﻳﻠﻲ ﺍﻣﺘﻠﻜﺘﻪ !
ﺣﻤﻠﻬﺎ ﻭﻃﻠﻌﻬﺎ ﻋﻠﻰ ﺑﻴﺘﻬﺎ ! ﻧﺰﻟﺖ ﻣﻦ ﺣﻀﻨﻪ ﻭﻗﺎﻟﺘﻠﻪ : ﺍﺗﻔﻀﻞ؟
.
ﺍﻧﺲ : ﻫﻬﻬﻪ ﻣﺸﻜﻠﺘﻲ ﺑﻀﻌﻒ ﺑﺴﺮﻋﺔ، ﻟﻬﻴﻚ ﻣﺎﺭﺡ ﺍﺿﻌﻒ ﻫﺎﻟﻤﺮﺓ، ﺑﺎﻱ ﻳﺎ ﻋﻤﺮﻱ ﺍﻧﺘﺒﻬﻲ ﻋﻠﻰ ﺣﺎﻟﻚ !
.
.
ﻧﺰﻝ ﻣﻦ ﻋﻨﺪﻫﺎ ﻭﺣﻤﻞ ﺟﻮﺍﻟﻪ ﻭﺍﺗﺼﻞ ﺑﺎﺳﻢ ( ﻧﻴﺮﻣﻴﻦ )
.
ﻧﻴﺮﻣﻴﻦ : ( ﺑﺼﻮﺕ ﻧﺎﻋﻢ ) ﺣﺒﻴﺒﻲ، ﻧﺎﻃﺮﺗﻚ ﺍﻧﺎ، ﺑﻌﺮﻑ ﺍﺷﺘﻘﺘﻠﻲ ﺻﺢ !
.
ﺍﻧﺲ : ﺑﻌﺸﻘﻮ ﻟﺼﻮﺗﻚ ﺍﻧﺎ ! ﺟﺎﻱ ﻟﻌﻨﺪﻙ !
.
.
ﻛﺎﺭﻣﺎ ﻋﻠﻰ ﺍﻟﺸﺒﺎﻙ ﻭﺷﺎﻓﺘﻪ ﻋﻢ ﻳﺤﻜﻲ ﺑﺎﻟﺠﻮﺍﻝ !
ﻏﻴﺮﺗﻬﺎ ﺍﻟﻘﻮﻳﺔ ﺧﻠﺘﻬﺎ ﺗﻨﺰﻝ ﻭﺗﻠﺤﻘﻪ ﺑﺘﺎﻛﺴﻲ !
.
ﻃﻠﻊ ﻋﻠﻰ ﺍﻟﺒﻨﺎﻳﺔ ﻭﻃﻠﻊ ﻟﻠﻄﺎﺑﻖ ﺍﻟﺨﺎﻣﺲ، ﺩﻕ ﺍﻟﺒﺎﺏ ﻭﺩﺧﻞ !
.
ﻧﻴﺮﻣﻴﻦ : ( ﺿﻤﺘﻪ ) ﺍﺷﺘﻘﺘﻠﻚ ﻛﺘﻴﺮ !
.
ﺍﻧﺲ : ﺭﺡ ﺍﺧﺪ ﺷﺎﻭﺭ ﻣﺎ ﺑﺘﺄﺧﺮ ﻋﻠﻴﻜﻲ ! ﻳﺨﻠﻴﻠﻲ ﻫﺎﻟﺼﻮﺕ !
.
ﺣﻀﺮﺗﻠﻪ ﺍﻟﺴﻬﺮﻳﺔ ﻳﻠﻲ ﺑﻴﺤﺒﻬﺎ ﻭﺭﻣﺖ ﻭﺭﺩ ﺑﺄﺭﺽ ﺍﻟﺼﺎﻟﺔ !
ﻟﺒﺴﺖ ﻓﺴﺘﺎﻥ ﻗﺼﻴﺮ ﻭﺍﺧﺮ ﺷﻲ ﺭﺷﺖ ﻣﻦ ﺍﻟﺒﺎﺭﻓﺎﻥ ﻳﻠﻲ ﺑﻴﺤﺒﻪ ﻋﻠﻴﻬﺎ ﻭﻗﻌﺪﺕ ﺗﻨﻄﺮﻩ ﻭﺑﺄﻳﺪﻫﺎ ﻭﺭﺩﺓ !
.
ﻃﻠﻊ ﻫﻮ ﺑﺎﻟﺒﺮﻧﺺ ﻭﻋﻢ ﻳﻨﺸﻒ ﺷﻌﺮﺍﺗﻪ ﻭﻳﺒﺘﺴﻤﻠﻬﺎ !
ﺍﻧﺪﻕ ﺍﻟﺒﺎﺏ ﻭﻫﻮ ﻓﺘﺢ ﺑﺪﻭﻥ ﻣﺎ ﻳﻌﺮﻑ ﻣﻴﻦ !!
.
ﺍﻧﺲ : ( ﺍﺗﻠﺒﻚ ) ﻙ ﻙ ﻛﺎﺭﻣﺎ !!!
.
ﺩﺧﻠﺖ ﻭﻗﻠﺒﻬﺎ ﺭﺡ ﻳﻮﻗﻒ، ﺍﺗﻄﻠﻌﺖ ﺑﻜﻞ ﺍﻟﺒﻴﺖ !
.
( ﺍﺷﺮﺕ ﻋﻠﻰ ﻧﻴﺮﻣﻴﻦ ﺑﺄﺻﺒﻌﺘﻬﺎ ﻣﻦ ﻓﻮﻕ ﻟﺘﺤﺖ )
ﻛﺎﺭﻣﺎ : ﺑﺸﻮ ﺍﺣﻠﻰ ﻣﻨﻲ ﻫﻲ ﺍﻟﺤﻘﻴﺮﺓ !
.
ﺍﻧﺲ : ﺍﻧﺎ، ﺭﺡ ﻓﻬﻤﻚ ﻛﻠﺸﻲ ! ﺑﺲ ﺍﻫﺪﻱ ﻻﺗﺘﺴﺮﻋﻲ !
.
ﻛﺎﺭﻣﺎ : ( ﺍﺑﺘﺴﻤﺘﻠﻪ ) ﺣﺒﻴﺒﻲ ﻛﻠﺸﻲ ﻭﺍﺿﺢ ﻣﺘﻞ ﺍﻟﺸﻤﺲ ! ﺍﻧﺖ ﺍﺭﺗﺎﺡ ﻭﺍﻧﺎ ﺑﺘﺼﺮﻑ ! ﻭﺍﻧﺘﻲ ﻳﺎ ﻛﻠﺒﺔ ﻳﺎ ﻭﺍﻃﻴﺔ !! ﺭﺡ ﻧﺴﻴﻜﻲ ﺍﺳﻤﻪ ﺣﺘﻰ ﻟﺤﺒﻴﺒﻲ !
.
ﺭﻓﻌﺖ ﺍﻛﻤﺎﻡ ﺑﻴﺠﻤﺘﻬﺎ ﻭﻫﺠﻤﺖ ﻋﻠﻰ ﻧﻴﺮﻣﻴﻦ ﻭﺑﺪﺃﺕ ﺗﻨﻂ ﻭﺗﻀﺮﺑﻬﺎ !! ﻭﺍﻧﺲ ﺣﻤﻠﻬﺎ ﻭﺑﻌﺪﻫﺎ ﻋﻦ ﻧﻴﺮﻣﻴﻦ !
.
ﻧﻴﺮﻣﻴﻦ : ﻳﻘﻄﻊ ﻋﻤﺮﻙ، ﺍﺍﺍﺍﺥ ﻳﺎ ﺍﻣﻲ !
.
ﻛﺎﺭﻣﺎ : ﺗﻔﻮﻭﻭﻭﻭ ﻋﻠﻴﻜﻲ !
ﻧﺰﻟﺖ ﻣﻦ ﻋﻨﺪ ﺍﻧﺲ ﻭﺳﺤﺒﺘﻪ ﻟﺒﺮﻯ ﺍﻟﺒﻴﺖ !
.
ﻛﺎﺭﻣﺎ : ﺍﻣﺸﻲ ﻣﻌﻲ ﻫﻠﻖ ﻳﻼ ﻳﻼ !
.
ﺍﻧﺲ : ﺭﺡ ﺍﻟﺒﺲ ﺗﻴﺎﺑﻲ ﻭﺑﻠﺤﻘﻚ ! ﺧﻠﺺ ﻻ ﺗﺠﻨﻨﻴﻨﻲ !
.
ﺍﻣﺘﻠﻮ ﻋﻴﻮﻧﻬﺎ ﺩﻣﻮﻉ : ﺑﻴﻜﻔﻲ ﻭﺍﻟﻠﻪ ﺭﺡ ﺗﻤﻮﺗﻨﻲ ﺍﻧﺘﻲ ﺑﺒﺮﻭﺩﻙ ! ﺍﻣﺸﻲ ﻣﻌﻲ ﻫﻴﻚ ﻭﺍﻻ ﺑﺪﺧﻞ ﺑﻘﺘﻠﻬﺎ !
.
ﺍﻧﺲ : ( ﺑﻌﺼﺒﻴﺔ ) ﺧﻠﺼﺼﺺ ﺭﻭﺣﻲ ﻋﻢ ﻗﻠﻚ ﺭﺡ ﺍﻟﺒﺲ ﻭﺑﻠﺤﻘﻚ ! ﺭﻭﻭﻭﻭﺣﻲ !
.
ﻛﺎﺭﻣﺎ : ﺑﺪﻱ ﺍﻓﻬﻢ ﺍﻧﺖ ﻛﻴﻒ ﺑﺘﺤﺒﻨﻲ ﺑﻬﻲ ﺍﻟﻄﺮﻳﻘﺔ ﺍﻟﺒﺸﻌﺔ ! ﻟﻴﻪ ﺑﺘﺤﺒﻨﻲ ﺑﻄﺮﻳﻘﺔ ﻃﻔﻮﻟﻴﺔ ! ﻟﻴﻪ ﻣﻌﺘﺒﺮﻧﻲ ﺻﻐﻴﺮﺓ ! ﺍﻧﺎ ﺑﻘﺪﺭ ﺍﺳﻌﺪﻙ ﻛﻞ ﺣﻴﺎﺗﻚ ! ﺍﻧﺎ ﺍﺣﺴﻦ ﻣﻨﻬﺎ ! ﺍﻣﺸﻲ ﻣﻌﻲ ﺍﺑﻘﻰ ﻣﻌﻲ ﺑﻌﻄﻴﻚ ﻛﻠﺸﻲ !
.
ﺍﻧﺲ : ( ﻗﺮﺏ ﻣﻨﻬﺎ ﻭﺿﺮﺑﻬﺎ ﻋﻠﻰ ﻛﺘﻔﻬﺎ ) ﺧﺮﺳﻲ، ﺍﻧﺘﻲ ﺭﺡ ﺗﺼﻴﺮﻱ ﻣﺮﺗﻲ ! ﻻﺗﺤﻜﻲ ﺑﻬﻲ ﺍﻟﻄﺮﻳﻘﺔ ! ﺭﻭﺣﻲ ﻣﻦ ﻫﻮﻥ !
.
ﻛﺎﺭﻣﺎ : ﺭﺍﻳﺤﺔ ﺭﺍﻳﺤﺔ ! ﺑﺘﺮﺟﺎﻙ ﺧﻠﺺ ﻭﻟﺤﻘﻨﻲ ! ﻻﺗﻮﺟﻊ ﻗﻠﺒﻲ ﺍﻛﺘﺮ ! ﺑﻴﻜﻔﻲ ! ﻫﻲ ﺭﺍﺑﻊ ﻣﺮﺓ ﺑﻤﺴﻜﻚ ﻣﻌﻬﺎ ﺑﻴﻜﻔﻴﻴﻴﻴﻲ !!
.
.
ﺍﻧﺲ : ﻭﺭﻏﻢ ﻫﻴﻚ ﻟﺴﺎﺗﻚ ﺑﺘﺤﺒﻴﻨﻲ ! ﻭﺭﺿﻴﺘﻲ ﻓﻴﻲ ﺑﻌﻴﻮﺑﻲ !
.
ﻛﺎﺭﻣﺎ : ﺑﻌﺪ ﻛﻞ ﻳﻠﻲ ﻋﻤﻠﺘﻪ ﻛﺮﻣﺎﻟﻚ، ﻭﻛﻞ ﺍﻟﺘﻀﺤﻴﺎﺕ ﻳﻠﻲ ﺿﺤﻴﺘﻬﺎ ﻛﺎﻥ ﻻﺯﻡ ﺍﻧﺖ ﺗﺬﻭﻕ ﺑﻘﻰ، ﺗﺒﻄﻞ ﻫﺎﻟﺤﺮﻛﺎﺕ ! ﻣﺎﻓﻴﻨﻲ ﺍﺑﻌﺪ ﻋﻨﻚ ﻛﻠﺸﻲ ﻓﻴﻲ ﻣﻌﻠﻖ ﻓﻴﻚ ( ﺻﺮﺧﺖ ) ﻭﺍﻧﺖ ﺑﺘﻌﺮﻓﻔﻔﻒ ﻫﺎﻟﺸﻴﻴﻴﻴﻲ !
.
ﻧﻴﺮﻣﻴﻦ : ﺍﻧﺘﻲ ﻟﻮ ﻓﻴﻜﻲ ﺫﺭﺓ ﻛﺮﺍﻣﺔ ﻛﺎﻥ ﻋﺮﻓﺘﻲ ﺍﻧﻪ ﺑﻴﺤﺒﻨﻲ ﺍﻟﻲ ! ﻭﺍﻧﺖ ﻣﺠﺮﺩ ﻭﺣﺪﺓ ﻻﺯﻗﺔ ﻓﻴﻪ !
.
ﺍﻧﺲ : ﺧﻠﺺ ﻧﻴﺮﻣﻴﻦ ﺍﺩﺧﻠﻲ ﻭﻻﺗﺤﻜﻲ !
.
ﻛﺎﺭﻣﺎ : ( ﺍﻧﺮﺳﻤﺖ ﺍﺑﺘﺴﺎﻣﺔ ﻣﻦ ﺑﻴﻦ ﺍﻟﺪﻣﻮﻉ ) ﻛﻠﺸﻲ ﺑﺘﻤﻨﺎﻩ ﺑﺤﻴﺎﺗﻲ ﻭﻗﺖ ﺷﻮﻓﻚ ﺑﻬﻴﻚ ﻭﺿﻊ ﻭﺍﻣﺸﻲ ﺗﻠﺤﻘﻨﻲ ! ﺗﻌﺘﺬﺭ ! ﺗﻌﻮﺿﻨﻲ ! ﺗﺮﺍﺿﻴﻨﻲ !
.
ﺗﺮﻛﺘﻪ ﻭﻣﺸﻴﺖ ! ﻭﻫﻮ ﺩﺧﻞ ﻟﻌﻨﺪ ﻧﻴﺮﻣﻴﻦ !
.
ﻧﻴﺮﻣﻴﻦ : ﺷﻮ ﻫﺎﻟﺒﻨﺖ ﺍﻟﻐﺮﻳﺒﺔ ﻫﻲ ! ﻛﻴﻒ ﻫﻴﻚ ﺑﺘﻘﺒﻞ ! ﻗﻠﻴﻠﺔ ﻛﺮﺍﻣﺔ
.
ﺍﻧﺲ : ﻻ، ﻟﻮ ﻣﺎ ﻫﻲ ﺍﻟﺒﻨﺖ ! ﻣﺎ ﺑﻈﻦ ﺣﺪﻯ ﺭﺡ ﻳﺤﺒﻨﻲ ﻫﻴﻚ ! ﺍﻱ ﻭﺣﺪﺓ ﻣﺤﻠﻬﺎ ﻛﺎﻥ ﺗﺮﻛﺘﻨﻲ ﻣﻦ ﺯﻣﺎﻥ ! ﺍﻧﺎ ﺍﻧﺎ ﻣﺎ ﺑﻔﻬﻢ !
.
ﻧﻴﺮﻣﻴﻦ : ﻛﻞ ﻣﺎ ﺑﺘﺠﻲ ﻛﺎﺭﻣﺎ ﺑﺘﺨﺮﺑﻠﻨﺎ ﺍﺣﻠﻰ ﺍﻟﻠﺤﻈﺎﺕ ﻭﻫﻴﻲ ﺑﺘﺮﻭﺡ ﻭﺍﻧﺖ ﺑﺘﺒﻘﻰ ﺟﺴﺪ ﺑﺪﻭﻥ ﻋﻘﻞ ﻭﻗﻠﺐ ﻭﺭﻭﺡ ! ﻣﻠﻴﺖ ﺍﻧﺎ ! ﻗﻮﻡ ﺭﻭﺡ ﻟﻌﻨﺪﻫﺎ ! ﺷﻜﻠﻚ ﻋﻢ ﺗﺤﺒﻬﺎ ﻋﻨﺠﺪ !
.
ﺭﻳﺢ ﺭﺍﺳﻪ ﻋﻠﻰ ﺣﻀﻦ ﻧﻴﺮﻣﻴﻦ : ﺍﻧﺘﻲ ﺑﺴﺒﺒﻚ، ﺍﻧﺎ ﻣﺘﻌﻠﻖ ﻓﻴﻜﻲ ! ﺍﻧﺘﻲ ﺍﻭﻝ ﺍﻧﺴﺎﻧﺔ ﻓﻬﻤﺘﻨﻲ ﻭﺣﺒﺘﻨﻲ، ﻭﻭﺛﻘﺖ ﻓﻴﻲ ! ﺳﺎﻣﺤﻴﻨﻲ ﻧﻴﺮﻣﻴﻦ، ﺑﻌﺪ ﻋﺸﺮ ﺍﻳﺎﻡ ! ﺍﻧﺎ ﺭﺡ ﺍﺗﺰﻭﺝ ﻛﺎﺭﻣﺎ !
.
ﻧﻴﺮﻣﻴﻦ : ﻣﺘﻨﺎﻗﺾ،ﻭﺍﻧﺎﻧﻲ،ﻭﺑﻼ ﻣﺸﺎﻋﺮ، ﺍﻧﻘﻠﻊ ﻣﻦ ﺑﻴﺘﻲ !
.
.
ﻗﺎﻋﺪ ﺑﻤﻄﻌﻢ ﺑﻌﻴﺪ ﻋﻦ ﺍﻟﻨﺎﺱ ﻧﻮﻋﺎ ﻣﺎ، ﻭﺷﺒﻪ ﻓﺎﺿﻲ ! ﻭﻋﻢ ﻳﻨﻄﺮﻫﺎ ﻭﻳﺘﺬﻛﺮ ﺫﻛﺮﻯ ﻏﺎﻟﻴﺔ ﻋﻠﻰ ﻗﻠﺒﻪ !
.
.
# ﻓﻼﺁﺁﺁﺵ _ ﺑﺎﺁﺁﺁﻙ
.
.
ﻧﺼﺮ : ﻫﺎﺩ ﺍﻟﻤﻜﺎﻥ ﻣﺎ ﺣﺪﻯ ﺑﻴﺠﻲ ﻋﻠﻴﻪ ﻛﺘﻴﺮ،
.
ﺁﺳﻴﺎ : ﻭﺍﻧﺎ ﻣﻮ ﻣﺴﺘﻐﺮﺑﺔ، ﺑﺤﻴﺎﺗﻚ ﻣﺎ ﺍﺧﺪﺗﻨﻲ ﻋﻠﻰ ﺍﻱ ﻣﻜﺎﻥ ﻓﻴﻮ ﻧﺎﺱ ! ﺩﺍﺋﻤﺎ ﺍﻧﻄﻮﺍﺋﻲ، ﻭﻏﺎﻣﺾ ! ﻛﺮﻫﻚ ﻟﻠﻨﺎﺱ ﻏﺮﻳﺐ !
.
ﻧﺼﺮ : ﺍﻧﺎ ﺑﻐﺎﺭ ﻋﻠﻴﻜﻲ ﻣﻦ ﻛﻠﺸﻲ ! ﻟﻮ ﺳﻤﺤﺘﻲ ﺍﺗﻘﺒﻠﻲ ﻫﺎﻟﺸﻲ ! ﺍﻧﺎ ﺑﺘﻌﺐ ﻭﻗﺖ ﺣﺪﻯ ﻳﺘﻄﻠﻊ ﻓﻴﻜﻲ ! ﺍﻧﺎ ﻭﺍﺛﻖ ﻣﺘﻞ ﻣﺎ ﺷﺎﻳﻔﻚ ﺍﻧﻪ ﻧﻬﺎﻳﺘﻲ ﺭﺡ ﺍﺭﺗﻜﺐ ﺟﺮﻳﻤﺔ ﻗﺘﻞ ﺑﺴﺒﺒﻚ ﻭﺍﻧﺴﺠﻦ !
.
ﺁﺳﻴﺎ : ﻭﺍﻧﺎ ﺑﻜﺮﻩ ﻫﺎﻟﺸﻲ، ﺑﺪﻝ ﻣﺎ ﺗﻐﺎﺭ ﺍﻭﺛﻖ ﻓﻴﻲ ﺑﺎﻟﻜﺎﻣﻞ ! ﺍﻧﺎ ﺑﺤﺒﻚ ﻳﺎ ﻧﺼﺮ، ﻭﺑﺪﻱ ﻋﻴﺶ ﻣﻌﻚ ﺑﺴﻌﺎﺩﺓ ﻭﺍﺳﺘﻘﺮﺍﺭ !
.
ﻧﺼﺮ : ﺑﻌﺮﻑ ﻭﺍﻧﺎ ﺑﺤﺒﻚ ﻭﻋﻢ ﺍﺗﻐﻴﺮ ﻣﻨﺸﺎﻧﻚ ! ﻟﻮ ﻣﺎ ﺑﺤﺒﻚ ﻣﺎﻛﺎﻥ ﺭﺣﺖ ﻋﻨﺪ ﺩﻛﺘﻮﺭ ﻧﻔﺴﻲ ﻛﺮﻣﺎﻝ ﺍﺗﻐﻴﺮ ﻣﻨﺸﺎﻧﻚ !
.
ﺁﺳﻴﺎ : ( ﺍﺑﺘﺴﻤﺖ ) ﻋﻨﺠﺪ ! ﺍﻧﺖ ﺍﻛﺘﺮ ﺍﻧﺴﺎﻥ ﺍﻧﺎ ﺑﺤﺒﻪ ﺑﺤﻴﺎﺗﻲ !
.
ﻧﺼﺮ : ﻃﺎﻟﻤﺎ ﻫﻴﻚ ﺑﺪﻱ ﺧﺒﺮﻙ ﺷﻲ ﻣﻬﻢ، ﺭﺡ ﻧﺘﺰﻭﺝ !
.
ﺁﺳﻴﺎ : ﻗﻠﺘﻠﻚ ﺍﺻﺒﺮ ﺷﻮﻱ ﺣﺘﻰ ﺗﻘﺪﺭ ﻣﺎﻣﺎ ﺗﺠﻲ ﺯﻳﺎﺭﺓ !
.
ﻧﺼﺮ : ﺧﺒﺮﻳﻬﺎ، ﺧﻼﻝ ﻋﺸﺮ ﺍﻳﺎﻡ ! ﺍﺗﺤﺪﺩ ﺍﻟﻌﺮﺱ ! ﻭﻣﺎﺭﺡ ﻳﻜﻮﻥ ﻋﺮﺳﻨﺎ ﻟﻮﺣﺪﻧﺎ ! ﺍﻧﺎ ﻭﺍﺧﻲ ﺭﺡ ﻧﺘﺰﻭﺝ ﺑﺬﺍﺕ ﺍﻟﻴﻮﻡ !!
.
.
ﺁﺳﻴﺎ : ﻣﺎ ﻓﻬﻤﺖ؟ ﻛﻴﻒ ﻳﻌﻨﻲ ﺑﺬﺍﺕ ﺍﻟﻴﻮﻡ ! ﺍﻧﺖ ﻫﻠﻖ ﻋﻢ ﺗﺎﺧﺪ ﺭﺃﻳﻲ ﻭﻻ ﻋﻢ ﺗﺤﻄﻨﻲ ﺗﺤﺖ ﺍﻻﻣﺮ ﺍﻟﻮﺍﻗﻊ؟؟ ﺑﺬﺍﺕ ﺍﻟﻴﻮﻡ ﻭﺑﻌﺪ ﻋﺸﺮ ﺍﻳﺎﻡ؟ ﻭﺍﻧﺎ ﺷﻮ ﻣﺎ ﻋﻨﺪﻱ ﻛﻠﻤﺔ؟ ﻭﻻ ﺭﺃﻱ !
.
ﻧﺼﺮ : ( ﺑﻌﺼﺒﻴﺔ ) ﺍﻳﻤﺖ ﺑﺪﻙ ﺗﻌﻘﻠﻲ ﻭﺗﺒﻄﻠﻲ ﺗﺤﻜﻴﻨﻲ ﺑﻄﺮﻳﻘﺔ ﻛﺄﻧﻮ ﺍﻧﺎ ﻣﻮ ﻗﺪ ﻛﻼﻣﻲ ﻭﺑﺪﻙ ﺩﺍﺋﻤﺎ ﺗﻨﺎﻗﺸﻴﻨﻲ ! ﺍﻧﺎ ﺧﺒﺮﺗﻚ ! ﻭﺭﺡ ﺗﻮﺍﻓﻘﻲ ! ﻣﺎﻓﻴﻲ ﻛﺴﺮ ﻛﻠﻤﺔ ﺍﺑﻲ ! ﻫﻴﻚ ﺣﺎﺑﺐ ﻫﻴﻚ ﺑﺪﻭ ! ﻟﻴﻜﻲ ﻭﺍﻟﻠﻪ ﺍﺫﺍ ﺭﻓﻀﺘﻲ ﺏ
.
ﺁﺳﻴﺎ : ﻻﺗﻌﺼﺐ ﻋﻠﻴﻲ ! ﺍﻫﺪﻯ، ﺭﺡ ﻓﻜﺮ ﻭﺭﺩﻟﻚ ﺧﺒﺮ !
.
ﻧﺼﺮ : ( ﺭﻣﻰ ﻣﺼﺎﺭﻱ ﻋﻠﻰ ﺍﻟﻄﺎﻭﻟﺔ ﻭﻭﻗﻒ ) ﻫﻠﻖ ﺭﺡ ﺗﺮﺩﻳﻠﻲ ﺍﻟﺨﺒﺮ !! ﻭﺍﺧﺮ ﻣﺮﺓ ﺑﺘﻘﺎﻃﻌﻴﻨﻲ ﺍﻧﺎ ﻭﻋﻢ ﺍﺣﻜﻲ !
.
ﺍﺳﻴﺎ : ( ﺍﺗﻠﺒﻜﺖ ) ﻫﻲ ﺍﻭﻝ ﺑﺘﺤﺎﻛﻴﻨﻲ ﻫﻴﻚ ! ﺷﺒﻚ ! ﺍﻧﺎ ﻋﻢ ﺍﻣﺰﺡ ﻣﻌﻚ، ﺍﻛﻴﺪ ﺭﺡ ﻭﺍﻓﻖ ﻻﻧﻮ ﺑﺤﺒﻚ ! ﻣﺎ ﺑﻴﻬﻤﻨﻲ ﺍﻟﻈﺮﻭﻑ ﻃﺎﻟﻤﺎ ﺍﻧﺖ ﻣﻌﻲ، ﺑﺲ ﺑﻌﺪ ﻣﻮﻗﻔﻚ ﻭﻛﻼﻣﻚ ﻫﺎﺩ !
.
ﻭﻗﺒﻞ ﻻﺗﻜﻤﻞ ﻭﻻﻭﻝ ﻣﺮﺓ ﺣﻀﻨﻬﺎ ﺑﻘﻮﻭﻭﺓ !
.
ﻧﺼﺮ : ﺍﺳﻒ ﺍﺳﻒ ﺳﺎﻣﺤﻴﻨﻲ ﻣﺎﻋﺎﺩ ﺣﻜﻴﻜﻲ ﻫﻴﻚ ! ﺧﻠﻴﻜﻲ ﻣﻮﺍﻓﻘﺔ، ﺍﺑﻘﻲ ﻣﻌﻲ ﺑﺘﺮﺟﺎﻛﻲ !
.
ﺷﻌﻮﺭ ﺣﻠﻮ ﺍﺗﻤﻠﻜﻬﺎ، ﻻﻭﻝ ﻣﺮﺓ ﺑﻴﺘﻘﺮﺏ ﻣﻨﻬﺎ !
ﺣﺴﺖ ﻓﻴﻪ ﻭﺑﻤﺸﺎﻋﺮﻩ ﺍﻟﺼﺎﺩﻗﺔ، ﺿﻤﺘﻪ ﺍﻗﻮﻯ !
.
ﺍﺳﻴﺎ : ﻣﻮﺍﻓﻘﺔ، ﻛﻴﻒ ﻓﻴﻨﻲ ﺍﺭﻓﺾ ﻭﻫﺎﻟﺤﻀﻦ ﺍﻻﻣﻦ ﺭﺡ ﻳﺼﻴﺮ ﻛﻞ ﻳﻮﻡ ﺑﻴﻨﻨﺎ ﻭﻗﺖ ﻧﺘﺰﻭﺝ؟ !
.
ﻭﺻﻠﻬﺎ ﻋﻠﻰ ﺑﻴﺘﻬﺎ ﻭﻗﺒﻞ ﻻﺗﻨﺰﻝ ﻣﺴﻚ ﺍﻳﺪﻫﺎ ﻭﻃﺒﻊ ﺑﻮﺳﺔ !
ﻋﻴﻮﻧﻬﺎ ﻣﺎﻋﻢ ﺗﺼﺪﻕ ﻛﻴﻒ ﻭﺍﺧﻴﺮﺍ ﻟﻤﺲ ﺍﻳﺪﻫﺎ !
ﻧﺰﻟﺖ ﻋﻠﻰ ﺑﻴﺘﻬﺎ ﻭﻫﻴﻲ ﻃﺎﻳﺮﺓ ﻣﻦ ﺍﻟﻔﺮﺡ !
ﺩﺧﻠﺖ ﻋﺎﻟﺒﻴﺖ ﻭﺍﺳﺘﻘﺒﻠﺘﻬﺎ ﺍﺧﺘﻬﺎ ( ﻣﺎﺳﺎ )
.
ﺍﺳﻴﺎ : ﺭﺡ ﻧﺘﺰﻭﺝ ﺍﻧﺎ ﻭﻧﺼﺮ ﺑﻌﺪ ﻋﺸﺮ ﺍﻳﺎﻡ !!
.
ﻣﺎﺳﺎ : ﻣﺒﺮﻭﻙ ﻭﺍﺧﻴﺮﺍ، ﻻﺯﻡ ﻧﺨﺒﺮ ﻣﺎﻣﺎ ﺗﺠﻲ ﺑﺄﺳﺮﻉ ﻭﻗﺖ !
.
ﺍﺳﻴﺎ : ﺑﺘﻌﺮﻓﻲ ﺷﻮ ! ﻟﻬﻠﻖ ﺿﻤﻴﺮﻱ ﻋﻢ ﻳﺄﻧﺒﻨﻲ ! ﺑﻌﺪ ﻫﺎﻟﻮﻗﺖ ﻳﻠﻲ ﻗﻀﻴﺘﻮ ﻣﻊ ﻧﺼﺮ ﻣﺎ ﻗﺪﺭﺕ ﺧﺒﺮﻩ ﺍﻟﺴﺮ ﻳﻠﻲ ﺑﺤﻴﺎﺗﻲ ! ﺷﺨﺼﻴﺘﻮ ﻏﺎﻣﻀﺔ ﻭﻋﺼﺒﻲ ! ﺭﺡ ﻳﻌﺘﺒﺮﻧﻲ ﻛﺬﺑﺖ ﻋﻠﻴﻪ ﻭﻏﻔﻠﺘﻮ ! ﺑﺲ ﺍﻧﺎ ﻭﺍﻟﻠﻪ ﻣﺎﺑﻘﺪﺭ ﺍﺣﻜﻲ ﻟﺤﺪﻯ ﺷﻮ ﺍﻋﻤﻞ !
.
ﻣﺎﺳﺎ : ﻻ ﺍﺧﺘﻲ ﺍﺻﺤﻚ ﻻﺯﻡ ﺗﺨﺒﺮﻳﻪ ﻫﺎﺩ ﺍﻟﺴﺮ ﺧﺒﺘﻮ ﻣﺎﻣﺎ ﻭﺩﻣﺮﺕ ﻓﻴﻪ ﺣﻴﺎﺗﻨﺎ ! ﺍﻧﺘﻲ ﻻﺗﻌﻤﻠﻲ ﻣﺘﻠﻬﺎ ﺧﺒﺮﻳﻪ !
.
ﺍﺳﻴﺎ : ﻣﺶ ﺭﺡ ﺧﺒﺮﻩ ﻫﻠﻖ، ﺍﻧﺎ ﻗﺮﺭﺕ ﺑﻌﺪ ﻣﺎ ﺍﺗﺰﻭﺟﻪ ﺭﺡ ﺧﺒﺮﻩ !
.
ﻣﺎﺳﺎ : ﺧﺎﻳﻔﺔ ﻳﺘﺮﻛﻚ ﻭﺑﺒﺎﻟﻚ ﺑﺲ ﺗﺘﺰﻭﺟﻴﻪ ﻣﺎﺭﺡ ﻳﺘﺮﻛﻚ؟ ﻏﻠﻂ ﺍﺧﺘﻲ، ﺍﺣﻜﻲ ﻫﺎﻟﺴﺮ ﻭﺭﻳﺤﻲ ﻗﻠﺒﻚ !
.
ﺍﺳﻴﺎ : ﺑﺘﺮﺟﺎﻛﻲ ﺍﺗﺮﻛﻴﻨﻲ ﺑﺮﺍﺣﺘﻲ ! ﻣﻊ ﺍﻧﻮ ﻣﻮ ﻃﺎﻳﻘﺘﻬﺎ ﺗﺤﻀﺮ ﻋﺮﺳﻲ ﺑﺲ ﻣﺠﺒﻮﺭﺓ ﻛﺮﻣﺎﻝ ﻣﺎ ﻳﺤﺲ ﻧﺼﺮ ! ﺭﺡ ﺍﺑﻌﺘﻠﻬﺎ ﺭﺳﺎﻟﺔ ﻭﻫﻴﻲ ﺣﺮﺓ !
ﻛﺘﺒﺖ ﺭﺳﺎﻟﺔ ﻭﺍﺭﺳﻠﺘﻬﺎ ﻋﻠﻰ ﺭﻗﻢ ﺍﻣﻬﺎ !
// ﻛﻴﻔﻚ ﺳﺖ ﻫﺎﺟﺮ، ﺍﻭ ﺑﺘﺤﺒﻲ ﻟﺴﺎ ﻗﻠﻚ ﻣﺎﻣﺎ؟ ﺍﻟﻤﻬﻢ ﺍﻧﺎ ﺭﺡ ﺍﺗﺰﻭﺝ ﻧﺼﺮ ﺑﻌﺪ ﻋﺸﺮ ﺍﻳﺎﻡ ﻭﺑﺪﻱ ﺍﻃﻠﺐ ﻣﻨﻚ ﻻﻭﻝ ﻣﺮﺓ ﺗﻜﻮﻧﻲ ﻋﻨﺠﺪ ﺍﻡ ﻭﻣﺎ ﺗﺤﺮﺟﻴﻨﻲ ﻗﺪﺍﻣﻪ ﻫﻮ ﻭﺍﻫﻠﻪ ﻭﺗﺠﻲ ! ﻟﻮ ﺳﻤﺤﺘﻲ //
.
.
ﻭﺻﻞ ﻟﺒﻴﺘﻬﺎ ﻭﺩﻕ ﻋﻠﻴﻬﺎ ﺍﻟﺒﺎﺏ ﻓﺘﺤﺘﻠﻪ ﺑﻌﻴﻮﻧﻬﺎ ﺍﻟﺤﻤﺮ ﻣﻦ ﺑﻌﺪ ﻣﻮﺟﺔ ﺑﻜﺎ ﻛﺒﻴﺮﺓ ! ﺳﺤﺒﻬﺎ ﻟﻌﻨﺪﻩ ﻭﺿﻤﻬﺎ !
.
ﺃﻧﺲ : ﺳﺎﻣﺤﻴﻨﻲ ﻛﺎﺭﻣﺎ، ﺍﺧﺮ ﻣﺮﺓ ﻭﺍﻟﻠﻪ ﺍﺧﺮ ﻣﺮﺓ ! ﺍﻧﺎ ﺍﻧﺎ ﺍﺳﻒ
.
ﻛﺎﺭﻣﺎ : ﻛﻞ ﻣﺮﺓ ﺑﺘﻘﻠﻲ ﻫﻴﻚ، ﺑﺲ ﻫﻲ ﺍﻭﻝ ﻣﺮﺓ ﺑﺘﻌﺘﺬﺭ ﻣﻨﻲ ! ﺭﺡ ﺳﺎﻣﺤﻚ ﻻﻧﻮ ﻣﺎﺑﻘﺪﺭ ﺑﺪﻭﻧﻚ، ﺭﺡ ﺳﺎﻣﺤﻚ ﻭﺍﻗﺒﻞ ﺍﻋﺘﺬﺍﺭﻙ !!
.
.
.
ﻛﺎﺭﻣﺎ : ﺑﺲ ﺍﺗﺰﻭﺟﻚ ﺭﺡ ﺍﻣﻼﻫﺎ ﻟﻌﻴﻨﻚ ﻭﻣﺎ ﺍﺳﻤﺤﻠﻚ ﺗﺨﻮﻧﻨﻲ ! ( ﻣﺴﻜﺖ ﻭﺟﻬﻮ ﺑﻴﻦ ﺍﻳﺪﻳﻬﺎ ) ﻭﻋﺪﻧﻲ ﺗﻨﺴﻰ ﻫﻲ ﺍﻟﻮﺳﺨﺔ ﻧﻴﺮﻣﻴﻦ ! ﻗﻠﻲ ﺑﺤﺒﻚ ! ﻗﻠﺒﻲ ﻣﺤﺘﺎﺟﻬﺎ !
.
ﺃﻧﺲ : ﺑﻮﻋﺪﻙ، ﺑﺤﺒﻚ، ﺑﺤﺒﻚ ﻛﺘﻴﺮ، ﺳﺎﻣﺤﻴﻨﻲ !
.
ﻣﻀﻮ ( ﺍﻳﺎﻡ ﺑﺎﻟﺘﺠﻬﻴﺰﺍﺕ ﺍﻟﻤﺘﻌﺒﺔ ﻛﺘﻴﺮ،
ﺍﻟﻄﺎﺑﻖ ﺍﻟﺜﺎﻧﻲ ﺍﺗﺠﻬﺰ ﻝ ﻛﺎﺭﻣﺎ ﻭﺍﻧﺲ ♡
ﻭﺍﻟﻄﺎﺑﻖ ﺍﻟﺜﺎﻟﺚ ﺍﺗﺠﻬﺰ ﻝ ﻧﺼﺮ ﻭﺍﺳﻴﺎ ♡
ﺭﻏﻢ ﺍﻟﻔﺮﺣﺔ ﺍﻟﻜﺒﻴﺮﺓ ﺑﻌﻴﻮﻥ ﺍﻻﻡ ﺑﺲ ﻛﻤﺎﻥ ﻓﻴﻪ ﻏﺼﺔ !
ﻏﺼﺔ ﻛﺒﻴﺮﺓ ﻭﺧﻮﻑ ﻛﺒﻴﺮ !!
.
.
# ﻗﺒﻞ _ ﻳﻮﻡ _ ﻣﻦ _ ﺍﻟﻊﺭﺱ
.
ﻗﺎﻋﺪﻳﻦ ﺍﻟﻌﻴﻠﺔ ﻋﻢ ﻳﻔﻄﺮﻭ ﻭﺳﺎﻛﺘﻴﻦ !
.
ﺯﺍﻫﺮ : ﻳﻘﻄﻊ ﻋﻤﺮﻛﻢ ﻛﺮﻣﺎﻝ ﺑﻨﺘﻴﻦ ﻣﺎ ﺑﻴﺴﻮﻭ ﺻﺮﻓﺘﻮ ﻛﻞ ﺷﻲ ﺟﻤﻌﺘﻮﻩ ! ﻣﻮ ﻣﻬﻢ، ﺍﺳﻤﻌﻮﻧﻲ ﻣﻨﻴﺢ ﺍﻟﻴﻮﻡ ﺍﺧﺮ ﺍﻟﻠﻴﻞ ﺑﺘﺠﻮ ﺍﻧﺖ ﻭﺍﺧﻮﻙ ﻟﻌﻨﺪﻱ ﺑﺪﻱ ﺍﺣﻜﻴﻜﻢ ﺑﺸﻲ ﺿﺮﻭﺭﻱ !
.
ﻧﺼﺮ : ﺍﻟﻴﻮﻡ ﺭﻓﻘﺎﺗﻨﺎ ﻋﺎﻣﻠﻴﻦ ﺳﻬﺮﺓ ﻛﺮﻣﺎﻟﻨﺎ ﻳﻤﻜﻦ ﻧﺘﺄﺧﺮ
.
ﺯﺍﻫﺮ : ﺑﺲ ﺗﺨﻠﺼﻮ ﻭﺑﻼ ﻋﻼﻙ ﻓﺎﺿﻲ !
.
ﺩﻳﻤﺔ : ﻭﺍﻧﺎ ﺍﻟﻴﻮﻡ ﺑﺪﻱ ﺍﺣﻜﻲ ﻣﻌﻜﻢ ﻟﻮﺣﺪﻧﺎ ! ﻣﻌﻜﻢ ﺍﻧﺘﻮ ﻭﺍﻟﺒﻨﺎﺕ ! ﺧﺒﺮﻭ ﻛﺎﺭﻣﺎ ﻭﺍﺳﻴﺎ ﻳﺠﻮ ﻟﻌﻨﺪﻱ ﺍﻟﻤﺴﺎ !
.
ﺍﻧﺲ : ﺍﻣﺮﻙ ﻣﺎﻣﺎ، ﺣﺎﺿﺮ ﺑﺎﺑﺎ، ﺑﺲ ﺑﺘﺮﺟﺎﻛﻢ ﺑﻜﺮﻯ ﻓﺮﺣﺘﻨﺎ ﻻﻭﻝ ﻣﺮﺓ ﺭﺡ ﻧﻔﺮﺡ، ﺑﺘﺮﺟﺎﻛﻢ ﺑﻼ ﺗﻄﺎﻟﻌﻮ 🍃💥
ﻋﻠﻴﻨﺎ ﻋﻘﺪﻛﻢ !!! ﺑﻴﻜﻔﻲ ﻃﻔﻮﻟﺘﻨﺎ ﺍﻟﺠﻬﻨﻤﻴﺔ ! ﻭﻣﺮﺍﻫﻘﺔ ﺑﻤﺪﺭﺳﺔ ﺩﺍﺧﻠﻴﺔ !! ﺣﺎﺟﺔ ﻭﺍﻟﻠﻪ ﺟﺮﺑﺘﻮ ﻓﻴﻨﺎ ﻛﻠﺸﻲ ﺑﻴﻜﻔﻲ !
.
ﺗﺮﻙ ﺍﻻﻛﻞ ﻭﺍﺧﺪ ﺟﺎﻛﻴﺘﻪ ﻭﺭﺍﺡ ! ﻭﻟﺤﻘﻪ ﻧﺼﺮ !
.
ﺩﻳﻤﺔ : ﺑﺘﻤﻨﻰ ﻣﻦ ﻛﻞ ﻗﻠﺒﻲ ﻣﺎ ﻳﻜﻮﻧﻮ ﻣﺘﻠﻚ !!
.
ﺯﺍﻫﺮ : ﻭﺍﻧﺎ ﺑﺘﻤﻨﻰ ﺑﻨﺖ ﺍﺧﺘﻚ ﻣﺎ ﺗﻜﻮﻥ ﻣﺘﻠﻚ ! ﻻﻧﻬﺎ ﺍﺫﺍ ﻣﺘﻠﻚ ﺭﺡ ﺗﻼﻗﻲ ﺍﻧﺲ ﺻﺎﺭ ﻣﺘﻠﻲ ! ﺑﺲ ﻧﺼﺮ ﺍﺗﺄﻛﺪﻱ ﺍﻧﻪ ﻧﺴﺨﺔ ﻣﻨﻲ !
.
ﺩﻳﻤﺔ : ﻳﺎﺭﻳﺘﻨﻲ ﺍﻓﻘﺪ ﺫﺍﻛﺮﺗﻲ ﺍﻭ ﻳﺼﻴﺒﻨﻲ ﻣﺮﺽ ﻳﻨﺴﻴﻨﻲ ﻣﻴﻦ ﺍﻧﺖ ﻭﺣﺘﻰ ﺍﺳﻤﻚ ﻣﺎ ﺍﺗﺬﻛﺮﻩ !
.
ﺯﺍﻫﺮ : ﺍﺫﺍ ﺑﻴﺠﻲ ﻫﻴﻚ ﻳﻮﻡ ﺑﻘﺘﻠﻚ ! ﺍﻧﺘﻲ ﻣﻠﻜﻲ ﺍﻧﺎ ﻣﺎﻓﻴﻲ ﺍﺗﺨﻴﻞ ﺣﺘﻰ ﺍﻧﻮ ﺑﻴﻮﻡ ﺗﻨﺴﻴﻨﻲ ! ﺍﻧﺎ ﻛﺘﻴﺮ ﺑﺤﺒﻚ ﻭﻣﺘﻌﻠﻖ ﻓﻴﻜﻲ !
.
ﺩﻳﻤﺔ : ﻭﺍﻧﺎ ﺑﻜﺮﻫﻚ ﻭﺑﻜﺮﻩ ﻃﺮﻳﻘﺘﻚ ﻭﺑﻜﺮﻩ ﻛﻞ ﺳﻨﻴﻦ ﻋﻤﺮﻱ ﻳﻠﻲ ﺍﻧﺤﺮﻗﻮ ﻣﻌﻚ ! ﻣﺎ ﻣﻀﻮ ﺍﻧﺤﺮﻗﻮ ﺣﺮﻕ ﻭﺣﺮﻗﻮ ﻛﻠﺸﻲ ﻓﻴﻨﻲ ! ﺑﻜﺮﻫﻚ ! ﻭﺭﺡ ﺍﻛﺮﻩ ﻭﻻﺩﻙ ﺍﺫﺍ ﻃﻠﻌﻮ ﻣﺘﻠﻚ !
.
.
ﻭﺍﻗﻔﺔ ﺑﺎﻟﻤﻄﺎﺭ ﻫﻴﻲ ﻭﺍﺧﺘﻬﺎ ﻭﻧﺎﻃﺮﻳﻦ ﺍﻣﻬﻢ !
ﻃﻠﺖ ﻋﻠﻴﻬﻮﻥ ﺑﺄﻧﺎﻗﺘﻬﺎ ﺍﻟﻤﻌﺘﺎﺩﺓ ﻭﻛﺄﻧﻬﺎ ﺍﺧﺘﻬﻢ !
ﻛﻞ ﻣﺮﺓ ﺳﺘﺎﻳﻞ ﺟﺪﻳﺪ ﻭﻋﻤﻠﻴﺔ ﺗﺠﻤﻴﻞ ﺟﺪﻳﺪﺓ
ﻛﻞ ﻣﺮﺓ ﻟﻮﻥ ﺷﻌﺮ ﺟﺪﻳﺪ ﻛﻞ ﻣﺮﺓ ﺑﺘﺠﻲ ﺑﺪﻭﻥ ﺍﻣﻮﻣﺘﻬﺎ !
.
ﺍﺳﻴﺎ : ﺍﻫﻼ ﻓﻴﻜﻲ ﻣﻤﺎﻣﺎ، ﻣﻊ ﺍﻧﻪ ﻭﻻ ﻣﺮﺓ ﺟﻴﺘﻲ ﻭﻛﺄﻧﻚ ﺍﻡ !
.
ﻣﺎﺳﺎ : ﺑﺲ ﺍﺳﻴﺎ ﻋﻴﺐ ﺗﺴﺘﻘﺒﻠﻴﻬﺎ ﻫﻴﻚ !
.
ﻫﺎﺟﺮ : ﻣﻮ ﻣﺸﻜﻠﺔ ﻳﻼ ﻧﺮﻭﺡ ﻋﺎﻟﺒﻴﺖ ﺗﻌﺒﺎﻧﺔ ﻛﺘﻴﺮ !
.
ﻭﺻﻠﻮ ﻋﺎﻟﺒﻴﺖ ﻭﺷﺎﻓﺖ ﺍﻻﻡ ﻓﺴﺘﺎﻥ ﻋﺮﺱ ﺑﻨﺘﻬﺎ ﻣﻌﻠﻖ ﺑﻮﺳﻂ ﺍﻟﺼﺎﻟﺔ ﻭﻋﺠﺒﻬﺎ ﻛﺘﻴﺮ !
.
ﻫﺎﺟﺮ : ﻧﻴﺎﻝ ﻟﻨﺼﺮ ﻓﻴﻜﻲ ! ﺷﻘﺪ ﻃﻠﻌﺘﻲ ﺣﻠﻮﺓ ﻓﻴﻪ !
.
ﺍﺳﻴﺎ : ﻟﻮ ﺑﻴﻬﻤﻚ ﻛﺎﻥ ﺟﻴﺘﻲ ﺍﺑﻜﺮ ﻣﻦ ﻫﻴﻚ ﻭﺷﻔﺘﻴﻨﻲ ﺍﻧﺎ ﻭﻋﻢ ﺟﺮﺑﻪ ﺑﺲ ﻣﺶ ﻣﺸﻜﻠﺔ ﺍﻧﺘﻲ ﺩﺍﺋﻤﺎ ﺣﺎﺭﻣﺘﻴﻨﺎ ﻧﺤﺲ ﺍﻧﻚ ﺍﻣﻨﺎ ﺑﺄﻱ ﺗﻔﺼﻴﻞ ﺑﺤﻴﺎﺗﻨﺎ !
.
ﻫﺎﺟﺮ : ﻻﻧﻚ ﻋﺮﻭﺱ ﻣﺎﺭﺡ ﺩﺍﻳﻘﻚ !
.
ﺍﺳﻴﺎ : ﺑﺘﻤﻨﻰ، ﻟﻴﻜﻲ ﻧﺼﺮ ﻣﺎﺑﻴﻌﺮﻑ ﺍﻱ ﺷﻲ ﻋﻦ ﻫﺪﺍﻙ ﺍﻟﺴﺮ ! ﻭﻻﺑﺪﻱ ﻳﺎﻩ ﻳﻌﺮﻑ ﻫﻠﻖ !!
.
.
# ﺍﺳﻴﺎ : ﻟﻴﻜﻲ ﻧﺼﺮ ﻣﺎﺑﻴﻌﺮﻑ ﺍﻱ ﺷﻲ ﻋﻦ ﻫﺪﺍﻙ ﺍﻟﺴﺮ ! ﻭﻻﺑﺪﻱ ﻳﺎﻩ ﻳﻌﺮﻑ ﻫﻠﻖ ! ﺍﺳﻤﻲ ﺍﺳﻴﺎ ﻭﺍﺑﻲ ﻣﻴﺖ ﻭﺍﻣﻲ ﺑﺘﺸﺘﻐﻞ ﺑﺮﻯ ﺑﺄﻣﻼﻙ ﺍﺑﻲ ! ﻭﺑﺘﺠﻲ ﻛﻞ ﺳﺖ ﺍﺷﻬﺮ ! ﺣﺘﻰ ﺑﻴﺘﻲ ﻫﺎﺩ ﻣﻦ ﺍﺑﻲ ! ﻓﻬﻤﺘﻲ !
.
ﻫﺎﺟﺮ : ﺗﻤﺎﻡ، ﺣﻔﻈﺖ ﺍﻟﻤﻮﺷﺢ ! ﻛﻞ ﻣﺮﺓ ﻭﻗﺖ ﺑﺪﻧﺎ ﻧﺸﻮﻓﻪ ﻟﻠﺴﻴﺪ ﻧﺼﺮ ﺑﺘﻘﻮﻟﻲ ﻫﻴﻚ ! ﺣﺎﻓﻈﻴﻦ ! ﺍﻟﻌﻤﺎ !
.
ﻭﺍﻗﻔﺔ ﻋﻠﻰ ﺍﻟﻤﺮﺍﻳﺔ ﻫﻲ ﻭﻻﺑﺴﺔ ﻓﺴﺘﺎﻧﻬﺎ ﻭﻋﻢ ﺗﻐﻨﻲ ﻭﺗﺘﻤﺎﻳﻞ ! ﻭﺭﻓﻴﻘﺘﻬﺎ ( ﺭﻧﺪ ) ﻋﻢ ﺗﻀﺤﻚ !
.
ﺭﻧﺪ : ﻣﺠﻨﻮﻧﺔ ﺭﺡ ﺗﺘﺰﻭﺟﻲ ﻗﺒﻞ ﻻﺗﻜﻤﻠﻲ ﺩﺭﺍﺳﺔ !
.
.
ﻛﺎﺭﻣﺎ : ﺍﺳﻜﺘﻲ، ﺍﻧﺎ ﺑﺘﺮﻙ ﻛﻠﺸﻲ ﻛﺮﻣﺎﻝ ﻛﻮﻥ ﻣﺮﺗﻪ ﻻﻧﺲ ! ﺑﻘﻲ ﺑﺲ ﻣﺎﻣﺎ ﺗﺠﻲ ﻣﻦ ﺍﻟﻀﻴﻌﺔ ﻛﺮﻣﺎﻝ ﺗﺤﻀﺮ ﺍﻟﻌﺮﺱ !
.
ﺭﻧﺪ : ﺑﺲ ﺍﻣﻚ ﻣﻮ ﺭﺍﺿﻴﺔ ﻫﺎﻟﻘﺪ ﻟﻴﻪ؟
.
ﻛﺎﺭﻣﺎ : ﻣﺎﻣﺎ ﻃﻮﻝ ﻋﻤﺮﻫﺎ ﺑﺘﻜﺮﻩ ﺍﺑﻮﻩ ﻻﻧﺲ ! ﻭﻣﺎ ﺑﺘﺤﺒﻪ ﻭﺣﺎﻭﻟﺖ ﻛﺘﻴﺮ ﺗﺒﻌﺪﻧﻲ ﻋﻦ ﺍﻧﺲ ﺑﺲ ﻣﺎ ﻗﺪﺭﺕ ﻭﻫﺪﺩﺗﻬﺎ ﺍﻧﺘﺤﺮ ﺍﺫﺍ ﺑﺘﺮﻓﻀﻪ ! ﻟﻬﻴﻚ ﻣﺎﺭﺡ ﺗﺠﻲ ﻟﻮﻗﺖ ﺍﻟﻌﺮﺱ ﺷﻮﻱ ﻭﺗﺮﺟﻊ ﻋﻠﻰ ﺍﻟﻀﻴﻌﺔ !
.
ﺭﻧﺪ : ﺍﻱ ﺍﻧﺰﻋﻲ ﻫﺎﻟﻔﺴﺘﺎﻥ ﻭﺍﻟﺒﺴﻲ ﺷﻲ ﻣﺮﺗﺐ ﺍﻟﻴﻮﻡ ﺣﻤﺎﺗﻚ ﻃﺎﻟﺒﺔ ﺗﺸﻮﻓﻚ ﻳﺎ ﺑﻌﺪﻱ،
.
ﻛﺎﺭﻣﺎ : ﺧﺎﻟﺘﻮ ﻣﺎﻓﻲ ﺍﻃﻴﺐ ﻣﻨﻬﺎ ﺍﻛﻴﺪ ﺑﺪﻫﺎ ﺗﻌﻄﻴﻨﺎ ﺍﻟﻬﺪﺍﻳﺎ !
ﺑﺘﻌﺮﻓﻲ ﺭﻏﻢ ﻛﻞ ﺍﻟﻔﺮﺡ ﻭﺍﻟﺴﻌﺎﺩﺓ ﻳﻠﻲ ﺑﻘﻠﺒﻲ ﺑﺲ ﺣﻴﺴﺔ ﻓﻲ ﻏﺼﺔ ﺑﻘﻠﺒﻲ ﻣﺎﻋﻢ ﺗﺮﻭﺡ !
.
ﺭﻧﺪ : ﺍﻓﺮﺣﻲ ﻭﺍﻧﺴﻲ ﻛﻠﺸﻲ ! ﻳﺨﻠﻴﻠﻲ ﺍﻟﻌﺮﻭﺱ !
.
.
ﺳﻔﻴﻨﺔ ﺻﻐﻴﺮﺓ ﺑﻮﺳﻂ ﺍﻟﺒﺤﺮ ﻭﺍﺿﻮﺍﺋﻬﺎ ﺧﻔﻴﻔﺔ !
ﻭﺍﻗﻔﻴﻦ ﻭﻋﻢ ﻳﺘﻄﻠﻌﻮ ﺑﺎﻟﺒﺤﺮ ﻋﻨﺪ ﻏﺮﻭﺏ ﺍﻟﺸﻤﺲ !
ﻭﺍﻟﻈﻼﻡ ﻋﻢ ﻳﺨﻴﻢ ﻋﻠﻰ ﻛﻠﺸﻲ ! ﻣﺘﻞ ﻣﺎ ﺧﻴﻢ ﻋﻠﻰ ﻗﻠﺒﻬﻢ !
.
ﺍﻧﺲ : ﺷﻔﺖ، ﺷﻔﺖ ﻻﻱ ﺩﺭﺟﺔ ﻣﺎﻟﻨﺎ ﻣﻬﻤﻴﻦ ﻋﻨﺪﻛﻢ؟ ﻗﺎﻝ ﺻﺪﻗﻮ ﺍﻥ ﺭﻓﻘﺎﺗﻨﺎ ﻋﺎﻣﻠﻴﻦ ﻟﻨﺎ ﺣﻔﻠﺔ؟ ﻧﺤﻦ ﺑﺤﻴﺎﺗﻨﺎ ﻣﺎﻛﺎﻥ ﻋﻨﺎ ﺭﻓﻘﺔ ﺑﺴﺒﺒﻬﻢ ! ﻭﻻ ﻣﺮﺓ ﻭﺛﻘﻨﺎ ﺑﺤﺪﻯ ﺩﺍﺋﻤﺎ ﺧﺎﻳﻔﻴﻦ ﻣﻦ ﻛﻠﺸﻲ !
.
ﻧﺼﺮ : ( ﻋﻢ ﻳﻜﺎﺑﺮ ) ﺍﻧﺖ ﻋﻢ ﺗﺒﺎﻟﻎ، ﻧﺤﻨﺎ ﻣﻮ ﻟﻬﺎﻟﺪﺭﺟﺔ ﻫﻴﻚ ﺣﻴﺎﺗﻨﺎ ﺳﻴﺌﺔ !
.
ﺍﻧﺲ : ﺍﻧﺖ ﻋﻢ ﺗﻜﺎﺑﺮ ﻋﻠﻰ ﺣﺎﻟﻚ ﻭﻋﻠﻴﻲ ! ﺍﻧﺖ ﺍﺗﻀﺮﺭﺕ ﺍﻛﺘﺮ ﻣﻨﻲ ! ﺍﻧﺖ ﺷﻔﺖ ﺍﻛﺘﺮ ﻣﻨﻲ ! ﺍﻋﺘﺮﻑ ﻗﻮﻝ ﺍﻧﻚ ﻣﺘﻌﻘﺪ ﻣﺘﻠﻲ !
.
ﻧﺼﺮ : ( ﺻﺮﺥ ) ﺑﻴﻜﻔﻴﻴﻴﻴﻴﻴﻴﻲ ﺟﻴﻨﺎ ﻟﻬﻮﻥ ﻧﻨﺴﻰ، ﻣﻮ ﻧﺤﻜﻲ ﻭﻧﺘﺬﻛﺮ ﻭﻧﻘﺴﻰ ﻋﻠﻰ ﺣﺎﻟﻨﺎ ! ﺑﺪﻱ ﺍﻧﺴﻰ ﺍﺗﺮﻛﻨﻲ ﺑﺤﺎﻟﻲ !
ﺍﻧﺲ : ﺑﺤﻴﺎﺗﻚ ﻣﺎ ﺳﻜﺮﺕ ﻭﻻ ﺟﺮﺑﺖ ﺗﺸﺮﺏ ﺷﻮ ﺻﺎﻳﺮﻟﻚ !
.
ﻧﺼﺮ : ﺑﺲ ﺍﻟﻴﻮﻡ ﻭﻻ ﺭﺡ ﻛﺮﺭﻫﺎ ! ﺍﺗﺮﻛﻨﻲ ﻭﺣﺎﺟﺔ ﺗﺤﻜﻲ !
.
ﺍﻧﺲ : ﺍﻧﺎ ﺑﻜﺮﻩ ﺍﻟﺒﺤﺮ ﺑﻠﻴﻞ ﻟﻬﻴﻚ ﻣﺎﺭﺡ ﻧﻄﻮﻝ ﺳﺎﻋﺔ ﻭﺑﺲ !
.
ﻧﺼﺮ : ﻃﻴﺐ، ﻣﺒﺮﻭﻙ ﻳﺎ ﻋﺮﻳﺲ !
.
ﺍﻧﺲ : ﻫﻬﻬﻬﻪ ﻳﺒﺎﺭﻙ ﻓﻴﻚ، ﻛﻤﺎﻥ ﻳﺎ ﻋﺮﻳﺲ !
.
.
ﻣﻀﻮ ﺳﺎﻋﺘﻴﻦ ﻭﻛﻞ ﻭﺍﺣﺪ ﺟﺎﺏ ﺧﻄﻴﺒﺘﻪ ﻭﺍﺟﺘﻤﻌﻮ ﺑﺒﻴﺖ ﺍﺑﻮﻫﻢ ﻭﺍﻣﻬﻢ ! ﺩﺧﻠﻮ ﺍﻟﺒﻨﺎﺕ ﻭﻗﻌﺪﻭ ﻣﻊ ﺩﻳﻤﺔ ﻟﺤﺎﻟﻬﻢ !
ﻭﺍﻟﺸﺒﺎﺏ ﻣﻊ ﺍﺑﻮﻫﻢ ﻟﻮﺣﺪﻫﻢ ﺑﻐﺮﻓﺔ !!
.
ﺩﻳﻤﺔ : ﺍﻭﻝ ﺷﻲ ﺑﺪﻛﻢ ﺗﻌﺬﺭﻭﻧﻲ ﻋﻠﻰ ﺍﻧﻪ ﺫﺍﺕ ﺍﻟﻌﺮﺱ ! ﻻﻧﻪ ﻣﺎ ﻃﻠﻊ ﺑﺄﻳﺪﻱ ﺷﻲ ! ﻭﺗﺎﻧﻲ ﺷﻲ ﺍﻧﺎ ﺟﺒﺘﻜﻢ ﺍﻟﻴﻮﻡ ﺣﺘﻰ ﺗﻮﻋﺪﻭﻧﻲ ﺑﺸﻲ ﻛﺘﻴﺮ ﻣﻬﻢ ! ﺗﻌﺘﺒﺮﻭﻧﻲ ﻣﺘﻞ ﺍﻣﻜﻢ ! ﻭﺍﺗﺄﻛﺪﻭ ﺭﺡ ﻛﻮﻥ ﺑﻄﺮﻓﻜﻢ ﺩﺍﺋﻤﺎ ! ﻭﺑﺪﻱ ﻣﻨﻜﻢ ﺍﻱ ﺷﻲ ﺑﻴﺼﻴﺮ ﻣﻌﻜﻢ ﺳﻴﺊ ﺗﺨﺒﺮﻭﻧﻲ ﻓﻴﻪ ! ﻭﺍﻧﺎ ﺭﺡ ﺍﻋﺮﻑ ﻛﻴﻒ ﺍﺗﺼﺮﻑ ﻣﻊ ﻭﻻﺩﻱ !
.
ﻛﺎﺭﻣﺎ : ﺍﺗﻔﻘﻨﺎ ﺧﺎﻟﺘﻮ، ﺑﺲ ﻟﻴﻪ ﻋﻢ ﺗﺒﻜﻲ ﻫﺎﻟﻘﺪ !
.
.
.
ﺍﺳﻴﺎ : ﻻﺗﺒﻜﻲ ﺑﺘﺮﺟﺎﻛﻲ، ﻧﺼﺮ ﺣﻜﺎﻟﻲ ﻋﻨﻚ ﻛﺘﻴﺮ ﻭﻋﻦ ﻃﻴﺒﺘﻚ ﻟﻬﻴﻚ ﺍﻧﺘﻲ ﺭﺡ ﺗﻜﻮﻧﻲ ﺍﻣﻲ، ﻣﻮ ﻣﺘﻠﻬﺎ ﻻ، ﺍﻣﻲ ﻋﻨﺠﺪ ! ﺑﺲ ﺑﺪﻱ ﺍﻋﺮﻑ ﺍﻧﺘﻲ ﺧﺎﻳﻔﺔ ﻋﻠﻴﻨﺎ ﻣﻦ ﺷﻲ؟
.
ﺩﻳﻤﺔ : ( ﻣﺴﺤﺖ ﺩﻣﻮﻋﻬﺎ ) ﻻ ﺍﺑﺪﺍ ﻭﻻ ﺑﺪﻱ ﺍﺧﻮﻓﻜﻢ، ﺑﺲ !!!! ﻣﺎﺑﺪﻱ ﻭﻻﺩﻱ ﻳﻜﻮﻧﻮ ﻣﺘﻞ ﺍﺑﻮﻫﻢ !!!! ( ﺭﺟﻌﺖ ﺗﺒﻜﻲ )
.
ﺍﺳﻴﺎ : ﻣﺎ ﻓﻬﻤﻨﺎ ! ﺷﺒﻮ ﻋﻤﻮ؟ ﻟﻴﻪ ﻋﻢ ﺗﺒﻜﻲ ﺑﻴﻜﻔﻲ ﺑﺘﺮﺟﺎﻛﻲ
.
ﻗﺮﺑﻮ ﻣﻨﻬﺎ ﻭﻛﻞ ﻭﺣﺪﺓ ﻗﻌﺪﺕ ﻣﻦ ﻃﺮﻓﻬﺎ !
.
ﺩﻳﻤﺔ : ﺑﺘﻤﻨﻰ ﺗﻨﺴﻌﺪﻭ ﻣﻌﻬﻢ، ﻭﻣﺎ ﻳﺼﻴﺮ ﻣﻌﻜﻢ ﻣﺘﻠﻲ ! ﻻﻧﻪ ﺑﺤﻴﺎﺗﻜﻢ ﻣﺎﺭﺡ ﺗﻘﺪﺭﻭ ﺗﻨﺴﻮ ! ﺍﻧﺎ ﺑﺪﺃﺕ ﺍﺷﻴﺐ ﻭﻣﺎﻧﺴﻴﺖ !
.
ﺍﺳﻴﺎ : ﺷﻮ ﻳﻠﻲ ﺻﺎﺭ ﻣﻌﻚ ﺍﻧﺘﻲ؟ ﺑﺪﺃﺕ ﺍﺧﺎﻑ ! ﺧﺒﺮﻳﻨﺎ
.
ﺩﻳﻤﺔ : ﻻ ﻳﺎ ﺑﻨﺘﻲ، ﻳﻠﻲ ﺻﺎﺭ ﻣﻌﻲ ﻗﺪﻳﻢ ﻭﺍﻛﻴﺪ ﻣﺎﺭﺡ ﻳﺼﻴﺮ ﻣﻌﻜﻢ، ﺑﻮﻋﺪﻛﻢ ﺑﺲ ﻗﻠﺒﻲ ﻳﻬﺪﻯ ﺭﺡ ﺍﺣﻜﻴﻠﻜﻢ !
.
ﻛﺎﺭﻣﺎ : ﺧﺎﻟﺘﻮ ﻟﻴﻪ ﻣﺎﻣﺎ ﺑﺘﻜﺮﻩ ﻋﻤﻮ ﺯﺍﻫﺮ؟
.
ﺩﻳﻤﺔ : ﻻﺗﺴﺘﻐﺮﺑﻲ، ﻣﻌﻬﺎ ﺣﻖ، ﻣﺎ ﺍﻧﺎ ﻛﻤﺎﻥ ﺑﻜﺮﻫﻮ !
.
ﺯﺍﺩﺕ ﻋﻼﻣﺎﺕ ﺍﻻﺳﺘﻐﺮﺍﺏ ﻭﺍﻟﺨﻮﻑ ﻋﻠﻰ ﺍﻟﺒﻨﺎﺕ !
.
ﻛﺎﺭﻣﺎ : ﺷﻮ ! ﺑﺲ ﻫﻮ ﻛﺘﻴﺮ ﺑﻴﺤﺒﻚ ! ﻛﻠﻨﺎ ﻣﻨﻌﺮﻑ ﺍﻧﻪ ﺑﻴﺤﺒﻚ !
.
ﺍﺳﻴﺎ : ﺑﺪﻱ ﺍﺳﺄﻟﻚ ﺳﺆﺍﻝ ! ﻧﺼﺮ ﺷﻮﻓﻲ ﺷﻲ ﺑﺤﻴﺎﺗﻪ ﺳﺮﻱ ﺍﻭ ﺑﺲ ﺍﻧﺘﻲ ﺑﺘﻌﺮﻓﻴﻪ؟ ﻳﻌﻨﻲ ﻋﻨﺪﻭ ﺷﻲ ﺍﻣﺮﺍﺽ؟
.
ﺩﻳﻤﺔ : ( ﺑﺼﺪﻣﺔ ) ﻻ ﺍﺑﺪﺍ ﻳﺎ ﺑﻨﺘﻲ ! ﺑﺤﻴﺎﺗﻪ ﻣﺎ ﺩﺧﻞ ﻋﻨﺪ ﺩﻛﺘﻮﺭ !! ﻻ ﻣﺮﺽ ﺟﺴﺪﻱ ﻭﻻ ﻧﻔﺴﻲ !
.
ﺷﺮﺩﺕ ﺍﺳﻴﺎ ﺷﻮﻱ ﻭﻛﺎﺭﻣﺎ ﻣﺴﺘﻐﺮﺑﺔ ﻛﺘﻴﺮ !
.
ﺩﻳﻤﺔ : ﻣﻮ ﻣﻬﻢ ﻳﺎ ﺑﻨﺎﺕ، ﻧﺤﻨﺎ ﻋﻨﺎ ﻋﺎﺩﺓ ﺍﻟﺤﻤﺎﻳﺔ ﺑﺘﻌﻄﻲ ﺷﻲ ﻣﻦ ﺻﻴﻐﺘﻬﺎ ﻫﺪﻳﺔ ﻟﺰﻭﺟﺔ ﺍﺑﻨﻬﺎ، ﺑﺲ ﺍﻧﺎ ﺑﻜﺮﻩ ﻛﻠﺸﻲ ﺑﻴﺨﺼﻨﻲ، ﻟﻬﻴﻚ ﺟﺒﺘﻠﻜﻢ ﻫﺪﺍﻳﺎ ﺟﺪﻳﺪﺓ !
.
ﺍﻋﻄﺘﻬﻢ ﻛﻞ ﻭﺣﺪﺓ ﻋﻠﺒﺔ ﻓﻴﻬﺎ ﻗﻄﻌﺔ ﺩﻫﺐ !
.
ﺩﻳﻤﺔ : ﻣﺒﺮﻭﻙ، ﺑﺘﻤﻨﻰ ﻣﺎ ﺗﻨﺰﻋﺠﻮ ﻣﻦ ﻛﻼﻣﻲ ! ﻭﺑﺘﻤﻨﻰ ﻣﺎ ﺗﺴﺄﻟﻮﻧﻲ ﺷﻲ ﻋﻨﻲ، ﻟﻮﺣﺪﻱ ﺑﺨﺒﺮﻛﻢ ﺑﺎﻻﻳﺎﻡ !
.
.
ﻧﺼﺮ : ﺷﻮﻓﻲ؟ ﺷﻮ ﺑﺪﻙ ﺗﺤﻜﻲ ﻣﻌﻨﺎ؟؟
.
ﺍﻧﺲ : ﻓﻲ ﺷﻲ ﻋﻘﺪﺓ ﺟﺪﻳﺪﺓ ﺑﺪﻙ ﺗﺰﻳﺪﻫﺎ ﻋﻠﻴﻨﺎ؟
.
ﺯﺍﻫﺮ : ﺧﺮﺍﺱ ﻭﻻ، ﺍﻟﻴﻮﻡ ﺑﺪﻱ ﺧﺒﺮﻛﻢ ﺷﻲ ﻣﻬﻢ ! ﺣﺘﻰ ﻣﺎ ﺗﺼﻴﺮﻭ ﺑﻼ ﻛﻠﻤﺔ ﻭﻗﻴﻤﺔ ﻋﻨﺪ ﻧﺴﻮﺍﻧﻜﻢ !
.
ﺍﻧﺲ : ﻫﻬﻬﻬﻪ، ﻻ ﻋﻨﺠﺪ ﺿﺤﻜﺘﻨﻲ ! ﺍﻧﺖ ﺍﻧﺖ ﺑﺪﻙ ﺗﻌﻤﻠﻨﺎ؟
.
ﺯﺍﻫﺮ : ﺍﻧﺘﺒﻬﻮ ﻣﻨﻴﺢ، ﺑﻴﻮﻡ ﺍﻟﻌﺮﺱ ﺭﺡ ﻳﺜﺒﺖ ﺍﻟﻮﺿﻊ ﻳﻠﻲ ﺭﺡ ﺗﻌﻴﺸﻮﻩ ! ﺍﺫﺍ ﺭﺧﻴﺘﻮ ﺍﻟﺤﺒﻞ ﻣﺎﺭﺡ ﺗﻜﻮﻧﻮ ﺭﺟﺎﻝ ! ﻣﻦ ﺍﻭﻝ ﻳﻮﻡ ﺑﺘﺴﻜﻨﻮ ﺑﺬﺍﺕ ﺍﻟﺒﻴﺖ ﺍﻧﺘﻮ ﻭﻫﻤﺎ ! ﻻﺯﻡ ﺗﺨﺘﺎﺭﻭ !
.
ﻧﺼﺮ : ﺷﻮ ﻧﺨﺘﺎﺭ؟
.
ﺯﺍﻫﺮ : ﻳﺎ ﺣﺐ ﻳﺎ ﺗﺤﻜﻢ، ﺣﺘﻰ ﺑﻴﻨﻬﻢ ﻣﺎﺑﻴﺼﻴﺮ ﺗﻌﻴﺸﻮ ! ﻭﺍﻟﺤﺐ ﺫﻝ، ﺍﺗﻌﻠﻤﻮ ﺳﻴﻄﺮﻭ ﻭﺍﺗﺤﻜﻤﻮ، ﺍﻻﻧﺜﻰ ﺑﻄﺒﻴﻌﺘﻬﺎ ﺑﺘﻨﺸﺪ ﻻﻱ ﻛﻠﻤﺔ ﺣﺐ ! ﻳﻌﻨﻲ ﺍﺫﺍ ﻣﺎ ﺗﺤﻜﻤﺘﻮ ﻓﻴﻬﻢ ﺭﺡ ﻳﺨﻮﻧﻮﻛﻢ ! ﺍﺫﺍ ﺳﻤﻌﻮ ﻛﻠﻤﺔ ﺣﻠﻮﺓ ﻣﻦ ﺍﻱ ﺭﺟﺎﻝ ﺭﺡ ﻳﺨﻮﻧﻮ !
.
ﻧﺼﺮ : ﻛﻼﻡ ﻓﺎﺿﻲ ﺑﺎﺑﺎ ! ﺍﻧﺎ ﺑﺤﺐ ﺍﺳﻴﺎ ﻭﻫﻲ ﺑﺘﺤﺒﻨﻲ ﻻ ﻓﻲ ﺧﻴﺎﻧﺔ ﻭﻻ ﺑﻄﻴﺦ !
.
ﺯﺍﻫﺮ : ﺧﻠﻮﻧﻲ ﻛﻤﻞ ﻭﺍﻧﺘﻮ ﺍﺧﺘﺎﺭﻭ ! ﺍﻧﺎ ﺑﺤﺐ ﺍﻣﻚ ﻛﺘﻴﺮ ﻭﺑﻐﺎﺭ ﻋﻠﻴﻬﺎ ﻛﺘﻴﺮ، ﻣﻦ ﺑﻌﺪ ﻣﺎ ﺗﺰﻭﺟﺘﻬﺎ ﻋﺮﻓﺖ ﻛﻴﻒ ﺭﺑﻴﻬﺎ ﻭﺧﻠﻴﻬﺎ ﺗﺨﺎﻑ ﻣﻨﻲ ﻭﺑﺤﻴﺎﺗﻬﺎ ﻣﺎ ﺗﺨﻮﻧﻨﻲ، ﺍﺳﻤﻌﻮﻧﻲ ﻣﻨﻴﺢ، ﺍﺗﻌﻠﻤﻮ ﺣﺎﻓﻈﻮ ﻋﻠﻰ ﺷﺮﻓﻜﻢ ﺍﻟﻠﻪ ﺑﺲ ﺑﻴﻌﻠﻢ ﺷﻮ ﻣﺎﺿﻲ ﻛﻞ ﻭﺣﺪﺓ ﻓﻴﻬﻢ ! ﻣﺎ ﻳﻤﻜﻦ ﻳﻜﻮﻥ ﻋﻨﺪﻫﻢ ﻋﺪﺓ ﻋﻼﻗﺎﺕ ﻣﻊ ﺭﺟﺎﻝ ﻗﺒﻠﻜﻢ !
.
ﻧﺼﺮ : ﻻﺍﺍ ﻟﻬﻮﻥ ﺑﻴﻜﻔﻲ
.
.
.
ﺍﻧﺲ : ﺍﻧﺖ ﻣﻮ ﻃﺒﻴﻌﻲ ﺑﺎﺑﺎ ! ﻭﺍﺫﺍ ﻛﺎﻥ ﻋﻨﺪﻫﺎ ﻑ ﺍﻧﺘﻬﺖ ﻭﺑﺪﺃﺕ ﻣﻌﻲ ﺍﻧﺎ ! ﺍﻧﺎ ﻋﻨﺪﻱ ﻣﺎﺿﻲ ﻭﻫﻲ ما
ﺣﺎﺳﺒﺘﻨﻲ ﻋﻠﻴﻪ ﻭﺍﻧﺎ ﻣﺎﺭﺡ ﺍﺳﺄﻟﻬﺎ ﺣﺘﻰ ﺍﺫﺍ ﻛﺎﻥ ﻋﻨﺪﻫﺎ ﻣﺎﺿﻲ ! ﺑﺎﻻﺫﻥ !
.
ﺯﺍﻫﺮ : ﺍﻧﺘﺒﻬﻮ ﻣﺎ ﺗﻨﻐﺸﻮ، ﺍﺳﺄﻟﻮ ﻋﻠﻰ ﻃﻮﻝ ﺍﺫﺍ ﻛﺎﻥ ﻋﻨﺪﻫﻢ ﻋﻼﻗﺎﺕ ﺍﻭ ﻣﺨﺒﻴﻴﻦ ﺷﻲ ! ﺍﻭ ﻛﺬﺑﻮ ﻋﻠﻴﻜﻢ ﺑﺸﻲ ! ﺭﺍﻗﺒﻮﻫﻢ ! ﻻﺗﺜﻘﻮ ﻓﻴﻬﻢ ﺍﺑﺪﺍ ﺍﺑﺪﺍ ! ﻭﺍﻧﺖ ﻳﺎ ﺍﻧﺲ ﺍﻧﺘﺒﻪ ﺍﻛﺘﺮ ﻣﻦ ﺍﺧﻮﻙ ! ﻻﻥ ﺣﻤﺎﺗﻚ ﻳﻠﻲ ﻫﻴﻲ ﺧﺎﻟﺘﻚ ﺍﻟﻤﻄﻠﻘﺔ ﺍﺗﻄﻠﻘﺖ ﻻﻧﻬﺎ ﺧﺎﻧﺖ ﺯﻭﺟﻬﺎ !! ﻭﻣﺎﻋﺎﺩ ﺣﺪﻯ ﺍﺗﺰﻭﺟﻬﺎ !
.
ﺍﻧﺲ : ﺷﻮﻭﻭﻭﻭﻭ !!
.
ﻧﺼﺮ : ﺍﺍ ﺍﻧﺖ ﻋﻢ ﺗﺤﻜﻲ ﺟﺪﺩﺩﺩ !!!
.
ﺯﺍﻫﺮ : ﺍﻱ ﺟﺪ، ﻟﻬﻴﻚ ﺍﻧﺘﺒﻬﻮ ﻭﺧﺪﻭ ﻛﻼﻣﻲ ﻗﺎﻋﺪﺓ !
ﻭﻫﻠﻖ ﺑﻘﻠﻜﻢ ﻣﺒﺮﻭﻙ ﻭﺭﻭﺣﻮ ﻧﺎﻣﻮ ﺑﻜﺮﻯ ﻋﺮﺳﻜﻢ !
.
ﻃﻠﻌﻮ ﻣﻦ ﻋﻨﺪﻩ ﻭﻛﻞ ﻭﺍﺣﺪ ﻭﺻﻞ ﺧﻄﻴﺒﺘﻪ ﻋﻠﻰ ﺑﻴﺘﻬﺎ ﻭﺭﺟﻌﻮ ﻳﻨﺎﻣﻮ ﺍﺧﺮ ﻣﺮﺓ ﺑﻐﺮﻓﻬﻢ ﻳﻠﻲ ﻛﺒﺮﻭ ﻓﻴﻬﺎ !
ﺑﺲ ﻣﻦ ﺑﻌﺪ ﻳﻠﻲ ﺳﻤﻌﻮﻩ ﻣﺎ ﻗﺪﺭﻭ ﻳﻨﺎﻣﻮ !
ﺩﺧﻠﺖ ﺍﻻﻡ ﻟﻌﻨﺪ ﻧﺼﺮ ! ﻗﻌﺪﺕ ﺟﻨﺒﻪ ﻭﻟﻤﺴﺖ ﺷﻌﺮﺍﺗﻪ !
.
ﺩﻳﻤﺔ : ﺍﻧﺖ ﻣﻤﻴﺰ ﻋﻨﺪﻱ، ﺍﻧﺖ ﻭﻗﺖ ﺟﻴﺖ ﻛﻨﺖ ﺃﺷﺒﻪ ﺑﺄﻣﻞ ﻛﻨﺖ ﺍﺷﺒﻪ ﺑﻤﻌﺠﺰﺓ، ﻛﻴﻒ ﻫﻴﻚ ﻭﻗﺖ ﻳﻮﻗﻒ ﻗﻠﺐ ﺍﻟﻤﺮﻳﺾ ﻭﺭﺡ ﻳﻤﻮﺕ ﻭﺑﻴﻨﻘﺬﻩ ﺍﻟﺪﻛﺘﻮﺭ ﺑﺼﻌﻘﺔ ﻛﻬﺮﺑﺎ ﻭﺑﻴﻌﻴﺶ ! ﺍﻧﺖ ﻛﻨﺖ ﻫﻴﻚ ! ﺑﺘﺮﺟﺎﻙ ﻛﻮﻥ ﻣﻨﻴﺢ ﻣﻌﻬﺎ ﻭﻻﺗﻌﺬﺑﻬﺎ !
.
ﻧﺼﺮ : ﺍﻭﻝ ﻣﺮﺓ ﺑﺘﻘﻠﻴﻠﻲ ﻫﻴﻚ ! ﺷﻮ ﻛﺎﻥ ﺻﺎﻳﺮ ﻣﻌﻚ ﻭﻗﺖ ﺟﻴﺖ ﺍﻧﺎ؟ ﺣﺘﻰ ﺻﺮﺕ ﺍﻣﻠﻚ؟
.
ﺩﻳﻤﺔ : ﻣﻮ ﻣﻬﻢ، ﺍﻟﻤﻬﻢ ﺗﻜﻮﻥ ﻣﻨﻴﺢ ﻭﺗﻌﻤﻞ ﻋﻴﻠﺔ ﻓﻴﻬﺎ ﺣﺐ ﻭﺩﻓﺎ ! ﺑﻌﻴﺪﺓ ﻋﻦ ﺟﻮ ﺍﻟﺴﻴﻄﺮﺓ ﻭﺍﻟﺘﻤﻠﻚ ! ﺗﺼﺒﺢ ﻋﻠﻰ ﺧﻴﺮ !
.
ﻃﻠﻌﺖ ﻣﻦ ﻋﻨﺪﻩ ﻭﺩﺧﻠﺖ ﻟﻌﻨﺪ ﺍﻧﺲ ﻟﻘﺘﻪ ﻗﺎﻋﺪ ﻭﺿﺎﻣﻢ ﺭﺟﻠﻴﻪ ﻭﺷﺎﺭﺩ ! ﻗﺮﺑﺖ ﻣﻨﻪ ﻭﻣﺴﻜﺖ ﺍﻳﺪﻳﻪ !
.
ﺩﻳﻤﺔ : ﺍﻧﺖ ﻓﺮﺣﺘﻲ، ﺑﻮﺟﻮﺩﻙ ﺑﺲ ﺍﻧﺎ ﺿﺤﻜﺖ، ﻛﻞ ﻋﻤﺮﻙ ﺑﺘﺤﺒﻨﻲ ﺯﻳﺎﺩﺓ ﻭﺑﺘﺨﺎﻑ ﻋﻠﻴﻲ ! ﻟﻬﻴﻚ ﺭﺡ ﺍﻃﻠﺐ ﻣﻨﻚ ﺗﻜﻮﻥ ﺭﺟﺎﻝ ﻋﻨﺠﺪ ﻣﻮ ﻣﺘﻞ ﺍﺑﻮﻙ، ﺍﺑﻨﻲ ﻋﻴﻠﺔ ﺗﺸﺒﻬﻚ، ﻫﻴﻚ ﺗﻜﻮﻥ ﺭﻭﺣﻬﺎ ﺣﻠﻮﺓ ﻭﻳﻜﻮﻧﻮ ﻧﺴﺨﺔ ﻣﻦ ﻃﻴﺒﺘﻚ ! ﺍﻧﺘﺒﻪ ﻋﻠﻰ ﻛﺎﺭﻣﺎ ﻫﻴﻲ ﺻﻐﻴﺮﺓ ﻭﺑﺘﺤﺒﻚ ﻣﻦ ﺍﻟﻄﻔﻮﻟﺔ !
.
ﺍﻧﺲ : ﻣﺎﻣﺎ ﺧﺎﻟﺘﻲ ﺍﻡ ﻛﺎﺭﻣﺎ ﻋﻨﺠﺪ ﺧﺎﻧﺖ ﺯﻭﺟﻬﺎ؟
.
ﺩﻳﻤﺔ : ﺍﻟﻨﺎﺱ ﺣﻘﻴﺮﺓ ﻭﻗﺬﺭﺓ ﻭﻣﺎ ﺑﻴﺮﺣﻤﻮ، ﺯﻭﺟﻬﺎ ﻛﺎﻥ ﺑﺪﻭ ﻳﻄﻠﻘﻬﺎ ﻭﻃﺎﻟﻊ ﻋﻠﻴﻬﺎ ﻫﻴﻚ ﺍﺷﺎﻋﺔ ! ﺻﺪﻗﻨﻲ ﺧﺎﻟﺘﻚ ﺍﺷﺮﻑ ﻣﻦ ﺯﻭﺟﻬﺎ ﻭﻣﻦ ﺍﺑﻮﻙ ! ﺍﻧﺴﻰ ﻛﻼﻡ ﺍﺑﻮﻙ، ﻭﻋﻴﺶ ﺏ ﺣﺐ !
ﺗﺼﺒﺢ ﻋﻠﻰ ﺧﻴﺮ !
.
.
ﻃﻠﻊ ﺍﻟﺼﺒﺢ ﻭﺍﻟﻜﻞ ﺑﺪﻯ ﻳﺘﺠﻬﺰ، ﻭﺍﻟﻤﻌﺎﺯﻳﻢ ﻭﺻﻠﻮ،
ﻭﺍﻟﻌﺮﺳﺎﻥ ﻭﺻﻠﻮ، ﻋﺮﺱ ﻣﺨﺘﻠﻂ، ﻭﺍﻟﻜﻞ ﻣﺒﺴﻮﻁ !
ﺭﻗﺼﻮ ﻣﻊ ﺑﻌﺾ ﻭﺿﺤﻜﻮ ﺍﻻﺭﺑﻌﺔ ﻛﺘﻴﺮ ! ﻛﺄﻧﻬﻢ ﻋﻢ ﻳﻮﺩﻋﻮ ﺍﻟﻀﺤﻚ ﻟﺤﺘﻰ ﻳﺴﺘﻘﺒﻠﻮ ﺍﻟﻮﺍﻗﻊ !
.
ﺧﻠﺺ ﺍﻟﻌﺮﺱ ﻭﺍﻟﻜﻞ ﺭﺟﻊ ﻋﻠﻰ ﺑﻴﺘﻪ، ﻭﻃﺒﻌﺎ ﺍﻻﻡ ﻭﺍﻻﺏ ﻭﺻﻠﻮ ﻣﻊ ﺍﻟﻌﺮﺳﺎﻥ ﻋﻠﻰ ﺍﻟﺒﻴﺖ ! ﻭﺑﺎﺭﻛﻮﻟﻬﻢ !
.
ﺯﺍﻫﺮ : ﻣﺒﺮﻭﻙ، ﻻﺗﻨﺴﻮ ﺷﻮ ﺣﻜﻴﻨﺎ ! ﻳﻼ ﺍﻃﻠﻌﻮ ﻋﻠﻰ ﺑﻴﻮﺗﻜﻢ !
ﺣﺎﺝ ﺻﺮﻟﻜﻢ ﻋﺎﻳﺸﻴﻦ ﻣﻌﻨﺎ ( 29 ) ﺳﻨﺔ ! ﺻﺎﺭ ﺩﻭﺭﻛﻢ ﺗﺨﻠﻔﻮ
.
ﺩﻳﻤﺔ : ﺍﻧﺘﺒﻬﻮ ﻋﻠﻰ ﺑﻌﺾ، ﻭﺍﺫﺍ ﺑﺪﻛﻢ ﺷﻲ ﺍﺗﺼﻠﻮ ﻓﻴﻲ !
.
ﻃﻠﻌﻮ ﺍﻧﺲ ﻭﻛﺎﺭﻣﺎ ﻋﻠﻰ ﺍﻟﻄﺎﺑﻖ ﺍﻟﺜﺎﻧﻲ ﻭﺩﺧﻠﻮ ﺑﻴﺘﻬﻢ !
ﻭﻃﻠﻌﻮ ﺍﺳﻴﺎ ﻭﻧﺼﺮ ﻋﻠﻰ ﺍﻟﻄﺎﺑﻖ ﺍﻟﺜﺎﻟﺚ ﻭﺩﺧﻠﻮ ﺑﻴﺘﻬﻢ !
#جزء_الثاني
ﻃﻠﻌﻮ ﺍﻧﺲ ﻭﻛﺎﺭﻣﺎ ﻋﻠﻰ ﺍﻟﻄﺎﺑﻖ ﺍﻟﺜﺎﻧﻲ ﻭﺩﺧﻠﻮ ﺑﻴﺘﻬﻢ !
ﻭﻃﻠﻌﻮ ﺍﺳﻴﺎ ﻭﻧﺼﺮ ﻋﻠﻰ ﺍﻟﻄﺎﺑﻖ ﺍﻟﺜﺎﻟﺚ ﻭﺩﺧﻠﻮ ﺑﻴﺘﻬﻢ !
.
.
ﺍﻧﺲ : ﻧﻮﺭﺗﻲ ﺑﻴﺘﻚ ﻳﺎ ﻋﺮﻭﺱ
.
ﻛﺎﺭﻣﺎ : ﺍﻧﺎ ﻣﻮ ﺷﺎﻳﻔﺔ ﺷﻲ ﻏﻴﺮ ﻭﺟﻮﺩﻙ ! ﻻ ﺑﻴﺖ ﻭﻻ ﺍﻱ ﺷﻲ ﺑﺲ ﺑﺘﻤﻨﻰ ﺗﻘﺪﺭ ﻫﺎﻟﻤﺮﺓ !!
.
ﺍﻧﺲ : ﺍﻧﺎ ﺗﻌﺒﺖ ﻣﻦ ﻧﺪﺍﻟﺘﻲ ﻣﻌﻚ ﻭﺑﺪﻱ ﺍﺳﺘﻘﺮ ! ﺑﺘﺮﺟﺎﻛﻲ ﻏﻴﺮﻳﻨﻲ ﺣﺒﻴﻨﻲ ﺍﺣﻀﻨﻴﻨﻲ !
.
ﻛﺎﺭﻣﺎ : ﺍﻟﻒ ﻃﻠﺐ ﻣﺘﻞ ﻫﺎﻟﻄﻠﺐ !! ﺑﺤﺒﻚ ﺍﻧﺎ ﻻﺧﺮ ﻧﻔﺲ !
.
.
ﺍﺳﻴﺎ : ﺣﺎﺳﺴﺘﻚ ﻣﻮ ﻣﺒﺴﻮﻁ ﻣﻊ ﺍﻥ ﺍﺗﻮﻗﻌﺖ ﺷﻮﻓﻚ ﻣﺒﺴﻮﻁ ﻛﺘﻴﺮ ﺑﻬﺎﺩ ﺍﻟﻴﻮﻡ !!
.
ﻧﺼﺮ : ﻣﻮﻭﻭ ﺑﺄﻳﺪﻳﻲ ﺍﻟﺘﻔﻜﻴﻴﻴﻴﺮ ﺭﺡ ﻳﻤﻮﺗﻨﻲ ! ﺭﺡ ﺍﻧﻔﺠﺮ ﺭﺡ ﺟﻦ ﺭﺡ ﺟﻨﻨﻨﻦ !!! ﻓﻲ ﻛﺬﺍ ﺳﺆﺍﻝ ﺑﺮﺍﺍﺍﺍﺳﻲ ﻭﺑﺪﻭﻥ ﺍﺟﻮﻭﻭﺑﺔ
.
ﺍﺳﻴﺎ : ( ﺑﺼﺪﻣﺔ ) ﺍﻧﺎ ﻣﺎﻋﺎﺩ ﻓﻬﻤﺖ ﺷﻲ ﺍﻧﺖ ﻋﻢ ﺗﺤﻜﻲ ﻣﻌﻲ؟؟ ﺑﻬﻴﻚ ﻳﻮﻡ ! ﻭﻫﻴﻚ ﻟﺤﻈﺔ؟ ﺑﺘﻌﺮﻑ ﺷﻮ ﺑﺘﻤﻨﻰ ﻳﻜﻮﻧﻮ ﺍﺳﺄﻟﺘﻚ ﺍﻫﻢ ﻣﻦ ﻛﻞ ﻳﻠﻲ ﺍﻧﺎ ﺫﻛﺮﺗﻠﻚ ﻳﺎﻩ !!
.
ﻧﺼﺮ : ﻫﺎﻻﺳﺌﻠﺔ ﺍﻫﻢ ﻣﻦ ﺣﻴﺎﺗﻲ ﻣﻌﻚ ﺑﺎﻟﻨﺴﺒﺔ ﺍﻟﻲ !
.
ﺍﺳﻴﺎ : ﻭﺑﺎﻟﻨﺴﺒﺔ ﺍﻟﻲ؟ ﻭﻻ ﺍﻧﺎ ﻣﻮ ﻣﻬﻤﺔ؟ ﺍﺗﻔﻀﻞ ﺍﺳﺄﻝ !
.
ﻧﺼﺮ : ﻋﻠﻰ ﻓﻜﺮﺓ ﻣﺎﻓﻲ ﺩﺍﻋﻲ ﺗﻌﺼﺒﻲ ﻫﺎﻟﻘﺪ ﺍﺑﺪﺍ ! ﻃﺎﻟﻤﺎ ﺍﻧﺘﻲ ﻭﺍﺛﻘﺔ ﻣﻦ ﺣﺎﻟﻚ ﺭﻳﺤﻴﻨﻲ ! ﻭﻻ ﺗﺴﻤﺤﻲ ﻟﻠﺸﻚ ﻳﺪﺧﻞ ﺑﻴﻨﻨﺎ !
.
ﺍﺳﻴﺎ : ﻟﻴﻚ ﺍﺳﺄﻝ ﺑﺴﺮﻋﺔ ﻭﺧﻠﺼﻨﻲ ﺍﺣﺴﻦ ﻣﺎ ﻫﻠﻖ ﺍﻃﻠﻊ ﻣﻦ ﻛﻞ ﺍﻟﺒﻴﺖ !!
.
ﻧﺼﺮ : ﻻ ﺍﺳﻤﻌﻲ ﻫﺎﻟﻜﻠﻤﺘﻴﻦ ﻭﺍﺣﻔﻈﻴﻮﻥ ﻛﺘﻴﺮ ﻣﻨﻴﺢ ! ﺑﻌﺪ ﺍﻟﻠﺤﻈﺔ ﻳﻠﻲ ﺣﻄﻴﺘﻲ ﺭﺟﻠﻚ ﻓﻴﻬﺎ ﺑﻬﺎﺩ ﺍﻟﺒﻴﺖ ﻣﺴﺘﺤﻴﻞ ﺗﻄﻠﻌﻲ ﻣﻨﻪ ﺍﻻ ﺑﺤﺎﻟﺘﻴﻦ ! ﻳﺎ ﺍﻧﺎ ﺍﻃﻠﻊ ﻗﺒﻠﻚ ﺟﺜﺔ !!! ﺍﻭ ﺑﺘﻄﻠﻌﻲ ﺟﺜﺔ ﺍﻧﺘﻲ !!
.
ﺍﺳﻴﺎ : ﻣﺴﺘﺤﻴﻞ ﺗﻜﻮﻥ ﺍﻧﺖ ﺫﺍﺕ ﺍﻟﺮﺟﺎﻝ ﻗﺒﻞ ﺳﺎﻋﺔ !! ﺷﻮ ﺑﺪﻙ ﺗﻈﻬﺮ ﻭﺟﻬﻚ ﺍﻟﺤﻘﻴﻘﻲ ﻭﻻ ﺷﻮﻭﻭ !!
.
ﻧﺼﺮ : ﺍﻧﺘﻲ ﻗﺒﻞ ﻛﻨﺘﻲ ﻣﺨﻄﻮﺑﺔ ! ﺷﻮ ﺻﺎﺭ ﺑﻴﻨﻚ ﻭﺑﻴﻨﻪ ! ﻟﻤﺴﻜﻜﻚ ﻟﻴﻪ ﺗﺮﻛﻜﻚ؟؟؟
.
ﺍﺳﻴﺎ : ﺍﻧﺨﻄﺒﺖ ﺷﻬﺮﻳﻦ ﺑﺴﺴﺲ ﻭﻣﺎ ﺍﺗﻔﻘﺖ ﻣﻌﻪ ﻭﺍﺻﻼ ﻣﺎ ﺷﻔﺘﻪ ﻋﺎﻟﻮﺍﻗﻊ ﻏﻴﺮ ﻣﺮﺗﻴﻦ ﻭﻗﺖ ﻟﺒﺴﻨﺎ ﺍﻟﻤﺤﺎﺑﺲ ﻭﻭﻗﺖ ﺗﺮﻛﻨﺎ ! ﻭﺑﻔﺘﺮﺓ ﺍﻟﺨﻄﺒﺔ ﻛﻨﺎ ﻧﺤﻜﻲ ﺑﺲ ﻋﺎﻟﺠﻮﺍﻻﺕ !! ﺗﺮﻛﻨﺎ ﻻﻧﻪ ﻣﺎ ﺍﺗﻔﻘﺖ ﻣﻌﻪ ﻋﻘﻠﻴﺘﻪ ﺻﻌﺒﺔ ! ﻭﺑﻴﻐﺎﺭ ﻛﺘﻴﺮ ﺭﻏﻢ ﺍﻧﻪ ﻣﺎﻟﺤﻘﻨﺎ ﻧﺤﺐ ﺑﻌﺾ ! ﺍﺭﺗﺤﺘﺘﺘﺖ ﻫﻴﻚ ﻣﻨﻴﻴﻴﺢ
.
ﻧﺼﺮ : ﻟﻚ ﺷﻮ ﺍﺭﺗﺤﺖ ﻫﻴﻚ ﺗﻌﺒﺘﺘﺖ ﺍﻛﺘﺮ ﻛﻴﻒ ﺗﺤﻜﻮ؟؟ ﺍﻛﻴﺪ ﺻﻮﺭﻙ ﻭﺍﺣﺘﻔﻆ ﺑﺎﻟﺼﻮﺭ ! ﺍﻛﻴﺪ ... ﺭﺡ ﺟﻨﻦ !
.
ﺍﺳﻴﺎ : ﺍﻧﺎ ﺑﺤﻴﺎﺗﻲ ﻣﺎ ﺳﺄﻟﺘﻚ ﻋﻦ ﻣﺎﺿﻴﻚ ﻭﺑﺘﻤﻨﻰ ﻣﺎ ﺗﺮﺟﻊ ﺗﺴﺄﻟﻨﻲ ﺍﻱ ﺷﻲ ﻋﻢ ﻣﺎﺿﻴﻲ ﻓﻬﻤﺘﺘﺖ !! ﺍﻧﺎ ﺣﻜﻴﺘﻠﻚ ﻛﻠﺸﻲ ﻋﻦ ﺣﻴﺎﺗﻲ ! ﺑﻜﻔﻲ ﺗﺨﻠﻒ
.
ﻧﺼﺮ : ﻻ ﺍﻧﺎ ﻣﺎﻋﻨﺪﻱ ﻣﺎﺿﻲ ﺑﺤﻴﺎﺗﻲ ﻣﺎ ﻋﺮﻓﺖ ﻏﻴﺮﻙ ﻭﻻ ﺣﺒﻴﺖ ﻏﻴﺮﻙ !
.
ﺍﺳﻴﺎ : ( ﺻﺮﺧﺖ ) ﻓﻬﻤﻨﻴﻴﻴﻴﻲ ﺷﻮﻭﻭﻭ ﺑﺪﻙ ﻫﻠﻘﻘﻘﻖ !!
.
ﻭﻗﻔﺖ ﻭﺭﻛﻀﺖ ﻋﻠﻰ ﻏﺮﻓﺔ ﻭﻗﻔﻠﺖ ﻋﻠﻰ ﺣﺎﻟﻬﺎ !!
ﻟﺤﻘﻬﺎ ﻭﻭﻗﻒ ﺟﻨﺐ ﺍﻟﺒﺎﺏ !!
.
ﺍﺳﻴﺎ : ﺍﺗﺮﻛﻨﻲ ﻟﺤﺎﻟﻲ ﻟﻮ ﺳﻤﺤﺖ ﻣﺸﺎﻥ ﻣﺎ ﺗﻨﺰﻝ ﻣﻦ ﻧﻈﺮﻱ ﺍﻛﺘﺮ !
.
ﻧﺼﺮ : ﺍﺳﻤﻌﻴﻨﻲ ﻣﻨﻴﺢ ﺷﻮ ﺭﺡ ﻗﻮﻝ ! ﻭﺭﺑﻲ، ﺍﻗﺴﻢ ﺑﺎﻟﻠﻪ، ﺍﺫﺍ ﺷﻲ ﻳﻮﻡ ﺑﻌﺮﻑ ﺍﻧﻚ ﻛﺬﺑﺘﻲ ﺍﻭ ﺧﻔﻴﺘﻲ ﻋﻨﻲ ﺷﻲ !!
( ﺍﺗﻨﻬﺪ ) ﺭﺡ ﻳﻜﻮﻥ ﺍﺧﺮ ﻳﻮﻡ ﺑﺤﻴﺎﺗﻚ !!!
.
.
.
ﺍﺟﺘﺎﺡ ﺍﻟﺼﻤﺖ ﻭﻋﺪﻡ ﺍﻟﺮﺩ ﺍﻟﺒﻴﺖ !
ﻭﺑﻘﻲ ﻧﺼﺮ ﻗﺎﻋﺪ ﺟﻨﺐ ﺑﺎﺏ ﺍﻟﻐﺮﻓﺔ !
ﻭﺍﺳﻴﺎ ﻭﺍﻗﻔﺔ ﻣﻘﺎﺑﻞ ﻣﺮﺍﻳﺔ ﻭﺷﺎﺭﺩﺓ !!
.
ﻧﺼﺮ : ﺍﻧﺎ .. ﺍﻧﺎ ﺍﺳﻒ .. ﻭﺍﻟﻠﻪ ﺑﺤﺒﻚ ﻭﺍﻟﻠﻪ ﺑﺨﺎﻑ ﻋﻠﻴﻜﻲ ! ﺍﻧﺘﻲ ﺍﻧﺘﻲ ﻣﺎ ﺑﺘﻌﺮﻓﻲ ﺍﻟﺒﺸﺮ ﻭﺷﺮﻫﻢ ! ﺍﻧﺘﻲ ﻣﻼﻙ ﻭﻃﻴﺒﺔ ﻣﻊ ﺍﻟﻜﻞ ﻭﺍﻟﻜﻞ ﺍﺳﺘﻐﻼﻟﻴﻴﻴﻦ ! ﺍﻧﺎ ﺍﺳﻒ ﻣﻮ ﻗﺼﺪﻱ ! ﺍﻃﻠﻌﻲ ﺑﺘﺮﺟﺎﻛﻲ ! ﻭﺍﻟﻠﻪ ﺫﺍﻛﺮﺗﻲ ﻣﻮ ﻧﺎﻗﺼﻬﺎ ﺍﺷﻴﺎﺀ ﺳﻴﺌﺔ ﺗﻌﻠﻖ ﻓﻴﻬﺎ !!
.
ﺍﺳﻴﺎ : ﺍﻧﺎ ﻣﻮ ﻫﻤﻲ ﺍﻟﻨﺎﺱ ﺍﻧﺎ ﺑﺪﻱ ﻋﻴﺶ ﺣﻴﺎﺓ ﻃﺒﻴﻌﻴﺔ ﻭﺑﺲ ﺷﻮﻭ ﻣﺎ ﺑﺴﺘﺎﺍﺍﻫﻞ؟؟ ﻋﺸﺖ ﻃﻮﻝ ﺣﻴﺎﺗﻲ ﺧﺎﻳﻔﺔ ﻭﻟﻮﺣﺪﻱ ﺑﺪﻭﻥ ﺍﻡ ﻭﺍﺏ !! ﺷﻮ ﻟﺴﺎ ﺑﺪﻱ ﻋﻴﺶ ﻣﻊ ﺣﺒﻴﺒﻲ ﻭﺯﻭﺟﻲ ﺑﺸﻚ ﻭﺍﺳﺄﻟﺔ ﻭﺧﻮﻑ ﻭﺗﻬﺪﻳﻴﻴﻴﻴﺪ !!!
.
ﻓﺘﺤﺖ ﺍﻟﺒﺎﺏ ﻭﺍﺗﻄﻠﻌﺖ ﻓﻴﻪ ! ﻭﻗﻒ ﻭﻧﻈﺮﻩ ﺑﺎﻻﺭﺽ !!
.
ﺍﺳﻴﺎ : ﺍﻻﻣﺎﻥ ﺍﻫﻢ ﻣﻦ ﺍﻟﺤﺐ، ﺍﺫﺍ ﺑﺪﻙ ﺗﻜﻤﻞ ﻫﻴﻚ ﺍﻧﺎ ﻣﺎ ﺑﻜﻤﻞ ﺑﻔﻀﻞ ﻋﻴﺶ ﻛﺴﺮﺓ ﺍﻟﺤﺐ ﻭﻻ ﺍﺑﻘﻰ ﻋﺎﻳﺸﺔ ﺑﺪﻭﻥ ﺍﻣﺎﻥ ﻛﻤﺎﻥ ﻻﺧﺮ ﻋﻤﺮﻱ !! ﻟﺴﺎﺗﻨﺎ ﺑﺄﻭﻝ ﺍﻟﻄﺮﻳﻖ، ﺍﺧﺘﺎﺭ ﻫﻠﻖ !
.
ﺍﺗﻄﻠﻊ ﻓﻴﻬﺎ : ﻻﺗﻜﻤﻠﻲ، ﺍﻧﺴﻲ ﻛﻠﺸﻲ ! ﺍﻧﺎ ﺍﺳﻒ ! ﺑﺤﺒﻚ
.
.
ﺯﺍﻫﺮ : ﺷﻮ ﻣﻮ ﻧﺎﻭﻳﺔ ﺗﻨﺎﻣﻲ؟؟ ﺷﺒﻚ
.
ﺩﻳﻤﺔ : ﺧﺎﻳﻔﺔ ﻛﺘﻴﺮ ﻋﻠﻴﻬﻢ !!
.
ﺯﺍﻫﺮ : ﻭﻻﺩﻙ ﺭﺟﺎﻝ ﻭﺭﺡ ﻳﻤﺸﻮ ﺑﻨﺼﻴﺤﺘﻲ ﻻﺗﺨﺎﻓﻲ ﻋﻠﻴﻬﻢ
.
ﺩﻳﻤﺔ : ( ﺍﺗﻄﻠﻌﺖ ﺑﻘﺮﻑ ) ﺍﻧﺎ ﺧﺎﻳﻔﺔ ﻋﻠﻰ ﺍﻟﺒﻨﺎﺕ !!
.
.
ﻓﺘﺤﺖ ﻋﻴﻮﻧﻬﺎ ﻭﺭﻛﻀﺖ ﻋﻠﻰ ﺍﻟﻤﺮﺍﻳﺔ ﺯﺑﻄﺖ ﻣﻜﻴﺎﺟﻬﺎ ﻭﺭﺟﻌﺖ ﻟﺠﻨﺒﻪ، ﻣﺴﻜﺖ ﺧﺼﻠﺔ ﻣﻦ ﺷﻌﺮﻫﺎ ﻭﻣﺸﺘﻬﺎ ﻋﻠﻰ ﻭﺟﻬﻪ، ﻓﺘﺢ ﻋﻴﻮﻧﻪ ﺑﺎﺑﺘﺴﺎﻣﻪ،
.
ﻛﺎﺭﻣﺎ : ﺍﻟﻠﻪ ﻳﻌﻴﻦ ﻗﻠﺒﻲ ﺍﻟﻤﺴﻜﻴﻦ ﻳﻠﻲ ﺭﺡ ﻳﺼﺤﻰ ﻛﻞ ﻳﻮﻡ ﻭﻗﺒﺎﻟﻪ ﺍﻧﺖ !
.
ﺍﻧﺲ : ﻭﻳﻌﻴﻦ ﻗﻠﺒﻲ ﺣﺘﻰ ﻳﻘﺪﺭ ﻛﻠﺸﻲ ﺣﻠﻮ ﻣﻨﻚ !
.
ﻛﺎﺭﻣﺎ : ﺣﺒﻴﺒﻲ ﺍﻧﺖ، ﺻﺢ ﺍﺗﺼﻠﺖ ﺧﺎﻟﺘﻮ ﻭﻃﻠﺒﺖ ﻣﻨﻲ ﻧﻨﺰﻝ ﻧﻔﻄﺮ ﻋﻨﺪﻫﻢ ﺗﺤﺖ، ﻣﻊ ﺍﻧﻪ ﻛﺎﻥ ﺑﺪﻱ ﻧﺮﻭﺡ ﻋﻠﻰ ﻣﻜﺎﻥ ﻟﻮﺣﺪﻧﺎ ﺑﺲ ﺟﻤﻌﺔ ﻋﺎﺋﻠﻴﺔ ﻋﻴﻴﺐ، ﻳﻼ ﻗﻮﻡ ﻧﺠﻬﺰ ﻭﻧﻨﺰﻝ
.
ﺍﻧﺲ : ﺑﻌﺪ ﺍﻟﻔﻄﻮﺭ ﻣﻨﺮﻭﺡ ﻭﻳﻦ ﻣﺎﺑﺪﻙ،
.
.
ﻧﺼﺮ : ﺷﻮ ﻣﺎ ﺷﺒﻌﺘﻲ ﻧﻮﻡ؟ ( ﺍﺑﺘﺴﻢ ) ﺍﻟﻈﺎﻫﺮ ﺣﺎﺳﺔ ﺑﺎﻻﻣﺎﻥ ﻭﺯﻳﺎﺩﺓ !!
.
ﺍﺳﻴﺎ : ﻫﻬﻬﻬﻪ ﺿﺤﻜﺘﻨﻲ ﺑﺲ ﻣﻮ ﻣﻌﻨﻰ ﺍﻧﻮ ﺿﺤﻜﺖ ﻳﻌﻨﻲ ﺳﺎﻣﺤﺘﻚ، ﻛﻼﻣﻚ ﻣﺒﺎﺭﺡ ﺧﻮﻓﻨﻲ ﻛﺘﻴﺮ،
.
ﻧﺼﺮ : ( ﻏﻤﺰﻫﺎ ) ﺍﻋﺘﺒﺮﻳﻪ ﺗﻮﺗﺮ ﺍﻟﻌﺮﻳﺲ ﻭﺭﺍﺡ، ﻳﻼ ﺍﻟﺒﺴﻲ ﺣﺘﻰ ﻧﻨﺰﻝ ﻟﺘﺤﺖ، ﺍﻫﻠﻚ ﺑﻜﻮﻧﻮ ﻭﺻﻠﻮ
.
ﻃﺒﻊ ﺑﻮﺳﺔ ﻉ ﺟﺒﻴﻨﻬﺎ ﻭﺍﺑﺘﺴﻢ !!
.
.
ﺩﻳﻤﺔ : ﻣﺒﺮﻭﻙ ﺍﻟﻨﺎ ﻭﺍﻟﻜﻢ، ﻧﻮﺭﺗﻮﻧﺎ
.
ﻫﺎﺟﺮ ( ﺍﻡ ﺍﺳﻴﺎ ) : ﻳﺒﺎﺭﻛﻠﻨﺎ ﻓﻴﻜﻲ،
.
ﺍﻡ ﻛﺎﺭﻣﺎ : ﺍﺧﺘﻲ ﺗﻌﻲ ﺷﻮﻱ ﻋﺎﻟﻤﻄﺒﺦ ﺑﺪﻱ ﺣﻜﻴﻜﻲ ﺑﺸﻲ !
.
ﺩﻳﻤﺔ : ﺧﻴﺮ ﺍﺧﺘﻲ ﺷﻮﻓﻲ؟
.
ﺍﻡ ﻛﺎﺭﻣﺎ : ﺍﺳﺘﻌﺠﻠﻲ ﺑﺎﻟﻌﺰﻳﻤﺔ ﺑﺪﻱ ﺭﻭﺡ ﺑﺘﻌﺮﻓﻲ ﺟﻮﺯﻙ ﻣﺎ ﺑﻴﺤﺒﻨﻲ ﻭﻛﻼﻣﻪ ﺑﻴﻨﺰﻝ ﻉ ﻗﻠﺒﻲ ﻣﺘﻞ ﺍﻟﺴﻢ
.
ﺩﻳﻤﺔ : ﺑﻌﺮﻑ ﺑﻌﺮﻑ، ﻃﻴﺐ ﻳﻼ ﺍﻟﻈﺎﻫﺮ ﻧﺰﻟﻮ ﺍﻟﻌﺮﺳﺎﻥ،
.
ﺍﺟﺘﻤﻌﻮ ﺍﻟﻜﻞ ﻭﺳﻠﻤﻮ ﻋﻠﻰ ﺑﻌﻀﻬﻢ ﻭﻓﻄﺮﻭ ﺳﻮﺍ ﻭﻗﻌﺪﻭ ﻳﺘﺤﻠﻮ !!
.
ﺯﺍﻫﺮ : ﻭﺍﻟﻠﻪ ﻧﻮﺭﺗﻮﻧﺎ، ﺷﻮ ﺳﺖ ﻫﺎﺟﺮ ﻛﻴﻒ ﻣﺎﺕ ﺯﻭﺟﻚ؟
.
ﺍﺳﻴﺎ : ( ﺑﻌﺼﺒﻴﺔ ) ﺳﻜﺘﺔ ﻗﻠﺒﻴﺔ ﻣﻔﺎﺟﺌﺔ !
.
ﺩﻳﻤﺔ : ﺍﻟﻠﻪ ﻳﺮﺣﻤﻮ، ﺷﺒﻚ ﺯﺍﻫﺮ ﺑﻼ ﺍﺣﺰﺍﻥ ﺑﻬﻴﻚ ﻳﻮﻡ ﺍﺗﺮﻛﻨﺎ ﻓﺮﺣﺎﻧﻴﻦ
.
ﺯﺍﻫﺮ : ﺍﻛﻴﺪ ﺍﺧﺘﻚ ﻓﺮﺣﺎﻧﺔ ﻛﺘﻴﺮ ﻣﺎ ﺻﺪﻗﺖ ﺣﺪﻯ ﺗﺰﻭﺝ ﺑﻨﺘﻬﺎ ﺑﻌﺪ ﻓﻌﺎﻳﻠﻬﺎ !!!!
.
.
.
ﺍﻧﺲ : ﺑﺎﺑﺎﺍﺍﺍ ﺷﻮ ﻋﻢ ﺗﻘﻮﻭﻝ !!
.
ﻛﺎﺭﻣﺎ : ( ﻣﺴﻜﺖ ﺍﻧﺲ ﻣﻦ ﺍﻳﺪﻩ ﻭﻫﻤﺴﺘﻠﻪ ) ﺍﻫﺪﻯ، ﻣﺎﺑﺪﻧﺎ ﻣﺸﺎﻛﻞ،
.
ﻧﺼﺮ : ( ﺍﺗﻠﺒﻚ ﻛﺘﻴﺮ ) ﺑﺎﺑﺎ ﻟﻮ ﺳﻤﺤﺖ
.
ﻭﻗﻒ ﺯﺍﻫﺮ ﻭﺣﻜﺎ ﺑﻌﺼﺒﻴﺔ : ﺍﻧﺎ ﺭﺍﻳﺢ ﻭﺭﺡ ﺍﺗﺮﻛﻜﻢ ﺗﻤﺜﻠﻮ ﺍﻟﻜﺬﺏ ﻋﻠﻰ ﺑﻌﺾ ﻛﻠﻜﻢ
.
ﺩﻳﻤﺔ : ( ﺻﺮﺧﺖ ) ﺧﻠﺼﺼﺺ ﺧﻠﺼﺼﺺ ﺷﻮ ﻓﻴﻬﺎ ﺍﺫﺍ ﻛﻨﺎ ﻣﺒﺴﻮﻃﻴﻦ ﻻﺯﻡ ﺗﺨﺮﺑﻬﺎ ﻋﻠﻴﻨﺎ !! ﺑﻴﻜﻔﻲ ﺑﻘﻰ
.
ﻫﺎﺟﺮ : ﻧﺤﻨﺎ ﺭﺡ ﻧﻤﺸﻲ ﻳﻼ ﻣﺎﺳﺎ، ﻣﺒﺮﻭﻙ ﻣﺮﺓ ﺗﺎﻧﻴﺔ،
.
ﻣﺎﺳﺎ : ﺑﺲ ﻛﺎﻥ ﺑﺪﻱ ﺣﺎﻛﻲ ﺍﺧﺘﻲ !!
.
ﻫﺎﺟﺮ : ﺍﻟﻤﺮﺓ ﺍﻟﺠﺎﻳﺔ ﻳﻼ ﻣﺎﺳﺎ ﺑﺎﻻﺫﻥ !
.
ﺍﻡ ﻛﺎﺭﻣﺎ : ﻭﺍﻧﺎ ﺭﺡ ﺍﻣﺸﻲ ﺑﺎﻻﺫﻥ ﺍﺧﺘﻲ،
.
ﻃﻠﻌﻮ ﺍﺳﻴﺎ ﻭﻛﺎﺭﻣﺎ ﻣﻊ ﺍﻣﻬﺎﺗﻬﻢ ﻭﺑﻌﺪﻳﻦ ﻛﻞ ﻭﺣﺪﺓ ﻋﻠﻰ ﺑﻴﺘﻬﺎ !!
.
ﺍﻧﺲ : ﺍﻧﺖ ﻣﻮ ﺍﺏ ﻭﺍﻟﻠﻬﻲ، ﺷﻮ ﻋﻢ ﺗﺤﺎﻭﻝ ﺗﻌﻤﻞ ﻟﻚ ﻗﺪﺭ ﻣﻮﻗﻔﻨﺎ ﻗﺪﺍﻣﻬﻢ ﺷﻮ ﺭﺡ ﻧﻘﻠﻬﻢ ﻫﻠﻖ؟؟
.
ﺯﺍﻫﺮ : ﺧﻠﻴﻚ ﺭﺟﺎﻝ ﻳﺒﻘﻰ ﻣﺎﺭﺡ ﺗﻨﺤﺮﺝ !!
.
ﻧﺼﺮ : ﻣﺎﻣﺎ !! ﻗﺼﺔ ﺧﺎﻟﺘﻲ ﺣﻘﻴﻘﻴﺔ؟؟ ﻳﻠﻲ ﻗﺎﻟﻪ ﺍﺑﻲ ﺻﺤﻴﺢ؟
.
ﺩﻳﻤﺔ : ﻻ، ﻻﺍﺍﺍﺍﺍ، ﺍﺑﻮﻙ ﺑﻴﻜﺮﻩ ﺍﻟﻜﻞ ﻣﺎﺑﻴﻌﺮﻑ ﻳﺤﺐ ﺣﺪﻯ ﺍﻭ ﻳﻜﻮﻥ ﻣﻨﻴﺢ ﻣﻊ ﺣﺪﻯ
.
ﻫﺠﻢ ﻋﻠﻴﻬﺎ ﺑﺪﻭ ﻳﻀﺮﺑﻬﺎ ﺑﺲ ﻭﻗﻔﻮ ﺑﻮﺟﻬﻪ ﺍﻧﺲ ﻭﻧﺼﺮ !!
.
ﺍﻧﺲ : ﻟﻚ ﺑﻴﻜﻔﻴﻴﻴﻲ ﺷﺒﻜﻜﻜﻚ ﺧﻠﺼﺼﺺ ﺗﻌﺒﺘﻨﺎ ﺧﻠﺺ
.
ﺯﺍﻫﺮ : ﺍﻧﺎ ﺭﺍﻳﺢ ﻭﺑﺴﺘﻴﻦ ﺟﻬﻨﻢ ﺍﻧﺘﻮ ﻭﺍﻣﻜﻢ ﻳﻘﻄﻊ ﻋﻤﺮﻛﻢ
.
ﺗﺮﻛﻬﻢ ﻭﺭﺍﺡ ﻣﻦ ﺍﻟﺒﻴﺖ !! ﻗﻌﺪﺕ ﺩﻳﻤﺔ ﻭﺻﺎﺭﺕ ﺗﺒﻜﻲ !!
.
ﻧﺼﺮ : ﻙ ﻋﺎﺩﺗﻪ ﺑﻴﻐﻴﺐ ﻛﺬﺍ ﻳﻮﻡ ﺍﻟﻠﻪ ﻭﺍﻋﻠﻢ ﻭﻳﻦ ﻭﺑﻴﺮﺟﻊ
.
ﺍﻧﺲ : ﻭﻳﻦ ﻳﻌﻨﻲ ! ﺑﻴﺮﻭﺡ ﺑﻴﺮﻣﻲ ﻣﺼﺎﺭﻳﻪ ﻋﺎﻟﺮﻗﺎﺻﺎﺕ !! ﻭﻫﻮﻥ ﺑﻴﺴﺘﺸﺮﻑ ﻋﻠﻴﻨﺎ !!
.
ﻧﺼﺮ : ﺧﻠﺺ ﻋﻴﺐ ﺗﺤﻜﻲ ﻫﻴﻚ ﻋﻦ ﺍﺑﻮﻙ، ﺍﻧﺎ ﻃﺎﻟﻊ ﺑﺎﻻﺫﻥ
.
ﻗﻌﺪ ﺍﻧﺲ ﺟﻨﺐ ﺍﻣﻪ ﻭﻣﺴﻚ ﺍﻳﺪﻫﺎ ﺑﺎﺳﻬﺎ : ﻭﺍﻟﻠﻪ ﺻﺤﺘﻚ ﺑﻜﻞ ﺍﻟﺪﻧﻴﺎ ﻻﺗﺰﻋﻠﻲ ﺣﺎﻟﻚ، ﺍﺗﻌﻮﺩﻧﺎ ﻋﻠﻴﻪ ﻭﻋﻠﻰ ﻣﺼﺎﻳﺒﻪ !
.
ﺩﻳﻤﺔ : ( ﻣﺴﺤﺖ ﺩﻣﻮﻋﻬﺎ ) ﻭﻻ ﻳﻬﻤﻚ ﻭﻋﻠﻰ ﻗﻮﻟﺘﻚ ﺍﺗﻌﻮﺩﻧﺎ، ﺭﻭﺡ ﻋﻨﺪ ﻋﺮﻭﺳﺘﻚ ﻭﻻﺗﺨﻠﻴﻬﺎ ﺗﺰﻋﻞ !
.
.
# ﺑﻌﺪ _ ﻣﺮﻭﺭ _ ﺛﻼﺛﺔ _ ﺍﻳﺎﻡ
.
ﺍﺳﻴﺎ : ﺍﻧﺎ ﺑﺪﻱ ﺭﻭﺡ ﻋﻨﺪ ﻣﺎﻣﺎ ﻭﺩﻋﻬﺎ ﺑﺪﻫﺎ ﺗﺴﺎﻓﺮ !
.
ﻧﺼﺮ : ( ﺑﺼﺪﻣﺔ ) ﻭﺗﺘﺮﻙ ﺍﺧﺘﻚ ﻟﺤﺎﻟﻬﺎ؟؟ ﻣﻌﻘﻮﻝ
.
ﺍﺳﻴﺎ : ﻋﺎﺩﻱ ﻧﺤﻨﺎ ﻋﺸﻨﺎ ﻛﻞ ﻋﻤﺮﻧﺎ ﺑﺪﻭﻧﻬﺎ، ﻣﺎ ﺑﺘﺄﺧﺮ
.
ﻃﻠﻌﺖ ﻣﻦ ﺍﻟﺒﻴﺖ ﻭﻫﻮ ﻋﻢ ﻳﻔﻜﺮ ﻓﻴﻬﺎ ﻭﺑﺄﻫﻠﻬﺎ ﺍﻟﻐﺮﻳﺒﻴﻦ !!
.
ﻧﺼﺮ : ﻣﺎ ﻳﻤﻜﻦ ﺭﺍﺣﺖ ﺗﻘﺎﺑﻞ ﺧﻄﻴﺒﻬﺎ ﺍﻟﻘﺪﻳﻢ ﻭﻋﻢ ﺗﺘﻀﺤﻚ ﻋﻠﻴﻲ !!! ﺭﺡ ﺍﻟﺤﻘﻬﺎ !
.
.
ﻛﺎﺭﻣﺎ : ﺑﻴﺒﻲ ﻛﻨﺖ ﻋﺎﻻﺳﻄﻮﺡ ﻭﺍﻧﺎ ﻧﺎﺯﻟﺔ ﺷﻔﺖ ﻛﺬﺍ ﺭﺟﺎﻝ ﻓﺎﺗﺤﻴﻦ ﺍﻟﻄﺎﺑﻖ ﺍﻟﺮﺍﺑﻊ ﻭﺩﺍﺧﻠﻴﻦ ﻋﻠﻴﻪ !!
.
ﺍﻧﺲ : ﺷﻮﻭﻭ !! ﻛﻴﻒ ﻳﻌﻨﻲ ﻭﻣﺎﺣﺪﻯ ﻣﻌﻮ ﻣﻔﺘﺎﺡ ﻏﻴﺮ ﺍﺑﻲ !! ﺍﻧﺎ ﻃﺎﻟﻊ ﺍﻋﺮﻑ ﺷﻮ ﺍﻟﻘﺼﺔ !
.
ﻃﻠﻊ ﻟﻔﻮﻕ ﻭﺷﺎﻓﻬﻢ ﻭﺍﻗﻔﻴﻦ ﻭﻋﻢ ﻳﺘﻔﺼﺤﻮ ﺍﻟﺒﻴﺖ !! ؟
.
ﺍﻧﺲ : ﺍﻧﺘﻮ ﻣﻴﻦ ﻭﻛﻴﻒ ﺩﺧﻠﺘﻮ ﻟﻬﻮﻥ !!! ﻭﺷﻮ ﻋﻢ ﺗﺴﺎﻭﻭ؟؟
.
ﺯﺍﻫﺮ : ﺍﻧﺎ ﻳﻠﻲ ﺟﺒﺘﻬﻢ، ﻭﺑﻈﻦ ﻛﻞ ﺍﻟﺒﻨﺎﻳﺔ ﺍﻟﻲ ﻭﺑﻌﻤﻞ ﻳﻠﻲ ﺑﺪﻱ ﻳﺎﻩ ﻓﻴﻬﺎ، ﻭﻻ ﻋﻨﺪﻙ ﺍﻋﺘﺮﺍﺽ؟؟
.
ﺍﻧﺲ : ﻻ ﻣﺎ ﻋﻨﺪﻱ، ﺑﺲ ﺣﺒﻴﺖ ﺍﻓﻬﻢ ﺷﻮ ﻋﻢ ﻳﺼﻴﺮ !
.
ﺯﺍﻫﺮ : ﺑﺪﻱ ﺳﻜﻦ ﻓﻴﻬﺎ ﻭﺣﺪﺓ ﺍﺣﻠﻰ ﻣﻦ ﺍﻟﻘﻤﺮ !!
.
.
.
.
ﺍﻧﺲ : ﺗﺘﻬﻨﻰ،
.
ﻧﺰﻝ ﻣﻌﺼﺐ ﻟﻌﻨﺪ ﺍﻣﻪ ﻭﺳﺄﻟﻬﺎ : ﺷﻮ ﻋﻢ ﻳﻌﻤﻞ ﺟﻮﺯﻙ؟؟
.
ﺩﻳﻤﺔ : ﻣﺎﻋﻢ ﻳﻌﻤﻞ ﺷﻲ ﻏﻠﻂ، ﺍﺟﺎﻩ ﻣﺴﺘﺄﺟﺮ ﻟﻠﺒﻴﺖ ﻭﺭﺡ ﻳﺄﺟﺮﻩ ﺍﺣﺴﻦ ﻣﺎ ﻳﺒﻘﻰ ﻓﺎﺿﻲ !!
.
ﺍﻧﺲ : ﺍﻛﻴﺪ ﺿﺤﻜﺖ ﻋﻠﻴﻪ ﺷﻲ ﺭﻗﺎﺻﺔ ﻭﻓﺘﺤﻠﻬﺎ ﺑﻴﺘﻪ ﻣﺠﺎﻧﺎ
.
ﺩﻳﻤﺔ : ﻫﻮ ﺣﺮ ﺍﺗﺮﻛﻮﻩ ﻳﻌﻤﻞ ﺍﻱ ﺷﻲ ﺑﻌﻴﺪ ﻋﻦ ﺣﻴﺎﺗﻜﻢ !!
.
.
ﻭﺻﻠﺖ ﺍﺳﻴﺎ ﺑﻴﺖ ﺍﻫﻠﻬﺎ ﻭﺩﺧﻠﺖ ﺣﺘﻰ ﺗﻮﺩﻉ ﺍﻣﻬﺎ،
ﻭﻧﺼﺮ ﻭﺻﻞ ﻭﺭﺍﻫﺎ ﻭﺑﻘﻲ ﻭﺍﻗﻒ ﺑﻌﻴﺪ ﻋﻦ ﺑﻴﺖ ﺍﻫﻠﻬﺎ،
.
.
ﺍﺳﻴﺎ : ﺷﻮ ﻫﺎﻟﻤﺮﺓ ﻛﻢ ﺷﻬﺮ ﻓﺘﺮﺓ ﻏﻴﺎﺑﻚ؟ ﻭﺑﺘﻌﺮﻓﻲ ﺍﻥ ﻓﻲ ﻭﺭﺍﻛﻲ ﺑﻨﺖ ﻟﺴﺎﻫﺎ ﺻﻐﻴﺮﺓ ﺭﺡ ﺗﺒﻘﻰ ﻟﻮﺣﺪﻫﺎ ﺑﺎﻟﺒﻴﺖ؟؟
.
ﻫﺎﺟﺮ : ﻭﻃﻲ ﺻﻮﺗﻚ ﻭﺑﻼ ﺗﺴﻤﻌﻚ، ﺧﻠﻴﻬﺎ ﻗﻮﻳﺔ ﻭﻗﺪ ﺣﺎﻟﻬﺎ، ﺍﻧﺘﻲ ﺑﺲ ﺑﺪﻙ ﺗﺴﻤﻌﻴﻨﻲ ﺣﻜﻲ ﻭﺗﻔﻀﻲ ﻗﻠﺒﻚ ﺍﻻﺳﻮﺩ،
.
ﺍﺳﻴﺎ : ﻫﻬﻬﻬﻪ ﻗﻠﺒﻲ ﺍﻻﺳﻮﺩ؟ ﻭﺍﻧﺘﻲ ﺷﻮ ﻛﺎﻥ ﻗﻠﺒﻚ ﻭﻗﺘﺎ؟؟ ﻭﻻ ﺑﻬﺪﺍﻙ ﺍﻟﻮﻗﺖ ﻗﻠﺒﻚ ﻛﺎﻥ ﻏﺮﻗﺎﻥ ﺑﺎﻻﻧﺎﻧﻴﺔ ﻭﺑﺲ ﺻﺢ؟؟
.
ﻫﺎﺟﺮ : ( ﻗﺮﺑﺖ ﻭﺿﻤﺘﻬﺎ ) ﺍﻟﺤﺐ ﻣﺎ ﺑﻴﻌﺮﻑ ﻻ ﻭﻗﺖ ﻭﻻ ﻋﻤﺮ ﻭﺍﻧﺎ ﻣﺎ ﺍﺧﺘﺮﺕ ﻛﻮﻥ ﻫﻴﻚ، ﺑﺲ ﺍﻟﺤﺐ ﻣﺎﻓﻴﻪ ﺍﺧﺘﻴﺎﺭ، ﺑﺘﻤﻨﻰ ﺗﻜﻮﻧﻲ ﺟﺮﺗﺒﻲ ﻫﺎﻟﺸﻲ ﻣﻊ ﺣﺒﻴﺐ ﻗﻠﺒﻚ،
.
ﺍﺳﻴﺎ : ﺍﻱ ﺻﺢ ﺑﺲ ﻓﻲ ﻛﺘﻴﺮ ﺍﺷﻴﺎﺀ ﺍﻫﻢ ﻣﻦ ﺍﻟﺤﺐ، ﻓﻲ ﺍﻭﻟﻮﻳﺎﺕ، ﺑﻌﻤﺮﻱ ﻣﺎﺭﺡ ﻛﻮﻥ ﻣﺘﻠﻚ، ﺍﻧﺎ ﻣﻮ ﺍﻧﺎﻧﻴﺔ،
.
ﻫﺎﺟﺮ : ﻭﻗﺖ ﺗﺤﺴﻲ ﺑﻔﻘﺪﺍﻥ ﺍﻻﻣﺎﻥ ﻭﻓﻘﺪﺍﻥ ﺍﻟﺤﻨﻴﺔ ﻭﺍﻟﺤﺐ ﺗﻠﻘﺎﺋﻴﺎ ﺭﺡ ﺗﺼﻴﺮﻱ ﺍﻧﺎﻧﻴﺔ، ﺍﻧﺘﺒﻬﻲ ﻋﻠﻰ ﺍﺧﺘﻚ ﻭﺿﻠﻲ ﺯﻭﺭﻳﻬﺎ
.
ﻭﺩﻋﺖ ﻫﺎﺟﺮ ﺑﻨﺘﻬﺎ ﻣﺎﺳﺎ ﻭﻃﻠﻌﺖ ﻣﻦ ﺍﻟﺒﻴﺖ ﻋﺎﻟﻤﻄﺎﺭ ﻟﻮﺣﺪﻫﺎ، ﻭﺍﺳﻴﺎ ﻣﺸﻴﺖ ﻓﻮﺭﺍ ﻭﺭﺟﻌﺖ ﻋﻠﻰ ﺑﻴﺘﻬﺎ،
.
ﺍﺳﻴﺎ : ﻧﺼﺮ؟ ﺍﻧﺖ ﻫﻮﻥ؟ ﺣﺒﻴﺒﻲ !
.
ﺑﺘﻮﺻﻠﻬﺎ ﺭﺳﺎﻟﺔ ﻋﻠﻰ ﻣﻮﺑﺎﻳﻠﻬﺎ ﻣﻦ ﺍﻣﻬﺎ :
( ﻛﻨﺖ ﻣﻔﻜﺮﺓ ﺯﻭﺟﻚ ﺟﺎﻱ ﻣﻌﻚ ﺑﺲ ﻭﻗﺖ ﺷﻔﺘﻪ ﻣﺨﺒﻲ ﺳﻴﺎﺭﺗﻪ ﻭﻟﻒ ﺿﻬﺮﻩ ﻭﻗﺖ ﺷﺎﻓﻨﻲ ﻣﻦ ﺑﻌﻴﺪ ﻓﻜﺮﻧﻲ ﻣﺎ ﺷﻔﺘﻪ، ﻋﺮﻓﺖ ﺍﻧﻚ ﺭﺡ ﺗﻌﻴﺸﻲ ﻣﺼﻴﺮ ﺍﻣﻚ، ﺳﻼﻡ )
.
.
ﻛﺎﺭﻣﺎ : ﺍﻧﺎ ﺑﻜﺮﻯ ﺑﻄﻠﻊ ﻟﻌﻨﺪ ﻣﺎﻣﺎ ﻋﺎﻟﻀﻴﻌﺔ ﻭﺑﺼﺎﻟﺤﻬﺎ، ﺗﺮﻭﺡ ﻣﻌﻲ؟
.
ﺍﻧﺲ : ﻻ ﺑﻴﺒﻲ ﺧﺪﻱ ﺳﻴﺎﺭﺗﻲ ﻭﺭﻭﺣﻲ ﻟﻮﺣﺪﻙ ﻭﺍﻧﺎ ﺑﻨﻄﺮﻙ ﻫﻮﻥ،
.
ﺍﻧﺪﻕ ﺍﻟﺒﺎﺏ ﺩﻗﺎﺕ ﺧﻔﺎﻑ ﻭﻓﺘﺤﺖ ﻛﺎﺭﻣﺎ !
ﺷﺎﻓﺖ ﺷﺐ ﻭﺣﺎﻣﻞ ﺑﺎﻗﺔ ﻛﺒﻴﺮ ﻭﺭﺩ ﺍﺣﻤﺮ ﻭﻓﻴﻪ ﺷﻮﻙ ﻛﺘﻴﺮ !
.
ﻣﻤﻜﻦ ﻳﻮﻗﻊ ﺍﻧﺲ ﻭﻳﺴﺘﻠﻢ ﻫﻲ ﺍﻟﻬﺪﻳﺔ؟؟ ﻭﻟﻮ ﺳﻤﺤﺘﻮ ﻣﺎﻓﻴﻲ ﻗﻮﻝ ﻣﻴﻦ ﺑﻌﺘﻬﺎ !!
.
ﻛﺎﺭﻣﺎ : ( ﺑﻌﺼﺒﻴﺔ ) ﻃﻴﺐ ﻻﺗﻘﻮﻝ ﺍﺳﻢ ﺑﺲ ﻳﻠﻲ ﺑﻌﺘﻬﺎ ﺷﺐ ﻭﻻ ﺻﺒﻴﺔ؟؟
.
ﺻﺒﻴﺔ !!!
.
ﺍﺳﺘﻠﻢ ﺍﻧﺲ ﺍﻟﻮﺭﺩ ﻭﻫﻮ ﻣﺘﻠﺒﻚ ﻭﺭﺍﺡ ﺍﻟﺸﺐ !! ﺍﺧﺪﺕ ﻛﺎﺭﻣﺎ ﺍﻟﻜﺮﺕ ﻭﺻﺎﺭﺕ ﺗﻘﺮﺃ ﺑﺼﻮﺕ ﻋﺎﻟﻲ : ( ﻣﺒﺮﻭﻙ، ﻧﻬﺎﻳﺔ ﻗﺼﺘﻚ ﻳﺎ ﺭﺡ ﺗﻜﻮﻥ ﺍﻟﻲ، ﻳﺎ ﺭﺡ ﺗﺒﻘﻰ ﻟﻮﺣﺪﻙ )
ﻣﺴﻜﺖ ﺍﻟﻮﺭﺩ ﻭﺻﺎﺭﺕ ﺗﻘﻄﻌﻪ ﻭﺗﻀﺤﻚ !
.
ﻛﺎﺭﻣﺎ : ﻫﻬﻬﻬﻬﻪ ﺑﺄﺣﻼﻣﻚ ﻳﺎ ﻛﻠﺒﺔﺓﺓ !
.
ﻣﺴﻜﻬﺎ ﻭﺿﻤﻬﺎ : ﺣﺒﻴﺒﺘﻲ ﺣﺎﺟﺔ ﺟﺮﺣﺘﻲ ﺍﺻﺎﺑﻌﻚ !!
.
.
ﺭﺟﻊ ﻧﺼﺮ ﻭﺩﺧﻞ ﻋﺎﻟﺒﻨﺎﻳﺔ ﻭﻋﻢ ﻳﻄﻠﻊ ﻋﻠﻰ ﺍﻟﺪﺭﺝ !
ﻭﻓﻲ ﻭﺣﺪﺓ ﻋﻢ ﺗﻄﻠﻊ ﻗﺒﻠﻪ ﺍﻭﻝ ﻣﺮﺓ ﺑﺸﻮﻓﻬﺎ !!
.
ﻧﺼﺮ : ﻣﻴﻦ ﺣﻀﺮﺗﻚ؟؟
.
ﺍﻟﺘﻔﺘﺖ ﻋﻠﻴﻪ ﻭﺍﻧﻜﺴﺮ ﻛﻌﺐ ﻛﻨﺪﺭﺗﻬﺎ ﻭﻭﻗﻌﺖ ﻟﻌﻨﺪﻩ !
ﻣﺴﻜﻬﺎ ﺑﺴﺮﻋﺔ ﻭﺍﺗﻄﻠﻊ ﻓﻴﻬﺎ !!
.
ﺍﺳﻔﺔ ﺑﺲ ﻋﻴﻮﻧﻚ ﺍﻟﻮﺣﺪﺓ ﻟﻤﺎ ﺗﺸﻮﻓﻬﻢ ﺑﺘﻔﻘﺪ ﺍﻟﺘﻮﺍﺯﻥ !
.
ﺑﻌﺪ ﻋﻨﻬﺎ ﻭﻧﻔﺾ ﺗﻴﺎﺑﻪ ﻋﻦ ﻗﺼﺪ ! ﻭﻃﻠﻊ ﻋﻠﻰ ﺍﻟﺪﺭﺝ !
.
ﺍﺳﻤﻲ ﻓﺘﻮﻥ، ﻭﺭﺡ ﻛﻮﻥ ﺟﺎﺭﺗﻚ ﻗﺼﺪﻱ ﺟﺎﺭﺗﻜﻢ ﺑﺎﻟﻄﺎﺑﻖ ﺍﻟﺮﺍﺑﻊ ( ﺍﺑﺘﺴﻤﺖ ) ﻫﻴﻚ ﺍﻟﻮﺍﺣﺪ ﺑﻴﺴﺘﻘﺒﻞ ﺍﻟﻤﺴﺘﺄﺟﺮﺓ ﺍﻟﺠﺪﻳﺪﺓ؟؟
.
ﻧﺼﺮ : ( ﺑﺪﻭﻥ ﻣﺎ ﻳﻠﺘﻔﺖ ) ﺑﺴﺘﻘﺒﻠﻚ ﻭﻗﺖ ﻛﻮﻥ ﺍﻧﺎ ﻣﺄﺟﺮﻙ !!
.
ﻃﻠﻊ ﻋﻠﻰ ﺑﻴﺘﻪ ﻭﺩﺧﻞ ﻣﻌﺼﺐ ﻭﻓﻮﺭﺍ ﻋﻠﻰ ﺍﻟﺒﺎﻧﻴﻮ !!
.
ﺍﺳﻴﺎ : ﻧﺼﺮﺭ ! ﺗﻌﺎ ﻟﻬﻮﻥ، ﺣﺎﻛﻴﻨﻲ ﺷﻮ ﻛﻨﺖ ﻋﻢ ﺗﻌﻤﻞ ﺟﻨﺐ ﺑﻴﺘﻨﺎ؟؟ ﻭﻟﻴﻪ ﻭﺍﻗﻒ ﺑﻌﻴﺪ؟؟
.
ﻧﺼﺮ : ( ﺑﻜﻞ ﺑﺮﻭﺩ ) ﺑﻌﺪ ﻣﺎ ﺧﻠﺺ ﺑﺨﺒﺮﻙ !!
.
ﻧﻄﺮﺗﻪ ﻟﻄﻠﻊ ﻭﺭﺟﻌﺖ ﺳﺄﻟﺘﻪ : ﺷﻮ ﻛﻨﺖ ﻋﻢ ﺗﻌﻤﻞ ﻫﻨﻴﻚ !!
.
ﻧﺼﺮ : ﻋﻠﻰ ﻓﻜﺮﺓ ﺍﻣﻚ ﻣﺎ ﺑﺘﻄﻴﻘﻨﻲ ﻭﺑﺪﻯ ﺗﺨﺮﺏ ﺑﻴﻨﻨﺎ، ﻭﺍﻧﺎ ﻣﺎ ﻛﻨﺖ ﺑﻌﻴﺪ ﻗﺮﺑﺖ ﻭﺳﻠﻤﺖ ﻋﻠﻴﻬﺎ ﻭﻃﻠﺒﺖ ﺍﻭﺻﻠﻬﺎ ﻋﻠﻰ ﺍﻟﻤﻄﺎﺭ، ﺑﺲ ﺭﻓﻀﺖ ﻭﺳﻤﻌﺘﻨﻲ ﻛﻼﻡ ﺑﺸﻊ، ﺣﻤﻠﺖ ﺣﺎﻟﻲ ﻭﻣﺸﻴﺖ !!
.
ﻗﻌﺪﺕ ﻋﻠﻰ ﺍﻟﺘﺨﺖ ﻭﺷﺮﺩﺕ ﺷﻮﻱ ﺑﻜﻼﻣﻪ ﻭﻛﻼﻡ ﺍﻣﻬﺎ !!
ﻣﻴﻦ ﺗﺼﺪﻕ؟ ﺍﻣﻬﺎ ﻳﻠﻲ ﻛﻞ ﻋﻤﺮﻫﺎ ﻣﺎ ﺻﺪﻗﺖ ﻣﻌﻬﺎ ﺑﺸﻲ؟
ﻭﻻ ﺣﺒﻴﺒﻬﺎ ﻭﺯﻭﺟﻬﺎ ﻳﻠﻲ ﺍﺗﺼﺮﻑ ﻣﻌﻬﺎ ﺑﻐﺮﺍﺑﺔ ﻣﻦ ﺍﻭﻝ ﻳﻮﻡ؟
.
ﻧﺼﺮ : ﻻ ﺗﺤﺘﺎﺭﻱ ﺑﺄﻣﺮﻙ ﺟﻴﺒﻲ ﺍﻣﻚ ﻭﺧﻠﻴﻬﺎ ﺗﻮﺍﺟﻬﻨﻲ ! ﺍﻧﺎ ﻣﺎﺑﺨﺎﻑ ﻣﻦ ﺣﺪﻯ ﻭﻻ ﻣﺘﻄﺮ ﺍﻛﺬﺏ ! ﺗﻤﺎﻡ ﺣﺒﻲ !
.
ﺍﺳﻴﺎ : ﺍﺳﻔﺔ، ﻣﺎ ﻗﺼﺪﻱ ﺍﻋﻤﻞ ﻣﺸﻜﻠﺔ، ﻭﻣﻌﻚ ﺣﻖ ﻣﺎﻣﺎ ﺩﺍﺋﻤﺎ ﻫﻴﻚ ﺑﺲ ﺑﺘﺤﺐ ﺗﺴﺮﻕ ﻣﻨﻲ ﺍﻻﻣﺎﻥ ﻭﺭﺍﺣﺔ ﺍﻟﺒﺎﻝ !!
.
ﻧﺼﺮ : ﻣﻮ ﻣﻬﻢ، ﺑﺎﺑﺎ ﻋﺎﺯﻣﻨﺎ ﻋﻠﻰ ﺍﻟﻐﺪﻯ ﻋﻨﺪﻭ ﺑﺎﻟﺒﻴﺖ ! ﻳﻼ ﻧﻨﺰﻝ
.
ﺍﺳﻴﺎ : ﻣﺎﺑﺪﻱ ﺷﻮﻑ ﺣﺪﻯ ﺍﻧﺰﻝ ﻟﻮﺣﺪﻙ !
.
ﻗﺮﺏ ﻣﻨﻬﺎ ﻭﻣﺴﻚ ﻭﺟﻬﺎ ﺑﻴﻦ ﺍﻳﺪﻳﻪ ﺑﻘﻮﺓ !!
.
ﻧﺼﺮ : ﺍﻧﺎ ﻭﺍﺑﻲ ﺻﺢ ﺑﻴﻨﺎ ﻣﺸﺎﻛﻞ ﺍﻟﺪﻧﻴﺎ ﺑﺲ ﻣﺎﻓﻴﻲ ﻛﺴﺮ ﻛﻼﻣﻪ ! ﺍﻟﺒﺴﻲ ﻭﺍﻧﺎ ﻧﺎﻃﺮﻙ ﺑﺎﻟﺼﺎﻟﻮﻥ !! .. ﺑﺪﻭﻭﻭﻥ ﻧﻘﺎﺍﺍﺵ !
.
ﺍﺳﻴﺎ : ﻣﺎ ﺑﺤﺐ ﻫﺎﻟﻄﺮﻳﻘﺔ ﻧﺼﺮ، ﺍﻧﺎ ﺣﺮﺓ ﻭﺑﻘﻮﻝ ﺍﻱ ﻭ ﻻ ﺍﻳﻤﺘﻰ ﻣﺎﺑﺪﻱ،
.
ﻧﺼﺮ : ﻏﻠﻄﺎﻧﺔ، ﻣﻌﻲ ﻣﺎ ﺑﺘﻘﻮﻟﻲ ﻻ، ﻧﺎﻃﺮﻛﻜﻚ
.
ﺍﺳﻴﺎ : ﻃﻴﺐ ﺍﻧﺰﻝ ﻟﻌﻨﺪ ﺍﻫﻠﻚ ﻭﺍﻧﺎ ﺑﺤﺎﻛﻲ ﺍﺧﺘﻲ ﻭﺑﻠﺤﻘﻚ، ﻭﺑﻌﺪﻳﻦ ﻣﻨﺤﻜﻲ ﺑﻬﺎﺩ ﺍﻟﻤﻮﺿﻮﻉ، ﻻﻥ ﻣﺎﺑﺤﺐ ﻫﻲ ﺍﻟﻄﺮﻳﻘﺔ،
.
ﻧﺼﺮ : ﺗﻤﺎﻡ
.
.
ﻛﺎﺭﻣﺎ : ﺷﻮ ﻛﻤﺎﻥ ﺑﺪﻭ ﻳﺠﻤﻌﻨﺎ ﻛﺮﻣﺎﻝ ﻳﺮﺟﻊ ﻳﻐﻠﻂ ﻓﻴﻨﺎ، ﺍﻧﺎ ﺳﻜﺘﺖ ﻣﻨﺸﺎﻧﻚ، ﻭﻣﻮ ﺣﺎﺑﺔ ﺍﺳﻜﺖ ﺍﻛﺘﺮ، ﺍﻣﺸﻲ ﻭﺻﻠﻨﻲ ﻋﻠﻰ ﺍﻟﻜﺮﺍﺝ ﻭﺍﻧﺎ ﺑﻜﻤﻞ ﻟﻌﻨﺪ ﻣﺎﻣﺎ، ﺑﺪﻱ ﻳﺎﻫﺎ ﺑﻤﻮﺿﻮﻉ ﻣﻬﻢ
.
ﺍﻧﺲ : ﻃﻴﺐ ﺍﺗﻐﺪﻱ ﻣﻌﻨﺎ ﻭﺭﻭﺣﻲ؟؟
.
ﻛﺎﺭﻣﺎ : ﻻ ﻣﻮ ﺟﺎﻱ ﻋﻠﻰ ﺑﺎﻟﻲ , ﻟﻴﻚ ﺍﺫﺍ ﺍﺟﺎ ﻭﺭﺩ ﻣﺮﺓ ﺗﺎﻧﻴﺔ ﻭﺍﻧﺎ ﻋﻨﺪ ﻣﺎﻣﻲ ﺍﺗﺮﻛﻪ ﺑﺲ ﺍﺭﺟﻊ ﺑﻘﻄﻌﻪ ﻭﺑﺮﻣﻴﻪ ﻣﺘﻞ ﺍﻟﺒﺎﻗﺔ ﺍﻟﺼﺒﺢ !
.
ﺍﻧﺲ : ﻫﻬﻬﻬﻬﻪ ﺗﻜﺮﻣﻲ، ﺑﺲ ﻻﺗﺒﻘﻲ ﺗﺎﺧﺪﻱ ﻛﻠﺸﻲ ﺑﻄﺮﻳﻘﺔ ﺟﺪﻳﺔ ! ﻳﻼ ﻭﺻﻠﻚ ,
.
ﻭﺻﻠﻬﺎ ﻋﺎﻟﻜﺮﺍﺝ ﻭﻭﺩﻋﻬﺎ ﻭﺭﺟﻊ ﻋﻠﻰ ﺑﻴﺖ ﺍﺑﻮﻩ،
.
ﺯﺍﻫﺮ : ﺑﺸﻮﻑ ﺍﻧﺖ ﻛﻤﺎﻥ ﺍﻳﺪﻙ ﻓﺎﺿﻴﺔ؟ ﺷﻮ ﻣﺎ ﻋﺮﻓﺘﻮ ﺗﺠﻴﺒﻮﻫﻢ ﻟﻬﻮﻥ؟
.
ﻧﺼﺮ : ﻗﻠﺘﻠﻚ ﺍﺳﻴﺎ ﺗﻌﺒﺖ ﻭﻣﺎﺭﺡ ﺗﻨﺰﻝ
.
ﺍﻧﺲ : ﻭﻛﺎﺭﻣﺎ ﺳﺎﻓﺮﺕ ﻟﻌﻨﺪ ﺍﻣﻬﺎ،
.
ﻓﺘﻮﻥ : ﻫﺎﺍﺍﺍﻱ، ﺷﻮ ﻋﺎﻣﻠﻴﻦ ﻏﺪﻯ،
.
ﺍﻟﺘﻔﺘﻮ ﻛﻠﻬﻢ ﻋﻠﻴﻬﺎ !!
.
ﺍﻧﺲ : ﺍﻧﺘﻲ ﺍﻟﻤﺴﺘﺄﺟﺮﺓ ﺍﻟﺠﺪﻳﺪﺓ؟
.
.
.
.
ﻫﺰﺕ ﺑﺮﺍﺳﻬﺎ ﻭﻣﺪﺕ ﺍﻳﺪﻫﺎ ﺗﺴﻠﻢ ﻋﻠﻰ ﺍﻧﺲ ﻭﺳﻠﻢ ﻋﻠﻴﻬﺎ،
.
ﺩﺧﻠﺖ ﻭﺳﻠﻤﺖ ﻋﺎﻟﻜﻞ
.
ﻓﺘﻮﻥ : ﻛﺘﻴﺮ ﺣﺎﺑﺔ ﻛﻮﻥ ﺟﺎﺭﺓ ﻣﻨﻴﺤﺔ، ﺣﻀﺮﺗﻚ ﺍﻣﻬﻢ؟؟
.
ﺩﻳﻤﺔ : ﺍﻱ، ﺍﻫﻼ ﻭﺳﻬﻼ، ﺭﺡ ﺣﻀﺮ ﺍﻟﻐﺪﻯ
.
ﻟﺤﻘﻬﺎ ﻧﺼﺮ ﻭﻫﻮ ﻣﻌﺼﺐ ﻭﻣﻮ ﻋﻠﻰ ﺑﻌﻀﻪ !!
.
ﻧﺼﺮ : ﻟﻴﻪ ﺳﻤﺤﺘﻴﻠﻪ ﻳﻌﺰﻣﻬﺎ ﻣﺜﻼ؟؟ ﻣﻮ ﺷﺎﻳﻔﺔ ﻛﻴﻒ ﻟﺒﺴﻬﺎ ! ﻛﺄﻧﻬﺎ ﺷﻲ ﺭﻗﺎﺻﺔ !!
.
ﺩﻳﻤﺔ : ﺑﺘﻌﺮﻑ ﺍﺑﻮﻙ ﻭﻋﻘﻠﻪ، ﺗﻌﺒﺖ ﺍﻧﻪ ﺍﺣﻜﻲ ﻣﻌﻪ ﻭﻳﻌﻤﻠﻠﻨﺎ ﻣﺸﺎﻛﻞ، ﻃﻮﻝ ﻋﻤﺮﻱ ﺑﻘﻴﺖ ﺍﺳﺎﻳﺮﻩ ﻭﺭﺡ ﺍﺑﻘﻰ ﻫﻴﻚ، ﻛﺮﻣﺎﻟﻜﻢ،
.
ﻓﺘﻮﻥ : ﺳﺎﻋﺪﻙ ﺑﺸﻲ؟ ( ﺍﺑﺘﺴﻤﺖ )
.
ﻗﻌﺪﻭ ﻳﺘﻐﺪﻭ ﻭﻛﻠﻬﻢ ﺳﺎﻛﺘﻴﻦ ﻭﺯﺍﻫﺮ ﻋﻴﻮﻧﻪ ﻋﻠﻰ ﻓﺘﻮﻥ !!
.
ﻓﺘﻮﻥ : ﺷﻮ ﺣﻀﺮﺗﻜﻢ ﻣﻮ ﻣﺘﺰﻭﺟﻴﻦ؟
.
ﺩﻳﻤﺔ : ﻻ، ﺍﻻﺗﻨﻴﻦ ﻣﺘﺰﻭﺟﻴﻦ، ﺍﺗﺰﻭﺟﻮ ﺳﻮﺍ ﺑﺬﺍﺕ ﺍﻟﻴﻮﻡ
.
ﻓﺘﻮﻥ : ﻋﻠﻰ ﻓﻜﺮﺓ ﻣﺪﺍﻡ ﺩﻳﻤﺔ ﺍﻧﺎ ﺑﻌﺮﻑ ﻃﻠﻊ ﺑﺎﻟﻔﻨﺠﺎﻥ !
.
ﺩﻳﻤﺔ : ( ﺍﺑﺘﺴﻤﺖ ﺑﺘﺼﻨﻊ ) ﺍﻧﺎ ﻣﺎ ﺑﺤﺐ ﻫﻴﻚ ﺍﺷﻴﺎﺀ ﺍﻭ ﻛﺒﺮﺕ ﻋﻠﻴﻬﺎ، ﺑﺲ ﺗﺘﻌﺮﻓﻲ ﻋﻠﻰ ﺍﺳﻴﺎ ﻭﻛﺎﺭﻣﺎ ﻗﻌﺪﻭ ﺳﻮﺍ ﻗﻌﺪﺓ ﺻﺒﺎﻳﺎ ﻭﻃﻠﻌﻴﻠﻬﻢ ﺑﺎﻟﻔﻨﺠﺎﻥ،
.
ﺯﺍﻫﺮ : ﺑﺘﻘﺼﺪ ﺩﻳﻤﺔ ﻭﻗﺖ ﻳﺼﻴﺮﻭ ﻭﻻﺩﻫﺎ ﺭﺟﺎﻝ ﺑﻤﻌﻨﻰ ﺍﻟﻜﻠﻤﺔ ﻭﻳﻘﺪﺭﻭ ﻳﺠﻴﺒﻮ ﻧﺴﻮﺍﻧﻬﻢ ﻣﻌﻬﻢ ﻋﻠﻰ ﺍﻟﻐﺪﻯ ﺍﺗﻌﺮﻓﻲ ﻋﻠﻴﻬﻢ
.
ﻧﺼﺮ : ﺩﺍﻳﻤﺔ، ﺍﻧﺎ ﺭﺡ ﺍﻃﻠﻊ ﻟﻌﻨﺪ ﺍﺳﻴﺎ ﺍﺗﻄﻤﻦ ﻋﻠﻴﻬﺎ ﺑﺎﻻﺫﻥ،
.
ﺩﻳﻤﺔ : ﺑﺲ ﻣﺎ ﺍﻛﻠﺖ ﺷﻲ ﻧﺼﺮ ﻧﺼﺮ، ﻫﻴﻚ ﺯﻋﺠﺘﻪ؟؟
.
ﺯﺍﻫﺮ : ﺍﻟﺤﻘﻴﻘﺔ ﺯﻋﺠﺘﻪ
.
ﺍﻧﺲ : ﺑﺲ ﻫﻲ ﻣﻮ ﺣﻘﻴﻘﺔ !! ﺍﻟﺤﻘﻴﻘﺔ ﻣﺎﺑﺪﻱ ﺍﺣﻜﻴﻬﺎ ﻧﻨﻔﻀﺢ ﻣﻦ ﺍﻭﻝ ﻣﺮﺓ ﻗﺒﺎﻝ ﺟﺎﺭﺗﻨﺎ ﺍﻟﺠﺪﻳﺪﺓ ! ﻭﻻ ﺷﻮ ﺑﺎﺑﺎ؟
.
ﺯﺍﻫﺮ : ﻟﻮ ﻋﻨﺪﻙ ﻛﻼﻡ ﻛﻨﺖ ﺣﻜﻴﺘﻪ ﻭﻣﺎ ﺧﺠﻠﺖ،
.
ﺍﻧﺲ : ﺑﺮﺍﺣﺘﻚ، ﺍﻟﺤﻘﻴﻘﺔ ﺍﻥ ﺍﻟﺒﻨﺎﺕ ﺯﻋﻠﻮ ﺑﻌﺪ ﻛﻼﻣﻚ ﺍﻟﺘﻘﻴﻞ ﻳﻠﻲ ﺣﻜﻴﺘﻪ ﺑﺄﻭﻝ ﻋﺰﻳﻤﺔ ﻭﺍﻛﻴﺪ ﺣﺮﻣﻮ ﻳﻨﺰﻟﻮ ﻭﺍﻧﺖ ﻣﻮﺟﻮﺩ
.
ﻓﺘﻮﻥ : ﻳﺎ ﺟﻤﺎﻋﺔ ﺍﻧﺘﻮ ﻋﻴﻠﺔ ﻭﺣﺪﺓ ﺍﻫﺪﻭ،
.
ﺯﺍﻫﺮ : ﻗﻮﻡ ﺍﻧﺖ ﺍﻟﺘﺎﻧﻲ ﺍﻧﻘﻠﻊ ﻭﺭﺍﻩ ﻻﺧﻮﻙ ﺗﻀﺮﺏ ﻫﻴﻚ ﺧﻠﻔﺔ
.
ﻓﺘﻮﻥ : ﺍﻧﺎ ﺭﺡ ﺍﻣﺸﻲ، ﺷﻜﺮﺍ ﻋﺎﻟﻐﺪﻯ !!
.
ﺍﻧﺲ : ﺭﺡ ﺍﻧﻘﻠﻊ ﺑﺲ ﺻﺪﻗﻨﻲ ﺭﺡ ﺍﺑﻘﻰ ﺭﺩ ﻭﺍﺣﺮﺟﻚ ﻗﺒﺎﻝ ﺿﻴﻮﻓﻚ، ﺳﻼﺍﺍﻡ
.
ﺯﺍﻫﺮ : ﻳﻘﻄﻊ ﻋﻤﺮﻙ ﺷﻮ ﻗﻠﻴﻞ ﺗﺮﺑﻴﺔ ﻭﺍﻟﻠﻪ ﺭﺡ ﺍﺭﺟﻊ ﺭﺑﻴﻜﻜﻜﻚ
.
.
ﺩﺧﻞ ﻧﺼﺮ ﻋﻠﻰ ﺑﻴﺘﻪ ﻭﺳﻜﺮ ﺍﻟﺒﺎﺏ ﺑﻘﻮﻭﻭﺓ !!
.
ﻧﺼﺮ : ﺍﺳﻴﺎﺍﺍﺍﺍﺍ
.
ﺍﺳﻴﺎ : ﺍﻧﺎ ﻫﻮﻥ ﺑﺎﻟﻐﺮﻓﺔ !
.
ﺩﺧﻞ ﻟﻌﻨﺪﻫﺎ ﻭﻫﻮ ﻋﻢ ﻳﺰﻳﺪ ﻏﻀﺐ ﻭﻋﺼﺒﻴﺔ !! ﺷﺎﻓﻬﺎ ﻗﺎﻋﺪﺓ ﻗﺮﺏ ﻣﻨﻬﺎ ﻭﻣﺴﻜﻬﺎ ﻣﻦ ﺍﻳﺪﻫﺎ ﻭﻭﻗﻔﻬﺎ !!
.
ﻧﺼﺮ : ﺍﻧﺎ ﺷﻮ ﻗﻠﺘﻠﻚ؟؟ ﻛﻠﺸﻲ ﺍﺭﻓﻀﻲ ﺍﻻ ﻭﻗﺖ ﺗﺘﻌﻠﻖ ﺍﻟﺸﻐﻠﺔ ﺑﺄﺑﻲ !! ﻋﻢ ﺗﻌﺎﻧﺪﻳﻨﻴﻴﻲ
.
ﺍﺳﻴﺎ : ﺍﻳﺪﻱ ﻋﻢ ﺗﻮﺟﻌﻨﻲ ﺍﺗﺮﻛﻨﻲ، ﺑﻌﺪﻳﻦ ﺍﻧﺎ ﻣﺎﻋﻢ ﻋﺎﻧﺪﻙ ﺍﻧﺎ ﺣﺮﺓ ﺑﺮﺃﻳﻲ، ﺍﻧﺖ ﻣﺠﺒﻮﺭ ﺗﺤﺘﺮﻡ ﺭﺃﻳﻲ ﺳﻮﺍﺀ ﺑﺮﻓﺾ ﺷﻲ ﺍﻭ ﺑﻘﺒﻞ ﻣﺘﻞ ﻣﺎ ﺍﻧﺎ ﺑﺤﺘﺮﻡ ﺭﺃﻳﻚ !!
.
ﻧﺼﺮ : ﻻ ﻏﻠﻄﺎﻧﺔ ! ﺍﻧﺎ ﻭﻗﺖ ﺑﻘﻠﻚ ﺷﻲ ﺑﺘﻮﺍﻓﻘﻲ ﺑﺪﻭﻥ ﻧﻘﺎﺍﺍﺵ
.
ﺍﺳﻴﺎ : ﻻ ﻭﻗﺖ ﻣﺎﺑﺪﻱ ﺭﺡ ﺍﺭﻓﺾ ﺻﺪﻗﻨﻲ، ﻭﻛﻠﻤﺔ ﺑﺪﻭﻥ ﻧﻘﺎﺵ ﺍﻧﺴﺎﻫﺎ !
.
ﺗﺮﻙ ﺍﻳﺪﻫﺎ ﺑﻘﻮﺓ
.
ﻧﺼﺮ : ﻻ ﺑﻌﺪ ﻳﻠﻲ ﺭﺡ ﺗﺸﻮﻓﻴﻪ ﻫﻠﻖ ﻣﺎﻋﺎﺩ ﺭﺡ ﺗﺮﻓﻀﻴﻲ ﻻﻥ ﻣﺎﻓﻲ ﺷﻲ ﺑﻴﻤﺮﻕ ﺑﺪﻭﻥ ﻋﻘﺎﺏ !!
.
.
.
ﻭﻗﻔﺖ ﻭﻗﺮﺑﺖ ﻣﻨﻪ ﻭﺣﻜﺖ ﺑﻄﺮﻳﻘﺔ ﺍﺳﺘﻔﺰﺗﻪ !
.
ﺍﺳﻴﺎ : ﻋﻘﺎﺏ ﺷﻮ ﺍﻧﺖ ﺷﻮ ﻣﻔﻜﺮ ﺣﺎﻟﻚ، ﺍﻭ ﻟﺘﻜﻮﻥ ﺷﺎﻳﻔﻨﻲ ﺿﻌﻴﻔﺔ، ﻣﺘﻞ ﺍﻣﻚ ﻣﺜﻼ؟؟
.
ﺿﺮﺑﻬﺎ ﻛﻒ ﻭﺳﺤﺒﻬﺎ ﻋﻠﻰ ﻏﺮﻓﺔ ﺍﻟﻨﻮﻡ !
.
ﺍﺳﻴﺎ : ﺍﻧﺎ ﻣﺎﺍﺍﻋﺎﺩ ﺭﺡ ﺍﺑﻘﻰ ﻫﻮﻥ ﻭﻻ ﺩﻗﻴﻘﺔ ﺍﻧﺎ ﻣﺎﺭﺡ ﻛﻤﻞ ﻣﻌﻜﻜﻜﻚ
.
ﻧﺼﺮ : ﻗﻠﺘﻠﻚ ﻛﻴﻒ ﺭﺡ ﺗﻄﻠﻌﻲ ﻣﻦ ﻫﻮﻥ ﻳﺎ ﺟﺜﺔ ﻳﺎ ﺑﻤﻮﺗﻲ ﺍﻧﺎ !!
.
ﺍﺧﺪ ﺗﻠﻔﻮﻧﻬﺎ ﻭﻃﻔﺎﻩ ﻭﻃﻠﻊ ﻣﻦ ﺍﻟﻐﺮﻓﺔ ﻭﻗﻔﻠﻬﺎ ﻋﻠﻴﻬﺎ !!
.
ﻧﺼﺮ : ﺍﻭﻝ ﻋﻘﺎﺏ ﺍﻟﻚ ﻭﻋﻠﻰ ﻣﺎ ﺍﻇﻦ ﺍﻛﺘﺮ ﺷﻲ ﺑﺘﻜﺮﻫﻴﻪ ! ﺗﻨﺤﺒﺴﻲ ﺍﻭ ﺗﺒﻘﻲ ﻟﻮﺣﺪﻙ ! ﻣﺎﺭﺡ ﺗﻄﻠﻌﻲ ﻣﻦ ﻫﻲ ﺍﻟﻐﺮﻓﺔ ﺣﺘﻰ ﺗﻌﺘﺬﺭﻱ ﻭﺗﻨﺪﻣﻲ ﻭﺗﻄﻴﻌﻲ ﺍﻣﺮ ﺯﻭﺟﻚ ﻓﻬﻤﺘﻴﻴﻴﻴﻲ
.
ﺍﺳﻴﺎ : ﺍﻧﺖ ﺍﻧﺖ ﻣﺮﻳﺾ ﺍﻧﺖ ﻣﺠﺮﻡ ﺍﻧﺖ ﺑﺘﺨﻮﻭﻭﻭﻑ !! ﻃﺎﻟﻌﻨﻲ ﻣﻦ ﻫﻮﻭﻭﻥ ﻣﺴﺘﺤﻴﻞ ﺍﺗﻨﺎﺯﻝ ﻋﻦ ﻛﺮﺍﻣﺘﻲ ﻛﺮﻣﺎﻟﻚ
.
ﻧﺼﺮ : ﺭﺡ ﺗﺘﻨﺎﺯﻟﻲ ﻭﻗﺖ ﺗﺒﻘﻲ ﻫﻮﻥ ﻭﺗﻔﻨﻲ ﻫﻮﻥ ﺭﺡ ﺗﺘﻨﺎﺯﻟﻲ ﻋﻦ ﻛﻠﺸﻲ ﻛﺮﻣﺎﻟﻲ ﻻﻧﻮ ﺍﻧﺎ ﺑﺤﺒﻚ !! ﻭﺭﺡ ﺩﻭﺭ ﻋﻠﻰ ﻧﻘﻄﺔ ﺿﻌﻔﻚ ﻭﺭﺡ ﺍﻣﺴﻜﻬﺎ ﻋﻠﻴﻜﻲ ﺣﺘﻰ ﺗﺒﻘﻲ ﻣﻌﻲ ﻭﺍﻟﻲ !
.
.
ﻗﺎﻋﺪ ﻭﻋﻢ ﻳﻠﻌﺐ ﺑﺠﻮﺍﻟﻪ ﻓﺠﺄﺓ ﺑﻴﺮﻥ !! ﺭﻗﻢ ﻏﺮﻳﺐ !!
.
ﺍﻧﺲ : ﺍﻟﻮ ﻣﻴﻦ ﻣﻌﻲ؟
.
ﻧﻴﺮﻣﻴﻦ : ﺍﺷﺘﻘﺘﻠﻚ ﻛﺘﻴﺮ، ﺍﻟﻠﻪ ﻳﻠﻌﻦ ﻗﻠﺒﻲ ﻳﻠﻲ ﺫﺍﻟﻠﻨﻲ ﺣﺘﻰ ﻳﺮﻛﺾ ﻭﺭﺍﻙ !! ﺑﺘﺮﺟﺎﻙ ﺗﻌﺎ، ﺑﺲ ﺑﺪﻱ ﺷﻮﻓﻚ ﻣﺎﺑﺪﻱ ﻣﻨﻚ ﺷﻲ !
.
ﺍﻧﺲ : ﻣﺎﻓﻴﻲ، ﻣﺎﺑﻘﺪﺭ ﺍﺭﺟﻊ ﺍﺧﻮﻧﻬﺎ ﺣﺘﻰ ﻟﻮ ﻣﺎﺭﺡ ﺗﻌﺮﻑ ! ﺍﺗﺮﻛﻴﻨﻲ ﻛﻤﻞ ﺑﺄﺳﺘﻘﺮﺍﺭ ﻭﺑﻄﻠﻲ ﺣﺮﻛﺎﺗﻚ، ﺑﻌﺮﻑ ﺍﻟﻮﺭﺩ ﻣﻨﻚ
.
ﻧﻴﺮﻣﻴﻦ : ﺣﺘﻰ ﻟﻮ ﻗﻠﺘﻠﻚ ﺍﻧﻪ ﻃﻠﻌﺖ ﻣﺮﻳﻀﺔ؟؟ ﻣﺎﻋﺎﺩ ﺑﺪﻱ ﺷﻲ ﻏﻴﺮ ﺷﻮﻓﻚ !! ﻻﺗﺤﻜﻲ ﺷﻲ ﻭﻻ ﺗﺴﺄﻝ، ﻫﻠﻖ ﺭﺡ ﺳﻜﺮ ﻭﺭﺡ ﺍﺭﺳﻠﻚ ﺍﻟﻌﻨﻮﺍﻥ ﺍﻟﺠﺪﻳﺪ، ﻭﺭﺡ ﺍﺗﺮﻛﻚ ﻟﻠﺬﻛﺮﻳﺎﺕ ﻭﺍﻟﻌﺸﺮﺓ ! ﺳﻼﻡ
.
ﺍﻧﺲ : ﻧﻴﺮﻣﻴﻨﻨﻦ ﻣﺮﻳﻀﺔ ﺷﻮﻭﻭ ﻭﻳﻦ ﺭﺣﺘﻴﻲ !! ﺍﻑ ﻣﻨﻚ ﺍﻑ
.
ﻭﺻﻠﺘﻪ ﺭﺳﺎﻟﺔ ﻭﻓﻴﻬﺎ ﺍﻟﻌﻨﻮﺍﻥ، ﻭﺑﺪﻭﻥ ﺗﺮﺩﺩ ﻭﺗﻔﻜﻴﺮ ﻟﺒﺲ ﻭﺭﺍﺡ ﻟﻌﻨﺪﻫﺎ !! ﻭﻋﻠﻰ ﺍﻟﻄﺮﻳﻖ ﻃﻔﺎ ﻣﻮﺑﺎﻳﻠﻪ !!
.
.
ﺭﺍﺟﻌﺔ ﺑﺎﻟﻄﺮﻳﻖ ﻟﻮﺣﺪﻫﺎ، ﻻﻥ ﻣﺎ ﻗﺪﺭﺕ ﺗﺒﻘﻰ ﺍﻛﺘﺮ ﺍﺷﺘﺎﻗﺘﻠﻪ، ﺍﺗﺼﻠﺖ ﻓﻴﻪ ﺍﻛﺘﺮ ﻣﻦ ﻣﺮﺓ ﻭﻣﺎ ﺭﺩ،
.
ﻛﺎﺭﻣﺎ : ﻣﻌﻘﻮﻝ ﻧﺎﻳﻢ ﺑﺎﻟﺒﻴﺖ ﻟﻮﺣﺪﻩ ! ﺍﻭﻑ ﺩﺍﺋﻤﺎ ﺷﺎﻏﻠﻲ ﺑﺎﻟﻲ
.
.
ﻭﺻﻞ ﻟﻠﻌﻨﻮﺍﻥ ﻭﺑﺴﺮﻋﺔ ﺩﻕ ﺍﻟﺒﺎﺏ ﻭﻧﺎﻃﺮ ﺗﻔﺘﺤﻠﻪ !
ﻓﺘﺤﺘﻠﻪ ﺍﻟﺒﺎﺏ ﻭﺣﺪﺓ ﻣﺎ ﺑﻴﻌﺮﻓﻬﺎ،
.
:-- ﻫﻴﻲ ﻋﻢ ﺗﺴﺘﻨﺎﻙ، ﻃﻠﺒﺖ ﻣﻨﻲ ﺭﻭﺡ، ﺑﺎﻻﺫﻥ ﻣﻨﻚ،
.
ﺩﺧﻞ ﺑﺨﻄﻮﺍﺕ ﻣﺘﺮﺩﺩﺓ ﻭﺳﻜﺮ ﺍﻟﺒﺎﺏ !
.
ﺍﻧﺲ : ﻧﻴﺮﻣﻴﻦ، ﻭﻳﻦ ﺍﻧﺘﻲ ﺑﺄﻱ ﻏﺮﻓﺔ؟
.
ﻃﻠﻌﺖ ﻣﻦ ﻏﺮﻓﺘﻬﺎ ﻻﺑﺴﺔ ﻭﻣﺘﺄﻧﻘﺔ ﻭﻭﺍﺿﺢ ﺍﻥ ﻣﺎ ﻓﻴﻬﺎ ﺍﻱ ﺷﻲ !
.
ﺍﻧﺲ : ﻣﺎﻛﺎﻥ ﻋﻨﺪﻱ ﺍﻱ ﺷﻚ ﺑﻜﻼﻣﻚ ﺍﻥ ﻓﻴﻜﻲ ﺷﻲ، ﻋﻢ ﺗﻜﺬﺑﻲ ﻋﻠﻴﻲ ﻟﻴﻪ؟
.
ﻧﻴﺮﻣﻴﻦ : ﺍﺷﺘﻘﺘﻠﻚ ﻛﺘﻴﺮ، ﻛﻨﺖ ﻣﺘﻌﻮﺩﺓ ﺷﻮﻓﻚ ﺍﻳﻤﺖ ﻣﺎﺑﺪﻱ ﻫﻴﻚ ﺍﻧﺎ ﺍﻧﻈﻠﻤﺖ، ﺍﺷﺘﻘﺘﻠﻚ ﻛﺘﻴﻴﻴﻴﺮ !
.
ﺣﺎﻭﻝ ﻳﻄﻠﻊ ﻣﺴﻜﺘﻪ ﻭﺿﻤﺘﻪ، ﻭﻫﻮ ﺍﺳﺘﺴﻠﻢ ﻣﻌﻬﺎ !!!
.
ﺍﻧﺲ : ﺑﺲ ﺍﻧﺎ ﻭﻋﺪﺗﻬﺎ ﻣﺎ ﺧﻮﻧﻬﺎ ﻭﺧﻨﺘﻬﺎ ! ﻛﻴﻒ ﺑﺪﻱ ﻃﻠﻊ ﺑﻮﺟﻬﺎ؟؟
.
ﻧﻴﺮﻣﻴﻦ : ﻋﺎﺩﻱ، ﻓﻲ ﺣﻞ ﻳﻨﻘﺬﻧﺎ ﻣﻦ ﻛﻠﺸﻲ ﻭﻻ ﻧﻌﺘﺒﺮ ﻋﻢ ﻧﺨﻮﻥ !!
.
ﺍﻧﺲ : ﺷﻮ ﻫﻮ؟
.
ﻧﻴﺮﻣﻴﻦ : ﺍﺗﺰﻭﺟﻨﻲ، ﺣﺘﻰ ﻟﻮ ﺑﺎﻟﺴﺮ ﺍﻧﺎ ﻣﻮﺍﻓﻘﺔ !!
.
.
.
.
ﺍﻧﺲ : ﺍﻧﺎ ﺭﺡ ﺭﻭﺡ، ﺑﺘﻤﻨﻰ ﻧﺒﻌﺪ ﻓﺘﺮﺓ،
.
ﻧﻴﺮﻣﻴﻦ : ﻣﺎ ﺟﺎﻭﺑﺘﻨﻲ؟ ﻻ ﺭﻓﻀﺖ ﻭﻻ ﻗﺒﻠﺖ؟؟
.
ﺍﻧﺲ : ﺧﻠﺺ ﺑﺘﺮﺟﺎﺍﺍﺍﻛﻲ ﺑﻴﻜﻔﻲ ﺗﺤﻜﻲ !!
.
ﺗﺮﻛﻬﺎ ﻭﻃﻠﻊ ﻣﻦ ﺍﻟﺒﻴﺖ ﻭﺍﺗﺠﻪ ﻋﻠﻰ ﺑﻴﺘﻪ !!
.
ﻧﻴﺮﻣﻴﻦ : ﺭﺡ ﺍﺧﺪﻙ ﻣﻨﻬﺎ ﻭﺍﻟﻜﻞ ﺭﺡ ﻳﺸﺸﻬﺪ !!
.
.
ﻓﺘﺢ ﺑﺎﺏ ﺑﻴﺘﻪ ﻭﺩﺧﻞ !! ﺭﻛﻀﺖ ﻋﻠﻴﻪ ﻛﺎﺭﻣﺎ ﻭﺿﻤﺘﻪ !!
ﺍﺗﻠﺒﻚ ﻭﺑﻌﺪﻫﺎ ﻋﻨﻪ ﺑﺴﺮﻋﺔ !!
.
ﺍﻧﺲ : ﺍﻳﻤﺘﻰ ﺟﻴﺘﻲ ﻭﻟﻴﻪ ﻣﺎ ﺧﺒﺮﺗﻴﻨﻲ ﺍﺟﻲ ﺍﺧﺪﻙ !!
.
ﻛﺎﺭﻣﺎ : ﻻ، ﺧﺒﺮﺗﻚ ﻭﺍﺗﺼﻠﺖ ﻓﻴﻚ ﻭﺑﻌﺘﻠﻚ ﺭﺳﺎﺋﻞ !! ﻣﻮﺑﺎﻳﻠﻚ ﻣﻄﻔﻲ، ﻟﻴﻪ ﻣﻄﻔﻲ؟؟ ﻭﻭﻳﻦ ﻛﻨﺘﺘﺖ؟؟ ﻭﻟﻴﻪ ﺑﻌﺪﺗﻨﻲ ﻋﻨﻚ !
.
ﺭﻣﻰ ﺍﻟﻤﻔﺎﺗﻴﺢ ﻭﺻﺎﺭ ﻳﻤﺸﻲ ﻣﺘﺠﻪ ﻋﻠﻰ ﻏﺮﻓﺘﻪ ! ﻭﻟﺤﻘﺘﻪ !
.
ﻛﺎﺭﻣﺎ : ﻭﻗﺖ ﺑﺤﺎﻛﻴﻚ ﻭﺑﺴﺄﻟﻚ ﺭﺩ ﻋﻠﻴﻲ ﻻﺗﺠﻨﻨﻴﻴﻴﻲ
.
ﺍﻧﺲ : ﺣﺒﻴﺒﺘﻲ ﻛﻨﺖ ﻋﻨﺪ ﺭﻓﻴﻘﻲ ﺍﺗﺼﻞ ﻓﻴﻲ ﻭﺭﺣﺖ ﻟﻌﻨﺪﻩ ﻫﻮ ﺑﻴﺸﺘﻐﻞ ﺑﺎﻟﻌﻤﺎﺭ ﻭﺗﻴﺎﺑﻲ ﺍﺗﻮﺳﺨﺖ ﻭﺍﻛﻴﺪ ﻣﻮﺑﺎﻳﻠﻲ ﺧﻠﺺ ﺷﺤﻨﻪ !! ﻟﻴﻪ ﺑﺘﻜﺒﺮﻱ ﺍﻻﻣﻮﺭ ﺍﻧﺘﻲ !!
.
ﻛﺎﺭﻣﺎ : ﺍﺗﺨﻴﻞ ﺻﺎﺭ ﻣﻌﻲ ﺷﻲ ﺑﺎﻟﻄﺮﻳﻖ؟؟ ﻭﺣﻀﺮﺗﻚ ﻣﺎﺑﺘﺮﺩ ﻭﻻ ﻗﺪﺭﺕ ﺍﻭﺻﻠﻚ؟؟
.
ﺗﺮﻛﺘﻪ ﻭﻃﻠﻌﺖ ﻭﻫﺎﺩ ﻳﻌﻨﻲ ﺍﻧﻬﺎ ﺯﻋﻠﺖ !!
.
.
ﻓﺘﺢ ﺑﺎﺏ ﺍﻟﻐﺮﻓﺔ ﻭﺩﺧﻞ ﻣﻌﻪ ﺳﻔﺮﺓ ﺍﻛﻞ ﺻﻐﻴﺮﺓ !
ﺣﻄﻬﺎ ﻋﺎﻟﻄﺎﻭﻟﺔ ﻭﺍﺗﻄﻠﻊ ﻓﻴﻬﺎ ! ﻗﺎﻋﺪﺓ ﺑﺎﻻﺭﺽ ﻭﻭﺍﺿﺢ ﺍﻧﻬﺎ ﺑﻜﻴﺖ ﻛﺘﻴﺮ !
.
ﺍﺳﻴﺎ : ﺍﻧﺎ ﺑﺪﻱ ﻧﺘﺮﻙ، ﻣﺎﻓﻴﻲ ﻛﻤﻞ ﻣﻌﻚ ﺍﻛﺘﺮ !!
.
ﻧﺼﺮ : ﺗﻌﻲ ﻛﻠﻲ، ﻭﻻﺗﻌﻴﺪﻱ ﻳﻠﻲ ﺣﻜﻴﺘﻴﻪ ﻣﺮﺓ ﺗﺎﻧﻴﺔ ! ﺍﺫﺍ ﻋﺪﺗﻴﻪ ﺭﺡ ﻳﺼﻴﺮ ﺷﻲ ﻣﺎﺭﺡ ﻳﻌﺠﺒﻚ !
.
ﺍﺳﻴﺎ : ( ﻭﻗﻔﺖ ﻭﻗﺮﺑﺖ ﻣﻨﻪ ) ﻋﻢ ﻗﻠﻜﻜﻜﻜﻚ ﺑﺪﻱ ﻧﺘﺮﻛﻜﻜﻚ ﻣﺎﻓﻴﻲ ﻋﻴﺶ ﻣﻊ ﻭﺍﺣﺪ ﻣﻌﻘﺪﺩﺩﺩ ﻭﻣﺮﻳﻀﻀﺾ !!
.
ﻣﺴﻜﻬﺎ ﻣﻦ ﺍﻳﺪﻳﻬﺎ ﻭﺻﺎﺭ ﻳﻬﺰﻫﺎ ﻭﺭﻣﺎﻫﺎ ﻋﻠﻰ ﺍﻟﺘﺨﺖ !!
ﻓﺘﺢ ﺍﻟﺨﺰﺍﻧﺔ ﻭﻃﺎﻟﻊ ﻣﻨﻬﺎ ﻣﺴﺪﺱ ! ﻭﻗﺮﺏ ﻟﻌﻨﺪﻫﺎ !!
.
ﺍﺳﻴﺎ : ( ﺑﺨﻮﻑ ) ﺍﻧﺖ ﺍﻧﺖ ﻣﺠﻨﻮﻥ !!
.
ﻣﺸﺎ ﺍﻟﻤﺴﺪﺱ ﻋﻠﻰ ﻭﺟﻬﺎ ﻭﻧﺰﻟﻪ ﻟﻌﻨﺪ ﺭﻗﺒﺘﻬﺎ !
.
ﻧﺼﺮ : ﺍﻧﺎ ﺑﺤﺒﻚ ﻭﻣﺎﻓﻴﻲ ﺍﺗﺮﻛﻚ، ﻭﻻ ﺍﻗﺘﻠﻚ، ﺑﺲ ﻃﺎﻟﻤﺎ ﺍﻧﺎ ﻣﺠﻨﻮﻥ ﺑﻘﺪﺭ ﺍﻗﺘﻞ ﺍﻱ ﺣﺪﻯ ﺑﺘﺤﺒﻴﻪ ﻓﻬﻤﺘﻲ !!
.
ﺍﺳﻴﺎ : ﺭﺡ ﺗﻌﻴﺶ ﻣﻌﻲ ﺑﺎﻟﻐﺼﺐ؟؟ ﺭﺡ ﻧﻌﻴﺶ ﻣﻊ ﺑﻌﺾ ﻭﻛﻞ ﻳﻮﻡ ﺭﺡ ﻳﻘﻞ ﺣﺒﻲ ﺍﻟﻚ؟؟ ﻫﻴﻚ ﺑﺪﻙ؟؟ ﺑﻌﺪ ﻛﻞ ﻛﻼﻣﻚ ﻫﺎﺩ ﻋﻨﺪﻙ ﺍﻣﻞ ﺍﺭﺟﻊ ﺍﺗﻌﺎﻣﻞ ﻣﻌﻚ ﺑﻄﺮﻳﻘﺔ ﻃﺒﻴﻌﻴﺔ؟؟ ﻏﻠﻄﺎﻥ
.
ﻧﺼﺮ : ﻣﻮﻭﻭﻭﻭ ﻣﻬﻢ ﻣﻮ ﻣﻬﻢ ﺍﻫﻢ ﺷﻲ ﺍﻥ ﺍﻧﺎ ﺑﺤﺒﻚ ﻭﺭﺡ ﺗﺒﻘﻲ ﻣﻌﻲ، ﻭﻣﺎﺭﺡ ﺗﺸﻮﻓﻲ ﺍﻱ ﺣﺪﻯ ﺍﻻ ﻭﺍﻧﺘﻲ ﻣﻌﻲ !
.
ﺍﺳﻴﺎ : ﺍﺳﻤﻌﻨﻲ ﻣﻨﻴﺢ ﻟﻜﻦ، ﻃﺎﻟﻤﺎ ﺣﻜﻴﺖ ﺍﻧﺖ ﻭﺧﻠﺼﺖ ﺍﺳﻤﻌﻨﻲ، ﻣﻦ ﺑﻌﺪ ﻫﻠﻖ ﺭﺡ ﺍﺑﻘﻰ ﻣﻌﻚ ﺑﺲ ﻛﺄﻧﻲ ﺻﻮﺭﺓ ! ﺍﻭ ﻭﻫﻢ ﺍﻧﺖ ﻋﻢ ﺗﺸﻮﻓﻪ، ﺍﻧﺎ ﻛﻤﺎﻥ ﺑﻌﺮﻑ ﻧﻘﻄﺔ ﺿﻌﻔﻚ ! ﻭﺭﺡ ﺍﺳﺘﻐﻠﻬﺎ ! ﺍﻧﺖ ﻏﻠﻄﺖ ﻭﻗﺖ ﺍﺧﺘﺮﺗﻨﻲ ﺃﻧﺎ ﺣﺘﻰ ﺗﻤﺎﺭﺱ ﻋﻘﺪﻙ ﻣﻌﻲ !! ﺍﻧﺎ ﻣﺎ ﺑﺴﻜﺘﺘﺖ
.
ﻧﺼﺮ : ﺭﺡ ﺗﺴﻜﺘﻲ ﻭﺭﺡ ﺗﺮﺿﻲ ﻭﺭﺡ ﺗﻤﺸﻲ ﻣﺘﻞ ﻣﺎ ﺍﻧﺎ ﺑﺪﻱ ﻋﻢ ﺗﻔﻬﻤﻲ؟؟ ﺭﺡ ﺍﻋﺘﺒﺮ ﺣﺎﻟﻲ ﻣﺎ ﺳﻤﻌﺖ ﺷﻮ ﺧﺒﺼﺘﻲ ﺑﺎﻟﻜﻼﻡ !!
.
ﺍﻧﺪﻕ ﺍﻟﺒﺎﺏ ﻭﺭﺍﺡ ﻧﺼﺮ ﻓﺘﺢ، ﺷﺎﻑ ﺑﺎﻻﺭﺽ ﺑﺎﻗﺔ ﻭﺭﺩ ﻭﻣﻌﻬﺎ ﻇﺮﻑ، ﻓﺘﺢ ﺍﻟﻈﺮﻑ ﻓﻴﻪ ﺻﻮﺭﺓ ﻭﻛﺮﺕ ! ﺻﻮﺭﺓ ﺍﺳﻴﺎ ﻣﺒﺘﺴﻤﺔ ﻭﻣﺼﻮﺭﺓ ﻣﻦ ﻏﺮﻓﺘﻬﺎ ﻳﻠﻲ ﺑﺒﻴﺖ ﺍﻫﻠﻬﺎ !
ﻭﺍﻟﻜﺮﺕ ﻣﻜﺘﻮﺏ ﻓﻴﻪ، ( ﻣﺒﺮﻭﻙ، ﺑﺘﻤﻨﻰ ﺗﻜﻮﻧﻲ ﺍﺧﺘﺮﺗﻲ ﺍﻟﺸﺨﺺ ﻳﻠﻲ ﻳﺴﺘﺎﻫﻠﻚ ﻭﻳﻘﺪﺭ ﺗﻔﻜﻴﺮﻙ،، ﺍﺷﺮﻑ )
.
.
.
.
.
ﺳﻜﺮ ﺍﻟﺒﺎﺏ ﺑﻘﻮﺓ ﻭﺩﺧﻞ ﻟﻌﻨﺪ ﺍﺳﻴﺎ، ﺭﻣﻰ ﺍﻟﻮﺭﺩ ﺑﻮﺟﻬﺎ !!
ﻗﺮﺏ ﻭﻣﺴﻜﻬﺎ ﻣﻦ ﺷﻌﺮﻫﺎ ﻭﻫﻴﻲ ﻋﻢ ﺗﺒﻌﺪﻩ ﻭﺗﺼﺮﺥ ﻋﻠﻴﻪ !!
ﺑﺄﻳﺪﻩ ﺍﻟﺘﺎﻧﻴﺔ ﻭﺟﻪ ﺍﻟﻜﺮﺕ ﻣﻘﺎﺑﻞ ﻋﻴﻮﻧﻬﺎ !!
.
ﻧﺼﺮ : ( ﻋﻢ ﻳﺤﻜﻲ ﻭﻳﺼﺮﺥ ) ﻭﻟﻚ ﻛﻤﺎﺍﺍﺍﺍﺍﻥ ﺻﻮﺭﺓ ﺍﻟﻜﻜﻜﻚ !!! ﻛﻴﻒ ﻛﻴﻒ ﻋﺮﻑ ﺑﻴﺘﻲ ﻭﻛﻴﻒ ﻋﺮﻑ ﺍﻧﻚ ﺗﺰﻭﺟﺘﻲ ﻭﻛﻴﻒ ﻋﻨﺪﻩ ﺟﺮﺃﺓ ﻳﺮﺳﻞ ﻫﻴﻚ ﺷﻲ ﻋﻠﻰ ﺑﻴﺘﻴﻴﻴﻲ؟ ﻳﺎ ﺗﺮﻯ ﻟﺴﺎ ﻛﻢ ﺻﻮﺭﺓ ﻋﻨﺪﻩ؟ ﻛﻢ ﺻﻮﺭﺓ ﺑﻌﺘﺘﻴﻠﻪ؟؟ ﻋﻠﻰ ﺍﺳﺎﺱ ﻣﺴﺎﺍﺍﻓﺮﺭﺭ؟ ﻛﻠﻜﻢ ﻛﺬﺍﺑﻴﻦ ﻭﺧﺎﻳﻨﻴﻦ !!! ﺭﺟﻌﺘﻲ ﺣﻜﻴﺘﻲ ﻣﻌﻪ ﺻﺢ؟؟ ﻟﻚ ﻋﻢ ﻳﻘﻮﻭﻭﻝ ﺑﻴﺘﻤﻨﻰ ﺍﺧﺘﺮﺗﻲ ﺣﺪﻯ ﻳﻘﺪﺭ ﺗﻔﻜﻴﺮﻙ؟؟ ﻣﻌﻨﺎﻫﺎ ﺑﻴﻌﺮﻑ ﻛﻠﺸﻲ ﻋﻨﻜﻜﻜﻚ !! ﺑﺘﺤﺒﻴﻪ؟ ﺧﻨﺘﻴﻨﻲ؟؟ ﻭﻟﻚ ﺍﻧﺘﻲ ﺷﻮﻭﻭﻭﻭ ﺍﺣﻜﻲ ﺍﺣﻜﻴﻴﻲ
.
ﺑﻌﺪﺕ ﻋﻨﻪ ﻭﺻﺎﺭﺕ ﺗﺒﻜﻲ ﻭﻫﻴﻲ ﻣﺼﺪﻭﻣﺔ ﻛﺘﻴﺮ !!
.
ﺍﺳﻴﺎ : ﺍﻧﺖ ﻣﺘﺨﻠﻔﻔﻔﻒ ﺍﻧﺎ ﺗﺮﻛﺘﻪ ﻣﻦ ﺯﻣﺎﺍﺍﺍﺍﻥ ﻭﻫﻲ ﺻﻮﺭﺓ ﻋﺎﺩﻳﺔ ﺍﻟﻲ !! ﻛﻴﻒ ﺧﻄﺮ ﺑﺒﺎﻟﻚ ﻛﻞ ﻫﺎﻻﺷﻴﺎﺀ ﻣﻦ ﻣﺠﺮﺩ ﺑﺎﻗﺔ ﻭﺭﺩ ﻭﻛﻼﻡ ﻓﺎﺿﻴﻴﻴﻲ !!
.
ﻧﺼﺮ : ﺭﺡ ﺗﺠﺎﻭﺑﻲ ﻋﻠﻰ ﻛﻠﺸﻲ ﺳﺄﻟﺘﻪ ﻭﻟﻮ ﺭﺡ ﻧﺒﻘﻲ ﻫﻮﻥ ﻻﺧﺮ ﺍﻟﻌﻤﺮ ﻋﻢ ﺗﻔﻬﻤﻲ؟؟ ﺍﺫﺍ ﻛﺬﺑﺘﻲ ﺭﺡ ﺍﻗﺘﻠﻚ ﻭﺭﺡ ﺩﻭﺭ ﻋﻠﻴﻪ ﻭﺍﻗﺘﻠﻪ ﻭﺭﺡ ﺍﻗﺘﻞ ﺍﻣﻚ ﻭﺍﺧﺘﻚ !! ﺍﻧﺎ ﺷﻮ ﻛﻨﺖ ﻣﺘﻮﻗﻊ ﻣﻦ ﺍﻧﻪ ﺍﺗﺰﻭﺝ ﻭﺣﺪﺓ ﺭﺑﻴﺖ ﻟﻮﺣﺪﻫﺎ ﺑﺪﻭﻥ ﺍﻡ ﻭﺍﺏ ﺷﻮﻭﻭﻭ
.
ﺍﺳﻴﺎ : ﺍﻧﺎ ﺗﺮﺑﻴﺖ ﺍﺣﺴﻦ ﻣﻨﻚ ﻭﻣﻦ ﻛﻞ ﻋﻴﻠﺘﻚ ﻋﻢ ﺗﻔﻬﻤﻤﻤﻢ ﺍﻧﺎ ﺑﺤﻴﺎﺗﻲ ﻣﺎ ﻏﻠﻄﻄﻄﺖ ﻏﻴﺮ ﻭﻗﺖ ﻗﺒﻠﺖ ﻓﻴﻚ ﻭﺍﻧﺎ ﻋﻤﻴﺎ !!
.
ﻧﺼﺮ : ﻋﻨﺠﺪ ﺍﺑﻲ ﻛﺎﻥ ﻣﻌﻪ ﺣﻖ ﺑﻜﻠﺸﻲ ﺣﻜﺎﻩ !! ﺍﻧﺎ ﺭﺡ ﺧﻠﻴﻜﻲ ﺗﺸﻮﻓﻲ ﻛﻴﻒ ﻛﺎﻥ ﻻﺯﻡ ﺗﺘﺮﺑﻲ، ﺑﺲ ﻋﻠﻰ ﻃﺮﻳﻘﺘﻲ !!
.
ﺍﺳﻴﺎ : ﺍﻓﺘﺤﻠﻲ ﺍﻟﺒﺎﺏ ﺑﺪﻱ ﺭﻭﻭﻭﻭﻭﺡ !! ﻣﺎﻋﺎﺩ ﺍﺑﻘﻰ ﻭﻻ ﺛﺎﻧﻴﺔ
.
ﺑﻌﺪﻫﺎ ﻋﻦ ﺍﻟﺒﺎﺏ ﻭﻃﻠﻊ ﻭﻗﻔﻞ ﺍﻟﻐﺮﻓﺔ ﻋﻠﻴﻬﺎ !!
.
ﻧﺼﺮ : ﺭﺡ ﻧﺘﺤﺎﺳﺐ ﻋﻠﻰ ﻛﻠﺸﻲ ﻣﺎ ﺧﻠﺼﻨﺎ ﻫﻮﻥ، ﺑﺲ ﻫﻠﻖ ﺭﺍﻳﺢ ﺣﺘﻰ ﺍﻋﺮﻑ ﻛﻴﻒ ﻻﻗﻲ ﺣﺒﻴﺐ ﺍﻟﻘﻠﺐ ﻭﺑﻌﺪﻫﺎ ﻣﻨﺘﺤﺎﺳﺐ، ﻳﻜﻮﻥ ﺑﻌﻤﻠﻚ ﻛﻠﺸﻲ ﻣﻘﻔﻮﻝ ﺣﺘﻰ ﺍﻟﺸﺒﺎﺑﻴﻚ ﻭﺍﻟﺒﻠﻜﻮﻧﺔ، ﻭﺻﻮﺗﻚ ﻣﺎﺭﺡ ﻳﺴﻤﻌﻪ ﺣﺪﻯ، ﺳﻼﻡ ! ﺭﺍﺟﻊ !
.
.
ﻭﺍﻗﻒ ﺟﻨﺐ ﺍﻟﺸﺒﺎﻙ ﻭﻋﻢ ﻳﺪﺧﻦ ﺳﻴﺠﺎﺭﺓ، ﺧﻠﺼﻬﺎ ﻭﺩﺧﻞ !!
ﺷﺎﻑ ﻛﺎﺭﻣﺎ ﻣﺸﻐﻠﺔ ﻣﻮﺑﺎﻳﻠﻪ !!
.
ﺍﻧﺲ : ﺍﻧﺘﻲ ﺍﻳﻤﺘﻰ ﺷﻐﻠﺘﻴﻪ !!! ﻭﻣﻴﻦ ﺳﻤﺤﻠﻚ ﺍﺻﻼ !!
.
ﻛﺎﺭﻣﺎ : ﺷﺤﻨﺘﻪ ﻭﺷﻐﻠﺘﻪ، ﻭﺍﺗﺼﻞ ﻓﻴﻚ ﺭﻗﻢ ﻏﺮﻳﺐ، ﺭﺩﻳﺖ ﺍﻧﺎ ﺑﺲ ﻣﺎﺣﺪﻯ ﺭﺩ !!! ﻣﻴﻦ ﺑﺘﺘﻮﻗﻊ ﻳﻜﻮﻥ ﺍﻟﻤﺘﺼﻞ؟؟
.
ﺍﻧﺲ : ﻟﻴﻜﻲ ﺍﻧﺎ ﻫﻲ ﺍﻟﺤﺮﻛﺎﺕ ﺑﻜﺮﻫﺎ ﺑﺘﺨﻨﻘﻨﻲ ! ﻋﻢ ﺗﻘﻮﻟﻲ ﺭﻗﻢ ﻏﺮﻳﺐ ﻛﻴﻒ ﺑﺪﻱ ﺍﻋﺮﻑ ﻣﻴﻦ !
.
ﻛﺎﺭﻣﺎ : ﺍﻧﺎ ﺑﻌﻤﻞ ﻛﻞ ﺍﻟﺤﺮﻛﺎﺕ ﻳﻠﻲ ﺑﺪﻱ ﻳﺎﻫﺎ ﻋﻢ ﺗﻔﻬﻤﻢ ﺍﻧﺎ ﺑﺤﺒﻚ ﻭﺑﺨﺎﻑ ﻋﻠﻴﻚ ﻭﺑﻐﺎﺭ ﻋﻠﻴﻚ، ﻫﻠﻘﻘﻖ ﺑﺪﻙ ﺗﻔﺘﺢ ﺍﻟﻤﻮﺑﺎﻳﻞ ﻭﻗﺒﺎﻟﻲ، ﻳﻼ ﻋﻢ ﻗﻠﻚ ﻳﻼﺍﺍﺍ
.
ﺍﻧﺲ : ﻟﻴﻜﻲ ﺑﻼ ﻣﺸﺎﻛﻞ ﻣﻦ ﺍﻭﻝ ﺷﻬﺮ ﻧﺤﻨﺎ ﻓﻴﻪ ﻣﻊ ﺑﻌﺾ !
.
ﻛﺎﺭﻣﺎ : ﺍﻧﺖ ﺷﺎﻳﻔﻨﻲ ﻫﺒﻠﺔ ﻭﻻ ﺑﻨﺖ ﺻﻐﻴﺮﺓ؟؟ ﺍﻧﺎ ﺑﻌﺮﻑ ﻭﺑﺤﺲ ﻛﻤﺎﻥ، ﺍﺗﻬﺮﺑﺖ ﻣﻨﻲ ﻭﻣﺎ ﻛﻨﺖ ﺑﺎﻟﺒﻴﺖ ﻭﺣﺘﻰ ﻣﺎ ﺳﻤﺤﺘﻠﻲ ﺍﺣﻀﻨﻚ ﻟﻴﻪ؟ ﻛﺮﻣﺎﻝ ﺍﻟﻌﻄﺮ ﻳﻠﻲ ﻋﺎﻟﻖ ﺑﺘﻴﺎﺑﻚ ﺻﺢ؟ ﺭﺟﻌﺖ ﺭﺣﺖ ﻟﻌﻨﺪﻫﺎ؟؟ ﺍﻧﺎ ﻣﺎﻋﻢ ﺍﻓﻬﻢ ﺍﻧﺖ ﺷﻮ ﻭﺿﻌﻚ ﻣﻌﻬﺎ؟ ﺑﺘﺤﺒﻬﺎ؟ ﻫﺎﻟﻘﺪ ﺑﻴﺠﺬﺑﻮﻙ ﺍﻟﺒﻨﺎﺕ ﺍﻟﻔﻠﺘﺎﻧﺔ؟؟ ﻫﻴﻲ ﻣﺘﻠﻬﺎ ﻣﺘﻞ ﺍﻱ ﺑﻨﺖ ﻟﻴﻞ ﺗﺎﻧﻴﺔ !!!
.
.
.
.
.
ﺍﻧﺲ : ﺍﻫﺪﻱ ﺷﻮﻱ ﻭﺍﻓﻬﻤﻴﻨﻲ، ﻣﺎﺭﺡ ﻋﺎﺗﺒﻚ ﻭﻻ ﻋﻠﻰ ﻛﻠﻤﺔ ﺣﻜﻴﺘﻴﻬﺎ ﻋﻨﻲ ﻣﻮ ﻋﻨﻬﺎ، ﺑﺲ ﺍﻫﺪﻱ ﻭﺍﻓﻬﻤﻴﻨﻲ، ﺭﺣﺖ ﻟﻌﻨﺪﻫﺎ ﻻﻧﻬﺎ ﺍﺗﺮﺟﺘﻨﻲ ﻭﻃﻠﻌﺖ ﻣﺮﻳﻀﺔ، ﺍﺗﻄﺮﻳﺖ ﺭﻭﺡ، ﻭﻛﺎﻧﺖ ﺭﻓﻴﻘﺘﻬﺎ ﺍﻟﻤﻤﺮﺿﺔ ﻣﻌﻨﺎ ﻭﺍﻟﻠﻪ، ﺑﺲ ﻟﺒﻴﺖ ﻃﻠﺒﻬﺎ ﺍﻻﺧﻴﺮ ﻣﻨﻲ ﻭﻣﺎﻋﺎﺩ ﺑﺪﻫﺎ ﺷﻲ
.
ﻛﺎﺭﻣﺎ : ﻣﺮﻳﻀﺔ ﺷﻮ ﻳﺎﺭﻳﺘﻬﺎ ﺗﻤﻮﺕ ﻭﻧﺮﺗﺎﺡ ﻣﻨﻬﺎ، ﺣﺘﻰ ﻟﻮ ﻛﻞ ﺍﻟﻨﺎﺱ ﻣﻌﻜﻢ ﻣﺎﺑﺼﻴﺮ ﺗﺮﻭﺡ ﻭﺗﺸﻮﻓﻬﺎﺍﺍﺍ، ( ﻗﻌﺪﺕ ﺗﺒﻜﻲ )
.
ﺍﻧﺲ : ﺣﺒﻴﺒﺘﻲ ﻭﺍﻟﻠﻪ ﺍﺧﺮ ﻣﺮﺓ ﻭﻻ ﻋﺎﺩ ﺭﺡ ﺭﺩ ﻋﻠﻴﻬﺎ ﺍﺑﺪﺍ ﻭﺭﺡ ﻏﻴﺮ ﺭﻗﻤﻲ، ﻭﺍﺫﺍ ﺑﺪﻙ ﺍﻛﺪﻟﻚ ﻣﺮﺿﻬﺎ ﺑﺄﻛﺪﻩ، ﺑﺲ ﺍﻧﺘﻲ ﺑﻄﻠﻲ ﺗﺒﻜﻲ ﻣﻦ ﻛﻞ ﺷﻐﻠﺔ ﻭﺑﻄﻠﻲ ﺗﺸﻜﻲ ﻓﻴﻨﻲ ﻋﺎﻟﻔﺎﺿﻲ ﻭﺍﻟﻤﻠﻴﺎﻥ ﻫﻴﻚ ﺑﻄﺮﻳﻘﺘﻚ ﻫﻲ ﻣﺎﺭﺡ ﻧﻘﺪﺭ ﻧﻜﻤﻞ ﻣﻊ ﺑﻌﺾ
.
ﻛﺎﺭﻣﺎ : ( ﻭﻗﻔﺖ ﻭﺣﻀﻨﺘﻪ ) ﻻ ﺑﺘﺮﺟﺎﻙ ﻻ ﺗﻌﻴﺪﻫﺎ، ﺍﻧﺎ ﻣﺴﺘﺤﻴﻞ ﺍﺗﺮﻛﻚ ﻻﻱ ﺳﺒﺐ ﻣﻦ ﺍﻻﺳﺒﺎﺏ، ﻣﺎﺑﺪﻱ ﺍﻋﺮﻑ ﺷﻲ ﻋﻨﻬﺎ، ﺍﻫﻢ ﺷﻲ ﻋﻨﺪﻱ ﺍﻧﺖ ﺗﻨﻔﺬ ﻛﻼﻣﻚ ﻳﻠﻲ ﻗﻠﺘﻪ ﻭﺗﻜﻮﻥ ﺍﺧﺮ ﻣﺮﺓ، ﺍﻧﺎ ﺑﺠﻦ ﻣﻦ ﻏﻴﺮﺗﻲ ﻋﻠﻴﻚ ﺑﻤﻮﻭﻭﺕ ﺷﻮ ﺍﻋﻤﻞ،
.
.
ﻭﺻﻞ ﻟﻤﺤﻞ ﺍﻟﻮﺭﺩ ﻳﻠﻲ ﺍﺳﻤﻪ ﻋﻠﻰ ﺍﻟﻜﺮﺕ ! ﺍﻟﻤﺤﻞ ﻗﺮﻳﺐ ﻣﻦ ﺑﻴﺘﻪ ﻛﺘﻴﺮ،ﺩﺧﻞ ﻭﻣﻌﻪ ﺑﺎﻗﺔ ﺍﻟﻮﺭﺩ ﻭﺍﻟﻜﺮﺕ،
.
ﻧﺼﺮ : ﻣﺮﺣﺒﺎ ﺣﺎﺑﺐ ﺍﻋﺮﻑ ﻣﻴﻦ ﻳﻠﻲ ﺑﻌﺖ ﻫﺎﺩ ﺍﻟﻮﺭﺩ ﻟﻌﻨﺪﻱ ﻋﺎﻟﺒﻴﺖ؟؟
.
:-- ﺑﺲ ﺑﻈﻦ ﻫﺎﻟﺸﻲ ﻣﺘﻞ ﺳﺮ ﻭﻣﺎﺑﺪﻭ ﺣﺪﻯ ﻳﻌﺮﻑ !!
.
ﻃﻠﻊ ﻣﻦ ﺟﻴﺒﺘﻪ ﻣﺼﺎﺭﻱ ﻭﺍﻋﻄﺎﻩ ﻳﺎﻫﻢ
.
ﻧﺼﺮ : ﻛﺘﻴﺮ ﺣﺎﺑﺐ ﺍﻋﺮﻑ ﺑﻠﻴﺰ، ﻣﻤﻜﻦ ﺷﻮﻑ ﺻﻮﺭﺗﻪ ﺑﻜﺎﻣﻴﺮﺍﺕ ﺍﻟﻤﺮﺍﻗﺒﺔ؟؟
.
:-- ﺍﻱ ﺗﻔﻀﻞ ﻣﻌﻲ ﺑﺲ ﺑﺘﺮﺟﺎﻙ ﻣﺎﺣﺪﻯ ﻳﻌﺮﻑ ﺑﻘﺼﺔ ﺍﻟﻜﺎﻣﻴﺮﺍﺕ ﻭﺍﻟﻠﻪ ﺻﺎﺣﺐ ﺍﻟﻤﺤﻞ ﺑﻴﻘﻠﻌﻨﻲ،
.
ﺩﺧﻠﻮ ﻋﻠﻰ ﺍﻟﻤﺤﻞ ﻭﻋﻠﻰ ﺍﻟﻤﻜﺘﺐ ﻳﻠﻲ ﻓﻴﻪ ﻣﺮﺍﻗﺒﺔ ﺍﻟﻜﺎﻣﻴﺮﺍﺕ،
.
ﻧﺼﺮ : ﻣﻤﻢ ﻫﺎﺩ ﻫﻮ؟ ﺷﻮ ﻗﻠﻚ ﺍﺳﻤﻪ؟ ﻣﺎ ﺗﺮﻙ ﺭﻗﻤﻪ؟؟
.
:-- ﺍﺷﺮﻑ ﺑﺲ ﻗﻠﻲ ﺍﻧﻪ ﺍﺳﻤﻪ ﺍﺷﺮﻑ ﻭﻫﻲ ﺍﻟﻤﻘﻄﻊ ﻳﻠﻲ ﻇﻬﺮ ﻓﻴﻪ ﻋﻢ ﻳﺨﺘﺎﺭ ﺍﻟﻮﺭﺩ،
.
ﻧﺼﺮ : ﻛﺄﻧﻪ ﺍﻋﻄﺎﻙ ﺭﻗﻤﻪ؟؟
.
:-- ﻻ ﻭﻳﻼ ﺑﻌﺪ ﺍﺫﻧﻚ ﺑﺪﻱ ﻛﻤﻞ ﺷﻐﻞ
.
ﻃﻠﻊ ﻧﺼﺮ ﻣﻦ ﺍﻟﻤﻜﺘﺐ ﻭﺳﻜﺮ ﺑﺎﺏ ﺍﻟﻤﺤﻞ ﺑﻘﻮﺓ ﻭﺭﺟﻊ ﻟﻌﻨﺪ ﺍﻟﺸﺐ، ﻭﻗﻒ ﻣﻘﺎﺑﻠﻪ ﻭﺑﻌﺪ ﺟﺎﻛﻴﺘﻪ ﻋﻦ ﺧﺼﺮﻩ ﺣﺘﻰ ﻳﻈﻬﺮﻟﻪ ﺍﻟﻤﺴﺪﺱ ﻭﻳﺨﻮﻓﻪ،
.
:-- ( ﺑﺘﻠﺒﻚ ﻭﺧﻮﻑ ) ﺍ ﺍﻧﺖ ﻣﺠﻨﻮﻥ ﺷﻮ ﺑﺪﻙ ﺗﻌﻤﻞ ! ؟ ﺧﻠﺺ ﺭﺡ ﺍﺣﻜﻲ ﺍﻋﻄﺎﻧﻲ ﺭﻗﻤﻪ ﻭﻣﺒﻠﻎ ﻛﻤﺎﻥ ﺣﺘﻰ ﻛﻞ ﻳﻮﻣﻴﻦ ﻳﺨﺒﺮﻧﻲ ﺷﻮ ﺍﺭﺳﻞ ﻭﺭﺩ ﻭﺷﻮ ﺍﻛﺘﺐ ﺑﺎﻟﺮﺳﺎﻟﺔ،
.
ﻧﺼﺮ : ﻫﺎﺕ ﺍﻟﺮﻗﻢ، ﺑﺴﺴﺴﺮﻋﺔ
.
ﺍﺧﺪ ﺍﻟﺮﻗﻢ ﻭﺑﺎﻗﺔ ﺍﻟﻮﺭﺩ ﻭﺍﻟﻜﺮﺕ، ﻭﻃﻠﻊ ﻣﻦ ﺍﻟﻤﺤﻞ ﻭﺻﺎﺭ ﻳﺘﻤﺸﻰ ﻭﻗﺮﺭ ﻳﺘﺼﻞ !!
.
ﻧﺼﺮ : ﺍﻟﻮ، ﻣﺮﺣﺒﺎ، ﺍﺳﺘﺎﺫ ﺍﺷﺮﻑ؟؟
.
ﺍﺷﺮﻑ : ﺍﻱ ﻧﻌﻢ، ﻣﻴﻦ ﺣﻀﺮﺗﻚ؟
.
ﻧﺼﺮ : ﺍﻧﺎ ﻣﻦ ﻣﺤﻞ ﻭﺭﺩ، ﻓﻲ ﺑﺎﻗﺔ ﻭﺭﺩ ﺑﺄﺳﻢ ﺣﻀﺮﺗﻚ ﻭﻣﻌﻬﺎ ﺭﺩ ﻣﻦ ﺯﺑﻮﻧﺔ ( ﻛﺰ ﻋﻠﻰ ﺍﺳﻨﺎﻧﻪ ) ﺍﺳﻤﻬﺎ ﺍﺳﻴﺎ !! ﺑﻌﺮﻑ ﺭﺡ ﺗﺴﺘﻐﺮﺏ ﺍﻧﻪ ﺍﺗﺼﻠﺖ ﻓﻴﻚ، ﺑﺲ ﻫﻴﻲ ﺍﻋﻄﺘﻨﻲ ﻋﻨﻮﺍﻥ ﺑﻴﺘﻚ، ﻭﺍﻧﺎ ﺩﻗﻴﺖ ﻛﺘﻴﺮ ﻭﻣﺎﺣﺪﻯ ﺭﺩ؟؟ ﺍﺗﺼﻠﺖ ﻓﻴﻬﺎ ﻭﺍﻋﻄﺘﻨﻲ ﺭﻗﻤﻚ ﺣﺘﻰ ﺑﻜﻞ ﺗﺄﻛﻴﺪ ﻳﻮﺻﻠﻚ ﻣﻨﻬﺎ ﺍﻟﻮﺭﺩ، ﻛﻴﻒ ﺑﻘﺪﺭ ﺍﻭﺻﻠﻚ ! ﺍﻭ ﺑﺘﺮﻓﺾ ﻣﻨﻬﺎ ﺍﻟﻮﺭﺩ ﻟﻮ ﺳﻤﺤﺖ ﻋﻨﺪﻱ ﺍﺷﻐﺎﻝ ﺍﻧﺎ ﻣﻮ ﻓﺎﺿﻲ، ﻭﺑﺘﺤﺐ ﺗﻘﻠﻚ ﺍﻧﻬﺎ ﺧﺎﻓﺖ ﺗﺘﺼﻞ ﻓﻴﻚ !!
.
ﺍﺷﺮﻑ : ﺑﺎﻻﻭﻝ ﺍﺳﺘﻐﺮﺑﺖ ﺑﺲ ﻓﻬﻤﺘﻨﻲ ﺣﻀﺮﺗﻚ ﻛﻠﺸﻲ،
ﻃﻴﺐ ﺍﻧﺎ ﺭﺡ ﺍﺭﺳﻠﻚ ﺍﻟﻌﻨﻮﺍﻥ ﺑﺮﺳﺎﻟﺔ