هم حولي - part 4 - مكتملة | روايتك

فاجاءه النور جه والايد اللي مسكاني سابتني اترميت على الارض اخد نفسي وصرخت باعلي صوتي أنا معدش قادره أنا خايفه من كل حاجه حتى من النفس اللي بتنفسوا خايفه الست دي ترجع تاني فاجاه الباب فتح ولقيت ابويا واقف عنده قالي بتصرخي كده ليه اوعي لتكوني اتلبستي وهتريحينا منك يارب تموتي وتحصلي امك وسابني ومشي أنا دخلت اوضتي وانهارت من العياط الشخص اللي المفروض بيكون مركز الامان ليه اكتر شخص بياذيني بيدعي عليا اني اموت أنا معدش قادره تعبت من كل حاجه حوليا السبت ٢٠٢٥/٢/٦ أنا خايفه اوي في حاجه معايا علطول ملحقاني في كل مكان اكون في أنا معتدش قادره استحمل في حاجات كتير حواليا عايزين ياخدوني هما بيقوللي كده علطول بيهمسوا في ودني انهم هياخدوني أنا هم معايا في كل حته لما بنام بيجولي في كوابيسي ويقولوي انهم هياخدوني معاهم لما بخش الحمام بشوف الست اللي شفتها في المرايه ساعت ما ابويا حبسني في المرايه أنا عدت بخاف ابص في المرايه كل ما امشي بسمع خطوات حد ماشي ورايه كل أما اقعد في حته بسمع انفاس حد جنبي أنا مليش ذنب في اي حاجه مليش ذنب اني عندي ام ضعيفه ومريضه سرطان مليش ذنب اني ابويا مكنش امان ليا زي باقي الابهات مليش ذنب اني ابويا شخص قاسي معندهوش قلب مليش ذنب ان امي ماتت وسابتنا مع وحش مابيرحمش كل اللي بيشوفه الكيف وبس أنا خلاص معدش ليا مكان هنا هما هياخدوني وأنا عارفه انهم هياخدوني انهارده هي دي النهايه باب اوضتي بيتفتح براحه في خطوات بطيئه أنا سامعه انفاس حد ورايه. ........................................ دوت صرخه اسمعت البيت كله وبيوت الجيران كمان كل المنطقه اتلمت على البيت خبطوا كتير بس مفيش رد كسروا الباب دخلوا الشقه لقوا الاب مرمي على الارض ميت بسبب جرعه ذايده من المخدرات البنت الصغيره نايمه في اوضتها فتحوا باب اوضه البنت الكبيره لاقوها فاضيه خالص وموجود مذكرات وقلم وقعين على الارض ـــــــــــــــــــــــــــــــــــــــــالنهايه