الفصل التالت
يلا بينا 🔥
ندخل على الفصل التالت من رواية "انت وبس"، واللي هيكون فيه مواجهة... بس مش المواجهة اللي متوقعينها 😏
---
رواية: انت وبس
الفصل التالت
الكاتبة: Retaj 🤫
---
اليوم مرّ ببطء... وداليا كانت بتعدّي الوقت بالعافية.
كل شوية تفتح الصورة... تبصّ عليها... تقفلها… وتبكي.
بس فجأة... الموبايل رن.
"كريم ❤️"
قلبها اتنفض.
إيدها كانت بتتهز وهي بتمسك الموبايل، حطّته على ودنها من غير ما تقول ولا كلمة.
كريم:
"عاملة إيه يا حبيبتي؟"
صوتُه عادي... كأن ماحصلش حاجة!
هي فضلت ساكتة.
كريم (مستغرب):
"إنتي ساكته ليه؟ فيكي حاجة؟"
داليا (بهدوء مرعب):
"مين البنت اللي منزله صورتك؟"
سكت.
الصمت كان كأنه خنجر داخل قلبها.
كريم (بتردد):
"إنتي شُفتي؟"
داليا:
"آه، شُفت… وقريت، وشوفت ضحكتك.
هو دا اللي كنت ناوي تيجي تتقدملـي وانت بتضحك في حضن غيري؟"
كريم (بصوت واطي):
"داليا، والله الموضوع مش زي ما انتي فاكرة."
داليا (بعصبية مكتومة):
"طب فهمني! خليني أفهم... بدل ما أكرهك!"
كريم:
"دي بنت صاحب أخويا… وهي اللي طلبت تتصور.
أنا معرفش إنها هتنزّل الصورة، و… و…"
داليا (قاطعتُه):
"وهتكتب “my man”؟ ده اسمه إيه؟ هزار؟
ولا إنت فعلاً ليها… وأنا كنت بالنسبالك محطّة؟"
كريم (اتنفس بعمق):
"بصي يا داليا… أنا جايلِك النهارده.
جايلك أشرح كل حاجة وش وجهاً لوجه.
استنيني بعد المغرب… في نفس المكان اللي اتقابلنا فيه أول مرة."
سكتت شوية... وبعدين قالت بصوت هادي:
"ماشي... مستنياك."
قفلت الخط…
بس كانت حاسة إن قلبها مش هيستحمل الحقيقة، أياً كانت.
---
نهاية الفصل التالت
🔹 يا ترى كريم بيكدب؟ ولا مظلوم؟
🔹 والمقابلة دي هتكون نهاية الحب... ولا بداية جديدة؟
وطبعا زي مانتم متعودين 😂😂
كل فصل اجمد من الي قابليه😉
باى من غير سلام يا وحوش😂😂