الفصل التاني
رواية: انت وبس
الفصل التاني
الكاتبة: Retaj 🤫
---
صحيت داليا على صوت موبايلها بيرن…
نص عينها مفتوحة، شافت اسم "ملك" صاحبتها على الشاشة.
داليا (بصوت ناعس):
"ألو؟"
ملك (بصوت متوتر):
"صحيتك؟ طب اسفه… بس لازم أقولك حاجه ضروري."
داليا:
"خير؟ حصل حاجه؟"
ملك:
"الواد اللي بتحبيه… هو اسمه كريم، صح؟"
قلب داليا وقع في رجليها.
داليا (بصوت مهزوز):
"أه… مالُه؟"
ملك:
"في بنت منزله ستوري على إنستجرام، كاتبه:
“My man ❤️”
واللي في الصورة… هو كريم."
داليا سكتت.
الدنيا لفّت بيها، حسّت كأن الأرض اتسحبت من تحتها.
قامت من السرير بسرعة، فتحت إنستجرام، دورت…
ولقت البنت.
فعلاً… كريم كان في الصورة، ووشه ضاحك، وحاطط إيده على كتف البنت.
قلبها اتكسّر في لحظة.
داليا (بصوت مكسور):
"مستحيل… دا قالي إنه بيحبني، وقالي إنه هيتقدملـي، وقالي…"
قعدت على الأرض، موبايلها وقع جنبها، وهي مش حاسّة بحاجة غير الغدر.
ملك:
"داليا… أنتي تمام؟"
مافيش رد.
ملك (بصوت أعلى):
"داليا؟! ردي عليا يا بنتي!"
داليا قفلت المكالمة… وقعدت تبكي.
بس جوا دموعها، كان فيه حاجة جديدة بتتولد…
حاجة اسمها: "كفاية سذاجة."
---
نهاية الفصل التاني
🔹 هل فعلاً خانها؟ ولا فيه سر؟
🔹 وداليا هتعمل إيه بعد كده؟
وبااااااي من غير سلام اختكمRetaj🤘🤘