انـتــ وبـس - الفصل الأول - بقلم Retaj | روايتك

رواية: انتـ وبس الفصل الأول الكاتبة: Retaj 🤫 صلّوا ع النبي 💛 --- كان الليل هادي... بس قلبها مليان دوشة. في أوضتها، قاعدة في ركن السرير، حضنة نفسها وكأنها بتحاول تهرب من كل حاجة حواليها. دموعها نازلة من غير صوت… بس وجعها كان عالي جواها. فتحت موبايلها، دخلت على آخر محادثة بينه وبينها، فضلت تبص في كلامه، وصورته... ودموعها زادت أكتر. داليا (بهمس): "يارب... أنا بحبه، بحبه أوي... بس خايفة. خايفة من أهلي، من كلامهم، من نظرتهم ليا لو عرفوا إني كلمت شاب... كنا بنتكلم بقالنا سنة يا رب، وهو عايز يتقدملـي، بس أنا... أنا مش قادرة أقولهم… مش هيفهموني أبدا." قامت بسرعة، راحت ناحية الشباك، فتحته عشان تاخد نَفَس... بس الهوا كان تقيل كأن الهم ماسك فيه. رجعت وقالت وهي ماسكة السبحة الصغيرة اللي جنب سريرها: داليا: "يارب... إن كان خير قربه، وإن كان شر أبعده عني. بس يا رب، ريّح قلبي... أنا تعبت، تعبت من كتر التفكير والخوف." قامت بهدوء، دخلت الحمام تتوضى، ولسانها بيتمتم: "بسم الله..." وبعد لحظة، قالت لنفسها وهي بتضحك بخفة: "استغفر الله يا داليا، بتذكري ربنا في الحمام؟ ليلة مش فايته بصراحة." خلصت وضوء، خرجت وصليت، قعدت تدعي بكل اللي في قلبها… ولما خلصت، دموعها نشفت، وحسّت لأول مرة براحة غريبة. غطّت نفسها، وسرحت في السقف… ثم أغمضت عينيها، ونامت. لكنها ما كانتش تعرف إن اللي جاي… هيغيّر كل حاجة. --- انتهى الفصل الأول. اتمنى انه يعجبكم تابعوني عشان يوصلكم كل جديد😉 وباى من غير سلام ي عسلات😉