البارت 35 والاخير
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «35» والاخير.*
*____________*
مخاسير الزمان اللي معك في وسط عيني ربّح
فداك العمر يا أوّل فرحته وأغلى مساييّره . .
---------------------------------
- بـيت الصقر حديقة البيت .
اجتمعوا حفيدات فهد بأڪملهم بقربه وابتسم بتوسع وهو يعلمهم ڪيف يزرعون الورد بالتربة : عزف يابابا قلنا نعاملها برقة بس مو لدرجة رقتك تحسين حتى الورده بتجرح اصابعك .
عزف وهي تقرب منه : جدي صدقني تربتي بسرعه تطيح .
قرب فهد منها وهو يمسك ڪفوفها تحت ڪفوفه و يقرب من الحفره اللي حفرتها ترڪوا الورده بداخلها واڪملت عزف عملها وهي تسمع طقطقة أسرار عليها بعد ما زرعت وردتين رفع فهد راسه من شاف عروب تقترب منهم بتردد : تعالي يبه .
ضغطت على ڪفوفها وهي تقترب منهم بخجل انقذها نداء فهد لها من قال ان حفيداته بأڪملهم قرروا يزرعون الورد في الحديقة وعروب أو فجر ڪانت من ضمنهم انقذها من قسـور اللي بهدلها وجدا وڪانت بتغرق معاه بعد بڪاء لدرجة انها قالت له بأنها تشك بمعاناتها من الانفصال .
-قبل شويات عند عروب وقسور-
طفلة بعمر السنتين لعبت فيهم لعب وترڪت عروب ترضخ لقسور ڪانت تبتسم بين فتره وفتره غصب عنها من تشوف حب قسور لديم وبشدة واخذها احساسها بأنه بيڪون أب حقيقي ألوالده والواضح ان يحب الاطفال بل يعشقهم مايرضى على ديم ابدا ولو تطلب عيونه يعطيها ومايرضى احد يزعلها بتاتا كمية
الدلع اللي ڪانت تشوفه بقسور لديم ترڪها توصل لهذه الاحاسيس ديم ناظره عروب وهمست لقسور من شافتها تناظرهم بهدوء : خالو هذه مين؟.
التف قسور لها وهو يناظر عروب اللي من شدة سرحانها مانتبهت ابتسم ابتسامه طفيفة على وجهه : حلوة؟.
هزت ديم راسها بابتسامه : واجد .
باس خدها بقوه : مو أڪثر منك
ضحڪت من بدأ يدغدغها ورڪضت منه لحد حضن عروب : شوفيه
فزت عروب وهي تحتضنها من حست بانها بتطيح من شدة انفالتها : شوي شوي .
جلست ديم بحضن عروب وابتسمت عروب بهدوء : وش اسمك؟.
ديم ابتسمت بخجل : ديـم .
عروب عدلت شعرها : اسمك حلو .
ديم ابتسمت وهي ترفع يدها لغمازه عروب : وانتي؟.
قبلت عروب ڪفها الصغير : فجـر .
ناظرها قسـور بامتنان وتنهد براحة وهو يتڪتف و يتأملهم ديم رفعت نفسها وهي تناظر غمازه عروب : هذه حلوة مثل خالو قسور .
رفعت عروب راسها لقسور اللي يناظرها والتفت ديم وهي تاشر له : تعال .
اقترب قسور لمڪان ما تأشر ديم بان يجلس وترڪته يجلس بقرب عروب ونطقت ديم : خالو قسور وريها اللي عندك .
قسور بهدوء : تعرف ياعيوني شافته .
عروب ناظرته بهدوء : لا ماشفت توني ادري ان عندك
رفع قسور حاجبه بذهول وهو يناظرها وابتسمت عروب ببرود زم طرف شفايفه بهدوء وتفڪير لتصرفاتها ونطقت ديم : هذه بوسة وصارت ڪذا
عروب التفت بصدمة لها : هاا .
ديم اشرت على قسور : خالو قسور يقول ان هذه الحفرة بوسة .
قسور التفت بهدوء واڪمل : قايل لها انها بوسة من شخص نحبه لنا .
عروب ناظرت بذهول من فصاحه لسان ديم ومن قسور ومن ڪل شي نزلت ديم من حضن عروب وهي تخرج .
التفت عروب : ڪم عمرها؟.
قسور ابتسم : سنتين ونص
عروب بذهول : ماشاءالله
قسور ضحك : تربيتي
عروب : اللي ڪلها ڪذب .
قسـور ناظرها بهدوء : وشهو قصدك؟.
عروب ضحكت بسخرية : اجل الغمازة صارت بوسة من شخص يحبنا .
قسور اقترب بوجهه لها : ايه .
عروب رفعت حاجبها بتحدي : والله .
ناظرها لثواني وابتسم بتحدي : والله .
سكتوا لثواني ونطق بعدها : اقتنعني ان اسمك
فجر .
تجاهلته وجات بتقوم ومسك ڪفها : توك حلوة وش اللي قلبك؟.
نزلت انظارها لڪفه اللي ماسك ڪفها وهي ذاتها جاهلة هالسبب ودها تڪون معاه تمام لڪنها من يصيرون وحدهم تنفر منه .
نطق بهدوء : انا مغرم وتعديت الحب يا فجر مغرم من شعرك الاسود لغمازتك اللي بخدك لسمارك لنظرة عيونك وحتى عقدة حاجبك مو ڪفاية؟.
اخذت نفس وڪتمته بداخلها من قرب يبوس غمازتها اللي بقرب شفايفها ويبتعد عنها ويخرج من حس بأن رح يجيب العيد .
-نرجعع للواقع .
اقتربت من فهد من أشر على مجموعه الورد : اختاري لك اللي تحبينه وتعالي نزرعه سوا .
عروب بخجل : ماعرف
ضحك فهد وهو يأشر على البنات : لا تخافين ڪلهم رفلات انا معڪم .
شافتهم ينفضون نفسهم بعد ما خلصوا ماعدا موج اللي هذا اختصاصها اساسا وتحبه وحلاوة الحديقة ماصارت الا منها ومن اهتمامها ترڪوهم البنات ماعدا موج البعيدة عنهم وعروب مع فهد
فهد رفع اڪمام فستانها : لجل لا يتوصخ حرام على هالزين .
ابتسمت عروب وهي تناظره : يصير اناديك يبه .
ناظرها فهد بصدمة لثواني وضحك مباشره وهو يهز راسه : اڪيد اللي ودك فيه يا بنتي .
عروب بهدوء : وانا عارفة ان ودڪم تسموني بـ فجر لڪن .
فهد قاطعها : اللي ودك فيه نسميك عروب بعد حلو .
عروب ابتسمت : معليش لأن ودي افتح صفحه جديدة بحياتي فـ ودي بفجر الحين .
فهد ابتسم براحه : اللي يريحك .
بلعت ريقها براحة اڪبر من حست انها بدت تتأقلم معاهم والڪل محسسها بأن يعرفها من قبل ويحاول يقربها منهم تنهدت وهي تستمتع لنصايح فهد وموج اللي قربت منهم بعد ما انتهت من مساحتها سحبت الموية وهي تسقيهم وتحس بمتعة : ياحظك موج حسيت براحة مب طبيعية وانا اشتغل .
مـوج وهي تنظف يدها : والله بتحسين نفسك وردة من بينهم من زود ماهم يجننون والصراحة احسن من ڪثير بشر اجلسي وسولفي معاهم يسمعونك ترا .
فهد ضحك وهو يڪلم عروب : لا تسمعين ڪلام موج يا فجر تراها بيني وبينك بدت تخرف .
شهقت موج من ضحك عروب ونطقت بتمثيل للزعل : افا اشوف جات فجر وبديت تبيعنا يا فهد .
فهد ضحك وهو يحتضن موج : ماعاش من يبيعك امزح يا عيوني .
ضحڪت وهي تحتضنه وتقبل جبينه : ادري اترڪنا ندخل الان اعتقد مها ناوية تقتلنا لو تاخرنا يلا فجورة
هزت عروب راسها : بس اشيل هالاغراض والحقڪم ابتعدوا عنها وانشغلت هي بأغراض الزراعه والتفت لنبرة صوت قسور الهادية : لا تزرعين الورد وانتي عبيره .
--------------------------------
بععد أيام .
دخل ملهم وجلس جنب امه وهو يبتسم بتوسع التفت أفراح وهي تترك الجوال : هلا حبيبي .
قرب وهو يبوس يدها : ڪيفك يا حلوه .
افراح ضحڪت : الحمدلله بخير .
غمزت وهي تضرب ڪفه بهدوء : طلع اللي بقلبك واضح عندك حڪي .
ضحك ملهم وهو يتربع حك طرف انفه بوهقة وخجل بڪيف يرتب الجملة الصح لينطقها : يمه والله ودي اتزوج .
شهقت افراح بسعادة : أبرك الساعات انتظرك تنطق لجل ادورلك وافرح فيك مابغيت .
ضحك ملهم وهو يناظر امه : ودك تدورين لي يعني .
دخلت المها ووراها العاملة بيدها صينية الشاي : والله الظاهر ما فتح الطاري ولدك الا طايح ومخلص .
تنحنح ملهم بخجل وهو يقرب من المها يقبل جبينها : ڪيفك ياجدة .
المها : الحمدلله بخير دامڪم بخير وبجنبي قول
قول لأمك من ودك فيها .
افراح ناظر ملهم : ها يايمه عينك على وحدة .
ملهم بلل شفايفه بطرف لسانه وهو يتنهد : الصدق ماعرفها ڪويس يعني لو بنتقدم لخطبتها بنسال عنها لڪني اعرف انها تقرب لفجر .
افراح عقدت حاجبها : فجر زوجة قسور؟.
هز ملهم راسه : من بيت الغانم أعتقد انها حفيدة سليمان .
المها اعتدلت بجلستها : وفهد يدري؟.
ملهم هز راسه بنفي : محد يدري الا انت وأمي بعدي ما أجزمت الصدق .
أفراح التفت ألمها ونطقت المها : البنت ماعليها غبار ڪامله والڪامل الله ڪان ودك من بڪرا نستاذن نشوفهم ودامها حفيدة شيخه وسليمان ماعليها ڪلام ابد .
ابتسم ملهم بهدوء وتنهد والتفت افراح : ماقلت لي من وين تعرفها؟.
صنم ملهم وهو يلتف لها : من وين !.
أفراح : وانا شدراني انت تقول تعرفها .
تنحنح وهو ينطق بهدوء : لا شفتها بملكة قسور بس وبعدها قلت يعني .
المها من حست ان انحشر نطقت : وانت شعليك الولد وده ياخذها وانتهينا بالها هاالسئلة والله لو يسمعك رعد خل يتحرك شوي وندور له .
ملهم ابتسم : لا يمه رعد مطول ناوي يروح اوروبا يستانس
المها ناظرته بصدمه : اللي تقوله صدق؟.
ملهم ضحك : هو اللي قال لي حتى ان حجز له ليلتين بالبحرين رايح مع اخوياه ومن البحرين بعدها لفرنسا
المها شهقت : ياويلي اثاريه يڪذب علي .
أفراح ناظرت ملهم : مسوي طالع منها يعني تشتڪي على أخوي؟.
ابتسم بورطة وهو يناظر امه .
------------------------------------
- ععند سسدن .
من لحظة ما جا اتصال لجدتها وتناظرها بابتسامات وتقول جمل ڪلها توحي بأن شخص متقدم لها وهي تحس بمغص ببطنها لڪن برد جسمها بأڪمله من نطقت جدتها بإسم فهـد الصقر عرفته مباشره ومافيه غيره ومستحيل يڪون غيره أصلا اختفت من الصالة وهي تسڪر غرفتها وتدور على اسم عروب برجفة وخوف وجلست على اقرب مڪان لها وهي تنتظر عروب ترد عليها ردت عروب على آخر رنة وينقطع و صوتها مليان نوم : سدن ما تخلين الواحد ينام؟.
سدن وهي تعض اصابعها بخوف : صحصحي معاي عروب لان تڪة بس واموت من خوفي .
اعتدلت عروب بفزع : شفيك صاير شي؟.
سـدن وحست بخوف عروب نطقت بتهدئة : وش يقرب لڪم ملهم؟.
عقدت عروب حاجبها : منو ملهم !.
سدن : عروب صحصحي معاي ملهم ملهم الصقر .
عروب : لحظة قصدك ولد أفراح !.
سدن بشبه عصبية : انا زين مني اعرف اسمه ليه اتصلت لك .
عروب : شفيه ملهم عاد خبري هو اعقل الشباب هنا .
سـدن : خطبني .
عروب صرخت بدخول قسـور : ايششش ! .
سدن وقفت وهي تقرب الدولاب : هو موقفين جمعني فيه وش اللي يخطبني .
عروب ضحكت : والله اخر شخص توقعته هو ڪيف اصلا توقعته يحب احد ثاني او خاطب اڪثر شخص غامض بهالبيت .
تجاهلت نظرات قسور وهي تنزل انظارها الظافرها وتسولف مع سدن سدن : مدري خايفة وبعدين هم يدرون .
عروب عقدت حاجبها : يدرون بـ وش؟.
سدن زمت شفايفها بهدوء : بـ اني مطلقة .
عروب ببرود : وتسمين سراج زوج ما تعتبرين ابدا .
سدن : وهو على ڪيفك لازم يعرفون .
عروب : اي اڪيد جدتي بتقولهم يعني ما بتغشونهم .
سـدن نزلت انظارها : احس من يعرف بيمشي لذلك ماراح اتحمس لشي .
عروب قامت من السرير من قرب قسور ورفع حاجبه بنرفزه وغمض عينه يحاول يسيطر على نفسه بلعت عروب ريقها وهي تمثل الانشغال بالملابس اللي بتلبسها : طيب ودك اتدخل .
سدن : تتدخلين بإيش .
عروب : ودك انتي .
سدن باستغراب اڪبر : عروب وش تقولين ودي بإيش .
توترت عروب وهي تحاول تطلسم الڪلام لجل ما يفهم قسور : باللي قلتيه يعني تبينه .
سدن ضحكت بسخرية : شتخربطين ابيه وما أعرفه ترا موقفين جمعني فيه ونسيته يعني عادي جدا لو رفضني يحق له .
عروب بللت شفايفها : امم طيب سدن اذا صار اي شي خبريني تمام .
سدن : تمام ياعيني .
قسور ببرود حاد من شافها تسڪر تلفونها : ملهم خاطب سدن .
التفت له بصدمه : ايش .
قسور ضحك على تمثيلها الغبي : بسوي نفسي غبي وما فهمت انك تڪلمينها عنه من شوي غبي لدرجة اتجاهل ڪثير اشياء ومتحمل .
ناظرته بهدوء ودخلت الحمام تاخذ شور وتأخرت متعمدة لجل يتعب وينام وتستغني عن نقاش ماودها فيه خرجت بعد مدة طويلة لڪنها انصدمت بأن جالس على الڪنب يحوس بجواله ويدخن ناظرته باشمئزاز لان عمره ما دخن بالغرفه ومعاها قربت منه بقرف وهي تحاول تسحب الدخان من يده : لا تدخن هنا .
قسور قرب الدخان من فمه وهو يسحب وينفخه في وجهها ببرود : اسوي اللي ودي فيه .
دفته وهي تڪح بقوه : لا تدخن قسور لا تدخن معاي
قسـور : ومين انتييي مين لجل ما ادخن وتمنعيني؟.
عروب بقهر نطقت بصراخ : زوجتك رضيت او مارضيت زوجتك وغصب عليك بعد .
قسور اول مره يرفع صوته عليها لهالدرجة : وانتي مب محسستني انك زوجتي انتي شايفه نفسك لدرجة ماتشوفيني عروب اي زوجة تتڪلمين عنها واللي يسلمك .
عروب ناظرته : لا تصرخ .
قسور ڪور يده بقوه وعروقه طفرت سڪت عنها وهو يكمل تدخين وناظرته عروب بهدوء وزعل قسور نطق بقهر حاد وصوت متحشرج : سؤال واحد ودي جوابه .
سڪت وسكتت هي تنتظر سؤاله : ليه تقبلتي الڪل الا أول شخص عرفك ليه الڪل تسولفين معهم الا قسور يا عروب؟.
نزلت عينها وهي تحس دموعها تتجمع التفت وهو يناظرها وشاف وجهها اللي انقلب لألحمر بمحاوله لڪتم بڪاء قوي قادم
ابتسم بسخرية على نفسه سخرية تترڪه ينهار من ضحڪه على موقفه اللي انحط فيه ڪيف تفرط بمشاعر حب ڪبير يحاول في ڪل موقف بينهم يخرجه ويالقي الصد يالقي عدم الاهتمام التهرب ڪيف تقابل حلو مشاعره بحقران والسبب مجهول ڪيف تقدر تسوي هالشي فيه وهو يموت عليها و يحبها من قبل يعرف انها فجر ودمها مختلط بدمه ڪيف هالتساولات ڪلها تركته ينحرق بالدخان بدون
ما يحس بسبب وصولها لأصبعه وما حس بأدنى شعور للحرق لأن حرق قلبه اڪثر ومن حست عروب ان جمر الدخان وصل الصبعه ومو حاس ضربت بقايا الدخان وهي تنطق بذهول : اسم الله عليك .
بلعت ريقها وهي تعض شفايفها بصدمه اللي نطقته والتف يناظرها بهدوء مخيف عليه عروب بخوف وكفه بوسط ڪفوفها : ما تحس؟.
وقفت وهي تقرب لدرجها وتخرج ڪريم الحرق و جلست جنبه من جديد وهي تدهن له من الڪريم : قلت لك لا تدخن هنا .
قسور ببحه : ڪيف تقدرين تتصرفين بعدم اللامبالاة وبهالشڪل اللي يوجع؟.
ناظرته بتصنم وبلعت ريقها بقوه ضحك وهو يسحب ڪفه بعنف ويوقف فتح دولاب الملابس وهو يفتح شنطه ويرميها على السرير ويسحب له ڪم لبس وسالت باستغراب : وين بتروح؟.
قسور : جهنم .
عروب بللت شفايفها وهي تضغط على كفوفها : سالتك زين جاوب زين .
قسور ويحس انها تلعب بأعصابه وهو من الله اعصابه مشدودة وجالسه تتلف اعصابه ببرودها : عروب لو ماودك تبڪين اسڪتي لأني تكة وافجرك أقسم بالله
شتت انظارها بالغرفة وهي مو قادره تتقدم بخطوه وتمنعه وهي عارفة سبب روحته ماهي قادره تقول له الڪلمة اللي ينتظرها رغم انها حاسه فيها تحس ان هالڪلمة ما توفي حق قسور ابدا لأنها مو بس تحبه ممڪن تموت عشانه لأن اللي سواه لها ماهو قليل بوسط تعبها واڪتئابها وعدم تقبلها للواقع ڪان معاها ومتحمل تصرفاتها ڪلها ومن بدت تتقبل آسر وهي تقضي اغلب وقتها معاه وتضحك ويشوفها بنفسية حلوه معاه لڪن من يجي تنقلب ومو عارف وش سبب نفسيتها الحلوه مع الڪل الا هو رغم ان ما
سوالها شي ابدا تدري ان لما تنام ويجي بعد نومها يظل يسمي عليها وقت نومها ويده بشعرها ومن تفز يڪون هو اللي بقربها تعرف ان رغم ڪل شي سوته فيه يحبها وما يخبي هالمشاعر لأن قول وفعل و تصرفات توحي بحبه لها وهي تقابله بصد نفسيه ڪئيبة هواش صراخ تتأفف او تتهرب بڪل مره يبين حبه لحد ما انفجر لأن اللي تسويه ڪثير عليه ڪثير
على بني آدم يتحمله عروب بتوتر : وش ودك اقولك؟.
قسور ويحس بغضب يعتريه : ودي تسڪتين .
عروب تجاهلته : طيب آسفة ادري إني غلطانه .
قسور ابتسم بسخرية : ما قصرتي شڪرا لڪرمك يا آنسة .
سڪر شنطته وهو يترڪها على الارض ويسحب جواله من جنبها ودخانه ومسڪت يده وهي تناظر عيونه من وقف وناظرها وقفت امامه ومايفصلهم شي : اقولك اسفة تقولي ما قصرتي؟.
قسور بسخرية : ودك ابوس راسك على اعتذارك ولا ابڪي عند رجلك مافهمتك؟.
عروب : ليه تتصرف ڪذا؟.
قسور رفع حاجبه بذهول : أنا انا ليه اتصرف ڪذا عروب اترڪيني ماودي ابڪيك .
عروب بخوف : طيب لا تروح .
سور ابتعد عنها :لا لازم اروح لأن ما ينفع اڪون معاك بنفس المڪان حاليا .
بدت الدموع تتجمع بعينها وهي بتموت لو مشى عنها لأنها مهما حاولت تبين انه ما يهمها الا ان وجوده يريحها وڪثير وما تحس نفسها غريبه بوجوده قرب للباب ونطقت بنبره على وشك البڪاء : قسور رجيتك لا تروح .
غمض عينه يحاول يسيطر على نفسه لأن تهزمه هالنبره تهزمه وعروب بأڪملها تهزمه .
عروب بڪت بدون شعور وهي تنطق بعدم شعور : خذني خذني بعثرني الشتات !.
التف لها وهو يناظرها وبڪت وهي تقرب منه وترتمي بحضنه وشد عليها مباشره وهو يقبل راسها ونطق بإنهزام مباشر : اسف اسف ياعيون قسور إنتي .
----------------------------------
- بععد ايام في عرس سسدن .
لحظات ما عاشتها بتاتا مع سراج شعور المغص اللي يجي من الخوف لأن حتى بعد ما خبرتهم جدتها بأنها ڪأنت متزوجة ولد عمها وما صار نصيب ظل مصر عليها ويبيها ومصدومة من اصراره وهو مايعرفها لڪنها بعد صلاة الاستخاره والراحة العجيبه اللي حاوطتها ايقنت بأن الشخص المناسب اللي دعت ربها يجبرها فيه هو ووصل ومثل مادعت ربها ينسيها سراج وحبها له دعت بأن يڪون الجبر عوض من لحظة ما خطبها لحد لحظة عقد القران ولبس الخواتم والحفلة البسيطة اللي سووها ببيـتهم حنيته عليها حتى بتلبسيته للخاتم ويعاملها ڪأرق شخص بالعالم جعلت قلبها يهوى بسرعة وتحبه ورغبات بكاء شديدة تنتابها لأن اللي يصير ڪثير عليها وخاصـة بأن محد منهم حسسها بالغرابة لأن ملهم نفسه رافض احد يعاملها بسوء سبحان من سخرها له وترڪها من اول لقاء يحسم امره بأنها ماتضيع من يده ويخطبها لأن يشوف نفسه ما يستاهل الا هي .
مسڪت عروب يدها وهي تبتسم بشدة وتحتضنها قبل تمشي : الحقتني وين ما اروح حتى يوم طلعت من العايلة جيتيني .
سدن وهي ماسكة البڪية بقوة : تڪة وابڪي لا تقولين ڪذا لجل ما ابڪي وبعدين يعني ما ودك فيني .
عروب ضحكت وهي تطبطب على خد سدن بحنيه : لا تبڪين امزح انا وبعدين انتي اترڪي ملهم وانا اترك قسور ونجلس مع بعض .
ضحكت سدن بهدوء وهي تحس ان توترها يخف بسبب عروب باست خدها وهي تبتعد : آسر ينتظرني برا لازم امشي تاخرت عليهم .
سدن مسڪتها قبل تمشي : ليه مو قسور؟.
عروب بهدوء : قسور صدع ورجع البيت من ساعه ونص تقريبا لا تهتمين فينا واهتمي بنفسك تمام .
سدن هزت راسها : بس خفي على الولد ڪثير اللي تحمله .
عروب ابتسمت بخفوت : انا اللي مريت في ڪل شي .
شتت انظارها : طيب خلاص ملهم بيقتلني لو جا وشافني معاك انتبهي لنفسك .
ابتعدت وهي تخرج ودخلت البيت خلف آسر وموج
ابتسمت لموج وهي تاشر لها بـ باي ووقفت من نطق اسر بهدوء : فجر بڪلمك شوي انتظري .
ناظرت موج باستغراب وهزت موج اڪتافها بعدم معرفه : عن اذنڪم
وقفت عروب امام اسر وهو يمد يده لشماغه يشيله ويبعثر شعره بصداع : مو ڪثير اللي تسوينه في قسور؟.
عقدت حاجبها باستغراب : ليه شسويت له شاڪي لك يعني .
آسـر : انا قلت هو قال لي شي عروب ما تشوفين الڪل ملاحظ تصرفاتك مع قسور .
رفعت حاجبها بهدوء : ما اشوف فيه شي يعني مافهمت وش ودڪم اسوي لجل تحسون مابينا شي .
آسر بصرامة : فجر اڪلمك من جد ممڪن ما تطقطقين .
عروب ضحڪت بسخرية : يهالقسور اللي ڪلكم تتهموني منه مافهمت وضعكم يعني .
آسر : تعرفين ليه رجع قسور من وسط العرس؟.
عروب بهدوء : لان مصدع .
آسر ناظرها بصمت وهو يحس ان اخته ما تستوعب : ماودك تسوين عرس مثل سدن؟.
عروب بجدية : لا
آسر : يعني عادي ما ترجعين تتزوجين قسور .
عروب ضحڪت بعدم استيعاب : وش وضعك آسر يعني لما اسوي حفلة اصير ودي اتزوج قسور مرتين ولا ڪيف؟.
آسر تنهد وهو يمسح على وجهه ومسك وجه عروب بهدوء : فجر ياحبيبي قسور تعبان تمام تعبان ڪثير لا تشوفينه يتڪلم ويروح ويجي تراه بالحيل يتحرك لا تصيرين انتي والشغل وعلي الغانم عليه ارجوك .
عروب بهدوء : انا ما اشوف فيه شي !.
آسر ضحك يحاول ما يعصب وهو يبتعد عنها : انا استسلم منك حرفيا استسلم .
ابتعد عنها وهو يصعد وناظرت بشتات وعدم استيعاب حقيقي من ڪلام آسر : يعني وش فيه قسور ما يترڪون الواحد بحاله .
صعـدت لجناحهم وهي تفتح الباب بتعب وتسحب طرحتها جلست بالصالة تريح جسمها وتفكيرها بڪلام آسر ووقفت وهي تفتح الباب بشويش ظنا ان قسور نايمووقفت من القته خارج من الحمام ينشف شعره
ورفع راسه لها : جيتي .
هزت راسها وهي تناظره : للحينك مصدع .
هز راسه بهدوء وهو يمشي اتجاه التسريحه تنهدت وهي تطلع لها بجامه وتسحبها وتدخل الحمام خرجت بعد مدة وعقلها ڪله تساؤلات هو حتى ما شافها ولا مدحها لهالدرجة مل بلعت ريقها بغصة لأنها خافت ان قسور تتغير معاملته لها وتندم صبر وڪثير تتعدل مره وتنقلب الف مره خرجت وعيونها عليه عاقد حاجبينه من شده الصداع ويقرأ ڪتاب بدون شعور قربت وهي تدخل بجنبه على السرير والتف لها باستغراب هدوءها : فيك شي؟.
هزت راسها بنفي مباشر : اڪلت شي .
هز راسه : مو مشتهي
ناظرت لبڪت الدخان اللي بحضنه : وين تشتهي وانت تشربه .
قسور ببرود : اتمنى ما تتدخلين بهالشي .
ناظرته لمده طويلة : ممڪن ما تڪلمني بهالنبره .
قسور : وڪيف ودك اتڪلم معاك حضره الاميره؟.
عروب بنبره مبحوحة : قسـور .
قسـور ببرود : فجـر .
عروب : اسمي عروب .
ضحك بسخرية : والله وين اللي تهاوشني اسمها فجر لا ناديتها عروب شفتي انك تعانديني بس انا .
عروب ناظرته بهدوء : مافهمت ودك اعاملك ڪيف .
قسور : ودي تڪفيني شرك وبس .
عروب وصدماتها من اسلوبه تزيد بلعت ريقها : ممڪن ما تڪلمني بهالشڪل .
قسور : لا عدلتي اسلوبك حاڪيني يا بنت عمي .
عروب بغضب : مب بنت عمك انا .
قسور باستفزاز : ايه رجعتي بنت علي صح .
ناظرته بقهر : اڪرهك قسور .
قسور بهدوء ؛ قلت شي جديد؟.
دمعت مباشره وهي تناظره بصدمه وعضت طرف شفايفها بقوه شتت انظاره من شافها وهو نقطه ضعفه دموعها لڪن الشي زاد عن حده يضعف امام دموعها ويصير هو الغلطان وترجع تڪرر غلطتها ماڪانت تقصد بڪلمه اڪرهك الڪره بتاتا بل العڪس لڪنها ماتقدر تبوح فيها تحس ان بتخدش شي فيها وصدمها رده فعله وڪأنه متوقع شي ومتيقن فيه وهي عڪس هالشي تماما تحبه لڪنها ماتقدر تعبر له تموت فيه لڪنها تحس ان لو بينت بيتغير لڪن تغير من معاملتها له وتعرف انها لو واصلت بتخسر اڪثر عروب بتظاهر للقوة : لانك مصدع مابرد عليك .
قسور بهدوء حط راسه بوسط حضنها بتغيير للموضوع : لأني مصدع وزوجك المفترض تسوين لي مساج .
تصنمت تماما لأنها ڪانت تتمنى تقوله هالشي لجل تبين له ان فيها الخير وتحس لڪنها خايفة تنكسر لو بادرت ترددت تمد اصابعها لراسه لكنها تنهدت اخيرا
وهي تمسج شعره بصمت حست بحرارته مرتفعه والتزمت الصمت وشافت ابتسامه خفيفة تظهر على وجه قسور ترڪتها تهدي عواصف قلبها ڪلها فتح عينه بعد مدة ولما توقفت ظنا منها ان نام ونطقت
بخوف : مانمت
قسور اعتدل وهو يبعثر خصلات شعره لتنزل على وجهه بعشوائية : لو ادري ان اصابعك سحر وبتشيل الصداع ڪان استغليتك من زمان .
عقدت حاجبها بعدم فهم : استغلال؟.
ضحك بهدوء من مالمح وجهها ومد يده يبعثر شعرها : انتي لو تترڪين الترڪيز على ڪل ڪلمه وتفڪرين فيها وتعيشين بحرية ڪان ما ڪنتي ڪذا صدقيني .
عروب بهدوء : ڪنت شاكة لڪني تاڪدت انك مريض نفسي لازم تتعالج .
قسور بروقان عڪس ماكان عليه : يعني نحجز
بالطب النفسي غرفة لك وغرفة لي .
ضحكت بصدمه : انا صاحية .
قسور بطقطقة : مرررة
ناظرته بصمت وسڪت هو بعد جلس بقربها وهو ينطق بارهاق : لمتى عروب؟.
عروب ناظرته بهدوء : لمتى ايش؟.
قسـور : تتصرفين ڪذا ماتحسين انك ظالمه نفسك .
نزلت عينها بهدوء : ما اعرف
قسـور تنهد وجا بيمشي مسكت ذراعه : وين بتروح؟.
قسور : بخرج
عروب ؛ لا
قسور رفع حاجبه بإستنكار : ليه اجلس؟.
عروب : مايصير تجلس ونسولف يعني .
قسور : نتهاوش قصدك .
عروب هزت راسها بنفي : لا نتصافى اشوف وش غلطي وتشوف وش غلطك مايصير؟.
قسور تنهد وهو يقبل جبينها : ماودي تجبرين نفسك على شي اترڪي الوضع .
عروب نفت براسها ونطقت بإصرار : ودي ينتهي الموضوع الليلة .
تنهد وهو يجلس بقربها حڪت ڪل اللي بقلبها وهي الزلات ماسڪه يده بدون شعور منها وتشد عليه كل ما حست بتبڪي تفهمه بأن الشي مو بيدها وان هي نفسها ما تعرف وش تحس من ڪثر اللي مرت فيه ومهما تڪلمت مع آسر فهي لآلن مو مصدقة ان آسر اخوها وتحس انها تتصرف بعفوية تماما مع قسور وتحب تطفشه لأنها تحبه خافت ڪثير تنطق بڪلمه احبك وحاولت تدور اڪثر من مصطلح يغير المعنى لڪنها بدون شعور نطقتها وسڪت من بعد ما حست بانها جابت العيد ومن ڪلام قسور وردوده لها حست بأن فعلا جلسة المصارحه ذي ڪانت تحتاجها من بدايه علاقتهم لأن قسور ما يستاهل اللي حصل له جمدت ملامحها تماما من حاوط وجهها وباس خدها وطرف شفايفها لما انهى ڪلامه : وانا بڪل حالاتك بحبك ومستحيل يتغير شعوري اتجاهك يوم حطي هالشي ببالك زين .
نزلت عينها برعب وهي الزلات بين ڪفوف قسور رفعت عينها له وظلت تناظره بصمت وبللت شفايفها بتوتر وهي تقرب له وتبوس خده بالمثل : شكرا لأنك فهمتني .
احتضنها بقوه وهو الود وده يدخلها بضلوعه ما تدري وش المشاعر اللي انتابتهم ابدا ولڪنها تحس بأنها بين الغيوم .
----------------------------------
- ععند سراج .
بطلنا اللي اختفى تماما عن ڪل اللي بالسعودية وبعد ما حس بأنه لو واصل باڪتئابه ممڪن يوصل لالنتحار لجأ مباشره لدڪتور نفسي يشوف حالته و هذا سبب اختفائه التام عن عايلته قطع التواصل تماما فيهم لأن وده يتعالج تماما عن اللي يحسه ويفتح صفحة جديدة بحياته بشخصية صحية فڪريا غير متعلقه بشخص وممڪن يعيـد اي شي خسره بأي وقت لڪن المهم بأن ما يتعلق بشخص ميت ويشوف حياته لأن الوحدة تخوفه وڪثير . .
--------------------------------------
-بعـد شـهور .
شهور طويلة على أبطالنا تصل قرابة السنتين بـ بيت هزاع وميـان والبيبي الجديد اللي نور حياتهم هزاع اللي اقل ما يقال عنه " ميت فرح " على صـقر "ولدهم " ومن ڪثر محبته لشاهين الصقر قرر يسميه صقر على ڪل اللي مروا فيه هو وميان الا ان انتج ثمره لحبهم بيبي صقـر على رفض ميان فڪروه الحمل خوفا فترة طويلة من انها تڪون مع هزاع مثل امها وابوها معاها ويعيش الطفل بقوقعه عاشتها هي مسبقا وڪانت تبڪي وڪثير بدايات حملها من شده توترها بأنها فعلاً ماتقدر تربيه او تقصر بتربيته وانها غير مستعده له ابدا لحد ما راحت وسمعت نبضه تغير ڪل شعور فيها ڪرهت نفسها لانها فڪرت مجرد تفطير بأنها تسقطه لانها مو قادره وتعلقت فيه مباشرة صارت تعد الايام لجل تخلص حملها ومن عرفت بأن " ولد " وهي تفڪر بإسم صحيح ان الاسم اختيار هزاع لڪن طان بموافقتها لان هزاع مستحيل يسمي بإسم
ترفضه ميان ماتوقعت حياتها بسنتين بتتغير لألحسن لألفضل لشخصية هي ما فڪرت فيها حتى لحيـاة اقرب للمثالية زوج محب حنون صبور ومتحمل وطفل جميل ياخذ من صفاتهم الاثنين وهزاع ابدا مو مقصر معاها وبالعڪس وده ياخذه معاه حتى شغله لجل ما يشتاق له من حبه يحاول ولا زال يڪافح بأن يعلمها بأنها شي ثمين بحياته وان ڪل شي يخصها يحبه ويسڪت ألجله عشانها . .
-------------------------------
- غسـق وعساف .
اللي خطبتهم ڪانت بسيطة وعرسهم أبسـط سافروا بعدها بحڪم شغل عساف لقطـر واستقروا فيها و صاروا بالاجازات يترددون للسعودية ماتوقعت غسـق بأن اللي تهاوشه قبل يصير زوجها الحين زوجها اللي تحبه واللي مرتاحه معاه ومثل ما هي مرتاحه فـ عزف اللي ما جبنا طاريها بروايتنا ڪثير بذات الراحة عزف اللي ڪادت تموت حزنا واڪتئابا لولا لطف الله وثم مساعدة همام لها ڪان يوسف بمثابة أخ قريب لقلبه وحزنه عليه ماڪان اقل حزن من عزف ڪان همام يعرف ان يوسف حاول يوصي بشتى الطرق على عزف بس بدون ما يقوله لأن يعرف صلة القرابة بينهم الاثنين ومن المستحيل يخرب شڪل عزف بنظر همام ويفرطوفيها ومستحيل يقول لهمام ڪلام مثل هذا وهو ماڪان عنده نية زواج مستعجلة لأن ڪان يحاول يڪدح لجل ياخذها ومن يوم عرفها ليلة موت يوسف وهو قريب منها ڪثير يحاول يشتت تفكيرها ومايتركها لحـد ما قرر يخطي الخطوة اللي حسها كثير عليه ولڪن لجل ماتكثر الاقاويل وكان متوقع الرفض الصريح ولها ڪامل الحق لڪنها وافقت وتزوجوا فعلاً . .
---------------------------------------
- عروب وقسـور .
ماتوقعت عروب بأنها بوقت قصير ممڪن تڪون ام لطفلين" منـاف و ڪيـان "مناف اللي عمره سنة و 5 شـهور وڪيـان اللي تو انجبتها قبل أسبوع تقريبا قسور ڪان من بدايته طاير بـ مناف لڪن تعلقه بكيان ڪان اڪثر وبشڪل ماهو طبيعي الان فيها من عروب ڪثيـر وممڪن تڪون النسخه المصغرة من
عروب مناف ماڪان اقل شبه بأمه ولڪم ڪان ياخذ من ملامح الڪل الا ڪيان من بدايتها ڪأنت متفردة وعلى ان ملامح الطفل تتغير بداية والدته الا ان كيان ڪانت واضحه تشبـه عروب وڪثير . .
-------------------------------------
- آسـر ومـوج الڪوبل الحنون .
الڪل يشوفهم الڪابل الهادئ اللي ينضرب فيهم المثل بالعالقات لأن دايما ڪانو يظهرون بأبهى حلى حتى ولو ڪان بينهم مشاڪل لأنهم مقتنعين تماما بأن ولا احد له علاقة بمشاڪلهم ولأنهم يڪرهون اساسا التدخل فـ اختيارهم لهذا الطريق ڪان راحة لهم وعليهم وبحڪم شغل موج وانشغالها ومع الاتفاق مع آسر لحد هاللحظة ما انجبوا . .
--------------------------------------
- ععند سسدن .
مرينا على الڪل الا سـدن سدن اللي من بداية روايتنـا واحنا نتڪلم عن حب الطرف الواحد وشلون يعور ويڪسر ويحس نفسه معصوب العينين ومڪبل اليدين لأن مايعرف شلون يتخلص من شعور الحب ولا يتخطى ولا حتى يبادر للشخص الثاني بأن يحبه وكلنا نعرف ان لما ندور على الحب مانالقيـه لأن الحب صدفة ومايجي لما ندور عليه لذلك سـدن جاها الحب لما هي مافڪرت فيه جا على هيئة عوض من ملهم وحبها حب شريف توجه بزواج مباشر وانتج ثمرة حب واحترام احلى نونو صغير يبلغ من العمر 10 جمانن . .
--------------------------------
- لقاء الابطال الأخير بـ بيت عروب وقسور .
او نقدر نوصفه بـ البيت المحروق سابقا من قبل عروب بعد الترميم عروب اللي جمعت عايلتين فرقها حب ابوها الحقيقي لأبوها المزيف فهد وسليمان اللي طول عمرهم أصدقاء لحد ما صارت المصيبـة وافترقوا جمعتهم الحفيدة اللي بينهم سليمان اللي مارس عليها لأبوة قبل لا يڪون جدها وفهد جدها الحقيقي اللي من عرف بأنها بنت ولده وهو يعاملها معاملة مختلفة تماما عن باقي حفيداته ليعوض ڪل وقت ڪانت بعيده عنه آخـر الليل بعد ما مشوا الجميـع عدا الشباب بمجلس الرجال قسور جالس بجنب هزاع يلعبون سونـي وبمقابلهم همام رعـد ملهم يلعبون أونو ترك هزاع يد السوني وهو يضحك بإنتصار على قسور المڪشر : اڪسر راسك ياغبـي بسرعة العشا علـيك .
قسـور التف لولده منـاف اللي بقربه : تدري لو ما هالحلو يسمع ڪل شي نقوله ويلقطه ڪان وربي صارت علوم .
هزاع وهو يدور على جواله : اقول لا يڪثر بس وش العشا .
دخـل آسر وبيده ڪيان وفز قسور من شافها : حي من جا .
ضحك آسر وهو يشد على ڪيـان : روح طول الوقت عندك وانا خالها ماشبعت منها .
قسـور : يالاخو تراها بنتي .
هـزاع وهو يعدل ثوبه : آسـر شفت برا
قاطعه آسـر : اي اي بس قال بڪمل دخان وبيدخل .
ملهم باستغراب : من اللي جاي؟.
هزاع : سراج ولد عمي .
ملهم وقف : حياه الله .
قسـور باستغراب : وين بتروح؟.
ملهم : حرمي داقة علي تقول جمان تبڪي باخذها .
رعد القى نظره سريعه على المڪان ونطق : يا شباب هو قلنا تزوجتوا وخنتوني حلو لڪن قالبين المجلس حضانه .
قسـور : اقول اسڪت بس لا يڪثر .
رعد رمى عليه علبه الموية الي بجنبه : احترم عمك يا حمار .
دخل سراج بابتسامة هادية وهو يلقي السلام واحتضنه هزاع : يا هلا مابغيت تسمع ڪلامي وتطلع من قوقعتك .
سـراج ابتسم : تعرف الشغل ڪيف صار على راسي .
قسـور : رجعت للتحقيق؟.
سـراج : الحمدالله احاول ارجع حياتي السابقة
هـزاع ابتسم براحة وتوتر مباشرة بدون شعور من شاف ملهم يدخل وبيده جمان .
ابتسم سراج مباشرة من سلم عليه ملهم وهو يجلس بقربه ويالعب جمان فز قلب سراج مباشرة وهو يمد يده : يصير اخذها؟.
ملهم ضحك : اڪيد يصير بس السؤال هي بتجي
لك .
مد سراج ڪفوفه بتردد وابتسم بتوسع من قبلت جمان ياخذها ويلعب معاها قربها لعنده وهو يحتضنها وريحة عطرفاحت منها عطرها رغم ان ما جلس معاها ڪثير الا ان يذڪره ومستحيل ينسى هالريحة بتاتا التف لهزاع اللي يطقطق بجواله ونطق : بنت مين هذي؟.
هزاع اعتدل بجلسته وهو ينطق بتردد : بنت سـدن .
انحبس نفسه تماما من نطق هزاع بهالڪلمة وهو يناظر جمان بابتسامه حزينه ارتسمت على محياه ڪان راح يڪون ابوها لو ما فرط فيها وعرف أن خسر اخر ما تبقى من حياته السابقة اللي حاول يعدلها . .
جاني ولدها مبتسم بين الاطفال
ومن بسمته ذڪرت انا بسمة امه
ساعة حضنته وطفل في يدي مال
وشميت ريحتها على اطراف ڪمه
ليت الغياب الي شغل غربتي طال
و لا يدور العاشق على حرق دمه
مجبور أعود واشتكي لكل الأجيال
بنفس حزينة تايهة مستهمة
رجع غريب سڪته شوك ورمال
يموت يحيى يندفن ماهو همه..
-------------------------
النــــــــــــــــــــهايــــــــــــه.