بارت8
*⏎[ رواية الانفجار «الملاك الأسود»💗🎀🔥 ]*
`سيُنقظڪ اللَّــٰــه فـِ اللحظه المُناسبه لا تقلق`
`من اجمل قنوات الوتساب لروايات ادخلوا اعملوا فولو للقناة:`
> قناة عشاق قراءة الروايات 🖤🌿
https://whatsapp.com/channel/0029VawrkriJkK7IPpotVR1L
> تم مشاركة الرواية من قناة حكاية في رواية في الوتساب: تابع قناة حكاية في رواية 🩷🎀في واتساب: https://whatsapp.com/channel/0029VaDlnq3D8SE0iENtWr3G
`فلسطين حكاية الأرض ونبض القلب فلسطين عربية حرة`
> تابع قناة قناة فلسطين تمضي وحدها 🇵🇸❤️🩹: https://whatsapp.com/channel/0029VauXwfu9xVJho5kKji0M
*`ثانيًا إِبعد عن البني آدمين دول خطر 😔😂🧡🧡🧡🧡🧡)".`*
تابع قناة قناة شوية'ة ونس ♥🫀في واتساب: https://whatsapp.com/channel/0029VaudApqJpe8XUe985o41
22/23/24
لتفعيل الوضع الليلي، تكبير الخط، نوع الخط
شاهد الآن
نظر الجميع بدهشه لوعاء الملوخيه وجدوا شئ يطفوا فيه نظر الجميع بتعجب كبير
احمد /ايه ده ايه اللي في الملوخيه
عبدالحميد /انتي اعمي ده الأرنب
نظر الجميع له بصدمه
شيماء /انت حطيت الأرنب في الملوخيه ياعبده
عبدالحميد بفخر /اه كنت بعم ملوخيه بالارانب
علياء وهي تبلع ريقها /عملته ازاي يابابا
عبدالحميد وهو يشرح بفخر شديد /اول ماعملت الملوخيه سبتها علي النار ورميت فيها الأرنب
ماكس وهو ينظر بتعجب /انا مش مصري بس اظن البتاع ده مش بيبقي كده
احمد /لا مصر اتبرت من عبده واكله الشيف الشربيني فخور بيك
شيماء بضحك /ياتكاتك يا حركاتك ياعبده ايه الحلاوه دي يابني
ضحك الجميع عليها وقرصها سامر من خدها مسحت هي على خدها ونظرت له بسخط
سامر بضحك /لا اساءه ياعمي بس اسف مش هقدر اكل الاكل ده
شيماء /ولا انا العمر مش بعزقه
ماكس /احم احم انا عندي حساسيه من الملوخيه اساسا
نظرت إيلينا ببسمه عليهم ثم نظرت لاياد لتجده ينظر لها بنفس النظرات التي يرميها بها منذ خروجها من المشفي
عبدالحميد انتم اللي غلطانين وسعوا كده انا هدوق اخذ عبدالحميد ملعقة 🥄 ملوخيه وعندما تذوقها انكمشت ملامحه بتقزز
عبدالحميد نظر لأحمد الذي يأكل جبنه قديمه وقال ليتهرب من أكل طعامه /ايه ده هو انتي جبتي الجبنه اللي بحبها يا امال ياه عليكي ليه مقلتيش من بدري خلاص بقي هاكل انا جبنه مع احمد وانتم كلوا رز وملوخيه
احمد وهو يسحب الطبق بخبث /لا معلش ياعبده كل الملوخيه بتاعتك الجبنه موجوده علي طول مش هطير.
عبدالحميد بخبث اكثر /علي رأيك الملوخيه بتاعتي حلوه ده انا حتي بفكر اعلمها لعلياء عشان لما تتجوزوا
ثم اصتنع التذكر /اه صح نسيت انكم مش هتتجوزوا دلوقت لسه بدري
نظر له احمد بفزع ووضع الطبق أمامه /بالهنا والشفا ياغالى علي رأيك مفيش احلي من الجبنه والخير بتاع زمان ده
امال ضاحكه/كنت عامله حسابي اساسا
نظر الجميع لها اخذت علياء
دخلت للمطبخ وخرجت هي وعلياء يحملون علب بيتزا كثيره
علياء /ماما اول ماعرفت ان بابا هيطبخ طلبت بيتزا هههههههههه
نظر الجميع لها بفرحه علي انقاذهم
احمد/طب ياعبده بالهنا والشفا انت انا هكمل اكلي بيتزا
عبدالحميد /وانا كمان اصل زي ما انت قلت الجبنه موجوده مش هتطير يعني
ضحك الجميع عليهم
وضعت علياء البيتزا واحضرت المشروبات
واجتمع الجميع يأكل في جو ملئ بالبهجه والمرح ومشاكسات عبدالحميد واحمد وشيماء وانضم لهم ماكس الذي شعر ولأول مره مامعني كلمه دفئ العائله
ولكن ليس الجميع سعيد فهناك البعض محتار والآخر حزين
طرقت غاده منزل والدتها
فتحت لها سوزان (بنت خالتها الكبري)
سوزان وهي تمضغ اللبان بطريقه مقززه /غاده ايه اللي اخرك
غاده وهي تنفخ /معلشي اصل مكنتش فاضيه
سوزان وهي تنظر لعاصم /من حقك يا اوختشي.
لاحظت غاده نظراتها لزوجها فمسكت يده تلقائيا /طب ايه ياسوزان هنفضل علي الباب كتير
سوزان /لا ياختي ادخلي هو حد منعك
غاده /طب وسعي عشان جوزي يعرف يدخل
تنحت سوزان جانبا ودخل كلا من غاده وعاصم تحت نظرات سوزان لعاصم
دخلت غاده وجدت بنات عمها تجلس ومنهم المسطحه علي الارض ومنهم بدون حجاب ومنهم من ترفع عبائتها نظرت غاده بصدمه ثم سحبت زوجها مره اخري للممر بجانب الباب اما هو فبمجرد ان لمح واحده مسطحه انزل عينه فى الأرض وكان سيعود ادراجه ولكن وجد غاده تسحبه
غاده /ياستير يارب هولي شيت
عاصم بخجل كبير من الموقف /احم بنت خالتك منبهتناش ليه
غاده وهي تلوي فمها /سوزان تنبهنا انت طيب استني هنا هدخل اقولهم يتلموا
غاده /السلام عليكم
الجميع رحب بها الترحيب المعروف (غاده يخربيتك تخنتي بعد الجواز) (مش بتسألي ليه يامعفنه) (عاش من شافك) ( امال فين جوزك مجاش ولا ايه)
غاده متجاهله حديثهم /معلش ممكن تعدلوا نفسكم عشان جوزي بره ومش عارف يدخل
إكرام (والده سوزان) /مايدخل هو غريب يعني
غاده /يدخل ازاي ياخالتي وكلكم نايمين كده لو سمحتوا اتعدلوا
سوزان /الله جرا ايه ياغاده براحه علي نفسك ياختي شويه ليطقلك عرق
غاده وهي تتجاهلها /انا اساسا غلطانه اني جيت اشوفكم عن اذنكم
ذهبت غاده لعاصم في الممر
عاصم /مالك ياغاده
غاده وهي تسحب يده /غلطت لما جيت هنا والله يلا نمشي من هنا
عاصم /استني طيب ميصحش كده
غاده /لا يصح مع دول يصح اصلا مكنتش حابه اني اروح وروحت عشان انت اصريت عيلتي مش زي ما انت متخيل ياعاصم وصلوا لمنزلهم وفتح عاصم الباب وادخلها وأغلق الباب ثم جذبها لحضنه / مالك الصغنن بتاعي لاوي بوزه كده ليه خلاص ياقلبي مش نروح خلاص منروحش
غاده نظرت له ولحنيته وشكرت الله علي تعويضه لها (فالله اذا أغلق باب بحكمته فتح الف باب برحمته)
عانقته غاده بشده /ربنا يديمك ليا يارب ياعاصم انا بحبك اوي اوي
عاصم وهو يبادلها العناق /وانا كمان ياقلب عاصم
غاده وهي تبتعد /روح انت ريح شويه وانا هحضر لك غدا إنما ايه حكايه
عاصم وهو ينظر لها نظره تعجب /هتعملي ايه
غاده /مفاجأه يلا روح انت ريح لحد مايخلص
عاصم وهو يضحك عليها وهي تدفعه للداخل /طب اهدي طيب هنزل اجيب حجات
توقفت عن دفعه /حجات أيه
عاصم وهو يقرص خدها /هجيب شيبسي وبيبسي وفشار وشويه تسالي كده عشان نسهر مع بعض اشطا
غاده /اشطا
هبط عاصم لاسفل العماره وذهب ناحيه السوبر ماركت ولكنه في طريقه سمع همهمات غريبه اقترب من الصوت حتي وصل رأي..........
انتهي العشاء وجلس ماكس مع عبدالحميد وامال يتحدث معهم فقد احبهم كثيرا
وذهب احمد مع علياء للحديقة الخلفيه كان أحمد يجلس أسفل الشجره التي اعتاد اللعب تحتها مع شيماء وعلياء في صغرهم
احمد ببسمه /فاكره ياعلياء واحنا صغيرين كنت بحب العب معاكي اوي وكان إياد يزعقلي ويقولي متلعبش مع البنات
ضحكت علياء لتذكرها /اه وانت كنت تقوله دي مش بنات دي مراتي
احمد بضحك اكثر /بعدين اخد علقه محترمه من إياد ويقولي متقولش علي أختي مراتك
ضحكت علياء /بجد كانت ايام حلوه جدا
نظر احمد لعيون علياء /كانت حلوه لأنك كنتي فيها ياعلياء
علياء بخجل نظرت اليه /احمد انا
ابتلع احمد باقي كلمتها حينما قبلها وجذبها اليه اكثر
في غرفه شيماء كان سامر يحتضن شيماء
شيماء /سامر
سامر بتخدير وهو يستنشق رائحه شعرها /هممممم
شيماء وهي تستدير لتواجهه /شكرا لانك هتساعدني
سامر وهو يسند جبينه علي جبينها /بتشكريني علي ايه ياقلبي انتي تأمري بس
شيماء وهي تبتسم وتنظر فى عينه /مش مصدقه ان اللي قدامي وبيقول كده هو ابيه سامر اللي كنت بترعب بس ابصله
نظر لها بتكشير /انتي هتقوليلي انتي كنتي بتغظيني اوي بابيه دي وهزارك مع احمد لا وكمان بتدلعيه
ضحكت شيماء /ياناس علي اللي بيغير
سامر ببسمه /اكيد بغير وبجنون كمان
شيماء بضحك /هتقولي كفايه نظرتك يوم مابابا قال ان في عريس متقدم ليا
سامر /يوميها حسيت اني هموت وحسيت اني هخسرك
شيماء /اليوم ده شوفت نظرتك ليا بس كدبت نفسي وقلت انك بتعتبرني اختك بس
سامر /اعمل ايه مكنتش حاسس بنفسي كل اللي كنت حاسس بيه اني بخسرك بسبب برودي واياد هو اللي وعاني وقالي اعترفلك قبل ماتضيعي مني
ويوم مابعت ليكي الرساله إيلينا هي اللي نبهتني اني هخسرك انا غبي اوي في العلاقات ومش بعرف احافظ عليها
مسكت شيماء وجهه وقبلت عينيه وجبينه وخديه ثم جذبته لاحضانها /دايما هتفضل في قلبي ياعمري ودايما مع بعض ياسامر
في غرفه إياد وايلينا خرج إياد من الحمام وهو يلف. منشفه حول خصره ذهب ناحيه الدولاب ليحضر ملابسه وايلينا ممده علي السرير
إيلينا وقد اكتفت من بروده /إياد
لم ينظر إليها
إيلينا /إياد رد عليا مالك هو انا عملت ايه عشان تتجاهلني كده
كان إياد انتهي من ملابسه وذهب وتمدد علي الفراش ونظر للسقف بدون حديث
إيلينا /إياد انت....
صمتت بصدمه عندما رأت دموعه تنزل بصمت وهو شارد بالسقف
إيلينا بقلق شديد /إياد انت مالك في حاجه بتوجعك رد عليا يا اياد لو سمحت
ازدادت دموع إياد اكثر
إيلينا وقلبها يكاد يخرج من الخوف /في ايه يا اياد متخوفنيش
نظر لها إياد بعيون حمراء من البكاء وقال بصوت مبحوح /انا خايف
نظرت له إيلينا بتعجب كبير ولكن لم تفكر مرتين قبل أن تضمه لصدرها وهو كأنه كان ينظر هذا عانقها بشده وازدادت دموعه
إيلينا /مالك يا اياد خايف من ايه
إياد وهو ينظر لها بدموع /خايف اخسرك يا ايلينا
إيلينا /ليه بتقول كده بإذن الله خير
إياد /انهارده لما جبريل ضرب رصاصه ولقيتك مرميه قدامي كده حسيت ان روحي بتتسحب مش عارف ممكن يحصل ايه في المهمه مرعوب من فكره اني ممكن اخسرك
عارف انك انصبتي قبل كده كتير بس دي اول اشوف بتنصابي قدامي وبجد صعب اوي
ايلينا وهي تضم وجهه /اششششش اهدي كده بإذن الله خير وكله هيعدي على خير متقلقش بإذن الله هتخلص المهمه وكلنا بخير
كانت تقول هذا الكلام وهي لاتصدقه
إياد نظر لها/هو قالي كده برضو قبل مايموت
إيلينا بتعجب /مين
إياد بنظره حزن /اخويا
نظرت له إيلينا بصدمه /اخوك
هز إياد رأسه /اه اخويا زياد كان أكبر مني وكان قائد عليا وفي مهمه كانت صعبه كان هو قائد الكتيبه كنت مرعوب قبل المهمه جه طمني انه هكون بخير وهنرجع مع بعض
نظر لها بدموع /فعلا رجعنا مع بعض بس كان هو في النعش وانا شايله علي كتفي
ازدادت دموعه اكثر وشهقاته /كان دايما متعود يشلني علي كتفه جه اليوم اللي شلته انا شوفته قدام عيني وهو بينصاب يا إيلينا رجعت البيت انا وهو بس هو مان ميت
ضمتها إيلينا اليها بشده تعرف هذا الشعور هي رأت اخاها يقتل أمام عيناها ويعذب ابشع عذاب ابعدته عنها ومسكت وجهه /متقلقش بإذن الله هيكون خير انا عارفه كوبرا وعارفه طرقه وانت معايا وهتحميني لو حصل حاجه مش كده
هز هو رأسه /يبقي خلاص بقي متزعلش نفسك ولا تشيل الهم
ثم نظرت له بمزاح للتخفيف عنه /بعدين بسبب زعلك ده مدوقتش ملوخيه عبده.
نظر هو لها وانفجر ضاحكا عليها وضحكت هي أيضا نظر لها بخبث /طب ايه رأيك اروح اعملك انا ملوخيه بس بشرط
نظرت له /شرط ايه
إياد وهو يقترب منها / الشرط ده
إيلينا /شرط ا.......
اسكتها إياد بطريقته ليبدأوا حياتهم
ذهب ماكس مع سامر الي منزله وذهب معهم احمد لان والداه في المشفي مع هبه
فتح سامر الباب
سامر/ادخلوا يابني انت وهو
ماكس /اتي
احمد وهو يدخل /معندكش اكل هنا ياسامر
نظر له سامر /هو انت مش اكلت معانا هناك ده غير طبق الجبنه اللي خلصته
احمد وهو يخمس /الله اكبر في عينك احسدني بقا انا هدخل اشوف حاجه أكلها في المطبخ
ثم ذهب ولكنه عاد مره اخري
وسأل بتوجس /اوعي تكون اعتماد هنا
نظر له سامر ثم انفجر ضاحكا عندما تذكر ما حدث اخر مره عندما نام معه احمد /لا ماما مش هنا عند اختها
احمد وهو يتنهد بارتياح /طب ادخل انا بقي
ضحك سامر عليه
ماكس /لماذا تضحك هكذا
سامر ضحك اكثر / اصل اخر مره كان أحمد هنا حصل موقف بينه وبين امي كده إنما ايه مسخره
Flash back
كان المنزل هادئ ومظلم وكان احمد ينام مع سامر هبط احمد السلم ودخل المطبخ لكي يشرب الماء وكان المكان مظلم دخل احمد واتجهه للمطبخ ولكن عندما كان يسير اتكعبل في شئ وقع احمد وهو يتأوه وكان مسطح في الأرض أدار عينه في المكان ولكن توقفت عينه علي جسم ملقي علي الارض نظر احمد له بخوف وفجأه صدح صراخه في المنزل /قتيييييييييييييييل
فاق هذا الجسم الملقي والذي لم يكن سوي اعتماد التي بدورها صرخت في وجهه وكان كلا منها يصرخ في وجه الاخر قامت اعتماد وخلعت نعلها (الشبشب) وأخذت تضرب احمد بقوه وهو يصرخ وهي تضربه /حرامي حيوان
وهو يصرخ /الحقوني
اعتماد وهي تضرب /يابجاحتك وكمان بتستنجد مني داخل المطبخ تعمل ايه يعني حرامي وطفس كمان كل هذا وهو يصرخ وهي تضربه بالشبشب
دخل سامر واضاء الانوار وجد المشهد كالتالي اعتماد تمسك احمد مثل الحرامي من التيشرت الخاص به واضربه علي جسده بالشبشب وهو يصرخ (عفريت).
سامر بصراخ /بسسسسسسس
اعتماد وهي تنظر لسامر /الحمدلله انك جيت يا سامر شوف الحرامي الطفس ده
سامر ببرود /هو طفس فعلا
احمد /جرا ايه ياعم انت متشوفها بدل ماتقتلني بالشبشب ده
اعتماد وهي تدقق في الصوت ثم نظرت لوجهه / يخيبك ياأحمد هو انت
احمد وهو يمسك جنبه بوجع /اه ياختي انا
اعتماد /وايه اللي مدخلك المطبخ دلوقتي يابني
احمد بسخط /كنت عطشان ياعالم يامفتريه
ثم نظر لسامر /ادي آخره اللي ينام عنك
Back
ضحك ماكس وهو يتخيل شكل احمد وهو يضرب بالشبشب
خرج احمد من المطبخ وهو يحمل ساندوتش ويأكل فيه /بتضحكوا علي ايه
عندما رأه ماكس ازدادت ضحكاته
احمد/ااااه مادام سخسخت كده من الضحك يبقي الموضوع له علاقه بيا
انفجر كل من سامر وماكس عليه وهو ينظر لهم بسخط
كانت ترقد مثل الملائكه اقترب. منها بحذر وخوف ان تستيقظ كان يسير كأنه لص حتي أصبح أمام سريرها بالضبط تحدث بصوت خرج هادئا ولكنه مرعب بحق /انا حذرتك من انك تدخلي اي مهمه بس انتي مسمعتيش الكلام بس معلش حسابنا لما تفوقي
ثم ابتسم بشر /ومتخافيش حقك هاخده وابشع الطرق مش بنت الشيطان اللي حد يفكر يأذيها ثم اقترب منها وقبل جبينها شعر بصوت يقترب فجأه اختفي كأنه مجرد شبح
كان عاصم يسير للسوبر ماركت فجأه سمع همهمات تصدر من زقاق ضيق اقترب بحذر خوفا من أن يكون أحد اللصوص ولكنه صدم عندما رأي سوزان مع شاب يتبادلون القبل بقذاره نظر لهم بقرف وكان سيذهب لولا انه وجده ينزع عنها ثيابها هنا كان يجب أن يتدخل صرخ بصوت جهوري /ايه اللي بتعملوه ده
رأه الشاب وارتعب منه حيث أن جسد عاصم كان ممتلئ بالعضلات بسبب عمله في الورشه فزع منه الشاب فاغلق ازراره بسرعه وركض من أمامه برعب ام يلحق به عاصم حيث انه دخل في شوارع متقطعه عاد إليها وجدها مازلت ثيابها مفتوحه وتظهر جسدها وتنظر له بشهوانيه اقتربت منه ووضعت يدها علي عنقه /فيه ايه انت معصب نفسك ليه
نظر لها بقرف وكان سيصرخ في وجهها الا ان قاطعه صراخ رجل اخر /استغفر الله ايه اللي بتعملوه ده انتم ايه انعدم الحياء منكم كده
نظر له عاصم وكان سيبرر نفسه ولكن سبقته تلك الخبيثه ومثلت الخوف /لا ارجوك استر علينا والله هو اللي ضحك عليا وقالي هتجوزك
نظر لهم الرجل بقرف ثم نظر للرجل معها وتفاجأ انه عاصم/انت ياعاصم اللي عامل نفسك شيخ ومش بترفع عينك في ست فعلا ياما تحت السواهي دواهي.
عاصم بصراخ /أخرس قطع لسانك انا أشرف منك ومن أي حد هنا وانا معملتش حاجه غلط
سوزان مستغله الموقف /اه صح هو كاتب عليا عرفي
نظر لها عاصم بغضب اسود /اخرسي انتي
الرجل بصراخ تجمع عليه الناس /تعالوا شوفوا اللي عامل نفسه محترم والكل بيشهد بأخلاقه شوفوا الباشا متجوز عرفي من قريبه مراته وكان ماسكها أحضان وبوس في نص الشارع
تجمع الناس وهم ينظرون له بنظره قذره
في منزل عاصم طرقات عنيفه علي الباب فتحت غاده برعب من هذه الطرقات /ايوه براحه هتكسر. الباب
فتحت الباب وجدت سيد (طفل يعمل في الورشه مع عاصم)
غاده /في ايه يا سيد هتكسر الباب ليه
سيد وهو ينهج /الحقي ياست غاده الناس تحت متلميه علي اسطي عاصم وفيه مشكله كبيره
غاده وهي تغلق الباب وتركض لاسفل /عاصم يانهار ابيض
ركضت خلف سيد حتي وصلت لتجمع الناس واستمعت لما جعلها تفقد عقلها بنت خالتها تقول ان عاصم تزوجها عرفي
نظرت أمامها بصدمه كبيره /.......
بينما كان يجلس الشباب طرق الباب فتح سامر وجده ادم دخل ادم ورحب به الجميع وجلسوا يتحدثون مع بعضهم البعض حتي ذهب كلا من ماكس واحمد للنوم بقي فقط ادم وسامر
ادم وهو ينظر لسامر /ها كنت عايزني في ايه
نظر له سامر نظره غامضه /دينا
انتبه احمد له /مالها
نظر له سامر /من نظرتك انا متأكد انك عارف انا عايز اقول ايه
ادم /انا معرفش انت بتتكلم علي ايه
سامر /الشاب اللي بيهددها
نظر له سامر وجده هادئ /مش قلتلك انك عارف انا اقصد ايه
ادم /ايوه ان ماعرفش غير....... (حكي له عن الرساله)
سامر وهو ينظر له جيدا /اللي متعرفوش ان الشاب ده كان جار دينا زمان
انتبه له أدم جيدا
تحدث سامر وهو ينظر لابن خالته /وحاول يغتصبها
نظر له ادم بصدمه هو لم يتوقع ذلك ابدا
ادم /.......
في قصر كوبرا
كان يصرخ بشده /حمقي كلكم حمقي فتاه صغيره تقتل رجالى واحد تلو الاخر
ثم التفت لادوارد /كيف فعلت ذلك وكيف علمت بشأن جبريل
ادوارد برعب /هناك فتاه تنكرت وعملت عند جبريل علي اساس انها سكرتيره وجمعت عنه كل المعلومات
نظر كوبرا ببسمه تخفي خلفها شر العالم /يبدو أن الفتيات اصبحن خبيثات جدا
كوبرا بضحكه شريره /اريدها عندي قبل الصفقه أريدها غدا
ادوارد /هل تقصد الملاك الأسود
كوبرا بنظره خبث /بل السكرتيره........
لتفعيل الوضع الليلي، تكبير الخط، نوع الخط
شاهد الآن
كانت الممرضه تغير لها المحلول فاقت نور من المخدر ونظرت بجانبها تري الأشياء غير واضحه اخذت تحرك عينيها فتره حتي وضحت الرؤيه اكثر رأت الممرضه بجانبها
نور بضعف/انا فين ومين اللي جابني هنا
الممرضه ببسمه /حمدلله على السلامه يا قمر هروح انادي الدكتور يطمنا عليكي
نظرت نور لها بتشوش ثم اغمضت عينها مره اخري لترتاح ولكن فتحتها عندما سمعت صوت أنفاس في الغرفه حيث انها تستطيع سماع اقل الأصوات نظرت وجدت رجال ضخمه في الغرفه نظرت لهم نور بتوجس وقالت في نفسها /مالك
ادم بصدمه /اغتصبها
سامر مصححا /حاول بس منجحش
وجد سامر ادم ينظر له كالطفل الصغير التائه /بص هحكيلك كل اللي شيماء قالته
لما كانت دينا في تالته ثانوي كانت عايشه في عماره كبيره والدور اللي فوقيهم كان فيه شاب الشاب ده كان في تالته جامعه كان زي ماتقول كده صايع كل يوم طالع ببنت الشقه وماشي مع دي ومصاحب دي
وكان دايما بيشوف دينا في الرايحه والجايه طبعا هو كان في باله انها طفله يعني مش نوعه بس في يوم كان رايح يستلف حاجه من بيتهم خبط علي الباب لقي الباب مفتوح بيبص منه لقي دينا عطياه ضهرها وكانت احم كانت لابسه بجامه منزليه بس ضيقه حبتين
احمر سامر وهو يقول /كانت مقسمه عليها وقتها خد باله من دينا ومن ساعتها وهو في الطالعه والنازله يرخم عليها ويتعرض ليها وازداد الموضوع لاستخدام الايد بقي يمد ايده وهكذا لحد ماجه اليوم الي زهق فيه وقال مابدهاش لازم يعمل اللي بيفكر فيه في الوقت ده كان دينا في اسكندريه بيزورا عمها وهي لأنها فتره امتحان كانت قاعده لوحدها وهو كان حاسبها صح المهم وهي راجعه من الدرس استناها علي السلم من فوق أول مافتحت باب بيتهم نزل بسرعه وحط ايده علي بقها ودخلها البيت بالقوه وزقها ووقعت حاولت تهرب منه بس هو شدها من رجلها وقطع هدومها احم تقريبا كلها المهم هي قعدت ترفس وتضربه برجليها هو بعض ماقطع هدومها خرج تليفونه وصورها وهي كده عشان يزلها بيها هي كانت بتحاول تصرخ بس من الصدمه صوتها مش طالع من حسن حظها جارتهم اللي ساكنه جنبهم جات تطمن عليها لو كانت محتاجه حاجه خبطت محدش رد طبعا هو كان كاتم بوقها المهم هي عضيته وصرخت بعلو صوتها راح هو قعد يضربها زي المجنون وهي تصرخ الست اللي بره جريت تنده لابنها اللي كان ظابط وهو زميلي حاليا المهم هو كسر الباب لقاه بيضرب فيها بجنون مسكه كتفه وضربه وأمه غطت دينا واخدها بيتها وطلبت الدكتور ليها جه عطاها مخدر عشان تهدي وفي شقتها كان ابن الست دي ضرب الشاب ده علقه محترمه وعلمه الأدب وفي غفله من الضابط قدر يهرب رجع اهل دينا وعرفوا اللي حصل وقلقوا يرجع تاني فقرروا ينقلوا وفعلا جهزوا نفسهم لكده ويوم ماكانوا بينقلوا جه الشاب ده وكان راكب موتوسيكل وضرب نار عليها وهي بتركب العربيه الرصاصه جات في كتفها واللي شافه وقتها الضابط جري وراه بعربيته وقبض عليه انحكم عليه ودينا نقلت هنا والحكايه خلصت علي كده بس هو رجع بقي
نظر ادم لسامر بعدما انتهي من كلامه /تمام كويس انه خرج عشان نعرف نتسلى
نظرت دينا الي الناس وسمعت كلامهم لمحها عاصم من ضمن التجمع نظر لها بهلع من أن تصدقه نظرت له بدموع وعيون حمراء فجأه سقطت أرضا ركض إليها عاصم بفزع /غاده حبيبتي مالك ياروحي انتي
حملها عاصم واوقف تاكسي بسرعه وذهب لأول مشفي تقابله
دخل المشفي وهو يحملها وذهب للطوارئ وجد طبيبه هناك طلب منها ان تفحصها لحق به سوزان واكرام التي كانت نزلت علي صوت الناس خرجت الطبيبه اليه /متقلقوش هي بخير بس ضعيفه وكمان هي حامل الف مبارك
ابتسم عاصم بفرحه كٱنه نسي اي وجع ألم
نظرت سوزان بحقد وامها تنظر بشر
إكرام /الف مبارك يابني فرحتلك والله
نظر هو لهم بسخط وغضب وتركهم ودخل لزوجته وجدها مغمضه العين ولكن هو يعرف انها مستيقظه فهو يلاحظ تنفسها المضطرب وصعود وهبوط صدرها جلس علي الارض بجانب السرير تحدث عاصم بصوت ملئ بالعذاب /غاده فتحي عينك عارف انك صاحيه غاده ارجوكي صدقيني والله ياغاده في حياتي كلها معرفت ولا حبيت ست غيرك انتي الوحيده اللي حبيتها عمري مابصيت لغيرك ازاي اخونك لا ومع بنت خالتك اللي اول مره اشوفها انهارده والله معملتش حاجه
نظر لها وجدها تضغط علي عينها بشده قام من مكانه ونظر لها بحزن شديد ثم قبل جبينها وخرج وجد سوزان واكرام ينتظرون في الخارج عاصم وهو لا يطيقهم /افندم فيه حاجه
إكرام /اه فيه يا خويا فيه انك تستر علي بنتى اللي انت فضحتها
عاصم بنظره سخريه /انا وانتي وبنتك عارفين كويس ايه اللي فيها فبلاش تعيشوا الدور
ثم نظر لسوزان /ولا ماما متعرفش ياسوزي اللي بتعمليه من وراها
نظرت إكرام لسوزان بحده /بيقول ايه الجدع ده يابت انتي
سوزان بتوتر /ده كداب بيقول اي حاجه عشان يبرأ نفسه
عاصم بضحكه جانبيه /لا والله انتي هتلبسيها فيا ولا ايه
ثم نظر لاكرام /لمي بنتك ياحاجه بدل ما اخلي فضحتها اكبر من كده
نظرت إكرام لسوزان /الجدع ده يقصد ايه انتي عملتي
سوزان /ولا حاجه يامه
إكرام وهي تصفعها /انطقي يابنت الكلب عملتي ايه ياعديمه الربايه ياوسخه
سوزان وهي تضع يدها علي خدها /والله العظيم ياماما ماحصل حاجه انا بس قلت الكلام ده عشان اتخانقت معاه وكنت عايزه اخليه يندم بس
إكرام وهي تصفعها مجددا /تقومي تفضحي نفسك ياواطيه قدامى انا هوديكي لعيله جدك في البلد هو اللي هيعرف يربيكى ياجليله الحيا وديني لكون مجوزاكي لابن عمك خليه يلمك يا كلبه
سوزان بترجي /لا وحياتك يا أمي الا عزت ده متخلف ومبيتفاهمش
امها وهي تسحبها /المتخلف ده هو اللي هيصلح دلعي ليكي ياسافله
رحلت ونظر هو في اثرهم ثم استدار ليدخل لغرفه غاده، لكن وجدها تقف أمامه، دموعها تهبط بشده اقترب منها عاصم ومسح دموعها عانقته هي بشده /اسفه ياعاصم شكيت فيك اسفه
عاصم وهي يبعدها ويمسك وجهها /مش زعلان ياقلبي والله انا كنت عارف انك مصدومه بس
ثم جذبها للداخل /يلا استريحي انتي
غاده وهي تنظر له تحاول اقناعه /انا كويسه والله مش عايزه افضل هنا مش بحب المستشفيات خالص
عاصم وهو ينظر في عينها /لازم تفضلي هنا عشان خاطر ابننا
نظرت له بصدمه ماذا ابننا هل
نظرت لعاصم بدموع لها اشارت اليه هي ليقترب /بعشقك ياعاصم ربنا يديمك ليا ياقلبي
عاصم /ويديمك ياعمري يارب انتي وابني
ثم وضع يده علي بطنها وابتسم لها.
استيقظ اياد من نومه نظر وجد إيلينا تنام في حضه مثل الملاك تذكر ليليه امس وابتسم عليها تململت في نومتها بسبب الشمس استيقظت بانزعاج
نظرت بجانبها وجدت إياد ينظر لها كأنه لن يراها ثانيه
إيلينا ببسمه /صباح الخير
إياد/صباح النور ياقلبي
ثم غمز صباحيه مباركه
نظرت له بحاجب مرفوع/تصدق انك قليل الادب
إياد بضحك /أصدق جدا مصدقش ليه
نظرت له بضيق/طب اوعي اما اقوم كده
لكن فجأه لاحظت ما ترتديه نظرت أسفل الغطاء وهي تنظر بصدمه نظر هو لملامحها ثم نظر معها أسفل الغطاء بخبث وجدته هي ينظر فانزلت الغطاء بسرعه وهي تصيح /ياقليل الأدب
نظر هو لها بابتسامه خبيثه /في ايه بس يا ايلي ياقلبي
إيلينا بنظرات مثل الشرار/هات اي حاجه من جنبك البسها
ضحك عليها واحضر لها قميصه فارتدته وهبطت من السرير واتجهت للحمام وهي تتمتم بضيق وتسبه في نفسها
اما هو فضحك عليها كثيرا
ثم تحد بصوت مرتفع /طب متأخريش عشان الاجتماع
في شركه البحيري
كان ادم يتذكر كلام سامر وهى يضغط علي يده بشده هو حتي الآن لا يعرف لما انجذب لها ولكن مايعرف انه لن يرتاح حتي يجد هذا الشاب مقيد امامه
طرق الباب سمح هو للطارق بالدخول.
دخلت هي ويسبقها حزنها الذي الان فهم سببه لعن الشاب في سره مئات المرات بسبب مافعله بها
وضعت الملف /ده اخر تصميم اشتغلنا عليه انا وشيماء
ادم/هي شيماء رجعت
دينا /لا بس كنت عندها امبارح وعملناها في بيتهم
ادم هز رأسه وكان سيرد عليها ولكن قاطعه صوت هاتفه أشار لها ادم /طب اتفضلي انتي يا انسه دينا ولما اشوفه هنادي حضرتك
غادرت دينا المكتب وفتح هو الهاتف
ادم /الو
ثم صمت قليلا
ادم بشر / طب اكرموه لحد ما اجي.
ثم اخذ اشيائه وخرج من المكتب وهو يبتسم بخبث
استيقظ ماكس مبكرا وعلي العاده خرج الحديقه واخذ يتمرن استيقظ سامر ورأه من نافذته دخل واستحم ثم خرج وارتدي ثيابه وهبط للمطبخ وجهز فنجانين من القهوه واخذهم وخرج وجلس علي المقعد في الحديقه رأه ماكس فاتجه اليه
ماكس /صباح الخير
سامر وهو يمد يده اليه بالقهوة /صباح النور
سامر /خلص قهوتك واجهز عشان الاجتماع
ماكس /ماذا عن أحمد هو لم يستيقظ بعد. سامر /لحد ماتخلص انت وتجهز اكون صحيته يجهز
ماكس وهو ينهي قهوته /حسنا سأذهب وشكرا علي القهوه يا صديقي.
ابتسم له سامر وانطلق لغرفه احمد
دخل وجد احمد يحتضن الوساده ويقبلها
سامر /ده انت حالتك صعبه والله.
ثم هزه /احمد انتي يابني متقوم احمممممد
احمد بفزع /لا مش انا معرفهمش
سامر بتعجب /متعرفش مين
احمد وهو يفرك عينه /انتم
قطب سامر حاجبيه/ طب يلا قوم اجهز عشان الاجتماع
احمد /ايه مش هفطر
سامر /طب خلص لحد مااجهزلك سندوتشات
احمد /طب قايم اهو
وذهب احمد وتجهز وهبط للاسفل وجد كل من سامر وماكس جاهزين جلس احمد وتناول فطوره ثم نهض الجميع وغادر المقر
تجهز كل من إيلينا واياد وذهبوا أيضا للمقر
في المشفي حيث توجد هبه
كانت سناء تقرأ القرآن بجانب سرير بنتها فجأه شعرت بتأوه ابنتها
نظرت وجدت هبه تفتح عينها وتنظر لها بدموع
سناء بدموع /هبه حبيبتي انتي صحيتي
استيقظ علي صوتها محمد شوقي الذي كان ينام علي الاريكه بجانبهم وجد ابنته استيقظت ركض للخارج ليخبر الطبيب
جاء الطبيب وطمأنهم انها أصبحت بأحسن حال حمد الزوجين ربهما لنجاه صغيرتهم
استيقظت وجدت نفسها في مكان مظلم
نظرت حولها بتعجب لما هي هنا ثم فجأه تذكرت ما حدث معها في المشفي اضطربت دقات قلبها برعب وهي تسمع صراخ لرجال بالخارج كأنهم يتشاجرون اغلقت عينها بقوه وهي تسمع كلماته تترد في اذنها (اوعي في لحظه تخافي ابدا انا دايما جانبك دايما معاكي لحظه ماتضعفي غمضي عينك واتخيليني جانبك اوعي تبيني ضعفك احد عشان هيدوس عليكي واواعي تظهري خوفك لحد عشان هيستغله خليكي دايما فاكره انك مش ضعيفه ابدا مش اي حد يقدر عليكي خليكي فاكره انتي مين انتي بنت الشيطان سامعه واللي يقرب لبنت الشيطان يبقي كتب فصول عذابه بنفسه)
فتحت عيناها مره واحده وقد امتئلت بقوه وإصرار وكلمته تتردد في اذنها (انتي بنت الشيطان)
فجأه فتح الباب ودخل رجلان يبدو انهم ثملان نظرت لهم نظره قرف تحدث أحدهم /مرحبا ياجميله لما لا تأتين لتستمتعي معنا
الرجل الاخر /نعم الرجال في الخارج يشعرون بالملل
نظرت لهم نظره شيطانيه اخذتها منه
ارتعب الرجال من نظرتها للحظه ولكن أحدهم اقترب منها ليسحبها ومد يده لها وفجأه كان مطروحا أرضا يصرخ من ألم يده نظر الرجل الاخر اليها بشر /أيتها الحقيره
سوف اقتلك كيف تجرأتي
واقترب منها ولكن ثواني وكان هو أيضا مرميا علي الارض
نظرت لهم بدهشه كأنه هو من كان يقاتل وليس هي
نور وهي تصفق وتقفز كالاطفال فهذه هي عادتها دائما /ايوه بقي يانور ياجامده ده البوص هيفرح بيكي اوي
سمعت صوت من خلفها ساخر /هيفرح اوي يعني
اجتمع الفريق في المقر مع اللواء رشدي
اللواء /الملف معاكم
وضع إياد الملف أمامهم /ايوه اتفضل هو ده الملف اللي لقيناه
نظر اللواء الي إياد /طرى ياسيلظن المقدم ياتري فتحته
إياد بنفي /لا يافندم حبيت افتحه والجميع موجود
مسك إياد الملف وفتحه ولكن توقفت عينيه علي ما رأي نظر له الجميع بتعجب على ملامحه المصدومه
سامر /في ايه الملف يا اياد
إياد وهو ينظر له بصدمه /الملف فيه أسماء اللي اخترعوا السلاح وتفاصيل الصفقه وأسماء رجال أعمال عالميين طلعوا مافيا
إيلينا /وانت ليه مصدوم كده يا اياد معروفه اي حد وصل لفوق مش هيطلع علي السلم بيطلع باسانسير
نظر لها إياد /الموضوع كبير اوي الناس اللي متورطه فيه من أسس الدوله يعنى معني انهم ينكشفوا يبقي ممكن يحصل خلل في الموضوع وثقه الشعب تتهز في الجهه السياديه
إيلينا /كمان لو متكشفوش هيزيدوا ويدمروا اكتر
ماكس /انت قلت انه مكتوب اسم مخترع السلاح من هو
إياد/مكتوب فابريانو التومنيوس
احمد /ده دوا اسهال ده ولا ايه
إيلينا بتفكير في الاسم هي تشعر انها سمعت عنه من قبل مره واحده فتحت عينيها بتذكر ونظرت لماكس /ماكس انه القط
نظر لها ماكس بجهل للحظات ثم تذكر /ماذا معقول هو
إيلينا بتأكيد /نعم انه هو انا متأكده
ماكس/ولكن لما يخترع هكذا جهاز يدمر العالم
إيلينا /لا أعرف.
احمد /ايوه من فبرينا توميه
ضحك ماكس/فابريانو التومنيوس
احمد /ايوه مين الأخ
إيلينا /ده كان صديق في الجامعه معانا
احمد مقاطعا /انتم كنتم بتروحوا جامعه
إيلينا /اكيد يعني كنا في جامعه المهم ده كان زميل لينا هناك بس كان من النوع المسالم كده مبيقربش من حد ولا بيرد علي حد كان ضعيف الشخصيه لدرجه كان الكل بيضايقه او يستغلوه انهم يخلوه مثلا يعملهم المشاريع وهكذا بس اخر سنه اختفي وقالوا انه سافر لاخوه إيطاليا ومحدش سمع عنه حاجه من وقتها
احمد /ضعيف الشخصيه ويوم مايقوي قلبه يخترع سلاح يدمر للعالم احييه يابو سوسو
إياد وهو ينظر لايلينا /الصفقه بكره لازم نجهز نظرت ايلينا اليه نظره اطمئنان
ماكس /تحدثت مع جو وقال انه انهي السلاح ولكن ينقص تجربته وسيكون هنا في السماء
نظر إياد اليه/تمام كده
اللواء /جات اللحظه اللي تعبتوا عشانها يارجاله اتمني بجد تعدوا المهمه دي من غير ايه خساير
احمد /بإذن الله يافندم هيكون النصر لينا
نظرت إيلينا أمامها وهي تقول في نفسها ان الوقت حان لتنتقم لاخيها وتبرد نارها /وقتك قرب اوي يا كوبرا
دخل ادم بكل كبرياء لهذا المخزن القديم الذي يضع فيه بضاعته وجد جسد ملقي أرضا والذي كان جسد لشاب في اوائل الثلاثينات تقدم منه ادم واحني جسده قليلا وعندما رأي وجهه ابتسم ابتسامه كبيره مليئه بالخبث
ادم /اهلا بيك في الجحيم
ولم يُسمع بعد ذلك سوي صرخات تصم الاذن لذلك الشاب
سمعت صوت ملئ بالسخريه /هيفرح اوي يعني
نظرت خلفها بفزع وجدته يجلس بكل راحه علي الفراش كأنه في منزله /يخربيتك يا اخي كنت هتوقف قلبي
نظر لها بسخريه
نور /انت دخلت هنا ازاي
نظر لها بحاجب مرفوع
نور معتذره /اه سوري سوري نسيت انك زي العفاريت
ضحك عليها ثم غمز لها /بس ايه الشغل العالي اللي انا شوفته ده انا حسيت اني انا اللي كنت موجود
ثم نظر له نظره خبث /بتسرقي بصتي يا صغنن
نظرت له نور بسخط ثم انطلقت لتعانقه نظرت لوجهه عن قرب /رجعت امتي
نظر هو لعيناها التي أسرته /من اسبوع رجعت اشوف بلاويكي كالعاده
نور بتبرم /انا بلاوي يا شيطان اخص عليك
ضحك هو ضحكته الرجوليه /لا ياقلب شيطان انتي احلي بلوه انا اتبليت بيها
نظرت له /لولايا كان زمانك موجود في بيتك كالعاده قالع نص هدومك ونايم بالشورت بتاعك وضارب الدنيا جذمه بس انا اللي خليتك كيوته كده يا شوشو.
نظر لها بحاجب مرفوع/شوشو انت شكلك عايزه علقه من بتوع زمان
نظرت له بصدمه /لا خلاص اسفه اسفه مش هكررها تاني اسفه
نظر لمنظرها وانفجر ضحك
نور /وبعدين يابو الشياطين هنفضل هنا كتير
شيطان وهو يقرص خدها /لا يا لمضه هخرجك لان سراج مستنيكي بطياره بره
نظرت له بغيظ /سراج ده انا هطلع عينه بس يصبر حسابي معاه
شيطان وهو يقلب عينه بملل /ومن امتي يعني متخنقتوش انتم بسم الله ٢٤ ساعه خناق زي الديوك
نظرت له بعيون بريئه /هو اللي بيغيظني يابو الشياطين
نظر لعيناها /اللهم اغزيك ياشيطان يابنتي قلتلك العيون دي بتيجي بناتك عكسي
نظرت له /اه نسيت اسفه
نظر هو وغمز لها /لا بس اتدورتي واحلويتي في الشهر ده
نور /اه ماهو الوقت اللي قضيته مع جبريل كنت دايما علي المكتب لحد ما تخنت كده
قرص هو خصرها صرخت هي /ايه في ايه
هو بتخذير /انا قلت ايه قبل كده بخصوص ان اسم راجل يجي علي لسانك واتخانقنا قد ايه ورضيت بالعافيه انك تنادي سراج باسمه من غير لقب صح ولا لا
نظرت له بتعجب علي غيرته الجنونيه التي لم تتغير مع مرور الوقت بل تزيد /بجد انت بتهزر هى احنا في وقت ومكان مناسب يعني للكلام ده
شيطان /اه براحتنا محدش يقدر يقاطعنا
نور /ليه ليك وسايط هنا
نظر لها بغيظ/بطلي لماضه يابت انتي يخربيتك حلاوه اهلك دي
ضحكت عليه نور وهي تقبل خده ولكن لم تنتبه لعينه التي ازدادت عتمه /متكرريش الحركه دي تاني طول ما احنا بره فهمتي
نظرت له بجهل وقالت ببراءه /اوكيه
نظر هو لها بحنان غريب جدا عليه لو رأه احد اعداءه لمات من الصدمه قبل خدها بحنان كبير /طب يا صغنن قلبي قومي يلا نخرج من هنا عشان بابا عنده شغل
نظرت هي له بغيظ/ما انت بوستني من خدي اهو وبتقول متعملش كده وكمان لسه مصر علي بابا دي. ياحج انت على طول بتعتبرني بنتك
ضمها اليه بقوه /بنتي واختي وامي وحبيبتي، وزوجتي يا نور الشيطان انتي كنتي وهتفضلي بنت الشيطان اللي عنده اغلي من حياته، وعمره نفسه
نظرت له بقلق/دايما بخاف حد يستغلني كنقطه ضعف ليك يا شيطان انت طول حياتك عايش ملكش عزيز وعمرك مابترمش وانت بتضرب او تقتل دلوقت خايفه ابقي ضعفك
اقترب منها ودفن وجهه فى عنقها /انتي فعلا ضعفي يا صغنن بس ضعفي اللي ممكن عشانه أحرق الدنيا كلها ومخليش بني آدم واحد عليها ومتقلقيش عليا يا عمري انا اقدر احميكي كويس اوي بدليل اهو انا هنا وفي العمليه بتاعتك انا اللي وديتك المستشفى وعرفت مكانك بكل سهول لا ودخلت فيه كمان بعدين كفايه رغي شويه يلا زمان سراج هيولع مكانه سارت نور بجانبه وهي مطمئنه لأنها تعرف طالما هي معه لا تخشي احد من الذين يؤذوها
أخذها وخرج بكل سهوله لم يراه احد خرج من مخارج سريه كأنه منزله حتي وصلت للسطح وقفا علي السطح قليلا وجدت طائره تحط أمامهم ويظهر هو بوسامته المعهوده يجلس ويقود الطائره. نظر سراج لها /ها يابلوه يامتحركه انتي هتعملي ايه تاني فينا
نظر لهم شيطان بملل /مش وقت مناقرتكم دلوقتي يا سراج خدها وديها بيت الجبل
سراج وهو ينظر ويعرف ان صديقه لا ينوي خير /وانت
شيطان بنظره تقشعر لها الأبدان /عندي مهمه لازم اعملها
كان أحمد يركض في ممر المشفي وخلفه الباقي
فتح احمد الباب فجأه وجد اخته تضحك لوالده نداها /بكبوظه
نظرت هي له ببرائتها وقالت بلهفه /ابوحميد
ركض إليها احمد وعانقها بشده ودمعت عينيه /بكبوظتي وحشتيني ياقلبي انتي
ثم ابتعد ونظر لها بدموع وهو يعاتبها / اوعي تعملي فيا كده تاني يابكبوظه
نظره له بسخط /ما قلنا بلاها بكبوظه دي يا بوحميد
احمد بضحك وهو يمسح دموعه /لا معلش من زمان ماقلتهاش سيبيني بقي اقولها براحتي ياختي.
كل هذا تحت ضحكات البعض وبسمه البعض ودموع الاخر
احمد /صح عرفتي يابكبوظه انا وعلياء كتبنا كتابنا
نظرت له بحزن /عارفه محمد قالي كنت عايزه احضر الفرح
ضحك احمد وضمها / لا متقلقيش ده كتب كتاب لسه الفرح اخر الشهر كده تكوني بقيتي فله عشان تعرفي تهيصي وتلبسي فستان العروسه ياعروستي
دخل عبدالحميد وعائلته
وذهبت علياء لها بسرعه وعانقتها /بقي كده ياهبه تخوفينا عليكي ده أحمد كان هيموت
هبه ببراءه /اسفه والله اخر مره
ضحك الجميع عليها فرفم سنوات عمرها السادس عشر الا انها بقلب طفل في السادسه من عمره
اقتربت شيماء ودفعت علياء /اوعي كده يابت اما اشوف بكبوظتي
هبه بغيظ /مفيش غيرك انتي وأحمد بيقولي بكبوظه ارحموني
ضحكت شيماء وعانقتها /يابنتي ده انتي ليكي الشرف اني بقولك بكبوظه انتي مستهونه بيا ولا ايه طب اخوكي ده فاشل معروفه اما انا اختلف خالص
هبه /اه تختلفي انتي فاشله
ضحك الجميع علي مشاغبه الثلاثي التي طالما قامت بينهم في اي تجمع
ابتسم الجميع بساعده لسلامه الصغيره ولكن كل منهم يفكر بشئ مختلف وهل غدا سينتهي بالنفس الضحكه ام سينتهي ببكاء أحدهم
جو /هيا انجل تأخرنا علي ميعاد الطائره
انجل /حسنا اتيه ياسيونح فقط لحظه
نظر جو في ساعته ووجدها تهبط سألها /هل انتهيتي
هي بتوتر/نعم
اقترب منها جو ومسك وجهها وقبل جبينها/مابها صغيرتي قلقه
إنجل /غدا المهمه وغدا المواجهه اتمني حقا في هذا الوقت غدا ان يكون الجميع سالمين
جو لا ينكر انه قلق أيضا علي اخته /اتمني حقا لكن انا مطمئن قليلا ان إياد معها هذه المره بإذن الله خير
إنجل /بإذن الله
جو/اذا هيا لنذهب لمصيرنا
إنجل بغمزه /ليبدأ الانفجار يا عزيزي
لتفعيل الوضع الليلي، تكبير الخط، نوع الخط
شاهد الآن
وصلت طائره سيونج للقاهره وخرج سيونج وانجل من المطار وركبوا سياره متجهين للفندق
وصلوا للفندق
سيونج وهو يستلقي علي الفراش /ياللهي انا متعب جدا سأموت من التعب
انجل وهي تنظر له بشفقه فهو لم يكن ينام إلا قليلا /ارتح قليلا ياعزيزي وعندما تستيقظ نذهب للمقر
جو وهو يغمض عينه بتعب /حسنا
دخل ادم الشركه بعدما انتهي من أمر هذا الشاب دخل مكتبه تبعته زهره
زهره /حمدلله على السلامه يا فندم في اجتماع الساعه 1 مع الوفد الألماني الخاص بالقماش
ادم وهو يهز رأسه تمام جهزي للاجتماع يا زهره ونادي ليا دينا لو سمحتي ومحدش يقاطعنا
زهره /تمام يافندم
خرجت زهره وبعد القليل من الوقت دخلت دينا وهي متعجبه من طلبه لها
دينا وهي تقف امامه /نعم يا فندم حضرتك طلبتني
ادم وهو ينظر لها ويشير علي الكرسي أمامها /اتفضلي اقعدي تشربي ايه الأول
دينا /شكرا يافندم مش هشرب حاجه ممكن اعرف حضرتك طلبتني ليه
قام ادم من علي مكتبه وجلس علي المقعد المقابل لها وتنهد نظرت هي له بتعجب
ادم /تتجوزيني
نظرت له وفتحت عينيها علي وسعهما ماذا يقول هذا يطلب الزواج منها هذا غير معقول
ادم وهو يدقق النظر في ملامحها /عارف انك اتفاجأتي عشان كده هسيبك فرصه تفكري اتمني بجد توافقي
خرجت دينا من صدمتها /بس ليه قصدي اشمعنا يعني
ادم وهو ينظر لها بحب وبكل صراحه /عشان حبيتك
نظرت له بصدمه تفوق صدمه طلبه الزواج /حبيتني
ادم ببسمه /اه حبيتك غريبه دي
دينا /لا بس انت تعرفني من فتره مش طويله ومعظمها كنا بنتخانق مش طايقين
بعض
ادم بضحكه / ما محبه الا بعد عداوه
دينا نظرت لضحكته هي لا تنكر انه وسيم متعلم متفهم ولبق به كل الصفات التي تحتاجها اي فتاه ولكن هي مازالت خائفه مما يحدث معها وهذا الشاب حقا يؤرق ليلتها تخشي ان يسبب لها مشكله كما يقول
دينا /في حجات انت متعرفهاش عني وجايز لو عرفتها تغير رأيك عني
ادم وهو ينظر لها بدقه /قصدك عمرو
نظرت له بصدمه مره اخري ماهذا اليوم كله صدمات لها /عععععمرو مين
ادم وهو يمسك يدها ويضمها بين يديه /عمرو اللي كان جارك
دينا بدموع خفيفه /انت عرفت منين
ادم /عرفت زي ماعرفت اللي عايزك تعرفيه هو اني عمري ماهسييك عشان اي حاجه خصوصا لو في الماضي اتمني تفكري كويس يادينا وانا مستني ردك
نظرت له دينا ونهضت وخرجت من المكتب وهي تفكر في عرض ادم هل تقبل ام ماذا
في المقر بعد عوده الجميع من المشفي تجمعوا بمكتب الفرقه وجاء كل من انجل وجو
جو /اذا غدا نبدأ
إياد بتنهد/ بالضبط بكره هو وقت التنفيذ اسمعوني بقي كلكم الخطه هتتقسم جزئين
الفرقه الاولي جو احمد وسامر انتم اللي هتتولوا الصفقه السنويه هنا في مصر وهتحاولوا علي قد ماتقدروا تخليهم عايشين مش عايز قتل الا في اسوء الحالات
انا وماكس وايلينا هنسافر صقليه عشان صفقه الاسلحه النوويه وهنهاجم قصر كوبرا ونحاول نقبض عليهم عارف ان المهمه صعبه بس انا واثق فيكم انتم قدها بإذن الله بكره نتجمع كده واحنا منتصرين ومش ناقصين حد
مسكت أيلينا يده لأنها شعرت بالمه وقلقه
احمد /بإذن الله الحق ينتصر ونقدر ننهي المهمه بنجاح
سامر /بالضبط الحق معانا وبإذن الله نغلبهم
ماكس /نعم يارجل سيكون الاحتفال عظيم
نظر جو لانجل ومسك يدها /نعم واثق من عودتنا منتصرين
إيلينا /ايوه بقي ياجماعه الطاقه الايجابيه مليه المكان
نظر لها إياد وضمها له
ثم نظر لماكس /اجهز هنسافر بليل
ماكس /انا دائما مستعد لأي احتفال يا رجل
احمد/ طب سامر وجو يلا عشان نحط خطه للهجوم مع الرجاله ونقسم نفسنا.
جو /حسنا لحظه والحق بكم
سامر /تمام حصلنا يلا يا احمد
خرج الجميع من الغرفه وهم يفكرون في نتيجه هذه المعركه التي سيخوضوها كوبرا قوه لايستهان به
هبطت الطائره علي سطح المنزل المخصص لها
نور /يا سلام ياجدع مفيش احلي من البيت
سراج /طب ياريت بقي تتهدي مش كل شويه نخرجك من بلوه مش عارف ياستي الشيطان بيحبك علي ايه
نور وهي تخرج لسانها /لكش دعوه بينا انا وهو الشيطان ده الحته الشمال
سراج /شوفوا مين بيتكلم اللي كانت كل يوم تعمل فيه مقلب انقح من اللي قبله
نور بضحك وهي تتذكر أيامها الاولي التي قضتها مع الشيطان /اعمل ايه كان بارد وعايزاه يتلحلح وياستير لحد ماقالي بحبك كنت هنشل اخيرا نطق
سراج /انتم الاتنين بجد مختلفين واحد قطب شمالي في البرود وواحده عامله زي العيال الصغيره ازاي بقيتوا مع بعض مش عارف
نور بتمثيل مثل فيلم أمير البحار /الحب الحب يا أمير
سراج بضحك /طب انجري يابت انتي اعمليلي بيض شايط من بتاعك
نور بكبرياء /شايط ده انا شيطان مش بياكل بيض غير من ايدي بس
سراج بضحك /معذور بيحب واحده عبيطه مش بتعرف تعمل غير بيض وبتحرقه وهو مش بيحب يزعلك فبيقولك حلو
نظرت له بغضب /كده طب والله اما يرجع لاقوله ها
وتركته ورحلت وهي تدبدب في الأرض من الغيظ وتسمع ضحكته من خلفه
سراج /مفكرانى هخاف من تهديدها
ثم صمت لحظه وهو يفكر /مصيبه لتقوله بجد ده يقتلنى
استني بس يانونو ده انت البيض بتاعك زبده يابنتي
عاد ماكس لمنزل سامر ليجهز نفسه وكذلك إياد وايلينا
إياد وهو يجهز اسلحته /جهزتي
إيلينا /انا جاهزه من زمان للحظه دي
اقترب إياد وعانقها من الخلف /حبيبي خايف ولا حاجه
دارت له إيلينا له /تؤتؤ مش انا اللي اخاف ده كوبرا اللي مفروض يخاف مني لاني مش هرحمه
آياد /طب يلا نودع العيله تحت
بعد انتهاء الدوام ذهبت دينا وطرقت الباب
ادم /اتفضل
دخلت دينا وهي تنظر في الأرض ومحروجه من الموقف
ادم نظر لها بتعجب علي بقائها حتي الان في الشركه / في حاجه يا دينا ليه فضلتي لحد دلوقتي في الشركه
دينا بخجل /اصل انا انا كنت يعني هو
ادم /اهدي بس واقعدي كده وقولي فيه ايه
دينا /انا فكرت في عرضك
ادم بترقب / طب وايه رأيك
دينا وهي تفرك يدها /ممكن تيجي تقابل بابا
ثم تركته وركضت للخارج وأخذت حقيبتها من مكتبها وغادرت
ادم ببسمه وفرحه /اخيرا هتبقي زوجتي يا دينا
في المساء ارتدت إيلينا واياد ثيابهمها
وهبطوا للاسفل وجدوا الجميع في انتظارهم
ذهبت الفتيات واحتضنوا إيلينا بشده وبكوا
علياء /خلي بالك من نفسك يا قلبي
إيلينا وهي تبادلها /متقلقيش ياعمري بإذن الله خير
شيماء و هي تدفع علياء /اوعي كده يابت اسلم عليها انا كمان
ثم عانقت إيلينا بقوه /هتوحشيني ياعمري مستنياكي ياجميل
إيلينا /اكيد ياحبي هنرجع وهحضر فرحك
وغمزت لها
جاءت انجل أيضا وعانقتها
إيلينا وهي تبتسم لها
(انحل /فلتكافحي يا اختي)
إيلينا (اطمني.... بحبك)
عانقها جو أيضا!/ سانتظرك ياعزيزتي اعلم انك ستأتين متتصره لانكي الملاك الأسود
إيلينا /نعم ياسيونجي انتظرني ياعزيزي
في هذا الوقت ودع إياد أصدقائه وعائلته
وانطلق الجميع الي المطار ليودعوهم
صعدوا للطائرة جلست إيلينا بجوار إياد وماكس مقابل لهم
إيلينا وهي تضع رأسها علي كتف إياد /ياتري هنرجع مع بعض كده
إياد وهو يشد علي يدها/اكيد هنرجع مع بعض وكلنا هنكون موجودين بعدين مش انتي اللى كنتي بتطمنيني ايه اللي حصلك
إيلينا لكي لا تقلقه اكثر /لا انا زي الفل يبشه بس بسلي نفسي بالكلام
ضحك إياد عليها هو يعلم انها تفعل ذلك حتي لاتقلقه/طب ريحي شويه بقي قبل الحفله اللي رايحينها علي رآي ماكس
كوبرا وهو يطلق النار علي رجاله واحد تلو الاخر بصراخ /حمقي كل مره تثبتوا لي اكثر اني اعمل مع حمقي كيف ايها الاغبياء كيف هربت منكم وانتم جميعا موجودين يا أغبياء
نظر بشر /سوف تندم ولكن لاحقا بعدما انتهي من الصفقه هذه وايضا الملاك الأسود
ثم نظر لادوارد /ماهي اخر اخبار الملاك الأسود
ادوارد / لقد صعدت الطائره القادمه لهنا
كوبرا بشر/هل اتي معها
اداورد /نعم يا سيدي هو واخاها
كوبرا /اي واحد منهم
ادوارد/الأسد
كوبرا /ياللهي هذا الفتي غير معقول انه مزعج جدا
ادوارد /ما هي اوامرك ياسيدي
كوبرا بتفكير /لاشئ لن نفعل شئ
ادوارد /كيف ذلك يا سيدي
كوبرا /لن نفعل شئ هم من سيأتون إلينا
ونحن سنستقبلهم بحسن ضيافتنا انت تعرفني يا ادوارد يا عزيزي احب إكرام ضيوفي كثير ا خصوصا اذا كانت إيلينا عزيزتي
في فندق في صقليه
حجز إياد غرفه له ولايلينا وغرفه لماكس
في غرفه إياد وايلينا
كانت إيلينا تخرج بدله المهمات الخاصه بها
وضعتها في الخزانه واخرجت اسلحتها.
نظر إياد لثياب المهمات الخاصه بها /ده بتلبسيه علي طول
إيلينا بايجاب /اها في اي مهمه بلبسه
إياد بمزاح /صدقي هيليق مع لبسي
نظرت له إيلينا وضحكت /يبقي ناخد صوره بيهم ونكتب تحتها الزوجان الخارقان
ضحك إياد وضمها اليه وقبل رأسها وهو يدعي بداخله ان تنتهي هذه المهمه علي خير
في غرفه ماكس
تسطح علي فراشه وتذكر مقابلته مع زوجته
Flash back
ماكس وهو يحدثها كان تفحص طفل صغير/
يابنتي متعبري امي
ايمان /نعم مش خلاص قررت انك هتسافر جاي تاخد رأي ليه يعني
ماكس /لا اصل قلت أسألك لو هتحتاجي حاجه اجبهالك وانا جاي يابنتي هو انا رايح سياحه دي مهمه
ايمان /خلاص روح المهمه
الطفل الصغير الذي تفحصه /ماتروح ياعم بقي ومتدوش المزه معاك الله
ثم نظر لايمان /خليكي معايا انا ياروحي وركزي معايا
ضحكت ايمان ومسكت خده /انا معاك يا حبيبي
ماكس بغيره /توقفي عن هذا انا فقط حبيبك
الطفل /بيقول ايه الخواجه ده يا إيمي
ماكس بتشنج /نعم يا خويا ايمي ده من امتي ان شاء الله
الطفل /من ساعه ما شوفتها وعجبتني
ماكس /سوري في اللي هقوله ده احيييه
الطفل /انت مالك مزعل نفسك كده اكمنك سنجل يعني
ماكس /س ايه يا روح امك
ايمان بنظره تحذير /ماكس ده طفل نقي ألفاظك قدامه عشان بيلقط
ماكس بسخريه /طفل وبيلقط والنبي انا االي طفل ده عجوز متنكر في هيئه طفل ال طفل ال
الطفل /اه طفل مش عاجبك
ثم نظر لايمان بنظره براءه شديده/مش انا طفل ياايمي
ايمان وهي تقبله /ايوه ياقلب ايمي
اخرج الطفل لسانه لماكس
ماكس /بصي بيعمل ايه الواد ده والله اقطعه شرايح ولا يهمني
الطفل بسماجه / ليه فاكرني لانشون هتقطعني شرايح
ماكس وهو ينقض عليه /انا هوريك يا عجوز انت
مسكته ايمان قبل أن يتقدم من الطفل /خلاص يا ماكس اهدي ده طفل
ماكس بجنون /برضو بتقولي طفل ده طفل ياشيخه اتقي الله هتتسألي عن كلامك ده يوم القيامه
ضحكت ايمان عليه بصخب /طب اصبر لحظه طيب خلاص خلصت معاه
بعد خمس دقائق انتهت ايمان /يلا يابطل قوم خلصنا
الطفل بحزن /بسرعه كده
نظر له ماكس بغيظ /مش لعبه هي يا بابا يلا اسرح
نظر له الطفل بشر ولكن دخلت والدته وسحبته خرج الطفل وهو ينظر لماكس بشر ويضع يده علي رقبته (علامه الذبح)
ماكس /ايه الطفل ده يا ستير ياربي
ايمان بضحك /انت عامل عقلك بعقل طفل صغير يا ماكس
ماكس/بس متقوليش صغير بس
المهم عشان مسافر بليل جيت اودعك يا ايمان
نظرت له بحزن وادرات وجهها الجهه الاخري
مسك ماكس وجهها وجعلها تنظر له /ليه نظره الحزن دي بس هرجع بإذن الله خير ياعمري متقلقيش جوزك أسد
وغمز لها
ضربته في كتفه ونزلت دموعها ثم عانقته بقوه /هستناك يا ماكس متتأخرش
ماكس /هرجع ياعمري هرجع متخافيش
Back
ماكس /يالله احميها لي ويوفقنا فيما نحن مقبلين عليه
كوبرا /ماذا تقول ياغبي
ادوارد /اقسم لك ياسيدي انني لا أعرف شئ الرجل الذي وكلته بمراقبتهم هو من أخبرني بذلك
كوبرا وهو يكاد يجن /كيف ذلك كيف
اداورد /اخبرني الرجل بانهم صعدوا علي متن الطائره المتوجهه لهنا في الساعه ٨ ولكن عندما صلوا لصقليه اتضح انهم فقط أشخاص يشبهوهم لا أعرف كيف هذا ولكن كانوا رجلان بمواصفات زوجها واخيها وامرأءه تشبهها
كوبرا /اظن انهم يريدون ارباكنا
ادوارد /بماذا تأمر ياسيدي
كوبرا وهو يشير بيد /لا شئ فقط استمر بالبحث عنهم ربما اتوا علي طائره اخري
إيلينا /بس حلوه اوي فكره اننا نبدل الطياره في نص الطريق ونكمل بسفينه
إياد /من ساعه مادخلت مطار القاهره وانا حاسس اننا متراقبين وكنت عامل حسابي لكده وجهزت تلات أشخاص نفس الشبه ونفس الجسم عشان يبقوا مكانا ومحدش يشك اننا نزلنا في نص الطريق
إيلينا بضحك /دماغ يابني والله
إياد وهو يضمها له أكثر /انتي مستهونه بالعقرب ولا ايه.
ايلينا بخوف مصطنع /لا يبشه والله ابدا مش مستهونه ابدا
ضحك إياد عليها وضمها وناما
في الصباح
كان مقر المخابرات المصريه يعمل علي قدم وساق تجهز الجميع لهذه المهمه وهم يدعون الله ان تنتهي بالنجاح
احمد وهو يجلس مع سامر وجو / امتي الواحد يخلص المهمه دي ويتجوز بقي
ضحك جو عليه
سامر /ده اللي همك بس
احمد /لا طبعا ونعمل شهر عسل كمان
سامر /هتفضل طول عمرك كده مش هتتغير ابدا
احمد /ايون هفضل كده لحد ما اموت وانت هتيجي تعيط عند قبري وتقولي فين ايامك يابو حميد وتفاهتك يا غالى
نظر له سامر وهز رأسه بيأس علي صديقه وشرد فيما سيحدث في المساء
واخيرا بدأت اللحظه التي ستحدد مصير الجميع
نبدأ بالصفقه السنويه انطلقت سيارات المخابرات تشق الصحراء كانوا عشر سيارات كل سياره بها خمس جنود
ماعدا سياره سامر بها سامى واحمد وجو
وصلوا لمكان المذكور في الملف الذي حصلوا عليه من جبريل
توقفوا بسياراتهم بعيدا عنهم قليلا
سامر متحدثا في اللاسلكي /تجهزوا واستنوا اشاره مني للهجوم
دقائق وبدأت السيارات تصل ويهبط منها العديد من الرجال المهمه في العالم والعالم العربي شخصيات لم يكن احد ليتوقع تورطهم في هذه الأعمال بدأت تأتي سيارات كبيره العديد والعديد منها وقف بعض الرجال معا يتبادلون الحقائب
سامر في اللاسلكي /مع الاشاره
ثم نظر لأحمد وجو /اتقسموا يلا
اخذ احمد بعض الجنود وجو كذلك وتبقي الباقي مع سامر
سامر /اسمعوني يارجاله اللي هنعمله ده عشان بلدنا وعيالنا اللي بيدمروا قبل ما نبدأ حابب اقولكم انكم فخر لأي حد أوصيكم بالشهاده يارجاله
نطق الرجال الشهاده وكل منهم يفكر فى شئ واحد من الاثنين الموت او الشهاده
لن يقبلوا ببديل
سامر /تجهزوا........ هجوم يارجاله
فجأه وجدت العصابه سحابه من الرصاص تهبط عليهم من فوقهم دب الرعب في قلوبهم اختبأ البعض خلف السيارات والباقي حمل السلاح واخذ الجميع يتبادل الرصاص في مشهد كأنه الحرب جثث تتساقط من الجانبين وضحايا كثيره اختبئ جو خلف سياره ووضع سلاحه في جيبه واخرج الابر الخاصه به وامسكها واخذ يسددها علي الرجال فيتساقطون كالنمل وكانت الغلبه حتي الان لرجال المخابرات وأصبح رجال العصابه يحاولون فقط الهروب من هذا الحصار ولكن للأسف كان الحصار خنيق عليهم انتهت المعركه بعد العديد من الخسائر والشهداء اخذ سامر بعض الرجال علي السياره وأثناء نقل أحدهم سحب منه المسدس وأطلق علي سامر الرصاصه لم يشعر سامر بشئ بعد إطلاق الرصاصه سوي صراخ جو باسم أحمد نظر سامر خلفه وجد احمد ملقي علي الارض وهناك رصاصه في قلبه بالتحديد.
ركض جو لهذا الرجل وقام بغرز ابره في عرق معين في جسده فأصبح يصرخ بسببها حتي مات اكثر موته مؤلمه ركض لأحمد الملقي علي الارض ونظر له وجد الرصاصه في قلبه بالضبط نظر بدموع لسامر وسامر يقف ونظر لأحمد الغارق في دمه نهض جو وهو يحمل احمد واخذه للسياره لحق بهم سامر بعدما فاق.
جو بدموع /لقد مات
سامر نظر له نظره بعيون حمراء بسبب حبسه للدموع /كداب مامتش احمد لسه عايش احمد لسه هيتجوز ولسه هيفرح
جو لم يتحدث وهو يقدر حالته وانطلق للمشفي
طوال الطريق وسامر يتذكر احمد وذكرياتهم معا
_اصل واحنا داخلين عيني وقعت علي بتاع العسليه وانتم عارفني بحبها اوي فروحت اشتري
_الحقني ياسامر ده مجنون هيقتلني يامتوحش
_مالها العسليه بحبها يا اخي
_ ربنا يخليك يا رجلي ياحاميني يارب
_اه قول كده اخدت غرضك وعايز ترميني
كان سامر يتذكر كل شئ ودموعه تهبط بشده علي أخيه لا يصدق انه مات وتركه لقد وعده انه سينتهي ليتزوج ارتفعت صوت شهات سامر والتي يراها جو لأول مره ونزلت دموع جو ببطئ
بكي سامر وازادت شهقاته وملئت السياره /احمد ااااااااه يارب
في منزل إياد كانت علياء في غرفتها المظلمه تصلي وتدعي ان يعود الجميع سالم ولكن فجأه شعرت بوجع في قلبها علياء بدموع /يارب رجعهم يارب كلهم يارب مش عارفه ليه قلبي بيوجعني ثم قالت ببكاء يمزق القلب ياررررررررب
وشيماء أيضا لم تختلف حالتها فهي تبكي في غرفتها وتدعي الله أن يعود الجميع وهم سالمين
في صقليه
كان إياد يحاول الاتصال بهم
ماكس متسائلا /لايوجد رد أيضا
إياد /اتصلت بسامر واحمد ومفيش رد المفروض انهم يكونوا خلصوا العمليه
ماكس /انا ايضا لم أستطع ان اتحدث مع جو هاتفه غير متاح
إيلينا وهي تضع يدها علي كتف إياد /متقلقش يا اياد خير بإذن الله احنا المفروض نمشي دلوقتي
نظر إياد وهز راسه وانطلقوا هم الي مهمتهم
وبعد القليل من الوقت وصلوا لحدود قصر كوبرا
إيلينا /الحدود دي كلها متلغمه حيوانات مفترسه عشان كده حاولوا متعملوش اي صوت
سار الجميع بهدوء وهم يتلفتون والظلام يبتلعهم فجأه شعروا بصوت خلفهم نظروا وجدوا ذئب خلفهم ينظر لهم كما ينظر لفريسته
أشار لهم ماكس بعدم التحرك وحاول الوصول لسكينته دون اثاره انتباهه وبالفعل نجح في ذلك مسك مقبض السكينه جيدا وفجأه بسرعه كبيره كانت السكينه تصيب الذئب وقع علي الارض واخذ ماكس سكينته واكملوا الطريق حتي وصلوا للقصر اخرجوا السلاح الذي صنعه جو وقام كل منهما بإطلاق الرصاصات فاصابت اعداد هائله واخذوا يتساقطون كما لو انهم في حرب
اقترب ا من باب القصر وأخرج ماكس جهاز. وضعه عند القفل الإلكتروني فقام بفتح الباب وعندما دخلوا لم يجدوا شئ اخرج إياد بخاخ ورشه وكنا توقع وجد شبكة معقده جدا من الليزر ولكن إيلينا ألقت كوره صغيره جدا في الأرض تدحرجت حتي وصلت أسفل الليزر وفجأه انفتحت الكوره وقامت بازاحه بعض الليزر مكونه منطقه خاليه من الليزر تشبه البوابه عبر الثلاثه منهم وصعدوا للدور الأول وجدوا الرجال يتقاتلون بينهم
ماكس /ماهذا انهم يتقاتلون لما لانتركهم ونعود لهم
إيلينا /هيا يا ماكس الحفله لم تبدأ بعد
ماكس بغمزه /اذا لنستمتع
اياد/يلا بينا
انطلق الثلاثه ودخلوا فجأه تفاجأ بهم الرجال ولكن لم يطول تعجبهم بل هجموا عليهم واخذوا يتقاتلون باستخدام الكاراتيه (الدور الأول افضل رجال الكاراتيه)
كانت إيلينا هي المسيطره حيث كانت تضرب بشده وأكثر من شخص معا كان عددد الرجال يتزايد كل مره والقتال يشتد أخرجت إيلينا اخر رصاصه لديها من رصاص جو
وقامت بإطلاقها عليهم فتساقطت الجثث
صعدوا للدور التاني
ماكس باستمتاع /اه الدور المفضل لدي (ثلاث رجاله جزارين مع اسلحه فتاكه بيقتلوا بعدين يسألوا)
إياد /مش فاضل معانا غير رصاصه واحد
أيلينا /خليها لعصابه القط الاسود لان دول مفيش تفاهم معاهم
ماكس /كفي حديث والان لنبدأ
القي إياد قنبله غاز نظر الثلاث رجال لها ثم حاولوا الهروب منها ولكن فجأه تسرب الغاز وانعدمت الرؤيه بالنسبه لهم ارتدي إياد ومن معه الاقنعه التي صممها جو لهم حتي يستطيعون الرؤيه في الدخان الكثيف استغلوا هذا لمصلحتهم وانطلقوا إليهم يضربهم بشده والرجال الثلاثه لا يستطيعون ان يصدوهم
حتي انتهوا مهم صعدوا للدور الثالث (عصابه القط الاسود) بمجرد دخولهم وجدوهم يأكلون اللحم نيئ دخل إياد فجأه وأطلق الرصاصه و لم يمهلهم حتي الفرصه للتفكير
صعد الثلاثه الدور الرابع (الرجل الذي لايهزم في اي قتال) ولكن مهلا أين هو ليس هناك أحد هنا نظرت ايلي لهم بشك وخوف ان يكون فخ أشار لهم ماكس ان يكملوا هم الطريق وهو سيري الأمر نظرت له إيلينا بخوف ولكن طمئنها هو
صعد إياد وايلينا الطابق الاخير حيث يوجد كبري وايضا الاجتماع الذي سيتبادلون فيه صفقه الاسلحه
عندما وصلوا اختبئوا علي مقدمه السلم وسمعوا مايحدث
كوبرا /اذا نحن متفقين ساشتري السلاح والمال سيصل لحسابكم في البنك بمجرد ان استلم كل شئ ووقتها فقط سأحكم العالم اجمع
إيلينا وهي تدخل ببرود وخلفها إياد/تؤ تؤ تؤ
يا مسكين يا كوبرا لن تعيش لهذا اليوم
نظر الجميع للصوت وظهر الرعب علي وجههم من رؤيتهم للملاك الأسود
الا كوبرا نظر لها بتفحص وابتسم بخبث /انظروا من هنا انها صغيرتنا ايلي
فابريانو (مخترع السلاح) /إيلينا هذه انتي
إيلينا وهي تنظر له باستخفاف/ مرحبا ياصغير يبدو أنك أصبحت قوي الان ولكن للأسف في الطريق الخطأ
كوبرا /ماذا يا عزيزتي لاتنسي انكي كان من الممكن أن تكوني مكانه لولا فقط رفضك الغبي
نظرت له إيلينا ببسمه/مستحيل ان اصبح مكانه ياكوبرا
كوبرا بنظره خبث / اري ان صغيرتي أصبحت كبيره وايضا مثيره جدا
نظر له إياد بغضب /إياك أن تتحدث معها نصف كلمه فقط
مثل كوبرا الانزعاج /ماهذا ياولد ألم يعلمك والدك ان لا تتدخل في الأمور العائليه لاحد
نظر له إياد بحاجب مرفوع وتعجب
كوبرا بتسليه /لا تقل لي أن ايلي لم تخبرك
ثم نظر لايلينا وقال بخبث شديد /ماذا ياعزيزتي ألم تخبري زوجك انني والدك.............