شهداء هايبر ماركت - بداية القصة الحقيقيه - بقلم نور ادم | روايتك

صعدنه فوك اني نسيت المبايل عالطاوله الصراحه اني مهتميت كلت هو طابق وحترك بالغلط وراح يطفوه بسرعه نزلت حتى اجيبه ماما وبابا وكرار صارو وي الناس وصعدو وياهم فوك( بداية القصص الحقيقيه )شفت طالب اعرفه جان يدرس وياي بالمعهد يساعد بلاطفال ينزل بيهو وينقذهم فجئه طفت الكهرباء والنار جاي تتصاعد اكثر واكثر مطفو النار لان ماكو وسائل مثل مستشعر الحريق او غيرها ... ركضت فوك فجئه جرني واحد وكلي النار راح تصعد انزلي احسلج كتله لا ماما وبابا فوك لازم اروحلهم كلي انزلي واذا مو يومهم راح ينزلولج بصحه وسلامه سمعت كلامه ونزلت بس بصعوبه واحد يجرني منا واحد يجني منا حته بس اطلع لكيت اهواي ناس وما انا النار توها بدايتها جان سهل نطلع بس احنه الي محد كللنه شلون نطلع قبل لتصعد الناس فوك ضت منا انو ازمه وتعدي ونصعد فوك احسن مما ننزل وتاكلنه النار بس لا النار جانت بدايتها وكدرت انزل صح النار قويه وتخنك ويمكن االي عنده ربو مراح ينجو من الدخان والاطفال كذلك فصعدو فوك عسا وان يطفوها ونطلع ...طلعت من الماركت شفت اهواي ناس بس الاكثريه بعدهم بلداخل واغلبية الناس فوك بالسطح ... اعيط اريد امي اريد ابوي كرار ... اجاني حيدر وهو جان ينتظرنه شافني ركض وشبكني اني من كثر مصيحت انبح صوتي كلي ــ اتقي الله يبنت الله رايد الخير كل شي يصير خير واذا راد راح يطلعون بسلامه مكدرت احاجيه صح كلامه بس قلبي كلش خايف عليهم .. ضلينه يم الماركت وره عشر ساعات من الحريق محد طلع لا من اهلي ولا من ناس غيرنه ...