البدايات
اني فاطمه طالبة سادس علمي امتحنت واجلت مادتين فيزياء ورياضيات عائلتي متكونه من ابنين وبنت وبابا طبيب اسنان وماما كانت مدرسه بس اتقاعدت واخوي الاكبر حيدر اعلامي واخوي الثاني الوسطاني كرار دكتور عيون هاي حياتنه من جنه طبيعيين قبل لنفكد الاحباب .
فاطمه.. فاطمه ..
ــ : هااا شتريد ..
كرار : اكلج شو هاي يكولون فتح ماركت جديد اهنا ونشهر البارحه الافتتحايه
ــ كرار صدك تحجي مكعدني من النوم علمود اتكلي ماركت ما ماركت
ــ والله مو صوجج عالساس ما ادري بيج سهرانه البارحه باليل
ــ اي وشرايد
ــ غير صار الصبح بيج شي الساعه ب 11الصبح
ــ اي .. ااي بس روح خل اكمل نومتي .
ــ كملي كملي عود كلت اليوم اخذكم لهل ماركت بس مو صوجكم
ــ صدك كول والله تاخذنه ..
ــ لا لا خليها الباجر
ــ كول والله باجر تاخذني
ــ والله بس بشرط ..
ــ وشنو هل شرط
ــ تكومين اتسويلنه ريوك من ايدج الحلوه
ــ هذا بس .. مو من اعيوني
طلع كرار من غرفتي وكمت طبيت للحمام غسلت وجهي وطلعت ..
رحت للمطبخ حتى اسوي ريوك
اجه صوت من وراي : يمه هاي بعدج كاعده لو توج كعدتي ؟!
ــ لا يمه شني بعدني كاعده تره توي كعدت
ــ زين صايره خوش مره .
ــ يمه اني خوش مره من زمان بس انتم متلاحظون
كرار : اممم .. احنىَ ملاحظ لو انتي متشتغلين
ــ ادخل هو انت بس تدخل يخرب كلشي