الفصل 1
*– ࢪواية : هاقد أستسلمت لدُروب المُحبين ! .*
*– الباࢪت«1» :*
*– الڪَاتبه : رحيمهَ،مروانَ.*
ــــــــــــــــــــــــــــــــــــــــــــــــ
➖➖➖➖➖➖➖➖➖
******
*-رواية:هاقد أستسلمت لدروب المحبين*🖤.
*-الكاتبة:رحيمةةمروان*🖤.
*-لهجة:سعودية*🖤.
*-أهلاً بيكم بروايتي السادسةة يارفاق🤤🖤.*
*-لست الوحيدة في عالم الروايات ولكني الأفضل،بگتابة أقوى وأهم القصص على الإطلاق.*
*)لا احلل ولا ابوح لمن ينشر روايتي دون ذكر أسمي(:-*
..
******
-نبدأ:بسم الله الرحمن.
*☜البارت الأول☞*
*-الكاتبة:رحيمةةمروان.*
*←عمر المسافة ماتعيق المحبين ويبقى الغلا والشوق ولو هم بعيدين↑.*
"كندا"
صرخ بوجهها:ماتفهمين أنتِ؟؟.
قالت بعصبية:أنت واحد خايس ورخمة لو كنت..
قاطعها وهو يصفقها كف قوي بوجهها.
بكت وهي تطيح ع الأرض من قوة الكف:اهئئ حرام عليك ماتخاف ربك أنت.
صرخ بغضب عارم زلزل المكان:أقسم بالله ياغزل أقسم بالله أن ماتمسكين لسانك الطويل هذا والا والله واللي رفع سبع سموات بسوي شيء يخليك تندمين انك عرفتيني بحياتك.
وطلع من البيت وهو متنرفز من لقافتها معاه.
*******
"الرياض"
{ڤلة ابو عبدالعزيز}.
وتحديداً ع الفطور الكل متواجد تقريباً إلا عبدالعزيز.
بطاولة طويلة وعريضة فيها من اشهئ المأكولات.
نزل برزته وفخامته وقدره قدام احفاده الكل وقف احتراماً له لين شافه جاء.
قعد وهو يأشر لهم بايده:اقعدوا.
قعد الكل وهم يأكلون بهدوء ماعدا الجد اللي يناظرهم بتمعن من اردف وهو يقول:وينهه؟؟.
الكل درئ شمقصدة ونطق عبدالله وهو يقول:فوق بغرفته.
الجد بملامح ماتتفسر:وليهه مانزل؟؟.
رد محمد يرقع لـ اخوه:جدي تراه رد البارح تعبان ومهدود حيله ويمكن للحين نايم.
الجد ناظر بساعته ثم قال بحزم:الساعة سبع وللحين ماقام انشهد أنه ** هاك عياله أحسن منه موجودين بالسفرة وهو لا.
أبو عبدالعزيز يكلم ابوه:يبه تدري أن عبدالعزيز توه راد من باريس فما يصير تضغط عليه لأنـ..
قاطعه ابوه بحدة:مابقئ إلا أنت تعلمني وش أسوي أقول انطم وخلـ هالعبدالعزيز علي أنا.
وناظرهم وبحدة وبصوت يملؤه غضب:اسمعوا زين أن صحئ عبدالعزيز من نومه الثقيل تعلمونه إني ابيه خلـ يجيني للملحق.
الكل:أن شآءﷲ.
وقف الجد وهو يروح للملحق الخاص فيه.
مرام زفرت:افففف شذا هاا أحد يرد علي شليـ قاعد يصير حنا اللحين بسيناريو رعب ولا وشو؟؟.
نواف نط:منجد والله كننا عايشين بفلم رعب.
أحمد نطق بدون لايقصد:متئ يموت هالجد ويريحنا.
قاطعه صوت ابوة الحاد:وش قلت؟؟.
احمد عض ع شفته من زلة لسانه ونزل رأسه وهو متوهق.
كيان بسرعة ردت:جدي شفيك ترئ حمودي يمزح لا غير.
ابو عبدالعزيز:هالحكي مافيهه مزح.
كيان بسرعة:خلاص أنا فوجهك ومايصير بخاطرك الا الطيب وأحمد هذا هاا.>وطقته برأسه.
أحمد مسك راسه وهو متألم:احح وجع.
كيان بابتسامة ناظرت جدها:هاا طقيته مرح يعيدها.
ابو عبدالعزيز بتحذير:أحمد أمسك لسانك أحسن لك.
أحمد:أن شآءﷲ.
أبوعبدالعزيز ناظر بعياله:كملوا فطوركم ولـ الشركة مفهوم.
ردوا بطاعة:أن شآءﷲ.
أبوعبدالعزيز بتحذير:هاا لايمين ولا شمال فوراً لـ الشركة.
هزوا رؤسهم بالموافقة.
قام أبو عبدالعزيز وهو يطلع من ڤلتهم ويتجهه لـ الشركة.
أحمد يناظر زوال ابوه زفر:اوووف توهقت والله ماعرفت وش ابرر لابوي بسس والله.>والتف لـ كيان وباس خدها:أقسم بالله إنك كفو ماحدا وقف معاي غيرك.
كيان رفعت حواجبها بثقة:أصلاً ذول مايقدرون يوقفون بوجهه جدي.>واشرت علئ الموجودين.
وكملت:أنا بسس اللي أقدر عليهه.
نواف:انطمي يالملقوفة.
كيان نطقت وهي تأشر على نفسها:أنا ملقوفة.
نواف:أيوهه.
كيان ناظرت أحمد:أنا ملقوفة؟؟.
أحمد هز رأسه بلا:لا أصلاً أنتي لين تتكلمين لسانك ينقط عسل.
كيان أبتسمت بس اخفت ابتسامتها وناظرت بـ نايف:هي عمو أنا ملقوفة.
نايف أبتسم بهدوء:لا.
كيان اتسعت ابتسامتها وهي تناظر بـ سلطان:أخوي حبيبي أنا ملقوفة؟؟.
سلطان ميل شفته:نوعاً ما.
كيان طقته برأسه:أصلاً انا ماسألتك أسأل مرام عمتو حبيبتي أنا ملقوفة؟؟.
مرام تأكل ناظرتها من طرف عينها:أي.
كيان شهقت:وشهو ويي لاتخليني اكشف عليك لين كنتـ..
قاطعتها مرام وهي تكحح وتقول وعيونها خارجين:اش وجع لا منتيب ملقوفة يالنكبة.
محمد غمز لـ كيان:عن وش بتكشفين عليها قولي؟؟.
كيان صرخت بوجهه:لاتتدخل.
محمد سكر اذانه:وصمخخ فجرتي إذني.
كيان سفهته وناظرت بمرام:أنا نكبة؟؟.
وناظرت بـ أسامة:أنا نكبة؟؟.
أسامة بـ انزعاج قرص اذنها:أنتي متئ تسكتين وتبطلين الهذرة الزايدة ترئ رأسي عورني من أنا ملقوفة انا نكبة ومن النظرات البريئة ذي لمتئ بتظلين تسئليهم تراهم درزن مابيخلصون.
الكل شهق:أذكر ﷲ.
أسامة ضحك:ماشاءالله.
أم أسامة بعتب:مايصير تقول كذا ياولييدي.
أسامة باس رأس أمه:خلاص السموحة منك يالغالية.
قاطعهم صوته العذب:صباح الخير.
الكل:صباح النور.
كيان نطت وهي تروح وتحضن أبوها وبدلع:بااابي حبيبي تعال يبه شوفهم قاعدين يتكلمون علي.
عبدالعزيز:قولي لي مين اللي قال عنك شيء وأنا اوريه؟؟.
كيان ضحكت وبخفة:لا خلاص مادام فيها وراي وتوعد مالهه داعي بعدين ندخل بمشاكل وثأر.
عبدالعزيز ضحك ع خفة دم بنته باس جبينها وهو يبتسم ويحضنها من شق وناظر ولده واعطاه نظرة سلطان فهمها وجاء وحضن ابوه من الشق الثاني.
عبدالعزيز باس رأس بنته وراس ولده بحب.
أم عبدالعزيز بحب:الله يحفظكم ويسعدكم ويخليكم لبعض.
عبدالعزيز:آمين يارب.
وترك عياله وهو يبوس رأس أمه ويروح يقعد ع بمكانه ويأكل بهدوء ناظر عياله الواقفين اشر لهم:يلا كل واحد بمكانه أشوف.
سلطان:لا أنا مابيه أحس ماله نفس.
عبدالعزيز ناظر كيان بمعنئ وانتي؟؟.
كيان:وأنا مابيه.
عبدالعزيز:ليه؟؟.
كيان بلقافة:لاتصير لنا جدي مساعد ترئ مايصير ضغط من كل الجوانب.
عبدالعزيز أبتسم بهدوء وسكت وهو يكمل فطوره.
قاطعه صوت أمه:يمه عزيز ترئ جدك مساعد يبيك.
عبدالعزيز تنهد وهو يترك المعلقة:وش يبغئ بعد؟!.
أم عبدالعزيز هزت رأسها:ماأدري عنهه.
عبدالعزيز هز رأسه وهو يوقف:طيب بروح اشوف شـ يبي.
وطلع.
كيان بتأفف نطقت:يمهه ليه تقولين لابوي هالحين وهو يفطر كان خليتيه يكمل فطوره.
مرام بعربجيه:ووويي حدك لاتتأفين علئ أمي.
كيان بقهر:وأنتِ شدخلك لاتتدخلين بيني وبين أمي.
مرام رفعت حواجبها:هي أمي أنا ماهي أمك صححي معلوماتك ياماما.
كيان مسكتها الغصة وهزت رأسها والدموع بعيونها:صح.
وقامت وهي تروح لغرفتها.
أم عبدالعزيز بعتب:شفيك يايمهه ليهه تقولين لها كذا تدرين ببنت اخوك حساسة مرة وتنجرح من سالفة أن مامعها أم.
مرام:والله ماكنت متوقعة أنها بتزعل.
سطان تنهد:مازعلت أدري بـ أختي بس هي انجرحت.
مرام حست بالذنب:ماكنت أقصد والله.
أم عبدالعزيز:الله يهداك يابنيتي.
مرام عضت ع شفتيها وضميرها يعذبها.
..
*********
نعرف بالشخصيات المهمة#
الجد مساعد شديد جداً علئ أحفاده يملك الكثير من الأملاك والشركات غامض جداً.
..
ولده الوحيد أبوعبدالعزيز/سلطان عنده نفس طبع ابوه متزوج أربع حريم.
..
حرمته الاولى/أم عبدالعزيز.
لديها ندئ/عبدالعزيز/عبدالله/مرام.
-ندئ لديها ولدين ليث/غيث.
ليث 25سنة عصبي حيل.
غيث 19سنة طايش.
بطل روايتنا♛.
-عبدالعزيز مملوح وحلو الملامح غامض جداً عمره 39 تزوج وماتت زوجته حنون ححيل يكره من يناديه عزيز لأنه يذكره بزوجته اللي كانت تناديه بهلـ الإسم لديه ولد وبنت توأم سلطان/كيان.
عياله#
سلطان بعمر الـ18 عام هادئ جداً بعكس أخته.
كيان بنت رجة محبوبة الكل دمها خفيف لكنها حساسة ححيل.
-عبدالله 29 سنة ضابط شرطة غير متزوج.
-مرام 20 سنة ثاني جامعه طيبوبة ودمها عسل.
..
حرمت أبو عبدالعزيز الثانية#
أم أسامة لديها ولد.
-اسامة 30 متزوج من بنت تاجر كبير ينفعل ببعض الاحيان.
..
حرمت أبو عبدالعزيز الثالثة#
أم نايف نواف.
لديها توأم نايف/ونواف.
-نايف 28 سنة هادئ حيل وجاد جداً.
-نواف عكس نايف مرجوج بكبر سنة الا أن دمه عسل وخفيف يشتغلون بشركة ابوهم.
..
حرمت أبو عبدالعزيز الرابعة#
لديها ثلاثة أولاد وبنت.
فارس/أحمد/محمد/ايلاف.
-فارس 27 سنة يدرس بمصر بجامعة مسوي أبو العلم وهو مايحب الدارسة(نسونجي).
-محمد 24سنة يدرس طب.
-أحمد 22سنة يدرس هندسة.
-ايلاف20 سنة تدرس ثاني جامعة بالشرقية عند خالها عايشة عند خالها من سنتين تجي وتزور أهلها بالاجازات وبالمناسبات.
"للمعلومة ايلاف ومرام بنفس السن لأن أم مرام وام ايلاف حملوا سوئ وولدوا سوئ".
(انتهينا من تعريف الشخصيات).
..
*********
"مصر"
:دي مش عارفه حاجة من شغلنا ياباشا.
:تعرف ماتعرف ذي مشكلتك المهم هالبنت أبيها اليوم بشقتي.
:بص أنا كيف بقا..
قاطعها وهو يقول بنرفزة:ذي مشكلتك والله أنتي تستلمين بالشهر فلوس واللحين سكري ولاتعوري رأسي وهاا اليوم أبيها.
:بسس يااستاز أنا مش..
قاطعها وهو يسكر بوجهها وماعطاها مجال تكمل كلامها.
تحلطمت وهي تقول:يلا بقا يـ مريم أنتِ ماتصعب عليكي شيء افف ازاي بقا أقدر اقنعها لـ سماح تيجي لـ شقة الاستاز فارس هالبنت رأسها يابس.
..
*******
"ملحق الجد"
يناظر بشوارع الرياض اللي تكون أمام عينيه من اطلالة ڤلته الجميلة اللي تطل علئ البحر.
جا من وراه وهو يقول:قال طلبتني؟؟.
التف الجد:يقال السلام لله.
عبدالعزيز بلعها وهو يقترب منه ويُقبل كف يده ويقول:طمني عنك جدي؟.
الجد بملامح ماقدر يفسرها عبدالعزيز:بخيير مادام في خير بهالعالم.
عبدالعزيز عقد حواجبه:مافهمت جدي اترك هالغموض.
الجد:لين تحج البقر بتركه ولا اقولك لين تترك أنت غموضك وتنسئ المرحومة وتبدأ بحياهـ..
قاطعه عبدالعزيز:سكر ع الموضوع.
الجد:مرح يتسكر.
عبدالعزيز ضحك باستخفاف:لاتقول طالبني علشان هالموضوع؟!.
الجد بجمود:لا طبعاً بسس بنرجع لهـ الموضوع المهم أبيك تدوام بالشركة وتمسكها بدال أبوك.
عبدالعزيز بصراحة:ماقدر.
الجد بحدة:وشهو ترد طلبي.
عبدالعزيز:ماارد طلبك ياجدي بسس أنتِ تدري أن الشركة لو تنذبح رقبتي ماشتغلت فيها.
الجد بحزم:ماهو علئ كيفك كذا تصير قدوة لاخوانك.
عبدالعزيز وقف:عندك شيء ثاني تقوله ولا أروح.
الجد:موضوع الشركة ماتقفل وموضوع الزواج أيضاً مرح يتقفل اللحين أبيك تقول تم.
عبدالعزيز عض على شفته وهو يقول:وشو بعد؟!.
الجد:قول تم؟.
عبدالعزيز:تم.
الجد أبتسم ابتسامه خافته:جاء خطاب لبنتك كيان وولد ناس وأنا برد عليهـ..
قاطعه عبدالعزيز وهو يقول بحدة:مستحيل.
الجد احتدت ملامحه:ماهقيتها منك تتراجع عن كلامك.
عبدالعزيز قاطعه:اذا الموضوع يخص عيالي فـ إيه بتراجع ماهو مرة الا مائة مرة.
وطلع تارك جده علئ نار.
..
***********
{ڤلة أبوعبدالعزيز}.
دخل غرفته وعقد حواجبه وهو يكح بقوة من الغرفة المكضومة راح بسرعة وهو يفتح الدريشة ليدخل الهواء النقي.
راح لها وهو يأخذه منها وبعصبية:انهبلتي أنتِ ماتخافين تيجي أمي ولا واحدة من خواتي وتشوفك بهلـ المنظر؟!.
قالت بعدم إهتمام:مايهمني.
اسامة بحدة:غاااادة.
غادة ناظرته بتعب وتحت عينيها ارهاق وهلالات سوداء:شتبي!.
أسامة تقدم منها وهو يقعد بجانبها وبحنان وهو يأخذ من يدها المعسل:غادة هاتيه.
غادة بتعب:خله ترئ حاسة نفسي مصدعة ورأسي يعورني..
قاطعها وهو يقول:غادة تراه ماينفعك والله بيدهور صحتك شوفي ششلون صارت حالتك من بعده.
غادة تنهدت:ادمنته يـ اسامة.
أسامة:طيب تقدري تقتنعي منه.
غادة هزت راسها:ماقدر والله.
اسامة:إلا تقدرين طيب أنا بساعدك تقتنعي منه كليوم ابغاك تخففين منه لاتشربينه واصل إلا لين تحسي نفسك ماتقدرين اشربينه.
غادة تنهدت وهي تهز رأسها:أن شآءﷲ.
اسامة حط يده على كتفها:يلا قومي وغسلي وجهك.
هزت رأسها وهي تقوم وتروح وتأخذ لها شور.
أسامة تنهد:آه ياغادة بتذبحين نفسك اذا ظليتي علئ هالحالة.
*********
"كندا"
رجع لـ منزله وهو يراها تخرج من الحمام>اكرم القارئ.
غزل احتدت ملامحها من شافته وتقدمت منه وهي تقول:ابغئ فلوس.
رفع حواجبه:وأنا من وين لي؟.
غزل عقدت حواجبها:مشكلتك ذي أنا وبنتي محتاجين فلوس أنت تأكل وتشرب وتطلع وتخلينا لا اكل ولا شرب ماتخاف ربك أنت؟!.
وليد بنرفزة:اوووه لاتعوري لي رأسي بهواشك انكتمي لا ابتلي فيك اللحين.
غزل بحدة:وليد متئ بتصير رجال قولي متئ بتصير؟!.
وليد صفقها كف لين طيحها علئ الأرض وبغضب:أنا رجال غصباً عن خشمكِ يازفتهه.
غزل صرخت ببكاء:لا مانت رجال لو كنت رجال كان اكلتنا وشربتنا ماهو تأكل وتشرب نفسك ياالرخمة.
وليد جن جنونه وراح ومسك شعرها وهو يشد عليهه بقوة:أنا رخمه يابنت الكلب الـ**.
غزل تشهق وهي تبكي:لاتسب الله يأخذك لاتسب لاتذكر اسم أبوي النظيف علئ لسانك الوسخ أبوي لاتذكره اهئئ.
وليد شد بقبضة يده علئ شعرها ورماها للجدار وانضرب رأس غزل بالجدار وكانت شبه فاقده وعيها وهي تسمع صراخه:أقسم بالله العلي العظيم ياغزل أن ماتمسكين لسانك لا اذبحك واشرب من دمك تسمعين بذبحك.
وخرج تاركها تنزف دماء من رأسها.
فتحت عيونها بخفيف وهي تفرك عيونها بطفولة نزلت من السرير الصغير وهي تطلع من الغرفة وتروح لـ الصالون وصرخت من شافت أمها طايحة علئ الأرض والدم ينزف من رأسها:مااامهه!.
وراحت وهي تهزها وتبكي:مامه كوم كوم مامهه.
غزل شبه فاقده وعيها تسمع صوت بكئ ابنتها ولكنها ماهي قادرة تقوم من الألم اللي استوطنها.
رونق تبكي وتهز أمها:مامه كوم لونق حايفة كوم اهئئ.
وحطت رأسها علئ صدر أمها وهي تشهق ببكاء تبيها تقوم.
غزل غمضت عيونها وفقدت وعيها.
********
{الشركة}
"مكتب نايف"
مندمج مع الارواق وقاعد يشتغل بتركيز لين ما قطع عليه طق الباب:أدخل.
دخلت وهي تقول:اسفهه ع الإزعاج أستاذ نايف.
نايف رفع رأسه لها:لا عادي شبغيتي؟!.
ميساء:ممكن أحكي معك شوي.
نايف ترك الارواق من يده وهو يناظر فيها:تفضلي.>واشر لها ع الكرسي.
ميساء قعدت ع الكرسي وفركت يدينها بارتباك:أنا جيت أقولك اءا أنـ..
قاطعها نايف:لاتترددي قولي اللي عندك.
ميساء غمضت عيونها وهي تقول:ابغئ استغيل من الشغل.
نايف عقد حواجبه:ليه؟!.
ميساء ناظرته:من غير ليه لوسمحت.
نايف هز رأسه:طيب اللحين أعطيك ملفك.
وصار يدور بالملفات اللي بالدرج الخاص فيهه لين ما نطق:ميساء محمد الـ..
ميساء:ايوهه هذا.
هز رأسه وهو يعطيها ملفها وميساء اخذته وكانت بتطلع بسس اوقفها صوته وهو يقول:لحظة.
ميساء وقفت جنب الباب.
أما نايف فـ كتب شيك لها مقدراه ** وراح ووقف قدامها ليصير مقابل لها وهو يعطيها الشيك.
ميساء أخذت الشيك وهمست:شكراً.
نايف بهدوء:لاتشكريني ماهو مني هذا حق تعبك.
ميساء هزت رأسها وهي تخرج من مكتبه.
أما نايف راح وقعد على كرسيه ورجع يكمل شغله.
*******
صرخ بقوة:انهبلت أنت صاير لعقلك شيء تصرف خمسة مليون بـ أسبوع.
:يبه احتجتها..
قاطعه وهو يقول بعصبية:احتجت خمسة مليون تدري لو يدري جدك مساعد بيدفنك بأرضك يالـ**.
نطق بقهر:يبهه لاتصير بخيل مثل جدي مساعـد..
انقطت انفاسه من تلقئ كف حار من والده.
أبوعبدالعزيز بحدة:أنا بخيل يانواف أنا بخيييل.
نواف شد على سنونه بقهر ونزل رأسه.
أبوعبدالعزيز:من اليوم مالك أي مصروف تبي مصروف دبر لنفسك.
نواف رفع رأسه وبتعجب:من وين تبغاني أدبر؟!.
أبوعبدالعزيز هز كتوفه:تصرف ترئ مانت ببزر أصرف عليك عمرك بيصك الثلاثين وأنت للحين تعتمد علئ غيرك.
نواف هز رأسه وبقهر:طيب ولايهمك يبهه من اليوم بتشوف نواف الثاني.
وطلع من مكتب ابوه وهو مشتعل من العصبية.
********
طقت الباب بهدوء.
وصلها ردها:مين.
:أنا مرام.
كيان:تفضلي.
مرام دخلت وهي تقعد بجانبها وقالت:زعلانة.
كيان أبتسمت:من أنا ، لا مازعلت!.
مرام تناظر فيها وبندم:كيون ترئ ماقصد والله اللي قلته.
كيان:عادي.
مرام سكتت من ثم قالت:ايوهه وش بنسوي اليوم!.
كيان بتفكير:اممم ماأدري والله ماتحسين بملل؟.
مرام:إلا والله بسس تدرين أن أبوي وجدي مرح يخلينا نطلع.
كيان ابتسمت بشيطانية:ماعليك أنا بكلم أبوي يكلم جدي سلطان وجدي مساعد.
مرام ضحكت:حلو ، أصلاً ماحد يقدر عليهم غيرك.
كيان رفعت حواجبها بغرور وهي تضحك.
وبعد تفكير قالت:بس وين نروح!.
مرام:اممم شرأيك نروح ع كافتيريا ونعزم خوياتنا ع حسابنا!.
كيان:تبين جدي مساعد ينتفنا تراه بخيل بيحاسبنا على الفلوس اللي بنصرفها وعذره الوحيد أنا مالازم نتبذر بالمال يابنتي وش من عذر ذا يقول مابعطيكم فلوس ويخلصنا.
مرام ضحكت:هه لايسمعك الشايب يجي يدوسك سدي حلقك أهون لك.
كيان سكتت وهي تفكر وفزت وهي تقول:خلاص لقيتها بخلي أبوي يعطينا فلوسس لأجل ونعزم خوياتنا مابي فلوسس جدي مساعد البخيل.
قاطعها وهو يقول بصوت حاد:أجل أنا بخيل يابنت عزيز؟.
كيان وسعت عيونها من سمعت صوت جدها مساعد ناظرت بـ مرام اللي مغمضة عيونها من الخوف.
رفعت رأسها وهي تناظر بـ جدها اللي ملامحه ماتتفسر وباين العصبية تشتعل منه.
بلعت ريقها وهي خايفة من اللي بيصير.
*******
"عبدالعزيز"
يتمشئ بشوارع الرياض الجميلة وصله رنين تلفونه تنهد وهو يرد علئ المتصل:خخير!.
:تعال بسرعة.
عبدالعزيز زفر:طيب مسافة الطريق.
زفر بقوة وهو يتنهد:آه مرح ارتاح بحياتي.
وراح وهو يركب سيارته وحرك لـ ڤلة جده.
*******
"مصر"
عقدت حاجبها:مين قلتي؟!.
مريم بتوتر:الاستاز فارس طالبك لـ شقتة.
ريهام:ماقال ليش طالبني؟.
مريم:لا.
ريهام:أنا بكره هالاستاز ازاي أنتي متحماله!.
مريم:محبوب الاستاز.
ريهام:طب كويس وينها شقته؟.
مريم:ببعت لك اللوكيشن.
ريهام:كويس.
راحت ريهام ومريم ظميرها يعذبها علئ اللي بيصير مع ريهام.
******
"الجامعة"
تتمشئ بروحها بـ حديقة الجامعة الواسعة والجميلة لين ما سمعت أحدهم ينادي بـ إسمها؟.
:ايلاف!.
ايلاف التفت وهي تناظر فيه:هلا؟.
:هلا والله شحالش؟.
ايلاف باختصار:طيبة ، شتبي!.
بابتسامة:أبيك أنتِ.
ايلاف:وشو؟!.
استوعب وقال بترقيع:أقصد صقر كلمني قال يبي يشوفك ورئ الفصل.
ايلاف باستغراب:صقر؟!.
:ايوهه.
ايلاف:غريبة بعالدة اذا يبغئ يشوفني يتصل فيني.>وناظرت بجوالها وقالت:بس م أتصل!.
:ها أصلاً صقر خلص شحن تلفونه وكلمني اني أعلمك يلا سلام.
وراح وتركها في حيرة لان صقر محذرها لاتروح لـ ورئ الفصل إلا اذا أتصل فيها.
زفرت وقالت:يلا خلنـ أروح أشوف شـ يبي.
وراحت وقلبها مو متطمئن.
******
"الشرقية"
وتحديداً بمنزل ابو ليث.
علئ الغداء أبو ليث وندئ وعيالها يتغدون بهدوء.
قطع هدوئهم صوت أبو ليث وهو يقول:ندئ جدك مكلمني البارح أن معاه عزيمة باكر!.
ندئ باستغراب:عزيمة ، وش هالعزيمة؟!.
أبو ليث:ماأدري ، جهزي نفسك باكر لأجل اوديك لـ أهلك.
ندئ:أن شآءﷲ.
غيث بخفة دم:يمكن جدي مساعد أشتاق لنا وعزمنا علئ ذبيحها مفطحه.
أبو ليث ناظر ولده بنظرة حادة وخلته يسكت.
غيث بلع ريقه من نظرات ابوه ونزل رأسه وهو يقول بينه وبين نفسه:وش هالنكبه.
ليث بابتسامة همس لـ غيث:أنت اللي نكبت نفسك ليه تسوي غشيم قدام أبوي.
غيث ناظر اخوه وبقهر:أنت انكتم.
ليث رفع حواجبه يزيد يقهر غيث قاطعهم صوت ندئ:ليث يمه.
ليث:سمي يالغالية!.
ندئ:سم ﷲ عدوك ياوليدي ، تبينا باكر لين نروح نحط كلمة في البنت ؟!.
ليث:ليهـ الـ..
قاطعه غيث وهو يقول:أي بنت يمه!.
ليث طقه:لاتتدخل أنت.
غيث عفس ملامحهه:قطع ترئ تعور.
وناظر امه:يمه بتخطبوا لـ ليث!.
ندئ:ايهه.
غيث رفع حواجبه:من!.
أبو ليث:كيان بنتخالك عبدالعزيز وأنت ليه تسأل؟.
غيث يسوي حزين:اووه حسافة كنت أبيها.
ليث وسع عيونه:وش؟.
غيث ضحك:أمزح يابوي هدي لاينط لك عرق بعدين وش عاجبك بهلـ الملقوفة ترئ بتعور لك رأسك.
ليث بحدة:غييث قلتلك لاتتدخل.
غيث بعدم اهتمام:أصلاً مايهمني امركم المهم(وناظر ابوه):يالغالي باكر بروح البر مع اخوياي.
ابو ليث:لا.
غيث انقهر:ليه يبه ترئ معطي الربع كلمة اني اباروح للبر.
ابو ليث ناظره وبحدة:لا يعني لا لاتخليني اعيد كلامي باكر بنروح كلنا لـ الرياض عند جدك مساعد.
غيث بزلة لسان:وأنا مابغئ أروح لـ الشايب مساعد.
ابو ليث بعصبية:وشهو؟.
غيث عض لسانه وبتبرير:يبه انا..
ابو ليث وقف:أقسم بالله أقسم بالله ياغيث أن ماتعدل أسلوبك وأنت تهرج بسوي شيء لايعجبك ولايعجبني.
ندئ قامت:أهدأ ياناصر الولد خفيف دم ومايقصد الهرج اللي يقوله..
أبوليث بحدة:هذا كله بسبتك هذا سبب دلعك له شوفي ليث غير عن غيث..
قاطعه غيث وهو يقوم من السفرة:وش تقصد يبه!.
ابو ليث:اللي اقصده أن فرق كبير بينك وبين اخوك ليث.
غيث بقهر:الله وشهو هالفرق؟!.
ابو ليث:أنت ولد مستهتر عكس أخوك..
غيث انجرح ونطق والغصة بحلقه:أصلاً أنت مابعمرك اعتبرتني ولدك دائماً الفخر والمدح لـ ليث وأنا في ستين داهية دائماً تحسسني إني ناقص قدام ليث تحسسني بنقص شاسع.
قاطعهم صوت ليث الهادي وهو يقول:ياجماعة صلوا على النبي واذكروا الله استهدوا بالله لايدخل بينكم إبليس.
أبو ليث:اللـهم صلي وسلم عليه ، لا إله إلا ﷲ.
وقعد وهو يذكر ربه.
أما غيث فـ كان واقف يناظره والدموع متحجرات بعيونه.
أبوليث:أسمع ياولد انا مابعمري فرقت بينك وبين اخوك بس أنا مثل ماربيت أخوك ليث ابغئ اربيك بنفس الدرب اللي ربيته فيهه ولاتحسب أن هالمعاملة اعاملك ياها لنفسك لا لا ياغيث حتئ ليث أخوك تعاملت معاها بنفس هالمعاملة.
غيث طلع بدون لايقول شيء.
******
******
*☜البارت الثاني☞*
*-الكاتبة:رحيمةةمروان.*
*←كَل شي لا طال الرجا فيّيه ينعَاف↑.*
{ڤلة أبو عبدالعزيز}
دخل لڤلة جده والتقئ بـ جده في الصالون عقد حواجبه وهو يشوف كيان ابنته منزلة رأسها وباين من شكلها الخوف وكانت بجانبها مرام تقدم منهم:شنو فيهه!.
الجد قاعد بكرسيه الخاص في الصالون يكون بصدر المجلس ويناظر بـ عبدالعزيز بغموض.
كيان لين شافت أبوها راحت له وهي تحضنه عبدالعزيز شد عليها وهمس بإذنها من شاف جسدها الصغير يرتعش:لاتخافين أبوك جنبك.
كيان برجفة:يبه جدي مساعـد اء..
قطع كلامها صوت الجد:تدري وش قالت بنتك؟.
كيان بلعت ريقها ومسكت يد ابوها بقوة.
عبدالعزيز تقدم من الجد بكل ثقة وهو ماسك بـ ايد كيان ويناظر بعيون الجد:واثق من كل كلمة تقولها بنتي.
الجد بسخرية:واليوم بتنهدم ثقتك علئ رأسك.
عبدالعزيز ضحك باستخفاف وسكت.
مرام ناظر بـ كيان وهي خايفة وكيان خوفها لايقل عن خوف مرام.
الجد وقف وهو يطالع بعيون عبدالعزيز:أنا بخيل؟.
عبدالعزيز بغموض:ماعاش من يقولها لك.
الجد اتسعت ابتسامته:أجل هذي نهاية ثقتك.
عبدالعزيز ناظر بـ كيان اللي منزلة رأسها رفع رأسها:قلتي لجدي بخيل؟.
كيان بخوف من شافت نظرات أبوها ارتجف فكها وهي تقول:يبه والله ماقصد كذا انـ..
قاطعها الجد:قصدت ولا ماقصدت المهم قلتيها وبتتعاقبي.
كيان خافت وناظرت أبوها بنظرت رجاء.
عبدالعزيز هز رأسه:أكيد لازم تتعاقب وأنا بنفسي بـ عاقبها.
كيان بهمس:يبه ولا ماقصد..
عبدالعزيز قاطعها وهو يقول:اشش.
مرام تقدمت:جدي ترئ كيان ماتقصد كانت تـ..
قاطعها الجد:أنتي لاتتدخلي خليك ساكتة.
مرام بلعت ريقها وناظرت كيان بخوف.
عبدالعزيز تكتف:وش العقاب يابو سلطان؟.
الجد أبتسم بخفيف وهو يقعد على كرسيه ويقول:الزواج.
كيان وسعت عيونها للآخر وناظر أبوها وهي تهز رأسها:مابي يبه مابغئ اتزوج تكفئ.
عبدالعزيز ناظر الجد:من المتقدم لأنه مكلمني واحد.
الجد أبتسم بغموض:ليث.
عبدالعزيز هز رأسه:تم.
كيان اننصصصدمت:يبه وش تم تبغئ تزوجني لليث مابيه هالمتعقد مابيه تكفئ يبه خلاص والله مرح عيدها جدي والله اسفة آخر مرة اغلط عليك سامحني.
عبدالعزيز اشر لفوق:روحي لـ غرفتك.
كيان صرخت:ما أبا.
عبدالعزيز بحدة:كيان لاترفعي صوتك وروحي لـ غرفتك أشوف.
كيان ببكاء:لاتزوجني مابـي.
عبدالعزيز:روحي.
كيان راحت وهي تبكي ومرام لحقتها.
عبدالعزيز ناظر الجد:عسئ استانست!.
الجد:ححيل.
عبدالعزيز هز رأسه:أسمع أنا ماوافقت إلا أن ليث هو نفسه اللي كلمني ولا أنا مابعطي بنتي للغريب.
وراح وترك جده مبتسم ع الآخر؟!.
******
"كندا"
للحين