البارت 33
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «33» .*
*____________*
ڪتبت ڪل شي الا اٰلوداع الأخير
ما زلت متوقع ان الشوق بيرجّعك .
-------------------------------------
- ععند عروب .
ما لمحت قسور من أمس واختفى تماما عن البيت لحد لحظة المملك وسمعت صوته فقط ارتعب ڪل مافيها وماتوقعت بيوم اللي ڪانت تناديه بـ " المزيون " و تتمنى الزواج منه تحصل معاه ڪل هالاحداث و تتزوجه الادهى والأمر بأنه ڪان يعرفها وڪان يحاول يعرفها فيه من خلال هداياه ورسايله اللي ڪانت من " مجهول " لها طلب شوفتها وهي من لحظه ما نطقت المها بهالجملة وهي تحس رجليها مب شايلتها من
التوتر لين توقفت باتجاه المجلس لجل يشوفها قسور
دخلت وعينها بالارض من رعبها رغم ان مافيه ولا حدث جمعهم ڪان نتيجته " الخجل " الا ان فطره البنت وحياءها يترڪها تحس بڪل هالحاسيس حتى ولو ڪانت على معرفة بالشخص رفعت راسها وهي تناظره جالس وانظاره ما انزالت بتاتا من عليها من لحظه دخولها ابتسم وهو يعدل جلسته بعد ما ڪان حاط رجل على رجل ويناظرها وابتسامته تتوسع من
قربت ولمح الشي اللي ڪل ما لمحه بعنقها زادت ابتسامته " سلسالها " اللي أهداها إياه بعمر18 .
---------------------------------
- ععند سـدن .
ڪانت جالسة بخجل فضيع بزاوية الجلسة بعد ما ترڪتها عروب لانها بتشوف قسور وتحس بحراره فضيعه تحاوطها من شدة الخجل وواضح من رجفتها مسڪتها الفنجان قربت أسرار بهدوء وهي تجلس بقربها وتمسك ڪفها : شوي شوي .
التفت سدن لها وهي تبتسم برعب ونطقت اسرار بابتسامه : شايفه رجفتك من آخر الصاله ڪل هذا لان عروب ترڪتك .
سدن وتحس بتبڪي من شدة خجلها ونزلت انظارها من اسلوب أسرار الدفش شوي : لا شدعوة .
موج قربت بتعب وهي تجلس بقربهم وبيدها ڪأسه شاي : سدن
التفت سدن لها ونطقت موج : جوالك يرن
انتبهت سدن لجوالها وهي ترفعه وترد مباشره لتتهرب : ألو .
سراج نطق بتعب : سدن
بردت ملامح سدن تماما وهي تناظر جوالها دمعت وهي تبتعد عنهم باتجاه المطبخ وتخرج منه لجهة البيت الخلفية نشف دمها وانحبست انفاسها من سمعته يبڪي وشدت على جوالها بقوة : سراج .
حاول يعدل نبره صوته وهو ينطق : سامحيني تڪفين مب قادر انام من عذاب الضمير .
نزلت عيونها وهي تحس دموعها تنزل : قلت لك اني سامحتك .
سراج : ماحسها من قلبك تڪفين سامحيني على اي شي سويته بحقك .
عضت شفايفها تڪتم بڪاءها : مسموح مسموح يا ولد عمي والله ما بقلبي شي عليك .
نزل وجهه بين رڪبه وهو يمسح دموعه بإرهاق سافر لعل وعسى ينساها وينسى ڪل شي ومن لحظه وصوله ما ذاق النوم قدم استقالته وما له نية الرجوع بتاتا سدن خافت من سڪوته ونطقت برعب : سراج
انت معاي؟.
اخذ نفس : الله يرزقك الاحسن مني واللي يصونك ويقدرك ويحبك عز الله اني مو بڪفو وما استاهلك استودعتك الله .
بعدت الجوال من اغلقه وبڪت وهي تنزل بجسمها على الارض غطت وجهها وبڪت بحرقة قوية ما سيطرت عليها لتطلق شهقاتها العالية واللي وصلت لمسامع الشباب اللي واقفين بعيد عن مجلس الرجال يدخنون آسر استغرب من صوت البڪاء وناظره ملهم
اللي يدخن بشراهة : تسمع .
هز ملهم راسه ببرود : عادي يمڪنها حبيبة قسور وتبڪي على فراقه .
آسر ناظره بحزة وقرف : وش هألافڪار ياشيخ
ضحك ملهم وهو يرمي الدخان ويدوسه بهدوء : اروح اشوف .
مسڪه آسر : صبر بدق على موج أشوفها .
ملهم : ياشيخ يعني حرمك بتترك الغرف وبتبڪي بالحديقة ورا واضح انها مب من البيت .
آسر مسڪه بحده : قلت لك اصبر بترڪها تشوف البنت .
ملهم زفر وهو يشتت أنظاره لرعد اللي جاي يدندن وابتسم ملهم من حضنه رعد بشدة : مب زوجتك انا وش فيك .
رعد : تخسي يعني الواحد ما يحضن .
آسر زفر بعمق : ماترد
رعد التف : مين شحاصل .
مـلهم دفه : البنت بتموت من البڪي وولد اخوك مصر الا يتصل على حرمه امسڪه انا اقول
آسر ناظره بحده وهو يهز راسه : متشفق على البنت انت اثقل مـلهم .
جمد ملهم من تفڪير آسر ونطق بحدة : مريض انت متشفق على وحدة ما اعرفها وماشفتها الموضوع موضوع انسانية ماهو حيوانية آسر من متى تطلع مني هالحرڪأات .
رعد استغرب ونطق بهدوء : وش اللي حاصل صلوا على النبي انت وياه .
ملهم ناظر اسر بحدة : اللهم صل وسلم عليه امسك ولد اخوك قام يهلوس الظاهر .
ابتعد عنهم بيخرج خارج البيت بغضب ونطق آسر وهو يزفر : هو الله يهداه فهمني غلط .
رعد بمصداقية : آسر وش فيك ڪلمتك غلط يعني ڪلنا نعرف ملهم مستحيل يسوي هالشي .
زم آسر شفايفه وهو ينزل انظاره لتحت ابتعد رعد عنه من سمع نداء همام له ليعاونه بصب القهوه وربت على ڪتف آسر وهو يمشي خرج آسر لملهم اللي رجع اخذ له دخان ونطق اسر وهو يقرب : اعتذر ماڪأن قصدي سامحني .
زفر ملهم بهدوء وهو يسڪت وابتعد اسر عنه وهو يدخل تاخر ملهم ڪثير ليدخل ونسى موضوع البڪاء اصلا لڪن من دخل سمع صوت البڪاء لا زال يصحبه ڪح مستمر وصوت استفراغ حاول يصد عن الصوت ويتجه نحو المجلس لڪنه زعل وڪثير لانه الواضح ان محد يدري عنها من مدتها بالبڪي وخاف تحتاج شي ورجع بخطواته التجاه الصوت بتوتر وصده .
--------------------------------
- عند قسور وعروب .
مسڪت ڪفوفها برعب من شافته يتقدم لها بابتسامه وسيعة على شفايفه ونطق ببحة : يامدور الهين ترا الڪايد احلى .
خجلت وهي تزم طرف شفايفها بقوة ورفعت نظرها وهي تشوف نظراته لمعه عيونه اللي تأسرها مزيون وفعال مزيون وزاد زينه بلبسه ڪان البس ثوب ابيض وشماغ وزاد حلاوه لبسه بشت جده الأبيض بتطريز ذهبي اللي لبسه اياه وزاد حلاوته وفخامه قسور عليه أحلى عيال الصقر وبشهادة الڪل ووسامة جده الفهد جات فيه الڪل يشهد لقسور بشبهه القوي لجده الفهد وشهامته وذڪاءه وفطنته وشجاعته وإصراره على شي يحطه بباله ويتشابهون بالعناد واللي زاد حب الفهد للمها هو نفس الحب اللي يحبه قسور لعروب الفهد يحب قسور والمها تحبه في عروب لأنهم يشوفون شبابهم فيهم الاثنين قرب اڪثر لحد ما قرب اطراف اصابعه للعقد اللي اعطاها اياه وابتسم لحد مابانت غمازة خفيفة عنده : الزين غالي
رفع عينه لها وهو يبتسم وابتسامه خبث تتمرد : بس الزين اغلى .
قرب بهدوء وهو يقبل نحرها مڪان العقد ومن فجعتها رجعت لورا وهي ترفع يدها وتطبعها على خده تڪلمت بحدة : وقح
مسك خده وهو يرفع نظرته لها بحدة مصطنعه و ناظرته برعب وعينها تلمع رجف فڪها بخوف وصرخت وهي تضرب ڪتفه من هوش لها بعد ما تقدم خطوتين سريعة : ليه تمدين يدك دامك ترجفين ! .
عروب عدلت شڪلها بحدة وهي تناظره : حقير .
قسور بروقان : تسلمين قضيها شتايم ياروحي تمونين .
ختمه بغمزه وهو يطالعها واخذت نفس وهي تزفره برعب .
------------------------------------
- نرجع لـ ملهم .
صد من انتبه لها وهو يعطيها ظهره ونطق بهدوء : يا بنية فيك شي؟.
عضت شفايفها وهي تحط يدها على ساقها من طاحت بسبب عدم رؤيتها وهذا اللي ترڪها تبڪي
من الالم رفعت عينها بخوف وهي تشوفه معطيها ظهره وخافت وهي تدور شي تتغطى فيه : امانة لا تلف
عقد حاجبه بهدوء وهو يمد يده للعقال ويترڪه بذراعه ويشيل شماغه يمده لها : امسڪي ليه تبڪين من انتي .
ڪتمت الشهقة اللي ڪانت بتخرج وهي تسحب شماغه وتغطي شعرها وذراعها : مشڪور
حاولت توقف وتأوهت وهي تجلس والتف لها وهو يقرب ويرڪع على رڪبتيه جنبها : صابك شي؟.
طاحت عينه بعينها وجها المحمر من شدة بڪاءها وڪحلها السايح زمتها لشفايفها اللي حمرت من ڪثر عضهم من ألمها حاولت تشتت أنظارها من نظراته اللي أرعبتها ونطق ببرود : تعرفين قسور انتي؟.
عقدت حاجبها : وشو؟.
ملهم وظن انها حبيبة قسور وتبڪي لجله : من طرف مين انتي من اللي عزمك خبري الملڪة عائلية والعريس والعروس من نفس العايلة .
بلعت قساوة الشعور ونطقت بحدة من فهمت مقصده : من طرف عروب بنت عمها عروب اللي خذيتوها من عايلتنا وعيشتوها بحالة نفسية .
رفع حاجبه بذهول : عجيب والله مب انتو يعني اللي مختطفينها .
نطقت بحدة صارخة : نزل عيونك
ناظرها باستغراب ونزل عينه من حس بتماديه و سحبت شماغه وهي ترميه بجنبه وانذهل : مابي مساعدتك تقدر تروح وادبر عمري محد ناداك .
سحب شماغه بهدوء وهو يفتحه ويترڪه عليها
ونطق بهدوء : ماني ردي تحتاجين مستشفى رجلك متورمة
تجاهلته وهي تحاول توقف : رجاءا .
قاطعها بهدوء : تعرفين غير عروب هنا تظنين عروب بتلتف لك لو خايفة اسويلك شي أنادي امي تجي معنا تحتاجين مستشفى يابنت الناس .
سدن بهدوء وهي عاقده حاجبها بقوة من شدة ألمها : قلت لك مشڪور اترڪني لحالي .
ناظرها باستخفاف وهو يناظرها من فوق لتحت هو وده يساعدها وهي بغرور ترفض رجع خطوتين للخلف وأعطاها ظهره وهو يمشي وجات بتلف ورجعت التوت وطاحت وهي تصدر صرخة وبڪت مباشرة من الالم وهي تحس رجلها انڪسرت .
وقف بعزة نفس وهو يتنهد ويهز راسه بعدم اعجاب وقرب وهو يرجع بخطواته اتجاهها ونطق وهو يناظرها بحدة من رجعت أعطته نظره الرفض بعزة نفسها بعد ما طردته : وان فعلت الطيب ماهو ألجل حاجه طبع جدي وطبع أبوي وصار طبعي وما يعز علي اشوف بنت تحتاج مساعدة واسفهها ادخل السيارة قريب لجل محد يشوفك وجاي .
ناظرته بخجل عظيم وهي تغطي وجهها بالشماغ وتبڪي رجعت تتصل على عروب لعل وعسى ترد عليها لڪن انتهت المڪألمة بدون رد .
--
شافت السياره قربت ونزل منها وهو ينزل وڪان متوجه لها واستوقفه عساف : ملـهم؟.
التف له بحوسة : سم
عساف : سم الله عدوك عسى ماشر ليه دخلت السياره
ارتبك ملهم وشتت أنظاره : ابد بجيب غرض وبحطه بالسياره وثقيل .
عساف : ودك اساعدك .
ملهم بنفي مباشر : لا لا تسلم .
عساف : طيب بتطول العشاء
ملهم : عافية على قلبڪم شبعان انا .
ناظره عساف بهدوء : براحتك
ابتسم بهدوء وهو يحك طرف وجهه من فرط توتره وهو يناظر عساف اعطاه ظهره باتجاه مجلس الرجال زفر وهو يمشي بخطوات سريعة اتجاه البنت نطق بهدوء وهو ينزل لها من شافها ملتوية على نفسها : تقدرين تمشين؟.
عقد حاجبه من شافها ما اعطته جواب وقرب منها وهو يفتح الشماغ : بنت .
ضرب خدها بخفة وزفر بقروشة من شافها فقدت وعيها : يا دلعڪم بس .
ترك ذراعه تحت رجليها والثانية تحت راسها وهو يرفعها ويتمنى ما يصادف احد الانه ما يتخيل يبرر لأحد شي هو ما يعرف فيه .
-----------------------------------
- عنند الححريم .
جلست غسق بجنب جدتها وهي تبتسم لها ڪل شوي لدرجة استغربت غسق وضحكت بربڪة : شفيك جده قافطتك من بداية الليلة تناظريني حلوة صح .
ضحڪت المها : من يومك حلوة ما فيها خالف
تنحنحت بدلع وهي تناظر اسرار اللي تشمق لها : أقول يمه .
ابتسمت غسق بروقان وهي تاخذ القهوة من يد
موج : سمي
المها وهي تمسح على شعرها : وش رايك بعساف؟.
ناظرتها بصدمة ووقفت بألم من انڪبت القهوه عليها موج التفت بصدمة : مني؟.
غسق عقدت حاجبها وهي تنفض يدها : لا لا انا
المها سمت عليها وهي توقف : تعورتي
غسق هزت راسها وهي عاقدة حاجبها : لا جدة
التفت وهي تشوف الناس صدت ونطقت بهمس : جده وش هالڪلام وش رايي ومب رأيي ! .
المها بللت شفايفها وهي تتنهد : آخر الليل لا خلصت الحفلة تعالي الغرفة .
ارتعبت غسق وهي تهز راسها بهدوء وابتعدت تغسل يدها .
---------------------------------
- هـزاع وميـان .
ترك بقلبها فراشات من بعد ما دخلوا من شاهيـن ما توقعت بيوم بتحس بشعور مثل هذا شعور الحب اللي يحتويها بطريقة عجيبة ماحستها مع ترڪي ولا مع اي شخص ڪأنت تڪلمه ڪانت تشعر بمشاعر عادية اتجاههم لأنها ڪانت الطرف اللعيب واللي يدخل علاقات للتسلية وما ودها بتڪوين عائلي ابدا ولا ڪانت تفڪر بتاتا شعور هزاع وحبه لها وحزنها الدائم على حرڪأتها اللي ڪانت تسويها فيه التفت له من سمعته يناديها : هلا .
هزاع : اسولف مع نفسي .
ميان عدلت شعرها وهي تبتسم بهدوء : سرحت شوي وش ودك؟.
هزاع : اقولك ليه مارحتي ملڪة عروب .
ميـان مددت ذراعها لالمام : مالي خلق وماعندي فستان ومابي اترڪك لحالك .
هزاع بهدوء : ڪان رحتي غيرتي جو ولا تڪذبين فساتينك ڪثير واذا علي مب بزر انا والحمدالله صرت بخير .
ميان ناظرته باستخفاف : يوه صدق ولله ماڪنت اعرف الا الحين ڪيفي ماودي اروح .
هزاع : انجنيتي؟.
ميـان : شدراني عنك احسك تطردني لهالدرجة حومت ڪبدك مني .
هزاع رفع حاجبه بذهول : جد انجنيتي رسمي وش قلت انا .
ميان تنهدت : جوعانة وش نطلب؟.
هزاع استغفر وهو يمسح وجهه : بڪيفك .
---
- آخر الليل الساعة 1الفجر .
من ترڪته بعد ما ضمدت الجرح وشرب دواه ورڪبت لفوق لجل ينام هو ترڪت الالبتوب على جنب بعد ما انتهت من متابعة حلقتها وهي تزيل اللحاف وتسحب
الأڪياس والعلب لجل ترميه بالزبالة عدلت البلوفر وهي ودها تتطمن عليه ولو يحتاج شي رغم ان نبهته يدق عليها حتى لو الفجر وقفت بوسط الدرج وهي تسمعه يسولف بالجوال وظنته نايم لڪن مسڪت الجدار بصدمة من سمعت ڪلامه . .
هزاع ابتسم وهو يڪلم ثنيان اللي دق عليه : ومين اللي قايلك اني بهين رجولتي وبترك وحدة على ذمتي وانا عارف بڪل السوء عنها ماعندها نقطة اغفر لها فيه ! .
---------------------------------
- ععند عروب .
بعد ما انتهت الملڪة وغيرت لبسها ما قدرت تنام وظلت تشتت انظارها بالغرفة بأڪملها لحد ماحست انها تختنق قامت وهي تسحب جلالها وتنزل تحت شدت على اللحاف اللي عليها من عرفت ان الڪل نام ومابقى الا هي وتنهدت وهي تشد على جسمها و الدموع بدت بعينها ارتعبت وكانت بتصرخ من حست بشخص لڪنه نطق بتسارع : آسر انا آسر
التفت له تشوفه وناظرت وجهه المرهق : آسر ليه مانمت .
تنهد وهو ياشر بجنبها وهزت راسها وهي تبتعد : مثل السبب اللي ماترڪك تنامين .
ناظرته بعمق وهي تحس الدموع تتجمع : تحس اني تسرعت بقراري؟.
عقد حاجبه باستغراب : اي قرار .
عروب تنهدت بحزن ونطقت بحشرجة : قرار الزواج
آسر اعتدل بجلسته : تحسين انك ندمتي؟.
عروب هزت راسها بنفي : مو جاية احدد شعوري مو ندمانه لڪني مو قادره اتقبل وضعي احس ان من لحظة ماعرفت مين اڪون انا مو انا ماقدر اتصرف بأي شي لأن احس تصرفاتي مو لي .
ترك ڪفوفه بحضنه وهو يرفع راسه للسماء من حس برذاذ المطر يطيح اقتربت عروب بتعب وهي تترك راسها على ڪتف آسر اللي جمد بصدمه من بڪت ومن فعلها : ليه انا يصير فيني ڪذا ليه الزم اتعذب .
آسر بلع ريقه ونطق بهدوء : استغفري ربك قضاء وقدر فجر .
ضحكت وسط بڪاءها : شفت حتى ان لي اسمين و شخصيتين و عندي عايلتين .
آسر اعتدل : لو ما يعجبك فجر وما ودك فيه انا راضي اسميك بعروب بس لا تتضايقين
ابتعدت وهي ترفع راسها له وبڪت بقوة يحاول يتنازل عن ڪل شي حتى حقوقه على علي اللي ظلمه لجلها والحين لباقي الاسم اللي لها هزت راسها برفض : انت سميتني وودي تناديني لانك مختلف آسر ما تتوقع انك الشي الوحيد اللي فزت فيه بالمعرڪة ذي آسفة لو ضايقتك .
تحولت محاجر عيونه لألحمر وهو يبلع ريقه بتعب وقربت وهي تحتضن خصره وتترك راسها بوسط صدره وبڪت بقوة من المطر اللي يزيد من شد على حضنها ومسح على شعرها واختتمها بقبلة على راسها وهو يتنهد تنهيدة زالت هموم عنه ما ڪان يتوقع هالشي وبهالسرعه لڪنه مستعد يسعدها عن ڪل لحظة ڪانت بعيدة عنه ومو قادر يسعدها فيه احتضنها وبقوة لأن مو مصدق حضنها لحد هاللحظة حضن اهله وحضن عز . .
------------------------------------
- نرجعع لـ مييان .
بلعت ريقها وهي تنزل بآخر الدرجات ليرفع نظره لها وهو يبتسم بقوة عقدت حاجبها وهي تناظر وضعه جواله بعيد ومتڪتف ويطالعها بهدوء نطقت بعدم تصديق : انت مو جالس تتڪلم بالجوال؟.
ابتسم بهدوء : لهالدرجة الثقة في الارض .
ميان بهدوء تڪتفت : اي ثقة .
ابتسمت بسخرية على وضعها : ماڪنت مستغربة من الوضع لأني عارفة ان هاليوم بيجي وبتجي لحظة تعايرني فيها .
جمد لثواني واعتدل بجلسته : ميان ڪنت امزح ما ڪنت اڪلم أحد اصلا .
ميان حزت بخاطرها ڪثير وحتى لو الموضوع " مزحة " مزحته ثقيلة وماتنبلع وما تعتبر من عداد المزاح اصلا : تمزح بشي واقعي تضربني من ورا التريلات وتطبطب علي قدامي .
هزاع حط يده على جرحه وهو يقوم بألم : ميـان .
ابتعدت خطوه للخلف ودمعت عينها : هزاع هذا الشي مو مزحة ابدا .
بلع ريقه وهو يناظرها : آسف .
مسحت دموعها اللي نزلت بقوة : ماهقيتك انت تسويها حتى لو على سبيل المزح .
هزاع مسح وجهه بقروشه ويحس نفسه "غبي وحشره" باللي سواه المشڪلة مايعرف سبب هالجملة اللي طلعت منه ولو يحلف بأغلظ الايمان بأن قالها وما بقلبه ذرة حزن او حقد على ميان بسبب هالشي لأن هو اڪثر شخص يعرف انها ندمت وڪثير وهو اللي تزوجها وهو عارف بهالشي فـ من غير العدل منه يتڪلم الحين عن هالشي قرب وهو يحاوط وجهها وباس جبينها بقوة : اعتذر وربي ماڪان مقصدي من الجملة شي .
ناظرته بزعل واضح ونطقت بحرقة بداخلها : أثرك ناوي تفارقني وأنا أفڪر ڪيف أرتب لك أحبك !.
ابتعدت عنه وهي تنهار بڪي بقوة وصد وهو يمسح على شعره ويشتم نفسه بقوه . .
"أبيك تاخذني من الحزن لڪنّك
خذيتني لـ الزعل وإطلالة الفرقا ."
--------------------------------
- بالمستشفى سدن وملهم .
يمشي بالممر وهو يخلل يده بشعره بتعب طولو وڪثير بالداخل وماوده يمشي ويترڪها وتردد وحيل يتصل على قسور لجل يعطي عروب خبر لڪنه تراجع مباشرة لأن عيب يدق عليهم والليلة ملڪتهم ڪأن مايعرف أحد من عايلتها لڪنه وقف لثواني وهو يستذڪر جده وعلاقته بجدها دامها من عايلة الغانم بلع ريقه وهو يدور على رقم رعد ودق عليه ومباشره تڪلم من سمع الرد من رعد : رعد اترك جدي يدق على . .
عقد حاجبه وهو يمسح جبينه بمحاوله تذكر : رعد وش اسم صاحب جدي من بيت الغانم .
رعد بتساؤل : تقصد سليمان آل غانم؟.
ملهم باستذڪار : ايوه هذا هو اترك جدي يڪلمه ويقوله ان حفيدته بالمستشفى .
اعتدل رعد بجلسته بفزع : ملهم .
ملهم بلع ريقه : وش فيك حفيدته طايحه بالمستشفى و ماعندها احد جا .
رعد بتساول : نفسها البنت اللي؟.
قاطعه ملهم وهو يهز راسه : ايه هي يلا تڪفى اعطه خبر لأن مو قادر اترك البنت لحالها ووضعي غلط .
رعد وقف وهو يدور على ابوه : خلاص تم الحين اشوف وينه فيه ارجع انت .
ملهم : لا ماراح ارجع الا لين يجي شخص معاها البنت لحالها اقولك .
رعد بهدوء : طيب سڪر اشوفه وادق عليك .
ملهم نطق بتذڪر : رعد
رعد : سم
ملهم : سم الله عدوك الموضوع لا تقوله الا لجدي وبس لحد يدري يعني .
ضحك رعد بطقطقة : رايح اعطي افراح خبر بأن فيه عرس ثاني بالطريق .
ملهم بغضب : لا تخليني اندم اني طلبتك وش هالخرابيط .
رعـد ابتسم بخبث : ومو انت تدور على عروس خلاص جات لعندك .
سڪر ملهم الخط بوجه رعد من نرفزته وهو يمسح على وجهه ويجلس على الڪرسي . .
----------------------------------
توقعاااتڪم . .
*____________*
*: يتبــ؏ ..*