12-11-10
*ـ ࢪواية. ليس لها ذنب🥳🥀↻≯🍒⸙•♡»»)) 10/11/12
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
ليس لها ذنب
الفصل العاشر
في مكان بعيد، مهجور، جدرانه متآكلة، والهدوء فيه مخيف،
كانت ثريا قاعدة في حضنه، بتتدلع زي قطة متوحشة،
ابتسامتها مرسومة على شفايفها وهي بتلعب في طرف جاكيت جلده،
وبصوت كله أنوثة وفضول:
"هااا... الخطة؟
هتنفذها إمتى بقى؟ أنا قلبي مش صابر."
هو لف سيجارة ببطء، عيناه سودة كأن فيها نار،
وسحب نفس عميق وقال بنبرة غامضة:
"لما يحين الوقت...
هتعرفي، وكل حاجة هتمشي زي ما أنا خططت بالظبط."
ضحكت ضحكة خفيفة، قربت منه أكتر، وشها بقى قريب جدًا،
وهمست وهي بتحرك صباعها على صدره:
"تعرف؟
أكتر حاجة عجبتني في الخطة...
إني قتلت حازم بإيدي...
خلاص، ارتحت منه،
وبقيت دلوقتي حرة...
حرة أكون معاك...
من غير كدب، ولا تأليف قصص،
ولا عيشة زيف ووجع."
هو بص لها بابتسامة شيطانية، مسك دقنها برقة مصطنعة،
وقال بصوت هادي بس مرعب:
"وكل دا كان أول خطوة بس...
الخطوات الجاية؟
هتخلي الدنيا كلها تركع تحت رجلينا."
ثريا بصتله وهي بتحاول تخفي قلقها، بس عينيها فضحتها،
وسألته بصوت فيه رجفة خفيفة:
"وأولاد حازم؟
إيه اللي ناوي تعمله فيهم؟"
هو لف وشه ليها ببطء، نظرة سامة في عينيه، وابتسامة باردة مرسومة على شفايفه:
"هو انتي... خايفة عليهم؟"
ثريا بلعت ريقها، حاولت تتمالك نفسها،
بس قلبها كان بيدق بسرعة:
"في الآخر... دول أولادي،
آه، يمكن أبوهم مش بحبه،
بس أنا عمري ما أتمنيت الشر ليهم،
أنا مش عايزاهم يتأذوا...
مش عايزاك تمسّ شعرة منهم، فاهم؟"
ضحك بخفة، ضحكة سخيفة تخوف،
قرب منها ومسح على خدها بإيده، وقال بنبرة متلونة بين التهديد والحنان:
"بس انتي اللي بدأتِ اللعبة، يا ثريا...
وانتي اللي دخلتِ ولادك في المعادلة...
أنا وعدتك بالحرية...
بس كل حاجة لها تمن."
ثريا بصتله بحدة، بس صوتها كان خافت:
"أنا دفعت التمن...
قتلت جوزي، وبعت سنين حياتي...
بس ولادي؟
دول خط أحمر، فاهم؟
لو لمست واحد فيهم...
أنا اللي هخلّي النهاية تيجي أسرع مما تتخيل."
هو ضحك ضحكة شريرة وسحب نفس تاني من سجارته، وقال ببرود:
"هنشوف يا حبيبتي...
هنشوف انتي فعلاً قد كلامك...
ولا بس بتلعبي دور الأم الطيبة."
في صباح جديد، ضوء الشمس بدأ يتسلّل من بين ستاير الأوضة، يلامس وشوشهم بهدوء وحنان.
نور فتحت عينيها على مهل، ومع أول نفس خادته... حسّت بحاجة غريبة.
ولما حرّكت جسمها شوية، اتجمّدت في مكانها...
كانت نايمة في حضن سليم!
إيده ملفوفة حواليها وكأنهم في مشهد رومانسي من فيلم مش مصري أكيد!
نور في نفسها، وهي بتكتم غيظها:
– "يا ربّي على الصبر... هو في إيه؟ أنا كل يوم لازم أصحى على مصيبة جديدة؟
هو أنا نيمت جنبه تاني إزاي؟ ولا هو اللي جه شالني ورماني جنبه؟
هو إيه اللي جراله؟ اتقلب ملاك فجأة؟!
ده مش سليم اللي كان بيزعقلي عالفاضي والمليان وبيعاملني زي الشغالة!"
بصّت حواليها وهي بتفرك عينيها، وغمغمت:
– "ولاّ يكون ساكنه جن عاشق ولا حاجة؟!
والبيت دا شكله مش نضيف من أول يوم... مليان عفاريت وطاقات سودة!"
بصّت له بتركيز، لقت ملامحه هادية، نايم كأنه برنس من برانس الحواديت، مش نفس الإنسان اللي كانت بتتهرب من صوته!
حاولت تبعد نفسها بهدوء، بس حركة بسيطة خلت إيده تتمسك بيها أكتر، كأنها ملكه ومش ناوي يسيبها.
لكن فجأة...
حسّت بدوخة، وألم غريب في معدتها، قامت بسرعة وهي ماسكة بطنها، وراحت جري على الحمّام.
صوت الاستفراغ كان واضح، وصحّى سليم اللي فتح عينه بنعاس وتقفيلة صوت:
"يا ساتر... إيه الدوشة دي؟ مش ممكن تنقصي الصوت شوية؟ ده أنا لسه بحلم إني على جزيرة!"
نور طلّت من باب الحمّام، وشها باين عليه التعب، كانت هترد عليه... بس فجأة...
لفت تاني، ورجعت جوا الحمّام وهي بتستفرغ للمرة التانية.
سليم قعد على السرير، حَكّ دماغه، وبص للباب:
– "هي بتتقيأ؟... ولا أنا بحلم؟"
لف وِشه للنحية التانية، وقال لنفسه:
– "أكيد اتخضت عشان صحيت لقت نفسها في حضني... ما طبيعي تتعب!"
لكن بعد دقيقة، سمع صوتها بتستفرغ تاني، فقام بسرعة، قرب من باب الحمّام، وخبط عليه بخفّة:
– "نور؟... إنتي كويسة؟"
نور من جوّه الحمّام، بصوت ضعيف:
– "سِيبني في حالي... مش طايقة حتى صوتك!"
سليم تنفّس بعمق، ووشه اتشد بقلق، أول مرة يحس بحاجة بتتحرك في قلبه كده...
سليم وهو واقف عند باب الحمّام، بدأ يفقد صبره، ضرب الباب براحته وقال بنبرة فيها نفاذ صبر:
– "خلاص كفاية... أنا هتصل بالدكتورة حالًا."
نور من جوه الحمّام، وهي بتحاول تتحامل على نفسها، ردت وهي بتغسل وشها:
– "لاااا، مش مستاهلة، أكيد بس أكلت حاجة بايظة... خلاص استفرغتها وهبقى تمام."
سليم بصوت عالي:
– "يعني إنتي شايفة إن الطبيعي الواحدة تصحى الصبح على صوت معدتها وهي بتقلب، وتقضيها استفراغ؟!"
نور خرجت من الحمّام وهي ماسكة على بطنها، وبتتكلم بهدوء متعب:
– "مش أول مرة يحصل كده... جسمي بيتعب بسرعة، وأنا أصلاً اليومين اللي فاتوا كنت بنام من غير ما آكل."
سليم بصّ لها بنظرة غريبة، ومشي ناحية التليفون:
– "أنا مش طبيب، ومش هسيبك كده تتصرفي على مزاجك... هكلم الدكتورة تيجي حالًا."
نور، وهي بتشد الغطا من على السرير وبتقعد، قالت بضيق:
– "أنت ليه مهتم أصلاً؟ مش ده نفس سليم اللي كان بيقولي أنام على الأرض من غير غطا؟!"
سليم وقف لحظة، وبصّ لها، وبعدين قال بجفاف:
– "لإني... مش عايز يحصل لك حاجة قدامي، فاهمة؟"
نور اتفاجئت من لهجته، سكتت شوية، لكن ملامحها ما كانتش مقتنعة قوي، لسه جوّاها مليون سؤال.
وفي اللحظة دي...
سليم طلع من الأوضة وهو بيكلم في التليفون:
– "أيوه يا ليلى محتاجك ضروري... لأ، مش أنا... مراتي."
نور اتسعت عينيها، أول مرة تسمع الكلمة دي منه كده...
"مراتي!"
وشها سخن، مش من التعب...
من الكلمة اللي خبطت على باب قلبها اللي كانت قافلاه بالمفتاح من زمان.
مرّ الوقت...
وصوت جرس القصر رن.
نسرين جريت تفتح الباب، ولقت الدكتورة ليلى واقفة قدّامها.
نسرين بابتسامة سريعة:
– "اتفضلي يا دكتورة، سليم بيه مستني حضرتك."
دخلت ليلى للقصر، وكانت زمرد وسُمية قاعدين في الصالة، بيشربوا القهوة.
زمرد رفعت عينيها وقالت باستغراب:
– "ليلى؟ خير يا بنتي؟"
كانت ليلى هترد، لكن سليم نزل من فوق الدَرَج وهو لابس تيشرت رمادي وباين عليه القلق:
– "أنا اللي طلبتها."
زمرد قامت واقفة وقالت بقلق:
– "ليه؟ حصل حاجة؟ حد تعبان؟"
سليم وهو بيبدأ يطلع مع ليلى السلم:
– "نور تعبانة... ، شكلها مش بخير."
سُمية بصوت واطي فيه شماتة:
– "فِ ستين داهية، تموت ونرتاح من قرفها بقى."
زمرد فضلت واقفة في مكانها، كلام سُمية خلّى قلبها يتقلّب، لكنها ما علّقتش...
فضلت سكتة، وهي بتحاول تفهم سلوك ابنها اللي بقى غريب الفترة الأخيرة...
وخاصة بعد اللي حصل امبارح...
⚡ فلاش باك – ليلة أمس ⚡
زمرد دخلت أوضته وهي باين عليها الغضب:
– "سليم! أنت بتحبها؟ بتحب بنت حازم؟!"
سليم لفّ وشه عنها، وهو بيحاول يهرب من السؤال:
– "هو إيه السؤال ده دلوقتي؟"
زمرد بصوت عالي مليان عتاب:
– "ما تتهربش! أنت نسيت ليه اتجوزتها أصلاً؟ نسيت إن ده كان انتقام؟!
دلوقتي بقيت تقعدها معانا عالسفرة وتعامِلها كأنها واحدة مننا؟!"
سليم أخد نفس عميق، وقال بهدوء غريب:
– "أنا وانتي عارفين إن نور بريئة... إحنا ظلمناها، وأنا مش قادر أكمل التمثيلية دي.
أنا ندمان على كل لحظة قسيت فيها عليها."
زمرد بصوت مخنوق:
– "حتى لو بريئة... هي بنت حازم! مستحيل تبقى مراتك في يوم!
ده خيانة لأبوك... لأختك اللي ماتت!"
سليم بصوت بدأ يرتفع:
– "أنا عملت اللي لازم مع اللي تسببوا في موت بابا وأختي...
أما نور، فهي مالهاش ذنب.
وأيوه، أنا بحبها... ماكذبش عليك."
زمرد بصوت فيه تهديد:
– "وسارة؟ بنت عمّك؟ اللي من سنين و انت بتلعب بيها؟"
سليم قالها وهو بينفجر:
– "أنا ما أجبرتهاش على حاجة! كل اللي عملته كان بإرادتها...
أنا عمري ما وعدتها بشيء
أنا قلبي مش معاها... قلبي مع نور."
نهاية الفلاش باك ⚡
رجعت زمرد لواقعها، وعيونها تابعت سليم وهو بيختفي فوق مع الدكتورة...
وحاجة جواها اتكسرت، مش عارفة هي مشاعر غضب، خيبة، ولا خوف من اللي جاي.
فوق، الباب اتفتح بهدوء، ودخلت ليلى أوضة سليم.
نور أول ما شافتها، صوتها طلع بنبرة مليانة حنين واستغراب:
– "أبله ليلى؟!"
ليلى ابتسمت وهي بتقرب منها:
– "أيوه يا نور، أنا! كنت كشفت عليكي قبل كده هنا في القصر، بس ساعتها كنتي مش فوعيك... على فكرة، جوزك ده صديقي من أيام الطفولة."
سليم رفع حاجبه بسخرية وقال:
– "خلصتوا الحكايات؟ ممكن بقى يا ليلى هانم نرجع للسبب الأساسي من الزيارة؟"
ليلى رمقته بنظرة هادية لكنها حاسمة:
– "آه، طبعًا... بس لو تتفضل تطلع برا شوية."
سليم بضيق:
– "برا؟ نعم؟ دي مراتي."
ليلى بنبرة جامدة:
– "وأنا الدكتورة، وبقولك تتفضل لبرا عشان أقدر أكشف عليها براحتها."
سليم اتنرفز وخرج من الأوضة وهو بيكتم غضبه.
ليلى قربت من نور وبدأت تكشف عليها بهدوء، وبعدين سألتها وهي مركزة في وشها:
– "نور... إنتي عارفة نفسك مالك، صح؟ أنتي طالبة طب، وأشطر طالبة شفتها في حياتي. مستحيل تكوني مش حاسة."
نور بصت لها بعينين فيها خوف وهمسِت:
– "كنت شاكّة... بس مش متأكدة."
ليلى مسكت إيدها بلطف وقالت:
– "نور، إنتي حامل."
نور اتسعت عينيها، واتشدّ نفسُها بغريزة تلقائية، وقالت بصوت مهزوز:
– "أرجوكي يا أبله ليلى... ما تقوليش لسليم."
ليلى استغربت:
– "بس..."
نور قطعت كلامها بسرعة:
– "أرجوكي... مش دلوقتي، لسه مش جاهزة، ومش عارفة حتى هو ممكن يفرح ولا يزعل."
ليلى بصت لها بتفكير، وبعدين قالت بهدوء:
– "ماشي... مش هقول. بس لازم يعرف في أقرب وقت، ده من حقه. وكمان... كم شهر وبطنك هتبدأ تبان."
نور وهمست بصوت شبه مكسور:
– "هقول له... بس لما أعرف هو مش هيأذيه..
في اللحظة دي دخل سليم، وشه متجهم وباين عليه القلق:
– "ها؟ إيه فيها؟"
ليلى بسرعة، وبنبرة فيها توتر خفيف:
– "مفيش حاجة تقلق، شكلها أكلت حاجة مش كويسة شوية. محتاجة ترتاح وتاكل كويس... وهتبقى تمام."
سليم:
– "طيب، مفيش دواء توصفيله؟"
ليلى بتتهرب:
– "لا لا، مش ضروري دلوقتي... مجرد راحة وشوية تغذية وهتكون زي الفل."
سليم شك في لهجتها، لكنه قال:
– "تمام..."
ليلى بسرعة جمعت حاجتها وقالت:
– "أنا ماشية، لو احتاجتوا حاجة كلّموني."
وخرجت من الأوضة بسرعة، كأنها بتجري من حاجة!
ليلى نزلت على السلالم بسرعة، قلبها بيدق من التوتر، ولسه بتحاول تستوعب اللي حصل فوق في أوضة سليم. كانت عايزة تخلع بأي طريقة من القصر قبل ما تتورّط أكتر.
لكن أول ما وصلت للصالة... الباب اتفتح.
ومازن دخل.
ليلى وقفت مكانها، ونظرتها كانت نار.
– "هوّ! دا اللي كان ناقصني!"
قالتها وهي بتكتم غيظها، كأنها شافت شبح من الماضي مش شخص
مازن ابتسم وقال وهو بيقرب منها:
– "ليلى! إزايك؟!
ليلى بغيض و بنبرة متسرعة، وكأنها بتقرا من ورقة:
– "مازن! أنا كويسة الحمد لله... مبسوطة إني شفتك، هو إنت رجعت من السفر؟ حمد لله على السلامة، أتمنى تكون بخير... أنا الحمد لله، ماشي؟ يلا باي، عندي شغل ضروري!"
مازن حاول يرد، بس هي كانت خلصت الجُمل كلها ورا بعض كأنها بتجري من حاجة...
مدّيت إيدها بسرعة على الباب، فتحته، وخرجت بدون ما تبص وراها
مازن، بعد ما خرجت ليلى وهو واقف في النص، لف بعينيه حوالين المكان وقال بنبرة كلها سخرية:
– "شكل المجانين زادوا قوي اليومين دول… وبقوا كمان دكاترة؟! يا خُبراااا!"
ضحك بصوت خافت وهو بيهز راسه، ومشي ببطء ناحية باب القصر، وبدأ يصفّر بلحن مستفز كأن مفيش حاجة تهمه في الدنيا.
وهو ماشي، شاف نسرين، الشغالة، كانت واقفة بتنضّف الركن اللي جنب السلم وبتحاول تركز في شغلها… بس وشها كان بيقول غير كده.
نسرين عضّت شفايفها علشان ما تضحكش، بس مازن لاحظها، فابتسم ابتسامة واسعة كلها استفزاز وقال لها وهو بيغمزلها:
– "إيه يا نسرين؟ شكلك بتفكري تعملي دكتوراه إنتي كمان! ولا لسه بدري؟"
نسرين بسرعة رجعت تركّز في الشغل، ومسحت التراب بعصبية وهي بتقول في سرّها:
– "الله يورّيك يا مازن… ربنا يسلّط عليك اللي أقوى منك."
مازن خرج من باب القصر وهو مكمل تصفيره، وراسه مليان أفكار مريبة...
شكل اللي جاي مش بسيط أبداً!
في أوضة سليم، كانت نور قاعدة على طرف السرير، عينيها معلقة بالأرض، وبتحاول تخبي التوتر اللي جواها.
إيدها كانت بتتحرك بتوتر فوق بطنها من غير ما تحس، وكأنها بتحاول تهدّي دقات قلبها.
سليم دخل الأوضة وقفل الباب وراه، وبصلها بتركيز وهو بيحاول يقرأ ملامحها:
– "ليلى قالت إنك كويسة… بس أنا مش مقتنع. إنتي متأكدة إن مفيش حاجة؟"
نور رفعت عنيها له بسرعة، وقالت ببرود:
– "أيوه… كل اللي في الموضوع إني أكلت حاجة بايظة، خلاص بقيت أحسن."
سكتت لحظة، وبعدين انفجرت فيه بغضب وهي بتقوم من على السرير:
– "بس يعني على فكرة… إنت مالك؟! من إمتى فجأة بقت تهمّك صحتي؟ إيه المسرحية الجديدة دي؟ دور الملاك اللي بيخاف عليّ؟ إيه غايتك؟!"
سليم بص لها بحدة، وقال وهو بيحاول يمسك أعصابه:
– "نور… بلاش تعصبيني!"
نور سخرِت وهي بتتكلم بنبرة كلها وجع:
– "ليه؟ هتضربني؟ زي كل مرة؟ ولا هتفتكرني كذبة جديدة من كذباتك؟"
سليم بصوت عالي وهو بيحاول يسيطر على غضبه:
– "نووور!!"
سكت لحظة، وبعدين نزل صوته وهو بيقرب منها شوية:
– "أنا آسف… عنجد آسف على كل حاجة عملتها فيكي. كنت أعمى، الانتقام خلاني ما أشوفش الحقيقة… بس دلوقتي بفوق، وبحاول أصلّح غلطتي."
نور نظرت له بعينين مليانين وجع وكره:
– "لو فعلًا عايز تصلّح غلطك… طلقني. خليني أروح من هنا، ارتاح منك ومن عذابي."
سليم بص لها بعصبية ودموعه محبوسة في عينيه:
– "مستحيل! مش هقدر أسيبك."
نور صرخت وهي بتبكي:
– "ليه؟! عشان تكمل تقهرني؟ تكسرني أكتر؟ تنتقم تاني؟!"
ليصرخ سليم فجأة بصوت متقطع من شدة مشاعره:
– "لأاا!!! لأني بحبك يا غبية!!! بحبك ومش قادر أتخيل حياتي من غيرك!"
و فجأة.... يتبع
بقلمي ميلي ميس
🖋️ ده كان فصل النهاردة من "ليس لها ذنب"...
أحداثه كانت مليانة مشاعر متضاربة، صدام بين الماضي والحاضر، وجروح لسه بتنزف، وحب بيحاول يلاقي طريقه وسط كل ده...
هل سليم فعلاً اتغير؟
وهل نور تقدر تسامح اللي كسرها؟
ولا في حاجات لما بتتكسر... ما بتتصلحش؟
🖤 أتمنى الفصل يكون عجبكم بجد!
أنا دايمًا بقرأ تعليقاتكم، وكل كلمة بتكتبوهالي بتسعدني من قلبي، فـ ما تبخلوش عليا برأيكم!
عاوزة أعرف:
– أكتر مشهد لمسكم في الفصل؟
– بتتمنوا إيه لنور؟
– وهل شايفين إن سليم يستاهل فرصة تانية؟ 🤔
توقعاتكم للفصول الجاية 🥰
كل تفاعل منكم هو اللي بيشجعني أكمل وأدي أفضل ما عندي 💕ليس لها ذنب
الفصل الحادي عشر
صرخ سليم بأعلى صوته، ووشه متغير من كتر الانفعال:
– "لأني بحبك يا غبية!"
نور اتجمّدت، الصدمة خلتها حتى تنسى تاخد نفس... فضلت واقفة لثواني، عينها مش مصدقة اللي سمعته.
لكن فجأة، انفجرت بضحكة هستيرية، ضحكة كلها قهر:
– "وااااو! برافو يا سليم، بجد مثلت الدور بإتقان لدرجة إني كنت هصدقك! تستاهل جايزة أوسكار!"
سليم حاول يتمالك نفسه، صوته كان هادي بس في مرارة:
– "أنا ما بمثلش… أنا قلت الحقيقة اللي جوّا قلبي."
نور بصّت له، عينيها كانت بتولع نار:
– "الحقيقة؟ الحقيقة إن اللي بيحب ما بيذلش! اللي بيحب ما يضربش، ما يهينش، ما يمسحش كرامتي فالأرض! ما يساومنيش على شرفي…"
صوتها كان بيعلو، وكل كلمة كانت طعنة، لكن قبل ما تكمل...
طااخ صوت إطلاق نار مدوّي رجّ القصر!
نور شهقت ووقفت مكانها مذهولة، لكن سليم اتصرف بسرعة وصرخ بفزع:
– "نور!! إوعي تتحركي! خليكي فالأوضة واقفلي الباب على نفسك، مفهوم؟!"
نور هزّت راسها بخوف، وسليم خرج جاري من الأوضة، وهو بيقفل الباب وراه بعنف.
نزل السلالم بسرعة، قلبه بيخبط زي الطبول… ولما وصل للصالون وقف مصدوم!
الزجاج كله مكسور، وشظاياه مفرّقة في كل اتجاه… أمه واقفة مصدومة و سمية ماسكة إيدها المرتعشة، و الدادة فاطمة بتحاول تهدي سارة اللي كانت بتبكي.
وواقف في النص… مازن، بسخرية:
– "هو إنت قتلت حد تاني في غيابي ولا إيه؟!"
سليم، وهو بيبص حواليه بشك وقلق، رد بنبرة حادة:
– "مازن… مش وقتك!"
سليم جري ناحية الباب الرئيسي، ومازن لحقه من غير كلام.
خرجوا برا القصر، كانت الدنيا حار ، والهوى بيزوم، وعلى الأرض… الحراس مرميين ومصابين، الدم على هدومهم، والتنهيدات بتخرج منهم بتوجع القلب.
سليم قرب من واحد منهم وسأله بسرعة:
– "مين اللي عمل كده؟ شفتوا وشهم؟!"
الحارس حاول يرد وهو بيكح دم:
– "ما… ما شفناش… كانوا لابسين سُود… ووشوشهم متغطية يا باشا…"
وفجأة… تليفون سليم رن!
طلع الموبايل بسرعة، شاف الاسم على الشاشة وفتح الخط وهو لسه بيلتقط أنفاسه:
– "نعم؟! … إيه؟!!"
مازن قرب منه بفضول :
– "إيه اللي حصل؟
سليم بصله، وعينه مملية غضب وقلق:
– "المخازن اتحرقت! الشركة اتهاكرت بالكامل! في حد بيضربنا من كل الاتجاهات!"
مازن :
– "إيه؟!!"
سليم بلع ريقه وقال بحزم:
– "لازم أروح الشركة فورًا! الإسعاف جاي دلوقتي يشيل المصابين… إنت خليك هنا، هبعت حراس إضافيين يحرسوا القصر."
ركب عربيته، الباب اتقفل بقوة، وداس على البنزين، والعربية اندفعت خارجة من بوابة القصر، وسليم عقله بيغلي بأسئلة:
مين ورا الهجوم ده؟
وإزاي عارف يضرب في قلبه كده؟
والرعب بدأ يتمدد… مش بس في قلب سليم، لكن في كل اللي حواليه.
مازن بعد ما شاف سليم مشي، ابتعد شوية وطلع موبايله بسرعة واتصل على رقم دولي
الرنة فضلت ترن شوية، لحد ما الشخص رد بنعاس واضح:
– "أيوه؟"
مازن بانفجار عصبية:
– "هو إنت غبي؟! تتحرك من غير ما تقولي؟! وتضرب نار على القصر وأنا و أختي جوّه؟! أمي كانت موجودة يا أهبل! خالتك يا عم، مش واحدة غريبة!"
سيف، وصوته لسه طالع من عالم الأحلام:
– "ابن خالتي… هو انت حلمت بيا ولا إيه؟"
مازن ضغط على سنانه:
– "مش وقت استعباطك! اتفقنا ننتقم من سليم، صح؟ بس بطريقتي أنا! وأنا اللي فخور بحركتك في المخزن والشركة، لكن… البيت؟! وأنا وعيلتي جوّه؟! إنت اتجننت؟!"
سيف اتنهد ولف نفسه في اللحاف:
– "مازن… هو انت شارب حاجة؟ أنا ما عملتش أي حاجة! إيه إطلاق النار اللي بتقول عليه؟! وإيه بيت وإيه قصر؟! أنا مش فاهمك والله!"
مازن اتشدّ أكتر:
– "يعني مش إنت اللي ورا اللي حصل النهارده؟ لا القصر، ولا المخازن، ولا البلبلة في الشركة؟!"
سيف بصوت نص صاحي ونص نايم:
– "يا عمّ أنا بالعافية ملحق على المصايب اللي سبتلي الشركة فيها، دي بتغرق! تسلّمتلي خرابة والله! وبعدين بكرة عندي اجتماع مع الروس، ويوم الاتنين نازل على البلد عندك، ننام بقى اصل هنا ليل؟"
ومازن ما ردش… فضّل ساكت للحظة، وعينه سرحت في نقطة فاضية…
– "لو مش إحنا… يبقى مين؟"
وابتدى الشك والخوف يدب جواه…
هو كان فاكر إن اللعبة كلها في إيده، لكن واضح إن فيه لاعب تاني دخل الماتش… واللعبة ابتدت تسخن.
ملاحظة
سيف هو أخو لارا، وابن خالة مازن.
شاب وسيم جدًا، من النوع اللي أول ما تشوفه تقول "يا نهار أبيض!"، الجمال واخد حتة حلوة فيه، وبالذات عينيه الخضرا اللي شبه مازن بالظبط…
يعني لو شفتهم واقفين جنب بعض، ممكن تلخبط بينهم
سليم دخل الشركة والغضب مولّع في عينيه، الباب اتفتح بعنف وصوته رج المكان:
سليم بانفعال:
– إيه اللي بيحصل هنا؟!
سعاد، سكرتيرته، كانت واقفة ووشها متوتر كأنها شايفة مصيبة:
سعاد بتوتر وهي بتبص فالأرض:
– الشركـ… الشركة اتعرضت لتهكير، والسيرفرات كلها كانت خارجة عن السيطرة، الكمبيوترات مش راضية تستجيب، بس...
سليم بحدة وهو بيقاطعها:
– بس إيه؟ كمّلي يا سعاد!
سعاد بسرعة:
– بس الحمد لله، الموظف الجديد… الأستاذ ياسين، قدر يتدخل بسرعة وسيطر على الوضع، وابتدى يرجّع السيستم واحدة واحدة!
السكرتيرة من مكتبها بصوت خافت مرعوب:
– بس يا باشا… فيه حاجة تانية… اتخصملنا مبلغ كبير، ولسه مش قادرين نحدد الرقم بالظبط، وكمان فيه احتمال كبير إن الهاكر سحب نسخ من الصفقات والملفات الحساسة.
سليم بص عليهم بنظرة نار، فجأة خبط بإيده على الحيطة بقوة، لدرجة إن كل اللي حوالينه سكتوا مرعوبين، ثم لف ومشي بخطوات سريعة ناحية غرفة التحكم.
دخل وفتح الباب بقوة…
وهناك، كان ياسين قاعد قدام الشاشات، صباعه بيجري على الكيبورد، عنيه مركزة، ووشه كله جدية.
الشاشات بدأت تشتغل واحدة ورا التانية، كأنها بتردله الجميل.
سليم ، ووشه بيولّع من الغضب، صوته عالي ومليان عصبية:
– إنت!!
ياسين لفله بسرعة، باين عليه التوتر لكنه بيحاول يهدّي نفسه:
– ن-نعم؟
سليم وهو بيقرب منه بخطوات تقيلة، نبرته مش بتسيب مجال للكلام:
– إنت عملت إيه في شركتي؟!
ياسين أخد نفس وهو بيقوم من على الكرسي، نبرته هادية بس فيها ثقة:
– أنقذتها.
سليم بصوت مليان سخرية:
– أنقذتها؟! بتهزر؟ إنت فاكر نفسك مين؟ لسه داخل الشركة من أسبوعين، وداخل على سيستام معقد زَيّ ده كإنك بتلعب طاولة؟
وبعدين… إنت ابن حازم، يعني لو في حد آخر واحد ممكن يساعدني في الدنيا، يبقى إنت!
نسيت أنا عملت فيكم إيه؟! إزاي تساعدني بعد اللي حصل؟!
ياسين ابتسم بهدوء، نبرته بقت فيها لمعة خبث واعتزاز:
– أولاً… أنا مهندس إعلام آلي، ومش أي مهندس…
اشتغلت على أنظمة تعقد الدماغ، واللي عندك هنا ده؟ لعبة أطفال!
والدليل؟ إن كل فروع شركتك اتفرمت في ثواني…
بس شركة أبويا؟ اللي خَدتَها وضمّيتها لمجموعتك؟
ولا هاكر قدر يقرب منها… عارف ليه؟
لإني أنا اللي صممت نظام الحماية بنفسى، من زمان.
سليم اتحبس أنفاسه من المفاجأة، لكن ياسين كمل بنبرة أهدى وأقوى:
– وثانياً… ليه ساعدتك؟
علشان ضميري مايسمحليش أشوف مكان بشتغل فيه بيقع، وأسكت.
فيه ناس هنا بتاكل من الشركة دي، موظفين غلابة بيكافحوا عشان عيالهم، علشان يأمنوا لقمة عيش.
أنا مش حاكون سبب إنهم يترموا في الشارع، حتى لو اللي ماسك المكان ظالم.
سليم بصله بعيون مش مصدّقة، وتشدت عضلات وشه وهو بيحاول يبلع غضبه بس ياسين كمل الجملة اللي فجّر بيها القنبلة الأخيرة:
– وبعدين… يا صهري… مهما كنت شايف نفسك، واضح إنك محتاجني أكتر مما كنت فاكر.
سليم كان واقف قدام ياسين، عينه سابت عليه، قلبه بيغلي، بس مش قادر يرد بكلمة…
فيه جزء جواه رافض يعترف، وجزء تاني ابتدى يحس إنه فعلاً محتاج الشخص اللي قدامه.
قرب منه بخطوة، نبرته انخفضت بس بقي فيها نبرة تهديد:
– برافو… برافو يا ياسين… شكلك كنت مستني الفرصة دي علشان توريني إنك أذكى مني.
ياسين، بابتسامة هادية بس حادة:
– مش أذكى منك… بس أهدى منك، وده كفاية.
سليم بص له بحدة، صوت صوته بيرتعش بين الغضب والدهشة:
– مش ناسي إنت ابن مين؟ ولا ناسي أنا عملت إيه في أبوك؟
ياسين بصله بثبات، ملامحه هادية بس فيها وجع دفين:
– لا… مانسيتش.
بس بين الانتقام والتصرف برجولة… أنا اخترت أكون راجل.
إنت اخترت تكون قاسي، وأنا اخترت أكون مسؤول.
سليم ضرب المكتب بقبضته، صوته طلع عالي:
– كفاية بقى!!!
كلكم بقيتوا بتتكلموا كأني وحش…
بس محدش فيكم كان مكاني… محدش داق الخيانة اللي أنا دقتها!
ياسين بصله، نبرته بقت أهدى، وفيها لمحة حزن:
– يمكن…
بس في الآخر، اللي بيغرق في الغل، بينسى نفسه…
وإنت يا سليم، بقيت تايه بين الانتقام، والواقع.
سليم لف وشه بعيد، عنيه بتهرب من نظرات ياسين، وراح قايل بصوت منخفض:
– أنا مش محتاج نصايحك.
ياسين بابتسامة خفيفة:
– ولا أنا بقدمها علشانك…
أنا بقولها علشان نفسك، لو لسه باقي منها حاجة.
وسابه، ومشي من الأوضة، سايبه واقف لوحده وسط صمت الكمبيوترات وأصوات التحديثات اللي شغالة حواليه… بس صوت دماغه أعلى من كل ده.
في القصر، الجو كان مشحون، التوتر مالي المكان كأنه في كارثة على وشك تحصل. الكل متجمع في الصالة، وجوه مكشرة وقلق باين على كل ملامحهم.
نور نزلت السلم بخطوات بطيئة، جسمها هزيل وبطنها بتقرّص من الجوع، من وقت ما رجعت كل اللي في بطنها وهي ما دخلتش حاجة، عنياها دايخة شوية، بس حطت كل قوتها في إنها تمشي كأن مفيش حاجة، كأنها قوية… كعادتها.
**نور بابتسامة باهتة وتوتر واضح:** – صباح الخير…
الرد كان صمت… تقيل ومزعج، كأنها بتكلم نفسها. اللي رد عليها بس كانوا الدادة فاطمة ونسرين، نظراتهم فيها شوية تعاطف وشوية خوف.
**سارة، وهي قاعدة على الكنبة، نظرتها كلها سم:** – صباح الخير؟! إنتي متأكدة إنك لسه ليكي وش تقولي صباح الخير بعد اللي بيحصل؟ مش يمكن كل البلاوي اللي بتقع علينا دي وراها إنتي أو حد من عيلة الجبّار بتوعك؟
**نور وقفت لحظة، قلبها ضرب بسرعة، بس شدّت على نفسها، رفعت حاجبها وابتسمت بسخرية، من غير ما تبص لسارة وتمتمت وهي مكملة مشيها ناحية المطبخ:**
– الضفدعة اتكلمت… يارب بس أفهم هي بتفكر منين؟ يعني لو كنت بجد عندي القوة اللي بتخوف دي، كنت هستنى؟ كنت جيت هنا وانا بتهزأ كل يوم؟ ولا كنت عملت حفلة تفجير للقصر كله وسافرت أعمل سبا في جزر المالديف؟
**دخلت المطبخ وهي بتكمل كلامها لنفسها بصوت واطي:** – دي لو عندها دماغ كانت حست إني أكتر واحدة بتتعذب هنا لو عنظي هذه القوة كنت تعذبت… بس هي للأسف عقلها ضفدعة برضو.
**الدادة فاطمة بصت لنسرين وقالت بهمس:** – ربنا يقوي قلبها، البنت دي مظلومة يا بنتي… بس الظلم ليه نهاية.
في كافيتريا الشركة، كانت نرمين قاعدة قدّام ياسين، ملامحها متوترة وصوتها مليان غضب مكبوت.
نرمين وهي بتبص له بنظرة لوم:
– هو انت غبي؟!
بجد يا أخي ليه ساعدت الشركة دي؟
ولا تكون نسيت مين صاحبها؟ ونسيت عمل فينا إيه؟
نسيت سليم اللي دمر كل حاجة فينا؟ اللي خلانا نعيش الوجع؟
ياسين رفع عنيه من الكوباية اللي قدامه، وبنبرة هادية لكنها فيها حزن دفين، قال:
– لا يا نرمين… ما نسيتش.
ولا عمري هنسى.
سكت لحظة، وبعدين كمل وهو بيحاول يوضح:
– بس عارفة إيه الفرق؟
أنا قدرت ما قدرت أمسك إيديا و اتفرج …
كان قدامي فرصة إني أسيب كل حاجة تولع،
أسيب الهاكر يكمل، وأشوفهم بيتحرقوا،
بس أنا مش هو…
أنا مش واحد بيقابل الظلم بظلم تاني، أنا عندي ضمير.
نرمين بحدة:
– ضمير؟ ده مش ضمير… ده ضعف!
كان لازم تخليه ينهار، هو وكل اللي حواليه!
ياسين بهدوء غريب، وعنيه بدأت تلمع بشوية غضب:
– لا يا نرمين…
القوي مش اللي ينتقم، القوي هو اللي يعرف يتحكم في نفسه وهو يقدر يأذي،
وإذا ساعدت الشركة… مش علشان سليم،
بس علشان الناس اللي شغالة هنا، الناس اللي مالهاش ذنب.
سكت لحظة وبصّ لها نظرة فيها وجع:
– وأصلاً، سليم… هو بيخسر من غير ما أمد إيدي.
أحيانًا، اللي بيزرعه الإنسان بيرجعله لوحده… وأقسى من أي انتقام.
المثال على كده… أبوكي.
فاكرة؟ فزمناته كان بيظلم ناس كتير،
بيكسرهم، بيطحنهم، كان شايف نفسه فوق الكل،
حتى بنته…
ما رحمهاش
شفتي بعينك، وعيشتي بإحساسك قساوة اللي عمله
وإيه اللي حصل؟
دارت عليه الدنيا، ووقع.
اللي زرعه… رجعله،
وزي ما بيقولوا: "الزرع المسموم بيقتل صاحبه أول واحد".
نرمين بصت له ودمعة نزلت على خدها، بس بسرعة مسحتها وكأنها مش عايزة تضعف
ياسين بهدوء:
– علشان كده… أنا مش ناوي أبقى نسخة تانية من اللي كسرنا،
أنا هبني من جديد، من غير ما أوسّخ إيديا،
وأسيب الحياة تمشي، والحق يا نرمين… دايمًا بيرجع، حتى لو اتأخر شوية.
نيرمين : طيبة قلبك ده اللي هيدمرك
ياسين يغير الموضوع :
هو... في أي أخبار عن ماما؟
نرمين عضت شفايفها بحزن، وهزت راسها:
– لسه... ما فيش أي خبر.
ياسين عض شفايفه من التوتر، وصوته اتكسر:
– أنا مش مرتاح... حاسس إن في حاجة غلط.
لو الوضع فضل كده، أنا لازم أسافر بلدها… مش قادر أعيش وأنا مش عارف عنها حاجة.
دة حتى التليفون ما بيرنّش… ولا رسالة… ولا حتى "أنا بخير".
في القصر يعود مازن بعدما كان يجمع معلومات ليتفاجئ من المنظر فكان.... يتبع
بقلم ميلي ميس
كان الفصل الجديد… يمكن الأحداث ما كانتش مليانة أكشن أو تشويق زي العادة، بس صدقوني، كل تفصيلة فيه كانت ضرورية علشان تبني اللي جاي.
أنا عارفة إن البعض ممكن يحس إن الفصل كان هادي شوية، بس ده الهدوء اللي بييجي قبل العاصفة🔥
استنّوني بعد كام ساعة هنزل البارت 12 و13 مع بعض 🔥💥
وفصول النهاردة؟ هتبقى ناررر وحماس وتقلّب الموازين 180 درجة!
فيها مواجهات، مفاجآت، وقلوب هتتشقلب من كتر التوتر 😱❤️
وأتمنى من كل شخص بيقرأ الرواية، وعايش معاها لحظة بلحظة، يسيبلي تعليق ✨
أنا بقرأ كل كلمة بتكتبوها، ووالله دعمكم هو اللي بيشجعني أكمل 💌
وبالمناسبة…
بحضّرلـ رواية جديدة 🔥 هتعجب كل عشّاق الأكشن والمغامرة
فكرة الرواية هتكون مختلفة تمامًا، مليانة أحداث تقطع النفس، ومواقف مش هتتوقعوها…
يعني اللي جهز قلبه لـ "ليس لها ذنب" يستعد لحرب تانية في روايتي الجاية! 😏🔥
بحبكم قد الدنيا ❤️
ميلي ميس ✨ليس لها ذنب
الفصل الثاني عشر
كان مازن راجع بسرعة للقصر بعد ما قضى ساعات يدور ورا العدو التاني لسليم، عقله مليان تساؤلات… لكن أول ما وصل، وقف فجأة ووشّه اتشد من الصدمة.
مازن (بقلق): فين الحراس؟! أنا سايبهم هنا من نص ساعة بس!
(ليكمل بغضب مكتوم) سليم باشا باعتهم فين؟ مش كان لسه حاططهم هنا؟!
دخل وهو بياخد خطواته بحذر، وكل خطوة كانت تقرّبه من كارثة ما كانش متوقعها…
فتح باب القصر ودخل… وفجأة اتجمّد مكانه.
رجالة غريبة، ملامحهم قاسية، لابسين سودا، ماسكين سلا*ح وموجّهينه على أمه ، وأخته ، وزمرد ونور، والدادة، ونسرين…
كلهم مرعوبين، قاعدين على الأرض ووشوشهم بتقول إن في مصيبة على وشك تنفجر.
مازن (بصوت هادر، والغضب ماليه): إنتو عارفين إنكم بتوجّهوا سلاح*كم على مين؟!
يا حثالة!
وفجأة، صوت بارد جه من آخر الصالة، لرجل قاعد على الكنبة، رجله فوق رجله، بيشرب كأنّه في استراحة:
الرجل (بهدوء ساخر): شرفت يا سليم بيه… كنا مستنيينك، جه الوقت نوصلك للزعيم.
وفي نفس الوقت، على بعد كم دقيقة بالعربية، كان سليم سايق بعصبية، والتليفون على ودنه، بيكلم معتز.
سليم: ها، في جديد؟ وصلت لحاجة؟
معتز (بصوت قاطع): لأ، بس واضح إن في خائن وسط شركتك… واحد بيوصل أخبارهم من جوّا.
سليم (بعصبية): إحنا كنا متوقعين تحرك منهم، بس مش لهدرجة! دول هجموا علينا من كل جهة، حتى ما رحموش بيتي! و لا راعو حرمات
معتز: الموضوع بقى كبير يا سليم، لازم نضرب شركة "..." قبل ما يتحركوا أكتر، ونعرف مين الرأس اللي ورا البلاوي دي.
سليم (وهو بيوصل عند بوابة القصر): تمام، هقفل دلوقتي…
خلّيك مع ليلي والأولاد…
سليم نزل من العربية بسرعة، وملامحه كلها استغراب وقلق.
بص حواليه وقال في نفسه:
– "إيه الهدوء الغريب ده؟ فين الحراس؟ أنا سايبهم هنا من شوية!"
قرب من البوابة، ولاحظ إنها مفتوحة على آخرها ومفيش أي حد واقف عليها.
سليم (بصوت منخفض وهو بيجري):
– "فيه حاجة غلط… جدًا!"
دخل بسرعة من باب القصر، وما إن حط رجله جوه، حتى وقف متجمد من الصدمة.
عيلته كلها واقفين في النص… وأسلح*ة متوجهة عليهم!
أمه، ، نور، الدادة، سمية ، سارة،نسرين، الدادة فاطمة … كلهم محاصرين من رجال غُرب، والسلاح مرفوع عليهم.
أما مازن، فكان راكع على ركبته والسلاح على دماغه
مازن رفع راسه بصعوبة وهو بيضحك نص ضحكة، وقال بنبرة سخرية:
"هاااه، أهو جه سليم أفندي! خُدوه بقى وريحونا ، وسلمولي على رئيسكم ويا ريت تخلوه عندكم شوية… بس خلو بالكم منه! الراجل واخد ميدالية في الـ كيك بوكسينج ، يعني ممكن يطيرلكم سنانكم بلطشة!"
سليم وهو واقف على باب القصر، عنيه مولعة غضب، ووشه متعصب ومشدود، صرخ بصوت عالي خلّى القاعة كلها تسكت:
"إنتَ بتتريق يا مازن؟! شايف الوضع؟ شايف السلا*ح متوجه لمين؟!"
بص حواليه، شاف أمه و نور واقفين وخايفين، والسلاح موجه عليهم، قلبه ولع، ومسك أول واحد من الرجالة بعينه، وقال بنبرة فيها تهديد:
"لو حد قرب منهم… هخليكم تندموا إنكم اتولدتوا!"
مازن وهو لسه على ركبه، رفع حاجبه وقال بنص سخرية ونص جد:
"أنا مش بتتريق… بس هو إنت شايف إنك لسه هتعرف تحلها بالعضلات؟ دول داخلين يلعبوا سياسة وسل*اح مش كيك بوكسينج!"
اتكلم الراجل اللي كان قاعد على الكنبة، وهو بياخد رشفة شاي بكل برود، كأن اللي قدامه مش رهائن وسلاح مرفوع:
"ششش... إنت وهو! كلمة كمان وهخلّص عليهم كلهم واحد واحد."
ضحك ضحكة باردة، ونظراته مليانة تهديد.
سليم انفجر غضب، صوته طلع عالي ونبرته كلها قهر:
"يا واطي! خلّي الستات برا الموضوع ده، وواجهني رجل لرجل !"
مازن، اللي كان لسه على ركبته والسلاح لسه موجه لرأسه، رفع صوته بسرعة كأنه بيقدم لهم الهدية على طبق من فضة:
"مش كنتوا مستنيين سليم؟ أهو جهلكم بنفسه، خدوه وريحونا بقى"
طَلقة دوّت في السقف، والجميع اتجمد في مكانه!
الرجل اللي كان قاعد على الكنبة وقف ببطء، ووجه المسد*س على رأس نور، وقال بصوت بارد لكن مليان تهديد:
"كلمة كمان، يا سليم بيه... وهطير دماغ الحلوة دي!"
نور اتجمدت مكانها، ودموعها نزلت غصب عنها، وسليم عينه اتعلقت بيها، قلبه اتحرق وهو شايف الرعب في وشها، وإيده اتحزمت على جنبها وكأنها عايزة تتحرك بس عقله بيقوله: "هدي اللعب دلوقتي... متسرعش."
مازن قال بصوت عالي وهو بيحاول يشتّت انتباه الراجل:
"يا عم ما تلم نفسك! إنت مش كنت عايز سليم؟ أهو جه... سبوا البنت، مالهاش ذنب!"
الراجل بص للكل بنظرة شر وقال بصوت حاد:
"الواضح إنكم ما بتفهموش بالكلام!"
سليم بسرعة، ووجهه متوتر:
"خلاص! ابعدوا عنهم وخدوني أنا! مش أنا اللي أنتم عايزينه؟!"
رنّ تليفون الراجل... سكت الكل، والتوتر كان ملموس في الهوا.
الراجل طلع الموبايل ورد:
"أيوه يا زعيم... حاضر، تمام تحت أمرك."
قفل السكة، وابتسامة باردة على وشه، وبص لسليم:
"يلا، هناخد سليم الأسيوطي..." وبعدها أشار لمازن:
"...وده كمان، هييجي معانا."
مازن اللي كان لسه على ركبه، رفع راسه بذهول وقال:
"أنا؟! أنا ليه؟! هو أنا عملت إيه؟! دي مشكلتكم مع ده، أيا كان عمل فيكم إيه، معاكم حق، والله العظيم واقف في صفكم!"
الراجل رفع حواجبه باستغراب.
مازن كمّل بسرعة، وهو بيبعد عن سليم كأنه فيروس:
"ده سليم يا جماعة! سليم! يعني كوابيس الصبح! اتفضلوا خدوه، و… و زورونا في وقت تاني، يعني لما تكونوا جايين من غير سلا*ح!"
سليم لف له بنظرة خنق وقال ببرود:
"ده بدل ما تقول كلمتين رجولة؟"
مازن اتنهد وهو بيقوم من على الأرض:
"رجولة؟ دي تطلع منين وأنا شايف حياتي بتعدي قدام عيني بسببك؟!"
الراجل ابتسم بسخرية:
"خلصوا الكلام؟ يلا بينا قبل ما الزعيم يزهق."
مدة، سليم بدأ يفتح عينه ببطء… دماغه بيدوّخ، وكل حاجة حواليه ضباب.
شاف نفسه قاعد على أرض طرية، التراب مغطي هدومه، وجنبه أشجار عالية كأنهم في نص غابة مهجورة.
صوت عصافير بعيدة، وريحة رطوبة وضلمة خفيفة كأنهم في مكان منسي من العالم.
سليم حط إيده على دماغه، وافتكر فجأة…
"رشّوا عليا مخدّر في العربية…"
وهو بيتمتم لنفسه، بص جنبه بسرعة…
"مازن!"
لقاه واقع على جنبه، ووشه شاحب كأن الدنيا لسه مغيّبة عنه.
سليم مدّ إيده وبدأ يهزّه:
"مازن! مازن فوق! فوق يا عم، إحنا فين؟!"
مازن بدأ يأن، تحرك شوية، وبصعوبة بدأ يفتح عينه:
"آاااه... دماغي... إيه اللي حصل؟!"
سليم بسرعة:
"خطفونا يا عبقري، وخدونا على آخر الدنيا! فوق بقى، لازم نفهم إحنا فين ونفكر نعمل إيه."
مازن وهو بيتمطّى بصعوبة:
"يعني ده مش كابوس؟!"
سليم بسخرية:
"كابوس؟ لا يا حبيبي… دي الحياة الحلوة مع سليم الأسيوطي!"
سليم وقف، ونفض هدومه من التراب وقال بنبرة حازمة:
"يلا، لازم نفهم إحنا فين ونلاقي طريق نرجع بيه... مش هنقعد هنا مستنين اللي جاي!"
مازن قام وهو بيأن، ومسك ضهره:
"آااه يا ضهري... يا عمّ إنت متأكد إنهم ما كسروشلي ضلعين؟!"
سليم تجاهله وبدأ يمشي وسط الغابة، ومازن تبعه وهو بيتمتم:
"الله يلعن اليوم اللي قررت فيه أرجع من ألمانيا! والله من يومين كنت أنا اللي بخطف الناس وبهدد... النهارده أنا اللي مخطوف!"
سليم لف له بنظرة:
"يعني حبيت تغيّر الروتين؟"
مازن بتنهيدة طويلة:
"إنت قتلت لحد أبوه ولا خطفتله مراته ولا إيه؟! يعني مين اللي بيكرهك للدرجة دي؟! ده لو مسلسل أكشن مش هيكون كده!"
سليم ببرود:
مش عارف بس واضح اللي بيني وبينهم قديم
مازن وقف فجأة وقال:
"طب اسمعني... لو حسّيت إنهم جايين يقتلونا، سبّقني بالجري... علشان أنا مش فاضي أموت وأنا لسه ما عملتش حفلة رجوعي!"
سليم ضحك بخفة وهو بيكمل مشيه:
"وإنت سايبهم يخطفوك كده ليه؟ ده إنت موهبة!"
بعد ما مشوا عدة كيلومترات وسط الغابة، مرهقين وعرقانين، كانوا بيتتبعوا إشارات سهام خشبية مثبتة على الشجر، كانت بتدل على طريق معين كأن حد بيقودهم لهدف مش معروف.
وأخيرًا، وقفوا يرتاحوا تحت شجرة كبيرة، والهدوء كان سيد المكان إلا من صوت أنفاسهم المتعبة.
سليم جلس على حجر، وبص قدامه بشرود، وصوته خرج حزين:
"هو إنت لسه فاكر... إني السبب؟"
مازن، اللي كان بيشد في نفسه عشان ما يثورش، لف له وقال بجمود:
"قصدك إيه؟"
سليم بص له بنظرة فيها وجع:
"سبب سفرك... لخمس سنين، وسكوتك، ورجوعك فجأة كده. أنا عارف سبب رجوعك ."
مازن بغضب :
"كويس إنك عارف... سبب سفري، وسبب رجوعي كمان. واللي لازم تتأكد منه، إننا لو طلعنا من المصيبة دي عايشين، هنتواجه، وهتشوف إني مش ناوي أرحمك."
رفع عينه وبص له بثبات:
**"والبنت اللي ظلمتها، واللي أنت واخدها غصب، هحررها منك... سواء عاجبك أو مش عاجبك."**
سليم عض على شفايفه، ووشه اتبدل، وصوته طلع ناري:
**"إياك... إياك تجيب سيرة مراتي تاني، فاهم؟ اللي بينا حساب... بس هي بعيد عن لعبتك دي."**
مازن ضحك بسخرية، وقال بهدوء بارد:
**"مراتك؟ ولا ضحيتك؟
سليم وقف، والغضب مالي عينيه:
**"كلامك انتهى! حقدك واضح، ومش هرب منه… وإنت قلتها، المواجهة جاية… ووقتها، كل حاجة هتتحسم."**
مازن وقف قباله، ومابينهم مسافة بس قلوبهم نار:
**"استعد… عشان أنا مستني اللحظة دي من سنين."**
ليكملوا الطريق وسط تعب شديد… رجليهم مش قادرة تكمل، والشمس بدأت تميل، والجو بقى خانق، بس الأمل في الخروج كان هو اللي بيديهم دفعة.
وفجأة، بعد ما عدّوا تلّة صغيرة… الأشجار بدأت تقل، والضوء زاد، لحد ما خرجوا من حدود الغابة.
بس ما كانوش متخيلين المنظر اللي هيشوفوه قدامهم...
ساحة واسعة، أرضها ترابية، وحواليهم عدد كبير من الرجال… كلهم لابسين لبس أسود، ماسكين سلا*ح، وعنيهم كلها حذر وتهديد.
وكان في خمس سيارات سودا، صفوف واقفة كأنهم في استقبال رسمي… استقبال مش مبشّر.
سليم وقف، ومازن جنبه، والاتنين بصوا لبعض بقلق…
وفجأة، باب واحدة من العربيات اتفتح ببطء…
ونزل منه راجل طويل، شيك جدًا، لابس بدلة رمادية أنيقة، ونضارة شمس سودة… مش باين ملامحه.
مشى بخطى بطيئة ناحية سليم مازن و بدأت ملامحه تظهر لهما و.... يتبع
بقلم ميلي ميس
الفصل الثالث عشر
اقترب الرجل منهم ببطء، وكل خطوة كان فيها ثقة وغموض… ومع اقترابه، بدأت ملامحه تبان بوضوح تحت ضوء الشمس اللي كانت على وشه مباشرة.
راجل في أوائل التلاتينات، وسيم، بشرته قمحية، عينه حادة، ونظرة فيها نفس البرود اللي في نظرات سليم.
الغريب بقى… إنه فعلاً كان بيشبه سليم، بس بإصدار أغرب شوية… كأنه نسخة مشوهة منه أو ظل قديم.
مازن بصله بصدمة وهو بيرفع حاجبه:
"مين إنت؟!"
الراجل ابتسم ابتسامة هادئة، ونبرة صوته كانت واثقة:
"سليم الأسيوطي."
مازن فتح بُقه، اتخض للحظة، وقال بسخرية:
"كأن واحد ما كانش كفاية! طلع في نسخة تانية كمان!"
سليم تقدّم خطوتين، ووقف قصاد الراجل، وعينه ما بتتحركش عنه:
"إنت مهووس بيا؟ يعني لدرجة إنك تسمي نفسك بأسمي؟!"
الرجل بابتسامة باردة:
"أنا ما سمتش نفسي، أنا دايمًا كنت موجود… إنت اللي خدت اسمي وهويتي."
سليم باستهزاء وهو بيضحك بسخرية:
"هو إنت هربت من مستشفى المجانين ولا إيه؟"
الشخص بغضب، وصوته بيعلى:
"لأ يا أخويا… يا ابن أبويا!"
سليم (بصدمة من الكلام اللي سمعه):
"واضح إن حالتك متأخرة جدًا… محتاج علاج ضروري قبل ما تأذي حد أو تأذي نفسك."
الرجل (بعصبية):
"أنا مش مجنون! أنا سليم الحقيقي… ابن الحاج عبد الرحمن الأسيوطي. وإنت مجرد نسخة، صنعها أبوك مع مراتُه. يا أخويا!"
سليم (باهتمام ممزوج بالغضب):
"نُسخة؟!"
الرجل (بعينين بتولع نار):
"أنا الإبن الكبير لأبوك من حبيبته… بس أهله كانوا رافضينها عشان مش من مستواه. اتجوزها سر، وولدتني… وبعدها صاحبة أمي، الست اللي كانت شغالة عندها، عجبتها حياة صديقتها، عجّبها جوزها، قررت تاخده… وفعلاً وصلت لهدفها.
وبما إنها من عيلة كبيرة وغنية، عيلتها ما سكتتش… أبوك اضطر يطلق أمي ويتجوز مراتك دي، وفي يوم فرحه أمي انتحرت… مستحيل أنسى!"
سليم اتجمد مكانه، ومازن سكت من هول الكلام.
الرجل (بعصبية مرعبة):
"كنت طفل، عندي خمس سنين، دخلت أوضة أمي… لقيتها معلقة في السقف!
وبعدها أبوك جه، خدني للبيت… مراتك رفضتني، كانت بتعذبني كل يوم. في الآخر، وداني للميتم. كان بيزورني من وقت للتاني… لحد ما مراته باعت ناس عشان يقتلوني! بس اللي راح كان طماع… باعني لعصابة ما تعرفش يعني إيه رحمة.
وبعد سنين… خلفكم، وماعرفش ليه سمّاك على اسمي!"
سليم (بغضب وهو بيشد نفسه):
"كلامك كله هُراء!"
الرجل (بضحكة شيطانية):
"استعد يا حبيب قلبي... جه وقت التجربة!"
يطلع أحد الحراس من العربية، ومعاه سبع كلاب ضخمة، شكلهم متدرب وشرس.
الرجل (بصوت بشري وقاسي):
"الكلاب دي جعانة بقالها أيام… وبتنفذ أوامري بالحرف. يلا يا وحوشي… إلحقوهم!"
الكلاب انطلقت عليهم، ومازن صرخ:
مازن:
"يعني هكون وجبة في بطن كلب؟! سليم اهرب!!"
سليم:
"اجري! بسرعة!!"
يجروا بكل قوتهم، قلبهم بيدق كأنهم بيعدّوا آخر لحظات حياتهم، لحد ما لمحوا كوخ قدامهم، دخلوا عليه بسرعة وقفلوه.
مازن وهو بيشهق:
"نجينا... بصعوبة!"
لكن فجأة، طلع صوت من جهاز لاسلكي في الكوخ، وكان صوته صوت نفس الرجل:
الرجل (من الجهاز):
"مين قال إنكم نجيتوا؟ بصّوا فوق رأسكم…"
يرفعوا راسهم يلاقوا كاميرا فالسقف، والرجل يكمل:
الرجل:
"بص تحت السرير… في مفاجأة مستنياكم."
سليم ينزل تحت السرير، يلاقي قنبل*ة إلكترونية، عدّادها بيعد تنازلي… 10 دقايق.
الرجل (بيضحك):
"يا تتحولوا رماد… يا تخرجوا للكلاب!"
مازن ياخد الجهاز ويرد عليه بسرعة:
"هوه يا ابن عمي الحبيب… أبوه لهذا اللي خان أمك واتخلى عنك، وأمه اللي ظلمتك… أنا ذنبي إيه؟ أنا مالي؟!"
الرجل:
"آه… نسيت أقولكم حاجة مهمة.
أبوك؟ عمره ما حبني! مع إني كنت ابن أخوه… ونفسه هو اللي خدني من الميتم وباعني مقابل شوية فلوس!"
مازن (بصوت هادي و بسخرية):
"أنا ابنه وما حبنيش… تفتكر هيحبك إنت؟"
وفجأة، سليم رمى الجهاز اللاسلكي على الأرض، فتحطم على طول.
مازن بذهول: هو إنت غبي؟! كسرت وسيلة التواصل الوحيدة بينا وبينه!
سليم وهو بيتنفس بصعوبة: وإيه اللي كنا هنستفيده من الكلام معاه؟ غير إنه يزودنا توتر فوق اللي إحنا فيه؟
مازن ضحك بسخرية وهو بيبص للسقف: يا سلام! بعد شوية هموت وأنا جنب أكتر واحد بكرهه في حياتي!
سليم وهو بيضحك بمرارة: وكأني مبسوط إني هموت معاك!
وفجأة سمعوا صوت طلقات نار من برّه.
مازن بسرعة بص من شق في باب الكوخ الخشبي، عنيه وسعت وهو بيقول:
الكلاب! الكلاب كلها ماتت!
فتح الباب بحذر وبص برّه، لقاهم فعلاً كلهم واقعين على الأرض، ما فيش نبضة حياة.
سليم اتوتر: إيه اللي حصل؟
مازن وهو بيبص للقنبل*ة: باقي 6 دقايق ودي تنفجر!
سليم بسرعة: يلا نخرج من هنا بسرعة!
خرجوا من الكوخ وهم بيجروا، وفجأة ظهر قدامهم سيف، ماسك سلا*ح ومعاه مجموعة من رجّالته.
مازن عيونه لمعت وفرح: سيف! يا ابن خالتي، كنت عارف إنك هتيجي!
جرى عليه وحضنه بقوة.
وفجأة، طلع معتز هو كمان ومعاه رجّالة، سليم ابتسم وهو بيجري عليه:
سليم: معتز!
معتز وهو رافع حاجبه: مش هتحضني ولا إيه؟
سليم ضاحك وهو بيجري: مش وقت حضنات دلوقتي، في قنبل*ة هتنفجر كمان 4 دقايق!
جروا كلهم بسرعة، وكل ما يشوفوا كاميرا، سيف أو معتز يضربوا عليها بالنار لحد ما وصلوا للسيارات.
مازن بص لسيف وهو بيركب جنبه:
أنت جيت إزاي؟!
فلاش باك:
سيف نزل من الطيارة، وعلى طول اتصل بمازن، بس التليفون كان مقفول. قلق، وركب عربيته واتجه للقصر.
في نفس اللحظة، زمرد كانت اتصلت بمعتز وقالت له اللي حصل.
قدام القصر، معتز وسيف وصلوا في نفس الوقت، عينيهم مليانة تحدي وكره.
معتز دخل يجري من غير حتى ما يبص لسيف، وسيف مشي وراه.
دخلوا، لقوا العيلة كلها في حالة انهيار.
سمية أول ما شافت سيف، قامت تبكي:
يا ابني يا سيف، مازن اتخطف، خدوه!
سيف مسك إيديها بهدوء: اهدي يا خالتي، قوليلي مين خدوه ورايح فين؟
سارة، ببكاء وهي بتتكلم بسرعة: مجموعة مسلحين اقتحموا البيت وخدوا مازن وسليم!
سيف مصدوم: نعم؟!.. متخافيش، هلاقيهم وهجيبهم!
معتز بسخرية: الله! باتمان دخل الفيلم!
سيف بهجوم: عيد اللي قلته يا غالي!
زمرد صرخت فيهم: كفاية! إخواتكم مخطوفين وانتوا بتتخانقوا؟ المفروض تبقوا إيد واحدة مش ضد بعض!
معتز اتنفس بعمق: دول مش تايهين في ملاهي، دول اتخطفوا من ناس خطرين!
سكتوا لحظة، لحد ما سيف فجأة قال:
الموبايل!
معتز باستغراب: ماله؟
سيف: مازن مركب جهاز تتبع في تليفونه.
فتح التليفون، وفعلاً لقى الإشارة. لما اتخطفوا، وقع موبايله جوه العربية.
على طول نادى على رجّالته، ومعتز نادى على رجّاله، واتجهوا كلهم للمكان اللي بيظهر على الخريطة.
فضلوا يرقبوا المكان من بعيد، شافوا الراجل وهو بيتكلم مع سليم ومازن، وبعدها طلع الكلاب عليهم.
قرروا يلفوا من ناحيه تانية للغابة، عشان يوصلوا لهم من غير ما حد يشوفهم...
وبكده وصلوا في اللحظة المناسبة!
نهاية الفلاش باك
لينتلقو للقصر و... يتبع
بقلم ميلي ميس
😍
هاه هما فصلين سخنين نازلين طازة 🔥
مليانين أكشن وتشويق وانفجارات 😎💣
قلت أهو نغيّر الجو شوية ونفك من الرومانسية والدموع والظلم والحرقة اللي كنا فيها 😂
حبّيت أديكم كده طعم جديد، مغامرة قلبت الدنيا، رجالة وسلاح وهروب وقنبلة بتعد وراهم!
عارفة إن في ناس بتحب الأكشن... فالفصلين دول ليكم مخصوص يا محبّي الحماس والإثارة 💥💪
استنّوا رأيكم في الكومنتات بقى،
هل عايزين أكتر من النوع ده؟
ولا نرجع نبكي تاني ونحب ونتعذب؟ 😂
يلا مستنياكم تقولولي رأيكم بكل حب 😘👇