الفصل 11&10&9
*ـ ࢪواية البيت المسكون9-10-11🥳🥀↻≯🍒⸙•♡»»))
🍁 البيت المسكون 🍁
( الجزء التاسع ) ياريت الكل يتفاعل عشان استمر في تنزيل قصص جديدة
كانوا بيتكلموا ع اللي حصل مع دينا...
لكن انا كنت مركزه ف حاجه تانيه خالص
الأول حسيت بحركة جمبي وانا قاعدة...
.
.
كانت ايد محمود....
حط إيده ع ضهري....
جسمي قشعر....
وطبعاً كل دا ف الخباثه... من غير ما يلفت النظر
بصلي ف عيني مره واحدة... وقالي
''وحشتيني ''
محمود قالها... كأنه بيشتمني مثلاً
قربت اكتر منه... حط إيده ع كتفي... وقرب راسي من راسه
فجأه بابا نادالي''فاتن... انتي نمتي وانتي قاعدة ''
''هه لا يا بابا... كنت سرحانه شويه''
''طب يلا قومي مع امك ودينا... اعملولنا حاجه ناكلها.... علشان العرسان هيتعشوا معانا.... ''
''هههه... حاضر قايمه اهوه''
محمود بضحك''مالها دي''
بصتله بصه.... كنت هحرقه فيها
************
دخلت اوضه البنات... كنت عايزه ادخل اوضه محمود.... بس حفاظًا ع ماء الوجه..... مش اكتر
دخلت عند دينا.... كانت بتلعب ع تلفونها.... قالتلي اول ما دخلت
''كويس انك جيتي... دا انا هموت... وانام''
''هههه.. طب ما تنامي... هوه انا ماسكه عينك هههه'
انتي بتهزري يا فاتن... انا خايفه''
رديت بجدية '' لأ... ماتخافيش
إن اجتمع الانس والجن ع أن يضروك بشيء لم يكتبه الله لك فلن يضروك..... يعني ربنا بيقولك... توكلي عليا.... ولو مكتوبلك الأذى.... لا انا... ولا الشيخ... هنقدر نمنعه عنك.... وعشان تطمني يا ستي... وما ستك إلا أنا.... هههه... انا هفضل جمبك سهرانه شويه ''
دينا بضحك''يا رخمه''
فردت جسمها ع السرير.... وراحت ف النوم ع طول.... صعبت عليا أوي
قمت روحت قعدت جمبها.... وملست ع شعرها الحرير....
كانت بنت جميلة أوي... بس حظها وحش اوي.... مين هيتقدم لبنت حصل مع
اخوتها ف ليله دخلتهم... اللي حصل
كله هيخاف ع نفسه... وحلني بقى عقبال ما الناس تصدق.... إن اللعنه انتهت.....
بس هيه فعلا انتهت.... دا كلام الشيخ... هوه اللي هيقول.... بكرا ان شاء الله نروحله... أو هوه يجيي
هاهاها
مش قادره عايزه أنام... خلاص يأست أن محمود يجيني.... هوه فاكر اني انا اللي هروح لعنده
لأ انا مش هرخص نفسي اكتر من كده... بس انا افتكرته... هيصالحني... هوه قالي اني واحشته بصي لنفسك يا فاتن... انتي مش وحشه... أو معيوبه... علشان تستنى نظره عطف منه... خلاص هنام وامري لله
... لسه بقول يا هادي... وعيني هتروح ف النوم
الله... الباب بيفتح... دا بقى جن... ولا شبح سحر... ولا الشيطان اللي انا متجوزاه
لقيتني بترفع من ع السرير.... فتحت عيني بسرعة... لقيته محمود... قالي
''شششسششش... دينا نايمه''
ماسبليش فرصة أعترض... بصيت ف جمال عينه... وسرحت
دخلني اوضتنا...
انا بصيت ف الأرض... عشان يحس اني لسه زعلانه....
رفع وشي بأيده 'وقالي
''ياااه كل دا زعل.... زعلانه لدرجه اني اصالحك.... وبرضو مكلمه...
( مشهد رومنسي مش تبعنا كملو القصه من سكات 😂😂)
******
كانت ليله جميله ف حضن محمود... كالعادة
حطيت راسي ع صدره .. وقلتله
''محمود.... ممكن بلاش تقسى عليا تاني.... ممكن اشوف حنيتك شويه''
''ومين قالك اني حنين اصلآ ''
''دي مش بتتشاف.. دي تتحس ''
**********
عدي حوالي يومين تلاته.... والأوضاع هاديه ف البيت.....
دينا حزنت انها هتنام لوحدها حاولت تخبي الحزن... ودعتلي ربنا يهدي سري مع جوزي بس انا طمنتها
''دينا... اللي حصل قبل كده مش هيتكرر تاني.... وانا وداني ع طول هتبقى معاكي انتي بالذات.. '' الدنيا كانت هاديه.... دينا كانت بتاخد المصحف ف حضنها... وتنام
اما محمود.... ف وضعه معايا اتغير أوي.... كان يرجع من الشغل يدور عليا....
لو كنت ف المطبخ.
وانا كنت انسى نفسي... واترمي ف حضنه....
نفضل كدا لحد ما نسمع اي صوت يرجعنا لأرض الواقع ولو كنت قاعده مع الجماعة ف الصاله.... كان يقرب عليا.... يبوسني من خدي
بابا وماما كنت بشوف الرضا ف عيونهم.... من معاملة محمود ليا... لكن.
ف ليله وانا نايمة حلمت حلم غريب... حلمت ان الشاب الوسيم... اللي زارني قبل كدا ف حلمي حلمت أنه بيتعذب بيصرخ لكن اتبدل المشهد انا أدام مرايا وهوه ادامي ف انعكاسي لكنه قالي.... وكان قلقان
''فاتن.... الموضوع كبر أوي... انتي مش هتتحمليه.... خلاص مبقاش موضوع انتقام الدجاله من عيله جوزك... لا الجن اللي اتحرق منهم اتنين
بسببك... دلوقتي عندكم ف البيت.... انتي اتسببتي ف حرق وتعذيب اتنين منهم مش هيسيبوكي.. مهما هربتي... مفيش مفر... عارفين كويس ان وجودك هنا.... فيه هلاكهم.... عشان كده.... الجن هينتقم... هينتقم..... انا هفضل معاكي للآخر... لكنهم أقوى مني... وكل يوم... قوتهم بتزيد.... وهيرعبوا عيله جوزك
علشان يتغذوا ع خوفهم.... ويقدروا عليا.... وعليكي ''
حاولت افتح عيني.... حلم بس واقعي جدا... لدرجة اني شكيت اني كنت نايمة اصلآ..... فجأه قبل ما افتح عيني.... حسيت بجبل صخر... واقف ع صدري
مش قاده اخد نفسي.... فتحت عيني
اتصدمت.... كان واقف ع صدري.... الذئب... فاكرينه... وشه مقرب من وشي اوي حاولت أتحرك.... تقله عليا.... مكتفني
حاولت اقرأ قرآن بس دماغي... صفر ف الميه انا حافظه آيات كتيره من القرآن من سور النور.... والبقره... والكهف وطبعا الجزء التلاتين كله
بس دلوقتي راح فين كل دا.... ازاي نسيته
جه ف بالي ذكر... سمعته كتير ف حياتي
بدأت الأول اقوله ف سري... علشان مش قادر اطلع صوت...
''أعوذ بكلمات الله التامات من شر ما خلق ''
''أعوذ بكلمات الله التامات من شر ما خلق ''
''أعوذ بكلمات الله التامات من شر ما خلق ''
بدأ الوزن يخف... وقدرت احرك ايدي... لكنه زمجر ف وشي.... وانيابه... غرزت ف أيدي وصوت زمجرته مرعبه... بس انا شفت سوره الناس.... متعلقه ع باب اوضه محمود من جوه ف بوست ورق
سميت بالله... وبدأت اقرأها بكل قوه فيا...
''قل.... قل.... أعوذ برب الناس.... ملك الناس.... إله الناس.... من شر.... من شر الوسواس الخناس... الذي يوسوس ف صدور الناس.... من الجنه و الناس
من الجنه والناس
من الجنه والناس''
يارب يارب... يارب
الذئب... كان بيرجع بجسمه الضخم ع جسمي.... وصل لرجلي.... وقف أدام السرير نزل راسه ببطء... تحت السرير.... مبقاش ظاهر من راسه... غير عينه... وقرونه بصلي بغضب... وعيونه نورت فجأه... واختفى سمعت صوت طقطقه اسنان
بس سريعه.... جداً كأنها أله بسنون حديد..... بتخبط بسرعه
مشيت.. وانا مش قادرة اسيطر ع ارتجافي...... مشيت ع مصدر الصوت
كان جاي من اوضه ماما... وبابا
سميت بالله... ودخلت الاوضه... المشهد كان كالآتي
نور الاباجوره الصغيره مفتوح.... بابا قاعد متكوم ع نفسه.... وبيعيط جمب الدولاب وماما قاعده... ع السرير
شعرها منكوش.... عيونها وسعه لدرجة غير معقوله...
وبتخبط سنانها ف بعض بسرعه جنونيه
لدرجة ان سنانها اتكسر منها قطع.... وبدأ بقها يغرق دم.... شفايفها اتقطعت....
انا كنت هموت ويغمي عليا... منظرها مفزع... مرعب.... لو انا انسان طبيعي... كان لازم قلبي يقف ف اللحظة دي بالذات بابا بصلي.... وجرى ع إيده ورجله.... زي الرضع قام سند عليا وهوه بيقوم.... وانا متخشبه
بصيتله وانا مش عارفه المفروض اهديه... ولا اخده ونطلع نجري... بس
لمحت حاجه ف ماما...
غيرت رأيي.... وخلتني اجمد قلبي... واروح
🍁البيت المسكون🍁
(الجزء العاشر )
لمحت حاجه ف ماما...
غيرت رأيي وخلتني اجمد قلبي واروح اساعدها
لمحت دموع... ماما كانت بتبكي
كأنها مش مسيطرة ع نفسها... انا متحملتش اشوفها بتتعذب
اكتر من كده مشيت ناحيتها... وانا بقرا كل ذكر عرفته ف حياتي
''أعوذ بكلمات الله التامات من شر ما خلق ''
''اللهم اني اعوذ بك من همز ولمز الشياطين والجان''
''ربي اني اعوذ بك من همزات الشياطين وأعوذ بك ربي ان يحضرون ''
وافتكرت آيات من سوره النور أعظم سوره لطرد الجن... والمرده... والقرين والاشباح قربت من ماما وكل اللي قلته دا كان ع لساني...
وانا طالعه ع السرير... وقربت منها... وهيه لسه بتعيط وبتطقطق باسنانها.... لكنها بطلت طقطقه.... وبصتلي وانهارت من العياط بابا جرى جاب فوطه... قعد جمبها.. مسح الدم.... شفايفها كانت اتقطعت... اللحم اتقطع كانت بتبكي من الوجع... والخوف... معرفتش تتكلم لسه بقرا القرآن... نامت ع رجل جوزها.... بصلي ونزلت دموعه... ونزلت دموعي انا كمان سيبته يكمل لها قرايه وخرجت..... اترميت ف الصاله... فاقده الوعي الصبح لقتني ع سريري... قمت جريت ع اوضه ماما.... لقيت العيله كلها عندها ماما كانت ناسيه كل حاجه.... معرفتش بقها اتقطع ازاي... وامتي
بابا رفض يقولها... بصلي... وحط إيده ع بقه... اشاره... اسكتي
لكن محمود جرى عليا وقالي
''انتي كويسه ''
''اه ف ايه حصل''
''مش عارفين يا فاتن.... لقينا امي بقها زي ماانتي شايفه.... ولقيتك انتي مرميه ف الصاله ... انا تعبت... مش عارف آخره اللي احنا فيه دا ايه ''
''اجمد يا محمود.... قلتلكم قبل كدا... اوعوا تخافوا... اكيد ماما خافت.... وفقدت أملها ف ربنا.... إنه هيقف معانا... محمود كل دا قدر ومكتوب.... ومفيش منه هرب.... لازم هنشوفه... ونعيشه... ونتحمل... عشان نقدر نكمل حياتنا ''
قال محمود بغصب
''وهيه دي عيشه دي.... ليه ربنا سايب الناس تأذي الناس من غير سبب..
ليه ربنا ما يأذيش المؤذي ''
الأب '' وحد الله يا محمود... انت هتكفر ''
محمود''مش شايف أمي جرالها ايه... دا يرضى ربنا يعني''
الأب '' لا اله الا الله... الرحمه من عندك يارب''
اللي بيعيط... واللي بيهدي المتعصب... واللي نايمه ع رجل ماما تعيط... الموقف كله صعب.... صعب اوى
ناديت بابا.... 'تعالى عايزاك لوحدك''
دخلنا الصالون.... وقفلنا علينا
انا''بابا انت مقلتش لحد ع حصل امبارح ''
''لا يا فاتن... خفت عليهم يترعبوا اكتر''
''بس يا بابا دلوقتي... الموضوع دا كبر
اوي(حكيت لبابا ع اللي حصل معايا واللي قالهولي القرين... بخصوص عشيرة الجن اللي معانا دلوقتي ف البيت) هنعمل ايه.. كلام قريني ليه... رعبني... فاهم يعني ايه... يعني... ف ايه لحظه.... أي حد فينا هيتأذي... انا مبخفش منهم... لكن انت متحملتش تشوف شكل ماما امبارح... ومحمود قلبه كان هيقف لما شاف الغول..... تخيل هنا ف عشيرة بحالها منهم.... دا صعب... صعب اوي''
بابا وهوه بيعيط... قالي 'هنعمل ايه يافاتن''
''لازم شيخ محمد... يشوف لنا حل.... لازم ننهي الكابوس دا... قبل ما يخلص علينا'' بابا وافقني.... اتصلنا وخدنا معاد من شيخ محمد نروحله.... بابا رفض انه يجيي.. ويتكلم أدام العيله عن العشيرة
انا وافقت بابا واستنيت لما محمود وعلى خرجوا مع بابا ع الشغل
وقلت لماما اني راحه السوق..... كلمت بابا... ساب الشغل وجالي.... واتقابلنا... وف طريقنا للشيخ محمد
حكيت انا ع كل حاجه سكت الشيخ محمد وبص لبابا... اللي كان بيبكي... قاله ''وحد الله اومال.... مفيش مشكلة... مالهاش حل.... بس''
انا' 'بس ايه يا شيخ... ماتتكلم ''
بابا : ''حل... قولي عليه ابوس ايديك عيلتي بتتدمر ولادي هيروحوا مني
دا مراتي لوعرفت عن عيلة الجن دي... واللهي تموت فيها
دي بتخاف من خيالها''
بصلي الشيخ بحزن... وقال لبابا
''الحل ف ايد فاتن''
انا : ''انا يا شيخ... قول بسرعه.. وانا هاعمله حالا''
الشيخ''الموضوع مش بالسهولة دي يا بنتي...
انتي حياتك هتبقى ف خطر حقيقي
وانا ممكن مقدرش انجدك ف الوقت المناسب...... ''
بابا''قصدك ايه... اتكلم يا شيخ محمد ''
الشيخ : ''الحل أن حياتكم هترجع طبيعيه تاني
لو السحر الأسود اللي عملته ام سحر.... يتفك... ويتحرق
وقتها... هحصنكم كلكم.... وهتخرجوا من بيتكم من غير رجعه
وعيلة الجن اللي ف البيت .. هتتعمي عنكم للأبد ''
بابا'' طب معملتش كدا ليه من زمان''
الشيخ : ''اصبر عليا يا ابو أحمد... انت ناسي أن العمل دا مدفون مع سحر
وسحر محدش عارف فين تربتها ''
بابا : ''اه صحيح... دا انا نسيت خالص... اومال قلت ليه الحل مع فاتن ''
الشيخ بحزن ''فاتن هيه الوحيدة اللي هقدر احضر عليها علشان هيه اللي شافت المر اللي عندك ف البيت وعاشت معاهم وماخافتش منهم
هي اللي اقدر احضر عليها جن سفلي.... وهوه اللي هيقولي تربه سحر فين ''
انا : ''طب ما تعمل كدا يا شيخ... مستني ايه''
الشيخ : ''يابنتي ياللي مستسهله كل حاجه....
عارفه يعني ايه احضر عليكي جن سفلي''
'لأ ''
''يعني جن متمرد ممكن بعد ما ينفذ طلبي واعرف مكان تربه سحر... ممكن يرفض يسيبك وممكن جداً يفضل لابسك وياخدك معاه دا مش هيكون اي جن لأ... دا من اتباع الشيطان وبيهوي خطف الأرواح البشرية وبيتغذي عليهم يابنتي : يعني ممكن تروحي ضحية بسهولة.... ''
بابا قام مفزوع... وقال للشيخ بعصبيه
''لالالا يا شيخ... لا مستحيل أضحى بمرات أبني... ولو مفيش حل تاني... يبقي هرضي بقضاء الله وقدره '' موقف بابا خلاني اعيط.... عمر ما حد خاف عليا قبل كدا ابدا بسهولة كدا هيضحي بعيلته عشان انا متأذيش
قلت للشيخ : ''يعني احتمال تطلع الجن من عليا... واحتمال لأ ''
الشيخ : ''بصي يا فاتن يا بنتي... القدره بأيد الله عز وجل واحنا الأسباب وبس انا هطلب منه ينصرف من عليكي بس لازم انتي تكوني قويه... وتحاولي تفضلي معانا الجن لما بيتلبس الإنسان بيحبس روحه... علشان هوه اللي يتكلم ويتعامل يعني الموضوع مش بأيدي لوحدي متوقف ع قدرتك هتقدري تحاربي جن سفلي شرس متمكن من جسمك.... ''
انا : ''انت بتصعبها عليا ليه بس يا شيخ''
الشيخ : ''انا يا بنتي''
انا : ''يعني دلوقتي لو حضرته عليا انا هكون حاضره معاكم ولًا مش دراينا بالدنيا ''
الشيخ '' لا هتكوني حاضره... بس هوه اللي هيتكلم هتكوني معاه لما يدور ع تربه سحر وهتشوفي التربه والمكان لكنه هيسيطر ع حواسك وهوه اللي هيتكلم وممكن يطمع ف روحك ويسحبها معاه لو كنتي ضعيفه وصدقيني يا بنتي اللي شفتيه ف بيت جوزك كوم واللي هتتعاملي معاه دا كوم تاني خالص
شكله بشع.... لازم اللي يشوفه أو يتعامل معاه.... يكون متمكن جدا من سحره.... وقوى الارادة.... ''
بابا''طب يا شيخ انا هاخد مرات ابني ونمشي دلوقتي وهبقي ارد عليك
ابلغك رأيي... ورأيها''
****************
ف طريقنا واحنا راجعين... كل واحد فينا ف ملكوت لوحده.
بابا عمال يدعي ربنا يحلها من عنده... ويفك كربه...
بس انا من كلامه قلبي كان بيتقطع... أي حد كان هيبقى ف مكاني... ولو قلبه حجر صوان.... كان هيضحي بنفسه علشان العيله دي... وخصوصا انا
انا بحب ابن العيله دي
اه بحبه محمود اللي اول ما دخلت بيته... ذلني... قالي كلام قاسي... جارح... بس هوه... هوه نفسه اللي عايشني ف عالم جميل...
قولت لنفسي ''كدا ولا كدا انتي عارفه... حتى لو الموضوع كان خلص بسهولة... محمود كان هيطلقك... لأنه ما اختركيش بمزاجه... انتي اتفرضتي عليه....وماتنسيش... إنه لحظه غضبه عايزك.... فاتن فكري كويس
انتي بتحبيه.. وبتحبي عيلته.... بس اللي انت داخله عليه ده انتي مش قده فكري كويس اوى اوي يافاتن..... ''
وصلت مع بابا للبيت...... دخلنا.... لكن
ف حوش البيت ع السلم... كان واقف
محمود جوزي مع بنت بيتكلموا ومندمجين أوي
لدرجة انه محسش بينا انا وبابا
انا بصيت لبابا بغضب.... وناديت ع محمود بصوت عالي
''ودي مين دي كمان ؟ اختك ف الرضاعة برضو وجايلها عريس مين دي''
لقيت قلم نزل ع وشي... من محمود.. وقالي
''انتي بتعلي صوتك عليا.... انا هعرفك ترفعي صوتك عليا ازاي''
مسكني من طرحتي... جرني جوه الشقه.... وبابا يحوش فيه... مش قادر عليه
دبوس الطرحه اتفتح... دخل ف زوري.. كنت بتخنق... وهوه نزل فيا ضرب
بأيده ورجله
ماما ودينا رموا نفسهم عليا وبابا يحوش فيه وهوه مش عايز يسيبني
بعد عني لما ضربه جت ف وش اخته... زقها.. وزق ماما بعيد عني
ومسك شعري وقالي ''انا هربيكي يا زباله.... انا هعرفك انتي... تعلى صوتك ازاي '' لكن بابا صرخ فيه
''انت ايه.... حرام ع اهلك... انت بتفتري ع العيله ليه.... ''
محمود بزعيق
''انت مش شايف عمايلها.... انا شغال ف ام مصنع حديد.... انا حداد... وأم الناس كلها بتتعامل معايا... رجاله... وزفت حريم.... كل ما هتشوفني واقف بكلم حد هتعملي حوار.... دي امل اللي فوقينا... وهتتجوز بعد شهرين.... عايزه اوضه نوم حديد.... دا اللي طالع موضه..... يعني أكل عيش يابا
دي تيجي تكلمني كدا قدامها الناس تقول عليا ايه ؟ شبشب المدام؟
انتوا عايزين من ميتين امي ايييييييه ''
خرج ورزع الباب وراه انا قمت جريت ع اوضه دينا اترميت ورا الباب
وهات يا عياط فضلت ف الاوضه طول اليوم... بليل معرفتش انام....
الكل نام وانا لسه قلبي مكسور ونفسي مجروحه
كنت مخنوقه عايزه اتنفس الجرح اللي عملهولي الدبوس... واجعني
قمت فتحت باب الشقة طلعت ع السطح كتمت بقى بطرحتيى
وفضلت أصرخ..... واصرخ
انا ليه حظي كده دا انا كنت لسه... بفتكر ذكرياتك ليه تعاملني كدالييييييييييه
لكن فجأه... سمعت صوت.... صوت انا فكراه كويس
دي... دي هند
هند صاحبتي اللي ماتت فى حادثه
🍁البيت المسكون🍁
( الجزء ١١ )
(هند ماتت ف حادثه عربيه... وهيه راجعه من الشغل مع فاتن... ماتت قصاد عينيها)
لقيتها واقفه جمبي... اتنفضت.. ورجعت لورا.... وقعت ع ضهري
وقفت أدامي... وابتسمت
''انتي خايفه مني... مني انا يا تونه''
''انتي عايشه ياهند ''
''عايشه ازاي يعني... ما انا مت أدام عينك''
''طب ازاي انا شيفاكي ''
''هه هيه هتيجي عليا انا يا تونه''
''هند.... هند.... طب ليه ظهرتيلي ''
''يابنتي... انتي خلاص... اتكشف عنك الحجاب.... بينك وبين العالم التاني... هتشوفي كتير ف حياتك.... انتي اختارتي تدخلي العالم دا برجلك... ''
''يعني هقضي باقيه حياتي... كدا... وسط الجن... والاشباح... ودا يرضى ربنا يعني.... دا جزائي... علشان حبيت اساعد''
''بصي يا فاتن... كل روح هايمه.. متعلقه بين السما و الأرض... هتدور عليكي... علشان تساعديها... زي ما انا جيالك تساعديني ''
'اساعدك.... طب ازاي.... ''
''عيزاكي تروحي لماما.... تقوليلها أن انا اللي سرقتها.... انا اللي سرقت فلوس الجمعية.... عشان كنت عايزه اجيب هديه لايمن... هيه اتهمت عبده اخويا.... علشان بيشرب مخدرات..... وأنا سيبت التهمه تلبسه..... خليه يسامحني.... وقولي لبابا... يبطل عياط عليا..... ''
انا اللي عيطت... وهيه بتتكلم... قلتلها
''هند... العالم عندك احسن من هنا صح..... انا عايزة اجيلك.... انا تعبت من حياه البشر.... تعبت يا هند ''
''انتي لسه صغيرة اوي يا فاتن.... عيشي حياتك.... وخلي بالك من اللي ف بطنك ''
انا اتصدمت..... قلتلها''ايه... اللي ف بطني ''
''اه يا قلبي... انتي حامل.... الوداع يا فاتن... اوعي تنسى وصيتي ليكي''
هند اختفت... وانا دخلت ف نوبه بكاء هستيري.... ضربت نفسي ع وشي... لما اترميت ف الأرض
ركعت ع رجلي وانا بصرخ
''ليه يا رب.... ليه خلتني حامل منه... يعني الطفل اللي بتحلم بيه كل ام.... يوم ما اشيله... اشيله من راجل كارهني... راجل هيطلقني... ويرميني ف الشارع.... ذنبه ايه الطفل دا يتولد... محروم من ابوه... هقوله ازاي ع الحقيقه.... لما يسألني... فين بابا.... ''
دارت الذكريات ف دماغي... ذكريات ابويا وامي.. اللي عشت معاهم أقل من 11 سنه بشويه كانوا دايما خناق.... عمرهم ما فكروا فيا.... عاتبت ربي. من كتر حزني وضيق نفسي
''ليه يا ربي... عشت طفوله قاسية... مع اب وأم انانيين.... وعشت شبابي متبهدله... بحارب الدنيا علشان أفضل محافظه ع شرفي... ف الآخر رزقتني بجوز كارهني من اول يوم ليا ف بيته...... بليتني ليه باللي انا فيه... اشوف جن وعفاريت.... اشوف حاجات أقوى القلوب متتحملش تشوفها.... وكمان اتكتب عليا اعيش باقي حياتي اشوف أشكالهم المرعبة.... وتزود هم قلبي.... بطفل ارعاه واربيه ف العالم ده لوحدي..... لالالا.... الطفل دا حرام يتظلم مع ام زيي.... انا هوافق ع كلام شيخ محمد..... ويارب... الجن دا يموتني... انا أصلا ماليش اي لازمه ف الدنيا.... انا زياده عدد ع الناس... انا هعمل كدا.... ويبقى اسمي عملت حاجه مفيدة ف حياتي ''
من كتر انهياري..... اغمى عليا...
************
صحيت لقيتني لسه ع السطوح.... نزلت وانا حالتي ما يعلم بيها إلا الله
بس اتفاجئت... بباب الشقه مفتوح.... وبابا... وماما والبنات.... ورغدا... كلهم قاعدين.... والقلق باين عليهم
دخلت... كلهم قاموا وقفوا بابا قالي بقلق
''كنتي فين يا فاتن''
''كنت ع السطوح يابابا.... كنت مخنوقه.. وعايزه اشم هوا''
''يا دينا.. اتصلي ع اخواتك... خليهم يرجعوا ''
انا استغربت.... قالي
''كلهم خرجوا من النجمه... يدوروا عليكي... افتكرناكي... مشيتي''
''انا يا بابا... اسيبكم ف الظروف دي.... وامشي... ''
***********
وصل الشباب... واخرهم كان محمود
اول ما دخل... جرى عليا مسكني من شعري... وقالي بنبرة كلها تهديد
''كنتي فين... ''
اخواته قاموا يسلكوني من إيده... بس محدش قادر عليه... صرخ فيا
''كنتي فيييين''
بابا''يابني كانت ع السطح.... كانت بتفكر يا محمود هتعمل ايه''
انا رديت ع بابا بصعوبة... علشان محمود شادد شعري اوي
''انا موافقه.... موافقة... هعمل اللي الشيخ محمد قال عليه''
بابا صرخ''لا يا بنتي... مش هسيبك تموتي نفسك.... علشانا ''
محمود صرخ ف ابوه... وساب شعري
''انت بتقول ايه.... ما تفهومني ''
بابا قال ع كل حاجه..... لكن الغريب.. ان محمود قالي
''لا طبعاً... مش هسيبك تعملي كدا''
انا''وانا مخدتش رأيك... انا حره... وهعمل كدا''
محمود بغضب '' مين اللي حره ياروح أمك... انتي ملكي... مش حره نفسك... أنا اللي اقول تعملي ايه.. ومتعمليش إيه ''
حسيت بخوف منه... بس كنت مصممة... قلت لبابا
''يا بابا... مفيش حل تاني... وبعدين انا حكيت لك ع كل اللي شفته.. من يوم ما دخلت هنا.... تفتكر... الجن دا هيفرق كتير... عن اللي هنا..... انتوا كلكم عارفين اني مش ضعيفة ابدا.... كلم الشيخ يابابا.... خلينا نخلص بقا''
محمود''انتي اتجننتي.... ولو خدك معاه لتحت الأرض... ايه العمل وقتها''
انا''هترتاح مني ع الأقل.... وانتوا هتبقوا ف أمان ''
محمود ''انتي....''
أحمد قاطعه''استنى بس يا محمود.... دا بتقولك ف بيتنا عشيرة جن.... يعني كدا ولا كدا.... كلنا هنروح ف داهيه... لو ما اتصرفناش.... وهيه هتروح اولنا... علشان اللي اتأذوا بسببها.... لازم نجازف يا محمود..... وإلا كلنا هنضيع''
محمود رد بغضب ع اخوه
' 'يعني عايزني أضحى بمراتي ''
رديت انا''لا... مفيهاش تضحية.... انا عارفه اني هقدر أواجه الجن دا.... زي ما واجهت اللي هنا.... وبعدين ما تنساش.. كلام الشيخ عن جدي.... اللي مسخر جن يحميني... وقريني كمان معايا..... هوه قالي كدا.... لازم ننتهز الفرصة دي... قبل فوات الأوان''وانا بتكلم... حسيت بمغص شديد... علشان يمكن ما اكلتش من امبارح.... وطبعا دلوقتي
ف روح بتتغذي مني ف حسيت اني عايزه ارجع كل اللي بطني قمت فجآه
جريت ع الحمام... بس الغريب برضو... محمود لقيته... دخل ورايا يجري
انا واقفه بجيب اللي بطني بصعوبة... قولتله يطلع بره.... لكنه قرب عليا
ولم شعري... من حوالين وشي.... وحط إيده ع رأسي
خلصت... خدني ع الحوض... غسلي بقي.... ووشي.... سندني دخلني اوضته.....
انا ما اعترضتش... كنت تعبانه أوي....
كنت هقع من طولي.... محمود شالني... حطني ع السرير
لكني بعدت وشي عنه..... لقيته باس دماغي.... وغطاني بالملايه الخفيفة... وطفي النور... وخرج
***************
صحيت كان الدنيا ضلمه.... شكلي نمت طول النهار....
خرجت لقيتهم قاعدين....
حضرت ماما مع دينا العشا....
كلت حاجات بسيطة... من كتر تفكيري ف اللي جاي.....
خلصنا.... وبعد الأكل قعدنا.... بس
ماما اللي شمت الأول.... قالت
''حريق.... ريحه حريق ياولاد... انتي سايبه حاجه ع النار يا دينا''
دينا''لا يا ماما''
بابا''طب اومي شوفي البوتاجاز ''
دخلت دينا... لكن قبل ما توصل المطبخ
صرخت
''حريق.... ألحقونااااااااااااااااااااااا''
قمنا نجري.. النار كانت ف المطبخ... بعدين شوفنا نار خارجه من كل اوضه...
صريخ... صريخ.... الناس اتلمت
الكل خرج يجري.... الشقه بتولع.... النار مسكت ف كل حاجه
بس انا مخرجتش.... شفته
المستذئب . كان واقف ف وسط النار
اتحول للكائن اللي أشبه بالبشر
بوشه المحروق...... وأيده الطويله جدا.... وعينه المنوره
كنت واقفه بصاله.... قالي من غير ما يفتح بقه.... تاني
''حذرتك قبل كدا.... مش هتقدري تعملي حاجه.... دول ملكي.... واللي ف بطنك... هاخده اول ما يتولد.... وانتي هحرقك.... وروحك هتتعذب للأبد.... هتبقى خادمه عندنا...... ''
انا وافقه متنحه... مصدومه.... المهم انا مش دريانه بالجحيم اللي انا واقفه فيه......
(الكل واقف مستني المطافئ ابو محمود بيدور ع مراته وبنته وفاتن وأحمد ومراته نزلوا يجروا وداليا نزلت ورا اخوها جوزها كان ف شغله أحمد نط ف بلكونه اخوه...... جزء من الشيش كان مفتوح.... وبان محمود أن النار محصراه نط أحمد لحق اخوه.... خرج محمود يكح بجنون..... سأل ع أمه.. واخواته.... على جه يجري..... مكنش ف البيت.... بص محمود... مشافش مراته جمب أمه والبنات.... سأل أحمد.....
''فاتن فين..... ''
الكل لف يدور عليها.... محمود بص للشقه اللي بتولع.... وجرى ع البيت... النار كانت ماسكه ف باب الشقه.... محمود دفع الباب برجله... كسره... نط من ع النار.... ودخل الشقه)
انا لسه واقفه مش مستوعبة . يعني هما كدا بقوا أقوى مننا انا وقريني
قدروا علينا وولعوا فينا لالا مستحيل الكائن لسه واقف قدامي
قرب مني بخطوات واسعه مد إيده يمسكني. لقيت اللي شالني
وجرى بيا خرجنا الشارع كنت بكح محمود خدني ف حضنه وصرخ
''حد يجيب ميه. بسرعة ''
حد ناوله ازازه.... فتحها شربني منها ودلق بقيتها ع وشي
***************
كنا عند احمد ف شقته.... ف انتظار الشيخ... محمد
وصل ع طول متأخرش.... بصلي وقالي
''دا اللي كنت خايف منه.... العشيرة قويه.... ومش هتقدري عليها''
انا''وانا مش محتاجة اقدر عليها.... انا هعمل اللي قلت عليه''
الكل كان قلقان.... محمود كان ف منتهى الغضب.... اخوه طبطب عليه....
يهديه... وقال للشيخ محمد
''يا شيخنا... هيبقى ف خطر ع فاتن''
الشيخ '' الخطر موجود... وكلكم اتعرضتوا ليه.... البنت دي قويه.... وانا عارف ان إيمانها قوي بعيد عن قرينها وحارسها دي قلبها جامد ولازم ناخد الخطوه دي خلاص معدش فيها رجوع يا جماعه.... دلوقتي انا هروح اجيب حاجات.... عشان نحصن بيتكم اللي اتحرق عشان جلسه التحضير لازم تكون هناك بس بقولكم
من دلوقتي.... عيلة الجن دى كلها مش هتسيبنا بالساهل نحضر جن أقوى منها
ف لازم كلنا نبقى ايد واحدة ومحدش يخاف لأحسن يتأذى
ولازم كلكم تحضروا الجلسه دي''
انتظرو الجزء ١٢ والجزء الاخير