16 والاخير
البارت 16 ~والآخير ...
ومــرت ساعات ودقايق وثوآني عً الآبطال
مر آسبوعين ورجعت ريماس اليوم
|| البنات مسوين حفلة||:----
ريم : نور نور
نور: ها
ريم : قومي ساعدينا ياكلبة بسك نوم
نور: كم الساعه
ريم:4 العصر
نور: ريوم والله كيان الليل ماخلتني انام تكفين سكري اللمبات واطلعي
ريم: بكب مويه ترا قومي اليوم ريماس جايه والبنات كلهم تحت
نور: طيب خلاص خلاص روحي والحين الحقك
ريم : طيب ورآحت ريم
عند البنات
لميس: وين نور الحين ريماس تجي
ريم : يوه قالت جايه وراك
لميس: روحي صحيها
ريم: طيب
راحت للمطبخ واخذت كاسة مويه باردة ورآحت لنور وكبتها عليها
نور: آآآآ
ريم: احسن يلا قومي بسرعه
نور : قمت قمت ...حرام عليك انا مانمت الا الفجر اش النذاله ذي
ريم: خلاص قومي اجهزي رموسستي فالطريق
نور: طيب طيب خلآص يلآ شوفيني رآيحة البس
ريم : يلآ انا رايحة 10 دقايق
نور: طيب
رآحت ريم ونو ر تحممت ع السريع وجففت شعرها ولبست تنورة حمراء قصيرة وضيقة وبدي ابيض ولبست ربطة حمراء ولبست ساعه حمراء وحلق احمر وسلسلة صغيرة وتركت شعرها مفتوح
آتصلت ع عبدالله: الو حبيبي كيان معاك
عبدالله: اي معايا متى قمتي
نور: اللحين
عبدالله: انا بقول لسوزي تجيب الفطور لكي ودحين بجي وبجيب كيان معايا
نور: طيب استناك
وكلها دقايق ووصل الفطور وفطرت
جاء عبدالله : مساء الخير
نور : مساء النور
عبدالله: فطرتي كويس
نور : الحمد لله
عبدالله: اشوف الصحون فاضية م في استنى حبيبي يجي يفطر معايا
نور: والله صرت اكل كثير هاليومين بعدين انت ماقلت لي انتظريني
عبدالله: امزح معاكي الا آقول هالحلوة الصغيرة مارح تغيري لها
نور: هاتها
واخذتها تغير لها لبستها شورت احمر وتيشيرت ابيض
نور: اش رايك
عبدالله: والله مطقمين الام وبنتها
نور : ششفت
ريم وتفك الباب بقوة : نوووووور
نور: بسسم الله
ريم: ريماس وصلت يلآ امشي
عبدالله : من جد وصلو
ريم : ايه يلا يلا وتسسحب نور
نور : اي يدي بششويش
عبدالله راح للرجال
الكل سلم على محمد وريماس
عند البنات
لين : اقول رموس كيف شهر العسل
ريماس: جميل تخيلو بنات رحنا حديقة الحيوانات تجنن مرآ مو زي ابو كلب اللي عندنا الحيوانات تمشيء كذا وانتي بالسيارة تاكليهم
درر بحماس: حتى المفترسة
ريماس: المفترسة ماتاكليهم ممنوع تفتحي الشبباك روعهه ولآ آش اقول لكم عن الاماكن اللي رحناها بجد فظيعهه
ريم: انا كلمت عبدالله قبل شهر يودينا للحين مارد علي ورمضان باقي عليه 5 ايام حسسبي الله بس ف الاخوان اللي عندي
لميس: نور حبيبي كلميه امكن يودينا العيد
نور تمثل عشان تقهرهم : يوه وقتها ماقدر اروح
لميس: ليش
نور: يو نسيت اقلكم انا حامل ليا شهر
ريم : من جد ولآ تمزحي
نور : وليش آمزح ايه حامل وماقدر اسافر
درر: مبروك نون
نور : الله يبارك فيك
ريم: هو وقت حملك عادي مايصير شيء
نور : صراحة انا كان نفسي اروح لتركيا لكن للاسف قمت اتصفح عالنت ولقيت انو الحامل مايصلح تطلع طيارة
ريم: المهم مبروك ذا ولدك اللي بيجي قولي له عمتك ريم تكرهك ماتحبك لآنك نكدت عليها
لميس: ريوم اش فيكي هذه قدرت رب العالمين احسن اقتلي الولد
ريم: نور اش رايك تسقطي
درر: يابنت صاحية
ليان: بنت هشش حرام هالكلآم
نور: ههههههههههههههههههههههههه هههههههه
ريم: خير تضحكي \\
نور: لآني ماقدر اسقط
ريم: وليه
نور: لاني موو حامل
ريم : حسسبي الله ياشيخةة بسس
نور: خلاص ابشرو نروح لكن بشرط
ريم : تراك مالك كلمةة بعد عبدالله يعني لآتتشرطي
نور: مو انا اذا مابغا اروح هو مايقدر يروح ويتركني
ريم بتوسسل: نونو حبيبي تكفين
نور: تخلي كيان عندك اليوم وبكرا تنام
ريم: ططيب والله اسسوي اللي تبيه
نور: وافقت ...تصدقو زدت 3 كيلو
درر: شيء طبيعي
نور : لا مو حلو والله صرت اكل اي شيء قدامي
ريماس راحت جابت للبنات هدايا
الكل تشكرها وجلسو يسولفو الى الساعه 10
ريماس ولين وليان ودرر ودرة رآحو مع آهاليهم وآزواجهم
ريم : نور لآتنسي
نور: خذي كيان يلآ باي بروح انام
لميس: اش فيكي انخبلتي تخلي بنتك عندها
نور: والله مانمت زين يلآ باي ي قمر
ريم : هلا والله بكيان اليوم عندي بتنامي يعيون عمتك انتي ماوحشتك
لميس: يارب لآتبلآنا تكلم بزر ماتفهم يلآ انا بنخمد خلك مع بزرك
ريم : يايي ياظريفةة
___________
جناح عبدالله
نور دخلت للجناح وتوجهت للتسريحة رسمت عينها وحطت بلآشر وروج آحمر
وجلست قدام التلفزيون تستنا عبدالله يجي جت 11 وماجاء
نور : اف اششبو ماجاء ذا خليني اتصل ...
نور: الو عبدالله فينك
عبدالله: انا فالمكتب حق ابوي بخلص كم شغلة واجي
نور: مطول
عبدالله: لا بس اوقع كم ورقة للشغل واجي
نور : طيب سكرت
نور: آف ياربي له اسبوع بس شغل شغل اش هذا يعني طول الوقت بيرهق نفسه كذا
الباب يدق
نور : اكيد جاء معقولة ناسي مفتاحه يلآ خليني افتح والله بكره ينسى نفسه مو المفتاح من ذا الشغل
نور تفتح الباب : هلا ريومه
ريم: لآ الاخت كاشخة ومتمكيجة ورامية بنتك عندي على انك بتنامي
نور: هش فضحتيني دحين اخوكي يجي
ريم : ايوه انتو تولدون وانا انبلش فيهم لا ياختي بنتك وخذيها ومن اول مسوية فيها مسلسل بنام تعبانة
نور: هههههههههههه انتي اللي قلتي ابيها
ريم : انا قلت كذا عششان
ويجي عبدالله : عشان ايش
ريم : هآ لآلآ ولآ شيء يلآ خلوني آروح باي حبايبي
عبدالله: هههههه اشبها الاخت مستخفة
نور: مدري عنها
عبدالله ووهو يجلس على كنبة الصالة : اشبها ريم جايتك
نور: تجيب لي كيان
عبدالله: وهي لي اخذتها
نور : اش عرفني ...استناني بنيمها واجي
عبدالله: طيب معاكي 10 دقايق
نور نيمت كيان وجت
عبدالله: صارت ربع ساعه
نور: بنتك عنيده ماتنام بسهولة
نور تجلس جمبه : عبودي ممكن طلب
عبدالله: لا اليوم رايقة
نور: دحين ممكن ولآلآ
عبدالله: آنتي مو تطلبي انتي تامري
نور : عبودي واللي يسسلمكك نبي نروح نسافر
عبدالله: نسسافر
نور: ايهه
عبدالله: والله ذي الفترة مشغولين وناسية انو ررمضان داخل علينا
نور: عارفة بس قصدي مو دحين يعني بعد العيد اش قلت امانه تووافق
عبدالله: طيب خلاص ووين تبغون
نور: آممم انا نفسي اروح لتركيا
عبدالله: من عيوني ان شاء الله بنروح وبكرة نحدد الموعد
نور وهيا تبوسهه : يسسلمو حبيبي
عبدالله: الله يسلمك وهو يقوم
نور : فين رايح
عبدالله: ابغا انام وراي دوام بكرة
نور بضيق: طيب
عبدالله: فيك شيء
نور: لا بس مليت شوي ماعليك مني وروح نام
عبدالله: لا اذا كذا بظل عندك
نور: وراك دوام
عبدالله: يلعن ابو الدوام ماني رايح
نور: لالا روح شوف حتى انا ببدل وبنام
عبدالله: طيب يلآ تصبحي ع خير
نور: وانت من اهله
نور راحت للحمام-وانتم بكرامة- وغسلت المكياج وبدلت ملابسها ونامت
____________________
في الصباح الساعه 9
نور قامت على صوت كيان غسلت وجهها و اخذت كيان بدلت لها ملآبسها لبستها شورت عودي وتيشيرت ابيض مكتوب عليه بالعودي my dream small واعطتها رضاعه عشان ترضع وراحت تاخذ لها شاور سريع
لبست جينز ازرق فاتح وتيشيرت بريطانيا ورفعت شعرها ذيل الحصان بربطة حمراء وطلعت لكيان لقيتها تلعب
راحت وصلت وجلست عالكنبة تكلم امنة بالجوال
نور: هلا ببالقاطعة
امنة : اهلين
نور : اش فيكي ماتسالي
امنة : اه يانور اش اقول لك بس على المرض اللي عندي
نور: هدي هدي اش فيه
امنة : انا تعبت من ام زوجي هذي تبغا ولد طيب انا اش ذنبي اذا بجيب بنت والله مو ذنبي
نور: امون حبيبي هذي حرمة كبيرة بعدين سيبيكي منها بكرة لا جبتي البنوته رح تحبها وقولي نوير ماقالت
امنة: تهقين
نور: يوه انتي اش صاير لك المهم انك انتي وزوجك راضين وبعدين البنات وش حلاتهم تعالي شوفي اللي عندي
ياربها تسسلم لي استني ارسل لكي صورتها
نور صورت لآمنة كيان وهيا تلعب
امنة : ي زينها تهبل
نور: امون تعالي زورينا اليوم
امنة : والله بديت اثقل بعدين عمر اليوم بيطلعني خليها يوم ثاني
نور: طيب
امنة : نور عن اذنك بروح انام شوي
نور : اذنك معك
وسكرت نور منها
نور بضيق: اف ياربي والله مليت شكلي بروح لجدتي
رسلت لعبدالله : عبدالله معليش اروح لجدتي اليوم
رد لها :طيب بس قبل 12 ترجعي
نور : انششاء الله
ورآحت تتصل ع السواق ولبست عبايتها وطلعت السيارة معاها كيان
____________
في بيت ابو خالد
جناح محمد
ريماس : محمد ححمود قوم
محمد: اف الساعه كم
ريماس :الساعه 10 يلا قوم ننزل تحت
محمد : طيب يلا قايم
ريماس : انا بنزل الحقني
محمد : طيب
ريماس نزلت لقيت الكل مجتمع
: السلام عليكم
الكل رد عليها السلآم
ليان: رموسس وين محمد
ريماس: الحين جاي
لين : ايوة ريماس تعالي نطلع بوريكي تيشيرتات تجنن شريتهم قبل يومين
ريماس: مششينا ...عن اذنكم
في غرفة لين
لين : اش رايك
ريماس : حلوين بس كلهم فسسفوري يابنت اش قصتك
لين : ياستي انا كنت اتفرج على متاجر الكترونية ولقيت وحدة متجرها اغلبه اغراض فسفورية فطلبت منها
ريماس: مادري ياخي المهم اش رايك نروح لبيت اهلي اليوم
لين : لا امس كنا عندهم بعدين انا ابغا اروح للسوق
ريماس : اها يلا خليني اروح البس واروح لاهلي
لين : الله معك
ريماس راحت للصالة : محمد عادي اروح عند اهلي اليوم
محمد : امس كنتي هناك
ريماس : الا بس تكفى والله مشتاقة لهم
نورة: يمه خلها تروح بعدين ذول اهلها
محمد: طيب لكن معاك لصلآة المغرب
ريماس : انشاء الله ورآحت تجهز
________________
عند نور
الجدة : يمه لي اسبوع ماشتفك
نور: والله يا يمه كيان كانت تعبانة وانا لي اسبوع جالسة فالبيت ماعليك انا كل مافضيت جيتك
الجدة :ايه بس كلام
نور: يمه لا تتضايقين خلاص والله الحين اروح البيت متضايقة
الجدة : انتي ماتجيني واسماء بتتزوج وانا اقعد عند مين ابوك وانا امك مايطل في وجهي
اسماء وهيا تجيب الشاهي : يمه انا ماقلت لك باخذك معايا بعدين انا مابتركك باخذك معاي كلها بنسافر للرياض
الجدة : انا مابي اضايقك انتي ورجلك
اسماء: يمه لا تشيلين هم بعدين قاسم هو اللي قال لي هالكلام ان شاء الله زواج شهد بكرةة من بعد الزواج بيوم
بنسافر
نور: عمتي مو مسوين عرس ولا حفلة
اسماء: لا ولا شيء بعدين انا كبرت عالطقطقة والسوالف والحين اشربي شاهيك .
نور : اف صارت الساعه 12 لآزم ارجع
اسماء: وين وين
نور: والله عبدالله قال لا تتاخري
الجدة : الله معك
نور انتبهي لنفسك مع السلآمة
\---------------------------------------------------
في بيت آبو عبدالله
ريماس : يمه
سارة : هلا
ريماس :نور وين
سارة : نور راحت لجدتها الا انتي ليش جاية
ريماس : طفشت والله
سارة : ايه
ريماس : يممه جدتي متى بترجع من الرياض
سارة : مدري ترا اسالتك كثرت ماتشوفيني بصلي
ريماس: اف خلاص طيب
نور داخله وبحضنها كيان : السلآم عليكم
ريماس:وعليكم السلام
نور : اشبك جالسة كذا
ريماس : مافي شيء امي تصلي و لميس وريم يطالعون فليم ياخي مليت
نور: هدي تعالي عندنا فوق
ريماس : يلا
____________
في جناح نور
ريماس: نور حجزتي عند كوافيرة عشان بكرة
نور: ايه حجزنا انا وريم ولميس بتجي هنا
ريماس : احجزي لي معاكم
نور : آنشاء الله الحين اكلمها ...الو مرفت انا نور ...اهلين فيكي ..معليش زدنا وحدة ....ايه صرنا 4
....حبيبتي انتي مشكورة ماتقصرين ....يلا مع السلآمة
ريماس : كويس آقول متى يجون اخواني
نور: الحين يجون ...استغفر الله ماصليت
ريماس: انا باخذ كيان وننزل نتغدى خلصي وانزلي
نور طيب
نور توضت وصلت دخل عبدالله للجناح عشان يبدل ملابسه : سلآم
نور: وعليكم السلآم
عبدالله : استنيني ابدل وننزل سوا
نور : طيب
عبدالله بدل ولبست شورت اسود وتيشيرت ابيض : يلآ
نور: يلآ
نزلو تحت الكل مجتمع ع الآكل
: سلآم
الكل: وعليكم السلآم
وجلسو يتغدو بعد ماخلص الغداء اجتمعو فالصالة يحلو ويسولفون
ريم: بابي شوف احنا لنا سنة ماسفرنا من برا جدة ي خي ملينا ونبغا نسافر فالعيد
ابو عبدالله: وبنتي الحلوة فين تبغا تسافر
ريم: امم اي مكان بس نور تقول ودها تروح تركيا حتى انا نفسي اروح بابي بليز قول تم
ابوها: بس بعد العيد عندي صفقة ماقدر اسافر
ريم :طيب الله رازقك بعيال تكفى بابي بليز
ابوها: فيصل عبدالرحمن وعبدالله 5 يوم ففالعيد بتسافرون لتركيا فيصل مسئول عن لميس وعبدالرحمن عن ريم وعبدالله عن زوجته وبنته اتفقنا
عبدالله: ابشر
فيصل: يبه بس الربع بيطلعون لدبي و
ابوه يقاطعه : اش قلت انا خامس العيد السفرة
فيصل: على امرك
الاب: وانت يادحوم
عبدالرحمن : انشاء الله يالغالي
ريماس: ايه انتو روحو وانبسطو وانا اجلس لحالي
امها: انتي متزوجة يابنتي
ريماس: اففف خلاص طيب
عبدالله: ايه يبا يقولون بعد 3 ايام رمضان
ابو عبدالله: لا اله الا الله وكأنه امس خلص رمضان
عبدالله: يلا يالغالي انا بطلع ارتاح
ابو عبدالله: لاتنسا تحجز لكم على تركيا
عبدالله: لا بنروح بطيارتي
ابو عبدالله: مو خربانة
عبدالله: لا صلحتها يلآ بنام ماشوف قدامي
كل واحد تفرق في مكان ريماس راحت لبيتها والبنات طلعو جناحهم نور في جناحها ام وابو عبدالله نايمين
نور تشوف عبدالله نايم وجنبه كيان حست باحساس الابوة اللي ماحسته مع ابوها كان يعذبها يضربها كله عشان
امها توفت في ولادتها تنهدت بضيق وراحت طلعت دفتر لها وهي صغيرة تكتب مذكراتها شافت صورته في دفترها
وكاتبة كلام نزلت دمعتها وهي تتذكر ابوها اشتاقت له بمعنى الكلمة جلست تقرا اكلام حرف حرف تتأملها
اكتب مذكراتي بتاريخ : 5-6-1428هـ ابي قد حاولت قتلي مجددا الست انا ابنتك قمت بجلب السكين لكي تقتلني ترتكب جريمة يحاسب عليها القانون ...كنت تعذبني واظل ساكتة صامتة والان تحاول قتلي ...انا ابنتك
نور"اه ياربي والله اشتقت لابوي " مسحت دموعها وشافت الساعه 3 كتبت ورقة لعبدالله
حبيبي آنا رايحة لجدتي شوي واجي بس نسيت شغلة عندها ...نور
وراحت لبست عبايتها وتوجهت لبيت جدتها مع السواق ولخدامة
دقت الباب مرة مرتين ثلاث مافي احد يرد راحت لبيت شهد طلعت لها ام شهد تبكي
نور: اا خالتي اش فيكي
مريم: ولا شيء ليش جاية
نور: جيت اشوف ابوي محد يفتح اشش فيه صاير شيء
مريم : ادخلي
دخلت نور حست الموضوع فيه إن
مريم : نور حبيبتي انتي انسانة قوية ومومنة
نور: اش في ابوي جدتي عمتي صاير لهم شيء
مريم : ابوك فالعناية المركزة تعرض لحادث
نور بتلعثم : آ آبوي
مريم : ايه وانتي بنت قوية وصبورة ومومنه بقضاء الله وقدره
نور : فينه
مريم : بمستشفى ال**
نور تجري للسيارة توجهت للمستشفى سالت عنه لقت حمزة ابو شهد و صالح واقفين
حمزة : نور
نور: ابي اشوفه
حمزة كلم الدكتور وسمحو لها تشوفه
دخلت وهيا ترتجف شافته فاتح عينه وبتعب: نـ ـو ر
نور ببكاء: يبه لا تروح لا تروح انا مابقي لي غيرك
ابوها: اسمعيني زين روحي لغرفتي في خزنة تلقي مفتاحها تحت المرتبة افتحيها في اوراق وحسابات واملاك هذي لك
وسامحيني انا احبك بس كنت افكر انك سبب وفاة امك سامحيني يبه
نور بصياح : يبه انت بتقوم بالسلآمة بس لا تجهد نفسك واللي يسلمك
ابوها : حلليني يانور
نور: انا مسامحتك
ابوها بدا يتشهد دق جهاز القلب الجهاز اللي يعلن الوفاة نور تصرخ جو الدكاترة والممرضات
طلعت برا طلع الدكتور : ان لله وان اليه لا راجعون
نور دخلت شافته مغطى بالشرشف الابيض جثة باردة راحت فتحت الشرشف من فوق باست جبهته : اانا احبك يبا رغم تجريحك لي انا احبك على قد ماعذبتني وجرحتني الا اني ابقا احبك انت جرحتني وعذبتني بس بعد هذا كله قلت لي احبك ...تجرح وتعذب وتقول احبك انا مسامحتك والله يرحمك ويغمد روحك الجنة دخلت الجدة واسماء شافوه وبكيو حزنو على حال بنته
ومرت ايام العزاء بسرعه
اسماء راحت مع زوجها للرياض واخذت امها عشان يعيشون هناك وترفه عن حالها
نور مصدومة وضعفت ماتاكل ولا تشرب الا بالقوة وصارو يجيبون لها ممرضة تحط لها مغذي فالبيت
شهد كان زواجها قبل يومين لكن قررت ماتسوي زواج وطقطقة سوت عشاء للعائلة ولبست فستانها وتوكلت على بيت زوجها
اما السفرة اللي فالعيد تاجلت لانو نور حالتها النفسية ماتسمح
وفي قصر سالم ال ***"ابو عبدالله"
ام عبدالله تكلم لميس: انتي يمه كبرتي وحليتي والف من يتمناك وولد عمك خالد خطبك على سنة الله ورسوله ومافيها شيء البنت مردها لبيت زوجها
لميس: خالد والنعم فيه لكن انا ماقدر شوفي حال نور كيف كيف اتزوج وهيا كذا
ام عبدالله : من قال انو بتتزوج دحين المهم يشوفك ونملك ملكة صغيرة ونور حزنها من حزننا لكن انا ابغا افرح فيكم
دخلت نور : خالتي انا اسفة بس حابة اقول للميس وافقي لا تزعلو عشاني انا بخير والموت قدر مكتوب لنا من ربنا من يوم ولدنا وابوي رحمة الله عليه كان قاسي لكن احبه واتمنى انك توافقي انا ماعليكم مني ومدة الحزن في ديننا ثلآث ايام وانا اول من بيحضر ملكتك
لميس: نور انتي بوعيك
نور: ايه الحمد لله العزاء ومر وانا بخير بس بعد اذنكم انا بروح بيت ابوي في اوراق طلب مني اخذها وبرجع انا خليت كيان فوق مع ريم انتبهو لها
ا م عبدالله: انشاء الله يمه بس خذي احد معك
نور: طيب باخذ ريم واروح
نادت ريم وراحو للبيت
نور توجهت للغرفة وتفحت الخزينة شافت اوراق ذهلت بما فيها شركات وقصور وفلل وبأسمي وفي ورقة مكتوب فيها
" ورث ابنة السيدة : علياء أحمد ال*** الى ابنتها نور ال*** "
ريم: واو هذي لك
نور بضيق : ايه يلآ مشنا
وهي نازلة تشوف الجدران تشوف اماكن تعذيبها دخلت لغرفتها شافتها على حالها راحت عند ركن وقال : يبه تعال طقني انحرني سوي اللي تبيه بس لآتبعد لا تروح
ريم : نور هدي
نور: ريم كان يضربني كان يشد شعري كان يحمي السكين ويحطها برجلي كان وكان بس الله يغفر له
ريم : امين يلآ نطلع
نور اخذت الشنطة اللي كانت مجهزتها فيها ملابس ابوها وراحت لمسجد الحي واعطتها المسئول
وراحو للقصر نور توجهت لجناحها بدلت لبست بنطلون تيفاني وتيشيرت ابيض حطت كحل ازرق وروج بنك وبلآشر بنكي خفيف ولبست جلال الصلاة لكن قبل لا تتمكيج صلت ونزلت تحت تفطر عشانهم صايمين : السلآم عليكم
الكل رد عليها السلآم
ام عبدالله : نور حبيبتي فيك شيء
نور بأبتسامة: لا يالغالية مافيني شيء
ريم تهمس باذنها: حاطة مكياج
نور: وش فيها بعدين خلاص الحداد ع الميت ثلآثة ايام غير كذا مايجوز
ابو عبدالله: الحمد لله يابنتي ومابيكي تضيقي وتزعلي تراكي زي ذول وياشر على ريم ولميس
نور: انشاء الله ... كيان فينها
لميس: نايمة فوق
نور وهيا تقوم : الحمد لله ...بالعافية وراحت ترضع كيان دخلت عليها لميس
لميس : نور حبيبتي اش صاير لك
نور بابتسامه : هلا حبيبتي انا مافيني شيء ولا تشيلون همي بس لميس حبيبي كملي رضعه كيان بروح لعمي شوي
نزلت لقيتهم جالسين جلست عالكنبة : عمي
ابو عبدالله: سمي يابنتي
نور: سم الله عدوك..بس حبيت اقلك انو طلع لي ورث من امي وليي شركات فالخارج وهنا وقصور وفلل لي ولي مبالغ مالية في بنوك متعددة وانا صراحة مو عارفة شسوي فيهم فابغا شورك
ابو عبدالله: امك من اي عايلة
نور: ال***
ابو عبدالله : ماشاء الله عائلة امك مشهورة
نور: بس ماعرفهم
ابو عبدالله : طيب يابنتي انتي معك شيء يثبت املاكك
نور : تفضل هذي اوراق فيها كل شيء
ابو عبدالله: ايه هذي شركات ازياء عالمية ماشاء الله ولك اسهم في شركة xxxxية بس من كان يديرهم
نور: لقيت اوراق تقول خيلاني يديرونها
ابو عبدالله : ايه طيب انتي يابنتي اش رايك تبيعي اسهمك الxxxxية وتتفرغي للازياء تصممين وكذا
ريم : ايه يبه ترا نور تعرف تنسق
نور: انا باخذ بشورك وبكرة باذن الله بروح للشركة واتفاهم معاهم
عبدالله: اروح معاك
نور: مايحتاج اخاف يطلع لي واحد من قرايبيني ويقول انك داخل ع طمع انا اتصرف
ومرت ايام على ابطالي واسابيع وشهور ودقايق وثواني وكل منهم كانت قصة تشغله
~الآحداث بعد مرور سنتين~
لميس تزوجت خالد وجابت ولد سمته راكان نسخه من ابوه لكن البياض لآمه
ريم مصرة على انها ماتتزوج وصارت تساعد نور في
التصميم والتنسيق
نور باعت اسهمها في الشركة الxxxxية وصارت تهتم بشغلها فالتصميم وكيان كبرت وجابت نور ولد سمته محمد على اسم المرحوم وعمره سنه ونص وتعرفت على خالها الكبير وخالاتها وصارت تزورهم وحبوها وتحبهم لانهم من ريحه الغالية
عبدالله كل يوم حبه لنور يزيد ويحبها ويحب عياله
فيصل تزوج درر وهيا الحين حامل بالشهر السادس ببنت ومقررين ييسمونها لانا
دحوم لسسا ماتزوج مستمر ع الترقيم
ريماس حملت بعد نور بشهر وجابت بنت عمرها سنه ونص سمتها تالا وسعيدة مع زوجها
اسماء حملت وجابت ولد يشيلها اذا كبرت سمته معاذ عمره 9 شهور حملت من بعد علاجات
شهد بعد شهرين من وفاة ابو نور سوت زواج بسيط وعندها ولد اسمه طلال عمره سنه
ريمان وآخيرا تزوجت وفكتنا منها <<وجابت بنت جميلةة اسمها لتين عمرها 5 شهور
آمنة جابت البنت وعمرها سنتين وسمتها نور لانو نور دايم تدعمها وبعد سنة جابت حسن وعمره سنةة
مقتطفات :
نور : عبدالله تعال ششوف كيان اش تسسوي
عبدالله: اشبها ...بقق عيونه وهو يشوف كيان تضرب اخوها
نور فرقت بينهم وشالت كيان : كيون حبيبي هذا اخوكي
كيان : كخة انا مااهبو <<كخة يعني يع انا ماحبه
نور: حبيبتي اذا جلستي شطورة اعطيكي شوكلآته من اللي تحبيهم
كيان : تيب
نور: وعد
كيان : وئد وراحت لابوها عشان تبوس اخوها
نور: عفيا بنتي الشطورة وانا اقول مافي زيها
عبدالله: هههههههههههههههههههه دحين تغتر بنتك
نور: ماعليك منها جننتي مو قادرة اركز
____
ريماس: حمودي حبيبي
محمد : عيونه
ريماس : تلو زعلانه عشان وعدتها توديها للملآهي
محمد : ي عيون ابوها اللي زعلانه مايصير خاطرك الا طيب الليل نروح
تالا: بابا انا احبك
محمد : وانا اعشقك يابابا
رييماس : وانا طاح سسوقي ياحسرة
محمد: الحب الاول مايتحول ماعاش من ياخذ مكانكك
ريماس وتزبط الياقة حقت الفستان : آحم
________
امنة : نور روحي لحسسون لعبيه
نور: تيب مامي
عمر : اش الريحة الحلوة ذي
امنة:مسويه حلا
عمر: جعل ايامنا كلها حللآ
_______
شهد : صصلوحي اشبه طلول يبكي
صالح: مافيه شيء بس شلت اللمصصاصة عنه
شهد: اف منك خل يسكت شوي انا عندي ورق لازم اسلمه للجامعه بكرة
_____________
ريم العازبةة
جالسة عالمكتب بثقة تكلم السكرتيرة : طيب خلاص اعملو 10 قطع بس عشان يكون مميز
سمر: انشاء الله استازة ريم بدك شيء تاني
ريم: سلآمتك
__________
فيصل ودرر
درر: اخ بطنني
فيصل: وش فيكي
درر: لنو جننتني بس تتحرك
فيصل: فديتها بنتي الشقيةة
____________
ريمان ترضع لتين وتكلم زوجها عالجوال : مشعل حبيبي الحليب بيخلص جيب معاك
مشعل: طيب اش اسمه
ريمان:سيميلآك
مشعل : طيب انا ساعه واجي
ريمان :اوك بيبي لا تتاخر
______________
لميس: ركوني تعال نلعب
وجلسو يلعبو دخل خالد: اروح لك لعبة
لميس: بسم الله انت جيت
خالد: لا رحت اجل شسوي انا قدامك بششحمي ولحمي
لميس: اممم
خالد: لايكون ماشتقتو لي
لميس: الا اشتقنا لك
____________
درة ولدت وجابت بنت اسمها غلا عمرها سنة ونص وحامل لها 5 شهور بولد
درة: غلو تعالي شوفي الحلاوة اللي جبتها لك
غلا وهي تاخذها باست درة
زوخ درة احمد: وبابا مافي بوسة
رآحت وباسته
درة : يارب لاتحرمني منهم
وبكذآ تم بحمد الله إنهاء روايتي الثانيةة مع انها مانجحت لكنن اسأل الله التوفيق لي ولكم احبتي ...وفاء
~إن الصبر مفتاح الفرج~ تذكرو هذي العبارة دائماً فانا مومنة بها وحبيت ابين لكم صبر نور على ابوها وايذائه لها بالمشاعر او بالعنف الجسدي والاعتداء بالضرب كان له ثمرة ورث كبير ماتحلم فيه اي بنت ....وتذكرو ان الله مع الصابرين ...واختتم هذه الرواية بحمد الله وشكره لانه اعطاني القدرة على الكتابة حتى ولو لم تنجح لكن اعطاني الفكر العقل وهذا مايميز الانسسان بغيره...انتظرو جديدي واشكر كل من قراء روايتي من كل قلبي
#18