طوفان الأقصى ٧ أكتوبر - مشتاقة لك مشتاقة لك 💔 - بقلم أسيل رائد جميل عبد النبي | روايتك

اليوم ال ٣٢ وعيني ما تنورن بنورك .. أحمد الحب الحياة الضحة والخير ،، سيد إخوتي والأهم حــبيــبي .. يوم ما استشهدت يا أحمد أنا كان قلبي بيقولي انك ممكن لتكون في غيبوبة ..فضليت أصيح وأنادي وأستغيث في ربنا وبقول ؛يا رب يا رب ما تاخد روح أحمد يا رب ما يروح أحمد ويا أحمد لو رحت رح أحاربك وما أحكي معك .. مش رح أسامحك لأنك رحت من غيري ،، آخ آه يا أحمد.. بس يا حبيبي ما تزعل مني وسامحني لاني هيك قلت بس انه فكرت انك مش رح اتكون في حياتي صعبة وما كان قلبي بدو يسدق أحمد أنا مشتاقة الك وحياة الله نفسي أقعد معاك ونقعد نحكي زي زمان واتخرفني عن يومك ونحكي ونحكي ونحكي ونضحك ،،أحمد حبيبي أتعبت ونفسي ربنا يعجل في لقائي معك واتزفني شهيدة بين الشهداء وانروح على الفردوس مع بعض يا حبيبي.. أنا عارفة انك بتيجيني بالحلم علشان اتخفف عن قلبي الصخرة إلي قاعدة عليه واتخفف الضيق إلي بصدري ، أمانة أمانة تيجي دائما وضلك طبطب على ضهري لأنك سندي وضحكتي ،، كنت دائما أحس حالي متميزة ما بين خواتي لأنك كنت بتحبني بالأكثر من بينهن وكنت انت اتميزني عنهن ، أنا كنت كثير أفرح للاشي إلي بتجيبلي إياه وبالأكثر بفرح لأنك كنت اتجيبه إلي انا وبس ،، حبيبي أحمد الله يرحمك ويحسن إليك ويثقل ميزان حسناتك ويجعل الفردوس نصيبك وتتنعم بنعيم ربنا يا أحلى الشهداء يا بسمة الشهداء ،،خليلي أحمد. ... اليوم ال ٣٧ على استشهاد حبيب الروح .. ضايل ٣ أيام ويصير الك ٤٠ يوم مستشهد يعني بصير ٤٠ يوم وروحي متوفية معاك مش حاسة بالحياة من غيرك ،، يعني الحياة فش فيها ضحكتك وكشرتك وصوتك ،،أنت مش موجود بالحياة فما إلها قيمة ولا حتى بمقدار ذرة .. أنت إلي محلي الحياة ومخلي إلها لون وبهجة أنت إلي كنت مخلي الحياة حياة بروحك ،، كل سلام العالم ونوره يملأ قبرك .. أحمد كثير فقداك ، كثير نفسي تدخل من باب الخيمة وينك؟! ..... أحمد معقول ما اشتقت لاختك.