ذبحني بردك يالجنوب وين حضنك أبيه يلمني - الفصل 29 - بقلم اغلى ناسي - مكتملة | روايتك

البارت التاسع وآلعشرين ..~ *** الليلة محتاجك مثل : ....................... ماعمريْ احتجت لاحَد ! الليلة محتاجك كثييييير .. ............. ما اظني احتاجك بعد ~ الليلة يا ميت ... يا ميت الليلة يا ميت بدونك والا ميت في عيونك *** غداف اللي توها تصحى خذت حمام دافئ وتجهزت ع اساس تشوف رهف اشتاقت لها كثير تبي تعرف اخبارها وتبيها تاخذ اخر اخبارها فقدتها باليومين هذي نزلت تلف بالبيت كان اكبر من قصرهم بابها ومافيه الا الخدم وامها نادرا ماتجيه ماتعرف ليه ما خذته جلست تطالع له وبعد ماتعبت لف جلست بالصاله وطلعت جوالها تدق ع رهف ماردت بالاول لانها نايمه بس رجعت تكرر الاتصال لحد ماردت رهف بصوت كله نوم:الو غداف:سلام على احلى رهوفه رهف:هلا غداف:وش دعوه هالبرود اصحي شوي رهف:غدو فيني النوم غداف:اووووووووف منك اسمعي اصحي غسلي تسبحي سوي أي حاجه المهم اصحي وارسلي لي عنوانك بمرك رهف اللي فتحت عيونها بقوه:انتي جيتي؟ غداف:ايه جيت يلا رهوفه اصحي زين ودي نتقابل رهف بكسل :ذحين غداف:ايه ذحين الساعه 11 رهف:بدري غداف:رهوفه ابنتظرك ارسلي لي العنوان حق بيتك وع بال ما اوصلك تكوني جهزتي وقفلت ع طول رهف اللي قامت بكسل خذت شور لها ولبست جلست وارسلت لغداف اللي بالسياره وماصدقت يوصلها مسج رهف:اخيرا رهف مابغيتي اعطت احسان العنوان وطلبت منه يمشي بسرعه يوم وصلت دقت لرهف اللي طلعت بسرعه من دون ماتخبر احد عن مشوارها ركبت السياره وماصدقت انها شافت غداف اللي ضمتها بقوه ومابين السؤال عن بعض طلبت من احسان ينزلهم على البحر كانت رهف مبسوطه بوجود غداف معاها غداف:كيف الخبر معاك رهف بتنهيده:وش اقولك ياغداف يومي كله مابين مجاملات ووحده مليت ابي احد افضفض له تعبت وانا لسى في البدايه غداف بابتسامه:كل شي صعب ببدايته بس صدقيني بكره تتعودي رهف:على وش اتعود على ابوي اللي ماشفته الا بالطائره ومن بعدها لا والا على وحدتي والا ايش بالضبط غداف:جدتك وشلونها معاك؟ رهف:عادي مو محتكه فيها واجد هي تهتم ايه بس انا لسى ماتعودت عليها غداف:اممممممم رهف:سعود اخوي اصغر مني بسنه حبوب وينحط ع الجرح يبرى وعندي سديم وسما على كثر شقاوتهم الا اني احبهم بس غداف:بس وش؟ رهف:امهم لو رجعت اكيد بتبعدهم وانا تعودت عليهم خصوصي سعود غداف:لا تشيلي هم وهو يعني اللي بيسمع لها رهف:مدري غداف:وريان؟ رهف اللي رفعت عيونها لغداف وهي مصدومه من سؤالها:ويش فيه غداف:اخباره معاك وش صار جديد من بعد رحلتك معاه بصراحه موقفه مع ابوك جد اعجبني رهف:صح بس ساعات احسه معقد ماينطاق عصبي واللي ابيه اسويه كملوا سوالفهم مع بعض كل وحده تحكي اللي عندها غداف اللي حكت لها كل شي عن ياسر كلامه قربه منها عمتها كانت مبسوطه بكل شي يتعلق بياسر .. *** غيَابك يشغلعيُون الزوَايا وامتلِي [[ اشبآآآح ..! .. وانَا انثر.. صُوتك بـ قلب المكَآن , واشعل أبوَابِي ""! احاول قد ما أقدَر [ أضحكنِي .. ................................... على شَااانَه ! *** ريان اللي كالعاده مكانه المفضل البحر كان ماشي جت عينه على رهف اللي كاشفه هي وغداف لان المكان ماكان مزحوم في باله ملامحها موغريبه جلس قدام البحر وظل يفكر تشبه منو منو ؟رهف! معقوله لف مره ثانيه وشافها وهي تعدل طرحتها وكانهم ماشين تشبها بس مستحيل هي اصلا وش بيجيبها هنا ومين تعرف ؟رجع كمل تأملاته بس دقت عليه جدته تعزمه على الغداء وهو كالعاده لبى طلبها غداف ورهف اللي اتجهوا للمطعم عشان يتغدون ومن بعدها يتسوقون ويكملون يومهم مع بعض رهف اللي نست تعطي احد او ماحست انه مهم كملت مشاويرها مع غداف براحه .. *** كل مآقلت الصبر مرسىْ الأمانيَ ضمنيْ " مرسىَ التعب " .. من كل صوب ! و كل مآقلت السمآ زرقـآ / عششآنيْ طآحت الزرقه علىَ رآسيْ ( ذنوب ) ! *** ام عبدالعزيز اللي متجه لغرفة رهف تسالها وش تبي على الغداء عشان الطباخ يطبخه دخلت وانصدمت ان الغرفه فاضيه ومو بالحمام نادت على فطيمه خدامتها تسالها عنها خبرتها انها طلعت من قبل الظهر بس ماتعرف وين والا ليه؟ ام عبد العزيز اللي دورت سعود ولقته نائم ومو داري عن اللي صاير دخل ريان عليها وسلم ام عبد العزيز بهم:هلا يمه ريان:افا يمه ويش فيك ليه هالهم؟ ام عبدالعزيز:رهف ريان اللي انقبض قلبه:وش فيها؟ ام عبدالعزيز:من الصبح طالعه وماادري وينها والا مع مين طلعت والا حتى رقمها اعرفه ريان رجعت له صورت البنت اللي عند البحر معقول رهف تشبهها بس وش يوديها هناك ومين اللي معاها:وين سعود؟ ام عبد العزيز:نائم ريان اللي طلع جواله يدور الارقام على رقمها يذكر يوم كان بابها كلمها مره وقت العزاء تمنى انه يكون موجود وما مسحه دق دق رهف اللي تطالع بالرقم وماعرفته غداف:مين؟ رهف:مااعرف رجع ريان يدق وقت ماتعبت رهف من ازعاجه قفلت الجوال ورجعت تكمل وناستها مع غداف *** فـيروز .. يالله بنام اليـوم .. من بـدري بلحق على الصبح .. قبل الصبح .. ما يهرب ..! سنتين والليل غافي .. في ( قفـص صدري) كلْ ما بغيت اطْـلقه .. يتشـبّث و يقرب ..! احتاج حاجه .. ولكن ايش هي ؟؟! مدري فـيروز .. تكفـين .. غني للـفرَح .. بطْرب ..! ملّيت .. ارتـّب لإيواء الحـزن .. خـدري ملّيت اعـشّم ضلـوعي بالضيا .. و اغرب ..! *** سمو اللي جالسه بغرفتها وسرحانه بكلام تركي .... ياربي وش اسوي اصدقه والا لا هو اللي قاله صح والا غلط وتاليف من عنده !! بس لا كلام امه انه مجبور علي وهو قالها يمكن كسرت خاطره او انبه ضميره او عشان سلطان !! نزلت دمعه حاره منها على حالها تحس انها مكسوره حيل وش اصعب من شعور قلة الحيله وش اصعب من انك تنهان وعشان غالي تسكت مسحت دموعها وغيرت ملابسها ونزلت تدور على سلطان ... بس مالقته .... *** مالي ومال الوقت مادمت وياك أنت الزمن لي وأنت كل المواعيد خذ من زماني كل وقتي ويفداك مافي حياتي لك من الوقت تحديد أنت الذي مع بسمة من ثنايك أنسى همومي والسعادة لي تزيد *** سلطان اللي كان مع الشيخ احمد وبنته بالمستشفى لانه تعب عليهم ومالقت الا سلطان تكلمه كانت عنده نوبة سكر بس الدكتور فضل انه يتنوم 24 ساعه عشان يتطمن عليه سلطان اللي كان يكلم اميره ومعطيها ظهره:الوالد بيتنوم اليوم وممنوع المرافقه عشان كذا لازم ارجعك البيت اميره بخوف :لوحدنا لا سلطان اللي حس بخوفها:يااختي انتي امانه وخالقك مااخون وانتي مثل اختي بس تجلسي هنا صعب وممنوع اميره ببكاء:لالا مااقدر بجلس مع ابوي سلطان اللي تنهد وجاء في باله سمو :خلاص انتظري هنا لاتروحي مكان اميره:طيب دق لسمو وطلبها تجي ضروري مع السواق ربع ساعه ووصلت سمو ودقت لسلطان اللي نزل لها المواقف سمو بخوف:فيك شي طمني عنك سلطان وهو يبتسم لها:لا سوسو بس ابيك بخدمه سمو:وش سلطان حكى لها عن اميره ووضعها وانها لازم تكون معاها عشان يقدر يوصلها للبيت سمو وهي تمشي معاه:اها والله خفت ع بالي فيك شي؟ سلطان:لا مافي شي هذي اميره اشر لها عليها روحي لها مشت لعندها وسلمت:انا سمو اخت سلطان طالعت بسلطان اللي طمنها بابتسامه:هلا سمو سمو:سلامته ان شاء الله مايشوف شر اميره:الله يسلمك سمو:عاد ذحين مالك حجه بتمشين معاي وترتاحين اميره بخجل:مشكورين تعبتكم معاي سمو اللي تسحبها بهدوء:لا تعب ولا حاجه قومي بس خل ترتاحي وصلهم سلطان ونزلت سمو معاها لداخل اميره:مشكوره والله مدري وش اقول سمو:ولاشي واذا قصدك اني ارجع مع اخوي مالك امل انا بجلس هنا بجلس دخلت مع اميره لبيتهم اللي عباره عن دور كان مره بسيط وهادي فسخت اميره عبايتها سمو اللي ظلت تتاملها كانت تملك جاذبيه فضيعه غصب عنك تلتفت لها وجهها سمح ويعطيك احساس بالراحه فضيع اميره:عن اذنك دقائق بس سمو:خذي راحتك دق عليها سلطان وقال انه راح يجيب لهم الغداء قفلت ووصلها مسج من تركي: (( سمو حياتي انا من شوي وصلت والله مشتاقلك بس اعرف انك ماراح تردي علي بس طمنيني عنك)) تنهدت ونزلت الجوال جنبها وبداخلها تضارب فضيع بمشاعرها تبي تصدق وترتاح بس غصب عنها ماطاب جرحها ...!!! *** تعال ياكل المنى مثل الطيوف الزايرة تعال ياحلم المسا طفّ السراج وضمني لا تندهش من جرأتي بعض الأماني سافرة واللي دخل كهف الهوى لابد إنه ينحني *** سهاد اللي كانت في موعد مع حبها وحلمها مشتاقه والشوق هو اللي يمشيها !! لبست عبايتها ونزلت لسواق اللي توه جديد كانت لسى ما غطت وجهها وهو من شافها ما شال عيونه من عليها ... سهاد ركبت السياره ةرمت الطرحه عليها واشرت له يمشي كانت طول الوقت مبتسمه مو مصدقه بتشوفه نزلت عزيز مول بناء على طلب خالد اللي طلب يشوفها بمكان عام مشت ودخلت كوفي وجلست على طاوله متحمسه لشوفته وش بتقول له وش بيقول ارسلت له وينها هي وباي مكان دقائق وشافته داخل كانت بتطير من الفرح هو هذا حبيبها خالد اللي ملا حياتها ونساها همها واعطى حياتها طعم ولون كان لابس جينز ازرق وتي شرت اسود وكاب اسود وعارض خفيف كان شكله جذاب وملفت اشرت له ومشى بس انصدمت يوم جلس على طاوله ثانيه قدامها وابتسم لها ظلت مصدومه مو فاهمه شي منه اشر لها ترفع الغطاء ورفعته له هو من يوم شافها نسى الدنيا وش اللي قدامه ملاك نعومه وجمال كان كل شي فيها جميل عيونها انفها شفايفه ابتسامتها خجلها كل شي فيها عذبه توقعها حلوه بس اللي قدامه فوق كلمة حلوه نزلت وجهها من بعد مااربكتها نظراته ورجعت رفعت عينها له اشر لها تنزل الغطاء ونزلته قام من مكانه وطلع من الكوفي وسط صدمتها من تصرفه انتظرت ربع ساعه يمكن يرجع والا يتصل بس لا اتصل ولاشي طلعت معصبه من الكوفي وارجعي على طول وهي معصبه وقفت قدام المرايه ماعجبته يعني بيتركني جلست على الكرسي وهي تبكي ماتدري ليه سوا كذا والا عشان ايش دق جوالها برقم خالد طنشت اول مره بس رجع يدق وردت بصوت كله بكى:الو خالد اللي مصدوم:ويش فيك تبكي سهاد بزعل: مو شغلك خالد مستغرب:مو شغلي سهاد:ايه مو شغلك خالد برواق:ليه؟ سهاد:من غير ليه خالد:وش فيك سوسو سهاد ببكى:مافيني شي مو انا ماعجبتك ليه داق تبي تقولها لي ماابي اسمعها منك خالد مصدوم:هدي ووحده خل افهم وش السالفه سهاد:ليه تركتني ورحت ماحكيتني ماسولفت معاي لهدرجه مو طايقني خالد الا فهم قصدها من كلامها اللي يقطعه مابين كلمه وثانيه شهقاتها:ههههههههههههههههه� �هههههههههههههههههههههههه هههههه الله يقطع ابليسك ياسوسو وش ذا الكلام الله يهداك السالفه مو كذا سهاد:اول شي ماتضحك علي ثانيا وش السالفه؟ خالد بجديه:سوسو انا طلبت اشوفك وبس غير كذا ماابي مو معناته اني ماابيك والا مااعجبتيني انتي اصلا بقلبي من قبل مااشوفك وشوفتك شوق بس فضول اكبر وانا ماابي يكون بيننا لقات اتصالات تكفيني ماابي احطك بمشاكل او اسبب لك اذى ماابي نبني شي وبطيشنا ينهدم بكره نرتبط ونكون مع بعض سهاد اللي كل كلمه قالها خلته بعينها اكبر من كلام يوصف غلا هالانسان بقلبها:خالد انا احبك خالد:وانا اموت فيك يالكربوجا سهاد بخجل:خاااااالد خالد:عيونه سوسو وش ذا الجمال والنعومه شي مو ببالي والله اخاف احسد نفسي سهاد بخجل:اعجبتك خالد:عندك شك؟ سهاد:اممممممممممم مدري خالد:لا ارتاحي بس لا تشكي مره ثانيه سهاد:خالد انا بس اكلم مامتي وارجع اكلمك بس خمس دقائق خالد:ما احلى اسمي على لسانك خلاص ياقلب خالد انتظرك فديتك .. *** لو هي على ضيقة الخلق ! هوّنتها و أقول: ضيقة دقايق ! المسألة " عبرة سجينه بهالحلق " ترقى دُمٌوعْ ! وًَ ترجع ل صْدر ضآايق إشتقـت لـك | كـثر العتـب مـا ~ خنقــني ~ وأكـثر شـوي مـن / الأمـان / بـ : وجـودك : ! صبرت .. لين الصبر " سحقني " وطارت بذرّاتي هبايب وعودك *** عبدالله اللي جالس مع اسرار وحاط هموم الدنيا على راسه اسرار :عبود خل احط لك شي تاكله من الصبح مااكلت شي؟ عبدالله:مالي نفس اسرار اللي تقرب منه:مايصير لازم تاكل شي واللي يسلمك عبدالله اللي لف لها:تخيلي ماعادت تبيني انا اللي كنت عشق لها بطلت تحبني اسرار انا بنجن راما لو راحت مني راح اجن اسرار اللي تسمعه وهي تحاول تكون قويه وبداخله يالله وش كثر تجرح فيني ومو حاس يالله منك ياربي صبرني وبتردد:اكلمها؟ عبدالله اللي طالع لها بصدمه:تكلميها اسرار وهي تبكي:ايه اكلمها انت من حقك تعيش معاها مع الانسانه اللي حبيتها واللي حلمت فيها طول عمرك مو من حقي افرق بينكم عبدالله اللي سويته معاي عمري مااراح انساه انا طول عمري بظل ممنونه لك يمكن جاء الوقت اللي ارد جميلك لك لا انت ولا راما تستاهلون اللي صار لكم واذا رجعتكم بطلاقي طلقني وروح لها اعتذر لها مره واثنين وثلاثه بس روح لها عبدالله اللي رجعته دموع اسرار لواقع انها زوجته وانه تجاهل احساسها وهو كل مره يكلمها عن حبه وشوقه وخوفه انها تضيع هي مثله انحطت بموقف رفضته اكثر مني بس لا بيدي ولا بيدها نزل راسه تنفس بقوه اسرار اللي نزلت عند رجوله وببكاء:واللي يسلمك لا تسوي في نفسك كذا انا قلت لك بكلمها وراما ماتبي من الدنيا الا انت وانت بترجع لها بس لا تسوي بروحك كذا رجع تامل ملامحها اللي كلها تترجاه ودموعها اللي ماوقفت سحبها لحضنه وضمها بقوه:لاتبكين واللي علي باسويه واذا يريحك كلامك لها كلميها بس انا ماراح اتركك واتخلى عنك وهي ان شاء الله مصيرها ترضى بواقعنا انا ماراح اتركها ! اسرار اللي ظلت تبكي تحببببببببببببببببه ومو متخليه تفقده ما عندها مشكله ترجع تنضرب و تنذل و تنهان هي تعودت بس اللي مو قادره تتصوره انه بيتركها والا راما تتطلب انه يتركها مو قادره تتخيل انه تخسر حبيبها !! *** مالي ومال الوقت مادمت وياك أنت الزمن لي وأنت كل المواعيد خذ من زماني كل وقتي ويفداك مافي حياتي لك من الوقت تحديد أنت الذي مع بسمة من ثنايك أنسى همومي والسعادة لي تزيد *** ام عبدالعزيز اللي متجه لغرفة رهف تسالها وش تبي على الغداء عشان الطباخ يطبخه دخلت وانصدمت ان الغرفه فاضيه ومو بالحمام نادت على فطيمه خدامتها تسالها عنها خبرتها انها طلعت من قبل الظهر بس ماتعرف وين والا ليه؟ ام عبد العزيز اللي دورت سعود ولقته نائم ومو داري عن اللي صاير دخل ريان عليها وسلم ام عبد العزيز بهم:هلا يمه ريان:افا يمه ويش فيك ليه هالهم؟ ام عبدالعزيز:رهف ريان اللي انقبض قلبه:وش فيها؟ ام عبدالعزيز:من الصبح طالعه وماادري وينها والا مع مين طلعت والا حتى رقمها اعرفه ريان رجعت له صورت البنت اللي عند البحر معقول رهف تشبهها بس وش يوديها هناك ومين اللي معاها:وين سعود؟ ام عبد العزيز:نائم ريان اللي طلع جواله يدور الارقام على رقمها يذكر يوم كان بابها كلمها مره وقت العزاء تمنى انه يكون موجود وما مسحه دق دق رهف اللي تطالع بالرقم وماعرفته غداف:مين؟ رهف:مااعرف رجع ريان يدق وقت ماتعبت رهف من ازعاجه قفلت الجوال ورجعت تكمل وناستها مع غداف *** تعبنا نرسم البسمه ولو فينا حزن وهموم ونضحك ضحكة التزييف ونكتم همنا فينا شكينا الهم والحرمان لكن القدر مقسوم نصيح ونحترق نتعب ولكن وش بيدينا صبرنا والشقى واضح وهو بوجيهنا مرسوم وهالدنيا من اللوعات نستنا اسامينا *** سمو اللي انسجمت مع اميره حبت طيبتها اللي كثير يفقدها ه الوقت كانت تتاملها وهي تحط الغداء بصحنين سمو :ليه؟ اميره:لسلطان سمو:يوووووووووه تصدقي نسيت منه هاتي بروح اعطيه قبل يروح طلعت لسلطان اللي ساند جسمه ع الجدار وباين عليه التعب سمو:سلطان وش فيك ؟ تعبان؟ سلطان:لا ابد بس شوي ارهاق وبداخله مع قهر بيوقف قلبي لي سمو:طيب تعال كل هذا غداك سلطان:مو مشتهي سمو:لا فشله البنت جهزته لك حرام ارده لها كذا سلطان:اجل باخذه وامر واحد من الشباب ناقصك شي ؟ سمو:لا بس انام هنا سلطان:اذا مايضايقك ابوها بكره طالع سمو:من عيوني بس انت اكل مو تاخذه وماتأكل ابتسم لها وطلع وبطريقه تذكر مكالمته مع شموخ كان توها قافله من فراس ومعصبه شموخ:الو سلطان بعتب:الو مابغينا نسمعها شموخ:اووووووف سلطان:وش فيك؟ شموخ:سلامتك سلطان:شموخ وش فيك ؟ ليه كله زعلانه ومتضايقه شموخ:مافيني شي بس شوي ملل وفراغ مخليني مو طايقه احد؟ سلطان:حتى سلطان؟ شموخ:حتى نفسي سلطان:وش غيرك شموخ:سلطان واللي يسلمك فيني اللي يكفيني مطفشه ولاتزيدني سلطان بكل هدوء:مع السلامه تنهد بقوه وبعدين معاك ياشموخ وش فيك؟ وش قلبك وخلاك كذا دق على فراس :هلا سلطان والله توك في بالي سلطان:هلا بيك يالغالي وشلونك؟ فراس:بخير بس انت وين تختفي سلطان:سلامتك بس انشغلت شوي وشفني داق ادور لك فراس:تسلم يالغالي عاد لازم اشوفك اليوم سلطان:وانا قلت كذا انا ذحين رايح البيت وانت الحقني هناك عازمك على الغداء فراس:صار مسافة الطريق و اكون عندك وقفل منه .. *** لهون وخلص آلبآرت ..~