ذبحني بردك يالجنوب وين حضنك أبيه يلمني - الفصل 28 - بقلم اغلى ناسي - مكتملة | روايتك

البارت الثامن وآلعشرين ..~ *** وأنتَظرِك .. وأنتَظرِك .. ويصيح الشوق في قلبي .! أمانة قلّي وش عذرك ؟ إذا طالت مسافة: أُمنياتك .. أُغنياتك .. صمتك وحبرك ! أمانه بس وش عذرك ؟ أو وش اللي بس ينتظرك شموعك ليه ؟ دموعك ليه ؟ وغرام احلى مواعيدك | تعلّق في شراع التيه ! ودقايق هم تنتظرك أمانه بس وش عذرك ؟ وش يفيدك إنتظارَك ؟ وانت ليلك ماتوانى : يطعنك / يحبس نهارَك .! وش يفيدك إنتظارك ؟ وأنت همّك إن تأخر " إعتذر لكْ " ثم بلا إحساس زارك ! *** ماجد اللي جالس بمكتبه وهي ضايقه الدنيا فيه جاء لعنده ياسر وهو معصب:بابا ماجد:نعم ياسر:ليه ليه؟ ماجد:وش ليه؟ جنى اللي توها تجي وهي ميته ضحك على اشكالهم ياسر اللي بعد عنهم اثنينهم ماجد مستغرب:بابا تعال ليه بعدت؟ ياسر: لا مو تعال ماجد:ويش فيك؟ جنى اللي تجلس جنبه:زعلان ماجد:ليه؟ ياسر:ليه انت وماما تروحون تثون بيبي وتخلونه يجلس بمكاني ماجد:هههههههههههههههههه انت زعلان عشان كذا ليه ماتبي اخ والا اخت تلعب معاهم ياسر بعصبيه:لالا لا جنى:مو انت اللي تقول ابي احد يلعب معاي ياسر:الا ماجد:طيب شفنا بنجيب احد يلعب معاك ياسر ببكاء: لا ليه يدلس مكاني ماجد:تعال يا بابا ليه تبكي؟ ياسر اللي جلس مكانه وظل يبكي قام لعنده ماجد وضمه:يا بابا انت مااحد ياخذ مكانك ياسر بطفوله:الا شوف دالس ببطن ماما مو انا دلست فيه يعني مكاني انا ماجد وهو يطالع بجنى اللي تضحك على حوسته:جنو ياسر يبي مكانه ايش رايك نرجعه من جديد لبطنك وغمز لها ياسر بفرح:ايه يلا قوم رجعني وطلعه يلا مو انت دكتور يلا ماجد:بس خل نشوف ماما توافق ارجعك جنى بعصبيه:ماجد خلاص وبعدين يسوري صار كبير كيف يرجع نونو؟ ماجد:هههههههههههههه صح ياسر ذحين دور نطلع البيبي الجديد من بطن ماما انت صرت كبير ياسر:ماما تعالي خل بابا يطلع البيبي من مكاني ومره تانيه ما تسوون كدا وتحطون احد مكاني جنى اللي قلب وجهها احمر:ياسر خلاص عيب انت صرت كبير مفروض ماتتعبني معاك ياسر:ماما لا تحافين بابا ماراح يسوي واااااوا كبيره لك بس يطلعه صح بابا ماجد اللي ميت ضحك على اشكالهم:يب بس اطلعه جنى:ياسر روح العب داخل والا بكره ماراح اوديك الملاهي تلعب ياسر بزعل:ماما مااحبك وراح لغرفته وهي لفت على ماجد:مبسوط حضرتك بكلامه ماجد:انتي اللي جبتيه لنفسك يعني اشرحي زين له والا ارتاحي جنى:وش اشرح له هو ماتمر كلمه الا يسأل عليها ماجد:كلهم كذا جنى:الا من كنت تكلم ومعصب ماجد:ياسر وعمتي جنى:وليه معصب ماجد:من ياسر بيجنني جنى:والسبب ماجد:لان غداف امي تبي تزوجها وهو معصب ومو عاجبه الوضع ويقول لو تاخرت هو بيتصرف من نفسه جنى:ياحليله كل هذا حب لعيونها ماجد مبتسم:ايه شفتي جنى:وليه تعصب انت تعرف وش كثر يحبها ماجد:انا خايف بتهوره يجيب العيد ويفتح لها باب مشاكل ماتقدر عليه لوحدها جنى:لا تخاف انت اكثر واحد تعرف ايش قد يحبها ولا يمكن يسبب لها اذى فاهمني ماجد اللي يحط راسه على كتفها:فاهم بس غصب عني اخاف عليها جنى:وليه سهاد ماتخاف عليها ماجد:اخاف عليها بس مو من امي هي دائم بصفها وتحت شورها يعني ماينخاف منها عليها بعكس غدو فديتها بس جنى تبعد عنه:ماجد انا اغار راعي شعوري ماجد:هههههههههههههه انتي ياجعلني ماابكيك يالغاليه *** وش بعد كسر آلخوآطر غير جفنٍ من ظنون آلوقت مآطر آه من ثقل آلليآلي و آلدموع و ضيق بآلي { قل غيرها واستوعب الجرح وارتاحً الا الغياب وجـرح غيره عــوافـَـيِ أمنتكً الله لاتــجي نـيـة مـــًــزاحِ قصدك ًسفر والاانت قصدكً تجافي مابينهــم من ينصف القلب لأ طــاًحِ *** عند غداف اللي تحس بخوف بس غلبه شوقها لعمتها وصلت للمكان اللي وصفه ياسر لها ونزلت شافت سيارة ياسر واقفه ابتسمت لفت لاحسان تعطيه الاذن بانه يروح ياسر اللي من سمع صوت السياره طلع بسرعه لها كان بيطير من الفرح هي قدامه كانت تطالع لسيارته لسى اسمها محفور عليها تذكرت قبل شهر يمكن اكثر او اقل يوم قابلته اول مره ويوم نحتت اسمها على سيارته ابتسمت وهي تمرر ايدها عليه وتمسح قطرات المطر من عليه ياسر اللي سحب ايدها ومسحها بكم ثوبه التقت عيونهم ببعض ظلت تتامله بعدين نزلت عينها بس هو ظل ماسك ايدها ويطالعها كان محتاج احد يقوله انك ماتحلم هي معاك غداف ببحتها اللي يعشقها:ياسر المطر رجع ينزل ابي ادخل ياسر:ها غداف تطالع بالسماء وترجع تطالع فيه: مو حاس مطر ياسر:عيونك نستني الدنيا اعذرني غداف بخجل:عمتي هنا ياسر:ايه تعالي وسحبها معاه لداخل كانت مرتبكه ومنحرجه وتحس انها بمهمه صعبه ياسر دخل ينادي امه بصوت عالي ويخبرها ان غداف جات ام ياسر:وانت وين رايح؟ ياسر:معاكم ام ياسر:ماتستحي ياسر:مو اجيبها لك بعدين اطلع كذا برا الموضوع ام ياسر :روح دخلها واطلع لبرا لااشوف شغلي معاك طلع وهو معصب:ادخلي غداف مصدومه من مزاجه اللي انقلب :وين ياسر:عند امي وطلع بسرعه طالعت المكان وهي محتاره وين تدخل ؟كانت واقفه قدام بابين هو دخل من واحد وطلع من الثاني حست شوي وتبكي مو عارفه تتصرف شوي ورجع ياسر اللي كان ناسي مفاتيح سيارته انصدم انها لسى موجوده ياسر:مادخلتي؟ غداف هزت راسها بلا ياسر:ليه؟ غداف :مااعرف من وين ادخل وانت رحت وتركتني لوحدي ياسر:فديتك عمري غدو انا اسف والله نسيت وكنت معصب وفكرت امي طلعت لك كانت منزله راسها مو عارفه ترد عليه والا ويش تقول له قرب منه:غدو ردي علي رفعت راسها وبعدت عنه:زعلانه؟ غداف:لا ياسر:اكيد غداف:ايه اكيد ياسر:زين تدخلي من الباب هذا وتمشي ع طول بعدين تدخلي يسار تلاقي امي هناك خلاص غداف برجاء:تعال معاي مو حابه ادخل لوحدي ياسر اللي يعض ع شفايفه:ودي ماودي بس امي رافضه انتي دخلي وانا ادق لها خلاص غداف بعناد:لا تعال معاي قطع عليهم صوت امه اللي تناديه:خلاص دخلي شوفيها قربت من هنا غداف:طيب ومشت لداخل وهو دخل ياخذ مفاتيحه ... *** من غيـآبكَ ْ مآبقــى في جسمي [حــي ] غــير نبضــه ترقــب حضوركَ .. أصحك .. \ يآ عيوني تدمعين ! يا [ مشآعر ] , اسكتي و ادفني تظنين أرتجيه | والا أنحني ! لا , وربي ]- ليسَ بِ الروحِ وجعاً غير الحنين إليك ..~ *** ام ياسر من شافتها وقفت تتاملها كانت رافعه الغطاء عن وجهها غداف اللي رجعت لها السنين اللي راحت حست دموعها خانتها ونزلت اخر مره شافتها يوم مات ابوها شافتها وامها تطردها من عندهم كبرت كثير وتغيرت ام ياسر:تعالي يمه تعالي يابنت الغالي يا عيوني ونظرها تعالي بحضني غداف ماكانت منتظره الا هالطلب وارتمت بحضنه كان واقف يسمع صوت بكاها وده انه معاها تمنى انها بحضنه بدل امه ضحك على نفسه وهو يغار من امه بس بداخله ماينلام طلع وتركهم ع راحتهم غداف اللي ظلت تحكي لها عن كل شي من يوم مات ابوها حتى التقت ياسر لشوقها لماجد كانت راميه نفسها بحضنها وماتبي تبعد عنها ..!! *** لا تخفي الود في قلبك وتتعبني .. ولاتحرم العين شوفك وابتساماتك . زعلاان ! أراضيك ! اعذرني وعاتبني .. قصرت ! أوفيك ! انا كلي لمرضاتك . طول غيابك وهجرانك يعذبني .. ياشينها دنياأحرمتني ملاقاتك . *** غداف ودعت عمتها عشان موعد رحلتها قرب ووعدتها اول ماترجع ابها بترجع من جديد تزورها تمنت تشوفه قبل ماتسافر بس مختفي وعلى كلام عمتها عنده مناوبه ومافي وقت تروح له قر رت ترسله قبل ماتقفل جوالها(( ماكان ودي بــ | الــسفر | لكـــن ظروف .. تحكم عـــلى الإنــسان بأول وتالي ! والله يــا روحـــي أنا كـــم * مــلهـوف * لســمع ( صوتك ) لــو سمحلي مجالي ~ لو كان صوتك ما يغنيني عن الشوف !؟ لكــنه يطمــــن علـــى كـــل حـالي ,, انتبه ع نفسك وعلى عمتي راح توحشني )) وارسلت لها ومن بعدها قفلت الجوال وهو ماغاب عن بالها لحظه *** ياطفلة القَلب الحزين - وش تحترين ؟ أحبابِك اللي اخلفَوا فيك الوعد وغابوا .. قهر ! باقي لهم في قلبك الطاهر حنين ؟ وانتي على جال السهر عندِك أمل .. في رجعَة المقفين ياقلبك المسكين ! تعَودِتَ الجِفآ مِنَك وكَمِ جرحَنّي أسّلوبك غريَبَه ليه هـ المَره تبِيهَآ تّحيَر أفكَآري تفتّش .. مالقت إلا، حنين ٍ " شاخ " ، و جرح ٍ لاح ! و صورة : وجهها " غايب " ، تدوّر له ، و ماتـ | ـلقاهـ ..! *** سمو اللي جالسه تطالع بجوالها وهو يدق برقم تركي هذي خامس مره وماتعب وهو يدق عليها تركي كان يحترق لا يقدر يروح لها ولا يقدر يوصلها لها ولا حتى سلطان بيفيده قرر يرجع يدق مره ثانيه على امل ترد عليه سمو بعد تردد ردت:الو تركي كان جالس ووقف وناظر بشاشة الجوال مو مصدق انها ردت وبفرحه:هلا والله اخيرا يا سمو رديتي سمو ببرود:هلا تركي هذي بدايتها برود:شلونك؟ سمو:كنت بخير تركي:وصوتي ما خلاك بخير صح؟ سمو:صح تركي باحباط: سمو خفي علي سمو:تركي اسمع سلطان جاء ومن الصبح ما جلست معاه وما ادري اذا تعشى والا لا؟ بروح اشوفه تركي:ياحلو اسمي على لسانك ويا بخته سلطان بسوالفك وجلستك وترى من حقي انك تسالين عني سمو:يلا مع السلامه تركي:انا اكلمك وانتي تبين تقفلين سمو:كلامك سخيف وتافه وماله معنى وماعندي استعداد اسمع سخافتك اللي شكلها ماراح تنتهي وقفلت في وجهه رجع دق اكثر من مره من دون رد منها رمى جواله ع الجدار وتكسر كان وده ينفجر في أي احد مقهووووووور منها:طيب يا سمو بسيطه انا اعرف شلون اجيبك ؟ يعني مصيرك لي وين بتروحين؟ *** ثقيلة مزحة الدنيَاا .. غثيثة .. مزحة الأيّام..! تقول إنطر علىَ بابك ترىَ’’ الغالي علىَ جيّه . وأروُحْ لِـ بَابي بـِ خطوه تِسبق الأقدام .. بـِ شوق يحمِله قلبِي .. وعين تحتضن ضَيّه .. ! رجِعت وخَاطِري ضَايق .. أنَاا ماشفته يجي أعوام .. تجين الحين يَا .. دنيَاا تصحّين الحِزن فيّه ! كذبتي ليه ؟ يَا أيامي علىَ قلب .. مِسَى منظآم وأصبَحْ بـِ الأمل لأنّه ...صدّقك بـِ حِسن نيّه ..! *** شموخ:خلاص ابي انام فراس:وانا بعد بس بكره مسافر وراح انحاس طول اليوم ومااقدر اكلمك شموخ بفضول:وين؟ فراس:امممممممم راح اروح عند امي بدبي اول شي ومن بعدها رايح باريس شموخ:وليه باريس؟ فراس:لانها مدينتي المفضله احب جوها ورقيها ارتاح هناك واجد وعلى فكره اول محطه بشهر عسلنا باريس انا مااستغني عنها شموخ بخجل:ان شاء الله فراس:فديت خجلك شموخ انا راح اكلم امي وبرجعتي مره ثانيه هنا راح اخطبك حلو شموخ:ها فراس:سمعتيني خلاص مافيني صبر ومالك عذر شموخ بارتباك:يصير خير فراس:طيب اخليك ترتاحي ذحين يلا باي شموخ:باي قفلت وهي مرتبكه حيل وماجاء في بالها الا سلطان :وش اقول له والا كيف وش بيسوي هو يا لله وش ذا القلق اللي انا فيه ظلت تفكر حتى استسلمت لنوم ... *** لو وفيت وجيت يومً زرتني لو صدقت أفنيت روحي في هواك لو نظرت بعين قلبك شفتنيما معي مخلوق يستاهل غلاكليتك من الحب ما خوفتني كان أبخجل كل بدرً من ضياك ياقليل الحظ لو طاوعتني وأهتديت بنور قلبي وأهداك *** ياسر اللي جالس بغرفته ومرخي جسمه ع الكنبه من وقت ماسافرت وهو يدق لها بس مقفل مشتاق لها وخايف عليها والحلم اللي يزوره دائم زاد من توتره قام لمكتبه وسحب الملفات اللي اعطته غداف كان في اشياء كثير متشارك مع الجوهره فيها ****ات شركات حتى ارصدته بالبنك كانت ارقامها خياليه وهي محتاجه وجودي ولو رجعت وطلبت ادخل بالشركه وبسهوله ادخلها ماادري وش تسوي بحالها بس مو مهم عندي المهم غداف ماتزوجها وماتحرمني منها طالع في ساعته اللي داخله ع العشر يعني ابوه موجود وهو لازم يخبره بكل شي صار معها نزل له لقاه جالس يقرا بالجرائد سلم ع راسه وجلس جنبه:شلونك يالغالي ابو ياسر:بخير والحمد الله الا ويش فيك صاحي بدري اعرف انك رجعت ع الفجر من مناوبتك والا مانمت؟ ياسر:نمت بس مو كثير وبعدين سكت ابو ياسر اللي نزل الجريده من ايده:ويش عندك يايبه ياسر مبتسم:تسلم لي يالغالي بس كنت ابيك بموضوع معاك بس بدون ماتزعل ولا تعصب علي ابو ياسر:اعطني ويش عندك؟ ياسر:غداف تعرف اني لقيتها سكت بعدين رجع كمل وقت ماشاف منه أي ردت فعل منه:وهي عطتني الاوراق اللي تثبت ان نص حلالهم لنا ومن حقنا ابو ياسر اللي كان يسمع وهو مصدوم:وشلون؟ ياسر:انا قابلتها وهي اعطتني الاوراق ماجد كان شايلها عندها وقت ماعرفتني عطتني ابو ياسر :وامها؟ ياسر:اكيد ماتعرف ابو ياسر بهدوء:اسمع يا ياسر خالك الله يرحمه كان اخ ماجابته لي امي بدينا تجارتنا من سنين من قبل ماتجي انت وحتى من قبل مااتزوج امك واعرف ان اللي لنا عندها كثير وكان بالنص بيني وبين المرحوم اللي كان يرفض اني مااسجل أي شي من فلوسي او املاكي باسمي ويوم تزوجت امك ورزقني الله بك كتبت كل شي باسمك خصوصي اني وقتها انا وامك عرفنا ان صعب تحمل اذا ماكان مستحيل ومن وقتها والاوراق عنده ومافكرت اسال عنها ويوم مات الله يرحمه وبان وجه الجوهره وتفرقنا فقدت الامل ان القى أي شي يثبت حلالك وشوف مرت السنين والله راد يرجع لك حلالك وابي اقولك هذا حقك انت وانا ماابي منه شي انا ياابوك خلاص مابقى فيني كثر اللي راح ومالي حيل وشده على هالدنيا واللي فيها انت حر سو اللي تبيه بس انتبه ياولدي الجوهره مو هينه ماراح تسكت اذا عرفت برجعتك ياسر بثقه:وهي ماتهمني ابد وماابي منها شي اللي لها عندي وسخ دنيا واللي لي عندها حلمي وحياتي ابو ياسر:ماراح تعطيك بنتها وانا ابوك حتى لورجع ماجد مابيده شي تزوج وشوف نفسك وخلني انا وامك نفرح بعيالك ياسر اللي قام يبوس راس ابوه:لاتخاف علي وغداف اباخذها والجوهره مالها شي ولا تقدر تسوي شي لي انا طالع عند باسل تامر على شي ابو ياسر:سلامتك *** وكالحلم جئت .. وكالحلم غبت واصبحت انفض منك الـــــيدا ومـــاكـــان اغــربــه ملـتـقى .. وماكان اقصره مـــــــوعدى رأيتك والـجـمع ... مــابـيـنـنا فلم أرى غيرك عبر المــــدى شــفـاه كـمـا يتحدى الـربـيع .. وجفن كما يتعرى الـمــــدى فــيـالـك مــن وردة ارهـقـــتبحوم الفراش وسـقـط الـنـدى ويالي مـن شــاعـر عــاشــقا .. ينادي الهوى فيخوض الردى أيا ابنت كل اخضرار المروج أنا ابن الـجفاف وما استولدى ويا كل افـراح كــل الــطـيورانـــا احزان كــل مــن قــيــدي *** سمو اللي توها صاحيه خذت حمام دافئ ولبست فستان جلد اسود قصيره لحد الركبه وبوت قصير اسود فكت شعرها اللي واصل لنهاية ظهرها حطت كحل وغلاس وردي كانت تجهز عشات تروح تتغدى عند خالتها اخذت اغراضها ونزلت لتحت تدور سلطان عشان يوصلها سالت الخدامه قالت برا جالس طلعت وهي مو عارفه ان تركي معاه اللي كان جاي يودعها قبل سفره بعد مافقد الامل انها ترد على اتصالاتها كانوا جالسين بحديقة البيت ويسولفون مع بعض بس زارهم صوت سمو اللي واقفه عند الباب وتنادي:سلطان سلطاااااااااان تركي اللي من سمعها ارتسمت احلى ابتسامه على وجه وبداخله فديتك وفديت اهلك لو تبين تعالي والله مشتاق لك ومشتاق لشوفك سلطان:تعالي سمو حنا هنا سمو:ههههههههههههههههههه حلوه نحنا ترى كلك سلطان وجت بسرعه لجهتهم بس وقفت يوم شافت تركي قدامها وهو مبتسم ظلت واقفه مو عارفه تتصرف ترجع تروح لهم حست انها في موقف لاتحسد عليها لف عليها سلطان :ههههههههه صدقتي ان في احد معاي زين جيتي لان تركي مسافر وكان يبي يسلم عليك قبل يروح تعالي افطري شكلك مافطرتي سمو بصوت هادي: عن اذنكم تركي من دون مايحس بنفسه:وين تعالي واللي يسلمك انا جاي عشانك ترجعين ابي اشوفك قبل مااروح سلطان:استح مني من الصبح جالس معاك وتقول عشانها تركي:وانا صادق مو من الصبح و جايه بس عشان تروح سلطان: ههههههههه طيب شوي شوي بس ادخلوا عشان الجو شوي بارد واريح داخل ولف لسمو اللي منزله وجهها :سمو دخليه وانا طالع اجيب جوالي من السياره ناسيه هناك ومشى عنهم يوم تاكدت انه صار بعيد مشت بسرعه بس وقفها تركي اللي مسك ايدها بسرعه وبهمس:معاك وين تبين تروحين وتخليني؟ سمو:ممكن تترك ايدي؟ تركي بابتسامه:طبعا لا ومشى معاها كانت تحاول تفك يدها منه بس مافي امل وصلوا لصالة الاستقبال وجلسها جنبه كانت تحس باحراج مو طبيعي تمنت انها لبست عبايتها قبل ماتطلع تندمت لان نظراته كانت جرئيه تركي:كيفك؟ سمو برجاء:بعد شوي عني تركي:ليه؟ سمو:من دون سبب بس مو مرتاحه بعد شوي قام وجلس مقابلها:كذا حلو؟ سمو تهز راسها بايه كانت تتمنى تطالعه براحه كان شكله رايق بالثوب الاسود ومسوي حمدانيه لسكسوكه المرتبه وريحة عطره اللي تحس انها بتد منها تركي:نحفانه سمو:هذا جسمي مو نحفان ولا شي تركي بثقه هو يحط رجل على رجل: لانحفانه مااعرفك قبل كذا يعني سمو بنرفزه:من وين تعرفني ابي افهم تركي بهدوء:ليه دائم تعصبي و تتنرفزي انتي كذا مع الكل والا معاي بس وبعدين انا اللي اعرفك سمو:لا معاك بس تركي بانكسار:ليه؟ سمو اللي رفعت عينها له بعد نبرته المكسوره واللي واضحه على ملامحه ومن دون شعور:اسفه تركي اللي ظل يطالعها معقوله تعتذر لي سمو تعتذر لي لف لجهة الباب عشان يتاكد ان مافي غيره معني بالكلمه سمو باستغراب:ايش فيك؟ تركي:الاعتذار لي؟ سمو اللي حست بخجل من سؤاله لهدرجه هي صعبه في تعاملها معاه نزلت راسها وسكتت شوي ودخلت خدامتها تسال اذا تبي فطور والا لا؟ سمو اللي قالت لها لا وطلبت بس عصير لهم تركي:يعني مسويه دايت؟ سمو بثقه:لا مايحتاج اسوي تركي اللي مبتسم :بس مو باين ؟ سمو بخوف وهي تطالع جسمها:وش اللي مو باين؟ تركي وهو يضحك على شكلها :ههههههههههههه مو باين انك ما تسوين لانك نحفانه ما قصدي انو ما يحتاج سمو اللي تتنفس براحه:قلت لك هذا جسمي تركي اللي يعدل جلسته:لا جد ترى جسمك قبل عاجبني ومعطي شكلك طعامه تذبح يعني النحف مو لايق لك قبل احلى سمو اللي مابين خجلها وفضولها:انت تقول تعرفني من قبل؟ تركي اللي مبسوط انها تاخذ وتعطي معاه :ايه اعرف مو انتي اللي طحتي علي بالمستشفى وبالحديقه ولاحظ وجهها اللي تلون بالوردي ونزلت راسها بزياده كانت تحس بخجل فضيع هي راح عن بالها ه الحدث وهو لسى متذكره؟ قرب منها ورفع وجهها بايدها اثنتين وضمه وكمل موانتي:اللي خليتيني اعشقك من دون مااحس صرتي تزوريني بخيالي بالصدف بكل شي القى ملامحك ترتسم لي مو انتي سوسو اللي من دون ماادري ضاعت مني وماادري بيجي الوقت اللي اكسبها وتسامحني فيه *** تعبنا نرسم البسمه ولو فينا حزن وهموم ونضحك ضحكة التزييف ونكتم همنا فينا شكينا الهم والحرمان لكن القدر مقسوم نصيح ونحترق نتعب ولكن وش بيدينا صبرنا والشقى واضح وهو بوجيهنا مرسوم وهالدنيا من اللوعات نستنا اسامينا *** سمو اللي كان كلامه صدمه والغاز بالنسبه لها مافهمت غير ان داخله كثير كلام :مافهمت تركي:اسمعني وبتفهمين وممكن تعذريني حتى بس اعطيني فرصه احكي لك وابرر لك ليه قلت كذا وش اللي خلاني اقول نزلت يده وكلامه اللي ماغاب لحظه عنها من يوم سمعته رجع يعيد نفسه ويصحي جروحها غمضت عيونها تمنع دموعها ما تنزل ماتبي تضعف قدامه ما تبي توصله وش كسر بداخلها تركي اللي ظل يتأمل ملامحها اللي واضح انها في صراع مع نفسها وبرجاء: اسمعيني اخذت نفس عميق ولفت له:وش تبي تقول لا تكون ناسي شي ماقلته مو انا اللي ماتناسبك مو انا اللي تبي تنفصل عنها بعد سنه مو انا اللي مو من مقامك على قولت امك تركي :انا غلطت ايه واعرف ان مافي كلمه ممكن اقولها وتمحي اللي قلته بس اللي اعرفه اني من يوم شفتك وانا منجذب لك من وقت المستشفى كل اللي عرفته انك سوسو ويوم تبعتك لقيتك تدخلي بيت خالتك وقلت هذا بيتك شفتك مره ثانيه هناك حتى يوم كنت اصادفك هنا تكوني مع خالتك فكرتك بنت خالة سلطان ورسمت القصه كذا انا ما راح اقولك ان عمري ماشفت بنات ولا قابلت بس عمري مادخلت وحده قلبي غيرك الله العالم انك دخلتي قلبي من دون سبب هو المحبه مالها سبب ظليتي حلم كل مااشوفك صدفه يزيد تعلقي فيك قررت ارتبط بيك بس قرار ابوي كان قبلي باني اخذ سمو والا عنده استعداد يحرمني من كل شي ومن اللي فيني كلمتك وقلت اللي قلته يمكن ما ابي اظلمك ويمكن ما ابي اخسر سلطان اللي اعزه حيل ويمكن قلت ما راح اتجمل اشوفها قريبه مني ومو لي اعرف اني حقير بتصرفي بس وقتها ماكنت بوعي كنت مضغوط من كل ناحيه امي وابوي وسلطان وسوسو وقلبي وانتي اعترف اني ندمان ولو ماانتي اللي تعلقت فيها كنت با عتذر سمو انا متاكد اني ابيك انتي اللي تعلقت فيها انتي وربي انتي اطلبي اللي تبين واسويه الا انك تبعدين عني الا انك تاخذين على كلامي والله احتاجك والله ابيك بحياتي ومو مستعد اتحمل فكرة انك تبعدين والا تعاقبيني لف عليها وانصدم من منظر الدموع اللي مغطي وجهها كانت جامده الا من تعبير دموعها اللي ماعرف وش تفسيره سمو اللي من صدمتها ماقدرت تحكي مشت على غرفتها وقفلت عليها وهي على حالها دموع وبس حتى التفكير ما اجهدت نفسها فيه تركي اللي طلع وهو متوقع ردت فعل غير كذا منها تقبل ردت فعلها لان واضح انها مصدومه ودع سلطان اللي كان جالس بالحديقه ورجع الى جده وبداخله امل ان سمو تعطيه فرصه ثانيه؟! *** لهون وخلص آلبآرت ..~