ذبحني بردك يالجنوب وين حضنك أبيه يلمني - الفصل 24 - بقلم اغلى ناسي - مكتملة | روايتك

البارت الرابع وآلعشرين..~ *** ~{ مشتاق لك موت }~ يللي طــول (غيـــابك) ذبحني الشوق }~ وإنتآ عني مو داري أتذكرك كل يوم و(أموت وأحيا بك ) وأقول وينك تجي تسأل عن أخباري أرجوك يا حبي غالي عود مالك بدالي وأنا [ مالي بدالك ] تسألني الناس عني كيفها أحوالي أقول بخير وماني بخير يـــا( لغالي ) تعبان أنا يــا (حبيبي ) راحتي قربك والخير ما أشوفه إلا (بشوفك قبالي ) *** رهف اللي طلب ابوها من الكابتن يوقف في الرياض وبعد التنسيق مع المطار نزل اضطراري وسط استغراب رهف وريان؟! ريان:خير ويش صار ابو سعود:ولاشي بس انا راح انزل في الرياض وانتم كملوا على الخبر كلها نص ساعه وتوصلون؟ ريان:ليه في شي؟ ابو سعود:لا ما في الا العافيه بس شغل ومظطر انزل هنا رهف اللي كانت مصدومه معقول جن لا هذا مو طبيعي يبي يتركني معاه لوحدنا:وانا ايش وضعي؟ ابو سعود:عادي هذا ريان بيوصلك وماعليك شر والطياره مليانه مضيفين الا اذا انتي مو شايفه رهف بعصبيه:لا شايفه غيري اللي معمي ومايشوف تبي تخليني اروح معاه بصفته ايش؟ وبعدين من اللي اجبرك تجيبني من ابها لو مخليني احسن بس يقال لك قدام الناس اني رجال وماارضى على اهلي جاي تكمل جميلك معاي ماقصرت صراحه ابو سعود بعصبيه: ترى احسن لك تنكتمي والا؟ رهف: والا ايش اسمع ياينزل هو يا انا والافضل انا وراح ادبر نفسي ابو سعود:وشلون تدبري نفسك ومامعاك احد رهف: لاتخاف ادبر نفسي تفكر انك يوم جلست كم يوم صرت مسؤل ولك كلمه علي ادبر نفسي من دون مالتفت لك حتى ابو سعود اللي كان مصدوم من كلامها هذي مو هامها احد كل كلمه اقوى من الثانيه: مو هامك احد بس مااشره عليك على اللي رباك رهف اللي بداخلها الا هنا وبس الا هو ماتقول كلمه عليه: تشره عليه ليه لانه رباني بعد مارميتني بعد ماامرتك زوجتك تنكرني ونكرت ليه تشره خبري ماينشره على الرجال هو الله يرحمه ماقصر اشره على حالك جاي تسوي رجال علي بس شكل الدور اكبر من انك تاديه والا لاتكون طلبت منك انك ما تدخل وايدك بيدي ابو سعود اللي اتجه لها وكان يبي يضربها بس وقف ريان بينهم:عمي الله يهداك تبي تنزل انزل لازم الاخذ والعطاء ابو سعود بعصبيه:خل اربيها خل اوريها حدودها رهف اللي من غير شعور كانت تمسك بتي شرت ريان وكانت ماتتعدى نص ظهره اول مره تكون بهالموقف عمرها مااحد عاملها كذا يعني كان شي طبيعي تخاف على الخوف اللي كان فيها ريان:عمي خلاص تبي تنزل انزل واحنا بنكمل طريقنا ابو سعود بعصبيه:مو قبل مااعلمها حدودها اللي لازم تلزمها ريان بثقه:وانت مستحيل تلمس منها شي وهي معاي واذا معزم انزل انا وهي واقدر اوصلها لامي بس اني اسمحلك تمس شي منها وهي معاي تكون غلطان ابو سعود بغيض:طيب انا نازل بس راجع اربيك نزل بسرعه وتركهم نزل ريان ايدها اللي كان يحس بقبضتها بقوه لدرجة انه حس ان اظافيرها علمت فيه ولف عليها عز عليه خوفها دموعها ومعاملته عمه اللي مالها أي مبرر هي لسى فاقده ابوها اللي رباها ولسى ماتقبلته واكيد بتكون حساسه من أي تصرف من ناحيتهم :خلاص ليه تبكين انا انزل لطايره ثانيه وانتي كملي على الشرقيه حلو رهف اللي خافت انه يسويها: لا ريان مستغرب :ايش لا؟ رهف ببكاء: لا مو حلو بتخليني وتروح زيه ريان:بس انتي تبين كذا رهف: لا ماابي ماابي ريان:زين هدي وارتاحي راح لعند الكابتن يخبره يكمل الرحله رجع لعندها وجلس في نفس مكانه بس كان صوت بكاها يوصل له غمض عيونه وسند راسه *** ( في غيابه )..! ما أحس }~آلوقت يمشي ., والحيآهـ .. [ بدون روحه ].. | ســودا - مـليانه اكتئـاب | !! حتى روحي من فراقه .. في[ متاهه / وإغتراب ]., كان فيه الكون يحلى .. و رغم آلامه وحزنه ., دايمـ المح في عيونه ., بسمه مليـانه } أمـل عمري منها ( ما أمـٍلْ ) ليه ذوَّب كل فرح .. [يسكن حيآتي] ..؟! ليه .. شتـتني .. وتركني ..؟! [ يـنـهـش /آلـخـذلان /حـلـمـي ] *** رهف ياربي ايش سويت عشان يصير كذا وينك يايبه تعال شوف ويش صار فيني يبي يربيني بعد هالعمر يبي يربي فيني يعني لو انا لوحدي معاه ويش كان صار فيني بكره بكون معاه ومع زوجته هذا هو سوى فيني كذا هي ويش تسوي واكيد بيوقف معاها شهقت بقوه فتح عيونه ع طول لاحظ رجفة جسمها وبكاها قرب منها :رهف خلاص حصل خير انتي لازم تتعودي على عصبيته وبعدين انتي استفزيتيه بكلامك رهف:ماله حق يسوي كذا ريان:ايش سوى رهف:كان يبي يضربني؟ ريان:هههههههههههههههههههه� �هه اجل لوضربك ايش كنتي بتسوي رهف اللي حست انها سخيفه من بكاها كان مفروض ماتبكي وهي اللي لازم تكون قويه معاهم ويش يعني اذا هدد خبرهم الكابتن انه بيقلع ذحين ربط حزامه وانتظرها تربط الحزام كانت في حالة ضياع فجاه حست بحركة الطايره اللي بدات تقلع بسرعه مدت ايده للحزام اللي حضنت يد ريان كان مادها عشان يقفل لها الحزام ابتسم وهي جمدت ايدها على ايده ربط الحزام وانتظرها تشيل ايدها من على ايدها رفع عينه لها:ممكن رهف سحبت ايدها ولفت على الجهه الثانيه هو لف بس الابتسامه مافارقته كان بيحس بحساس مريح معاها مايحس انه غريب عنها يحس انه مسؤول عنها وانها بدونه تضيع! رهف شكلك بتكون عون اكثر من ابوي يعني لو تركتني مو مجبر تبقى معاي ولا تنلام كمان ياترى ايش اللي يجبرك على كذا ! *** عديم}~ القلب / والإحسآس خآين مثل هالناس حسبتك }~مخلص و وافي تجرحني ولاتبالي ولاترثي لحالي قلبك ماعرف غالي وقلبك جنة مــــآتنداس ( حبيبي ) بآنت عيوبك لاتراوغ في اسلوبك ثوبي مآهو بثوبك وانت [ دون هالأجناس ] تبيع من شرا حبك علاّ بقدر قلبك ذنبي ماهو بذنبك اغليتك بلا قياس تراني والله مستغنيعن حبك وصـــــدقني .. حياتك لا ما تلزمني حيــــاة (الشك والوسواس ) *** ابو سعود اللي نزل لعيون شيخه اللي خبرته انها بالرياض وبالمطار ومحضره له مفاجاه بتفرحه وصل لعندها وهو متناسي كل اللي صار ابو سعود:صباح الحب لحبي وقلبي ام سعود:هلا بعيوني توقعتك مو جاي و بتكمل مع بنتك ابو سعود:انتي تامريني ياغلا الروح ام سعود:عسى ربي مايحرمني منك يلا خل نروح عشان تريح وبعدين اخذ اخبرك واشوف بلاك نحفان يابعد قلبي ايش فيك؟ ابو سعود داخل جو: تعبان ياشيخه من وقفة العزا للسفر والله تعب شيخه:ولايهمك ياعمري يلا انا حاجزه لنا سويت خل نرتاح الليله وبكره خير مشى معاها وهو ناسي رهف او بمعنى اصح مو حامل همها !! *** طاوعك قلبك تغيب وتهجر }~ احبابك ... وتنسى غلاهم و[تتركهم وتنساهم ] حرام تترك (خفوقي) يشكي غيابك وانته في قلبي | ا عز الناس واغلاهم | *** وصلت رهف ونزلوا المطار طلب منها تنتظر ويجيب السياره طالعت بساعتها اللي داخله على3 حاسه بارهاق فضيع من الصباح صاحيه وماارتاحت غير عن مواجهة ابوها اللي زادتها ارهاق انتظرت ريان يجيب السياره تبي أي مكان ترتاح فيه فتحت جوالها وجتها رساله من غداف((اشتقت لك احس ليل ابها ناقصه الشي الكثير مابقول انتبهي لنفسك لاني عارفه ان فيه اللي راح ينتبه لك؟؟؟؟؟!!!!!!!))) ابتسمت على مقصد غداف وبداخلها ولو اقول ايش صار اليوم معاي بتقولي ايه؟ جاء ريان ومشت لحد السياره وركبت معاه كانت تتامل بشوارع المدينه بحركتها مبانيها كل شي كانت تبي تساله وين بنروح بس فضلت تسكت بعد ساعه وصل لقصر عمه فتحله الحارس الباب ودخل طالع بساعته وبداخله اكيد امه صاحيه مشتاق لها حييييييل ولحضنها وكلامها ودعواتها نزل وفتح لرهف الباب اللي ماكانت عارفه هي وين؟ في بيته والا بيت ابوها ريان اللي كان حاس بتوترها من حركة ايدها ريان:هذا بيت عمي امممم ابوك يعني بندخل ذحين عند امي هي اكيد اللي صاحيه ذحين رهف:امك عايشه هنا؟ ريان:ها لا قصدي جدتنا رهف ابتسمت على كلمته جدتنا مشت معاه كان لجناح جدتها مدخل مستقل دق على الباب وفتحت الخدامه له اللي متفاجيه:بابا ريان انت متى في زوج رهف خير ويش عندهم زوجي وزوجي ريان طنشها:ماما صاحيه الخدامه تهز راسها بالايجاب دخلوا كانت مبهوره من جمال المكان اثاثه رايق وراقي من تعبها جلست على اول كنبه وهو اتجه لغرفة جدته دقها ودخل كانت تصلي انتظرها تخلص لفت عليه ومن فرحتها ماقدرت تقوم:يمه ريان متى جيت تعال بحضني ياولدي ريان اللي يجلس جنبها ويبوس ايدها:شلونك يالغاليه عساك بخير ام عبدالعزيز:اللحين بخير ياولدي ياضيق خلقي بدونك ريان يبوس ايدها:عسى ماانحرم منك يالغاليه ام عبدالعزيز:وين عمك ورهف ريان:عمي مدري ولاتساليني لاني تعبان ومالي خلق ورهف برا جالسه قلت مافي الا انتي صاحيه تجي عندك ام عبد العزيز :حسبي على ابليسك برا وماقلت لي روح عن دربي خل اشوف ريان/الله لنا قبل شوي واحشني ومااعرف ايه ومن جاء طاريها ابعد وتتحسبي ايش دعوه ترى بغار يمه رهف اللي كانت تسمع كلامهم ومبتسمه بس بداخلها نار تحرقها تحس وضعهم مع بعض زي وضعها مع جدها طلعت لها وريان استاذن وطلع رفعت حجابها رهف وكانت في وضع لاتحسد عليه مو عارفه كيف تتعامل معاها مو قادره ترفع عينها اصلا ام عبدالعزيز:حياك يمه رهف حياك رهف رفعت راسها واحتارت شلون تسلم عليها مشت لعندها وقبلت راسها:والله كبرتي يابنتي وصرتي عروس من زمان اتمنى شوفتك حسبي على من فرق بيننا رهف اكتفت بالصمت ام عبدالعزيز:تعالي ارتاحي يمه تعالي شلونك طيبه عسى ماتعبتي طيب تعشيتي يمه رهف كانت تتامل ملامحه واضح عليها الطيبه عكس ولدها ابتسامتها تعطي اللي قدامها الراحه من دون ماتدري بس ليه رضت باللي سواه ولدها والا توها تحس والا مجرد مظاهر وتزول ياربي الى متى بظل بحيرتي معاهم مو عارفه ويش النهايه كل واحد لغز بحد ذاته ولسى العائله الموقره ماشفتها كامله ام عبدالعزيز بحزن:يابنتي انا عمري مارضيت اللي سواه ولدي فيك وطول عمري اتمنى انك تجين واربيك على ايدي بس الله ماكتب وجدانك مارضو ا كمان ومشت هالعمر بس الله العالم ان مامر يوم الا وادعي يجمعني فيك قبل مااموت واعوضك باللي اقدر عليه ويارب انك تقدرني رهف اللي ماتبي تدخل بكلام ماراح يتعب الا قلبها بتعب:مو مهم اللي كان انا تعبانه ابي ارتاح ذحين اذا ممكن ام عبد العزيز:يابعد عمري انتي راح اخلي فطيمه تدلك على جناحك وتراها هي خدمتك كل شي تحتاجينه بتجيبه لك واذا نقصك شي يابنتي قولي لي لاتستحين رهف: يصير خير جات لها فطيمه ودلتها على جناحها اللي كان فخم حيل رمت اغراضها بتعب على الارض تذكرت انها مانزلت شناطها معاها بس مااهتمت ودخلت سريرها ماامداها تغفى ساعه الا جدتها تدخل تصحيها للفجر رهف:زين خلاص بقوم ام عبدالعزيز:أي يابنتي ولاتنامي خلك تفطري رهف:طيب صلت ورجعت تنام على طول وقت ماشافتها جدتها نامت تركتها ورجعت جناحها وهي تحس بسعاده من انها قدرت تشوفها قبل ماتموت بخاطرها تبي تعوضها على كل اللي حرمها منه ابوها حمدت ربها ان شيخه مو هنا كذا اريح واحسن *** { يا حبي أفهم !! انك[ بخافقي شي ] وان الـ ع ـيون اللي " تحبك " ..: سهـارى :.. ياضي عين اللي ( يحبك )ويـاض كل الدروب اللي بعيني }~ حيارى أنت الذي ما يشبهك بالمـلا حـي ما ألوم من سمـاك " سيـــد /العــذارى " لا تهجــر { محطـاتي } *** سمو اللي توها تصحى طالعت نفسها انا ويش جابني غرفة سلطان غمضت عيونها واستوعبت انها رجعت لواقعها مع تركي اللي اهانها وقتل حاجات كثير بداخلها من دون ذنب منها مشت وقفت لحد المرايه وجلست تتامل شكلها الشعر المبهذل والعيون المنتفخه تنهدت وهي تذكر اليوم والا بعد كم ساعه كتب كتابها على الاخ تركي اليوم تبدا مسلسلها معاه وتمثيلها اللي بياخذ الكثير من روحها رتبت الفراش وطلعت كان سلطان بالصاله يقلب بالقنوات وقت ماشافها ابتسم لها هي ابتسمت بخجل ونزلت راسها تحس انها صغيره بموقفها امس معاه سلطان:سمو تعالي حياتي سمو تصرف:ابي ارتب شكلي واجي سلطان:خلاص ياعمري انصدمت وانتهى الموضوع تعالي مشت لعنده وهو فتح لها ايده وضمها:شلونك سمو:زينه سلطان:ايش صار لك امس سمو:ولا حاجه بس تذكرت امي وابوي وتمنيتهم معاي وطبعا مالي غيرك اعبر له سلطان اللي يبوسها ع راسها:خوفتيني عليك سمو:يابعد قلبي انت الا وين نمت سلطان:مع تركي مو انتي وخالتي قالبين البيت استقبال ولا خمسه نجوم *** أنا سعيد }~ بلقاك [ وشوفك وقربك ] وأنا أسعد انسان لمــا ( شفتك قبالي ) إن قلت أحبك يغــــار الحب منـ /حبك وإن قلت غالي غلاك [أغلى من الغالي] من يوم قلبك فتح لي ( بالغلى قلبك ) وأصبحت أنا أول غلى بعمرك [ وأنا التالي ] قمت احمد الله وأدعي ربي وربك أبقى بك سعيد }~ وتغني بك امالي يا كبر حظي [ أغنيها وأنا جنبك ] يا زينة العمر معك ( العمر يحلى لي *** عند ماجد وجنى كان بيطير من الفرح:مو مصدق فديتك جنو احبك جنى بخجل:خلاص ماجد ماجد:يابعد اهلي انتي جنى:ربي مايحرمني منك ماتوقعت خبر حملي بيفرحك هالكثر ماجد:لا بفرح وارقص بعد ليه ماافرح يارب لو تطلع بنت ابيها زي عمتها غدو جنى:ترى اغار من حبك لها ماجد:لباك انتي بس لو تعرفي ايش كثر وحشتني جنى:اعرف حبيبي بس يلا هانت الشهر وبيعدي ان شاء الله بس ياسر ليه زعل ماجد:لانه توقع اني راح انزل السعوديه على طول عشان كذا عصب شوي جنى:تهون يلا خل نشوف يسور ايش مسوي بالغرفه *** غصب عنـك ، ، ترى تنحــب [عيـونكـ ، ، بسمتكـ }~ تجـذب وتبعد كـل ( عـلاتي ) فـداكـ الـروح يا روحـي وعيـني والعمـر | والقــلب | طلبتــكـ ، ، [ واطلبكـ لـو يـوم ] *** راما اللي جالسه بجنب ابوها ويلعب بشعرها:يلا بابا قول ايش المفاجئه ابو راما:انتي قولي راما بدلع:امممممممم ماعرفت قوووووول ابو راما:هههههههه طيب مو انتي تبين اسرار تدخل الجامعه منتظمه وبقسم اللغات راما:ايه ابو راما:هذا اللي صار بس خليها من بكره تقدم ملفها ولا تتاخر عن بكره راما اللي تبوس فيه:يسلموا احلى بابا يسلموا انا راح اروح اخبرها وطلعت تجهز عشان تفاجي اسرار اللي كانت هي وعبدالله بسبات عميق مو حاسين بشي راما تذكرت ان معاها نسخه من مفتاح بيتها بس مو متذكره مكانها جلست تقلب الجناح لحد مالقيتها :واااااااااو ايوا كذا ينفع اعملك مفاجئه يااسرار كملت لبسها متجه عند اسرار دقائق وهي خالصه نزلت بسرعه سالت عن امها خبروها انها طلعت من بدري طلعت كان فيصل توه بيدخل اصطدم بها يوم فتحت الباب راما بخجل:اسفه فيصل نزل وجه ورجع لوراء عشان تمشي من غير مايتكلم او يرد عليها وقت ماركبت السياره دخل راما :وجع غلطانه اعتذر انا من هذا اللي مدري ويش اسمه اسماعيل امشي لبيت اسرار والا اقول مر على محل ورد قبل ..~ *** لبيه (قلي )وش اللي تطلبه(قلي ) اطلب وش اللي تبي و }~ ابشر بمطلوبك بس انتبه لا(تناديني) وانا اصلي [ اقطع صلاتي ]وألبي والتفت صوبك *** عند غداف اللي صحت هي وسهاد على صراخ امها اللي يهز المكان الجوهره اللي خسرت مشروع مع شركه اجنبيه كبيره او بالاصح ماقدرت تدخل فيه لان شركاءها مو معاها:حسبي عليه وين ماراح ولد الفقر الا مالقيك ياياسر واطلع حرقتي سنين من عيونك انت وابوك سهاد اللي تطالع في غداف:ايش فيها ماما غداف:عادي خسرت مشروع كالعاده سهاد:ومين ياسر غداف:مين يعني ؟ وبتريقه اللي ظالمها وماخذ حلالها ؟! الجوهره اللي اتجهت عندهم وهي بركان:خير انتي وهي واقفين هنا غداف ببرود:ابد سلامتك قلنا نشوف الصاله من فوق سهاد اللي تدفها: مو وقتك ذحين غداف تكمل ولاهامها احد:صوتك صحنا ليه تصرخي في شي؟ الجوهره:فيني قهر حره من ولد عمك اللي مختفي وماخذ حلالي غداف بقهر:وين مختفي مو انتي اللي طلعتينا من جده وقطعتي أي علاقه لنا فيهم واي حلال هذي فلوس عمتي وياياسر الجوهره:عاشت والله بنتي وقفي مع الغرب على امك غداف:أي غرب واي اهل واوقفي احنا بحرب المسأله بسيطه حلالهم وبيرجع لهم رضيتي والا رفضتي الجوهره:اقول روحي من قدامي احسن لك غداف برجاء:خلاص مااكتفيتي الا حلالهم الجوهره:انتي بتجننيني اذا بنتي اللي مني تقول كذا بكره لو اوقف بالمحكمه ايش بيقولون؟ غداف:بيقولون الظلم الظلمات يوم القيامه الجوهره اللي شوي وتشد شعرها من غداف غداف تكمل:بذمتك ماتعبتي وانتي بتجمعين هالفلوس مصيرك بتتركيها وتروحي ماتعبتي من كثر ماتظلمين في الناس عشانها قربت الجوهره واعطتها كف خلى توازنها يختل وتطيح ع الدرج:الى هنا وخلاص تحملت لسانك وكلامك اللي زي السم بس صار لازم توقفي عند حدك سهاد اللي مالقت بيدها غير البكاء :خلالالالالالالالالالاص انتي وهي حرام انا تعبت منكم كله هواش وضرب الى متى الى متى وركضت لغرفتها وقفلت عليها الجوهره بحمق:كله منك اختك بتنجن والسبب انتي غداف تقوم بكل برود وتبعد عنها:لا تطمني عاشت سنين بحضنك وماانجنت بتجن ذحين؟؟ الجوهره ببرود اكبر:لك اسبوع تجهزي ابي افرح فيك وازوجك غداف ولا هامها:ماطلبتي ع الاقل بصير بعيده عنك وهذا المطلوب مشت ع غرفتها ووهنا عطت نفسها حرية انها تفرغ اللي بداخلها من قهر ظلت تبكي طالعت بوجهها اللي طبعت اصابعها عليه سحبت جوالها لقت اكثر من 30اتصالها من نفس الرقم اللي متعوده يرسل لها بس الغريب ان ولا مسج ارسلها دقت على رهف لقته لسى مقفل بداخلها مارح تتركيني الا مع جابر بس ياسر حلاله بيرجع له تذكرت الصندوق اللي مخبيته بالمخزن اللي باخر حو ش فلتهم واللي فيه الاوراق اللي امنها ماجد عليها وفهمها انها لياسر وكل شي من فلوسنا له النص وهذا الدليل طلت مع الشباك شافت سيارو امها تتحرك الى الخارج تنفست براحها ولبست عباتها وخذت فكرت تكلم سهاد بس راح تخلص من دلعها وبكاها وليش ومتى فظلت تمشي *** قول / "أحبك" قول..و ..طيرني بـ هواك .. خلني أحس.. بـ| الدنيا | أجمل و أنا يمك قول.. "أحبك" خلني ألبس ( عمر ) ثاني قولها و زلزل كياني عيدني لـ( دنيا )البياض ..: أتبعثر :.. و خلني ألمك.. .. "حبني/حبني" .. و لا يهمك.. قول.. "أحبك " رقّص.. (الدنيا) بـ.. " عيني " .. قول .. "أحبك" و ..أوعدك.. أزرع لك بــ( كفي ) أماني .. و لا أثور /و لاألوم ..و لا أعاني و أنولد في حضن {~ حبك ، {**من جديد **} *** سهاد اللي جالسه تكلم خالد وتبكي:دايم يزعلون من بعض دايم صراخ خالد نفسي بابا يرجع ونعيش زي زمان مبسوطين وماما تحب غداف وماجد يرجع لنا خالد:خلاص وسونه ليه تبكي ذحين انتي لازم تكوني قويه وعندك شجاعه انك تصلحي الموقف مو كل خلاف تنهاري سهاد:بس انا مااقدر خالد:تقدري بس انتي ماتبي اوقفي مع الحق وتعودي تقولي كلمة الحق لاتخبي شي في صالح اختك عشان ترضين امك سهاد بغباء:يعني ازعل ماما خالد:لا لا ماقلت كذا بس الحق بيزعل في البدايه بس وقت ماتشوفكم مع بعض بترضخ وبتحاول تتفاهم مع غداف فهمتي؟ سهاد"ايه فهمت خالد:شطوره حبيبتي وسن اللي لحد ذحين ماقالت متى اشوفها؟ سهاد اللي تذكرت السفره:ايه صح باي اروح اقول لماما اني لازم خالد:لازم ايه سهاد:اروح المول لان ناقصني شغلات خالد:اها سهاد:ايون كذا يلا باي خالد:باي قفل وهو يضحك غريبه بساعه تزعل وتروق يجي مليون مره تسند على كرسي مكتبه وهو يتخيل شكلها كيف بيكون؟على قد نعومة ضوتها ودلعها والا اقل او اكثر المهم اني ابيها ومو مهم أي شي ثاني غير اني حبيتها عند غداف اللي دخلت المخزن وكانت بتختنق من الغبره والحر المكان ضيق ومزحوم وسخ فتحت الانوار وتقدمت لمجموعة صناديق مغبره وفوق بعض:اووووووف كيف اعرفه كان احمر عليه رسومات ورود وفيسات جلست تقلب في الصناديق لحد ماطلع فار صرخت بقوه:اااااااااااااااااااا� �ااااااااااااااااااه احسان اللي كان يقطف في الورد ويعدل بشكله <<خخ داخل ايس هدا في مدام غداف تصيح مشى لحد الصوت شاف المخزن اللي مهجور ومااحد يقرب اصلا منه ومشى بخطوات سريعه لحد ماوصل لها غداف اللي ماصدقت احدجاء:احسا تعال ابعده عني احسان:انت في كريزي ليس ادحل هنا ايس ابغى سحبها لبرا غداف اللي لسى مصره على الصندوق:ابي الصندوق الحمر اللي عليه ورد طلعه لي راح يدور لحد مالقاه واعطاها: هدا في صندوق انت في سوي قلق عسانوا الحمدالله انا موجود والا غداف اللي تمشي بسرعه لسياره:عن افلام روشان ذحين وتعال وراي مشوار *** لهون وخلص آلبآرت ..~