ذبحني بردك يالجنوب وين حضنك أبيه يلمني - الفصل 17 - بقلم اغلى ناسي - مكتملة | روايتك

البارت االسابع عشر ..~ *** تعال اسكـن مساحـات الخفـوق .. وودع الترحـال ......... تعال اشعل كـلام الحـب .. واخمـد ثـورة سكاتـي . تعال وقبل ( كيف الحال ) .. ناظر .. هو بقى بي حال .........تعال وقبـل ( سمعنـي جديـدك ) .. أسمـع آهاتـي . تعـال وشيـل مـن بالـي هجـوس ٍ كنهـن جبـال ......... تعبـت اخضـع لهـذا الانهـزام .. ونكـس راياتـي . تعال وشوف ( نهّـام الحنايـا ) واسمـع ( اليامـال ) ......... حزيـن ٍ مثـل ... دمعـات اليتامـي .. لانكساراتـي . لك الله .. مابقى جـرح ٍ بروحـي مانـزف أو سـال ......... لك الله .. مابقـى هـم ٍ اعرفـه ... ماملـى اوقاتـي . أجي لك ممتطي صهوة احروفـي .. شاعـر ٍ خيّـال ......... أبوصـل للعيـون اللـي .. مساهـا .. لملـم شتاتـي . على جال التعب .. أرمي جراحي .. واحسب الآمـال ......... ولالـي لالبـس ... هالليـل ثوبـه .. غيـر وناتـي . وش أقسى من الذبول اللي تشوفـه .. لابكـى رجّـال ......... وش آخر هالأفـول اللـي أشـوف .. بكـل نجماتـي *** عند غداف من بعد ماخلصت صلواتها اللي فاتتها جلست تطالع نفسها بلبس المستشفى الوردي دخلت عندها الممرضه السعوديه انصاف غداف اخيرا احد جاء الممرضه:مساء الخير غداف غداف:هلا مساء الخير انصاف:انا اسمي انصافالممرضه اللي ماسكه المناوبه عندك اليوم غداف:يعني ايه راح انام اليوم هنا انصاف وهي تقرا ملفها:والله الدكتور ياسر ماكتب خروج لك لحد ذحين غداف بملل:طيب انا ابي اغراضي جوالي شنطتي انصاف:حاضر انا راح اطلب من امانات المستشفى يجيبوها لك غداف:طيب ماراح اطلع انصاف:مااعرف انا كل اللي اسويه ذحين اكشف عليك اما مسالة الخروج بيد دكتورك غداف:طيب وينه؟ انصاف:الدكتور ياسر عنده عمليه ذحين بس يخلص راح يمرك اكيد غداف بملل:بيطول؟ انصاف:مااعرف والله بس خلي اكشف عليك واتطمن عليك كشفت عليها وبعدها دخلوا الكل لها غداف:مو مشتهيه انصاف:انتي لازم تاكلي انا راح اقربه منك وبتركك تاخذي راحتك غداف:طيب ممكن اطلب منك خدمه لو تقدري تعمليها لي انصاف بابتسامه:امري غداف:مايامر عليك ظالم امممم انا لي صديقه امس دخل ابوها العنايه وحابه اتطمن عليها هي عنده ابيك تقولي لها اني انا هنا انصاف:من عيوني بس اسم المريض عطتها غداف الاسم وطلعت وظل فكرها مابين رهف وامها وطلبها الزواج من جابر *** من .. بعيد.. لبعيد في كل ليلة كنت احتريك لجل يدفى [ لهيب الشوق ] لجل يغفى [ شعور الخوف ] يكفي احس انك [ بخير ] وانك عايش [ سعيد ] من .. بعيد .. لبعيد تخيل بس..! من .. بعيد .. لبعيد !!! *** عند ابو تركي اللي كان قالب الدنيا صراخ من وقت مااعرف ان تركي سافر من غير ماينفذ طلبه سلطان:خلاص ياعم صحتك اهم يمكن في شي خلاه يسافر ابو تركي:لا مافي شي بس انا اللي اعرف اربيه واعلمه شلون يكسر كلامي سلطان:انت استريح وتركي الا مايكون عنده اسبابه ياعم بس ريحلي حالك طلع من عنده وتوجه لسمو اللي جالسه بالصاله سمو:خير ايش فيه عمك سلطان:زعلان ليش ان تركي سافر و ماقال له سمو:والله طيب ليه مايلحقه مو كانه طول سلطان وهو يناظر لها بنص عين:سمو وبعدين متى تتركي طوالة اللسان سمو:ايش قلت انا؟ سلطان:سلامتك سلطان بتردد:اممممم كيف شموخ سمو بداخلها ويش اقولك ياخوي اقولك مو مرتاحه لتغيرها واحساسك صح والا اكذب عليك واكون معها ضدك سلطان:ياهووووووو وين رحتوا سمو:ها معاك بس تذكرت هند وراح بالي لعندها لان الحمل متعبها شوي سلطان:الله يعينها الا كيف شموخي سمو:طيبه سلطان:وبس سمو:ليه في شي زياده سلطان باحباط:يعني ماسالت عني ماقالت شي سمو وبداخلها قلب بيتقطع عليه:مامداني خالتي طول اليوم معانا وبعدين جيرانهم كملوا بجيتهم ومامداني اتكلم انا وهي بشي سلطان: مو مشكله سمو:سلطان مااحب اشوفك زعلان والا متضايق انا قلت لك اللي تمر فيه شموخ مجرد ضغط لاتزعل روحك سلطان بحنان قربها منه وضمها :ولا يهمك يالغاليه دام سمو ماتحب تشوفني كذا خلاص لعيونها كل شي يصير ذحين ويش رايك لو نتعشى برا الجو مره حلو سمو:واي فديتك انت مايبيلها كلام موافقه سلطان :لك ربع ساعه تجهزي فيها وانا انتظرك بالسياره سمو:امممممم وعمك سلطان:اكيد طلع هو قال انه بيخرج *** قبل امس مثل امس واليومه مثل بكره !! وعدّاد الايام ماشي والعمـر ماشـي امشي بالاقدار لا راضـي ولا مُكـره واللي تشوفه عيوني يمسكه جاشـي والوقت مافادنـي ذمـه ولا شكـره بغيت اضمّد جروحه وانتهى شاشـي علّقني بشـي لا يُعشـق ولا يُكـره خلا دموع المخـده تحـرق فراشـي !! *** ابو تركي اللي من عرف بسفرة تركي وقف كل حساباته واصدر قرار بمنعه من دخول الشركه ونفس الشي سوه مع امه عشان يقطع عليه كل الطرق ودق ع تركي اللي تردد يرد في البدايه بعدين عرف ان دحين او بكره راح يواجه ابوه تركي:هلا يبه ابو تركي بعصبيه:انا تكسر كلامي انا انا ياتركي تركي:انا اسف بس اللي تطلبه فوق طاقتي ابو تركي:انكتم ولا كلمه تهرب عند امك على بالك هي الحل تركي:امي مالها شغل ابو تركي:اسمع لك لبكره الليل ترجع او بتعيش الحياه اللي تناسبك انت وامك وعلى فكره ترى كل حساباتك وحساباتها وقفتها وروني كيف بتعيشون تركي بقهر:شلون يعني ابو تركي :اللي سمعته لك لبكره تجي وتتزوج سمو والا خل امك تنفعك وانت ورومانسيتك اللي طالع فيها هالايام تركي:بس كل شي بالحياه ممكن يجي غصب الا هالشي هذا زواج بعيش عمري معاها ابو تركي بحزم:قلتلك تزوج عليها او فتره لين ناخذ اللي نبيه وطلقها بس خل ينفعك عنادك وقفل منه تركي من قهره رمى الجوال بالجدار وتكسر كل اللي قدر يسويه انه يطلع ضيقه باثاث غرفته اللي ماخلاه على حاله كسره تكسر ام تركي اللي جت على الصوت:تركي ياولدي اسم الله عليك ايش فيك رمى نفسه بنص الغرفه واستسلم للبكاء ابوه ماخلا له خيار يظلم نفسه ويظلمها معاه هو ماشاف الا كل خير من سلطان ومو من طبعه يرد الجميل بالنكران واللي يطلبه ابوه مستحيل ييعرف انه راح يظلمها معاه ويظلم نفسه قربت منه امه:ايش بك ياولدي اسم الله عليك تركي بانكسار:انا راح اتزوج سمو ام تركي :مستحيل لو تنطبق السماء على الارض مستحيل اخلي هدا الشي يصير تركي بقهر:حتى لو عرفتي ان ابوي جمد كل الارصده اللي نستخدمها حتى لو عرفتي انه راح يحرمني من هالعز وانتي راح تكوني نفس الوضع ام تركي بصدمه:ابوك انجن والا ايه تركي:هذا اللي صار ام تركي: انت اسمع اللي راح اقوله لك انت تمشي مع ابوك بانك راح تزوجها وادا وصلت هناك كلمها وقولها ترفض وهي اكيد راح تحس على دمها لان مافي بنت ترضى تعيش مع انسان رافضها فهمت ياولدي تركي بتعب:يصير خير رمى نفسه على الكرسي:طفي النور معاك تعبان ابي ارتاح طلعت من عنده وهي راح تنفجر قررت تبعد عن الموضوع وتركي اكيد راح يسوي اللي قالت عليه *** تدري أش كثر أحبـك ... بـس بالمختصـر كثـر حـب اليتـامـا لإلتفـاتـة عـطـوف !! واكثـر شـوي مـن كـره الفقيـر الفـقـر ..~ والحزن في أغنيه من حنجرة ( جورج وسوف ) *** غداف اللي رجعت لها انصاف وخبرتها انه لسى بالعنايه بس مافي احد عنده غداف:ولا احد انصاف:ولااحد غداف معقوله ابوها والا ولد عمها اجبروها تروح ياربي المشكله موحافظه ارقام والجوال مو في شنطتي ايش الحل ياربي انصاف:تامري على شي غداف:لا بس ابي الدكتور ياسر انصاف:من عيوني بس حاولي تاكلي الاكل راح يبرد وانتي على الحاله هذي غداف:يصير خير *** فـيروز .. يالله بنام اليـوم .. من بـدري بلحق على الصبح .. قبل الصبح .. ما يهرب ..! سنتين والليل غافي .. في ( قفـص صدري) كلْ ما بغيت اطْـلقه .. يتشـبّث و يقرب ..! احتاج حاجه .. ولكن ايش هي ؟؟! مدري فـيروز .. تكفـين .. غني للـفرَح .. بطْرب ..! ملّيت .. ارتـّب لإيواء الحـزن .. خـدري ملّيت اعـشّم ضلـوعي بالضيا .. و اغرب ..! *** رهف اللي فزت من نومها وهي ترجف لانها كانت تحلم بجدها ركضت لحد الحمام وغسلت ومن بعد بدلت ملابسها واخذت عباتها كانت ناويه تروح عند ابو صالح جارهم عشان يوصلها لجدها طلعت وقت ماوصلت للحوش التفتت مالقت ريان كملت طريقها وطلعت ريان كان بسيارته جالس لانه صعب يجلس داخل البيت ومافي الا هي وهو شافها يوم طلعت ورفع حواجبه مستغرب منها ونزل لناحيتها كانت بتقطع الشارع عشان توصل لبيت جارهم بس وقفها ريان :انتي خير على وين ان شاء الله رهف تمسك على قلبها وتسمي من وين طلع هذا طنشته وكملت مشيها بس سحبها لعند باب البيت من جديد رهف بعصبيه:خييييييييير انت ايش قاعد تسوي ريان:بس اعرف حضرتك وين ناويه تروح اقول ايش قاعد اسوي رهف :موشغلك ريان:اجل شغل مين اعطته ظهرها وطنشتها ريان بداخله يارب صبرني عليها ريان:وين رايحه رهف بقوه:عند ابو صالح ريان بحنان:ليه خايفه انك لوحدك رهف اللي وصلتهاا نبرة حنانه اللي كانت واضحه حيل: لابس ابي اشوف ابوي وابيه يوصلني ريان بعتب:طيب ليه ماطلبتي من عمي وقت ماكان عندك والا انا لازم العناد نزلت راسها للارض ماعندها رد ريان:طيب يلا انا بوصلك ذحين رهف تناست كل شي بلحظه و بفرح :مشكوور ريان:العفو بس يلا اتجهت لسياره وركبت ورى وكملوا طريقهم للمستشفى *** إعتذر لي يا" محمّد عبده "ونصّ " الأماكن " ! عن نتايج ماتركتوامن أثر جرح..وغبينه كنت أظـنّ وخاب ظنّي ! يوه منها بسّ لكن قبل حتّى العطر يبرد ! آآه ياجروحي الدفينه كـنّك تحرّك بصدري فوضويّه ! وأنـت ساكن وكنّي أعلّق بصوتك ماأختلج نفسي الحزينه وكـنّك تعرّض على عيني صور ذيك الأماكن وكـنّك تـورّيني إقفايه وتلويحة يدينه ! *** دخل ياسر على غداف طول الوقت باله معاها مهما حاول يشغل نفسه وقت ماقالت انصاف انها صحت وتبيه ماقدر غير يوصل لها وبسرعه وصل لعندها من دخوله نزلت راسها ياسر وبرسميه:مساء الخير اخت غداف غداف لارد ياسر :الممرضه تقول انك طالبتني فيك شي غداف وبهدوء:ابي اطلع ياسر اللي عينه عليها مانشالت من وقت دخوله صح منزل راسها بس يكفيه وجودها:بس مااتوقع انك تطلعي رفعت راسها :ليه ياسر وعينه على العشاء:اتوقع مفروض تاكلي وتهتمي بصحتك اذا هذا وضعك وانتي هنا كيف لو خرجتي غداف بملل:مااشتهي اكل المستشفيات وبعدين انا لازم اطلع ياسر:ليه لازم غداف :لان مافي احد يعرف اني هنا حتى جوالي مو لاقيتها مع باقي اغراضي ياسر تذكر جوالها اللي معاه وطلعه:هذا لك صح غداف :ايه هذا هو ياسر:اممممم راح اسمح لك بالخروج واكتبه لك بس يكون في معلومك ان اهمالك للجرح كان راح يودي لتلوثه بشكل كبير وهذا يعني غرغرينا وانتي اكيد عارفه معناها واتوقع انتي كبيره ولازم تفهمي ان لو مااهتميتي انتي بنفسك وصحتك مافي احد مفروض يهتم كثرك فاهمتني غداف غداف اكتفت بانها تنزل راسها ياسر بداخله وربي ان روحي حلالك :غداف اوراق خروجك جاهزه وهذا جوالك تفضلي مد ايده لها وكانت مشمره واضح عمليه على طول يده مجرد غداف ماشافتها حست الدنيا تلف فيها كان يتكلم عن الجرح والتعقيم حاجات كثير بس ماكانت تسمع لان صورة ياسر زارتها رفعت عينها له وكان ملتهي بالملف ماقدرت تحبس دموعها معقوووووووووله ياسر معقوله ايه هذا هو وهذي العمليه من يوم عرفته وهي علامه في ايده (((نتيجه لحادث سابق تعرض له في طفولته))) رفع عينه لها وشاف دموعها ياسر بصدمه :فيك شي غداف:لا ياسر:ليه تبكي اجل غداف:مافي شي مافي شي ياسر :العمليه تعورك تعبانه فيك شي قولي؟ غداف:لا مافيني مافيني شي ابي اطلع من هنا خلاص ماابي اجلس ياسر:خلاص انا قلت لك اوراق خروجك جاهزه استاذن وهو مصدوم منها فيها شي ليه بكت فجاه اذا ماتشكي من شي عند غداف اللي دقت على ميري وطلبتها تجيب ملابس وعبايه لها وتجي من دون احد يحس فيها كان في دوامه للحظات هو كان قدامها ياسر بعد هالعمر رجعت صورته بعيونها معقوله مو هو اذا هو معقوله ماعرفها ماكان لها غير الدموع يريحها من حيرتها دقت على رهف اللي ماغابت عن بالها واعطتها بيزي بداخلها مو وقتك طمنيني عنك رجعت دقت نفس الحاله ثالث مره تقفل جوالها تنهدت ورجعت لحيرتها اما هو فماكان اقل منها كان محتار بس مو اكثر من انه خايف عليها سحب جواله وطبع لها مسج *** عند غدآآف ..~ (( ابيك بكلمه من فضلك .. و قصدي من وراها خير بعبر لك عن احساس ٍ احس القلب منه احتار احس انك شغلتي البال .. و اشوف انك في عيني غير و الاحظ قلبي احيانا بلا قصد ٍ عليك يغار ! انا ماقول حبيتك .. و لكن كل شي يصير شعور الحب يجي للقلب بلا موعد ولا انذار احس اني بديت اهتم .. و ادور للـ لقا تبرير و صارت شوفتك منوه .. و اخاف تخلّص الأعذار انا اسف يا بنت الناس اذا تماديت في التعبير تراني من هذاك اليوم احس العقل مني طار نصيحه لك يا بنت الناس خذيها و اذكريني بخير صغيره انتي ولا تدرين .. و انا بقلبي جروح كبار انا جربت هالدنيا .. و شفت الزين و الشرّير و ذقت اللي محد ذاقه و في قلبي الهموم اعصار انا خايف على عيونك من اللي غايته التدبير و خايف قلبك الطيب يصيبه جرح من غدّار ترى في غابة الإنسان ثعابين و ذياب كثير ولا يغرك اذا شفتي زهور و عشب او انهار و هذا كل مافيني .. عسى ما كان به تقصير ترى لو بيدي الشوفه .. انا ما بكتبه اشعار و لكن يمكن الأيام .. تجمعنا على كل خير و اخلي عيوني تشرح لك شعوري و خافي الأسرار )) تنهدت بقوه من انت بس ابي اعرف مين؟ *** تعال ياكل المنى مثل الطيوف الزايرة تعال ياحلم المسا طفّ السراج وضمني لا تندهش من جرأتي بعض الأماني سافرة واللي دخل كهف الهوى لابد إنه ينحني *** دخلت رهف مع ريان بس كان تحس بخوف مو طبيعي برود جمد اطرافها دموعها من غير ماتحس كانت تنزل وكانها تعلن عن بداية البكاء حاولت تهدي نفسها ومشت لناحية العنايه كان المكان في حالة فوضى ممرضات داخلين وصوت الاجهزه حست الدنيا تدور فيها مشت ومنعتها وحده من الممرضات من الدخول رهف:بعدي انا لازم اشوفه وبعدين انتم ايش قاعد تسون ابي افهم ليش هالفوضى الممرضه:انت في ممنوع يدخل هدا في مريض حالته صعبه رهف دفتها ومشت بس اللي منعها من الدخول يد ريان رهف:بعد انت الثاني بتمنعني مثلها ريان:ذكري الله وخليهم يشوفون شغلهم هذي عنايه مافي احد يدخلها تبغين انتي تدخليها رهف:انا ماافهم شي كل اللي افهمه اني ابي اشوفه ريان يسحبها بتشوفيه بتشوفيه بس انتي اهدي خليهم يشوفوا شغلهم جلست مجبره كانت تعيش اصعب لحظات حياتها الانتظار صعب كيف وهي تنتظر خبر حياه او موت *** مالي ومال الوقت مادمت وياك أنت الزمن لي وأنت كل المواعيد خذ من زماني كل وقتي ويفداك مافي حياتي لك من الوقت تحديد أنت الذي مع بسمة من ثنايك أنسى همومي والسعادة لي تزيد *** غداف اللي كانت تجهز للخروج من بعد ماوصلت ميري قررت تروح لمكتب ياسر لازم تتاكد طلبت من ميري ترجع وبعدين يرجعلها احسان اتجهت لمكتبه بقسم الطواري مالقت شي يدل على انه ياسر اتجهت بسرعه لعيادته بس لقتها مقفله حست باحباط فضيع قررت تروح لعند جد رهف ممكن تلقاها هناك *** يا أماڪَن أحفظي لي غبار ۉطئ أقدامـ?م فإنـ? عندي ۉاللـ? لا يقدر بالذهب ۉڪَنۉز الدنيا.... أحفظي لي غبار أماڪَنـ?م ... ماكنت أتوقع أروع من اماكن ( محمد عبدهـ ) ... *** عند رهف اللي كانت مع ريان تنتظر أي خبر حاولت تقوم رجع جلسها رهف:مو منتظره اكتر من كذا ريان بعصبيه:لو طفله قلت ماعليه اداريك بس ويش كبرك خلاص جلسي بتفهمي اكثر منهم رهف ببكاء:مو شغلك هذا ابوي ابي اتطمن عليه وانت تقول اجلسي شوف كم صار لهم ولا احد طلع يطمني قولي ايش الحل ريان :انا مقدر خوفك بس انتي قدري ان هذا شغلهم وجودك راح يعطلهم ماراح يساعدهم صدقني ضمت وجهها بايدها وبكت بحرقه ريان بخاطره تعز علي دموعك بس مابيدي حيله قرب منها ونزل لمستواها وكلمها:رهف انتي لازم تكوني اقوى من كذا ولازم تعرفي ان هذا شغلهم هم كل اللي عليك تدعين له وعسى ربي يستجيب رهف بضعف:بس انا اشتقت له اشتقت لكلامه لحضنه لسوالفه اشتاقت لشوفته ابي بس اشوفه اشوفه وبس ريان بحزن:يصير خير يصير خير *** تعبت مني .. } حتى الفرح ما أتقنهـ ../ وحدهـ الخوف اللعين اللي أقدر أتقنهـ طول ما أنا معك , فرحانهـ إلا أكثر , وربي أكثر *** عند سمو وسلطان اللي كان جوهم ولا اروع ضحك ولعب وكانهم رجعوا لطفولتهم واللي زادهم قطرات المطر اللي محليه جوهم سلطان يطالع لساعته :يلا سمو وراي دوام سمو:واي سلطان كمل جميلك بالله كيف تبيني ارجع واترك هالجو سلطان:يسحبها لسياره وهي تضحك: طيب سايرني سلطان:انا لو اعطيك وجه صدقيني ماراح اعيش الا في الشارع حرك السياره بس باله كان عند شموخ اشتاق لها ماكان يحب يحسس سمو بضيقته وكان يحاول يداري سمو:سلطان ايش رايك تسفرني جده عند هند سلطان بنص عين:احلفي اسفرك كثري منها بس سمو:ايش فيها بنت خالتي سلطان:قولي نسافر اسافرك احلمي تسافري لوحدك سمو:اوووووف طيب متى سلطان:اوعدك يامدلعه اقرب فرصه نروح لعندها اوكي سمو:طيب رجع لتفكيرها فيها هي وبس اللي كانت سهرانه على صوت فراس اللي يحكيلها عن امواله ومشاريعه واملاكه وهي كانت طايره بخيالها انها راح تملكها بيوم وتعيش معاه *** شااايل موااجع عباد الله على كتفي كن الخلاايق لهاا من همتّي قسمه *** عند رهف وريان اللي كانوا منتظرين طلع الدكتور وكانت ملامحه ماتبشر بخير ومنزل راسه من غير شعور مسكت يد ريان وبهمس :اساله ابوي كيفه رفع الدكتور عينه لهم وبدا يكلمهم:لازم تعرفوا ان كل شي له حكمه بالحياه دي وكل واحد مننا مايقدر يعترض على قدره الوالد تعرض لجلطه حاولنا على قد مانقدر انو نساعدوا بس للاسف حكم ربنا كان اقرب ادعولوا بالرحمه انا بنتظرك ياستاز ريان تجي تخلص الاوراق وتستلم شهادة الوفاه كانت تكذب كل حرف قاله كانت تدعي ان احد يقول قومي بسك نوم ويكون كابوس حس ببرودة يدها وارتخى مسكتها لف لها واول مره يخونه الكلام ويكون عاجز انه يقول شي رهف بصدمه:ايش يعني ريان:انتي مومنه ولازم تعرفي قطع كلامه صرختها رهف:بسسسسسسسسسسسسسسسسسسسس� �سسسسسسسسسسسسس انتم مجانين اكيد مستحيل يتركني هو وعدني تعرف يعني ايه وعدني يعني راح يبقى معاي ريان:لاحول ولاقوة الا بالله رهف دفته وركضت للمكان اللي جدها فيه وهو لحقها ماقدروا الممرضات يمنعوها اتجهت لكرسيه وشافته وهو مغطى رفعت الغطاء وجلست جنبه وقف قريب منها كان شكلها يحزن ويكسر الخاطر مسكت ايده البارده:يبه قوم قوم طولت وانت نايم قوم راح اطبخ لك واكلك بايدي راح اجلس بجنبك واخليك تحكيلي عن ايامك واحكيلك عن احلامي يبه هم يقولون انت متت بس انت وعدتني بدا صوت بكاها يرتفع قوم بتتركني لمين انا خايفه تروووووووح وتخليني لمين قولي لمين قوم واللي يسلمك قوم انت اكيد تسمعني ايه تسمعني قوم باست ايده البارده انت بردان ولا يهمك ذحين الحفك واسوي لك شي دافي تشربه او نشربه زي متعودنا وقت البرد كانت تطبع بوساتها على جبينه وايده وخده كانت في حاله اقرب للهستيريا ومو حاسه بشي ريان من دون مايحس كانت دموعه تنزل كلامها خوفها صدمتها تهز اللي ماينهز حاولت تبعدها وحده من الممرضات بس دفتها وضمتها وصوت بكاها يعلى وهي تترجاه يصحى ويقوم سحبها ريان واستمرت في البكاء والصياح :هو مامات هو صاحي صاحي انت ماتفهم قلهم هو راح ينام معاي في البيت اليوم مستحيل يتركني كان صوتها عالي وبكاها ماوقف دخل الدكتور وطلب وحده من الممرضات تعطيها مهدي لانها في حالة صدمه اعطتها المهدي ولحظات وهي تهدى وتخف مقاومتها كانت تتم بكلام مقطع وهي بحضنه:ابوي لاتروح انا مالي غيرك حملوها الممرضات على غرفه ثانيه جت غداف ومالقت الا ريان قدامها ومعاه الدكتور اللي كان يشرح له انها تعرضت لانهيار عصبي والصدمه كانت قويه عليها مشى ولف هو شاف غداف قدامه تذكر انها اللي كانت مع رهف غداف بتردد:لوسمحت ريان:نعم غداف:وين رهف انا حاولت اكلمها على الجوال والثابت بس ماقدرت ريان بتعب:جدها توفى غداف شهقت:وهي وينها تعرف ويش صار عليها ريان:هي انهارت واضطرينا نعطيها مهدئ غداف ببكاء:وينها ابي اشوفها ريان اشرلها تمشي وراه واتجه لغرفتها:هذي غرفتها بس هي نايمه ذحين فتحت الباب بس وقفها صوت ريان:لوسمحتي اختي انتي تقربين لها غداف ببحه زادها بكاها:انا صديقتها ريان:اممممم خليك عندها انا مااقدر اكون عندها ولااقدر اخليها ولازم نخلص الوراق والدفن غداف:من دون ماتقول لاتوصيني دخلت لعندها وسمحت لدموعها بنزول من جديد:بعد عمري يارهف ماقدرتي تتحملي اللي سمعتيه كيف راح تعيشي بكره من دونه ريان كلم عمه وخبره ولحظات انتشر خبر وفاته عند اللي يعرفونه وقرروا انهم يصلون عليه بعد الفجر ويدفنونه *** لهون وخلص البارت السابع عشر ..~   #19