الفصل الخامس
الكل خاف ليش وسن مختفيه فجأه تطلع وسن من البدروم أسفل البيت ، والشرطه وصلت ، الشرطه:وصل بلاغ أنه في هذه المنطقة حدث طلق رصاص.
ابو فهد: العفو يا فندم بس حدث سوء تفاهم مو عندنا .
الشرطه: العفو إذا مو عندكم واي خبر يوصل لكم من وين كان بلغنا.
فهد: تنرفز كيف يعني اذا وصل لنا خبر مو انت شايف ولا في اي شي وحتى الحاره هادئه .
ابو فهد: خلاص فهد اسكت لا تتكلم.
الشرطه مشو والكل دخل البيت وسن خايفه والكل مو مستوعب ايش الي صار
الأب مسعود: بنبره غاضبه تكلمي ليش ساكته.
سام: عبالك أهدى شوي البنت خايفه وانت تبرز شجاعتك عليها .
وسن: خلاص الكل يسكت ماصار شي فقط شفت اثنين رجال لما نزلت يطلقون النار لسماء وصرخت ونزلت تخبأت في البدروم وهذا كل الي حصل
سام: ماعرفتيهم ولا لمحتي وجوههم
وسن: لا لأنه فجأه شافوني نزلت وبدأ طلق النار وبعدين اختفوا .
الأب مسعود: يله ع البيت مو ناقصنا أكثر من هذه.
ابو فهد: باسم الله وش فيك اقعد لين البنت وامها تهدأ الكل خايف.
رسلان: اعتقد كل هذا بسبب جيتكم عندنا ، الأفضل تمشون ، انا مو ناقصه خوف.
سام: اسكتي ..
الام مريم :يله نمشي ..
سام: بوصلكم انا لا تخرجو توقفون تكسي في هذا الوقت .
"لأنه زي ما قلنا عائلة الأب مسعود عائله متواضعه وعائلة ابو فهد ما شاء الله لديهم شركات ولديهم سيارات وفلل خاصه بهم"
المهم أنه سام وصلهم والكل رجع لبيته
الأب مسعود: خذلتينا يابنت الله يسود وجهك .
وسن: ليش يبه انا ايش سويت ماسويت شي.
مجد: ايه يبه ايش سوت .
الأب مسعود: اسكت انت وياها لتكون نهايتكم على يدي .
الام مريم: خلاص بلا نقاش الي فينا مكفينا الكل على غرفته يله .
الكل دخل غرفته وسن نامت بس ما نام عقلها من التفكير في معاملة سام لها .
طلع الصباح وكل واحد راح لشغله وحياته ك العاده وسن للمدرسه هي ونواف وسيلا والاب مسعود لشغل وماجد الجامعه ومجد راح لعند أصحابه .
وسن قعدت مع رفيف وكلمتها بلي صار لها اليوم الي قبل .
رفيف: وسن عائلة ابو فهد وووواااااوووو عائله غنيه ياحظك .
وسن: ايش الي حظي ايش فيك .
رفيف : اكيد سام وقع بحبك ورح تكوني سعيده في كل ذاك الغناء .
وسن: الله ياخذك لوين راح تفكيرك الولد محترم ويحاول يطور حياته مو فارغ للحب وكذلك انا .
رفيف: الله ياخذك انتي لو كنت مكانك كنت رح أخذ واحد منهم واصيرررر غنيه وووواااووووو.
وسن : خلاص سكري هذا الموضوع اخر مره بفتحه معاكِ .
رفيف: اوف طيب خلينا بعد المدرسه نروح ع المول ايش رايك .
وسن:امممممم طيب .
الاب مسعود رجع للبيت ودخل على الأم مريم .
الأب مسعود: انا غارق ديون ما ادري كيف وليش كذه
الام مريم: أنا كلمتك خاف ربك معاك اولاد اهتم لمستقبلهم واترك القمار و....... اشياء ماترضي الله اتركها وحاول تسعد اولادك.
الأب مسعود: اسكتي ايه رح اهتم بمستقبل اولادي واولهم وسن ومستقبلي معاها .
الام مريم على نياتها: ايه اهتم بوسن وهي بترد عليك إن شاء الله .
رفيف و وسن وصلوا ع المول وراحوا ع المقهى قعدوا هناك وطلبوا قهوه وكل وحده بتكلم الثانيه ، مر الوقت وقرارو يمشون ونزلوا من المصعد ووصلوا للدور الأول واول ما انفتح باب المصعد كان سام منتظر عشان يطلع.
وسن بدهشه: سام.
سام: هه وسن .
رفيف: هذا سام الي حكيتي لي عليه .
وسن بنظرات استحياء: ايش حكيت لك عليه .
سام: هههههههه تكلمي ايش قالت .
وسن: لا ما كلمتها شي حكيت لها عن الحادثه وبس مو عليك .
سام: لا ما اقتنعت اكيد حكيتوا عني ، ممكن نقعد شوي نتكلم ، احنا واقفين باب المصعد .
وسن : لا رفيف تعالي نمشي.
رفيف: اف منك نقعد اشوي بس ايش قلنا يله بسرعه بدل ما نضل واقفين .
راحوا قعدوا في طاوله وكانت وسن في المقعد المقابل ل سام كان طوال الوقت يناظرها وهي تشوفه وبسرعه تلتفت ، وسن تضايقت من كثر نظراته ، ورفيف تدخل موضوع بعد موضوع عاجبها الكلام .
فجئه صوت جوال يرن .
رفيف بخوف: وسن ابوك يتصل .
وسن: الوه.
الأب مسعود: وينك يا الهامله الساعه كم وينك الان .
صوته يصرخ ويتكلم عليها و وسن ساااااكته، وكان الصوت يوصل ل سام ورفيف .
وسن: طيب اشوي وانا في البيت .
رفيف: وش ذه الله يا خذه كملنا خوف .
سام: انا بوصلكم .
رفيف: ايه شي حلوو.
وسن: لا .
رفيف: ليش .
وسن: انتي بتعرفي ليش مو لازم نحكي ، يله بسرعه نمشي .
رفيف: ايه بعرف ليش كله من تحت راس مسعود .
سام عرف أنه اب وسن عصبي عليها وحتى وشاف تعمله ل وسن يوم كانوا عندهم معزومين .
سام: خلاص براحتكم انا رح امشي .
وسن بخوووف وتردد: زعلت .
سام: لا ليش ازعل ، يله في امان الله.
رفيف و وسن وقفوا تكسي ورجعوا للبيت .
سام داخل سيارته ويعيد كل لحظاته الي قضاها مع وسن ، والله البنت قالت لي زعلت ، يعني بتهتم بمشاعري ، هه احس انه حبيتها وحتى مو حب طبيعي ، كيف يا غبي ذيك البنت عمرها ما شافت نفسها تحب من خوفها من ابوها ، لكن أنا الي هكون السلام والأمان وحبها الاول ومحد يقدر يلمسها بعد الان .
...