البارت 8
كل واحد كان يسولف مع الثاني لين صار الليل الساعه 10 خلصو كلهم من العشا وكل واحد راح غرفته وبس تمو البنات في الصاله
مريوم : يوههه ملل
ريم : يلا هانت باجر بنروح مغامره
ميثا : خيبه مغامره مره وحده الا هي جزيره
ريم : دامها جزيره يعني مغامره
انسدحت روضه وفتحت روايتها وصارت تقرا
ميثا : عمي عليه حركات اونه نروح غابه ونتعلم سوالف المخيم وجي
مريوم : بتخبركمممم
ريم و ميثا : هاههه
مريوم : من شوي سحبت كلام من ابويه وقال الجزيره من يدام مخيمات ومن ورا محلات و مطاعم و كافيهات يعني تقريبا نفس القريه العالميه واكبررررررر
ميثا : الللهههه صددققق ؟؟
مريوم : يب
ريم : ها الي يعيبني في مريوم دوم تسحب حجي من عمي
ميثا : ههههه صدق
ريم شافت روضه : ايه انتي
روضه وعيونها على الروايه : هلا
مريوم : خيبه حتى وهي عينها على الروايه تعرف انهم يرمسونها
روضه : بس تقولون ايه انتي اعرف انكم تقصدوني
ريم : المهم تتمصخرين منسدحه جي ؟
روضه : يوه ريمي مافي حد
ريم : بلا غباء واذا احين حد نزل
روضه : منوه بينزل ها الوقت
ريم فجاة قالت : اويه سيف نازل !!
روضه فزت وقعدت عدل
مريوم : هههههههههههههه
ميثا : ههههههه والله عرفت كيف تفز قلبهاا
ريم : احم اختي واعرفها كيف تفز
روضه فرت المخده على ريم : سخيفه ترا مايضحك !!!
مريوم : ههههه ماشفتي ويهج وانتي تفزين
روضه : انجلعو انا بروح فوق الغرفه انسدح على راحتي
مريوم : روحي مامنج فايده بس تقرين في الرواية
روضه سوت حقهم مالت وصعدت فوق الا شوي وينزل ذياب من فوق ركض ويطلع برع ويسكر الباب قوي مريوم استغربت هاه بلاه معصب وين بيروح وقامت بتلحق وراه
ميثا : اوب اوب وين رايحه انتي
مريوم : بلحق ورا ذياب لاتنطروني اذا بتروحون فوق روحو
ريم بستغراب : اوكيه
وطلعت مريوم ورا ذياب وكانت تحاول تلحق وراه وتناديه : ذيابببب ذيابببب !!
ماكان ذياب يرد عليها جان تركض توصل له وتمسك ايده ذياب انصدم وصد وراه وشافها
ذياب بصوت شوي عصبي : انتي من متى تلحقين وراي ؟
مريوم وقفت وهي تتنفس : ازقرك من زمان ليش ماترد ! تعبت وانا الحق وراك
ذياب : وليش لاحقه وراي !؟
مريوم : طلعت وسكرت الباب بلقو استغربت بلاك !
ذياب طنشها وكمل دربه
مريوم : ذيااببب !!!
وتمت تلحق وراه لين وصلو ملحق الخدم ودق ذياب الباب بلقو
مريوم : ذياب يالسه ارمسك بلاك جي ادق الباب !!!
ذياب كان مطنش مريوم عالاخر تم يدق الباب قوي لين طلعت له ميري
ميري بخوف : نعم بابا
ذياب بصوت كله عصبي : روحي نادي تيفاني !!!
ميري : ليش بابا
ذياب بصراخ : روحي زقرريييي تيفانيييييي !!!
مريوم : ميري خلاص قال روحي ! روحي بسرعه
ميري : حادر حادر (حاضر) دخلت ميري داخل بخوف وراحت تزقر تيفاني
مريوم : ذياب مادري تيفاني شو سوت هاي المره بس الله يخليك لاتسوي شي فيها انت هد اعصابك اول الله يخليك
ذياب بعده مطنش مريوم ولا جنها موجوده شوي وطلعت تيفاني
تيفاني بخوف : هاه بابا
ذياب فتح تلفونه ولفه على تيفاني : شوها
تيفاني كانت تشوف تليفون ذياب بخوف
ذياب : قلت شوها ؟؟
تيفاني : بابا شوها انا مافي معلوم
ذياب بعصبيه مسك ملابسها صوب الكتف : شوووووههههاااااا !!!!
مريوم خافت من صوت ذياب وعلى طول مسكت ايد ذياب وسحبته على ورا وتيفاني قامت تصيح
مريوم : ذياببب هدهاااا !!
ذياب : وقسم بالله ياتيفاني اذا مارمستي وقلتي شوها راح ادفنجججج
تيفاني ميته صياح : بابا انا مافي معلوممممم مافي معلومممم
ذياب رفع تلفونه ودق على رقم الشرطه : خلاص عيل اتفاهمي مع الشرطه وصيحي عندهم
مريوم بخوف : تيفاني الله يخليج قولي له السالفه مانبا مشاكللل !!!
تيفاني : خلاص والله بابا انا بيقول كل شي والله
قبل ماترد الشرطه على طول ذياب سكر الخط : بسرعه !!!
تيفاني : انا يوم يروح يشتري اغراض للمطبخ يشوف ريال يهدد انا يعطي انا حبوب ويقول روهي حطي صوب البحر و الحشيش و الشجر
مريوم بصدمه : هاه ؟!! يعني الريال قالج حطي وانتي رحتي وسمعتي كلامه ؟؟؟
ذياب بعده قاعد على اعصابه
تيفاني : مدام والله كان يهدد انا
ذياب تجدم كان بيضرب تيفاني بس مريوم شهقت ومسك ذياب قوي ورجعته ورا مره ثانيه : ماتوصل لهاي الدرجه !!
ذياب بعصبيه وبحده : باجر راح تاخذيني عند الريال فاهمهههه !!!!!
تيفاني : بابا رجال يعطي انا هادا بعدين فيه يروح انا مافي شوف
مريوم : يعني الريال لما عطاج السحر هاه عقب اختفه ماصرتي تشوفيه ؟
تيفاني : يس مدام والله مافي يدري وين يروح رجال
ذياب : انتي مطروده وباجر الصبح تاخذين اغراضج وتذلفين برع
تيفاني طاحت على الارض وقامت تترجاه : بابا لا الله يخلي انته لاااا انا مسكين فقير مافي معلوم وين يروح بابا الله يخلي انته
ذياب : باجر اذا شفت ركعت ويهج بتحصلين عمرج عند الشرطه تمام ؟
تيفاني : بباابببااااا الله يخليي انتتتهه ااسففف والله اسسفف
طنشها ذياب وراح عنها
مريوم شافت تيفاني بهاي الحاله وكسرت خاطرها اول مره تشوف تيفاني جي ضعيفه وتبجي
نزلت مريوم لمستواها : اسفه تيفاني
تيفاني : مدام الله يخلي انتي قولي حق بابا ذياب مافي يطرد انا
مريوم : مع اني عارفه ذياب عنيد بس بحاول اقنعه
تيفاني : مدام والله انا كنت كوف الرجال كان يهدد انا
مريوم : وبعد انتي غلطانه يعني الريال هددج تعالي وقولي حق ذياب مب تسمعين كلامه وتحطين السحر ها
تيفاني طنشت مريوم وقامت تصيح ودخلت داخل
مريوم : طع الوقاحه هاي حتى وهي تصيح نذله !
وقامت مريوم من على الارض وراحت ورا ذياب بس ماشافته في الحوش جان تدخل داخل الصاله ولا شافته في الصاله
مريوم : هاه وين راح وعقب راحت تصعد فوق وحصلته في الصاله الصغيره قاعد على الغنفه وحاط ايده ورا شعره ومتساند ورا راحت مريوم وقعدت صوبه
مريوم : تروم تفهمني ؟
ذياب شافها وعقد حواجبه : من بعد اللي شفتيه واللي قالته تبين بعد حد يفهمج ؟
مريوم : واللي انت سويته شوي !؟
ذياب : وانا قدرت اسوي فيها شي وانتي كله ماسكه ايدي !!!
استحت مريوم من كلام ذياب ولفت ويها الصوب الثاني
ذياب حس انه مريوم استحت وانه ماكان له داعي
يقول لها جيه رجع تساند ع الغنفه وقال : بس زين لحقتي وراي ولا كنت بتهور
مريوم رجعت شافت ذياب : ابا اشوف الفيديو
فتح ذياب تلفونه ومده حق مريوم ونش : اسويلج كوفي ؟
مريوم : هيه
راح ذياب يسوي كوفي من المكينه ومريوم كانت تشوف الفيد وشافت كيف تيفاني حطت شي صوب الحشيش حطت شي نفس الحبوب وايد صغغارررر استغربت مريوم وشافت ذياب
مريوم : شو تتوقع ها ؟
ذياب : وانا اعرف يعني ؟ الخرا ماقالت شي !
مريوم : حرام عليك لاتسبها ترا تقولك كانت مهدده
ذياب : والله طيبتج الزايده اللي بتودينا في مشاكل
مريوم : شدعوه !
ذياب : يعني مهدده ماتروم اتي وتقولي انها مهدده ؟ على طول تسمع كلام واحد وتسوي اللي يقوله
مريوم : صح كلامك الحرمه غلطانه بس ماله داعي تطردها ! انت ماشفتها كيف كانت تصيح
ذياب : الصياح ماراح ينفع بشي
مريوم : حرام عليك ذياب تراها ماتعرف وين تروح الحرمه ماعندها حد هني
ذياب : انتي مايخصج هاي المواضيع مايدخلون فيها اليهال
مريوم : يعني انت الكبير ؟ لو مب يوسف جان ضعت انت
ذياب : تخسين
مريوم : تغلط علي اسكتك فاهم ؟
ذياب : ترا ماشي كوفي
مريوم : لا خلاص والله انت بلاك محد يتمصخر وياك ؟
ذياب طنشها وكمل يرسم على الكوفي
مريوم : نزين شو راح تسوي في تيفاني احين
ذياب : شو بسوي بعد خلاص طردتها باجر بتشيل اغراضها وتتوكل
مريوم : استغفرالله حرام عليك
ذياب : فكينا هاج شربي كوفيج وانتي ساكته
مريوم : الله حركات بعد تعرف ترمس على الكوفي
ذياب : الكوفي من زمان عندنا يعني اكيد بتعلم ارسم
مريوم : اوه نزين حتى انا عندي مكينة الكوفي من زمان بس لحد احين ماعرف ارسم فيها
ذياب : لانج غبيه
مريوم : شكرا
مسك ذياب تلفونه وقعد يشوف فيه
مريوم : هممم عندك سناب ؟
ذياب : هيه
مريوم : اهاا
ذياب : ليش
مريوم : لا بس جي اسال
ذياب : نزين تعالي بعطيج رقمي
مريوم : خير ليش
ذياب : عاد من حلاتج بعطيج رقمي عشان اذا صار شي من السالفه تتصلين فيني بدال ماتتصلين حق ميود الخبل وتقولين له عطني ذياب
مريوم : اوه يلا اوكيه
تبادلو الارقام عقب مريوم قامت تشرب الكوفي
مريوم : بتخبرك
ذياب : هلا
مريوم : احين عادي باجر نروح ونخلي البيت ؟
ذياب : يوسف موجود ويوسف اثق فيه ثقه عميه
مريوم : اها يعني يوسف بيتم هني
ذياب : هيه واصلا الحراميه مايبغون البيت يبغونكم انتو
مريوم بخوف : كيف تعرف ؟
ذياب : لانه يعيوني انتي
مريوم قاطعته : ويت انا مب عيونك ؟!
ذياب : تمام لانه يزقتي انتي
مريوم قاطعته مره ثانيه : ويعهههه استح على ويهككك !!
ذياب : ما اقدر اكمل انا ؟
مريوم: وقح يلا كمل
ذياب : لانه قبل ماتيون كانت الدنيا بخير
مريوم انصدمت : شو قصدك؟
ذياب وهو يشرب الكوفي : مب قصدي شي
مريوم : لا قصدك انه نحن نيب المشاكل
ذياب : ماقلت انكم تيبون المشاكل
مريوم : والله ماله داعي تقول من كلامك ترا واضح
ذياب : يامريم فهميني انا ماقلت انكم يبتو مشاكل احين انتو لما كنتو في الامارات كانت الدنيا بخير صح ؟
مريوم : صح
ذياب : خلاص انا قصدي انه هاييل اللي يلحقونكم جنهم كانو ينطرونكم تيون فرنسا بس عسب ياخذون راحتهم
مريوم : كيف ياخذون راحتهم ؟ واصلا كيف عرفو انه نحن بنروح فرنسا ؟
ذياب : انتو كل سنه كنتو تسافرون صح ؟
مريوم : صح
ذياب : يمكن كانو يراقبونكم
مريوم بعدها مستغربه شافته وسكتت
ذياب : يعني يراقبونكم في الامارات وحتى برع الامارات
مريوم : ذياب مايستوي نحن نتصرف لازم حد كبير معانا غير يوسف !
ذياب : بنرمس يدي
مريوم : لا ليش يدي ؟
ذياب : لانه الاحلام الي احلمها انا واثق انه يدي يعرف عنها شي
مريوم : شو بتقوله ؟
ذياب : انتي باجر تعالي معاي لما اروح ارمسه وخلاص
مريوم : الوضع يخوف بس يلا بيي
ذياب : خلاص تم
وكمل يشرب الكوفي بهدوء ويشوف الفون ومريوم كانت قاعده تفكر الا وتي فكره وتضرب فخذ ذياب قوي وذياب قحص كان الكوفي بينصب عليه بس وخر الكوفي بعيد عنه
ذياب : خبله انتي شو سويتي زين ماحترقت !!!
مريوم : ذياابببب
ذياب : نعم كسرتيني شو
مريوم : تتذكر لما شفنه في الكاميرات واحد صوب الباب واقف عند الشجره ؟
ذياب : اي ؟
مريوم : يمكن تيفاني تعرف عنه شي !
ذياب : انا كيف مافكرت فيهاااا
مريوم : وانت متى تفكر كله هواش هواش
ذياب كان بيقوم ويروح بس مريوم مسكت ملابسه : على وين ؟؟؟
ذياب : بروح اشوف تيفاني لاه
مريوم : بصفعك انا قلت يمكن وبعد خسي اخليك تروح لها احين !
ذياب : ليششش
مريوم : عيب شو ليش وبعد لاتنسى انك من شوي مصيحها
ذياب : ماسويت لها شي هي الدلوعه !
مريوم : لا والله ! قلت لك ماتروح فاهم ؟
ذياب رجع يقعد : فكينا انزين مابروح وكمل يشرب الكوفي ماله ومريوم كملت تشرب
ذياب : متى بترقدين ؟
مريوم : عقب شوي بخلص الكوفي عقب بروح الغرفه
ذياب : يلا تمامم خلص الكوفي ونش من الغنفه يلا انا بروح ارقد
مريوم : تمام تصبح على خير
ذياب : وانتي من اهله
قبل مايروح ذياب مريوم زقرته : ذياب
لف ذياب وشاف مريوم حاطه ايدها على خدها وكانت مبتسمه له وهي تشوفه : هلا ؟
مريوم : القلب اللي رسمته في الكوفي حلو
ذياب رد لها الابتسامه وراح عنها بدون مايقول شي نزلت مريوم راسها وابتسمت لما تذكرت ابتسامة ذياب وقالت في نفسها ماودي اعترف بس ابتسامته تذبح ! فتحت مريوم تلفونها وقامت شوي تحوط في التيك توك لين ياها رقاد جان ترجع الغرفه دخلت الغرفه وحصلت كل البنات راقدات راحت حطت راسها على المخده وعلى طول رقدت
ونبدا يوم يديد
اليوم الثاني الصبح الساعه 10
نشت مريوم وشافت البنات بعدهم راقدات راحت تاخذ شور وعقب طلعت بدلت وراحت فتحت الستاره وشوي شوي قامو البنات يصحصحون
ريم : اوهووو يمههه سكري الستاره
مريوم : نعم ؟ شو يمه انا مب امج !
ريم بطلت عيونها شوي شوي : اوهو فكينا سكري الستاره
مريوم : ماشي يلا نشو
قامت روضه تتغسل وطلعت بدلت وعقبها قامت ميثا ودخلت تاخذ شور
مريوم : يلا كلهم نشو نشي معاهم
ريم وصوتها كله رقاد : خلي ميثا تطلع
روضه : مريوم
مريوم : هلا ؟
روضه : شو استوا امس مع ذياب ؟
مريوم شافت ريم : على طول قلتو لها
ريم : مب انااا ميثوو
روضه : المهم شو صار ؟
مريوم : تيـ... سكتت مريوم فجاة وتذكرت انهم مايعرفون السالفه قالت في نفسها ايهي شوها الوهقه انا احين شو اقول لهم
روضه اشرت بيدها : ههوييي وين رحتي شو كنتي بتقولين
مريوم : هاه ماشي
روضه : خير شو ماشي ؟ ليش ذياب طلع بسرعه وكان معصب
مريوم سوت بكتفها ما ادري
ريم بعدها مسكره عيونها وراقده : خليج منهم عندهم اسرار وكملت رقادها
مريوم شافت ريم بصدمه
و روضه عرفت انه ريم تبغي تقهرها وكملت معاها : اههااا صح يمكن سوو حركات ف الحوش
مريوم بعدها مصدومه من الي يقولونه وماقدرت ترمس من الصدمه الا وفجأة اتي ضربة بكس على راس روضه
روضه : اخخخخخخخ رااسييييي
ميثا : استحي على ويهج شوهااا الححححجججييي
روضه : راسي والله كنت اتمصخر
ميثا : مافي حد جيه يتمصخر !
روضه : اف اوكيه اوكيه
ميثا شافت ريم وريم على طول فزت وراحت الحمام
مريوم : متى بتزهبون حق الرحله ؟
روضه : همممم ما ادري
ميثا : احين بنزل عندهم شوي في الصاله وعقب الغدا بصعد فوق وبزهب اغراضي
مريوم : يارب تكون الرحله حلوه
روضه : اكييددد بتكوننن حللوهههه
طلعت ريم من غرفة التبديل وراحت صوب التسريحه : عاد انتبهو عن تطلعون من الغرفه ويطلع في ويهكم النفسيه
البنات انصدمو ماعدا ميثا نقعت ضحك : هههههههههههههههههههه
استغربت روضه : اوف حتى ميثو تعرف منوه
مريوم لما شافت ميثا تضحك على طول يافي بالها شخص : ليكون هزاع ؟
ريم : يعني من غيره ها النفسيه
ميثا : ههههه ماعليه اخويه لما ينش من الارقاد يكون منفس ومايداني حد يرمسه
مريوم : امبيه صدق ؟
ميثا : هيه حركاته غريبه
روضه : الله يعين حرمته
ميثا : هيه والله
ريم : يلايلا ننزل
طلعو البنات من الغرفه وشافو سيف في ويهم وكان بعد هو طالع من غرفته
روضه ابتسمت : صباحح الخيررر
سيف رد لها الابتسامه : صباح النوررر
البنات شافو بعض وابتسمو عقب مريوم سوت لهم حركة امشو نجدم وتجدمو وخلو روضه مع سيف
ريم : والله نحن نصابات
ميثا : ههههه المشكله مالاحظت
مريوم : لا تلومينها شكلها كانت تنطر العشق من زمان
ريم : ههههه اول حب صادق في العائله
ميثا : اح وش قصدج
ريم : محد عندنا في العائله يحب وفاضح عمره غير هاييل الاثنين
مريوم : هيههه وبعد حللووييننن
ريم : هيه وبعد ماننسى ميثا وبدر
ميثا : همم لا حبنا مب صادق
مريوم شافت ميثا بستغراب
ميثا : يعني احس حب من طرف
مريوم : لا وين ميثو تفائلي ليش جي انتي كئيبه
ميثا : مريوم موليه مايبين لي تحسين انه يشوفني شرات اخته
مريوم سكتت لانه صدق حست ان بدور موليه مايبين انه يحب ميثا وهي عارفه اخوها
ريم شافت الجو صار كئيب وكانت تبا تلطف الجو : اقول في المخيم بنكون نحن البنات بروحنا صح ؟
مريوم : هيه اكيد بروحنا دام في السفينه غرفه بروحنا عيل كيف في المخيم
ميثا : احس اخاف ارقد في المخيم
مريوم : ههههه حتنا احس يخوف اي حرامي بيي يخطفنا يروم يخطف على طول
ميثا ضربت مريوم على راسها
مريوم : اخخخخ انتي شو ! بس تضربين فالراس مخي بيطير منج !
ميثا : خليه يطير عشان تطير افكارج الغبيه معاه
مريوم و ريم : ههههههههههههههههههههه
نخلي البنات ونرجع عند روضه و سيف
سيف : هاه ارتحتي في الرقاد ؟
روضه : هيه وانت ؟
سيف : حمدالله
روضه : خلصت الروايه ؟
سيف : لااا بعدنيي قريب واخلص الجزء الثالث
روضه : جذاابببب اخو البطل بيموت ؟
سيف : ههههه تبغين تحرقين على عمرج انتي ؟
روضه : لالالا خلاص اسكت
سيف : ااااا اقوللل؟؟
روضه : لااااااا خلاصصصص
سيف : ببققوولللل
روضه ضربته على جتفه وكانت بتروح بس مسك ايدها : هههههههه امزح امزح بلاج زعلتي
روضه : سخيف مايضحك
سيف : خلاص خلاص متحمسه حق رحلة اليوم ؟
روضه : ههييههه واايددد
سيف : زهبتي اغراضج ؟
روضه : لا بعدني
سيف : يوهه عيل متى بتجهزين ؟
روضه : يمكن عقب الغدا جي
سيف : اهااا
شوي الا ويطلع هزاع من الغرفه وعلى طول سيف هد ايد روضه وهزاع شافهم وسحب عليهم وراح
سيف اشر على هزاع : هاه بلاه
روضه : هههههههه اول ماينش من الارقاد يكون منفس
سيف : اونه ؟
روضه : والله ماتشوف كل صبح هو و ريم يتضاربون
سيف : هههههه هيه اشوفهمم عقب يدي يكافخهم
روضه : هههه هيه بس هاي المره ريم سبقته ونزلت
سيف : حمدالله ماتلاقو
روضه : اي والله حمدالله جان صدعنا
نزلو روضه و سيف من الدري وشافو الكل قاعد في الصاله
روضه بصوت عالي : صباححح الخييررر
الكل : صباح النوررر
راحو سيف و روضه عند طاولة الطعام وكانو اللي قاعدين في طاولة الطعام هزاع و ميود و ريم و مريوم و ميثا و ذياب واحين قعدو روضه و سيف
ريم : ايه ذياب صبلي كرك
ذياب : اشتغل عندج ؟
ريم : تراك صوب الدله !
ذياب : قومي روحج صبي
ريم : اوههوووو !
قامت روضه : خلاص انا بصب لج
سيف : صبيلي معاكم
روضه : تمامم
ريم : ماتستحي على ويهك تخلي الاكبر عنك يقوم يصب
كلهم رفعو راسهم وشافو ريم
ريم : بسم الله بلاكم
ذياب اشر على روضه : هاي اكبر عني ؟
ضربته روضه على راسه : هيه انا اكبر عنك شو تتحراني
داس ذياب ريل روضه جان تنقز وتوخر بعيد عنه : ااخخخخخ ريولييييييي
ام بدر قامت وراحت صوب طاولة الطعام وضربة ذياب على جفته : استح على ويهك ضرابه من الصبح
روضه : خالو شفتي زين ماصب الكرك علي
ام بدر : لانه مايستحي على ويهه
مريوم شافت روضه : حدج مسويه طالعه منها ؟
روضه : سكتي انتي
مريوم : امايه ليش ييتي عشان توقفين الضرابه ؟
ام بدر : لا يدج يبغي كرك
ريم : انا اقول يت عشان يدي ولا خالو لو تشوفهم يموتون ضرب يدامها ماراح اتي
مريوم : ههههههه تشرب جاي وتشوف الضرابه
ام بدر : ويعه سكتو
روضه : خلاص خالو روحي قعدي وانا بصب حق يدي
ام بدر : لاحبيبتي عادي صبي له وانا باخذله
روضه : تمام وصبت له كرك وخذته ام بدر وعطته حق يدهم
اليد : مشكورههه
ام بدر ابتسمت : العففووو ولوو
شوي الا وينزلون زينب و خلوف : صباح الخيرر
الكل : صباح النورر
راحو باسو راس اليد واليده عقب قعدو على طاولة الطعام
ابو بدر : اقولكك خلوففف
خلوف : هلااا
ابو بدر : السموحه عاد في الجزيره انا حاجز بس اربع خيم لانه كل عائله لها اربع خيم مايستوي اكثر من اربع فاااا يعني راح تفترق انت وزينبو
خلوف : هههههه لالا عادي
مريوم همست حق زينب : وااككك
زينب : انا بوريج انتي وابوج الوصخ
مريوم : هههههههه
خلوف : بتخبرك عبود
ابو بدر : عبود بعينك اصغر عيالك انا
مريوم : ههههههههه عبود مره وحده
خلوف : انتي جب شوي
ذياب عقد حواجبه : سكت مرتك ماتسكت مريم
خلوف : انت بعد جب
ذياب : خروف
خلوف : ذبابه
مريم : بلاهم قلبو حديقة حيوانات
زينب : ذياب عيب ترمس الاكبر عنك جي
ذياب اشر على خلوف : منوه اكبر عني ها
خلوف : هيه انا عندك مانع ؟
ذياب سو له مالت
خلوف : انا بوريك يا الذبابه
ابو بدر : خلاصصصص بس ضرابه ضرابه خلوف قول شوكنت تبا تقول
خلوف : هيه صح في السفينه كيف النظام ؟
ابو بدر : الله يسلمك في السفينه حجزت خمس غرف
خلوف : حلو تم
مريم همست حق زينب : هاه عيل حلو شو بتسون بروحكم
زينب استحت وضربت مريوم على راسها
مريوم : لاااااااا انا صدق راسي بيطير منكم مخي تشنج منكمممم
اليد : خلصو اكل وتعالو قعدو بسرعه
ريم : بسم الله مريوم شو سويتي بعد
مريوم : انا شكو والله ماسويت شيي !!
زينب : ههههههه ابويه بس يطلبنا نتحرا مريوم مسويه مصيبه
روضه : حسيتي حتى لو كانت المشكله بس مريوم اللي مسويتها لازم نحن بعد ندخل فيها
ريم : هههههه حسيتييي لازم ندخل في السالفه حتى لو كنا مانعرفهاا
مريوم : مايضحك
هزاع : هاه اشوف زعلتي من كلام الحق
مايد : ما انسى سالفة تيفاني نحن برع الموضوع وزين مانضربنا معاهم
اليد : محد قال لكم تشردون البنات من الجامه
مريوم : هههههههه اولاد اولاد كيف شردتو من الجامه ؟
مايد : ما اذكر كانت فكرة منوه بس الصراحه زين ما ماتو وهم ينطون
اليد : بس لاتسولفون وايد خلصو اكل وتعالو قعدو بسرعههههههه
عقب ماخلصو كلهم الاكل قامو من طاولة الطعام وقعدو في الغنفات
مريوم : هاه مدير ارمس
اليد : مدير شو اصغر عيالج انا
مريوم : لا انت اكبرهممم
اليد : المهم يوم بنروح الجزيره اول شي مابا دفاشه ولا ابا ضرابه وكلنا نكون مع بعض
زينب شافت مريوم : سمعتتتييييي
مريم : شقيتيني خلاص انزين
اليده : الصراحه كل ها الكلام موجه حق وحده بس
مريوم : خلاص درينا منهي
مايد : صدق يدي المفروض الكل يكون عينه على مريوم
مريوم : عاد عاد مب ياهل يدامك
اليد : ياهل ونص
مريوم : اوكيه اوكيه خلاص بمشي سيدا
اليد : شاطره بنيتي
ابتسمت مريوم وقامت كانت بتطلع برع بس اليد وقفها : على وين
مريوم : بطلع برع اتمشى شوي الجو يجنن
اليد : يلا اوكيه
طلعت مريوم وذياب على طول عرف وين بتروح جان يطلع من باب المطبخ وتلاقو في الحوش
انصدمت مريوم لما شافت ذياب : ذياب ؟
ذياب : رايحه تشوفين تيفاني ؟
مريوم : هيه
ذياب : اتوقع انها خلاص طلعت
مريوم دزت ذياب ومشت : وخر عن ويهي ماعندك مشاعر
ذياب مشى وراها : يوم بتموتين والسبه تيفاني قولي ماعندي مشاعر
مريوم : كنت تقدر تتفاهم معاها مب على طول طرد
ذياب : اتفاهم معاها بشو ؟؟ ماسمعتي شو كانت تقول
مريوم : سمعتها بس الحرمه مسكينه ماكان عندها حد واحين مانعرف اذا طلعت وين بتروح
ذياب : والله كان من البدايه فكرة في ها الموضوع مب على طول تسمع كلام من هب ودب
مريوم : قاسي لاتلحق وراي
ذياب : جب
مريوم رفعت صبعها عليه : قلت لك لاتلحقني !
ذياب مسك صبعها : بسكره لج اذا رفعتيه علي مره ثانيه فاهمه ؟
شافت مريوم ايد ذياب اللي ماسك فيها صبعها وشافت صبعه السبابه كان وارم واحمرررر وخرت مريوم ايد ذياب عن صبعها ومسكت صبعه السبابه بخوف : ذياب شوفيه صبعك ليش جيه وارم شو استوا ؟
ذياب شاف ايد مريوم اللي ماسكه فيه صبعه ابتسم وعقب وخر ايده وشبك ايده بيد مريوم : شوفيج جيه خايفه تخافين علي ؟
مريوم : لا طبعا ماخاف عليك بس شوفيك !
ذياب : اتوقع لانه جست اللي تيفاني حطته امس في البحر
مريوم : ننعععمممم ؟!!
ذياب : بسم الله شوفيج
مريوم : وليش تلمسه تستهبل انت !
ذياب : سيف كان حاس انه تيفاني حطت سحر وانا كنت اقوله لا عادي مافيه شي ترا مب سحر جان يقول حط صبعك عشان أتأكد
مريوم : وانت ماصدقت على طول حطيت صبعك !
ذياب : هيه
مريوم : ذيييااببب !!
ذياب : ها ذياب ها ذياب انتي
مريوم : ذكرني عقب احط لك كريم وسحبت مريوم ايدها من ايد ذياب وراحت الملحق وذياب راح وراها وصلو ملحق الخدم ودقت مريوم الباب جان تفتح ميري
ميري : هاه مدام
مريوم استغربت : ميري انتي بس شغلتج تبطلين بيبان ؟
ذياب : صدقها انتي ماعندج شغله ثانيه ؟
ميري : ههههه انا كنت احين بيروح ينظف المزرعه بس انتو يجي
مريوم : اهااا اوكيه ميري وين تيفاني ؟
ميري : تيفاني يروح يوسف يجي ياخذها
مريوم : اوهووو متى طلعت ؟
ميري : قبل عشر دقايق
مريم : اففف مالحقت عليهااا
ميري : بابا ذياب
ذياب : هلا ؟
ميري : تيفاني يجي جديد حرام ليش على طول يطردها
مريوم شافت ذياب بستغراب وعقب رجعت تشوف ميري : كيف يعني يت يديده ؟
ميري : تيفاني قبل اسبوع يجي يشتغل
ذياب بستغراب : كيف قبل كم اسبوع ؟ تيفاني كانت موجوده من ايام ابويه الله يرحمه
ميري : لااااا بابا تيفاني جديد يجي قبل اسبوع
مريوم : يعني متى بضبط ؟
ميري : يمكن يوم بابا كبير يجي (قصدها يد مريوم ) تيفاني يجي اليوم الثاني
ذياب قام يركض ومريوم شكرة ميري وراحت تركض ورا ذياب
مريوم : يعني تيفاني لما نحن وصلنا على طول اليوم الثاني قامت تشتغل هني
ذياب : هاه اللي فهمته من ميري
مريوم : بسرعه لازم نلحق عليها هاي وراها سالفه !
ذياب : روحي انتي عند يوسف وانا بطلع ادور عليها
مريوم : تم
نروح عند سيف اللي كان قاعد برع صوب باب الصاله وشاف مريوم وذياب يركضون صوب ملحق يوسف استغرب سيف ليش يركضون واحس ان الموضوع فيه شي وراح يركض صوبهم
سيف : هههييييهههه ذياببب مريوممممم
ذياب لف وشاف سيف : روح ورا مريوم بسرعه
سيف تاكد انه شي سالفه وماناقشهم : اوكيههه
راحو سيف ومريوم صوب ملحق يوسف وذياب راح عند الحراس اللي يحرسون البوابه
قامت مريوم ادق الباب قوي لين طلع يوسف
يوسف : حجيه كسرتي الباب
مريوم : انت الحجي تعال بسرعه ندور تيفاني
يوسف استغرب : ذياب قال لي اطردها ليش تبغين ندورها ؟
سيف مستغرب : طردتوهاااا ؟؟
مريوم : هاه ذياب العنز ماعنده صبر على طول طردها
يوسف : وين ذياب
مريم : برع راح يدور على تيفاني
سيف : امشو نروح عنده وقولي لنا السالفه ونحن رايحين
مريوم : تمامم
قامو يتمشون ومريوم قالت لهم كل السالفه لين وصلو برع عند الحراس وراح يوسف يرمس الحراس
سيف : يعني انتو تتوقعون تيفاني منهم ؟
مريوم : نحن متاكدين
خمس دقايق ورجع ذياب
سيف : هاه بشر حصلتها ؟
ذياب : عنبو صاروخ مادري وين راحت ماحصلتها
مريوم : كله منك كككلللهههه مننككك
ذياب : لاتضارخين وانا شدراني انه تيفاني معاهم!!
سيف : صح كلام مريوم بعد انت خير على طول تطردها
ذياب : مادري خفت تسوي شي ثاني جان اطردها
مريوم : مالت عليك احين لو ماطردتها جان خذنه معلومات منها
ذياب شاف يوسف : وانت
يوسف : هلا
ذياب : كيف تخلي وحده يديده تشتغل من دون ماتقول لي ؟
يوسف : انا ماشغلتها انت لما قلت لي عن اسمها ودورنا في كتاب الموضفين وحصلنا اسمها عقب ماهتميت لها لانه اتحريتها موجوده من زمان
مريوم : نزين يمكن في واحد كتب اسمها في الكتاب عسب مانشك فيها ؟
ذياب شاف يوسف : في حد يعرف مكان الكتاب غيرنا ؟؟؟
يوسف : لا والله ماقلت حق حد عن مكان الكتاب وما اتوقع احد يعرف عن مكانه
ذياب ضرب الطوف قوي : عيل كيف اسم تيفاني موجود !!!!!
خافت مريوم لانه اول مره تشوف ذياب جي معصب ورجعت ورا شافت سيف جان سيف يعرف انه مريوم خايفه وراح عند ذياب
سيف : ذياب انت احين اهدا وبنعرف منوه اللي كتب اسم تيفاني
ذياب بعصبيه : اكيد ها واحد من الحراس
سيف : بس منوه ؟ كل الي عندنا من ايام عمي الله يرحمه !
ذياب : سمعو انا ماراح اقدر اروح معاكم الجزيره لاز...
قاطعه سيف : يحمار جي بيشكون اكثر ويعرفون انه شي سالفه !
يوسف : صح لازم تروح ونت مرتاح ولا تخاف من شي انا موجود هني راح اعرف منوه الحارس واذا حصلته بتصل فيك
ذياب : خلاص تم ماتخلي حارس الا وتركز عليه
يوسف : خلاص تممم
سيف : وبعد انت مركب كامرات فا يعني راح تقدر تشوف ايشي يصير في البيت
ذياب : صح صح
راحت مريوم من عندهم بدون ماتقول شي ويوسف راح
ذياب : بلاها ؟
سيف : منوه مريوم ؟
ذياب : هيه
سيف : هههههه خافت منك
ذياب : خريط ؟
سيف : والله اقولك رجعت ورا من الخوف وتمت ساكته
ذياب : استغفرالله بعد انا من القهر ماقدرت امسك اعصابي
سيف : انت سخيف من متى تقدر تمسك اعصابك
ذياب : نزين اسمع
سيف : هلا
ذياب : بروح ارمس يدي
سيف : بروحك ؟
ذياب : لا طبعا مريم بتي معاي لاني ما اعرف عن يدي كثرها
سيف : خلاص روح انت ومريوم احسن مانبا نزيد عليه
ذياب : خلاص تم
سيف : يلا امش ندخل ويوم تشوفون يدي يروح فوق يصلي العصر روحو وراه
ذياب : هيه اوكيه يلا
دخلو داخل وكانو حاطين الغدا راحو تغدو ولما خلصو كل واحد راح غرفته يزهب اغراضه
ونروح لغرفة البنات
ريم : وخلصتتت
ميثا : خيبه مسرعع
ريم : الا هو كم لبس وخلاص
روضه : مريوم
ماشي رد
روضه : مررييوممم
مريوم : ...
رفعت روضه راسها وشافت مريوم كان مبيين انها سرحانه شالت روايتها وفرتها عليها جان مريوم تقحص
روضه : هاه وصلتي عندنا ؟
مريوم : ويعه انتي و روايتج الثقيله شو تبغين ؟ كسرتي عافيتي
روضه : انتي اللي بلاج سرحانه في عالم ثاني
مريوم : ماشي يالسه افكر
روضه : تفكرين بشو ؟
ريم : الاخت شايله هم الدنيا على راسها
مريوم : شدعوه مب شايله هم شي يالسه ارتب اغراضي
روضه شافت شنطتها الفاضيه : وين تحطين اغراضج فوق راس ميثا ؟
ميثا : انا ششكووو
استغربت مريوم وهي تشوف روضه
روضه : الله يهديج شنطتج فاضيه
مريوم : اوه هههههههه
استغربت روضه من مريوم لانه كانت حاسه انه فيها شي بس طنشتها وكملت تحط اغراضها
ريم : عاد رويض هناك نبا نستانس
روضه : انزين استانسو ماقلت لاتستانسون
ريم : يعني ماشي روايات
روضه : لا ليششش !!
ريم : يعني نبا نقعد بدون الفون و الروايات نبغي نفلها
ميثا : نزين بنفلها بس عاده بدون فوناتنا ليش
ريم : نعيش الجو
روضه : مب عكيفج راح اخذ راويتي
ريم : اوهو نفسيات
ميثا : هههههه شدخل ترا ماراح انتم اربع وعشرين ساعه على الروايه ولا الفون
ريم : تمام تمام
نخلي البنات ونروح لغرفة ذياب اللي كان يرتب اغراضه وفجاة يدخل عليه ميود
مايد : هاه شو تسوي
ذياب : والله ماشي حاط لي كشته وقاعد
مايد : مايضحك
ذياب : مدري عنك تشوف يالس ارتب اغراضي
مايد : اها
ذياب : بفهم انت ماتعرف تدخل بشويش ؟ على الاقل دق الباب !
مايد : لالا هاي الحركات الوصخه مب عندي
ذياب : اي حركات وصخه ؟؟ انت غبي الواحد لازم لما يدخل غرفة حد يدق الباب !
مايد : لاتشوفني ياهل صح صح ؟ نونو مايعرف شي
ذياب : مدريبك من حركاتك هاي مبيين كلشي
مايد : ماعليه متى بتروح تخبر يدي
ذياب شافه : ونت كيف تعرف ؟
مايد : ست سيف قال لي
ذياب : نصاب بس يدور حجي تقول حرمه
مايد انصدم : انا حرمه ؟
ذياب : لا السموحه منك مب انت واحد اسمه تيس
مايد : اهاا منهو ؟
سكر ذياب شنطته : ماشي والله واقف يدامي
مايد قعد يتلفت عقب استوعب انه ذياب يقصده : صدق ماتستحي على ويهك
ذياب : قم قم خلني اروح اشوف يدي
مايد : شوي شوي ها مب تزيدون عليه حجي
ذياب : تمام
طلع ذياب من غرفته واتصل في مريوم في الغرفه رن تلفون مريوم وشافت الرقم وكان رقم غريب
مريوم في نفسها بسم الله من ها وردت على التفلون : هلا ؟
ذياب : اهليننن
مريوم انصدمت : ذيـ... عقب سكتت وتذكرت انهم تبادلو الارقام هلا مزنه
ذياب : مزنه عيل
مريوم ابتسمت : شو تبغين
ذياب : تعالي برع بسرعه
مريوم استغربت : برع وين ؟
ذياب : برع الغرفه يا عنز
مريوم : اوه هههههه تمام سكرت التلفون وكانت بتطلع بس صوت ريم وقفها
ريم : هاه على وين
مريوم : ماشي بروح عند امايه شوي
ريم : اللي متصله فيج مزنه امج شكو ؟
مريوم : ههههه توها طرشت لي رساله وقالت تعالي بسرعه
ريم : مسرع
روضه : وانتي شكو خلاص خلها تروح
ميثا : حسيتي ترا اختج وايد نشبه
ريم : خير من اللي نشبه ترا بس اسال
روضه : وحتى لو كانت البنت بتطلع انتي مايخصج
ريم : بنت عمي وكيفي !
روضه : نشبه
ريم : انا نشبه ؟
روضه : هيه انتي
ريم : ماعليه
وقامت وفرت المخده على روضه قامت روضه وشالت المخده وراحت تضارب مع ريم
مريوم شافتهم يتضاربون جان تخليهم وتطلع من الغرفه وراحت الصاله الصغير وشافت ذياب
مريوم : احين بنروح نرمسه ؟
ذياب : هيه
مريوم : بس شوي شوي هاه
ذياب : تمام يلا امشي
راحو ذياب ومريوم غرفة اليد واليده ودقو الباب
اليده بصوت عالي ادخخللل
تم ذياب برع ودخلت مريوم الغرفه وابتسامتها شاقه الويه : هلاهلا بزينننن
ابتسمت اليده : اهلين حبيبتي
مريوم : افا يدوتي وينه يدي
اليده : والله ما ادري رتب اغراضه وحطها في الشنطه وراح
استغربت مريوم : وين راح ؟
اليده : اتوقع نزل تحت قعد في الصاله
مريوم : يدوتي نزين شي صاله فوق ليش يروح تحت ؟
اليده : والله يدج يحب الصاله اللي تحت واللي فوق يقول ضيقه
مريوم : ههههه نصاب يدي اصلا هو يحب يمشي وايد عسب جي يروح الصاله اللي تحت
اليده : ماتستحين على ويهج تقولين حق يدج نصاب وينه عنج خله يسمع شو قلتي
قمطت مريوم العافيه : لالا خلاص امزح انا النصابه
اليده : هيه تأدبي وتعالي احين سكري الشنطه معاي
نقعت مريوم ضحك لما شافت شنطة يدتها : ههههههههههههه هاي لو تركب فوقها ترله ماراح تتسكر
اليده انصدمت : صدق ماتستحين على ويهج تعالي قعدي فوق الشنطه عشان اسكرها !
راحت مريوم قعدت فوق الشنطه وهي ميته ضحك : ماتوبين يدوتي لازم تشيلين معاج البيت بكبره
سكرت يدتها الشنطه وضربتها على ظهرها : يلا نشييي نشيييي
مريوم : اي يدوتي ها يزاتي قاعد اساعدج
اليده : من بعد شو من بعد ماتمصخرتي علييي
مريوم تبا ترفع ضغط يدتها ورجعت تضحك : هههههه مو ناقص غير انج تدخليني داخل الشنطه
اليده مسكت المخده وفرتها على مريوم و مريوم على طول شردت برع الغرفه ودعمت ذياب بالغلط
مريوم : اوففف راسييييي
ذياب : بلاج انتي دخلتي في عافيتي !
مريوم : بالغلط بالغلط يدوتي فرت علي المخده جان اشرد
ذياب : الا مخده مب حصه
مريوم : نزين فكنا كسرت راسي
ذياب : انتي اللي فكينا وقولي وين يدي
مريوم : امبيه نسيت
ذياب : اوههوووو يعني وين بيكون اكيد في الصاله
مريوم : صصصحححح عليككككك
ضربها ذياب على راسها : خيبه لاتصارخين
مريوم : ههههههه نزين يلاا ننزل
نخلي مريوم و ذياب ونرجع غرفة البنات عند ريم و روضه اللي بعدهم يتضاربون
ريم : خلااصصصص وخرريييي
روضه : ماراح اوخر اول قولي عمتييي
ريم : اتخسيينننن
روضه : عيل موتي تحتي
ميثا : اوهو حركات يهال خلاص رويض قومي عنها
روضه : ماشي ليش تفر روايتي من الجامه
ريم : انتي اللي فريتيها علي من البداية
روضه : فريتها عليج رديها علي مب تفرينها من الجامه
ريم : خلاص بعد فريتها برع روحي هاتيهاا
روضه : اصـ... سكتت روضه لانه اندق باب غرفتهم
ريم : منوههه
زينب : اناااا
روضه : بعد لج ويه تقولين منوه ونتي تحتي
ريم : ماعليه انا اوريج خليني اقوم
ميثا : زينببب دخليييي
دخلت زينب وشافت المنظر : خيبه انتي ليش جي طاحنتها
روضه : تستاهل اتخيلي عقت روايتي من الجامه
ريم : تستاهلين
ضربتها روضه على راسها : بعد لج ويه تتكلمين
ريم : قووومممميييييي
روضه شافت زينب : انتي شو يابج ؟
زينب : خير يعني اروح ؟
ميثا : ههههه لا مب قصدها جي بس صدق انتي ماتين وايد عندنا
زينب : والله ماشي خلوف راح ياخذ شور وانا ملانه جان ايي صوبكم
ميثا : اهاا زهبتي اغراضج ؟
زينب : هيه خلصت كلشي
قامت روضه من فوق ريم : يلا انا بروح اييب كتابي
ريم : ويعه طرزان فوقي مب بنت كسرتي عافيتي
روضه : احسن عشان مره ثانيه تحترمين اختج الكبيره
ريم : اكبر عني بدقيقه !!!
روضه : يلا يلا مننااكككك
ريم : بروح اسويلي كوفي ابرك
روضه : وين بتسوين كوفي ؟
ريم : هاي المكينه اللي فوق
روضه : عيل خلاص ريم هاتي روايتي وياج
ريم : هههمممم بفكرررررر
روضه: ررييممم!!!
ريم : ههههه امزح اوكيه
لبست ريم شيلتها وطلعت من الغرفه راحت الصاله حصلت هزاع قاعد في الصاله قالت في عمرها اففف احين ها قاعد هني خلني اروح اييب الرواية اول عقب بصعد اسويلي كوفي يمكن يكون رايح ونزلت تحت طلعت برع في الحوش وحصلت يدها وذياب ومريوم قاعدين في الحوش طنشتهم وراحت تييب الرواية ورجعت داخل صعدت فوق وشافت هزاع بعده قاعد كانت بتروح الغرفه بس وقفها صوت هزاع
هزاع : ترا ما اعض
ريم : والله اعرف بس ما اقعد مع نفسيه
هزاع ابتسم ونزل راسه ورجع شاف ريم : سوي لج كوفي وسويلي وياج وتعالي قعدي
انصدمت ريم لانه اول مره تشوف هزاع يبتسم لها : ما اشتغل عندك
هزاع : ترا بتسوين لج سويلي معاج مره وحده
ريم : وكيف تعرف اني كنت بسوي كوفي ؟
هزاع : مادري حسيت انج يايه عشان تسوين كوفي
ريم : اف اوكيه
راحت تسوي لها وحق هزاع ولما سوت الكوفي راحت عطته وقعدت
هزاع : حاطه داخله سم ؟
ريم : هيه سم فيران
هزاع : افا تبغيني اموت
ريم : انت حتى سم الفيران ماراح يأثر فيك لانه انت بكبرك فار
هزاع : ههههه حلوه حلوه
استغربت ريم : بلاك انت اليوم ؟
هزاع : بلاني ؟
ريم : مادري اشوفك مروق
هزاع : اللي يشوف ويهج لازم يروق
غصت ريم وهي تشرب : كح كح
هزاع : بسم الله شوفيج صدقتي
ريم : ويعه ويع الله يلوع جبدك استح على ويهك !!
هزاع : بل بل اوكيه امزح
ريم : ويع اشرب وانت ساكت
هزاع كان يبتسم ويشوف ريم
ريم : نعم تشوفني ويهي تبني فيه مستقبلك ؟
هزاع : هيه من شفت ويهج وانا عارف مستقبلي
استغربت ريم من كلامه وخذت الكوفي معاها وقامت راحت الغرفه دخلت الغرفه وسكرت الباب قوي لدرجه انه اللي داخل خافو
روضه : ويعه بسم الله خوفتيني بلاج جي تدخلين !
ميثا : كسرتي الباب الله يهديج
ريم : واللي يشوف ويه اخوج يكون بخير
ميثا : اخوي انا ؟
ريم :هيه بعد منوه غيره
ميثا : ههههههه بعد شو سوا فيج
ريم : رايحه اسوي كوفي في امان الله الا وينشب لي ويقولي من كلامه الغبي
زينب : ياخي انتو الاثنين ماتوبون كله ضرابه ؟
ريم : هو الوصخ
روضه : بفهم ها اخوج مايحب يرفع ضغط حد غير ريمو ؟
ميثا : انا شدراني
زينب : سمعي ريم عندي لج خطه
ميثا : ايه انتي شواللي خطه شوبتسوين في اخوي
اشرت ريم على ميثا : انتي جب وشافت زينب فديتج قولي الخطه
زينب : ترا الاولاد يحبون البنت اللي ينرفع ضغطها بسرعه
روضه : امبيههه يعني هزاع يحبهااا ؟
انصدمت ميثا : هههاااههههه
زينب : لااا ايه انا ماقلت انه يحبها انا قصدي ان الاولاد يحبون البنت اللي بسرعه تعصب وتضارب معاهم وتكون ثقيله فهمتو
ريم : نزين زينب بسالج
زينب : هلا ؟
ريم : انتي كنتي ثقيله ؟ يعني ماتعطين خلوف ويه ؟
اشرت ميثا على زينب : ههههههههههههههههه هاي ثقيله
روضه : زينبو يوم خطبها خلوف راحت له ركض على طول وافقة
ريم : ههههههههههههههههههه
زينب : ترا مايضحك
ماقدرو البنات يمسكون اعمارهم وقعدو يضحكون
زينب : مب ويه واحد يعطيكم نصايح بروح عند ريلي ابرك
ريم : هههه تعالي نمزح
طلعت زينب وسكرت الباب قوي
روضه : هههههههه الباب بينكسر منكم
ميثا : ويعه بنات حرام عليكم عصبناها
روضه : هيه والله حسيت قومو نروح نراضيها
ريم : لا وين نروح خلاص راحت عند ريلها
روضه : ههههه حرام والله صرنا وايد نزعلها
ميثا : عاد زينبو صايره حساسه وايد
ريم : احين اللي يتزوج يصير حساس ؟
روضه : خسي اصير حساسه
ميثا : لا احس شدخل
روضه : انتي من اول حساسه
ريم : ههههه بعد صح ميثو حساسه وايد
ميثا : اف ودي اصير نفس ريمو لا احساس ولا ضمير
ريم : هههههه حرام عليج احين انا لا احساس ولا ضمير ؟
ميثا : هيه والله
روضه : خلاص سكتو وكملو زهبو اغراضكم
نخلي البنات ونرجع عند مريوم و ذياب
اليد : هاه شو فيكم قاعدين عندي
مريوم : هههه يدي نبا نسال عنك وعن اخبارك
اليد : انتو اول جهزتو حق الرحله ؟
مريوم : يب
ذياب : هيه
اليد : هاه عيل شو تبغون
ذياب ومريوم شافو بعض عقب مريوم سوت بعيونها حق ذياب انت تكلم
ذياب : احم يدي
اليد : هاه ذياب
ذياب : انت كان عندك مشاكل قبل ؟
اليد استغرب : مشاكل مثل شو ؟
ذياب : يعني جي يكون عندك اعداء
اليد : ليش تسال ؟
ذياب : لانه يدي مريوم حلمت حلم وتبي تفسيره
اليد : وحد قايل لك اني مفسر احلام ؟
مريوم : بس يدي الحلم عنككك
اليد : شو هو الحلم ؟
مريوم تمت ساكته وهي تشوف ذياب
اليد شك في الموضوع : شو تحلمين ؟
ذياب : يعـ...
قاطعه اليد بصراخ : انتتت اسكتتتتتت
نقزت مريوم من الخوف وذياب انصدم وسكت
شاف يدهم مريوم وكان واضح عليه الارتباك : تكلمي
مريوم كانت خايفه وهي تشوف ذياب جان ذياب يأشر في ايده ويقولها تكلمي
مريوم : يدي انا حلمت ان عندك اعداء ويحاولون يذبحونك ومره حلمت ان انت في خطر
اليد : وانتي تصدقيننن الاحلاممم تشوفيني حمدالله قاعد عندج ومافيني شي !!
ذياب : يعني يدي انت ماعندك ماضي
اليد : لا حمدالله ماعندي ماضي ولا حاضر يلا احين روحو باقي شوي ونطلع
مريوم : بس يـ...
اليد قاطعها بصراخ : قلت روحححيييي
نقزت مريوم وعلى طول قامت جان يقوم وراها ذياب بهدوء ويروحون
مريوم : صدقني فيه شي
ذياب : اصلا مبيين انه فيه شي
مريوم : حتى انت انتبهت لما يدي توتر ؟
ذياب : هيه واضح التوتر فيه وهو يعصب عيل ليش صرفنا بسرعه ؟
مريوم : ليش ؟
ذياب : ياغبيه لانه اكيد فيه شي خاشه ونحن مانعرف عنه
مريوم : بس ذياب لازم نعرف عن ها شي !
ذياب : انا عارف يدي ماراح يتكلم الا اذا حد فينا طاح في مصيبه
سكتت مريم ونزلت راسها وكان مبيين انها زعلانه شافها ذياب ومسك ايدها لاشعوري : تراج بسرعه تتضايقين
رفعت مريوم راسها وشافت ذياب : ذياب الشي يضايق ليش يدي جي يسوي ليش مايبغي يقولنا شي ! لين متى يعني ؟ ماراح يرتاح ويقولنا الا لما يشوف حد من اهله في مصيبه !
ذياب : اص اص عيب جي تقولين لاتنسين انه ها يدي واكيد هو خاش عنه ها الشي لانه يفكر فينا قبل كلشي ويخاف علينا
مريوم : نزين
ذياب : يلا احين لاتضايقين وانا اللي راح ادبر خطه واذا دبرتها بقولكم
ابتسمت مريوم : نزين
ابتسم ذياب وهد ايدها : يلا انا بروح
مريوم : وين ؟
ذياب : بروح اشوف يوسف ومره وحده بقوله يجهز الباص
مريوم : يلا تمام وانا بدخل اشوف الباقين
ذياب : قولي لهم ينزلون الشنط واغراضهم هاه
مريوم : تماممممم
راحت مريوم داخل وراح ذياب عند يوسف
نروح عند مريوم اللي دخلت وشافت يدتها قاعده في الصاله كانت بتشرد فوق بس صوت يدتها وقفها
اليده : هاه على وين
مريوم : هاه يدوتي على وين ؟
اليده : تستغبين انتي ؟
مريوم : لا
اليده : يلا روحي نزلي شنطتي
مريوم : انا كنت ابا اشرد عشان ماتقولين نزلي شنطتي
اليده : صدق ماتستحين على ويهج
مريوم : يدوتي بعد شنطتج لازم ترله تشلها انا ماروم اشيلها
اليده : ترله ادوسج قولي امين
مريوم : اوله يدوتي تبغيني اموت ؟ عقب منوه بيشيل شنطتج
بسم الله عليج شوها الحجي
شافت مريوم الدري وكانت امها نازله : مامييييي
ام بدر : شوفيج مع يدوتج كله حاشرتها
اليده : هيه والله محد حاشرني غيرها
مريوم : يدوتي يا النصابه
ام بدر انصدمت وضربت مريوم على راسها
اليده : صج ماتستحين على ويهج انا نصابه يابنت عبدالله الدبه
مريوم شهقت : انااا دببهههه!!
اليده : هيه نعم وقرعه بعد
مريوم : قرعههه !!
اليده : هيه نعم
مريوك : انا طالعه اشبه ولدج و ولدج يشبهج يعني حتى انتي قرعه
اليده : ياويلي ! من قرعه يالي ماتستحين على ويهج
مريوم : انتي
اليده : بنت القرعه انا اوريج
ام بدر ضحكت على ضرابتهم : هههههه مريوممم اصعدي فوق لا اكفخج احين عيب يلا صعدي
مريوك : هي صح امي ذياب يقول جهزو الشنط ونزلوها عشان عقب شوي يوسف بييب الباص
ام بدر : هيه ادري ابوج قالي بس سمعي روحي قولي حق الباقين ينزلون شنطهم
مريوم : يلاا تماممم
صعدت مريوم فوق ودخلت غرفتهم
مريوم : هييي بناتتتت
ريم : اوهو لاتصارخين ترانا هني مب بعيد
مريوم : ههههه اوكيه يلا نزلو شنطكم تحت وانا بروح اقول حق الباقين
روضه : تماممم
مريوم : وحده منكم تنزل شنطتي معاها
ميثا : خلاص تمام انا بنزلها
مريوم : مشكورههه فديتج
ميثا : فدا فدا
طلعت مريوم من غرفتهم وراحت غرفة الاولاد ودقت الباب قوي جان يفتح لها مايد
مايد : بل بل مب ايد عليج تقول ايد ينيه
مريوم : قول ماشاءالله !!
مايد : انتي حتى لو احسدج ماراح يصير فيج شي قطو ام سبع ارواح
مريوم : ققووولللل ماشاءالله!!!
راح بدر صوب الباب وضرب ميود على راسه : هيه انت بلاك جي تحاشر اختي
مايد : راسي راسي
مريوم : حتى لو ضربوك على راسك انت قطو بو سبع ارواح ماتتعور
مايد : قولي ماشاءالله !
مريوم : يلا يلا مناكككك
بدر : اوهووو سكتو فكونا شو تبغين انتي بعد
مريوم : هي صح ابويه يقول نزلو شنطكم
بدر : احين بنروح ؟
مريوم : يب يوسف راح اييب الباص
بدر : يلا تمامم
راحت مريوم من عندهم وراحت غرفة سيف ودقت الباب
سيف : ادخل
دخلت مريوم وهي ساكته وكان سيف منسدح ويقرا روايته
سيف : هاه مريوم
مريوم : ديناصور
سيف : يدوسج
مريوم : ويدوسك ويطحنك ويذبحك ونفتك منك
سيف : بل بل شو سويت لج
مريوم : كيفي المهم يلا نزل شنطتك بنروح
سيف : احين ؟
مريوم : لا باجر
سيف : هه
كانت مريوم بتطلع بس وقفها صوت سيف
سيف : شو صار على يدي ؟
مريوم : للاسف ماقال شي
سيف : اونه ؟
مريوم : والله وازيدك انه عصب علينا
سيف : اونهههه
مريوم : اي والله تخيل كنت ابا ارمس بس طردني قال خلاص روحي
سيف : يعني شي موضوع وراه
مريوم : اكيددد اصلا كان متوتررر وايد
سيف : خلاص اكيد بيرمس عقب
مريوك : ان شاء الله يلا نزل شنطتك وانا بروح اقول حق زينبو وخلوف
سيف : تمامم
طلعت مريوم من عند سيف وراحت غرفة زينب و خلوف ودقت الباب
زينب : منوههه
مريوم : انااا
زينب : دخلييي
دخلت مريوم وكانت زينب تعدل شعرها وخلوف منسدح يلعب ببجي
مريوم : يلا نزلو الشنط بنروح
زينب : امبيه صدق ؟
مريوم : هيههه
زينب : اوهووو وانا بعدني ماسويت شعري
أشرت مريم على خلوف : هاه بيموت وهو يلعب ببجي اربعه وعشرين ساعه ببجي
زينب بعصبيه : شفت كله منكككك
خلوف : اسكتييي بخسرررر
عصبت زينب وقامت من الكرسي وراحت خذت التلفون من ايده
خلوف : لاااااااااااااااااا
زينب : ويعههه اسكتتتت
خلوف : ليش زينبووو ليششش
زينب : احين لو سويت شعري جان خلصنا من زمانننن !!
خلوف : ياهل ياهل انتي ماتعرفين تسوين شعرج بروحج !
زينب : تزوجتك على الفاضي
خلوف : والله توه اعرف انج تزوجتيني عشان اسوي شعرج
مريوم لما شافت ضرابتهم انسحبت ولا جنها هي اللي بدت الضرابه وطلعت برع وسكرت الباب وراها
زينب : المفروض تساعد حرمتك في كل شي !
خلوف : يعني ما اقدر ما اقدر العب
زينب : تقدررر بس مب احين لما تكون فاضي
مر ذياب صوب غرفة زينب و خلوف وشاف مريوم واقفه
ذياب : شو تسوين هني ؟
مريوم خافت : بسم الله خوفتني من وين طلعت
ذياب : يلا كلهم تحت شو تسوين هني انتي
مريوم : خلوف وزينب
ذياب : بلاهم بعدهم ماجهزو ؟؟
مريوم : لا قاعد يتضاربون
ذياب : ايهي ليش بعد
مريم : ما ادري
ذياب : خلني ادخل اشوفهم
مريوم : ايه لا على وين
ذياب : بلاج بدخل اشوفهم
مريوك : ما انصحك تدخل بين ضرابة الازواج
ذياب : سيري لاه
دق ذياب باب الغرفه وردت زينب : لاتدخل
ودخل ذياب
زينب : انا مو قلت لك لاتدخل ؟
ذياب : ايه انت ويه الخروف
خلوف : لا بعد قوة عين داخل ويسب
زينب : تشوف ها يباله كفيخ
ذياب : والله شكله محد اللي بيتكفخ غيركم
زينب : طولك شبر وتبا تضارب !
ذياب : لا مب انا اللي بكفخكم يدي اللي احين بيصعد فوق عندكم
زينب : بسم الله ابويه مره وحده !
خلوف : بسرعه بسرعه تعالي اربط شعرج خلينا ننزل
زينب : يلايلا
ذياب طلع من الغرفه وسكر الباب ومريوم نقعت ضحك : ههههههههههههههههههههه ذياب يانصاب
ذياب : والله مشكله المتزوجين
مريوم : حرام عليك
ذياب : سكتي لا اهفج بكف انتي بعد نزلتي شنطتج ؟
مريوم : هيه قلت حق ميثو تنزلها
ذياب : اوكيه يلا انا بروح انزل شنطتي
مريوم : تمام وانا بنزل تحت
راح ذياب عنها بدون مايقول شي و نزلت مريوم تحت وشافت الكل تحت كانت بتروح المطبخ بس ابوها وقفها
ابو بدر : مريوم
مريوم : هلا يبه
ابو بدر : وين خلوف و زينبو ؟
مريوم : زقرتهم قالو عقب شوي بينزلون
ابو بدر : يلا تمام
راحت مريوم وقعدت على الغنفه
روضه : كنتي بتروحين مكان ؟
مريوم : هيه كنت بروح المطبخ بس متعايزه
روضه : طع حسستيني المطبخ بعيد
مريوم : انا اشوفه بعيد
روضه : عيوز
مريوم : امانه وين يدوتي خليني اكمل ضرابه معاها
روضه : سكتي توها متحلفه عليج عشانج مانزلتي شنطتها
مريوم : ههههههههه بعد شنطتها ابويه يالله يالله يشلها تبغاني انا الهيكل اللي اشلها
روضه : ماشاءالله على يدوتي لما بنروح مكان تحط كلشي داخل الشنطه
مريوم : عاد يدوتي غلبت دورا
روضه : ههههههههه سخيفه
قامت ريم من عندهم وراحت المطبخ
استغربت مريوم من هدوء ريم : بلاها هاي
روضه : اقولج سكتي تخيلي اول مره تشوف هزاع يبتسم لها
نقعت مريوم ضحك : ههههههههههههههههه من ابتسم لها ؟؟
روضه : ه ز ا ع
مريوم : امبيه يضضحككك
روضه : انتي تخيلي اول شي كانو عادي عقب هزاع قال لها شي خلاها تنفس
مريوم : اوهووو احين بييني فضول ابي اعرف شو قال لها
روضه : ههاي تتحرين ريم بتقول ؟
مريوم : ههههههه احلام العصر بدون مكيف
روضه : هههههههههه صح صح
اليده : انتو احين بدال ماتضحكن قومو ساعدوهم وحطو الاغراض فالباص !
روضه : يدوتي انساعدهم في شو ترا شي خدم
اليده : ماشاءالله ونتو بس تعتمدو على الخدم !
مريوم : لا بعد شي ريايل يشلون الاغراض
اليده : انتي روحج ريال
انصدمت مريوم وتمت ساكته
روضه : هههههههههههههههه
ميثا : يدوتي انا الصراحه مابي اظافري تخترب توي سويتها وعدلتها
اليده : تغربل الله بليس العدو وضربتها في العصا يلا نشي ساعديهم انتي واظافرج الخايسه
ميثا : اخ يدوتي من وين لج ها العصا
اليده : قومييي قام صلبج
ميثا : انزين انزين قمت
وقامت ميثا راحت تساعدهم
روضه : ههههههههههههههههه ياربي يدوتي صدقها من وين لج ها العصا
اليده : خذتها عشان اضربكم فيها
مريوم : كفو عليج رياله
اليده : من رياله ؟
مريوم : انا
اليده : هيه زين
وراحت تشوف الباقين
روضه : رياله عيل
مريوم : انتي سكتي احمدي ربج طلعتي منها سالمه
روضه : ههههه هيه والله رحمت ميثو
مريوم : تستاهل الخقاقه كلنا مسوين اظافرنا محد تخقق فينا الا هي اونه اظافري
روضه : رحمتها
في المطبخ عند ريم اللي دخلت المطبخ وشافت هزاع كان يشرب ماي
ريم : غصه
جان يغص هزاع : كح كح
ريم : ههههه احسن
هزاع : خرا عليج ضحكتي من سرج بلا
ريم : انت ماكل شي ؟
هزاع : هيه شفت كيكه جان اكلها ليش ؟
ريم : هههه شي كاكاو في ويهك
هزاع : اونه وين
ريم : هني
هزاع : وينننن انمسح ؟
ريم : اوهو لا هني هني
هزاع : ووييينننن
ريم : اوهووووو تجدمت ريم ومسحت الكاكاو من ويه هزاع وكانت وايد جريبه منه جان تستوعب القرب وترجع ورا
هزاع : خلاص راح ؟
ريم : عيل شوها اللي في ايدي ماتشوف انت ؟!
هزاع : اوه كفو عليج
شوي وتدخل يدتهم وتضرب العصا في باب المطبخ ططخخخخخ
ريم : بسم الله يدوتي بلاج
هزاع : تقول داخله حلبت مصارعه
اليده : شو تسوون هني
ريم : اسويلي كوفي
هزاع : اشرب ماي
اليده : يلا خلاص خلصت الماي روح ساعدهم
هزاع : ان شاء الله
وطلع يساعدهم
ريم : الله يدوتي حركاتت
اليده : شو
ريم : العصا
اليده استانست : هيه شفتيها حلوه صح ؟
ريم : هيه والله يابت راسي
اليده : فديتج بنيتي يلا سوي كوفي بسرعه بنروح
ريم : ابشرييي
خلصت ريم تسوي الكوفي وراحت صوب البحر عشان تصور صورة وخلصت وعقب رجعت داخل عند البنات
روضه : هاه خلصتي ؟
ريم : هيه شوفي الصوره حلوه انزلها ؟
روضه : هيه تجنن
ريم : تمام
مريوم : جان سويتي لي معاج
ريم : ماقلتي
مريوم : يعني لازم اقول
ريم : هيه
مريوم : اف
ريم : خلاص بشرب شوي وبخلي لج
مريوم : فديتج
ريم : فدا عيل وين ميثا ؟
روضه أشرت على الحوش : هناك
ريم : هههههههههه هاي شو تسوي ليش تساعدهم ؟
روضه : قالت حق يدوتي مابا اظافري تخترب
ريم : اوكيه قلتي سبب مقنع
مريوم : يدوتي يت عندج المطبخ غريبه ماصارت ضرابه
ريم : احم اقولكم انا يبت راسها
مريوم : اونههه كيففف
ريم : مدحت عصتها
مريوم انصدمت : ههههههههههههههههههه
روضه : والله فكره كيف مافكرنا فيهااا هههههههههه
ريم : انتو اصلا متى تفكرون بس ادورون المشاكل
اشرت روضه على مريوك
مريم : اسكتي حمدالله هاي المره عدت على خير وطلعت منها سالمه
روضه : ايه انتي
ريم : هلا
روضه : هزاع شو يسوي عندج في المطبخ ؟
ريم : وانتي كيف تعرفين انه كان في المطبخ ؟
مريوم : بلا غباء شفناه يطلع من المطبخ
ريم : اوه كان يشرب ماي
مريوم : هيه صح قولي حقي هاه الوصخ شو قال لج عشان اكفخه
روضه : هيه انتي شاروخان
مريوم : هاه !
ريم : بعد تعرف انها شاروخان هههههههههههههههه
روضه : تبا تضارب مع هزاع اونه اهجدي بس
مريوم : يعني ماينفع ؟
اشرت ريم على روضه : ايه انتي اسكتي الا مريوم ينفع ينفع اصفعيه بعد من الخاطر
مريوم : ابشررييييي
سيف يا من ورا روضه وقف وراها وروضه كانت قاعده على الغنفه : هاه تصفع منوه
روضه : بسم الله من وين طلعت
ريم : سوالف بنات مايخصك
سيف راح من ورا روضه و وقف يداعمهم وقام يتلفت : وينهم البنات
روضه : ياحيوان يعني نحن مب تارسات عينك !
شوي الا ايي ذياب ويحط ايده على كتف سيف : بلاكم
سيف : والله ماشي يقولون سوالف بنات
ذياب : ههههههههه من البنات وينهم ؟
سيف : حتنا ما اشوفهم
ذياب : والله انا بس اشوف شاروخان يدامي
مريوم بعصبيه : قصدك انا صح ؟!
ذياب : والله زين عارف عمره بعد
قامت مريوم بتضرب ذياب وذياب لما شافها قامت له عطاها شرده طلع من الصاله و راح برع في الحوش ومريوم لحقت وراه
سيف : ايهي من ها اليهال
ريم : بس يتراكضون
روضه : المشكله يلفون الحوش بكبره ومحد يصيد الثاني
ريم شافت سيف : كله منك
سيف : شو سويت !
ريم : انت اللي تفلسفت من البدايه
سيف : وانا شدراني انه ذياب بيي
روضه : خلاص بلاكم حصل خير اسكتو
رجعت لهم ميثا وهي ميته تعب وطاحت على الغنفه : وااايييي تعببتتتتت
روضه : ههههههههه اخيرا رجعتي
ميثا : تخيلو يدوتي خلت سيف يرتاح وقالت تعالي اشتغلي بداله
ريم : وانا اقول ليش سيف ياي يسولف عندنا
سيف : هاه بشري شلتي شنطتي بعد ؟
ميثا : اسكت مايضحك كل واحد شنطته اثقل عن الثانيه
ريم : عشان مره ثانيه ماتخققين عند يدوتي
سيف غمز حق روضه واشر براسه على المطبخ وراح سيف المطبخ و روضه على طول فهمته وقامت راحت وراه المطبخ
روضه : ها سيف ؟
سيف مسك بيده خد روضه بحنان : رويض انتبهي من الجزيره لا تروحين مني مناك كله خليك معانا
روضه ماهتمت لي ايد سيف اللي على خدها كثر اهتمامها لنظرات سيف اللي كان واضح انه خايف عليها وان عادي يصير شي في الجزيره وقالت : سيف شو السالفه ليش تقول لي كلها ؟
سيف : انتي بس سمعي الكلام وكله خلج معانا وحتى اهم شي تديرين بالج على مريوم
روضه بخوف مسكت ايد سيف اللي على خدها : سيف ترا قمت اخاف انت عندك سالفه ؟
سيف : لا يعيوني ماعندي سالفه ولا تخافي مافي شي بس لانه نحن رايحين جزيره و الجزيره بتكون زحمه وكله فعاليات عشان جي انتبهي على عمرج
روضه ابتسمت : تماممم
شوي الا ويدشون عليهم فجاة مريوم و ذياب من الباب الوراني وكان واضح انهم يركضون و سيف لما دشو مريوم وذياب على طول هد ايد روضه و ذياب و مريوم توهم ينتبهون عليهم
مريوم ابتسمت وشافت ذياب عقب رجعت تشوف سيف و روضه : هاههه شو تسون هني
سيف : ماشي كنت بسويلي كوفي وهاي النشبه قالت سو لي معاك
روضه ضربت سيف : امين انا النشبه ولا انت اللي قلـ... ماكملت كلامها الا وسيف يدوس ريلها وتنقز روضه ااااايييييي ييعععووووورررررررر !!
ذياب : ها شوفيك طحنت ريلها ليش ماتخليها ترمس تطلع فضايح ولد الخاله
سيف : بقوم ادفنك شو قصدك
ذياب تجدم : تعال ادفني تعال اشوف
مريوم مسكت ذياب ورجعته ورا : اوهووو ذياب بس عاد تبغي تضارب مع الكل اليوم
ذياب شاف مريوم وتم ساكت
مريوم : اقول انتو لاتصيدكم يدوتي ونتو في المطبخ واولهم سيف لا يساعد ولا شي
سيف : ادري احين بطلع في الحوش وبشوف يدوتي وبحصل هواش
ذياب : ماقلت لي شو تسوي انت مع روضه في المطبخ
مريوم كانت وايد قريبه من ذياب جان تعصر على صبعه الوارم وذياب تعور نزل راسه وشافها وهمس لها : اي اي يعور شوفيج
مريوم بنفس الهمس : ذياب عيب جي تقول ! يعني يقولك انهم يسون كوفي
ذياب : اوه صح نسيت
مريوم شافت سيف : هي صح ايه انت
سيف : ها
مريوم : انت تستهبل صح ؟
سيف : شو سويت بعد !
مريوم : شف صبع ذياب ورفعت مريوم صبع ذياب الوارم شوف شو سويت فيه
ذياب : اي اي مريم شوي شوي لاه !
روضه : احححح ذياب شوها ليش جي صبعك !
سيف : انا شدخلني ذياب شوفيه صبعك ؟
ذياب : ويه التيس انت شدخلك ولا جنك انت اللي قلت حط ايدك في الماي
سيف : اي ماي ؟ وتذكر سيف الصطل ااوووههههه احلف ها كله من الصطل اللي قلت لك حط صبعك فيه ؟
ذياب : والله هاي تيفاني طلعت صدق كانت حاطه شي
مريوم : جبان خاف يحط صبعه راح وقال حق ذياب يحط
روضه ضربت سيف : انت خبل تخليه يحط صبعه ؟
سيف : اخ يعور لاتضربين وشاف ذياب يعورك ؟
ذياب : له يعني شوي
سيف : عيل سير ول
وطلع من المطبخ
روضه : قليل ادب !
وطلعت روضه ورا سيف
مريوم : شفيهم هاييل راحو وخلونا
ذياب : شدراني عنهم تيوس
مريوم : نزين تعال فوق اعطيك كريم تحطه على ايدك
ذياب : مايحتاي مايعور
مريوم : مب على كيفك قلت تعال
ذياب : نزين
طلعت مريوم من المطبخ وراحت فوق وراح ذياب وراها وريم وميثا كانو قاعدين في الصاله ويشوفون
ريم : هاييل شوفيهم كل واحد طلع من المطبخ مع عشيقه
ميثا : ههههههههههه مادريبهم اول شي سيف و روضه طلعو من المطبخ وراحو برع الحوش والحين مريوم وذياب طلعو وصعدو فوق !
ريم : ما اقول غير مالت عليج وعلي قاعدين مجابلات بعض
شوي واتيهم يداهم وتقعد عدالهم
اليده : ها ميثا بعدج متفيجه تشتغلين ولا تعلمتي ؟
ميثا : لا يدوتي مشكوره تعلمت وتعلمت اني لما اشوفج يايه اشرد وشردت ميثا طلعت برع
اليده : تعالييييي صدق ماتستحي على ويها
ريم : هههههههههههههه تخاف تخلينها تشيل الشنط مره ثانيه
اليده : صح انتي ماهاوشتج اليوم
ريم خافت : يدوتي وين عصتج الحلوه ؟
اليده استانست : كاهي كاهي شوفيها حلوه صح ؟
ريم : هههيييي ففنانهههه
اليده : فديتج والله يلا قومي صبيلي قهوة تعبت وانا امشي وادور عليهم اشوف شو يسون
ريم : وين يدي ؟ اليوم ماله حس
اليده : والله انا روحي مدري يدج بلاه قاعده برع في الحوش ولا تكلم كله سرحان وساكت
ريم استغربت وقامت تصب حق يدتها قهوة صبت لها ومدت لها الفنيان: هاججج فديتججج
اليده : مشكورههه
نزلت ريم الدله وطلعت برع في الحوش تشوف الباقين وكان كل واحد يسوي شي اللي يسولف برع واللي يساعد في الشنط شافت ريم يدها كان قاعد بروحه ومحد عنده استغربت اكثر لانها متعوده على يدها كله نشيط ويتمشى في البيت ويتضارب مع الكل بس الحين هادي مايسوي شي راحت صوبه وقعدت عداله
ريم : يدي
يدها كان سرحان حتى مالاحظ عن ريم
ريم مسكت ايده : ييدددييي
يدها اللي توه يستوعب ان ريم قاعده عنده : ها بنيتي من متى انتي هني
ريم : من ززممااانننن قاعده عندك بس انت مب معطني ويه
اليد : هههه اسمحيلي مانتبهت
ريم : الا يدي شوفيك اليوم احسك مب على بعضك
اليد : مافيني شي ليش ؟
ريم : بالعاده تكون نشيط وتعصب علينا وتتمصخر معانا احين قاعد بروحك من مزعلك ؟
اليد : حشى محد يقدر يزعلني حتى
ريم : ههههه صحيح
اليد : وين مريوم ؟
ريم : ماعرف
اليد : وذياب ؟
ريم : ماعرف
اليد : نزين وين سيف !؟؟
ريم : بعد ماعرف
اليد ضربها : روحي روحي ولي يلااا
ريم : اي يدي ليشششش
اليد : انتي شو تعرفين !
ريم : اعرف انك حلو ياحلو
اليد : انطمي
ريم : ههههههه اوكيه
اليد : قولي حق مريوم تيي اذا ارمسها
ريم : ليش ؟
اليد : انا شو قلت !
ريم : تمام
اليد : بسرعه يلا
كانت ريم بتقوم وتروح بس يدها وقفها : ريم
ريم لفت وشافت يدها : هلا ؟
اليد : قولي لها اتي بدددووننننن ذيااببببب هاي ملاحظه مهمه
ريم استغربت اكثر : تماممم
راحت ريم دخلت البيت وشافت سيف قاعد في الصاله كانت بتصعد فوق بس صوت سيف وقفها ...
عند مريوم وذياب اللي صعدو فوق
ذياب : هاتي الكريم وتعالي غرفتي
مريوم : ليش ؟
ذياب : بس شوي بروح غرفتي فا انتي تعالي هناك
مريوم : يلا تمام
راحت مريوم غرفتهم وراح ذياب غرفته دخلت مريوم الغرفه وقعدت تفتح الادراج تدور الكريم وحصلته اخيرا خذته وطلعت من غرفتها وراحت غرفة ذياب ودقت الباب
ذياب : دخلي
دشت مريوم وكانت اول مره تشوف غرفته وكانت الغرفه فخمه وبيضه كلشي كان لونه ابيض وشوي فيه من اللون الرمادي شافت مريوم ذياب كان يدور في الدرج شي راحت عنده وشافت شو يدور مدت له الكريم
مريوم : امسك حطه على صبعك فليل قبل ماترقد ولما تقعد الصبح
خذ ذياب الكريم وكمل يفتش في الدرج لين حصل البوكس الصغير خذ البوكس ومده حق مريوم : مسكي
مريوم بستغراب خذت البوكس : شوها
ذياب : فتحيه
فتحت مريوم البوكس وكان فيه سواره صغيره وحلوه شهقت مريوم وحطت ايدها على شفايفها : الله ذياب شوها ؟!
ذياب مسك ايد مريوم وقام يلبسها السواره : اسوارة امايه
مريوم بعدها كانت مصدومه وحست انها بتصيح ماقالت شي وتمت تشوف ايد ذياب وهو يلبسها السواره
ذياب كمل : ابويه الله يرحمه من زمان عطاني السواره وقالي ذياب هاي السواره من امك كانت تحبها وقبل ما تتوفى الله يرحمه عطت ابويه السواره وقالت السواره امانه عندك كانت امايه تحب هاي السواره لانها كانت هديه من ابوي حق امايه وابويه الله يرحمه قبل مايتوفى كان يعرف ان ايامه معدوده قبل مانرجع الامارات عطاني هاي السواره وقال ياوليدي السواره كانت امانه عندي من امك واحين انا اعطيك هاي الامانه واخليها عندك حافض عليها وان شاء الله تعطيها للي تستاهلها رفع ذياب راسه ابتسم وشاف مريوم وانا احين احقق امنية ابوي واعطي السواره حق البنت اللي تستاهلها واعرف انها بتحافظ عليها وتخليها امانه عندها
تمت مريوم تشوف ذياب وحاطه ايدها على شفايفها وعيونها متروسه دموع من هاي اللحظه الحلوه : اكيد بحافظ عليها وعد مني لك اني اخليها بعيوني
ذياب ابتسم لها : وانا واثق فيج وواثق انك قد الامانه
مريوم : ان شاء الله
ذياب : هههههه زين السواره دخلت على ايدج الصغيره
مريوم : وش قصدك هاااا
ذياب : بعد انتي هيكل شو نسوي فيج
مريوم : نننننن محد الهيكل غيرك
ذياب : اوه صح احط الكريم احين ؟
مريوم : انا شو قلت لك من شوي ؟
ذياب : ها وحك شعره ماكنت مركز معاج
مريوم : لا والله !!
ذياب : يلا عاد قولي مره ثانيه
مريوم : حط قبل ماترقد ولما تنش
ذياب : طيب
نرجع عند ريم اللي كانت بتروح فوق بس صوت سيف وقفها
سيف : رريييممم
ريم وقفت على الدري وشافت سيف : هلااا ؟
قام سيف وراح عند ريم : وين بتروحين ؟
ريم : والله ماشي يدي يبغي مريوم
سيف استغرب : قال لج ليش ؟
ريم : لا والله ماقال بس قال نادي مريوم وعطاني ملاحظه كبر ويهي
سيف استغرب : شو الملاحظه ؟؟
ريم : مريوم بروحها تروح عنده بدون ذياب
سيف استغرب اكثر : ماقال ليش ؟!
ريم : لا والله ماقال حتى كان واضح انه معصب ومتوتر ويفكر وااايييدددد حتى تخيل اليوم الصبح يدي كان نشيط ويضحك معانا والامور طيبه بس احين العصر احسه كله قاعد على الكرسي اللي في برع في الحوش ولا يرمس حد وكله يفكر
سيف : هي انا بعد جي لاحظت عليه
ريم : يلا بروح اقول حق مريوم
كانت ريم بتصعد بس سيف وقفها : صبر صبر
ريم : ههاااا سييففف شو بعد
سيف : خلاص انا بروح اقولها
ريم : ليش ؟
سيف : بس خليني انا اروح اقولها احسن
ريم : اوكيه كيفك بس قولها احين احين يبيها ضروري
سيف : تمام تمام
رجعت ريم نزلت وقعدت في الصاله وصعد سيف فوق عند مريوم وذياب راح سيف غرفة البنات ودق الباب بس ماشي رد فتح الباب وماشاف حد طلع من الغرفه وراح غرفة ذياب ودق الباب عند مريوم وذياب الي سمعو صوت دق الباب
ذياب : منوههه
سيف : انااا
ذياب : دش
دخل سيف وشافهم راح صوب كرفاية ذياب : مريييومممم
ذياب شافه بستغراب
مريوم : هلااا ؟
سيف : لحقي يدي يبغيج
مريوم بخوف شافت ذياب وذياب شافها عقب رجعت تشوف سيف : ليش ؟؟
سيف : والله ماعرف يدي قال حق ريم نادي مريوم احين اني عندي
ذياب : ليكون بيقولج شي عن السالفه ؟
مريوم : شوععرفنيييي انااا !
سيف : لا وابشركم عنده ملاحظه
مريوم استغربت : اللي هي ؟
سيف : تروحين بروحج بدون ذياب
مريوم هني خافت اكثر : ههااهههه !!
ذياب : خيبه ليش؟
سيف : والله ماعرف بس هاي الملاحظه
مريوم : اروح ؟
سيف : اكيد !
مريوم : بس انا متوتره ماعرف كيف اتصرف بهاي السوالف !
ذياب : سمعي انتي روحي وحاولي ماتتوترين وتكوني على طبيعتج وايشي يقولج ياه جاوبي معاه وعطي وخذي معاه نبي نعرف كل شي مريم هاي فرصه !
مريوم : تمام تمام خلاص انا احين بروح عنده وبشوف
سيف : انتي حاولي تسحبين منه اهم الكلام عشان نتاكد
مريوم : تمام
سيف : يلاااا بتوفيق مرمي
مريوم : مرمي بعينك !
ذياب ضربه على راسه
سيف مسك راسه : خيبه فجرت راسي
ذياب : المره اليايه بكس ان شاء الله
سيف : خلني ساكت اخاف صدق راسي ينفجر
ذياب : يلا مريم روحي بسرعه
مريوم : تمام
راحت مريوم وطلعت من غرفة ذياب وطلع وراها ذياب و سيف كانت مريوم تمشي يدام وسيف وذياب وراها نزلو تحت وشافو يدتهم و ريم و ميثا وهزاع قاعدين في الصاله مريوم شافت ذياب وسيف وابتسمت لهم ذياب وسيف ردو لها الابتسامه وطلعت مريوم برع الحوش وذياب و سيف راحو قعدو في الصاله
اليده : عيل وين راحت مريوم
ذياب : ماشي راحت تشوف يدي
اليده : اها
ريم : هزاع قوم صب لي جاي
هزاع عقد حواجبه : اشتغل عندج انا ؟
ريم : هي تشتغل عندي
هزاع : بنش بس مابصب لج بنش اصفعج
ريم : ويعه ! وقامت تصب لها جاي
اليده : ذياب
ذياب : هلا ؟
اليده : خذني غرفة سلطان
ذياب استغربت : احين ؟
اليده : هي قبل مانحرك
ذياب قام : يلا يدوتي
قامت اليده وصعدت فوق مع ذياب راح ذياب ركض غرفته خذ مفتاح غرفة امه وابوه ورجعت عند يدته فتح الباب دخلت اليده وكانت تتامل الغرفه والصور المعلقه في الطوف والمحطوطه على الطاوله والكمدينه و التسريحه ذياب كان بيدش الغرفه مع يدوته بس صوت يدوته وقفه
اليده : عادي تخليني بروحي ؟
ذياب : هي طبعا
اليده : اطلع وسكر الباب وراك
طلع ذياب من الغرفه وخله يدته داخل ونزل تحت قعد
سيف : وين راحت يدوتي ؟
ذياب : والله قالت تبي تروح غرفة ابويه وامايه
سيف : غريبه ليش ؟
ذياب : يعني ام واشتاقت حق ولدها احين بتروح هناك شوي
سيف : كلتني اوكيه بتخبرج ريم
ريم : هلااا
سيف : وين روضه ؟
ذياب همس له : قاعدين مع بعض في المطبخ ماشبعت منها
سيف بنفس الهمس : تروم تنجب ؟
ذياب : طيب
ريم : برع مع عمومي تسولف معاهم
سيف : بعدهم ماخلصو من الشنط ؟
ام بدر دخلت الصاله : واههه اخيرا خلصنا
سيف : اخخييراااا
ام بدر : يلا احين عقب شوي بنروح يلا مانسيتو شي ؟
كلهم : لاااااا
ام بدر : عيل يلا جهزو عقب شوي بنطلع
نروح عند مريوم اللي راحت عند يدها وشافته بعده قاعد في مكانه وماقام من المكان راحت وقعدت عداله
مريوم : هلا يدي
اليد كان سرحان وماانتبه حق مريوم
مريوم استغرب ومدت ايدها : ههووييي يدييي
قطع سرحان اليد وانتبه ان مريوم عنده : هلا ؟
مريوم : قالو انك تبيني
اليد : صح ابيج
مريوم : هلا شو بغيت ؟
اليد : ليش انتي حاسه اني مهدد ؟
مريوم : لانه يدي انا احلم عنك احلام تخوف والحلم احلمه اكثر من مره
اليد : شو الحلم ؟
مريوم : حلمت انك مهدد
اليد : من منوه ؟
مريوم : يدي ماعرف بس الحلم دوم احلمه
اليد : وانتي ليش مصدقه الحلم ؟
مريوم : لاني دوم احلمه !
اليد : ها مب سبب مقنع
مريوم : بس يـ...
اليد قاطعها وهو متوتر : سمعيني زين ! انسي هاي السالفه وطلعيها من بالج فاهمه ؟؟
مريوم بعصبيه خفيف قامت : عيل ليش متوتر ليش ماتبي تقول شي هااا !
اليد : لا تصارخخخييييي !!!
مريوم : عيل ارمس قول شو خاش شو عندك !
اليد : يا بنيتي انا مب خاش شي ولو فيه شي كنت قلت لكم
مريوم : يعني ماتبي تقول ؟
اليد : لو عندي شي اقوله بقوله بس ماعندي شي مثل ماقلت لج انها احلام الشياطين وخلاص
مريوم بعدها مب مصدقه يدها وواضح من تعابير ويهه انه ورا مصيبه بس ماحبت تضغط عليه وابتسمت له : تمام يدي صدقك انت اللي تقوله صح احلام شياطين
اليد رد لها الابتسامه : عيل متى بنروح ؟
مريوم : احين عقب شوي بنروح تعال نروح نشوفهم
اليد قام : هالله يلااا امشي
مريوم : يلااا
راحت مريوم مع يدها داخل وشافو الكل قاعد في الصاله قعد اليد ومريوم راحت تقعد عند ريم
اليد : هاه متى بتروحون ؟
ابو بدر : والله ماشي ننطر زينب وخلوف
مريوم : يالله ! هايل كله مأخريناااا !
اليد : يلا استحي على ويهج كافي انهم قررو ايون شهر العسل معانا
مريوم : محد قال لهم ايون والله لو نعرف ان زينب ماراح تجابلنا شرات قبل جان ماخليناهم ايون معانا
اليده : بعد خلاص لين متى بتم تجابلكم خلاص الحرمه كبرت ولا تجابل ريلها !
مريوم : ننننننن
اليده : ويعه مريوم لاتسوي هاي الحركات وانا ارمس
مريوم : تمام تمام امزح اروح اشوفهم ؟
اليد : لا خليهم
مريوم : لين متى !
اليد : بنصلي العصر وبنطلع
مريوم شافت الساعه وكان باقي نص ساعه على اذان العصر فتحت فونها ودخلت واتس و تكلم ذياب طرشت حق ذياب رساله وطلع صوت مسج في تلفون ذياب وفتح فونه شاف من مريم
"مريم"
تقدر اتي برع بقولك شو صار مع يدي؟
" ذياب"
هي تجدمي انتي وانا عقب خمس دقايق بطلع وراح
"مريم"
تمام بنطرك برع عند البحر لاتطول علي
"ذياب"
تمام
سكرت مريوم فونها وقامت كانت بتطلع بس صوت ريم وقفها
ريم : على وين
مريوم : ماشي بروح شوي صوب البحر اسم هوا
ريم : ليش ماشي هوا داخل البيت
مريوم : وانتي شكو
ريم : نننننن
مريوم ضربت جتف ريم وراحت طلعت برع الحوش وراحت صوب البحر تنطر ذياب دقايق و وصل ذياب عندها
ذياب : ها شو صار
مريوم : للاسف ماقال شي
ذياب : ليش كيف ماقال شي عيل ليش زقرج شو كان يبغي منج
مريوم : بس عصب علي وقال انسي الاحلام كلها من الشيطان وانا ماكنت ابي ازيد عليه كان اقوله ايوا من الشيطان
ذياب : استغفرالله يعني روحتج على الفاضي !
مريوم : للاسف
ذياب حط ايده على شعره : استغفرالله
مريوم : صدقني مع الايام بتطلع اشياء يديده وبنعرف اشياء يديده !
ذياب : ان شاء الله
رن تلفون مريوم وشافت المتصل كانت (خيتو) وردت
مريوم : ها ميره
ميره : مريوم يلااا ابوي يقول بنروح
مريوم : احين ؟
ميره : هي
مريوم : يلا احين يايه
ميره : تماممم
وسكرت مريوم الخط وشافت ذياب
ذياب : منوه ؟
مريوم : ميرو
ذياب : شو تقول ؟
مريوم : تقول يلا احين بنروح
ذياب : يلا بس اقولج مريم
مريوم : هلا ؟
ذياب : روحي فوق اخر غرفه على اليسار غرفة ابوي وامي هناك يدوتي موجوده زقريها وتعالي تحت عشان نروح
مريوم : تمامم
ذياب : عقب لما تطلعون بتحصلين المفتاح على الباب قفلي الغرفه وروحي غرفتي حطيه في اول درج
مريوم : بعد تماممم
ذياب : شاطره روحي يلا وانا بروح الصاله اشوفهم
مريوم : بعد تمام
ذياب : روحي لا اهفج ب النعال تمام و تمام ذلفي
مريوم : هههههه تمامممم
وراحت مريوم البيت وذياب راح صوب المزرعه عند مريوم اللي دخلت الصاله وشافت الكل جاهز بيطلع وحتى زينب وخلوف كانو جاهزين
ابو بدر : يلا مريوم جاهزه ؟
مريوم : يب
اليد : عيل وين يدتكم ؟
مريوم : هي صح يدوتي فوق في غرفة عمي الله يرحمه
اليد : روحي ناديها يلا بنروح
مريوم : تمامم
راحت مريوم صعدت فوق وراحت غرفة عمها شافت الباب كان شوي مفتوح كانت مريوم بتفتح الباب وتدخل حطت ايدها على مقبض الباب بس قبل ماتفتحه سمعت يدتها تصيح وتقول اشياء خلت مريوم تنصدم من اللي سمعته وقفت مريوم مكانها وهي تسمع يدتها بستغراب ...
.
***
**
*