البارت 7
ونبدا يوم يديد وصباح يديد ونشت بطلتنا الساعه ١١ الي اول مره تنش ها الوقت راحت الحمام غسلت ويها
وطلعت شافت الكل راقد والغرفه ظلمه راحت صوب الستاره وبطلتها
مريوم : يلااااا بناتتتت قوموووو
ريم بصوت كله رقاد : بسسس مريوممم
مريوم : قومو الساعه ١١ يلا
قامت ميثا وراحت الحمام
مريم : غريبه ليش محد قومنا ولا سال عنه
ريم وهي راقده : انا قافله الباب
مريوم : تمزحين انتي صح
ريم : ههمممم
مريوم سحبت عنها اللحاف : ويعه نشي رمسيني
ريم : اوهو مريوم هاتي اللحاف
مريوم : بس يلا نشي
ريم قامت وتربعت بس عيونها بعدها مسكره : اف ها نشيت
مريوم : ليش قفلتي الباب
ريم : خفت حد ايي عندنا من عقب اللي سويناه
روضه : دامكم تخافون ليش جي تسوون
ميثا طلعت من الحمام : محد خايف غير ريمو
روضه : ابا افهم انتو كيف تطلعون من الحمام وسامعات كل شي ؟
ميثا : ههههه تنسمع اصواتكم ترا
روضه : اوه
ريم قامت ودخلت الحمام
مريوم : اصراحه اخاف انزل احس يايه لنا مصيبه
روضه : هي وترا احين تلقين الكل قاعد تحت فالصاله
مريوم : وهاي المشكله
روضه : يلا ننطر ريمي وعقب ننزل كلنا مع بعض
مريوم : يلا عيل سمعو بغنيلكم
روضه : يالله كيف مروقه هاي
ميثا : ولاجنها مسويه شي
مريوم : نزين يلا سمعو
روضه : يلا نسمع
مريوم : سمعنا بقصة الرجال ؟
ميثا : لا شو قصته
مريوم : هذاك الي رفضه الحال
ميثا : افا
مريوم : نوى يخطب هوى قلبه تقدم صوب ابوها وقال ؟
ميثا : نزين فكينا شو قال
مريوم : جب خليني اكمل
روضه : كمممليييي
مريوم : اوكيه اوكيه احم ، ياععممم جيتك لحد بيتككك ليد بنتك انا اتقدم على المله بشرع الله ونص الدين ابا اتمم هي مرادي غلا فوادي طلبتك قولها لي تم
ميثا : تتمممم
مريوم : نعم انتي ؟ الريال يرمس ابو الحرمه شدخلج انتي تقولين تم
ميثا : نزين وعقب تزوجها ؟
مريوم : شدراني انا ؟ روحي ساليه
ريم طلعت وراحت صوب التسريحه رشت شوي عطر عقب لبست شيلتها : يلا ؟
مريوم : هي هي يلا قومو
قامو البنات وطلعو من الغرفه نزلو تحت الصاله وشافو الكل قاعد في الصاله واللي قاعدين لما شافو البنات ينزلون سكتو راحو البنات قعدو ولا جنه فيه شي وكانت الصاله هدوء
مريوم كانت ترجف قالت في عمرها يهو حد يرمس قمت اخاف
اليد : هاه شحالكم
ريم : م م م منوه نحن ؟
اليد : لا انا
ريم : ب ب ب
مريوم هاي اللي بتفضحنا وقالت : بخير يدي وانت شحالك ؟
اليد : بخير حمدالله ، يلا قومي
استغربت مريوم : انا اقوم ؟
اليد : هيه قومي
مريوم قامت : هاه يدي قمت شو بغيت ؟
اليد شاف باقي البنات : قومو
ريم شافت روضه وعقب ردت تشوف يدها : ليش
اليد بصراخ : قققوووممموووووو
فوز البنات من مكانهم من الخوف
اليد : صفو هني كلكم صوبي
مريوم : نزين يدي ليش
اليد : تعرفين اني ماحب اعيد كلامي مرتين
مريوم شافت البنات عقب رجعت تشوف يدها : ان شاءالله
راحت مريوم ووقفت جدام يدها وباقي البنات وقفو ورا مريوم
اليد : اتوقع قلت صفو يدامي مب وقفو طابور
مريوم : يدي تبا تنقي انت شو خلاص وقفنا عندك
اليد شافها بنظرات خلتها من الخوف تشرد ورا روضه
اليد فجأة بصراخ : قلت صفففوووو
نقزو البنات وصفو
اليد : منوه ورا السالفه
مريوم : اي سالفه
اليد : ومسويه عمرج ماتعرفين شي
مريوم : شو
اليد : شوفي يامريم تعرفين انا اذا عصبت عادي اخليج ترقدين في الشارع
مريوم تمت ساكته
اليد : اوكيه بعيد كلامي اخر مره وقال بحدا ممننووههه وراااا السالفهههه
البنات تمو ساكتين
اليد بصراخ : ممنوهههههه !!!
فزو البنات وكل وحده اشرت على الثانيه
اليد : يعني السالفه فيها عناد ؟؟؟ بعد لين ثلاث اذا ماقلتو منوه الي ورا السالفه راح اخليكم تندمون ع السفره
تمو البنات ساكتات
اليد : وااحددد
ماشي رد
اليد : ثثننيييننن
بعد ماشي رد
اليد : ثثثثثللل...
ريم قاطعته وقالت بسرعه : كلنا
كل البنات شافو ريم
اليد : ااههااا
قام يدهم من الغنفه ولما قام البنات على طول رجعو شوي ورا
اليد مد ايده كان بيمسكهم بس كلهم عطوها شرده
مريوم بصراخ : ارككضضوووو
اليد : تعالو يابنات اللذينه
مريوم وروضه من الوهقه ماعرفو وين يروحون جان يشردون برع في الحوش وريم و ميثا راحو فوق غرفتهم وقفلو الباب
اليد بصراخ : وين بتروحن مرادكم بترجعونننن وراح اكفخككمممم اخليكم تندمون على اللي صار
ابو بدر و ابو راشد قامو وراحو عند ابوهم : يا ابويه اقعد مب زين عليك
ابو مايد قال حق البشكاره : بسرعه يبي ماي
اليد : ماتشوفون شو مسوين رابطين البشكاره في المطبخ من امس ممننن اممسسسس احين اذا صار فيها شي اذا ماتت
ابو مايد : ابويه لاتفاول حصل خير البشكاره ماصار فيها شي
اليد : بناتكم لازم يتأدبن وانا اللي راح أدبهم
ابو بدر : خلاص ان شاء الله نحن نأدبهم ولا يهمك
اليد شاف ذياب : ذياب
ذياب : سم
اليد : قوم ييب الي طلعو الحوش ابغيك تيبهم صوبي هني
ذياب : يدي ماشاءالله الحوش عود انا شوعرفني وين بحصلهم
اليد : خذ سيف معاك
سيف : انا شدخلني
اليد : قلت قومووووو !!
سيف : إن شاء الله قام وقام وراه ذياب
ابو بدر : خلاص ابويه انت ارتاح كاهم ذياب و سيف بيبون البنات
اليد : لا ، ميود
مايد : بسم الله ها
اليد : قوم انت و هزاع هاتو اللي راحو فوق
مايد : خالو يدي يرمسج
اليد : وصمه نش يلا انت وياه
مايد و هزاع : حاضر
وراحو فوق عند البنتين
نروح عند مريوم و روضه الي كانو يركضون ومب عارفين وين يروحون وقفت روضه شوي عشان تتنفس
مريوم : اوهو يلا ركضي
روضه : بس مريوم ما اقدر تعبت
مريوم : تتحرين يدي بيودرنا ؟
روضه : يعني شو بيسوي ترا يدي مابيركض ورانا !
مريوم كانت بترمس بس سمعت صوت ذياب وهو يزقرهم من بعيد و روضه شافت مريوم
مريوم : عيل ماراح يركض ورانا
روضه : ترا ها ذياب مب يدي
مريوم : ياغبيه ترا يدي مطرش ذياب عشان يزخنا
روضه : اوهو يلا امشي
مريوم : اركضي مو امشي
روضه : ويت انا عندي مكان ننخش فيه
مريوم : وين ؟
روضه : المزرعه
مريوم : طبعا لا
روضه : ليششش
مريوم : سيف اكيد بيعرف
روضه : انتي ماعليج امشي
مريوم : الله يستر يلا
وراحو مريوم و روضه ركض صوب المزرعه
نروح عند البنتين اللي في الغرفه
ريم : خايفه خايفه شو بنسوي
ميثا : سكتي انا شوعرفني
ريم : المشكله نسيت فوني تحت
ميثا : حتنا
فجأة سمعو صوب دق الباب
مايد : ريموو فتحيي
ريم : ماراح نفتح
مايد : ترا مرادكم بتفتحون الباب فا فتحيه احينه احسن
ريم : يعني خوفتني شو بتسوي مثلا
هزاع بكل بروده : بكسره
ريم وميثا شافو بعض بصدمه
ميود شاف هزاع وهو مصدوم : نعم
هزاع : هي بكسره
ريم : بيت ابوك هو عشان تكسر الباب
ميثا ضربت ريم على راسها : ايه انتي عن الغلط
ريم : اوه صح نسيت ها ابوج بعد
ميثا : غبيه
مايد : ايه انتو فتحو الباب وعن الفلسفه الزايده
ريم : ترا انت اخويه لازم ادافع عني
مايد : ادافع عنج وانتي كنتي بتذبحين البشكاره
ريم : ماتت ؟
مايد : لا
ريم : خلاص عيل لا تسولف وايد
مايد : ترا يدي الي مطرشني اييبكم فا اذا رديت وايدي فاضيه انا الي بنضرب
ريم : عادي انضرب انت
هزاع : ايه انتي وايد تسولفين فتحي الباب وخلاص
ريم : تكلم التيس
ميثا : خيبه ههههههههههههههههههههههههههه
هزاع شاف مايد : بكسر الباب
مايد : ايه شو
ريم وميثا ماتو خوف
ريم : لااااااا خلاص امزح بلاك انت الواحد مايمزح معاك
ميثا : شوف نحن بنفج الباب بس بشرط
ريم شافت ميثا وكان ودها تصفعها
هزاع : بعد تتشرط
ميثا : هي
مايد : فكينا شو
ميثا : نتناقش
هزاع : نعم ؟
ميثا : راح نتناقش وافهمكم ليش الموضوع
هزاع : خلاص تمام
ميثا : اول شي قول وعد
هزاع : اوعدج في شو
ميثا : قول وعد انه لما افج الباب ماراح تمسكونه وتاخذونه عند يدي
هزاع : يلا اوكيه وعد
ميثا : خلاص عيل تم
قبل ميثا تفتح الباب ريم مسكتها : غبيه انتي
ميثا : شوفيج وعدني
ريم : والله خايفه هاييل الاثنين مب مال ثقه
ميثا : لالا بعد لازم نثق فيهم
ريم : محد بيضيعنا غيرج
ميثا : يعني افتح الباب ؟
ريم : فتحي
فتحت ميثا قفل الباب وشوي شوي قامت تفتح الباب
مايد : فكينا فتحيه بسرعه نبغي نعرف شسالفه
ميثا ابتسمت : يعني ماراح تاخذونه عند يدي ؟
مايد : لا
ميثا فتحت الباب : يلا دخلو افهمكم السالفه
دخلو مايد وهزاع وقفلت ريم الباب
هزاع : وليش تقفلين الباب ؟
ريم : اخاف
هزاع : من شو
ريم : جب
راح ميود ومسك ايد ريم ولف ايدها ورا وقام يعصر عليها
ريم : اااييييي يعورررر هدنيييي
مايد : قولي اسفه
ريم : خسي انا سابته هو ولا انت عشان اتاسف
مايد : انا وهو نفس الشخص
ريم الي خلاص حست ايدها بتنكسر : هدني يعوررر
هزاع كسر خاطره شكل ريم جان يقوم ويمسك ميود ويلف ايده ورا وسوو له نفس الحركه : حدك هاه حدك مصختها تراك
ميثا انصدمت وهي تشوف اخوها كيف دافع عن ريم وريم لما هدها ميود راحت على طول عند ميثا
مايد : الله يلعنك هدني
هزاع هدا : ههههه حسيت فيها احين
مايد وهو ماسك ايده : مب ايد عليك
ميثا : قول ماشاءالله هاه عاد حدك على اخوي
مايد : فكينا انتي بعد قولي سالفتكم
ميثا تربعت : اسمعو ... وقالت لهم السالفه
مايد : خيبه البشكاره جي قالت حق مريوم ؟
ريم : اتخيل بس
هزاع : عيل تستاهل الي ياها
ميثا : يعني خلاص سامحتونا ؟
هزاع : والله نحن مالنا شغل لازم تقنعون يدي
مايد : صح كلامه
ريم : عيل خلونا نشرد ونروح عند مريوم و رويض عشان نسوي خطه كيف نتاسف حق يدي
مايد : كيف بتشردون والدري يطل على الصاله يعني بس تنزلون من الدري كل الي في الصاله بيشوفونكم
ريم : هاي المشكله
ميثا حصلت فكره : نطب من الدريجه
مايد : نعم
ميثا : هي دام ماشي شبك روحو ييبو حبل ومسكو ونحن بننزل
هزاع : بعد حلوه الفكره
مايد : تتمصخر ؟
هزاع وميثا في نفس الوقت : لا
ميثا سوت حق هزاع كفك : اف تعجبني اخويه الحلو
هزاع : خلاص انا بروح اييب الحبل
ميثا : نزين واذا شافوك
هزاع : بقولهم ماطاعو يفتحون الباب
ميثا : خلاص تم يلا نترياك
هزاع : اوكيه
قام وطلع من الغرفه ونزل تحت وشاف الكل قاعد في الصاله هزاع وهو واقف على الدري استوعب انه مايعرف وين يحطون الحبل
اليد قاطع حبل افكاره : ايه انت
هزاع : بسم الله يدي بلاك ماتشوفني يالس افكر !
اليد : دخلو في راسك الف يني قول امين
هزاع : انت يدوتي لازم تعلمك الويل
ابو راشد : والله شكلي انا الي بعلمك الويل
اليد : تعال هني ياللي ماتستحي
هزاع : يدي والله امزح
اليد : شصار على الي فوق انا مو قلت مابا اشوف رقعت ويهك الا لما تيبهم
هزاع : صح صح لسانك
اليد بعصبيه : انا قايل نكتههه !!!!
هزاع : بسم الله يا الغالي بلاك عصبت ترا نزلت اييب حبل سكت هزاع عقب استوعب وقال في قلبه شتتت
اليد : شكلي انا الي ابغي الحبل عشان اخنقق واموتك
هزاع : خيبه يدي ليش تبغي تذبح حفيدك
اليد : تتمصخر علي الحبل حق شو !!
هزاع : عشان اخنق عمري
اليد شاف هزاع
هزاع بخوف من نظرات يده : امزح والله
اليد : ارمس عدل
هزاع : انا وميود عندنا خطه حلوه ونبغي حبل
اليد : المهم ييبو البنتين
هزاع : هبشر هبشر هبشر
اليد : روح عن ويهي
هزاع على طول نزل من الدري وراح المطبخ
احين انا وين بحصل حبل هي صح بتصل في ذياب واتصل هزاع في ذياب
ذياب : ها هزاع
هزاع : بشر شوصار عليكم
ذياب : اقولك متنا ونحن ندور عليهم المشكله الحوش عود مانعرف وين ندور عليهم بضبط
هزاع : رحمتكم والله
ذياب : شو بغيت متصل ؟
هزاع : هيه صح وين تحطون الحبل ؟
ذياب : حبل ؟
هزاع : هيه
ذياب : ليش
هزاع : احتاجه
ذياب : عشان ؟
هزاع : عشان شو
ذياب : ياحمار ليش تبا الحبل
هزاع : اوه عشان افتح الباب
ذياب : وفي حد يفتح الباب في حبل ؟
هزاع : هي انا
ذياب : غبي
هزاع : اعرف
ذياب : المهم بتحصل في المخزن
هزاع : اي مخزن
ذياب : الي في المطبخ
هزاع : حبل داخل مخزن المطبخ ؟
ذياب : فكنا وايد تسولف تبا شي ثاني ؟
هزاع : هي بدعي
ذياب : تدعي شو ؟
هزاع : عساك ماتحصل مريوم و روضه وسكر في ويهه
ذياب وهو مصدوم : ملعون !
راح هزاع صوب المخزن وشاف المخزن عود : خيبهههههه شوها مب مخزن ملحق !!!!
وجع هزاع يتصل في ذياب
ذياب : هلاا
هزاع : اقولك مخزنكم عود وين بحصل الحبل بضبط
ذياب : صبر بدعي
هزاع : هاه
ذياب : عساك ماتحصل الحبل وسكر في ويهه
هزاع وهو مصدوم : الله ياخذك
وقام يدور على الحبل وبعد نص ساعه وتعب حصله اخيرا شل الحبل وراح ركض فوق ودخل الغرفه
ميثا : يمهه اخويه شفتك طولت اتحريتك مت
مايد : شدعوه تدور قنبله انت ماصارت حبل ؟
هزاع : ليش وانت تتحراني اعرف وين مكان الحبل ؟
ميثا : جان اتصلت فيني انا اعرف وين مكانه
هزاع : عساج الزق انتي بعد
ميثا : شو سويت لك !!!
هزاع : فكونا هاكم يلا نطو
ميثا : تمزح انت ؟
هزاع : شو ؟؟؟ تقولين بتنطون
ميثا : هي بس انتو مسكو الحبل عشان مانطيح !!
هزاع : اخيج يلا نزين امشو
راحو صوب الجامه وفتحوها وشافو المسافه وكانت شوي بعيده
ريم : يمههه
ميثا : اوهو خليج قويه !
ريم : اوكيه يلا يلا
ميثا : هاكم مسكو قو عشاني
مايد : حمير نحن نهد الحبل يعني صح ماندانيكم بس مب لهاي الدرجه انه نطيحكم من فوق
ميثا : ويعه ويعترف اونه مادانيكم
مسكو ميود وهزاع الحبل
هزاع : يلا نزلو
ميثا شافت ريم : منوه اول ينزل ؟
ريم : انتي
ميثا : خلاص تم
مسكت ميثا الحبل وقامت تنزل شوي شوي وهزاع ومايد ماسكين الحبل قو عشان ماتطيح
ريم من فوق ترمس ميثا : شوي شوي
ميثا : سكتي خليني انزل بامان واخيرا نزلت واااههههه ريممم ترا مايخوف طلع سهل يلا نزللييي
ريم : يلايلا نازله انتو مسكوني عدل
هزاع : يلا بسرعه ماسكين
ريم ابتسمت لهم : شكرا مسكت الحبل وقامت تنزل شوي شوي واخيرا نزلت تحت وصلتتت خلاص هدو الحبل
هدو هزاع وميود الحبل
هزاع : هف اخيرا
عند ريم وميثا
ريم : احين وين بندورهم
ميثا : ويت بتصل في مريوم
ريم : شفت مريوم الغبيه يوم وقفنا يدام يدي خلت تلفونها في الصاله
ميثا : ايهي و رويض فونها عندها ؟
ريم : ما اعرف
ميثا : بجرب اتصل فيها
ريم : صبر وانتي من وين لج فونج ؟ احيد قلتي انه في الصاله
ميثا : قلت حق هزاع لما نزل ايب الحبل ياخذ فوني معاه
ريم : اها يلا اوكيه اتصلي
اتصل ميثا في روضه وقعدت تترياها لين ترد
عند روضه ومريوم الي فجأة سمعو صوت تلفون روضه يرن وخافو
مريوم : الله ياخذ تلفونج ردي بسرعه قبل حد يسمعنا!!!
روضه ردت على طول : ويعه حشرتينا
ميثا : تويعج وينكم ؟
روضه : منخشات في المزرعه
ميثا : اونه
روضه : والله ليش انتو وينكم ؟
ميثا قالت لها كل السالفه
روضه : وربي انكم كفو تعالو صوبنا
ميثا : نزين وين المزرعه
روضه دلتها مكان المزرعه وسكرت
مريوم : هاه شو بغت
روضه قالت لها كلشي
مريوم : اها
عند ريم وميثا
ريم : شو قالو ؟
ميثا : في المزرعه
ريم : اوهو ووين مكان هاي المزرعه ؟
ميثا : انتي تعالي وراي وخلاص
ريم : مسويه تعرفين ولا رويض دلتج ؟
ميثا : ههههههه رويض دلتني عن مكانها
ريم : عيل يلا امشي
نرجع عند مريوم و روضه
مريوم : ايه شو قالت
روضه : بتي صوبنا
مريوم : ياغبيه !
روضه : شووو
مريوم : جان قلتي لهم عن ذياب و سيف
روضه ضربت يبهتها : نسييتتت
مريوم ضربت راس روضه : غبيه
روضه : اف ضربت يبهتي ليش اتين تضربين راسي بعد
مريوم : ما ادري لانج غبيه
روضه : ماعليه الامور طيبه
مريوم : ردي اتصلي فيها
روضه : اوف ماعندي رصيد
مريوم ضربتها مره ثانيه : غبيه
روضه : راسي راسي خلاص عرفنا اني غبيه !
مريوم ضربتها مره ثالثه
روضه : مرريييوووممممممم !!!!
مريوم من الخرعه سكرت حلج روضه : ويعه سكتي لا يسمعونا
روضه ضربت ايد مريوم و وخرتها : هديني غبيه
مريوم : اوكيه بس سكتي
روضه : اوكيه
نرجع عند ريم وميثا الي ضيعو مكان المزرعه
ريم : واي تعبت وين هاي المزرعه
ميثا : اقولج سكتي انا روحي ما اعرف نسيت
ريم : ويت شوفي هاي الي صوب البحر
ميثا شافت صوب البحر وكان شي بشكاره : شوفيها
ريم : مو جنها تيفاني
ميثا : اونه
ريم : هي شوفي لون شعرها اخضر
ميثا : هي والله صح
ريم : امشي نروح عندها
ميثا : لالا خلاص كافي مشاكل
ريم : انزين شو تتوقعين تسوي صوب البحر ؟
ميثا : تشكي همومها للبحر
ريم : ههههه تذكرت مريوم
ميثا تذكرت الموقف لما مريوم كانت بتروح تشكي همومها للبحر : مسويه تبا تشكي للبحر جان سيف يقول لها يارب يبلعج
ريم : مسكينه هاي البنت الكل يقفطها
ميثا : هههههههه
ريم : يلايلا امشي نروح عند تيفاني
ميثا : اوهو ليشششش بعد
ريم : ياغبيه نقول لها وين مكان الزرعة
ميثا : ههيييي صححح يلا امشي
راحو ميثا و ريم عند تيفاني
ريم : انتي ام شعر اخضر
ميثا على طول ضربت ريم : ويعه عيب
تيفاني : شو يريد
ريم شافت ميثا وهي مصدومه : بلاها عقلت
ميثا : يمكن السهر في المطبخ اثر عليها
ريم : خخخخخخ ولا كانت ترمس المواعين
ميثا : هههههههههه عيب عيب
تيفاني : انتا مافي يقول شو يريد
ريم : ويعه صبري خلينا نتمصخر عليج شوي
ميثا ضربت ريم مره ثانيه على راسها : ععيبببب ريم مايقولون جي
تيفاني : روهي لاه وكانت بتسير بس فجأة ريم وميثا مسكوها
ميثا وريم : لالالالالا خلاص
ميثا : اقول تيفاني تعرفين وين مكان المزرعه ؟
تيفاني : امش كله سيدا وبعدين بيحصل المزرعه
ريم ضربت ميثا : قلت لج خ نمشي شوي وبنحصلها
ميثا : جذابه ماقلتي
ريم : الي هو
تيفاني حست ان اعصابها قامت تفور : اوههووو روهي روهي عن ويه مال انا
ريم : ايه انتي لاتصارخين ترا بيخلي ويه مال انتي نفس الفول
ميثا الي نقعت ضحك : ههههههههه شدخللل الفول
ريم : ما ادري كنت بقول نخي بس قلت فول
ميثا : لو ساكته ابرك
ريم قامت تتكبر : انا سكوتي ذهب 😌😌
ميثا : امشي امشي لا افلع الذهب على راسج
ريم : افااا اهئ يلا امشي
ميثا كانت بتمشي بس تذكرت انها كانت تبا تتاسف حق تيفاني : هي صح لفت ويها بس ماحصلتها بسم الله وينها
ريم : منوه
ميثا : يعني منوه تيفاني
ريم : شدراني عنها كانت هني بس ماتت
ميثا : ويعه لا تفاولين على الحرمه
ريم : اوكيه يلا امشي
ميثا : يلا
وقامو يمشون سيده
ميثا : بتخبرج نحن مادرنا الحوش كامل صح
ماشي رد
ميثا شافت ريم وكان واضح انها سرحانه
ميثا اشرت ايدها : هواي ارمس منوه انا
ريم استوعبت : هاه شو
ميثا : شورما وبعد في شو سرحانه انتي
ريم : ميثا انتي تحبين
ميثا استغربت شوياب ها الطاري : هاه ليش ؟
ريم : يعني كلنا نعرف انج تحبين بدر من يوم كنتي صغيره بس يعني تخيلي لو بدر كان يحب وحده ثانيه
ميثا حست بضيقه وقالت : لا ان شاء الله لا اصلا ما اتوقع انه يحب
ريم رفعت ايدها : يارب اتزوج واحد يحبني كثر ما خلوف يحب زينبو
ميثا : ههههههههههه امين
ريم : ههه والله صدق كيوت خلوف واهم شي يوم راح عند ربيعة زينب وخذه منها عنوان بيت يدي
ميثا : هي ماشاءالله عليه جريئ
ريم : هههه عصافير الحب الي عندنا
ميثا : هي والله محد متزوج من اهلنا غير زينب
ريم : هاه مافهمت
ميثا : يعني قصدي من الكبار مثلا المفروض رشود اخويه يكون متزوج بس هو عنز مايبغا يتزوج
ريم : ههههه انزين كيفه وبعد حرام عليج توا داخل عشرين خليه يعيش حياته
ميثا : رشود اصلا متكبر وخبل مايعطي حد ويه عسبت جي بعده مب متزوج
ريم : خقاق اخوج بعد
ميثا : شفتي لاه
نخلي هاييل ونروح عند زينب و خلوف الي من شوي راحو فوق غرفتهم
خلوف كان منسدح عالسرير ويلعب ببجي وزينب قاعده على الكرسي مال التسريحه
زينب : خلوف
خلوف وعينه على التلفون : عيوني
زينب قامت من التسريحه وراحت قعدت صوبه : شرايك اليوم نطلع
خلوف : من عيوني وين تبين تروحين
زينب : اوف خلوف اول هد الفون وشوفني بسك من ببجي
خلوف : زينبو اصبري بس قيم واحد
زينب سحبت الفون من ايد خلوف وفرته بعيد
خلوف : لاااااااااااااا زينبببووو تمزحييننننن
زينب ببروده : لا
خلوف : خرى عليج
زينب طالعته بصدمه و خلوف قام كان بيروح يشيل فونه بس زينب سبقته ومسكت الفون قبله وشلته
زينب : خرا على منوه هههاهههه
خلوف : على ذياب
زينب : شدخل ذياب شدخل ذياب حتى وهو بعيد عنك مب متبري من لسانك
خلوف راح صوب زينب وشالها
زينب : ايه انت نزلني
راح خلوف صوب السرير وفرها على السرير
زينب : هههههه وقامت تربعت يلا عاد صدق خلوف خنطلع اليوم
خلوف قعد يدامها وباس خدها : امري حبيبي وين تبين تروحين
زينب : هههممممم ما ادري وين نروح
خلوف : الحديقة ؟
زينب : لا
خلوف : المول ؟
زينب : بعد لا
خلوف : الملاهي ؟
زينب : اوهو بعد لا
خلوف : عيل وين
زينب : ههممم شرايك نروح البحر نقعد هناك لين المغرب عقب نرجع
خلوف : بعد حلو يلا قومي زهبي
زينب : حماس يلا قامت وراحت غرفة التبديل
زينب وهي في غرفة التبديل : خلووففف
خلوف : عيونيييي
زينب : تحسسس البسسس قصيررررر
خلوف : هيييي عشانننن اقصصص رويلجججج
زينب : ههههه الله يهديك شوفيك تحمست يالسه اتمصخر
قام خلوف وراح عندها غرفة التبديل وحضنها من ورا وحط ويهه على جفتها
خلوف : اختار لج ملابس ؟
زينب : نو انا بروحي بختار هاي المره
خلوف وخر عنها وسوا هاي الحركه 🤷🏻♂️ : برايجججج وراح صوب ملابسه
زينب : اباك تربط شعري
خلوف : هههه جنه عيبج الوضع
زينب : هممم يمكن
خلوف : بعد يمكن خلاص ماراح اسوي لج
زينب : لالا خلاص يعني اوف لازم اعترف واقول هي وايد عيبني
خلوف : ههههههه اهمشي وايد
زينب : اسكت
خلوف : ابشري
كل واحد قام يدور له ملابس نخلي هاييل على صوب
ونرجع عند ريم وميثا الي اخيرا وصلو صوب المزرعه بس على طول ميثا سحبت ريم وراحو انخشو بعيد
ريم : بسم الله شو ياج ليش جي سحبتيني
ميثا : شوفي هناك ها مب جنه ذياب ؟
ريم قامت تركز : هيه والله صح
ميثا : احين كيف نشرد منهم
ريم : ماراح نشرد قومي
ميثا : هاه وين
ريم : بنروح نقوله عن سوالف تيفاني الوصخه
ميثا : لا حرام عقب بيطردها وانا احس انها مسكينه
ريم : والله محد المسكين غيرج وقامت ذيااببببببب
ذياب لف صوب الصوت وشاف ريم : اوه ريم
سيف : بشرو زخاكم يدي ؟
ميثا : لا
سيف : عيل كيف شردتو اذكر انكم رحتو فوق يعني لو نزلتو وطلعتو برع كان الكل شافكم
ريم : ايهي سالفه طويله
ذياب : مب مهم انتو تتمصخرون صح
ريم : بعد لا
نروح عند مريوم وروضه الي سمعو صوت ريم والباجين
مريم : امشي نطلع دام ريمي و ميثا موجودين
روضه : يلا يلا
طلعو مريوم و روضه وبالغلط مريوم دعمت ظهر ذياب لانه كانو منخشين وراهم
سيف : بسم الله من وين طلعتو انتو
مريم : اييي راسي
ذياب : كسرررر
مريوم : حشى عليك مب ظهر طابوق
ذياب : طابوق يضرب راسج قولي امين
مريوم : وي...
ريم قاطعتها : بسسسسسس خلااصصص ماتشبعون من الضرابه انتو !
ذياب : سكتي انتي لاتصارخين ولف شاف مريوم و ميثا وانتو !
مريوم : هاه
سيف : ويعاه
مريوم : اسكت انت
ذياب شاف مريوم بنظرات ومريوم شافته ببراءه
مريوم : ياخي ذياب لا تشوفني جي ترا عندي عذر !
ذياب : الي هو ؟
مريوم : قالت لي كلي ولي
شافها ذياب بستغراب : شو قالت
مريوم : كلي ولي
سيف والباقين كاتمين ضحكتهم وهم يشوفون مريوم وذياب
ذياب : وعشان قالت كلي ولي رحتي وربطيها وسويتي فيها كل ها ؟
مريوم : لا طبعا مب عشان جي البشكاره قليلة ادب والله الفاضها وصخه !
ريم : صح كلامها
سيف : كل البشاكير من زمان عندنا وماشي وحده كانت قليلة ادب
روضه : عيل يمكن هاي يديده
ذياب شاف سيف بستغراب
سيف : من زمان مايبنا بشكاره يديده كل الي يشتغلون عندنا من ايام عمي الله يرحمه ماشي حد يديد
ذياب بعده مستغرب : شو اسمها
مريوم شافت البنات : نسيت شو كان اسمها
روضه : اتوقع تيفاني
ذياب شاف سيف : ها الاسم ولا مره مر علي ؟
مريوم شافت ذياب بطرف عينها : حسستني تعرف اسامي كل البشاكير
ذياب شافها : غبيه لازم اعرف اساميهم ومنوه يشتغل عندي
مريوم بصراخ : ايههه اننتتتت
ذياب : اقول شاروخان اهجد
انصدمت مريوم وشافت ميثا
ذياب : ليش تشوفين ميثو يالس ارمسج انتي
مريوم شافت ذياب واشرت على عمرها : انا ؟
ذياب : هي
سيف : ههههههههه شاروخان عيل
مريوم : شاروخان حرمتك !
ذياب شاف سيف : ايه انت امش نروح نجوف هاي البشكاره اليديده بعد
سيف وهو تعبان : لالا انا مالي خلق روح مع يوسف الصراحه انا ظهري يعورني من كثر التدوير على روضه و مريوم
ذياب : عسى ظهرك الكسر يلا امش وياي !
سيف : اوهو ول بس يدعي يلا امش
مشو ذياب و سيف بس وقفهم صوت مريوم
مريوم : ونحن
لفو ذياب و سيف صوبهم
سيف : بلاكم ؟
مريوم : شو بنقول حق يدي
ذياب وهو يسحب سيف : خلها تولي امش امش
انقهرت مريوم من حركة ذياب جان تروح ودزه قو وتشرد و ذياب لما شافها تشرد راح وركض وراها
مريوم : لاااااااا بسم الله خلاص ذييياااببببب
ذياب وهو يركض وراها : نشوف منوه يهدج ماعليه
راحت مريوم ركض ونخشت ورا سيف : ساعدني ساعدني
ذياب : سيف خوز
مريوم كانت ماسكه ملابس سيف و واقفه وراه : لا تم مكانك
سيف : خلها ياريال تراها ياهل
مريوم ضربت سيف على راسه : منوه ياهل يا وصخ
سيف : تعال تعال ضربها
مريوم : لالا خلاص وراحت مريوم صوب البنات ... بس احين صدق شو نسوي
ذياب : اتصرفو قولو له الصدق لاتجذبو عليه
روضه : ياحظي ونحن نقدر نجذب على يدي ؟
ذياب وهو يمشي رايح عنهم : هيهه بعد مب ناقص يدفنكم في بيتي
ريم : ويعه مايعرف يقول رمسه حلوه ولا تفيدنا
مريوم : انا اقولكم من زمان انه ماله فايده ويقهر
ريم : خلاص نروح نقوله الصدق
مريوم : ومنوه بيبدا في الرمسه
كلهم شافو مريوم
مريوم : خلاص عرفت منوه شكرا
روضه : يلا امشو
مشو البنات وهم يتمشون كانو يسولفون
روضه : مريوم
مريوم : هلاااا
روضه : تأسفتي حق زينبو
مريوم حطت ايدها على حلجها : نسييتتتت
روضه : تتمصخرين
مريوم : رويض انا وين قدرت اشوف حد من بعد السالفه
روضه : بعد صح
ريم : خلاص عيل يوم نتأسف حق يدي روحي رمسي زينب
مريوم : خلاص تم
ريم شافت ميثا : انتي بلاج هاديه
ميثا كانت سرحانه وماسمعت ريم شو قالت
ريم مدت ايدها صوب ويها : ههووييي
ميثا استوعبت ريم : هاه بلاكم وصلنا ؟؟؟
مريوم : لا هاي فيها شي
ميثا : ششوووووو
ريم : كوره تشوتج لاتصارخين
روضه : خيبه بلاكم شبيتو على البنت خلوها سرحانه
مريوم راحت صوب ميثا : هاه في شو سرحانه الاخت
ريم : يمكن سرحانه تفكر اذا عيالها كلو ولا
ميثا : ويعه اي عيال
ريم : عيل في شو سرحانه ترا مب عايبني شكلج من يوم رمسنا عن ذيج السالفه وانا مب عايبني شكلج
مريوم شافت ريم : اي سالفه شو صار
كانت ريم بتتكلم بس ميثا قاطعتها : سكتي مايخص السالفه
ريم : الا الا يخص
ميثا بصراخ : مايخصصص قللتتتتت لللللججججججج
مريوم كانت تتمشى في النص بين ريم و ميثا من سمعت صراخهم راحت على طول صوب روضه
روضه : ويعه حشرتونا شو السالفه وليش كل ها الصريخ
مريوم : شكلها السالفه مو هينه قولو شو السالفه
ريم : الله يسلمج سمعي بقولج
ميثا شافت ريم : ريم !
روضه : ماعليج منها ارمسي
ريم : ماعليه مريوم بس اصراحه كنا نحش عن بدور
مريوم : بدور اخويه ؟
ريم : لا اخويه
مريوم : شو السالفه تحمست !
ريم : كنا نسولف جان اقول حق ميثا انتي تحبين ؟ عقب قلت لها صح كلنا نعرف انج تحبين بدر بس اذا كان بدر يحب وحده ثانيه ومن ذاك الوقت وهي كله ساكته وتفكر
مريوم : هههههههههههه خيبه خيبه ميثا
ميثا : جب مايضحك !
مريوم : ياحسرتي عليج ياميثا ماحصلتي غير بدور اخويه يحب
ميثا شافت مريوم
مريوم : لاتحاتين بدور مايحب وانا عارفه اخويه
روضه : هههههههههه وبعد تضبطها اونه لاتحاتين مايحب
ريم : لانه صدق حرام هي من يوم كانت صغيره تحبه
ميثا : ببببسسس ععااادددد !!!
ريم : بسم الله اوكيه
روضه : خلاص فكونا يلا وصلنا وحده تدخل
ريم : يعني منوه بتدخل غير مريوم
مريوم : شدعوه دخلو معاي !!
ريم : حبيبتي انتي دخلي ونحن بندخل عقبج
مريوم : انا الطعم يعني
الكل هز راسه بمعنى هيه
مريوم : بسم الله توكلنا على الله ولا ح...
ميثا قاطعتها : هي هي داخله حرب انتي
مريوم : لا والله داخله عند ملك الموت
ميثا ضربت مريوم : استغفري ربج !!!
مريوم : استغفرالله
خذت نفس عميق ودقت الباب و البنات شافوها بصدمه
مريوم لفت ويها وشافت البنات مصدومات : بلاكم ؟
ريم : داخله بيت غريب
مريوم مسويه انها ترجف : لا والله داخله بيت طرزان
ريم : ويعه ها يدج ياغبيه
مريوم : هههههههه انزين انزين ودقت الباب مره ثانيه
واللي كانو داخل قاعدين في الصاله انصدمو من الي يدق الباب
اليد بصوت عالي : ادخخللل
مريوم : بسم الله عاد محد رمس غير يدي
ريم : دخلي دخلي
مريوم : توكلنا على الله وفتحت الباب شوي شوي ودخلت راسها بس جسمها برع هاي
اليد : ماشاءالله وبعد هاي
مريوم : جدي ممكن ان ادخل الى الداخل لكي اتكلم معك
اليده : وابويا قامت ترطن فصحى البنت
اليد : عيل ممكن ادخل داخل
مريوم هزت راسها بمعنى هيه : هل ممكن ؟
اليد : وين البنات
مريوم اشرت على برع : كاهم برع ادخلهم ؟
البنات انصدمو جان ريم تضرب راس مريوم
مريوم : ويعه وبعد يضربون وهم اللي مدخليني طعم
اليد : انتي شوقاعد تقولين يلا دخلي ودخليهم !!
مريوم : حاضر دخلت ودخلو البنات معاها
و اليد لما شاف ريم وميثا اطالع ميود وهزاع : عيل ماطاعو يفجون الباب
ميود حك شعره : اويه متى طلعو
اليد : حسابي معاكم عقبهم ولف شاف البنات تجدمو ليش واقفين بعيد شدعوه البيت بيتكم
ريم همست : مريوم تجدمي اول
مريوم بنفس همس ريم : وليش انا !
ريم : لانه انتي و يدي تمونو على بعض
مريوم : عارفه اني راح انضرب بس يلا وتجدمت وقفت يدام يدها هاه يدي
اليد : والدياي الي منخشات وراج
مريوم : قول لهم كوكو وراح اييون لك
ام بدر همست حق ابو بدر : لازم ترادد عمي لازم
ابو بدر : هاي بنتج يبالي اربط لسانها شوي عسبت ماتموت على ايد ابويه
ام بدر : انا معاك في كل خطوه
اليد : تستخفين دمج ؟
مريوم صارت ترمس جد : يدي صدق خلهم برع الموضوع هاي كانت خطتي وهم بس كانو ينفذونها يعني مثل مايقولون يساعدوني
اليد مسك خيزرانته
رجعت مريوم ريوس ورا : يدي خوز عنك ها الي تقول ثعبان
اليد : هاتي سبب ليش جي سويتي فيها
مريوم : قالت لي كلي ولي
اليد طفح الكيل منها ضربها خفيفه ف الخيزرانه : انا شو اسوي فيج شووو
مريوم : خيبه يدي مو خيزرانه كسرتني يعورررر
اليد : احسن ها اقل شي اسويه
مريوم : بعد فيه شي ثاني ؟
اليد : هي العقاب الثاني راح ارقدج برع
مريوم لفت وشافت البنات وعطت يدها ظهرها : ليش انا بروحي اتعاقب واللي وراي ليش مابتسوي فيهم شي !
ريم : ياحيوانه توج تقولين نحن مالنا خص
مريوم : لا خلاص دام العقاب اني ارقد برع لازم انتو تتعاقبون معاي
اليد ضرب ظهر مريوم ف الخيزرانه ونقزت مريوم ولفت شافت يدها : اااايييييييي ييددديييي
اليد : وصمه لما بترمسين رمسيني لاتطيني ظهرج
راحت مريوم وقعدت صوب يدها : فديتك يدي بس صدق يدي احين اذا قلت لك كلي ولي شو بتسوي راح تعصب علي صح ؟
اليد : هاه الي قاصر بعد
مريوم : جفت جفت
اليد دز مريوم : بس انتي غير وانا غير !
مريوم : شو الغير
اليد : كان المفروض تقولي حقي ولا حق ابوج ولا على الاقل تقولين حق ذياب ونحن نتصرف معاها مب تين تخططين بروحج وتسوي فيها جي
مريوم : من عيونننيييي خلاص المره اليايه ماراح اسوي شي على طول بقول لكم وانتو تصرفو
اليد : خلاص خوزي عن ويهي ذيابو بيتصرف خلاص قعدو انثبرو مكانكم
مريوم : اوكيه اوكيه
راحو الكل وقعدو مكانهم
عند ذياب و سيف الي وصلو الملحق ودق الباب وطلعت لهم ميري
ميري : نعم بابا
ذياب : اقولج ميري
ميري : نعم بابا
ذياب : نادي هاي ما ادري شو اسمها
ميري شافت ذياب : منوه بابا
ذياب لف وشاف سيف : ايه انت شو كان اسمها
سيف : والله نسيت بس اتذكر ان لونها اخضر
ذياب : لونها ؟
سيف : قصدي لون شعرها ياحمار
ذياب : اوه صح
ميري : بابا انت قصدك تيفاني
سيف : اييواااا تيفاني
ميري استغربت : بابا ليش كلو يريد تيفاني في سوي مشكل ؟
ذياب : مايخصج ناديها وبس
ميري : هادر (حاضر) دخلت ميري وما كملت دقايق الا تطلع تيفاني
تيفاني : نعم بابا
سيف شاف تيفاني وهو مصدوم : انتي تيفاني ؟
تيفاني : نعم بابا
ذياب : انتي من متى تشتغلين هني ؟
تيفاني : بابا انا من زمان بعيد يشتغل هني
سيف : اوكيه شو اسم بابا ذياب ؟
تيفاني : سولتان (سلطان)
ذياب شاف سيف
سيف : خلاص اوكيه روحي
راحت تيفاني داخل وذياب و سيف مشو بيرجعون البيت
ذياب : بعدني شاك في الموضوع
سيف : بلاك اذا تعرف اسم عمي الله يرحمه يعني صدق من زمان تشتغل هني
ذياب : بعدني شاك في الموضوع شدخل اذا كانت تعرف اسم ابوي الله يرحمه يعني صارت تشتغل من زمان ؟
سيف : لاتكبر الامور يعني شو بيكون مثلا ترا محد يعرف اسم عمي الله يرحمه الا اللي يشتغلون من زمان
ذياب : ترا اقولك ما ادري بس يمكن حد قايل لها ان اسم ابويه
سيف : والله السالفه يبالها تركيز بس احين وصلنا يلا ادخل ادخل فكنا
ودخلو داخل شافو كلهم قاعدين في الصاله
ام بدر : يلا قومو غدا
كلهم قامو يتغدون وعقب كل واحد صعد فوق غرفته يرييح
في غرفة البنات
مريوم كانت تشوف مسلسلها وعضت شفايفها : ووووااااييييييي
ريم : بلاج البطل سو شي في البطله ؟
مريوم : جب وصخه مايخص المسلسل !
ريم : عيل
وقفت مريوم المسلسل وشافت البنات : بعدني مقهوره من هاي تيفاني
روضه : ااوهههووو ضرب وضربتيها
مريوم : عن الجذب ! ماضربتها جي انتو تخلون الواحد يضرب كله ماسكيني
ريم : لانه لو خليناج تضربينها راح تدفنيها
مريوم : خنكمل عليها اليوم
روضه : لا انتي شكلج تبغين ترقدين في الشارع هاي الليله
مريوم قامت تغني : ياليااللييي روحييي لههه عننن شوقييي وناريييي احكيلهههه
ريم : اقول خلج خلج ع المسلسل
مريوم : حاضر وكملت مسلسلها
روضه : ياحلاة الابطال يوم يحبون بعض
وقفت مريوم مسلسلها وشافت روضه : ووويييييععععع
روضه : ويعيه انتي بلاج
مريوم سوت مالت
روضه : ياخي مريوم انتي ليش ماتحبين يعني ولا مره فز قلبج وحب ؟
مريوم : الصراحه الصراحه ؟
روضه تحمست : ههييههه
مريوم بكل برود : لا
طار الحماس من روضه : اوهو
ريم : عن الجذب وذياب ؟
مريوم : اوهوو اقولكم انا وذياب مافي شي بيناااا اجوفه ولد عمييي بسسس
ريم : ودي اصدق بس قويه
مريوم انقهرت جان تقوم وتسدح ريم على الارض وتقعد فوقها
ريم : ويعه وخريييي
مريوم : ماشي ، تتفلسفين علي ؟ اتحملي اللي بييجج
ريم : اووههووو قومي عن ظهررييي
مريوم : سكتي ، بتخبرج روضه
روضه كانت تقرا جان ترفع راسها عن الروايه وتشوف مريوم : هلا ؟
مريوم : انتي سالتيني اذا انا احب ولا لا صح ؟
روضه : صح
مريوم ابتسمت بخبث : نزين انتي تحبيننن ؟
روضه انصدمت : هاه لا طبعا
ريم : عيل هاي صدق جذابه
مريوم شافت ريم : انتي سكتي وخلج منسدحه
ريم : انا اوريج بس قومي عني وشوفي شو بسوي فيج
مريوم رجعت تشوف روضه : نزين مافز قلبج على حد ؟
روضه : بعد لا
ريم : جذابه و سيف ؟
مريوم رجعت تشوف ريم : انتي مب ناويه تسكتين
ريم : لو تقومين من فوقي بسكت
مريوم : عيبني الوضع خلج منسدحه
ريم : ماعليه مريوم
مريوم رجعت تشوف روضه : جذابه عيل ابا افهم انتو ليش ماتصارحونا بحبكم يعني كلنا نعرف انكم تحبون
ريم : منوه قصدج انتو ؟
مريوم : روضه و ميثا
ميثا انصدمت : نعم ؟
ريم : اهئ نزين وانا
مريوم شافت ريم : لا انتي مب ويه واحد يحبج
ريم : انا اوريج
مريوم : هش هش
ريم : وبعد اصلا ميثا مصارحتنا من زمان
ميثا : ويعه انتو ايه سكتو
مريوم عيبها الوضع وتبا تقهرهم : وحتى روضه
روضه شافت مريوم : نعم
ريم فهمت مريوم وكملت معاها : هيه بعد صح
روضه : ويعه سكتو !
مريوم : المشكله وهي ترمس عنه اول ماشافته على طول وثقة فيه
ريم : هههههههه تقوله وخر ربيعك عني
ميثا ضحكت صوت خفيف لانه حركات مريوم و ريم تخلي الواحد يضحك غصب
روضه : يعني يضحك ؟
مريوم : ولا يوم شفناه في السينما
ريم : هييي على طول قام يدافع عنا
مريوم : ههييي بس عشان روضه موجوده
روضه انقهرت وعصبت جان تقوم تضرب مريوم على راسها وتشرد ومريوم لما شافت روضه تشرد راحت تلحق وراها
روضه وهي تركض : غلطانننههه وتحلققق ورايييي
مريوم : ماعليهههه والله اوريججج
نزلت روضه من الدري ونزلت وراها مريوم مع انه روضه تركض سريع بس مريوم اسرع عنها جان تمسك مريوم روضه من ايدها وطيحها على الارض وتقعد فوقها وطبعا ها كله ومانتبهو للي قاعد في الصاله
روضه : اااييييي ويعههههه قوممييييي ععنننييييي
مريوم : هعععع تتحرين عمرج راح تشردين
وضربتها على راسها
روضه : اخ راسي راسي
مريوم : احسن
روضه : مريوممممم وخرررييييي
مريوم كانت بتتكلم بس اليد قاطعها : كملو كملو ضرابه نحن مالنا حشيمه
انصدمت مريوم : اوه يدي انت من متى هني
اليد : قومي قامت عظامج
مريوم : مابا تخيل ضربتني على راسي
روضه : ورديتي لي الضربه !
اليد بعصبيه : فزززييييي يلاااا واذااا احين احد من عيال عمج نزل !!!
مريوم فزت من صراخ يدها و روضه قامت معاها
روضه : بسم الله يدي شوفيك معصب من الصبح
مريوم : حسيتي صاير لنا جبريت
اليد : صدق ماتستحين على ويهج
راحو مريوم ورضه يعقدون عند يدهم
روضه : نزين يدي وين الباقين ليش محد قاعد عندك
اليد : احين ينزلون
قعدو مريوم وروضه ع التلفون بعد نص ساعه اتيمع الكل في الصاله
مريوم : ياحلات هاي اللمه
ابو بدر : ماتقول جي الا اذا تبغي شي
مريوم : فديت ابويه الي فاهمني
اليد : من احين اقولج لا
مريوم بستهبال : لو سمحت يدي انت مالك خص
اليد : هاي تبا اقوم لها ب العصا
مريوم : لا يدي خلاص بليز ماداني هاي العصا
ابو بدر : صبر ابويه اول خلنا نعرف شو تبغي
مريوم : هبشر ابا اروح الكوفي
اليد : ماشي
مريوم : يييددديييييي!!
اليد : وصمه
مريوم : ابويه الي يقرر اذا اروح ولا مب انت
اليد شاف ولده عبدالله : هاي بنتك شكلها تبغي ترقد اليوم في الشارع
ابو بدر : تستاهل رقدها فوق الشجره بعد مب بس في الشارع
مريوم : ييدديييي
مايد : وايد وايد اتحن بس بس
سيف : يدي عادي خلها تطلع هني صوب بيتنا شي محلات و مطاعم وكافيهات جي ع الشارع حلوه
مريوم استانست : والله ؟
سيف : هي طلعي من بيتنا وامشي شوي سيدا بتحصلين كل المحلات
اليد : بتروحين بروحج ؟
ميثا : لا طبعا نحن معاها
اليد : لا عيل
مريوم : للليششششش
اليد : لازم حد كبير معاكم
مريوم : منوه
اليد : ذي...
ماكمل الا كل البنات قالو : لااااااااااااا
اليد : ويعه
ذياب : يدي انت ماعندك غيري والله كافي سالفة المول ما اتحمل بزر معانا
مريوم شافت ذياب : ميته اطلع معاك يعني ؟
ذياب : محد رمسج انتي
اليد : خلاص بدر روح
بدر : يدي اخخخخخ ريولي تعورني
اليد : تتمصخر !
بدر : لالا شوف ما اقدر امشي
اليد : خلاص ميود
مايد عطاها شرده المطبخ : ييوععااننننن
اليد : غربل الله بليسك ، هزاع !
هزاع شاف يده
اليد : لاتتطالعني روح معاهم
هزاع قام : يلا قومو
مريوم : لااااااااا
اليد : ابغي افهم انتي شو تبغين بضبط !!؟
مريوم : نبا نطلع بنات بروحنا
هزاع رجع يقعد : خلاص روحو مع امايه
ام راشد : لا والله انا مول مالي خلق اطلع ام بدر انتي روحي
ام بدر : والله انا عندي شغل ما اقدر ام ميود روحي
مريوم قاطعتهم : انتو بلاكم كل واحد يفرنا على الثاني !
ذياب : عشان تعرفين ان محد له خلق حق بزر
مريوم مسكت المخده وفرتها على ذياب بس ذياب مسكها ورد فرها عليها وضربت المخده ويه مريوم
مريوم : الله يلعن...
اليد بعصبيه : مممرييووممممم !!!!
سكتت مريوم وعلى طول قامت وصعدت فوق غرفتها
ابو بدر : ابويه حرام عليك ليش جي تصارخ عليها
اليد : تستاهل شفت شو كانت بتقول الفاضها صايره وصخه !
ابو بدر استغفر وسكت
هزاع شاف ذياب
ذياب : نعم
هزاع : اعصابك ع البنت
ذياب : شدخلني بس رديت لها المخده هي الغلطانه كانت بتلعن يدام الكل
هزاع : ولأنك رديت عليها المخده بالقو ! ترا تعورت البنت
ذياب : شوفيك انت جي خايف عليها تحاتي الحب ؟
هزاع شاف ذياب بستغرب لانه ذياب اصلا مايقول جي : ذياب شو ها الحجي احترم نفسك !
ذياب أبتسم بستهزاء : روح روح فوق تطمن عليها قام ذياب وطلع برع في الحوش
استغرب هزاع من ذياب بس طنشه لانه عارف ان ذياب مايقول جي الا اذا كان فيه شي
ريم كانت بتقوم تروح عند مريوم بس صوت يدها وقفها : ريموه قعدي
ريم : نزين يـ...
اليد : قلت لج قعدي !
ريم همست حق ميثا : ايه بلاه يدي ع مريوم ؟
ميثا : شدراني مسكينه ابا اروح أشوفها
ريم ابتسمت : صح انها مضايجه بس تراها قويه ومتاكدا انها بعد شوي بتنزل وتعتذر حق يدي
ميثا : هي كلنا نعرف مريوم كلشي ولا زعل يدي
نروح فوق عند مريوم الي كانت قاعده صوب الجامه وتشوف الجو ولفت انتباها ذياب الي كان قاعد على الكرسي وفجأة يا في بالها حلم ذياب وتذكرت في الحلم لما يدها كان مهدد خافت مريوم وحست بصداع في راسها قامت طلعت من الغرفه وراحت الصاله الصغيره الي فوق ف الطابق الثاني وسوت لها كوفي وقعدت ع الغنفه وهي تفكر مر الوقت بسرعه على ابطالنا وكل واحد كان شاغل باله شي
الساعه 1 فليل
كان البيت هدوء والكل راقد وفجأة نشت مريوم من كابوس حلمته نشت وهي تتنفس بسرعه وبصعوبه حطت ايدها على خدودها وحست بدموع مسحت دموعها وهي مصدومه جان تقوم لبست بلوفرتها على السريع وطلعت راحت غرفة يدها ويدتها فتحت الباب شوي شوي بس حصلت يدتها راقده خافت وسكرت الباب وراحت ركض الصاله الصغيره اللي فوق بس ماشافت حد نزلت تحت من المينونه تدور عليه وشافت يدها كان طالع من المطبخ راحت صوبه ركض واليد لما شاف مريوم انصدم وهو يشوف حالتها و الدموع الي في عيونها وكيف ترجف خاف عليها ومسكها
اليد : مريوم بنيتي شوفيج
مريوم وهي ترجف : يدي انت هني ؟
اليد انصدم : حبيبتي مريوم شوياج هي انا هني وين بروح يعني
مريوم على طول حضنت يدها وقامت تصيح : اسفففههههه واللله اسفففههه
اليد كان وايد خايف عليها مسح بشعرها بحنان : خلاص حبيبتي ماسويتي شي عشان جي تصيحين
مريوم ارتاحت وقامت من حضن يدها مسحت دموعها وابتسمت : شو تسوي هني
اليد : رحت اشرب ماي
مريوم : نزين شي ماي فوق
اليد : هههههه تعرفيني احب امشي
ابتسمت مريوم : لالا ماينفع لازم ماتمشي وايد
اليد : على كيفج
مريوم : يب يب
اليد : يلا عيل انا رايح اكمل رقادي وانتي بعد روحي رقدي
مريوم باست راسه : تمام بس بروح اشرب ماي عقب بروح ارقد
اليد وهو يروح فوق : يلا حبيبتي تصبحين على خير
مريوم : وانت من اهلهههه
راحت مريوم المطبخ شربت ماي وعقب طلعت وكانت بتصعد فوق بس انتبهت من الجامه للي قاعد برع في الحوش استغربت وراحت صوب الباب وحاولت تشوف من ها اللي قاعد في الحوش ها الوقت و على طول عرفت منوه طلعت مريوم وراحت قعدت صوبه
ذياب حس بوحده يايه صوبه وعرف من هاي بدون مايشوفها بس سكت وماقال
نزلت مريوم راسها : ترا انت الغلطان
شافها ذياب : حتى وانتي غلطانه ماتبغين تعترفين ؟
رفعت مريوم راسها وشافته : شدعوه ذياب بعد تعرفني يوم اعصب
ذياب : ونحن لازم نتحمل عصبيتج الغبيه
مريوم ابتسمت : يمكن
طنشها ذياب ورفع راسه يشوف السما
مريوم شافت يدامها : اليوم حلمت في يدي
ذياب : شو حلمتي
مريوم : حلم خرا
ذياب شافها باستغراب : اللي هو ؟
مريوم : حلمت انه يدي ينخطف
ذياب بعده يشوفها وماقال شي
مريوم شافته : بس عقب نشيت من الرقاد وانا حالتي حاله
ذياب : وبس حلمتي انه ينخطف ؟
مريوم : هي
ذياب : وشفتي شكل الي خطفوه ؟
مريوم : ذياب ! وحتى لو شفت اشكالها وانا شدراني منهم
ذياب : يعني شفتي اشكالهم ؟
مريوم : لا ماكان يبين
ذياب : استغفرالله
مريوم : وانت ؟
ذياب : بلاني
مريوم : بعدك تحلم عن يدي ؟
ذياب : اخر مره حلمت عنه قبل يومين
مريوم : ليكون الاحلام قامت توقف من عندك وتي عندي
ذياب : غبيه انتي ولا غبيه ؟
مريوم : خايفه
ذياب : خوافه
مريوم : ذياب !!
ذياب : الموضوع يباله اهتمام
مريوم : سيف ماحصل شي ؟
ذياب : سيف تيفاني اللي هي تيفاني ما اهتم لها تبينه يهتم للموضوع
مريوم : هي و شو صار على تيفاني ؟
ذياب : والله يامريم سيف سالها سوال وها السوال اذا جاوبت عليه يعني هي صادقه على قولت سيف
مريوم : شو هو السوال ؟
ذياب : انها تعرف ابويه الله يرحمه
مريوم : الله يرحمه بس بعد مافهمت ؟
ذياب : نحن كل اللي عندنا يشتغلون من زمان من ايام صغري وكلهم يعرفون ابويه وطبعا سيف سالها وقالها تعرفين شو اسم ابويه ؟ جان تقول بابا سلطان
مريوم انصدمت : يعني تتوقع هي برع الموضوع
ذياب : والله انا بعدني شاك بها
مريوم نزلت راسها وتمت ساكته وذياب رفع راسه وشاف السما
رفعت مريوم راسها وشافت ذياب يشوف السما : شكلك تحب تشوف السما والنجوم
ذياب شافها : هاه
مريوم : والله كلامي ماينعاد مرتين
ذياب : روحي روحي بس انخمدي
مريوم تثاوبت : صدق فيني رقاد متى بترقد انت ؟
ذياب : شدخلج ؟
مريوم : مالت عليك
وقامت مريوم دخلت داخل وراحت تصعد فوق دخلت غرفتها ولما حطت راسها على المخده رقدت على طول
اليوم الثاني الصبح الساعه ١٠
نشت زينب من الرقاد وراحت الحمام خذت لها شور وطلعت راحت غرفة التبديل تبدل خلصت وطلعت وراحت صوب الكرفايه توعي خلوف
زينب : خلوف
خلوف : ممممم
زينب : يلا قوم الساعه ١٠
انقلب خلوف الصوب الثاني وما اهتم لها
زينب ضربته على راسه : اقولك نششش لاههههه
خلوف مسك راسه : ويعه ويعه انتي بنت شوها انا اقول مريوم طالعه على منوه
زينب : قم قم بس دلعتك المره الاولى بس مانشيت
خلوف : عادي دلعيني ثاني مره
زينب : المره اليايه ان شاء الله بببككففف
خلوف : ول لااااا شكلي بروح فيها خلاص نشيت
زينب : هي جي اوكيه
راحت زينب صوب التسريحه وراح خلوف الحمام شوي وطلع خلوف وراح غرفة التبديل
زينب : عيل انا بنزل لما تخلص تعال انزل
خلوف : اوب اوب تراج متزوجه !
زينب : واذا متزوجه ؟
خلوف : ياغبيه لازم ننزل مع بعض
زينب : ليش لازم ؟
خلوف : انا ما ادري متزوج ياهل ولا حرمه عوده
زينب : وانا شدراني نزين يلا خلص يوعانه
خلوف : بس تبا تاكل
زينب : ترا بروح !
خلوف : ابا افهم انتي تبغين تضاربين من الصبح ؟
زينب ابتسمت وراحت حضنته : لاااااا
خلوف ضربها على راسها : ياهل
ابتسمت زينب ووخرت عنه : يلا بسرعه بدل
خلوف : يلا دقايق
نخلي المتزوجين ونروح لغرفة البنات
نشت ريم من الارقاد وماحصلت حد
ريم وهي تثاوب : شدعوه حتى ماقعدوني معاهم ليش انا منبوذه
راحت خذت لها شور وطلعت بدلت خلصت راحت التسريحه وربطت شعرها وحطت شيلتها وطلعت وهي طالعه شافت في ويها هزاع كان حتى هو توا ناش وبينزل تحت
ريم : صباح الخيرر
هزاع : سكتي روحي مالي خلق لج على الصبح
ريم : شدعوه ترا بس اصبح !
هزاع : قلنا مالي خلق لج
ريم : عاد عاد انا الي ميته اصبح عليك هش بس
وطافته بشوي
هزاع : هشج يني قولي امين
ريم : لاتيلس تدعي علي من صباح الله خير !
هزاع : وانتي خليتي فيها صباح خير سديتي نفسيتي ع الصبح
تمو على هاي الحاله يتهاوشون لين وصلو بنص الدري
هزاع : اقول اقول بس سكتي
ريم : انت الي اسكت !
هزاع : لاتيلسين تسكتيني مب اصغر عيالج !!
ريم : الا انت اصغر عيالي يلا يلا هش مناك
هزاع : لاتقولين هش يهشج جني قولي امين !
ريم : لاتيلس تقولي جني وجني جني يدش فيك قول امين !!
ام راشد : يالله صدعونا
اليد وهو صدع منهم : ببببسسس بسسسسس كل يوم سب على الصبح انتو شو من ناس
راحت ريم تقعد ع الغنفه : والله هو اللي بدا اول
هزاع : انا الي بديت ولا انتي الي يايه تصبحين علي !
ريم : واذذااا صبحت عليككك يعني شو بيصيرررر
هزاع : والـ...
اليد قاطعه : خلااصصصص صدعتونا على الصبححححححح
قام هزاع وراح عند طاولة الطعام يتريق
ريم : غصه
ام راشد : ريمو وويعه لاتقولين جيه على وليدي !
مريوم : يهال والله
ريم : ماشاءالله احين صرنا نحن يهال تبيني اذكرج في سوالف امس لما كنا في الغرفه ؟
مريوم على طول قرصت ريم : ويعه انجعمي
نزلو خلوف و زينب : صباح الخيرر
الكل : صباح النور
راحو زينب و خلوف صوب طاولة الطعام وقعدو يتريقون
مريوم : يمه ابا اروح كوفي
ام بدر: ردينا على سالفة الكوفي
مريوم شافت يدها : عشاني يدي
اليد : خلاص خلاص بس عندي فكره
مريوم : شو
اليد : زينب الي تروح معاكم
زينب غصت وهي تاكل : كح كح كح
خلوف مد لها الماي : بسم الله عليج بلاج انتي شربي شربي
هزاع ابستم : شهر غصه
خلوف ضرب هزاع على راسه
زينب : انا اوريك انت بعد
اليد : هاه زينب بلاج جنج من بعد الزواج نسيتيهم خلاص كله متفرغه حق ريلج
زينب استحت : ابويهههه !!! مب قصدي جيه بس صدمتني يوم فجأة قلت زينب
ميثا ابتسمت : زينب اذا اليوم بتطلعين مع خلوف عادي خلاص ماله داعي مابنروح الكوفي نخليها يوم ثاني
زينب حست انها صدق مشتاقه لهم : لالا يلا قومو بنروح احين دام الصبح و الجو واو
البنات تحمسو : يلاااا
قامت زينب : يلا انا بروح اييب شيلتي وبنطلع وطالعت خلوف يلا انا طالعه تامر بشي ؟
خلوف : سلامتج حبيبتي
هزاع : يشينكمممم
خلوف : ابا افهم انت ليش جي واقف في بلعوم الواحد متى تخلص اكلك وتولي ؟
هزاع شرب الكرك وسوا حق خلوف روح ول
قعد خلوف يكمل اكله وراحت زينب فوق تيب شيلتها
روضه همست حق مريوم : بعدج ماتصالحتي معاها ؟
مريوم : اليوم برمسها ونحن طالعات
نزلت زينب وهي لابسه شيلتها : بنروح اي كوفي ومنوه بياخذنا
سيف : الصراحه دام الجو حلو احلا تروحون مشي
زينب : ليش الكوفي جريب ؟
ذياب : زينب روحـ...
اليده قاطعته : ابا افهم انا لين متى بتمون تنادونها زينب ؟
كلهم شافو يدتهم
اليده : الحرمه كبرت وتزوجت وانتو بعدكم تزقرونها زينب
زينب : ههههههههه عادي امايه
مريوم : يعني يدوتي بعد خلاص نحن تعودنا
ريم : اتخيلو اقولها عمو زينب احس يضحك
اليده : ستغفرالله منكم
ذياب : المهم
اليده : ولا جني كنت ارمس !!
ذياب : شدعوه يدوه محشومه المهم زينب شوفي اول ماتطلعون من البيت امشو شوي سيدا بتحصلون محلات صغار وكوفيات ومطاعم جي تكون ع الشارع حلوه
زينب : يعني هني جريب ؟
ذياب : هي هي كاهو خمس دقايق وواصلين
زينب : اوكيه يلا بنات امشو
اليد : انتبهو على اعماركمم
البنات : ان شااااءءء الله
طلعو البنات وقامو يتمشون وهم يتمشون على طول راحت مريوم صوب زينب
مريوم : زينبو
زينب مشت وطنشت مريوم
مريوم : زيننببب عاددد
زينب شافت مريوم وماقالت شي
مريوم : زينبو ترا والله عارفه اني غلطانه
زينب : بسامحج بس بشرط !
مريوم : انتي تامرين مب بس تتشرطين
زينب : مصلحجيه
مريوم : شدعوههه
زينب : ماتعيدينها
مريوم : هبشر انتي تامرين اممرررر
زينب : مكاره
مريوم ابتسمت : امس وين رحتي
زينب : شدخلج
روضه : صح زينب امس ماشفناج وين رحتي
زينب : شدخلكم اويه
مريوم : حركات قامت تطلع بدون ماتقول لنا
ريم : هي لاه حسيتي
اشرت زينب على البنات : انتو وايد مصدقين اعماركم
مريوم : ليش
زينب : انا امايه ماخبرتها تبغوني اخبركم ؟
مريوم : احين لاتخبرينا واشرت يدامها الله شوفو وصلنا
ميثا : شي وايد كافيهات وين نروح
زينب : الله شوفو ها المحل
مريوم : زينبو نحن نبا ناكل مب نروح نشتري
زينب : بس يجنن
مريوم : اول شي كوفي
زينب : اف بس تبا تبلع
روضه : حسيتي ام بطنين
مريوم : نننننن يلا نروح اي كوفي
ريم : شوفو ها الكوفي احس حلو خنروح له
مريوم : يلا اوكيه
ميثا : خيبه على يلا اوكيه اهم شي تاكل
ريم : هي هههههه حتى لو يحطوها سم
مريوم : ويعه سم في بطنج
زينب : امشو امشو خلاص
راحو البنات و دخلو الكوفي وقعدو ع الكراسي
قامت مريوم من كرسيها : انا بروح اصور طلبو لي واحد سبانش لاتيه و كرواسون
زينب : بنات خلها تروح وبنسحب عليها
مريوم وهي رايحه سمعتها : ياويلكممممم
ريم : هههههه اذنها صاروخ جو ارض
زينب: وابويا عليج قولي ماشاءالله
ريم : ماشاءالله ماشاءالله
زينب : عيل يلا نطلب نادت الحرمه وطلبو
نروح عند مريوم الي كانت تصور وهي متوتره لانه في طاوله وراها وكانت كلها شباب وكانو يشوفون مريوم
مريوم في نفسها : وابوكه هاييل ليش جي يطالعون الوضع يخوف خلني ارجع عند البنات
وراحت مكانها وقعدت ع الكرسي
زينب : بلاج
مريوم : هاي الطاوله كله فيها شباب وطاعي كيف كانو يطالعوني
روضه : ذذيااببب وينكككك
مريوم ضربت روضه على جتفها : ويعه انجبي ذياب شكو
ميثا : ماعليج منها تدور سوالف قولي انتي شو صورتي
مريوم : ماصورت عدل كنت متوتره
ميثا : هاتي اشوف
مدت مريوم فونها حق ميثا
ميثا : ها كله وتقول مب حلو
زينب : كلنا نعرف تصويرها حلو بس هي غبيه ماتمدح عمرها
مريوم : ههههههههه مايخص
زينب : المهم ميثوه طرشي الصور لنا
ميثا : يلا يلا فتحو البلوتوث مالكم
مريوم : ايه انتي انتبهي عن اطرشين حق حد ثاني بالغلط
ميثا : ههههه اعرف اعرف اساميكم
مريوم : هي زين عقب يقولون مريوم تتغزل في خلق الله
زينب : هههههههه ماتخيل مريوم تتغزل في الاولاد
مريوم : ووييعععع
ريم : اذا بتتغزل بطرش لهم صور على اير دروب وعقب بتقول اوه بالغلط
كلهم : هههههههههه
ريم : اسرع غزل
مريوم : هههههه بنات جب خسي والله هاي حركات روضه
روضه رفعت راسها عن التلفون : انا شكككوووووو
مريوم : عيل خير لاتستهبلون علي
زينب : هههههه اوكيه اوكيه خلاص سكتو وصل الاكل
حطت الحرمه الاكل على الطاوله وراحت
مريوم : هاي بلاها منفسه
ميثا : حسيتي حتى مابتسمت لنا
ريم : ههه تلقينها ماحصلت معاشها
مريوم تذكرت يوم كانو يحشون على زينب وهي في الكوشه وماتت ضحك : ههههههههههه تذكرون يوم كنا نحش عن زينب لما كانت في الكوشه
البنات ماعدا زينب انفجرو ضحك : هههههههههههههه
ريم : فلوس مال انا رجع
مريوم ماقدرت تتحمل وماتت ضحك : ههههههههههههههه ماقدر ماقدر ههههههههه
زينب : وابويا عليكم سكتو فشلتونا !!!!
مريوم مسحت دموعها : اخخخخخ يضحككك
زينب : ماتستحون يلا كلو وانتو ساكتات
مريوم : بس صبرو اول خلني اصور
زينب : يلا بسرعه صوري يوعانه
مريوم : يلا خلصت
ريم : حتنا
روضه وميثا : ونحن بعد
زينب : عيل احين يلا ناكل بسم الله
كلهم سمو وقامو ياكلون وعقب نص ساعه خلصو الاكل
مريوم : حمدالله شبعت
ريم : واااييي الاكل حلوووو
روضه : هيه يجنن ويشبع بسرعه
زينب اشرت على الحرمه يعني حركه هاتي الفاتوره ودقايق يت الحرمه مع الفاتوره وعطت زينب
مريوم : هاي بلاها معصبه مدام انتي ليش فيه عصب زياده
العامله شافت مريم وهي مستغربه
روضه ضربت مريوم على ايدها : بس جب عيب
مريوم : اخ ايدي شوفيج انتي بعد ترا ماتفهم
روضه : ولو ماتفهم عيب
ريم : صح يعني اتخيلي تطلع تعرف عربي
مريوم : وابوكا فشله اذا صدق تعرف عربي
دفعت زينب ورجعو لها باجي البيزات : يلا يلا قومو نتمشى
مريوم : ليش نتمشى خنرجع البيت
ريم : مب على كيفج نبا نتمشى
مريوم : انزين انزين يلااا
طلعو البنات من الكوفي وقامو يتمشون
مريوم : بنات
زينب : هلا
مريوم : ماتحسون وايد حماس يوم بنروح الجزيره
ريم : هههييي وناسه انطر ها اليوم انا
روضه : ما ادري ليش احس بيصير اكشن هناك
زينب : امبيه اكشن شو بسم الله
ميثا : اتخيلو هناك يكون شي اصوات مسدسات طخ طخ
مريوم : ههههههههه خيالهم واسع
زينب : ويعه ميثوه بسم الله علينا شوها السوالف
ميثا : ننننننن خوافه نحن نبا اكشن انتي شدخلج
روضه : خليها خليها مع حبيب القلب خلوف
زينب : شدخل
مريوم : وااايييي يعنـ...
ريم : بببسسسسسس خلاص شوفو ها المحل حلو تعالو ندخله
مريوم : يلا يلا
دخلو المحل وقامو يتمشون ويتشرون
مريوم : الله ريمي شوفي ها
ريم : هيي يجنن مع بنطلون بني يطلع فنان
مريوم : تعالي تعالي ندور بنطلون يناسب ها القميص
نخلي البنات على صوب ونرجع للبيت وبتحديد في غرفة ذياب الي كان يقرا الرواية بهدوء وفجأة دخل عليه ميود ونسى يسكر باب الغرفه وراح عدال ذياب
مايد : ذياب ذياب ذياب ذياب
ذياب من القهر عطاه بكس على راسه
مايد : اايييي شو سويت لك
ذياب : ابا افهم ماتعرف تدخل بشويش ؟؟
قعد مايد على الكرفايه : والله انت الدفش الي عطيتني بكس كسر راسي
رجع ذياب يقرا الرواية
مايد : يا الهادي انت
ذياب شاف ميود وهو ساكت
مايد رفع ايده : استسلم
ذياب : بلاه ها الغبي
وشاته بريوله طيحا من الكرفايه وميود لانه كان قاعد على حافت الكرفايه طاح على طول
مايد سوا عمره يصيح : ووواااااا ييععورررر
دخلو عليهم خلوف و سيف و هزاع
سيف : بلاكم حشره
مايد : اويه ينسمع ؟
خلوف اشر على الباب : الباب مفتوح
مايد : اوه نسيت الباب مفتوح هه
سيف : وانت ليش جي طايح
مايد : والله ماشي الارض ناقصه حنان قلت احضنها ؟
سيف : تتمصخر انت وويهك ؟
مايد : عيل شدراني عنك يعني ليش طايح ها العنز دزني
سيف : احسن
مايد : حسنوك الف يني قول امين
سيف عطاه بكس على راسه
مايد : ررااسيييييي بلاكم علـ...
مامدا ميود يكمل الا و سيف ركب على ظهره
و هزاع و خلوف راحو يقعدون ع الغنفه
خلوف : الله ذياب حركات عندك غنفه صغيره في غرفتك
هزاع : لو ترمس معاه من احين لين باجر ماراح يرد عليك
خلوف : هي والله دام حاط ها الرواية في ويهه
مايد : الله ياخذك سيف وخرررر ظهريييي
سيف : اقولكم شـ...
مامداه يتكلم الا وميود يتحرك شوي و سيف ماكان منتبه له ومافيه توازن فجاة سيف طاح على الارض قوي لانه كان واقف فوق ظهر ميود وميود تحرك وندق راسه سيف على الارض قوو وميود من الخوف قام على طول وهزاع و خلوف انفجرو ضحك
ذياب : شت
قام سيف وهو يطالع ميود وميود من الخرعه عطاها شرده كان بيطلع من الغرفه بس هزاع سبقه عند الباب وقفله
هزاع : ماشي طلعه تكافخو هني
سيف نقع ايده : تعجبني
مايد : خخييببببهههههه
وقام ميود يتراكض في الغرفه و سيف يلحق وراه ويصعدون فوق الكرفاية وينزلون بس لانه الغرفه صغيره
قدر سيف يمسك ميود مسكه من ايده وكرفسه من ريوله وطيحه على الارض ووقف فوق ظهره
ميود : اااخخخخخ سسيييففف الله ياخذك هدنننيييييي
سيف : قول اسف اول
مايد : والله تخسي اقول
سيف : وانا تخسي اهدك
مايد : انا شدخلني انت الي كنت راكب فوق ظهري
سيف : وانت اللي تحركت
مايد : يعني شو اسوي ابا اقوم
سيف : قامو عليك الف يني
مايد : والله بس تهدني شوف شو بسوي فيك
سيف : وااييي خففتتتت
ذياب مل من حشرتهم وقام وهو حده متنرفز هزاع لما شاف ذياب قام على طول فتح الباب وعطاها شرده لانه كان واقف صوب الباب و سيف قام من فوق ميود وشرد ورا هزاع عقب ميود قدر يقوم اخيرا ويشرد
مايد وهو يركض : الشرردددهههههه
وطلع برع الغرفه وذياب شاف خلوف
خلوف : نعم ؟ يالس ماسويت شي
ذياب : وليش انا بترياك لين تسوي شي ؟ اااطططلللعععع !!!!
خلوف شرد : هبشرررر
سكر ذياب الباب بالقو ورجع انسدح وكمل يقرا روايته
نرجع لعند البنات الي خلصو يتشرون
مريوم : ووااييي تعبتتتت
ريم : هاي زينب مافي شي يعيبها
روضه : حسيتي لفتنا كل المحلات مافي شي يعيبها !!
زينب : شو اسوي ابا ملابس حلوه اكشخ فيها
ريم : انتي لو تقولين لنا وين بتروحون راح نختار لج عدل
روضه : والله تقول ابا ملابس لانه بطلع مع خلوف نزين قولي وين بتطلعون !
زينب : بياخذني اليخت
مريوم : كككيييوتتتتت
ريم : يارب واحد نفس خلوف
زينب : احم حبيبي مافي منه
مريوم : ويععع
روضه : بنحصل وايد منه
ميثا : هيه والله تقول ريلها اخر حبه ترا كلهم نفس الشي
مريوم : فكونا احين امشو ندور لها لبس حلو
ريم : شرايكم نشتري لها لبس يناسب للبحر ؟
مريوم : البحر شككووو ؟؟
ريم : ترا هي بتروح اليخت يعني اليخت وين بيكون فالرمله ؟
مريوم : نزين بتروح اليخت مب يعني نشتري لها ملابس تناسب البحر
روضه شافت زينب : صبر صبر ايه انتي
زينب : هلا ؟
روضه : متى بتروحون ؟
زينب : ههممم جي على العصر
ريم : عيل خلاص نشتري لها لبسين
روضه : وليش ثنين ؟
ريم : واحد حق العصر والثاني حق فليل
روضه : شدخل خلاص واحد
ريم : على كـ...
ميثا قاطعتهم : بببسسسس خلاص جب انتو الهنتين خلوها هي الي تقرر شو بتختار
روضه : اف انزين
ريم : ايه انتي يلا اختاري
زينب : شو اختار ؟
مريوم : يياااررببببييييي عقب كل ها الضرابه طلعت هاي في عالم ثاني
زينب : ماكنت اسمع ضرابتكم عن شو كنتو ترمسون ؟
مريوم : ردوها البيت والله ماتستاهل شي ردوووهااااا
ريم : امشو نرجعها نحن شايلين الهم اكثر عنها
زينب : هههه لالا والله كنت امزح سمعت كلشي خلاص سمعو بشتري لبس واحد وابا يكون لونه احمر
مريوم : حركات حركات عيل بعد تبا احمرررر
ريم : ههههه خلاص عيل شوفي ها المحل مبين انه حلو تعالو ندخله
ميثا : واي خلاص ها اخر محل تعبت انا الصراحه
مريوم : كلنا تعبنا والله
روضه : خلاص امشو ها اخر محل واذا ماحصلنا ختولي
زينب : والله ماتستحون
ريم : نحن الي مانستحي ولا انتي اللي ماخليتي محل الا ولفيتينا ياه
زينب : خلاص ها اخر محل يلا امشو
ودخلو المحل
مريوم : طلعتنا كل مره عباره عن ضرابه وتعبت
زينب : ههههههه حسيتي !
ميثا : الله زينب شوفي ها
زينب : يجنن بس ماتحسون وايد قصير ؟
مريوم : لالا وين قصير بالعكس حلو واصلا ما اتوقع بيكون هناك حد
زينب : الريال اللي يسوق اليخت بيكون هناك
مريوم : الريال شكوو يعني اكيد خلوف ماراح يخليج عند الريال
ميثا : هيه صح اكيد بتكونو بروحكم
زينب : خلاص عيل حلو اشتريه ؟
مريوم : يب يب حللو وايد وبيطلع عليج يهبل جي مخصر وقصير
ريم : عاد زينب ماشاءالله عليها خصر يوم تمشي تذبح خلق الله
زينب استحت : ااوهووو طلعو برع المحل خلاص بدفع وبيي
البنات ماتو ضحك على ويه زينب اللي صار احمر وطلعو برع المحل ينطرونها
رن تلفون مريوم وكان (جنتي 💙) وردت
مريوم : هلا بجنتي هلا بحلوتي
ام بدر : هلاوغلا حبيبتي هاه وينكم
مريوم : والله امايه المفروض نرجع من زمان بس زينبو كانت تختار لها لبس
ام بدر : هههههه عاد زينب يوم تختار لبس الله يعينكم يمكن تخلصون المغرب
مريوم : هههه لالا ابشرج خلاص حصلناااا
ام بدر : يوههه اخيرااا يعني بعد شوي بترجعون ؟
مريوم : يب
ام بدر : يلا حبيبتي تمام انتبهو على عماركم
مريوم : هبشرريي
ام بدر : يلا مع السلامه
مريوم : بباييي
وسكرت الخط
ريم : هاه منوه
روضه : اكيد ذياب
مريوم عصبت : ذذييااببب ششككوووو !!!
روضه : بسم الله
ميثا : ههههه بعد صدق رويض تقهرين صدقها ذياب شكو !
ريم : حسيتي كل ماقلنا شي قالت ذياب
مريوم : حمدالله انكم حاسيين فيني واصلا انا ماعندي رقم ذياب
ريم : صدق ؟
مريوم : اي والله ما اذكر اني خذت رقمه
ريم : نزين سيف ؟
مريوم : بلاه
ريم : عندج رقمه ؟
مريوم : انتي عنز ؟
ريم : لا ليش
مريوم : انا ذياب اللي هو ذياب اللي هو ولد عمي ماعندي رقمه تبغين اخذ رقم سيف !
ريم اشرت على روضه وكلهم شافو ريم بصدمه
مريوم : بلاج
روضه : هاي ليش تأشر علي ؟
ريم : هاي عندها رقم سيف
ميثا و مريم : نننعععمممم ؟؟؟
روضه شهقت من الصدمه : بسم الله جذابههههه !!!!!
مريم : امبيه روضه صدق ؟
روضه : ايه والله لا ماعندي رقمه
ريم : انا اصدقج
روضه ضربتها على راسها : تصدقيني وانتي اللي قاصه عليهم
ريم : اخخخ راسي امزح بلاكم انتو بسرعه تصدقون يعني من وين بتيب رقمه ؟
ميثا : عادي روضه تسويها
مريوم : هههههه تقوله بداني رقم مال انطه
ريم : انطه عيل وينهي هاي سنه لين تدفع
مريوم : شدراني يمكن توهقة وماتعرف تدفع
شوي وتطلع زينب : يلا نروح ؟
مريوم : لا جان نمتي ف المحل ؟؟
زينب : ههههه اسفه اسفه يلا نروح
البنات : يلااا
ريم قامت تغني : يااطيررر خذ قلبيي وشلههه
روضه : عند اللذي قلبه هواني
مريوم بهدوء : ياطير اذا شفته زق عليه
ميثا : هههههههههههههههههه
ريم : ويعه خربت ام الجو الرومانسي
روضه : حسيتي ماتستحي
مريوم : بس بس
ميثا : مسكين خلوف ينادونه خروف
مريوم : هههههههههههههههههههه
زينب شافت ميثا و مريوم
مريوم لما شافتها زينب على طول وقفت ضحك وسكتت
ميثا : والله مب قصدي شي
زينب : هاي يزاتي مطلعتكم تستانسون وخليت ريلي بروحه في البيت ؟
مريوم : هاي ميثا
ميثا : والله مب انا ها ذياب يناديه خروف
زينب : اوريكم منوه يطلعكم مره ثانيه وها ذيابو حسابي معاه عقب
مريوم : ياك الموت ياتارك الصلاه
زينب : انجبيييي
مريوم : هبشررييي
ريم : بس بس ضرابه يلا وصلنا
اول ماوصلو فتحو الحراس لهم الباب
مريم ابتسمت لهم : شكرااا
الحراس بادلو لها الابتسامه ولفو على طول ويهم سيدا
نروح عند سيف و ميود الي كانو يتمشون صوب البحر
مايد : والله الجو هني عندكم فنانن
سيف : هههه احس الجو عادي
مايد : هيه لاه تراك متعود على ها البرد
سيف : ترا حتى الاجواء هناك حلوه
مايد : هيه الغبار حلو
سيف : هههههههه شدخل غبار ترا عقب الغبار ايي مطر
مايد : قص علي
سيف اشر يدامه : شوف هناك
مايد : منوه هاي
سيف : جنها تيفاني ؟
مايد : منوه تيفاني
سيف : هاي شو تسوي صوب البحر ؟
مايد : عادي يالسه تشوف الجو بلاك
سيف : لا هاي يالسه اتحط شي في البحر امش امش نشوفها
مايد : شدخل تحط شي في البحر يمكن يالسه تلعب
سيف : بس جب جب ايه انتتيييي
تيفاني قامت وهي خايفه : هاه بابا
سيف : شو قاعد تسوين
تيفاني : مافي يسوي شي بابا يالس يشوف البهر
سيف : تشوفين البحر ؟ روحي روحي بس كملي شغلج
تيفاني : هادر (حاضر) بابا وراحت عنهم
مايد : بلاك انت جي عصبت عليها
سيف نزل وشاف البحر وكان شي ذهبي داخل البحر : تعال شوف ياعنز
مايد نزل وشاف : شوها ؟؟
سيف : يعني انا اعرف شوها ؟ قلت لك انها كانت تحط شي
مايد : لالا ما اتوقع يمكن وصاخه
سيف : بلا غبااءء من وين بيي الوصاخه يعني !
مايد كان بيمسك اللي حطته تيفاني في البحر بس سيف فجاة صارخ: لااااااااااااااااا
نقز مايد من صراخه : بسم الله بلاك جي تصارخ تقول تيس !
سيف : لاتجيسه يمكن شي
مايد : سير لاه شو شي
سيف : تعرف رقم مريوم ولا ذياب ؟
مايد : اعرف رقم الاثنين ليش ؟
سيف : خلاص اتصل في ذياب بسرعه وقول له اييب صطل
مايد : تمام
واتصل ميود في ذياب
عند ذياب اللي كان يقرا رن تلفونه رفع التلفون وشاف الاسم ( سبالو ) وسكر في ويهه
مايد : اح سكر في ويهي
سيف : وقته ها يسكر في ويهك
مايد : تلقاه بعده معصب لانه ماخليناه يقرا الرواية هههههههه
سيف : ستغفرالله من ها انا لو فوني وياي جان اتصلت
مايد : بجرب مره ثانيه
اتصل فيه مره ثانيه بس بعد ذياب سكر في ويهه
مايد : العنز يالس يسكر في ويهي
سيف : اتصل في مريوم
مايد : نزين احين شدخلهم هاييل ومريوم شكووو ؟؟
سيف : بسرعه انت اتصل في مريوم وعطني ارمسها
مايد : اوكيه اوكيه يلا ويت واتصل فيها
مريم كانت توها داخله الغرفه من بعد مادخلو البيت وسلمو على الكل ويلسو شوي ومريوم راحت فوق الغرفه ترتاح بس شافت تلفونها يرن رفعت الفون وشافت الاسم ( ميود ) وردت عليه
مريوم : هاه ميود
سيف : مريوم
مريوم استغربت : سيف ؟
سيف : هيه سمعي
مريوم : بسم الله بلاك ؟
سيف : روحي نادي العنز ذياب وتعالو صوب البحر
مريوم : ليش شسالفه
سيف : انتو تعالو وبتعرفون السالفه
مريوم : يلايلا اوكيه باي
سيف : صبرررر مريوم
مريوم : هاه
سيف : هاتو صطل معاكم
مريوم : ليش بعد !
سيف : انتو تعالو وهاتو صطل لاتنسون هاه بسرعههه
مريوم : يلااا تمام دقايقق
سكرت الخط طلعت من غرفتهم وراحت غرفة ذياب ودقت الباب
ذياب : منوه
مريوم : انا
ذياب : لاتدخلين
طنشته مريوم ودخلت
شافها ذياب ورفع حاجب واحد : اتوقع قلت لاتدخلين
مريوم : سيف يبغانا صوب البحر
ذياب : سيف ؟
مريوم : هيه
ذياب : ليش شسالفه
مريوم : ما ادري اقوله ليش يقول تعالو وبتعرفون
ذياب هد الرواية وقام : يلا امشي
طلعو مريوم و ذياب من الغرفه وقبل ماينزلون مريوم تذكرت شي : صبر صبر
ذياب : هاه
مريوم : سيف قال هاتو صطل معاكم
ذياب : نزين الصطل تحت مب فوق
مريوم : اول شوف من الدري اذا شي حد قاعد في الصاله
ذياب : ما اتوقع شي حد لانه توهم مخلصين غدا وكل واحد راح غرفته رقود
مريوم : عيل يلا امش
نزلو تحت وماشافو حد قاعد في الصاله غير يدتهم كانت تقلب القنوات راح ذياب المطبخ ومريوم كانت تمشي وراه دخل المخزن وخذه صطل
ذياب : هاه اوكيه
مريوم : وانا شدراني ماقال اذا يبا كبير ولا صغير
ضربها ذياب ب الصطل على راسها : امشي امشي بس
مريوم : اف راسي شو سويت
ذياب طلع وطلعت مريوم وراه صوب البحر
مريوم : وينهم
ذياب : كاهم كاهم
وراحو صوبهم
سيف : ساعه ساعه
مريوم اشرت على ذياب وذياب نزل صبعها
سيف : ادري ها اساس البلا
ذياب : فكنا احين شو تبا
سحبت مريوم الصطل من ايد ذياب : وليش تبا ها الصطل
مايد : تيفاني حطت شي في البحر
مريوم وذياب شافو بعض عقب صدو
ذياب : عيل لازم ها الغبي يعرف عن السالفه دامه شاف كل شي
مايد : بفهم انت بلاك علي وبعد صح تعال خير ماترد على التلفون لما اتصل فيك ؟
ذياب : بتسولف وايد
مريىم : والله انه ها الميود مسكين
ذياب : سمعي مريوم
مريوم : هلا
ذياب : روحي انتي وميود وقولي له السالفه وانا و سيف بنشوف سالفة ها اللي داخل البحر
مريوم : انا بعد ابا اعرف السالفه
ذياب : بقولج عقب روحي انتي احين فهمي ميود كل شي
مريوم : وعد ؟
ذياب : ايهييي وعد وعد
سيف : اقول انتو تغزلو في بعض عقب احين بسرعه خلنا نشوف ها الابيض قبل لاينتشر في البحر
ذياب عطاه بكس على راسه : ارمس عدل لا اعطيك كف اعلمك الرمسه صح
سيف : حليلك انت عاد ماقصرت البكس كفى ووفى
ميود : يلا مريوم امشي
مريوم : يلايلا
ذياب : مريم
مريوم لفت وشافت ذياب : هلا
ذياب : لاتنسين تحلفينه انه مايخبر حد
مريوم : هههههههههه تمامممم
مايد : سخيف مب الهاي الدرجه عاد
مريوم : يلا يلا نروح
راحو مريوم و ميود شوي بعيد عنهم وقامت مريوم تقوله السالفه من الالف للياء
ذياب : هات الصطل اشيله
سيف : امسك
شال ذياب الصطل ونزل وشال كل الذهبي الي على طرف البحر
سيف : لازم انرمس تيفاني
ذياب : انت متاكد انها تيفاني ؟ مابا اظلمها على الفاضي
سيف : هي الوحيده الي شعرها اخضر بلاك ويوم رحت صوبها قلت تيفاني قالت هاه بابا يعني هي نفسها
ذياب : خلاص صبر خلنا نتريا مريوم و ميود
سيف : بس شوها ؟
ذياب : شدراني ما اتوقع انه سحر
سيف : حط صبعك
ذياب : ليش
سيف : بنشوف لو سحر ولا
ذياب : شوفيك ما اتوقع انه سحر هاي وين تقدر على السحر
سيف : عيل حط صبعك
ذياب حط اصبعه السبابه ولمس الذهبي اللي حطته تيفاني وطلع صبعه : هاه ماصار شي
سيف : احين صدقت
نروح عند مريوم الي فهمت ميود كل شي
مايد : الوضع يخوف
مريوم : وايد
مايد : نزين يلا امشي نروح عندهم
مريوم : يلا بس اول قول والله انك ماراح اتـ...
مايد قاطعها : والله ماراح اخبر حد
مريوم ابتسمت : يلا امش احين
مايد : يلا
مريوم : ميود
مايد : هلا
مريوم : تعرف انت تشبه منوه ؟
مايد : منوه ؟
مريوم : غيلبرت
مايد : بسم الله منوه ها
مريوم : واحد يمثل في مسلسل آن
مايد : شو اسمه
مريوم : اتوقع اسمه لوكاس جيد
مايد : والله ما اعرفه
ذياب : سنه سنه
مريوم : والله السالفه طويله تبغاني اخلصها بثواني ؟
سيف : خلاص عيل يلا امشو
ذياب : يلا
مريوم و ميود استغربو : على وين
سيف : بنروح عند تيفاني
مريوم : ليش ؟
سيف : لانه هي الي حطت ها الذهبي خلنا نروح نعرف شو ها
مايد : عيل يلا امشو
مريوم : ايهي احين بتصيح علينا
سيف : وليش اتصيح
مريوم : ما ادري كلهم جي يوم تحطون عليهم يصيحون
مايد : انزين نحن ماحطينا عليها ؟
مريوم : عيل
مايد : بلا غباء نقولها شفناها وهي تحطه
مريوم : ما ادري ما ادري خلنا نشوفها وعقب نعرف كل شي
مشو كلهم و وصلو عند ملحق الخدم ودقو الباب وفتحت لهم ميري
ميري : نعم بابا
ذياب : ميري وين تيفاني
ميري : بابا انته في وايد يريد تيفاني تيفاني في سوي مشكل ؟
ذياب عقد حاجبه : وانتي شويخصج ؟؟ روحي نادي تيفاني بسرعههه !!
مايد : اوب اوب اعصابك مانبا نصارخ عليهم
شوي وطلعت تيفاني
تيفاني : نعم بابا
ذياب : شوها
تيفاني شافت الي داخل الصطل : مافي معلوم بابا شوها ؟
مايد : وتنكرين بعععددد !!
سيف :اقول تيفاني قولي الصج شوها
تيفاني : انا مافي معلوم
سيف : شو اللي مافي معلوم ونحن شايفينج تحطينه
تيفاني : بابا انت بس يريد يحط علي انت فيه كذاب
سيف : ننعمممم !!
ذياب : خلاص اوكيه انتي تقولين انه سيف جذاب
تيفاني : هيه بابا كذاب
ذياب : حتى ميود شافج يعني لو بس سيف كنا صدقناج بس ثنين شافوج !
تيفاني قامت تصارخ وتبجي : بابا انت في مجنوننننن انا يقول مافي يسوي شيييي
ذياب عصب كان بيجدم يعلمها الادب بس مريوم على طول مسكت ايده وسحبته : ذياب ذياب لا !
لف ذياب وشاف مريوم وحس انه شوي هد ورجع مكانه ورجع يشوف تيفاني
مريوم : خلاص سكتو وانتي تيفاني خلاص دخلي داخل
سيف : خير ليش تدخل ؟ خلنا نشوف سالفتها هاي وراها سالفه
مريوم : خلاص ماتشوفها خلاص خلها بحالها تيفاني روحي داخل
راحت تيفاني داخل وهي تمثل الصياح
سيف : تمزحين ؟؟؟
مريوم : سيف شوفيك ؟ تشوفها كيف اتصيح
سيف : واذا تصيح!!! خلاص نخليها ؟؟؟
مريوم : اوهو يمكن هي ماحطت شي انت تتخيل
سيف صارخ على مريوم : لاااااااا عااااااااددددد تراججججج مصخيهااااااااا !!!!!!
ذياب : سسيييفففف !!
سيف : عيل ماتسمعها شو تقول كيف راح نتخيل انا و ميود !!
ذياب : اسمعها خلاص اصبر لين تيفاني تهدا صياح عقب بنرمسها
سيف : خلاص رمسوها روحكم انا لو شفتها مره ثانيه عادي ادفنها
وراح عنهم صوب المزرعه
مريوم : استغفرالله ها ولد خالك ما ادري خالتك وايد عصبي
مايد : بعد مريوم انتي غبيه
ذياب : مو انتي اللي ماتدانين تيفاني ؟ احين ماشاءالله قمتي تدافعين عنها
مريوم : مب سالفة اني ادافع عنها بس ماشفت كيف صارت حالتها ؟ حرام كسرت خاطري
ذياب : خلاص خلها تهدا وبنرمسها مره ثانيه
مايد قام يمدد جسمه : ااخخخخ انا بدخل داخل تعبت
ذياب : خلاص امشو ندخل تلقونهم احين كلهم قامو وقاعدين في الصاله
مريوم : و سيف ؟
ذياب : خليه عادي يعصب شوي وعقب يهدا
مريوم استوعبت انها بعدها ماسكه ايد ذياب وهدته على طول ومشت عنهم بسرعه
راحو هم الثلاثه ودخلو داخل وشافو الكل قاعد في الصاله راحت مريوم صاروخ قعدت حذال روضه
روضه : بسم الله بلاج
مريوم : روحي برع
روضه : ليش ؟
مريوم : روحي عند سيف
روضه : مافهمت انا شدخلني في سيف ؟
مريوم : ما ادري معصب
روضه : واذا معصب شو اسوي له انا ؟
مريم : يلا عاد روضه روحي راضيه
روضه : استغفرالله وانا شو يخصني فيه
مريوم : اوهو لاتسوين روحج مب مهتمه له يلا روحي
روضه : نزين شوفيه ؟
مريوم : انا عصبته 🌚
روضه : نعم ؟ خير ان شاء لله ليش تعصبيه ؟؟
مريوم : يوه سالفه طويله انتي احين روحي عنده وخلاص
روضه : انزين انزين وين راح ؟
مريوم : اتوقع راح صوب المزرعه
قامت روضه : يلا عيل بروح له
قامت مريوم معاها : وانا بروح فوق اصلي العصر
روضه : يلا تمام تقبل الله
وطلعت روضه برع الحوش وراحت صوب المزرعه
ريم : هاي وين راحت ؟
ميثا : مادري سمعتهم يتهامسون
ريم : انا بروح فوق اشوف مريوم
ميثا : خلاص روحي شوفيها وعقب تعالي قولي شو السالفه
ريم : ابشر
قامت ريم وصعدت فوق عند مريوم ودخلت الغرفه فجأة بدون مادق الباب وكانت مريوم قاعده ترمس ع التلفون
مريوم : مزنه صبر شوي
مزنه : تمام حبيبتي
وسوت ميوت : ايه انتي !!!! ماتعرفين تدخلين عدل ؟؟؟
ريم : هاه ترمسين منوه جي خفتي هاه علينا
مريوم : خرا عليج يالسه ارمس مزنه يعني برمس منوه مثلا !
ريم : هاه منوه مزنه
مريوم : اللي تعرفت عليها في المول
ريم : يوم ضعتي ؟
مريوم : هيه
راحت ريم وقعدت على الكرسي : يلا كملي سوالف معاها وانا بنطرج لين تخلصين
شالت مريوم الميوت : هلاهلا مزنه
مزنه : هاه شكله مشغوله خلاص شرايج ارمسج عقب ؟
مريوم : هيه احسن والله قعدت عندي وحده نشبه
مزنه : ههههه من دخلت الباب واضح انها نشبه
مروم : ههههههه هيه لاه دفشهههه
مزنه : يلا عيل حبيبتي ماراح اطول عليجج
مريوم : بينا الفليل بسهر وبرمسج والله انه سوالفج حلوه ماتنمل منهااا
مزنه : فديتج خلاص تم
مريوم : يلاا مع السلامه
مزنه : مع السلامه ياعيوني
سكرت مريوم الخط وشافتك ريم
ريم : هاه
مريوم : ابا افهم يعني تشوفيني ارمس عالفون ليش ماتطلعين وتسكرين الباب !
ريم : ابا اعرف شو بينج وبين اختي
مريوم : اسرار
ريم : اوهوووو تراني ماييت عندج على الفاضي !
مريوم : اف انزين سمعي
ريم تربعت : هاه اسمع
مريوم : الله يسلمج انا عصبت سيف وقلت حق رويض تروح تشوفه
ريم انفجرت ضحك : ههههههههههههههههههههههههههههه
مريوم : قايله نكته انا ؟
ريم : ههههههه اخخ نزين رويض شكو فيه ؟!
مريوم : والله تبغين الصراحه ابا اقربهم
ريم : ليش
مريوم : مدري حلوين مع بعض
ريم : والله انتي وذياب اللي حلوين
مريم طنقرت : انا وذياب ششكككوووووو
ريم : ههههههه امزح بس ابا ارفع ضغطج
مريوم : سخيفه
ريم : والحين رويض راحت تراضيه ؟
مريوم : هههههه هيه والله انها مقصه على طول راحت
ريم : والله انج نصابه
مريوم : هيه اعرف يلا امشي ننزل الصاله
ريم : يلا مشينا
نخلي البنتين ينزلون تحت ونروح عند روضه اللي توها وصلت المزرعه
روضه : وااهههه مزرعتهم بعيده وايد احين انا وين بحصل ها
وتذكرت روضه لما كانو عند الحصان ايصححححح اكيد بحصله عند الحصانننن راحت صوب الحصان وماخاب ضنها صدق شافت سيف كان واقف ويلعب في شعر الحصان راحت صوبه حاطه ايدها ورا ظهرها وهي مبتسمه وقالت صوت خفيف
روضه : سيف
سيف شافها : نعم
روضه : بسم الله شوفيك
سيف : نعم شو تبغين
روضه بصوت حزين : سييفففف
سيف ماقدر يكمل عصبيته وحن قلبه عليها : ها سيف شو روضه
روضه : شوفيك !
سيف : ماشي شو تسوين هني انتي ؟
روضه : ماشي شفت ذياب والباقين دخلو من دونك جان ايي أشوفك
سيف رفع حاجبه : وليش يتي تشوفيني
روضه : حسيت فيك شي وييت اشوفك
سيف ابتسم لها وكمل يمسح ب الحصان
روضه : ليش وايد تحب ها الحصان ؟
سيف : ربيته من هو صغير
روضه : سيف شدعوه
سيف : بلاج
روضه : يعني من صغره عندك وبعدك مب معطيه اسم !
سيف : والله مادري شو اسميه
روضه : شرايك انسميه ؟
سيف : هي سوي نفس قبل طلعي لنا اسامي خرا
روضه : هههههههه خلاص خلاص صدق احين بفكر ب اسامي حلوه
سيف : يلا فكري
روضه : همممم شرايك في فروس ؟
سيف : فروس ؟
روضه : هيه يعني بدال فرس نقول فروس
سيف : خلاص فروس اوكيه حلو
روضه : احم
سيف : خلاص مب حلو
روضه : سسييفف خلني اصدق عمري شوي
سيف : ههههههههههههه اوكيه اوكيه
ابتسمت روضه على ضحكت سيف
سيف لف وشاف روضه مبتسمه في ويهه رد لها الابتسامه
استوعبت روضه انها تشوفه وتبتسم جان تصد ويها الصوب الثاني
سيف : شرايج تاخذين جوله مع فروس ؟
روضه شافت سيف : كيف يعني ؟
سيف : تركبين فوقه واخذج في جوله
روضه : لا مابا اخاف
سيف : عيل خلاص بركب وياج
استحت روضه : لاااااا خسيييي
سيف : ههههههه طع ويهج امزح بلاج انتي
روضه : سخيف
سيف : بركبج شوي شوي وبمسك فروس وبمشيه
روضه : يلا اوكيه بس هاه شوي شوي
سيف : يلا اوكيه
طلع سيف فروس من بيته وراح صوب روضه : يلا ركبي
روضه : شدعوه ماعرف !
سيف : اوه يلا تعالي اشلج
روضه : سسسييييففففففف !!!!
سيف نقع ضحك على ويها : هههههههههههه امزح امزح هاي بلاها بسرعه تصدق
روضه : مايضحك ترا عيب شوها الحركات !
سيف : خلاص خلاص شوي وتموتين
روضه : جب جب
سيف : نزين يلا بحط ايدي وانتي ركبي فوق ايدي عسب تركبي فوق فروس
روضه : يلا تم تم
حط سيف ايده عشان روضه تركب وحطت روضه ريولها فوق ايد سيف وصعدت فوق فروس و سيف قام يمشي الحصان كان ماسك حبل الحصان و ايده الثاني حاطها ورا ظهر روضه
سيف : اخذج صوب البحر ؟
روضه : لا اخاف اذا شاف البحر يركض
سيف : ستغفرالله خوافه تراني ماسكه
روضه : شو اسوي من زمان مب راكبه حصان
سيف : ورعد ؟
روضه : رعد ما اركبه وايد بس مريوم ماشاءالله عليها تعرف عن الاحصنه
ابتسم سيف بخبث : اها عيل شرايج اركب وياج ؟
روضه : خلاص وخر وخر عني وصخ وخرررررررر
سيف : اوكيه كيفج
هدها وكان بيروح بعيد عنها بس روضه من الخوف مسكت ايده
روضه : لااااا وين رايح امزح والله
سيف : ههههههههه والله انج فلسفه تعالي باخذج صوب البحر
روضه : بس بشرط
سيف : هاه
روضه : تمسك الحصان عدل ماتودرا
سيف : اكيد بمسكه
روضه : عيل يلا خذني هناك
سيف : يلا
خذها صوب البحر وقامو يمشون صوب البحر
روضه : الله الجو حلو
سيف : هيه بتخبرج
روضه : هلا
سيف : عمي متى قال بنروح الجزيره
روضه : اتوقع باجر مدري ورا باجر
سيف : اهاا
نخلي هالاثنين ونروح الصاله عند الكل
مريوم : شريت لكم كيكه ححللوههه
ابو بدر : يلا عيل شو تترين قومي هاتيها
مريوم : ابشرررر
قامت وراحت المطبخ طلعت الكيكه من الثلاجه ويابتها الصاله وقصت لهم وقامت توزع وصلت لعند ذياب عشان تعطيه الكيكه مدت له الصحن وبالغلط اصابعهم جاست بعض وعلى طول مريوم شالت ايدها كان بيطيح الصحن بس ذياب مسكه على طول
قالت مريوم صوت خفيف : وصخ وكملت توزع للباقين
ذياب شافها وهو مصدوم وقال فقلبه هاي بلاها صدقت عمرها
وزعت مريوم للكل ورجعت قعدت مكانها شوي ودخلو روضه و سيف
مريوم : يوه توي وزعت للكل حطولكم بروحكم
روضه : قصيتو الكيكه ؟
مريوم : معليش هيه
روضه : مريوممممم عن المصخره ليش مانطرتي كنت ابا اصور !
مريوم : خلاص راحت عليج
اليد : بس فالحين تصورون في سناب جب
مايد : هاه جب منوه
مريوم : ههههههههههههههههه
اليد : صدق انكم ماتستحون تضحكون علي !
ريم : ههههههههه يدي اسمه سناب جات مب جب
اليد : يعني انتي تعرفين احسن عني ها
ريم : لا شدعوه انت الصح وانا الغلط
اليد : شو اسمه ؟
ريم : سناب جب
اليد : صح
مريوم : ههههه والله ياريم انج مصخره
ريم : اح
اليد : عشانها سمعت كلامي صارت مصخره ؟
مريوم خافت : لا وين اصلا صح اسمه سناب جب
ام بدر : هههههههههه يابويه والله انك مخوف الكل
اليد : اخليها تصطلب
روضه شافت سيف : احط لك من الكيكه
سيف : لا شكرا مابا
روضه بوزت : يلا عشاني بس حبه صغيره
سيف : خلاص اوكيه بس صغيره هاه
روضه ابتسمت : هههه تمام
ابو بدر : ياجماعه ترا باجر بنروح الجزيره جهزو من احين ها
مريوم : اونههه صدققق ؟؟
ابو بدر : هيه
ميثا : الله ححممااسسسس
اليد : عبدالله
ابو بدر : هلا ابويه
اليد : متى بتطلعون باجر ؟
ابو بدر : العصر السفينه بتحرك
اليد : الساعه كم ؟
ابو بدر : يعني تقريبا الساعه ٥ السفينه بتحرك يعني الساعه ٣ ونص بنحرك من هني
ام بدر : يعني نصلي العصر ونطلع
ابو بدر : بالضبط
ابو راشد : عبدالله كيف النظام في السفينه ؟
ابو بدر : الله يسلمكم حجزت خمس غرف غرفه حق البنات والغرفه الثاني حق الحريم و الغرفه الثالثه للاولاد وغرفه لنا نحن الكبار واخر غرفه حق خلوف وزينبو
مريوم : هيه جي اوكيه حلو
مايد : اوكيه السفينه عوده ولا صغيره
ابو بدر : بتروحون هناك شوفو بروحكم مابقول شي
مريوم : ليش يبههه قول نبا نتحمس
ابو بدر : مافي يوم بنوصل شوفوها روحكم
مريوم : يالله حركات ابويه لما يخلينا نتحمس مادانيها
اليد : مريوم ماراح اتي باجر
مريوم : لالا خلاص ابويه احب حركاتك
ابو بدر : غصباً عليج
مريوم : خقاق ابويه بعد
اليد : بدر ميود
مايد و بدر : هلا
اليد : العبو هاي اللعبه اللي تتضاربون مع بعض
بدر استغرب : هاه اي لعبه ؟
مايد : هههههه ليكون قصدك ببجي ؟
اليد : هيهيه تقريبا ها اسمها
بدر بعده مصدوم : غريبه يدي يبغانا نلعب ببجي
اليد : لا مب انتو اللي تلعبون
بدر : عيل
اليد : انا وانت
مايد : هاه وانا ؟
اليد : انت مابتلعب بتعطيني فونك وانا بلعب مع بدر
مايد : يدي انت مصخره ماتعرف تلعب بخسر
اليد مسك المخده وفرها على ميود ويت في ويهه
مريم : وابوكا الله لايحطني في ايد يدي
مايد : اييي خشميييي يدي عليك تصويب مب طبيعي
اليد : ويعه قول ماشاءالله استح على ويهك
مايد : يدوتي ريلج كان يلعب في المسدس يوم كان صغير ؟
اليده : انا شدراني كاهو يدامك اساله
مايد : هاه جذاب مابيقول الصدق
اليد مسك مخده ثانيه : انا جذاب يالماتستحي وفر عليه المخده بس هاي المره ميود رجع ورا ويت المخده على ويه هزاع الي كان يشرب كرك وكان شوي وينصب عليه بس هزاع وخر الكرك بعيد عنه
سيف : شت
هزاع : يييددددديييييييييي
اليد : والله بالغلط النيه على ميود
اليده : والله انك ياهل اقعد مكانك لاتفر مخدات !
مايد : هههههههههه ووااككك هاوشوه
اليده : اسكت انت بعد !!
مايد : ابشري
هزاع : يدي احين عقابك تمسح الكرك اللي صبيته على الارض
اليد : تخسي
هزاع : منوه اللي صب الكرك ؟
اليد : انت اللي ماتعرف تمسك
هزاع : لا والله !!
اليد : هيه والله
اليده : يلا قوم هزاع امسح الكرك
هزاع : ليش انا !!
ام راشد : عيل ماتستحي تخلي يدك يقوم يمسح !
هزاع : امايه هو الخفاق اللي يسوي عمره يعرف يصوب اخر شي ياب العيد
اليد : صدقني ها كله من عيون مريوم
مريوم : انا ششكووو !؟
اليد : اعرف كنتي حاطه عيونج علي عشان جي يت على هزاع
هزاع : خلاص عيل خلو مريوم تمسح الكرك اللي انصب
اليد : صح صح يلا قومي مريوم
مريوم سوت عمرها تصيح : ليششش ليششش كلشي لازم ايي على راسي
ريم : ههههههههههه مريوم حتى وانتي برع السالفه لازم تدخلين فيها
مريوم اشرت على ريم : يدي ريم ضحكت علي لازم هي اللي تمسح
اليد : صح كلامج ماتستحي ريمو يلااا قومي نظفي
ريم : انا ششكووو ترا بس ضحكتتت !
اليد : عشان هاي قلة ادب يلااا قلت قومي
ريم : اف انزين
قامت ريم وراحت تمسح الكرك لما خلصت وقفت وداست ريل هزاع
هزاع لما ريم داست ريله تعور ومد ريله يدام ريم و ريم تكرفست وطاحت
اليد : هزاععععع !
ريم : اايييي خخيبببههه مبببب ريل عليككك كيف وصلت لي !
هزاع : عيل تستاهلين ليش ادوسين ريلي !
ريم قامت : لاتجذب مادست ريلك ليش تجذب !
هزاع : احين انا جذاب يا الياهل انتي !
ريم : ياهل بعينك ايوا انت جذاب انا ماسويت لك شي بس يت انظف
مريوم همست حق روضه : شوفي ويه يدي
روضه : هيه صدقيني احين بيسوي فيهم شي عقب هاي الضرابه
مريوم : المشكله صوتهم عالي ياويلهم
اليد كان ماسك اعصابه وساكت يتريا يسكتون هزاع و ريم
هزاع : اي انت ام راس المربع تقول راس مستر بن سكتي بس
ريم : منوه راسه مربع ! عيل انت ماشفت راسك تقول راس خنزير
هزاع : هههييي احترميييي نفسجججججججج
اليد ماقدر يتحمل اكثر عن جيه وفجاة صرخ عليهم : وقققفففووووو انت الثننييينننن !!
ريم فزت وسكتت
اليد : ايه انت ويه السبال وقف
هزاع : انا ؟
اليد : هي انت !
وقف هزاع : ليش شو سويت !
اليد : روحو انتو الاثنين عند الطوف وقلو ويهكم جابلو الطوف ورفعو ايدكم و ريولكم
هزاع : نعممم !
ريم : نحن في المدرسه شو
اليد : انا شو قلت ؟
هزاع : يدي مايستوي انا مب ياهل واشر على ريم وقف هاي الياهل
ريم : محد الياهل غيرك !
هزاع : هي واضح من حركاتج منوه الياهل
ريم : حركـ...
اليد قاطعها : اانناااا شششووو قققلللتتتتت !!
ريم : نوقف ونرفع ريلنا وايدينا
اليد : بسرعه يلا
راحو هزاع وريم ووقفو
ريم دزت هزاع : كله منك
هزاع دزها : كله منج انتي
ريم : انـ...
اليد : سسكككتتوووو !
ريم وهزاع : حاضر
مريوم : ههههههه حليلكم
اليد : يضحك يعني ؟ قومي وقفي معاهم
مريوم : لا خلاص هاي روضه اللي ضحكت مب انا
روضه : جذابه !
اليد : سولفو وانتو ساكتين يلا
مريوم : كيف بعد نسولف ونحن ساكتين ؟
اليد : انا شو قلت ؟
مريوم : نسولف ونحن ساكتين
اليد : شاطره
كل واحد كان يسولف مع الثاني لين صار الليل الساعه 10 خلصو كلهم من العشا وكل واحد راح غرفته وبس تمو البنات في الصاله ...
......................................................
.
.
***
**
*