البارت 6
عند مريوم الي مب عارفه وين تروح وحست انها ضاعت من بين الناس والزحمة
مريوم في نفسها وهي خايفه : انا وين رحت استغفرالله وين راح هاك المحل تمت مريوم تتمشى وهي خايفه مب عارفه وين تروح فجاه شافت ياهل صغير واقف صوبها وماسك ريول مريوم استغربت مريوم وشافت الياهل ونزلت لي مستواى
مريوم بدون شعور رمست عربي : حبيبي شوفيك
الياهل : تعالي ثوفي اختي
انصدمت مريوم واستغربت لما شافت الياهل يتكلم عربي : هاه
الياهل : هاه
مريوم استانست : وين اختك ابا أشوفها
فجاه سمعت صوت بنت من وراها : زيود
زايد هد مريوم وراح عند اخته : مثنه (مزنه) ثوفي هاي البنت تتكلم عربي
مزنه شافت مريوم وابتسمت : صدق
مريوم ابتسمت : هيه
مزنه مدت ايدها وسلمو على بعض : تشرفت
مريوم : الشرف لي
مزنه ضحكت : صدفه اشوف وحده ترمس عربي
مريوم : ههههه هيه حتى انا استغربت لما اخوج يا عندي وقالي تعالي شوفي اختي
مزنه : اسمحيلي والله اخويه دفش ستغفرالله لازم اشوفه واذا شلت عيوني عنه عادي يروح عند اي واحد بس حمدالله ياج وماراح للغريب
مريوم : هههههههههه ما اتخيل يروح عند وحده فرنسيه ويقول شوفي اختي
مزنه : هههههههههههههههه ضحكت هي
مريوم ابتسمت
مزنه : عيل شو اسمج
مريوم : مريوم وانتي ؟
مزنه : مزنه من الامارات
مريوم : يااييي مثلي
مزنه : هههههه صدق
مريوم : هيهه
مزنه : تشرفت حبيبتي ، عيل انا بروح امي تترياني
مريوم : الشرف لي
مزنه : مع السلامه
مريوم : مع السلامه كانت مزنه بتروح بس مريم تذكرت ويت
مزنه لفت وشافت مريوم : هلا ؟
مريوم مفتشله : اءءء عادي تعطيني فونج ابا اتصل في اهلي
مزنه : انتي ضايعه ؟
مريوم : ستغفرالله هيه
مزنه : اح تستهبلين في حد يضيع هني ؟
مريوم : كنت معصبه عليهم جان اروح عنهم
مزنه : اوكيه مريوم سمعي
مريوم شافتها : هاه
مزنه : بعطيج نصيحه من اخت للاخت انصحج ماتضيعين هني مريوم نحن مب في الامارات عشان تضيعين نحن في بلاد الغرباء وتخوف
مريوم : ادري والله بس انا لما اعصب ماعرف شو اسوي
مزنه : حتى لو ، غبيه هاج اتصلي فيهم
مريوم : ههه اوكيه واتصلت مريوم على تليفونها
نرجع عند الباقين
سيف : استغفرالله وين راحت هاي
روضه : ماشاءالله عاد المول وايد كبير وين بنحصلها
ميثا : غبيه وال... ماكملت رمستها لانه سمعت صوت تلفون يرن فتحت شنطتها وشافت تلفون مريوم شافت المتصل رقم غريب ذياب ذياب
ذياب : هاتي بسرعه رد ذياب على التلفون هلا
مريوم ابتسمت لما سمعت صوته : ذياب
ذياب : ياتيسه انتي وينج
مريوم : ايه لاتسب انت التيس
ذياب : يعني ضايعه وبعد متفيجه تضاربين اخلصي وينججججج؟؟؟؟
مريوم شافت مزنه : ايه انتي نحن وين
مزنه : ياغبيه شوفي اسم ها المحل وقولي لهم انج صوبه
مريوم : هي صح نسيت ههه اقولك انا صوب محل.....
ذياب : احين بني لاتتحركين
مريوم : ياهل انا اتحرك !
ذياب : والله لو ماكنتي ياهل جان ماضعتي من البدايه
مريوم : هي انا رحت عنكم لانه مابا اتمشى مع اشكالك
ذياب : والله لو مب اشكالي جان ماطلعتي المول
مريوم : اسكت اسكت
ميثا سحبت الفون من ذياب : انتو لو بتمون جي ماراح نروح عندها الا باجر الو مريوم احين بني عندج باي
مريوم : بسرعه باي ومدت الفون حق مزنه هع شكرا
مزنه : شدعوه
مريوم ابتسمت لها
مزنه : عيل بتريا لين ايون لج
مريوم : وامج
مزنه : احين بتصل فيها وبقولها شوي بتاخر عادي
مريوم : لا عادي والله اذا مستعيلين روحي هم شوي ويون
مزنه : جب بتم وياج عادي اص بكلم امي
مريوم : اح وصخه وتقول لي اص
مريوم حست في حد يسحب ريولها وشافت تحت جان تشوف زايد
مريم : زيود تراك فصختني وانت تسحب بنطلوني شوي ويطيح بنطلوني منك
مزنه كانت تكلم امها سكتت فجاة وشافت مريوم وهي مصدومه ومريوم شافت مزنه وكان مبيين انها مصدومه من كلامها : مزنه واللهي امزح
مزنه ردت تكلم امها
مريوم ضحكت ونزلت لي مستوى زايد : هاه عيوني شو تبا
زايد : ثو اسمج
مريوم : مريوم
زايد : الله مرمر
مريوم : هاه
زايد : انتي مرمر
مريوم ابتسمت وحضنت زايد : عيون مرمر انت ها
زايد : ههههههههه تبين كاكاو ؟
مريوم : الله شو عندك كاكاو
زايد : ماعندي
مريوم : طع عيل ليش تسال !
زايد : غبيه
مريوم : اح يابزر
زايد : ثو يعني
مزنه : يعني مريوم جب
مريوم شافت مزنه : بصفعج
زايد : مثنه انتي جذابه
مريوم : اح
مزنه : ويعه زيود عيب
مريوم : احسن تستاهلين كفو عليك
زايد حضن مريوم وشاف مزنه وطلع لسانه
مزنه : اح زيود
مريوم : انطمي
مزنه : ماتستحين انتي بعد
مريوم شالت زايد وقامت : عيل مزون بسالج
مزنه : هلا
مريوم : كم عمرج
مزنه : صح نسيت اقولج 18
مريوم : زين حلو العمر كله
مزنه : وياج ، وانتي ؟
مريوم : نفسج
مزنه : اونه
مريوم : والله
مزنه : هههههه العمر كله
مريوم : وياج
سمعت مريوم صوت ميثا لفت صوبهم وشافتهم نزلت زايد وراحت عندهم وحضنت ميثا
ميثا : الله يغربل بليسج جي تسوين فينا
وخرت مريوم عن ميثا : صبر شوي بروح عند مزنه وراحت عند مزنه يقلبي شكرا
مزنه : حياتي شدعوه بنت ابلادي لازم اساعدج
مريوم نزلت وحضنت زيود : ياحبيبي انت يلا باي
زايد وهو زعلان : ابا اثوفج(اشوفج) مره ثانيه
مريوم وخرت وباسته : من عيوني
زايد : باي
مريوم قامت وشافت مزنه : يلا باي بينا الفون هاه
مزنه : هههه اكيد بس بتخبرج ها رقم منوه؟
مريوم : ماعليج رقمي
مزنه : خلاص عيل بينا تلفونات
مريوم : اكيد ، يلا باي
مزنه ابتسمت : بايات
راحت مريوم عند ذياب والباقين ونزلت راسها
ذياب : يعني عارفه انج غلطانه
مريوم : لا
روضه : هيه ياغبيه انتي
مريوم شافت روضه : هاه
روضه : منوه هاي الي وياج
مريوم : ههههه سالفة
سيف : خلاص عيل شرايكم نروح اي كوفي وتقولين لنا السالفه
مريوم : حماس يلا
راحو وقعدو في الكوفي وكل واحد طلب له وقالت لهم مريوم السالفه
ميثا : ييوههه يعني طلعت مواطنه
مريوم : هيه واللهي كانت كيوت وطيوبه ولا بعد بعمرنا
ريم : والنتفه اللي معاها ولدها ؟
ذياب : تستهبلين تقولج بعمرنا كيف راح يكون ولدها
مريوم : غبيه شونسوي فيها بعد
سيف : وان شاءالله انتي تعلمتي شي ؟
مريوم : هيه اني دوم اضيع عنكم عشان تخافون علي
سيف : مينونه انتي
روضه : هاي البنت غبيه والله
مريم : امزح هيه تعلمت اني ما اضيع عشان ما ازق العافية
سيف : هيه زين
روضه : هيه صح تراني ماشريت ولا شي من المكتبه كله بسبتج
ميثا : ولا انا شريت شي من المحل
مريوم : وه وه كنتو خايفات علي
كلهم مره وحده : لا
مريوم : ويعه
ذياب : خلصتو
كلهم ماعدا مريوم : هيه
مريوم : لا بعدني ماخلصت الكوفي
ذياب : ولا راح تخلصينه امشي وشربيه
مريوم : هيه اوكيه
قامو وراحو يتمشون
روضه : اول شي بنروح المكتبه
ميثا : اوهو اوكيه
راحو المكتبه روضه راحت صوب قسم الروايات وراح سيف معاها وراحت ميثا صوب قسم الالعاب وراحت ريم مع ميثا راح ذياب صوب قسم الروايات الفرنسيه ومريوم راحت معاه
ذياب كان يشوف الروايات وشاف رواية وحس انها حلوه وخذها
مريوم قربت صوب ذياب : شوهاي الرواية
ذياب : ماعرف والله بس احسها حلوه
مسكت مريوم الكتاب الي في ايد ذياب وقلبته : اقرالي ها
ذياب : الله يسلمج مكتوب
مريوم : ويت انت تعرف فرنسي ؟
ذياب شافها وسكت
مريوم : اوه ههههه نسيت كمل
ذياب ضربها على راسها في الكتاب
مريوم : ويعه ذياب يعور ترا
ذياب : صدق خلني اجرب مره ثانية وضربها مره ثانيه
مريوم : اي ياحيوان هات هات الكتاب تبا تجرب !
ذياب رفع الكتاب فوق : يلا خذيه
مريم حاولت تاخذه و وقفت على اصابع ريولها عشان توصل له : ويعه تراك اوفر طويل
ذياب : انا طويل ولا انتي الي من اقزام السبعه
مريم خلاص فقدت الامل لما عرفت انها ماراح توصل له جان تاخذ كتاب ثاني وتضربه
ذياب : هيه ويعه ي الياهل ردي الكتاب
مريوم : تبا اضربك مره ثانيه
ذياب مسك ايد مريوم وشال الكتاب عنها
مريوم : هد ايدي يا وصخ
ذياب شد على ايد مريوم وقربها صوبه : منوه الوصخ
مريوم لما شافت انها اوفر قريبه منه استحت ودفته : قطع الله ويهك وراحت ركض تدور على البنات
ذياب : لعبتي مع الشخص الغلط
راحت مريوم بس ماتعرف وين تروح جان فجاه تحصل سيف و روضه
مريم : رويضضض سيففووو
روضه : مريوم بلاج تركضين
سيف : لاتقولون بعد مريوم ضاعت
مريوم : يحمار كاني
سيف : اوه عيل ليش تركضين
مريوم : ادور عليكم
روضه : تدورين علينا وتركضين ليش
مريوم : هيه عادي المهم خلصتو ؟
سيف : هي وصح وين ذياب
مريوم : منوه ذياب؟ ذاك اسمه تيس
روضه كانت تأشر ورا مريوم وتسوي حركات بعيونها عشان مريوم تسكت
استغربت مريوم هاي بلاها تاشر ورا صدت وراها وشافت ذياب في ويها : يييمهههه
ذياب : منوه التيس ؟
مريوم : سيف
سيف : شدخلني
روضه : هههههههههههههههههههه
ذياب : المهم يلا نروح
مريوم : وين ريم وميثا
روضه : تلقينهم في قسم الالعاب يدورون العاب بوب
سيف : استغفرالله يهال
ذياب : حسيت
مريوم : اقول اقول
ذياب : انتي ولا كلمه
مريوم : جب
ذياب : نعم
سيف : اوهوووو امشو امشو بس خلاص
روضه مسكت ايد مريوم وسحبتها : امشي يلا
مريوم : استغفرالله جان خليتيني اكفخه
روضه : مريوم يعني انتي اربيعتي وبنت عمي واختي فاا لا ما انصحج تضاربين معاه لانه عادي يذبحج ويحفر قبرج هنيه
مريوم : يخسي
روضه : محسستني ماتعرفين ذياب
مريوم : جان زين ذياب شرات سيف طيوب وكيوت
روضه : هه
مريوم شافتها : شوها التسليك
روضه : خلاص جب
مريوم : عشتو لايكون ات...
روضه سكرت حلجها : هيه مب هنيه
مريوم : ههههه تحمست
روضه : الله يهديج وايد
مريوم : فديتج بس ههههه
روضه : انجلعي كاهم ميثا وريم
مريوم : مميثثثاااا ررييمممييييييي
راحو ميثا وريم عندهم : هاه
ريم وهي تاشر على روضه : بلاها هاي جنها طماطه
ميثا : اكيد تلقين مريمو قالت لها شي
روضه : اح
مريوم : اويه توي انتبه انه ويهج صار احمر هههههههههههه
ريم : ليش عن شو سولفتو
ميثا : يالله ياللقافه
مريوم : حسيتي دفشه تبا تعرف كل شي
ريم : تراها اختي لازم اعرف كل شي
ميثا : مب لازم
روضه : اوهو المهم خلصتو
ريم : هيه
سيف : يلا عيل امشو ندفع
راحو دفعو وطلعو من المكتبه وكملو يتمشون
سيف : والحين وين تبون تروحون
مريوم حست انه حد يلحقهم وقفت ولفت وراها محد انتبه لها غير ذياب و وقف صوبها
ذياب : بلاج
مريوم مسكت ملابس ذياب بدون ماتحس : في حد يلحقنا
ذياب استغرب : مريم امشي مافي حد انتي تتخيلين
مريوم : ذياب في حد والله بس ماعرف وين
ذياب حس انه مريوم صدق خايفه : هيه مريم شوفيني
ماكانت مريوم تشوف ذياب كانت قاعد ادور على اللي يراقبهم
مسك ذياب ذقنها ولفها صوبه : اقولج شوفيني
مريوم شافت ذياب وبسكوت
ذياب : انا معاج لاتحاتين من شي انا هني موجود
تمت مريوم تشوف ذياب وماقالت شي
ذياب : امشي بسرعه قبل حد ينتبه لنا ويلاحظ
مريوم بخوف : يلا
راحو صوبهم ومحد انتبه لهم
روضه : هي صح ميثو
ميثا : ها
روضه : امشي نروح محل الملابس ذاك الي انتي رحتي له
ميثا : هيه يلا والله انه ملابسه طر امشو
ذياب : صح عيبتني الملابس في المحل
مريوم : انا ماشفت
ميثا : وين بشوفين وانتي كنتي شارده
سيف : بزر
راحت مريوم عند سيف وقرصة ايده : منوه البزر
سيف : يعني تتوقعين يعور
مريوم : ههههههههه صدق مايعور
سيف : تبين تجربين ؟
مريوم كانت بتشرد وتروح صوب ذياب بس سيف زخها
مريوم : هييههه سسييففففف لااااااااااا
سيف : لا جربي احسن
ريم قامت ترقص : يلا يلا اقرصها عاشووو
مريوم : ريموو جب ويعه
قرص سيف مريوم قوي
مريوم : سيييففففف ااييييي يعورررر هدنيييي
روضه : ههههههههههههه
ميثا : امبيه فشلتونا
ذياب راح عندهم ومسك مريوم وسحبها من ايد سيف : ههههههههههههههههه خلاص سيف
بتصيح
مريوم : تخسي وتعقب اصيح ايه والله يعور مايضحك عنبو سيف مب ايد عليك
سيف : تبغين تجربين مره ثانية ؟
مريوم انخشت ورا ذياب : لا جب مابا اقرص ذيابو
ذياب : شدخلني
مريوم : دخلك الباب
ذياب : سيف حياك اذا تبغي تكمل عليها
مريوم : ايه خلاص امزح
ميثا : يهال يلا كاهو المحل امشو ندخله
دخلو المحل وكل واحد راح قسمه
نروح لبيت ذياب وبتحديد في الصاله
مايد : اوهو شوها الملل
هزاع : حسيتت جان زين رحنا معاهم
اليد : هاه شوفيكم انتو تتحلطمون
هزاع : خيبه يدي كيف سمعت
اليد : خيبه تخيب عدوك قول امين
ابو راشد : هيه هزاعو عيب تعلم تقول ماشاءالله
هزاع : اوكيه اوكيه بالغلط
مايد : هيه وين ميرو
ام بدر : ما اعرف والله يمكن في المطبخ
مايد قام من مكانه وراح للمطبخ واللي في الصاله فجاه سمو صراخ ميره
ميره : وويعهههه مييووووددددد
ام بدر : اوهووووووو
ام مايد : ممميييووودددد ودر البنت عنككككككك
هزاع قام يشوف شو سووا ميود واول مادخل المطبخ مات ضحك كانت ميره واقفه وجسمها كله ماي
هزاع : ههههههههههههه ميود شو سويت
مايد : والله العظيم ماسويت شي انا كنت بروح المطبخ عشان اتضارب معاها جان ادعمها بالغلط وينصب عليها الماي
ميره عصبت : قطع الله ها الويه
وطلعت راحت الصاله
ميره : يمه شوفي شوفي شو سوا فيني
ام بدر : استغفرالله
اليد : صدق مايستحي على ويهه
مايد طلع ركض من المطبخ : هههههيييييييي يدي والله بالغلط
اليد : بالغلط تصب على البنت ماي ماتستحي انت شو
راحت ميره المطبخ ركض وفجاه سمعو صراخ هزاع
هزاع : مممميييررررررههههههه
ميود لما سمع صراخ هزاع شرد علطول برع لانه يعرف انه الدور ياي له وهزاع طلع من المطبخ وهو كله ماي
اليد : ييهالللل انتوووووو ششششووووو
ابو بدر : وين ميرو الجلبه
ميره طلعت من المطبخ وراحت ركض فوق وهزاع لحقها
راشد : استغفرالله صدق يهال
بدر : المهم رشود يلا نلعب ببجي
راشد : يلا
مايد من وراهم : بلعب معاكم
بدر : بسم الله انت من وين دخلت
مايد : دخلت من الصطح
بدر : تستهبل انت وويهك
مايد : شدراني عنك يعني من وين بدخل اكيد من الباب
بدر : غبي
مايد : طع
راشد : دخلو فكونا
اليد : ايه انتو هاتو بلعب معاكم
كلهم شافو يدهم مصدومين
مايد : هاه
اليد : هيه انت انت هات تلفونك بلعب بدالك
مايد : لا يدي مشكور خذ فون بدر
بدر : هيه انت عكيفك
اليد : لا انا ابا تلفونك انت
مايد : لازم فوني
اليد : هيه هاته
مايد : استغفرالله احين بيخسرني ويمصخرني
اليد : انطم وعطني وانت ساكت
مايد : اوكيه اوكيه دوك
اليد قام يلعب : يلايلا كاهو لقيت واحد
مايد : يلا اذبحه
اليد : مايموت
مايد شاف يده يطلق على منوه: الله يهديك يدي ها بدور
بدر : وانا اقول منوه ها الي حاشرني ويطلق صوبي
اليد : اح انا حشرتك صبر علي
بدر : يدي ترا ماتقدر تذبحني ش... احححححح
مايد مات ضحك لانه يدهم فر قنبله على بدر ومات : هههههههههههههههه
بدر : اح يدي ليششششششش !!!!
راشد : ههههههه يدي حتى في اللعبه يكفخك
مايد : جان زين بس كفخاه الا محا من الوجود اقولك الريال مات هههههههههه
اليد : عيل انت الياهل تقول ما اقدر اذبحك
بدر : طلعو من القيم
اليد : محد يطلع ياويلك رشود لو طلعت
بدر : اوهو يدييي
اليد : صمه
بدر : مابلعب خلاص زعلت
اليد : زعل بويعل
مايد : عشتو طع اونه زعل
اليد : ماعليك منه ياهل
بدر : اهاااا ؟ احين انا ياهل
اليد : هي نعم
بدر : يبه شوف ابوك يدور مشاكل
اليد شال المخده وفرها على بدر : ابوك في عينك قول يدي
اليده : بس خلااصصص بسسس
ابو بدر شاف مرته : اقولج
ام بدر : هلا
ابو بدر : زهبتو حق كلشي ؟
ام بدر : عشان القعده في الحوش ؟
ابو بدر : هيه
ام بدر : هي جهزنا كلشي بس متى بنطلع ؟
ابو بدر : المغرب
ام بدر : هيه اوكيه
نرجع المول وبتحديد عند زينب وخلوف
خلوف : عيل اتصلتي فيهم
زينب : في منوه ؟
خلوف : بلاج انتي قلتي بتتصلين على مريوم
زينب : امبيه نسيت
خلوف : طع تمزحين ؟
زينب : امبيه والله نسيت احين بتصل فيها
عند مريوم الي سمعت تلفونها يرن وردت : شووو بددكككك
زينب : هاه حبي وينكم
مريوم : ماشي نتمشى
زينب : اكيد تتمشون عيل واقفين
مريوم : هه سخيفه
زينب : المهم يلا ردو
مريوم : ليش الساعه كم
زينب : 6
مريوم : اونه
زينب : والله
مريوم : يلا احين بني
زينب : بسرعه لاتتاخرون نترياكم
مريوم : حااضررر
زينب : بسرعه
مريوم : قلت حاضر
زينب : اخر وحده اصدقها انتي
مريوم : افا افا
زينب : لايكثر حجي بسرعه
مريوم : لازم تبين تسكرين بسرعه قاعده مع الحب
روضه سمعت مريوم وشالت الفون عنها : هلا حبيبتي زوزو
زينب : هاه رويض وينكم
روضه : نحن صوب محل....
زينب : خلاص اوكيه رويض يلا ردو بسرعه
روضه : تمام يلا احين بني
زينب : يلا باي
روضه : باي وسكرت الخط وشافت مريوم
مريوم : اوهو شو
روضه : انتي مو تحمدين ربج انهم طلعوج
مريوم : حسستيني قاعده في حضنهم ترا خليناهم يستانسون
روضه : فكينا اقولكم
كلهم شافو روضه
روضه : يلا نرجع
ميثا : اوه احين ؟
ريم : مسرعع
سيف : ترا عمي قالت نرجع بسرعه عشان بيقعدون في الحوش
ريم : اوه صح نسيت
ذياب : عيل امشو نرجع
كلهم : يلا
نرجع عند خلوف وزينب
خلوف : هاه شو قالت
زينب : امش نروح عندهم قالت احين بيون
خلوف : يلا زينب
زينب : عيوني
خلوف : استانستي اليوم ؟
زينب استغربت من السوال : حبيبي دامني معاك لازم بستانس
خلوف ابتسم وباسها
زينب : هيه خلوف مب هني
خلوف : كيفي حبيبتي وكيفي اسويها اي مكان
زينب : ماتستحي
خلوف : انتي بس شوفي ويهج كيف صار احمر
زينب مسكت ويها : جذاب مبين ؟
خلوف : هيه وهناك لو سألوج ليش ويهج احمر قولي لهم خلوف وغمز لها
زينب : اويه خلوف جب
خلوف : اح ماتستحين
زينب : احين انا الي ما استحي
خلوف : هي نعم
زينب : انطم هاه كاهم
خلوف اشر في ايده : هوويييي ذيياابببب
ذياب شافهم وراحو صوبهم
مريوم : سنه سنه لين توصلون
روضه : حسيتي وهي قايله تعالو بسرعه
زينب : هههههههه مسرعع وصلتو
ريم : هيه كنا نركض
زينب : يا الفشله صدق ؟
مريوم ضربت ريم على راسها : انطمي بس لا جذابه
ريم : ويعه يعور
مريوم : احسن عشان مره ثانية ماتجذبين
زينب : اوهو احين بيضاربون
خلوف : امشو امشو قبل ماتبدا الحرب
راحو كلهم وركبو الباص ومريوم قبل ماتركب حست انه حد يطالعهم لفت ورا وشافت ريال مبيين عمره في الثلاثينات وكان شعره لونه ابيض ويطالع بعيون وحده لانه عيونه الثانيه مسكرها في لصقه قالت مريوم في نفسها ستغفرالله ويعه ها ليش يطالع ابط عيونه الثانيه ودخلت الباص وماهتمت له دخلت وقعدت صوب ريم وحركو لبيت ابو ذياب
ريم : مريوم
مريوم : هاه ريمي
ريم : بقولج شي
مريوم : نزين شوفيج تتهامسين
ريم : لانه مابا حد يعرف
مريوم استغربت : بلاج
ريم : صوتي مب عالي
مريوم : اقول دامج لهاي الدرجه ماتبين حد يسمع خلاص خنرد البيت وقولي
ريم : خلاص تم
مريوم حست انها تحمست عشان تعرف شو السالفة
سيف : هيه حطو لنا شي نسمعه
خلوف : يوسف هات انا بحط
يوسف : تفضل
خلوف : شو تبون احط لكم
مريوم : نبا حكاية ناي
ريم ضربت مريوم على راسها : ياغبيه مب هني
مريوم : اف يعور اوكيه امزح
خلوف : خلاص بحط ع ذوقي
ميثا فجأه صرخة : لااااااااا
كلهم استغربوا من صراخ ميثا
ريم : بسم الله بلاج
ميثا : خلوف ذوقك خايس دخيلك لا
مريوم : قطع الله ها الويه وانا اتحرا شي صار
ذياب : حتى صراخها يلوع الجبد
سيف : اي لاه حسيت بطت طبول اذني
زينب : ويت شو قصدج اغاني خلوف خايسه
ميثا : والله احين بيحط لنا فيروز
خلوف وراهم فونه وكان صدق بيحط اغنية من اغاني فيروز
مريوم انصدمت : خيبه وانتي شوعرفج انه بيحط فيروز
ميثا : اتذكر مره حطاها لما كنا طالعين اتوقع اول طلعه لنا في فرنسا
زينب : متى ما اتذكر
ريم حاولت اتغير السالفه : المهم عادي حط لنا فيروز بس حط انا لحبيبي وحبيبي الي
سيف : حبج برص قولي امين
الكل : ههههههههههههههه
ريم : حبتك غوريلا قول امين
مريوم حطت ايدها على حلجها وشافت روضه و ريم استوعبت على الكلام الي قالته وشافت روضه كانت روضه تشوف ريم وفجأة ريم ماتت ضحك : ههههههههههههههههههههههههههه
الكل استغرب ليش ريم ضحكت فجأة ماعدا البنات يعرفون اصلا ليش ريم ضحكت
مريوم : خلاص خلوف حط لنا اي اغنية بس تكون مال حسين الجسمي
خلوف : يلا اوكيه وحطه اغنية فراقك حسين الجسمي
أنا كل ما نويت أنسى
لك الذكرى ترجّعني
ترى للحين أنا أحبك وأشوفك بين حين وحين
فراقك آه يا فراقك
كسر قلبي وعذّبني
زينب فجأه تكلمت : ايه انت سكر الاغنية بسرعهههه سكرهااا
يوسف : إن شاء الله وسكر الاغنيه
زينب : وانت شواللي فراقك هاهههههه فراق منوه انا هني اعترف فراق منووهههه ؟؟
خلوف : بسم الله بلاج والله بس اغنيه
مريوم انصدمت : اويه زينب تراها بس اغنيه
زينب : انتي سكتي وانت غير الاغنيه بسرعه بسسسرعهههههه
خلوف : اوكيه اوكيه بغيرها استريحي انتي بس
ذياب يبا يرفع ضغط زينب : هيه حط اغنيه رومانسيه للمدام
زينب شافت ذياب : تشوف ها الكعب اللي لابسته ؟ والله العظيم ترا بحطه في راسك
ذياب : والله امزح
مريوم : هههههههههههه عيل محد قالك تتفلسف
سيف : زينب حطي الكعب في راس مريم
مريوم : شدخلني
زينب : بس سكتو
وصلو البيت ونزلو من الباص ودخلو داخل الصاله بس ماحصلو احد
مريوم : وينهم هاييل
ذياب : تلقينهم راحو الحوش وجهزو كلشي حق القعده
مريوم : اوه صح نسيت عيل انا بروح الغرفه
كل واحد راح غرفته ونروح لغرفة البنات
ميثا : اتحسون البس مخور ؟
مريوم : هيه عشان تموتين من البرد
روضه : عادي خليها تموت
ميثا : ويعه بسم الله علي
ريم : والله ميثا انا اقولج لبسي بلوفر احسن
ميثا : هي احسن يعني كلكم بتلبسون بلوفر ؟
كلهم : هيه
ميثا : نزين اللبس البلوفر الاحمر ولا الاسود
روضه : لاشو احمر تبغين تعمين عيونه وبعد شو اسود عقب بيقولون عنج ينيه
ميثا : هاه
مريوم : رويض لو ساكته ابرك وانتي ماعليج منها لبسي الاسود احلا
ميثا : تمام يلا ببدل وراحت غرفة التبديل وتمت تغني صوت عالي وهي تبدل : ياعم جيتك لحد بيتك وليد بنتك انا اتقدم
مريوم : خطبج يني قولي امين بسرعهههه نبا نبدل
طلعت ميثا ومسويه عمرها معصبه : بلاج تدعين علي
مريوم : عيل صدق نحن نبا نبدل وانتي تغنين وخري بس خليني ابدل ودخلت مريوم بدلت ملابسها وطلعت بسرعه كانت لابسه بلوفر عليه صورة غيمه صغيره في النص ولون البلوفر ازرق فاتتحح وبنطلون ستريج اسود وكانت فاتحه شعرها وشعرها كان ويفي
مريوم : يلا انا بنزل
ميثا : ويت مريوم
مريوم : هلا
ميثا : لو تربطين شعرج وتنزلين خصل من شعرج احلا
مريوم : صدق؟
ريم : اصلا بكل حالاتج حلوه
مريوم استحت : اويه شكرا
ريم : اونه مسويه استحت
مريوم : ههههههههههههه
راحت مريوم صوب التسريحه ربطة شعرها وطيحت شوي من الخصل على ويها ورشت شوي من العطر ولفت صوب البنت يلا متى ننزل ؟
ريم : ويت بس باقي رويض تبدل
مريوم راحت قعدت ع الكرفايه وفتحت تلفونها ودخلت تشوف السنابات لين يخلصون البنات
ريم : بنات
مريوم وميثا شافوها
ريم : ليش سيف اسمه سيف
مريوم انصدمت : شو ها السوال
ريم : صدق احس شو سيف خ ندور سكينه يمكن نحصلها بعد
ميثا اشرت على غرفة التبديل : كاهي داخل
مريوم وريم طالعو ميثا عقب ماتو ضحك : هههههههههههههههههههه
مريوم : قطع الله بليسج اسكتي
ميثا : ههههه
روضه طلعت من غرفة التبديل وهي مبتسمه : بلاكم تضحكون
مريوم : ماشي ريم مسويه انها تبغي تنكت
روضه : اها نزين يلا ننزل ؟
البنات : هي يلا
طلعو البنات من الغرفه ونزلو تحت وشافو يدهم قاعد في الصاله راحو على طول عنده وباسو راسه
اليد : شوي شوي
مريوم : اويه يدي مسيووو
اليد : انا كم مره قايل لج سوالف الكفار ودريها عنج
مريوم : ههههه
روضه : افا يدي قاعد بروحه ليش
اليد : والله برد برع ماتحملت لاتحاتون بعد شوي بيشبون الحطب وبيي
روضه : اهااا نزين وين يدوتي عنك
اليد : يدتج ماشاءالله ماتبرد تقول الجو حلو
ريم : ههههههه بس انت الدلوع
اليد ضربها بالعصا : استحي على ويهج
ريم : هههههه اوكيه اوكيه
اليد : يلا اطلعو استانسو
مريوم : ماعليك بخليهم يشبون الحطب احين وبيي ازقرك
اليد : فديتج اوكيه يلا بسرعه
مريوم : حاضر سيدي
طلعو البنات برع في الحوش وارحو من ورا (للتذكير الحوش من ورا بيت ابو ذياب نفس شاطئ حلو المنظر ويطل على برج ايفل ) طلعو البنات وشافو الكل قاعد راحو صوبهم وقعدو
مريوم : ههاايييي
هزاع : لو يدي هني جان ماقلتي هاي
ريم : اقولك داخل قالت له مسيو
هزاع : خيبه مسيو مره وحده
مريوم : اسكت وشافت ريم بتخبرج
ريم : ها
مريم : وين زينب وخلوف
ريم : مريوم انتي صايره اخس عن العيايز خلاص خليهم في حالهم
مريوم : هههههههه اوكيه اوكيه
ريم : غبيه
مريوم قامت وكانت بتروح بس اليده وقفتها : على وين ؟
مريوم : بروح اسوي لنا كوفي
ريم : حمماسسس من زمان عن كوفي مريوم
اليده : لا قعدي محد يبا كوفي
ريم : يدووتييي !!
اليده : وصمه
مريوم : ههههه ماراح اطول بروح وبيي بسرعه حرام يدوتي شوفي يبون كوفي
اليده : خلاص اوكيه روحي بسرعه وتعاي
مريوم : حاضر من عنيا
راحت مريوم ودخلت داخل وكان يدها قاعد ف الصاله بعده
مريوم : يدي
اليد : هلا
مريوم : خلاص ولعو الحطب <<اتقص عليه عشان يطلع
اليد : صدق ؟
مريوم : هي هي
اليد قام : يلا احين طالع
مريوم : اوكيه وانا بروح اسوي كوفي وعقب بيي لكم
اليد : يلا تم
راحت مريوم ودخلت المطبخ وقعدت ادور على النسكافيه تعبت وهي ادور جان اتحصل بشكاره كانت داخله المطبخ
مريوم : هاي
البشكاره شافت مريوم وسكتت
مريوم قالت في نفسها هاي بلاها ماترد وقالت : اقولج وين تحطون النسكافيه ؟
البشكاره : كلي ولي انا مافي معلوم انتي عندك ايد سو دور بروحك
وطلعت من المطبخ
كانت مريوم تشوفها بصدمه : نعم ؟ انا تقول حقي خلي ولي !!! صبر علي بس من هاي قليلة الادب شكله ذيابو مب معطيها راتبها عشان جي معصبه بس عاد انا شذنبي زين ماكلتني
وقامت اتكمل ادور النسكافيه وهي تغني : ولهاننن ولهاننن وان داريتتتت يفضحنيييي الموووقققق واحشننيييي كلكككك اننتتتت وعيوبكككك افداكككك
سيف : الله الله على الصوت الخرا
مريوم لفت صوب سيف وكان واقف ومتركي على الباب : اسكت يعني صوتك الحلو وبعد تعال ترا عيب تتسمع
سيف : والله يدوتي قالت لي اييب دواها من المطبخ وانا داخل سمعتج محد قالج تغنين صوت عالي
مريوم : هممم بعد صح بس لازم ادق الباب
سيف : ااااا بعد صح المهم بتخبرج
مريوم : هاه
سيف حك شعره : وين يدوتي تحط حبوبها
مريوم : هههههه غبي انت يدوتي ماقالت لك ؟
سيف : لا قالت بس انا كنت سرحان
مريوم : اهااا احين ارجع وأسألها مره ثانيه
سيف : لايدي موجود اعرف بيقول ماتستحي يدوتك تقولك وين الدوا وانت سرحان
مريوم : ههههههههه احسن خ يهاوشك
سيف شافها وهو ماد بوزه : ايه مريوم ياوصخه اذا تعرفين وين الدوا قولي
مريوم : اول قول وين تحطون النسكافيه نسيت
سيف اشر على الكبت : هني
مريوم كانت بتروح بس سيف سبقها وراح قبلها فتح الكبت وشال النسكافيه وعطاها
مريوم شالت النسكافيه وشافته : ترا اروم اييبه محد طلب منك المساعده
سيف : والله انا ماودي اساعدج بس اخاف تكوني قصيره وماطالين الكبت وتكسرين السامان نفس قبل
مريوم : ههه ترا ماراح اقولك وين الدوا
سيف : ايه ياغشاشه
مريوم : هع اول اسحب كلامك
سيف : اوهوووو خلاص خلاص انتي طويله هاتي النسكافيه
وشال النسكافيه عنها ورده داخل الكبت يلا احين هاتيه
مريوم شافت سيف بصدمه عقب حاولت ترفع عمرها عشان اتييب النسكافيه بس ماقدرت كانت واقفه على اصابع ريولها بس للاسف مثل ماتعرفون بطلتنا قصيره ما تطال الكبت
مريوم شافت سيف : تستهبل انت صح
سيف سووا عمره مصدوم واشر على عمره : انا ؟
مريوم : لا يدي
سيف : بلاج
مريوم : هات النسكافيه فكنا
سيف انصدم : قلتي اطالين
مريوم : مسوي مصدوم هات بسرعه
سيف : ههههههه اوكيه اوكيه شال النسكافيه وعطاها هاج
مريوم شالت عنه النسكافيه : شكرا
سيف : عفوا يلا وين الدوا
مريوم : لو كنت مركز مع يدوتي كنت عرفت انه الدوا مب هني الدوا فوق في غرفتهم
سيف : لا عاد صج ؟
مريوم : ياغبي هيه يدوتي ماتحط الدوا هني تخليه في غرفتها
سيف : اوه عيل انا شو يابني المطبخ
مريوم : مب منك من الي سرحان فيها
سيف شاف مريوم وهو مصدوم : الله يلوع شبدش
مريوم : هههههههههه
راح سيف ومريوم كملت تسوي كوفي
عند الاهل برع
ميثا : هوووييي سمعونيييي ياقومممم
الكل شاف ميثا
اليد : استحي على ويهج جي تصارخين تقول بقره
ريم : ااوووححححح ههههههههههههههه
مايد : يابققرههههه
اليد : وانت تيس
كلهم : ههههههههههههههههههههه
مايد : شدعوه ترا مايضحك
هزاع : ههههههه يدي يقصف ولا يبالي
ميثا : عيل محد قالك تتفلسف
ابو بدر : قولي ميثا شو بغيتي
ميثا : اي صح المهم شرايكم نلعب لعبة البيضه
الكل : هي هي هي يلا حلوه
(ستوب بعرفكم على لعبة البيضه وكيف يلعبونها حبايبي انا مب متأكده من اسم اللعبه راح اشرح لكم كيف نلعبها وانتو افهموها اللعبه عباره عن مجموعه يوقفون في النص وواحد يكون يمينهم والثاني يسارهم الي على اليسار يكون ماسك كوره ويفر على الي واقف يمينهم والي واقفين في النص لازم الكوره ماتجيسهم(ماتلمسهم) واذا الكوره جاست حد من الي في النص خسران يطلع من اللعبه حاولو تفهمونها تعبت ع الشرح هع نرجع للرواية )
اليده : حرام صبرو سيف ومريوم
ميثا : هيه اكيد بنترياهم بس ترا كل عمومي بيلعبون معانا
ابو راشد : شدخلنا نحن
ميثا : هيه هيه كلكم عشان نكون وايد وحماس
روضه : صح صح من دون اي اعتراض
ميثا : هي حتى يدي بيلعب
مايد : لا عاد مصختيها
راشد : هههههههه مااتخيل يدي يلعب ويكون في النص وتضربونه ضربه في الكره على ظهره
اليد : صدق ماتستحي على ويهك حد قايل لك اني شيبه
راشد : لاشدعوه يدي محشومه
ميثا : ههههههههههههههههههههه كافي ذاك اليوم لما كنا في الملاهي ميرو ماقصرت
ميره : هههههههههههههه يضحك الله لايوريكم ويهه يوم كان يقول وقفو اللعبه
اليده ضحكت صوت خفيف
اليد : هي ضحكي انتي الثاني يوم تجربين وتحسين فيني ماراح تضحكين وشافت ميره وانتي الثاني
ميره : بسم الله شو
اليد : المره اليايه اذا ركبتيني لعبتج الخايسه ياويلج فاهمه
ميره : حاضر
بدر : عيل ركبيه قطار الموت
اليد : تتطنز انت و ويهك المثلث
ميره : ويه المثلث
اليد : اسكتي انتي ويه المربع
الكل : ههههههههههههههههههههههههههه
ريم : هههههههه ماقدر يدي بلاك اليوم وايد متحمس قاعد اجبه الرايح والياي
اليد : ماتستحين انتي بعد انا دوم جي
مريوم كانت يايه من وراهم : هي يدي فديته دوم جي يونسنا وراحت حضنت يدها من ورا وباست راسه
اليد : بنيتي هاي حبيبتي
مايد : يالله على الدلع بسج دلع
مريوم : ذكروني ما اعطي ميود كوفي
الكل بصوت واحد : تم
مايد : بسم الله شدعوه ترا امزح
مريوم : هع
ابو بدر : دامنا ملتمين وفي هاي القعده الحلوه بقولكم شي
مريوم راحت تقعد صوب امها : هاه ابويه قول
ميثا : عمي لا لا ويت اول خ نلعب اللعبه
مريوم شافت ميثا : انتي ماتستحين ابويه بيقول شي انتي تقولين عقب اللعب
ميثا : انتي اسكتي عمي عشاني
ابو بدر : يالله عيل يلا قومي نلعب
الكل ماعدا مريوم وسيف
مريوم : ايه شو السالفه
سيف : شو بتلعبون
ميثا : اوه نسيت اقولكم بنلعب لعبة البيضه
مريوم : حماسسسسس ييلاااا
سيف : نزين انا ما اعرفها كيف يلعبونها
مريوم شرحت حق سيف اللعبه
ابو بدر : يلا منوه الي يبا يفر الكوره نبا حد يوقف يمين والثاني يسار
مريوم : انا انا
مايد : وانا بعد
ابو بدر : خلاص مريوم يمين ومايد يسار واحين يلا كلكم في النص
بدو يلعبون واللي قاعدين يشجعونهم
مريوم فرت الكوره وييت في راس عمها
ابو مايد : ويعه يابنت راسي
مايد : خيبه فجرت راسه
الكل : ههههههههههههههههه
مريوم : هههههههههه عمي وربي اسفه بالغلط
ابو مايد : خلاص دام بالغلط خلوني اكمل العب
الكل دفاه : لا لا برع خسرت
ابو مايد : ههههههه اوكيه اوكيه
مايد : امايه ريلج طلع مصخره فلعوه في راسه
ام مايد : اسكت ابوك الي سواك ريال
مريوم : خيبه عيل سكتوك هههههههههههههههههه
مايد : شدخللل
ابو مايد : صبر علي خلني اكون بدالك وافر الكوره بكسر راسك انت ومريموه
مريوم : انا شدخلني قلت بالغلط
ابو مايد : صبر علي
وكملو يلعبون لين ماخسر الكل ماعدا ريم
مايد : حركات ريمي تميتي اخر وحده
مريوم : يلا ميود نفلعها وفرت الكوره قو بس ريم على طول راحت الصوب الثاني يعني ماجاستها الكوره
ريم : ويعه ولد مب بنت شوي شوي كانت ريم صاده صوب مريوم ونست عن ميود الا فجأة اتي الكوره على ظهرها
مريوم : هههيييييييي
ريم : اوهوووو لاااا والله غش ماكنت منتبهه لكك
مايد : يلا يلا برع برع راح مايد صوب مريوم وسوا كفج معاها
مريوم : وييووو طلعناكم كلكم
ابو بدر : صدقتو نفسكم اقولكم امشو نلعب قيم ثاني خ نمصخرهم شوي
مريوم : ابويه !!
ابو بدر : سكتي يلا منوه الي يبا يفر الكوره
ذياب : انا
مريوم : اوهووو انت لا لا
ابو بدر : عيب مثل ماهو احترم دورج لازم انتي تحترمين دوره
سيف : وانا بعد
روضه : لاااااا اكتملت راح نتكسر
مريوم : اتفق وياج الصراحه اول مره تقولين شي صح
ابو بدر : يلا يلا كلكم فالنص
مريوم : الله يستر
بدو اللعب وقامو سيف وذياب يطلعون واحد واحد بسرعه
مريوم : خيبه لعيبين
روضه : ها و سيف مايعرف اللعبه
مريوم : انتبهي انتبهي بس لايفلعج في الكوره
فر ذياب الكوره وجاست ريول ميود
مايد : ويعه من متى تعرف تلعب انت
ذياب : يلا يلا برع برع
وكملو يفرون الكوره وجاست عمهم ابو مايد
مريوم : ووواااككككك عمي عيل طلعوك مره ثانيه
ابو مايد : صبر علي بغرقج في البحر
مريوم : انا في موط انا في موط
مايد : موطي
مريوم : اسكت ماتستحي
سيف : يلا يلا نكمل
للاسف كلهم خسرو ماعدا مريم وروضه
روضه : ييممههههه يممههههه
مريوم : موتنا
سيف : يلا ذيابو جاهز
مريوم : يعني اونك مسوي تبا اتخ... ماكملت الا وفر الكوره عليها كانت بتلمسها الكوره بس مريوم على طول راحت بعيد عن الكوره
روضه : خيبه كانت شوي وتلمسج
روضه ماحست في عمرها الا فجأة ذياب يضربها ب الكره
روضه : ااايييييي لاااا لااااا وحش مب ولد
سيف : هههههههه برع برع
روضه : اف
وراحت تقعد
بس باقي مريوم والاثنين عليها والباقين يشجعون ومريوم بس تروح يمين ويسار عشان الكوره ماتلمسها
مريوم : وااايييي تعبتتت خلاص استسلمو خلوني افوز
ذياب : سبالو والله طع كيف تنط يمين ويسار
روضه : عااششششتتت مريوممممم هههههيييي يييلااااا
سيف : والله انا تعبت من كثر مافر عليها خلاص يابنت الحلال خسري
مريوم : تخسي ترا هاي لعبتي
ذياب فر الكوره وكانت شوي وتجيسها بس مريوم على طول وخرت
ريم : يييمههه كانت قريب
ابو مايد : مريوم اذا فزتي ماراح اغرقج في البحر
مريوم وهي تلعب تتكلم : ها عم ها عدو مب عم
سيف : خلااصصص خسرييييي
مريوم : اتخسي يلا خلو الكوره تزخني عشان اخسر
روضه : مريوم اذا خسرتي راح ارقدج برع
اليد : خيبه هاييل تعبو وهم يلعبون
سيف خلاص مل وهو يفر الكوره وماتجيس مريوم : خلاص استسلم
مريوم نقزت : هههييييييييي
ذياب : لاااااا يالمصخرهههه
سيف راح قعد : واااييي
ذياب : خرا عليك وراح قعد عندهم
ميثا : واايييي كان حلو
روضه : كفووو عليج مريوم
مريوم : احم ماتهزمني كوره
ابو بدر : يلا مريوم صبيلنا من الكوفي مالج
مريم : يلا ابشر وقامت اتصب حق كل الي يبا من بعد ماصبت للكل شافت الكل كان قاعد يسولف راحت وقعدت صوب ريم
مريوم : امشي نتمشى دام الكل لاهي ويسولف مع الثاني
ريم : يلا
قامو مريوم وريم وراحو يتمشون شوي بعيد عن الباقين
مريوم : يلا قولي
ريم : شو
مريوم : كنتي بتقولين شي في الباص بس كنتي خايفه ما ادري كنتي تتهامسين
ريم : هي مريوم ترا نحن احس مراقبين
مريوم استغربت : مافهمت ليش
ريم : مريوم بقولج شي بس اباج تصدقيني
مريوم : اكيد بصدقج قولي
ريم : يعني انا كنت ابا اقول حق حد اكبر عنج وفاهم بس اعرف مافي حد راح يصدقني وزينب الوحيده الي بتصدقني بس انا مابا اخوفها وهي في شهر العسل ولا ابا اخليها تحاتي ولا تفكر
مريوم : قولي شوفيج زيغتيني
ريم : مريوم انا احس انه شي حد يراقبنا
مريوم تستغبي : كيف عرفتي ليش شو صار
ريم : الله يسلمج يوم كنا في الملاهي كنت حاسه انه شي حد يطالعنا من بعيد وصديت وصدق شفت حد بس ماقلت لكم يعني حسيت انه ماله داعي اقول لانه حسيته واحد عادي المهم اليوم لما كنا في المول شفت نفس الشخص بعد يطالعنا !!! مريوم والله خلاص احسني صرت اخاف يعني مب معقوله صدفه ونفس الشخص
مريوم كانت تبغي تعرف مواصفات الشخص عشان تتأكد : كيف كان شكله ؟
ريم : واحد مبيين عمره في الثلاثين وشعره كان ابيض ويشوف بعيون وحده مدري بلاها عيونه الثانيه
مريوم بدت تخاف : حتى انا كنت احس انه حد كان يلحقنا ويراقبنا
ريم استغربت : متى
مريوم : مره في الملاهي واليوم في المول
ريم : وهو نفس ال...
مريوم قاطعتها : هي نفس الشخص
ريم : خلاص انا برد مابا اتم هني
مريوم ضربتها على راسها : هههه لاتحاتين مافي شي
ريم : مريوم لازم انخبر حد
مريوم : خلاص خلي الموضوع علي
ريم : دام الموضوع عليج الله يستر
مريوم : هههههه شدخل
ريم : شوفي اذا ماتصرفتي انا بخبر الكل
مريوم : لالا بتصرف
ريم : عيل يلا نرجع لهم
مريم : هي يلا
رجعو مريوم وريم عند الباقين وكان صوت الشباب عالي وهم يضحكون مريوم شوي سرحت في ضحكت ذياب اللي اول مره تشوفه يضحك ها الضحكه وذياب حس انه حد يشوفه لما رفع راسه على طول يت عيونه بعيون مريوم ومريوم لما شافته يرفع راسه اتوهقت وعلى طول لفت صوب البحر
مايد : عمي انت كنت بتقول شي بس هاي الغبيه قاطعتك وقالت خنلعب
ميثا : محد الغبي غيرك
ميره : هي صح ابويه كنت بتقول لنا شي قبل
ابو بدر : صح يلا سمعو احين بقول لكم
مريوم : شوشوشو حماس شو السالفه
ابو بدر : الله يسلمكم انا حجزت في جزيره وهاي الجزيره يعني شرات المخيم
مريوم : هاه ليش يبه
ابو بدر : عشان تتعلمون على سوالف الغابات والرقوده في المخيمات
مريوم : احس بعد حماس
ابو بدر : هي بيكون حلو صح انها جزيره بس فيها كل شي
اليد : ومتى طالعين
ابو بدر : والله ابويه بعد اسبوع
اليد : خلاص موافقين
ميثا : يدي يمكن انا مب موافقه ليش تقول القرار بدالي
اليد : قرارج محد دره عنه
مريوم : اااووووحححححح
مايد : ههههههههههههههههه
ميثا : ترا مول مايضحك
اليد : ايه انت ويه التيس لاتضحك عليها
مريوم : ههههههههههه
مايد : يدي بلاك علينا ويه التيس و ويه التيس تراني اشبهك
مريوم : ااااحححححح يدي والله قويه بحقك
اليد : منوه قاص عليك انت تشبه ابوك
مايد : خيبه يبه هاي قويه بحقك
ابو مايد : ابويه وانا اشبه منوه تراني اشبهك
اليد : لا تشبه امك
مايد : خيبه يدوتي قويه بحقج
الكل : هههههههههههههههههههههههه
مريوم : عاد عاد يدي حدك مب على يدوتي
اليد : تراج تشبهينها
مريوم : يدوتي اليوم لاترقدين عنده اسحبي عليه مايستاهل
ريم ضربت مريوم على راسها : هي انتي عيب سكتي
مريوم مسكت راسها : اف يعور اوكيه
صارت الساعه 8 قامو الشباب يسوون العشا سوو كباب ومشاوي تعشو وخلصو وردو يقعدون
روضه : اااخخخخ لازم من بعد ه العشا الحلو نروح نتمشى نستكشف الحوش بكبره
ريم : هي ماشاءالله الحوش عود لازم نتمشى
مريوم : هي بس مب احين من شوي ماكلين
روضه : هي هي مب احين
مريوم : عمي عمي
ابو راشد : هلا
مريوم : سوو لنا كرك
ذياب : خيبه توج ماكله ماتشبعين انتي
مريوم : ايه انت قول ماشاءالله
طنشها ذياب ورجع على تلفونه ومريوم انقهرت لانه طنشها وقامت تتمشى بروحها بس ميثا انتبهت على مريوم انها تضايقت وقامت راحت وراها
ميثا : مرييومممم
لفت مريوم وراها وشافت ميثا : هلا
ميثا : بلاج
مريوم : شو
ميثا : شورما شوفيج قمتي
مريوم : مافيني شي
ميثا : خيبه ها بس عشان ذياب طنشج
مريوم : لا شدخل
ميثا : عيل بلاج
مريوم : مافيني شي ابا اتمشى بروحي
ميثا حست انه مريوم صدق مريوم تبغي تتمشى بروحها : خذي راحتج ورجعت تقعد عندهم
ريم : شوفيها مريوم
ميثا : تقول تبغي تتمشى بروحها
ريم : اهاا
روضه : هاي توها كانت مستانسه ليش فجأة قامت
ميثا : ما ادري والله
ريم : خلاص خلوها تتمشى بروحها
ابو بدر : يلا ياجماعه يايهال بلعبكم لعبه
الكل اتحمس : شو
ابو بدر : انا بسال وانتو جاوبو
الكل ماعدا ذياب الي سرحان في تلفونه : حمااسسس اوكيه يلا
ابو بدر : يلا اول سوال شو هو اطول برج
الكل مره وحده : برج خليفه
ميثا : عمي شو ها السوال
هزاع : حسيتي مال يهال
ابو بدر : اوكيه اوكيه
مريوم لما تعبت من المشي رجعت عندهم وشافت الكل مستانس ويلعب ماعدا ذياب الي قاعد ع الفون وسرحان حست بشعور خايس ياها وراحت على طول داخل البيت و دخلت المطبخ عشان تشرب ماي وشافت سيف
سيف : اوه مريوم وينج كانو يلعبون برع
مريوم بضيق : شو يلعبون
سيف : ابوج يقول لهم اسأله وهم يجاوبون
مريوم : اهااا نزين سيف
سيف كان يشرب ماي سوو لها شو في ايده
مريوم : ذياب يحب ؟
سيف غص في الماي جان يتفله ويضحك : هههههههههههههههههههههه
ومريوم على طول وخرت : يع شوفيك
سيف : هههههه ضحكتيني مالقيتي غير ذياب يحب
سكتت مريوم ولفت الصوب الثاني وطلعت من المطبخ راحت الصاله استغرب سيف من مريوم وحس ان فيها شي طلع برع وزقر روضه وراحو شوي بعيد عنهم
روضه : هلا
سيف : بتخبرج مريوم فيها شي ؟
روضه : الصراحه سيف فجاة انقلب مزاجها ماندري بلاها
سيف : نزين روحي شوفيها
روضه يت في بالها خطه حلوه : هي سيف قرب شوي قرب سيف منها وهمست في اذنه ...
سيف : ههههههه وصخه خلاص تم
روضه : ههه يلا امش انرد نقعد عندهم
سيف : يلا
رجعو سيف وروضه وقعدو معاهم و سيف راح يقعد عند ذياب
سيف : ايه انت
ذياب : اتوقع عندي اسم
سيف : هي عندك ذيابو
ذياب : هاه
سيف : يوسف يبغاك في الصاله
ذياب استغرب : يوسف ؟
سيف : يب
ذياب : بس انا توي مكلم يوسف ع الفون ؟
سيف قال في نفسه شو هاي الخطه الغبيه يا رويض مالقيتي غير يوسف اقوله ان يبغيه
ذياب : ههووييي وين رحت
سيف : هاه موجود في الخط
ذياب : قلت يوسف يبغاني ؟
سيف : هيه توه قال لي
ذياب : هيه يوم رحت مع رويض قال لك
سيف ضربه بكس على جتفه : الله يغربل ها الويه روح فكنا
ذياب : هههههههه اوكيه اوكيه بس وين قلت يبغاني ؟
سيف : في الصاله
ذياب قام : يلا عيل بروح اجوفه
سيف : هيه روح
ذياب : اوكيه اوكيه بروح خيبه يبا الفكه وراح
سيف من دون ماحد يلاحظ سوو حق روضه جي 👌🏽 و روضه ابتسمت له
راح ذياب الصاله وماشاف حد غير مريوم كانت مريوم لامه ريولها على جسمها ومغطيه راسها انصدم ذياب وراح قعد صوبها
ذياب : مريم ؟
مريوم لما سمعت صوته عدلت قعدتها و وخرت عنه : نعم
ذياب : شوفيج
مريوم : مافيني شي حرام اقعد يعني ؟
ذياب : ايه انتي شو فيج جي ترمسيني !!
مريوم : كيفي برمسك بالطريقه الي اباها وقامت كانت بتروح بس مسك ذياب ايدها ولفها صوبه
ذياب : فهميني انتي شوفيج
مريوم ماقدرت تتحمله : خلاص خلني وهدني عيب جي تمسكني وخرت ايدها عنه وطلعت برع وراحت صوب الباقين وقعدت عند روضه و روضه لما شافت مريوم يت تحمست تحرت خطتها نجحت
روضه : عيل وين ذياب
مريوم : لو يبتي طاريه اقص لسانج
استغربت روضه : بسم الله بلاج
مريوم : ماشي
روضه شافت مريوم وتمت ساكته
ريم : بنات امشو نتمشى
البنات ماعدا مريوم : يلا
ريم : مريوم
مريوم : هلا
ريم : قومي يلا
مريوم : لا مابا روحو بروحكم
زينب : مريوم قومي انا بروح معاهم
ميثا : اوب مريوم يلا قومي هاي فرصه لاتتعوض دام زينب بتي معانا
روضه : هي جفتي اخيرا عطتنا ويه
زينب عصبت : خلاص انا بقعد
كلهم مسكو زينب وسحبوها : ههههه لالالالا خلاص تعالي
زينب : هههه يلا قومو
مريم ابتسمت غصب لانها اتحبهم لما يتيمعون واهم شي مع زينب الكل يكون فرحان مريوم قامت وسحبتهم : ييلااا يلااااا
كلهم ابتسمو لحماس مريوم وقامو يتمشون
ريم : ااخخخخ من زمان عن هاي اللمه
روضه : متى اخر مره كنا مع بعض يوم اول مره عمي ياب ذياب
ميثا : هههههههه هيه كيف ركضنا داخل عشان نعرف السالفه
روضه : ياخي ابا اعرف ذياب طالع حلو على منوه ابوه ولا امه
ميثا : اشك ان طالع شوي عمن امه واشوي من عمي
ريم : كان خاطري اجوف عمي قبل مايموت الله يرحمه
روضه : هي حتنا حرام الله يرحمه
مريوم شافت زينب شوي شوي بدت تتضايق وحاولت تغير الموضوع : اتخيلو بنات لما ضعت في المول وكنت ادور عليكم حصلت محل حلو وانا ادور عليكم بس عقب ما اعرف وين ضاع
زينب : ويت شو
مريوم استوعبت وسكرت حلجها
ريم : اوهوو
زينب : شو قلتي ضعتي عنهم ؟
مريوم : اااءءءءء
روضه : لا قصدها
زينب قاطعتها : ضعتي عنهم صح ؟
مريوم : لالا
زينب : تستهبلين صح
مريوم : بعد شسوي ضعت
زينب : ماشاءالله واذا احين انتي مب معانا ومحد درا عنج وخطفوج تتحرين انتي في الامارات وااوووو محد بيسوي فيج شي !!! واذا احين حد خطفج بيحطون اللوم على منوه هههاهههه
مريم كانت منزله راسها وساكته
روضه : زينب هدي شوفيج
ميثا : زينب ترا مريوم ندمانه خلاص ماله داعي تقولين لها كل ها
زينب طالعت ميثا : قولي لي شو بيفيد الندم يوم بتكون في ايد ناس ماتعرفهم ويسوون فيها شي عقب بيحطون اللوم على منوه ؟ مو على خلوف وطالعت مريوم وانتي نشوف منوه بطلعج مره ثانيه انا لو سامعه كلام ابوج احسن وراحت عنهم
ريم : زينب تعالي
زينب طنشتها وراحت
روضه : اوهو لو ساكته ابرك
مريوم : هاي يزاتي جفتها مضايجه وكنت ابا اغير السالفه طلع ويها بسرعه طنقرت
ريم : هاي مول ماتحس بذنب طع بعد ترادد
مريوم : شدخل ترا والله صدق كنت ابا اغير السالفه
روضه : هي ومافتحتي سالفه الا يوم ضيعتي
مريوم : هههههه بعد شو اسوي
ميثا : يالله تقهر وبعد تضحك !
روضه : شفتي بس
ريم : بعد مريوم ماتعرفونها
روضه : هي نعرفها عدل
ميثا : ونعرف انه احين لازم تروح وتتاسف من زينب
مريوم : انا ؟
ميثا : لا انا
مريوم : شو سويت عشان اتاسف
ميثا : مريوم ها كله وتقولين شو سويت
مريوم : خلاص بتأسف لها بس مب احين يدام الكل
ميثا : هي اكيد مب احين عقب
ريم : خلاص انسو
مريوم شافت من بعيد سيف كان قاعد بروحه عند البحر راحت مريوم صوب ميثا وهمست لها
ميثا ابتسمت على خطة مريوم الشيطانه وراحت همست حق ريم
مريوم شافت من بعيد سيف كان قاعد بروحه عند البحر راحت مريوم صوب ميثا وهمست لها
ميثا ابتسمت على خطة مريوم الشيطانه وراحت همست حق ريم
مريوم : المهم بنات انا بروح داخل اييب الباور بانك
ميثا : وانا بروح اقعد عند الباقين خلاص مليت
ريم : وانا بيي وياج
روضه : عيل حتى انا
ريم : لا انتي روحي مناك ودفتها صوب البحر
روضه لما شافت سيف فهمت قصدهم على طول : طع اويه تمزحون
ريم : ياخي روحي لاه حرام شوفي قاعد بروحه
روضه : طبعا لا شدخلني فيه
مريوم : ويعه انجلعي عنده بسرعه
روضه : طع مابا
ميثا دفتها : روحي روحي بس سولفي وياه
ريم : ولا على الاقل اتقربي منه
كلهم شافو ريم بصدممهههه
ريم فهمت تفكيرهم : لالالالالالالا مب قصدي الي في بالكم ياوصخات
ميثا : حمدالله المهم انتي وطالعت روضه ريم قصدها اتقربي منه يعني اعرفي اخباره وعرفي اشياء وايد عنه مب تقربين صوبه
مريوم ضربت ميثا على راسها : وصخه المهم روضه تراج ماتعرفين شي عنه روحي تعرفي عليه
روضه : اتعرف عليه شو اقوله ترا مافي شي من اللي في بالكم مابيني وبينه شي !
مريوم : هي ندري مابينكم شي بس روحي اتعرفي عليه عادي يعني
ريم : هي تخيلي روضه مريوم اول يوم شافت ذياب على طول راحت تتعرف عليه
مريوم ضربت ريم على راسها : ايه انتي من وين يايبه ها الحجي وصخه جذابه ولفت صوب روضه روضه تراها جذابه والله اخر همي اتعرف على واحد مثل هذاك
روضه : عيل حتى انا اخر همي اتعر...
مريوم قاطعتها : لالالا انتي مب اخر همج انتي غير عني ويلا احين روحي
ريم : يلا عاد روحي !
روضه : اوهو نزين نزين
وراحت عنهم
ريم : حماس لازم عقب تقول لنا شو بيصير
مريوم ضربتها على راسها : عن اللقافه يعني شو بيصير مثلاً بيبوسها
ميثا ضربت مريوم : ويعه مريوم عيب !!!!
مريوم : عيل شدراني عن بنت عمج اونه متحمسه ترا بس بيسولفون
ميثا : او يمكن بس يتكافخون
ريم : لا ما اتوقع شو قالو لج مريوم وذياب
مريوم ضربتها على راسها
ريم مسكت راسها : مريوم عنبو راسي انفجر بس خلاص
مريوم : عيل ارمسي عدل
ريم : اوكيه اوكيه
ميثا : ههههههههههههههه حمير
وراحو قعدو عند الاهل
نروح عند روضه الي راحت صوب سيف بس تمت واقفه
روضه : هاي
سيف لف وشافها : هايات
روضه : ليش قاعد بروحك
سيف : ماشي قاعد اسمع صوت البحر
روضه : اها
سيف : وانتي شو كنتي تسوين
روضه : ماشي كنت اتمشى مع البنات جان يرجعون يقعدون وانا مابداني اقعد فا شفتك هني وييت عندك
سيف : اهااا وقام تبينا نتمشى ؟
روضه تفشلت : لا مب قص...
سيف قاطعها : نزين امشي نروح صوب المزرعه
روضه : اي مزرعه
سيف : شي مزرعه صغيره هني
روضه : حماس ابا اشوف حصان
سيف : عيل يلا امشي
نخلي هاييل يروحون صوب المزرعه ونرجع لبطلتنا الي راحت الصاله اتييب الباور بانك دخلت الصاله وشافت ذياب بعده يالس على التلفون
مريوم : انت ماتشبع من التلفون
ذياب شافها : لا
مريوم : خلك خلك اضحك مدري مع منوه
ذياب فهمها وابتسم : تعالي شوفي شو يالس اسوي
مريوم استغربت : انا
ذياب : لا الينيه الي صوبج
مريوم : مابا محد قال ابا اشوف شو تسوي
ذياب : قلت تعالي
مريوم : مابا
ذياب شافها وسكت
مريوم : اف اوكيه وراحت عنده شو
ذياب : قعدي
مريوم قعدت وهو جدم صوبها ومريوم استغربت اكثر
ذياب مد صوبها التلفون : شوفي
مريوم شافت في تلفون ذياب كان حاط الكامرات : شو ها شوفيهم الكامرات
ذياب : ياغبيه ركزي صوب باب القاراج شوفي صوب الشير
مريوم ركزت صوب الشير وشافت واحد واقف ومب مبيين شكله لانه كان لابس اشياء تغطي شكله ولابس كلشي اسود
مريوم : يمه منوه ها
ذياب : ماادري من الصبح وانا احاول اعرف منوه ها
مريوم اشرت على التلفون : ها الي كنت سرحان فيه
ذياب : هي وطالعها ليش شو كنتي تتحرين
مريوم ابتسمت وضحكت على تفكيرها الغبي : هههههههههههه
ذياب : شو اللي يضحك ؟
مريوم طالعته وهي مبتسمه : ماشي ورجعت تشوف التلفون احين شو بنسوي في ها
ذياب : بشوف يوسف وبرد لج خبر
مريوم : نزين ذياب
ذياب : هلا
مريوم : ريم شافت الريال الي كان يطالعنا
ذياب : اي ريال ؟
مريوم : ذياب يوم قلت لك ان في حد يراقبنا ونت قلت لي تتخيلين
ذياب : متى في المول ؟
مريوم : هيه
ذياب : اوكيه ؟
مريوم : حتى ريم شافت نفس الريال
ذياب تربع في قعدته وجابل مريوم : مريم مافهمت فهميني عدل
مريوم قالت له السالفه وقالت له شو قالت ريم لها وقالت له موصفات الريال وقالت اخر شي لما ركبو الباص انها شافت نفس الشخص اللي ريم شافته وقالت لما ريم شافته في الملاهي
ذياب : اهاااا
مريوم ضربته على جتفه : شو اها ليش جي انت بارد
ذياب : خلاص بتصرف ماعليج
مريوم : ذياب محسسني انت ريال تراك بزر لازم انشوف حد من الاهل نقوله
ذياب : منوه بزر انا ؟
مريوم : لا يعيوني مب قصدي انك بزر بس بعد لازم واحد كبير
ذياب : اوكيه بس نخبر منوه ؟
مريوم : يوسف يعرف صح
ذياب : هي بس نبا بعد حد ثاني غير يوسف
مريوم : هههمممم خلوف ؟
ذياب : لا حرام خلوف ياي هني شهر عسل نخرب موده ليش
مريوم : شوفيك تراهم يلحقون ورانا كلنا مب بس انا وريم يعني لازم خلوف يعرف
ذياب : ماعندج واحد ثاني غير خلوف ؟ قلت خلوف لا
مريوم : اوهووو عيل منوه ؟ سيف
ذياب : سيف بعد يعرف وقاعد يحاول انه يتصرف
مريوم : يدي ؟
ذياب : لا يدي الي لازم نحط عينه عليه عدل
مريوم خافت : ليش
ذياب : بس لاني شاك انه يدي له علاقه في الموضوع
ضربته مريوم على راسه : ايه لاتيلس تفاول على يدي
ذياب : تقدرين ولو مره ماتضربين حد على راسه ؟
مريوم : نزين احين بتخبر منوه
ذياب : والله ما ادري
مريوم : هزاع ؟
ذياب : مدري تحسين اوكيه هزاع ؟
مريوم كانت بتتكلم بس فجأة سمعو صوت من وراهم ...
نرجع عند روضه و سيف الي وصلو المزرعه
سيف : شوفي كاهو الحصان
سيف راحت صوبه : الله حلو بس رعد احلا منه
سيف : رعد ؟
روضه : هيه شي عندنا عزبه في العين وهناك عندنا حصان اسمه رعد
سيف : اها يعني حصان اسمه رعد ؟
روضه : هي
سيف : اوكيه حصان اسمه رعد
روضه الي توها تستوعب جان تضربه على جتفه : تتطنز انت وويهك
سيف : هههههه عيل مدري عنكم حتى الحصان مسمينه
روضه : هي وحتى يدي الي مسميه
سيف : اونه
روضه : هي نعم
سيف : عيل شو بتسمين ها الحصان ؟
روضه : هاه وقعدت تفكر هههممممم شو اسميه برق ؟
سيف : برق يصقعج قولي امين
روضه : ههههههههه اوكيه ويت ادور اسم ثاني
سيف : يلا
روضه : هههههههههه جوليت ؟
سيف : يضحك ؟
روضه : ههههههههه نفسيه نزين شو اسميه ما اعرف
سيف : ما ادري اختاري اي اسم
روضه : نزين ذياب
سيف : كافي الي عندنا
روضه شافت سيف : المهم سيف
سيف شافها : هلا
روضه : وين اهلك ؟
سيف : رجعو الامارات
روضه : وانت ليش مارجعت وياهم ؟
سيف : ليش امضايج عليج انا ؟
روضه على طول : لا والله مب قصدي جي
سيف : عشان الجامعه
روضه دون شعور : اشكر الجامعه
سيف شافها وهو ساكت
روضه توهقت : عيل يوم كنا نشوفك في دبي شو كنت تسوي هناك
سيف : يوم امي وابوي رجعو الامارات رجعت وياهم تميت اسبوع هناك وعقب رديت هني وعقب ذياب اتصل فيني وقال اهلي بييون وانا انصدمت لانه محد كان يعرف انه ذياب عنده اهل وبس عقب ييتو تعرفت عليكم
روضه ابتسمت : وصرت معانا في العائله
وابتسم سيف لها
روضه مسكت الحصان وقامت تمسح عليه : احس ما اعرف كيف تدرسون برع بعيد عن اهلكم اتمون كمن سنه ماتشوفونهم
سيف : هو صح مب شي وراح تحسين ب الغربه بس عقب بتتعودين
روضه : يعني حمدالله عندنا احلا وافضل الجامعات في الامارات تيون تدرسون هني ليش
سيف : صح كلامج بس هم غير يوم الواحد يكون عنده طموح انه يدرس برع
روضه : بعد صح
سيف : هيه
روضه : ويوم بنرد الامارات انت بتم ؟
سيف : هههه شو ها السوال الغبي اكيد بتم
روضه : مايضحك
سيف : عيل ذكريني اول جامعه صح ؟
روضه : منوه انا ؟
سيف : لا انا
روضه : اوه ، هي
سيف : عيل شدي حيلج
روضه : هي اكيد واحسني مستانسه
سيف : عيل شو ناويه تصيرين ف المستقبل ان شاءالله ؟
روضه : معلمه
سيف : حلو تحبين التدريس
روضه ابتسمت : هي
سيف : زين حلو
روضه تمت تمسح شعر الحصان وهي مبتسمه
سيف : بعدج ما اخترتي اسم حق الحصان
روضه : خلاص حصوني
سيف : شو حصوني انتي بعد
روضه : يعني شو بختار عيل ما اعرف
سيف تم يشوفها وهو ساكت
روضه : خلاص بسميه مطر
سيف : ممممممممم يعني حلو
روضه : بعد بطي حلو
سيف : الله يهديج مايناسب حق اسم حصان
روضه : خلاص ماله اسم
سيف : هي ابرك من اساميج الكجره
روضه كانت بدوس ريوله بس هو كان اسرع عنها و وخر
روضه : انا برد عندهم وراحت
سيف لحقها : دلوعه تعالي هههههههه
روضه : ججججببببببب
ورجعو روضه و سيف عند الاهل
نرجع لعند مريوم وذياب
مريوم : ويعه هزاع انت شو !!
ذياب : تستهبل انت من متى هني
هزاع : ماعليه بس سمعت كل شي
ذياب : جذاب
هزاع : والله
مريوم : شو سمعت
هزاع : كل شي
مريوم : خلاص يعني مايحتاي نشرح له هو معانا
ذياب : على كيفج على طول معانا
هزاع : هي خلاص انا وياكم بس منوه بعد اللي وياكم
مريوم : شوف يوسف و سيف وانا وذياب بس واحين انت صرت تعرف عن السالفه
هزاع : السالفه جنها قويه
مريوم : هي وايد قويه وتخوف بعد
هزاع : يبالي اسمعها من اول ويديد
ذياب : اتخبرك متجسس وسامع كل شي
هزاع : هههه شدعوه بس يدي شوفيه ك......
مريوم قاطعته فجأة وقامت تصارخ : ااااااااااااااااااااا
ذياب وهزاع شافو مريوم مستغربين فجأة سمعو صوت
اليده : ويعه اسكتي وصمه
ذياب لما سمع صوت يدته انصدم وشاف صوب الباب وكانت يدتهم واقفه قال صوت خفيف : شت اوريك هزاعو
هزاع بنفس نبرة صوت ذياب : وانا شدراني ماشفتها عقب قال صوت عالي بسم الله يدوتي شو تسوين هني
اليده : بس بروح فوق ارقد
مريوم : يدو توه الناس توها ١٠ ؟
اليده : ما ادري احسني تعبانه فيني رقاد
مريوم وذياب وهزاع اول ماسمعو يدتهم تقول تعبانه على طول قامو وراحو عندها
مريوم : بسم الله عليج شوفيج
ذياب : تعبانه شو تحسين فيه ؟
اليده : حبايبي مافيني شي بس فيني رقاد
هزاع : متاكدا ؟
اليده : هيه وصح تعال انت شوكنت تقول عن يدك
هزاع : كنت اقول انه يدي خذ الدوا ولا ؟
اليده : وكنت تسال مريوم الغبيه ؟
مريوم : افا شدعوه
هزاع : ههههه ما ادري قلت يمكن مريوم تعرف
اليد : هي خذ دواه
هزاع : حمدالله عيل يلا تعالي اوصلج غرفتج
اليده : ماله داعي اطلعو برع عندهم وستانسو
هزاع : لالالالا انا ابا اوصلج غرفتج ابغي اسولف معاج ونحن رايحين
اليده : هههه اوكيه يلا امش
هزاع : يلا
راح هزاع مع يدته فوق وراحو مريوم وذياب برع
مريوم : يهو يدوتي زيغتني لما جفتها صوب الباب
ذياب : وانتي الغبيه ليش اتصارخين
مريوم : عيل كيف تبغاني اسكتكم
ذياب : غبيه
مريوم : ذياب
ذياب شافها
مريوم شافته : انت تحب اليهال ؟
ذياب عقد حواجبه : ليش ها الطاري
مريوم : ههههه لا بس جيه اسال
ذياب : مايخصج
مريوم : يلااا عاد قوللل
ذياب : مايخصج
مريوم : ذيابببببب !!
ذياب : مايخصج
مريوم : الا يخصني
ذياب : مايخصج
ضربته مريوم بكس على جتفه : انجلع خلاص مابغي اعرف
مسك ذياب مكان الضربه : ههههه مب ايد عليج خلاص هيه احبهم
مريوم : محد قال اذا تحبهم ولا
ذياب : طع عيل منوه اللي توه سال ؟
مريوم : اليني
ذياب : ماشي فرق بينج وبينه
وصلو مريوم وذياب عند الاهل وراحت مريوم قعدت عند البنات وذياب عند الشباب
مريوم حطت ايدها على خدها وطالعت روضه وهي مبتسمه
روضه شافت مريوم : بسم الله بلاج
مريوم غمزت لها : شوصار هناك عيل
روضه : ويعه بلاج ماصار شي
ريم : جذابه اضاربو
مريوم : صدق ؟
روضه ضربت ريم على راسها : اسكتي جذابه وحده
مريوم : هههههه شوصار ياخي
روضه : يالملقوفه ماصار شي
ميثا : انتي اتخيلي بس خذاها صوب الحصان
مريوم : واووو حركاتتت هههههههههههه
روضه : مايضحك
مريوم : هههههه نزين نزين
ميثا : مسويه انها عصبت هههه
مريوم : عيل قايله حق ميثا و ريم وانا لا
روضه : ماقلت لهم
مريوم : عيل كيف تعرف ريم انج رحتي صوب الحصان
ريم : جذابه قالت لنا
روضه : والله ماصار شي بس رحنا صوب الحصان وردينا
مريوم : اهههاااا عليناااا
روضه : جب
ريم : جوفو استحت
روضه بصراخ فجأة : بببسسسسس!!!
كلهم شافو روضه والبنات نزلو راسهم
اليد : وصمه
روضه : اسفه بالغلط
مايد : بالغلط وصراخج وصل لين اخر الفريج
هزاع : ابشرك حتى السمج نشو من الرقاد ههههههه
راشد : كاهم كاهم قامو يسبحون ههههههههههه
مريوم : هه وايد يضحك اقول اسكت انت محد رمسك
راشد : منوه الي يسكت
مريوم : السمج الي في البحر ؟ يعني منوه غيرك
راشد : احترمي نفسج
مريوم وهي تقلد صوت راشد وتقلد حركاته : احترمي نفسج
راشد : ترا والله العظيم بقوم لج
مريوم : ترا والله العظيم بقوم لج
راشد ماتحمل سخافتها جان يقوم لها ومريوم لما شافت راشد قام قامت ركض وشردت وراشد يلحق وراها
مريوم : يييمممهههههه خلاص اسفههههه
راشد : والله بس خليني ازخج
اليد : اوهووو رشود ودرها عنك
مايد قام يصارخ : ههههييييييي رشووودددد امسكهاااا يا المصخررههههه
اليد ضرب ميود على راسه
مايد : اي راسي يدي بلاك
اليد : اسكت انا ابغيه يقعد وانت تشجعه
مايد : ههههههه بعد حركات مريوم تقول ياهل تستاهل
مريوم لفت البيت بكبره ودخلت داخل البيت ولفته كامل وطلعت برع وراحت عندهم صوب البحر وانخشت ورا يدها
راشد وهو يالله وصل لهم وقف وهو يتنفس تعبان : بل عليج ماتتعبين درتي البيت بكبره
مريوم وهي تتنفس بتعب : اسكت والله اني تعبت وانا اركض !! ريولك تقول ريول سبالو ماتتعب
ام راشد : ويعه مريوم اذكري ربج قولي ماشاءالله
ميثا وهي ميته ضحك : سبالو ههههههههههههههههههههههههه
روضه : طع الفروض ادافعين عنه
ميثا : ههههههههه بعد مريوم صادقه ريوله طويله جنه قرد ههههههههههههه
ام راشد : انتو شو ماتعرفون تذكرون ربكم !!!!!
اليد : عصبت ام راشد اذكرو ربكم
مريوم تفلت على راشد : تف تف هق تف ماشاءالله
راشد : الله يلوع جبدج قالت ذكري ربج مب طلعي تفافيلج
اليد : اعوذ بالله سبحتنا تفافيل
مريوم : ههههههههههههههههه
الجد دزها : روحي روحي قعدي مكانج خليني اروح ارقد وانتو بعد قومو رقدو بس صارت الساعه ١٠ ونص
ابو بدر : يلا قمنا
قامو كلهم وراحو داخل وتمو ابطالنا الي متعودين عليهم
مريوم : الجو قام يصير ابرد
سيف : احس عادي انتو اوفر
روضه : هي انت متعود على ها البرد سنوات هني
سيف : احم المهم مريوم صبي لنا كوفي
مريوم : لااااا اول قول عمتي
روضه : خلاص انا بصب لك
مريوم شافت روضه بستغراب و ريم ضحكت صوت خفيف
مريوم : ذياب وانت تبغي كوفي ؟
ذياب : لا
مريوم : نزين بدور تبا كوفي ؟
بدر : هيه
مريوم : ما اشتغل عندك
بدر : يلعن
مريوم : لا تلعن !! انا مب وحده من ربعك
ذياب : عشان جيه قلت لها لا اختك من يومها وصخه واعرف ردها
مريوم : هع اخرس
بدر : روضه صبيلي
روضه : هههههه انزين
مريوم : شرايكم بدال ماتشربون كوفي اسوي لكم هوت شوكليت ؟
ميثا : الله هههيييههه
سيف : خلاص اذا بتسوين هوت شوكليت بشرب
مريوم : حاضرررر بس بروح اييب الاغراض من المطبخ وبيي
ريم : يلا تمام
قامت مريوم وراحت المطبخ تدور على نسكويك ودخلت عليها بشكاره كانت مريوم تدور داخل الكبت ولما دخلت البشكارة شافتها عشان تقولها وطلعت نفس ذيك البشكارة
قالت مريوم في عمرها ايهي يعني ماتطلع في ويهي الا هاي البشكاره النفسيه وقالت : جوفي انا راح انسى اللي قلتيه لي قبل والحين عادي تقولين لي وين تحطون نسكويك ؟
البشكاره: انتي مافي يفهم ؟ بطلت مريوم عيونها بصدمه وكملت البشكاره انا يقول حق انتي دور بروحك مافي يفهم انتي ؟ كلي ولي مع وجه مال انتي وطلعت البشكاره ومريوم من القهر كانت بتطلع وراها عشان تكفخها بس فجاة زخ ايدها سيف من وراها
سيف : وووييوووو
لفت مريوم بخوف : بسم الله من وين طلعت انت
هد سيف ايد مريوم : دخلت المطبخ اجوفج لانه اعرف ماتعرفين شي عن المطبخ ييت اساعدج
مريوم : شفت البشكاره شو قالت لي ؟
سيف بستغراب : اي بشكاره ؟
مريوم : اللي من شوي طلعت
سيف : هي شفت بشكاره طلعت من شوي بس لا ماسمعت شو قالت ليش شو قالت لج ؟؟
مريوم سكتت لانها ماكنت تبغي تسوي مشاكل مع البشكاره وابتسمت لما تذكرت سيف وهو يقول لها ييت عشان اساعدج لفت مريوم ايدها ورا ظهرها وقالت : هممم يلا ساعدنييي
سيف : ها في شو اساعدج يا القزم
مريوم ضربته على جفته : انتتت القققزممممم
سيف : ههههه هي واضح من القزم
مريوم : يلا بجوف انت شاطر
سيف : ها
مريوم : لما بنسوي هوت شوكليت شو لازم ناخذ معانا ؟
سيف : سهله
مريوم : ههههه يلا نزين قول شو ؟
سيف : حليب شوكليت ونحطه يطبخ
مريوم نقعت ضحكت : هههههههههههههههههههههههه
سيف : ايه يالقزم لاتضحكين
مريوم : هههههه اوكيه اوكيه ترا غلط
سيف : عيل
مريوم : اول شي هات حليب
سيف حط ايده على خصره : هي نزين ست مريوم
مريوم : ليش واقف وحاط ايدك على خصرك روح ييب حليب لاه
سيف : الحليب في الثلاجه انتي روحي هاتيه بعد قولي ماطالين ؟
مريوم : تخسي وراحت فتحت الثلاجه وطلعت الحليب
سيف رجع وحط ايده على خصره ويحرك ريوله : هي وثاني شي شو ؟
مريوم ضحكت على حركته : ههههههه نزين ليش جيه مسوي بعمرك جنك حرمه متطلقه
سيف : ششششكككووووو
مريوم : ههههههه ثاني شي هات نسكويك
سيف : شوها بعد
مريوم : اوهو ها البودره كاكاو مال الارنوب
سيف : هههييييي الارنوب اللي لونه اصفر ؟
مريوم : ههييههه عليك نور
راح سيف وفتح الكبت وطلع نسكويك ومده حق مريوم : هاج مسكته
مريوم وحطته في الصينيه
سيف : اوكيه وبعدين؟
مريوم : شكر بس الشكر موجود عندنا برع
سيف : هيه موجوده
مريوم : والحين ابغي الكريم اللي يزينون فيه الكيك
سيف : اي واحد ؟
مريوم : ها اللي يطلع صوت غغغرررررر
سيف : هههههههههههه عرفته عرفته راح سيف وفتح الكبت وطلع الكريمه وحطها في الصينيه وبعد ؟
مريوم : بس اخرشي ابغي فليك
سيف اشر على الدرج : بطلي ها الدرج وبتحصلين كل انواع الكاكاو هناك
راحت مريوم وبطلعت الدرج وصدق كان شي وايد كاكاوات: اممبيييههه وناسهههه
سيف شال الصينيه : يلااا نطلع
خذت مريوم انواع الكاكاو اللي تحتاجه وطلعو هي وسيف برع عند الباقين وقعدو
سيف : ها ذياب يبت الجوله عشان نطبخ ؟
ذياب : هيه كاهي
راحت مريوم صوب الجوله وقامت تسوي لهم هوت شوكليت
ريم : مريوم حطي وايد نسكويك
مريوم : مب حلو وايد
ريم : على كيفج
مريوم : هيه
مايد : هاي لما تعاند تقهر خاطري اغرقها في البحر
مريوم : شوفيكم اليوم بس تبغون تغرقوني حرام عليكم
سيف : احسن عشان نفتك منج
مريوم : ماعليه سيفو ماراح يشرب
سيف : شوفو انا مظلوم
مريوم : انطم
خلصت مريوم الهوت شوكليت ووزعت للكل
ميثا مسكت القلاص : واااايييي دافففييييي
روضه : صدققق مريوم مطلعه الحراره من عيونه حتى القلاص حار
ميثا : هههههه صددددققققق
ريم قامت : يلا انا بروح ارقد
مريوم : جذابه عقب بتروح الغرفه وتتطالع فلم
ريم : اسكتي ويعه فشلتيني
مريوم : بقوم اشكي للبحر همومي
سيف : هي عشان يسحبج داخل ويبلعج ونفتك منج
مريوم شهقة : شدعوه حاقد علي ليه
سيف : يمه منش احقد عليج ليش
رفعت مريوم صبعها ف ويهه : لانك اتغار مني
سيف : اول شي نزلي صبعج لا اكسره ثاني شي اغار من شو مالت عليج بس
مريوم : ننننننننننن بزر
سيف : اكبر عنج
مريوم : بسنههه !!
سيف : المهم اني اكبر هه
مريوم : بتخبرج ميثا خلصتي مسلسلج الي كنتي اتابعينه
ميثا : يوه هيه واحين يالسه ادور مسلسل
مريوم : اههاا
ذياب قام : يلا عيل انا بروح داخل
بدر قام : يلا حتنا بيي وياك بس تثلجت
راشد قام وياهم عقب كل الشباب قامو وراحو
مريوم : هي بنات سمعو
روضه : الله يستر وشو
مريوم : تخيلو اليوم وانا اسوي الكوفي قلت حق البشكاره ابا نسكافيه جان تقولي كلي ولي انا مافي معلوم انتي عندك ايد دور بروحك لا وبعد شفتها مره ثانيه عشان كنت ابغي نسكويك بعد قالت لي نفس الشي
ريم : ههههههههههههه خيبه مريوم البشكاره ترفع صوتها عليج
ميثا : هاي بلاها جي نفسيه والله انا لو كنت بدالج جان ماسكت عنها
مريوم ابتسمت : ومنوه قايل لج اني بسكت
ريم : بسم الله ابتسامتها ماتبشر بالخير
ميثا : تخوف هاي
روضه : الله يستر شو بتسوين
مريوم : بربطها
كلهم استغربو
ميثا : هاه
مريوم : بربطها في المطبخ
ريم : تستهبلين انتي ؟
مريوم : لا طبعا
روضه : كيف تربطينها هاي بشكاره مب جلب
مريوم : لا جلب
روضه : لاتمزحين ايه انتي
مريوم : بتشاركوني الخطه ولا ؟؟
روضه : طبعا لا مايخصني انا
ميثا : انتي تسمعين شو قاعد تقولين بتربطينها هاي انسان مب جلب
ريم : بس بعد البشكاره غلطت عليها يعني تستاهل
كلهم شافو ريم
مريوم : تعجبيينننيييي
روضه : تستهبلين انتي تشجعينها ؟
ريم : مريوم مريوم ماعليج منهم انا وياج
مريوم : وناسه خلاص تم
روضه : ايه لاتمزحون
مريوم : المهم ولاجنها ترمس اسمعي ريم
ريم : هاه
مريوم : بنسوي الخطه الساعه ١ فليل
ريم : خلاص تم
ميثا : ااءءءء احس حماس خلاص بساعدكم
روضه : ميثا تتمصخرين
ميثا : محد بيعرف منوه ربطها عادي
روضه : حرام عليكم تراها انسان !!!
مريوم : وهي ليش ماقالت حرام هاي مسكينه ماتعرف البيت عدل خلني اقولها وين المكان اتي وتقول لي كلي ولي !!
روضه : هاوشيها بس ماتربطينها
مريوم : شوفي روضه والله اذا خبرتي حد عن الي بسويه شوفي شو بسوي فيج
روضه : تهددين بعد !!!
مريوم : هيه اهددج
روضه قامت : اوهو انا مايخصني فيكم بروح الغرفه
وراحت عنهم
ميثا : ايه انتي
مريوم : شو
ميثا : احين كيف بنيب البشكاره وكيف بتسوين الخطه فهمينا
مريوم : سمعو .....
ريم : هههههه حماس خلاص تم
مريم : يلا ندخل داخل
قامو البنات دخلو وكان ماشي حد في الصاله والليتات مسكره
ميثا : توها الساعه ١٢ مسرع راحو يرقدون
ريم : ما اتوقع راقدين كلهم قاعدين في غرفهم
مريوم : عيل خلاص امشو نروح الغرفه والساعه وحده بنرجع تحت
ميثا : يلا
صعدو البنات فوق ودخلو الغرفه شافو روضه قاعده وتقرا الرواية راحت مريوم صوبها وحضنتها من ورا
مريوم : روويضضض
روضه : نعم
مريوم : يهو انتي احين ليش معصبه
روضه سكرت الرواية : مريوم تعرفين انتي شو تبغين تسوين !!
مريوم : يحلوه انتي ترا ماراح يصير شي والله ما راح اذبحها بس بتتعور شويات حتى ماراح تتعور بس بربطها ترا مايعرف
روضه : خلاص اوكيه بس ماتعورينها وايد !!
مريوم : من عيوني انتي بس لاتعصبين
روضه : نزين قولي لي خطتكم
مريوم توهقت : هاه لازم تعرفين ؟
روضه شافتها : مريوم !
مريوم : شوفي انا قلت لج ماراح يصير شي وخلاص
روضه : كيفكم انا مايخصني فيكم
مريوم : هي جيه بعد احسن
روضه قامت : عيل انا بروح
البنات فجأة بصوت واحد : وووييييننننننننن
روضه : بسم الله بلاكم بروح اشوف مكينة الكوفي
مريوم : اوه خرعتيني
ميثا : ههههههه نقزت قلبي
روضه : دامكم خايفين لهاي الدرجه ليش تسوون جيه
مريوم : عشانها تستاهل
روضه سوت حق مريوم مالت وراحت الصاله الصغيره (ملاحظه شي صاله صغيره فوق فالطابق الثاني) راحت روضه عند مكينة الكوفي
روضه : احين هاي كيف استخدمها كيف اطحن الكوفي واسوي الحليب
بببوووو
روضه نقزت ولفت وراها : ويعه سيف حمار انت خوفتني
سيف : ههه بلاج ترمسين عمرج
روضه : مب يالسه ارمس عمري
سيف : عيل شي يني هني ترمسين معاه ؟
روضه : ههه مايضحك
سيف : محد قال ضحكي
روضه : المهم زين ييت تعال علمني كيف استخدم هاي المكينه
سيف : حلفي انج ماتعرفين
روضه : اقول لاتتفلسف وايد علمني
سيف : نزين شوفي اول شي تطحنين الكوفي جيه ..
نخلي هاييل الاثنين ونروح عند البنات في الغرفه
ريم : ايه مريوم
مريوم : وشو
ريم : انتي اول تعرفين وين غرفة البشاكير
رفعت مريوم راسها وشافت ريم : انا كيف مافكرت في ها الششيييييي
ميثا : ستغفرالله انتي كيف تبين تروحين عندهم وانتي ماتعرفين وين ملحقهم !!!!!
مريوم : اوهو نسيت بعد مايا على بالي
ريم : شوبتسوين احين
مريوم : خلاص بروح اسال يوسف
ميثا : اوب اوب شو يوسف غبيه انتي تروحين له ها الوقت عيب
مريوم : عيل اسال منوه
ريم : ذياب
مريوم : تخسين
ريم : اوهو ليش
مريوم : لا ها بيسوي تحقيق ومعرف شو
ريم : شوفي ترا بس عندج ذياب
ميثا : نزين بعد عندها سيف
مريوم : لا ها حيوان بييلس يلف ويدور وياي عقب بيسكر الباب في ويهي
ريم : ههههه سيف بس يتمصخر عليج
مريوم : سكتي
ميثا : عيل خلاص مريوم ماعندج غير ذياب
مريوم : اوهو اوكيه يلا بروح
قامت مريوم وطلعت من الغرفه وصارت تمشي على اصابع ريولها لانه سمعت صوت في الصاله وصلت لغرفة ذياب وقلبها يدق كانت مصارعه بينها وبين نفسها عشان ادق الباب بس عقب خذت نفس ودقت الباب عند ذياب الي كان منسدح في الكرفايه ويطالع فونه سمع صوت دق الباب وقام فتحه
ذياب شاف مريوم : اختي تراج مغلطه غرفة اخوج هناك الصوب الثاني
مريوم : اوهو ابا ارمسك
ذياب حط ظهره على الباب : هاه شو بغيتي
مريوم شافته : وين غرفة الخدم
ذياب استغرب : ليش
مريوم : بس ابا اعرف كلشي عن بيتكم
ذياب : حلفي انتي بس
مريوم لفت راسها وهي ساكته
ذياب : اول شي عندهم ملحق مب غرفه ثاني شي برع مب هني
مريوم : اوكيه برع وين
ذياب استغرب اكثر : وانتي ليش تبين تعرفين
مريوم : خلاص مابا اعرف
ذياب : احسن
مريوم : ذيياابببب!!
ذياب : اوهو سمعي صوب المزرعه شي ملحق صغير لونه ابيض على بني هناك
مريوم : ششككراااا وراحت وهي متحمسه
ذياب : غبيه
دخل غرفته وسكر الباب
مريوم وهي تمشي استوعبت انها ماتعرف وين مكان المزرعه جان تضرب راسها : اف مالت علي وانا شدراني وين مكان المزرعه خلاص خ يولي عادي بندور عليها ورجعت الغرفه عند البنات وكانت روضه موجوده دخلت مريوم الغرفه وسكرت الباب وراها
مريوم : منوه كان وياج في الصاله
روضه : سيف
مريوم : اهااا
ريم : عرفتي وين مكان الملحق
مريوم : هي صوب المزرعه
ريم : ووين المزرعه
مريوم : هني المشكله نسيت اقوله وين المزرعه
ريم : يعني انا شفت ناس فيهم غباء بس مثلج ماشفت
مريوم : عادي بدور مكانها
ريم : في ها الحوش العود
مريوم : قولي ماشاءالله ويعه
ريم : ماشاءالله ماشاءالله
ميثا فجأة شافت روضه و روضه كانت تقرا الرواية وتشرب كوفي ومب منتبها لهم
ميثا : روضه تعرف
روضه غصت فالكوفي وقامت تكح
مريوم : صصصصحححححح سيف خذاج صوب المزرعه
روضه : خسي
مريوم : روويضضضض
روضه : قلت لا
ريم : اوهو رويض بس قولي لنا مكانها وعقب روحي
روضه : اوهوو وانا داريه اني بدخل في السالفه داريه
مريوم : يعني موافقه
روضه : نزين نزين فكوني
مريوم : تعجبيننييي
روضه : نزين يلا قولو خطتكم عشان اعرف شو اسوي
مريوم تربعت : شوفي انا بروح ازقر البشكاره وريم وميثا بيكونو في المطبخ بنحط طحين فوق الباب الوراني وبنخلي الارضيه ماي يوم بتدخل البشكاره بتزحلق وبينصب عليها الطحين وعقب راح نربطها ونخليها مربوطه في المطبخ
روضه : ستغفرالله اكرهكم
ميثا : يلا قومو صارت الساعه وحده ونص
مريوم : جذابه امبيه مسرع
روضه : لازم ايي انا ؟
كلهم بصوت واحد : هيه
روضه : ويعيه
مريوم : يلا يلا امشو ننزل
نزلو البنات شوي شوي تحت وراحو صوب المطبخ بس قبل مايدخلون المطبخ سمعو صوت داخل المطبخ ولما سمعو الصوت كل وحده تنثرت مريوم وروضه راحو ورا الغنفه وريم وميثا راحو داخل الحمام سيف حس بصوت برع شل قلاص الماي وطلع من المطبخ تلفت يمين ويسار بس ماشاف حد رجع المطبخ وسكر الليت وراح صعد فوق طلعو البنات من مكانهم ودخلو المطبخ
مريوم : وي بسم الله ها من وين طلع
روضه : شدراني توه كان فوق
ريم : تقول يني يطلع انا بكل مكان
روضه : هههه صدق
مريوم : ماعلينا شوفو انا وروضه احين بنروح نزقر البشكاره وانتو سوو اللي عليكم
ريم : حااضررر
ميثا : نزين وين يحطون الطحين ؟
ريم : مريوم روحي اسالي ذياب
مريوم : لاعاد مصختيها
ريم : هههههههه امزح امزح
ميثا : خلاص عيل يلا ندور قبل مانسوي الخطه
البنات : يلاااا وقامو يدورون على الطحين ومريوم راحت صوب المخزن وقامت تفتح الكبتات وتدور وقفت على اصابع ريولها وفتحت الكبت وكان شي اكياس حاولت تسحب كيس واحد بس ماقدرت وحاولت مره ثانيه وقدرت تمسك طرف الكيس ولما مسكته سحبته على طول وطططخخخخخخ
مريوم بصراخ : بببننناتتتتتت
كلهم يوو ركض عندها وخافو من شكلها كان الطحين كله منصب عليها ومغطي ويها
ريم : ييمههه
ميثا : اعوذ بالله خوفتينا
روضه : اللهم اني اعوذ بك من الخبث و الخبائث
مريوم وهي تكح : حصلته
روضه : وين
اشرت مريوم على الكبت : هني
روضه : ههههه خلاص انا بيبه
طرقت (مسحت) مريوم عمرها من الطحين : باخذ شور يوم ارد نخلص الخطه يلا احين حصلتو الطحين سوو الي عليكم وانا و روضه بنروح نزقرهااا
روضه : جاهزين كلشي موجود ؟
ريم وميثا : هيه
روضه : والحبل من وين يبتو ؟
ريم : حصلته في المخزن
روضه : اهااا
مريوم سحبت روضه : امشي لا تسولفين وايد ورانا شغل
روضه : يلا يلا
طلعو مريوم وروضه ومشو صوب المزرعه
مريوم : المزرعه بعيده
روضه : لا كاهي جريبه
مريوم : بعد ماشاءالله ياكبر حوشهم
روضه : ههه هي حسيتي انضيع فيه
مريوم : بعدنا ماوصلنا ؟
روضه اشرت على المزرعه : كاهي
مريوم : بسم الله ليش جيه المزرعه ضلمه
روضه : يعني رايحه لها فليل شو تبغين يكون فيه
مريوم : اوهو تعرفين كيف تفتحين الليتات ؟
روضه : لا وبعد انتي رايحه صوب الملحق شدخل المزرعه
مريوم : صح صح
روضه : نزين وينه
مريوم : قال لونه بني وابيض
روضه اشرت : شوفي ها لونه بني وابيض
مريم : يلا نروح
راحو مريوم و روضه صوب الملحق ودقو الباب طلعت لهم بشكاره وواضح من عيونها انها كانت راقده وغصب تفتح عيونها
العامله : هلا ماما
مريوم : وين هاي ام شعر اخضر
روضه شافت مريوم بصدمه
العامله : تيفاني ؟
مريوم : من ياب طاري ها اللون
العامله ضحكت : لا هادا اسم مال هيا
مريم : اوه اسمها تيفاني
العامله : يس مدام
مريوم : اوكيه ناديها
العامله : حادر(حاضر) وراحت تزقر بعدها بدقيقتين طلعت لهم تيفاني
تيفاني : نعم
روضه قالت في عمرها خيببههه هاي صدق شكلها حاقده
مريوم : ونعامه ارمسي عدل
تيفاني : نعم انتي شو يريد بعد يريد يدور معاك نسكافيه
مريوم : لا يريد يفرك حلج مال انتي في الارض ويعلمج كيف كلام انا
تيفاني : ترا انا بيخبر بابا ذياب
مريوم : بابا ذياب مال انتي مايخوف انا سامعه ويلا احين امشي وياي
تيفاني : وين يروح مايريد
روضه : بابا ذياب يباج في المطبخ
تيفاني : وليش مايجي هني
مريوم : عيب بابا ذياب يجي هني
تيفاني : اوكيه يلا امش جدام وانا بيمشي ورا انتي
مريوم : عيوني انتي امش يدام ونحن ورا يلا بسرعههههه !!!
تيفاني : ترا انتي مافي خوف انا انا في شجاع
مريم وروضه شافو بعض بصدمه جان فجأة يموتون ضحك
مريوم : ههههههههههه نزين يا شجاع انطي
روضه : انطي شو
مريوم : اوهوو قصدي انتي تعالي يلا وامشي يدام
تيفاني ما اهتمت لهم ومشت عنهم و روضه ومريم كانو ورا ويتهامسون
روضه : خيبه مريوم يضحك
مريوم : اسكتي تقهر بطت جبدي
روضه : يوم قالت لج نعم انتي شو يريد بعد يريد يدور معاك نسكافيه ههههههههههههههه
مريوم : مايضحك مايسوى علي كنت ادور نسكافيه
روضه : بذلج لين اخر يوم من عمرج
مريوم : وانتي غريبه تمشين معاي موقلتي ماراح تكملين معانا ؟
روضه : صراحه تحمست اعرف ردت فعلها
مريوم : راح تدفنا كلنا
روضه : هي واضح من شكلها
مريوم : سكتي يلا وصلنا وقالت صوت عالي يلا انتي دخلي ونحن بنروح
تيفاني : روح روح ولي
مريوم انصدمت : ايه انتي ترا بقوم ادفنج ارمسي عدل !!
تيفاني سوت حق مريوم ولي وراحت كانت مريوم بتروح تكفخها بس روضه مسكتها
روضه : مريوم مريوم خلاص خلاص
مريوم : والله العظيم تقهر يزاها اللي بييها
روضه : احين سمعي الصراخ
فجأة سمعو صراخ تيفاني : مممددداداااامممممم
مريوم شافت روضه : اركضيييي وراحو ركض المطبخ
نرجع عند تيفاني لما مريوم قالت لها روحي المطبخ دخلت المطبخ والا فجاه يطيح عليها الطحين مشت شوي وهي ماتشوف شي لانه الطحين غطه عيونها ماحست في عمرها الا وهي فجأة تزحلقت وطيح على الارض وصرخة ولما طاحت ميثا وريم على طول راحو صوبها وقعدو يربطونها
نرجع عند مريوم و روضه اللي سمعو صراخ تيفاني وراحو ركض المطبخ
مريوم : ربطوها يلا
ريم : اوهو مريوم ساعدينا ماتثبت هاي
نزلت مريوم ومسكت ريولها : يلا ريم تعالي ربطي ريلها
راحت ريم وربط ريولها
تيفاني : هد انااا اانااا في مووتتت
مريوم : لاتحاتين ماراح تموتين بس بنربط شوي
تيفاني : انتي خروف
مريم شهقت من الصدمه والبنات ماتو ضحك : انا خروف يابنت ابليس صبر علي اربطو ايدها ورقبتها بعد
روضه : ايه انتي شو رقبتها لا طبعا
ميثا مسكت ايدها ومريوم ربطتها
تيفاني : والله انا يخبر بابا ذياب
مريوم : روحي زين يعني اخاف من بابا ذياب سيري انتي وياه
روضه : وه تعبنا شو بنسوي فيها
مريوم : يبالنا نربط حلجها الوصخ بعد
روضه : لاعاد مصختيها
مريوم : خلاص عيل نربطها في الكرسي
ميثا : يلا بسرعه صارت الساعه ثلاث
مريوم : يلا
راحو ربطوها على الكرسي وخلوها
مريوم : عشان مره ثانيه ماتحطين راسج براسي فاهمه
تيفاني : انتي واحد قصير وين يقدر يحط راس مال انتي في راسي
البنات حاولو يكتمون ضحكتهم لانه تيفاني صدق تعرف تجلد مريوم
مريوم : ويعه انتي القصيره ام شعر اخضر
تيفاني : روهي ولي يعني يتحرا انا في خوف
مريوم كانت بتقوم لها بس البنات مسكوها : اوهوووو هدونييي عليهاااا خلوني اكفخهاااا
ميثا سحبت مريوم : خلااصصص مريوم ودريهااا عنججج
مريوم : قولي روحي ولي مره ثانيه وشوفي شو بسوي فيج
تيفاني : روهي ولييي
مريوم الي وصلت حدها : هدوووننييييي
سحبوها البنات وطلعوها برع المطبخ
ريم : خذوها فوق وانا بروح عند هاي الغبيه
ميثا : يلا اوكيه
مريوم : اوهو خلوني شوي اكفخهااا
روضه : امشي لاه امشي
روحو مريوم و ميثا و روضه فوق ورجعت ريم المطبخ
ريم : انتي ماتعرفين تحترمين حد شو
تيفاني : انتي بعد شو يريد
ريم : احترمي نفسج انا مادري ليش بعدج تشتغلين هني
تيفاني : روهي روهي
ريم : هي بروح وانتي تمي هني
وسكرت ليت المطبخ وراحت صعدت فوق عند البنات دخلت الغرفه وسكرت الباب وراها كانت روضه تقرا الرواية و ميثا كانت قاعده وتشوف فونها
ريم : وينها
ميثا : منوه
ريم : يعني منوه
ميثا : مريوم دخلت تسبح
ريم : متاكدا ؟
ميثا : هي هي شفتها تدخل
ريم طاحت على الطراحه : واااييييي تعبت اول مره اسوي جيه
ميثا : هي كله منها ولا نحن مو من هاي الحركات
ريم : هـ... مامداها ترمس الا مريوم تطلع وكانت لابسه الروب
مريوم : سمعتكم ترااا
ريم : خيبه ينيه ماتطلع الا لما نسولف عنها
مريوم : ههه وراحت دخلت غرفة التبديل
روضه وهي تصرخ عشان مريوم تسمع : ررييممم
ريم شافت روضه بستغراب : شوفيج
روضه : يمكننن مريوممممم دخل فيها يني
مريوم كانت تسمعهم قلبها فز : ويييعهههههه
روضه وريم وميثا ماتو ضحك
ريم : هههههههههههه رحمتها خوافه
بدلت مريوم وطلعت من غرفة التبديل وراحت صوب التسريحه : ههه ترا مايضحك
ميثا : هههههه اوكيه اوكيه
مريوم شافت روضه : وانتي
روضه : هاه
مريوم : روايتج متى تخلص
روضه : باقي لي كمن جزء واخلص
مريوم : يوه يعني مطوله
روضه : للاسف بس حلوه
مريوم : مب رومانسيه صح ؟
روضه : لالا وين ما احب هاي الروايات بس فيها شوي من الرومانسيه
مريوم : يعني اكشن ودراما اكثر
روضه : يب
مريوم : اهااا نزين اسكتي
روضه : ينيه
مريوم : غول
روضه : غول شو بعد
مريوم : ها واحد ضخم
روضه : اح احين انا ضخمه ؟
مريوم : هي شوي وتكسرينا
روضه : خلج قد الحجي
مريوم : قده وقدود
روضه : نزين ينيه
مريوم : يالغول
روضه : جب جب
مريوم : نننننن غول هههههه
روضه : ينيه
ريم : بس عاادددد يهال
روضه : سكتي بنت عمج
مريوم : سكتي بنت عمج
روضه : لاتقلدين !!!
مريوم : شو ما اقلد يالسه اقول حق ريم تسكتج
ميثا تلحفت : يلاااا سكرو الليت وجب ابا ارقد
مريم : الساعه كم
ريم : صارت الساعه ثلاث ونص
مريوم قامت تثاوب : يلا يلا نرقد وراحت حطت راسها على المخده وتلحفت
ميثا : نزين والليت !!!
مريوم : قولي حق ريمي ولا الغول تسكره
روضه : غول ف عينج
مريوم وهي متلحفه ومدخله راسها فاللحاف : طيب سكري الليت
روضه : نزين نزين فكونا
راحت تسكر الليت وراحت كرفايتها ورقدت ...
.................................................................................
.
***
**
*