البارت 4
اليوم الثاني
في بيت العم عبدالله نشت مريوم الفجر الساعه ٥ قامت دخلت تاخذ لها شور طلعت بدلت وصلت الفير ونزلت تحت الصاله وشافت الكل قاعد باست راس امها وابوها وقعدت
مريوم : هاه متى طيارتنا
ابو بدر : الساعه 8
مريوم : اوهو عيل ليش موعيني ها الوقت
بدر : ياحماره نحن لين مانجهز ونروح المطار ونسوي التذاكر ونحط الجنط يبالنا ٣ ساعات
مريوم : اوهو اختك الحماره
بدر : انتي اختي
مريوم : اوه نسيت قصدي ميره
ميره : انا شكو
ام بدر : وانتي حاضرتج ليش بعدج مب لابسه ونحن بعد شوي بنطلع
مريوم : اونههه!!
ابو بدر : الله يهديج بس روحي بسرعه تجهزي بعد شوي بنروح
راحت مريوم غرفتها واستشورت شعرها وحطت مسكره وروج ومكياج خفييفففف وربطت شعرها وطيحت خصلتين على ويها وبدلت لبست بنطلون بني وقميص ابيض دخلته داخل البنطلون و فوقه جاكيت بني خفيف وحلو ما لبست عبايه بس شيله بيضه طلعت من غرفتها ونزلت تحت حطت الشيله على جتفها وراحت المطبخ خذت لها كرك وراحت الصاله
مريوم : ماما وين البخور
ام بدر : فوق في غرفتي
حطت مريوم الكرك على الطاوله و صعدت فوق دخلت غرفة امها وابوها وشالت البخور كانت مريوم تتبخر وتغني : يعمم جيتكك لححددد بيتكك ولليددد بنتتككك انا اتققدممم
ميره : هوويييي هوييي وين يالسين نحن
مريوم : بسم الله وانتو ماتدخلون علي الا اذا كنت اغني هاي الاغنية
ميره : احمدي ربج انا الي دخلت مو حد ثاني
مريوم : والله صج حمدالله
ميره : عطيني عطيني البخور بس
مريوم : دوج خلصتي زهبتي كل شي
ميره : هيه اقولج ترا امي تقول نزلي شنطتج خلي سالي تشلها وتوديها السياره
مريوم : يلا اوكيه
طلعت مريوم من الغرفه وراحت غرفتها خذت شنطها ونزلتهم تحت وراحت الصاله
ام بدر : هاه نزلتي كل شي
مريوم : هيه طلعتهم بروح اشوف الباقين
ام بدر : حطي شيلتج
مريم : اوه نسيت هه
ام بدر : وشيلي كركج ع الطاوله
مريوم : اوه بعد نسيت هههه
حطت شيلتها وشلت كركها وطلعت برع وجافت عمها
مريوم : عمممييي ششهابببب
ابو راشد : صباح الخير مريومي
مريوم : ههههه شو مريومي ماحب حد جي يزقرني قول مريوم
ابو راشد : هههههه اوكيه
مريوم : وين بناتك
ابو راشد : داخل
مريوم : فديتك ليش قاعد برع بروحك
ابو راشد : اجوفهم كيف يحطون الشنط
مريوم : خلاص خلني احوط على البيوت كلها بعدين بيي اسولف وياك يلا باي
ابو راشد : الله يشفيج
مريوم وهي رايحه بيت عمها : سسمععتتتكككك
دخلت بيت عمها شهاب وشافت الكل جاهز وقاعد في الصاله
مريوم : صج ماتستحون ابوكم قاعد بروحه وانتو هني
ام راشد : وعليكم السلام
مريوم : اوه عمو ماجفتج ههه
هزاع : منوه برع
مريوم : بس عمي شهاب
قام هزاع وطلع برع عند ابوه
مريوم شافت راشد : شوتسوي انت هني
راشد رفع حواجبه : نعم قاعد بيت ابوج
مريوم : لا قاعد بيت عمي
راشد : عيل جب
مريوم : اي صح وين ميثا
راشد : فوق في غرفتها
مريوم صعدت فوق وراحت غرفة ميثا ودقت الباب
ميثا : ادخل
مريوم : اقول تعالي تحت شو تسوين فوق بروحج
ميثا : يلا امشي
مريوم : انتي زاهبه؟
ميثا : هيه من زمان بس قاعده اشوف فيديوهات تضحك
مريوم : ههههه خبله يلا ننزل
طلعو مريوم وميثا من الغرفه و نزلو تحت طلعو الحوي عسب يروحون عند روضه وريم بس شافو الكل برع
مريوم راحت ركض عند يدها وباست راسه : يدي حبيبي ليش طالع برع ماراح نروح احين
اليد : بعد شوي بنروح
مريم : اونه
اليد : والله بس باقي يحطون الشنط
باست ميثا راس يدها ويدتها: صباح الخير ياويه الخير انتو
اليده : صباح النور حبيبتي
اليد : ميثو بلاها عيونج جي حمرا ؟
ميثا : اهلكها البكاء على فراق محبوبي
اليد : ارمسي عدل ولا برنج بطفايه
ميثا : سهرانه طال عمرك
اليده : مريوم مريوم
مريوم : عيونها
اليده : روحي بسرعه غرفتي راح تشوفين فوق الطاوله فحم مال البخور
مريوم : يعني حتى البخور بتاخذينه
اليده : روحي وانتي ساكته
مريم : هههه اوكيه اوكيه
راحت مريوم ركض دخلت بيت يدها وبسرعه صعدت فوق دخلت دار يدها ويدتها وخذت البخور اللي على الطاوله وردت سكرت باب الغرفة وقفلته ونزلت تحت كانت بتطلع بس وقفها صوت
ذياب : مريوم مريوم
مريوم الي استغربت : مريوم؟
ذياب : قصدي مريم
مريوم ابتسمت : هيه جي اوكيه هلا
ذياب : عندي لج مفاجأة
مريوم اشرت على عمرها : لي انا
ذياب : هيه انتي
مريوم : اذا تستهبل والله اخبر يدي
ذياب : اوهو لا ما استهبل
مريوم مدت ايدها : يلا عطني
ذياب : مب احين
مريوم : اويه ليش
ذياب : بس قلت مب احين بعدين
مريوم : اف منك
يا صوت من برع
اليده : مريومممم يلا بنطلع زقري ذياب معاج
مريوم شافت ذياب : يلا
ذياب : يلا
طلعو مريوم وذياب من بيت يدهم وراحو الباص
ركبت مريوم الباص ووقفت في النص : الللللهههه حماس كلنا في باص واحد بنروح المطار
ذياب دفاها : امشي فكينا
مريوم : ترا بدوس فبطنك والله
ذياب : ا...
قاطعته اليده : فكوناااا قعدو بسرعه نبا نحرك
راحت مريوم وقعدت صوب ريم : هاذا القطار السريع طوط طوط
ريم : ييمشييي ولا يسترييححح
روضه : ططوووطططط طططووطططط
بدر : يدي شوالي خلانا نحجز باص ونركب مع هاذول اليهال
مريوم : اختك الياهل
ريم ضربت مريوم : ويعه انتي الياهل
مريوم : اوه نسيت انتي اخته هه
ريم : سيري ولي
مايد : نحن القطار السريعع
البنات : طططووططط ططوووططط
ذياب ضرب مايد : تستهبل نحن يالله نبيهم يسكتون
اليد : تذكرو مانسيتو شي ترا خلاص قاعد نروح بعيد عن البيت
بدر : لا لا مانسينا شي
مريوم : اوهو يدي خ نحط شي نسمعه
اليد : ماشي
مريوم : حطو يا اطفال يا حلوين اشربو الحليب
هزاع : شو نحن يايبين معانا يهال وانا مدري حتى ميرو ماسوتها
ميره : انا ماعرفها اصلا هاي مب اختي
مريوم : وعنننن جمالككك ماقدرت اببععددد واتوبببب
اليده : مريمو ايلسي عاقله بس
مريوم : اف اف يبه وين المطار
ابو بدر : في دبي
مريوم : اوهو يعني مطولين
ميره : يلا يلا نصفق
كل البنات صفقو مع ميره
اليد : بس بس بس بس عورتو راسي
مريوم : ااييي ياراسي عم يوجعني اهههه يا البي
اليد : ماعليه خلينا ننزل يامريوم جوفي شو بسوي فيج
مريوم : لا لا خلاص اسفه
تربعت مريوم ويلست
ريم : بل مشاها على صراط المستقيم
مريوم : يدي وقف على اي محطة بترول نبا كوفي
اليد : ليش تشوفيني انا الي اسوق
مريوم : اوه يبه
ابو بدر : لا
مريوم : اوهو عمي يعقوب جوف اخوك
ابو مايد : في المطار في كل شي
مريوم : اونه
ابو مايد : والله شو تتحرين حبيبتي ها مطار دبي
روضه : ككللووششش
ضربها راشد على راسها : شدخل شدخل كلوش في ها
روضه : ويعه راسي يعني كلوش فخم
راشد : جب
روضه : مالت
في الفندق عند زينب وخلوف الي جهزو كل اغراضهم
خلوف : زينب زهبتي كل اغراضج
زينب : هيه كل شي تمام
خلوف : يلا مشينا
طلعو من الشقه و نزلو تحت ركبو السياره وحركو صوب بيت يد خلوف
زينب : بيت عمي جريب من هني
خلوف : هيه نص ساعه واصلين
زينب مدت ايدها : خلوف امسك ايدي
خلوف جافها وهو مستغرب مسك ايدها وعصرت زينب على ايده
خلوف : هه ترا مايعور ايدج خفيفه وايد
زينب سوت عمرها زعلانه : اوهو
خلوف مسك ايد زينب : تبين تجربي
وعصر على ايدها
زينب : اي اي اي اي خلوف هدني والله يعور اسفه خلاص
خلوف : هههه رفع ايدها وباسها تعورتي
زينب وخرت ايدها : شوف شوف كيف صارت حمرا
خلوف : نزين اشوف عطيني
زينب : مابا
خلوف : نزين يلا يادلوعه وصلنا
زينب : اونه مسرع هه
نزل خلوف ونزلت زينب وراه
خلوف : يلا هاتي ايدج
زينب : مابغي
خلوف : مابعصر والله مابسوي شي
زينب شافته وهي مبوزه : والله ؟
خلوف تخرفن على شكلها وسحبها عنده وباس خدها : ناويه تذبحيني اليوم صح ؟
استحت زينب من حركته ودزته : اف خلوف عيب يلا ندخل
خلوف : ههههه نزين يلا هاتي ايدج
مدت زينب ايدها ومسكها ودخلو راحو الصاله شافو الكل قاعد راح يسلم على يدته ويده وخاله وحرمة خاله وفارس اما زينب بس سلمت على يد ويدت خلوف وعلى حرمة خال خلوف وقعدو
ام فارس : هاه عيل ماقلتو لنا وين مسافرين
زينب : ههه انا روحي معرف
خلوف : ابا اخليها مفاجاه
فارس : انا اعرف اقول
خلوف : عسب ادفنك
فارس : خلاص كنسل هه
اليده : يلا حبايبي قومو راح تتاخرون على الطياره
خلوف : ههه صح يلا قومي
سلمو على الكل وطلعو ركبو السياره وحركو للمطار
زينب : اوهو مايلسنا وايد
خلوف : واذا طارت الطياره انتي الي راح تحجزين بعدين
زينب : تراني من الفير ناشه انت الكسلان الي سنه لين تنش
خلوف : اهاا اها احين انا الكسلان
زينب : هيه
خلوف : هاتي ايدج
زينب : لا لا اسفين خلاص
خلوف : ههههههه شوفيج شوفيج استهبل
زينب : اسكت
خلوف : تراني مسوي لج مفاجأة
زينب : اونه شو
خلوف : ما اسمعج
زينب : عاد حسستني انك قاعد اخر الدنيا شو المفاجأة
خلوف : يلا وصلنا نزلي بس
زينب : اويه مسرع
خلوف : ترا بيت يدي صوب المطار
زينب : نزين قول شو المفاجاة
خلوف وقف باركن اشر يدام : شوفي
زينب شافت يدامها وفرحت : مممرريييوممممم
نزلت من السياره وقرت مريوم
مريوم الي كانت بتدخل المطار بس سمعت حد يناديها لفت وجافت زينب شهقت وحطت ايدها على حلجها : امبيهههههه وراحت ركض عندها وحضنتها
زينب : وواااييييي حبيبتي اشتقت لجججج
مريوم : ههههههه ممموررررر
ذياب راح صوبهم : اها وصلتو
خلوف : لا بعدنا في البيت ها الجني مالنا
ذياب : ودي اضحك بس سامج المهم يلا نزل شنطكم
خلوف : هيه صح
رفعت مريوم راسها وشافت ذياب الي كان رايح يساعد خلوف وييب الشنط
زينب شافت مريوم وين سرحت : هووييي وين رحتي
مريوم : هاه
زينب : هههه وين رحتي
مريوم : خلوف يلا ماخلصتو
خلوف : يلا خلصنا امشو
مشو وراحو داخل المطار
خلوف : عيل وين الباقين
ذياب : دخلو داخل
نرجع شوي لورا قبل مايون زينب وخلوف
وصلو مريوم والباقين ونزلو من الباص ونزلو الشنط ودخلو داخل المطار كانت مريوم بتدخل بس ذياب وقفها
ذياب : مريم اصبري
مريوم استغربت : ليش
ذياب : اصبري شوي مو قلت لج في مفاجأة
مريوم : ذياب شوفيك شوهاي المفاجأة الي في ها الحر
ذياب : فكينا شوي صبري دقايق
مريوم : اويه ذياب مايستوي نوقف جي
ذياب : اذا دخلتي بتخترب المفاجأة
مريوم : اوهو بدخل مايخصني فيك والله حر كانت بتدخل بس سمعت زينب تناديها
نرجع للواقع
زينب : حبيبي خلوف والله احلا مفاجأة
خلوف : حبيبتي تستاهلين انتي
زينب : بس ماقلت لي وين بنسافر
ذياب : فرنسا
مريوم رفعت راسها : لا لا لاتجذب
خلوف : ههههه والله بني فرنسا معاكم
مريوم حست انها شوي وتصيح من الوناسه : حمماااسسسس
دخلو المطار وشافو الكل واقفين ما لاحظو على زينب
زينب : هههووويييي
الكل صد صوب الصوت البنات اول ماشافو زينب ركضو عندها على طول وصارو يحضنونها وحتى اليده والحريم يو يسلمون على زينب
خلوف : احم احم
كلهم شافو خلوف
خلوف : كنت مسوي مفاجأة لكم انه اني المطار ونجوفكم ونسافر شهر العسل معاكم فرنسا
كلهم استانسو
خلوف قرب صوب مريوم وهمس لها يعني محد سمع غير مريوم : تراها فكرة ذياب عشانج
مريوم جافت خلوف وهي مستغربه : نعم
خلوف : مدري استهبل معرف اذا عشانج ولا عشان الكل بس ترا ذياب الي قال لي انكم بتسافرون فرنسا وعادي اذا نحن ان معاكم شهر العسل وجي
مريوم : هه عشاني ؟ لا انت فاهم غلط اكيد عشان الكل
خلوف : والله ما ادري يمكن
اليد : مب ناوين تمشون وطالع زينب وانتي كيف تمشين وتخلين ريلج وراج
زينب : اوه نسيته
وراحت مسكت ايد خلوف
اليد : شوها الحجي اونه نسيته
ريم : هههه يدي على الاقل زينب نسته وراها لو مريوم جان نسته في السياره
مريوم انفجرت ضحك
اليد : ماشاءالله جي تقول عنج وتضحكين
مريوم : ههههههههههه لانه كلامها صح
اليد : امشي امشي بس
مريوم : هههه يلا مشينا
راحو حطو الشنط وحجزو التذاكر وخلصو كل شي وقعدو يتريون نداء طيارتهم قامت مريوم
مريوم : انا بروح اشتري كوفي باقي وايد لين ينادون على فرنسا
اليد : وانتي شدراج
مريوم : كل سنه جي نقعد نتريا ساعه
البنات قامو مع مريوم
ريم : حتى نحن نبغي كوفي يلا مشينا
حتى الشباب قامو يجوفون لهم اشياء يشترونها قبل مايسافرون
راحو البنات صوب المحلات والمطاعم ودخلو ستار بكس
مريوم : شو تبغون كلكم وايت موكا؟
البنات : هيه
راحت مريوم تطلب : هاي
الحرمه : هاي
مريوم : ابغا ٥ وايت موكا
الحرمه : بارد حار
مريم : بارد
الحرمه : كله صار ١٢٥
مريم طلعت بطاقتها وعطت الحرمه
الولد الي ورا مريوم : اخلصي يابنت
مريوم : نعم الكوفي مكتوب بسمك عسب اخلص بسرعه؟ ولا لا لا لا ويت تشوفني اشتغل هني؟ قول للحرمه تخلص بسرعه مب لي!
الولد : انتي تحاجين منوه جي
مريوم : ارمسك انت ليش في واحد ثاني حمار هني غيرك
الولد : انتي احترمي نفسج اهلج ماعرفو كيف يربونج
روضه يت عند مريوم لانها شافت مريوم ترمس الولد وخافت تصير سالفه : نعم اخوي شو بغيت ؟
الولد : نعم انتي الثانيه
روضه : والله انا بنصحك نصيحه هاي البنت لاتغلط عليها ولا راح تشوف شي عمرك ماجفته
الولد : ويع يعني خفت
مريوم كانت بترمس بس شافت يدها ياي صوبهم
مريوم : روضه روضه اشردي بسرعه
روضه استغربت : ليش شوفيج
مريوم : اشردي كاهو يدي جاك الموت شردييي خذت مريوم البطاقه وراحو ركض عند طاولتهم
استغرب الولد بس راح يطلب
ريم : بسم الله شوفيكم
روضه : يدي كان ياي صوبنا
ميثا : نزين واذا ياي صوبكم
مريوم : كنا نتهاوش مع واحد
زينب : ههههههههههه خلاكم تعطونها سحبه
روضه : انا ماجفته بس مريوم قالت لي اشردي جان اشرد
ميثا : تضضحكوننن
اليد : هاه خلصتو
روضه : بسم الله
اليد : شايفه يني شو
روضه : لا شايفتك خخ
اليد : صج ماتستحين وشاف زينب وانتي !
زينب : ها
اليد : انتي ولا جنج متزوجه !!!
زينب : يبههه بس ييت اخذلي كوفي
اليد : امشي يدامي يلاااا امشي عند ريلج
زينب : خلاص بقوم اخذ الكوفي وعقب بروح عند ريلي
قامت مريوم اتيب الكوفي وقامت زينب تساعدها
مريوم تعطيهم الكوفي : دوكم دوكم كله انا انا الي اقوم اطلب وانا الي اقوم ايب فيكم عييز مب طبيعي
روضه : امشو نتمشى ونشرب
اليد : اتمشو عشر دقايق بعدين ارجعو
ريم : تجوف عيوني هاي من عيوني يالغالي انت
الجد راح وطنشها وراحت زينب معاه
ميثا : بل قويه
مريوم : ههههههههه وين ذياب يبط عيونج
روضه : امبييههه جوفو هني في مكتبه
راحت روضه ركض صوب المكتبه
مريوم : الله شوفو ها المحل احس حلو
وراحت مريوم المحل
ريم اشرت على محل ثاني : اويه ها المحل ححللووو
وراحت ريم للمحل
ميثا : طع افترقو انا اروح عند منوه بضبط
مريوم كانت تشوف الاشياء الي في المحل وجافت مايد مع بنت
استغربت مريوم وراحت صوبه : ميود ؟
صد مايد صوب مريوم : زين يتي هاي مب فاهم شوقاعد تقول
مريوم : افا ماتعرف انقليزي
مايد : جان زين ترمس انقليزي
مريوم : عيل
مايد : شدراني ما افهم شوقاعد تقول
مريوم سوت حق البنت ببااييي ومسكت مايد وسحبته
مايد : تستهبلين فشلتينا
مريوم : اقول اسكت تدري شو كان ودي
مايد : شو
مريوم : يدي يشوفك واقف معاها
مايد : الله ياخذ ابليسج انتي ليش جي نواياج شر
مريوم : هه تستاهل
عند روضه الي كانت عند محل الروايات وقاعد تدور على الرواية الي تقرها
روضه : كاهو وشالت الجزء الثالث
بل حتى انتي تقرين هاي الرواية
روضه صدت عند الصوت : بسم الله ذياب
ذياب : عندي حد اعرفه يقرا هاي الرواية
روضه : ههههه اونه
ذياب : شو الحلو فيها
روضه : في وايد اشياء حلو الرواية هاي ترمس عن اكثر من موضوع ومغامرات وقول شو الاحلا
ذياب رفع حاجبه
روضه : في كل جزء نفس الابطال يعني مايغيرون الشخصيات
ذياب : ما احب الروايات
روضه : سير ول عيل ليش تقول شو الحلو فيها
ذياب : بس جي اضيع من وقتج
روضه : اصلا انت اساسا ليش داخل هني
ذياب رفع الكتاب الي ماسكه
روضه : طع تقول ما احب الروايات
ذياب : ما احب الروايات الخليجيه
روضه سحبت الكتاب من ايد ذياب : اوههه ها فرنسي كيف تعرف تقرا
ذياب رفع حواجبه
روضه : اوهههه هههه نسيت انك كنت تدرس في فرنسا
ذياب : غبيه
عند ريم الي كانت داخله محل انمي
ريم : الللههه كااوااييي(يعني لطيف بالياباني)
اشترت ريم لعبتين وراحت تدفع وطلعت من المحل جافت بدر وراشد يتمشون
ريم : رشوددد بدوررر
لفو بدر وراشد صوب الصوت
بدر : او ريمو
ريم : ياخي جفتو وين راحو البنات
رريييمممم
ريم : ميثااااا
ميثا : وين الباقين
ريم : جي ماكانو وياج ؟
ميثا : له محد كان معاي افترقو انتو وانا ماعرفت وين اروح
ريم : اونه
ميثا : والله وتوها ميثا تستوعب انه بدر وراشد واقفين اوه هني رشود وبدور
ريم انفجرت ضحك على ويهم المصدوم : ها الطول والعرض وتوج تلاحظينهم
بدر : اختك حيوانه
راشد : مالومك لو قلت عنها حيوانه
ميثا : انجبو انجبو وانت وين اختك
بدر : شدراني انا
ميثا : وانت من متى تعرف شي
ضربها بدر على راسها : جب
ميثا : اقولكم في سوال من زمان في بالي
ريم : قولي
ميثا : احين نحن لما نروح فرنسا بنأجر فندق
بدر : لا
ميثا : عيل
بدر : ما ادري
ميثا : طع
راشد : سمعت ذياب يقول حق يدي ان نروح معاه ونسكن في بيت عمي الله يرحمه
ميثا : يعني بيت ذياب
راشد : هيه
ريم : بيته كبير ولا صغير؟
بدر : يعني شوها الغباء لو صغير جان ماقال تعالو
راشد : بس تعال هو قال قبل بس هو وعمي وحرمة عمي وخالته وولدها ساكنين فيه
ريم : يعني اكيد بيت صغير
ميثا : صج اتوقع صغير لانه مافي وايد ناس ساكنين فيه بيت كبير ليش
ههييييييههههه
بدر لف للصوت: ويعه مريموه
مريوم : شو قاعد تسولفون
ميثا : مريوم تتوقعين بيت ذياب كبير
مريم علطول : هيه
الكل استغرب من ثقة مريوم
ميثا : وليش واثقه
مريوم : مدري بس احس هيه مب احس الا متاكدا
انتو هني
بدر : زينبو
زينب : شوتسون هني تعالو يلا عبدالله يبغانا في سالفه
مريوم : ابوي يبانا في سالفه
زينب : هيه بسرعه روحو وانا بدور الباقين
مريوم : كاهم ذياب و روضه
زينب : ذيييااببب روضضهههه
روضه ركضت صوبهم : هاه
زينب : يلا تعالو نرجع
مريوم : ويت بروح ازقر ميود
زينب : تعرفين مكانه
مريوم : هيه
ذياب : ياي وياج
مريوم : يلا
زينب : رجعو بسرعه لا تتاخرون
ذياب : تمام
راحو زينب والباقين عند اهلهم ومريوم وذياب راحو يدورون ميود
مريوم : تخيل
شافها ذياب وماقال شي
مريوم : من شوي كنت مع ميود يعني قبل ما اشوفه كان واقف صوب بنت بعدين رحت صوبه قالي زين يتي قلت له شوفيك جان يقول اونه متورط معاها ماترمس لا انقليزي ولا عربي ومو عارف شو قاعد تقول
ذياب : عيل شو كانت ترمس
مريوم : معرف ولا انا فهمتها
ذياب : طع
مريوم : يضحك سحبت ميود ورحنا
شافت مريوم الكيس الي في ايد ذياب وسحبته من ايده
مريوم : شوها
ذياب : دفشه
مريوم : اوه تقرا روايات
ذياب : شو رايج انتي
مريوم : بس هاي اي لغة
ذياب : فرنسيه
مريوم شافت ذياب وذياب رفع حاجبه
مريوم : عن شو ترمس
ذياب : بعدني ماقريتها
مريوم : نزين شو العنوان تراني مب فاهمه شو مكتوب
ذياب : العنوان ال...
مريوم : احس الرواية اكشن
ذياب : مثل احساسي
مريوم : كاهو ها المحل اخر مره جفت فيه ميود
دخلو ذياب و مريوم المحل
مريوم : اوهو وينه
ذياب : كاهو هناك
مريوم : ممميووددد
مايد : اوه مريوم وذياب شو
ذياب : يلا بسرعه نرجع
مايد : ليش نادو على الطياره
مريوم : لا ابوي يبغانا في شي مهم
مايد : ويت ويت بس بدفع ها
ذياب : بسرعه
دفع مايد الاغراض وطلعو راحو عند اهلهم
اليد : لا جان مايتو!!!
مريوم و ذياب اشرو على مايد
مايد : هه اسف
ابو راشد : يلا نزين يلسو
ابو بدر : سمعو راح اقولكم كل واحد وين بيقعد في الطياره
مريوم : حماس حماس قول
ابو بدر : اول كرسيين على اليمين امي وابوي ووراهم زينب وخلوف ووراهم انا ومهره (ام بدر) وورانا ابو راشد وام راشد ووراهم ابو مايد وام مايد وفي الجها الثاني على اليسار اول كرسيين مريوم وروضه وراهم ريم وميثا وفي النص اول ثلاث كراسي مايد وهزاع وذياب و وراهم بدر وراشد وميره
ابو بدر : خلاص احين الكل عرف وين مكانه
ريم : يب يب
يا صوت النداء مال طيارة فرنسا
ابو مايد : يلا قومو
مريوم : وووواااااا حماااسسسسسس
قامو وراحو ركبو الطياره الطياره
ريم : احييههه ممر السعادة
هزاع : هي والله
ريم : تعال انت من زمان عنك ليش ماقمت تشتري لك شي قبل مانركب الطياره
هزاع : عندي كل شي ليش اقوم
ريم : جب
هزاع : موتي
ريم : يومك قبل يومي قول امين
ذياب : ماشاءالله نحن عندنا الغزل مسابقه منوه يموت اول
ريم وهزاع : نعم نعم نعممم
ذياب : نعامه
هزاع : روح روح عند حبيبت القلب
ذياب : كلخرا بالله
ركبو الطياره وكل واحد راح يقعد مكانه
مريوم فتحت شنطتها الصغيره وكان بسكوت يدها داخل لفت صوب يدها واشرت
اليده : هيه جوف مريوم تإشر عليك
اليد لف صوب مريوم ، ومريوم لما شافت يدها صد صوبها فرت البسكوت
روضه : لااا لااا ياغبيه
اليد مسك البسكوت وشاف مريوم بنظرات
ذياب : ول ياهل انتي
مريوم : مايخصك
ذياب : اوكيه انا مايخصني بس جوفي نظرات يدي
مريوم : ادري ماتبشر بالخير
روضه : مريمو البسي الحزام يلا
مريوم ربطت الحزام : خلصت خلصت
روضه : اقولج مريوم
مريم : هلا
روضه : اسالي ذياب اذا بيته كبير ولا
مريوم : اوهو شوبلاكم بيته صغير وبيته صغير خلاص عاد حتى لو كان صغير راح تسكنون فيه غصبًا عليكم
روضه : هيه ادري
مريوم : احمدو ربكم اونه يعني تبون بيت كبير
روضه : بسم الله شوفيج نفستي علي
عند ريم وميثا
ريم : اقول ميثو عطيني كتكاتي
ميثا فتحت حلجها : ععععععمممممممممم
ريم : لا لا لا ليش تاكلينه على الاقل قصيلي نص
ميثا : خسي خسي
ريم : ميثا ميثا جوفي ها الي توه دش الطياره
ميثا : يضحك شيبه
ريم : مبيين انه مب اماراتي
ميثا : يمكن بعد يبا يروح فرنسا
ريم : شوها الغباء اكيد يبا يروح فرنسا عيل ليش راكب الطياره
ميثا : افا افا انا غبيه
ريم : لا انا
طارت الطياره
نرجع عند مريوم
مريم : اف ابا اجوف الجو جان زين يلست عند الجامه اقول ميودددد
روضه سوت لها حررههه : واككك انا قاعده عند الجامه
مريوم : جب جب اقول ميود
مايد كان قاعد على اليسار كان يطالع تلفونه ورفع ويهه وجاف مريوم
مايد : هلا
مريوم : اف سولف ملل
مايد : نعم
مريوم : اف اف شو الي نعم ابيك تسولف
مايد : وهاي الي عندج مب تارسه عينج
مريوم : شوف شوف شوف يالسه تقرا
مايد : هه
مريوم : خلاص جب ولفت عند روضه وانتي
روضه : هاه
مريوم : المره اليايه انا بقعد صوب الجامه
روضه : اوكيه
مريوم : ميود ميود
مايد : اوهو مريوم شو
مريوم : تعال نلعب جماد بلاد حيوان
مايد : يلا
مريوم : شوف بنلعبها بطريقه ثانية لانه ماعندي اوراق
مايد : كيف
مريوم : انت احفظ الكلمات في مخك وبعدين بنقولها
مايد : يلا اوكيه منوه يختار حرف
مريوم : هممم حرف العين
مايد : يلا عندج بس دقيقه تفكرين
مريوم : بل عليك شو الي دقيقه خلها دقيقتين
مايد : ليش انتي راح تكتبين وانا مدري
مريوم : اف اوكيه يلا انت حط الوقت
مايد : يلا
حط الوقت وخلصت الدقيقه
مريوم : خلاص خلاص خلص الوقت
مايد : اوكيه اوكيه
مريوم : جوف اذا انا قلت حيوان وانت طولت في الرد يعني انت ماتعرف شو يالس تفكر بس اذا رديت بسرعه يعني انت من زمان عارف الجواب فهمت؟
مايد : هيه فهمت يلا اسم
مريوم : عبدالله
مايد : علي ، حيوان؟
مريوم : عصفور
مايد : عنكبوت
مريوم : يعله يعضك
مايد : تبين تضاربين انتي
مريوم : لا يلا نبات
مايد : عنب
مريوم : مافكرت
مايد : جماد
مريوم : علم
مايد : عطر
مريوم : العطر مب جماد
مايد : لا والله ماشاءالله يعني العطر يتحرك وانا مدري
مريوم : لا يسوي تس تس
مايد : يارب صبرك
روضه كانت تسمعهم ونقعت ضحك : هههههههههههه مريوم فكينا انتي شو غصب تبين اطلعين فيه غلط
مريوم : جب انتي خلاص اوكيه عطر
مايد : يلا بلاد
مريوم : مافكرت
مايد : عراق
مريم : لا لا لا هاي غش
مايد : خير ليش
مريوم : اسمها العراق مش عراق
مايد : فكينا ماتفرق
مريوم : اوهو اوكيه كم حصلت نقطه
مايد : 50
مريوم : بل
مايد : وانتي
مريوم : 30
مايد : وويوووو
مريوم : يلا مره ثانية
مايد : يلا هممم حرف الراء
مريوم : يلا ابدا الوقت
مايد : يلا
بعد دقيقه
مريوم : خلاص خلص الوقت وقف
مايد : حماره مب يالس اكتب عسب تقولين وقف
مريوم : اوه نسيت المهم يلا اسم
مايد : روضه
مريوم : ويع ريم
روضه ضربتها على راسها : خير
مايد : المهم نبات
مريوم : رز
مايد رفع حاجبه : مب نبات
مريوم : بس شي ينكل
مايد : فكينا نبا نبات
مريم : اف مافكرت
مايد : مافكرت ، حيوان
مريوم : رابت(ارنب)
مايد : عرربييي
مريوم : اوهو مافكرت
مايد : راكون
مريوم : بل عليك من وين يبت راكون عليك ذكاء
روضه : ابشرك اخوي باجر راح تفقد الذاكره
مايد : هيه عارف
مريوم : انطمو يلا فكنا
مايد : جماد
مريوم : ريموت
مايد : رمل
مريوم : بلاد
مايد : روسيا
مريوم : مافكرت
مايد : كم يبتي
مريوم : ٢٠
مايد : ٤٠
ذياب : مصخره
مريوم : انت مايخصك !!
مايد : مره ثانيه؟
مريوم : مابا
قامت مريوم من مكانها وراحت عند زينب وخلوف
مريوم : خلوف روح اقعد عند روضه ابا اسولف ويا زينب
خلوف : لا والله
مريوم : يلا يلا قوم
يت ضربه على راس مريوم من ورا
مريوم : ويعه اخخخ ولفت بسم الله يدي
اليد : خير ماتستحين تقولين له قوم وانا بقعد مكانك
مريوم : بل يدي وانت لازم كل ما اقول شي اتي تضربني
القد : ليش انتي تقولين شي صح ؟
مريوم : وانا شو قلت بس قلت خلوف قوم ابا ايلس عند زينب
اليد : حرام عليج اول يوم لهم متزوجين خليهم يستانسون
مريوم لفت عند زينب : وانتي ماتتحجين
زينب : نعم ابا خلوف روحي ولي
مريوم شهقت : ياويلي احين صار خلوف اهم مني صج الي لقى احبابه نسى اصحابه
اليد : انتي مب ناويه تتوكلين
مريوم : يدي ابا افهم انت احين ليش واقف وراي
اليد : ابغي اروح حمام
مريوم : مكتوب على جبهتي حمام
اليد : صج ماتستحين
مريوم : عيل روح الحمام طوف
طاف اليد ودعم مريوم بالعمد
مريوم : والله لو مو انت يدي جان كوفنتك
اليد : ويعه استحي
مريوم : هههه فديتك اسولف
راحت مريوم مكانها ويلست لفت ورا وجافت ريم وميثا في هاي الفتحه الي في النص بين الكرسيين
مريوم : تخيلو
ميثا : هاه
مريوم : رحت عند خلوف وزينب قلت حق خلوف قوم بقعد مكانك ابا اسولف مع زينب تخيلو جان زينب شو تقولي
ريم : نشبه نشبه خليهم في حالهم
مريوم : تخيلو انتو شو قالت اول
ميثا : شو قولي
مريوم وهي تقلد صوت زينب : نعم ابا خلوف روحي ولي
روضه : اح قويه
ريم : صج الي لقى اصحابه نسى احبابه
مريوم : هههه انا قلت جي
ميثا : المهم بنات متى نوصل
مريوم : انا برقد فيني رقاد لما نوصل وعوني
روضه : لا بنخليج هني هه
مريوم : جب
حطت راسها على جتف روضه ورقدت على طول من التعب
نروح عند زينب وخلوف
زينب : خلوف
خلوف : عيونه
زينب : احين نحن لما بنروح فرنسا بنروح فندق ولا بنسكن مع اهلي
خلوف : الي ترتاحين له وين تبغين؟
زينب ابتسمت ومسكت ايده : خنسكن معاهم
خلوف : اهم بيروحون بيت ذياب صح
زينب : هيه بس معرف اذا بيته كبير ولا صغير
خلوف : ما اتوقع صغير
زينب كانت تبا تشيل ايدها من ايد خلوف بس خلوف كان ماسك ايدها قو
زينب : لا لا خلوف ترا والله اصارخ ترا احين نحن في الطياره
خلوف هداها شوي شوي زينب اول ماهداها ضربت ايده : ويعه يعور
خلوف : لاتضربين يادبه
زينب : جب عنز
خلوف اشر على ابوها
زينب : لا لا خلاص اسفه
خلوف : ههههه والله انه مخرعكم كلكم
زينب : جب سخيف
نروح عند هزاع
هزاع ضرب ذياب على جتفه
ذياب : ويعه ويعه هاه ابا ارقد
هزاع : خير ملل
ذياب : وحد قال لك اني ملاهي
هزاع : نزين اختار لي فلم حلو اجوفه
ذياب : والله لو تبا فلم طر ها حلو
هزاع : خلاص بجوفه
ذياب : زين جب خلني ارقد
مايد : نزين ذياب
ذياب وهو مسكر عينه : هلا
مايد : بيتك بعيد عن المطار
ذياب : يعني ساعه ونص
مايد : بل
بعد سبع ساعات نزلت الطياره في فرنسا وصارو الناس ينزلون
روضه : هييههه مريوم نشييي
مريوم : بس خمس دقايق
ريم : مريوم فكينا ترا وصلنا
فتحت مريوم عينها شوي شوي وقامت
نزلو من الطياره ودخلو المطار
ابو مايد : الكل موجود
روضه : هييهه
ابو بدر : يلا مشينا واحين نحن مانعرف شي ذياب الي راح يمشينا
ذياب : هه احسني هيبه
مريوم : وانت الصج مصخره
ذياب رفع حاجبه
مريوم : هه اسولف يلا امش امش وين نروح
مشى ذياب والكل صار يمشي وراه
ريم : هه بنات جوفو كيف الناس يطالعونا
ميثا : اكبر عائله في المطار ماشاء الله لازم يطالعون
مريوم : هههههه يضحك
راحو مكان الشنط وخذو شنطهم بس مريوم مالحقت تاخذ شنطتها وقامت تركض وراها
مايد : هييي مريوممم تعاللييي بترجع الشنطه
مريوم : اوف راحت متى بترجع ؟
مايد : ياغبيه شوفيج جنج اول مره تسافرين اونه متى بترجع
مريوم : هههههه يلاا ننطرها لين ترجع
اليده : مريوم خذي شنطتي بسرعه قبل ماتروح
راحت مريوم تاخذ شنطة يدتها ولما شلتها على طول طاحت على الارض من ثجلها
مريوم : خيبببههه ظهرييييي بل شوها مب جنطه اثجال
اليده : وي جنطتي وراحت صوب مريوم
ومريوم اول ماشافت يدتها يايه صوبها عطتها وضعية اهربوووو
روضه : مريوم اهررربوووو
مريوم وهي تشرد : ياك الموت ياتارك الصلاه
راشد : يهال
وراح عند يدته وساعدها عسب تشيل الشنطه
راشد : بل يدو من صجها مريوم شو حاطه داخلها وايد ثجيله
اليده : نص البيت
راشد : متاكدا نصه مب كله
اليده : تقدر تقول كله
راشد : يدتي وعارفج مثل كل سنه اتيبين البيت كله وياج
اليده : اسكت انطم
راشد : هه اوكيه
اليده : ووين هاي حسابها معاي بعدين
راشد : هههههه منوه مريوم ؟ كاهي ورا عمي عبدالله منخشه
اليده : والله قصيره وضعيفه ماتنجاف
راشد : ههههههه
مريوم : ابويه امك يايبه البيت وياها وتباني اشيل شنطتها
ابو بدر : ترا احين اورخر وخليها تشوف شغلها معاج
مريوم : لا لا ابا اتم وراك وشافت مريوم شنطتها رجعت راحت ركض اتيبها وحاولت تشيلها بس ماقدرت لانها ثقيله شوي شافها ذياب وراح عندها حط ايده فوق ايد مريوم وشال الشنطه معاها ونزلها على الارض استحت مريوم من حركته
ذياب ابتسم : تتمصخرين على شنطة يدوتي وانتي ماترومين تشيلين شنطتج
مريوم : ذياب عاد اروم ادزها بس ماروم اشيلها
ضربها ذياب على راسها : خبله
ابتسمت له مريوم وسكتت
راح ذياب عند عمه عبدالله : عمي
ابو بدر : ها عمي
ذياب : عمي قبل ما انروح البيت ابا اقولكم شي
مريوم : هههييييييي سسكتووووو ذياب يباا يرررمممسسسس
كلهم سكتو وشافو ذياب
ابو بدر ضرب مريوم : ويعه لاتصارخين فضحتينا
اليد : خلاص كل حد شال شنطته
كلهم : هييييهه
ذياب : عيل يلا تعالو اول نقعد
كلهم راحو يقعد م
ذياب : بقول لكم شي قبل مانروح البيت
ابو بدر : ذياب قول خوفتني
ذياب : لا مافي شي يخوف بس ولد خالتي ساكن وياي في البيت عادي؟ واذا ماراح ترتاحون وهو موجود عادي ترا قال انه راح يروح يدبر عمره
ام راشد : لا لا شدعوه عادي
اليد : عادي راح نتعود عليه مثل ماتعودنا على خلوف
مريوم : الي موافق يرفع ايده
الكل رفع ايده
ذياب ابتسم : فديتكم والله
ابو راشد : بس كم عمره
ذياب : ١٩
ابو راشد : تمام خلاص عادي
ذياب : مشكورين
اليد : بس ذياب خالتك وينها ؟
اليده : وانت شدخلك في الحرمه ولا جنك ريال شيبه
مريوم غمزت : اوه اوه جنه يدوتي تغار
اليده : انطمي انتي
ذياب : المهم من كمن شهر خالتي وولدها يو الامارات وبعدها تمت خالتي ورجع ولدها لانه يدرس هني
مريوم : وخالتك ليش تمت مارجعت فرنسا ؟
ابو بدر : مريوم انطمي
ذياب : لا عادي عمي خالتي تمت لانه اربيعتها تعبانه وماعندها احد وهي عندها شقه في دبي فا تسكن هناك مرات
مريوم ابتسمت : اها
دق تلفون ذياب
ذياب : هاه وصلت
يوسف : نعم
ذياب : يلا احين بني
ذياب سكر التلفون : يلا يوسف وصل
ميره : منوه ها يوسف
ذياب : حارس البيت ما اشوفه اكثر من حارس من بعد ابويه الله يرحمه صرت اعتمد عليه في كلشي وصدقوني طيب بتحبونه وتتعودون عليه
ميره : اها حماس
طلعو كلهم برع وسلم عليهم يوسف وخذه الشنط منهم وصار يحطها وهم يركبون الباص
مريم راحت صوب ذياب : ذياب
ذياب شافها وتم ساكت
مريوم : شو اسم ولد خالتك
ذياب عقد حواجبه : نعم
مريوم : لا يعني نحن راح نعرف اسمه جي ولا جي يعني راح نسكن معاه فا قولي احين
ذياب : اسمه ...
مريوم : حمااسسسس عرفت اسمه قبل الكل
ذياب ضربها على راسها : يلا ركبي
مريوم : اف لاتضرب اوكيه
ركبت هي وذياب وحرك يوسف
روضه : يوسف عطني ال اي يو اكس
ام مايد ضربتها على راسها : استحي على ويهج توج تعرفينه
ابو مايد : روضه عيب
اليد : صج ماتستحين
روضه : بل بل خلاص بسكت
مريوم : ههههه لو كنتي ساكته من البداية كان ابرك
مايد : بس تحب يجعمونها
اليد : انجبو انتو
مريوم ومايد : اوكيه
ميثا : ذياب متى بنوصل
ذياب : ساعه
ميثا : اووههه بللل يوسف اسرع
يوسف : ان شاء الله
ميثا قالت بهمس حق ريم : وي بعد يقول ان شاء الله
ريم : يعني دريول لازم بيقول ان شاء الله
ميثا : جب لا تقولين دريول
ريم : عيل شو اقول
ميثا : اسمه يوسف
زينب : بنات غريبه مريوم سكتت فجاه
روضه : ههههه حاطه سماعاتها وتسمع اغاني وتجوف الجو
ريم : صح انتي نعم مو تبين اتمين مع حبيب القلب خلوف
ميثا : هيه صح روحي روحي عنده وصخه
زينب : احسن ردت تقعد عنده خلوف حبيبي
خلوف وهو يشوف التلفون : عيوني
زينب مسكت ايده : اف ارفع عيونك عن الفون وشوفني
خلوف شاف زينب : لبى شو تبين
زينب : سولف معاي خير مزهريه انا
خلوف : حتى المزهريه لها فايده
زينب ضربته على جتفه : خخلللوووفففف
خلوف : هههههه اسولف شوفيج
مرت ساعه و وصلو البيت ودخل السياره ونزل ذياب ونزلو وراه الباقين
البنات راحو على صوب
ريم : زين طلع بيته كبير
ميثا : الللهه حبيتت شوفو الحوش كيف كبيرررر
مريوم : تعالو تعالو نشوف من وراه الحوش
روضه : يلا بسرعه دام محد يشوفنا
راحو البنات ركض ورا البيت
ذياب : حياكم دخلو
دخلو كلهم ويلسو في الصاله
زينب : ماشاءالله البيت حلووو وكل شي سراميك ليش مب حاطين زوليه هه
ذياب : ابوي كان يحب البيت جي
زينب نزلت راسها وسكتت خلوف حس انها تضايقت مسك ايدها قويي
زينب رفعت راسها وجافت خلوف : حبيبي لاتخاف مافيني شي بروح الحمام وبرد
خلوف : متاكده ؟
زينب ابتسمت : هي
خلوف : زين لا تتاخرين
زينب : تمام ذياب
ذياب : هلا
زينب : وين الحمام
ذياب : تعاي ادليج
زينب : لالا ماله داعي بس قول وانا بروح
دلاها ذياب وين مكان الحمام وراحت زينب
السلام عليكم
كلهم شافو صاحب الصوت
ذياب قام وسلم عليه : مابغينا نشوفك
سيف : احلف انت بس انت الي مابغيت اتي فرنسا
ذياب : برنك تتحرني ماكنت اعرف انكم كنتو في دبي ترا خالتي قالت كل شي
سيف : وليش امي في مره خشت عنك شي
ذياب : ههههه
اليد : اااحححمممم
ذياب صد صوب اليد : اوه ههههه سيف اعرفك على عائلتي اهل ابوي
سيف : هلا هلا منورين البيت والله وراح يسلم عليهم عيل انا بروح اشوف الخدم اذا جهزو الغرف اكيد انتو ياين من السفر وتبون تريحون
اليد : لا لا اقعد لاتعبانين ولاشي اقعد نبا نتعرف عليك اكثر
سيف : ههههه يالغالي دقايق بروح اجوفهم وبرد
اليد : هههه اوكيه لا تتاخر
قام سيف وراح يشوف الخدم كانت الغرف جاهزه رجع نزل تحت وطلعت زينب من الحمام زينب جافت سيف وانصدمت
زينب جافت سيف وحاولت تتذكر وين جافته ولما تذكرت : اننتتت!!!!!!
سيف لف على الصوت وشاف زينب بستغراب يحاول يتذكر ها الويه مألوف عليه شايفه مكان بس وين مايتذكر
زينب : اويه ويت انت شو تسوي هني مو كنت في دبي ؟
سيف : انا ولد خالة ذياب
زينب : هههههه اونه
سيف : خير انزين قولي وين شايفنج نسيت
زينب : تتذكر في دبي مول لما كان اربيعك يتحرش في بنت
سيف : يوسف ماخله حد ماتحرش فيه منوه بضبط
زينب : احين بذكرك في وحده وراح تتذكرني على طول
سيف : قولي لاه
زينب : تتذكر روضه الي كنت اتشوفها في المكتبه ؟
سيف انصدم وعلى طول يت في باله روضه : ويت ويت انتي كنتي مع البنت اللي كانت تتضارب مع يوسف في السينما!!
زينب : ههيههههه عليك نور
سيف بعده في حالة صدمه
زينب : ههههه صج شوهاي الصدفه
سيف : عيل وين البنت الي كنت اشوفها في المكتبه
زينب غمزت له : ااااا اول وحده لازم تسال عنها
سيف : انتي حرمة خلوف صح؟
زينب : كيف تعرف
سيف : هه ذياب ماخله حد مارمس عنه
زينب : ههههه فديته ها الذياب بس غريبه صج وين البنات
سيف : امشي امشي نيلس في الصاله وياهم
زينب : يلا
دخلو زينب وسيف الصاله وقعدو يسولفون
عند البنات الي راحو ورا البيت
ريم : اااااااا بحرررر
ميثا : اويههه المنظر حللووو
مريوم : بنات شوفو يبين برج ايفل
روضه : واااووووو ححلووووو المنظر يعني بحر وجي يطل على برج ايفل حبيتتتت موقع بيتهم
مريوم : بنات امشو ركض نحجز لنا غرفه جي كلنا مع بعض واطل على البحر
ميثا : اركضو اركضو
البنات ركضو ودخلو داخل وعلى طول شافو الدري وركضو فوق
كلهم شافو البنات بستغراب (ملاحظه الصاله مفتوحه يعني يبين الي يطلع ويدخل والدري ايي في ويهكم يعني تدخلون البيت على اليسار الدري)
اليد : طع هاذول صج مايستحون على ويهم
ابو بدر : ها ليش ركضو فوق على طول
ابو راشد : داخلين بيت ابوهم وانا ما ادري
سيف : عادي بيت عمهم
ابو بدر : وحتى لو بيت عمهم عيب
فوق عند البنات
روضه : اي مريمو
مريوم : هاه
روضه : احين وين بنروح
مريوم : اقولج سكتي انا روحي مضيعه
روضه : احلفي انتي بس هاي مو كانت خطتج
مريوم : ياخي بنات ماتلاحظون البيت حلو ماشاءالله حبيت البيت كله سراميك
ميثا : اي والله
شحالج روضه
الكل لف صوب الصوت
روضه انصدمت وهي تشوف سيف
مريوم : يمهههه ااانننتتتتت!!!!! لايكون ياي تضارب انت وربيعك بعد ويت تذكرت مريوم شي ولفت صوب روضه وهي مستغربه
روضه : انت شو تسوي هني
سيف : انا ولد خالة ذياب
ميثا : يمه لاتجذب
سيف : ياهل اجذب عليج
ميثا : لاخلاص طلع نفسيه شرات ذياب صدقنا
ريم : هاي المره حمدالله نحن مو بمشكله عسب تحلها
سيف : ههههه جب
سيف
سيف لف وراه : ذياب
ذياب : ليش يت فوق
سيف : كنت رايح ايب فوني ها الوقت اتصل على امي
ذياب : اها وشاف البنات تتوقعون يدي راح يخليكم ؟ تعالو تحت يبيكم
ميثا : ييممهههه
ريم : اوهوو كل شي ولا يدي
ذياب : يلا يلا امشو
مريوم راحت عند ذياب : ذياب ذياب انت الوحيد الي تقدر تهدي يدي
ذياب : ماشاءالله تدخلون البيت جي ركض وتروحون فوق تبونه يسكت
مريوم : ذياب عاد
ذياب : انا احب اشوف حد يهاوشج تبيني اضيع الفرصه هاي
روضه : احه احه احه احه احه
مريوم ضربت ذياب على جتفه : انت ليش جي حيوان
ذياب حط ايده داخل جيبه : يلا يلا امشي يدامي وانتي اولهم
سيف : بل صج يدك امخرعهم
ذياب : بعدك ماشفت شي
مشى ذياب و وراه ميثا وريم ووراهم مريوم وروضه
مريوم بهمس حق روضه : انتي ترمسينه
روضه استغربت : منوه
مريوم : سيف
روضه : لا اكيد!!
مريوم : احلفي
روضه : اويه شو بلاج
مريوم : ماشاءالله عيل كيف يعرف اسمج وانتي اذكر قلتي لي انه محد يعرف اسم الثاني
روضه : وقسم بالله انا روحي مصدومه
مريوم : ماشاءالله
روضه : مريوم اقولج وقسم بالله ما ارمسه شفيج صرتي تشكين فيني!!
مريوم : خلاص فكينا صدقتج
نزلو الصاله وبعد دقايق نزل سيف
اليد : ماشاءالله ولا جنكم مسوين شي
كل البنات لفو صوب مريوم
مريوم لما شافت كل البنات يشوفونها قالت في نفسها لازم انا الي ارمس اول!!
مريوم : يدي كنا ندور لوسي
روضه حطت ايدها على جبهتها وهمست ماتعرف كيف ترقع ماتعرف
اليد : اهااا لوسي ؟ الله يسلمج لوسي في قفصها وكاهي اشر مكان لوسي
ميثا : يدي عاد تبا الصج ركضنا ندور لنا غرفة صوب المسبح
اليد : احب صراحتج ميثو وانتي طالع مريوم
مريوم : ادري تحب جذبي
اليد : انطمي
مريوم : ان شاء الله
ذياب : يلا ياجماعه عشى
قام الكل يتعشى وخلصو وكل واحد راح غرفتة من بعد مادلاهم ذياب (مريوم وميثا وروضه وريم في غرفة وحده و بدر و راشد و هزاع و مايد في غرفة و ام بدر وام راشد وام مايد واليده وميره في غرفة و ابو بدر و ابو راشد و ابو مايد واليد في غرفه وحده وزينب وخلوف في غرفه ذياب اوردي عنده غرفة لانه في بيت ابوه )
عند البنات
مريوم : بناتو
الكل : هاه
مريوم : اكيد ماراح نرقد يعني اول يوم خنفلها ونستانس
ريم : سيري ولي لاه انا وحده فيها رقاد
حطت ريم راسها على المخده وتلحفت ومريوم لما شافت ريم تلحفت رفستها
ريم : ووييعهههه
مريوم : احسن انخمدي خمدت عليج طوفه
ميثا حطت راسها على المخده وتلحفت : عيل حتى انا برقد
مريوم : اوهوووو ميثوو
روضه : مريوم اقول قومي بس ننزل نسوي لنا كوفي
مريوم : اف احبج واحب سهراتج يلا
روضه : اويه اويه وين طالعه
مريوم : بننزل تحت لاه
روضه : وين شيلتج
مريوم : اوهو روضه اكيد مافي حد بيكون موجود الكل تعبان من السفره وراقد
روضه : ياغبيه ولو اذا واحد نزل يشرب ماي ولا شي اقول حطي حطي شيلتج بس
مريوم شلت شيلتها وحطتها على راسها : يلا فكينا
طلعو من الغرفه وصارو يتمشون في الممرات
روضه : مو المفروض ننزل تحت عسب نروح المطبخ
مريوم : هيه صح بس يمكن في مطبخ تحضيري هني فوق
روضه دفتها صوب الدري : امشي امشي تحت اونه مطبخ تحضيري
مريوم : هههههههه والله يضحك نفسيه
روضه قامت تغني : تتججيي فككررةة
مريوم : فرااقههه والعننن الفكرهههه
روضه : اقولج احين وين المطبخ
مريوم : شدراني
روضه : جوفي كاهي لوسي
مريوم : هاي بعدكم هني ماذبحتوها!!!
روضه : مريوم شوفيج هههههه بعده اثر الشميخ على ايدج
مريوم : هيه وما اتوقع يروح الله لا يرويج كيف شمختني لدرجه ان ايدي كلها انترست دم المهم احين وين المطبخ
روضه : يعني لو كنت اعرف كان ماسالتج من البداية
مريوم : امشي امشي نستكشف البيت
روضه : يمكن ها المطبخ
مريوم : فشلتينا ها حمام حمام
روضه : اونه
مريوم : كاهو كاهو المطبخ امشي بس غبيه تبا تروح حمام
روضه : شدراني انا
مريوم : اوكيه احين دخلنا المطبخ وين راح القى النسكافيه والقلاصات
روضه : حسستيني انا الي اعرف ؟ امشي ندور نفج كبت كبت درج درج
مريوم : هه يلا
قامو مريوم و روضه يدورون في الادراج والكبتات
مريوم وهي تفتح الكبت : كاهو قلاصات بس شوي بعيد ماطال
روضه : اصبري احين بيي
مريوم الي مافيها صبر وقفت على اصابع ريولها وكانت بتمسك القلاص بس تزحلق القلاص وطاح على الارض وبسرعه وخرت مريوم عسب ماتتعور
روضه : ممممررريييووومممممم
مريوم : يمه زين ماطاح على ويهي كنت مت
روضه : تستهبلين انتي صح؟
مريوم : اوهو شعرفني اني ماراح اوصله
روضه : اف اف منج تستهبلين مو قلت لج اتريي احين بيي تعرفين روحج قصيره وماراح توصلين له
مريوم : شعرفني اتحرين اني راح اوصل
روضه : والله مالي خص انتي بروحج نظفينه
مريوم : اوهو اوكيه اوكيه احين وين المكنسه
روضه : انتي دوري المخمه وانا بدور النسكافيه
مريوم : انتي بعدج صامله تبين كوفي
روضه : والله في خاطري
مريوم : ويت هني في مخزن
راحت فتحت باب المخزن ولقت المخمه
مريوم : لللققييتتتتهاااااا
شلت المخمه ونظفت الزجاج ورجعت المخمه وسكرت المخزن
مريوم : اقول رويض شرايج انتي الي اتيبين القلاصات وانا بدور النسكافيه
روضه : جي بعد احسن
مريوم : نزين يمكن النسكافيه في الثلاجه
روضه : مريضه انتي محد يحط نسكافيه في الثلاجه
مريم : على كيفج
روضه : هيه عكيفي
احمممممممم
مريوم : يييمممهههههه وراحت ركض انخشت ورا روضه اوه سيف خرعتني الله ياخذك
سيف : ايه لاتدعين
روضه : الله يابك تعال طلع لنا النسكافيه صارلنا ساعه ندور
سيف : انتو جايفين الساعه كم احين
مريوم : مايخصك
سيف : اها يعني اروح اخبر يدكم
مريوم : لا لا لا شدعوه وانا اتحريتك اطيب عن البقر الي عندنا
سيف : احه منوه بقر ذياب معاهم ؟
مريوم : ها اولهم
روضه ماتت ضحك على شكل سيف المصدوم
سيف : انتي تقولين حق ذياب بقره هو يعرف انج جي تقولين له ؟
مريوم : ههههههههههههه لا
روضه : والله اذا عرف داس في بطنها
سيف: اهااا
مريوم : ليش احس هاي الاها ماتبشر بالخير
سيف : لا شدعوه
روضه : المهم فكنا ابا نسكافيه
اشر سيف على الكبت : راح تلقينه داخل
روضه : ششككرااا
سيف : عفوا وطلع من المطبخ وراح غرفته
مريوم : اوب اوب روضه من متى تقول شكرا
روضه : شوفيج يعني هو مب اخوي ولا شي يعني لازم اشكره
مريوم : اونه اونه اقول اقول ييبي النسكافيه بسرعه
روضه : دوج دوج
سوت مريوم قلاص كوفي حقها وحق روضه وطلعو يقعدون في الحوي
مريوم : اقولج
روضه : قولي
مريوم : تتوقعين باجر بنطلع مكان
روضه : ما ادري
مريوم : يضحك ماتحسين نحن بسرعه نتعرف على الناس
روضه : يعني ؟
مريوم : يعني خلوف ماكمل شهر معانا وصار مثل اخونا وعادي مانستحي منه
روضه : لانه نحن دفشات
مريوم : ههههه حتى سيف ماكمل معانا يوم على طول طيحنا الميانه جنه نعرفه من زمان او صح نسيت انتي تعرفينه من زمان
روضه : جب بس تبين الصج نحن دفشات مانستحي من حد والدليل عمي الله يرحمه لما شفتيه اول مره في المستشفى على طول تبرعتي بدمج حق ذياب حتى ماكنتي تعرفينه
مريوم رفست روضه : ويعه السالفه صارت جديمه
روضه : اخ اخ اسولف شوفيج
مريوم : لا تسولفين مره ثانيه ويع لو كنت اعرف ان ها ذياب جان ماتبرعت له
روضه : هههههههه خلاص خلاص بل حرام عليج
مريوم : هيه صح حتى يوم جفتي سيف في المكتبه على طول طيحتي الميانه معاه
روضه : جب جب
مريوم : وحده بوحده
روضه : هه انطمي
مريوم : بس تصدقين
روضه : هاه
مريوم : وايد فرحانه اني جفت عمي قبل مايروح حست مريوم انها بتبجي جان تحط ايدها على حلجها والله انه كان طيب وحبيته شهقت ع الخفيف روضه اذكر قالي ان شاء الله نجوف بعض في مكان احلا عن جي حطت ايدها على ويها وصارت تبجي
روضه لما شافت مريوم تصيح قامت وحضنتها
روضه :خلاص يابعد جبدي بس مب زين تصيحين عليه اترحمي عليه هو احين عند الي احسن مني ومنج
مريوم شوي هدت ومسحت دموعها
روضه كانت تبي تلطف الجو : مريوم مريوم جوفي وراج
على طول مريوم لفت ورا وماجافت شي
روضه : ههههههههههه طلعتي خوافه
مريوم ضربت روضه : جلبه خرعتيني
روضه : المهم اقولج
مريم : قولي
روضه : امشي نروح نرقد لانه اخاف باجر نطلع من الصبح ونحن مب شبعانات رقاد
مريوم : هيه صح كلامج امشي
روضه : يلا
دخلو مريوم وروضه وصعدو فوق راحو الغرفه ورقدو
الصبح الساعه 9 نش هزاع من الارقاد وراح ياخذ شور وطلع بدل ملابسه ونزل الصاله وشاف كل الكبار قاعدين
هزاع : السلام عليكم
الكل : وعليكم السلام
ام مايد : هزاع بس انت الي ناش
هزاع : هيه
دخلو فجأه سيف ومايد وبدر وراشد : السلام عليكم
هزاع : بل مسرع نشيتو من شوي كنتو راقدين
مايد : ليش انت خليت الواحد يرقد دخلت الحمام سكرت الباب قو طلعت من الحمام سكرت الباب اقوى طلعت من الغرفه فجرت الباب الله يهدك
هزاع : ههههههههههههه
غرفة البنات نشت مريوم من الارقاد وكانت الساعه 9 ونص راحت خذت لها شور وطلعت بدلت ملابسها ودخلت ام راشد الغرفة
ام راشد : هاه ناشه عيل صباح الخير
مريوم : صباح النور هيه انا دوم انش ها الوقت
ام راشد : هيه اعرفج سنعه مو مثل سوت مالت حق ميثا الراقده هاي الي بس رقاد
مريوم : ههههه شدخل سنعه
ام راشد : عيل سمعي دامج جاهزه لما ينشون البنات قولي لهم يجهزون بعدين ينزلون لانه بعد شوي بنطلع
مريوم : حماسات وين
ام راشد : والله ما اعرف بس عمج قالي بنطلع
مريوم : تمام
ام راشد : يلا قعدي وياج البنات
مريوم : اوكيه
طلعت ام راشد وراحت مريوم تستشور شعرها وتغني
مريوم : كيف يهنا لك منام وانت ظالم في الغرام وانت ظاللممم في الغرامم بعت حبي ياححرامم من بعد عشرتت ععممررر
ميثا : ماشاءالله ماشاءالله على الروقان عيل كاشخه على وين
مريوم شافتها من جامت التسريحه وابتسمت : بسم الله متى نشيتي
ميثا : توي من صوتج الحلو
مريوم : نصابه المهم اجهزي احين قبل ماتنزلين لانه عموتي قالت عقب شوي بنطلع
ميثا : اونه يلا تمام
مريوم : انزل ولا انطرج ؟
ميثا : شو باقي لج
مريوم : بس بستشور شعري وبنزل
ميثا : خلاص انزين نزلي وانا بوعي البنات
مريوم : تمام
ربطت مريوم شعرها ولبست شيلتها وطلعت نزلت تحت الصاله
مريوم : السلام عليكم
الكل : وعليكم السلام
اليد : مريوم
مريوم : هلا
الجد : امس الساعه كم رقدتي
مريوم شافت سيف : هاه ليش
اليد : والله كنت اسمع اصوات تحت
مريوم : امبيه يدي انت فوق كيف تسمع
اليد : يعني انتي الي كنتي سهرانه
مريوم : له مهوب انا يعني بس انا الموجوده في ها البيت الكبير
اليد : لا مب بس انتي بس الكل يعرف انج الوحيده الدفشه هني
مريوم : مب بس انا حتى روضه كانت معاي
اليد : اهاااا
مايد : ههههههههههههههههههه
بدر : لازم تفضح عمرها غبيه والله
راشد : والله يدي عرف كيف يسحب منها الكلام
مريوم : اف شوها ما اعرف ارقع
دخلو البنات : السلام عليكم
الكل : وعليكم السلام
اليد : هاه عيل روضه كيف السهره امس ؟
روضه على طول شافت سيف و سيف فهمها واشر على مريوم
روضه لفت صوب مريوم : بل عليج
مريوم : وربي كنت بكحلها عميتها
بدر : تخيلي شو قالت يدي قالها انتي الوحيده الدفشه هني جان تقول مب بس انا حتى روضه كانت معاي
روضه : خبلهههه صبري علي
اليد : انطمي تهدد وانا موجود
مريوم : يدي انت قاعد تسوي تفكك بين الاسرة
ذياب : والله مخج الي يباله تفكك
مريوم : انت مايخصك
اليد : احين انا صرت افكك بينكم
مريوم : لا انا
اليد : اوكيه
ميثا : المهم يبه وين بنروح اليوم
ابو راشد : بنروح فوق الجبال
مريوم : حمااسسسسسسسسس
اليد : ويعه لاتصارخين
مايد : حماس وبعد طاعو الجو كيف فنانننن
ريم : نزين متى بنطلع
ابو بدر : المفروض احين بس زينب وخلوف بعدهم مانزلو
مريوم قامت : اوهو منهم انا رايحه اكفخهم
مسك اليد ايد مريوم وقعدها : اقعدي انثبري عيب
مريوم : اوهو ترا اذا مارحنا لهم بيطولون
اليد : خل نخليهم على راحتهم
مريوم : والله اذا هاذول خليتوهم على راحتهم باجر بينزلون
اليد : خلاص جب
مريوم : اونه عشان توهم معاريس بقوم اكفخهم
اليد : قلت بس اسكتي
مريوم : اوكيه اوكيه
ذياب : بس تحن بس تتحلطم
مريوم : انت مايخصك اسكت
ذياب : ليش ارمس على حسابج
مريوم : هيه هيه هيه هيه
ذياب : ا...
اليد قاطعه : بببسسسس فكونا
مريوم و ذياب : ان شاء الله
عند زينب وخلوف
زينب : اوهوو خلوف هد عنك لودو ورمسني
خلوف وعيونه على التلفون : عيوني عيوني شو تبغين
زينب : شو البس احلا ها ولا ها
خلوف وعينه على التلفون اشر على اي شي: ها احلا
زينب حطت الملابس الي اختارها خلوف ورا ظهرها : انزين يلا قول شو لون الملابس الي انت اخترتها
خلوف رفع راسه : هاه
زينب : يلا يلا قول شو لون الملابس
خلوف : شو اول حرف
زينب خذت المخده وفرتها عليه : اوهوووو منككك
خلوف : هههه خلاص هاه يلا وريني الملابس
زينب : خلاص مابا زعلت
وراحت صوب التسريحه تعدل شعرها قام خلوف من الشبريه وراح عندها
خلوف مسك شعرها : خلاص انا بربط شعرج
زينب : اونه تعرف
خلوف : هههه هيه
زينب : تعرف تسوي عقص
خلوف : هيه
زينب : ههه اونه
خلوف : شوفيج والله
زينب : حبيبي عادي تسوي لي عقص لانه معرف كيف اسوي حق عمري بس حق غيري اعرف
خلوف : من عيوني
زينب : بس ترا بعدك ماخترت اي لبس ألبسه
خلوف : ويت بخلص شعرج ونروح نجوف الملابس
زينب : انزين نحن وين بنروح احين
خلوف : فوق الجبال
زينب : يعني اكيد الجو بارد
خلوف : هيه بارد
زينب : خلاص اوكيه عيل بلبس شي يدفي
خلوف :افا افا ليش تلبسين شي يدفي وانا موجود انا راح ادفيج
زينب استحت : كلخرا
خلوف ضربها على راسها : ويعه عيب تقولين حق ريلج جي
زينب : اونه ماكنت ادري اسفه سامحني
خلوف : بوسي ايدي
زينب : ويع تخسي
خلوف : اح قويه
زينب : وصخ
خلوف : هههههه المهم اختار لج ملابس حلو؟
زينب : اف ياحظي فيك هيه اختار لي
خلوف : تعاي وياي
راحو غرفة تبديل الملابس
خلوف : ها حلو
زينب : مب حلو
خلوف : وها ؟
زينب : مب حلو
خلوف : نزين ها ؟
زينب : بعد مب حلو
خلوف : ترا لوعتي جبدي
زينب : اف اف ترا ازعل
خلوف : خلاص اختاري لج ملابس وانا بترياج
زينب : لا لا خلاص اخر مره انت اختار لي
خلوف : ها حلو
زينب : اصلا كل شي علي حلو
خلوف : احلفي انتي بس
زينب : ويعه قول صح
خلوف : مب صح والبسي بسرعه لانه مالي خلق حنت مريوم
زينب : خلاص زعلت مابا
خلوف قرب صوبها ولف ايده على خصرها وقربها صوبه وباس خدها : ناويه تذبحيني انتي ؟
زينب : هي احسن
خلوف : دلوعه
زينب : ههههه خلاص وخر يلااا ابغي ابدل
خلوف : نزين يلا بدلي اشوف
دزته زينب : وخرررر ياوصخخخخ
خلوف : ههههه نزين يلا خلصي وطلع من غرفة التبديل
بدلت زينب وطلع من غرفة التبديل راحت صوب التسريحه وحطت مكياج خفيف
زينب : يلا خلصت
خلوف : ويت بس خليني افوز
زينب : لودو؟
خلوف : لا ببجي
زينب : انت كل شوي لعبه يديده
خلوف : تعاي لعبي بدالي بسرعه ابا اتجهز
زينب : اح بعدك ماتجهزت
خلوف : لا لا مجهز بس ابا اتعطر وجي
زينب : هات هات خلني افوز لك
خلوف مد التلفون : هاج لاتخسرين ياويلج
زينب : ماعليك ماعليك لعبتي ببجي
خلوف راح صوب التسريحه وحط عطر وتبخر
زينب : اقولك خلوف
خلوف : هلا
زينب : اذا خسرت ماراح تسوي فيني شي صح
خلوف لف وشاف زينب : لاتستهبلين
زينب : والله بالغلط
خلوف : خسرتييي!!!!
زينب : هيه
خلوف : ماشي طلعه اليوم
زينب : ااييهههه والله يعني شو اسوي ما اعرف العب
خذه خلوف الفون من زينب : تتفلسف بعد اونه لعبتي مالت عليج
زينب : وعليك يلا خلصت امش ترا قاعد يتريونا
خلوف : امشي امشي فكينا
زينب بزعل قعدت فوق الكرفايه ومدت بوزها : مابا
خلوف : اوهو احين منوه المفروض يزعل على الثاني
زينب : انا
خلوف : لا والله راح وباسها على خدها يلا امشي
زينب : هه يلا
خلوف : جان زين طلعتي على مريوم ماتعرف تزعل على حد
زينب : روح تزوجها بعد
خلوف : بل بل عليج غيوره
زينب : اصلا ما اغار فكنا يلا امش
خلوف : هههه يلا
في الصاله دخلو زينب وخلوف : السلام عليكم
الكل : وعليكم السلام
اليد : هاه جهزتو
خلوف : هيه
ابو بدر : يلا حطيتو الاغراض في السياره
ام بدر : هيه حطينا كل شي
ابو بدر : يلا عيل مشينا
ميثا : عمي بنروح باص
ابو بدر : هيه كلنا مع بعض
ميثا : حماااسسس
ذياب : سيف
سيف : هلا
ذياب : بنروح الجبل الي كنا نروح له مع امي وابوي وخالتي
سيف : هيه
ذياب : اها اوكيه قلت حق يوسف
سيف : هيه اكيد قلت له
ذياب : نزين يلا اركب
سيف : انا شدخلني
ذياب : شو الي انا شدخلني انت اولنا راح اتي
سيف : لا شو فشله رايحين رحله عائليه انا شدخلني
ذياب : اقول لك قوم يلا قوم ويانا اونه فشله
سيف : لا مابا
ذياب : ابوييييي
اليد : هاه شوفيك تصارخ ليش بعدكم ماركبتو الباص
ذياب : شوف سيف يقول مابيي معانا
اليد : نعم نعم
سيف : يدي عاد انتو رايحين رحله مع بعض اهل انا شدخلني
اليد : ومنو قال انك مب من الاهل قم يلا قم
روميو : بس
اليد : لا بس ولاشي اقولك قوم
سيف شاف ذياب بنظرات وذياب ابتسم له بشر
اليد : يلا امشو فكونا
قامو وركوب كلهم الباص وحرك يوسف
مريوم : يوسف عطني ال اي يو اكس
مد لها يوسف وعطاها
ذياب : نعم نعم عطيني
مريوم : خير انا قلت اول
ذياب : اقول عطيني فكينا
مريوم : مابا
ذياب : عطيني
مريوم : ماااببباااا
ذياب : ياهل ياهل عطيني
مريوم طالعته وسوت عمرها زعلانه : انا ياهل؟
ذياب لف ويهه عنها : ويع ويع
مريوم : هههههههههه انت الويع ياتبن
روضه : يهال يهال بسرعه حطي شي نسمعه
اليد : خير اول خذيتو رايي
مايد : قلة ادب صح يدي
اليد : انت اسكت
ميره : هههههههههه مريوم حطي شي نسمعه
اليد : طع هاي اقول اول شي اخذو رايي
ميره : يدي انت اصلا راضي من دون ماناخذ رايك
اليد : منوه قاص عليج انتي
ميره : افا افا
اليد : لاتحطون اغاني
هزاع : يدي انت نفسيه
اليد : انا نفسيه ياقليل الادب لف صوب ابو راشد ماتسمع ولدك
ابو راشد : هزاعو ياقليل الادب
هزاع : طويل الشنب
اليد : وي يرد على ابوه
ريم : وي وي وي
ميثا : ريم بس اذا سمعت حد يقول وي لازم تقلده
ريم : احس ماينفع ريال او ولد يقول وي
ميثا : ترا الريال والولد نفس الشي فشلتينا
ريم : اونه
ميثا : اف غبيه
مريوم : اوهو يدي احين ابا احط اغاني
اليد : ماشي
ابو بدر : ابوي خلهم يستانسون
اليد : وانا قلت لا يستانسون
مريوم : عيل خلنا نحط اغاني
الجد : حطو حطو فكونا
البنات : هههييييهههههه
اليد : ويعيه
مريوم : ووععننن جمااللكك ماقددرتتت ااببععددد واتووببب
ذياب : كيف اتوب وربي الي كمله
مريوم شافت ذياب وذياب لف صوب الجامه
زينب : فكينا مريوم حطي اي شي
مريوم : انتي مايخصج خليج مع ريلج
خلوف : شوفيه ريلها
مريم : خلوف انت ليش اسمك خلوف
زينب : حماره اسمه خليفه
مريوم : اونه
ذياب : حماره من يومها
مريوم : انت مايخصك
ذياب : حماره
مريوم : خروف
ذياب شاف خلوف : يعني علمتها تقول خروف ؟
خلوف : والله انا مايخصني
قام ذياب وراح عند مريوم مسك ايدها وعصر عليها
مريوم : ااااييييي هدنيييييي
قامت مريوم وكانت بترفس ذياب بس هو هد ايدها ووخر بعيد
ذياب : يلعن شكلج
ابو بدر : يهال يهال انتو انثبرو مكان واحد
اليد : مريوم اعقليي
مريوم : وليش انا شوفه هو شوف ايدي كيف صارت حمرا
ام بدر : ذيابو ياوصخ حمرت ايدها روحها ضعيفه وانت قوي
مريوم : خسي ها قوي
ذياب : تبغين تجربين ؟
مريوم : مابا
ذياب : قطع الله ويهج
مريوم : ويقطع ويهك
اليده : وااايييي مب زين مب زين لاتقولون هاي الرمسه عيببببب
ابو بدر : يبالي اربيهم من اول ويديد
لفت مريوم صوب الجامه تشوف الجو وحتى ذياب لف صوب جامته
اليد : مريوم انتي مو قلتي تبين تحطين اغاني حطي فكينا وانتي ساكته
مريوم : مابغي خلو ها الزفت يحط اغاني
ذياب لف وشاف مريوم : من زفت؟؟؟
مريوم شافت ذياب : انت انت انت
ذياب : لاااااا شكلي اليوم بقص لسانج
كان بيقوم بس هزاع مسكه وقعده : خلاااصصصص
اليد : ذياب والله ترا الخيزرانه ماتقصر اسكت !!
ابو بدر : نزلو هاييل الاثنين محد يبغيهم
مريوم : خلاص خلاص بسكت
سيف : اويه ها ذياب الي يدامي
روضه : هههههه شوفيك مصدوم تراهم كله جي ضرابه لازم اليوم يبدا بضرابتهم
روميو : غريبه ذياب ولا مره مسك ايد بنت
روضه شافت سيف بصدمه : طع ها في شو يفكر ويعني انت مسكت ايد بنت مثلا ؟
سيف : ييوهههه وايددد
روضه : نعم نعم
سيف شافها بنظرات : نعامه شوفيج
روضه : يع نار جهنم
سيف : بقوم لج والله
روضه صدت عنه وهي مقهوره ماتدري ليش
مريوم : هييهههه شو احط لكم اغاني
سيف : طع هاي من شوي كان مزاجها خايس
مايد : لاتحاتي دومهم جي يتضاربون عقب دقايق بنسون الضرابه ويرجع الوضع طبيعي
سيف : يضحكون
ميثا : مريوممم حطييي ها الصيصااننننن ششوووحلويييينننن
ميره : يهال يهال صيصان يعضونج قولي امين
ميثا : يعضون بدر امينننن
بدر : ايه انتي بصفعج
ام بدر : وي بسم الله على وليدي
ميثا : خالو لاتحاتين حتى الفيل مايقدر على وليدج
ام بدر : قولي ماشاءالله يابنتتتت
ميثا : هههههه ماشاءالله
اليد : صدعتو راسي يوسف متى بنوصل
يوسف : نص ساعه
اليد : اسرع اسرع
يوسف : حاضر
مريوم : اوهو احين شو احط لكمم
ميثا : الطير
مريم : اوكيه
وحطت اغنية الطير مال حسين الجسمي
راحو فوق اعلى قمة جبل ووقفو باركن وكان في وايد ناس والمكان زحمه نزلو كلهم من الباص وفرشو حصير حطو جاي وقهوة وحلوى وسويت وقعدو
مريوم : الله الجو بباااررددد
ميره : اف حسيتي وشافت سيف انت مو بردان
سيف : لا متعود على هاي البروده
ميره : او صح انت عايش هني
ميثا : عمو صبيلي كرك بموت الجو باردد
اليده : صج ماتستحين على ويهج قومي صبي بروحج
ام بدر : شدعوه امي انا صوب الدله عادي
مريوم : اوه رشود شوف عيال عمك اشرت مريوم على البقر
الشباب كلهم شافو مريوم
مريوم : بسم الله يعني الواحد مايسولف
ذياب : شوفي مريوم روحي انتي والبنات ورا ها الجبل
مريوم : خير ليش
ذياب : هناك شي مكان ححللوووو لكم انتو
ميثا : يعني مكان كيف
سيف : جي مكان ورود ويعني ينفع لكم
روضه : حماس اونه
سيف : هيه
مريوم قامت : يلا بناتو قومو
قامو البنات وراحو للجبل
ابو بدر : ذيابو اذا صار فيهم شي ياويلك
ذياب : عمي بعد لاتصير غبي يعني هاذول بنات عمي
بدر : انت تقول لهم عن مكان حلو؟
ذياب : شوفيكم تراني طيب
ام مايد : الله يستر
عند البنات
ميثا : بنات نحن ليش نصدقهم
روضه : يقولون مكان حلو
ريم : واذا مكان حلو انتو شدراكم انهم صادقين
ميثا : هاي الاحماره على طول صدقت حبيب القلب
مريوم : يلعن شكلج انا شدخلني حتى روضه قالت حماس وبعد حبيب قلب في عينج
روضه : صح انا قلت حماس بس ماقلت قومو
ريم : فكونا يعني شو راح يكون مناك
ميثا : اخخخخ لازم نصعد ها الجبال
ريم : هيه هو اشر على ها الجبل وقال وراه
مريوم : بنات نزين ماشي حد يصعد ها الجبل
روضه : احس السالفه فيها انه
ميثا قامت تركب الجبل : اف اوفر خايفين
مريوم : ويت
وركبو البنات مع ميثا
عند الاهل
سيف : شباب قومو نتمشى
بدر : يلا امشو
قامو الشباب يتمشون مب عارفين وين يروحون
ذياب : اقولك بدر روح اكل اختك
بدر : اختي؟
ذياب اشر على البقر
بدر : يستوي نعطيهم اكل
سيف : هيه يستوي تعالو عند ها الريال نشتري
هزاع : مايد انت لا تشتري اخاف انت تاكله بدال ماتعطي البقر
مايد : خير خير
راشد : ههههههه يسويها
مايد : جب جب
بدر : امشو امشو يهال انتو تأكلون البقر
ذياب : لا عيايز مثلك
بدر : تراني بس اكبر عنك بسنه ياعنز
ذياب : عنز اختك المهم انك اكبر عني
بدر : امشو امشو نتمشى
ذياب : يلا
عند البنات الي اخيرا وصلو اخر الجبال
مريوم : بيت؟
روضه : يستهبل ها وين الورود ما اجوف غير بيت خشب صغير
ميثا : نزين خندخل البيت
ريم : لالا انتي قلتي تعالو فوق الجبل ولحقناج واحين تبينا ندخل البيت
مريوم : صح ميثا انتي شو ماتخافين
ميثا : يلا عشاني بس هاي المره
روضه : احس البيت عادي امشو نستكشف
ريم : الله يستر
راحو البنات صوب البيت
مريوم شافت ميثا : دقي الباب
ميثا : انا شدخلني
روضه : لا والله انتي قلتي تبين تدخلين البيت
ميثا : مريوم عشاني
مريوم : اوهوو
راحت صوب الباب والبنات كلهم وراها دقت الباب ثلاث مرات بس مافي رد
مريوم : ماشي حد
ميثا : فتحي الباب
مريوم : على كيفج شو !
ميثا : اف عشاني
مريوم : عشاني وعشاني تعاي انتي لو فيج خير منخشه وراي جنج ديايه
ميثا : لا لا بس انتي فتحي الباب
مريوم : بسم الله
وفتحت الباب شوي شوي وكان البيت ظلمه بس فيه نور الشمس دخلت مريوم شوي شوي وماكان في حد
مريوم : ههوويييي في حد هنييي
مافي رد
مريوم : بنات ماشي حد
ميثا دخلت و وراها روضه و وراهم ريم
ميثا : اويه ماشي حد
ريم : بنات شوها البيت امشو نطلع
مريوم : بنات بدخل هاي الغرفه
راحت مريوم فجت باب الغرفه وانصدمت وهي تشوف يدامها جلب عود والجلب لما شاف مريوم فجاه صار يركض وينابح
مريوم بصراخ : ببننننااااااتتتتتتتت ارركككضضضوووووو
ركضت مريوم وطلعت برع البيت و وراها ميثا وريم وروضه وكانو يركضون والجلب يلحق وراهم
ريم : الله ياخذج ميثو
ميثا : انااا شدخلنييي
مريوم : لا والله ولا جنج انتي الي قلتي ادخلو ادخلو
ريم : اونه تبا تسوي روحها المحقق كونان شو قالت خندخل البيت
روضه : انجبو واركضو وانتو ساكتين
ريم : بنات تعبتتت والله تعبت بعده ورانا
روضه وهي تركض لفت ورا وكان الجلب بعده وراهم : هههييهههه ورانااااا
ميثا صارخت لانه الجلب وايد قرب صوبهم : يييمممههههههههههههه
سمعو الشباب صراخ ميثا ولفو صوب مكان الجبل وشافو البنات يركضون ووراهم جلب بوليسي
بدر : جلب!!!
راح ذياب ركض صوب البنات وراحو وراه باقي الشباب
مريوم شافت الشباب ياين صوبهم راحت على طول ركض عندهم وصولو البنات عندهم وكل وحده انخشت ورا اخوها وسيف راح يهدي الجلب وكان يحك راس الجلب وذقنه لين شوي شوي هدى الجلب
مريوم لما شافت الجلب هدى على طول راحت عند ذياب وضربته : تستهبل انت صح وضربته مره ثانيه تتسسستتههببللل
ذياب مسك ايدها : اي اي وانا شدراني ان شي جلب
مريوم : ماشاءالله يعني تتحرانا مانعرف حركاتك الوصخه
ذياب : ههه مبيين انكم هلكانات من الركض
مريوم : وتضحك ضربته وتضحكككك
شرد ذياب وهو يضحك ومريوم تركض وراه
مريوم : يعني وين بتروح وراك وراك
ذياب : ههههه لو فيج خير تعالي زخيني
راحت روضه صوب سيف : هممم
رفع سيف عيونه وشاف روضه ورد عيونه على الكلب : شوفيج ؟ سوا لج شي
كانت روضه بتتكلم بس تذكرت السالفه الي في الباص (لما قالت عن البنات) وسكتت كانت بتروح بس سيف تكلم
سيف حس انها بتروح وعلى طول قال : ماتبين اجربين تمسكينه
روضه : مدري اخاف
سيف : عادي مايخوف مسكي راسه
روضه : واذا عضاني
سيف : جوفي انا ماسكه ماسوا فيني شي
روضه مدت ايدها شوي شوي لين مسكته وحكت راسه
سيف : ها الجلب المفروض يكون داخل البيت كيف طلع
روضه : نحن دخلنا البيت
سيف : تستهبلون
روضه : بس ماكان في حد
سيف : كيف ؟ وين الشيبه
روضه : اي شيبه ؟
قام سيف ومسك حبل الجلب : انا برده البيت واجوف الشيبه وين
روضه : ليش صاحب البيت شيبه ؟
سيف : هيه
روضه : بيي معاككك بليززز
سيف : تعاي
راحت روضه عند مايد : ميود انا بروح مع سيف
مايد : وين
روضه : بيرد الجلب بيته وقلت ابا اروح معاه
مريوم سمعت روضه وراحت على طول صوبها : ابا ايي معاكم ابا ايي معاكممم
روضه : بسم الله توج كنتي تركضين ورا ذيابو
مريوم : حيوان ما ادري وين راح
بببووووو
نقزت مريوم : ويعه ذياب وضربته على جتفه
ذياب : وين بتروحون ؟
روضه : سيف بيرد الجلب بيته
ذياب : خلاص بيي معاكم
بدر : خلاص عيل روحو ولما تخلصون ردو ولا تتاخرون لانه بعد شوي بنتغدا
ذياب : اوكيه يالشيبه
مريوم داست ريل ذياب : انت الشيبه اخوي احلا عنك
ذياب : طقع الله ويهج فارجي عن ويهي بس
مريوم : يع
راحو ذياب وسيف ومريوم وروضه يردون الجلب والباقين راحو عند العائله
عند بدر والباقين
بدر شاف ريم وميثا : شو صار بضبط
ميثا : ا ا
بدر على طول فهم : يعني انتي ساس البلا
ريم : شوف نحن لما رحنا فوق الجبل ماشفنا شي غير بيت
مايد : والاخت ميثا قالت خ ندخل البيت
ريم : زين فاهمينا
راشد : بعدين
ريم : دخلنا البيت بس م...
ميثا قاطعتها : ترا دقينا الباب قبل ماندخل بس محد رد
ريم : هيه ولما دخلنا ما لمسنا ولاشي بس مريوم الله يهديها فجت اول باب وطلع في ويها الجلب
بدر : وعشان جي لحق وراكم
ريم : هيه
بدر : دفشه هاي البنت دفشه لازم تتعبث
راشد : هههههه اختك بعد ماتعرفها
هزاع : بس اتوقع مب اي بيت ادخلونه على كيفكم ؟ ترا مب بيت ابوكم
ريم : هاي اختك
مايد : خلاص خلاص وصلنا سكتو
ريم : هااييي
اليد : اشو هاي لاتصيرين نفس مريموه قولي السلام عليكم
ريم : يييوههه يدي الكلمه اطول عن حياتي
اليد : انطمي
راحت ميثا يلست صوب ام بدر
ام بدر : عيل وين مريوم وروضه
ميثا : يتمشون
ام بدر : اهاا
راحت ريم وقعدت عند الحريم : عيل وين العرايس
اليده : والله راحو يتمشون شوي وبيردون لين يزهب الاكل
ريم : اها
عند زينب وخلوف كانو يتمشون وماسكين ايد بعض
زينب : برد برد
خلوف : تعالي دخلي داخل جاكيتي
زينب : ههههه انت مب بردان
خلوف كان يلعب في اصابع زينب : لا
زينب : شوفيك سرحان وتشوف ايدي؟
خلوف : احب ايدج الصغيره
زينب : هههههه يعني رضيت
خلوف : عن؟
زينب : لما خسرتك في ببجي
خلوف : لا اكيد بعدني مارضيت
زينب : اوهو انا ليش ذكرتك
خلوف : اصلا انا متذكر من زمان
زينب لفت ايداتها على ايده وحضنت ايده : ا ا اسفه
خلوف حب الوضع : بعدني مارضيت
زينب مدت بوزها : خلوف عاد
خلوف : عيونه
زينب : هه اسفه
خلوف : بوسي ايدي
زينب : المفروض انت الي تبوس ايدي
خلوف رفع ايدها الصغيره البارده وباسها قوي
زينب ضحكت : هههه الله لايحرمني منك
خلوف : ولا منج يابعدي
عند مريوم والباقين
سيف : انتو متاكدين انه ماكان في حد داخل البيت ؟
مريوم : شوف نحن مادورنا في كل الغرف بس قلت هووييي ودخلت اول غرفه جان يطلع لي ها الجلب وطلعنا ركض
ذياب : انت ماقلت لي ان ها الشيبه عنده جلب
سيف : ترا انت لما رديت الامارات هو ياب الجلب
ذياب : وليش
سيف : لانه هو شيبه فا ماله شده يدافع عن عمره
مريوم : واايييي مسكين خير وين اهله
سيف : شوفي انا الي اعرفه ان هو تبره من عياله بس ما ادري ليش
مريوم : اويه ليش
روضه : يمكن لانه عياله كانو يسوون شي هو مايرضى عليه
ذياب : ولا مره شفت عياله يعني دوم لما كنا اني الجبل كان بروحه
مريوم : يعني الشيبه يعرفكم ؟
ذياب : هيه
سيف صار يقرب الجلب صوب مريوم
ومريوم اول ماشافت سيف يقرب الجلب عندها راحت وانخشت ورا ذياب
مريوم ضربت ذياب على جتفه : ايييهههههه
ذياب : انا شدخلني
مريوم : شوف ولد خالك مدري خالتك
ذياب : سيف فكنا والله مالي خلق لها
سيف مسك الجلب وخذه بعيد : هههههههه اوكيه
راحت مريوم عند روضه : اف ويع اكره الاولاد
روضه : هههههههههههه
مريوم اشرت على البيت : اويه شوفو باب البيت مسكر
سيف : قلت لكم ان فيه شيبه ساكن في البيت
روضه : والله زين الجلب وفي لما دخلنا اكيد اتحرا انه نحن بنسرق
مريوم : ذياب دق الباب
ذياب : اكيد انا الي بدق عيل انتي الي بدقين
مريوم و روضه شافو بعض فهمو بعض وضحكو على الخفيف
دق ذياب الباب وفتح الباب لهم واحد شيبه
الشيبه : السلام علييكممم
مريوم و روضه فجو عيونهم عالاخر : يرمسس عرربييييي؟؟؟؟
سيف : ويعه
الشيبه : ههه نعم انا سعودي
مريوم : امبيه كيوت
داس ذياب ريل مريوم
مريوم همست حق ذياب : اااخخ يعني حرام اقول كيوت
ذياب بنفس همسها : هيه عيب ياغبيه
مريوم : اوكيه اوكيه
سيف : السموحه والله البنات دخلو بيتك اتحرو فاضي جان يطلع كلبك ويخوفهم
الشيبه : ههههه انا سمعت صوت كلبي ينبح بس لين ماقمت من الكرفايه وطلعت اشوف ليش ينبح لقيت الباب مفتوح ومافي حد
ذياب شاف مريوم و روضه بنظرات
روضه و مريوم فهمو نظرات ذياب : اسفين دخلنا بيتك
مريوم : بس والله انا دقيت الباب ثلاث مرات ومافي حد رد اتحريت البيت فاضي
الشيبه : ههههه عادي عادي حصل خير تعالو داخل اقهويكم
ذياب : لا مشكور المره اليايه احين الاهل مستعيلين يبونا نروح لهم بسرعه
الشيبه : خلاص المره الجايه حلفت عليكم تجون
روضه : اكيد بني
سيف : يلا مع السلامه
الشيبه : مع السلامه
وطلعو من بيت الشيبه
مريوم : اوييههه طيب
روضه : هيه حسيت
مريوم : اوهوووو احين لازم نمشي كل هاي المسافه
ذياب : امشي وانتي ساكته
روضه : وين الجلب خله يركض ورانا عسب نوصل بسرعه
مريوم : يضحك جب
روضه : بس ها الشيبه ليش ساكن هني ليش مب ساكن في السعوديه
سيف : ترا قلت لما تبرا من عياله سكن هني بروحه
مريوم : اهااا ولفت صوب ذياب شافته ساكت شوفيك ؟
ذياب شاف مريوم : ماشي
مريوم : همم
ذياب رفع حاجبه : تبغين تقولين شي ؟
مريم : انـ... ماكملت لانهم وصلو عند الاهل
روضه : اف اخيرا وصلنا وراحت قعدت عند الحريم ومريوم راحت وراها
ذياب في نفسه شو كانت تبغي تقول!
اليد : يلا وينكم تاخرتو نبغي نتغدا
مريوم : اونه تاخرنا فديتك اسفين
ام بدر : يلا حبايبي تعالو تغدو
مريوم : اوكيهه
تغدو وخلصو وشالو السفره وحطوها في الزباله وقعدو يسولفون
ميثا : اي صح تخيل يبه ذياب قص علينا وخلانا نروح هناك وعلى اخر شي طلع لنا جلب بوليسي
ابو راشد شاف ذياب : احلف انت بس
ذياب : وانتو حد قال لكم تدخلون بيت الشيبه بدون استاذان
ميثا : دقينا الباب بس محد رد
ذياب : حتى لو محد رد فارجو مب تدخلون
ميثا شافت مريوم كانت سرحانه تشوف التلفون : وانتي ليش ماترمسين
مريوم : بسم الله انا شدخلني انتي يالسه تتكافخين معاه
روضه : هو صح كلام ذياب صح ان المفروض ماندخل بس هاي الدفشه خلتنا ندخل
اليد : ترانا مب فاهمين شي قولو شو صار
مريوم قالت لهم كل السالفه
ام بدر : يعني هو سعودي
سيف : هيه
اليده : بعد صح كلام ذياب مو من حقكم تدخلون البيت جي
كل البنات اشرو على ميثا
ابو بدر : اول مره ماتكون مريوم ساس البلا
مريوم : يبهه
بدر : اويه صج هههههههه
مريوم : يعني احين انا ام المشاكل ؟
اليد : توج تعرفين
مريوم : اوهو تراني مسكينه
اليد : انتي سجينه
مريوم : عنبو اف غيرو السالفه
سيف : شرايكم باجر نروح الملاهي
روضه : اايواااا حمااسسس
ميثا : لا انا ابغي اروح المول
مريوم : جب جب انتي نبا نروح الملاهي
سيف : خلاص الي يبغي ملاهي يرفع ايده
الكل رفع ايده ماعدا ميثا
مريوم : واك واك واك
بدر : حتى يدي ويدوتي يبون يروحون الملاهي
خلوف : زينب قومي نرجع نتمشى
زينب : يلا
ريم : عصاافييرررر اللحححببببب
زينب شافت ريم بنظرات يعني انجبي
ام راشد ضربت ريم على الخفيف : ويعه ريمو
ريم : اسولف اسولف
راحو زينب وخلوف يتمشون وقام هزاع يتمشى بروحه وريم لما شافت هزاع قام قامت وراه
مريوم : عاشو عاشو عاشو هههييييي
الكل لف على مريوم بصدمه
مريوم : ععاااا بسم الله شوفيكم
ميثا : ههههههه بسم الله انتي اللي شوفيج
مريوم : انا الي لازم اقول بسم الله كيف جي شفتوني فجاه
سيف : خبله
عند هزاع وريم
ريم وهي تركض عسب توصله : هزاع هزااعععع
هزاع وقف ولف وراه : ريم
ريم وقفت عنده وهي تتنفس : اهخخخخ شوفيك
هزاع : انا؟ انتي الي شوفيج يايه وراي
ريم : هههه مدري حسيت انك متضايق
هزاع : ليش اتضايق مافيني شي
ريم : اوه اوكيه عيل انا برجع دام مافيك شي
هزاع : دامج هني خل نتمشى ونسولف
ريم : هههه يلا
هزاع : تصدقين احس خاطري ادرس برع
ريم : ليش
هزاع : ما ادري بس ابا اروح ادرس في لندن
ريم اللي بان عليها الزعل : في الامارات نزين ياكثر الجامعات
شاف هزاع ويه ريم مبيين عليه الزعل واستغرب بس حاول يغير السالفه : تشوفين هاي البقره
ريم : شوفيها
هزاع : هاي انتي
ريم ضربت هزاع على جتفه : ويعه ها انت
هزاع : ههههههه شوفي هاي القطوه
ريم : بعد قول انا
هزاع : هههههه لا لا بس اقول شوفيها كيوت
ريم راحت عند القطوه ونزلت مستواها وشالتها : وااييي كيوت صغيره
راح هزاع ونزل لمستوى ريم : يعني احلا عن لوسي
ريم : هييههه بوايد شوفها كيف كيوت وصغيرهههه
هزاع : خل ناخذها
ريم : لا شوف كيف نظيفه يمكن مال ناس
هزاع : واذا مال ناس خل ناخذها
ريم : لا تستهبل
عند العائله
مريوم همست للبنات : اقولكم
ميثا : قولي
مريوم : ريمو وين راحت
روضه : اتوقع راحت ورا هزاع
مريوم : اها نزين سمعو
ميثا وروضه حسو ان مريوم في مخها شي : شوفيج
مريوم ابتسمت : هاتي جيك عصير البطيخ
ميثا : يدوتي عطيني جيك عصير البطيخ (كان الجيك صوب اليده)
اليده شالت الجيك وعطت ميثا : دوج
ميثا : ششككرااا هاج مدته حق مريوم
مريوم شالت الجيك وصبت لها في قلاص : احين عطيني دلة الجاي
ميثا استغربت : جاي؟
مريوم : هيه
مدت لها روضه دلة الجاي : هاج
مريوم : كفو صبت الجاي مع عصير البطيخ
روضه وميثا : لااااا استغفرالله شو قاعد تسوين
حطت مريوم صبعها على حلجها : ااششششش
روضه وميثا كانو قاعد يشوفونها بستغراب قامت مريوم وراحت قعدت عند بدر
مريوم : بددورر
بدر كان يسولف مع ذياب رفع راسه وشاف مريوم : هلا
مريوم : دوك
بدر شاف القلاص الي في ايد مريوم ورجع شاف مريوم : شوها
مريوم : عصير بطيخ
بدر : شوالي عصير بطيخ انتي شايفه الجو كيف بارد
مريوم : عصير بطيخ حار
ذياب : ماشاءالله
مريوم شافت ذياب وسكتت
بدر : هاتي هاتي فكينا
ابتسمت مريوم ومدت القلاص له : دوك
خذه بدر القلاص من مريوم وشرب حس وهو يشرب ان طعمه مب حلو حط ايده على حلجه وبلع العصير بسرعه : اخخيجججج تستهبلين شوهااااااااااااا
مريوم وقفت على طول وهي ميته ضحك على شكله : ههههههههههههههه
بدر : شو حاطه داخله
ميثا : جاي
بدر لف وشاف ميثا : جاي؟ ورد شاف مريوم تستهبلين
مريوم لما شافت بدور قام لها عطتها شرده : يييييممممهههههههههههه
ام بدر : بدر خلاص خلها تستهبل معاك
بدر : والله ماخليها وراح يركض وراها
اليد : احسن كفخها بعد
روضه : ههههههههههههه
نرجع عند ريم و هزاع الي كانو يلعبون القطوه
ررريييمممم ههززااعععععع
لفو على الصوت : مريوم
شافو مريوم تركض و وراها بدر راحت مريوم على طول تنخش ورا هزاع
مريوم : خلاص وخر
بدر : يعني اذا انخشيتي ورا هزاع ماراح ازخج
هزاع : شو فيكم
مريوم : حطيت في عصيره جاي
هزاع : خيبه جاي مره وحده
ريم : ههههههه تستاهل بدور
بدر : ااهاااا
هزاع : دخيلك كيف كان طعم الجاي مع العصير
بدر : جب
مريوم : اي ريمو شوهاي القطوه
ريم : ما ادري مال منوه بس شوفيها كيوت
مريوم : عطيني ياها
ريم : هاج
شالت مريوم القطوه : اويههه كيوتتت كيتي
كلهم شافو مريوم بصدمه : كيتي؟!
مريوم : هههههه حسيت اسم كيتي لايق عليها
ريم : مريوم بس تسمي حيوان كلنا نتفق معاها
هزاع : صح لوسي مريوم الي سمتها صح ؟
بدر : هيه مريوم اول مره زقرتها لوسي عقب الكل صار يزقرها لوسي
مريوم : وهاذي كيتي
ريم : اويه مب على كيفج يمكن مالت حد
مريوم : ما اتوقع
بدر : بس شوفي كيف نظيفه مب مبيين انها مال شوارع
مريوم : حتى لو
هزاع : عطيني ياها
مريوم : هاك
هزاع خذه القطوه وشرد
ريم : ههيييهههه هزاععع
بدر : شوها الغبي تعال يمكن مالت حد !!
مريوم عجبها الوضع راحت تركض ورا هزاع
ريم : اويه بدور يمكن حق حد
بدر : ليش انتي ماتعرفين هزاع ومريوم حتى لو كانت مالت ناس ياخذونها
ريم : امش امش نروح وراهم
مريوم وهزاع وصلو عند الباقين ويلسو وياهم
روضه : شوها
مريوم : شو
ميثا : القطوه مالت منوه
هزاع : مالتنا
راشد : نعم
هزاع : مالتنا
سيف : تستهبل
هزاع : لا
روضه : صج من وين خذتوها ؟
هزاع : مدري لقيناها منخشه تحت الحشيش
مايد : عطني عطني اشوفها
هزاع : دوك
مايد شال القطوه : بل هاي نظيفه
ذياب : هزاعو مال منوه
هزاع : والله ماعرف اقولكم لقيتها منخشه في الحشيش
ريم توها وصلت عندهم : يا الدفش رد القطوه
مايد : مال منوه
ريم : ما ادري لقيناها صوب الحشيش
ذياب : نفس حجي ها الحمار قلتي شي يديد يعني ؟
هزاع : انت الحمار
مريوم : المهم اذا كانت مالت حد ماكان راح تنخش في الحشيش
سيف : تحريات بوجلب
اليد : شوفيكم تسولفون هناك بروحكم ؟ تعالو سولفو معانا
راشد : يدي نحن مانحب سوالف الكبار
اليد : ماشاءالله
مريوم شافت سيف : انت جب
هزاع : خلاص اف مب مال حد
مايد : على كيفك
روضه : بل كل ها النقاش عشان قطوه
ميثا : ههههههه ميود عطني اشوفها
مايد : هاج
خذت ميثا القطوه تلعب معاها
روضه : احين اذا خذناها شو راح نسميها
مريوم : كيتي
ميثا : اللهههه ححللللووو الاسم
بدر : خيالكم واسع ترا ماراح ناخذها
مريوم : مب على كيفك
بدر : ولا على كيفج
ريم : خلاص قومو نتمشى واذا لقينا ناس تدور على شي يعني يدورون القطوه
سيف : فكرة بوجلب
مريوم ضربت سيف على جتفه : بس عاد بوجلب و بوجلب
سيف : بل خرعتيني
راشد : يلا يلا قومو نروح
مريوم : لازم نفترق نسوي قروبين
ميثا : قصدها مجموعتين
روضه : غبيه فشلتينا شو قروبين واتس هو
مريوم : اف الي هو يلا شوفو البنات بروحهم والاولاد بروحهم
زينب وخلوف كانو يتمشون وشافوهم من بعيد
خلوف : هههووويييييي
ركضت مريوم صوبهم : زينب خلوف تعالو
خلوف : هاه شوفيكم
مريوم قالت لهم السالفه كلها من لما شافو القطوه لين احين
زينب : والله انكم متفيجين
مريوم : بتدورو معانا ولا نروح
زينب : لا لا بني
ريم : بس هاااا
زينب : هااا
ريم : خلوف يروح عند الاولاد وانتي تعاي ويانا
زينب : هههههه اوكيه
خلوف : عيل يلا راح نفترق
مريوم : بل بل حسستني ماراح تشوفها الى الابد
خلوف حضن زينب وباسها على خدها : الله لا يقول
البنات اختبصو لما باسها وماعرفو شو يسوون الي لفت راسها للصوب الثانيه والي نزلت راسها
مريوم : وجع
هزاع : امش فكنا مب لازم هاي الحركات ياحمار
خلوف : فكونا نزين يلا امشو
راحو الاولاد يمين والبنات يسار
مريوم : ول احس من زمان ماطلعت معانا زينب
زينب : هاه
مريوم : يعني جي بنات بروحنا
زينب : اها
ميثا : اصلا الي لقى احبابه نسى اصحابه
زينب : ذليتوني وقسم بالله
ريم : هههههه بنات جب حرام عليكم
مريوم : بنات تعالو وين القطوه
ميثا : كاهي
مريوم : عطيني
ميثا : هاج
شالت مريوم القطوه وصارت تحك بطنها : اححيههه صغيرههه وكتكوتهه
روضه : اوهو ترا ماشي حد يدور عليهااا
مريوم : خلاص خلونا ناخذها واحلى شي انها نظيفه ومب مال حد
زينب : جب خندور بعد يمكن نلقى حد يدور عليها
مريوم : اوهو اوكيه
عند الشباب
هزاع : اف خلاص مب مال حد خناخذها
مايد : انت بسرعه تتعب اصبر يمكن نلقى حد يدور عليها
هزاع : اف اوكيه اوكيه اقولكم شباب
كلهم شافو هزاع
هزاع : افكر ادرس في لندن
ذياب : اوب اوب في تطور متى؟
هزاع : والله مدري متى
راشد : غبي انت ؟ لو بتكمل دراستك لازم تروح من احين
خلوف : صح كلام رشود بس بتسافر بروحك؟
هزاع : اكيد بروحي عيل بسافر مع منوه
خلوف : اول شي تزوج عقب سافر مع حرمتك
هزاع : حد قال لك اني مصخره شراتك مستعيل ع الزواج ؟
بدر : وين مستعيل ها قريب يدش الثلاثين زين تزوج وخذه عموتي قبل ماتعييز
خلوف : بقوم ادفنك عيب جي ترمس عن عمتك
بدر : ماعليه انا ما اشوفها عمتي اشوفها اختي يعني عادي جيه اقولها
خلوف : خلاص من احين ممنوع تقولون لها شي احترموها
بدر : يصير خير
سيف : جوف لو تسافر تكمل دراستك بعدين ترجع تتزوج احسن
بدر : تعال انت ليش تفكر في الزواج شي وحده في بالك
هزاع : لا شو محد في بالي
مايد : متاكد ؟
هزاع : هيه ماشي وحده في بالي
بدر : زين
خلوف : فكونا خلاص خذو القطوه معاكم ونرجع
مايد : بل مسرع اشتقت للحب
ذياب : ويع
خلوف : انت انجب ترا بقوم اكفخك
ذياب : كلزق
راشد : المهم واحين شو صار على القطوه
خلوف : فكونا خذوها حقكم وخلاص
هزاع : كفو ها الحجي الحلو
سيف : وين القطوه اصلا يمكن البنات لقو اصحابها حد يتصل في وحده من البنات
اتصل بدر على مريوم
بدر : الو
مريم : اف بدور ترا لاعت جبدي مالقينا اصحاب القطوه
بدر : خلاص عيل رجو عند ابويه والباقين
مريم : يلا اوكيه باي
مريم سكرت : بنات امشو نرد عند ابوي والباقين
ريم : ليش شو قال
مريم : قال خلاص ردو عندهم ونحن بني
زينب : يلا عيل امشو نرد
عند الشباب
بدر : مالقو حد
هزاع : عيل خلاص امشو نرجع
خلوف : اف اخيرا
مايد : ببححبببككك وحشتينيي
خلوف شاف مايد : تقصدني؟
مايد : بسم الله من قال اني اقصدك انا اقصد ذياب
ذياب رفع راسه وهو عاقد حواجبه : نعم
مايد : بسم الله مب قصدي حد
هزاع : بل توهق
بدر : ههههه ميود دامك مب قد الحجي انجعم
مايد : شدخلني انا يالس اغني هو الي شاك في عمره
راشد : وانت بدال ماتكحلها عميتها
سيف : اونه كنت اقصد ذياب مالقيت غير ذياب
مايد : خلاص خلاص فكونا امشو
رجعو الشباب عند الباقين وقعدو
ذياب : مريم عطيني القطوه
مريوم : حرام راقده خلها
ذياب : عطيني فكينا
مريوم : هاك هاك
ريم : احين راح نهتم في هاي القطوه اكثر من لوسي
مريوم : احسن تفو على لوسي
مايد : ههههههه انتي ماتنسين السالفه
مريوم : كل ما اشوف علامة الشميخ ادعي عليها
مايد : بل بل
مريوم : ترا كان يعور
مايد : اوكيه اوكيه بسم الله
ابو بدر : يلا شباب امشو ساعدوني بنشوي
كلهم قامو ماعدا هزاع و سيف
مريوم : خير انتو مب شباب ؟ شكلكم حريم
سيف : بقوملج وقسم
مريم : اسولف اسولف
ذياب : مريوم زخي كيتي
وفراها على مريوم
مسكتها مريوم : واي ياغبي حرام عليك ليش تفرها
ذياب : واثق انج بتزخينها
مريوم شافت ذياب وسكتت تمت سرحانه فيه
روضه : اللهههه ريحت الكباب حلو
سيف : بل بعده مانطبخ
روضه : حاسة الشم عندي قويه
سيف : شرات الجلب
ريم : اااحححححح
هزاع : بل يضحكككك
روضه : مايضحك
سيف : هيه صح وين وصلتي في الرواية
روضه : توي ببدا في الجزء الثالث
سيف : اونه عيل انا ببدا في الجزء الرابع
روضه : اونه اويه مسرع
سيف : ههههه تبغين اعطيك الجزء الثالث ؟
روضه : لا ماله داعي اشريت من المطار
سيف : جان قلتي لي كنت عطيتج
روضه : ماشاء الله يعني انا كنت اعرف انك ولد عمة ذياب
سيف : ولد خالة ذياب
روضه : الي هو
سيف : خلاص عيل لا تشترين الجزء الرابع انا بعطيج
روضه : يمكن ما اشوفك
سيف : شدراج يمكن بعدين نكون قريبين من بعض اكثر
روضه : ما اتوقع
مريوم : عن شو ترمسون
روضه : الرواية
سيف : ويت لف شاف مريوم انتي شدخلج
مريوم : هيه صح انا مايخصني بعد زوجين يتهاوشون انا شدخلني
روضه : نعم
سيف : خير والله انتي محد بيأدبج غير ذياب
مريوم : يع تخسي والله
روضه حست انها استحت والجو صار متكهرب من كلام مريوم راحت قامت وقعدت مكان ثاني وسوت عمرها تشتغل في التلفون
مريوم : اسولف اسولف
ميثا ضربت مريوم على راسها : محد جي يسولف ياغبيه عيب
حست مريوم بذنب قامت وراحت يلست عند روضه : اي روضه والله امزح
روضه ضربتها على جتفها : مازعلت عادي بس خير عيب جي تقولين
مريوم : صح صح ادري اسفه والله
روضه : انتي احمدي ربج مارديتها لج
مريوم : عيب عيب
روضه :اهاااا احين عيب
مريوم : ههههه هيه
روضه : أذكرج لما كنتي سرحانه فيه وهو يشوي ويساعد ؟
مريوم انصدمت : سرحانه في من
روضه : يعني تتحرين مانتبهت لج وانتي سرحانه فيه ؟
مريوم : اسكتي !!
روضه : هههههه اوكيه اوكيه
ريم : يدوتيييييي والله مسيو
اليده : شو بعد هاي مسيو
زينب : هههه امايه يعني اشتقت لج
اليده : عاد ارمسي عربي اونه مسيو
اليد توه راجع من المشي : هاه هاه شوفيج معصبه
اليده : شوف بنت ولدك
اليد : هاه شوفيها واي ولد
اليده : ريمو الوصخه
ريم : احه وصخه مره وحده
اليده : هيه نعم وصخه
البنات : هههههههههه
اليد : ليش شو قالت
اليده : اونه مسيو
اليد : شو بعد سبه ؟؟
ريم : بسم الله لااااااااا اخسي اسي يدوتي
اليده : لا يقولون يعني اشتقت لج
اليد : اها فديتج ريمو اشتاقت لج العافيه
ريم : وااايييييي فديتك يدي
اليده : اهااا
الكل : ههههههههه
مريوم : اول مره يدي يكون في صفنا
اليد : خلاص اسكتن مب على حرمتي
ميثا : اوب اوب اوب
ابو مايد : يلااا يلااا حطو السفره الاكل زهب
مريوم : حممااسسس
قامو الحريم يزهبون السفره ويجهزون وتعشو خلصو وشالو الوصاخه والسفره
ابو بدر : يلااا ركبوو الباص
ريم : عممييي لاااا
ابو مايد : بس خلاص تاخر الوقت لازم انرد
هزاع : احس فيني رقاد مب طبيعي خلاص خنرجع
ميثا وهي تركب الباص قاعد تغني : هاذا القطار السريع
زينب : تووتتتت تتتووتتتت
ميثا : يمشي ولا يستريح
زينب : تتتوتتتت توووتتت
خلوف : ماهقيت اني متزوج ياهل عيل شو خليتي حق عيالنا
ريم : اح ههههههههههههههه
زينب : اقول انطم
روضه ضربت زينب على جتفها وهمست : عيالكم عيل
زينب احمر ويها : جب انتي بعد
مريوم قبل ماتركب الباص وقفت ولفت صوب الجبل وذياب لما شاف مريوم وقفت وقف وراها
شوفيج؟
مريوم : كاسر خاطري
ذياب شاف المكان الي مريوم تشوفه : الشيبه ؟
مريوم : هيه
ذياب : لاتحاتين عنده وايد ناس يزورونه
مريوم شافت ذياب وهي مستانسه : صج
ذياب : هيه اي واحد ايي الجبل يروح يزوره ترا الكل يعرفه هني
مريوم : ههههه اونه
ذياب ضربها على راسها : تراه مشهور
مريوم مسكت راسها مكان الضربه : ويعه عاد زودتها اونه مشهور
ذياب حس انه عورها ومد ايده وحطها فوق ايد مريوم : تعورتي؟
مريوم : وتسال مب ايد طابوق
ضربها ذياب مره ثانيه : قطع الله ويهج قولي ماشاءالله
مريوم : هههههههه المهم يعني صج كلهم يروحون له
ذياب : يعني اجذب عليج
مريوم : ههههه لا لا خلاص اوكيه
ذياب : يلا فكينا ركبي الباص
مريوم: اول ابا اشوفه
ذياب : منوه؟
مريوم : الشيبه لاه
ذياب : طع هاي ! تلقينه راقد ولا دره عنج
مريوم : وصخ
ذياب : منوه ؟
مريوم : انت لاه
ذياب : ركبي ولا والله اشوتج
مريوم وهي تركب الباص : نانانانانانانانانانا
ذياب : ياهل وركب الباص وحركو
في الباص
ميثا : هااذااا القطاررر السريعععع
زينب : تتوووتتتت تووووتتت
خلوف شاف زينب وهو مستغرب : بعد تستعبطين
ميثا : هههههههههه
زينب : خلني استانس ياخي
خلوف : ياهل ياهل
زينب : جب
اليد : زينبو!!!!!!
زينب فز قلبها : هاه يبه
اليد : تقولين حق منوه جب ماسمعتج
زينب اشرت على مريوم : مريوم اقول حق مريوم
مريوم : انا شدخلني
سيف همس حق مريوم : مو انتي الي كله تحلين المشاكل يلا حلي مشكلة زينبو يا بطل فليك
مريوم ضربته : تتطنز انت وويهك وبعد اسمه بطل فليد مب فليك فشلتينا اكل هو
سيف : هههه الى هو
مريوم : يدي هيه زينب كانت تقصدني
اليد : لا يعني انا حمار ما افهم شي
مريوم : يعل لسانه القص الي يقولك حمار
ميثا حطت ايدها على جبهتها : ياغبيه هو قال حق عمره حمار
مريوم حطت ايدها على حلجها : اوه
اليد شاف عبدالله وابو بدر شاف مريوم
هزاع : كله جي بدال ماتكحلها تعميها
مريوم : حبيبي يدي والله ودي اقوم ابوس راسك بس خوفي اطيح
اليد : يعلج تطيحين
مريوم : اح يبه شوف ابوك يدعي على بنتك
ابو بدر سوا عمره معصب على ابوه : يبه اسحب دعوتك
اليد : اياجليل الحيا اطلع برع
ابو بدر سوا عمره خايف : بسم الله ابوي وين اطلع نحن مهب في الامارات راح اضيع
اليد : احسن ضيع
الكل : ههههههههههههههههههههههه
اليده : يلا عاد مب على وليدي
ابو مايد : اهاااا اها يمه
ابو راشد : طلعتي بس تحبين عبدالله
اليده : لا اكيد بعد احب زينب
مريوم : هههههههههههههه شهاب ويعقوب عيال البطه السوده
بدر ضرب مريوم على راسها : اصغر عيالج شهاب ويعقوب قولي عمي
ابو راشد : هيه كفخ اختك الوصخه
ابو مايد : المهم امايه يعني بس زينب وعبدالله
اليده : بس لاه كبرتو على ها السوالف اكيد احبكم كلكم
ريم لفت وشافت روضه تقرا الرواية : روضه عاد
روضه مارفعت راسها عن الكتاب : هاه
ريم : حتى ماتقدر ترفع راسها من الروايه بسج بسج روايات
روضه : خلاص خليني اقرا
ريم : فكينا
بدر : ننبباا نسمع شيييي
راشد : هيه مريوم حطي شي
ميثا : اح وليش مريوم الي تحط
مريوم : احم احم اغاني مال انا هلو
خلوف : والله مب منج من الهلو
مريوم : زينبو مسكي ريلج عني ترا انا اذا عصبت عصبت
ميثا : اوه تصدقين ؟ تحريت اذا عصبتي ترقصين
مايد : ههههههههههه اونه اذا عصبت عصبت حماره
زينب : لالا اشوف شو بتسوين فيه
مريوم : بلعب وياه WWB
مايد : عنبو
زينب : WWB شوها بعد؟
هزاع وهو عينه على التلفون : ها مال مصارعه
زينب : طع
بدر : عاد خلوف ما انصحك تتصارع مع مريوم تسدحك
خلوف : تخسي والله تعاي نجرب
مريوم : يلا قم
ابو راشد : اوب اوب انثبرو مكانكم
ميره : ههههههههه اتذكر لما كنا في البيت اونه مريوم تبا تسوي عمرها قو على اخر شي سدحها بدور وداس في بطنها
الكل ماعدا مريوم : ههههههههههههههه
مريوم : جب جب اصلا لانه كنت يوعانه عسب جي ماقدرت افوز عليه
ميره : اخرطي
مريوم : انطمي
اليد : بس بس صدعتو براسي
ريم صارخت : هههييييههههه بس يدي قال سكتوووووووووووو
اليد ضرب ريم بالعصا : ويعه ويعه صوتج عالي
ريم : اف يدي يعور ها وانا اقولهم يسكتون
اليد : سكتي عمرج اول
مريوم : اوح اوح يدي اليوم مستلمنا جلد
ميثا : ههههههه صاير يطير جبهتكم
مريوم قاعد تحاول تشوف جبهتها : وين جبهتي وين وين
اليد : نضحك؟
سيف : لا السالفه صج اسكتو اخاف يدي يكفخكم
حطت مريوم ايدها على حلجها : انجبيت
اليد : هيه خليكم جي
الباص صار هدوء ومحد يتكلم وروضه الي توها تخلص الصفحه وكان تفكيرها مب معاهم ولا سمعت شي فجاه قامت من مكانها وهي تصارخ : مممرريوووووويمممم نلعب ببجي
الكل لف وشاف روضه
روضه لما شافت الكل يطالعها انصدمت و رجعت تقعد : بسم الله
مريوم : ههههههههههههههههههه
اليد : هههههههه وانتي ماكنتي معانا في الخط ماسمعتي شو كنا نقول ؟
روضه : يمه لا خرعتوني انصدمت ليش الكل ساكت
ريم : ههههه اهم شي مريوم نلعب ببجي خليج خليج ع الرواية بس
روضه : ابرك لي ورجعت تقرا الرواية
وصلو البيت وكل واحد نزل وراح غرفته
عند البنات
مريوم : بناتو مافيني رقاد
ميثا : اوهو احين بتحن علينا عشان نسهر
مريوم : اف منج ميثو عيوز نزين اسهري شوفيها
ميثا حطت راسها على المخده وتلحفت وهي تثاوب : اااا مابباااا
مريوم : نامت عليج طوفه وسبعة ينانوا قولي امين
ميثا : مب امين
مريوم : بعد ترد نامي نامي بس
روضه : انا بسهر
ريم : حتنا دام مافيني رقاد
مريوم : ييياااييييييي ابوسكم
ريم : ههههههه نزين بنسهر شو راح نسوي
روضه : نروح نقعد برع ونجوف المنظر الحلو ونسولف
ريم : هيه اوكيه بس احين الساعه كم
فتحت مريوم تلفونها تشوف الساعه : احين الساعه وحده ونص
روضه : يلا امشو نروح
طلعو البنات من الغرفه ونزلو تحت
مريوم : بناتو شسمه بسوي كوفي اول
ريم : خلاص انتي سوي ونحن بنترياج برع
مريوم : وصخين تخونوني
روضه : شدخل
مريوم : هه اسولف سيرو ولو
طلعو ريم وروضه الحوي ودخلت مريوم المطبخ
في المطبخ كانت مريوم تسوي الكوفي وتغني : احسس اننهههه لعببب ببالقلببب لعبة شاططرررر و مووهههه يبـ...
سكتت فجاه لانه حست بحركه عند الباب لفت صوب الباب بس ماشافت حد
مريوم : ريم روضه عاد مول مب وقتكم
ماشي رد...
مريوم : يمه اكيد اتخيل بس حسيت حد مر صوب الباب وبل كان سريع لالالالا يمه انا شو قاعد اقول بسم الله خلني اسوي الكوفي بسرعه
وشوي الا سمعت مريوم صوت باب المطبخ الوراني يتفتح شوي شوي لفت وشافت الباب وكان صج يتفتح شوي شوي
مريوم : لااااااااا السالفه فيها حد وبضراخ يييييمممممممههههههههه وطلعت من المطبخ طيران برع الحوي وشافت ريم وروضه قاعدين يسولفون راحت صوبهم و وقفت تتنفس بصعوبه
روضه : بسم الله شوفيج
مريوم وهي تتنفس وترمس : في في
ريم : في شو فكينا ارمسي
مريوم : في يني داخل البيت
روضه : هاه
مريوم : بنات والله ما استهبل
ريم : ريلاكس مريوم اكيد تتخيلين
مريوم : شوالي اتخيل اقوللج باب المطبخ الوراني كان يتفتح شوي شوي
روضه : هيه وبعد
ريم قمطة العافيه : انتي شوالي هيه وبعد انتي شو ماتخافين
روضه : اخاف من شو
مريوم : مب منج من الروايات الي تقرينها
ريم : اوهو خلاص خندخل داخل مابغي اسهر
روضه : وين وين داخله شوفيج انتي خفتي ترا مريوم تتخيل
مريوم : روضه وقسم بالله بقوم ادفنج هني اقولج من يالسه اتخيل
روضه : يعـ...
سكتت روضه فجاه لانهم سمعو صوت الباب الرئيسي يتسكر بالقو
ركضت مريوم عند الباب الرئيسي وقامو ريم و روضه يلحقون وراها حاولت مريوم تفتح الباب بس ماقدرت كان مقفول
مريوبم : اوهووو شو ها الاستهبال فجو الباببب
ريم : ياخي بموت برد انا الحماره الي قلت بسهر معاكم لو نايمه ابرك
روضه : والله ها حظج امس لما سهرانه انا ومريوم ماصار شي
ريم : اهااا يعني ها يزاتي اني كنت بسهر معاكم
روضه : حد قالج اسهري
مريوم : بببسسسسسسسس اف شوفيكم تضاربون بس انجبو مب وقتكم
ريم : احين ش نسوي
ههوووييييي
رفعو البنات راسهم مكان الصوت وشافو ميود كان واقف في البلكونه
روضه : ميوووددد ياجلب فج الباب
هزاع وقف عند ميود : شوفو اصراحه الخطه كانت جن بس حسيت ان خطت قفل الباب احسن من الجن لانه اعرف ريم ومريوم خوافات اخاف يموتون علينا
مريوم : والله العظيم اذا مافجيت الباب راح اكفخك
مايد : كيف بتوصلين حقي يعني بطيرين
مريوم : اسويهاااا فج الباب اخلص
هزاع : نو نو
ريم : يهال يهال انتو خلاص عاد ترا برد اف
هزاع : وي منج برد
ريم : اوهووووو
هزاع يقلدها : اوهووووووو
شافت مريوم البنات : اف ارقبتي عورتني وانا اشوف ها الوصخين المهم حد معاه فونه ؟
روضه : لا
ريم : مايبته لانه النيه نسولف ونستانس
روضه شافت ميود وهزاع : بس خيتفتح الباب شوفو شو بسوي فيكم
مايد : اهااا يعني اذا فجينا الباب راح تكفخينا خلاص عيل خلكم برع يلا باي ودخل ميود داخل
هزاع : كسرتو خاطري تبون افر لكم لحاف ؟
مريوم : كسر يكسر ضلوعك قول امين فج الباب بس
هزاع : اح ها وانا ابا اصير كريم طلعتي ماتستاهلين
ريم : ههزاعععععع
هزاع : ويعه لاتصارخين
روضه : هزاع افتح ياخي
هزاع : لا
ريم : ههززاععووووو
هزاع : عيوننيييي هاااا عيونييي
مريوم وروضه انصدمو وشافو ريم اللي ويها صار الوان مب بس احمر من الفشله
هزاع : هههه يلايلا ذلفو ودخل داخل سكر باب البلكونه
روضه : ها طلع وصخ
مريوم نقعت ضحك : ههههههههههه ها ريم عيوني عيل
ريم بعدها مفتشله وماقالت شي
روضه : انتي شوفي كيف ويها انقلب الوان
مريوم : والله ترا هزاع رومانسي بس مايبين لنا
روضه : هي ريمي انتو بينكم شي ؟
ريم : ويعععع اكيد لاااااااا
مريوم : ههههههه اشك
ريم : مريوم بصفعججججج
روضه : حتى لو كان بينكم شي انا راح اكفخ حبيبج لما يبطلون الباب
ريم : يستاهل كفخيه
مريوم : واحين شو راح نسوي
ريم : الباب الوراني يمكن مفتوح
روضه : امشو نشوف
مريوم : متاكدا مب مفتوح اكيد راح يسكرونه
ريم : اوهوو احين شو نسوي
مريوم : اف شدراني انا ؟ هاذول اخوانكم الجلاب
روضه : والله بس خلني ادخل بيجوف ميود شو بسوي فيه
انتو شو تسون هني
مريوم خافت : ييييييممممههه وراحت تنخش ورا روضه
روضه استانست : يوووسسففف
ريم : يوسف دخيلك عندك مفتاح الباب
يوسف : وليش الباب مقفول
مريوم : وليش انت قاعد لين ها الوقت هههااااا
روضه فتحت عيونها ع الاخر من الصدمه وضربت مريوم : بصفعج عيب
يوسف : والله محد يقدر يرقد من حشرتكم
مريوم : اوه هههه بعد صح
ريم : يعني انت ماتعرف اخواني الحمير هم اللي قفلو الباب
يوسف : نزين بروح اييب المفتاح
روضه : بسرعه والله بنموت برد
راح يوسف ياب المفتاح وفتح لهم الباب دخلو البنات داخل ومريوم قبل ماتدخل شكرة يوسف ودخلت وكانو بيركبون المصعد بس مريوم وقفتهم
مريوم : ويت بنات
ريم : هاه
مريوم : غريبه اليوم ماسمعنا حس لوسي
روضه : هيه صح وينها
ريم : يمكن في بيتها
مريوم : تعالو نشوف
روضه : غريبه انتي تكرهينها ليش تبين تجيكين عليها
مريوم : بس شوي احس من زمان عنها
ريم : خلاص يلا عادي امشو نروح بيتها
روضه : هيه وبعدين نطلع برع ويون ميود وهزاع يقفلون الباب
مريوم : اخخ بس خلني ازخهم باجر امشو امشو بس اكيد تلقينهم راقدين احين
ريم : بنات تسمعون الصوت في حد نازل من الدري امشو ننخش تحت الدري
راحو البنات ينخشون تحت الدري واول مانزل الشخص روضه على طول طلعت : بببببووووووو
سيف قحص : بسم الله ويعه شوتسوين
روضه لما شافت سيف استحت وعلى طول وقفت : اوه اسفه اتحريتك ميود
مريوم و ريم ماتو ضحك على ويه روضه
ريم : هههه انت شو ماترقد ؟
سيف : والله مافيني رقاد
مريوم : انت شكلك مب شرات ذياب
سيف : في شو ؟
مريوم : ذياب دوم يرقد بسرعه مايحب يسهر
سيف : اوه هي انا عكس ذياب
مريوم : اهااا
سيف : المهم شوفيكم جنكم نمل
مريوم : بنروح نشوف لوسي من زمان عنها
سيف : تصدقون انا لما خذت كيتي بيت لوسي مالقيت حد
مريوم : عادي يمكن كانت تتمشى
سيف : مدري
ريم : سيف تعال معانا
سيف : خوافات
ريم : انجلع خلاص لاتي
سيف : اسولف اسولف صبر انتو من بطل لكم الباب ؟
روضه : يعني انت تعرف عن كل شي
سيف : ترا كانو يخططون في غرفتي
روضه : يعني تعرف عن كل شي وماييت تساعدنا
سيف : اساعدكم في شو
روضه : تستهبل!!!
سيف : ههه يلا امشو
مشو ريم ومريوم
وسيف وقف صوب روضه وهمس : احب انرفزج وطلع برع
شافته روضه مصدومه عقب راحت على طول معاهم طلعو كلهم وراحو عند بيت لوسي
مريوم بستغراب : بس كيتي داخل
ريم : اويه وين لوسي ؟
روضه : اصلا ها وقت رقاد لوسي لازم تكون موجوده
ريم : اكيد ضاعت من كبر بيتكم
سيف : حسستيني بيتكم الصغير وبعد قولي ماشاءالله
ريم : هه ماشاءالله
مريوم : اف امشو ندور عليها
سيف : متفيج لكم انا بروح ارقد
روضه : احسن روح ول
سيف : اوكيه
مريوم وريم تذكرو ويه لوسي ذاك اليوم لما استوت عيونها حمرا فجاه صارخو :لاااااااااا
لفو سيف وروضه صوبهم : بلاكم
روضه : اوه صح نسيت
سيف شاف روضه ورفع حاجبه
روضه : يخافون
مريوم : مب عن سالفة نخاف بس تذكرت لون عيون لوسي احمر
سيف : حمرا ؟ اذكر اخر مره شفتها لون عيونها بني
روضه : هيه لون عيونها بني بس ذاك اليوم لما شمخت مريوم يقولون كان لون عيونها احمر
سيف : شكلها تحولت
ريم : انا متاكده اني شفت عيونها حمرا
مريوم : حتى انا
سيف : خلاص امشو ندور عليها
مريوم : ياكبر حويكم
سيف : حسستيني حويكم الصغير
روضه : هههه اكبر عن حويكم بشوي لانه نحن عندنا بيوت عند بعض يعني بيت عمومي
سيف : اها يعني كلكم ساكنين عند بعض ؟
روضه : هيه
ريم : بل هاي وينها
مريوم : خلاص انا فيني رقاد باجر الصبح بروح اشوفها
روضه : حتى انا فيني رقاد
سيف : عيل امشو ندخل
الكل : يلا
مشو مريوم و ريم جدام و وراهم روضه و سيف
روضه : هممم
شافها سيف : ها تبغين تقولين شي ؟
روضه شافته : هي
سيف : قولي
روضه : عادي تصارحني وتقول الصدق ؟
سيف : هي
روضه : لما قلت لي انك مسكت ايد وايد بنات صـ...
قاطعها سيف : هي صدق
روضه : كيف يعني صدق ! وتقولها بكل بروده ؟؟
سيف : لانها سالفه قديمه شو تتوقعين من واحد عايش طول عمره في فرنسا ؟
روضه : ماتخاف من ربك انت !!
سيف : قلت لج السالفه قديمه
روضه : ذياب شراتك عاش طول عمره في فرنسا ليش ماصار شراتك !
سيف لانه ذياب كان عنده ابو يهتم فيه وينصحه
روضه تمت تشوفه وماقالت شي
سيف كمل : انا ماكان ابوي ينصحني عن الحرام والحلال كنت ذاك الوقت صغير وعايش مراهقتي
روضه : وعقب كيف تغيرت ؟
سيف : وانتي كيف تعرفين اني تغيرت
روضه : لانه لما كان ربيعك يتحرش فينا كنت توقفه وقالت روضه في نفسها وكنت اشوف بعيونك الامان
سيف : ذياب لما عرف عن سوالفي غيرني
روضه ارتاحت : يعني احين انت ماعنـ...
قاطعها سيف : لا حمدالله
روضه : حمدالله
عند ريم و مريوم
مريوم : شوفي كيف يسولفون مع بعض
ريم : صدقيني تراها تحبه
مريوم : ههييي اعرف ترا مبيين كلشي
ريم : اصراحه ماتنلام
مريوم : ليش ؟
ريم : يعني الصراحه الصدفه اللي جمعتهم حلوه
مريوم : هييي كيوتتت اونه كان يدافع عنها ويقرون نفس الروايه ويشوفون بعض في المكتبه
ريم : يلا مريوم امشي نروح اقرب مكتبه
مريوم بستغراب : ليش ة
ريم : يمكن نحصل فارس احلامنا
مريوم : هههههههه ششكوووو وبعد ترا انتي عندج فارس الاحلام
ريم : بسم الله من ؟
مريوم غمزت لها : هزاع لاه
ريم : اوهههووو من قال
مريوم : تدرين شرايج باجر نقول حق ميثا شو قال لج هزاع اليوم ؟ والله أحسها بتنجلط ههههههههه
ريم : اوهو صدقوني طلعت منه عفويه ولا بالغلط
مريوم : يمكن مادري
ريم : ترا حتى انتي عندج فارس احـ...
مريوم قاطعتها : لاااااااااااااااا ماعنددييييي شقيتونننييييي
ريم : ههههه خلاص خلاص امزح
مريوم : اف ماحصلتو غير ذئاب تشبكوني معاه لو اموت ما احبه
ريم : بنشوف
مريوم : شو قصدج ؟
ريم : لا ولاشي هه
رجعو الكل داخل وراحو غرفهم...
.....................................................................................................................
.
***
**
*