ماجمعنا غير الدم - المقدمه - بقلم شورى الشرفي | روايتك

الامارات في ابوظبي وبتحديد في المستشفى في قسم العمليات بو ذياب : الله يخليج يا دكتوره انا ما افهم انجليزي مافي هناك حد يرمس عربي الدكتور تتكلم انجليزي بس راح اترجم لكم بالغة الفصحى الدكتوره : ليس لدينا الان ممرضه تتكلم العربيه لكي تشرح لك وفي نفس المكان بس في قسم الطواري كانت مريوم مخلصه من الصيدليه ورايحه للسياره وهي كانت تتمشى طافت من صوب ابو ذياب و الدكتوره الدكتوره : لوسمحتي مريم : نعم؟ الدكتوره : هل تعرفين الانجليزيه مريم : نعم بما اساعدك؟ ابو ذياب : السلام عليكم يبنيتي مريم : وعليكم السلام ابو ذياب : بنتي ابيج تترجمين لي شو تقول هاي الدكتوره انا ولدي لازم يسوي عمليه بس معرف شو تقول ماعرف انجليزي مريم : ان شاء الله مريم تلف للدكتوره : ماذا تريدين القول له؟ الدكتوره : الولد يحتاج لعمل عملية و نحتاج لشخص لكي يتبرع بدمه للمريض مريم : عمي الدكتوره تقول إنه لازم يسوون عمليه لولدك بس يحتاجون لواحد يتبرع بدمه ابو ذياب : قولي لها انا راح اتبرع بدمي مريم ترمس الدكتوره : يقول انه سوف يتبرع بدمه الدكتوره : حسنًا تعال معي مريم : عمي روح مع الدكتوره عشان ياخذون منك سحب دم ابو ذياب : مشكوره يبنيتي تعبتج وياي ابتسمت مريم : تعبك راحه وراح ابو ذياب مع الدكتوره ومريم راحت تشتري لها كوفي خذت لها كوفي وهي راجعه للسياره لفت انتباها عيوز يصيح يالس في الكرسي وراحت صوبه مريم : شوبلاك عمي ابو ذياب : فصيلة دمي ما تتطابق مع فصيلة دم ذياب مريم كان وايد كاسر خاطرها شكل ابوذياب وهو يبجي وراحت عند الدكتوره ودقت الباب الدكتوره : تفضل دخلت مريم وقعدت على الكرسي مريم : السلام عليكم دكتوره الدكتوره : وعليكم السلام مريم : دكتوره اريد ان اعرف ما فصيلة دم المريض ذياب الدكتوره : فصيلة دمه ...... مريم في نسفها هو نفس فصيلتي اتبرع له ولا ! قعدت تفكر وتذكرت شكل ابو ذياب وهو يبجي على ولده مريم : يادكتوره اريد ان تري فصيلة دمي اذا هيا مناسبه مع فصيلة دم المريض سوف اتبرع له الدكتوره : هل انتي متاكده؟ مريم ابتسمت : نعم الدكتوره : تعالي معي راحت مريم مع الدكتوره عسب يسحبون يشوفو دمها الدكتوره : فصيلة دمك متشابها بفصيلة دم المريض فرحة مريم : حقاً؟ الدكتوره : نعم هل تريدين ان تتبرعي للمريض؟ مريم : نعم لا مشكله لدي الدكتوره : تعالي وقعي وبعدها اذهبي مع النيرس لكي ناخذ منك الدم راحت مريم مع الممرضه و ابو ذياب مايعرف عن كل اللي يصير لما خلصت مريم من سحب الدم كانت بتروح تخبر ابو ذياب بس دق تلفون مريم رفعت تلفونها وكان المتصل (جنتي 💙) وردت مريم : هلا بجنتي ام بدر : انتي ناويه تخليني اموت من الحر برع وانا اترياج مريم : اسفه يمه بس الصيدليه وايد زحمه ام بدر : يلا نزين خلصتي ولا بعدج؟ مريم : هيه يمه خلصت ام بدر : يلا بعد لين عشره اذا مايتي بروح عنج وبخليج تردين البيت مشي مريم : يكون احسن بعد عشان اضعف ام بدر : لا لا دخيلج روحج عصا بعد تبين تختفين مريم : هههههههههههههه عيل مره ثانية لاتحاولين تنكتين ام بدر : تعالي بسرعههههه!!!! وخرت مريم التلفون عن اذنها لانه كان صوت امها عالي مريم : ان شاء الله ان شاء الله يلا احين يايه راحت مريم عند امها ونست ترمس ابو ذياب عن التبرع نروح لعند الدكتوره وحصلو دكتور يتكلم عربي الدكتور محمد راح لعند ابو ذياب الدكتور : السلام عليكم يا الوالد ابو ذياب رفع ويهه وكان باين عليه التعب وفقداً الامل في عملية ولده ابو ذياب : وعليكم السلام الدكتور محمد : يا الوالد في وحده تبرعت بدمها لولدك ابو ذياب على طول يت في باله مريم وبدا يبجي اكثر وقال في نفسه الله يخليها حق اهلها ويسعدها ويبعد عنها كل سوء اللهم امين ابو ذياب وهو يرفع راسه للدكتور : وينها البنت ابا اشكرها الدكتور محمد : ما ادري والله تبرعت وراحت على طول ابو ذياب وهو يصيح اكثر لانه ندمان عشان ما شكرها ولا حتى قدر يشكرها لانه مريم سوت شي ابو ذياب ماراح ينساه طول عمره انقذت حياة ولده الوحيد نروح لعند مريم اللي ركبت السياره وكانت حاسه بدوخه لانها سحبت وايد دم مريم وهي ترجع راسها لورا ويدها على ويها : السلام عليكم ام بدر خافت على بنتها : مريوم حبيبتي شوفيج مريم : لا يمه مافيني شي بس تعرفين حر وانتي الله يهديج موقفه السياره بعيد ام بدر : اهااا عيل احسن حسيتي فيني وانا قاعده ساعه اترياج في السياره مريم كانت تعبانه بس لما تشوف ويه امها يروح كل التعب منها فجأه قعدت تضحك ام بدر وهي تحرك السياره : حضرتج ليش تضحكين مريم : يمه لو تشوفين ويهج كيف معصبه كان ضحكتي وياي ام بدر : صج قليلة ادب بدال ماتقولين شكرا يالسه تضحكين؟! وقفت مريم ضحك وابتسمت : شكرا يا احلى ام شكرا يا الغاليه احبج ام بدر : هيه ها الكلام اللي لازم ينقال مريم ضحكت وتمت تسولف مع امها لين وصلت البيت نزلت مريم من السياره وراحت على طول لغرفتها تاخذ لها شور وشوي ترتاح جهزت ملابسها ودخلت الحمام فتحت لها ماي بارددددد وقعدت تسبح من بعد ما خلصت طلعت وراحت غرفة الملابس خذت لها بجامه وسيعه عشان ترتاح اكثر دق دق دق مريم : منوه ميره : انها انا اختكي الصغيره مريم : جب ادخلي وانتي ساكته ميره فتحت الباب وطلت يعني بس ويها اللي يبين اما جسمها برع الغرفه ميره : ول ماتعرفين تستهبلين وياي وتقولين تفضلي يا اختي الصغيره مريم : احين بتمين ورا الباب تسولفين؟ ميره : لا بس يايه اقولج امايه تقول تعالي برع كلنا قاعدين في الحوي مريم : احين بيي طلعت ميره وراحت مريم صوب التسريحه تحط من عطرها المفضل وتستشور شعرها شوي من الماي وربطته ذيل حصان بعد ماخلصت نزلت تحت وطلعت برع في الحوي شافت كل اهلها قاعدين بدر : لاجان مانزلتي كله قاعده فوق في غرفتج ام بدر : حرام عليك اختك كانت تعبانه بدر : فديت التعبانه تعالي تعالي قعدي راحت مريم وقعدت حذال بدر . . . *** ** *