البارت 27
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «27» .*
*____________*
حڪَم القدرِ يا حبيبيَ صعبِ تغييّره .
------------------------------
- عند هزاع وميان .
تفاجئت تماما وانذهلت وانجرحت من ڪلمته اللي القاها بشڪل ععادي وغير مهتم بمشاعرها " ما تهميني"وڪأنها شخص عابر بحياته وبس وما يڪن لها ادنى شعور ڪانت متجاهلة حالتهم لانها بوضع الـ "معلقة "ومو عارفة هي متزوجة وعلى ذمته والا
انسانه عادية وعزباء بس محبوسة بين قضبان" ذمة هزاع "نطقت وهي تلحقه وصرخت فيه : أجل طلقني
دام ما أهمك ودام ما تشوفني شي ليه متزوجني من الاساس وش مسوية انا لجل تستر علي لا يڪون تظنني بنت استغفر الله .
هزاع ضحك بسخرية بداية الحديث وانقلب حاله تماما من نطقت بالڪلمة ونطق بحدة وعصبية : والله ڪل شي يجوز
شهقت منه وتحول لون وجهها لألحمر تماما يطعن بشرفها ويشك فيها وهي زوجته وحلاله رجف فڪها ونطقت بحدة قاسية : والله انك مو ڪفو تطعن بشرفي اللي هو شرفك أساسا ڪل يوم تثبت لي انك ڪلب يا هزاع .
هزاع بهدوء وتجاهل تماما : وانتي ڪل يوم تثبتين لي حيونتك بعد شرايك نقلب البيت حديقة حيوان دامك مقتنعه اني حيوان وانا مقتنع بذات الشي نفهم على بعضنا أجل لجل ڪذا مخليك عندي .
غمز لها وهو يبتعد : لا أوصيك تدعين علي
ميـان رفعت صوتها بقهر : ماراح أدعي لانك ولا شي بحياتي.
ضحك بهدوء وهو يدخل يدينه بداخل جيوبه بعد
ما عدل الكاب وخرج تنحنح بانحراج من شاف بالسياره سدن وماڪان حاسب حسابها بتاتا وخاصة ان ميان مو بموضع زيارة أبدا !
نزل سراج وهو يبتسم باحراج اڪبر : والله اعذرني بس
هزاع حك مؤخرة راسه وابتسم : وليه تعتذر حياها بس انا رايح اعطي ميان خبر بغرفتها
سراج هز راسه بخفة ونطق بعد ما مشى هزاع خطوات بسيطة : هـزاع
هزاع التف : سم
سراج : لو حرمك نايمة ولا شي لا تصحـ
قاطعه هزاع وهو يهز راسه بنفي : مو نايمة بعطيها خبر بس خلها تنزل لا تجلس بالسيارة.
هز سراج راسه وهو يشوف هزاع يدخل البيت من جديد تقدم لسدن اللي نطقت بحزن وفشلة : تڪفى احس انفجع من شافني يمڪن ما ودها
سراج زم طرف شفايفه : قال اترڪها تدخل ما بنطول تمام اقل من ساعه وراجع لك
سدن : امانة سراج من جد لا تحرجني !
سراج اشر على خشمه وهو يبتسم : وعد وعلى هالخشم ما اطول
دخل هزاع مرة ثانية وهو يدور عليها بعيونه ويتافف بخفوت يدري ان ممڪن تحرجه وترفض النزول وهذا اللي مخوفه تماما ندم ان حارشها قبل يمشي وزم طرف شفايفه وهو يرقى الدرج بشڪل سريع ويتقدم لغرفتها فتحها مباشرة وفزت وهي تلف عليه ونطقت
بحدة : خيـر
هزاع ببرود : خير بوجهك انزلي تحت عندك ضيوف
ميان ناظرته باستخفاف : اول شي تعلم الأدب وطق الباب قبل تدخل ثاني شي من هالضيوف باالله مضيعين الساعه والا ايش
هزاع : اقول لا تطولينها سدن تحت انزلي اجلسي معاها
ميـان ناظرته بذهول : وليه جاية ؟
هزاع بحدة : يعني اروح اسالها والله ليه جاية هالوقت وهللا الاميرة ميان عندها مواعيد للزيارات
ميـان ناظرته بغضب : لا تصارخ طيب انقلع برا خلاص بنزل
هزاع رفع حاجبه بذهول : مين ينقلع؟
ميـان ببرود : انت هزاع مجيد آل غانم
ضحك بذهول وهو يسمعها تتڪتف وتنطق ببرود
اعظم : يلا لا تشوفك عيني
هزاع بحدة تهديد : ميـان !
ميـان اخذت نفس وهي تزفره وتجاهلته تماما ڪان يقدر يكمل محاشرته لكنه تأخر على سراج الحمدلله ما رفضت تنزل لسدن لذلك فله الفايدة
نزلت ميان بعد ما عدلت شڪلها وهي تبتسم لسدن اللي لا زالت جالسة بعبايتها وحجابها وتفرك يدها بتوتر واحراج ونطقت بهدوء : هلا حيياك
ابتسمت سدن لها وهي توقف : هلا والله اسفة جاية بهالوقت
ميان ضحكت بعدم اهتمام ط: شدعوة يا بنت حياك والله بأي وقت واصلاً احسن لجل تسليني ماهو وقت نومي الحين وماعرف وش اسوي بهالوقت !
---
- عند هزاع بالسيارة .
جالس يدندن بصوت عالي واصابعه تطقطق على رڪبته وعيونه على الشارع .
نطق سراج وهو يلتف له : ايه وشعلومك
هـزاع بتفڪير عميق : يبي لها سفرة ياولد العم
سراج ابتسم بتوسع : تصدق محتاج على وين
هزاع التف بحماس : نروح لندن؟.
سـراج ابتسم بتوسع : تـم احجز اقرب موعد آخذ اجازة وعلى اقرب طيارة .
هزاع : خذ اجازة اول بعدها نحجز
سراج وهو يقصر على صوت الاغاني : السفرة ماهي شبابية ها
هـزاع عقد حاجبه : وش يعني نحمل بنات معانا
سـراج ضحك : ايه
هـزاع بجمود : تخسي وتعقب
سراج ضحك بقوة وهو يناظره : من وين تفڪر انت قصدي حرمي وحرمك
تنهد وهو يڪمل : آخر سفرة ڪانت على اساس شهر عسل ونڪدته عليها فـ ودي بالعوض وانت من يوم تزوجت ماقد سمعتك قلت بطلع معاها لو خرجة بحر ياخي
هـزاع ابتسم بسخرية خفيفة على وضعه : من جدك انت ؟
سراج بجدية : ما تستاهل ؟
هـزاع التزم الصمت وهو يلف يناظر الطريق وسـرح تماما .
-----------------------------
- اليوم الثانـي بـ بيت سدن وسراج .
بيدها عصير برتقال وتطقطق بجوالها باليد الثانية و ترسل لعروب اللي ماردت عليها من امس وخايفة عليها التفت لسراج اللي دخل بتعب وبيده شماغه
والعقال ويده يخللها بشعره بإرهاق : هسلام عليڪم
سدن ترڪت الكاس وهي ترد السالم بخفوت : تأخرت اليوم
رمى نفسه بجنبها وهو يغمض عينه : ڪان عندي ڪم شي لازم اخلصه قبل اطلع اجازة
عقدت حاجبها بإستغراب : إجازة ليه
سراج فتح عينه وهو يناظرها وابتسم على جنب : بنسافر ماودك تسافرين
سدن ناظرته بذهول : سراج من جدك ؟
سـراج : اي والله ياعيون سراج .
ناظرته برعب الڪلمة وبلعت ريقها وهي تعدل خصل شعرها بإحراج : وين بنروح طيب ؟
سـراج هز اكتافه : مخططين انا وهزاع نشوف الحجز ونقرر بعدها
سدن : هزاع معانا
سراج : هزاع وميان وأنا وأنتي
سـدن ابتسمت بتوسع وهي تهز راسها : طيب متى
سـراج : انتظر اجازة هزاع ونشوف بس خلال هاليومين
عضت طرف شفايفها وهي تستذڪر عروب : وعـروب
سراج : وشفيها عروب
سـدن : ننتظرها تملك وتجي مع زوجها يصير
سـراج بجدية : شايفة الوضع ياحبيبي أبوها الظاهر بيطول السالفة
سدن نزلت عينها لالرض : تعبت مرة من هالموضوع وهذا وهي ماتدري بطرف الموضوع ڪيف لو درت خايفة يصير لها شي وربي .
سراج مسح على خدها بكفه : لا تفڪرين بهالسوء وش قلنا بعدين لو صار هالشي وعساه مايصير انتي وينك
سدن ناظرته بعمق وابتسمت بخفة وقف وهو يخلل يده بشعره ويبعثره نطقت باستغراب : وين بتروح ما بتتغدى
سراج التف وهو يضحك : اوه مدلعتنا وش الغداء
سدن ضحڪت : اندومي
سـراج ناظرها بصمت وضحك بعدها : ياشيخة
سدن بتبرير : وش تراه لذيذ وسريع يعني والأهم يشبع
سـراج ابتسم : حلو تبريرك بس مو دوم تسوينه تراني مو صحبة معاه
سـدن وقفت وهي تنفض لبسها : طيب روح غسل وانا بسويه
هز سراج راسه وهو يبتعد وتوجهت سدن للمطبخ وهي تدندن وجبتـها المفضلة الاندومي وغصـب الڪل يحبهـا سحبت ڪيسين اندومي خضار وهي تترڪه على جنب وقربت من الثلاجة وهي تفتحها سحبت
فلفل رومي ملون ، جزر ، بصل ، وملفوف سحبت الأيربودز وهي تحطه بإذنها بعد ما شغلت اغنية من أغانيها المفضلة وهي تسحب القطاعة وتقطع الخضـار ترڪته بالطاوة مع زيت الاندومي وهي تقلب الخضار لحد ما ذبل سحبت علبة معجون الطماطم وهي تترك
شوي فيه وتقلبه مع الخضار بعد ما أضافت شوية موية لجل تتسببك أضافت صويا صوص وشوية سومطرة وهي تحط بهارات الاندومي تركت االندومي وهي تزيد الموية وتترڪه يستوي .
ابتعدت عنه بعد ما غطته وهي تجهز السفرة والصحون ورجعت له وهي تاخذ علبة الجبن وتحط منها ملعقة وتخلط الاندومي ڪله ترڪته بالصحون على دخول سراج وابتسمت بتوسع وهي تقول له : هات البيبسي من الثلاجة مع ثلج باالله
---------------------------------
- عـند هـزاع وميـان .
نامـت بعد خروج سدن مباشرة ورغم ان المفترض رجوع هزاع مع سراج لانه جا ياخذ سدن الا انها ما شافته وتمددت من تعبها بوسط الصالة لڪنها صحت بغرفتها .
--
نرجع للفجريـة قبل تروح سدن .
وقفت سدن وهي تتثاوب : سراج جا لا تنسين تجين
ميـان هزت راسها وهي تخلل يدها بشعرها وترفعه : ڪنت اظن ان مايهتمون لي وما يحسون بفقدي طلعت على البال ابتسمت بحزن : الحمدلله
سدن مسكت ڪتفها : شدعوه ميان عمرك ما ڪنتي منسية وربي بس ڪنتي دايما بعيدة عننا كنا نظنك ما ودك فينا وتجين مجبورة انا عارفة بوضع عمة أسماء وأبوك بس ما توقعت ڪذا وان لهالدرجة وربي .
مسحت عيونها اللي انتفخت من البكي قضت الليلة ڪىها بفضفضة لسدن من وضعها قبل مع امها وابوها لوضعها مع هزاع بڪت ڪثير وواستها سدن وبالرغم من ان سدن وضعها أسوء مع سراج الا انها ما نطقت لانه هم ميان ڪافي وماهي بمحط تزداد همومها .
ميـان اخذت نفس وهي تبتسم بتشتيت الحزن : شكرا مرة انك سمعتيني
قاطعتها سدن : اخر مرة اسمع هالحڪي منك مابيننا وبعدين اي وقت ودك فيني بدرعم عليك
ضحكت ميان : حيـاك بأي وقت ياروحي سلميلي على عروب
سـدن غمزت وهي تعدل طرحتها : المرة الجاية خرجة بنات طيب
ميـان : اختارو المكان وانا اوديكم افا عليك .
خرجت سـدن وتثاوبت ميان بتعب انتظرت دخول هزاع لڪنه تاخر وتمددت على الڪرسي وظنها ان لو دخل بتحس فيه لڪنها ماتعرف ڪيف نامت وما حست بتاتا .
دخل هزاع بعد نص ساعه من مشي سراج مد يده للڪاب وهو ينزله من شعره وعقد حاجبه من شافها موجودة بالصالة ظن انها بجوالها ولسى ما نامت
تقدم لها وهو يشوفها متڪورة على نفسها ونايمة صحاها بهدوء ورفضت وزم شفايفه تقروش لثواني بتفڪير لڪنه استسلم وهو يمد يده لتحت رڪبها وحملها وهو يصعد فيها لغرفتها .
---
- نرجع للواقع .
صحت وهي تمدد جسمها واستغربت وجودها بالغرفة وهي متأڪدة انها اخر شي تتذكره خروج سدن وانها جلست على الڪرسي بالصالة زفرت وهي تدخل الحمام تغسل واخذت شور وهي تخرج سحبت بلوفر من حست بالبرودة تدخل عظامها طبطبت على شفايفها بمرطب وهي ترش عطر وتخرج نزلت وهي تظنه راح العمل توجهت للمطبخ وهي تسوي لها كوفي وخرجت الحديقة وجمدت من شافته جالس بجلسته وبجنبه العود وقدامه دلة قهوة ڪانت بترجع تدخل لڪنه شافها بلعت ريقها وهي توقف بمڪانها ماتدري ترجع للورا وتدخل والا تخطي الخطوة اللي طالما حلمت فيها اخذت نفس وهي تزفره وتقدمت بجمود ونطقت بخفوت ورجفة تخفيها من وقفت امامه : يصير اجلس
أخذ نفس وهو يمد يده للتڪيـة ويزيحها لجل تجلس ما تڪلم لڪن حرڪته ردت على ڪلامها وابتسمت بخفوت وهي تقرب وتجلس بجنبه اشر على القهوة : اصب لك
رفعت ڪوبها بوجهه : عندي شڪرا
التزموا الصمت لدقايق والاثنين يتحاشون بعض حست اولها ان جيتها غلط وهي تدري تماما ان لما هزاع يجلس هنا يعني هو بأقصى مراحل الروقان وخايفة تڪون الشخص اللي يغير هالشي جت بتوقف لڪنه قاطعها : بنسافر بعد أسبوع لندن يناسبك ؟
لفت له بصدمة : ليه نسافر ؟
هزاع التف وهو يناظرها بنظرات هادية : ماودك تسافرين معي
ناظرته بصدمة تامة وضحت على ملامحها : ڪيف يعني مافهمت
سحب العود وهو يترڪه بحضنه ونطق بهدوء وهو يضرب العود بعشوائية من توتره : ودي أسافر وقلت آخذك فيها شي
ميـان عضت طرف شفايفها : مافيها شي
هزاع بتوتر : لو ماودك نعطيها واحد من اخويانا ونسافر عادي.
رفعت حاجبها ونطقت بقهر : يعني على الاحتياط كمل جميلك هزاع عاد
هزاع رفع أكتافه : وش قلت قلت لو ماودك بتجلسين وبسافر عنك يعني مابجلس اترجاك
ميـان : وانا ماقلت مابي الا أبي وغصب بعد
هزاع ناظرها بتحدي : لا ياشيخه ماهو غصب
ميـان رفعت راسها للسماء : يالله الصبر بس ماتقدر تصير لو لساعه وحدة طبيعي وتحسسنا اننا بشر طبيعين وعادي ڪأي زوجين يستمتعون باالجواء ويسولفون بدون هواش ومحارش .
هزاع تجاهلها وهو يضرب بالعود قاطعته وهي تنطق بحزن وعينها على ڪوبها : ندمت انك أخذتني ! .
هزاع : قلتي نجلس ڪأي زوجين طبيعين بدون هواش ومحارش متناقضة؟
ميان جات بتتڪلم وقاطعها بهدوء :لا .
سڪت لثواني ونطق بهدوء : ودك نڪون ڪأي زوجين طبيعين بدون هواش ومحارش مثل ما تقولين
بلعت ريقها وهي تناظره بهدوء هزت راسها بخفة بلعت ريقها وهي ترجف والرعب دب بقلبها من ظل يناظرها بعمق ولثواني طويلة وفتحت عينها على وسعها من قرب وباسها لمدة مطولة وابتعد وهو يناظر عينها : نبدأ بـ اسف على اللي قلته امس .
----------------------------
- بالجامعه عند عساف وغسق .
واقفة بالزحمة وهي ميته من خوفها باقي على محاضرتها اقل من عشر دقايق وباقي مسافة ما يستهان فيها للجامعه والزحمة تحس ان الڪل ضدها اليوم من الصباح جلست ومزاجها متعڪر الان عندها محاضرة للدكتور عساف واول محاضرة باليوم رغم انها صحت من وقت الا خروجها ڪان مع وقت المحاضرة تحديدا بتڪون واصلة قبلها بخمس دقايق ومسافة الطريق من البارك لين سكشن المحاضرة لڪن اللي ماحسبت حسابه هي الزحمة المفاجئة
ناظرت يمينها وهي تشوف الخط الاصفر ورغم معرفتها بأن طريق الخط الاصفر مخالف وممنوع الا انها لفت بالسيارة وهي تمشي بشڪل سريع وتتخطى السيارات بس لجل توصل الجامعه والمحاضرة باقي لها غيابين وتنحرم من المادة وماودها بتاتا تتضطر الستعملاهم خاصة ان المادة مهمه وتفتح مواد بعدها ومع انها تڪره السرعة الا انها اضطرت تستعملها ووصلت الجامعه بعد ٦ دقايق بس ترڪت السيارة باقرب بارك على حظها وهي تسحب اغراضها وتركض من شافت خلو المڪان مافيه ابدا مجال للبرستيج او الخجل من يشوفها احد لانه دخولها المحاضرة اللي
باقي عليها دقيقتين وقبل الدڪتور أهم من كل شي حاليا شتمت عساف بقوه لانه السبب بحالتها وزفرت وهي تتنفس بسرعه من حست بتعب وعينها على الڪلاس البعيد وتشوفه مشت بخطوات سريعه وهي تفتح جوالها بتشوف الساعه وصارت لڪن الاهم انها وصلت دڪتور عساف فتحت عينها على وسعها من شافت تقدمه للباب
بيفتحه وقربت وهي تحط يدها على قبضة الباب
وهي تتنفس بسرعه : بدخل قبلك
رفع عساف حاجبه وهو يناظرها بذهول واستغراب : متأخرة !
غسق بغضب : لا دامني وصلت قبلك يعني لا
عساف ابتسم بخبث : حطيت يدي قبلك يعني لو
ما جيتي ڪان فتحت الباب ودخلت !
غسق بقهر : عاد بلا حرڪات البزران هذه باقي لي غيابين واخذ حرمان .دخلني يخي لو انك عدوي عاد !
عساف بجمود : القوانين قوانين وهذه قوانيني سوا ڪنتي تقربين والا وحده عادية.
------------------------------
- عند سـراج وسدن .
ابتعدت بعد ماغسلت المواعين وهي تترك البخور اللي سوته على طاولة المطبخ خرجت وهي تشوف خلو
المڪان من سراج وعقدت حاجبها ڪانت بترجع تدخل لجل تشوف مڪونات الڪوڪيز لانها مشتهيته وبتسويه وقاطعها دخول سراج وهو يقرب بقروشه ويسحب ڪاس بيشرب موية وبيده اوراق ڪثيرة ونطق بدون وعي وهو بيخرج من المطبخ : هناي بالله سويلي قهوة .
وقف مباشرة بعد ما استوعب اللي تفوه فيه والتف وهو يشوف جمود نظرات سدن اتجاهه وفتور ملامحها بصدمه وخذلان .
---------------------------
- بيت أل صقر .
ڪان طول الليل يتفزز خايف عليها لڪنه مو قادر يتطمن عليها ڪلشوي تطمن عليها بعد صالة الصبح وكانت نايمه على الڪنب وترڪها على سريره ورجع خرج وهو ينسدح على الڪنب لحد ما طلعت الشمس ونام فز برعب ودقات قلبه تسارعت من طرقات
الباب القوية على شقتهم بلع ريقه وهو يمشي بخطوات سريعه وفتحه وهو يشوف جده وانذهل من وجوده جده ما يرقى فوق ابدا ونطق فهد بحدة قاسيه : وش مسوي يا ولد نايل !
ضاعت الحروف منه وهو وده يستوعب : وش مسوي
فهد : بتقتلني يا قسور بتقتلني الشرطة تحت تبيك
قسور زفر وعرف ان علـي عرف بغياب بنته واشتڪى واڪيد من علي ما يشك الا بأول مشتبه فيه "قسـور"
قسور قرب وهو يبوس راس جده اللي ابتعد بزعل واضح : بوضح لك ڪل شي بس بعدين ببدل ملابسي وبغسل وبنزل
فهد ناظره بحزن ونطق بغضب وهو ينزل : الله يصلحك بس وش مسوي من جديد !
غمض عينه لثواني يستوعب وضعه وسڪر الباب وهو يزفر وخلل يده بشعره وهو يقرب من غرفته ويفتحها بعد ما طق الباب ناظرعروب اللي ناظرته بجمود ونطق بهدوء : وسواها ابوك واشتڪى
عـروب ببرود : بس مو ابوي اللي بلغ
عقد قسور حاجبه : أجل مين ؟
وقفت امامه ونطقت بثقة : أنا انا اللي بلغت
---------------------------------
- نرجع للجامعه .
دفته وهي تناظره بحده وفتحت الباب ببرود وهي تدخل دخل خلفها وهو يعدل نسفه شماغـه وهو يناظر غسق بحدة وهي بالمثل متجاهلين شك الطالب من نظراتهم عدلت نفسها وهي تجلس بأول كرسي وقريب من مڪتبه لسوء حظها لأن مافيه ڪراسي وراحاولت ماتهتم وهي تطلع نوتاتها وتحاول تمثل أنها مو مهتمة لنظراته وتغير شخصيته اللي من شوي على اللي فيه الحين
عسـاف جلس وهو يلقي نظره على الطالب ويبتسم : أظن مافيه غياب اليـوم؟
أخذ نفس وهو يعتدل ويفتح البتوبه ويبدأ يحضرهم لحد ما انتهى ورفعت غسق حاجبها رفعت يدها وهي تناظره بحدة وقهر : دڪتور ما ناديت اسمي
رفع حاجبه وهو يناظرها ببرود : وش اسمك
ناظرته بذهول لڪنها تجاهلت وهي تنطق بهدوء : غسق عذبي .
فتحت عيونها على وسعها من انتبهت ان طتب شي بالالب وضلت تحترق طول المحاضرة وانتظرت لحظة ما قال : فيه أحد مافهم شي
وهز الطالب راسهم وأشر عساف وهو يبتسم بهدوء : تقدرون تتفضلون
هزت رجلها بعدم صبر لحد ما اختلى الڪلاس تماما وقربت وهي تشوفه يعدل اغراضه ليحملهم : ممڪن أشوف سستم الاسماء
ناظرها بطرف عينه وهو يبتسم بسخرية : جد والله بصفتك مين .
غسق : بصفتي أشوفك بتظلمني واظل ساڪته نهاية الڪورس WFلحد ما انصدم اني ماخذه .
عساف ببرود : يعني تظنين حرڪتك اللي سويتيها بداية المحاضره بتمشي وش هالمبزرة تدفيني لجل تدخلين قبلي يعني بتاخذين ڪرسي عني ولا واحد من زملاءك ڪل شي بيدي وتحت سلطتي لو إني من الحين مثل ما تقولين محد يقدر يڪلمني WFاحط لك
غسق مسڪت اغراضه وهي تنثرهم بغضب : وبصفتك مين لجل تسوي ذا ڪله وربي لاعلم جدي على حقارتك بدون سبب
ضحك عساف بقوة : تڪفين خفت تهدديني بجدي لا يڪون وزير التربية .
----------------------------------
- نرجع لسراج وسدن .
وقف بالوسط من استوعب فداحة اللي قاله ڪيف يقنعها انها جات على لسانه فجاة ولو يحلف بأغلظ الايمان ان ما ڪان يفڪر فيها بتاتا بلع ريقه وهو يلتف واهتز تماما من لمح دموعها اللي تحاول تخفيهم بتشتيتها على المطبخ وعضها على شفايفها باستمرار لجل ما تخرج شهقاتها .
سراج تقدم بتسارع ورجعت سدن خطوات وهي
تنطق بصوت مبحوح مليان بڪي وغصة : تڪفى
سراج اطلع مابي اسمع شي
سـراج : وربي أني ما افڪر فيها جات بلساني بغلط ماهو مقصدي
سدن : سراج اخرج او انا بخرج
سراج ناظرها بحزن وخرج من الشقة بأڪملها وهو ياڪل بنفسه من القهر ڪل مازانت تشين وڪل ما حاول يترڪها تتعود عليه يخربها ماصدق ترجع تحڪيه بعد سلسلة من عدم الأقتناع بنفسها و استمرارها بڪلمة الطلاق خلل يده بشعره بقهر وهو يرفس الصخره اللي شافها بالشارع ويحاول يڪتم الصرخه اللي جات بداخله ! .
----------------------------
- نرجع لهزاع وميان .
ناظرها بخوف ولمعه بعيونها وهي تشوف ارتخاءه التام بلعت ريقها وهي تعدل وضعها ونطقت ببحة : ما نسيت لما طعنت شرفي ما يڪفيه اعتذار هزاع
ناظرها بهدوء ونطق : ولجل هالسبب اعتذر من هذا الشي بالتحديد اعتذر ماڪان قصدي
قاطعته بحزن : صحيح ان اللي تشوفه يوحي بالشي ذا بس انت ما سمعت مني حتى ما طلبت مني تبرير طعنت ومشيت وظليت تجرحني وڪأنك الوحيد اللي يحس وينجرح .
هزاع بتغيير للموضوع : طيب مانفتح صفحه جديدة وننسى
ميان بقوة :لا ماراح افتح صفحه جديدة وانت ببالك شك فيني ولو تهاوشنا بعدين ترجع تعايرني او تشك وتطعنني انا اللي اسمه ترڪي ترڪته من فترة وظل يراسلني وقلت له مابيه تدري ليهلانه حتى وانا ما احبك مابي اخونك بسالفة لاني أفهم وش معنى الحب ولاني افهم وش يعني الجرح بآخر موقف صار لك معاه انا ما عندي خبر هو وش قالك بالضبط بس ڪنت اتمنى ما تصدقه هزاع وتثور فيني بعصبيتك ڪنت فعلاً اتمنى انك تجي تسمعني وش الفايدة تهاوشه وتضربه لجل تظهر رجولتك وانت تجي تطعن أنوثتي واحساسي بالقاع
هزاع بهدوء شتت انظاره : وتظنين ان الوضع سهالات عندي ما جربتي تعيشين شعور الغيرة تشوف زوجتك تعرف مئات العيال قبلك أسألك باالله لو ڪنت مكانك وقبل زواجنا عرفتي اني راعي بنات واڪلم فلانة وعلانة والعب عليهم ڪلهم وجيتي تتزوجيني بتقتنعين بفطرة التوبة واني ما راح اخونك بيوم بتوثقين فيني بإني ما اڪلم على راسك مية وحدة واڪمل الاعيبي ؟
ميـان بصدق والدموع بدت تتجمع : لو اشوف تصرفاتك ماتوحي باللي تقوله ماتوحي بأنك تڪلم فعلاً لو اشوف الندم بعيونك وانت تڪلمني مو طالبة حبك بس طالبة احترام فبصدق .
هزاع اخذ نفس وهو يضرب عوده بتشتيت : يا سهولة الحڪي يا ميان والله ياسهولته ماجربتي حرقة القلب الداخلية من شخص مفروض عليك زوج تنتظرين الاحترام لعلاقتڪم .
قاطعته بهدوء وهي تناظره : هزاع وش نهاية علاقتنا ! .
ناظرها وهو يتأمل عيونها لثواني ماينڪر صدمته من السؤال اللي ماجهز اجابته قبل لانه مافڪر فيه او طرى على باله هل معقولة حياتهم بتڪون بهالشڪل للأبد هو يشوف حياته وهي تشوف حياتها بس بمسمى زوجين وعقد نڪاح يربطهم بشڪل صوري وبس الڪل يظنهم زوجين فعليا الا هم يعرفون حقيقتهم .
-----------------------------------
- قسور و عروب .
ناظرها والصدمة تخطت ان تڪون باطنية بدت تتشڪل على ملامح وجهه وذبولها وانحناء جسده هي صدمته صدمات ڪثيره لڪنها تتفنن بتعذيبه بصدمتها ڪل مرة والمضحك باللي يسويه هو مسامحتها في ڪل مرة تغلط وغلطاتها ماهي عادية من اول لقاء حقيقي بينهم ولحظة ما اشتكت عليه بأن متهجم عليها وان داخل بيتهم من غير حق للحظة معرفتها بأن البيت بيته وهددته بالصريح وعنت تهديدها بحرقها للبيت ورغم خوفها السريع من فعلتها هذه واعتذارها المستمر لما طاحت بحضنه الا ان سامحها وهو اللي طلب منها ما تعلم احد رغم الضرر الڪبير اللي سببته ببيت ڪبير ڪان بيعطيه لها هدية لجل يحفظ حقوقها ويحفظ طفولتها ورغم الضرر اللي ڪان بيصير له ولاخته لو ڪانو متغافلين عن موضوع الحريق وتأذوا لفعلتها الأخيرة هذه بأن لجل يلوي ذراع أبوها أخذها الا انها مصرة تبين له ڪرهها له وبلغت عليه رغم الصدمات اللي توالت على قسور الا ان حاول يحافظ على ملامح وجهه ووترات صوته
وهو يناظرها بهدوء بعد ما صاحب وجهه ابتسامه باردة وسيعه تبين لها عدم الاهتمام بالرغم ان يدري ان بيرمي آخر اوراقه باللعبة وهالمرة ما بڪون فايز فيها وماراح يحترق بخسارتها الن الحريق بيشمل عروب وبس نطق وهو يناظرها : تمونين ورب البيت تمونين يا بنت العم .
ارتعبت منه لانه ڪرر ذات الابتسامة اللي ڪان يبتسمها في ڪل مرة ڪانت تسوي مصيبة تحملها له ويڪرر ذات الجملة " تمونين يا بنت العم " واللي لا زالت مستنڪرة نداءه لابوها بالعم .
------------------------------
- بشقة سراج .
دخل بخفة وهو يلتفت بانحاء الشقة يبحث عنها يدورها بعينه وما لقاها لحد ما سمع شهقات وڪلام يصدر منها والواضح تڪلم شخص في غرفتها قرب من الغرفة بيطرق الباب لڪن توقف من سمع حديثها مع أمه انذهل تماما لانه ماتوقع بتاتا ان ممڪن تتصل لامه وتقولها هالڪلام .
---
بالداخل .
سدن من اول ماخرج وهي تاڪل بنفسها من القهر والبڪي تدري انها غلط بالقصة بأڪملها لڪن لـ اول تصرف ام سراج برفض هناي بداية الخطبة لڪان ما انقهر سراج و قرر يخطبها على خطبته لهناي بعد رفضها وڪان ما راح يصير اللي صار وتتعرض لمسألة حب ثلاثية هي الطرف الزايد فيها وڪان من الممڪن
تتعب هناي وتبتعد للڪويت لجل ما تصادف سراج اللي بالرغم من ان يحاول ڪثر مايقدر ينساها لڪن الزمن والقلب رافض ينساها ويظل يذڪره فيها لو تناساها .
سحبت جوالها وبقلبها عتب ڪبير وڪثير على ام سراج تعبت تتحمل لاهم لوحدها وهي تدري ان ام سراج تشارڪها هالهم وحتى انه لها نصيب أڪبر فيه ظلت تتصل عليها لحد ما ردت ونطقت سدن ببڪاء : خالتي انا تعبت
شهقت ام سراج بخوف وهي تسمع صوت سدن الباڪي : اسم الله عليك يا أمي وشبك وش اللي حاصل لڪم سراج فيه شي .
سـدن ووجهها تلون بالاحمر من شدة بكاءها : انا اللي فيني انا
بثـينة بخوف اعتدلت بجلستها وهي تترك فنجان القهوة على الطاولة : وش فيك يا عيوني انتي سراج مسويلك شي .
سدن بڪت بصمت ووضعت يدها على فمها لجل ما تخرج شهقاتها ردت بعد ثواني والصوت يوضح ڪمية التعب والارهاق المبڪي اللي عانت سدن لجل مايخرج : جربتي يا خالة تعيشين مع شخص جسده معاك وروحه برا
بثينة بلعت ريقها تستمع لڪلام سدن اللي قطع قلبها واڪملت سدن بعتاب : جربتي تسولفين معاه ويناديك باسم ماهو اسمك؟.
بڪت بقوه بعد ترديدها لهالجملة ودمعت بثينة
مباشرة وهي تشد على جوالها والرجفة بدت تسري : جربتي يا خالة انك تحاولين تتأقلمين وتنسينه البنت اللي يحبها رغم انك دارية ان هالشي مستحيل يصير
مسحت دموعها وهي تضحك بسخرية على نفسها : طيب أمانة جربتي تبڪين على حبيبة زوجك يضحك الشي صح تحسين اني مهبولة او مو بوعيي لما أصاحب حبيبة زوجي اللي علاقتنا متوتره بسببها بس تدرين وين الغلط أنا أنا بڪل هالقصة غلط خل نتخيل لو هناي ما رفضت سراج هل بعيش اللي قاعده أعيشه؟.
نطقت بثينة اخيرا : ما خليت سراج ياخذك الاني ادري حبك له
سـدن وهي تمثل القوة اللي تالشت ببكاءها : يا خـالة انا قاعدة أموت تدرين وش يعني الموت كل يوم بدون ماتطلع روحك بڪت بقوة وترڪت بثينة تدمع على حالها ونطقت سدن بإرهاق : ليـه يا خالة ليه رفضتي هنـاي ليه ترڪتيها ترفض سراج وانتي تعرفين ان ولدك متعلق فيها ظلمتيني وظلمتي هناي وماتت مظلومة والأهم مننا ولدك ولدك يخالة ظلمتيه .
بردت ملامح سراج اللي سمع اخر جملة نطقت فيها سدن ڪان منشد معاها بأول عتابها لدرجة انقبض قلبه عليها وحزن بقوة ماوده اكيد يضايقها او يعيشها بمشاعر الحزن اللي تعيشه لڪن بعد آخر جملة نطقتها دخل بمتاهات الصدمة .
----------------------------------
توقعاتڪم .
*____________*
*: يتبــ؏ ..*