الفصل 3
دخلات لبيتها و مباشرة تصلات بفرح
باتول...:(عاضة صبعها كتسنى تجاوبها) ألو لقردة فين حاطة تيلي من صباح وانا نصوني
فرح...: من نيتك عاد صونيتي دابااا مالكي توحشتيني اجي عندي
باتول....: سكتي و سمعيني ... راك قريب تهناي مني انتزاااااوااااج
فرح....: واش من نيتك
باتول...: (عقدات حجبانها) ومالي كيجيتك شفتك بحال الى مفرحاناش ليااا
فرح...:(تنهدات) ا باتووول وااااا باتول راك عارفاني راكي ختي ماشي صاحبتي علاش مغاديش نفرحليك بلعكس انا نبغيليك غير راحتك و لكن بغييتك ديري شي مستقبل بعدا عاد فكري فزواج شكون مكرهاتش فينا تزوج ولكن هاد لوقت صعابت انا اكثر وحدة باغا نتهنى من دارنا
باتول...:(تغرغرو عينيها بدموووع) اجي عندي داباااا تباتي معايااااا
قطعااات معاها و كلسات كتنهد و تشوف فسقف و لكن فكرة الزواج مسيطرة عليهااااا
باتول..:(هضرات بصوت خافت) نطلاقاه و نشوفو و نعرفو فين خدام بعدااا عاد نحكم عليه تانا راني نستاهل شي واحد بخير عليه و زويييين (بتفكير) عرفت شكوووون ايقضيلي لغرااااض صباح نصبح عليها نشاء الله
كلسات تحلم و تحقق فخيالهاااا حتى طلعات عندها صاحبتها و ختهااا موراهاااا .. قفزات من دفعة دلباب
باتول...:(ناضت كالسة) مالكووووم مدرميييييين و جيتو بجوج كنتو كتافقو علياااا
ندى ...:(ميقات فيها) وا بغيتليك غير لعز اما دل راك فيييه شتي دابااا بصمتليك بالعشرة راكي غير بكرة لا شكلا و لا عقلا وا لمشكل كبيييير عليك
باتول....:(صغرات فيها عينيها) ديما عندي احساس انك ماشي ختي نتي
فرح...:(تلاحت حداها) و نتي خريتي فاش قلتي باغا تزوجي
باتول....:(و قفات و دفعات ختها تكلس) و غير سمعووووووني شوية ..(شافو فيها بمعنى شنو) انا بغيت غيير نشوفو بعدا و فاش خدام و كيداير و الى معجبنيش و متفاهمناش نلوحو و ماشي انا لولا و لا لخرة لي اتزوج بواحد كبير عليها شويش واش فهمتوني راني كنفكر فراسي قبل من اي حاجة و من لخر معندي خاطر لا لخدمة و لا لقراية عارفين حتى لباك ديتو بدعاوي واصلا كبير و شارب عقلو و مرزن و لا واحد برهوش نبقى حاضياه واش ككيشوف فهادي و لا كيهضر مع هادي (حطات صبعها على ناظر ديالها) خدمو طانطو دعقلكم شوية يكفي غير ضيعت رضوان من يدي بسباكم
ندى....:(ساطت وقفات) ختي حنا بغيناليك مصلاحتك (حلات لبلاكار جبدات بيجامتها) و نتي تعرفي زواج ماشي لعب هذا و رضوان راكي عرفتي كراكتير ديالو كيف داير
باتول....:(تلاحت على صاحبتها ) اععععععع
فرح...:(غوتات) ازمممممممررررررررر البگرة امييي ظهري ظهري باتول....:(تلاحت على صاحبتها ) اععععععع
فرح...:(غوتات) ازمممممممررررررررر البگرة امييي ظهري (دفعاتها) تهزززززي تهزييي(شدات فظهرها) اناري على هرمة طراكس و داز فيا
باتول....:(كضحك) هههههخهه كون عندي شوية من طرف ديال شيخة طراكس كون شريت نص فتمارة
فرح....:(عطاتها صبع) هاكي كون دارتها هي بعدا
باتول....:(رداتوليها) واقلت غير شوية باش يتقاد مع هادشي لي عندي و يجي احححح
ندى....:(ميقات فيها) يتبقي تستر (خرجات من لبيت مخلياهم كيهضرووو )
باتول...:(هزات تيليفووون) شوفي هاد زهير شقالي
فرح...:(كحزات حداها كطل على تيليفون) شقاليك
باتول....: قاليا " شتي اباتول اصعب حاجة يسمعها دري هي سير الله ياخد فيك الحق ضحكتي عليا ، وانا منقدش نحط راسي فهاد المواقف لذلك ماعمري ما واعدت شي وحدة بزواج و لا لمحت ليها .. كنتصاحب معاها هي تبروفيطي وانا نبروفيطي نعيشو بجوج و نهار منتفاهموش باي باي اديوووس"
شتي شقالي عجباتني هضرتو اصاحبتي كيجي فاااص لبنت
فرح...:(بتمعن فلميساج) عرفتي غير حيت كبير فعقلو اما هوما دراري تلقاه خمسة دراهم فجيبو و يكدب علىلبنت يقوليها صبري معايا انتزوجو غير يسالي نزوتوا يقولها قودي و هي تكلس تندب و تبكي
باتول....:(شافت فيها مصدومة) بسملرحمن رحيم انا بالله و بشرع (ناضت من حداها مخلووووعة) تسليييم تسليييييم
فرح....:(كتشوف فيهاااا تخلعات لنظرااات باتول ليها) م م ماااالكي
باتول....:(وقفات مكالية على لحيط و هضرات بنبرة دلبكااء) عااافاااكوم لما ردولي صاحبتي فرح لي تموت على لمهيدي هئ هئ عافاكوووم
فرح....:(هزات لمخدة شيرات عليها) يعطيك موصيبة
باتول...:(تفرگعات بضحك ر تلاحت حذاها) ربي واش عاد فهمتي و بديتي كتهضري مقادة حادگة غير تعيبي عليا لوله متزوجيش داباااا بااااااز
فرح....:(بجدية) انا مغنضيعش وقتي معاه انا عارفة هضرتك على صح غير كنتغاضى عليهااا بحالي بحال اي وخدة ولكن دابا لااا منضيعش وقتي. و راسي مع راحد خاصو يبوووس و يعنقق
باتول....:(شداتها من عنقهل و باااااستهااا بجهد) وهادي هي صحيبتي لي تكون بحااااالي (هزات تيلي بخفة) كنت انصوني على خالتي صباح ولكن دابا منقدرش نصبر تال غدا .... فرح...:(كتشوف فيها) شكونن خالتك فيهم
باتول...:(حطات تيلي على ودنيها) نعيييمة ... الوو خالتي لباااااس علييييك ؟
نعيمة...: هاي هاي شكون تفكرني حمد لله اشطيونح كيف نتياا مزيان ختك مك باك كولشي مزيان ؟
باتول....:(كتعبر بيديها و كتشوف فرح) جمعي كولشي وقولي لبااااس .. خالتي غدا اتكوني فدار ؟
نعيمة...: ماعندي ابنيتي فين نكوون الى مامشيتش لسويقة هانا فدار
باتول...: ايييوا صافي اخالتي غدا بغيت نجي عندك على واحد لموضوووع مهم وشوفي لهضرة تكون بينتناا متقوليش لرجاء راني هضرت معاك
نعيمة...: خلعتيني ياك لباس ؟
باتول....: مكاين غييير لخييير يا خالتي واشوفي غدا نجي عندك نلقى لفطور واجد سلمي على عواااطف تال غدا راه تعبئة اتقادالي
نعيمة....: واخا ابنيتي بسلامة
قطعات و لاحت تيلي ...: افف مسمار و انطرقوووه
فرح...:(حطات يد على يد) يااااختي بااااااز بااااز ليك حاجتك كديري ليها مية بلان و بلان
باتول....:(وقفات دفعاتها ووقفات) دوزي نهبطو نحنجرو و نقلقل على لوليدة سوق ديرلي رونديڤو مع جوجي و نشوفها لا تمشي تحرش سي عبد العالي عليااا
فرح....:(تابعاها) حيت ميعرفليك غير باك
باتول ...:(هابطة كتردح) يعطيك لقوة... صبح الصباح سما مغيمة و لجو دشتاا كانت رجاء كتجمع السفلي هزات عينيها فساعة لي معلقة لوسط
رجاء...: هادي تسعود ونص و مزال منااضت هاد البنت ( توجهات لدروج) لا إله الا الله معها
(وصلات لبيت حلاتو ) اففف ياربي على ريحة النعاااس (مشات لشرجم حلات غير جهة وحدة و رجعات فووق راس باتول) اديك خانزة البنااات نوووضي تگعدي تسعوود و نص هادي و گلتي اتمشي لافااااك نوووضي ابنت لهم رييحة نعاسك وصلات تالدروووج (حيدات عليها لغطا) باااتول ا باتول
باتول...:(تحركات و لكن مزال مغمضة عينيها) امممم
رجاء....:(كلسات فوق ناموسية ندى و ضربات يد مع يد) لا بگرة نييييت انووووووضي يااااهاد البنت يتنفس لبييييت
باتول...:(حلات عين وحدة) امم م ماالكي
رجاء...: مالتلي معااااك نوضي دابا تشوفي فرح جايا عندك ياك اتمشي تقراااي
باتول...:(تگعدات شوية و عاد عرفات اش عندها) اااه بصح فرح قاتلي نمشيو نقراااو (حيدات عليها لغطا وناضت) هاناا نضت صافي
خرجات رجاء و هي خرجات موراها لحمام قضات حاجتها ورجعات لبيت لبسات حوايجها فخطرة و عاد هبطات لتحت عند معا ودعاتها بلاما تفطر كيف حلات باب الدار هزات تيليفون كتصوني على فرح
باتول....:(كتقاد صاكها) الووو فييينك واجدة ... يالله خرجي لحدا بلادن مول صاكا بلاما نطلاقا داك فرعون تخوووك
تمشات باتول لفين دارت مع صاحبتها و نتاظراتها تاجات
باتول....(مخنزرة فيها) كوون غير ماجيتيش
فرح...:(جراتها من يديها) واش حسابليك انا بحالك راسي فراس مي انا راه كل واخد فين كيشطحني زيدي دابا
باتول....😞 وقفاتها وشافت فيها) شوفي عنداااكي تهضري هضرتك قذام خالتي انا كانقوووليك نتي سكتي وسمعي
فرح....:(هنزرات فيها) ولاتدينيش گاع
باتول...:(حراتها من يديها) وراااه منقدرش نتي راكي لكبدبد (خرات راسها بلا) تت تت منقدرش نديرها
فرح....: لا إله الا الله معاك
وصلو لمحطة الطاكسيات كبار وركبو فاتجاه دار خالتهااا .. بعد نص ساعة كانو امام لباب كيتسناو نعيمة تفتح ليهم لباب
نعيمة....:(حلات ليهم لباب) ايوا على سلامة كون قلتي وجدي لغدا ماشي لفطوور
باتول...:(عنقاتها كتبوس فيها) انفطر ونتغدااا
نعيمة...: (كتسلم على فرح) هههه مرحبا بييك ابنتي زيدوو دخلوو
دخلوو بترحيب من عند نعيمة لي كانت لابسة بيجامة طويلة و هزاها بفواطة و عاكسة راسها بدرة حياتي ..
باتول...:(كلسات فصالة قدام طبلة دلفطووور) الله ياخلتي شحال هادي مفطرت بلملوي سخون خاصكي تعلمي شوية ختك راه والو
نعيمة....:(كلسات قدامها كتكب اتاي) كون مكنتش كنعرفها كنت نتيقك
فرح...:(بحشمة) خالتي عافاكي لحمام نغسل يدي
باتول....:(شافت فيها) فكرتيني (وقفات) نوضي راه حدا لباب
مشاو غسلو يديهوم ورجعو كيفطروو و نعيمة كتسول و تهضر و باتول كتجاوبهااا..
نعيمة...: (وقفات) هانا نضت لكوزينة نطرح لخبر فلفران تساليو فطوركم تبعوني كلسو معايا تمااا
باتول...:(فمها عامر) امم صافي (شافت ففرح) كولي كولي
سالاو لفطور و ناضت باتول هي لولا لكوزينة مخلية فرح كتجمع لكيسان فصينية وهزاتها داتها معاهااا
نعيمة...:(شداتها من عندها) غير خليها ابنتي بلاما تعدبي
فرح...:(تمات خارجة تكمل جميع الطبلة) ماشي مشكل اخالتي
نعيمة....: الله يرضي عليك (شافت فباتول) مالكي خلعتيني لبارح