الفصل 2
فرح فتاة سمراء البشرة ذات الشعر الأسود نفس عمر باتول صديقتها من الطفولة عايشة مع ربعة دخوتها دراري لي تلاتة منهم مزوجين و هي لوحيدة لي وسط منهم بنت كاملين حاكمين فيهااا و دائما مكينوضليها صداااع مع عيالات خوتها و لادهم على شغل الداااار .. و باش كتهرب منهم كتجي عند باتول لي عارفين المعاناة ديالهااا مهما الأم ديالها مرة مرة كدافع عليها و لكن جهدها تسالا و دفعاات السوارت عندها هدف فحياتها تقرا و تخدم و اول خلصا ليهاا تخرج تكري و تبعد على القوم لي عايشاااا معااااه ...
صبح صباح ختها كتقرقب فلبيت و ككتنوضهااا و لأخرى بدون رد مشات فوق راسها و كتحرك فيها و كتعيط ليها "باتول أ باتوووول "
باتول....: (بدون وعي) امممم
ختها...: (هبطات لودنيها) البگرة فين حاطة اولويز مشا عليا لحال سربي بااااااتوول باتول (كتنغزها)
باتول....:(بصوت أعلى) امممم شبغيتي ا ندى
ندى...: اولويز ازمر
باتول ...: (تقلبات جيهة لأخرى و هضرات بصوووت تقيييل) رااا هااا فشكااارتي و ستقودي علياااا صبحنا على الله
ندى هزات شغلهاا و مشات زادت عليها لغطا باش تزيد تخمر و سدات عليها لباااب ...
بعد ساعاتين او اكثر كتسمع تعياط واحد آخر
باااتوووول ا باتووول
باتوول ...:(بنرفزة) ورااااه قلتليك فين متحمقينيش
فرح ...:(حيدات عليها لغطا) شنو هو لي فين ؟
باتول....(سمعات صوتها و حلات فيها عين وحدة) اممممم هادي نتي لاش جاية عندي
فرح ...:(مشات اجهة شرحم كتحلو) جيييت نخلا دار بوووك واااابغييييييييييت غييييير نفهم لحال سخون تا شتا مزال مطاحت و مغطية بجوج ملايات و كوڤرلي و خا تكوني ساكنة فجبل
باتول....:(تقلبات على ظهرها و يالله كتفيق) راه لبرد شحال فساعة
فرح ...: (جلسات فناموسية د ندى مقابلة معاها) لحظاش وربع هادي بغيت غير نفهم واش مطابوش علييك جنابك بالنعاااس غيير قوليلي نهار و مطال و نتي ناعسة ياختي راااه بزاااااف انا نعست موراااك بساعة و نضت مع تسعووود وجدت لفطور و جمعت و سيقت و تسخرت لديييك فاااسدة دمراات خويا و عاونت فاطمة حيت تقلات مبقى ليها والو و تبزبز و جيت عندك
باتول....:(شافت فيها و حيدات لغطا) ساليييييتي واهاد الهضرة كمشيهاااا و حشيها فيك و عيطي لصاليييحين ديك الساعاات
وقفات تحت نظرات فرح لي معرفاتها واش باتت كتحارب و لا ناعسة سروال رجل طالعة و رجل هابطة ديباردور خارج على البيجامة سليب كيبان
حركات راسها بلاحول اما لعضرة لي قالت فراه متسوقاتش بيها حيت عارفة لبير وغطاه خلاوها ماليها نااضت كطوي فداك لفراش لأنها اتخليهم لمها مغطويهمش (تحية لصاحبتي زينب لي كديرها فاش كتحي لعندنا 😂😂)
دوزو داك الصباح بلهضرة و تغدات معاهم فرح لأنهم كيحسبوها وحدة من العائلة الصديقة لوحيدة د باتول من بعد ما رتاحو مورا لغدا ناضت باتول كتقاد حجبانها و كتحيد دوڤي و قدات تا لصاحبتها
فرح...:(مجبدة حاجبها بديها) فلحقيقة حاجة وحيدة درتيها فحياتك هي مهنياني من فلوس لكوافورة
باتول....😞 مكونسونطريا فتحياد) سدي فمك قبل مندخلك فيه
فرح...: شنو اتلبسي ؟
باتول....:(بلا مبالاة) كيطمتي اصلا انا كنقاد باش نتصور هههه شحال هادي محطيت فسناب من ول لبارح
فرح....: باز اختي لي سمعك منشحال هادشي يقول شهراين الله يعطيني وجهك
باتول....:(كتمشطليها حجانها) طلعتهومليك مصرووعيين ابنت الهم ... (تنهدات) عرفتي كنتمنى غير فوقاش نتزوج 😑😑 فرح...:(ناضت قدام لمراية) زعما هادوك لي كتعرفي باغييين زواج طزز
باتول....: ماشي هكاك انا فكرة ديال نتصاحب مع شي حد و نتزوج بيه معنديييش (حلات بلاكار وكتقلببين لحوايج) راك عارفاني كنعرف شكال و نواع ديال دراري من 17 لعام لفوووق ولكن باش نفكر انني نتزوج شي واحد فيهم لا
فرح...:(شافت فيها) ايوا راه بزاف لي تزوجات بصاحبهااا
باتول....:(طلعات فيها هبطات) شتي الى تزوج بيه داك لمهيدي ديالك غا اجي عكريلي (عطاتها صبع) اهاكي دري مزال عاد عندو لافاك لاقراية لا نم و طامعة فييه (عيباتها) كنبغييييه بغتليك الدل
زدحات داك لبلاكار و حيدات حوايجهااا كتبدل و بدون متنتظر صاحبتها تجاوب حيت عارفة كلامها على صح
باتول...:(شافت فيها) هههه كلسي كتخممي ليا فيه (بغوتة) و تي نوضي مشطيلي شعري ديريلي ديك ضفيرة من لقدام و جمعيلي شعري شفنجة
فرح ناضت كلسات فوق الناموسية و باتول فلأرض كتمشطليها شعرها البني لي فيه خصلات بالصباغة فالأشقر مواتي وجها
باتول...:(كتقيص الضفيرة بيديها) خاصني نعاود شي صباغة عاود
فرح...:(مكونسوطريا) حرقي موو نتي كااااع هادشي كون غير كنتي مگابلاه بعدا
بااتول....:(بنرفزة) سكتي سكتي صافي
بعد التوجاد و المقادة و بعد اقناع مها خرجو من الدار نيشان لسونطر دلمدينة مشاو كلسو فكافي لي دارت مع الياس فيه تا قرب يجي و فرح مشات شدات طبلة بوحدها حداهاا لمهم وحدة متسمح فلأخرى ... بعد دقائق تم داخل شاب ف تلاتينات من عمرو قشعها و تاجه ناحيتها من بعد سلام دازو لكلام لي كان حلو من طرفو اما عي فقبل ميوصل ليها كتسوسو عرفاتو لياش كيلمح ولاش بغا يوصل ..
باتول ...: (كتحك عنقها كأنها متوترة) معرفتش ا الياس حتى نتا عجبتيني و رتاحيت لييك بزاف
الياس....: ايوا صافي منطولوش فلهضرة نحسبك ديالي من هاد اللحظة
قرب يشد ليها فيديها و هرباتهاا كضحك حشمانة
و فرح قدامها كتشوف فيهاا و فلفيلم د صاحبتها لي واخا تبغي تجربو هي متقدرش و اتفرش و بينها و بين راسها كتقول ياربتني عندي قلبها و نفسها مكيتحلووش على شي ولد لمرااا ..
من بعد الكدوب لي كذب عليهاا و لي عطاتوليه تا هي مدوبل سالات عشيتهاا و ناضت جمعات لوقفة سبقاتها صاحبتها لتحت خلصات لي عليهااا و خرجات تسناهاا تا نزلات عندهااا و تحركوووو فاتجاه الدار بلهضرة و امناگرة شدوها على رجليهم محسوووش بلوقت ... و هومااا بالقرب من منزلهم كيشوفو مرة واقفة فباب دارهم كتسلم على رجاء و كتودعهااا
باتول...:(تقلات فلمشية و شادة فصاحبتها) شكون داك لخنشوش عمري شتو
فرح....:(نفس شوفة دصاحبتها) ماشي وجه دلحومة هادي
باتول.....:(شافتها دازت من حداهم) وا طرني زيدي دغيااا نشوف شكون هادي ؟يالله اتسد مها لباب ❤️حتى لمحاتهوم جايين خلات لباب محلولة و دخلات عاد دخلو موراهااا و باتول كتردح هادي مشيتهااا ضروري يعرفوها بلي هي لي غادة
باتول....: رجاء (تباعتها) وا ماماا
رجاء...:(من لكوزينة) على سلامتك
باتول....: (دخلات عندها) شكون هاديييك لي كانت عندك
رجاء....:(بلاما تشوف فيها) و علاش كتسولي ؟
باتوول....: (حطات يديها على نصها) كيفاش علاش كنسول ؟ (قربات ليها) قولي قولي شكون ؟؟
رجاء....: (خرجات فيدها طبسيل فيه ملوي) هاديك واحد جارة مك لالاك ساكنة حداهااا
باتول....:(تزدحات على سداري) و علاش جايا ( هزات راسهااا ففرح) كبي نتي اتااااااي
فرح...:(شافت فيها) نوضي نتي غسلي يديك
باتول ...:(دفعات داك الطبلة حتى تزعزعو) هاهي نايضة .. قولي اماما لاش جات
رجاء....:(كتشوف فيها) ناس ولدو لبنات و نا ولدت هايشة .. فين كبرتي ها لعاااااار
باتول ...:(غسلات يديها فلافابو و مسحات يديها فسروالها) و هضري و نتي شحال فيك ديال تفلسيف ابنت جميييعة
رجاء...:(حطات يديها على راسها) راك خليتي لفوطة لحداااااااك اويلي و فين اتمشي و معامن اتعيشي ياربي
باتول بدون متهضر لأن هاد الهضرة مكتگرش فيهااا ضحكات و هزات كتاكل و كتنتاظر مها تقوليها
رجاء....: هاديك عندها خوهااا الالة و جات تشاور معايااا ف ندى
باتول....:(فمها عامر و كتهضر) ند ندى غيير متحلموش اتزوج بيه اذن قوليها كاينة لبنت صغيرة لبغيتووو ... (سرطات لي فمها و ضارت عندها ) شنو سميتو و شحال فعمرو و كيف داير و شنو خدام
فرح...:؟(شافت فيها مدهشرة) واش من نيتك اصاحبتي ؟
باتول...:(صغرات عينيها فيها) مسحابنيش محيسيدة اصاحبتي و نتي كتاكلي طعامي
رجاء....:(بلا مبالاة) و ماشي حمقة انا نزوجك دابااا ترجعيلي من شهرك لول عارفاك ابنتي متحني مدني خبز ربي فطبقو بگرة و بلاني بيها الله .. لا شغل لا خداگة لا هضرة متولة .. خاصكي عماين و نتي كتدريساي و شوف تشوف واش تقادي عييت نربي فيك و لا بغيتي تقادي ولكن انا لي درتها بيدي نفشش و نخنت
فرح...:(بجدية) صبري اصاحبتي بعدا غير خدمي ديري شي حاجة اراسك اما تا لباك ميوكلك خبز فهاد الوقت
باتول...:(ميقات فمها) شلاااا على سحابليك تعامل لي كنتعامل معاكم هو لي انتعامل معا راجلي زماني لأأح يا ختشييي ...(عاد ضارت لصاحبتها) يمكن نتي صاحبت ختي ماشي صاحبتي سكتي سكتي شوية تهزي لهضرة لي باغا و تخلي لي باغا ندى عندك قدوة فحياااااتك حشي فوجهك و سكتيني
رجاء....:(وقفات) خليني نوض نصلي لبقيت متبعاك اتخرجيني على طوعي زواج مقالتو تا ختك لي عمرها 26 عااام
باتول....:(كتدهن فلخبز) هاديك باغا الخارج كتسناه اما انا باغا ولادي يكبرو معاياااااا ماشي تا نشرف عاد نديرهوووووم و متوقفولييش فطريق سعدي رااك عيقتو لي جاااا تردوووووه (هزات راسهااا فمها) و نتي لي كتهضري ياك تزوجتي على 16 لعام وماالكي نتي تزوجتي ونا تحرميها عليااااااارجاء شافت فيها بنظرة الله يشوف من حالك و زادت بحالها خلاتها كتنتگر مع صاحبتها
هادا حالها منين دارت 15 لعام و هي باغا تزوج و جاوها ناس و رفضوهوم واليديها نظرا لطيش عقلهاا و صغر عمرها و استهتارها لدنيااا ... واخا مطورة و. قافزة و لكن حركتها و عفويتها كتبين على انها مزال موعياش على الدنيااا
... بعد مرور يومان
روتينها هو روتينها لهضرة و التعارف تهضر مع هدا و لاخور عندها لخاااطر هو يكذب عليها و هي تكذب عليه .. ولكن كاين بصح لي باغيهاا نظرتهوم ليها كتبان متبتة و رزينة و هي لعكس ... فغرق الهضرة ديالها سمعات صوت مرا عندهم فدار بخفة لاحت داك تيليفون و حلات باب لبيت و طلات من دروج اذ كتبان ليها داك المرة لي جات عندهم ول بارح ضحكات فنفسها و طلعات لبيتها.. بدلات داك الحالة و لبسات بيجامة بيتية طلقات شعرهااا و جمعاتو بمقيبط صغييير جناب دازت لمراية هزات فقط فغاجو دارت شوية باش تبان حمورية و هبطات بشوية فدروج شافتها مها و خرجات فيها عينيها اما هي فدازت سلمات على ديك المرة بدون متسوق لرجاء
باتول...:(كتسلم عليها) خالتي لباس مزيان ... (يالله اتنطق مها حتى قالتليها) انا ماما غادة لكوزينة
فتيحة...:(كتحقق فيها الشوفة) تباركالله تبارك الله هادي هي لبكرة ديالك (يعني لكبيرة)
رجاء....(عضات على شفايفها كتغزف) لا هادي بنتي صغيرة باتول
فتيحة....: مشاء الله الله يحفظليك بنياتك..(وجهات كلامها لباتول) بنتي بلاما تعدبي راسك و ديري شي حاجة انا شوية انوض مزووبة
باتول...:(لمرة تانية قطعات مهاا) لا اخالتي حشومة غير كاس داتاي ما فيه عذااااب
خلاتهم و زادت كتضحك بهمس دخلات لكوزينة كترون ... دارت لما يطيب ووجدات لي لبراد و لكيسااان و لوازم اتاي .. كي طاب لما كباتو فلبراد ورداتو يتشحر
باتول...:(هضرات بشوية) ايواا شحال هادي نيت مطيبت اتاي ديما حاگريني انا انصدمك ارجاء بنت جميعة منعرف شغاندير فهاد الحياة لصلا زواج سنة و نا باغا نكمل ديني (شافت فلبراد) ياربي غير يصدق مزيان ميصدقليش بحال بول حمارة بحال داك لمرة ياربي تسمحلي
اهيااااوييين شي متطوعااات يديرو إشهار القصة فلكغوووب جمعو فينما كانت شي معگيزة شي باردة القلب تباااان هنااا هادشي كيف والوووو مزااال لي جاااااي و هي كتنتظر اتاي يتشحر جبدات طبيسلات صغاار و واحد لمسكوتة فتلاجة لقاتها مقطعيين منها .. هزاتها و قطعات طريفات منها مقاديين و متوليين فطبسيييل و عاد لبلاطو د الكاطوو مع بعض المملحات
باتول.....: درتي ا فرح حاجة وجدة فحياتك مزيانة معاياا هي نهار شفتك كتصايبي هادشي فداركم حمد لله لي عقلت بعداا
دارت نعناع فلبراد و بدات كتهز لطبلة تحت نظرات مها لي خايفة من شي شوووهة ..
ولكن فهاد الحالة مها تصدمات منها منين جابت هاد التاويييل .. كتشوف فبنتها كيف كتمشي بشوية و تحط و تزوق مسمعاتش كاع هضرة فتيحة لي حداهاا
.فتيحة...: ايوا تبارك الله ربيتي و عرفتي اش ربيتي
رجاء...:(عاد وعات) واخا هكاك بنات ليوم ميقدو على شغلنا و تمارتنا انا هادي عندي مفششة و كثر متحني مدني خلاوها ماليها "شلح و ملح و رمي على زرب" (شافت بنتها غادرات صالون ولكن حسات بيها وقفات فباب اكوزينة كتصنت)
فتيحة....:(بجدية) رجاء شوفي نجيك من لخر حنا جيران و كبرنا مع بعضياتنا و تفرقنا كلها دار دارو ولكن مزال الخير كاين بينتانا و معندي منخبي عليك لوليدة جاية و كتوصيني و انا فاش عرفت عندك جوج بنيات صلاة على النبي قلت نشاء الله يكتاب لينا نتناسبو ... قلتي لبنت لكبيرة ماباغا زواج ديال هناا. معندنا مانقولو مانديرو زواج سيف وانا فاش جيت عندك هضرت عليهم بجوج معرفتش شكون فيهم لا صغيرة لا كبيرة (هنا سمعات باتول هاد الهضرة)و تبارك الله عليهم الأصل و عراض تشاوري مع بنتك باتول و الى بغات نلاقيوها هي وياه يتفاهمو بيناتهم انا منشكرش ليك خاي راه لمعقول و صلى و الدين (فهاد اللحظة حطات آخر طبسيل باتول و كلسات كتكب ليهم وبنص عين كتشوف فمها 😒 ) تبارك الله عليك يا بنتي ا باتول بنات الأصل هكا يكونو
باتول...:(بحشمة) لهلا يخطيك اخالتي نتي مولات لخيييير
شربات فتيحة كاسها و دردبات مع لباب غادة و كتوصي فرجاء مبغاتش تخرج بلا عروسة من عندهااا تلحلح و ترغب و علاش لا و هوما بنات رجاء مقبولات و زويونات ماشي زين الخارق و لكن شادين حقهم و طايتهم عادية جداً غير هي باتول طويلة و عندها لكتااااف كتبان كبيرة على عمرها
غير خرجات لمرا و هي دور رجاء فباتول
رجاء....:(بصوت شبه عالي) واش محشمتيش اش مهبطك لعندي .... و منين جات طواسلك هاد لحداگة كاملة انا عرفتها شباغا مني ما قلت تا سديت لموضوع هبطتي شافتك لصقات فيك ... كون غير عرفتك قادة بزوااااااج اناااا نزيدك و لكن عارفاك ابنتي متصلاحي لوالوووو غير سريط و لمريط و شي ميشيط ... تاكلي تخراي و تنعسي
باتول ....:(ببرود) و الله حتى ديما حاگريني بالله ... وهي اصلا مجاتش على ندى بوحدها هانتي تفرشتي ابنت جميعة(شافت فيها مصغرة عنيها) نجرب غير خطوووبة و الى معجبنيش نكركبووو
رجاء...:(جلسات حداها) ابنتي واش كاينة شي ام مكتبغيش بنتها تزوج غير قولي .. شوفي شتي كوكان غير هاد السيد قريبليك فلعمر نقولو واخااا ولكن 38 عام واخا انا فاش بقيت كنفكر لقيتو راه يمكن كثر من هاد السن عشرين عام دلفرق ممكن فشي حوايج تفاهمو و شي حوايج لااا
باتول...:(شافت فمها و لفرحة فعينيها) شوفي نتلاقاه و نشوفو بعدا واش ايعجبني و لالا و من بعد عاد نقررو
رجاء ...:(تنهدات) مااانعرف خليني عليك دابا
ناضت باتول من حدا مها كتفكر فلعمارية و عينيها كيبريو بلفرحة ... باتول منها عدد كبيييييير لي مكيكونش عندها طموح و معندهاش واحد العقل دلقراية كتقول نتزوج و نتهنى ...