الفصل 1
في حومة شعبية و بظبط فباب الحمام خارجين جوج بنات منوو شوفة فيهم ياين فيهم نور لحمام هازين صيكانهم مع سطولة و كيغنيو
باتول....: خرجاااات من لحمااام
فرح...: قالوووو طاحت لالة لالة
باتول....: ويييين نروووح سمااااح يعيييين ويين نروووح
(بصوت موحد) صبررررري لله
باتول....:(طلقاتها بضحكة بجهد) ههههههههه الله
فرح...::(سخفاااااات)ههههه ياختي واش عطاك قلبك تعطي ربعين درهم لطيابة و كوكان غير ضرباتليك شي حكة نييت كتفقصي
باتول....:(شافت فيها و ضحكات ببرود) ايواا شكون ايحكلي نتي ؟ الله بعدا ديت فال من عند العروسة عنداك غير تهرسلي داك لبيضة
فرح...:(ميقات فيها ) امم شلا تموووتي و تحياي بزواااج لي تزوجوو تفروووه و داك المشقوووف كيطييييح و ينوووض بلعزاراااا يا...
باتول....:(قطعاتها) راه معمرك اتفهميني شنوو بغييييت انااا (شافت فيها كتفرنس) ولكن نشطتهوووم و لا لاا
فرح....:(ضحكاااات تاهي) صوتك غييير دلاحييييييوووح لما تزوجتي خرجي ضربي الطر
اجي دابا ديك لبيضة اتقليها و تسلقيها
باتول...:(بعفوية) لا اصاحبتي هاديك راه غير فال ياربي تقبلوووو دعاوتهم مساكن كاملين دعاو معاياااااا
فرح...:(شافت فيها بنص عين ) بااااااااااز و الله الى باز
تمشاو و كلها كي سخفانة ....حتى وصلو لدار دقو و حلات ليهم سيدة فأربعينيات من عمرهااا شافت فبنتها
رجاء ...:ايواااا بصحة و مالكي جاية صفرة گاع مباين فيك لحمام
فرح....:(ضحكات) هههه الله اخالتي رجاء ربعة دسوايع و مباينش فيها وعاد زيد لحيوووح لي حيحاااات مخلات سطل ماخلات طاسة طبلات بيها كملاتها و جملاتها جابتليها الطيابة صينية و لكيسان عارفة بنتك تشم ريحت لعراساات يركبوها جنون
رجاء....:(حطات صاكها و سطلها فلباب ودازت فيهم) زيدي دخلي راه واخا نكون بصح باين فيا اتقول لعكس و زيدي عاودي ماقلتي والو
رجاء....:(هزات سطل بنتها و ساكها حطاتهم فدروج) حيييت عارفاك معندك دراع تكوني كبيتي لما عليك و جيتي (ضورات وجها لفرح) هي دارت الشوهة عاود بداك الصووووت و مشات كلسات حدا لعروسة باش تدعي معاها
فرح...: (كبات ليها كاس دلما من فوق طبلة) لا اخالتي راه دخلنا لسخووون و عاد جات طيابة حكات ليها ..ههههههه والله بحال الى كنتي معاها هههههه اييه حتى طيابات حفظوها (شافت فصاحبتها) تشربي اباتول ؟
باتوول ....: (تجبدات على سداري و هزات مخدة دارتها تحت ركابيها) كبيلي كبيلي ..(شافت فمها) ماما شي كاس دأتاي عافاك و عنداكي واحد لبيضة راه فطاسة دلحمام حيديها باش متهرسش (صغرات عينيها بحال لمشة) صافي رجاء ناضت على وعدها و سعدها صيبات لبنتها و صاحبتها اتاااي بشيبة مع بعض التقيوتات ...
دازت مدة ناضت فرح تمشي بحالها بقات باتول متكية مع مها هازة مشقوفها كتشوف لكم الهائل من الرسائل لي عندهاا هادشي غير غبرات خمسة دسوايع جوبات على لي بغات و خلات لي بغات ... فجأة طلعان ليها ابييل من عند واحد شخص قلبات عينيها بلا مبالاة ... تكسلات و ناضت كتنهد. "الله" شافت فيها مها بمعنى فين غادة
باتول..: انمشي غييييير نبدل درة و نشف شعري راسي برد عليااااا
مخلاتش لمها فين تجاوب طلعات لبيتها لي متشاركاه مع ختها كبرى "ندى" تلاحت على ناموسية و رن هاتفها لمرة اخرى
باتول...:(جاوبات ببرود) سلام
نوردين.....: حبيبة مالكي مهضرتيش معايا هاد العشية ياك لباس
باتول...:(قلبات عينيها) مشيت لحمام انوردين
نوردين...: بصحتك ازين .. و كون عيطتيلي نحكليك ظهرك
باتول.....:(شتماتو داخلها و جاوباتو بضحكة) ههه ياكما نشوفليك شي بليصة مع مي خدوج فلحمام راك تصور لفلوووس
نوردين...: انا باغي نحك غير لزين ديال نيرو
باتووول ....: (قلبات عينيها)ديما كنقوليك معنديش مع الهضرة و تبحليس عرفتي شغادير تلاح ترتااااح حيت الى زدنا عضرة وحدة خرا انسبليك طا فامي
بدون متنظر جوابوا قطعات عليييه و لاحت تيلي ووقفات كتقلب على درة لراسها و هي كتنگر ... نحكليك ظهرك بغيتليك غير موصيبة دلاااا هادي ماشي رجلة بقات فحبيبة و الوقفة و اللحية مطراسية ضرب على شعا و نتا مزال فالعنب دلكيلوو فتنا هاد السطااااااج تفووو خزيت الله يقطعكووووم (حطات درة و هزات يديها لسماااا) ياربي بغيت غييير شي راجل فحياتي نتزوج و نتهنى
سمعات صونيت فتيلي ديالها و كانت يالله اتخدم سووشواااغ طلات عليه بعينيها بانتليها سمية أخرى
تبسمات بجنب و خلاتو كيصوني حتى تكمل تنشاف شعرهااا على خاطرهاا عاد رجعات هزاتو مشات سيفطات ميساج لداك الشخص " كنت كنشف شعري مسمعتوووش"
بمجرد ماوصلو لميساج صونا عليهااا و جاوباتو
باتول....: الوو إلياس
إلياس....(بصوت رجولي) الو على سلامة و بصحتو لحمام
باتول...: الله يعطيك الصحة .. ساليتي الخدمة
إلياس....: اه ساليت و قلت نهضرو شوية .. (قاطع جوابها) اجي دابا غدا انتشاوفو عنداك تقوليلي لا
باتول...:(حركات شنايفهاا) امم وي ولكن الى خرجلي شي بلان معندي منديرليك .. و كيف قلتليك داك المرة انطلاقاو فكافي
إلياس...: و متكوني غير على خاطرك .. شنو كاديري دابا
باتول....:(سمعات صوت باها و ختها عاد دخلوو) لقيتيني انقولك بسلامة مشغووولة شوية
الياس...: (ضحك) ههه زربتي عليااا ولكن ماشي مشكل غدا و نتفاهمو على هادشي
باتول ....: ههه بسلامة
قطعات عليه و لاحت داك تيليفووون و هبطات كدردك لعند باها و ختها .. هادي هي باتول مراهقة ف التامن عاشر من عمرها تيليفونها لا يخلو من الإتصالات و الرسائل فينما ما مشات كتعارف مع دراري و تهضر و لي جاها على كانتها تخرج معاه و لي مرتاحتليهش كتعطيه كلامو و تبلوكيه ... باتول نهار تزااادت كولشي مفششها و كولشي دايرليها لخاااطر معمرهوم غوتو عليها و لا حط يديه شي حد عليهااا لأنه باش تزادت قاسااات مها طاحوليها جوج قبل منهااا و صبراات تلت سنين و هي فدوايات لا دلعرب و لا ديال الطبيب وبينها و بين ختها علاين سبع سنين وفاش تزادت كاملة مكمولة فششو و خنتو كتر من ختهااا و مكانوش كيقولوش ليها كلمة لااا ديما بنتي بنتي و تا وسط لعائلة عزيزة عليهم و كيبغيييوهاا حتى ملامحها مقبوووولة ديما ضاحكة و ناشطة و لكن كبرات و كبر فيها لعگز و قلة النفس ديما متكلا على غيرها تا فلقرايا نهار مكتجيبش مزيان كيقولو مافيها باس لمهم نجحات كبر فيها لعگز دقراية متحني مادني و نهار مها ضربات فيها لفگد باش تقضي شغل و تعلم ما ينفعها ديما كتسمع "عيانة ، مقادا نوض ،نهار نوصل لشغل دابا نديرو" جوج دلحوايج كتعرفهوم هي اتاي و لبيض مقلي و تباقي لاخر تاكل و تنعس و عاد مها طبق عليها مثل "ربط تلقى ماتسييب"
شحال قد لواحد يبقى هاكة و حتى شي حال مكيبقى على حالو ...هبطات لتحت شافت باها مشات باست ليه يديه و ختها دازت فيها و زطمات ليها على رجليها
ندى.....:(بغوتة) وااا ديييييك لبگرة واش مكتشوووفيش دايزة بحال تراان يا ربي سلامة ...باتول....:(شافت فيها و ضحكات) ههههههه عاد شفتك اجي شتي داك لفيديو لي سيفط ليك
ندى....: ( جبدات تيليفونها) واش انا مساليااا ليك فقف هاد النهار عيييت
باتول...:(هزات كاس دلماا) و تا تكلي و تبدلي حوايجك و نديرليك شي مساج لظهرك
ندى.....:(شافت فيها) مانيش حمقة تفصليني بحال داك لمرة انا عضماتي على قد لحال
الأب....😞 كيتفرج فلأخبار فانتظار رجاء تحط ليهم الماكلة) و داك لافاك شدرتي فيها مشتك كاع كتقراي
باتوول...:(متبعة معاه فتلقزة ) اودي انا راه مزال ماعرفا كاع داك الشعبة وهادا يالله شهر عشرة اصلا كيقولو لعام لول يالله كتعرف شكاتقرى و لعام تاني عاد كتبدا لقراية 👀
الأب...:(شافيها) عوالة تشدي سكنة تماا ؟؟
باتوول ...:(تتمات بصوووت خافت) الله يعطيني شي تزويجة نتهنى ورتاح لا من قراية و لا من زمر
الأب....: (رجع شاف فيها) رانووضي نوضي عاوني ماماك
باتول...:(وقفات كتردح) راني عاد جيت من لحمام يااااااه عيانة مافيا مايدير والو
ختها.....: (تبعاتها بعينيها) ها هررررررمة ناضت
باتول...😞 شافت فباها مركز فتلفازة و رجعات شافت فختها و عطااتها صبع) هاكي االقردة
مر وقت عائلي بيناتهم فيه مناقشات و حوارات على مائدة الأكل و لا يخلو من ضحك باتول و استهترات ديالها المواضيع شتى ... لذلك دائماً مكيلقبوها ب "لبگرة" "هرمة" "باردة القلب" "قليلة النفس" و لي كتقبلهوم بطيب خاطر لي بغى يقول شي حاجة لعام طويل عايشة وقتها و مكتحمل هم و مكترفد دبيلة ...
1:00 🕐 دليل فقط الضوء شاشة الهاتف لي ميبن وجها و هي مزال كتهضر و تعبر و من بين المحداثات .. كاينة وحدة ديالها هي وصاحبتها فرح "صديقة الطفولة"
باتول...: عنداك غدا متجيش عندي بصباح
فرح...: وصاااافي الزمر دابا نجي عندك ... اجي اصاحبتي دابا الى خرجتي معاه متخافيش شي واحد من هادوك يحصلك
باتول....: 😂😂😂😂 من نيتك و هاهو حصلني شي حد واش عاقد عليا وانا مفخباريش ياك هوما كيتفلاو و تانا كنتفلا
فرح....: 😒😒 عييت نفهم تفكيرك مفهمتووش
باتول....: اش بغيتي بيه خليك نتي فلحب و لغرام ديالك طززز تقولي ماشي صاحبتي 😤 و شتي غير داك شطااابة الحبس دلمهيدي خرتها غاتحصليه مع شي وحدة و تجييييش تنوحي عليااااا
فرح...:أختي انا كنآمن بالحب و الغرام باغا نعيش قصة حب و مهدي اختي راااه ماشي برهووش راه كبيبر فعقلوووو باغيا نبداو حياتنا بجوج من لخر نتي اختي دمك بارد تلاجة معندك قلب
باتوول...: اتعيشي قصة لخراااا عرفتي شغاديري ساعتك سوااااتش دابااا ازيين خليني نعس غدا لقاك عندي
بدون متسنا الرد ديالها طفات تيلي و لاحتو فلأرض فوق زربية قرات آيات القرآنية بدون متكملهوم غطات فنوووم عمييق ... 😴😴😴😴