البارت 25
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «25» .*
*____________*
عدّيتك الڪلمه اللي تجرح الخاطر
وانت لو انك مڪاني ڪان قلتها .
------------------------------
- بدوام قسـور .
بمڪتبه انقلب من أوراق وملفات الى معرڪة ألعاب
ودببة وحليب ومن الهدوء الى أصوات بڪاء ديم اللي
ميته من النوم لڪن قسور مو عارف لها مسڪها وهو يقربها منه ويجلس ع الارض ويتركها بحضنه ويحاول يلعب معاها وهو متقروش تماما : بس يا عمري إنتي وشبك تونا نضحك مع بعض !
مسح على شعره وهو يناظر بڪاءها اللي قطع قلبه سحبها لحضنه وهو ينطق : وش تبين يعمري مب موسخة ليه تبڪين؟
ترڪها وهو يقوم يسحب الجوال جا بيتصل على موج لڪنه تراجع وهو ينطق لنفسه : مستحيل الحين تضحك علي وتطقطق وتقعد تعاتب
التف لديم اللي تلون وجهها لألحمر من ڪثر البڪاء وقرب لشنطتها وهو يطلع الاغراض : وش تبين يا بعد عمري انتي
أشرت ديم للحليب وهي تنطق ببڪاء : حابييي
"حليب "
زفـر وهو يسحب الرضاعة والحليب ومطارة الموية الساخنه ويسويها ع السريع مدها لها ومسڪتها وهي تشربها وناظرها وهو يبتسم على جنب قرب وهو يبوس ڪفوفها ووقف وهو يزفر بهم وانزاح عنه من عرف الحل التف للمعرڪة اللي صارت وحاول يشيل
الاغراض على السريع ورجع لمڪتبه يڪمل شغله وهو يناظرها ڪل شوي .
انشغل بالأوراق والاتصالات ونسى تماما وجود ديم بسبب سڪوتها أخذ الملف الاخير وهو يدرس الصفقة وفتح عينه على وسعها من طرت على باله ووقف بسرعه فضيعه لدرجة ڪاد يسقط على الأرض بسبب نسيانه لها !
---------------------------------
- بالجامـعة .
جالسة عزف وموج بالڪافتيريا يسولفون بمواضيع شتى داهمهم دخول غسق الغاضب جدا وهي ترمي
أغراضها على الطاولة وتجلس متڪتفة بادلت
موج عزف الأنظار ونطقت عزف بهدوء : غسـق فيك شي
غسق ناظرت موج بغضب وهي تنطق بغبنة : علمي أخوك إني ماراح أترڪه وربي لا شڪيه عند جدي !
عقدت حاجبها موج : أخوي مين فيهم وش السالفة
غسـق : مين غيره يعني عسافوه تخيلي طاردني من المحاضرة وقدام الڪل أحرجني والسبب سخيف مثله .
عزف ناظرت موج ونطقت موج : أخوي من متى يدرسك اللي أعرفه محاضراته ما تصادفك !
غسق : ليت ڪمل ولا صادفته بس دڪتور بندر حول ڪل محاضراته لاخوك من سوء حظي وجاي يوريني أن الدڪتور الملتزم وربي غبنة .
ڪتمت عزف ضحكتها وهي تهز أكتافها : وش مسوية فيه خبري عساف إنسان هادي ويعني مرة مسالم !
غسق ببڪاء : وأنا وش يدريني أقولك قص وجهي قدام الڪل يقولي اطلعي برا ما أحد يدخل من بعدي وأنا بجدولي مڪتوب المحاضرة مابدت ويقولي متأخرة .
موج مسحت وجهها وهي تنطق بضحكة : خلاص أڪلمه وأشوف مع أن مستحيل يسمع مني لان يرفض أڪلمه عن الطالب مصدومة من أسلوب عساف معليش .
عزف : ڪلنا مصدومين غسق متأڪدة ماقلتي له شي
غسق ناظرتهم بقهر : والله ماقلت ليه ماتصدقوني أصلاً أحب محاضرات البزنز بس من اليوم ڪرهتها دام أخوك اللي بيدرسني .
ضحڪت عزف عليها وهي تسحب الڪوفي وتشربه
التفت موج لجوالها اللي يرن ونطقت وهي ترفعه : أنا خلصت محاضراتي آسر بمرني بنطلع الليل صح .
عزف بهدوء : قلت لك ماراح أطلع
غسق بإستغراب : اي طلعة
موج مسڪت ڪف عزف : لو ما خرجتي معانا ماراح نخرج ڪلنا لا تترڪيني أزعل منك عزف .
عزف ناظرتها بحزن : بـس
قاطعتها موج : لا بس ولا ودي بأعذار بتجين
غسق : يهو أي طلعة
عزف بهدوء : رعد عازمنا ووده ڪلنا معاه وأولهم أنا
غسق ابتسمت : الله وين بنروح ؟
عزف هزت أڪتافها بتنهيدة وهي ترجع لانڪماشها نطقت موج : أشوفڪم ببيت جـدي بمشي أنا
غسق ابتسمت لها : سلميلي على ولد العـم
ابتسمت موج وهي تبتعد وتأشر لهم بالوداع عدلت حجابها وهي تلبس نظارتها الشمسية ابتسمت أڪثر من لمحته مستند على السيارة ويدخن وقربت منه وهي تشتت أنظارها : ڪم مرة حڪينا على الدخان
رماها مباشرة وهو يدوسها برجله : أحاول أرجع أقطعها آسف
مسڪت يده وهي تشد عليه وترڪته وهي تدخل
السيارة دخل بعدها وهو يسحب العطر ويخلط ريحة الدخان اللي انتشرت بالعطر وفتح الشبابيك لجل ما تختنق : وين ودك نروح تصدقين ودي أمسك خط
ابتسمت موج : والله ما أقول لا بس رعد اليوم مواعدنا نخرج خرجة بنات تعويض لعزف آخر مرة ڪانت حابسة نفسها وما جات .
تنهد آسر : أخ هالرعد بس لو أنه ماهو عمي
ضحكت موج : معليش يعني !
آسر وهو يناظر ساعته : بس والله مشتهي أمسك خط ونروح البحرين نرجع قبل المغرب وعد
موج لوت شفايفها وماودها ترفضه : عيوني لك ما برفض لك طلب بس بتصل لابوي أعطيه خبر
هز آسر راسه : أڪيد
-----------------------------------
عنند قسور .
لمحها نايمه على دببها وبجنبها رضاعتها بشڪل مالئڪي تماما ابتسم بتوسع لدرجة حس بيتفجر من الضحڪة اللي انتابته من شڪلها قرب وهو يحملها على ذراعه وطول بقبلته لها وهو يقرب يحطها على الڪنب الموجود بالمڪتب مسح على شعرها وهو يجلس بقربها ويتأملها .
------------------------------
- العصر ببيت هزاعع .
خرجت من الشاور وهي تجلس على ڪرسي التسريحة بتعب فضيع من أول ماصحت وهي تحس بصداع تام وڪارهه نفسها سحبت المسك وهي تحط لها منه على أماڪن النبض ترڪته على التسريحة وهي توقف ونزلت وهي تدلك جبينها من الصداع اللي تحس فيه دخلت المطبخ وهي مشتهية تسوي أي شي يطلعها من حالة الاڪتئاب والملل من الروتين اللي تعيشهوقررت لـ اول مره ومستغربة ڪيف اشتهتها هي القهوة العربيـة هي أبدا ماهي من عشاقها وحتى لو جلست مع أهلها ماتشربها تذڪر مرات ڪثيره تشوف فيها هزاع يسويها ويخرج برا بالحديقة يجلس لحاله وبالرغم من أن يصير ودها تشارڪه ولو شوي من هذه الجلسة لڪن مو من اهتماماتها أبدا وما تعجبها لذلك تڪتفي بأنها تجلس بزاوية من زوايا
الصالة وبيدها ڪوبها الاسود مليان قهوه أمريڪية مرڪزة وتشربها بروقان وهي تطقطق بجوالها أو
تتابع مسلسل سحبت علبة الهيل وهي تسويها بطريقة هزاع تماما واستندت على دواليب المطبخ وهي تنتظرها ابتسمت بتوسع وهي تجهز صينية القهوة
وبجنبها التمر قررت وفجاة بأنها تجلس مع هزاع لانه على وصول من دوامه اول مرة بتحاول تتعايش مع طريقته في العيش والأهم هي أنها توقف معاه لما يروح يشوف صقره شاهين ومن بعدها بتجلس معاه بالجلسة الخارجية تذڪر وتعرف أن يعشق العود ويدندن وصوته حلو لڪن ولا مرة سمعته أو شافته حتى بجلساتهم العائلية قبل ڪان معروف بهالشي و للحظات ڪثيرة يشارڪهم بهالشي لڪنها دايما تكون مختفية لانها ماڪانت تشوف نفسها فيهم دايما تشوف أن بأڪملهم عايلة إلا هي غلطـة ومحد يحبها
ومحد يبي تڪون معاه لذلك ڪانت دايم التهرب و أول شخص يهرب من هالجلسات وتنزوي لحالها بأي طرف بعيد ماتسمع فيه أصواتهم أو تشوفهم فيه ولو تظل بالساعات محد يحس بإختفاءها خرجت وبيدها الصينية وتقدمت للجلسة وهي تترك الصينية وترفع عينها لصوت الباب اللي انفتح وانذهلت ملامحها من شافت وجهه معدوم من الضرب والشر يتناطط بوجهه رڪضت خلفه من ما عبرها ودخل ونطقت بخوف : هزاع متهاوش مع مين
هزاع وهو يصعد لألعلى وما رد عليها تسابقت بخطواتها بسرعة وهي تحاول تلحقه : هزاع وش اللي صاير مع مين متضارب
هزاع بغضب : اترڪيني لحالي ولا تجين
ميان بخوف عليه : شايف وجهك
هزاع صرخ فيها : ميـان لا تلحقيني
تجاهلته وهي تدخل خلفه غرفـته وصرخت من دفها للخارج بخفة لڪنها طاحت وصرخ : قلت لك لا تدخلين وأساسا ڪله منك ماتفهمين
ميـان دمعت وهي تناظره : لا
هزاع ناظرها بغضب واستغفر وهو يقرب ويرفعها : تعورتي ؟
رجف فڪها وهي تناظره تحاول تكتم بڪاءها من شكله وڪلامه وهي مستغربة ضعفها التام اللي تغير من أخذها هزاع استغربت ڪلمته " وأساسا كله منك " نطقت برعب : وش قصدك
ناظرها بهدوء وهو مستغرب سؤالها اللي من عدم : على
بلعت ريقها : انا السبب بـ إيش
ناظرها بعمق وهو يبتعد عنها رافض الجواب وقفت وهي تلحقه : هزاع أڪلمك وش سويت قاعدة أحاول أتغير رغم ان مو من عوايدي نطقت بغبنة وتغير صوتها : حاولت ڪثر ما أقدر أغير مني عشانك و جالسة أحاول لڪن
قاطعها وهو يناظرها : وتحاولين بين الاثنين صح تحاولين ترضينه وترضيني .
بلعت ريقها وهي تناظره باستغراب : أرضي مين
أشر على الخارج ونطق بصراخ وغضب من نفسه : على الـ ** اللي واقف برا عند باب البيت حتى بيتنا علمتيه على العنوان ميان أڪرهك وربي وڪل يوم أڪرهك وليت تزوجتي راعي المخدرات وما أخذتك وابتلشت فيك أنا وشش يضمني شرفك يا ميان وهو حتى بيتنا تدليه تدرين لو مو ماسك نفسي وشسويت قتلتك يا ميان وربي مايشفي غليلي حتى دمك انتي متخيلة إنك مخليتني أفڪر فيك بأسوء طريقة ومتخيلك *** أنا ڪيف اثق فيك وهو برا وش يضمنني أن بعدم وجودي ما يدخل لك هنا و
قاطعته بصراخ وصدمة من ڪلامه وشتمه وشكه فيها بهالسوء رغم أنها نفسها ڪانت مهيئة طريق الشك له لڪنها تحلف الحين بأغلظ الايمان أنها ما أعطته عنوان بيتهم أصلاً مستحيل توصل لهالغباء ومستوى عدم الاهتمام أن يعرف عنوان بيتها اللي تدري أن هزاع لو شافه ممڪن تصير مجزرة دموية بينهم هي مو بايعة نفسها بتاتا ولا ودهـا بأن بسبب حرڪاتها
الغبية هزاع يصيبه شي وتندم طول عمرها مسحت وجهها لاڪثر من مرة وهي تحاول تحافظ على رجفتها وتجمـع الحروف لجل تنطق ونطقت بقوة استجمعتها لثواني وانهارت أول مانطق لسانها : جالس تظلمني هزاع
هزاع صرخ فيها وتجاهل : أظلمك
ضحك بسخرية من الكلمة : أنا حاولت ڪثر ما أقدر أدور لك عذر ڪثر ما أقدر ولا زلت أحاول إني أفهمك وش ودك إنتي مريضة نفسية ما مديت يدي عليك أنا لما أغير تصرفاتي وأجرحك بالڪلام ما أقدر أنام من
التفڪير وانتي تارڪة حبيبك جاي لهنا تخونيني يا ميان تخونيني تخونين شرفي وانا والله وجالل والله لو مو ماسك نفسي ما اترڪك لين ما أشوفك جثة قدامي وأدوس عليك وأمشي واستخسر عليك حتى صالة
بڪت بقوة وهي تنطق : والله العظيم ما أعرف ڪيف عرف أنا مو غبية يا هزاع مو غبية أعطيه شرفي من شرفك ڪيف راضي تشتمني بشرفي
هزاع ومن أثار الصراخ انبح صوته مسك عضدها وهو يضغط عليه ويحاول يهدي من نفسه : فيه نار بصدري وإنتي السبب والله يا ميان لو أشوفك تبڪين دم والجروح بجسمك حلال من رش عليك ملح وترڪك تحسين بالنار زود دفها وهو يسڪر الباب بوجهها واستند على الباب وهو يخلل يده بشعره بقوه وده يڪسر عظام مايشفي غليله اللي سواه فيه وهشم
وجهه لحد ما أخفى ملامحه وترڪه ومشى وماعنده خبر فيه أحد تالحق عليه أو مثل الڪلب مرمي بوسط الشارع .
-------------------------
-بالليل بـ بيت فهد .
جالسة صدود بجنب المهـا " الجدة " وبحضن صدود ديـم وبالقرب منهم جلسة البنات من غسق وأختها وأسرار ومـوج التفت أسـرار لموج وهي تنطق بشبه غيره مصطنعة : أقول موج رحتوا الڪوفي اللي وريتك بالتيك يوم رحتوا البحرين شفتك مصورة شي شبيه له أمانة قولي لا .
ضحڪت مـوج وهي تناظرها وعارفة مدى حب أسرار لهالڪوفي وتنتظر يفتح بالشرقية لجل تعيش فيه هزت راسها تغيضـها : يجنن يا أسرار يجنن شرح و ڪبير وطعم الڪوفي يهبل .
أسرار ڪشرت وهي تناظرها : أمانة يعني آسر ما قال عندي عمة مسڪينه مڪروفة بالجامعة ولا بس لحبيبة القلب يحس
غسـق بضحكة : إنتي وش يبي فيك الولد رايح يفتح نفسه بوجه موج ويغير جو وإنتي ناشبة
أسرار بتنهيدة حزن مصطنع : متى أتزوج وأوريڪم
غسق ضحكت وموج ناظرت غسق وانهارت ضحك : يخي اللي يشوفك بس معنفـة
أسرار هزت راسها : نفسيـا معنفة ورعـد السبب
دخل رعد وهو مذهول من سمع الڪلمة الاخيرة : يا هالرعد اللي ڪل الدنيا عليه وضده وش سويت يا تبن ؟
صدود التفت وناظرته وهي تعاتب بتمثيل : إيه يا رعدوه أنا أوريك من تزوجت ما أشوفك قلت مسكينة صدود مڪروفة وبعيدة عننا بنعوضها بس لعزف ؟
جلس رعد جنب عزف المشتته فڪريا وهو يتحضن أڪتافها على جنب : بعد الناس مقامات
وغمز وهو يضحك ويناظر لعزف : مو صح يا عزف
شهقت صدود وهي تناظره : أفا رعـد
ضحك رعد وهو يأشر بالنفي : أمزح يا أم ديم شدعوه عليك ڪلهم يجلسون ونطلع أنا وإنتي أفا عليك
صدود شمقت بوجهها وهي ترفع جوالها اللي رن : اي بس أڪذب علي بروح مع زوجي ما أنتظرك
باست راس جدتها وهي تودعهم وتخرج التفت المهـا لموج وهي تنطق : وين أخوك يا موج
عقدت حاجبها موج : مين فيهم جدة
المهـا : قسور ما عاد يمر وهذا بيتڪم فوقنا يا موج
اخذت نفس وهي تزفره : والله يا جدة ماعندي خبر يمڪن مشغول هاليومين صاير يتأخر بالمڪتب ڪثير قبل ساعتين رجـع ديم وراح .
المها تنهدت : وش صار على الخطبة أبوها وافق
موج شتت أنظارها وهزت أكتافها : ادعي لهم جدة قسـور مصر عليها
عزف وأخيرا قررت تشارڪهم : ليه مصر يحبها
موج التفت بترد وجاوبت المـها : ايه يمه يحبها
عزف بشبه غضب على أبو عروب : وليه مو موافق أبوها يحصل له قسور !
ضحڪت المها وهي تنطق بهدوء وتوقف بتمشي : فيه مشاڪل بينه وبين قسور
وقف رعد وهو يأشر : يلا اترڪونا نمشي بطلع مع العيال بعدها وماودي يفوتني شي
أسرار أشرت عليه وهي تنطق باستهزاء : يعني تفضـل يحصل لك يطلعون معاك هالزهرات الجميالت وتتركهم بالوسط لجل أخوياك ؟
رعد : ڪلمة وحدة وبترڪك تبڪين بالبيـت
أسرار بقهر : وجع رعد دايم تهددني ما أروح
ترڪت الطرحة وهي تجلس بحزن وزعل .
ونطقت غسق بذهول : أسرار أمانة لا تخربين الطلعة قومي
أسرار بزعل : روحو عني ماراح أجي
تأففت عزف : أسرار جنيتي
أسرار بصراخ حزين : وجع قلت لڪم روحوا خلاص
رعد تأفف وهو يمسح وجهه من دلع البنات : والله ياخذني خلاص قومي آسفين طلعتي توجعين الراس
أسرار تڪتفت بحزن : شوف ترا للحين تغلط
رعد انڪتم من الدلع وقرب وهو يتغصب قبل راسها : حقك علي يلا قومي قدامي خلاص عاد
موج ضحڪت وهي تخرج قبلهم صادفت عساف عند الباب وابتسمت وهي تقرب وتقبل خده : وين الحلو اليوم مختفي
مسك يدها وهو يضحك : إنتي المختفية جيت العصر أدورك مالقيتك توني عرفت من آسر ڪنتوا بالبحرين
هزت راسها : ايه قررنا نغير جو ورحنا لازم نروح انا وانت وصدود وقسور
ووقفت بتفڪير : وزوجة قسور لو صار نصيب قريب
ضحك عساف : والبيت ڪله وش رايك؟
مـوج بتفڪير : حلو بتڪون طلعة تجنن
التفت لغسق اللي خرجت قبلهم لان رجع رعد يتناقر مع أسرار وعزف تلبس عبايتها ناظرت موج فيها ورجعت أنظارها لعساف وڪتمت ضحڪتها عليهم شمقت غسق بوجهها وهي تنطق بوضوح : وجـع
رفع عساف حاجبه بذهول وهو يشوفها تمشي من قدامه ومتجهة لسياره رعـد .
-----------------------------
- ببيت آل غانم .
بغـرفة عـروب اللي تنتظر سدن تجي دخلت سدن بملامح مرهقة ومتعبة مخفيـة اغلبه تحت المڪياج الخفيف اللي حاطته ابتسمت لها وهي تقرب تحتضنها ومباشرة تجمعت الدموع من حست بالغصة شدت عليها واستغربت عروب لڪن نطقت سدن بتبرير ڪاذب : أحس أنك واحشتني حيـل يصير نظل ڪذا
شوي
شدت عروب عليها وهي أڪثر شخص يحتاج هالحضن : أڪيد يا عيون عروب
ابتعدوا عن بعض بعد دقايق ومسحت سدن دموعها : ارتحت .
عروب ابتسمت لها وهي تجلس على الڪنب وتناظر سدن : والله دنيا وصارت أخبارك بعيدة ڪيف حالك.
أخذت سدن نفس وهي تڪتمه وتحس بالغصة ڪل شوي تتجمع وهي خايفة على عروب وتحس أنها خايفة عليها من نسمه الهوا عروب ما تستاهل أبدا عروب ريشة والهوا يطيرها بدون ماتحس تسابقت دموعها وخافت عروب عليها وهي تظنها مهمومة من
حالها : سراج سوالك شي للحينك مو قادرة تتقبلين؟
هزت سدن راسها وڪكت بصوت عالي بدون ماتحس خافت عروب وقربت وهي تحتضنها : سدن لا تخوفيني فيك شي بخير
سدن وهي تحاول تمسح دموعها اللي تنزل : بخير بس أحس بحزن بقلبي حزن ڪبير وخايفة
عروب احتضنت راسها وهي تقبله : بسم الله على قلبك اذڪري والله أنا معاك لا تخافين
شدت على حضنها وهي تڪمل بڪاءها على صدر
عروب ظلوا لوقت طويل يسولفون وڪل وحدة تفضفض للثانية مستغربين حالهم اللي تغير بأشهر
ڪانت جلستهم ضحك و وناسـة وانقلبت لهـم ونڪد وخنقة .
ارتاحت عروب من سوالفها مع سدن اللي طولت ومشت من دقايق ومباشـرة سمعت صراخ أبوها دوى الشقة خرجت وهي تشوف عدي مسڪر اذنه وخايف
وأم عروب تحاول تهديه وتستوعبه سحبت عدي لحضنها وهي تدخله الغرفة هدته بڪلامها وأعطته سماعات وخرجت وهي تصرخ بوجهه أبوها بدون شعور من عرفت الموضوع رجع لقسور وخطبتها والدموع نزلت بدون شعور : أڪرهك صرت أڪرهك يبه والله رجع لي أبوي اللي يخاف علي ومايرضى علي رجـع لي علي اللي يحبني ويخاف أطيح من
هدب عينه .
علي ناظرها بڪسره مستحيل فيه أب بيقدر يتحمل ڪره بنته له بنظرة أو ڪسرة عين فڪيف لو نطقتها
لو نطقت بالڪره الشديد لابوها لسبب تافهه ما استحى يذرف دموعه أمامه بصدمة .
دخلت غرفتها وهي تسڪر الباب وانهارت بڪي ما ڪان ودها أبدا تقول هالڪلام لابوها حتى هي ما تتحمل تقوله وندمت مباشرة من قالت لڪنها لا زالت تحت صدمتها منه ومن تصرفاته في الفترة الاخيرة رافضة تقبل ان هو يحبها ألن قدم الفلوس وخوفه من السجن عليها عرفت أن تهاوش مع قسور للتو ورفضه
وبيرفع عليه قضية تهجم لو استمر بطلبه وڪلامه ومو خايف بتاتا من فضيحة قسور اللي تجهلها انسدحت على سريرها وهي تسحب جوالها تحاول تطلع من مودها وبلعت ريقها وبعقدة حاجب من جاتها رسالـة من قسور مڪتوب فيها
" انزلي أنا تحت انتظرك والحين "
ردت عليه بغضب : لا مستحيل انزل
قسـور ڪور يده بغضب ووده يهشم وجه علي : لو ما نزلتي ما يهمني لو صعدت
عروب تنرفزت من أمره المباشر وتهديده اساسا نفسيتها بخشمها وودها تطلع قهرها بأي أحد وڪأن قسور جا على طبق من ذهب انتظرت لاڪثر من عشر دقايق تعمدا ولجل تتأكد ان محد بالصالة وتقدر تخرج من الشقة بدون محد يسألها سحبت عبايتها وهي تتحجب وتخرج وارتاحت نفسيا من شافت هدوء الشقة بعد الحرب اللي صارت من دقايق خرجت وهي تنزل لتحت وتقلب بعيونها بملل وقهر وغضب داخلي لانه السبب ڪله متمحور بقسور أبوها تغير عليها بسببه وأبوها اضطر يبيعها بسببه وسبب تغير حياتها بسببه وتعبها وإرهاقها ومشاكلها ڪلها بسببه ناظرته من بعيد مستند على السيارة وجاهل الدخان رقم كم شرب يحرق داخله من قهره قربت وهي تتكتف : خير
اشر على السيارة وهو ينطق بمراوغة ويناظر الحي : نتڪلم بالسيارة دقايق بس ما بطول لجل محد يشوفك ويتڪلم عليك .
رفعت حاجبها بسخرية : فجاة قررت تخاف على سمعتي
قسور ناظرها بهدوء : ما بتحرك دقايق قلت لك
زفرت بملل وهي تدخل ثواني ودخل جنبها وهو يناظر سيارته المظللة عقد حاجبه بنرفزه وهو يمد يده ببرود لألقفال يقفلها ويحرك من مڪانه والتفت عروب بصدمة له وشهقت من استوعبت من نطق " أبوك يبيها خطف وغصيبة "
رفعت حاجبـها بمحاولة للبحث عن عذر لحركته و ڪلامه اللي رماه بحر وحرك تكتفت وهي تناظره : قلت ما بتتحرك و وش معناه ابوي يبيها خطف
قسور ببرود : مافهمتيها استدرجتك يا حلوة أبوك ما يبيها بالطيب وأنا بوريه إني أقدر آخذك لي سوا راضي او لا .
رفعت حاجبها أڪثر بذهول وضحكت بسخرية تامة لانه تظنه يمزح : وش حرڪات 2009هذه أقول قسور وربي مصدعة ونزلت اسمع اللي بتقوله وبنام وقف في مڪان اترڪنا نسمع ڪلامك ورجعني واترك هالمزح ترا مو رايقة .
قسور وتارك ترڪيزه بالطريق : ليه شايفتني اضحك عروب انتي شايفه أبوك بخطبة وعادية سوا هالشوشرة انتظره يسوي الاعظم وانا قادر آخذك
عروب بغضب مباشر حاولت تتجاهله بداخلها : لا ماهو على ڪيفك يظل أبوي ومو من حقك تخطفني قسور رجعني بيتنا والحين وبعتبر إني ماسمعت اللي تقوله ولا هالخطف النايم اللي سويته .
قسور ناظرها بهدوء وتجاهلها وهو يڪمل سواقة صرخت فيه لجل يسمعها وصرخ هو فيها بالمثل لحد ما تجمدت ولزقت بالڪرسي من صرخته : ما عجبك هدوئي وودك يقلب وجهي يعني
رجف فڪها وهي تناظره بذهول من تغير شخصيته بثانية وحدة بلعت ريقها ودموعها بدت تتجمع في عينها وانهمرت على خدها برعب تام منه ومن اللي
بيسويه أخذ نفس وهو يشد على الدرڪسون والغضب معتريه من نفسه لانه صرخ عليها رافض يلف لها ويشوف دموعها او وجهها المنخطف من رعبها لانه حاس بحرڪاتها وشدها على عبايتها .
شتم نفسه بداخله وما ڪان وده يوصل لهالمرحلة ماسك نفسه وبالقوة لجلها وما وده تعرف عن موضوع الخطف وأن ولد عمها لانه خايف على انهيارها الود وده لجلها وبس ما تعرف لألبد ويأخذها من عايلة آل غانم ڪ بنتهم وبس هذا ڪله لجل ما تدخل بحالة اڪتئاب أو انهيار عصبي يصيبها من الخبر خايف عليها حتى بالدمعة اللي بتنزل منها وبتجرح خدها وما وده تعرف وهي بهالبعد منه وده يڪون بذاك الوقت
أقرب لها من روحها والڪتف اللي تستند عليه
وقف بعد مدة لا بأس فيها ليوصل لبيتهم بلعت ريقها وهي ماعندها فڪرة عن المڪاان اللي جات فيه لڪن مجرد ما شافت بيت نطقت برجفة واضحة تماماً : قسـور أمانة ما تسوي فيني شي أمانة لا أهون عليك بس لجل تڪسر أبوي ! .
-----------------------------------
توقعاااتڪم !.
بننات اعذروننيِ على اتاخخير تععبانه ذي الفترهه مرهه ادعو لي لعلڪم اقرب منيِ الى الله .
قعدهه امر بفترهه صععبه مرهه فعذرونني على التاخير والخبطه .
*____________*
*: يتبــ؏ ..*