واسال ظلام الليل عني يقولك اني معه دايم الى طلعة الروح - البارت17 - بقلم خلود عبد الرحمن - مكتملة | روايتك

*_* *روايه : `واسال ظلام الليل عني يقولك`* *`اني معه دايم الى طلعة الروح` ♡゙.* *البارت : «17» .* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *____________* اشوفك بالدروب وفالملامح ڪل يوم تبيّن واحس ان الخطاوي ڪلها صوبك توديني . -------------------------------- - ععند مييان . مدت يدها لساقها وهي تدلڪها بألم رفعت طرف سروالها وهي تشوف الڪدمة واضحة من أثر طيحتها تنهدت وهي تجلس على بداية الدرج وتشوفه تماما واضح لها تحرڪاته بالصـالة سحب مخدة من المخدات وهو يعدلها وانسدح بهدوء وذراعه على جبينه ويناظر السقف بشتات كله تحت أنظارها بلعت ريقها بحزن وتعب وإرهاق من قلة النوم ظلت تسرح بعالمها والوقت مر بدون شعور منها وهي تشوف هدوء حرڪته واللي تأڪد نومه بللت شفايفها وهي توقف وتتوجه لغرفته اللي ترڪها غرفتها ونام بالصالة شتت أنظارها لتدور على لحاف صغير وزفرت من مالقت سحبت اللحاف الڪبير وهي تخرج وتنزل فيه بحذر لجل ما تطيح ولجل ما يقعد عدلته على جسمه بأڪمله وبدون شعور مدت يدها ترفع خصلات شعره اللي نزلت بلعت ريقها وهي تتنهد وجلست على الارض بقربه ظلت تتأمله بهدوء ودمعت بدون شعور مسحت وجهها وهي ترفع يدها بحذر وعينها تراقبه خللت يدها بطرف يده ونزلت راسها على طرف الڪرسي وهي تحاول تنام بعد بحثها عن أمان . فتح عينه على صوت الأذان وبلع ريقه وهو يحاول يستوعب نومته ويستوعب اللحاف اللي جا لف براسه وهو يشوفها واندهش وهو يناظرها بعدم تصديق اعتدل بقعدته وزفر وهو يناظرها مو عاجبته وماهو راضي يصدق أنها هي نفسها ميان اللي يعرفها تجاهلها وهو يعدل وقفته ويبتعد عنها متوجه للحمام " وانتم بڪرامة " بيتجهز للصلاة وخرج من البيت بأڪمله من سمع الإقامة استغرب وجود قـسور في نفس المسجد وتجاهله رغم نظراتهم اللي تبادلت بحدة انتهى من الصلاة ووقف ليتوجه ياخذ له قرآن ويجلس شوي استغرب نظرات أغلب الرجال وتجاهلهم ببروده وهو يبتسم بسخرية عليهم من عرف ان قسور معهم رغم انهم ڪثار وماهم قليل والواضح بأنهم عايلة تنحنح وهو يوقـف يخرج وحاس بجسد قسور وراه شهق قسور من سحبه هزاع وهو يلزقه بالجدار : وراك بلا أنت ؟ قسور رمقه بحدة : اترك والا البلا بيجيك حقيقي ناظره هزاع بحدة : ما ڪفاك اللي سويته ڪيف بيت عمي يصير لحثالة زيك قسور ابتسم وهو يناظر هزاع بثقة ونطق بنبرة مغرورة : مو يمڪن عمك اللي شاد ظهرك فيه حثالة التف وجه قسور من لڪمة هزاع وما استوعب هزاع الا وهو على الارض من دفه شخص ونطق بصراخ بوجهه : ودك يتهشم وجهك أنت هزاع بصراخ أڪبر : امسـك ڪلبك عني لا أتوطاك وأتوطاه معاك ! عـساف قرب بحده له ووده يتهاوش معاه : الظاهر في راسك حرش انت مسڪه قسور وهو يقرب منه : اترڪه عنك ناظره هزاع بنظرات قاسية ورجع عساف النظرات : انقلع عن وجهي ترا والله مو ماسڪني الا ذا عنك هزاع قرب وهو يسحب طرف قسور : أبي اشوف وش بتسوي خرج سايد " أبو قسور " وبيـده السبحة : وش تسوي أنت وياه ؟ ابتعد عساف عنه وهو ينفض نفسه ونطق قسور : أبد يبه لا تشغل بالك ناظر سايد هزاع بعمق : من ولده أنت مسح قسور وجهه بتوتر ونطق بمقاطعة : يبه جد ي وراك التف سايد وهو يشوف أبوه يتقدم وقرب يساعده ابتعد عنهم هزاع والتف عساف لقسور : داري أنك المتسبب ليه تحارشه ؟ قسور وهو يمشي وبجنبه عساف : وش سويت الحين عساف : ياخوك عارفك زين ما أنت أخوي أساسا هاليومين منت على بعضك قسور تنهد وهو يناظر بيت جده ويدخل : لو فيه شي بقولك لا تشيل هم عساف بتساؤل : ساڪن قريب مننا ؟ قسور لف باستغراب : منهو ؟ عساف بهدوء : اللي عند المسجد قسور أخذ نفس وهو يزفره : بيتهم اخر الحارة عساف بهدوء : من ولده هو ؟ قسور : قريب تعرفه وترا مابيني وبينه شي لا تخاف بيني وبين شخص يقرب له ويعرفني منه قاطعه قبل يتڪلم : مصدع تصبح على خير ---------------------------------- - عنند هزاع . دخل بيته وهو يقرطع رقبته من حس بشـد فيها تنهد وهو يشوف ميان على وضعها استغفر بدون شعور وهو يقرب منها رمى جواله على طرف الكنب ومد ذراعه وهو يحملـها : ناس تدور الشقى شدها لحضنه وهو يصعد فيها لغرفته ترڪها على السرير وابتعد لياخذ اللحاف قرب وهو يلحفها وجا بيبتعد لڪنه زفر وهو يوقف يناظرها بعمق :ڪيف وجهك مايعڪس شخصيتك ڪيف شغل التڪييف وهو يسڪر النور ويخرج . ----------------------------------- - بعد الظهر عايلة الصقر . بمجلـس الرجال جالسين ڪل على مشتهاه اللي يطقطق بجواله واللي يسولف واللي خرج لشغل مهم تنحنح قسور وهو يشوف جده متڪي ويتقهوى وبجنبـه أبوه رفع راسـه لعساف اللي دخل وناظره باستغراب واشر له قسور بأن يجلس جنبه أخذ نفس وهو يزفره : جدي ودي أعطيك خبر فهد ترك فنجال القهوه وهو يناظره : اسلم قسور وهو يشتت أنظاره عن أبوه اللي احرقه بنظراته : خطبت يا جد سايد بهدوء حاد : بدون علمنا تخطب البنت ناوي تفشلنا قسور ببرود : وأعطوني سايد ناظره بغضب وهو يصرخ بوجهه : سڪران أنت تخطب لحالك وهم سڪارى يعطون بدون ما يسألون عن أهلك وراها بلا . ضغط قسور على فڪه وهو ياخذ نفس ونطق فهد بهدوء : من بنت له ڪيف يعطونك وڪيف تخطب لحالك قسـور : مابها عيب البنت والنعم فيها الملكة بعد ما تطلع التحاليل مباشرة سايد وقف بغضب : لا بالله انجنيت وقف عساف وهو يمسك أبوه : يبه استهدي بالله يمڪن فيه شي سايد بقلة صبر : من هي بنت له يا ولد الصقر من هي قسور ارتبك وهو يناظر جده الهادي : بنت آل غانم أرتخت يدين عساف وهو يناظر قسور بذهول : وش تخربط أنت فهد ناظره بحده : تبطي تاخذها قسور وقف بهدوء : باخذها واللي رفع سبع وبسط سبع لأ خذها فهد ناظره بغضب : تڪسر ڪلمتي ؟ قسور زفر : محشوم بس مثل ما بينڪم وبينهم شي أنا بيني وبينها شي . سايد : استغفرالله وأتوب اليه ودك أبتلش بدمك يا قسور قسور قرب بيخرج : والله آسف لو إني بڪسر ڪلمتكم نهايتڪم تعرفون السبب مع ألف سلامة ابتعد عساف عن أبوه وهو يخرج خلف أخوه قسور مسك ذراعه وهو يلفه : جنيت قسور قسور ناظره بهدوء : تدعمني توثق فيني يا عساف عسـاف : أثق بس وش بتسوي ؟ قسور : بسوي اللي ماقدر أبوك وجدك يسوونه من 18 سنة عساف استغرب جملته وابتعد قسور عنه بغضب طاحت عينه على غسـق اللي جاية من الجامعه وعينها عليهم والواضح إنها شهدت ڪل شي بلعت ريقها وهي تمثل التجاهل وابتعدت وهي تدخل بيت جدها انتبهت لجلسه البنات وقربت وهي تجلس بقربهم ويدينها تشد على ڪتبها بتفڪير . عقدت موج حاجبها : غسق ؟ التفت غسق لها : هلا موج : فيك شي غسـق اعتدلت بجلستها وهي تناظرهم : أخوانك ڪانوا يتڪلمون بصوت عالي وڪانو بمجلس الرجال مع جدي وخالي سايد وشڪله صايرة مصيبة أسرار اعتدلت بجلستها : مصيبة مثل وش يعني هزت غسق أڪتافها : قسور السبب الموضوع ڪله هو بس ماستوعبت وقفت موج : أخواني مشوا؟ غسق بلعت ريقها : قسور ايوه بس عساف ڪان واقف ابتعدت موج وهي تخرج وأنظارها تبحث عن عساف زفرت من ما لمحته وهي ترجع تدخل داخل بإرتباك . ---------------------------------- - ععند عروب . تهز رڪبها بتوتر فضيع وحزن داخلي أرسل لها قسور الليلة الماضية موعدهم التحاليل ووترها زود ما طاحت عينها بعين أبوها ولا ودها أصلا لانها زعلانه عليه بقوة . دخلت سدن وهي تناظرها جاهزة وناظرتها بإستغراب : ليه جاهزة وين بتروحين عروب تنهدت بحزن : بروح أسوي تحاليل الزواج سدن ناظرتها : مع أبوك ؟ عروب رفعت راسها :لا سـدن بلعت ريقها : مع مين أجل عروب : مع قسور سدن ناظرتها بهدوء : تمزحين مايصير عروب وقفت : الا يصير ، مو أساسا أنا رخيصة بنظر عمك خلاص نڪمل الرخص وش ورانا ناظرتها بحدة وهي تقرب : اصحي يا غبية إنتي اللي مرخصة نفسك بڪلامك عزي نفسك ولا تترڪين عواطفك تسيطر عروب : مثلك يعني ؟ سدن ناظرتها بإستخفاف : بمشيها بمزاجي لانك مو بوعيك بمشيها يا عروب التفوا لصوت الجوال اللي رن ونطقت عروب بهدوء وهي تشوف رقمه : جا زوجي الموقر عن اذنك مسكتها سدن بغضب : مافيه تروحين معاه لحالڪم انهبلتي عروب : ماهو بيصير زوجي بعد أسبوع وقبل عرسك مع ولد العم خلاص يعني سدن رفعت يدها وهي تصفق عروب لجل تصحصح التفت عروب بغضب لها : شايفتني مجنونة ولا من جد مو بوعيي سدن بصراخ : ايوه لانك رايحة للنار بيدينك ! التفوا لصوت هزاع الغاضب تحت ناظروا بعض بإستغراب ونزلوا وهم يشوفون الموضوع . ------------------------------------ - بالأسفل . دخل هزاع بغضب ومتناسي تماما بأن ممڪن سدن جالسة بالصالة ولحسن حظه مو فيه لمح عمامه وجده وعلى رأس القائمة عمه علي ونطق وهو يقرب منه بغضب : عمي وش اللي قاعد تسويه مجيد ناظره بغضب : هزاع أقصر صوتك وين الاحترام لعمك ولنا هزاع بلل شفايفه : لڪم الاحترام يبه لڪن مو دارين وش اللي صاير سليمان : أنطق هزاع وش شايف وش سامع هزاع : جدي عمي علي الظاهر فيه شي لانه رامي بنته رميـة الڪلب على ولد اللي برا ضغطت عروب على سياج الدرج وهي تناظرهم بحزن مجيد مسك عضد هزاع : جنيت أنت تتطاول بالڪلام على عمك سليمان بغضب : مجيد خله واضح ڪلام ڪبير من هو هاللي برا دخل سراج بهدوء وهو يناظر الشر اللي بينهم بلعت سدن ريقها وهي تشوفه وانتبه لها عقد حاجبه بإستغراب : وش اللي صاير؟ هزاع ناظره : سراج تعال تعال علمهم عن سوايا عمي علي سراج ناظر هزاع بعتاب وقرب يهمس له : ليه تفتح الموضوع انت هزاع : ماشفت هاللي برا واقف ؟ سراج عقد حاجبه باستغراب : منهو هزاع تجاهل سراج وناظر جده سليمان : جدي عمي علي باع بيته على واحد ينقال له قسور الصقر سليمان بردت ملامحه وهو يرمق علي اللي تنهد : يبـه اترڪني أفهمك سليمان : وش اللي حاصل ؟ بلعت عروب ريقها ونطقت وهي تتقدم ولمحها هزاع وناظرها بحزن : وفوقها يعطيه ڪلمة بأنها موافقة تاخذه ويقول رايحين المستشفى عروب ابتسمت بحزن : طيب مو أنا موافقة يا هزاع بردت ماامح هزاع ونطق سليمان : علي وش اللي مسويه أنت علـي ناظر عروب اللي ضغطت على شنطتها وهي تشتت أنظارها تقدمت سدن بقوة : جدي سليمان ترا عروب قاطعتها عروب بمقاطعه : موافقة جدي أنا موافقة على قسور هزاع بغضب ناظرها : على جثتي تاخذينه عروب بعصبية : وأنت وش دخلك يومك قلت بتاخذ ميان محد قالك لا رغم انك لا تناسبها ولا تناسبك نطق سراج بهدوء : هزاع غير عروب بغضب عليهم ڪلهم : ليه لانه رجال صدق ما يهمني هالڪلام على العموم أنا وراي شغل مهم طبعا فـ نخلي أبو عدي يوضح لڪم الامور عن اذنكم جات بتخرج ومسكها مجيد : يا عمي وين رايحة عروب برجفة : لقسور عمي قسور سدن بحزن : جدي لا تترڪها سليمان ويحس عقله مو جاي يجمـع الاحداث : ڪيف تعطيها لولد الصقر جنيت انت ! هزاع ابتعد عنهم : أنا متوعد فيه من الفجرية صار الوقت ظنتي خرج خلفه سراج وهو يمسك عضده : هزاع اصحى وش جالس تسوي هزاع : هذاا وراه بلا وعمك بالمثـل سراج بهدوء : طيـب استهدي بالله طالع وداخل في هواش ما تتوب أنت هزاع تنهد : قولك وراه بلا ساڪن بالحي اللي ساڪن فيه هو وعايلته الـ ** سراج أخذ نفس وزفره : الظاهر عايلتهم لهم صلة بعايلتنا تعال ندخل نشوف واترڪه محد بيطلع له خرجت عروب بهدوء وناظرها سراج فزت عروب من صرخة هزاع : ادخلي داخل انتي الثانية لا يطلع جنوني عليك سمعه قسور ونزل وهو يتقدم ويضرب الباب بقوة هزاع ڪان يعرف أن هذا هو وتقدم ومسكه سراج : اترڪني سراج سراج مسكه بقوه وهو يرمقه بحدة :لا تخليني أسوي شي ماودي فيه انقلع داخل أنا اشوفه وأخليه يمشي ابتعد هزاع بخفة وهو يوقف أشر سراج للداخل وابتعد هزاع بتأفف وهو يناظر عروب : يلا قدامي ادخلي عروب ببرود : مالك دخل تفهم خطبني ووافقت ورايحين مع جدته مو لحالي مب أنت اللي تعلمني الاصول هزاع بغضب : يمين بالله لو أنك تحلين علي لڪسرت ضلوعك عروب رمقته بحدة : لو تقدر تمد يدك بس وربي ألڪسرها ابتعدت عنه بثقـة وهي تتقدم وتشوف سراج رمقته بهدوء وابتعدت وهي تخرج أمامه وانتبهت للسياره اللي خلف سيارة قسور بلعت ريقها وهي تدخل : السلام عليڪم ابتسمت المها : وعليكم السلام عروب ناظرت النجلاء اللي ابتسمت لها ونطقت برجفة : اعتذر لو تأخرت قاطعتها النجلاء : ماعليك يايمه محد بيجي معك اخذت نفس وهي تناظرهم وهزت راسها بنفي وببطئ رجفت أطرافها وهي ترفع نظرها لقسور اللي واقف أمامها ومستند على الجدار وبقربها جدته المها وهو واقفة معاه النجلاء تتڪلم معاه وماتعرف وش تقرب له التفت لـ المها اللي مسكت يدينها اللي ترجف : تخافين يا بنتي بلعت ريقها عروب بغصة وتنتابها رغبة بالبكاء بشكل مو طبيعي فيه ڪثير أشياء تخوف : أخاف من سحبة دم رفع قسور نظره لها وهو يناظرها بهدوء سقطت أنظارها عليه وشتتها برعب وتحس بحزن مو طبيعي ----------------------------------- - بيتت ال غانم . سليمان بغضب وهو يناظر علي : ولد الصقر يا علي وأنت تعرف اللي بينك وبينهم تعرفه عـلي بتبرير : يبه لوى ذراعي لواه وش أسوي يعني سليمان : وتقوم ترخص البنت ليه القيها بالشارع أنت دامك بترخص نفسك بالطقاق جعلك الزود بس حفيدتي يا علي حفيدتي منت أنت اللي ترخصها وتعطيه موافقتها بعدين تسألها هزاع بسخرية : ليته سألها سليمان مسح على وجهه : وش ناوي توصل له علي بإنفعال : يا يبه أقولك لوى ذراعي ڪانت نيته من البداية وده فيها أنا ما أرخصت أحد خطبها خطبة حالها حال أي بنت معززة ومڪرمة بتطلع من بيتي سليمان بغضب : اي بيت ڪيف ما تخبرنا ڪيف ماتعطينا خبر ناقصك فلوس ڪلمني مو تتصرف بغباء ولد الصقر ماله نصيب عندنا فاهم عـلي بهدوء : البنت راضية يبه سليمان بغضب : وأنا مو راضي تڪسر ڪلمتي يعني علي زفر بهم : محشوم يبه بس مو تسألها أفضل سليمان : أنت مستوعب والا جالس تستغبي على راسي أقولك ولد الصقر ماله نصيب عندنا فاهم ! ---------------------------------- - ععند قسور وعروب . انتهوا قسور وعروب وتقدم قسور لنجلا وهو يهمس : أنتم وصلوها أنا بتأخر النجلاء : ليه يا يمه صاير شي ؟ أخذ قسور نفس : لا يا حبيبتي بس همام دق علي ورايح له النجلاء هزت راسها وهي تربت على كتفه ابتعدت وهي تمشي مع أمها وعروب ورجع قسور بهدوء وهو ينطـق : لو سمحت يالطيب التف الممرض عليه : سم أخوي قسور : عينة الدم الثانيه لو ماعليك أمر عقد حاجبه الممرض باستغراب وجا بينطق وقاطعه الممرض اللي عرف قسور : ثواني بس ابتعد شويات وهو يجي ويسلمه : تفضل قسور ابتسم : تسلم يعطيڪم العافية . -------------------------------- توقعاتتتڪم . *____________* *: يتبــ؏ ..*