الفصل 3
و بفعل كيف ما قالت لمياء طبقت رجعت خاصها سبة باش تمشي عند سعاد طلعت لدارهم فين ماكان عندها شي سروال خاصها تنقصو و لا شي شوميز تحلت من شي قنت جبدتها خشات نص في ساك و نص خلاتو حتى دير بيه سبة مرة اخرى .. هزتهم و هبطت نيشان عند سعاد … دخلت كدور في عينيها و تحسس واش كاين سيف عندها
لمياء:فين دراري
سعاد:في سوايع ماكيخرجو حتى 9:30
لمياء:تمشي تجيبيهم
سعاد:يجيبهم باهم
لمياء:كاينة غير بوحدك
سعاد:لا كاين سيف خويا جالس في بيت خدام
دورت لمياء عينيها و قلبها كيضرب في مية فاش عرفتو كاين ايوا كي غدير حتى تشوفو بيت بان ليها مسدود … و ماعندها علاش دخل ليه … جلست كتحرق في بلاصتها و تفكر كي دير طل عليه … لكن سمعت صوتو من باب دار هدر مع سعاد بلاما يدخل عندهم
سيف:ه انا اختي وشيت الله يعاون
سعاد:تصبح على خير حتى غدا و نشوفك
غير سمعت لمياء باب تسد و عرفتو غيكون هبط ناضت بحالا قرصتها لفعة
لمياء:ياله خليتك انا خالتي حتى نرجع و نقول لك شنو ديري ليا لهذ حوايج نسيت بوطة شاعلة
زربت على سعاد خلاتها مافهمت والو و نزلت كتحري في دروج باش تشدو قبل مايتحرك لكن لقات غير ريح سيد طار ماعرفتو واش مشا على رجليه ولا بطوموبيل لكن اكيد بطوموبيل .. و كيدار ليها بعدا ياله هبط باقي ماكمل حتى خمسة دقايق تنهدت كتسوط و دور عينيها على الله يبان ليه مشات بخف كطل على زنقة لي حداهم لا يكون حاط طوموبيل تما لكن والو ماكاينش … طلعت مع زنقة لي كتخرج لشاريع لي غيشد باش يمشي بوزنيقة لكن مالقات والو …
لمياء ضربت رجلها مع ارض:خخختفووو على زهر كيداير
دارت من ناقص و طلعت كتسوط لدارهم شدت عوتاني تيليفونها كتقلب و تبحت … تفكرت بنات خوتاتو و قالت تقلب عندهم تقدر تلقاه عندهم .. من كونط لكونط جالسة تبقشش و تفلي في كونطات بنات خوتاتو لكن والو تقول ماكاينش .. لا حس و لا خبر شحال من مرة كذوز على كونطات ولاد خوتو لي عندو نفس كنيتهم لكن ماكدي فيهم ماكتجيب حيت ماعرفاش كنية و ماغطيحش ليها في بالها ر هي هذيك … بقات تقلب من انسطا لفايسبوك حتى داتها عينها و نعست كتحلم و تهلوس … رجعت تفيق بيه و تمسي بيه … كولشي عرفها مزعوطة في سيف ماخلت لمن عودتها و لمن قالتها … وخ طريق طرام بعيدة على دار ختو خاسها دوز من تما فاش تكون غادا و فاش تكون جايا على الله تشوفو و يبان ليها
واقفة في دربهم نهار حد من بعد مارجعت من خرجة هي و صحاباتها مع حسنا كتشكي عليها
لمياء:اويلي اختي عرفتي غير هذ سيمانة مشيت عند ختو تلاتة مرات و ماتلقيتوش قولي ليا كي ندير
حسناء:ايوا اصاحبتي على اقل ضبري غير في كنيتو لا نمرتو
لمياء:ياك بعدا عرفتي شنو سيري سيري انا غنمشي نجيب من عندها حوايجي و نشوف كي ندير لنمرة
ضربت دورة لدار سعاد كتسوط و طلب الله يكون تما … بانت ليها رونج كحلة واقفة حدا باب حققت فيها مزيان عاد صونات جاوبتها فرفيرة ديال بنت سعاد حلت ليها باب
لمياء :دعاء اش خبارك
دعاء:لاباس هاي هاي على تفركيس فين كنتي
لمياء:كنت خارجة كاينة ماماك
دعاء:اه جالسة مع حبيبي سيف …دب شنو دير تبان عفوية و دخل عندهم لبيت فين جالسين و لا دير صواب و تعيط على سعاد حتى الا قالت ليها دخلي عاد دخل و هي اكيد غتقول ليها دخلي مادام كان باغي يتزوج بيها الا وكتعجبو و لا كيبغيها علاش لا اذن حتى هو غيبغي يشوفها .. خليها تجي منهم احسن و تبقا هي متبتة و مرزنة هد هدرة كاملة دارت في راس لمياء و هي واقفة في باب كتشوف في دعاء
لمياء:كلميها ليا قولي ليها لمياء في باب
دعاء:ايوا دخلي مالك واقفة في باب
لمياء:لا لا غير قوليها لماماك
دعاء بصوت مرتفع:ماما تكلمي لمياء
خرجت سعاد عندها مبتاسمة:دخلي مالك واقفة تما
لمياء بصوت خافت:قالت ليا دعاء كاين خوك مابغيتش نبرزطك عطيني غير هدوك حوايج لي وصيتك عليهم
سعاد:غير دخلي هو اصلا غادي خارج
دخلتها سعاد لبيت جلاس مخبي على باب ماكتشوفي شكون خرج و لا شكون دخل … حتى سمعتو عوتاني كيهدر مع سعاد ناوي يخرج … تنهدت مفقوصة ايوا ه عفوية ياله شدي مابغيتيش تمشي تشوفيه تجي منو ايوا ه هي جات منو و خرج خوا دار كاملة داق عليها خاطرها و فرحة كاملة لي فرحت فاش عرفتو كاين رجعت عليها بغبينة … داقت عليها دار سعاد و رجعت ياغا غير تخرج و تمشي لدارهم تسد عليها في بيت لكن طاحت عليها هدرت حسناء بحال كاس ماء خودي غير نمرتو بعدا … ضربت ليها في راسها بخف و بدات تبحلس و دور في عينيها
لمياء:خالتي سعاد عطيني تيليفونك نشوف شي حاجة ماعرت مال واتساب عندي مابقاوش كيوصلوني ميساجات حتى ندخل ليه
هزت سعاد تيليفون عطاتو لمياء لي دغيا دخلت واتساب كتقلب على نمرة سيف بلاماتعيق … كان نيت من اوائل لي كتهدر معاهم سعاد … ياله بغات تسيفط نمرتو ليها لكن جلست حداها دعاء و مابقا عندها كي دير دغيا خرجت لكن شافت ربعة ارقام لولين .. و ربعة اواقم لولين اس غدير بيهم و هي خاصها رقم كامل غتبقا تقمر حتى طيح عليه .. مالها اش خاصرا عندها بعدا ربعة لولين و لخرين تجرب في طروكالر حتى يطلعو ليها … هزت حوايجها من عند سعاد و مشات دار … سهرانة على هدية نمرة فين ماكان شي تيليفون دخلت ليه طروكالر … كتقلب على نمرة و لكن كي غدير ليها شحال قدها ما تقلب … ماعياتش و لا تهدت كل نهار تقلب گاع تيليفونات دال ماماها و باباه و ختها و بنات لي خدامين معاها لكن في كل تيليفون عندها حق في عشرين نمرة في نهار … و هي ر الاف نوامر كاينين بهذيك بدية … لي شكت في تسيفط ليه ميساج في واتساب مرة طيح في بنت مرة مرا كبيرة مرة فشي باسل خاص غير لي يغلط في نمرتو دوزتها طول ربع شهر مرة تعيا و تحبس و فاش تفكرو يرجع ليها حماس و تبدا تقلب عوتاني … ماعيات ماتهدااات … وصل رمضان و بدات تخرج من خدمة بكري و ماكاين مايدار في دار ورا فطور … كل مرة خارجة مع صحابتها … و ديما جارهم لقهاوي ديال بوزنيقة على الله تلقا بيه فشي قهوة و لا شي فوروج و لا شي قنت مودر غير تشوفو و تكحل بيه عوينتها … فين ماتفكرو طيح في بالها صورتو بكاسكيط غير خمسة دقايق ماكاملة خلاتها واكلة جوانط تمن شهر و مايزيد عليها … جالسه في دارهم من بعد ماغسل ماعن و صلاة ماعندها هذ ليلة فين تمشي عاصرة على كاس عصير شاط من فطور و شباكية … حتى سمعت مها كتعيط من بيت لاخر
فاطمة:نوضي لبسي جلابتك نهبطو عند سعاد قالت لك معمرة اتاي كتسنانا
ناضت قافزة خشات هذاك كاس في تلاجة و لبست بخف دوزت مشطة على شعرها و خشات بلغة في رجليها مع تقاشر بيضين … نازلة في دروج و كطلب الله تشوفو وخ غير دقيقة … باقي متكملتش دعوتها بان ليها باب موبل سعاد كيتحل و خرج هو لول سابق سعاد حل كوفر جبد منو شي حاجة عطاها ليها و وقف معاها في باب كيهدرو …