دخلوه لقلبــي - الفصل 1 | روايتك

هابطة من طاكسي كتجر في باليزتها جامعة شعرها سفنجة باينة طويل و رطب سخفانة كدور في عينيها و تعير في ولاد دربها لي جالسين في خاطرها وقفت حدا باب دارهم كتصوني حتى حلت ليها ماماها باب طالعة هازة باليزة كبر منها مضاربة معاها في دروج بزز باش طلعتها لقات باب محلول دخلت وسط دار كتنش و تجر في كسوة قصيرة لي لابسة خفيفة صيفية موردة لمياء:اووووف و مووت ديال صهد شدتني سخفة لي بغا مراكش في هذ صهد الله يطليه بيه فاطمة:جيتي بصداعك عوتاني قولي غير سلام بعدا لمياء:سلام كي دايرة لاباس فاطمة:حمد الله كي دوزتي تسافيرة لمياء:مزيان بخير غير صهد لي قتلني مراكش ماشي ديال صيف غندخل نخوي عليا شي سطل ديال ماء بارد عرفتي كنحس بعافية خارجة مني حيدت كسوة في طريقها لبيتها هي و ختها صغر منها مشاركين فيه حلت باليزتها جبدت لاطروس ديال حمام و خرجت لدوش وسط دار عمرت سطل و جلست فوق كرسي دوشت بخف غير بردت راسها من صهد … خرجت ملوية في فوطة نيشان لبيتها جالسة حدا بالبزتها كتجبد في كريمات و ذهن كل بلاصة اشمن كريم ذهنن ليها ريحت راسها و لبست بيجامة خفيفة خلات شعرها فازگ غير نشفتو بفوطة و خرجت تسرحت حدا فاطمة في وسط دار مجمعة معاها حتى دخل خوها من خدمة جلس حداهم فاطمة:نوضي حطي خوك غداه لمياء:و انا عيانة باقي حتى مارتاحيت ايوب:و نوضي نوضي ر جاو فيك خطاب لمياء ميقت فمها:شكون هذا ايوب : هههه خو سعاد و قال ليه با لا شافت لمياء في ماماها:علاش سعاد عندها شي خوها بلا زواج ياكما هداك برهوش لي من باها فاطمة:لا هذا واحد اخر شقيقها هو صغير شارف عندو شي 35 اش بغيتي بيه كان في امارات لمياء:اويلي على 35 لا اختي مالي شايطة ما ربع سنين ما خمسة 15 عام كاملة بزااف فاطمة:هذاك شي نيت لي قال باك كبير عليك حطت لمياء طاجين قدام خوها و هزت ساشية فيها شي سخرة موصياها جارتهم عليها لمياء:انا غنهبط عند كلثوم فاطمة:تسناي نهبط معاك سبقتها لمياء و خلاتها تابعها هابطين عند جارتهم تحت منهم … كلثوم كان خاصها غير تشوف لمياء باااش تفرگع على قضية زوااااج لي رفض باها كلثوم:اويلي واااش باااك حماااق لي جا يرجعو تقول غير هو لي والد بنت لمياء:ايوا قالت ليا ماما شارف كلثوم عطاتها صبع:هاكي نت و موك لي شارفات سمعتها فاطمة:ايوا ياختي شكرا هذا هو مضمون كلثوم ماجوبتهاش و كملت مع ليماء -شوفي نقول لك شيد شهوة منو تختاريه وسط رجال غير هو طولة و كتاف عامرين و نقي كيشعل ماتعطيهش 35 عام بمرة و زيدون 35 عام شارف في ربعينات و تلقايهم باقين كيطيرو و يتصاحبو و يدورو و هذا شارب عقلو و متبت شوفيه عاد هدري هاكا بحال شي ماجد مهندس و حسن منو فين يبان ماجد مهندس حداه لمياء:ايوا صافي انا اصلا ماداخلش ليا زواج راسي ..طاتها كلثوم صبع:هاكي شفتي الا ضيعتي هذا غير نتاحري وخ نبقا نهدر حتى غدا في صباح ماغتفهمي حتى تشوفيه سيد زوين و لاباس عليه (شافت في فاطمة) قولي ليها على دار كي دايرة عرفتي دار تخرجك منها غير موت شهوة منها على تلاتة طاج و جوج طوموبيلات موقفهم قدام بابا كيشعلو و قال لك عندو شركة عاد في افران و فيرما في جديدة بلا اراضي و ورث باها سيد بخيرو تبعي باك يعطيك شي ملقط ماعندو ماياكل فاطمة:ايوا صافي مالها اش نقصها دب سيد كبر منها و هي باقة صغيرة عندها عشرين عام اش بغات بشي زواج تكمل قرايتها بعدا كلثوم:سيري سيري مالها تزوج بيه و تقرا و يعونها هو تكمل قرايها عوض ماتخدم و تقرا هو يعاونها و تخزم معاه نيت في شركة عندو نتوما مخورين في دماغكم لمياء:و صافي دب فرعتو ليا مخي انا اصلا مابغاش نتزوج و زيدون هذا تلقاي فايت فيه زواج فاطمة:لا صراحة تقال سعاد كتحلف قالت مامزوج و لاعمرو تزوج لمياء:تلقايه شابع عيالات عرفتو انا اتنين انشاء الله غنبدا خدمة مع خذ سونطر لي تحل جديد غنوض نمشي ندرب شي دورة مع بنات طلعت لمياء خاوية راسها من موضوع زواج و من موضوع هذ سيد كيف كل مرة كيجيو فيها خطاب و يرجعهم باها حيت بنسبة ليه باقا صغيرة و نيت لي شافها ماكيعطيهاش عشرين عام قصيرة و وجها صغيرة وخ غليضة و عاطية لعين لكن كتبان صغر من عمرها … بدلت حوايجها و هبطت عند صاحبتها جلسوفي قهوة قريبة لدبرهم لمياء:ايوا صافي قلت لك شنو كاين نت كتعرفيه حسناء:لا في خبارك اول مرة نعرف سعاد عندها خوها بلازواج لمياء:حتى انا ياك حنا صحاب معاهم سنين و منين عمرني عرفت عندها خوها بلازواج حسناء:سيري اختي تزوجي بيه مالها 35 عام باقي صغير حنا بنات دغيا كنكبرو ماشي بحال رحال غير تولدي و تزادك خمس سنين دقة وحدة سوليني انا كبر منك و عرف شنو كاين بقاي تابعة صغر اش غديري بيه تلقايه خدمة هي لاخرى ماعندوش يبدا عليك صبري معايا حتى ندير دار حتى نلقا خدمة حتى نفرش حتى نجمع فلوس صداق دهاز مقاد مايجيبوش لك ماشي بحال هذا صبر راسو و جا صابر و مقاد لا اختي انا بعدا ياك عندي 27 و مانصبر مع حد و ماصبرت مع حد لمياء:ايوا صافي انا غنمشي نقول لك اجي تزوج بيا لي عطا الله عطاه حسناء:شفتي انا منك نخرج في با طول و عرض سيد بدارو اشمن دار و طروازيام و جوج طوموبيلات و شركة و قايل ليه لا شنو ياكما باك باغي ولد اخنوش لمياء:مانعرف صافي صافي دب عودت لك ندمتيني حسناء:ياكيتك ياخلاك انا منك نشد فيه شدت عما في ظلمة و نتبحلس عليه حتى يرجع يخطب لمياء:شفتي انا الا شفتو في زنقة مانعرفوش حسناء:ايوا بقاي ماعرفهاش حتى تجي لي تعرفو و تديه دورت لمياء وجها كتسوط مادخلاش ليها لراسها گااع هذ هدرة عصرت على هذيك قهوة هي و حساء حتى سعود عاد ناضو وصلو لدربهم و تفارقو كل وحدة دخلت لدارهم بدلت حوايجها و جلست حدا عائلتها كل واحد شاد تيليفونو و جالسين اب:نهار اتنين غتباد خدمة جديدة لمياء:اه انشاء الله غدا غنمشي حمام و اتنين غنبدا معاهم اب:كون خلاو حتى بداو مع راس عام نيشان فاطمة:هوما شنو كيديرو غمزتها لمياء بغات تفقص:اش كيديرو صالون ديال عيالات