جبروت رجل عاشق - الفصل 3 | روايتك

عاصم خرج عينيه كيغلي .. عرف خوه صورو فاللقطة ديال سجى ناعسة و هو كيزول ليها ليزار من على لحمها سكت شحال عاد نطق : واش عارف راسك معامن لعبتي؟ ياسين يله ايجاوبو قاطعو بغواتو : وااااااش عااارف ولا لا؟؟؟؟؟ على إثر هاد لغوتة حلات سجى عينيها مفزوعة و مدهشرة شوية وسعاتهم كتر كتشوف فالسقف ملي جاها مبدل .. فجأة كمشات عينيها بألم فاش تفكرات شنو وقع و قبل متستعقل مزيان سمعات لغوات حداها داكشي علاش تلافتت بسرعة مخرجة عينيها كتشوف فيهم مشانقين بلاما تحس نطقات بنعومة كترعد : ماما .. بغيييت ماما عاصم ممسوقش لشنو داير بيه حدو شانق على ياسين و واخد ليه التيليفون كيمسح فالتصاور لي نشر : غادي نشنشط مككك البرهووووش غا تسنااا عليااا سجى بإنفعال جمعات لوقفة ملوية عليها ليزار و مخلوعة : مااااماااااا فييييينككككك ... بععععدووو منيييي بغييييت ماااامييييي عاصم تلافت بالعرض لبطيء لجيهتها و حاجبو مهزوز : داوية من نيتك ؟ سجى غا جات عينيها فعينيه لحمرين زادت تخلعات و وجها صفار كتر .. داك الساعة رجع ليها ألم التصرفيقة لي فحنكها بحاليلا هاد النضرة ديالو فكراتها فيها : بب ب بغييت .... عاصم دفش خوووه و قلب الدورة قاصدها و حجبانو معقوديين : مزاال مسولتك بااش تجاوبيي البرهووشة سجى بحاليلا شافت ملك لموت قدامها .. مشعراتش براسها حتى غوتات بكااع طاقتها : عتقووووونييييييي عاصم تلاح على دراعها شدو ليها و كشاكشو خارجين كيسوط : علاااااش طيحتييي عليااا داك لباااطل الق*** ياسين خرج عينيه : طلاااااق منهااا الحگاااار طلاااق هز ديكور قاصح عاد قصد اتجاهم : طللق ولا غاديي نعيط لوالييد عاصم تلافت لعند ياسين : إلا كنتي باغي نقتلك اجي قرب لعنديي سجى كتبكي : غاااادييي نقولها لمامييي بعععد منييي هننن .. بعععد عاصم زاد زير على دراعها عاد نطق مزير على لحروف و عاض على سنانو : ماميي ديااالك مستحيل تفكك من هااد التبهديلة لي اندير ليييك ... انعيشك لجحييم ديال داك التمرميدة لي تمرمدت الق*** ياسين مزاعمش باش ازف بالديكور على خووه عارف طينتو و عارفو مقطع لوراق اقدر فأي لحظة اخشي فيه شي موس داكشي علاش خرج من لبيت كيجري ناوي اكلم بااه فالبيت.. سجى كتبكي دراعها ضرها بزاف : مدرت لييك والو .. رخف منيي انقولها لماميي هننن .. بليييز رخف حشومة دير هاكة عاصم صوتها كيزيد اهرو داكشي علاش هز ايدو حتى لسما ناوي اعوج ليها فمها تسكت شوية .. ساعة قاطعو اسماعيل بصرختو : عااااااصممممم حببببسسسس سجى زادت فوثيرة دلبكا فاش شافت نيهان : مااااماااااا إسماعيل بعصبية : طلااااق منهااا و دااابااا .. بلاما نسسخط علييك ا عااصممم عاصم طلق منها عاقد حواجبو حتى مشات كتجري لعند مها و كتبكي : يله نمشييو من هنااا اماميي بليييز .. مبقيتش باغا لمغرب نرجعو لبلجيكا .. بليييز مااميي هنن بليييز هناا لعيشة معجباتنيش عاصم كلما كيتلافت جيهتها كيبان ليه اسماعيل مخرج عينيه فيه .. كيخنزر حتى هو عاد اقلب عينيه لجيهة لخرا كيسوط .. سكت شحال على داك لوضعية كيسمع فيها كتبكي و تعاود فكلمة مامي .. هز حاجبو عاد نطق بسخرية مستفزة : قاتلك ماميي نيهان أعصابها كيفورو رعات حتى عيات و لكن هاد لوحش مخلاش ليها فين تراعي : اجيي معايا انمشيو دابا عمار غا كيشوف ملي دخل و هو ساكت .. كاع مخططاتو فشلو و نيهان ضاعت من ايديه و زاد كمل عليه لقرار لي تاخدو بااه و لي حطم ليه كاع أمانيه إسماعيل بجدية : آنسة نيهاان كنطلب منك و لآخر مرة تجلسي تسمعي شنو انقول عاد قرري شنو تديري سجى كتبكي : نووو مااميي نمشيو من هناا بلييز هننن إسماعيل عاود نطق بنفس النبرة : سمعي شنو انقول عاد قرري نيهان هادشي بدا كيطلع ليها فراسها : إلا كنتي اتقول داكشي لي قالتو مدام جوهرة اسي اسماعيل فماكاين لااش .. هاد التصرفات كيقولو حاجة وحدة و هو أنه ولدكم خاصو اتربا فالحباسات عاصم تلافت لعندها مخنزر و كيسوط و زاد عقد حواجبو فاش جات نضراتو على سجى لي بالنسبة ليه غا كتبوحط و تفشش بثمتيل إسماعيل تنهد اتشدو كريز بسباب فعايل ولدو : متحكميش قبل متسمعي ليا ا آنسة . . الله اخليك اجي معايا نهدرو نيهان خرجات عينيها : رجلي برجل بنتي إسماعيل شاف حتى عيا فالأخير نطق : ها عمار ايكون معاها متخافيش عليها مكاين لي اقيسها نيهان شافت فيه داك الشوفة ديال واش من نيتك و حتى هو عرف راسو غا خربق هاد لجملة : كنقصد عمار ايكون معاها مستحيل اقرب ليها نيهان تنهدات : سي إسماعيل غادي تضيع معايا لحجرة على والو .. موعدنا فالمحكمة و تلافتت لعند سجى لي قارمة عليها : يله ابنتي عمار بجدية : أحم نيهان سمعي شنو ايقول ليك لواليد عاد سيري .. سجى اتكون معايا متخافيش عليها نيهان شافت حتى عيات مبغاتش تقمع راجل كبير : تفضل اسي اسماعيل سجى وسعات عينيها: ماما منبقاش بوحدي ديني معاك هنن عمار كيطمأن فيها بهدوء : سجى ماماك اترجع دابا هاني معاك و حتى ياسين معاك و ضريف عاصم بإنفعال قاطع عمار : شنو بغيتي تقووول انا هو لي ماشي مزيان فهاااد الدار ؟؟؟؟ إسماعيل بصرامة : عاصم حسك منسمعوش عاصم عوج سيفتو : وقووول لولادك افوتوني علييهم قبل منقتل شي واحد جوهرة تنهدات اتاكل جنابها ملقات متقول من غير تسكت و تخليه منو لباه إسماعيل بقلة حيلة : آنسة نيهان تفضلي لمكتب ديالي نهدرو نيهان بجدية : حتى يخرج هادا من هنا كلهم عرفوها كتقصد عاصم اخرج باش تضمن سلامة بنتها عمار بهدوء : نيهان تيقي فيا .. هاهو ايخرج دابا غا سيري مع لواليد و جوهرة نيهان تلافتت لعند بنتها : حبيبة هاني جاية مغاديش نتعطل .. متخافيش هاهو مسيو عمار شخص مزيان ايبقا معاك بينما جيت .. اوكيي؟ هزات سجى راسها باه واخة خايفة ولكن كتيق فقرارات مها : اوكي مامي بتاسمات نيهان عاد خرجات تابعة سي إسماعيل و مراتو لمكتب ديالو تشوف علاش هاد الإلحاح كامل باش اهدر معاها فالبيت.. سجى جالسة على لكنباي كتدور فعينيها و خايفة تشوف جيهتو كتحس بيه باغي غا ينفارد بيها .. بقات هاكاك أفكارها كتضارب مع بعضياتها حتى نطق عمار مقاطعها : سجى خودي شربي لما تلافتت بعفوية خداتو من عند لخدامة : طانكيو ياسين طول الشوفة فيها : شربيه كامل سجى بنعومة بقات مبتاسمة كمجاملة على الصواب ديالو عاد شربات من لما و عطات لكاس لخدامة حطاتو فوق لبلاطو و خرجات من لبيت مخلياهم هما بربعة ياسين بحقد : مغاديش تخرج من لبيت ؟ عاصم كيخنشش فتيليفونو مصدوم من داكشي لي كيشوف و الضجة لي دار لفيديو ديال لحفلة و لكن هادشي ممنعوش اجاوب خوه ببرودة مستفزة : دخل سووق *رك البرهووش سجى ميلات شفايفها مصدومة من لهدرة لخيبة مشعراتش براسها كتهدر بشوية : حشومة ممربيش عمار دار ليها إشارة فاش حط صبعو على فمو على شكل شش باش تسكت حيت سمعها و خاف عاصم اسمعها حتى هو ياسين هز حاجبو : اتمشي لحبس اتمشي داكشي علاش سير وجد راسك ليه عاصم خشا تيليفونو فالجيب عاد قلب الدورة قاصدو غبرة حتى لقا عمار وسطهم فاكهم بإنفعال : واااش نتومااا بعقلكممم ... ياااسين سيير قابل حفاضتك يللله و تلافت لعند عاصم : خويا سير لبيتك و خود شي دوش تهدن شوية عاصم خنزر فيهم بجوج و زاد معاهم حتى سجى رمقها بنفس التخنزيرة ملي جات عينيها فعينيه : الله اعميها لييكم سجى خدودها حمارو كتزيد تصدم : حشومة مكيحتارمش عاصم جاب الله مسمعهاش داك الساعة خرج لعلى برة كيشعل فگارو و حجبانو معقوديين .. كيقول مع راسو امشي من لقصر ولا بلاش شوية دار بناقص من لفكرة و دخل لبيتو ناوي ادوش باش احيد لعيا. فالمكتب .. جالس اسماعيل مشابك ايدو كيتسنا للحظة لي افاتح فيها نيهان باقتراحو نيهان بدات كتنفاعل : سي اسماعيل اتبقا ساكت ؟ إسماعيل بجدية : ملي كنت شاب فالعشرينات كنت طموح نخلق ماركة خاصة بيا و ندير بلاصتي و سمية عائلتي فالسوق و تكون عندي مكانة كبيرة .. لحمدلله هادشي وصلت ليه بالتعب ديالي و لعزيمة لي كانت مزروعة فيا نيهان مفهماتش لاياش باغي اوصل و نفس لوقت مقدراتش تقاطعو جاتها حشومة و تصرف لا أخلاقي واخة بالها مع بنتها و باغا غا فوقاش تمشي لعندها إسماعيل هز عينو لعند جوهرة : هاد الإنسانة لي قدامي هي لي وقفات معايا فاشد أحزاني و كبرت معايا ولدي و بنيت معاها عائلة تنهد عاد رجع نطق : عاصم كبر حاقد عليا نوعا ما حيت قال مع راسو لواليد نسا الأم ديالي و مشا تزوج بجوهرة و لي زاد حقدو هو موت لمرحومة لي خلات فجوة كبيرة فلداخل ديالو .. داكشي علاش كتشوفيه هاكة انسان جاف مجرد من الأحاسيس .. لمشكيل لي وقع هو نفسو خايبة بزاف و مرضاش اتحط فداك لموقف و ادوز يومين فالحبس بحاليلا هو مجرم أما فالأصل كان ناوي اعاود غا بنتك نيهان : سي إسماعيل ممكن تقولي لخلاصة ديال هادشي إسماعيل : فالحفلة تسرب فيديو فيه التصرفيقة لي صرفق عاصم لبنتك و فيه لغوات لي وقع و داك الشوهة و لمشكيل هو أنه تلاح فالسوشل ميديا لدرجة جاو لبوليس اقبضو عليه بتهمة تعنيف قاصر حيت لقضية اتدخل فيها لجمعيات لحقوقية ديال لقاصر و لمنظمات ديال حقوق الإنسان يعني لقضية اتولي قضية رأي عام سوا نتي بغيتي ترفعي دعوة سوا لا نيهان : يعني ايتشد فالحبس فكلتا لحالتين و هادشي لي بغيت .. لحد الآن كنحتارم مكانتك حيت كنتي انسان طيب معايا و لكن هادشي مكيعنيش ولدكم منعاقبوش إسماعيل زاد تنهد : آنسة نيهان اش بان ليك نزوجوهم على لوراق؟ نيهان خرجات عينيها مصدومة : سي إسماعيل شكاتخربق ؟؟ جمعات لوقفة بإنفعال مقدراش حتى تدخلها لراسها : هادشي راه مستحيل اوقع جوهرة متفاجأة من قرار راجلها متنكرش حتى هي تصدمات و امكن كتر من نيهان كاع : إسماعيل ! إسماعيل : إلا تزوجو... عاصم مغاديش ادخل لحبس و مغاديش تمشي حياتو هاكاك ديري بوجه أنه هو لي نقد بنتك من اغتصاب شنيع كانت اتعرض لييه .. كون مكان عاصم لي نقدها كون الله احفظ معرت شنو وقع لبنتك .. متنسايش هادشي ا آنسة نيهان نيهان كترعد : و لكن اسي اسماعيل الزواج !!! وااش عارف بنتي باقا قاصر و كتقرا غا فالثانوية ! واش فراسك هادشي ولا لا إسماعيل جمع لوقفة حتى هو كينطق بجدية : آنسة نيهان .. مبغيتش ولدي امشي لحباسات واخة منفاعل و لكن قلبو بيض متنكريش أنه كون معتقش سجى كون وقعات شي كارثة لبنتك نيهان فحالة ذهول : زوااج واش عارف الزواج شناهوا اسي اسماعيل ؟ إسماعيل تنهد : قلت زواج على لورق غادي اكون لمدة قصيرة بينما الصحافة و الجمعيات نساو لقضية و من بعد ايطلقو .. مغادي اشوفها ولا تشوفو .. بنتك اتبقا معاك عادي بحاليلا ممسينياش على داك لعقد ديال الزواج مجرد اسبوع ولا جوج و تطلق ا آنسة نيهان .. كنظن معندكش داك لعقلية ديال بنت مطلقة مخاصهاش تكون .. داكشي علاش قتارحت عليك هاد لفكرة باش نحميي ولدي كيف حميتي بنتك .. كنهدر معاك بصفة أب لولدو ماشي اسماعيل لمصاوري نيهان بقات مبلوكية معرفات باش تجاوب إسماعيل : زواج على لورق فقط انعلنو بييه نيهان : بنتي قاصر ! إسماعيل : نتي اتضمنيها بما أنك ولي أمرها .. كيف قلت ليك ثمتيلية قدام الصحافة فقط لاغير ا آنسة كنتمنى تفهمي إحساس الأبوة لي كنحس بييه و كنواعدك عمر عاصم مغادي اقيس بنتك ولا امسها بالمرة .. اصلا مغاديش اشوفو بعضياتهم من غير نهار لعقد و النهار لي انعلنو على الزواج لصحافة جوهرة عارفة اسماعيل باش كيحس : نيهان وافقي عفاك .. بنتك اتسني على لعقد و من بعد هاد لعقد ايتفسخ كأنه عمرو كان نيهان : خاص نفكر انا مصدومة دابا .. سجى تسمعها تقدر دير شي حاجة فراسها إسماعيل غا قالت هاكاك تلافت لعند جوهرة و بلاما احسو نطقو : و عاصم ! جوهرة : عاصم ايحرق لقصر لا سمع الزواج داز لوقت .. جالسة نيهان على لكنباي دايرة رجل فوق رجل و قارمة على بنتها حداها كتطبطب عليها : شوية دابا احبيبة؟ سجى خبرات ليها : يله نمشيو من هنا اماما نيهان بتاسمات : كتيقي فماماك ؟ هزات راسها باه : يس مامي كنتيق فيك ... شوفي وجهي كيف ولا وليت خايبة و مبقيتش زوينة فالليسي كلشي ايضحك عليا إلا مشيت هاكة نيهان تنهدات : الدوا ايحيدها ليك اصلا فيساع اتبرة متخافيش و حتى تصحي عاد تمشي لثانوية كوني هانية قاطع حديثهم خطواتو لي كيقربو لصالون .. كان كلشي كيتسنا فييه غا هو .. نيهان جالسة حدا بنتها فكنباي و لي مقابل معاهم فيه عمار و جوهرة أما ياسين غا واقف و كيشوف فهاد لحريرة و سي إسماعيل مترأس الصالون داير رجل فوق رجل كيشبك فإيديه بعصبية و كيتسنا فولدو اشرفهم عاصم بصوت جاف : توحشتوني ؟ سجى هزات عينيها ببطء و ايديها مزيرين على نيهان بحاليلا شافت شي وحش : مامي يله من هنا هنن إسماعيل : كون زدتي تعطلتي مزال لاش محنتي راسك و جيتي بكري مور معيطنا ليك بساعة ؟ كون تعطلتي جوج سوايع اتكون عيتي عاصم حك حاجبو كيسوط : من لخر شنو ؟ إسماعيل تنهد عاد نطق : غادي تزوج نتا و سجى بقا كيشوف فيه مصدوم بحاليلا شي سطل دلما بارد تخوة فوق راسو .. يله جا انطق من الدهشة قاطعو صوت أنثوي ناعم و بريء .. باينة فيه كيرجف : انا مباغاش نتزوج اعمي ... انا مكنبغيهش باش نتزوج بيه اعمي خاص اكون لحب عاصم تلافت بالعرض لبطيء لجيهت مصدر الصوت : عاودي ااااش قلتييي ؟؟؟؟ سجى بلعات ريقها فاش تلاقاو عينيهم مع بعضياتهم بقات كتشوف فيه كترجف و مخلوعة من فكرة الزواج بشخص بحالو إسماعيل : الزواج ابنتي ... قطعاتو كترجف بعدما زولات نضراتها على عاصم خلاتو غا هو لي مخرج عينيه فيها : هو كبير عليا اعمي و بدات كتبكي خلات كلشي كيشوف : هو خايب و قبيح انا مكنبغيهش و هو كبير عليا بزاف اعمي .. انا مبغيتش معجباتنيش لفكرة و سكتات كتنخصص عاد دارت شافت فنيهان : هادشي علاش بغيتي نبقاو اماما ؟؟؟ هو كيخلع مبغيتش نهدر معاه خلاتهم كلهم كيشوفو متفاجئين من ردة فعلها و لي زاد فجأهم كتر هو فاش هربات من الصالون كتجري خلات موراها الأعين حضياها و من بينهم عينين عاصم لي هدرتها كتدخل لودنو بحال السم .. شعلات فيه نار خيبة بزاف . بهاد التصرف ديال أنها نقصات منو قدام عائلتو زاد هيجو عليها و خلاه ازيد احقد كتر و كتر على لعنتها ملي تسلطات عليه نيهان جمعات لوقفة مصدومة : سسسسجىىىى وقفييي سجىىى مغاديش تزوجي ... سجىىىى تنهدات بعصبية : شفتي اسي اسماعيل قرارك شنو ايدير فبنتي .. هادا ماشي حل و ماشي لمصلاحتي فمرة عاصم هز حاجبو بسخرية شوية جبد تيليفونو حل بلاصة التصاور و وجه ليها الشاشة مقابلة مع نضراتها : زوينين هاد التصاور ؟ نيهان تفيكسات كتشوف فحالة ذهوول : كك .. كيفااش!! شنووو هااادشييي قربات لعندو بخطوات سريعة موجهة صبعها ليه كتحدير : شنووو هادشييي اسييي اسماعيل جمع لوقفة مفاهم والو : شنو واقع .. عااااصممممم شنووو درتييي عوتانييي عاصم ببرودة دوز قدام عينين نيهان كاع التصاور لي فمواقف حرجة : صمعة بنتك اتمشييي بلمسة منيي فقط نيهان هزات ايدها حتى لسما ناوية تنزل على حنكو ساعة قبط معصمها و عينيه خارجين فيها : اااااخر مرة الآلة لممثلة تزعميي و تهزي ايدك على لي غادي ادمر بنتك .. كنحدرك لآخرررر مرررةةةة و لا بغيتي تجربي تلعبييي معايا مغاديش نمنعك تحسي بالحرقة لي اتحرقيها على بنتك جوهرة بإنفعال : عاااصممم حتااارم الأنسة نيهان راه كبر منك زعماا .. حشووومة هادشيي عاصم تلافت لعندها كيشوف فيها داك الشوفة ديال واش من نيتك .. طول فيها الشوفة مخنزر عاد نطق و عينو عليها : قولي لراجلك اعلمك تدخلي سووق راسك قبل مندخلو انا ياسين خرج عينيه كيسوط : ااااخر مرةةة تطاااول بلسااانك على لواليدة كتفهممم عاصم : حسابي ماشي معاك من بعد البرهوووش عمار شاف باه ساكت و ايدو على قلبو كيتوجع خاف تجيه شي كريز داكشي علاش تدخل فالحين و فك معصم نيهان من قبضة عاصم : عرفتي شنو ا لواليد احسن حاجة هي اتربا فالحبس ... بلاااش من شي زواااج عاصم هز حاجبو عاد تلافت لعند باه : لواليد هادشي لي كنتي باغي تقول ليا؟؟ نيهان فقمة لعصبية راسها ايطرطق مقدراتش تزيد ثانية وحدة مزال معاهم .. بسرعة خرجات كتقلب على بنتها خيفاها تكون زادت لشي قنت ساعة من حسن لحظ لقاتها داخلة لطموبيل و جالسة فبلاصتها .. تنهدات بتدمر فاش عرفاتها راه بيخير لكن مجرد مركبات حتى هي الطموبيل و ديمارات غادة لدارهم سمعات حسها كتبكي و تنخصص نيهان معصبة : مسحيي دموعك احبيبة .. حتى حاجة مغادي توقع حدما انا معاك حتى حاجة مغادي تآذيييك .. غدا غادي نمشيو نشكيو بييه اتربى فالحباسات مكيناش السيبة هنا و ماشي نيهان الزايدي لي اتلعب معاها هاد اللعب سجى كتنخصص : كيخلعني اماما نيهان : مبقيتيش غادي تشوفيه باش اخلعك .. متبكيش انا معاك حاليا ديها غا فصحتك و قرايتك لي اترجعي ليها فقصر لمصاوري .. إسماعيل جالس شاد راسو لي ايطرطق بالشقيقة و حداه جوهرة هازة كاس دلما و كينة دالراس باش افوتو لحال جوهرة : خوود شرب باش افوتك راسك .. شرب و طلع لبيت نعس و رتاح انا غادي نتصرف إسماعيل هز عينو كيشوف فالصالون لي خوة بقا غا هو وياها : معرفتش اشنو درت فحياتي حتى نولي واحل مع ولادي جوهرة تنهدات : دابا شرب دوااك و رتاح انا غادي نتصرف عطاتو اشرب دوااه عاد عوناتو اطلع لبيتهم حتى تأكدات أنه تسطح فوق الناموسية عاد خرجات من لبيت غادة لعند عاصم .. بعصبية وصلات لباب و حلاتو بلاما تدق عاصم تلافت لجيهة لباب هاز حاجبو بعدما كان متكي فوق الناموسية على ضهرو و تيليفونو قدامو كيشوف الشوهة ديال لفيديو فين وصلات بلاما اجاوب على لي زابيل لي كيجيوه من عند صاحبو جوهرة قربات لعندو عاقدة حواجبها : جلس باغا نهدر معاك .. قبيلة طلعتي و خليتي باك راسو ايطرطق عليه بالشقيقة عاصم تنهد : شنو باغا تقولي جوهرة : واش مكتهمكش مصلحة بااك .. مكتهمكش الصمعة ديال لعائلة و الشركة ؟! بهادشي لي درتي كااع الأسهم ديال الشركة ايهبطو و بزاف ديال لمسثتمرين اينساحبو و كلشي بسباب تهورك و أفعالك عاصم جلس كيحك فشعرو : و ها أنا تزوجت لاااش ؟؟ شنو لفائدة شكاتخورو جوهرة تنهدات : غادي تغير بزاف دلحوايج .. الصحافة مكانوش من لعاگزين باش انشرو لفيديو ملي درتي داك لفضيحة فالحفلة .. و كلشي كيتساءل علااش درتي هادشي عاصم بسخرية : عندها الزهر غا عوجت ليها حنكها جوهرة : نتا واقيلة مناويش تدير عقلك فمرة .. إلا تزوجتو هاكة اتبين لإعلام و لجمعيات و كلشي بأنه كان سبب علاش تصرفتي هاكاك .. متلا قدام الصحافة اتقول درت هاكاك حيت مكنتش فوعيي و كنت كنحس بغيرة و مشعرتش براسي فاش هزيت ايدي عليها .. ولا شي حاجة اخرى لمهم شي كذبة تخلي كلشي اتيق بيك هاكة اتحمي الصمعة لي بناها باك من شحال هادا و تحمي حتى راسك من لحبس .. فكر اولدي قاطعها مخنزر : انا ماشي ولدك جوهرة : ولدي بغيتي ولا كرهتي .. و فكر فهادشي لي قلت لييك خاص توهم كلشي بأنه كتبغي سجى داكشي علاش تصرفتي بدون شعور و لغيرة لي تحكمات فيك و كنتي ناوي تزوج بيها فأسرع وقت على أساس باغيها تكون مراتك و كدا و كدا .. لمهم باك لي ايصرح بهادشي نتا غا تهنا حيت إلا درنا هادشي جوهرة : ولدي بغيتي ولا كرهتي .. و فكر فهادشي لي قلت لييك خاص توهم كلشي بأنه كتبغي سجى داكشي علاش تصرفتي بدون شعور و لغيرة لي تحكمات فيك و كنتي ناوي تزوج بيها فأسرع وقت على أساس باغيها تكون مراتك و كدا و كدا .. لمهم باك لي ايصرح بهادشي نتا غا تهنا حيت إلا درنا هادشي و سجى اكداتو كذلك راه لجمعيات و الإعلام كلشي ايدخل سوق راسو و مغاديش تبقا لقضية .. قضية رأي عام بالعكس كاين لي اتعجبو هاد لقصة ديال لحب لي انوهموهم بيها عاصم هاز حاجبو كيسمع ليها : دابا انا خاص نتزوج بداك لبرهوشة ؟؟؟؟ جوهرة : إلا كنتي مباغيش تدوز حياتك فالحباسات هادا هو لقرار الصحيح .. حيت ولو نيهان مترفعش عليك دعوة ايتدخلو لجمعيات و المنظمات الحقوقية هما لي ايرفعوها عليك .. لبنت قاصر و بفعلتك راه ناوي تدمر حياتك عاصم رجع تكا على ضهرو و عينيه فالسقف مخزز على سنانو : هادشي كامل بسباب داك لبرهوشة جوهرة : سجى مغاديش تشوفها أصلا .. غادي تكتبو لعقد و توريوه لصحافة و من بعد كلا اشد طريقو هي مع مها و نتا مع عائلتك علاما انساو الصحافة هاد الشوهة و فسخو داك لعقد ... لحل بين ايديك دابا عاصم سكت شحال عاد نطق : إلا كملتي خرجي دابا جوهرة مسحات على شعرها ايطرطق فيها شي عرق .. بالعيا لي فيها تلافتت غادة ناوية تخرج حتى كتلوة ليها رجلها بسباب الطالون .. داك الساعة غوتات بألم كتوجع عاصم ناض قافز طاير لعندها كيغوت : واااش عورة مكتشوفييش .. حيديي هاد لخرااا علاااش كتلبسي الطالون ملي نتي عورة جوهرة كتبكي و تنخصص كتشوفو كيحيد ليها الطالون و اسب حتى لاحو لبعيد عاصم : و متبقااايش تلبسي هاااد لحبسس .. ميييغد جمع لوقفة كيسوط : ركبي على ضهري جوهرة مقصحة : بلاش انمشي بوحدي زرب عليها ركبها فوق ضهرو كيسوط : خاصك شي بوماضة تفوتك حدما يله تقصحتي .. متبقااايش تجي عندي ملي نتي عورةة .. ياربيي هاد لعائلة ديال تشعل فيها شي عافية ركبها مزيان و خرج من بيتو غادي فالكولوار كيسوط و اسب : متبقاايش تلبسي الطالون ديال داك لعلوو .. لمهم هاني هدرت جوهرة نسات لحريق لي عطاها لألم بقات ساهية كتسمع ليه : ملي نتا حنين علاش كتبين لعكس ؟؟! عاصم معطلهاش داك الساعة نزلها : ملي خسرتي لهدرة دابا .اذن عيطي لولادك اهزووك و مشا مخليها كتشوف فيه حابسة الضحكة عاصم وقف عاطيها بالضهر شوية تلافت لعندها : منعاودش نشووف وجهك انا ماشي ولدك .. و متبقايش تلبسي داك لحبس ملي كيطيحك و توجعي علينا خنزر فيها و مشا كيسوط دازو يومين .. ناض مفزوع من فراشو على صوت تيليفونو .. هزو مغوبش بسباب النعاس و بلاما اشوف شكون لمتصل جاوب : الصباح هادا كمال : فين غابر نتا ؟؟؟ مبقيتيش كتجي لفااك و مكتجاوبش على اتصالاتيي و حتى داك لفيديو لي داير بووم مقلتي ليا والو عليه لي جا كيسولني مال صاحبك عاصم : لواليد مخيرني بين السخط و الرضا إلا خرجت من لقصر .. قاليك باغي احل لمشكيل بنفسو و انا غا نسكت و داكشي لي داير دابا كمال تنهد : عاصم عندي ليك خبار خيبة عاصم هز حاجبو : شنو هي ؟ كمال : و بلاما ابقا فيك لحال عاصم بعصبية : و هدر لباغي تهدر كمال : الضوسي ديالك فالقوات لبحرية ترفض حيت الصمعة ديالك خسرات بسباب داك لفيديو و بسباب التهمة لي كانت اتلبسك كونك كنتي مشتبه به فقضية اغتصاب و ليومين لي بقيتي مسجون عاصم بقا مفيكسي كيسمع ليه و ايدو مرخيين .. كيشوف بين عينيه غا أمنية لمرحومة مقدرش اوصل ليها كمال شافو منطقش : عاصم كتسمعني؟ عاصم بصوت جاف فيه بحة فشكل : متأكد ؟ كمال : وي قالها ليا لواليد حيت راك عارف انه خدام فهاد الدومين .. مديرش فبالك ممكتاباش ليك عاصم نطق ساهي : يعني انا أمنية لواليدة مغاديش نقدر نحققها بسباب داك لبرهوشة ؟! غا كمل كلامو زف بالتيليفون للحيط شخشخو و جمع لوقفة كيسرف لي جات قدامو .. داك لبيت رجعو بحال شي زبالة كاع الزاج تهرس و كاع لمخاد تشرگو و الريش ديالهم مشتت فكاع اركان لبيت .. كان كيلهت و صدرو كيطلع و اهبط .. حرقة كبيرة شاعلة فقلبو و ايديه كاملين كيترعدو بسباب قمة الأعصاب لي نزلات عليه .. معرفش كيفاش لبس عليه شورط قصير بعدما كان بالبوكسور بوحدو عاد خرج كيشتف برجلييه نيشان لبيت بااه حيت باقي الصباح بكري ايكون مزال ممشا لشركة .. بعدما وصل لباب لي كان مردود بغا افتحو و ادخل لكن كان كلامهم ليه بحال شي بووز وقفاتو على حركتو إسماعيل : هي سجى مبغاتش توافق على هاد الزواج ؟ جوهرة : للأسف لا .. واخة عاودت قنعت نيهان بالفكرة و رطبت من كاع الجوايه لكن بنتها مبغاتش و قاتلي ميمكنش نبزز عليها شي حاجة .. ليوم سجى اتمشي لثانوية ديالها تقرا نخلي حتى لليل فين ترجع من لقرايا و نهدر معاها بنفسي إسماعيل : لمهم تصرفي انا غادي نمشي لشركة دابا .. متنسايش خلي عينيك على عاصم ميمشي لحتى قنت بينما فكيت هاد لمشكيل انا و عمار كون ما لمعارف كون لبوليس حابسينو دابا بسباب التهم لي جاوه .. خاص نتصرفو بسرعة و نعلنو على هاد الزواج لكاذب ..قولي لبنت راه ولدنا مغاديش تشوفو كااع غا تسني على هاد لعقد و تكمل حياتها كأنه مكاين والو عاصم كيسمع ليهم و ايدو مجموعة على شكل قبضة .. طول الشوفة فنقطة وحدة ساهي عاد قلب الدورة و حجبانو معقوديين ناوي على خزييت و الأفكار الشيطانية كتدور فراسو .. داك الساعة رجع لبيتو لي ولا بحال شي مزبلة . ..متسوقش ليه حدو مشا لبلاكار جبد تيليفون جديد بكارطتو عاد دوز لكمال كيتسنااه اجاوب .. بقا كيصوني شحال عاد تفتح لخط كمال : شكون معايا ؟ عاصم عرف مغاديش اعرفو حيت النمرة جديدة : بغيتك تعرف ليا اشمن ثانوية كتقرا فيها