الفصل 2
لبوليسي كيفيق فسجى : قوليلي لينا ا آنسة شكون دار فيك هاد لحالة
خدا من عند لبوليسي لاخر قرعة دلما رش ليها وجها حتى شهقات من وعيها و تخشات فبعضياتها كاع شعرها مخبي ليها وجهي .. بقات غا كتبكي و ترعد
لبوليسي : قولي لينا شكون مول لفعلة .. متخافيش نتي فأمان دابا
سجى هزات صبعها شيرات بيه لمصدر الصوت ديال الضرب لي كان قبيلة : هو هو هو هو هو
و سكتات كتبكي مخلوعة
لبوليسي وجه كلامو : دييوه عليا من هنا
عاصم خرج عينيه شاعل : كيفاااش ديووه عليااا .. شكاتخربقيي البرهووشة .. كيفاااش هو
سجى تخشات فبعضياتها كتر و كتر كتبكي : هو هو هو .. عفااك بغيت ماما عفااك هو لي جابني هنا و ...
مقدراتش تكمل كلامها بسرعة فقدات لوعي
عاصم عينيه حمارو بالغليان لي شعل فيه : مااااشيييي اناااا الق**** ماااشييي انااا .. شكاترونو نتومااا .. طلللق منييي طلااااق
لبوليسي : كتعدا على بنات الناس .. طلعوه و هزو لاخر شوفوه واش مزال حي .. وليتو كتساومو على لبنت السيبة هناا
عاصم ايفقد اعصابو على الآخر : والله مغاادييي نساااهااا لك الكلبة الق*** .. بربييي مندوزها ليييك كتطيحي فالباطل كنقسم لييك بالله منسااها
لبوليسي : و كتهدد فيها قدام عينينا من لفوق .. طلعو طلعو
وسط لكولوار غادة كتجري و التيليفون على ودنها : اااه شكرا بزاف .. يله غادي نشوفها نخليك دابا و نهارك مبروك
عاد قطعات كتنفس بصعوبة مخلوعة على بنتها .. فطريقها تفكرات مساعدتو متنكرش وقفتو معاها
" خارجة مع لباب ديال الشركة و عينيها على صاكها كتجبد منو التيليفون حتى كتخرج فشي حاجة قاصحة تأوهات راجعة باللور كتشوف فيه
_ كنعتاذر ا آنسة .. مرديتش لبال
نيهان بلباقة : موقع والو .. ماشي مشكيل
بغات تمشي حتى كيوقفها صوتو : آنسة
تلافتت لعندو بعفوية : عفوا ؟
مد ايدو بتبات : معاك مسيو عمار لمصاوري
نيهان مدات ايدها حتى هي بلباقة : مشرفين اسي عمار
عمار يله بغا انطق بانت ليه جوبات على الإتصال لي جاها و وجها مخطوف منو اللون شوية مشات كتجري من قدامو مفهم والو حدو تبعها كيجري حتى هو باغي اعرف شنو لي خلاها تولي فهاد لحالة ..."
دخلات مع لباب لغرفتها بانت ليها ناعسة فوق السرير و لفاصمات على لجروح لي فوجها .. عينيها دمعو مقدراتش تشوف طرف من كبدتها فهاد لحالة .. بصعوبة خطوات ناحيتها حتى وقفات عند راسها كتأمل فملامحها بحزن .. شوية دخل الطبيب
نيهان : كيف ولات دابا ؟ .. واش جات فحالة حرجة ؟ .. شنو واقع لبنتي؟ يكما تآذات بزااف .. متخبي عليا والو ادكتور
الطبيب : تهدني ا الآلة .. بنتك لحمدلله خرجت من لحادثة بأقل ضرر .. لبوليس راه قدام لغرفة كيتسناو غا تفيق باش تعطيهم أقوالها الأخيرة
نيهان كتبكي : مكانش عليا نخليها بوحدها لغلط مني
الطبيب : هادشي مكتاب لحمدلله نجات منها
بقات كتشكر فيه و توصي عاد خرجات غادة فالكولوار كتبكي و عينيها كيطلقو الشرارة باغا تربي هادا لي حاول اغتاصب بنتها .. فطريقها قشعاتو جاي كيجري مفهمات والو
نيهان : مسيو عمار ؟!
عمار : سمعت أنهم جابو سجى لمستشفى .. كيف بقات ؟
نيهان بتعب : يله نجلسو ناخد شي كافي راسي كيحرقني .. مزال لخلعة شداني
عمار هز راسو باه : تفضلي
و مشاو خداو ليهم طبلة عاد جلسو
عمار سكت شحال عاد نطق : أحم .. شنو كتجيك هاد لبنت لي سميتها سجى !
نيهان كترشف من لقهوة بالرزانة : بنتي
عمار خرج عينيه مصدوم : بنتك ! .. ميمكنش كتضحكي
شافها هزات حاجبها : كنقصد تصدمت وحدة فالجمال ديالك متكونش والدة .. قلتي ليا لبنت فعمرها 16 عام ؟
نيهان هزات راسها باه : وي .. الإعلام معارفش شكلها كين لي عارف عندي بنت و كاين لي لا
غا كملات كلامها جاو عندها شي معجبين من لممرضات بغاو توقيعها و كونها فنانة مبغاتش تخسر ليهم واخة فحالة مكتسمحش ليها .. عطاتهم توقيعها مع ابتسامة حتى مشاو
عمار بقا غا كيشوف : مولفة
نيهان رجعات كتجغم : هادي هي حياة لممثلات اسي عمار .. كنعاود نشكرك على وقفتك معايا غا قلت ليك سجى مختافية تدخلتي فالحين بلاما تعرف شكون هي
عمار : شفت فعينيك لخوف عرفت اتكون شي وحدة قريبة ليك
نيهان سهات : سجى بنت ضعيفة بزاف مشبهاتنيش .. حشومية و حاجتها ماشي ديالها و خوافة بزاف بزاف .. مكتقدرش تبعد عليا كنحاول نعوض ليها حنان الأم و الأب
عمار : أحم فينو الأب ديالها
نيهان بصوت جاف : مبغيتش نهدر فهاد لموضوع
عمار : لي بغيت نعرف هو واش عازبة حاليا ؟
طولات فيه الشوفة عاد ضحكات و كأنها فهمات لاياش كيلمح : اه عازبة
عمار بتاسم فخاطرو . راسو عمر بيها ولا باغي تكون قريبة ليه واخة عرف عندها بنت : فرحتيني
نيهان : ياك هه
بقا كيشوف فيها مبتاسم حتى كيجيه اتصال جمع لوقفة داك الساعة مصدوم من داكشي لي كيسمع
فالمخفر ..
دايرين بيه كيسولو و اعاودو و هو جامد مكيتحركش حتى حس بواحد نغزو .. كانت هاد لحركة كافية باش انوض ليه بكروشي لفم
لكوميسير : شدوووه شكاتسنااو
عاصم بحال الثور وسطهم هما حاكمينو و هو كيتنتر بعصبية : ااااخر مرة تقيصنيي كتفهممم ااااخر مرةةة
لكوميسير : دييوه من هناا ديوووه السيبة عاين باين
فهاد الأثناء دخل عمار مخلوع : خوياا ؟؟
شاف فالكوميسير لي صدق من معارفو : سمح ليا على هاد الدخلة و لكن خويا شكايدير هنا
عاصم جاعر ايفرگعوه : مخوووكككش بلامااا تحيمق عليا حتى نتااا ... سيير من هنااا مسوووقكش فيااا
لكوميسير كيتنهد : ديوه من هنا ديوه
عاصم كيتنتر : و غااا بالشوية مهاربش .. طلاااق طلاااق
متسوقوش ليه داوه كيتنتر عاد مكيزيد احقد على لبنت لي طيحات عليه لباطل .. هاد التبهديلة لي دارت ليه ناوي اندمها عليها مزيان حتى تشوف لموت قدامها
فالمكتب ..
عمار مصدوم : وااش متأكد خويا مول لفعلة ؟!! ميمكنش هادشي .. أكيد شي سوء تفاهم عاصم و عارفو
لكوميسير : لبنت قالت بيلا هو .. و مزال شاهد آخر كان فعين لمكان حتى افيق و ناخدو أقوالو .. حيت فاش وصلو لبوليس لقاوه كياكل لعصا من عند خوك
عمار شد راسو مصدوم و خايف لخبار توصل لباه : امتى ممكن افيق ؟!
لكوميسير : منظنش اطول ... جلس بعدا متبقاش واقف
عمار : لا لا .. نخليك دابا
و خرج شاد تيليفونو كيفور : شغانقول ليه دابا خويا لي مول لفعلة .. شكادير ا عاصم شكادير اتخرج عليناا .. لواليد إلا عرف هادشي موصيبة و الصحافة خلاص كااع بسبابك اعاصم اينزلو أسهم الشركة لحضيض .. الله الطف
تنهد بتدمر عاد دوز لخط لسي اسماعيل : الو لواليد ..
طاحت الظلمة و جا الليل ..
جالسة حدا بنتها : شوفي ادادة شحال بريئة بغااو اخرجو على بنتي
دادة طبطبات عليها : لمجرم راه تشد معندك مناش تخافي .. شكون داك السيد لي كان معاك قبيلة
نيهان تفكرات عمار : هو لي ساعدني .. شخص مزيان
دادة : بانت ليا عينيه فيك .. إلا كانت فعلا كاينة شي حاجة عطي لراسك فرصة ابنتي حيت الدنيا مستمرة عمرها مغادي توقف فنقطة وحدة
نيهان كتضحك : حتى تكون شي حاجة بعدا
دادة خرجات عينيها : سجى .. سجى حركات صبعها
نيهان بفرحة : كلمي الطبيب ادادة .. سربي سربي .. سجى كتسمعيني اماما .. سجى حلي عينيك احبيبة
فهاد الأثناء دخل لعندهم الطبيب بسرعة كيقلب فيها و هما فوق راسو متحمسين تحل عينيها حتى نطق : مزال مكاين والو .. حالتها مستقرة و لكن واش اتفيق دابا معارفش لي علينا هو نتسناو
نيهان بدات كتبكي : سجى حلي عينيك
الطبيب عيا اشوف فالأخير خرج و خلاهم معاها
دازو يوماين
جالس على لكرسي مخنزر و فمو بحاليلا رابطينو مكينطق بوالو فالأخير نطق : قو* عليا من هنااا
لمحامي مسح على راسو بالغدايد : سي عاصم تعاون معايا باش نخرجك من هناا . باك ...
قاطعو ببرودة : سير قول لي مسيفطك مباغيش مساعدتك
لمحامي بترجي : راه اتمشي فيها كفتة .. لقضية ديال الإغتصاب مسهلاش خصوصا هاداك لي كنتي كتضرب فيه كيقول نتا مول لفعلة
عاصم غا مربع ايديه و ساكت باينة فيه ناوي على خزيت : اقول لي بغا فمو هاداك
لمحامي بقلة حيلة جمع لوقفة : انشوف بعدا واش لبنت حلات عينيها .. إلا فاقت انهدرو معاها تستر عليك
عاصم هز حاجبو عاد مكيزيد احقد : تستر عليا !
وشاف قدامو بسخرية مصدوم من عائلتو لي عند بالهم بصح هو مول لفعلة و كان باغي اغتاصب لبنت
على برة ..
غا شاف لمحامي قصدو هو و مراتو : امدرا ؟
لحمامي : مكيقول والو .. مباغي اخرج حتى حاجة من فمو
جوهرة بقلق : كون غا يخليني نشوفو .. عاصم تايقة فيه واخة عصابي و كينفاعل دغيا و لكن باش ادير هاد لفعلة ميمكنش
اسماعيل : باغي اخرج علينا .. الحمدلله سكتنا لممثلة بزز أما كون تشوهنا مع الصحافة .. كعتذار لهادشي خاصنا معاها حل
جوهرة : انشالله تفيق لبنت و تقول أقوالها لصالحنا
فالمستشفى ..
مصدومة كتبكي و هي كتشوف فالأطباء كيفحصو فيها .. كانت فحالة انهيار هاد ليومين محلات عينيها حتى بدا كيدخلهم لخوف من حالتها .. بعد مدة من لوقت عاد تهدنات بسباب الإبر لي ضربو ليها و لي زاد كالماها هو وجود مها معاها و خوفها عليها .. بقات فجنبها حتى ولات شوية و خرجات من لمستشفى للدار .. هاكة دوزات النهار كتبكي كلما تفكرات شنو وقع ليها و فالليل باتت كتحلم بداكشي كلا شوية مفيقة مها حتى صبح الصباح بنهار جديد
نيهان كتفيق فيها بالشوية : حبيبة فيقي .. خاص تعطي أقولك على قبلي ابنتي .. صافي ؟ يله نوضي ابنتي نوضي عرفاك اتكوني قوية
سجى كتبكي : و لبوليس مغادي اديرو ليا والو
نيهان كتهدن فيها : لا هما بغاونا غا نمشيو لمخفر باش لمجرم انال عقابو .. ضروري باش اتبتو عليه التهمة خاص أقوالك
سجى : اتبقاي معايا ياك امامي
و سكتات كتبكي و تعنق فيها مخلوعة
نيهان :اه ضروري نبقا معاك .. يله دابا احبيبة لحمام بدلي باش نمشيو نتهناو من هاد لمجرم فأسرع وقت
سجى : مغاديش يآذيني ياك ؟
نيهان : نتي ماشي بوحدك دابا .. يله احبيبة
داز لوقت ..
جالس كيشوف قدامو بحقد كرهوه فهاد غرفة التحقيقات كلا مرة جاي عندو واحد كيضيع معاه لحجرة و امشي خائب الأمل .. معطاهم حتى كلمة ناوي اياخد حقو بإيدو و اندمهم كاملين على هاد الموقف لي حاطينو فيه
فالزاج لي مقابل معاه جرها لبوليسي بالشوية كيهدن فيها خصوصاً أنه عارفها من لمعارف لي قراب لمصاوري
لبوليسي : واش عاصم لمصاوري هو مول لفعلة
سجى كتدور فعينيها على نيهان حتى جات لعندها عاد رتاحت : معرفتوش
لبوليسي بإستغراب : كيفاش معرفتيهش !
سجى بدات كتفكر : فايتلي شيفاه و لكن ماشي هو لي بقا كيضرب فيا .. لا ماشي هو
تفزعات فاش جات عينيها فعينيه .. بقات كتشوف داك النضرة لحادة لي رامقها بها عند بالها كيشوف فيها ساعة هو كيشوف غا فالزاج لي مكيبين ليه والو من على برة
لبوليسي : متأكدة من كلامك ؟
سجى بلعات ريقها : اه ماشي هو .. لا
لبوليسي : يله اجي معانا لعند لمشتبه به لاخر شوفي واش هو مول لفعلة
هزات راسها باه كتخلع و ايديها شادة بيهم نيهان بحاليلا خيفاها تهرب و تخليها بوحدها .. حتى وقف بيهم لبوليسي مقابل مع الزاج ديال لغرفة لي فيها لمشتبه به
لبوليسي : هادا شنو كان كيدير تماك
سجى بدات كتبكي : هو اماما لي ضربنيي هو .. قالي انعاونك تلقاي روكي شوية بدا كيضرب فيا اماما . بغا اتعدا عليا
نيهان عنقاتها كتنهد : ششش صافي هاهو مشدود دابا .. مستحيل تدوز ليه بالساهل ايتعاقب بأقصى لعقوبات غا رتاحي
لبوليسي : صافي اجيو معايا
هزو راسهم باه و تبعوه حتى خرجو لعلى برة
نيهان قشعات عائلة لمصاوري ميلات شفايفها معرفاش شنو تقول بعدما تهمات ولدهم بأنه هو لي كان ايخرج على بنتها
إسماعيل مشا لعندها : امدرا ا آنسة واش ولدي مول لفعلة
سجى تخبات فنيهان كتدور فعينيها مفاهمة والو
نيهان : بنتي قالت ماشي هو .. و لكن شكان كيدير تماك مزال مفهمنا
جوهرة : دابا اهدر و اقول شنو .. لمهم ماشي هو . ولدنا و تايقين فيه عارفاه ميديرش هادشي
نيهان : كنعتاذر على سوء التفاهم لي وقع
إسماعيل : لحمدلله على سلامتها .. هادشي مبغيناهش اخرج لإعلام
نيهان : أكيد حتى انا ماشي لمصلاحتي اخرج للإعلام .. يله نخليكم دابا اندي بنتي ترتاح .. حتى اخبرني لمحامي ديالنا بالجديد
و ستأذنات منهم غادة ببنتها حتى لطموبيلتها . ركباتها عاد دارت لجيهتها بغات تركب حتى كتسمع صوتو كيقرب لعندها : نيهان
تلافتت بعفوية : نتا
عمار قرب لعندها ماد ايدو باش اصافحها : كيف بقات بنتك
نيهان صفحاتو : شوية دابا .. مزال مخلوعة هادشي جديد عليها خايفة يأثر على حالتها النفسية كنفكر نديها لشي طبيب نفسي حتى تحسن حالتها
عمار : حتى هادي فكرة مزيانة .. بنتك عاطية لعين خاص تبقاي تردي معاها لبال .. لوحوش بزاف على برة
نيهان : انشالله هادشي مغاديش اتعاود .. و على خوك كنعتاذر على سوء التفاهم واخة مزال مفهمنا شنو كان كيدير تماك
عمار تنهد : راه قلت ليك ماشي هو .. عاصم كنعرفو مزيان
نيهان هزات راسها باه : يله نخليك دابا
عمار : أحم آنسة نيهان .. اش بان ليك نتلاقاو إلا كان عندك شي وقيت
نيهان فهمات لاياش كيلمح : على حساب لوقت .. نخليك دابا
و ركبات مخلياه كيشوف حتى شيرات ليه بإيدها زعما باي باي عاد كسيرات غادة مع الطريق .. بقا كيشوف و اتنهد مفاهمش شكايوقع ليه عمرو ظن ايبدا انجادب لوحدة والدة و معارفش ماضيها من غير أنها ممثلة .. رجع تنهد كيشوف فراسو كمل 35 عام و مزال مدار دارو ..ولا كيقول هادي هي لفرصة باش ابني حياتو إلا كتاب و سهل عليه الله
لداخل
خرج من غرفة التحقيقات هاز تيليفونو لي عاد عطاوه ليه .. كان كيخطوي برجليه مخنزر و حجبانو معقودين غا شاف باه و مراتو زاد قندش : شنو كديرو هناا ؟؟؟؟
إسماعيل عنقو : على سلامتك .. داك الساعة قول من الصباح راه كنتي غا باش تنقذها.. خليتينا مشوشين عليك و الحمدلله لخبر ممشاش لإعلام أما كون تشوهنا و هما خاص غا فاش اجبدونا
عاصم بعد منو بملامح جامدة .. بقا ساكت كيدور هدرت باه فراسو لي فهم من هاد لكلمات كاملين هو أنه خايف غا على صمعة لعائلة مهاموش هاد التكرفيسة لي تكرفس بساب داك لبرهوشة كيف مسمي فعقلو
جوهرة مبتاسمة : على سلامتك اولدي
قاطعها بصوت جاف : ماشي ولدك متبقايش تخرجي هاد لكلمة من فمك
إسماعيل وسع عينيه... شوية نطق بجدية : عاااصممم
عاصم هز حاجبو : نخليكم
ومشا ممسوقش لنداءات باه لي كتعالات وحدة مور لاخرة .. لي فراسو فراسو غا خرج لقا عمار واقف حدا الرونج كيكمي
عمار طفا لگارو و مشا لعندو : خويا على سلامتك
عاصم ببرودة : بغيت الطموبيل
عمار : صافي خودها .. شوية ايجي الشيفور ادينا حنا
عاصم مكانش كيسمع لكمالة سمع غا خودها و داكشي لي كان خلاه بلاكة و زاد لطموبيل ركبها مكسيري و لعجاج موراه خلاه غا كيشوف و اتنهد على هاد الشخصية و تركيبتها لمعقدة
عاصم زير على الديريكسون كيغزز فسنانو : انا نتمرمد فالحباسات .. جنيتي على راسك الق***
جبد تيليفونو شعلو لقا لغرق ديال لزابيل من عند كمال و شي أبيلات من عند نماري معرفهمش .. عقد حواجبو معصب و صدرو كيطلع و اهبط ..داك الساعة دوز لكمال وايدو مزيرة على الديريكسون
غا تفتح لخط قاطعو قبل انطق : كنت فالحبس و بلاما تسولني علاش حيت معنديش لوقت نشرح .. خاص تضبر ليا فواحد لبلان
كمال : زربتي عليا الساط .. قول شكاين بعدا
عاصم : بغيت تخدم ليا لمعارف ديالك ..هاد الليلة بغيت لعنوان ديال دار واحد الق*** ... اندمها على النهار لي تزادت .. غادي نشروط مهاا مزياان غا تصبر عليا
كمال مفاهم والو : عاصم ؟ .. مفهمتش!!
عاصم زفر : مييبغغغغددد مييغغد ... عقلتي على داك لميكروبة لي شفنا ملي كنا كنتغداو ؟
كمال بإستفهام : إنا ميكروبة .. عاصم كتبانلي معصب و غا كتدخل و تخرج فالهدرة قولي شكاين مفهمت والو
عاصم بعصبية : صاااافييي صاااافييي انقاد خرايا بوحدي .. تلاح
و قطع عليه كيفور و اسب غا من السمطة لتحت .. حجبانو معقودين و نضرة عينيه فشكل مخلطة بالشمتة و اللهيب شاعل ناوي على خزيت لي فبالو هو أنه التمرميدة لي دوز هاد ليومين مستحيل انساها ليها .. كرهاتو على فكرة أنه بغا اساعد لا أقل ولا أكثر
قلب الدورة شاد طريق لوطوروت ناوي ابدل لمدينة كاع بينما تهدن شوية حيت لا لقاها فهاد لحالة إيقتلها أكيد
فالجيهة لخرى ..
طاح الضلام
جالسة وسط فراشها و داداها حداها كتطلب فيها تشرب شوية من لحسوة
دادة : غادي تعجبك ابنتي .. معطراها بالعشوب و صحية
سجى بإمتناع : نوو مبغيتهاش .. داداة بغيت غا نعس
دادة تنهدات مطولة الشوفة فيها : صافي احبيبة نعسي رتاحي ليك
وجمعات لوقفة هازة لبلاطو عاد خرجات من بيتها و طفات الضو .. فطريقها صادفت نيهان
دادة : باغا تنعس خليها ترتاح
نيهان : حالتها خلعاني .. خاص نديها لشي طبيب نفساني تهدن شوية .. داك ولد لحرام لي كان ناوي اتعدا عليها مغادي نهنى حتى اتربا فالحباسات سحابلو السيبة كاينة هنا
دادة : و داك لولد لاخر مسكينة غا تظلم و صافي
نيهان : وياه و لكن كون هدر من لول مغاديش اوقع هادشي .. هو غا شاف التهمة لصقات ليه بقا ساكت
سكتات و رجعات نطقات : عائلة لمصاوري قتارحو عليا عقد جديد و قاليك باغين اديرو حفل فالقصر عندهم مزال كنتشاور واش نوافق على هاد لعقد
دادة : اوا ابنتي إلا كان لمصلاحتك وافقي
نيهان : حتى نقرا الشروط و نعطيهم قراري .. يله نخليك دابا بونوي
و مشات لبيتها كتفكر فهاد لعقد لي مع عائلة لمصاوري
صباح جديد و نهار جديد ..
على طابلة لفطور كتنقب شوية من هنا و شوية من هنا ناوية تمشي بسرعة تشاور مع مدير أعمالها لي يله دخل لمغرب تابعها كونها حتى هي اتستقر هنا .. جمعات لوقفة كتوصي و تعاود فالمربية ( دادة) على سجى عاد خرجات من لفيلة بلباس كلاص .. ركبات طموبيلتها و زادت مكسيريا .. فطريقها جاها إتصال جوبات فالحين ملي عرفات شكون
نيهان : مسيو عمار .. مزال كنفكر فالعقد
عمار : كنتمنى ترضي عليا قرارك فأسرع وقت باش لكانت شي حاجة نعلمو الصحافة
نيهان : انشالله
و قطعات عايقة بتلميحاتو متنكرش أنه مقصحة قلبها من جيهة الرجال و لكن فنفس لوقت بدا كيدخل لعقلها و كيعجبها لحال تهدر معاه غا مكتبينش
عمار غا قطع معاها تلافت بعقوبة لقا جوهرة موراه مصغرة عينيها : بلاما امشي بالك بعيد غا لخدمة
جوهرة : ممم لخدمة ! .. مبانليش هادشي بحاليلا كنشوف شي وحدين بداو كيطيحو
عمار ضحك : كتضلميني الآلة جوهرة
و قرب لعندها باسها بحب : الله اخليك ليا
جوهرة بتاسمات : امين يارب و حتى نتا .. دابا قولي زعما معينكش فهاد لممثلة اممم ؟ إلا فعينك قولها
عمار تنهد : صراحة بدات كتدخل لعقلي منين و انا مراقبها فاش كانت كتجي لشركة .. متواضعة مفيهاش لبخ ديال النجوم غا هي حدودية مكتعرف اش تحت راسها .. من النوع لي كتحاول تبعد حياتها الشخصية .. تصدمت فاش عرفت عندها بنت فسن لمراهقة
جوهرة متبعة مع كلامو بإهتمام : هاد لممثلة شحال تكون عندها من عام
عمار : شي 32 هاكاك
جوهرة مستغربة : ولدات صغيرة
عمار هز راسو باه : مزال متقربت منها باش نسولها على لماضي ديالها كيف قلت ليك حدودية
جوهرة طولات فيه الشوفة : لمهم اسيدي إلا كانت عينك فيها و معندها حتى واحد فحياتها فاتحها فالموضوع و متضيعش لفرصة .. انا راه النهار لكبير عندي هو نفرح بيك تدير عائلتك و خوك عاصم اكمل قرايتو و حتى ياسين انجح فالباك
قاطع جوهم صوتو لي كيقرب لعندهم : سي عمار واخد ليا مراتي .. بديت كنغير
جوهرة تلافتت لعندو كتضحك : ياك ههه .. عاصم معندك حتى خبار عليه؟
اسماعيل تنهد : والو معرفتو فين زاد
عمار : كاين الجبإس فالرونج دابا نعرفو فين مشا غا تهدنو .. لواليد الآنسة نيهان راه كتفكر فالعرض لي قلنا ليها
اسماعيل : إلا وافقت راه لمصلاحتنا .. الماركة ديالنا اتزيد تشهر و تولي عالمية منساوش نيهان معروفة برة لمغرب كتر من هنا اتجيب لينا كليان صحاح
عمار كيعجبو باه كيفاش كيدورها فراسو و افكر هو لي علمو قواعد و الأسس باش تنجح الشركة و تمشي لبعيد : شابو ليك اسي اسماعيل
فالجيهة لخرى ..
مقابل مع لخيل لي كيجري قدامو فالساحة .. حجبانو معقودين كيشوف فيهم و لكارو فإيدو مرة مرة كينتر منو .. مزال متسرطات ليه شنو وقع ليه فهاد ليومين ناوي اتفرگع على أي واحد منهم فاش اقرب ليه من جديد .. هاد التبهديلة لي تبهدلها هاد اليومين لاصقة فدماغو اجا محيدهالو واخة يعيا يتكالما ضروري مكيتعصب فاش كيتفكر لباطل و التمرميدة لي تمرمد
فاق من تركيزو على صوت تيليفونو هزو لقاه غا كمال طول الشوفة. شوية قطع عليه و رجع كيف كان فالأول كأن شيئا لم يكن
دازو يومين آخرين و عاصم مزال مختافي على الأنضار دوز هاد لوقت كامل غا فالمزرعة ديال لمرحومة مو .. كيرتاح فاش كيجي لهنا بحاليلا كيتفورماطا باش ارتب أفكارو و لكن كلما وزن مخططاتو كيجي فبالو منضرها ملي طيحات عليه لباطل و رجعات باللور ..
فالجيهة لخرى ..
جالسة فوق لكنباي مقابلة معاهم .. دايرة رجل فوق رجل و مدير أعمالها فجنبها كيهدر مع سي إسماعيل على شروط لعقد أما عمار غا ساكت و عينيه كيمشيو ليها . حاس براسو بدا كيطيح فيها كتر و كتر
نيهان بقات ساكتة حتى شافت مدير أعمالها سكت عاد نطقات : صافي نوقع؟
هز راسو باه : تفضلي وقعي هنا
مد ليها لوراق وقعات عاد وقع سي اسماعيل
إسماعيل : إذن مبروك علينا لعقد الجديد
و تلافت لعند نيهان موجه كلامو ليها : الآنسة نيهان بهاد لمناسبة غدا انشالله بالليل انديرو حفلة ايكونو فيها المستثمرين الجداد و الصحافة .. منها نيت نعلموهم بعقدنا الجديد اش بان ليك؟
نيهان : معنديش مشكيل .. غي هو هاد لقضية لي تعرضات ليها بنتي مبغيتش تعرف
إسماعيل : حتى حنا ماشي لمصلاحتنا تعرف .. راك عارفة مكانتنا فالسوق و زيد عليها منخارطين فالجمعيات و المنظمات الحقوقية ماشي ساهل نخسرو صمعتنا
نيهان بإبتسامة : داكشي علاش تشجعت كتر على لعقد الجديد .. نهاركم مبروك جا لوقت فين نمشي
و جمعات لوقفة خارجة هي و مدير أعمالها تحت نضرات عمار لي اياكلها بكترة التدقيق
فاق من سهوتو على صوت اسماعيل : ولدي عيط لخوك اجي .. غدا فالحفل الصحافة ايبقاو كيسولو عليه
عمار هز راسو باه : واخة الواليد
على برة غادة كتشوف فالميساج لي مسيفطة ليها بنتها. بتاسمات و عيطات ليها : الو سندريلا ديالي .. غدا عندي واحد لحفلة تمشي معايا ؟
سجى بفرحة : واااو واش بصح ؟ ياااس يااس نمشي معاك مامي نمشي
نيهان : اوا وجدي راسك باش نمشيو لشوبينغ
سجى بحماس : اوكاااي مامي انوجد راسي دابا
وسط محلات لحوايج غارقة كتختار و تعزل لكسيوات لي كيعجبوها و كيجيو مع طايتها .. بغات تحماق بالفرحة كتقيس و تحط و نيهان دايرة ليها لخاطر و مخلياها على راحتها .. خرجو من لمحل محملين بالساشيات
و سجى مبتاسمة الضحكة واصلة ليها من لودن لودن نسات لحادث لي وقع ليها مؤخرا و لخبط نفسيتها و ركب فيها الرعب .. نيهان كتعرف النقط لي كيخليو بنتها تنسا و هادشي لي كتطبق فيه دابا باش نيت تحيد من بالها داك لحادث لي كانت اتمشي فيه ضحية نيتها الزوينة .
سجى : ماما يله نشوفو محلات لميكاب و الصبابط يلله
هزات نيهان راسها باه عاد مشاو لمحل .. سجى تالفة بين لعكورة كتهز و تحط محمقينها الروايح و مستحضرات التجميل .. مسالات حتى لقات راسها هازة ساشية كبيرة عامرة غا بالماركات لعالمية ديال لمكياج .. سلاو من هاد لمحل عاد مشاو لمحل الصبابط خداو راحتهم فيه عوتاني و كيف ديما سجى لي كتنقز هنا و هنا بأنوثة بحال سندريلا كيف ملقبينها
نيهان : صافي ختاريتي ؟
سجى بحماس : اه صافي
نيهان بتاسمات و مشات خلصات كلشي عاد خرجو و لي كارد موراهم هازين الساشيات حتى خرجو من لمول ناويين امشيو لطموبيل. . فطريقهم وقفوهم أحد لمعجبين ديال نيهان
لمعجبة : ممتيقاش راسي تلاقيتك .. عفاك وقعي ليا هنا
نيهان بتاسمات و وقعات ليها تحت انضار سجى لي غا كتشوف حتى عاودت نطقت لمعجبة : شكون هاد الزوينة لي معاك
نيهان : من عائلتي .. نخليك دابا نهارك مبروك
و جرات سجى مكملين طريقهم و لكارد موراهم
نيهان : تبغي نقول لصحافة نتي بنتي ؟
سجى هزات كتافها بلا مبالات : معرفتش .. بحال بحال امامي
نيهان باست ايدها بحب : مبغيتهمش اعرفوك باش ميرجعوش حياتك كلها مضايقات الشهرة سيف ذو حدين .. واخة ممعروفاش فالمغرب بزاف و لكن لي عندهم اطلاع على لغرب ايكونو كيعرفوني .
سجى قاطعتها : فاهمة امامي فاهمة انا
نيهان فرحانة ببنتها بقات كتشوف فيها بحب عاد كملو مشوارهم نيشان لدار
دازت هاد الليلة عند سجى بفرحة عاجبها لحال حيت بدلات لجو و لي مفرحها كتر هو لحفلة لي اتمشي ليها مع مها .. تنهدات بقلق حيت مور ليلة لحفلة خاص تمشي لمدراستها الجديدة و تعرف على زملاء جداد و تولف على لجو هنا .
دازت هاد الليلة و جا نهار لحفلة
عائلة لمصاوري كلشي مقلوب عندهم فالقصر و سي إسماعيل واقف على الشغال بإيدو باغي اكون كلشي فالمستوى كيف متعود ديما .. الضيوف لي ايحضرو مهمين بزاف و خاصو تحميرة لوجه .. و داكشي لي كان نيت كلشي كان على حقو و طريقو و لحديقة مزينة بالطبالي طوال و الديكورات الراقية و لخشبة فين كيطربو بالفن الراقي
جا الليل ..
بداو الضياف كيجيو و السربايا غادين جايين بالمشروبات الأنواع و الأشكال كيقدمو الضيافة على أكمل وجه .. فنفس اللحظة وقفات رونج روفر قدام لقصر بعدما دخلات من لبوابة لكبيرة .. شوية دلوقت و تحلو لبيبان .. نزلات نيهان بكسيوة جدابة فالأحمر جاية مع فورمتها و شعرها الأشقر مرمي لور على طولتو مع مكياج ساحر برز ملامحها كتر و كتر .. تلافتت بعفوية لعند بنتها لقاتها كتفرك فإيديها حشمانة
نيهان : اجيي لهناا ا الأميرة ديالي
قربات لعندها سجى بكسيوة سميطات فالبوردو مشبكة من جيهة الصدر و مطلوقة من لتحت حتى لنص دلفخاد مع صبيبيط سامبل مبين رجليها لبيضين أما شعرها مطلوق على طولتو بحال لحرير و داير لجنب
نيهان شدات فإيدها : جيتي بحال سندريلا الحبيبة دقلبي .. اجي معايا اجي
سجى حطات ايدها على قلبها : نفسي مخنوق امامي
نيهان : غادي اعجبك لحال فهاد لحفلة غا رخي نفسك باش نمشيو بكري شوية لدار .. غدا تبعاك لقراية
سجى هزات راسها باه : متحمسة لقراية هنا
بتاسمات ليها نيهان بحب عاد شدات فيها و مشاو بخطواتهم كيقربو من الضيوف حتى جا لعندهم عمار لي طالق الإبتسامة و مبهور بجمال نيهان غادي اياكلها بعينيه من كترت أناقتها .. سلم عليهم كيرحب و اعاود مستاغل أي فرصة باش اتقرب من نيهان .. كيدور يدور و ارجع اشوف فيها فبالو موضوع شاغلو و ناوي افاتحها فيه هاد الليلة و اوضع حد لهاد الإعجاب لي كيزيد اكبر عندو نهار بعد نهار
سجى عيات بنفس لوضعية واخة كتشرب فالعصير و جالسة كتسمع لموسيقى لهادئة ممهتماش بالصحافة لي كتلتاقط ليها الصور بالتخبية .. شوية جمعات لوقفة غادة لعند مها : مامي بغيت نمشي لحمام
نقز عمار ناوي اقوم بالواجب : واخة هاهي لخدامة اتوريك فين جا .. اجي معايا
نيهان بلطف : لا ماشي مشكيل متعذبش راسك
عمار : بالعكس هادشي واجب
عيط لوحدة من لخدم توجه سجى فين جا لحمام فالقصر .. و داكشي لي كان تبعات لخدامة كتجر رجليها فداك الصبيبيط حشمانة حيت هاد الناس مكتعرفهمش
لخدامة دخلاتها مع واحد لكولوار : هاهو ا آنسة
سجى بنعومة : طانكيو
بتاسمات ليها عاد مشات لحمام .دخلات طرفات حالتها واخدة راحتها حتى سالات عاد خرجات كترجع فشعرها لور ملاهية معاه بأنوثة .. بعفوية هزات راسها حتى كتجي عينيها فعينيه لحمرين .. بلعات ريقها مفاهمة والو من هاد الشوفة لي زرعات فيها الرعب .. أول مرة كتشوفها فحياتها عمرها صادفت بحالها
هبطات راسها و خدودها مزنكين : باغدو بغيت ندوز
تكحازات لجيهة لخرى ناوية تمشي حتى كتحس بدراعها كامل تنسل من بلاصتو فاش جرها بجهالة و رماها على لحيط حتى تأوهات بصوت مسموع و كيقطع فالقلب كونها ممولفاش على هادشي و معندها صحة ليه
سجى حلات عينيها ببطء بعدما كانت سداهم كتقول مع راسها غا كتحلم لكن فور مجات عينيها فعينيه من جديد ركبها الرعب من جديد شوية تفكرات فين شيفاه
بقات مطولة الشوفة كترعد من عينيه لي خارجين فيها حتى لعروقة بانو .. بلعات ريقها عوتاني عاد نطقات بصعوبة : ب ب ب بغي بغييت نمشي .. بلييز
عاصم هز ايدو لي كلها عروق بسباب لبركان لي شاعل فيه من لداخل .. مسح على لحيتو لمرتبة بإهتمام كيخنزر فيها بحقد و مع الطاگية هابطة على جبهتو و لوشام باين فمعصمو خلعها جاها بحال شي مجرم كيقتل بدم بارد
سكت شحال عاد نطق مورك على لحروف : انا الق**** نتمرمد داك التمرميدة !!؟
سجى بدات كتبكي خلعها بزاف : بغيت ماما .. مدرت ليك والو .. بغيت ماما
عاصم صوتها كيزيد اهرو فودنيه مشعرش براسو حتى تلاح على عنقها بقجة حتى عينيها خرجو و الروح اتزهق منها : خاص تخلصي مزيان داك لباطل لي طيحتي عليا حتى نتحط فداك لموقف .. هادشي مغاديش اتسالا إلا مندمتكش على هاد لبلان .. ماشي عاصم لي اسكت على لي ظلمو
سجى روحها اتخرج دابا .. حتى تخطف منها اللون عاد رخف منها و بعد كيشوف فيها بإشمئزاز طايحة فوق الأرض و كترجع فأنفاسها بلهفة
فهاد الأثناء جاه اتصال شتت تركيزو فاش خشا ايدو فالجيب و شاف شكون لمتصل .. كانت نقطة لصالح سجى حتى ستجمعات قوتها بالسيف و هربات طالقة رجليها لريح خلاتو مخرج عينيه كتر و كتر .. طاحت مع واحد مكيبغيش اخسر و زادت كملاتها بهاد التصرف
عاصم بقا واقف جامد مزير على قبضة ايدو شوية زدح داك التيليفون بنفرزة و تبعها ناوي افرگع الرمانة و فينما بغات توصل توصل .. مزال مسولها باش تجاوبو على سؤالو لي خلاها تطيح عليه داك لباطل .. كان كيخطوي خطوات كبار نيشان لحديقة ممسوقش لا لجوهرة لي كتعيط ليه لا لياسين خوه لي بغا اسلم عليه حيت غبر عليهم .. عينيه كيشوفو غا حاجة وحدة و داكشي لي كان قشعها واقفة حدا شي وحدة فوق لخشبة و باه و خوه حداهم كيهدرو مع الصحافة لي كتصور فيهم .. باينة كيعلنو على شي خبر
بتاسم بمكر هادي هي لفرصة فين اضرب ضربتو و انتاقم منهم كلهم على التهمة لي كانو ناويين الصقوها فيه .. بحقد تقدم بخطواتو نيشان لخشبة و الصحافة كتصور فيه و تعاود بإهتمام جايهم لفضول ولد سي اسماعيل. عاصم لمصاوري حاضر لحفل من هاد النوع !
عاصم كيقرب لعندهم و سجى كتزيد تخبى مور نيهان مخلوعة حتى لفتات انتباه الصحافة .. بقات كتكحاز حتى ستغربات نيهان لي يله جات تنطق حسات بشي واحد نتر بنتها منها. علات عينيها مخرجاهم حتى كتشوف واحد بقاميجة كاروات و الطاگية فوق راسو شاد بنتها من دراعها و مزير عليها
نيهان مصدومة : شكاااديييير ؟؟؟!!.... طلااااق من بنتتتيييي
الصحافة وسعات عينيها من لخبر لي نطقات بيه نيهان داكشي علاش زادو كيتكاترو أضواء لكاميرا .. فرصة ثمينة باش عرفو لبنت لي معاها هي بنتها.
عمار مدهشر مفهم والو لكن بسرعة مشا لعند عاصم معصب : خوووياااا شكااادير ؟؟؟؟؟!!!
عاصم مكيسمع لحتى واحد و ممسوقش لداكشي لي داير بييه .. مبرد حتى هز ايدو لسما و نزل على سجى لحنكها عوجو ليها تعويجة خااايبة .. خلا كلشي مخرج عينيه مصدوم و مدهشر .. حتى من الصحافة سهات على التصوار و بقاو مفيكسيين كيشوفو فالبنت لي ضربها
نيهان مشعراتش براسها حتى هزات ايدها لسما كترعد ناوية تصرفقو .. لكن فآخر لحظة لقاتو شدها من معصمها و دفشها حتى جات على الأرض متألمة بصوت مرتفع
إسماعيل بالصدمة شد قلبو و لعرق كيخرج من جبينو .. صافي ولدو ايخرج عليه حتى تشدو كريز و امشي فيها كوما نيشان للقبر .
عاصم نزل على عمار بكروشي قدام الصحافة لي مفلتات حتى لقطة .. عاد تلافت لعند سجى لي كترعد كاملة و وجها كاع حمر إلا بلاصة التصرفيقة لي زراقت ليها فالبلاصة بلون داكن .. بغات ترجع باللور كترعد. جرها بعجرفة ناوي اهمس ليها لكن وقع لي مكانش كيخطر ليه على بال .. صدق جارها بالجهد حتى تشرگات ليها لكسوة على لحمها من لفوق
الصحافة شهقات مصدومة و لكاميرات خادمين كيفيلميو لا من ناحية الإعلام لا من ناحية لحضور لي مرفوع من تصرف ولد سي اسماعيل لمصاوري .. عارفين شخصيتو مفشكلة و لكن ماشي حتى لهاد الدرجة !
بسرعة لبرق تلاح لفيديو فمواقع التواصل الإجتماعي لي جامع لقطات التعنيف لي مارسهم عليها .. و فالحين بداو عدد لمشاهدات كيرتافعو و التعاليق كتكاتر شي كيقول هاد لبنت قاصر شي كيقول لا راه كبيرة .. شي كيقول هادي شنو كتجي لممثلة نيهان .. و كترات لبلابلا بلا حدود و شي كيشرق شي كيغرب و لفضول قاتلهم علاش حتى عاصم لمصاوري اضرب داك لبنت .. و هنا بداو السيناريوهات و صحاب لحسنات فالخدمة .. ها لي كينزل سطوريات كيقول وجهة نضرو و لفيو كيتكاترو .. ها لي كينزل بوسط فالفيسبوك كيألف قصة على ماضي عاصم لمصاوري مع هاد لقاصر ..
هادشي كامل ناض فمواقع التواصل الاجتماعي عكس لقصر و بالضبط لحديقة مصدر هاد الدراما كاملة لي وقعات و شوهات صمعة لعائلة
إسماعيل مخنزر فولدو لي شادينو لي كارد حاكمينو و نيهان كتفحص فبنتها بجنون و تسب مبقاتش كتعقل على لي حداها و لي داير بيها .. شركاتهم كلهم من الصغير لكبير مخلات حتى واحد .. من الصحافة كذلك مبقاتش مسوقة ليها
كتغطي فبنتها بهستيرية : هااااادشيييي مغاااديييش نسسسكتتت عليييه اسيي اسماعييل .. كنحلف ليييكممم حتى غااادييي تندموو كاملييين
عاصم يلله بغا اجاوبها لقا باه موجه صبعو ليه كتحدير و عينيه خارجين فيه : ويااااك تحل فمككككك وياااااك
و تلافت لعند الصحافة : حبسوووو نتووووماااا هااادشيييي و خرجووو عليااااا من هناااا ... إلا لقيت أي خبر شخصي خرج من هناا متلومو غا راسكممم
و سكت كيلهت و افور مفراسوش راه لخبر داار بوووم فالسوشل ميديا و لي عطا الله عطاه ..
الدنيا بدات كتخوة من لحضور و سي إسماعيل وجهو حمر مراضيش على لي وقع و صدرو كيطلع و اهبط
سجى كتبكي بهستيرية مخلوعة و كارزة على مها نيهان باغا تديها و هي لاصقة فبلاصتها مقدراش تحرك بالرعب لي شاد فيها
تلافتت بعصبية كتشوف فيهم غا عائلة لمصاوري لي بقاو و مول لفعلة واقف مضارب مع لي كارد كيتنتر منهم حيت حاكمينو تحت أوامر باه
بعصبية نطقات عاضة على سنانها : ماااشيي هادشيي علااش تافقناا اسي اسماعيل .. هااكة كتجازيونيي
عاصم بعصبية : و ربييي داك لق*** لي وااالدة
نيهان خرجات عينيها كترعد : مغاااديييش نضيع وقتي مع شمكار بحااالك .. لحبس هو لي ايربييك نتا مزال معرفتي راسك معامن
جوهرة تدخلات كتهدن فنيهان : اجي معايا ا آنسة نيهان لداخل .. اجيي شوفي لبنت مخلوعة بزاااف
نيهان شافت فيها داك الشوفة ديال واش من نيتك : متقيسينيش .. مبقات بيناتنا هدرة
وقفات بنتها بزز لي كترعد كلما تفكرت لحريق لي نايض ليها فوجها و خصوصاً فاش كتسمع صوت عاصم كيسب .. صافي كيجيها الشلل
عاصم بسخرية : دييي بنتككك و حيدي علينااا من هنااا
إسماعيل بصوت حاد : عااااااصممممم سسسسككككتتتت
سجى زادت قفزات على صوت سي إسماعيل .. وجها مخطوف منو اللون و هادشي ممولفاش بيه و معندهاش مناعتو بالمرة
جوهرة تدخلات كتهدن فالوضع و ياسين غا كيشوف من بعيد و اغزز فسنانو على خوه عاصم حيت بقات فيه لبنت و جاتو ماشي ديال هادشي
جوهرة : آنسة نيهان الله اخليك اجي دخلي .. تهدن لبنت شوية و سيرو .. على قبل سجى ماشي على قبلنا حنا
نيهان كتفور : مدام جوهرة مبغيتش نقلل الإحترام ولكن للأسف مبقاش الإحترام .. و هاد التعنيف لي تعنفات بنتي قدام لعلااام مغاديش نسكت عليه و كلكم اتدفعو الثمن ديالو
عمار كاز على ايدو و كيشوف لجيهة لخرى .. وجهو حمر و مراضيش .. كان ناوي على بلان صدق فبلان آخر و كاع أمنياتو تدمرو بسباب تهور عاصم
جوهرة كتسايس معاها بالهداوة عارفة كيفاش تسير هاد لمواقف : آنسة نيهان كون مكانتش كتهمني بنتك مغاديش نقوليك اجي ندخلو .. وسعيي خاطرك و يلله
بقات معاها عارفة كيفاش تهدر حتى دخلاتها لقصر هي و سجى
إسماعيل تلافت لعند عاصم لي جابد بريكة ناوي اشعل لگارو : شنوووو درررت ليييك حتى تدييير ليااا هاااد الشوووهة ؟؟؟ عاجبككك لحال دابا ؟؟!
عاصم ميل شفايفو بسخرية عاد شعل لكارو و خشاه ففمو ممسوقش لكلام باه حتى سكت شحال عاد نطق : مكنبغيش لي اظلمنيي
إسماعيل يله اينطق وقفو عليهم لبوليس .. هز حاجبو مصدوم : فاش نقدر نعاونكمم ؟
نطق واحد من لبوليس : عندنا أوامر باش نقبضو على عاصم لمصاوري بتهمة تعنيف قاصر
عاصم زاد شعل گارو آخر .. عرف راسو فوقما كيشوفها كترجع عليه بالنحس و شي موصيبة من لفوق
إسماعيل تلبك : كيفاش ! .. هادشي مكاينش شكون عطاكم هاد لخبر الزائف
لبوليسي : لفيديو داير ضجة فمواقع التواصل الإجتماعي حتى وصل الأمر للمنظمات الحقوقية و تدخلو .. خاص نديرو خدمتنا
تدخل عمار مخلي باه ملاهي مع نفسو لي تخنق . أما عاصم غا كيشوف و اكمي
شوية مشاو لبوليس عاد تلافت لعندهم عمار عاقد حواجبو : شفتييي اش درتيي دابا ؟؟؟
عاصم : بلاما تدير ليا فيها طرزان فياماتو حيت خليتيهم مشاو
عمار خنزر فيه : غدا خااص تمشي لمخفر .. لقضية اتولي قضية رأي عام ... كنا ناويين نسكتو نيهان بشي حل ارضي لجميع ساعة نتا خربتيها على راسك
عاصم عقد حواجبو كيسوط . تلافت لجيهة لخرى حتى نطق باه بجدية : دخل لقصر و طلع لبيتك نيشاان حتى نشوف هاد لموصيبة ديالك فين اتخرج
عاصم : مغاديش نبات هناا
إسماعيل بصرامة : عااصم بلامااا نسسخط علييك
زفر بعصبية عاد قلب الدورة داخل لداخل عاقد حواجبو بحاليلا باغي ازيد اكمل عليها .. كلما بانت فطريقو كلما زادت كفساتها عليه بحال شي لعنة تسلطات عليه
لفوق ..
سجى مكمشة فنيهان كتبكي و تنخصص كلما تفكرات شنو حاول ادير ليها .. عيات معاها مها تشرب كاس دلويزة بينما تهدنو أعصابها ساعة والو
جوهرة قطعات لمكالمة : هاهو الطبيب جااي .. خاص اضرب ليها شي برة باش تهدن
ياسين غا كيشوف شوية خرج عاقد حواجبو حتى تلاقا عاصم نيت جاي : علاااش ضربتيي لبنت و هي صغيرة ؟؟؟
عاصم شاف فيه داك الشوفة ديال واش من نيتك : بقيتي ليا غا نتا
ياسين بعصبية : ماشي من حقك تضربها .. لبنت مخلوعة و غا كتبكي
عاصم : شنو بغيتيني نمشي نمسح ليها دموعها ولاشنو؟
ياسين عقد حواجبو : واش عارف اشنو درتي ولا غا كتهدر بلاما تحلل تصرفاتك
عاصم هز حاجبو و فمو مكمش .. خنزر فيه و زاد : حتى تكمل 18 عام و اجي نهدرو
ياسين جمع ايدو على شكل قبضة عاصم كيعرف كيفاش استافزو بأقوالو : مبقيتش صغيير كتسسسسمع
عاصم مجاوبوش كمل طريقو عاقد حواجبو حتى وصل لبيتو .. حل لباب و دخل ساد عليه
داز لوقت ..
نيهان واقفة كترعد بعصبية و الطبيب عند راس سجى كيفحص فيها بإهتمام
جوهرة منعات راجلها و ولادها ادخلو لغرفة فهاد لجو حيت ممكن تشوفهم نيهان و تزيد تحقد مزال .. كتحس براسها فوضع صعب و خاص تحمي صمعة لعائلة بأي طريقة عاد تشوف مع عاصم فين ناوي اوصل بفعايلو
نيهان شافت الطبيب جمع لوقفة : دكتوور كيف دايرة حالة بنتيي ؟؟؟ متكذبش عليا و عطيني تقريرها حيت انحتاجو
جوهرة تنهدات عارفة نيهان بغات التقرير باش تدعي عاصم : نيهان تهدني انشالله اتكون بيخير
نيهان ميلات شفايفها قالبة عينيها بميوعة حتى نطق الطبيب عاد ركزات معاه : بنتك ا الآلة خاصها الراحة .. نفسيتها كتبان ليا ماشي حتى لهيه .. لمهم دابا ضربت ليها برة تهدن شوية و تنعس و بالنسبة لضرب لي فوجها انكتب ليك لبومادات لي ايخليوه امشي بسرعة
نيهان بحقد : لا غا خليهم انحتاجهم فالدلائل لي ايغرقو هاد الشمكار
جوهرة كرزات على راسها بزز باش متجاوبهاش .. كتحاول تفهم أنها أم و خايفة على بنتها .. بقات ساكتة حتى خرج الطبيب بالشنطة ديالو
نيهان تنهدات بتدمر عاد هزات تيليفونها مدوزة مكالمة مهمة : سي لمحامي .بغيتك ترفع ليا دعوة ضد ...
وسعات عينيها ملي حسات بالتيلي تنتر من ودنها ..تلافتت للخيال هازة حاجبها : شهااد لوقاحة الآلة جوهرة؟؟؟
جوهرة قطعات لخط : آنسة نيهان كنطلب منك تجلسي ترتاحي. . خاص نهدرو و كنواعدك لي بغيتيه من بعد هو لي ايكون و حتى إلا كنتي ناوية ترفعي دعوة قضائية مغاديش نحبسك .. جلسي نهدرو و خلي سجى ناعسة ترتاح حتى تفيق على خاطرها
نيهان عينيها غرغرو : بنتيي تهاانت الآلة جوهرة و فقصركم من لفوق .. يله فلتات من أزمة نفسية كبيرة كانت اتدخل فيها و غدا كان أول نهار ليها فالليسي .. واش دابا اتمشي هاكة لقرايتها؟ وااش شفتي حالتها كيف ولات لهدرة مكتهدرهاش غا كتبكي و مرعودة .. لغلط مني جيت لمغرب مكانش عليا نجيبها .. سجى بنت مسالمة و قلبها بيض و حنين بزاف و كتحتارم الأشخاص الآخرين .. و عمرها تحطت فشي موقف بحال هاكة و لكن داك ولدكم شنو دااار؟؟؟
جوهرة تنهدات : متفهمة هادشي كامل .. حتى انا أم و حسيت بيك .. دابا لي انقوليك هو اجي نخرجو من لبيت خليها ترتاح و نهدرو .. الله اخليك سمعي مني
نيهان شافت حتى عيات فالأخير خرجات مع جوهرة من لبيت و خلاو سجى بوحدها مغمضة عينيها وسط الناموسية و مغطية بليزار خفيف على جسمها لعاري حيت كسوتها تقطعات و مبقاتش صالحة بالمرة ..
تحت جو لهدوء لي ساد فالبيت ... تحل لباب و دخل بخطوات تابتة و محسوبة .. كلما كيقرب لناموسية كيتسمعو حس خطواتو حتى وصل لعندها .
ميل راسو لجنب كيطلع و اهبط فيها و عينيه كيمشيو لشعرها الناعم لي مطلوق على طولتو فوق لمخدة و جيهت عنقها لي تورمات بقبضة ايدو فاش قجها .. بتاسم بمكر عاد تحنة لعندها مطول الشوفة كيتمنضر فحنكها لي زرقو ليها .. حس براسو رد شوية من غليلو واخة مقنعوش اش دار فيها . مكرهش ازيد كتر داكشي علاش هبط ليزار على جسمها حتى بان صدرها بارز من السوتيان و كرشها لمرسومة بطريقة جدابة كتهيج رغبة اي رجل .. لكن رغبة عاصم هو ارد الضربة لنيهان حاليا .
دورها فراسو مزيان و لقا هاد لحل مناسب كتر .. باش اعلمها ضرس تطاول عليه و تسبو غادي استفزها غا بالفن و داكشي لي دار نيت .. جبد تيليفونو هاز حاجبو عاد جبد لكاميرا و قرب لسجى غارس راسو فعنقها و مخبي وجهو .. حتى ضمن انا وجها بوحدو لي كيبان عاد بدا كيصور فيهم صور مخلة بالحياء و جسم سجى كامل كيبان بالعلالي .
كمل عاد رجع جلس مبتاسم ابتسامة انتصار هاكة ايهددها كيف بغا إلا معطاتوش التيقار و دخلات سوق راسها .. بقا كيدوز فالصور وحدة بوحدة حتى سمع حس شي واحد
نطق موجه شاشة التليفون لوجهو : كيف جاوك التصاور ؟؟
عاصم خرج عينيه : ياسييين؟؟؟!!!
ياسين خشا التيليفون فجيبو : هاد التصويرة لي شفتي لحتها فالسوشل ميديا .. تخايل معايا وجهك و وجه لبنت كيبان و باش نزيد نشرح ليك كتر و تفهم مع نتا مكلخ شوية .. اووه سمح ليا اسي عاصم على لمصطلح و لكن بغيتك تعرف بأنه بنتي فلقطة ديال كتعدا على بنت و هي ناعسة .. مزيان نيت تشرش فالحبس قضية اغتصاب و اعتداء بالعنف هادشي واعر الصراحة .
عاصم خرج عينيه كيغلي .. عرف خوه صورو فاللقطة ديال سجى ناعسة و هو كيزول ليها ليزار من على لحمها